Komandanti i KFOR-it, gjeneralmajor Özkan Ulutaş, ka zhvilluar sot një takim me kryetarin e Komunës së Mitrovicës, Faton Peci, në ambientet e komunës.

Gjatë takimit, palët kanë diskutuar për situatën e përgjithshme të sigurisë, si dhe për çështje që ndikojnë drejtpërdrejt në funksionimin e komunave.

Gjeneralmajor Ulutaş ka theksuar përkushtimin e vazhdueshëm të KFOR-it për ruajtjen e një ambienti të sigurt dhe të qetë për të gjithë qytetarët që jetojnë në Kosovë.

Po ashtu, është theksuar se KFOR bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre përkatëse si reagues të sigurisë./Telegrafi/

Kristjan Asllani vijon të përflitet edhe sot në Turqi, për një kalim te Beshiktashi. Klubi turk e ka përfshirë mesfushorin e Kombëtares në planet e tij për merkaton e dimrit.

Ndryshe nga si ka ndodhur me klubet e tjera jashtë Italisë, Asllani është raportuar se e pranon një kalim te gjigantët turq. Beshiktashi është i njohur për legjionarët, pasi së fundmi aty ka luajtur Ernest Muçi që kaloi një periudhë të vështirë.

Asllani përfundoi në tribunë te Torino, përgjatë dy javëve të fundit. Marrëdhënia me trajnerin Marko Baroni solli ftohjen e mesfushorit shqiptar me torinezët.

Fakt është se Interi do të përfitonte për herë të dytë nga huazimi i Asllanit. Bashkë me huazimin do të ishte një opsion që i jep Beshiktashit të drejtën e blerjes.

The post Ja klubi turk që interesohet për Kristjan Asllanin appeared first on Albeu.com.

Kompania Rajonale e Ujësjellësit “Prishtina” ka vazhduar aksionet ndaj konsumatorëve me borxhe të papaguara, duke realizuar sot një aksion në qytetin e Drenasit.

Sipas njoftimit të KRU “Prishtina”, gjatë këtij aksioni janë shkyçur nga shërbimi i furnizimit me ujë konsumatorët të cilët nuk i kanë përmbushur obligimet financiare në përputhje me kontratat e lidhura me kompaninë.

Nga kompania bëhet e ditur se aksione të tilla do të vazhdojnë edhe në të ardhmen, me qëllim të rritjes së disiplinës së pagesave dhe funksionimit të qëndrueshëm të shërbimit të furnizimit me ujë për të gjithë konsumatorët. /Telegrafi/

Luksemburgu ka hyrë në histori, duke u bërë vendi i parë në botë që ofron transport publik falas në shkallë kombëtare.

Që nga rrugët urbane më të frekuentuara deri te zonat piktoreske rurale, banorët, udhëtarët ditorë dhe turistët mund të udhëtojnë pa pagesë me autobusë, tramvaje dhe trena të klasit të dytë në të gjithë territorin e vendit.

Kjo nismë konsiderohet një hap revolucionar, që jo vetëm po transformon lëvizjen e përditshme, por po ndryshon rrënjësisht edhe përvojën turistike në Luksemburg.

Reforma historike hyri në fuqi më 1 mars 2020, kur qeveria hoqi tarifat për të gjitha shërbimet e transportit publik brenda vendit.

Politika përfshin autobusët, tramvajet dhe trenat e klasit standard, ndërsa përjashton vetëm shërbimet e klasit të parë dhe linjat ndërkombëtare.

Për lëvizjet brenda kufijve kombëtarë, udhëtimi është plotësisht falas, pa bileta dhe pa barriera.

Vendimi për transport falas nuk ishte thjesht një masë sociale, por pjesë e një vizioni më të gjerë për një të ardhme më të gjelbër dhe më të aksesueshme.

Luksemburgu synon të ulë ndjeshëm trafikun e dendur, një problem i kahershëm në vend, si dhe të reduktojë emetimet e karbonit në përputhje me objektivat ambicioze klimatike.

Duke hequr pengesat financiare, qeveria po inkurajon qytetarët dhe vizitorët të zgjedhin transportin publik në vend të automjeteve private.

Për turizmin, kjo politikë ka pasur ndikim të menjëhershëm. Vizitorët mund të eksplorojnë lirshëm atraksionet kulturore dhe natyrore të vendit, pa u shqetësuar për koston e lëvizjes.

Nga qendra historike e Luksemburgut, e përfshirë në listën e Trashëgimisë Botërore të UNESCO-s, te fshatrat piktoreske dhe parqet natyrore në veri, transporti falas ka nxitur eksplorimin spontan dhe ka përmirësuar ndjeshëm përvojën turistike.

Një tjetër shtyllë kryesore e kësaj nisme është ndikimi mjedisor. Duke e bërë transportin publik zgjedhjen më të lehtë dhe më tërheqëse, Luksemburgu synon të ulë ndotjen e ajrit dhe emetimet nga automjetet private.

Kjo masë është pjesë e një strategjie më të gjerë për të arritur neutralitetin klimatik deri në vitin 2050, e cila përfshin edhe investime në autobusë elektrikë, infrastrukturë për biçikleta dhe zgjidhje të tjera të qëndrueshme të mobilitetit.

Autoritetet kanë theksuar se skema e transportit falas do të vazhdojë të përmirësohet. Planet për të ardhmen përfshijnë rritjen e frekuencës së shërbimeve, modernizimin e infrastrukturës dhe integrimin e mëtejshëm të mjeteve ekologjike të transportit, për të krijuar një sistem sa më efikas dhe funksional.

Modeli i Luksemburgut ka tërhequr vëmendjen ndërkombëtare dhe po shihet si burim frymëzimi për vende të tjera.

Ndërsa disa qytete evropiane kanë aplikuar transport falas në nivel lokal, Luksemburgu mbetet i pari që e ka zbatuar këtë politikë në shkallë kombëtare. Ky hap e pozicionon vendin si lider global në politikat e transportit të qëndrueshëm dhe turizmit të gjelbër.

The post Historike/ Luksemburgu, shteti i parë në botë që ofron transport publik falas në të gjithë vendin appeared first on Albeu.com.

UASHINGTON/GAZA, 21 janar /ATSH-DPA/- Qeveria amerikane ka akuzuar gjashtë organizata të ndihmës në Rripin e Gazës për lidhje sekrete me lëvizjen militante palestineze “Hamas”.

Organizatat e prekura janë “Waed Society Gaza”, “Al-Nur Society Gaza”, “Qawafil Society Gaza”, “Al-Falah Society Gaza”, “Merciful Hands Gaza” dhe “Al-Salameh Society Gaza”, sipas Zyrës së Kontrollit të Aseteve të Huaja në Departamentin Amerikan të Thesarit, në Uashington.

Organizatat akuzohen se pretendojnë se ofrojnë kujdes mjekësor për civilët palestinezë, ndërsa në fakt mbështesin krahun ushtarak të Hamasit.

“Natyra mashtruese e këtyre organizatave, të cilat përdorin mashtrimin për të mbledhur fonde nga donatorët ndërkombëtarë, tregon pabesinë e Hamasit dhe i privon civilët e pafajshëm nga kujdesi mjekësor që u nevojitet”, thuhet në deklaratën e Departamentit Amerikan të Thesarit.

Konferenca Popullore e Palestinezëve Jashtë Vendit është gjithashtu nën shqyrtimin e SHBA-së.

Zyrtarisht paraqitet si përfaqësuese e të gjithë palestinezëve, por SHBA-ja pretendon se kontrollohet në mënyrë klandestine nga Hamasi dhe ka mbështetur disa flotilje me ndihma në Gaza.

Autoritetet amerikane po planifikojnë të ngrijnë asetet e disa individëve.

Akuzat bazohen në dokumente të sekuestruara nga zyrat e Hamasit në Rripin e Gazës pas sulmeve të Hamasit ndaj Izraelit më 7 tetor 2023.

Vetë organizatat nuk kanë komentuar ende mbi akuzat, të cilat nuk mund të verifikohen në mënyrë të pavarur. //a.i/

The post UASHINGTON – SHBA-ja akuzon grupet e ndihmës në Gaza për lidhje të fshehta me Hamasin appeared first on Agjencia Telegrafike Shqiptare.

Mediumet turke kanë raportuar të hënën se sulmuesi i Besiktashit, Milot Rashica, ka zgjuar interesim serioz nga disa klube, përfshirë ekipe nga Gjermania dhe Arabia Saudite.

Edhe të mërkurën, mediat në Turqi kanë vijuar të shkruajnë për mundësinë e largimit të reprezentuesit të Kosovës nga klubi bardhezi, duke zbuluar tashmë edhe emrin e një klubi konkret të interesuar.

Sipas tyre, bëhet fjalë për Hoffenheimin, skuadër e Bundesligës, ku aktualisht aktivizohen me sukses tre futbollistë kosovarë: Fisnik Asllani, Leon Avdullahu dhe Albian Hajdari.

“Është mësuar se Hoffenheimi po përgatitet të paraqesë një ofertë zyrtare për sulmuesin kosovar të Besiktasit”, ka shkruar mediumi turk “Turkuva Radyolar”.

Rashica, 29 vjeç, është pjesë e Besiktashit që nga viti 2023, kur u transferua nga Norwich City për shumën prej 5 milionë eurosh.

Ai ka kontratë me klubin turk deri në verën e vitit 2027, ndërsa më herët në Turqi ka luajtur edhe për Galatasarayn. /Telegrafi/

Sipas dispozitës ligjore të miratuar, “një gazetar i punësuar ose i vetëpunësuar, i regjistruar dhe i njohur si i tillë në përputhje me legjislacionin në fuqi, pavarësisht nga shtetësia apo vendi ku ushtrohet aktiviteti, nuk mban përgjegjësi penale për veprën e shpifjes sipas këtij neni, për përhapjen me mirëbesim të të dhënave /thënieve ose çdo […]

The post Kuvendi miraton dekriminalizimin e shpifjes për gazetarët appeared first on Reporter.al.

Një ngjarje e rëndë ka ndodhur në Prrenjas.

Dyshohet se një 57-vjeçar është vetëhedhur nga ura e Bushtricës dhe për pasojë ka humbur jetën.

Grupi hetimor ndodhet në vendngjarje dhe po punon për zbardhjen e rrethanave të rastit.

/abcnews.al/

Këtë të mërkurë, një ngjarje e rëndë është shënuar në zonën e Bushtricës, ku një person rreth moshës 60-65 vjeç ka humbur jetën në rrethana tragjike.

Sipas informacioneve paraprake, dyshohet se shtetasi ka rënë nga Ura hekurudhore e Bushtricës dhe për pasojë ka ndërruar jetë në vend, mbi trasenë e rrugës automobilistike që kalon poshtë saj.

Në vendngjarje kanë mbërritur shërbimet e policisë dhe grupi hetimor, të cilët po punojnë për sqarimin e plotë të rrethanave dhe identifikimin e viktimës.

Trupi i pajetë është dërguar për veprime të mëtejshme procedurale.

Autoritetet po vijojnë hetimet, ndërsa pritet një njoftim zyrtar me detaje shtesë mbi këtë ngjarje.

The post E rëndë në Prrenjas, i moshuari bie nga ura e Bushtricës dhe humb jetën appeared first on Albeu.com.

28-vjeçari Andi Vokri, i cili akuzohet se vrau me çekiç 60-vjeçarin Petrit Ndou në Mamurras ka dhënë një tjetër dëshmi lidhur me ngjarjen. Para hetuesve ai ka deklaruar se ishte në gjendje të dehur dhe nuk mbante mend asgjë se çfarë kishte ndodhur apo nëse personi që ishte konfliktuar kishte ndërruar jetë ose jo. “Nuk mbaj mend se […]

The post Vrau me çekiç 60-vjeçarin në Mamurras, dëshmon sërish 28-vjeçari: Isha i dehur, nuk e mbaj mend appeared first on BoldNews.al.

Në verilindje të vendit janë rikthyer reshjet e dëborës, por me intensitet të ulët. Reshjet nisën në orët e para të mëngjesit.

Në qytet trashësia e dëborës është me rreth 2 deri 3 centimetra ndërsa në zonat malore deri në 10 centimetra. Problematikat e para kanë të bëjnë me qarkullimin rrugor në të gjitha akset. Në rrugën e Kombit mjetet e makineritë borëpastruese kanë përshkuar të gjithë gjatësinë e saj për pastrimin dhe trajtimin me kripë për të shmangur problematikat.

Edhe në rrugët e tjera nacionale është punuar nga operatoret për trajtimin e tyre me kripë dhe mbajtjen e situatës nën kontroll. Probleme ka në disa rrugë rurale në njesitë e thella administrative në Kukës Has e Tropojë. Komisioni i Emergjencave civile njoftoi se në disa fshatra mungon energjia elektrike.

Në Gjutaj të njësisë administrative Topojan është djegur transformatori.

I njëjti problem është edhe në fshatin Gdheshtë të njësisë administrative Malzi. Ndërprerje të herëpashershme ka edhe në disa fshatra në Kukës Has e Tropojë për të cilat grupet e punës të OSHË janë në terren për riparimin e defekteve.

PRISHTINË, 20 janar/ATSH/ Kosova dhe Bahamet kanë nënshkruar marrëveshje për heqjen e ndërsjellë të vizave për qytetarët e tyre, njoftoi Presidenca e Kosovëse të martën.

“Ky hap dëshmon përkushtimin e përbashkët për forcimin e partneritetit ndërmjet Kosovës e Bahamas dhe, mbi të gjitha, për forcimin e lidhjeve mes qytetarëve tanë, duke i afruar ata edhe më shumë me njëri-tjetrin”, njoftoi Presidenca në rrjetet sociale.

Heqja e vizave për qytetarët e tyre vjen një muaj pasi Bahamet e njohën pavarësinë e Kosovës.

Bahamet – vendi ishullor i Oqeanit Atlantik – u bënë vendi 121-të i botës që e njeh Kosovën.

Ky vend në Karaibe deri tani ka qenë në mesin e 106 vendeve të botës ku kosovarët detyrohen të pajisen me vizë para se të udhëtojnë për ta vizituar.

Tani, Bahamet janë vendi i 53-të në botë ku kosovarë mund të udhëtojnë lirshëm.

Në vitet e fundit vendime të ngjashme për t’ia hequr regjimin e vizave kosovarëve kishin marrë edhe Tajvani e Malajzia. /rel/

The post Kosova dhe Bahamas nënshkruajnë marrëveshje për heqjen e ndërsjellë të vizave appeared first on Agjencia Telegrafike Shqiptare.

Kosova dhe Bahamet kanë nënshkruar një marrëveshje për heqjen reciproke të vizave, duke mundësuar lëvizjen e lirë të qytetarëve të të dy vendeve.

Kjo u bë e ditur nga Presidentja e Kosovës, Vjosa Osmani përmes një postimi në Facebook.

Ajo theksoi se pas njohjes së Kosovës nga Bahamet dhe vendosjes së marrëdhënieve diplomatike në dhjetor, ky ishte hapi i radhës për forcimin e partneritetit ndërmjet dy shteteve.

“Marrëveshja dëshmon përkushtimin e përbashkët për forcimin e lidhjeve ndërmjet qytetarëve tanë, duke i afruar ata edhe më shumë me njëri-tjetrin”, tha Osmani.

Marrëveshja do të mundësojë lëvizjen e lirë të qytetarëve të Kosovës dhe Bahamasit, duke përforcuar lidhjet ekonomike, kulturore dhe diplomatike mes dy vendeve.

Bahamet - vendi ishullor i Oqeanit Atlantik – u bënë vendi 121-të i botës që e njeh Kosovën.

Ky vend në Karaibe deri tani ka qenë në mesin e 106 vendeve të botës ku kosovarët detyrohen të pajisen me vizë para se të udhëtojnë për ta vizituar.

Tani, Bahamet janë vendi i 53-të në botë ku kosovarë mund të udhëtojnë lirshëm./Telegrafi.

Charalampos Kostoulas vazhdon të mahnisë në Ligën Premier. Sulmuesi i Brighton vendosi në barazim ndaj Bournemouth me një realizim spektakolar, duke konfirmuar pse konsiderohet një nga talentet më premtuese të futbollit evropian.

Ishte minuta e 90-të dhe 20 sekonda kur Kostoulas (Athinë, 30 maj 2007) ndaloi kohën në stadiumin Falmer. I transferuar këtë verë nga Olympiacos për 35 milionë euro, ai mori topin nga Van Hecke, e kontrolloi me gjoks dhe e dërgoi në rrjetë me një goditje akrobatike me biçikletë, duke i siguruar Brighton një pikë në barazimin 1-1 ndaj Bournemouth.

Një moment magjik që i dha edhe më shumë kuptim nofkës së tij tashmë të famshme, “Babistuta”.

“Ka shënuar edhe gola më të bukur”

Kapiteni i Brighton, Lewis Dunk, nuk e fshehu entuziazmin pas ndeshjes, ku ky gol i bukur solli barazimin në një ndeshje derbi.

“Ai ka shënuar gola edhe më të bukur në stërvitje, por ky ishte i pabesueshëm. Kostoulas është një talent i veçantë. Kemi parë vetëm disa momente nga ai, ka ende shumë për të zbuluar”, u shpreh Dunk.

Edhe vetë Kostoulas e pranoi se ky nuk ishte rasti i parë që tentonte një përfundim të tillë.

“Dunk më ka parë ta bëj shumë herë në stërvitje. Më pëlqen kjo mënyrë e të shënuarit. Këtë herë topi përfundoi në rrjetë dhe jam i lumtur, edhe pse rezultati mund të ishte më i mirë”, deklaroi 18-vjeçari.

Deri tani, Kostoulas ka regjistruar dy gola dhe një asist në vetëm 270 minuta lojë në Ligën Premier.

Një moment historik në Ligën Premier

Goli i tij i mëparshëm, në humbjen 4-2 ndaj Manchester United, u shoqërua me një statistikë historike: për herë të parë në Ligën Premier, James Milner asistoi një lojtar që nuk kishte lindur ende kur ai kishte debutuar.

“Përshtatem çdo ditë. Më pëlqen të luaj në disa pozicione, por mbi të gjitha të jem në fushë dhe të ndihmoj ekipin”, thekson Kostoulas.

“Një mrekulli e natyrës”

Drejtori sportiv i Olympiacos, Darko Kovaçeviç, e ka përshkruar talentin grek si një “mrekulli të natyrës”. Kostoulas debutoi me ekipin e parë të Olympiacos në vitin 2024 nën drejtimin e Jose Luis Mendilibar dhe, në moshën 17 vjeç, pesë muaj e 11 ditë, u bë golashënuesi më i ri në historinë e klubit në Superligën Greke.

Ai realizoi shtatë gola në 1.891 minuta me ekipin e parë, ndërsa pesë golat dhe dy asistet në tetë ndeshje ndihmuan Olympiacos të bëhej klubi i parë grek që fitoi Ligën e Kampionëve për të Rinj.

Pse “Babistuta”?

Nofka “Babistuta” lidhet pjesërisht me emrin e tij, pasi “Babis” është shkurtim i Charalampos. Stili i lojës, megjithatë, flet vetë: edhe pse babai i tij Athanasios ishte mbrojtës, Kostoulas është një finalizues i lindur.

Te Olympiacos ai luante si qendërsulmues, sulmues i dytë apo edhe anësor. Është i fortë në ajër (1.85 m i gjatë), i shpejtë, teknik dhe i rrezikshëm nga distanca, duke arritur një shpejtësi maksimale prej 36 km/orë.

Siç thotë Lewis Dunk, në Ligën Premier për Kostoulas “ka ende shumë për të zbuluar” – dhe gjithçka tregon se historia e “Babistutës” sapo ka filluar. /Telegrafi/

TIRANË, 20 janar /ATSH/ Federata e Futbollit po vijon punën për modernizimin e infrastrukturës sportive në të gjithë vendin, duke ndërtuar stadiume dhe fusha të reja si edhe duke rikonstruktuar impiante ekzistuese me qëllim krijimin e kushteve dinjitoze për zhvillimin e futbollit shqiptar.

Një nga projektet më të rëndësishme në proces është ndërtimi i stadiumit të ri në Valias të Kamzës. Punimet kanë nisur në muajin shtator dhe po ecin me ritme të shpejta.

Përfaqësues të FSHF-së, të angazhuar në ndjekjen e të gjitha fazave të projektit zhvilluan së fundmi një inspektim në kantier për të ndjekur nga afër ecurinë e punimeve.

Deri më tani ka përfunduar karabinaja e stadiumit, ndërsa puna ka avancuar edhe në shtresat e bazamentit të fushës. Stadiumi do të jetë i Kategorisë së 1-rë dhe do të ketë një kapacitet prej rreth 1400 vendesh për tifozët.

Federata e Futbollit ka marrë përsipër shtrimin e fushës me tapet artificial, vendosjen e portave, si edhe pajisjen me makineri të posaçme për mirëmbajtjen e saj, duke garantuar standarde të larta dhe kushte optimale për aktivitetet sportive që do të zhvillohen në këtë impiant të ri.

1 nga 4

/gj.m/j.p/

The post Stadiumi i ri i Valiasit në fazë të avancuar punimesh appeared first on Agjencia Telegrafike Shqiptare.

Fitorja minimale e Besiktasit ndaj Kayserisporit nuk e ka bindur ish-futbollistin e njohur turk, Nihat Kahveci, i cili ka shprehur hapur pakënaqësitë e tij për paraqitjen e skuadrës bardhezi, pavarësisht tri pikëve të fituara.

Besiktasi të hënën triumfoi 1:0 ndaj Kayserisporit, falë golit të shënuar nga El Bilal Toure në minutën e 95-të të ndeshjes.

Megjithatë, sipas Kahvecit, loja e zhvilluar nga ekipi nuk ishte në nivelin e duhur dhe shfaqi shumë mangësi, veçanërisht në repartin ofensiv.

Ish-sulmuesi i kombëtares turke dhe i Besiktasit ndali vëmendjen edhe te sulmuesi i Kosovës, Milot Rashica, për të cilin pati kritika të drejtpërdrejta.

Kahveci e krahasoi paraqitjen e Rashicës me periudhën kur Ricardo Quaresma ishte pjesë e Besiktasit, duke lënë të kuptohet se ndikimi i tij në lojë nuk po është ai që pritej.

“Duke e parë Rashicën sot, disa mund të thonë se Quaresma duhet të kthehet në futboll. Rashica mund të jetë i dobishëm si lojtar mbështetës në një ekip të fortë, por nëse i jepet rol udhëheqës, ai nuk arrin të japë maksimumin. Është e pamundur të kuptohet pse trajneri Sergen Yalçin e mbajti Rashicën në lojë deri në minutën e 71-të, kur ai nuk po paraqitej mirë”, ka thënë Kahveci.

Milot Rashica, 29 vjeç, ka regjistruar dy gola dhe tri asistime në të gjitha garat me fanellën e Besiktasit.

Pavarësisht kritikave, ai mbetet një nga lojtarët më të përfolur në skuadër. /Telegrafi/

Shtohet avioni i 4-t në bazë 400 milionë dollarë investime 20 linja të reja 50% rritje për 2026 (Verë 2026)

Ryanair, linja ajrore me kosto të ulët në Shqipëri, njoftoi sot (e martë, 20 janar) se do të shtojë në bazën e Tiranës avionin e katërt B737-800 nga prilli 2026 (investim prej 400 milionë dollarë) dhe do të hapë 20 linja të reja direkte, si Alghero, Baden-Baden, Eindhoven, Genoa, Memmingen, Parma dhe Wroclaw, përveç 23 linjave ekzistuese për sezonin Verë 2026 (gjithsej 43 linja). Ky zgjerim do të krijojë mundësinë për mbi 3,000 vende të reja pune dhe 120 pozicione me paga të larta për pilotë dhe ekuipazh kabine të Ryanair në Tiranë.

Ky investim prej 400 milionë dollarë i Ryanair në Tiranë është rezultat i drejtpërdrejtë i politikës proaktive të qeverisë shqiptare për heqjen e taksave të aviacionit dhe i rritjes së suksesshme të Aeroportit të Tiranës. Ryanair do të sjellë një rritje trafiku prej 50% dhe 4 milionë pasagjerë në vitin 2026.

Programi i Ryanair për Tiranën gjatëveres 2026 do të ofrojë:

• 4 avionë me bazë operative– investim 400 milionë dollarë
• 43 linja, 20 prej tyre të reja
• Rritje trafiku në 4 milionë pasagjerë/vit (+50%)
• Mbështetje për mbi 3,000 vende pune në Shqipëri
• Zgjedhjen më të mirë të fluturimeve me tarifa të ulëta për qytetarët dhe vizitorët

Gjatë 5 viteve të ardhshme, Ryanair do të vijojë të investojë në Shqipëri, për ta çuar deri në 6 numrin e avionëve B737 me bazë operative në Tiranë (investim 600 milionë dollarë), duke u rritur në mbi 6 milionë pasagjerë në vit, operuar me mbi 60 linja, mbështetur mbi 4,000 vende pune deri në vitin 2030 dhe duke vazhduar bashkëpunimin e suksesshëm me Aeroportin e Tiranës dhe qeverinë shqiptare përsa i përket infrastruktures dhe taksave aeroportuale.

Për të festuar avionin e 4-rt dhe 20 linjat e reja nga/drejt Tiranës për verën e 2026, Ryanair ka nisur një ofertë 3-ditore me 100,000 bileta në shitje duke filluar nga 29.99 €, të disponueshme për rezervim nga sot përmes aplikacionit Ryanair.

CEO i Ryanair, Michael O’Leary, deklaroi:

“Si linja e vetme ajrore me kosto te ulët në Shqipëri, Ryanair ka kënaqësinë të njoftojë avionin e 4-rt me bazë operative në Tiranë për S26, i cili do të zgjerojë pjesën e tregut të Ryanair në Shqipëri me 43 linja për Verën 2026, përfshirë 20 linja të reja drejt destinacioneve si Alghero, Baden-Baden, Eindhoven, Genoa, Memmingen, Parma dhe Wroclaw. Ky investim rekord prej 400 milionë dollarë dhe rritja rekord e trafikut prej 50% në 4 milionë pasagjerë për Tiranën, është rezultat i drejtpërdrejtë i politikës proaktive të Shqipërisë për heqjen e taksave të udhëtimit dhe i kostove më të ulëta të aeroportit, të mundësuara nga skemat e suksesshme stimuluese të rritjes.”

20 linjat e reja Verë 2026: Alghero, Genoa, Pescara, Baden-Baden, Liverpool, Poznan, Birmingham, Malta, Trieste, Bratislava, Memmingen, Torino, Dublin, Milano (M), Verona, Eindhoven, Napoli, Wroclaw, Gdansk, Parma.

Rritja rekord e Ryanair në Tiranë për vitin 2026 i ofron Shqipërisë një mundësi unike për t’u kthyer në tregun me rritjen më të shpejtë të trafikut ajror dhe turizmit në Europë. Ryanair planifikon të rritet në mbi 6 milionë pasagjerë në vit dhe të zgjerojë bazën deri në 6 avionë në Tiranë me një investim prej 600 milionë dollarë deri në vitin 2030, duke ofruar mbi 60 linja me tarifa të ulëta, në mënyrë që Shqipëria të vazhdojë politikën e taksës zero për aviacionin dhe Tirana të ruajë kostot aktuale të ulëta të aksesit përmes skemave stimuluese të rritjes.

Shefi i Operacioneve të Aeroportit Ndërkombëtar të Tiranës, z. Piervittorio Farabbi, u shpreh:

“Zgjerimi i bazës së Ryanair në Tiranë është një dëshmi e fortë e partneritetit tonë dhe e ambicies sonë të përbashkët për rritje të qëndrueshme. Duke kombinuar rrjetin dhe eksperiencën e Ryanair me kapacitetet në rritje të shpejtë të Aeroportit Ndërkombëtar të Tiranës, të nxitura nga investimet strategjike të Grupit Kastrati në infrastrukturë, teknologji dhe ekselencë operacionale, ne po krijojmë mundësi të reja për turizmin, biznesin dhe zhvillimin ekonomik në të gjithë Shqipërinë dhe rajonin.”/abcnews.al

Java e 20-të në La Liga ka sjellë një formacion të fortë nga Sofascore, plot emra vendimtarë, por vëmendja kryesore shkon te Vedat Muriqi. Sulmuesi kosovar i Mallorcës ka qenë protagonist absolut, duke u vlerësuar me notën 8.8, një nga më të lartat e javës.

Sulmuesi i kombëtares së Kosovës, Muriqi konfirmoi edhe një herë rolin e tij kyç në skuadër.

Dominues në zonë, vendimtar në duele dhe lider në sulm, duke bërë që pas het-trikut ndaj Athletic Bilbaos ta marrë një vend të merituar në formacionin e javës në La Liga.

Muriqi flet për het-trikun ndaj Bilbaos dhe të ardhmen e tij

Në repartin sulmues, Muriqi shoqërohet nga Ante Budimir me notë 9.0, ndërsa prapa tyre spikat ylli i Barcelonës, Lamine Yamal, me notën më të lartë të javës, 9.2.

Mesfusha kompletohet nga Bryan Zaragoza (8.3), Pablo Fornals (8.3) dhe Aleix Febas (8.0), që garantuan balancë dhe ritëm.

Në mbrojtje, stabiliteti u sigurua nga Jose Gaya (8.2), Daley Blind (8.1), Raul Asencio (8.7) dhe Aitor Ruibal (8.3).

Në portë shkëlqeu bashkëlojtari i Muriqit, Leo Roman, i cili mori notën maksimale 10, pas një performance perfektë ndaj Bilbaos. /Telegrafi/

Shtetasi Andi Vokri 28-vjeç, i cili akuzohet se vrau me çekiç 57-vjeçarin Petrit Ndou në Mamurras, ka dhënë dëshminë e tij paraprake lidhur me ngjarjen.

Para hetuesve, ai ka deklaruar se nuk donte ta vriste dhe se situata i ka dalë jashtë kontrollit.

“Nuk doja ta vrisja, ishte konflikt i çastit dhe situata më doli nga kontrolli”, ka deklaruar 28-vjeçari në komisariat.

Ngjarja ndodhi pak pas mesnate rreth orës 00:40, në aksin rrugor Mamurras–Fushë Krujë, pranë mbikalimit të fshatit Bushnesh, ku 28-vjeçari Andri Vokri, pas një sherri të çastit ka goditur për vdekje 57-vjeçarin Petrit Ndou.

Dyshohet se fillimisht mes tyre ka pasur një konflikt verbal me sharje dhe fyerje dhe më pas Vokri e ka goditur disa herë me çekiç në kokë dhe trup viktimën.

Rreth orës 00:40, në aksin rrugor Mamurras–Fushë Krujë, pranë fshatit Bushnesh për motive të dobëta ka ndodhur një konflikt midis dy drejtuesve të mjeteve, ku si pasojë ka gjetur vdekjen shtetasi Petrit Ndou rreth 57-vjeç.

Autori i dyshuar i ngjarjes është shtetasi Andi Vokri, 28-vjeç, banues në Thumanë, Mamurras, i cili u arrestua në flagrancë nga policia menjëherë pas ngjarjes”,- njoftoi policia.

The post Më doli situata jashtë kontrollit/ Vrau 57-vjeçarin në Mamurras, zbardhet dëshmia e autorit appeared first on Albeu.com.

Personi që shikoni në foton e mësipërme është Petrit Ndou, 60-vjeçari i cili u godit me çekiç për vdekje, pas një sherri për motive të dobëta në Mamurras. Ngjarja ndodhi rreth orës 00:40, pranë fshatit Bushnesh, ku Ndou është konfliktuar pas një aksidenti me shtetasin Andi Vokri, 28 vjeç. Debati ka agravuar dhe Vokri e […]

The post Del FOTO/ Ky është 60-vjeçari që u vra me çekiç në Mamurras appeared first on BoldNews.al.