Moti i keq ka shkaktuar ndërprerje të udhëtimeve në të gjithë Europën. Aeroporti i Amsterdami, Schiphol, ka anuluar më shumë se 700 fluturime dhe të tjera mund të anulohen në vazhdim.

Në Paris aeroporti Sharl dë Gol u detyrua të anulojë 100 nga fluturimet e tij, ndërsa aeroporti Orli anuloi 40 të tjera.

Disa trena të Eurostar janë anuluar këtë të mërkurë duke përfshirë shërbimet nga Stacioni i Londrës për në Stacionin Qendror të Amsterdamit, Stacionin Qendror të Roterdamit dhe Stacionin Gar dy Nor të Parisit. Rrjeti i trenave tha se ndërprerjet do të vazhdojnë edhe të enjten.

Në Mbreterinë e Bashkuar temperaturat kanë rënë ndjeshëm dhe në Skoci është në fuqi një alarm I verdhë për reshje bore dhe ngrica si pasojë e stuhisë Goretti.

Banorët janë paralajmëruar për ndërprerje të udhëtimeve dhe energjisë elektrike.

Ndërkohë pesë persona kanë humbur jetën në Francë dhe një grua në Bosnje. Në Francë vdekjet ishin shkak i aksidenteve rrugore për shkak të ngricave, ndërsa në Sarajevë një grua humbi jetën në spital pasi u godit nga një pemë që u rrëzua nga pesha e reshjeve të borës./abcnews.al

TIRANË, 6 janar/ATSH/ Tirana International Airport (TIA) njofton se për shkak të kushteve të pafavorshme të motit, disa fluturime mund të pësojnë ndryshime në oraret e parashikuara.

Sipas TIA-s, operacionet në aeroport vazhdojnë normalisht, ndërsa stafi është në koordinim të vazhdueshëm për të siguruar mbarëvajtjen e shërbimeve dhe për të garantuar sigurinë e pasagjerëve.

Pasagjerëve u rekomandohet të kontrollojnë statusin e fluturimit të tyre përpara nisjes dhe të qëndrojnë në komunikim të drejtpërdrejtë me linjën ajrore për çdo përditësim të mundshëm.

/a.f/r.e/

The post TIA: Fluturimet mund të ndryshojnë orar për shkak të motit të keq appeared first on Agjencia Telegrafike Shqiptare.

Për shkak të kushteve të pafavorshme atmosferike, shumica e fluturimeve në Rinas kanë vonesa, siç njoftoi zyrtarisht aeroporti. Burimet thonë se vonesat në orare lidhen kryesisht edhe me shkreptimat që vështirësojnë fluturimet. Ndërkohë mësohet se 4 itinerare janë anuluar, nisjet nga Tirana për në Milano, Venezia dhe Rimini, që ishin në orët e paradites dhe një […]

The post Fluturime të anuluara dhe vonesa, moti i keq ‘prek’ Rinasin! appeared first on BoldNews.al.

AMSTERDAM, 4 janar /ATSH -DPA/ – Dëbora dhe akulli po shkaktojnë ndërprerje të rënda të trafikut ajror në aeroportin Schiphol të Amsterdamit gjatë fundjavës.
Ashtu si të premten, të shtunën edhe sot  ka vonesa dhe anulime të shumta fluturimesh për shkak të kushteve dimërore dhe nevojës për shkrirjen e akullit të avionëve, njoftoi aeroporti.

Vetëm linja ajrore holandeze KLM anuloi dje mbi 200 fluturime, ndërsa sot pritet të anulohen pothuajse 300 fluturime, raportoi agjencia holandeze e lajmeve ANP duke cituar KLM-në.

Ndërkohë, pati gjithashtu ndërprerje dhe anulime në qarkullimin rrugor dhe hekurudhor në Holandë.

Autoritetet u bënë thirrje qytetarëve të tregojnë kujdes. /Ad.Ab./

The post HOLANDÊ – Moti i keq paralizon aeroportin Schipol, qindra fluturime të anulluara appeared first on Agjencia Telegrafike Shqiptare.

NJU JORK, 28 dhjetor /ATSH-ANSA/ – Një stuhi dëbore ka shkaktuar ndërprerje të trafikut në një nga fundjavat më të ngarkuara të vitit në Nju Jork dhe në verilindje të Shteteve të Bashkuara.

”Sky News” raportoi në faqen e saj të internetit se është shpallur gjendje e jashtëzakonshme në Nju Jork dhe Nju Xhersej.

”Moti i keq ka shkaktuar tashmë ndërprerje të konsiderueshme për ata që udhëtojnë për festat e Krishtlindjeve, me të paktën 9 000 fluturime të anuluara ose të vonuara që nga mbrëmja e së premtes”, sipas shërbimit të ndjekjes së fluturimeve ”FlightAware”.

Aeroportet ”John F. Kennedy International”, ”Newark Liberty International” dhe ”LaGuardia” kanë postuar në mediet sociale alarme për dëborë duke paralajmëruar se moti mund të shkaktojë ndërprerje të mëtejshme të fluturimeve./  a.jor.

The post NJU JORK – Një stuhi dëbore anulon 9 000 fluturime dhe detyron shpalljen e gjendjes së jashtëzakonshme appeared first on Agjencia Telegrafike Shqiptare.

Një stuhi e fuqishme dimërore ka goditur verilindjen e Shteteve të Bashkuara, duke paralizuar jetën në qytetin e Nju Jorkut dhe zonat përreth, ndërsa autoritetet kanë shpallur gjendje të jashtëzakonshme në New Jersey. Reshjet e dendura të borës dhe temperaturat e ulëta kanë shkaktuar kaos në transport, veçanërisht në trafikun ajror. Sipas të dhënave nga […]

The post Stuhia e fortë paralizon Nju Jorkun, anulohen mijëra fluturime appeared first on BoldNews.al.

Mijëra fluturime janë anuluar ose kanë pësuar vonesa në Shtetet e Bashkuara, ndërsa rajoni verilindor po përgatitet për një stuhi të fortë dimërore, në kulmin e sezonit të udhëtimeve për festat.

Sipas faqes së ndjekjes së fluturimeve FlightAware, deri të premten në mbrëmje janë anuluar rreth 1.600 fluturime, ndërsa 7.400 të tjera kanë pësuar vonesa. Aeroportet më të prekura janë John F. Kennedy, Newark Liberty dhe LaGuardia, që shërbejnë zonën e New Yorkut.

Probleme me fluturimet janë raportuar gjithashtu në Boston, Chicago dhe Toronto në Kanada. Nga kompanitë ajrore, JetBlue ka anuluar 229 fluturime, Delta Air Lines 241, ndërsa Republic Airways dhe Southwest Airlines kanë anuluar përkatësisht 180 dhe 151 fluturime. Edhe American Airlines dhe United Airlines kanë anuluar rreth 100 fluturime secila.

Aeroportet u kanë bërë thirrje udhëtarëve, përmes rrjeteve sociale, që të kontrollojnë statusin e fluturimeve të tyre me kompanitë ajrore përpara udhëtimit.Guvernatorja e New Yorkut, Kathy Hochul, u ka kërkuar qytetarëve të shmangin udhëtimet e panevojshme. Ajo theksoi se, në rast se udhëtimi është i domosdoshëm, qytetarët duhet të planifikojnë me kujdes, të lëvizin ngadalë dhe të lënë më shumë kohë për të mbërritur në destinacion në mënyrë të sigurt. Paralajmërime të ngjashme janë dhënë edhe nga guvernatorët e New Jersey dhe Connecticut.

NJU JORK, 27 dhjetor /ATSH-DPA/- Një stuhi dimërore që solli reshje të dendura dëbore ka çuar në anulimin e qindra fluturimeve në Nju Jork dhe në të gjithë SHBA-në verilindore.

Sipas “FlightAware”, e cila monitoron trafikun në hapësirën ajrore të SHBA-së, dje u anuluan 1,659 fluturime në të gjithë vendin – gati 10 herë më shumë se numri i regjistruar një ditë më parë.

Një paralajmërim për stuhi dimërore mbetet në fuqi për rajonin deri sot pasdite. Shi i ngrirë u parashikua gjithashtu në disa vende.

Moti i keq përfshiu vendin gjatë periudhës së udhëtimeve pas Krishtlindjeve, kur miliona njerëz janë në lëvizje.

Shërbimi Kombëtar i Motit parashikoi deri në 13 centimetra dëborë për qytetin e Nju Jorkut,  dhe deri në 28 centimetra në zonat në veri dhe verilindje të qytetit.

Zyrtarët e qytetit u bënë thirrje banorëve të shmangnin udhëtimet e panevojshme dhe të qëndronin në shtëpi.

Sipas raporteve të medias, stuhia mund të sjellë reshjet më të dendura të dëborës në qytet në tre vjet.

“FlightAware” raportoi se tre aeroportet kryesore të Nju Jorkut – “John F. Kennedy” “International”, “LaGuardia” dhe “Newark Liberty International” në Nju Xhersin fqinj – ishin ndër më të goditurat, me një total prej 886 fluturimesh të anuluara.

Dhjetëra fluturime të tjera të anuluara u raportuan në aeroportet në Filadelfia dhe Baltimore, si dhe në Toronto, qendra më e madhe e biznesit e Kanadasë. //a.i/

The post NJU JORK – Mijëra fluturime anulohen për shkak të stuhisë dimërore në verilindje të SHBA-së appeared first on Agjencia Telegrafike Shqiptare.

Autoriteti italian i konkurrencës ka gjobitur Ryanair me 256 milionë euro për abuzim me pozicionin e saj dominues në treg, për të kufizuar shitjet e biletave nga agjentët e udhëtimit online. Autoriteti tha se linja ajrore më e madhe e Evropës “zbatoi një strategji abuzive për të penguar agjentët e udhëtimit” përmes një “strategjie komplekse” […]

The post Italia gjobit ‘Ryanair’ me 256 milionë euro, shkak abuzimi me dominimin në treg! appeared first on BoldNews.al.

Aeroporti Ndërkombëtar i Tiranës (TIA) dhe Air Transat kanë kënaqësinë të njoftojnë hapjen e linjës së parë direkte pa ndalesë midis Tiranës dhe Torontos, duke shënuar një moment historik për aviacionin shqiptar. Ky shërbim shënon fluturimin e parë transoqeanik nga TIA dhe lidhjen e parë ajrore direkte midis Shqipërisë dhe rajonit të Atlantikut të Veriut.

Fluturimi inaugurues nga TIA do të realizohet më 19 qershor 2026, në orën 15:00, ndërkohë që fluturimi i parë nga Toronto është parashikuar në 18 qershor 2026, në orën 22:00. Avioni që do të operojë këtë linjë do të jetë një Airbus A330-200, me një kapacitet prej rreth 350 vendesh. Fluturimet do të vijojnë gjatë sezonit veror deri më 9 tetor 2026, me një frekuencë javore.

Linja e re ajrore i përgjigjet kërkesave në rritje për fluturime direkte jo vetëm mes Shqipërisë, por edhe vendeve të rajonit dhe Kanadasë. Vlerësohet se rreth 60 mijë pasagjerë në vit lëvizin në këtë drejtim, kryesisht për turizëm, vizita familjare dhe për nevojat e komuniteteve të diasporës.

Në Kanada jeton një komunitet i gjerë i diasporës shqiptare dhe asaj rajonale, të cilët prej vitesh kanë pasur nevojë për një lidhje ajrore direkte me Shqipërinë. Fluturimi Tiranë–Toronto e thjeshton ndjeshëm udhëtimin, duke e bërë atë më të shpejtë dhe më praktik për pasagjerët.

Kjo linjë gjithashtu pritet të ndikojë pozitivisht për zhvillimin e turizmit, aktivitetin e biznesit dhe në shkëmbimet kulturore, ndërsa Tirana forcon më tej rolin e saj si një pikë lidhëse ajrore për rajonin.

Hapja e këtij destinacioni është rezultat i bashkëpunimit të ngushtë dhe efektiv ndërmjet Aeroportit Ndërkombëtar të Tiranës dhe Air Transat, duke reflektuar një angazhim të përbashkët për zgjerimin e lidhjeve ajrore dhe përgjigjen ndaj kërkesës së tregut me shërbime ajrore cilësore dhe të besueshme. Angazhimi i Qeverisë Shqiptare dhe koordinimi i ngushtë i autoriteteve shtetërore ishte vendimtar në finalizimin e marrëveshjes së lidhjes ajrore ndërmjet Shqipërisë dhe Kanadasë në një kohë rekord.

Hapja e linjës Tiranë–Toronto është bërë e mundur edhe falë investimeve të vazhdueshme të Grupit Kastrati në modernizimin e Aeroportit Ndërkombëtar të Tiranës, të cilat kanë siguruar kapacitetet infrastrukturore dhe operacionale të nevojshme për këtë destinacion ndërkontinental.

Drejtori i Operacioneve i Aeroportit Ndërkombëtar të Tiranës, z. Piervittorio Farabbi, u shpreh:

“Hapja e linjës Tiranë–Toronto me Air Transat është një arritje madhore për TIA-n dhe për Shqipërinë. Ky është shërbimi ynë i parë transoqeanik dhe lidhja jonë e parë direkte me Atlantikun e Veriut. Ne përgëzojmë Air Transat për besimin dhe falënderojmë të gjitha ekipet dhe palët e përfshira për bashkëpunimin e shkëlqyer. Së bashku, po hapim horizonte të reja për pasagjerët, turizmin dhe lidhjet ekonomike ndërmjet Shqipërisë, rajonit dhe Kanadasë.”

“Jemi krenarë që bëhemi linja ajrore e parë që ofron shërbim direkt pa ndalesë midis Amerikës së Veriut dhe Shqipërisë,” tha Sebastian Ponce, Drejtor i të Ardhurave në Transat. “Kjo linjë do të mbështesë rritjen e turizmit në Shqipëri dhe Ballkan, ndërsa do t’u ofrojë pasagjerëve në rajon akses të lehtë drejt Kanadasë dhe lidhje të mëtejshme në të gjithë Amerikën e Veriut përmes rrjetit tonë dhe partneritetit me Porter Airlines.”

Linja Tiranë–Toronto forcon më tej rrjetin në zgjerim të TIA-s dhe nënvizon fokusin strategjik të aeroportit në rritjen afatgjatë, përmirësimin e lidhshmërisë dhe zhvillimin e Tiranës si një nyje kyçe e aviacionit për rajonin.

Rreth Aeroportit Ndërkombëtar të Tiranës (TIA)
Aeroporti Ndërkombëtar i Tiranës është porta kryesore ajrore e Shqipërisë, duke shërbyer si një motor kyç për turizmin, zhvillimin ekonomik dhe lidhjen ndërkombëtare. I vlerësuar si aeroporti me rritjen më të shpejtë në Evropë, aeroporti mban lidershipin në rajonin e Ballkanit Perëndimor për nga lidhshmëria, numri i pasagjerëve dhe investimet.

Rreth Air Transat
E themeluar në Montreal në vitin 1987, Air Transat është një kompani ajrore lider, e votuar nga pasagjerët si Linja Ajrore më e Mirë për Udhëtime Rekreative në Botë 2025 në Skytrax World Airline Awards. Programi i saj ofron akses në destinacione ndërkombëtare, kryesisht në Evropë, Karaibe, bregun lindor të Shteteve të Bashkuara, Amerikën e Jugut dhe Afrikën e Veriut. Air Transat njihet për shërbimin e shkëlqyer ndaj klientit dhe operon me një flotë që përfshin disa nga avionët më efikasë për nga konsumi i energjisë në kategorinë e tyre. Me seli në Montreal dhe baza kryesore në Aeroportin Ndërkombëtar Montréal–Trudeau (YUL) dhe Aeroportin Pearson të Torontos (YYZ), kompania ka rreth 5,000 punonjës me një qëllim të përbashkët: të afrojë njerëzit me njëri-tjetrin. Air Transat është një njësi biznesi e Transat A.T. Inc. (TSX: TRZ).
www.airtransat.comA.T. Inc. (TSX: TRZ). www.airtransat.com

The post Historike, për herë të parë fluturime direkte Shqipëri–Kanada nga TIA përmes Air Transat appeared first on Albeu.com.

BAGDAD, 16 dhjetor /ATSH-DPA/ – Një fluturim i operuar nga kompania greke “Aegean Airlines” mbërriti sot në Bagdad duke u bërë aeroplani i parë evropian për pasagjerë që zbret në kryeqytetin irakian pas 35 vitesh.

“Ky moment shënon rikthimin e Irakut si një qendër ajrore e sigurt dhe e besueshme pas viteve sfidash”, tha Ministria irakiane e Transportit.

Qeveria planifikon të zhvillojë më tej sektorin civil të aviacionit, të rrisë hapjen ndaj botës dhe të pozicionojë hapësirën ajrore irakiane si një urë për lidhjet globale.

“Aegean Airlines” do të operojë fillimisht dy fluturime në javë midis Athinës dhe Bagdadit, ndërsa numri i tyre mund të rritet në varësi të kërkesës.

Kompania “Oman Air” synon  gjithashtu të ofrojë fluturime nga Bagdadi drejt destinacioneve evropiane në të ardhmen.

Pas pushtimit të Kuvajtit në 1990, Këshilli i Sigurimit i OKB-së vendosi një embargo ekonomike dhe sanksione të plota ndaj Irakut, duke ndalur pothuajse të gjitha fluturimet ndërkombëtare.

Me rrëzimin e diktatorit Saddam Hussein në 2003, shumë sanksione u hoqën dhe vendi gradualisht u lidh përsëri me trafikun ajror ndërkombëtar./  /Ad.Ab./

The post IRAK – Pas 35 vitesh një avion evropian ulet në Bagdad appeared first on Agjencia Telegrafike Shqiptare.

Autoriteti italian i Konkurrencës dhe Tregut (Agcm) ka hapur një hetim ndaj kompanisë ajrore Ryanair, e cila akuzohet për abuzim me pozitën dominuese në tregun italian të transportit ajror. Corriere della Sera shkruan se kompania mund të përballet me një gjobë që shkon nga 500 milionë deri në 1 miliard euro, ndërsa vendimi pritet më […]

The post Ryanair në shënjestër të Italisë, rrezikon gjobën rekord prej 1 miliard euro/ Detaje appeared first on BoldNews.al.

Ndërsa pritej që Air Albania të rifillonte sot fluturimet drejt Stambollit, pasi deri në mëngjesin e të premtes ishte e mundur të blije bileta online, afër mesditës ato janë anuluar sërish. Në faqen e Air Albania, tashmë tregohet që nuk ka fluturime deri ditën e hënë, dhe ato pritet të rifillojnë sërish të martën pasdite […]

The post Pasi shiti bileta deri në mëngjes, Air Albania anulon sërish fluturimet, nuk pranon falimentin appeared first on BoldNews.al.

Air Albania, operatori kombëtar i fluturimeve ajrore, ku shteti ka 10% të aksioneve, ka anuluar fluturimet për gjithë këtë javë drejt Stambollit. Që nga e shtuna e datës 6 dhjetor, avionët e kompanisë nuk janë ngritur asnjëherë nga toka. Ndërsa në sistem biletat filluan të shiteshin duke filluar nga e marta (9 dhjetor), agjencitë e […]

The post Air Albania anulon fluturimet për gjithë javën, shtrenjtohet Stambolli appeared first on BoldNews.al.

EDINBURG, 5 dhjetor /ATSH/ – Kanë rinisur fluturimet nga Aeroporti i Edinburgut pasi operacionet u pezulluan të premten në mëngjes për shkak të një problemi kompjuterik me kontrollin e trafikut ajror, shkruan theguardian.com.

Fluturimet filluan rreth orës 10:40 të mëngjesit.

Disa fluturime në nisje ishin mbajtur në pistë për rreth dy orë, ndërsa fluturimet hyrëse ishin devijuar.

Pasagjerëve më parë u ishte këshilluar të kontaktonin linjat ajrore të tyre për informacion mbi fluturimin, ndërsa shërbimi aeroportual punonin për të zgjidhur problemin.

Rreth 15 milionë njerëz në vit – mesatarisht 43 000 në ditë – fluturojnë nga Edinburgu, duke e bërë atë aeroportin më të madh të Skocisë, me fluturime në 155 destinacione.

Fluturimet e EasyJet dhe Ryanair ishin ndër linjat ajrore të prekura nga anulimet.   /os/

The post EDINBURG – Rinisin fluturimet ajrore pas problemeve të kontrollit ajror appeared first on Agjencia Telegrafike Shqiptare.

LONDËR, 29 nëntor /ATSH/- Mijëra avionë “Airbus” po kthehen gradualisht në shërbimin normal pasi një problem i papritur kompjuterik i detyroi linjat ajrore t’i ulnin në tokë për disa orë, sipas BBC.

Paralajmërimi lidhej me rrezatimin diellor, i cili mund të ndërhynte në kompjuterët e kontrollit të fluturimit.

“Airbus” tha se rreth 6,000 avionë A320 u prekën nga problemi, shumica e të cilëve kërkonin vetëm një përditësim të shpejtë të softuerit, ndërsa rreth 900 avionë më të vjetër duhej të zëvendësonin kompjuterët e tyre në bord.

Ministri francez i Transportit, Philippe Tabarot tha se përditësimet ishin bërë në më shumë se 5,000 avionë.

“Airbus” konfirmoi se më pak se 100 avionë ishin ende duke pritur për përditësimin.

Drejtori ekzekutiv i kompanisë, Guillaume Faury, kërkoi falje për “vonesat dhe sfidat logjistike”.

Në Francë, “Air France” përjetoi disa vonesa dhe anulime në aeroportin “Charles de Gaulle”.

Në SHBA, “American Airlines” tha se 340 nga avionët e saj ishin prekur, duke paralajmëruar për vonesa, ndërsa “Delta” tha se ndikimi do të ishte minimal.

Në Britani të Madhe, ndërprerjet ishin të kufizuara. Aeroporti “Gatwick” raportoi disa probleme, ndërsa “Heathrow “nuk pati anulime.

“EasyJet” dhe “Wizz Air” thanë se po fluturonin normalisht pasi përditësimet ishin instaluar gjatë natës.

Në Australi, “Jetstar” anuloi 90 fluturime dhe paralajmëroi se ndërprerjet do të vazhdonin gjatë fundjavës, ndërsa “Air New Zealand” i ktheu avionët në shërbim pasi përfunduan përditësimet.

Problemi u identifikua pasi një avion “JetBlue” pësoi një humbje të papritur të lartësisë gjatë një fluturimi në tetor, duke detyruar një ulje emergjente dhe duke plagosur të paktën 15 pasagjerë.

Hetimet zbuluan një defekt në softuerin që llogarit lartësinë e aeroplanit. Në lartësi të mëdha, rrezatimi intensiv diellor mund të dëmtojë të dhënat.

Përveç A320, u prekën gjithashtu modelet A318, A319 dhe A321 .

Rreth 5,100 avionë e zgjidhën problemin me një përditësim të softuerit, ndërsa 900 avionë më të vjetër do të mbeten në tokë derisa të instalohen kompjuterë të rinj, një proces që varet nga disponueshmëria e pajisjeve. //a.i/

The post BBC: Fluturimet kthehen në normalitet, rregullohet defekti në softueret e “Airbus” appeared first on Agjencia Telegrafike Shqiptare.

Aeroporti Ndërkombëtar i Prishtinës “Adem Jashari” ka mbyllur muajin tetor 2025 me rezultate mbresëlënëse.

Gjatë këtij muaji u regjistruan 386,957 pasagjerë, duke shënuar një rritje prej 8.75% krahasuar me tetorin e vitit të kaluar.

Përveç rritjes së numrit të udhëtarëve, aeroporti raportoi edhe 2,747 fluturime

"Me 2,747 fluturime, vazhdojmë të forcojmë pozitën tonë si një qendër e rëndësishme rajonale. Faleminderit të gjithë pasagjerëve", njofton APN. /Telegrafi/

Në Korenë e Jugut, më shumë se gjysmë milioni studentë iu nënshtruan sot provimit kombëtar të pranimit në universitet, të njohur si “Suneung”, një nga ngjarjet më të rëndësishme vjetore për sistemin arsimor të vendit. Sipas agjencisë Reuters, rreth 500 mijë kandidatë morën pjesë këtë vit, shifra më e lartë në shtatë vitet e fundit. […]

The post Koreja e Jugut ndalon fluturimet, 500 mijë studentë japin provimin më të rëndësishëm të vitit appeared first on BoldNews.al.

Fluturimet komerciale përbëjnë një tregues të rëndësishëm për ecurinë e turizmit dhe lëvizjen e popullsisë, si vendase ashtu edhe të huaj. Shqipëria ka shënuar një rritje të konsiderueshme të tyre, veçanërisht vitet e fundit, kur vendi është bërë gjithnjë e më i popullarizuar nga vizitorët e huaj. Sipas të dhënave të Agjencisë Evropiane të Statistikave, […]

The post Rinasi sërish në krye të Europës për rritjen e fluturimeve edhe për muajin tetor me 173% më shumë se para pandemisë appeared first on BoldNews.al.

Fluturimet komerciale përbëjnë një tregues të rëndësishëm për ecurinë e turizmit dhe lëvizjen e popullsisë, si vendase ashtu edhe të huaj. Shqipëria ka shënuar një rritje të konsiderueshme të tyre, veçanërisht vitet e fundit, kur vendi është bërë gjithnjë e më i popullarizuar nga vizitorët e huaj.

Sipas të dhënave të Agjencisë Evropiane të Statistikave, në tetor të vitit 2025 Shqipëria ka regjistruar një rritje prej 173% të fluturimeve komerciale krahasuar me tetorin e periudhës para pandemisë, duke u renditur kështu me rritjen më të lartë në rajon dhe në gjithë Evropën.

Nëse i referohemi periudhës 10-mujore, Shqipëria vijon të kryesojë për rritjen e numrit të fluturimeve komerciale krahasuar me periudhën para pandemisë. Për çdo muaj të vitit 2025 është regjistruar një rritje e vazhdueshme, madje edhe krahasuar me një vit më parë. Mesatarisht, gjatë dhjetë muajve të parë të vitit, numri i fluturimeve komerciale është rritur me 155.7%, duke arritur kulmin në muajin tetor.

Në nivel rajonal, pas Shqipërisë renditet Bosnjë-Hercegovina, me një rritje prej 55.6%, e ndjekur nga Serbia me 35.6%. Ndërkohë, Mali i Zi dhe Maqedonia e Veriut kanë shënuar rritje më të moderuara, përkatësisht 20.8% dhe 29%.

Në shkallë evropiane, pas Shqipërisë renditet Islanda, ndërsa Bosnjë-Hercegovina zë vendin e tretë. Rritje të numrit të fluturimeve janë regjistruar gjithashtu në Slloveni dhe Poloni. Megjithatë, jo të gjitha vendet kanë shënuar rritje në disa shtete, përqindjet janë negative. Suedia dhe Letonia kanë pësuar rënien më të madhe, me -27%, ndërsa Finlanda ka shënuar një ulje prej -22.5%. Situata mbetet jo pozitive edhe për Norvegjinë dhe Gjermaninë, ku fluturimet komerciale kanë shënuar rënie krahasuar me periudhat e mëparshme.