Shtetet e Bashkuara kanë paralajmëruar kompanitë e transportit detar se mund të përballen me sanksione nëse paguajnë tarifa ndaj Iranit për kalim të sigurt në Ngushticën e Hormuzit, një rrugë kyçe globale për transportin e naftës dhe mallrave.

Paralajmërimi u bë nga Zyra Amerikane e Kontrollit të Aseteve të Huaja (OFAC), e cila theksoi se pagesat ndaj institucioneve shtetërore iraniane janë të ndaluara për personat dhe kompanitë amerikane, ndërsa edhe subjektet jo-amerikane mund të përballen me pasoja ligjore nëse përfshihen në këto transaksione.

Sipas OFAC, rreziku i sanksioneve përfshin jo vetëm pagesat në para, por edhe forma të tjera si asetet dixhitale, shkëmbimet joformale apo donacionet. Agjencia paralajmëroi se do të vazhdojë të synojë sektorët kyç të ekonomisë iraniane, veçanërisht naftën dhe industrinë petrokimike.

Tensionet në rajon kanë çuar në rënie drastike të trafikut detar përmes ngushticës. Nga rreth 3,000 anije në muaj që kalonin zakonisht, tani vetëm disa anije në ditë po e përdorin këtë rrugë, për shkak të kufizimeve iraniane dhe bllokadës detare të vendosur nga SHBA.

Irani ka deklaruar se po mbledh tarifa nga anijet për të garantuar kalim të sigurt, duke pretenduar se të ardhurat janë depozituar në bankën qendrore të vendit.

Nga ana tjetër, Teherani e ka cilësuar bllokadën amerikane si “pirateri”, ndërsa SHBA argumenton se masat synojnë të kufizojnë të ardhurat e Iranit dhe aftësinë e tij për të shmangur sanksionet.

Një tjetër aksident me pasojë vdekje është regjistruar pasditen e kësaj të diele në Durrës, në afërsi të Kepit të Rodonit.

Sipas informacioneve paraprake, shtetasi Arben Karamuço dyshohet se ka humbur kontrollin e mjetit me katër rrota, duke dalë nga rruga. Si pasojë e aksidentit, ai është gjetur pa shenja jete në vendngjarje.

Forcat e policisë dhe grupi hetimor kanë mbërritur në vendin e ngjarjes dhe po punojnë për zbardhjen e plotë të rrethanave që çuan në këtë aksident tragjik.

/ abcnews.al /

Ky është 57 vjeçari që aksidentoi për vdekje dy fëmijë të mitur dhe plagosi rëndë një të tretë.

Aksidenti tragjik ka ndodhur në lagjen nr. 15 në Durrës, ku një automjet ka përplasur tre fëmijë të mitur.

Sipas informacionit zyrtar nga Policia e Durrësit, i mituri i plagosur është transportuar me urgjencë drejt Spitalit të Traumës në Tiranë, ku ndodhet në gjendje kritike për shkak të dëmtimeve të shumta në trup. Ai po merr ndihmë të specializuar mjekësore, ndërsa mjekët vijojnë përpjekjet për stabilizimin e gjendjes së tij.

Ngjarja e rëndë ka tronditur komunitetin lokal, ndërsa rrethanat e aksidentit janë ende nën hetim. Drejtuesi i automjetit, 57-vjeçari Nikolla Rradaçi, është shoqëruar në komisariat për veprime të mëtejshme procedurale.

Ka shkuar në 10 numri i viktimave në Ukrainë nga sulmet e mbrëmjes së kaluar. Zyrtarët në 5 rajonet e sulmuara me raketa nga Rusia kanë raportuar për të paktën 10 viktima dhe 76 të plagosur.

Presidenti ukrainas Volodymyr Zelensky tha se tre cisterna ruse të naftës, një anije luftarake që mbart raketa lundruese dhe një anije patrullimi u goditën në sulme të ndara në dy porte ruse.

Nuk ka detaje për dëmet ndaj anijeve, por Zelensky tha se cisternat ishin pjesë e “flotës në hije” të Rusisë, e përdorur për t’iu shmangur sanksioneve perëndimore të vendosura pas luftës së nisur nga Moska në vitin 2022.

Forcat ajrore të Ukrainës thanë se Rusia lëshoi 269 dronë gjatë natës, por 249 prej tyre u rrëzuan ose u bllokuan. Ato konfirmuan 19 goditje të drejtpërdrejta nga dronët dhe një goditje nga një raketë balistike në 15 vende, si dhe dëme të shkaktuara nga mbetjet që ranë nga një dron.

Zyrtarët ukrainas thanë se tre persona u vranë në incidente të ndara në rajonin e Khersonit, ndërsa nga dy persona humbën jetën në secilin prej rajoneve Odesa, Donetsk dhe Zaporizhzhia, dhe një në rajonin Sumy.

Në të njëjtën kohë, ushtria ruse tha se Ukraina kishte lëshuar të paktën 334 dronë, me rajonin veriperëndimor të Leningradit që u godit rëndë.

Terminalet e eksportit atje dhe në rajone të tjera janë shënjestruar nga Ukraina javët e fundit, në një seri sulmesh të suksesshme ndaj infrastrukturës ruse të naftës, që sipas Kievit kanë shkaktuar humbje eksportesh me vlerë miliarda dollarë.

Të dielën, Zelensky tha se infrastruktura e terminalit veriperëndimor të Primorskut në Detin Baltik, pranë Finlandës, ishte dëmtuar ndjeshëm dhe se një cisternë nafte dhe një anije patrullimi ishin goditur.

Ai shtoi se anija e tretë e goditur ishte një korvetë e klasit Karakurt, e projektuar për të mbartur raketa lundruese Kalibr.

Udhëheqësi ukrainas më herët tha se edhe dy cisterna të tjera nafte u goditën nga dronët ukrainas në hyrje të portit të Novorossiyskut në Detin e Zi.

Sekretari i shtetit amerikan, Marco Rubio, do të udhëtojë për në Romë ditët e ardhshme për një vizitë që thuhet se synon përmirësimin e marrëdhënieve të tensionuara me qeverinë italiane dhe Vatikanin.

Rubio është planifikuar të jetë në kryeqytetin italian të enjten dhe të premten, të cilat do të shënojnë gjithashtu njëvjetorin e zgjedhjes së Papa Leonit XIV në krye të Vatikanit..

Rubio do të takohet me sekretarin e shtetit të Vatikanit, Pietro Parolin, dhe Antonio Tajani, zëvendëskryeministrin dhe ministrin e jashtëm të Italisë. Rubio ka kërkuar të takohet me kryeministren Giorgia Meloni, por kërkesa nuk është pranuar ende.

Sipas raportimeve në Corriere della Sera, udhëtimi i Rubios u njoftua në një letër drejtuar qeverisë italiane nga ambasadori i SHBA-së në Romë, Tilman Fertitta, i cili, sipas gazetës, ka punuar për rindërtimin e “urës” midis dy vendeve në javët që nga sulmi i paprecedentë i Donald Trump kundër Leonit XIV dhe prishjen e mëvonshme të marrëdhënieve me Romën për shkak të luftës në Iran.

Corriere raportoi se vizita e Rubios kishte për qëllim “shkrirjen” e marrëdhënieve të ftohta si me Romën ashtu edhe me Vatikanin, një mision i përshkruar nga gazeta e përditshme si “jo i pamundur, por i ndërlikuar”.

Trump ka paralajmëruar se do të tërheqë mijëra trupa amerikane nga Italia, pasi Roma ka refuzuar përdorimin e një baze ajrore në Siçili nga aeroplanët amerikanë që transportonin armë për luftën.

Read More...

Sapo ka mbërritur në spitalin e Traumës i mituri që u aksidentua në Durrës, ku humbën jetën dy fëmijët e tjerë. Sipas informacioneve paraprake, i mituri ndodhet në gjendje të rëndë, për shkak të dëmtimeve të shumta në trup.

Policia e Durrësit ka dhënë informacion zyrtar në lidhje me tragjedinë e ndodhur në lagjen nr.15 në Durrës, ku një automjet përplasi tre fëmijë të mitur, ku dy prej tyre humbën jetën.

I mituri tjetër është në gjendje të rëndë dhe po transportohet për ndihmë më të specializuar në Tiranë.

Drejtuesi i automjetit, 57-vjeç Nikolla Rradaçi është shoqëruar në Komisariat për veprime të mëtejshme.

Mexico City po fundoset me rreth 25 centimetra në vit, tregojnë të dhënat e reja satelitore të NASA-s.

Shkencëtarët paralajmërojnë se ky fenomen po kërcënon seriozisht infrastrukturën dhe po thellon krizën kronike të ujit në kryeqytet. Qyteti dhe zonat përreth tij janë ndërtuar mbi një shtrat të lashtë liqeni, cka e bën tokën atje veçanërisht të paqëndrueshme dhe të ndjeshme ndaj fundosjes.

Për dekada me radhë, nxjerrja e pakontrolluar e ujërave nëntokësore, së bashku me urbanizimin e shpejtë, ka shkaktuar ulje graduale të tokës, theksojnë ekspertët. Pasojat janë tashmë të dukshme: ndërtesa historike dhe monumente të vjetra, përfshirë Katedralen Metropolitane, e cila nisi të ndërtohej në vitin 1573, po dëmtohen.

Gjeofizikani Enrique Cabral nga Universiteti Kombëtar i Meksikës, thotë se fenomeni po kërcënon infrastrukturën jetike të qytetit. “Kjo prek pjesë të rëndësishme si metroja, sistemi i drenazhimit, furnizimi me ujë, rrjeti i ujit të pijshëm, banesat dhe rrugët. Është një problem shumë i madh,” shpjegon ai.

Raporti më i fundit i NASA-s tregon se në disa zona toka po ulet mesatarisht rreth dy centimetra në muaj, duke përfshirë aeroportin kryesor. Të dhënat janë mbledhur nga sateliti NISAR, një bashkëpunim i NASA-s dhe Organiztës Indiane të Kërkimor Hapësinor. Shkencëtari Paul Rosen theksoi se teknologjia satelitore ka mundur të ofrojë një pamje më të qartë dhe më të saktë të proceseve nën sipërfaqe, duke nënvizuar se ajo lejon “të shihet shkalla e plotë e problemit.”

Zjarri ka përfshirë disa kazanë mbeturinash në Fushe Kruje. Ndërhyrja e menjëhershme e zjarrfikëse të Krujës, ka mundësuar izolimin e flakëve, nga rreziku i përhapjes së mëtejshme në biznese dhe banesa pranë vatrës.

Zjarri është favorizuar dhe nga erërat e forta, ndërsa ende janë të paqarta shkaqet e përhapjes se zjarrit në zonën e banuar në fushë Krujë, fatmirësisht zjarri tashmë është izoluar plotësisht nga efektivët e shërbimit zjarrfikëse të Krujës.  / abcnews.al /

Reduktimi i trupave amerikane në Gjermani do të jetë mbi 5,000. Kjo u njoftua nga Presidenti i SHBA-së Donald Trump, pasi Pentagoni fillimisht njoftoi se do të tërhiqte rreth 5,000 trupa nga Gjermania. “Ne do ta reduktojmë në mënyrë drastike. Dhe reduktimi do të jetë mbi 5,000”, deklaroi Trump ndërsa fliste me gazetarët në Florida, pa dhënë një shpjegim për këtë veprim.

Të shtunën në mëngjes, Ministri gjerman i Mbrojtjes Boris Pistorius duket se e priti lajmin se 5,000 trupa amerikane do të largoheshin nga vendi i tij me qetësi, duke deklaruar se tërheqja, e kërcënuar nga Trump për vite me radhë, ishte në plan, duke shtuar se vendet evropiane duhet të marrin përsipër përgjegjësi më të madhe për mbrojtjen e tyre.

Megjithatë, Pistorius theksoi se bashkëpunimi në siguri u sjell dobi të dyja palëve të partneritetit transatlantik: “Prania e ushtarëve amerikanë në Evropë, dhe veçanërisht në Gjermani, është në interesin tonë dhe në interes të Shteteve të Bashkuara”, i tha ai agjencisë gjermane të lajmeve dpa. Tërheqja e planifikuar hasi rezistencë dypartiake në Uashington, me kritika të shpejta nga demokratët dhe shqetësime nga republikanët se kjo mund t’i dërgonte “sinjalin e gabuar” presidentit rus Vladimir Putin, lufta e të cilit në Ukrainë ka hyrë në vitin e saj të pestë.

Shqetësime të mëdha u ngritën në rrethin politik në Uashington pas sulmit në darkën e korrespondentëve.

Si presidenti Donald Trump, ashtu edhe numri dy JD Vance ishin të pranishëm në një dhomë, por edhe drejtuesi I dhomës së përfaqësuesve gjithashtu, që do të thotë se në skenarin më të keq, vendi do   të mbetej pa një drejtues.

Por për këtë kishte menduar dikush tjetër. Senatori Chuck Grassley e la Darkën e Korrespondentëve të Shtëpisë së Bardhë, duke qëndruar në shtëpi për të mbrojtur linjën e trashëgimisë nga katastrofa.

Republikani 92-vjeçar është i treti në radhë për presidencën – presidenti i përkohshëm i Senatit është vetëm pas zëvendëspresidentit presidentit dhe kryetarit të Dhomës së Përfaqësuesve – dhe personi me gradën më të lartë në radhën e pushtetut që nuk mori pjesë në festën gati tragjike.

Në një intervistë për The Post ai tha se nuk do të shkonte edhe nëse do e ftonin, për arsye që tashmë janë të kuptueshme.

Sekretarja e Shtypit e Shtëpisë së Bardhë, Karoline Leavitt, u tha gazetarëve se në skenarin më të keq vendi nuk do të mbetej pa drejtues, pasi kishte disa zyrtarë në linjën e pushtetit që nuk ishin të pranishëm në darkë.

Policia e Durrësit ka dhënë informacion zyrtar në lidhje me tragjedinë e ndodhur në lagjen nr.15 në Durrës, ku një automjet përplasi tre fëmijë të mitur, ku dy prej tyre humbën jetën.

I mituri tjetër është në gjendje të rëndë dhe po transportohet për ndihmë më të specializuar në Tiranë.

Drejtuesi i automjetit, 57-vjeç Nikolla Rradaçi është shoqëruar në Komisariat për veprime të mëtejshme.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit. /abcnews.al

Kanë kaluar 17 vite nga vrasja e ish-deputetit të Fierit, Fatmir Xhindi, një ngjarje e rëndë që tronditi opinionin publik në atë kohë dhe mbetet ende në kujtesën e qytetarëve.

Në këtë përvjetor, djali i tij, Albano Xhindi, e ka kujtuar të atin përmes një mesazhi emocionues në rrjetet sociale. 17 vite pa ty babo! Sa shumë mall! I gëdhendur në përjetësi! Sa herë shikoj qiellin, të shoh duke më shikuar!”, – shkruan ai, duke prekur ndjekësit me fjalët e tij.

Fatmir Xhindi u vra në vitin 2009 pranë banesës së tij në Roskovec, në një atentat me armë zjarri. Ngjarja shkaktoi reagime të forta në politikën shqiptare dhe vuri në lëvizje strukturat e rendit dhe drejtësisë për zbardhjen e saj.

Për vite me radhë, rasti i vrasjes së tij ka qenë pjesë e hetimeve dhe diskutimeve publike, duke u konsideruar si një nga krimet më të bujshme të asaj periudhe.

Edhe sot, pas 17 vitesh, kujtimi i ish-deputetit fierak mbetet i gjallë për familjen, miqtë dhe të njohurit e tij, ndërsa mesazhi i të birit rikthen dhimbjen dhe mungesën që vijon të ndihet.

Një ngjarje tragjike ndodhi në zonën e ish Kënetës në Durrës, ku një automjet përplasi tre fëmijë të vegjël.

Dy prej tyre kanë humbur jetën, ndërsa i treti ndodhet në gjendje të rëndë.

Sipas të dhënave paraprake, vogëlushët ishin ulur në anë të rrugës, kur makina është drejtuar drejt tyre, duke shkaktuar ngjarjen tragjike.

Drejtuesi i automjetit është arrestuar nga policia dhe është shoqëruar në komisariat. Shoferi 57-vjeçar, dyshohet se kishte konsumuar alkool.

Policia ndodhet në vendngjarje dhe po punon për zbardhjen e rrethanave./abcnews.al

Read More...

Iu deshën pak më shumë se tre vjet.

Anis Mehmeti, lojtari që e rifitoi me shumë vështirësi fanelën e kombëtares shqiptare, e realizoi në moshën 25-vjeçare ëndrrën e parë të madhe të jetës së tij, duke u ngjitur në Premier Ligën angleze.

Kjo, pasi ekipi I tij, Ipsuiç Taun, fitoi 3-0 ndaj Kuins Park Rejnxhërsit në javën e fundit të kategorisë së dytë, Championship.

Deri në janar 2023 ishte në kategorinë e tretë, por tani është në elitë.

Mehmeti luajti vetëm diçka më shumë se 21 minuta, pasi këtë herë e nisi ndeshjen si zëvendësues dhe hyri në fushë në minutën e 71-të.

Ai ndihmoi në golin e  tretë, duke këmbëngulur fort ndaj mbrojtjes mike, derisa Kejsi Mekatir e dërgoi topin në rrjetë në 85’.

Me këtë sukses, Ipsuiçi siguroi vendin e dytë pra edhe ngjitjen automatike për në Premier Ligë, pa pasur nevojë për plej ofin.

Skuadra e shqiptarit ka 84 pikë ndaj 83 të Miluollit, dhe vetëm Koventri mbeti I paarritshëm me 95 pikët e tij.

Lojtari ofensiv kuqezi pati kontribut të rëndësishëm gjatë sezonit, ndonëse e ndau këtë me dy skuadra.

Deri në janar ishte pjesë e Bristol Sitit duke shënuar 8 gola e duke shërbyer 6 asistë.

Që nga 24 janari e deri tani në fillim të majit, tek Ipsuiçi, Mehmeti shtoi edhe dy gola e dy asistë, por sidomos mjaft ndikim në lojë, duke qenë në një skuadër mjaft më të fortë.

Në total, në edicion, ai ka 11 gola e 8 asistë në 50 ndeshje, ndërsa temperamentin shqiptar e tregon me 10 kartonë të verdhë edhe pse nuk është mbrojtës.

Ipsuiçi, një klub me moshë 148-vjeçare, u kthye ku I takon, me 3 ngjitje në 4 vjet, dhe Mehmeti shpreson të qendrojë gjatë në Premier Ligë./abcnews.al

Odise Roshi ka mundësi të ngjitet në Superligën e Turqisë sezonin e ardhshëm.

Futbollisti shqiptar ndihmoi ekipin e tij në kategorinë e dytë që të arrinte një fitore të thellë 4-1 dhe të siguronte vend në garën e plej ofit për elitën.

Roshi shërbeu asist për golin e barazimit të përkohshëm 1-1, duke nisur përmbysjen për fitoren jashtë fushe.

Nëse do të ketë sukses, kjo do të jetë hera e parë që ai do të luajë në Superligën turke, shumë vite pasi luajti në elitë në vende të tilla si Rusi, Hungari apo Kroaci.

Edhe pse është 34 vjeç, Roshi është në formë shumë të mirë dhe këtë sezon ka shënuar 7 gola e ka shërbyer 9 asistë, duke qenë një nga lojtarët kryesorë të ekipit të tij./abcnews.al

Një aksident tragjik është regjistruar këtë të diel në lagjen nr.15 në Durrës.

Një automjet tip “Benz” ka përplasur tre fëmijë të vegjël, ku dy prej tyre kanë humbur jetën, ndërsa i treti ndodhet në gjendje të rëndë.

Drejtuesi i automjetit është arrestuar nga policia dhe është shoqëruar në komisariat. Shoferi 57-vjeçar, dyshohet se kishte konsumuar alkool.

Policia ndodhet në vendngjarje dhe po punon për zbardhjen e rrethanave.

Sipas të dhënave paraprake, vogëlushët ishin ulur në anë të rrugës, kur makina është drejtuar drejt tyre, duke shkaktuar ngjarjen tragjike. Ngjarja ka ndodhur në zonën e ish-Kënetës./abcnews.al

Për herë të 29-të do të jenë kampionë.

Barcelona mbetet padyshim një superfuqi në Spanjë, dhe yjet e saj janë shumë pranë titullit të 29-të, që do të thotë 7 larg rekordit që e mban Reali.

Triumfi në fushën e Osasunës, në Vendet Baske, bëri që diferenca me madrilenët të jetë 14 pikë, dhe që trofeu të mund të fitohet që sot, që këtë të diel.

Nëse Reali nuk ia del të fitojë në orën 21:00 në fushën e Espanjolit, “blaugranët” shpallen kampionë 4 javë para përfundimit.

Gjithsesi, ndoshta më mirë kështu, sesa që kjo të ndodhë javën që vjen në El Klasikon që luhet në “Kamp Nou”.

Në stadiumin “El Sadar”, të besuarit e trajnerit Hansi Flik nuk e patën të lehtë dhe suksesin 2-1 e arritën fare në fund.

Vendasit, edhe pse e mbajtën shumë pak topin, 27 për qind, u treguan disa herë të rrezikshëm.

Jo më kot patën më shumë gjuajtje në kuadratin e portës sesa Barça, 4-3.

Gjithsesi, rezistenca e tyre u thye në fund.

Robert Levandovski në 81’ dhe Ferran Torres pesë minuta më pas, siguruan avantazhin 2-0, që I rezistoi edhe golit nga Raul Garsia në 88’.

“La Liga është gati që të fitohet, – shkruan “El Mundo Deportivo” nga Katalonja, – Barça arriti fitoren që I jep “topin e ndeshjes” për të qenë kampione që sot!”

“Fitore ose kremtim për titullin”, – është paralajmërimi që e përditshmja “Marka” I bën Realit, – Levandovski dhe Ferrain bën që Barça të shohë titullin!”

“Kanë filluar që tani të këndojnë për triumfin”, – titullon “Sport” po nga Katalonja, – kremtim special në fushë dhe dhomën e zhveshjes, ndihet shija e titullit të dytë me Hansi Flikun!”

Barcelona kryeson La Ligën me 88 pikë ndaj 74 pikëve të Realit, pas javës së 34-ët, pra kur duhen edhe 4 ndeshje deri në përfundim.

Rekordi  pikëve nuk do të thyhet dot as këtë vit.

Madje as nuk do të arrihet, por Bajerni ka objektiva shumë më të mëdha për të arritur.

Kjo duhet pasur qartë në mendje kur komenton barazimin 3-3 të shtëpi në Bundesligë, ndaj një rivali modest si Hajdenhajmi.

U rrezikua madje humbja, pasi miqtë ishin në epërsi, fillimisht 2-0 dhe pastaj 3-2.

Gjeorgjani Zivzivadze ishte heroi me dy gola, aq sa shënoi për bavarezët edhe Leon Gorecka.

Humbja u shmang në fund, kur shkaktoi autogol portieri I Hajdenhajmit, Diant Ramaj, që është me origjinë nga Kosova dhe ka luajtur për Gjermaninë U20.

Bajerni nuk ka asnjë problem për titullin, pasi e ka fituar, por nuk arrin dot 91 pikët e skuadrës së Jup Hajnkesit, ndërsa mbeten edhe dy javë deri në fund.

Bavarezët kryesojnë Bundesligën me 83 pikë, shumë të shkëputur ndaj Dortmundit, dhe mendimet tani janë të gjitha tek e mërkura, kur Paris SG viziton Mynihun për të luajtur gjysmëfinalen e dytë të Championsit.

Për këtë arsye trajneri Kompani la në stol shumicën e yjeve si Nojer, Kimih, Luis Diaz apo Olise.

Ndeshja e parë në Francë ishte futboll I madh dhe përfundoi 5-4 për PSG-në./abcnews.al