Kryeministri Edi Rama nderohet nga Presidenti i Emirateve të Bashkuara Arabe, Sheikh Mohammed bin Zayed al Nayan.

Rama ka reaguar nëpërmjet një statusi në Facebook, ndërsa shpreh falënderimet për nderimet nga Presidenti i Emirateve të Bashkuara Arabe.

Reagimi i kryeministrit Edi Rama;

Thellësisht i prekur prej surprizës së paimagjinueshme dhe nderimit të jashtëzakonshëm nga presidenti i emirateve të bashkuara, Sheikh Mohammed Bin Zayed Al Nayan

Akordimi i medaljes më të lartë të vendit mik, e cila mban emrin e themeluesit të emirateve të bashkuara, sheikut Zayed, është respekti dhe vlerësimi më i madh për një kryeministër shqiptar, që e mora përulësisht plot me krenari për Shqipërinë, e me mirënjohje të thellë për mikun e madh të shqiptarëve, lartësinë e tij Sheikh Mohammed Bin Zayed, si edhe për çdo shqiptar që ma ka besuar udhëheqjen dhe përfaqësimin e atdheut tonë të përbashkët.

Pas arratisjes nga spitali e Altin Ndocit është pezulluar zinxhiri komandues i burgut të Durrësit.

Altin Ndoci, i paraburgosur për një sërë veprash të rënda penale përshpejtoi lirimin e tij këtë të martë.

Ai arriti t’i shpëtojë efektivit që e shoqëronte në spital duke e goditur fizikisht punonjësin e sigurisë së burgut.

Ndodhej në katin e tretë të spitalit rajonal të Durrësit, në repartin infektiv ku ndodhet zona e veçantë e sigurisë për të paraburgosurit.

Zëvendëskryeministrja Belinda Balluku ka ndjekur nga afër situatën e përmbytjeve në Fier. Ajo është takuar me banorë në Asturkas, ndërsa nënvizon se strukturat janë në gatishmëri për t’i ardhur në ndihmë banorëve.

“Jemi në një stad më të përmirësuar të situatës. Lumi Seman është kthyer në shtratin e tij. Evakuimi i qytetarëve është bërë i plotë. Kishim një situatë me barinjtë që nuk po arrinin të kontaktonin, ata janë gjetur dhe janë të sigurt. Ndërsa në dy tre ditët në vijim nuk parashikohet reshje dhe kjo do jetë koha për të rikuperuar. Do të kompensohen të gjithë banorët e prekur nga përmbytjet”, u shpreh Balluku.

Gazetari Leonidha Musaj ka sigurar për ABC News, foton e Altin Ndocit ndërsa largohet me vrap nga spitali infektiv në Durrës, duke i ikur efektivëve. Në foto duket momenti kur Altin Ndoci del nga ambjentet e repartit Infektiv pasi u shpëtoi 3 efektivëve të burgjeve pas një përleshje me ta.

Altin Ndoci, i paraburgosur për një sërë veprash të rënda penale përshpejtoi lirimin e tij këtë të martë. Ai arriti t’i shpëtojë efektivit që e shoqëronte në spital duke e goditur fizikisht punonjësin e sigurisë së burgut. Ndodhej në katin e tretë të spitalit rajonal të Durrësit, në repartin infektiv ku ndodhet zona e veçantë e sigurisë për të paraburgosurit.

Në një reagim zyrtar, Drejtoria e Përgjithshme e burgjeve thotë se po punohet për kapjen e të arratisurit.

“Pavarësisht ndërhyrrjes nga forcat e Policisë së Burgjeve për ndalimin e tij, Altin Ndoci ka arritur të largohet nga spitali. Strukturat janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes.”

Incidenti ngre pikëpyetje mbi sigurinë në ambientet spitalore, sidomos kur bëhet fjalë për persona të paraburgosur apo të dënuar për vepra të rënda./abcnews.al

Prokuroria e Durrësit ka intensifikuar hetimet për përmbytjet që kanë goditur qarkun ditët e fundit, ku u shënua një viktimë dhe u shkaktuan dëme materiale. Në kuadër të këtij hetimi, prokurorët kanë sekuestruar dokumentacionin që lidhet me ndërtimin e hidrovorit të ri në zonën e Porto Romanos, një investim me vlerë rreth 19 milionë euro.

Sipas grupit të hetimit, është sekuestruar dokumenti me titull “Hartim i studimit të projektit për rehabilitimin e infrastrukturës së rrjetit të kullimit në zonën Porto Romano-Kënetë dhe sistemi i rrjetit të ujërave të shiut në zonën urbane të qytetit të Durrësit”, i realizuar në kuadër të procesit të rindërtimit, me fond limit 87 milionë lekë.

Po ashtu, pranë Bashkisë së Durrësit është marrë e gjithë procedura tenderuese për ndërtimin e hidrovorit, si edhe dokumentacioni që lidhet me zbatimin e projektit në terren.

Burime nga Prokuroria konfirmojnë se ekzistojnë dyshime se hidrovori nuk ka funksionuar në momentet kritike, çka mund të ketë ndikuar drejtpërdrejt në përmbytje.

Tenderi për ndërtimin e hidrovorit të Porto Romanos është fituar tre kompani, ku njëra prej tyre zotërohet nga babai I ish drejtorit të ujësjellësit të Durrësit, ndaj prokuroria dyshon se procedura e prokurimit mund të ketë qenë e paracaktuar.

Prokuroria e Durrësit po heton veprat penale të shpërdorimit të detyrës, përmbytjes së pronës dhe përmbytjes së pronës nga pakujdesia, për të përcaktuar përgjegjësitë institucionale dhe individuale.

Një automjet ka marrë flakë në ecje në Fier. Ngjarja ndodhi në qendër të qytetit. Shkak sipas policisë është bërë një defekt teknik në automjet. Po punohet për zbardhjen e rrethanave nga policia e Fierit.

Detaje të reja kanë dalë nga arratisja spekatkolare e të burgosurit Altin Doci. Ai u arratis këtë të martë nga ambientet e spitalit të Durrësit, pasi goditi një prej efektivëve.

Burime për ABC News bëjnë me dije, se Docin jashtë ambienteve të spitalit e priste një makinë tip “Audi A7”, e cila sapo mori Doci, u largua drejt Kavajës.

Pas kësaj forca të shumta policie, kanë ngritur postblloqe për të bërë të mundur kapjen e Docit.

I ftohti  shton rrezikun e problemeve kardiake.   Ulja e ndjeshme e temperaturave sipas mjekëve   ngushton enët e gjakut  dhe vendos  në presion zemrën duke çuar deri në infarkt.

“Kemi dhe shfaqjen e menjëhershme të  infarktit akut të miokardit. Është një emërgjencë që nuk pret.  Sa më shpejt të shkojmë në urgjencë aq më I madh do jetë përfitimi që do ketë muskuli i zemrës.”

Më të rrezikuar sipas kardiologëve  janë pacientët që kanë shfaqur  shqetësime me herët.

Prandaj  apelojnë që ata   të shtojnë kujdesin këto ditë kur temperaturat  në shumë qytete kanë arritur nën zero gradë celcius.

Por sipas mjekëve sforcimi në të ftohtë mund të nxjerrë në pah dhe probleme të fshehura tek persona që nuk kanë bërë ekzaminime dhe  mund ta konsiderojnë veten të shendetëshm.

“Pacientë  që kanë probleme me enët e zemrës duhet patjetër të jenë më të kujdesshëm   në temperaturat e ulëta, që do të thotë  duhet të marrin mjekimin në mënyrë të rregullt,  duhet të kenë veshur disa shtresa në momentin  që janë temperaturat e ulëta.  Shpesh herë në vendet me borë këta pacientë bëjnë dhe një lloj eforti të shtuar,  shpesh herë duke marrë lopatat duke hequr borën,   në segmente të caktuara çka mund  të  shfaqë te pacientë të cilët nuk kanë qene në dijeni episode  si angina pectoris  ose siçc njihet në popullatë dhimbje gjoksi.”

Edhe tek pacientë që janë të shëndetshëm të cilët nuk kanë dijëni më parë ngushtime të enëve korornare se shpesh herë I ftothi dhe eforti në të ftohtë shfaq   klinikën e dhimbjes së gjoksit

Duhet  me patjetër të jemi të kujdesshëm për mendimin tim  të dy  grupet e popullatave si ato që kanë probleme me enët e zemrës ose pacientët që  janë të stentuar dhe grupi që ne I konsiderojmë të shëndetshëm”, tha ai.

Por në cilat raste mjekët apelojnë  për të  kërkuar ndihmë të specializuar?

“Një dhimbje shtrënguese , një dhimbje që mund të përhapet majtas djathtas  gjoksit që mund të marrë krahun e majtë ose të dy krahët njëkohësisht ose prapa shpatullave, një dhimbje që zgjat disa mintua dhe pushon  ose në   ambjente të ngrohta ose ndalojmë pjesën e efortit. Këto janë dhimbje që duhen konsideruar, janë një alarm i kuq,  një këmbanë alarmi që duhet të na çojnë drejt mjekut.” shtoi mjeku.

Stuhitë e ditëve të fundit shndërruan bregdetin e Kunes në Shëngjin. Krahas pishave qindra vjeçare, dallgët e detit kanë dëmtuar edhe trotuarin e rruges kryesore në një gjatësi prej rreth 100 metrash.

Situata e krijuar është pasojë e erozionit detar, i cili ka marrë përmasa shqetësuese, duke kërcënuar zonën e banuar të Kunës. Eksperti i mjedisit, Jak Gjini, thotë se nga viti 2017 e deri më tani, deti ka asgjësuar rreth 6 hektarë tokë ranore.

“Ka ndodhur ajo që pritej, me atë ritëm që po ecte gërryerja e bregut, pritej kjo situatë. Ne shohim që nga viti 2017 deri në 2023, nga një publikim të raportit të gjendjes së mjesidit në Shqipëri, të Agjencisë Kombëtare të Mjedisit, shohim se nga Shëngjini deri në grykëderdhjen e Drinit, rreth 6 km, aty kemi një dinamikë të bregut, janë zaptuar 6 hektar nga deti. Bregu është tjetërsuar në një mjedis detar, në një sipërfaqe prej 6 hektarësh. Tani është kthyer në një situate e zakonshme. Por pjesa bregdetare po lëviz shumë shpejt”

Si zgjidhje emergjente shihet vendosja e dallëkthyeseve për të mbrojtur zonën e banuar të Kunës nga përparimi i detit.

“E vetmja zgjidhje është instalimi i dallëkthyesve. Duhen të vendosen në një zonë nga 100-180 metra, të tillë pjerrësi ka shtrati aty. Ka ardhur momenti që strukturat po rrezikohen, janë në gjendje alarmi, masat duhet të jenë të jashtëzakonshme”

Alarmi për erozionin detar në Shëngjin është dhënë prej vitesh, por ende nuk është marrë asnjë masë konkrete për t’i bërë ballë këtij fenomeni të rrezikshëm./abcnews.al

Një aplikacion me një emër të pazakontë dhe paksa makabër, por me një qëllim të thjeshtë, ka arritur të bëhet viral në Kinë, duke përfituar nga një nevojë reale në megaqytetet moderne.

Aplikacioni quhet ‘Are you dead’ dhe funksionon si një kontroll dixhital sigurie: çdo dy ditë, përdoruesit i kërkohet të shtypë një buton për të konfirmuar që është mirë. Nëse kjo nuk ndodh, aplikacioni njofton personin e caktuar si kontakt emergjence, duke paralajmëruar se diçka mund të jetë e gabuar.

Edhe pse u lançua në maj të vitit të kaluar, në javët e fundit ka parë popullaritet të madh, veçanërisht në mesin e të rinjve që jetojnë vetëm në qytetet kineze. Rezultati? Është bërë aplikacioni me pagesë më i popullarizuar në vend.

Sipas shifrave të cituara nga mediat kineze dhe një raporti të BBC-së, deri në vitin 2030 numri i njerëzve që jetojnë vetëm në Kinë mund të arrijë në 200 milionë. Pikërisht kësaj audience i drejtohet aplikacioni, i cili e përshkruan veten si “një shoqërues diskret sigurie” për punëtorët, studentët ose këdo që ka zgjedhur të jetojë vetëm.

Në mediat sociale kineze, përdoruesit raportojnë se aplikacioni u ofron atyre një ndjenjë sigurie . “Ata që jetojnë vetëm, në çdo fazë të jetës së tyre, kanë nevojë për diçka të tillë“, komentoi një përdorues, ndërsa të tjerë flasin hapur për frikën se mos diçka ndodh pa e vënë re askush.

Midis tyre është Wilson Hou, 38 vjeç, i cili punon në Pekin larg familjes së tij. “Jam i shqetësuar për idenë se diçka mund të më ndodhë dhe askush nuk do ta dijë”, thotë ai, duke shpjeguar se si e ka caktuar nënën e tij si kontakt emergjence.

Megjithatë, emri i aplikacionit nuk i ka shpëtuar kritikave. Disa e konsiderojnë shumë të errët ose edhe ogurzi, duke sugjeruar alternativa më neutrale ose pozitive. Kompania që qëndron pas aplikacionit, Moonscape Technologies, ka thënë se po e shqyrton seriozisht ndryshimin e emrit.

Në nivel ndërkombëtar, aplikacioni njihet si Demumu dhe renditet lart në listat e aplikacioneve me pagesë në vende si SHBA-ja, Singapori dhe Australia.

Me një kosto prej vetëm 8 juanësh (rreth 1 euro), “Are You Dead?” filloi si një projekt i vogël nga një grup të rinjsh nën 30 vjeç dhe tani po evoluon në një ide premtuese teknologjike. Në fakt, ekipi tashmë po shqyrton krijimin e një aplikacioni të ngjashëm për të moshuarit, në një vend ku më shumë se 20% e popullsisë është mbi 60 vjeç.

Nevoja për aplikacione që mbështesin njerëzit që jetojnë vetëm është absolutisht reale, sipas ekspertëve të demografisë sociale.

Wei-Jun Jean Yeung, profesoreshë e demografisë sociale në Universitetin Kombëtar të Singaporit, i thotë Financial Times se ndryshimet sociale dhe demografike po çojnë me shpejtësi në një rritje të familjeve me një person. “Rënia e lindshmërisë, rritja e jetëgjatësisë, rënia e martesave dhe rritja e divorceve po krijojnë një realitet që favorizon jetesën vetëm”, shpjegon ajo. “Shqetësimi është real.”

Ky trend pasqyrohet qartë në të dhënat zyrtare: në vitin 2024, Kina regjistroi vitin e tretë radhazi të rënies së popullsisë, ndërsa tashmë në vitin 2023 humbi titullin e vendit më të populluar në botë ndaj Indisë.

Një nga tre bashkëkrijuesit e rinj të aplikacionit, i cili prezantohet vetëm si Lyu, shpjegoi për mediat lokale se audienca që ata synojnë janë kryesisht të rinj që jetojnë vetëm në qendra të mëdha urbane, me theks të veçantë te gratë rreth moshës 25 vjeç. Këta janë njerëz që shpesh përjetojnë ndjenja të forta vetmie për shkak të mungesës së komunikimit të përditshëm, por gjithashtu shqetësohen për mundësinë e ndodhjes së diçkaje të papritur pa e kuptuar askush.

Biao Xiang, një studiues në Institutin Max Planck për Antropologji Sociale, vëren se shumë të rinj në Kinë u rritën duke besuar se përmbushja e qëllimeve të tyre do të çonte në mënyrë të pashmangshme në sukses. Por një ekonomi e ngadalësuar dhe mundësitë e kufizuara të punësimit e kanë shkatërruar këtë premtim. Në këtë klimë, regjistrimi në një aplikacion të tillë vepron si një shprehje e qetë pesimizmi për disa.

The post Filloi në Kinë dhe tani po përhapet kudo! Aplikacioni i ri për njerëzit e vetmuar appeared first on iconstyle.al.

Krijuesit e “Stranger Things”, Matt dhe Ross Duffer, po përballen me kritika nga një pjesë e madhe e shikuesve për pamjet nga dokumentari “One Last Adventure: The Making of Stranger Things 5”, i cili u publikua më 12 janar.

Tifozët e serialit në mediat sociale pretenduan se një pamje tregon skeda të hapura ChatGPT në një ekran kompjuteri, gjë që ngjalli thashetheme se mjete të inteligjencës artificiale u përdorën në procesin e shkrimit, veçanërisht për finalen e serialit.

So they used chatgpt AND consulted reddit for the ending of a show like stranger things…??

And it’s not a secret that Stranger things reddit HATES Will.

Oh duffers never pick up a pen again. https://t.co/QrQbdUSB18

— Paris (@7Bylers) January 12, 2026

Diskutimi erdhi në një kohë kur fundi i “Stranger Things” ka qenë tashmë në qendër të kritikave nga disa prej audiencës, me komente se finalja nuk ofroi kulmin e pritur emocional. Në këtë klimë, përdoruesit i lidhën imazhet nga dokumentari me ndjenjën e zhgënjimit që, siç thonë ata, përfundimi i historisë i la. Një fans shkroi: “Vëllezërit Duffer përdorën ChatGPT për të shkruar sezonin e 5-të të Stranger Things. Tani e dimë pse finalja u duk “e çuditshme” .” Një tjetër komentoi: “Ata përdorën ChatGPT dhe Reddit kur punuan në fund. Nuk është çudi që u duk e papërfunduar.”

Deri më tani, nuk ka pasur asnjë deklaratë publike nga Matt dhe Ross Duffer mbi këto pika specifike. “Stranger Things” u shfaq premierë në vitin 2016 dhe përfundoi në vitin 2025, duke u bërë një nga prodhimet më të suksesshme të platformës dhe duke nxjerrë në pah, ndër të tjera, emra të tillë si Millie Bobby Brown dhe Finn Wolfhard.

The Great Duffer brother used Chatgpt to write Stranger Things Season 5.
WTF man , now we know why season 5 sucked.#StrangerThings5 pic.twitter.com/TgjiHv7QN2

— Vicky Shinde (@iamshinde83) January 12, 2026

Në të njëjtin dokumentar që tregon prapaskenat e sezonit të fundit, vëllezërit Duffer përshkruajnë një mjedis me presion të lartë gjatë shkrimit të sezonit të fundit, duke thënë se drejtuesit kërkonin skenarë ndërsa prodhimi ishte tashmë në zhvillim e sipër. Ata thonë se ishte mjedisi më stresues i shkrimit që kanë përjetuar ndonjëherë.

The post Fansat e ‘Stranger Things’ dyshojnë: A u shkrua sezoni final me inteligjencë artificiale? appeared first on iconstyle.al.

Disa shenja të zodiakut janë në një periudhë veçanërisht të favorshme për financat e tyre këto ditë. Periudha që vijon favorizon hapat e llogaritur: ata që ndërtojnë siguri dhe perspektivë pas vendimit fillestar. Në financa, është e rëndësishme të mos kompromentoni stabilitetin tuaj afatgjatë, por në të njëjtën kohë nuk mund të qëndroni në vend dhe të prisni që bollëku financiar të vijë vetvetiu. Qoftë përmes lëvizjeve praktike apo përmes besimit në vetvete, kjo energji ju bën thirrje të merrni një rrezik të llogaritur, duke e ditur se është e vetmja rrugë drejt suksesit që kërkoni.

Shigjetari
Ky është momenti juaj i mundësisë. Të dielën, më 18 janar, ndodh Hëna e Re në Bricjap. Duke punuar tashmë me këtë energji që nga dhjetori i vitit 2025, kjo Hënë e Re nuk duket kërcënuese, por vepron si hapi tjetër, plotësisht logjik drejt pavarësisë suaj financiare. Hëna e Re në Bricjap sjell fat dhe rritje të vrullit. Çfarëdo që keni planifikuar ose përgatitur në heshtje në sfond, është koha ta vini në praktikë. Kjo nuk do të thotë domosdoshmërisht shpërblim i menjëhershëm. Ajo që është e rëndësishme është fillimi: një projekt i ri, një investim ose një vendim që përcakton tonin për rrugën tuaj financiare për vitin e ardhshëm.

Bricjapi
Edhe pse konsideroheni shenja më e favorizuar nga rrugët tradicionale drejt suksesit, kjo nuk do të thotë se nuk ka alternativa. Që nga fillimi i vitit 2026, keni marrë energji intensive në shenjën tuaj, duke synuar të sqaroni atë që dëshironi vërtet dhe të kërkoni fuqinë tuaj. Mundësia për veprim vjen të shtunën, më 17 janar, me lëvizjen e Venusit në Ujor. Kjo është një javë me dinamikë intensive. Të besosh në veten tënde dhe të jesh i gatshëm të marrësh rreziqe është thelbësore, ashtu siç kërkon Venusi në Ujor. Venusi shoqërohet me pasuri dhe bollëk. Nëse doni të arrini suksesin që parashikoni, jeni të thirrur të ndiheni rehat me rrezikun.

Ujori
Kushtojini vëmendje shenjave që po ju dërgon universi. Të shtunën, më 17 janar, Dielli në Bricjap takohet me Saturnin në Peshq, duke sjellë intuitë të shtuar dhe mundësi të papritura financiare. Saturni ka lëvizur nëpër sektorin tuaj financiar që nga viti 2023, por tani është në javët e tij të fundit në këtë shenjë. Kjo do të thotë që puna juaj e palodhur më në fund po fillon të japë fryte. Është e rëndësishme të qëndroni të hapur dhe vigjilentë, në mënyrë që të mund ta dalloni mundësinë në momentin që ajo paraqitet. Ju jeni më të hapur ndaj shenjave dhe më të gatshëm të besoni në kohën astrale. Saturni sjell shpërblime financiare, për sa kohë që i lejoni vetes të ndiqni udhëzimet që merrni, pa u kapur pas planeve të ngurta.

The post Financat e këtyre shenjave të zodiakut do të përmirësohen në ditët në vijim appeared first on iconstyle.al.

Ndërsa Irani vazhdon të mbetet në trazira pas demonstratave kombëtare kundër regjimit të nxitura nga ekonomia në rënie e vendit dhe kërkesa për një ndryshim të plotë të regjimit, numri i të vdekurve nga protestat kaloi 2000. Irani thuhet se do të ekzekutojë protestuesin e parë, të identifikuar si Erfan Soltani, në lidhje me arrestimet masive, raportoi FOX News, duke cituar grupet e të drejtave të njeriut.

Me bllokimin e komunikimeve në Iran, agjencitë e lajmeve dhe portalet nuk kanë qenë në gjendje të konfirmojnë dhe verifikojnë në mënyrë të pavarur numrin e të vdekurve dhe ekzekutimin e supozuar të Soltanit.

I riu është banor i Fardis në periferi të Karaj të Teheranit. Ai u arrestua më 8 janar 2026 gjatë protestave anti-Khameini në Karaj. Gazeta amerikane “The Sun” raportoi se ai besohet të akuzohet për “luftë kundër Zotit”, gjë që dënohet me vdekje në Iran.

Mbështetësit pretenduan se atij nuk iu lejua të kërkonte këshilla ligjore dhe gjithashtu nuk iu dha mundësia të mbrohej dhe kundër tij u dha një vendim me vdekje me varje. Sipas raportimeve, familja e Soltanit u informua më 11 janar 2026 se ai ishte dënuar me vdekje, dhe ekzekutimi i tij thuhet se ishte planifikuar të zhvillohej më 14 janar 2026. Familja thuhet se pretendoi se nuk u ishte thënë pse u arrestua ose cili autoritet e kreu arrestimin.

Ai u lejua të shihte familjen e tij vetëm për dhjetë minuta dje për t’i thënë lamtumirë, raportoi The US Sun, duke cituar aktivistët.

“Atij iu mohua qasja në një avokat. Krimi i vetëm i Erfanit ishte thirrja për liri”, citohet të ketë thënë Bashkimi Kombëtar për Demokraci në Iran nga The US Sun.

The post Kush është Erfan Soltani? Irani përgatitet për ekzekutimin e 26-vjeçarit appeared first on iconstyle.al.

Altin Doci, 34 vjeç u arratis paraditen e kësaj të marte nga burgu i Durrësit. Me origjinë nga Puka dhe banues në Tiranë, Doci u arratis nga ambientet e spitalit ku ishte çuar për vizitat mjekësore. Sipas burimeve të ABC News Altin Doci godit policin, i cili e shoqëronte dhe është larguar nga katit i tretë o spitalit.

Por kush është Altin Doci?

Altin Ndoci është nja nga personat e arrestuar fillimisht nga prokuroria e Durrësit dhe më pas gjatë operacionit “Plumbi i artë”.

Ndoci u bë i njohur për publikun pas rrëfimit të një bashkëpunëtori të policisë, i cili zbuloi lidhjet e tij në vrasjen e dy vëllezërve Haxhia në Durrës dhe ekzekutimin e dy personave të tjerë më 2 mars 2020, Dorjan Shkoza dhe Anxhelo Avdia. Dhe njihet si shok i Nuredin Dumanit.

Sipas policisë, Altin Ndoci ka lidhje të ngushta me grupet kriminale të zonës së Pukës dhe është shoqërisht i lidhur me persona të tjerë të njohur për krime të rënda, si Arben Muço, i arrestuar në tentativë grabitjeje me armë në Fier më 2018. Ai dyshohet gjithashtu të ketë marrë pjesë në ngjarje ku mbeti i vrarë Xhuljan Sollaku dhe u plagos Muço, ndërsa pjesëtarët e tjerë të grupit shpëtuan.

Gjatë hetimeve, policia ka sekuestruar prova që lidhen me rrjetin e tij kriminal, duke përfshirë makina të braktisura, gjurmë gishtash dhe njolla gjaku, të cilat lidhën Ndocin me disa nga ngjarjet e dhunshme në qytetet e Durrësit dhe Tiranës.

Një i burgosur në burgun e Durrësit është arratisur. Burime thonë për ABC Neës se personi i arratisur është Altin Ndoci, i arrestuar me kërkesë të SPAK për vepra të rënda penale.

Për ABC News, gazetari Leonidha Musaj tha se Ndoci ndodhej i shtruar në spitalin Infektiv në Durrës. Sipas burimeve ai ka goditur policin që e shoqëronte në dhomë dhe ka mundur të arratiset.

Altin Ndoci, ndodhej I shtruar në katin e tretë të spitalit të Durrësit.

Të dhënat e sondazhit “Zëri i Shqiptarëve” tregojnë një rënie të ndjeshme të besimit të qytetarëve ndaj spektrit politik në tërësi, duke përfshirë jo vetëm partitë tradicionale, por edhe formacionet e reja.

Sipas analistit Arben Meçe, i ftuar në emisionin “News Line” në ABC News, perceptimi negativ ndaj politikës po thellohet, duke sjellë mungesë shprese dhe besimi te votuesit.

Ai thekson se të gjitha partitë janë në rënie, me Partinë Socialiste që ruan një stabilitet relativ më të madh krahasuar me të tjerat, ndërsa Partia Demokratike, nën drejtimin e Sali Berishës, pritet të vijojë trendin rënës.

Ndërkohë, partitë e vogla, pavarësisht pritshmërive për rritje, kanë dështuar të krijojnë lidership të besueshëm, në një realitet ku elektorati shqiptar voton gjithnjë e më shumë me perspektivë dhe kërkon ndryshim real.

“Po japin një perceptim negativ, dhe ka ndikimet e veta për të gjithë ata që kanë votuar për pensionet. Ka sjellë mungesë besimi dhe shprese. Ajo që po lexojmë këtë sondazh është se në bllok politika po bie dhe kjo duhet lexuar nga të gjithë komponentët. PD e Berishës ka prirje për të rënë. Kurse PS duhet t’i lexojë mirë këto të dhëna sepse nuk ka një qëndrim pozitiv që pas zgjedhjeve të 11 majit. Edhe PS, PD, por edhe partitë e vogla janë në rënie. Në këtë rënie PS ka më shumë qëndrueshmëri se sa partitë e tjera.

Duhet të ngriheshin partitë e vogla, por ka ndodhur krejt e kundërta, jo vetëm që nuk janë ngritur, por kanë rënë. Është mësim i madh për PS, PD nuk ka pritshmëri për t’u ngritur. Partitë e reja kanë disa probleme që në Shqipëri lidhen me drejtuesit politikë të saj. PD dhe PS kanë persona të fuqishëm që kanë përkrahësit e tyre. Partitë e vogla pavarësisht se u futën në garë me individë dhe nuk arritën që të bëheshin të besueshëm. Populli shqiptar nuk është më në vitet ’90 që e hidhte votën në mënyrë të verbër, por tani shikon me perspektivë nga e ardhmja dhe kjo është gjëja më pozitive.

Partitë e vogla nuk ka prodhuar lidership që mund të prodhojë besueshmëri. PD për sa kohë ka Berishën në krye do të jetë gjithnjë edhe në rënie. PS duhet të rregullojë marrëdhëniet me publikun. Lufta kundër korrupsionit, është detyra kryesore e Ramës”, tha Arben Meçe.

Një i burgosur në burgun e Durrësit është arratisur.

Burime thonë për ABC News se personi i arratisur eshte Altin Ndoci.

Të njëjtat burime thonë se i burgosuri ka ikur nga spitali i Durrësit ku ndodhej prej disa ditësh i shtruar në repartin infektiv.

Deklaratë paraprake

Paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore. Të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit.

Pavarësisht ndërhyrrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali. Strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes.

Hetimi nga SPAK për fondet e Kuvendit të Rithemelimit, që parapriu kthimin e Sali Berishës në Partinë Demokratike ka nisur pas një kallëzimi të bërë nga Gazmend Bardhi në fund të 2021 në Prokurorinë e Posaçme. Në këtë kallëzim ish sekretari i përgjithshem i PD paditi Këlliçin, Vokshin dhe Spahon si organizatorë të Kuvendit.

Asokohe Bardhi i kërkonte publikisht Berishës të bënte transparencë për financimet me të cilat bëri Kuvendin në stadium.

“Me shumë dëshirë që secila media, që i shërben të vërtetës dhe transparencës është të trokasë në zyrën e z/Berisha dhe ti kërkojë të realizojë premtimet e tij publike. Së pari, për transparencë të plotë të delegatëve të Kuvendit të 11 dhjetorit.

Premtoi transparencë, lexim të cdo emri proces verifikimi të cdo media dhe ju nxori jashtë. Së dyti, ju premtoi që shpenzimet dhe faturat e mitingut luksoz të 11 dhjetorit do të ishin publik për opinionin madje do informonte se kush ishin financuesit e mitingut luksoz të 11 dhjetorit.

Pas publikimit do të shikoni se ëshë top lista e oligarkëve që marrin nga mëngjesi në darkë paratë e shqiptarëve me firmë të Edi Ramës” shprehej Bardhi./abcnews.al

Departamenti i Shtetit ka revokuar më shumë se 100,000 viza të huaja në vitin 2025, më shumë se dyfishi i asaj të vitit 2024, që ishte edhe viti i fundit i administratës së presidentit Joe Biden.

Ky veprim i DASH-it vjen pas urdhrit ekzekutiv të ditës së parë të presidentit Donald Trump mbi verifikimin e shtetasve të huaj. Në vitin 2024, departamenti revokoi 40,000 viza, raportoi “Fox News”.

Shumica e revokimeve ishin për udhëtarë biznesi dhe turistike që kishin tejkaluar afatin e vizave të tyre.

Një zëdhënës i DASH-it ka thënë se shumica e studentëve dhe punëtorëve që kanë humbur vizat e tyre kanë pasur përplasje kriminale me forcat e ligjit.

Në gusht të vitit 2025, administrata Trump njoftoi se po shqyrton të gjithë 55 milionë të huajt që kanë viza të vlefshme amerikane.

Zëvendëszëdhënësi kryesor i Departamentit të Shtetit, Tommy Piggott, shtoi se administrata do të vazhdojë qëndrimin e saj agresiv të zbatimit të ligjit përmes qendrës së saj të re të verifikimit të vazhdueshëm.

“Administrata Trump do të vazhdojë ta vërë Amerikën në plan të parë dhe ta mbrojë kombin nga shtetasit e huaj që paraqesin rrezik për sigurinë publike ose sigurinë kombëtare”, tha ai.

Departamenti gjithashtu ka zbatuar standarde më të rrepta për marrjen e vizave amerikane.

Nuk është në majë, dhe vështirë se do t’ia dalë. Xhejms Harden është 36 vjeç dhe ëndrra për të qenë shënuesi më I mirë në historinë e NBA-së edhe vetë e di se nuk do të realizohet, ndonëse ai vazhdon ngjitjen.

Veterani i basketbollit amerikan tani është në vendin e 9-të në këtë klasifikim, që e udhëheq “Mbreti” Lebron Xhejms, pasi shënoi 32 pikë në ndeshjen e fundit dhe kaloi një legjendë të madhe.

Harden la pas Shakill O’Nillin, njërin nga basketbollistët më dominues që ka parë bota.

I mbiquajturi “Mjekra” ka tani 28 614 pikë në NBA, ndërsa O’Nill është 18 pikë prapa.

Siç e ka për natyrë, 36-vjeçari mori shumë përsipër dhe dha kontribut në fitoren që Los Anxhelos Klipers arritën ndaj Sharlotës me shifrat 117-109, duke vazhduar ngjitjen këtë sezon.

Harden shëoi 32 pikë, kapi 4 topa në tabela, shërbeu 10 asistë dhe pati 4 vjedhje topi, por edhe bëri gabime të shumta në gjuajtje.

Vendimtar për fitoren ishte ylli tjetër, Kauaj Leonard me 35 pikë dhe shumë më tepër saktësi.

Sa I takon renditjes së shënuesve, “Mjekra” mund të kalojë edhe Uilt Çembërlenin që është rreth 3 000 pikë përpara, por për këtë mund t’i duhen edhe dy sezone të tjera, nëse do të vazhdojë me basketbollin.