Rita Ora është parë duke u stërvitur me veshje sportive minimaliste, teksa lansoi koleksionin e saj më të ri në bashkëpunim me Primark.

Këngëtarja 35-vjeçare ka sjellë disa koleksione me këtë brend të njohur të rrugëve tregtare, pas bashkëpunimit të parë në vitin 2023 — ndërsa këtë herë po hyn edhe në botën e veshjeve sportive, së bashku me artistin e hip-hopit, Krept.

Koleksioni më i ri, i quajtur “Every Move Counts”, është frymëzuar nga dashuria e Ritës për Pilates dhe është dizajnuar që të vishet si brenda, ashtu edhe jashtë studios, shkruan DailyMail.

Në një sërë fotografish promovuese, Rita shihet duke testuar veshjet sportive në një makinë Pilates reformer.
Ajo ka veshur një bluzë të shkurtër ngjyrë çokollate me pjesë të pasme të zgjatur, të kombinuar me pantallona të shkurtra të ngushta me bel të lartë.

Në një dukje tjetër, Rita ka zgjedhur “Rita Ora Gathered Tech Jacket” (22 £) të kombinuar me pantallona sportive të njëjta.

“Ky koleksion me Primark është frymëzuar nga dashuria ime për Pilates-in dhe ai ekuilibër mes forcës, vetëbesimit dhe lehtësisë,” tha Rita.

“Desha pjesë që të mbështesin kur po e shtyn veten në maksimum, por që njëkohësisht të duken të buta, elegante dhe aq stil që t’i veshësh edhe jashtë studios”.

Ajo shtoi: “Nga materialet modeluese deri te shtresat super të buta, gjithçka është dizajnuar të lëvizë bashkë me ty — qoftë duke u stërvitur, duke u shtrirë apo thjesht duke kryer punët e përditshme. Bëhet fjalë për ta rishkruar performancën sipas kushteve të tua, për t’u ndier i sigurt në trupin tënd dhe për të dukur mirë”.

“Jam shumë krenare për mënyrën si ky koleksion bashkon stilin dhe funksionalitetin në një mënyrë të thjeshtë dhe reale!”.

Pjesët më të reja të Ritës, me çmime që variojnë nga 2.50 deri në 26 paund, ofrojnë mbështetje shtesë rreth pjesës qendrore të trupit, duke përforcuar edhe seancat më intensive të palestrës.

Veshjet e linjës për femra janë të krijuara që të ndjekin lëvizjen natyrale të trupit — qofshin duke vrapuar për të kapur autobusin apo në rutinen e treadmill-it.

Ndërkohë, koleksioni për meshkuj — i modeluar nga muzikanti Krept — është menduar për stërvitje, ditë pushimi dhe ushtrime dimërore, me materiale që thithin djersën dhe dizajne kundër fërkimit, të përshtatshme për intensitet të lartë.

Duke folur për bashkëpunimin, Krept tha: “Besoj që të gjithë duhet të kenë qasje në veshje të mira sportive, jo vetëm atletët apo influencerët. Prandaj bashkëpunimi me Primark më dukej i duhuri — ka të bëjë me performancë dhe vetëbesim, pa barriera”.

Foto: Primark/Instagram

Rita po bashkëpunon me këtë zinxhir të njohur që nga viti 2023 dhe ka sjellë disa koleksione me të. Në njërin prej tyre, ajo madje ka pozuar edhe me nënën e saj psikiatre, Vera.

Këngëtarja ka shfaqur linjat e trupit teksa ka pozuar me një sërë veshjesh festive — përfshirë një fustan të zi elegant për mbrëmje dhe një fustan midi prej 25 £ me çarje të theksuar në pjesën e këmbës.

Foto: Primark/Instagram

Me flokët e lëshuara, autorja e hitit “Hot Right Now” pozoi me duart mbi kokë, ndërsa në një tjetër foto u shtri në tokë duke vënë në pah këmbët.

Më pas, Rita veshi një minifustan elegant të zi, pa shpinë, me korse dhe fund në stil “skater”, të kombinuar me dekolte katrore.
Ajo theksoi belin me një fjongo të madhe në pjesën e pasme dhe aksesorizoi me byzylyk të trashë dhe vathë ari.

Foto: Primark/Instagram

Rita u shoqërua edhe nga nëna e saj glamuroze, Vera, 60-vjeçare, e cila modeloi një xhaketë të bardhë elegante me një kopës, me çmim 34 £, të kombinuar me pantallona të shkurtra në të njëjtën ngjyrë me çmim 18 £.

Më pas, Vera veshi një fustan midi kafe me mëngë të gjata dhe material të ribuar, me çmim 21 £, duke treguar figurën e saj elegante.

Foto: Primark/Instagram

Duke komentuar bashkëpunimin, Rita Ora tha: “Jam shumë e emocionuar që po lansoj koleksionin tim të ri me Primark. Ka energji të ndryshme — sidomos veshjet e mbrëmjes që të mbulojnë për çdo rast: darkë, koktej apo vallëzim!”

“Nëse dëshironi më shumë shkëlqim apo diçka më të thjeshtë, kemi pallto, kemi tekstura — kemi gjithçka! Edhe mamaja ime e mrekullueshme, Vera, u bashkua për të modeluar disa nga veshjet — ishte shumë argëtuese, ajo është një yll!”. /Telegrafi/

Foto: Primark/Instagram

Rita Ora ka qenë një nga figurat më të spikatura të natës së ndërrimit të viteve, teksa ka shkëlqyer me gjashtë paraqitje të ndryshme glamuroze gjatë moderimit të spektaklit të famshëm amerikan “Dick Clark’s New Year’s Rockin’ Eve”, të mërkurën mbrëma.

Këngëtarja 35-vjeçare iu bashkua prezantuesit Ryan Seacrest për vitin e tretë radhazi, duke udhëhequr traditën vjetore të festimeve në Times Square për publikun e New Yorkut, shkruan DailyMail.

Gjatë orëve të fundit të vitit 2025, Rita sfidoi temperaturat e ulëta me një sërë veshjesh elegante, përfshirë pallto gëzofi, kombinime me print leopard dhe një paraqitje të guximshme me veshje tërësisht prej lëkure të zezë.

Dita nisi herët për Ritën, e cila u shfaq në Midtown me një fustan mini saten ngjyrë vjollcë, që theksonte këmbët dhe kishte një pjesë të sipërme me dantellë transparente.

Ajo e kombinoi pamjen me taka të larta rozë, një pallto të gjatë gëzofi, një varëse të madhe ari në formë zemre dhe një çantë saten blu.

Në momentin që u drejtua drejt prapaskenës, këngëtarja tentoi të mbante një profil më të ulët, duke u shfaqur me një hoodie kamuflazhi, shall gri, syze dielli dhe pantallona sportive të zeza, të kombinuara me atlete dhe një pallto të gjatë me astar gëzofi.

Me nisjen e spektaklit në orën 20:00 sipas kohës lokale, Rita u shfaq në skenë krah Ryan Seacrest me një veshje elegante ngjyrë të bardhë dimërore, që përfshinte një pulovër me jakë të lartë, pantallona të përshtatura, pallto të njëjtë dhe një shall të thurur që i jepte pamjes finesë.

Flokët bionde i kishte stiluar në onde të mbledhura, ndërsa pamjen e kompletoi me çizme të bardha, doreza lëkure dhe vathë argjendi të mëdhenj. Gjatë mbrëmjes, ajo dhe Seacrest mirëpritën edhe ekipin e bejsbollit Savannah Bananas, duke u veshur me uniforma të verdha sportive dhe duke kërcyer së bashku në skenë.

Më vonë, Rita ndryshoi sërish stil, duke veshur një pallto gëzofi me print leopard, të kombinuar me buzëkuq të kuq dhe vathë ari.

Një tjetër paraqitje e saj përfshinte një pulovër të zezë, çizme të njëjta dhe një pallto të bardhë gëzofi, të shtrënguar në bel me një rrip të trashë të zi.

Ajo ndryshoi edhe stilin e flokëve, duke kaluar nga onde elegante në një stil më minimalist dhe të drejtë.

Për një nga paraqitjet e fundit të natës, këngëtarja u shfaq me një xhakete bomber prej lëkure të zezë dhe pantallona të drejta të së njëjtës linjë, të kombinuara me çizme të bardha me taka.

Ndërkohë, Seacrest u shfaq me një smoking elegant, të kompletuar me një xhaketë kadifeje të kuqe.

Festimet në Times Square u kurorëzuan me performancën kryesore të Diana Ross, si dhe me interpretime nga emra të njohur si Post Malone, Demi Lovato, Chappell Roan dhe artistë të tjerë.

Përtej skenës, Rita Ora ka qenë në qendër të vëmendjes edhe për sukseset financiare. Sipas dokumenteve të fundit financiare, kompanitë e saj Ora Live dhe Ora Multi Services kanë gjeneruar 4.8 milionë paund fitim brenda një viti, duke e çuar pasurinë neto të këngëtares në rreth 31 milionë paund.

Ajo vazhdon të jetë aktive në televizione si The Voice UK, The X Factor dhe The Masked Singer, si dhe në aktrim, ndërsa ka ndërtuar një portofol të gjerë bashkëpunimesh me marka të njohura të modës, bukurisë dhe industrisë së pijeve.

Së fundmi, Rita ka theksuar se nuk dëshiron të kufizohet vetëm si muzikante, duke folur për fuqizimin e grave dhe thyerjen e kufijve profesionalë gjatë Festivalit Ndërkombëtar të Filmit në Detin e Kuq, ku u shpreh se është “gjithmonë duke mësuar dhe duke eksploruar fusha të reja”. /Telegrafi/

Rita Ora la të gjithë pa fjalë me dy paraqitje të ndryshme teksa mori pjesë në një event për media në New York përpara prezantimit të programit “Dick Clark's New Year's Rockin' Eve”.

Këngëtarja 35-vjeçare do të bashkohet me Ryan Seacrest për të prezantuar këtë traditë vjetore në Times Square për shikuesit në New York.

Para ditës së madhe të së mërkures, Rita u pa me një veshje elegante gri, përpara se të shfaqej me një veshje tjetër teksa mori pjesë në konferencën për shtyp me bashkëprezantuesin e saj pranë Times Square Ball.

Këngëtarja bëri një paraqitje mbresëlënëse duke pozuar për fotografët me një pallto të gjatë prej pelushi.

Flokët i kishte kapur derisa e kompletoi paraqitjen me vathë të mëdhenj të artë dhe syze dielli, teksa pozoj së bashku me Ryan.

Rita Ora tërhoqi vëmendjen në New York City të hënën, duke shfaqur stilin e saj elegant në dy veshje të ndryshme gjatë provave për “New Year’s Rockin’ Eve 2026” të Dick Clark, ku do t’i bashkohet Ryan Seacrest për të drejtuar eventin tradicional në Times Square.

Këngëtarja 35-vjeçare u shfaq fillimisht me një pallto të gjatë prej leshi ngjyrë kafe, të shtresuar mbi një tjetër pallto të rehatshme të njëjtë, të kombinuar me çizme lëkure dhe syze dielli elegante.

Ajo dukej e qeshur dhe e relaksuar gjatë provave në rrugë me ekipin e prodhimit.

Më vonë, Rita veshi një kostum të bardhë elegant me xhaketë të rrumbullakët dhe pantallona me pranga në kyçin e këmbës, duke e kompletuar dukjen me taka të zeza, doreza lëkure, syze dielli dhe vathë ari.

Suksesi i saj profesional shoqërohet me fitime të mëdha. Dokumentet e fundit tregojnë se Rita ka fituar 4.8 milionë paund, afërsisht 5.6 milionë euro, gjatë një viti, një shifër marramendëse që përkthehet në rreth 13,000 paund në ditë, afërsisht 15,000 euro, më shumë se dyfish i fitimeve të saj nga viti i kaluar.

Kjo e vendos pasurinë neto të Ritës në 31 milionë paund, afërsisht 36 milionë euro, duke përfshirë të ardhurat nga muzika, turnetë, projektet televizive dhe fushatat reklamash. /Telegrafi/

Rita Ora ka pasur një vit të shkëlqyer financiar, pasi llogaritë e reja të kompanive të saj Ora Live dhe Ora Multi Services tregojnë se ajo ka fituar rreth 5.5 milionë euro brenda një viti, më shumë se dyfishi i asaj që fitoi vitin e kaluar.

Kjo i korrespondon rreth 13 mijë funte në ditë, duke e çuar pasurinë e saj të përgjithshme në afërsisht 35.5 milionë euro.

Fitimet e saj vijnë nga kombinimi i muzikës, turneve, projekteve televizive dhe një portofoli të gjerë reklamash, shkruan DailyMail.

Rita ka shërbyer si trajnere dhe gjyqtare në programe të njohura si The Voice UK, The X Factor dhe The Masked Singer në Britani dhe SHBA, ndërsa ka marrë pjesë edhe në projekte filmike si Kung Fu Panda: Dragon Knight dhe Fifty Shades.

Ajo ka nënshkruar edhe një sërë marrëveshjesh të suksesshme marketingu, duke bashkëpunuar me marka të modës si Adidas, Primark dhe Escada, me marka bukurie si Rimmel, si dhe kompani pijesh si Próspero Tequila dhe Coca-Cola Zero Sugar.

Këngëtarja foli së fundmi për fuqizimin e grave në Festivalin Ndërkombëtar të Filmit në Detin e Kuq, ku theksoi se nuk dëshiron të kufizohet vetëm në muzikë.

Rita tha se vazhdon të mësojë dhe të thyejë kufij, duke marrë frymëzim nga figura të mëdha femërore si nëna e saj, Madonna, Blondie dhe Cher.

Ajo shtoi se dëshiron të përqafojë dhe të transmetojë energjinë e fuqizimit tek gjeneratat e ardhshme, duke theksuar rëndësinë e diskutimit të hapur për çështjet që prekin gratë në çdo fushë të jetës. /Telegrafi/

Rita Ora sfidoi temperaturat e ulëta me një paraqitje provokuese gjatë performancës së saj në koncertin hapës të “Top of the Mountain” në Ischgl të Austrisë.

Këngëtarja shqiptaro-britanike, 35 vjeçe, tregoi linjat e saj mahnitëse me një jelek të shkurtër me print leopardi dhe pantallona të shkurtra prej lëkure, shkruan DailyMail.

Për t’i shtuar disa shtresa pamjes së saj të guximshme, interpretuesja e hitit “I Will Never Let You Down” kishte veshur një pallto luksoze prej gëzofi artificial – të hapur për të zbuluar barkun e sheshtë dhe një tatuazh, të kombinuar me çorape të zeza.

Ajo e kompletoi stilin me çizme të gjata deri në gju, unaza të mëdha dhe syze të errëta, ndërsa këndoi këngën e saj të re “All Natural” si dhe hitet klasike si “Your Song”, përpara dhjetëra mijëra fansave që kishin mbushur koncertin në natyrë.

Pas eventit, Rita surprizoi fansat teksa u pa së bashku me bashkëshortin e saj mbështetës, regjisorin dhe aktorin nga Zelanda e Re, Taika Waititi, në një fluturim të nga Innsbrucku – aeroporti më i afërt me Ischgl-in.

Sipas një pasagjeri, ajo dukej se po përpiqej të mos binte shumë në sy, e mbuluar me maskë dhe bandanë.

Performanca e Ritës më 29 nëntor shënoi zyrtarisht hapjen e sezonit të skive në Ischgl – vend i njohur si “Ibiza e Alpeve”, falë atmosferës së zhurmshme të apres-ski dhe jetës së natës.

Resorti është i famshëm për hotelet luksoze si Elizabeth Arthotel dhe Solaria, ndërsa në vitet e fundit është kthyer në pikë të preferuar për yjet ndërkombëtarë.

Ischgl, i cili shtrihet në zonën e gjerë të skijimit Silvretta Arena (239 kilometra pistë që kalon deri në Zvicër), ka pritur emra të mëdhenj të muzikës për më shumë se 30 vjet – nga Tina Turner, Elton John, Mariah Carey, Rihanna, Bob Dylan, Bon Jovi, Kylie Minogue e deri te Katy Perry. Në mesin e të ftuarve VIP ndër vite kanë qenë edhe Paris Hilton, Nicole Scherzinger dhe Naomi Campbell.

Në konferencën për media para performancës, Rita u shpreh e nderuar që po ngjitej në një skenë që ka pritur kaq shumë artistë legjendarë.

“E njoh historinë e këtij vendi. Ka pasur kaq shumë artistë të jashtëzakonshëm dhe jam shumë e lumtur që jam pjesë e këtij rreshti ikonash. Është e veçantë të krijoj një kujtim këtu sonte”, tha Rita Ora.

E pyetur cilin artist të viteve të kaluara kishte pëlqyer më shumë, Rita u përgjigj: “Fakti që Tina Turner ka performuar këtu më emocionoi më së shumti. Ne kemi të njëjtën ditëlindje, kështu që e ndjej një lidhje me të – edhe pse nuk e kam takuar kurrë. Ajo është një nga idhujt e mi më të mëdhenj”.

Rita pranoi se ishte pak e emocionuar para performancës, duke shtuar me humor se shpresonte që publiku të kishte pirë pak, që festa të shpërthente plotësisht.

“Këngët e mia janë pozitive dhe ngritëse. Doja që publiku thjesht të argëtohej dhe të kishte një mbrëmje të paharrueshme,” tha ajo.

Ajo foli edhe për sfidat personale të viteve të fundit: “Kam kaluar shumë gjëra, si publikisht ashtu edhe privatisht. Jam rritur dhe kam mësuar. Tani ndjej se e njoh veten më mirë dhe jam mirënjohëse që ende mund të bëj muzikë, të performoj, të xhiroj filma dhe të sfidoj veten me projekte të reja”.

Rita zbuloi se albumi i saj i ri, që pritet të publikohet në vitin 2026 pas single-it “All Natural”, do të jetë krejt ndryshe nga projektet e mëparshme: “Është një album shumë i ndershëm, shumë i hapur. Kam eksperimentuar me shkrimin dhe kam punuar me njerëz të rinj. Ndjeja se kisha nevojë për ndryshim”.

Ajo tha se, pavarësisht eksperimentimit, nuk do të përdorë inteligjencën artificiale në procesin krijues: “AI është pak e frikshme. E përdor vetëm për gjëra të vogla që dua t’i mësoj – sot madje pyeta si bëhet ‘Guinness Rum Punch’. Por për artin tim, jo. E mbaj gjithçka personale”.

Në intervistë, Rita tregoi se vjen nga një familje “aventuriere dhe ëndërrimtare”, me të cilët nuk arrin të kalojë aq shumë kohë për shkak të udhëtimeve të shpeshta. Ajo zbuloi se pas koncertit kishte planifikuar të festonte ditëlindjen e saj të 26 nëntorit me një mbrëmje të qetë mes miqsh.

E pyetur nëse do të provonte skijimin gjatë qëndrimit në resort, Rita tha: “Më pëlqejnë sportet dimërore, por nuk jam rritur me to. Jam më shumë vajzë futbolli. Më pëlqen të rri anash me një rosé apo Aperol Spritz dhe të shijoj atmosferën”.

Ischgl vazhdon të jetë një nga destinacionet më të njohura të Evropës për kombinimin e pistave të skive, jetës së natës dhe eventeve madhështore – ndërsa performanca e Ritës vetëm sa e forcoi këtë reputacion. /Telegrafi/

Rita Ora, Jessica Alba dhe Ana de Armas ishin mes të ftuarve më glamurozë që parakaluan në tapetin e kuq të natës së dytë të edicionit të pestë të Red Sea International Film Festival, të premten në Jeddah të Aranisë Saudite.

Gjatë ngjarjes Women In Cinema, këngëtarja 35-vjeçare u shoqërua nga një numër i madh figurash të njohura, në një mbrëmje të mbushur me yje, shkruan DailyMail.

Rita mahniti të pranishmit e veshur me një fustan ngjyrë gri të çelët, gjysmë transparent dhe me prerje “fishtail”, i cili kishte një dekolte jashtë shpatullave dhe mëngë të valëzuara prej dantelle.

Ajo e kombinoi veshjen me një 'choker' elegant në të njëjtën nuancë dhe me flokë të krehura prapa fytyrës në një stil të lëmuar.

Ndërkohë, Jessica, 44 vjeçe, kishte zgjedhur një fustan të bukur ngjyrë vjollcë me prerje pa shpatulla, ndërsa Ana, 37 vjeçe, u shfaq me një fustan me shkëlqim dhe jakë të lartë.

Në tapetin e kuq u shfaqën gjithashtu shumë emra të tjerë të njohur si Kirsten Dunst, Dakota Johnson dhe Naomie Harris, duke i dhënë mbrëmjes një shkëlqim të veçantë.

Edicioni i këtij viti vë sërish në qendër kinemanë botërore, me një fokus të guximshëm te regjisorët arabë dhe talentet e rajonit.

Të ftuar nga mbarë bota u mblodhën në Sheshin Kulturor të lagjes historike Al-Balad në Jedah për të shënuar temën e festivalit për vitin 2025: For the Love of Cinema.

Kirsten Dunst dukej elegante si gjithmonë me një fustan të zi të thjeshtë e klasik dhe taka stiletto.

Dakota Johnson kishte zgjedhur gjithashtu një paraqitje tërësisht të zezë, me një fustan saten të kombinuar me bizhuteri të guximshme dhe të mëdha.

Naomie Harris shkëlqeu me një fustan dyngjyrësh pa rripa, ndërsa flokët i kishte të mbledhura në një stil të lartë glamuroz.

Nata e parë e festivalit, e mbajtur të enjten, shënoi edhe premierën botërore të filmit "Giant", dramë biografike me ritëm të lartë që rrëfen historinë e legjendës britanike të boksit, Prince Naseem Hamed.

Filmi, i regjisorit Rowan Athale, ka në role kryesore Amir El-Masry si “Naz” dhe Pierce Brosnan si trajneri i tij i famshëm irlandez, Brendan Ingle.

Më vonë gjatë mbrëmjes, Rita Ora foli për fuqizimin e grave në industrinë e filmit dhe muzikës, duke theksuar se vazhdon të mësojë dhe të tejkalojë kufij.

Gjatë eventit Women In Cinema, këngëtarja i tha DailyMail se ajo është “gjithmonë në proces të të mësuarit” dhe se po vazhdon të “thyejë barriera”.

Gjatë performancës së saj në skenë, Rita u shfaq mahnitëse në një kreacion të veçantë të Ellie Saab, me një bust delikat me motive lulesh dhe një fund të fryrë në stilin “puff ball”.

Duke shpjeguar pse nuk dëshiron të kufizohet vetëm në muzikë, Rita tha: “Shumë gra e vendosin veten në një kategori të vetme, por nuk ka pse të jetë kështu. Unë e shoh veten si një amatere çdo ditë, sepse po mësoj vazhdimisht. Nuk duhet të futesh kurrë në një dhomë duke menduar se nuk ke fuqi, sepse e ke”.

Ajo shtoi se figura e parë femërore që i shërben si frymëzim është nëna e saj, por përmendi edhe ikona si Madonna, Blondie dhe Cher: “Ato janë gra që kanë bërë më shumë se një gjë – dhe kjo më pëlqen jashtëzakonisht shumë. Është e jashtëzakonshme të shohësh barriera që thyhen”.

Më tej ajo theksoi: “Ka kaq shumë tema që i kemi parë si gra – nga paga e barabartë te ngurrimi për të folur hapur për menopauzën – gjëra që shpesh na ngarkojnë. Është e çuditshme pse ende diskutohen këto, kur gratë janë në të njëjtën dhomë duke mbështetur njëra-tjetrën. Duhet të jetë diçka e natyrshme dhe normale”.

“Jam shumë me fat që po e përqafoj këtë energji dhe dua ta vazhdoj për gjeneratat e ardhshme”, tha Ora. /Telegrafi/

Këngëtarja shqiptaro-britanike Rita Ora ishte një nga yjet ndërkombëtarë që shkëlqyen në tapetin e kuq të edicionit të 2025-të të Red Sea International Film Festival, i cili po zhvillohet nga 4 deri më 13 dhjetor në distriktin historik Al-Balad të Jeddah, Arabinë Saudite.

Ngjarja e mbrëmjes së enjtes solli së bashku emra të mëdhenj të Hollywoodit, Bollywood-it dhe industrive filmike të Lindjes së Mesme dhe Afrikës Veriore, duke përfshirë fituesin e Oskarit Adrien Brody, aktoret amerikane Queen Latifah, Kirsten Dunst, Jessica Alba dhe Uma Thurman, yllin kubano-spanjoll Ana de Armas, aktorin britanik Daniel Kaluuya, si dhe yllin tonë Rita Ora.

Nga Lindja e Mesme, yjet Sarah Taibah, Zeina Makki dhe Hanaa Mansour ishin gjithashtu pjesë e tapetit të kuq.

Rita Ora (Foto: Harper's Bazaar/Instagram)

Rita Ora tërhoqi vëmendjen me një fustan të zi elegant, me prerje të guximshme, dhe flokët e kapura lart, duke i dhënë një prekje klasike dhe të sofistikuar paraqitjes së saj.

Foto: Humanagement/InstaStory

Fotot e publikuara nga ngjarja tregojnë performancën e saj të stilit të lartë dhe karizmën që e shoqëron kudo ku shfaqet.

Foto: Humanagement/InstaStory

Ky festival i rëndësishëm ndërkombëtar ofron një platformë për të promovuar filma nga e gjithë bota, duke nxjerrë në pah talentet më të spikatura dhe bashkëpunimet kreative mes industrive të ndryshme filmike. /Telegrafi/

Foto: Daniele Venturelli via Getty Images

Foto: Daniele Venturelli via Getty Images

Foto: Daniele Venturelli via Getty Images

Foto: Daniele Venturelli via Getty Images

Rita Ora dhe bashkëshorti i saj, Taika Waititi, u shfaqën të dashuruar teksa iu bashkuan grupit FKA Twigs në festën pas ndarjes së çmimeve të "Fashion Awards 2025" në Rosewood Chancery të Londrës, të hënën në mbrëmje.

Këngëtarja 35-vjeçare vazhdoi të dukej e mrekullueshme në fustanin e saj argjendtë, me dekolte të theksuar dhe linja elegante, ndërsa vetëm pak orë më parë kishte kaluar në tapetin e kuq të ceremonisë në Royal Albert Hall.

Rita u shfaq dorë për dore me regjisorin 50-vjeçar, Taika Waititi, i cili kishte zgjedhur një stil klasik e mjaft të rafinuar me xhaketë smokingu të zezë dhe pantallona elegante, shkruan DailyMail.

Dyshja, e njohur për paraqitjet plot stil dhe kimi të dukshme, tërhoqën sytë e të gjithëve sapo hynë në event.

Fustani i Ritës, përveç shkëlqimit metalik, përfshinte edhe një prerje të lartë në njërën anë, duke i dhënë veshjes një nuancë të guximshme teksa ajo ecte me taka të larta.

Rita dhe Taika, të cilët prej vitesh janë një nga çiftet më të komentuar në botën e artit, konfirmuan edhe një herë se mbeten ndër dyshet më elegante dhe më të dashuruara të skenës ndërkombëtare - me një paraqitje që kombinoi stilin, klasën dhe energjinë pozitive që i karakterizon. /Telegrafi/

Rita Ora bëri një hyrje mbresëlënëse në hapjen zyrtare të sezonit të skive në Austri mbrëmjen e së shtunës, ku performoi në një event të madh festiv.

Këngëtarja 35-vjeçare tërhoqi vëmendjen jo vetëm me energjinë e saj në skenë, por edhe me një paradë veshjesh tërheqëse që krijuan një spektakël të vërtetë mode.

Para performancës, Rita pozoi pranë një bredhi festiv, e veshur me një "bodysuit" të hirtë me mëngë të gjata, të kombinuar me çorape transparente të zeza, shkruan DailyMail.

Ajo e kompletoi veshjen me çizme të gjata të zeza mbi gju, me lidhëse dhe taka të larta, të dizajnuara për të lëvizur lehtësisht edhe në dëborë - duke i dhënë pamjes pak më shumë hijeshi.

Këngëtarja e hitit “Hot Right Now” mbante syze të mëdha me xhama të errët, ndërsa flokët i kishte të gjatë dhe të drejtë, gati për skenë.

Në një moment tjetër, duke shtuar edhe më shumë stil, Rita veshi një xhaketë prej gëzofi ngjyrë kafe teksa pozonte me dëborën dhe bëhej gati të ngjitej në skenë.

E martuar me regjisorin Taika Waititi, Rita zgjodhi një grim glamuroz për performancën, ku binte në sy buzëkuqi i kuq intensiv. Por ishte veshja e skenës ajo që mori gjithë vëmendjen.

Rita u shfaq me një palë pantallona të shkurtra prej lëkure të zezë, duke theksuar linjat e saj mahnitëse.

Ajo ndërroi në një xhaketë të shkurtër me mëngë të mëdha prej gëzofi artificial dhe panele me print leopard, të hapur për të zbuluar pjesën e barkut dhe një tatuazh dekorativ në qendër.

Veshjen e kombinoi me një palë çizme të tjera të gjata të zeza, çorape të holla, unaza dhe syzet e saj karakteristike me xhama të errët.

Ky paraqitje vjen pak pasi këngëtarja zbuloi në një intervistë të së enjtes se beson se mund të jetë “shtrigë”. Ajo tha se kjo “fuqi mistike” është një lloj “gjen familjar”.

“Gjyshja ime ka qenë me siguri shtrigë, për mamin nuk jam e sigurt, por unë besoj se e kam atë gjen”, tha ajo në podcast-in Happy Hour Overheard.

Rita madje përshkroi edhe dasmën e saj si “spirituale” dhe më herët ka treguar dashurinë e saj për jogën dhe leximet astrologjike. Ajo ka edhe një ritual që e ndihmon të qendrohet emocionalisht: “I bëj leximet e mia javore, tarot… Në fund të fundit, mjafton që diçka të të japë shpresë”.

Krijuesja e hitit “Let You Love Me” beson “100 për qind” në astrologji. “Unë mendoj se duhet të ishte fe më vete. Më pëlqen ideja që shpirtrat të udhëheqin rrugën tënde”, tha ajo.

Edhe para performancave, ajo ruan qetësinë: “Disa njerëz dëgjojnë muzikë të çmendur ose pijnë gota… unë jam shumë larg rock ’n’ roll-it para se të dal në skenë. Unë jam sportive, shtrihem, vë muzikë relaksuese, avulloj fytin. Gjithçka është shumë chill”.

Rita ka treguar më parë edhe se është këshilluar me një falltare që, sipas saj, “i ndryshoi jetën”. /Telegrafi/

Rita Ora shkëlqeu fuqishëm në tapetin blu të mbushur me yje gjatë Fashion Awards të së hënës mbrëma.

Këngëtarja u sigurua të binte në sy mes një morie figurash të njohura të modës, teksa u shfaq me një fustan argjendi, tejet të guximshëm, që vinte në pah siluetën e saj perfekte, shkruan DailyMail.

E njohur si një pjesëmarrëse e rregullt e këtij eventi, Rita mahniti me fustanin e ngushtë, i cili kishte një prerje mjaft provokuese dhe nxirrte në pah linjat mbresëlënëse të artistes.

Ajo e kombinoi këtë veshje ultra-moderne me flokë të tërhequr pas dhe grim të realizuar nga Charlotte Tilbury, duke pozuar me gjithë vetëbesim përgjatë tapetit blu të Royal Albert Hall.

Ceremonia e këtij viti u prezantua nga aktori Colman Domingo, i cili i bëri një homazh trashëgimisë britanike të eventit me zgjedhjen e tij të veshjes Burberry për tapetin e kuq.

I konsideruar si një nga mbrëmjet më të rëndësishme të botës së modës, ky event nderon disa nga emrat më brilantë të industrisë globale – duke festuar ikonat e njohura, por edhe dizajnerët e rinj.

Ky eveniment vjetor, i nisur në vitin 1989, njihej fillimisht si British Fashion Awards deri në vitin 2016, kur u riemërua për të pasqyruar më mirë talentet nga e gjithë bota që vlerësohen aty.

Ceremonia është zhvilluar për herë të parë në Royal Albert Hall, por ndër vite është mbajtur edhe katër herë në Natural History Museum dhe tre herë në Victoria & Albert Museum.

Ajo u rikthye në Royal Albert Hall në vitin 2016 dhe që atëherë mbahet çdo vit atje, duke u shndërruar në një pikë grumbullimi për emrat më të mëdhenj të modës.

Nga Princeshë Diana dhe Spice Girls, te Vivienne Westwood dhe Karl Lagerfeld, ky event ka mirëpritur disa nga figurat më të njohura të modës dhe botës së artit.

Ndërkohë, kjo paraqitje e Ritës vjen pak ditë pasi ajo tregoi në një intervistë të re se mendon se mund të jetë “shtrigë”.

Këngëtarja tha se besimi në këtë fuqi mistike është “një gjen” që e ka në familje.

Ajo u shpreh në podcast-in Happy Hour Overheard: “Gjyshja ime ka qenë me siguri shtrigë. Për nënën time nuk jam shumë e sigurt, por mendoj se unë patjetër e kam atë gjen”.

Rita madje e ka quajtur edhe dasmën e saj një moment “shpirtëror”, ndërsa më herët ka ndarë publikisht dashurinë e saj për yogan dhe leximet astrologjike.

Ajo ka një ritual që e ndihmon të ndihet e qetësuar: “Bëj leximet e mia javore, kartat e tarotit... Në fund të ditës, mjafton që diçka të të japë shpresë”.

Krijuesja e hitit Let You Love Me beson “100 për qind” në astrologji — një pseudo-shkencë që pretendon të parashikojë të ardhmen përmes trupave qiellorë.

“Unë madje mendoj se duhet të ishte si një fe,” tha Rita. “Më pëlqen ideja që shpirtrat të udhëheqin rrugën tënde.”

Ajo ruan po ashtu qetësinë para performancave live, duke thënë: “Disa njerëz duan muzikë të çmendur ose bëjnë nga një gotë… Por unë nuk jam aspak ‘rock ’n’ roll’ para se të dal në skenë. Jam shumë sportive, më pëlqen të shtrihem, të vendos muzikë të qetë, të avulloj fytin. Është gjithçka shumë relaksuese”.

Këngëtarja ka pranuar më herët se ka kërkuar këshilla nga një falltare që, sipas saj, “ia ka ndryshuar jetën”. /Telegrafi/

Këngëtarja shqiptare me famë botërore, Rita Ora, ka ndarë sot me ndjekësit një urim të ndjerë për ditëlindjen e gjyshes së saj, Besës.

Artistja publikoi në InstaStory një fotografi të gjyshes, duke i shoqëruar imazhin me një mbishkrim të shkurtër, por me shumë emocion: “Urime ditëlindjen nanë”, shkruar në shqip.

Besa, gjyshja e Ritës nga ana e babait, është bashkëshortja e regjisor it të ndjerë shqiptar Besim Sahatçiu, një ndër emrat më të njohur të skenës teatrore dhe kinematografike në të gjithë Ballkanin.

Foto: Rita Ora/InstaStory

Përveç urimit për gjyshen, Rita ka ndarë edhe një fotografi të babait të saj, Besnikut, duke e shoqëruar me një urim të përzemërt për të gjithë shqiptarët me rastin e festës së 28 Nëntorit.

Me këtë gjest, ajo ka treguar sërish lidhjen e fortë me rrënjët e saj dhe krenarinë për trashëgiminë shqiptare.

Foto: Rita Ora/InstaStory

Rita Ora vijon të mbetet një nga figurat më të dashura të publikut shqiptar, jo vetëm për suksesin e saj global, por edhe për mënyrën se si mban gjallë traditat dhe familjen në çdo hap të rrugëtimit të saj artistik. /Telegrafi/

Rita Ora ka befasuar publikun me një deklaratë të pazakontë, duke thënë se beson se mund të jetë “shtrigë”. Këngëtarja 34-vjeçare u shpreh se kjo “fuqi mistike” është një “gjen” që, sipas saj, trashëgohet në familjen e saj, shkruan Daily Mail.

Gjatë paraqitjes në podcastin Happy Hour Overheard, Rita tha: “Gjyshja ime ka qenë 100% shtrigë. Për nënën time nuk jam shumë e sigurt nëse e ka atë gjen, por unë besoj se e kam patjetër.” Ajo e cilësoi madje edhe martesën e saj si një ngjarje “shpirtërore” dhe pranoi se ka një pasion të veçantë për jogën dhe astrologjinë.

Rita tregoi edhe ritualet që e ndihmojnë të qëndrojë e balancuar: “Bëj lexime javore, hap letrat e tarotit… Në fund të ditës, mjafton që diçka të të japë shpresë, dhe kjo është e gjitha që të duhet.” Ajo tha se beson “100 për qind” në astrologji, duke shtuar: “Sinqerisht mendoj se duhet të jetë fe më vete. Më pëlqen ideja që shpirtrat mund të të udhëheqin në rrugën tënde.”

Edhe para performancave, këngëtarja ruan një qetësi të brendshme: “Disa pëlqejnë muzikë të çmendur, marrin shot-e… Unë nuk jam aspak rock ’n’ roll para se të ngjitem në skenë. Jam shumë sportive bëj ushtrime, vendos muzikë relaksuese. Gjithçka është shumë chill.”

Rita ka treguar edhe më parë ndikimin që i ka pasur një faxhore: “Më tha: ‘Jeta jote është si një grusht rëre… Gjithçka varet nga mënyra se si e mbron atë grusht rëre.’” Sipas saj, ky mesazh i ka ndryshuar qasjen ndaj jetës: “Dikur nxitohesha shumë… Tani mundohem të ec pak më qetë… Reagimet impulsive zakonisht janë ato që i pendohesh.”

The post Rita Ora habit me deklaratën se mund të jetë “shtrigë”: “Gjyshja ime ka qenë 100% shtrigë” appeared first on iconstyle.al.

Rita Ora ka surprizuar publikun me një deklaratë të re, duke thënë se beson se mund të jetë “shtrigë”.

Këngëtarja 34-vjeçare u shpreh të enjten se kjo “fuqi mistike” është një “gjen” që trashëgohet në familjen e saj, shkruan DailyMail.

Në podcastin Happy Hour Overheard, ajo tha: “Gjyshja ime ka qenë 100% shtrigë. Për nënën time nuk jam shumë e sigurt nëse e ka atë gjen, por unë besoj se e kam patjetër”.

Rita madje e përshkroi martesën e saj si një ngjarje “shpirtërore”. Ajo ka treguar shpesh se ka një pasion të veçantë për jogën dhe leximet astrologjike. Këngëtarja ka edhe një ritual personal që e ndihmon të ndjehet e balancuar: “Bëj lexime javore, hap letrat e tarotit… Në fund të ditës, mjafton që diçka të të japë shpresë, dhe kjo është e gjitha që të duhet”.

Autorja e hitit Let You Love Me beson “100 për qind” në astrologji – një pseudo-shkencë që pretendon të parashikojë të ardhmen përmes yjeve dhe trupave qiellorë.

Rita shtoi: “Sinqerisht mendoj se duhet të jetë fe më vete. Më pëlqen ideja që shpirtrat mund të të udhëheqin në rrugën tënde”.

Edhe përpara performancave, ajo ruan një gjendje të qetë shpirtërore. Ndryshe nga artistët e tjerë, ajo tha: “Disa pëlqejnë muzikë të çmendur, marrin shot-e dhe çfarë tjetër… Unë nuk jam aspak rock ’n’ roll para se të ngjitem në skenë. Jam shumë sportive – bëj shtrirje, vendos muzikë relaksuese, avulloj fytin. Gjithçka është shumë chill”.

Rita ka treguar më herët se i është besuar një falltareje e cila, sipas saj, “i ndryshoi jetën” me këshillat që i dha. Në podcastin Reign With Josh Smith, ajo rrëfeu: “Më tha: ‘Jeta jote është si një grusht rëre në pëllëmbën tënde, dhe mund të të rrëshqasë nga gishtat në çdo moment. Gjithçka varet nga mënyra se si e mbron atë grusht rëre dhe si lëviz ngadalë e me kujdes”.

Ajo shtoi se ky mesazh e ka ndihmuar: “Dikur nxitohesha shumë dhe thosha: ‘E dua tani.’ Tani po mundohem të ec pak më qetë dhe të mos reagoj menjëherë. Reagimet impulsive zakonisht janë ato që i pendohesh, apo jo? Tani mundohem t’i jap vetes një sekondë para se t’i përgjigjem diçkaje. Dhe kjo më ka ndihmuar jashtëzakonisht”.

Në vitin 2022, këngëtarja u martua me regjisorin fitues të Oscar-it, Taika Waititi, 49 vjeç, në një ceremoni të vogël dhe “shpirtërore”, ku të pranishëm ishin vetëm tre persona.

Së fundmi, Rita ka shpërndarë edhe një sekuencë të shkurtër nga ceremonia, ku çifti shihet në momentin kur thonë “po”.

Fotografia e vendosur pranë shtratit të saj tregon Ritën e veshur me një fustan të gjatë, me mëngë të gjata prej dantelle të bardhë nga Tom Ford, teksa përqafon dhe puth bashkëshortin.

Pamja sugjeron se çifti i ka shkëmbyer betimet në natyrë, në një ceremoni idilike, ku të dy duken më të dashuruar se kurrë. /Telegrafi/

Rita Ora u shfaq mahnitëse në eventin “ELLE Women in Hollywood” në Los Angeles, ku tërhoqi vëmendjen me një fustan prej kadifeje vjollcë, të ngushtë në trup dhe krejtësisht të hapur në shpinë, duke zbuluar koleksionin e saj mbresëlënës të tatuazheve.

Këngëtarja 34-vjeçare kishte zgjedhur një stil elegant me jakë të lartë, flokë biondë të stiluar bukur dhe vathë diamanti që plotësonin pamjen.

Rita, e njohur për pasionin ndaj tatuazheve, ka mbi 30 vizatime në trup.

Në shpinë ajo mban thënien e Shekspirit “Çdo gjë është mirë që mbaron mirë”, një pemë të jetës, një zog në pjesën e qafës dhe inicialin “R” pas veshit.

Ndër tatuazhet e tjera spikasin një lule në kofshë dhe emri i nënës së saj, Pandora, në krah.

Artistja sapo publikoi këngën e re “All Natural” dhe ka konfirmuar se po punon për albumin e radhës, të parin pas projektit “You & I” të vitit 2023.

Ajo ka paralajmëruar gjithashtu një turne për vitin 2026, pasi është fokusuar së fundmi në projekte filmike dhe televizive.

Ndërkohë, Rita ka fituar së fundmi betejën ligjore me fqinjët për ndërtimin e palestrës në shtëpinë e saj në Londër, një projekt që kishte ngjallur kundërshtime për ndikimin në zonë dhe privatësinë e banorëve. /Telegrafi/

Rita Ora mahniti të pranishmit me fizikun e saj të tonifikuar, teksa u shfaq me një fustan të bardhë elegant në eventin madhështor të 'Zimmermann' në Los Angeles, ku iu bashkua aktores Dakota Fanning.

Këngëtarja shqiptaro-britanike, 34 vjeçe, tregoi barkun e saj të formësuar në një fustan me prerje të çuditshme dhe detaje të hapura, të kombinuar me mëngë të fryra jashtë supit dhe një fund të bardhë asort, shkruan DailyMail.

Ajo kompletoi pamjen me sandale me rripa të shumtë në ngjyrë kafe, ndërsa mori pjesë në festën e koleksionit të ri Cruise 26 RTW të mbajtur në Chateau Marmont.

Nga ana tjetër, aktorja Dakota Fanning, 31 vjeçe, u shfaq magjepsëse në një fustan transparent me shumë printe.

Ylli i “Man On Fire” pozoi pranë aktores Zoey Deutch, gjithashtu 31 vjeçe, e cila kishte zgjedhur një fustan-trenç në ngjyrë bezhë që i theksonte këmbët.

Dakota u pa tejet e lumtur teksa pozuan me dizajnuesen australiane Simone Zimmermann, bashkëthemeluese e brendit, e cila krijoi markën e njohur në vitin 1991 së bashku me motrën e saj, Nicky.

Edhe Rita pozoi me Simone dhe Nicky Zimmermann, si dhe me kryeredaktoren e Vogue Australia, Christine Centenera.

Shfaqja e Ritës në Los Angeles — qyteti ku ajo jeton aktualisht me bashkëshortin, regjisorin Taika Waititi — vjen pak ditë pasi ajo fitoi betejën e ashpër ligjore me fqinjët e saj lidhur me ndërtimin e një palestre moderne në kopshtin e vilës së saj prej 7.5 milionë funtesh (8.4 milionë euro).

Projekti i këngëtares kishte shkaktuar zemërim të madh te banorët lokalë, të cilët frikësoheshin se godina e qelqtë do të prishte qetësinë dhe ekosistemin natyror të zonës.

Ndërkohë, Dakota kohët e fundit ka treguar më shumë për jetën e saj romantike, duke zbuluar se motra e saj Elle dikur kishte “pështyrë pa dashje” një ish-partner të saj të keq.

Aktorja, e cila aktualisht është beqare, tha se po përpiqet të gjejë personin e duhur përmes aplikacionit të takimeve për VIP-a, Raya, ndërsa theksoi se ëndërron që një ditë të krijojë familje.

Megjithatë, ajo pranoi se përdorimi i këtij aplikacioni nuk i pëlqen aspak, duke u ankuar se pothuajse të gjithë meshkujt publikojnë fotografi pa peshqir në majë të ndonjë mali.

“Nuk e di pse çdo burrë mendon se duhet të jem e fiksuar pas çiklizmit malor ose ngjitjeve ekstreme. Nuk dua të bëj asnjërën prej tyre — e nëse dua, do ta bëj kur të dua unë”, tha aktorja.

Dakota shtoi se pavarësisht karrierës në Hollywood, ëndrra e saj e madhe është të jetojë në një fermë me shumë fëmijë.
“Të jem nënë është kulmi për mua. Nuk mbaj mend ndonjë kohë kur nuk kam dashur të kem fëmijë. Është thjesht pjesë e imja”, u shpreh ajo. /Telegrafi/

Në një intervistë për Evening Standard, Ora tregoi se prindërit e saj lanë gjithçka pas për të siguruar një të ardhme të sigurt në Mbretërinë e Bashkuar. “Kur prindërit e mi ikën nga Kosova për të shpëtuar nga përndjekja ndaj shqiptarëve, ata rindërtuan jetën nga e para. Nëna ime, që ishte psikiatre në Kosovë, duhej […]

The post Rita Ora rrëfen fëmijërinë e saj si refugjate nga Kosova appeared first on BoldNews.al.

Këngëtarja shqiptare me famë ndërkombëtare, Rita Ora, i është bashkuar fushatës dimërore të Even Standard për të ndihmuar refugjatët, njerëzit që përjetojnë pastrehësi dhe ata që kanë pasiguri ushqimore në Londër, grupet më të cenueshme në kryeqytetin britanik. Fushatën po mbështet edhe organizata Comic Relief, e cila ka premtuar 500,000 funte (566,000 euro) për nisjen e iniciativës.

Në intervistën e saj për Even Standard, Rita ndan historinë e familjes së saj dhe përvojën personale si refugjate që ikën nga Kosova në fëmijëri për të kërkuar siguri në Mbretërinë e Bashkuar. Ajo tregon se kjo përvojë ka pasur një ndikim thelbësor në formimin e identitetit të saj.

“Rritja si një fëmijë refugjat formoi gjithçka rreth asaj që jam”, tha Rita. “Kur prindërit e mi ikën nga Kosova për të shpëtuar nga përndjekja ndaj shqiptarëve, ata lëshuan gjithçka për sigurinë dhe një fillim të ri në Mbretërinë e Bashkuar. Duhet të rindërtonin jetën nga e para - nëna ime ishte psikiatre në Kosovë, por kur mbërritëm në Mbretërinë e Bashkuar, ajo duhej të mësonte anglishten dhe të ri-specializohej. Babai im punonte netëve të gjata për të siguruar një të ardhme për ne. Guximi i tyre ndërtoi themelin për gjithë jetën time, dhe muzika u bë strehimi im”.

Foto: JuanKR / Headpress /

Rita gjithashtu thekson rëndësinë e mikpritjes dhe mbështetjes që familja e saj ka marrë në fillimet e vështira në Mbretërinë e Bashkuar.

“Njerëzit që na mirëpritën na bënë të ndihemi të pranuar dhe pjesë e diçkaje më të madhe, dhe kjo mirësi më ka qëndruar gjithmonë pranë. Më mësoi se të ndihesh pjesë e një komuniteti nuk është diçka që të jepet - është diçka që e krijojmë së bashku, përmes dhembshurisë dhe hapjes ndaj të tjerëve”.

Foto: Rita Ora/Instagram

Intervista e Rita Orës për Even Standard nënvizon jo vetëm rëndësinë e mbështetjes për refugjatët dhe njerëzit e pastrehë, por edhe fuqinë e tregimeve personale që ndihmojnë shoqërinë të kuptojë më mirë sfidat dhe kontributin e tyre. Rita, e cila ka arritur sukses të madh ndërkombëtar, është një shembull i qartë i asaj se si përvojat e vështira të fëmijërisë mund të kthehen në forcë dhe frymëzim për jetën e të rriturve.

Në këtë kontekst, bashkëpunimi i saj me fushatën dimërore synon të ndihmojë që zëri i refugjatëve dhe të pastrehëve të dëgjohet dhe të ofrohet mbështetje konkrete për nevojtarët në Londër. /Telegrafi/

Këngëtarja shqiptare me famë ndërkombëtare, Rita Ora, ka vendosur të angazhohet në një nismë të rëndësishme për ndihmën ndaj refugjatëve, të pastrehëve dhe atyre që përjetojnë pasiguri ushqimore në Londër. Fushata dimërore po mbështetet nga organizata Comic Relief, e cila ka premtuar 500,000 funte (rreth 566,000 euro) për nisjen e kësaj iniciative.

Në një intervistë për Even Standard, Rita ka ndarë historinë e saj personale si refugjate. Ajo ka folur për eksperiencën e familjes së saj, që u largua nga Kosova për të kërkuar siguri në Mbretërinë e Bashkuar, duke kaluar nëpër sfida të mëdha për të rindërtuar jetën nga e para. Rita theksoi se ky proces i formoi gjithçka rreth saj, duke i dhënë kuptim jetës dhe karrierës së saj.

“Rritja si një fëmijë refugjat formoi gjithçka rreth asaj që jam. Guximi i prindërve të mi, që lanë gjithçka për një të ardhme më të mirë, ka ndikuar shumë në jetën time dhe muzika ka qenë shpëtimi im,” tha Rita.

Ajo gjithashtu ka theksuar rëndësinë e mikpritjes dhe mbështetjes që ka marrë familja e saj në vitet e para të jetës në Mbretërinë e Bashkuar, duke theksuar se ndihma dhe hapja ndaj të tjerëve krijon forcën e një komuniteti të vërtetë.

Angazhimi i Rita Orës në këtë fushatë synon të rrisë ndërgjegjësimin dhe të ofrojë mbështetje konkrete për ata që janë në nevojë, duke i dhënë një zë refugjatëve dhe njerëzve të pastrehë në Londër.

The post Rita Ora: Rritja si një fëmijë refugjat formoi gjithçka rreth asaj që jam appeared first on iconstyle.al.

Rita Ora ka ndarë me ndjekësit e saj disa pamje ekskluzive nga prapaskenat e fotosesionit për kopertinën e Re-Edition Magazine.

Këngëtarja shqiptare, e njohur për stilin e saj gjithmonë unik, ka sjellë një tjetër moment të paharrueshëm nga karriera e saj artistike dhe e modës.

Në fotografitë që ajo publikoi në Instagram, Rita shfaqet me një pulovër të kuqe me detaje të veçanta dhe bikini me motive lulesh, duke kombinuar ngjyrat dhe teksturat në mënyrën që vetëm ajo di ta bëjë. Pamja është e thjeshtë, por tepër ekspresive dhe plot vetëbesim.

Rita Ora/Instagram

Në një tjetër imazh, ajo shihet e shtrirë mbi një veturë klasike të kuqe, e veshur me një fustan të kuq lëkure që i përshtatet perfekt estetikës së saj.

Me flokët e lëshuar dhe një qëndrim plot elegancë, Rita sjell një frymë të viteve të 80-ta me një prekje moderne.

Rita Ora/Instagram

Ajo e shoqëroi postimin me mbishkrimin: “Pamje nga prapaskenat e kopertinës sime për Re-Edition Magazine. Ky ka qenë një nga fotosesionet e mia të preferuara ndonjëherë”.

Me këto fjalë, këngëtarja tregoi entuziazmin e saj për këtë projekt, duke lënë të kuptohet se sesioni fotografik ka qenë një eksperiencë që e ka frymëzuar.

Rita Ora/Instagram

Reagimet nga fansat ishin të menjëhershme. Komentet e ndjekësve ishin plot lavdërime për energjinë, qëndrimin dhe guximin e saj në modë.

Rita Ora njihet për aftësinë e saj për të eksperimentuar me stilin. Nga skena muzikore deri te tapeti i kuq, ajo arrin të kombinojë elementë klasikë me trende të reja, duke krijuar pamje që bëhen virale. Edhe këtë herë, ajo tregoi se nuk ka frikë të sfidojë pritshmëritë. /Telegrafi/

Rita Ora/Instagram

Rita Ora/Instagram

Rita Ora/Instagram

Rita Ora/Instagram

Rita Ora/Instagram