Dronët ukrainas kanë goditur gjatë natës dy objekte të rëndësishme industriale në Rusi, një fabrikë të industrisë së mbrojtjes në Uljanovsk dhe një rafineri nafte në Perm, raportojnë mediat dhe kanalet monitoruese.
Në Uljanovsk, objektivi ishte Uzina Iskra, pjesë e konglomeratit rus të industrisë së mbrojtjes Almaz-Antey. Fabrika prodhon komponentë elektronikë për pajisje radio-elektronike, sisteme komunikimi dhe teknologji të tjera të përdorura nga industria ruse e mbrojtjes.
Në të njëjtën kohë, në Perm u godit rafineria Lukoil-Permnefteorgsintez, një prej impianteve të mëdha të përpunimit të naftës në Rusi. Pas sulmit u raportua për shpërthime dhe zjarr në objekt. Rafineria ka kapacitet projektues për përpunimin e më shumë se 13 milionë tonëve naftë në vit.
Guvernatori i rajonit të Permës, Dmitry Makhonin, tha se mbrojtja ajrore dhe grupet e lëvizshme të zjarrit po përballeshin me një sulm masiv me dronë. Sipas tij, një objekt industrial ishte në shënjestër, ndërsa në atë moment nuk kishte raportime paraprake për viktima.
Në rajonin e Uljanovskut, guvernatori Alexei Russkikh tha se sulmi me dronë kishte shkaktuar dëme në infrastrukturë industriale dhe civile, ndërsa tetë persona, përfshirë një fëmijë, u plagosën.
Sulmet e raportuara janë pjesë e një vale të gjerë sulmesh me dronë ndaj objekteve industriale në disa rajone të Rusisë gjatë natës së 25 shtatorit. Deri tani, autoritetet ukrainase nuk kanë dhënë një koment të drejtpërdrejtë për këto sulme. /Telegrafi/
Tifozët irlandezë që kanë udhëtuar drejt Prishtinës për ndeshjen ndaj Kosovës janë pritur me një mikpritje të veçantë, e cila ka rrënjë përtej futbollit.
Për herë të parë në histori, Kosova dhe Irlanda u përballën në nivelin e seniorëve, me ndeshjen e Ligës së Kombeve që u zhvillua të enjten mbrëma në stadiumin “Fadil Vokrri”.
Për këtë sfidë, në Prishtinë udhëtuan edhe një numër i konsiderueshëm i tifozëve irlandezë, të cilët gjatë qëndrimit të tyre në Kosovë kanë marrë një pritje të ngrohtë nga qytetarët vendas.
At the risk of being ‘didn’t happened’
Some Kosovan lad on the table next to us has just bought our breakfast and said it’s a thank you for Irish peacekeeping forces
Incredible people — johnyhelzapopin (@JohnyHelzapopin) September 23, 2026
Por, pse ekziston kjo lidhje kaq e veçantë mes Kosovës dhe Irlandës?
Përgjigjja nuk gjendet vetëm në futboll, por në historinë e Kosovës gjatë dhe pas luftës së vitit 1999.
Irlandezët që shërbyen në Kosovë pas luftës
Pas përfundimit të luftës, Kosova u bë pjesë e misionit ndërkombëtar të sigurisë të udhëhequr nga KFOR-i.
Edhe Irlanda kontriboi me trupa në këtë mision.
Në korrik të vitit 1999, qeveria irlandeze miratoi dërgimin e deri në 100 ushtarëve në Kosovë, si pjesë e forcave paqeruajtëse të KFOR-it.
Ata do të shërbenin fillimisht si njësi transporti dhe do të ishin pjesë e një batalioni shumëkombësh në Prishtinë.
Kjo prani irlandeze në Kosovë krijoi një lidhje të veçantë me vendin dhe me qytetarët e tij.
Kosova has never looked greener, it has never looked this beautiful!
Thanks to the Irish people for coming out and enjoying the game together.
Për shumë kosovarë, Irlanda nuk ishte thjesht një shtet që mori pjesë në një mision ndërkombëtar, por një prej vendeve që ishte i pranishëm në terren në periudhën e vështirë të pasluftës.
Kjo është një prej arsyeve pse tifozët irlandezë janë ndier kaq të mirëpritur gjatë vizitës së tyre në Prishtinë.
Edhe Federata Irlandeze e Futbollit, në udhëzimet e saj për tifozët para ndeshjes, e përshkroi Prishtinën si një qytet përgjithësisht të sigurt dhe mikpritës për tifozët udhëtues.
Irlanda dhe qëndrimi i vitit 1999 ndaj Jugosllavisë
Ekziston edhe një tjetër episod historik që ka mbetur në kujtesën e kosovarëve.
Në qershor të vitit 1999, Irlanda ishte planifikuar të luante ndaj Jugosllavisë në kuadër të eliminatoreve për “Euro 2000”.
Ndeshja ishte paraparë të zhvillohej më 5 qershor 1999 në Dublin, por qeveria irlandeze refuzoi t'u jepte viza futbollistëve jugosllavë dhe ndeshja nuk u zhvillua.
Vendimi i atëhershëm i qeverisë së kryeministrit Bertie Ahern ishte në kundërshtim me regjimin e Slobodan Millosheviqit dhe me luftën në Kosovë.
In 1999, Ireland defied UEFA and refused to host Yugoslavia in a Euro qualifier amid the atrocities in Kosovo.
The Irish government cancelled the visas of the Yugoslav team.
Pra, në një kohë kur lufta në Kosovë ishte ende në zhvillim, Irlanda ndërhyri edhe në aspektin sportiv duke refuzuar zhvillimin e ndeshjes me Jugosllavinë.
Ky episod është rikujtuar edhe sot, 27 vjet më vonë, në ditën kur Irlanda zbarkoi për herë të parë në Prishtinë për një ndeshje ndaj Kosovës.
Nga historia te futbolli
Për këtë arsye, përballja Kosovë–Irlandë kishte një simbolikë që shkonte përtej 90 minutave në “Fadil Vokrri”.
Në njërën anë ishte Kosova, një shtet që e ka të freskët kujtesën e luftës dhe të mbështetjes ndërkombëtare të asaj periudhe.
Në anën tjetër ishte Irlanda, një shtet që kontriboi me trupa në misionin ndërkombëtar në Kosovë dhe që në vitin 1999 mori një qëndrim politik e sportiv lidhur me luftën në Kosovë.
Pikërisht kjo histori shpjegon edhe atmosferën e veçantë që i ka shoqëruar tifozët irlandezë në Prishtinë.
Për ta, kjo ishte një ndeshje e re në kalendarin e Kombëtares.
Për shumë kosovarë, megjithatë, ardhja e irlandezëve në Prishtinë ishte një mundësi për të rikujtuar një histori respekti që daton nga fundi i viteve ’90.
Kështu, Kosovë–Irlandë nuk ishte vetëm përballja e parë mes dy Kombëtareve në histori, por edhe takimi i dy vendeve që kanë një kapitull të veçantë të përbashkët nga historia e Kosovës. /Telegrafi/
Një person dyshohet se ka ushtruar dhunë ndaj një gruaje.
Sipas raportit 24 orësh të Policisë së Kosovës bëhet e ditur se rasti ka ndodhur më 23.09.2026 rreth orës 18:00, në Istog.
Tutje bëhet e ditur se i dyshuari është intervistuar dhe me vendim të prokurorit është liruar në procedurë të rregullt.
“Istog / 23.09.2026 – 18:00. Është raportuar se i dyshuari mashkull kosovar dyshohet se ka ushtruar dhunë ndaj viktimës femër kosovare. Viktima ka pranuar tretman mjekësor. I dyshuari është intervistuar dhe me vendim të prokurorit është liruar në procedurë të rregullt”, thuhet në raport. /Telegrafi/
Nga LSDM në një kumtesë për media thonë se "në kohën kur ata zbuluan planin e Mickoskit për të shitur Maqedoninë, për të hapur miniera dhe për të shfrytëzuar antimonin pa pëlqimin e qytetarëve, erdhi shpërqendrimi nga platforma ZNAM 2.0".
Nga LSDM pyesin se "kush përfiton nga shpërqendrimi dhe ridrejtimi i vëmendjes së qytetarëve nga krimet e Mickoskit dhe grupit të tij të organizuar kriminal".
"Vetëm mashtruesi Mickoski. Nuk është rastësi që ata u paguan përmes tenderëve me vlerë 1.6 milion euro. LSDM dhe Presidenti Filipce janë në terren me qytetarët çdo ditë dhe po luftojnë kundër bandës së Mickoskit ditë e natë. OBRM është në rënie të lirë. Mashtruesi nuk ka më asnjë vlerësim. Prandaj duan ta rrëzojnë LSDM-në, por asgjë nuk do të dalë prej saj", thonë nga LSDM.
Në pamjet e publikuara nga Kurti shihet atmosfera në tribunë pas golit të fitores, ndërsa kryeministri feston duke kërcyer së bashku me të pranishmit duke përfshirë kryetaren e Kuvendit. Albulena Haxhiut.
"Pak më shumë fat në fluturimin e topit, dhe rezultati do të ishte 5:1 në vend se 1:0. Urime futbollistëve të Kosovës dhe gjithë shqiptarëve për fitoren në këtë ndeshje të rëndësishme me Irlandën! Lojë e shkëlqyeshme sonte në stadiumin “Fadil Vokrri” në kryeqytet. Gëzuar!", ka shkruar Kurti.
Me këtë fitore, Kosova ka marrë tri pikë në Grupin B3 të Ligës së Kombeve dhe renditet e dyta gjersa Austria kryeson me po aq pikë sa Dardanët.
Ndeshjen e radhës Kosova do ta zhvillojë më 27 shtator, në udhëtim ndaj Austrisë. /Telegrafi/
Policia e Nju Jorkut arrestoi fituesen e çmimit Oscar, Susan Sarandon, dhe aktoren Hannah Einbinder të enjten gjatë një operacioni kundër protestave kundër kryeministrit izraelit Benjamin Netanyahu.
Pamjet filmike tregojnë anëtarë të Departamentit të Policisë së Nju Jorkut (NYPD) duke i vënë prangat Sarandonit gjatë protestave të organizuara ndërsa kryeministri izraelit përgatitej të fliste në Asamblenë e Përgjithshme të Kombeve të Bashkuara.
Sipas New York Post, policia e largoi edhe aktoren Hannah Einbinder nga protesta, e cila u organizua nga grupi "Zëri Hebraik për Paqe". Demonstruesit e mbledhur mbanin pankarta me mesazhet "Ndalo armatosjen e Izraelit" dhe "Ndalo gjenocidin".
Susan Sarandon në një protestë në Nju Jork (Foto: Reuters)
Një zëdhënëse e NYPD tha se oficerët iu përgjigjën një raporti për një "demonstrim të panjoftuar" gjatë të cilit turma bllokoi kryqëzimin.
"Anëtarët e Byrosë u dhanë paralajmërime pjesëmarrësve që të largoheshin nga vendi. Për shkak se ata vazhduan me bllokadën, u arrestuan më shumë njerëz që nuk iu bindën urdhrit", deklaroi zëdhënësja, pa specifikuar numrin e saktë të të arrestuarve.
Midis të ndaluarve ishin kandidatja e Partisë Demokratike për në Kongres, Darializa Avila Chevalier, dhe anëtarja e Këshillit të Qytetit të Nju Jorkut, Chi Ossé.
Susan Sarandon në një protestë në Nju Jork (Foto: Reuters)
Ndërsa jashtë, brenda sallës së Asamblesë së Përgjithshme të OKB-së, zhvilloheshin protesta, diplomatë të shumtë nga e gjithë bota u larguan nga salla ndërsa Netanyahu filloi fjalimin e tij.
Për Susan Sarandon, kjo nuk është hera e parë që ajo merr pjesë në protesta kundër luftës në Gaza. Aktorja amerikane u tha së fundmi gazetarëve në Festivalin e Filmit në Venecia se po humbet angazhime për shkak të pikëpamjeve të saj të shprehura publikisht.
Hannah Einbeinder në një protestë në New York (Foto: Reuters)
"Kohët e fundit, më janë hequr përsëri vende pune sepse ka agjenci që i këshillojnë njerëzit të mos më punësojnë. Por kjo është struktura e pushtetit", tha Sarandon, "Mendoj se ka pasur një ndryshim në kuptimin e situatës në publikun e gjerë, por ende ka qëndrime të forta sioniste në industrinë time dhe ata njerëz nuk e kanë zbutur qëndrimin e tyre ndaj meje. Megjithatë, e kam gjetur komunitetin tim dhe jam mirë".
Një pikëpamje të ngjashme ndan edhe Hannah Einbinder, e cila më parë theksoi se çmimi i heshtjes për Palestinën është dukshëm më i madh sesa humbja e një karriere në Hollywood, duke iu referuar presioneve ndaj të cilave janë të ekspozuara aktore si Sarandon dhe Melissa Barrera. /Telegrafi/
Policia e Kosovës ka bërë të ditur se ka arrestuar dy persona për kanosje.
Rasti ka ndodhur në Prishtinë, të enjten në ora 18:28.
“Lidhur me rastin kanosje, zyrtarët policor kanë intervistuar dy të dyshuar meshkuj kosovarë si dhe në vendin e ngjarjes kanë gjetur dhe konfiskuar një thikë”, thuhet në raport.
Me vendim të prokurorit pas intervistimit njëri nga të dyshuarit është dërguar në mbajtje, ndërsa tjetri është liruar në procedurë të rregullt. /Telegrafi/
Kryeministri i Shqipërisë, Edi Rama është përballur me shqiptarët në SHBA, ku po merr pjesë në Asamblenë e Përgjithshme të OKB-së.
Siç shihet edhe në pamjet e bëra publike në rrjete sociale, kryeministri ishte së bashku me bashkëshorten e tij, Linda Rama dhe kreun e grupit të PS, Taulant Balla, kur shqiptarët i kanë zënë pritë duke e qëlluar me vezë.
Në kulmin e krizës, Rama pritet të shtojë një taksë të re për naftën - 3 lekë për litër!
“O kriminel, o mafia”,- dëgjohet të thonë shqiptarët.
“Edi Rama kriminel, e gjithë Shqipëria të urren”, vijojnë thirrjet. /Syri.net/
Italia ka vendosur të ndalojë përdorimin e mbulesave që fshehin fytyrën, përfshirë burkat dhe nikabet, në shkolla. Kryeministrja Giorgia Meloni e ka mbështetur masën, duke deklaruar se askush nuk duhet të detyrohet ta fshehë fytyrën.
Vendimi është pjesë e një pakete masash të qeverisë italiane për integrimin në sistemin arsimor. Përveç ndalimit të mbulesave të fytyrës, qeveria planifikon edhe kufizimin e numrit të nxënësve të huaj nëpër klasa.
Meloni tha se nxënësit dhe familjet e tyre duhet të kenë mundësi të integrohen përmes mësimit të gjuhës italiane dhe njohjes së kulturës dhe ligjeve të vendit.
Sipas saj, mbulimi i plotë i fytyrës bie ndesh me parimet e lirisë individuale dhe të hapjes kulturore në mjediset shkollore.
Masa nuk përfshin shaminë e kokës, ndërsa për t'u bërë ligj kërkon miratimin e Parlamentit italian.
Meloni e bëri njoftimin gjatë një aktiviteti rinor të organizuar nga partia e saj, Vëllezërit e Italisë, në një kohë kur integrimi i migrantëve dhe politikat e migracionit mbeten ndër çështjet kryesore politike në Itali. /Telegrafi/
Pas rezultateve të PISA-s, bashkë me shqetësimin nisi edhe tallja. U shpërndanë pyetje të cilat dukeshin të lehta; u bënë shaka me përgjigjet dhe nxënësit tanë u kthyen në objekt përqeshjeje.
Fëmijët tanë nuk janë budallenj.
Nëse shumë prej tyre e kanë të vështirë ta kuptojnë një tekst, ta përdorin matematikën në një situatë të zakonshme apo ta zbatojnë atë që kanë mësuar, përgjegjësia nuk mund t’u lihet vetëm atyre. Sistemin nuk e kanë ndërtuar fëmijët. Ne ua kemi ndërtuar.
Nuk jam ekspert i arsimit. Jam prind dhe qytetar. Disa gjëra shihen edhe pa qenë specialist.
Ne si prindër kemi ambicie të mëdha për fëmijët tanë. Duam të shkollohen, të kenë profesion, të jetojnë më mirë se ne. Punojmë shumë për t’ua krijuar kushtet që vetë ndoshta nuk i kemi pasur.
Por, shpesh kushtet i kuptojmë si gjëra që mund të blihen.
Dëgjon prindin të thotë se fëmijës ia ka plotësuar të gjitha. Ka dhomën e vet, libra, kompjuter, tablet, telefon, kurse. Kur e pyet sa kohë kalon me të, a e di çfarë po mëson, ku po ngec dhe kur është ulur për herë të fundit të punojë bashkë me të, përgjigjja ndryshon.
Edhe unë e gjej veten në këtë kritikë. Është shumë më e lehtë t’i blesh fëmijës diçka sesa t’ia japësh kohën tënde. Edhe unë e kam lënë me telefon, sepse ka qenë më e lehtë se të ulem me të.
Në përpjekje për t’i rritur ndryshe nga si jemi rritur ne, nganjëherë kemi kaluar edhe në skajin tjetër. U japim shumë liri në një moshë kur ende kanë nevojë për kufij, drejtim dhe kërkesë. Fëmija nuk mund ta ketë lirinë e të rriturit pa përgjegjësinë e të rriturit. Prindi nuk është vetëm ai që krijon kushte. Është edhe ai që vendos kufij, kërkon përpjekje dhe, kur duhet, thotë jo.
Nëse kemi ambicie për fëmijët tanë, nuk mjafton t’ua blejmë mjetet. Duhet të presim diçka edhe prej tyre.
Por, përgjegjësia nuk mbaron në shtëpi.
Për vite me radhë e kemi ulur figurën e mësimdhënësit. E kemi përqeshur profesionin, e kemi politizuar punësimin dhe kemi folur për mësimdhënësit sikur të ishin pjesë e problemit që duhet duruar. Tash, pas PISA-s, kemi filluar të përqeshim edhe nxënësit.
Mësimdhënësi duhet ta ketë autoritetin që i takon. Por, respekti për profesionin nuk do të thotë të mos kërkojmë cilësi. Mësimdhënësi i mirë duhet të vlerësohet, ndërsa prej atij që nuk e bën punën duhet të kërkohet përgjegjësi.
Një mik imi kishte ndihmuar që një shkollë profesionale të pajisej me laborator. Pajisjet ishin sjellë nga Gjermania, ndërsa kompania e tij kishte filluar t’i merrte nxënësit në praktikë.
Më vonë kuptoi se laboratori po rrinte i mbyllur. Kur reagoi, përgjigjja e shkollës ishte afërsisht kjo: “E kemi inventarizuar. Këtu i kemi pajisjet”.
Nëse ambicia ishte të kishim laborator, puna ishte kryer. Pajisjet ishin aty dhe figuronin në inventar.
Nëse ambicia ishte që nxënësi të mësonte profesionin, laboratori i mbyllur ishte dështim.
Ky dallim thotë shumë për mënyrën si e masim arsimin. Dimë të numërojmë shkolla, laboratorë, kompjuterë, diploma dhe investime. Por, arsimi nuk bëhet për inventar. Bëhet për nxënësin që duhet të dalë nga shkolla duke ditur të bëjë diçka që nuk dinte kur hyri.
Pikërisht për këtë duhet të na shqetësojë PISA. Jo pse na vendos keq në një renditje dhe aq më pak sepse na jep të drejtë të tallemi me një pesëmbëdhjetëvjeçar. Duhet të na shqetësojë sepse tregon se ajo që po marrim nga shkolla është më pak se ajo që duhet të kërkojmë prej saj.
Për vite kemi pasur shumë ambicie për shkollim dhe tituj. Tash na duhet më shumë ambicie për dije.
Na duhen të rinj që e kuptojnë atë që lexojnë, që dinë të mendojnë, të zgjidhin probleme, të mësojnë një profesion dhe ta përdorin dijen. Një ekonomi më e fortë, një administratë më e mirë, një gjykatë më profesionale, një kompani më konkurruese apo një industri e re nuk ndërtohen vetëm me para. Ndërtohen me njerëz që dinë.
Por, para se t’u kërkojmë fëmijëve ta marrin seriozisht dijen, duhet të shohim edhe çfarë po u tregojmë se ia vlen të synojnë.
U themi të mësojnë, ndërsa ata shohin se jo gjithmonë përparon më i afti. Shohin njerëz që ecin më shpejt me lidhje sesa me dije. Shohin famë pa ndonjë arritje. Shohin se nganjëherë admirohet më shumë ai që ka bërë para sesa ai që di diçka. Edhe në shtëpi shpesh e pyesim fëmijën çfarë note ka marrë para se ta pyesim çfarë ka mësuar.
Fëmijët i shohin këto më mirë sesa mendojmë.
Ambicia e tyre ndërtohet edhe nga ajo që shohin se vlerësohet përreth tyre. Nëse duam që një i ri të investojë vite në dije, duhet t’i japim arsye të besojë se dija dhe aftësia kanë peshë në këtë vend.
Këtu pyetja nuk është më vetëm për PISA-n. As vetëm për shkollën.
Po Kosova, çfarë ambicie ka për fëmijët e saj?
Nëse ambicia jonë është që fëmija ta kalojë klasën, ta marrë diplomën dhe shkolla ta ketë laboratorin në inventar, mund të vazhdojmë kështu.
Nëse duam një Kosovë me ekonomi më të fortë, ndërmarrje që konkurrojnë, industri, teknologji dhe institucione që e dinë punën, atëherë duhet të kërkojmë më shumë nga arsimi.
Jo vetëm më shumë para, objekte dhe pajisje. Duhet të kërkojmë që fëmija të mësojë.
PISA nuk është arsye për t’i bulizuar fëmijët tanë. Është arsye për ta ngritur ambicien tonë për shkollën, për dijen dhe për atë që presim prej tyre.
Sepse, Kosova e pas njëzet vjetëve sot është ulur në bankat e shkollës.
KRU “Gjakova” Sh.A. ka njoftuar se, për shkak të një defekti në gypin me diametër Ø90 milimetra, është ndërprerë përkohësisht furnizimi me ujë të pijshëm në rrugën “Ferid Domi”.
Sipas njoftimit, ekipet e KRU “Gjakova” janë në terren dhe po punojnë për sanimin e defektit.
“Jemi duke bërë të pamundurën që furnizimi me ujë të pijshëm të rikthehet sa më shpejt”, thuhet në njoftim.
KRU “Gjakova” ka falënderuar konsumatorët për mirëkuptimin. /Telegrafi/
Hetimet e Prokurorisë së Posaçme sugjerojnë se anëtarët e krimit të organizuar dhe zyrtarët e lartë të shtetit u bënë bashkë për të mbrojtur Ergys Agasin nga arrestimi gjatë muajve të tij të arratisë.
Mëngjesin e 22 shtatorit, forcat e Policisë së Shtetit zbarkuan për kontroll në një kompleks vilash të fortifikuara në periferi të Durrësit – një strehë e dyshuar e Ergys Agasit gjatë muajve të tij të arratisë, shkruan Reporteri.al.
Sipas njoftimit të SPAK, kontrolli u krye në zbatim të një vendimi të Gjykatës së Posaçme si pjesë e një hetimi më të gjerë të ndërmarrë ndaj një rrethi zyrtarësh të lartë, që dyshohet se ishin në kontakt apo e ndihmuan Agasin gjatë arratisë.
Subjekte të vendimit gjyqësor për masa sigurie apo kontrollesh ishin shefja e Shërbimit Informativ të Shtetit, Vlora Hyseni, ish-kreu i Policisë së Shtetit, Ilir Proda dhe zyrtari i Institutit të Policisë Shkencore, Fatjon Kalluçi.
Kompleksi ndodhet në një kryqëzim të rrugës “Durrësi në Shekuj” në zonën e Shkozetit dhe përbëhet nga disa godina me mure të larta betoni, dritare të izoluara dhe bimë kacavjerrëse që ngjiten deri në katin e sipërm.
Dy burime në dijeni të hetimit i thanë BIRN në kushtet e anonimatit se kompleksi i vilave ku fshihej Agasi, i pajisur me një nivel të lartë sigurie, zotërohet nga klani “Troplini”, pavarësisht se në emër të kujt janë regjistruar këto pasuri.
Grupi “Troplini” konsiderohet nga Prokuroria e Posaçme si një ndër grupet më të rrezikshme të krimit të organizuar në vend, me shtrirje gjithashtu në Itali, Gjermani, Holandë dhe në vendet e Amerikës Latine, shkruan ky medium transmeton Telegrafi.
Më 21 maj 2025, SPAK njoftoi goditjen e një organizate ndërkombëtare të trafikut të drogës me qendër në Durrës, ku njëri prej drejtuesve ishte Elvis Doçi. Ai i shpëtoi arrestimit dhe u shpall në kërkim.
Doçi njihet me nofkën “Visi i Pojës” për shkak të lidhjeve familjare me Xhevdet Troplinin, një person i hetuar gjithashtu në mesin e viteve 2000 nga drejtësia italiane për implikim në trafikun e drogës. Ndaj Troplinit nuk është ngritur asnjë akuzë nga drejtësia shqiptare.
Ergys Agasi, 39 vjeç, u shpall në kërkim në dhjetor të vitit të kaluar me akuzën e përfshirjes në krim të organizuar në skandalin e Agjencisë Kombëtare të Shoqërisë së Informacionit, AKSHI, por u arrestua tetë muaj më vonë, më 26 gusht, në zonën e quajtur Plepat në Durrës, teksa po kthehej nga Elbasani ku kishte qëndruar për disa orë. Nga hetimet u siguruan prova që tregojnë se gjatë muajve të arratisë, ai ka lëvizur lirisht nga vendi ku ai fshihej si dhe ka vijuar komunikimet me personazhe të krimit të organizuar dhe funksionarë shtetërorë, kryesisht në Durrës, Tiranë dhe Elbasan.
Burimet në dijeni të hetimit i thanë BIRN se ndonëse informacionet për vendndodhjen e tij ishin të shpeshta, një operacion për kapjen e Agasit u vu në lëvizje vetëm pas një vale ndryshimesh mes drejtuesve të policisë, që pasuan largimin e Ilir Prodës nga pozicioni i kreut të Policisë së Shtetit.
Përfshirja e dyshuar e shefes së shërbimit sekret, Vlora Hyseni në mbrojtje të Agasit gjatë kohës që ai strehohej në kompleksin e grupit Troplini e zgjeron skandalin, duke ngritur pikëpyetje të thella mbi mënyrën e funksionimit të institucionit kyç të sigurisë në Shqipëri dhe raportit mes zyrtarëve të lartë publikë dhe eksponentëve të krimit të organizuar.
Sipas të dhënave të rrjedhura në media nga dosja hetimore, nga qershori deri në gusht të këtij viti, mes Hysenit dhe Agasit janë gjetur më shumë se 500 komunikime telefonike në audio, video dhe mesazhe, në të cilat ajo identifikohet drejtpërdrejt me interesat e Agasit kundrejt institucioneve të drejtësisë që po e ndiqnin penalisht.
Hyseni akuzohet gjithashtu jo vetëm për gatishmërinë për ta ndihmuar Agasin, por për vendosjen në dispozicion të tij të cilësisë së saj si zyrtare si dhe të kapaciteteve të institucionit që ajo drejton.
Mesazhet e rrjedhura në media sugjerojnë se në shkelje të rëndë të detyrës, Hyseni e informonte Agasin për takimet me kryeministrin Rama, zyrtarë të lartë të shtetit dhe homologë të huaj. Gjithashtu, në një makinë të Agasit të sekuestruar në korrik janë gjetur nëntë printime në format të madh të diagramave me të dhëna të ngjashme me ato që prodhohen nga Shërbimi Informativ i Shtetit, të cilat janë në proces verifikimi.
Në një dëshmi përpara Prokurorisë, Hyseni ka pretenduar se kishte komunikuar me Agasin pasi ai ishte ofruar si “bashkëpunëtor”, një version i cili hidhet poshtë nga SPAK.
Hetimet e zhvilluara deri më tani nga SPAK ndaj Ergys Agasit sugjerojnë se ai ka pasur ndikim mbi një numër zyrtarësh të lartë të institucioneve kyçe. Ish-zv.kryeministri në arrati, Arben Ahmetaj e ka akuzuar atë publikisht se luante rolin e “një koordinatori” mes botës së nëndheshme të krimit të organizuar dhe qeverisë së kryeministrit Edi Rama./Reporteri.al/.
Një tërmet me intensitet prej III gradësh sipas Shkallës Evropiane të Makroseizmikës u ndje në Manastir, Resnjë dhe zonën përreth mbrëmë në orën 22:18, sipas Observatorit Sizmologjik në Fakultetin e Shkencave Natyrore dhe Matematikës në Shkup.
Siç theksojnë ata, epiqendra e tërmetit e kishte origjinën në Greqinë fqinje, rreth 120 kilometra në jugperëndim të Shkupit.
Për momentin nuk është raportuar për dëme materiale nga ky tërmet.
Ibuprofeni është një nga ilaçet që shumë veta e marrin pothuajse automatikisht kur kanë dhimbje koke, dhimbje shpine, dhëmbi ose muskujsh, por edhe kur kanë ethe ose dhimbje menstruale. Edhe pse zakonisht blihet pa recetë, kjo nuk do të thotë se mënyra se si e marrim nuk është e rëndësishme.
Farmacistët paralajmërojnë veçanërisht kundër një veprimi shumë të zakonshëm të marrjes së ibuprofenit me stomak bosh.
Ibuprofeni bën pjesë në një grup ilaçesh anti-inflamatore jo-steroide, të njohura si NSAID. Përdoret për të lehtësuar dhimbjen, për të ulur temperaturën dhe për të zvogëluar inflamacionin, por në të njëjtën kohë mund të irritojë stomakun.
Farmacistja Dr. Christine Cadiz, profesoreshë klinike e shkencave shëndetësore në Universitetin e Kalifornisë, Irvine, shpjegon se nëse ibuprofeni merret pa ushqim, ka më shumë të ngjarë të shkaktojë shqetësime të tilla si dhimbje stomaku, dispepsi, urth dhe të përziera.
Arsyeja qëndron në mënyrën se si funksionon ky ilaç.
Enzima COX-1 në trup merr pjesë në krijimin e prostaglandinave, substanca që, ndër të tjera, ndihmojnë në mbrojtjen e rreshtimit të stomakut nga acidi i stomakut. Ibuprofeni bllokon veprimin e kësaj enzime dhe kështu zvogëlon prodhimin e prostaglandinave mbrojtëse.
Nëse ilaçi merret me stomak bosh, nuk ka ushqim që mund ta zbusë kontaktin e tij të drejtpërdrejtë me stomakun. Kjo është arsyeja pse Dr. Danielle Onser, një farmaciste, këshillon që ilaçet anti-inflamatore jo-steroide të merren me pak ushqim, qumësht ose ujë.
Kujdes i veçantë duhet treguar tek të moshuarit, personat që kanë pasur më parë ulçerë ose gjakderdhje nga stomaku, ata që kanë urth ose sëmundje të refluksit gastroezofageal (GERD), si dhe duhanpirësit, personat që konsumojnë alkool dhe personat që përdorin shpesh ibuprofen.
Megjithatë, ekziston një arsye pse disa njerëz e marrin qëllimisht ibuprofenin para ngrënies.
Ilaçi mund të përthithet më shpejt me stomak bosh, dhe për këtë arsye fillon të lehtësojë dhimbjen më herët. Kur merret me ushqim, përthithja mund të jetë më e ngadaltë.
Megjithatë, sipas Dr. Onser, kjo nuk do të thotë që trupi do të thithë një sasi më të vogël të ilaçit. Ushqimi kryesisht vonon thithjen e tij, dhe fillimi i veprimit mund të vonohet me afërsisht 30 deri në 60 minuta. Sipas mendimit të saj, fillimi potencialisht pak më i shpejtë i veprimit nuk është arsye e mjaftueshme për të rrezikuar acarim shtesë të stomakut.
Lajmi i mirë është se nuk është e nevojshme të hani një vakt të tërë para se të merrni ibuprofen.
Sipas këshillës së Dr. Cadiz, një meze e lehtë ose një gotë qumësht mund të jetë e mjaftueshme. Nuk ka ndonjë ushqim specifik që duhet të hahet me ilaçin. Ai rendit bukën e thekur, krisurat, bananen, kosin ose drithërat si opsione të thjeshta, domethënë ushqime që në përgjithësi nuk e ngarkojnë stomakun.
Nga ana tjetër, ushqimi shumë pikant dhe acid nuk është zgjidhja më e mirë nëse ekziston tashmë mundësia e acarimit të stomakut.
Ibuprofeni mund të merret me një vakt normal, megjithëse vaktet shumë të mëdha ose ushqimi me një sasi të madhe yndyre mund të ngadalësojnë gjithashtu përthithjen e tij dhe kështu të vonojnë fillimin e veprimit.
Lëngu me të cilin merret ilaçi është gjithashtu i rëndësishëm. Uji është një nga zgjedhjet më të mira, ndër të tjera, sepse ndihmon që tableta të kalojë më lehtë nëpër traktin tretës.
Megjithatë, alkooli është diçka që duhet shmangur. Kombinimi i alkoolit dhe ibuprofenit mund ta irritojë më tej stomakun dhe të rrisë rrezikun e ulçerave dhe gjakderdhjes gastrointestinale.
Farmacistët paralajmërojnë se fakti që ibuprofeni lëshohet pa recetë nuk do të thotë se duhet të përdoret për një kohë të pacaktuar. Sipas bashkëbiseduesit të Parade, kur merret vetëm, këshillohet të mos përdoret për më shumë se 10 ditë për dhimbje, ose më shumë se tre ditë për temperaturë, pa u konsultuar me një mjek.
Është veçanërisht e rëndësishme të flisni me një mjek ose farmacist nëse ibuprofeni përdoret çdo ditë ose në të njëjtën kohë me barna dhe suplemente të tjera, sepse ndërveprimet e padëshiruara janë të mundshme.
Pra, marrja e një tablete ibuprofeni me stomak bosh mund të funksionojë pak më shpejt, por farmacistët mendojnë se është një zgjedhje më e sigurt ta merrni atë me pak ushqim dhe ujë. Disa dhjetëra minuta lehtësim potencialisht më të shpejtë vështirë se ia vlejnë shqetësimit shtesë që mund t'i shkaktojë stomakut.
Liverpooli ka shtyrë negociatat për rinovimin e kontratës me Virgil van Dijk, ndërsa gjithnjë e më shumë po forcohet mundësia që kapiteni holandez të largohet nga klubi si lojtar i lirë në verën e vitit 2027.
Sipas Football Insider, drejtuesit e klubit nga “Anfield” kanë nisur punën e brendshme për gjetjen e pasuesit të tij, me synimin për të planifikuar gradualisht ndryshimin e gjeneratës në qendër të mbrojtjes.
Pse Liverpooli nuk po planifikon rinovimin e Van Dijk?
Van Dijk, i cili aktualisht është 35 vjeç, ndodhet në sezonin e tij të dhjetë me Liverpoolin dhe kontrata e tij skadon në fund të sezonit 2026/27, kur ai do të jetë 36 vjeç.
Sipas ish-shefit të skautimit, Mick Brown, drejtuesit e Liverpoolit nuk po planifikojnë t’i ofrojnë mbrojtësit një kontratë të re afatgjatë, kryesisht për shkak të moshës së tij dhe nevojës për të ristrukturuar repartin defensiv.
Edhe pse Van Dijk vazhdon të jetë titullar dhe një prej figurave kryesore të skuadrës, drejtuesit sportivë mendojnë se një kontratë e re afatgjatë do të kufizonte hapësirën në buxhetin e pagave për afrimin e një qendërmbrojtësi më të ri.
Arabia Saudite, MLS dhe Turqia në garë për Van Dijk
Mundësia që Van Dijk të bëhet lojtar i lirë në vitin 2027 ka tërhequr interesin e disa klubeve jashtë Evropës.
Klubet e Ligës së Arabisë Saudite e kanë ndjekur situatën e tij që nga viti 2025 dhe kanë kapacitetin financiar për t'i ofruar një kontratë të rëndësishme.
Në të njëjtën kohë, edhe skuadra nga MLS-ja amerikane dhe Superliga turke po e monitorojnë situatën dhe mund të bëjnë oferta për mbrojtësin holandez kur ai të hyjë në gjashtë muajt e fundit të kontratës.
Liverpooli, ndërkohë, pritet të vazhdojë kërkimet për pasuesin e Van Dijk që nga afati kalimtar i dimrit, përpara se të bëjë një investim më të madh në verën e vitit 2027 për të siguruar një qendërmbrojtës të nivelit të lartë. /Telegrafi/
Kuvendi Komunal i Gjilanit, në mbledhjen e tetë të mbajtur të enjten, ka miratuar shtatë propozime të Drejtorisë për Gjeodezi, Kadastër dhe Pronë, të udhëhequr nga drejtoresha Eljesa Rashiti.
Në kuadër të seancës janë miratuar dy propozim-vendime për dhënien në shfrytëzim afatgjatë të pronave komunale të destinuara për ndërtim.
Sipas Komunës, në këmbim të shfrytëzimit të pronave, Komuna e Gjilanit do të përfitojë 30 për qind të hapësirës së ndërtimit që i takon pjesës së saj të pronës.
Po ashtu, Kuvendi ka miratuar propozim-vendimin për sigurimin e 5,575 metrave katrorë tokë në Lladovë, e cila do të përdoret për zgjerimin e varrezave të fshatit.
Për qëllime të mbrojtjes së natyrës, ripyllëzimit dhe rekreacionit, janë miratuar edhe tri propozim-vendime për shpalljen e interesit të ligjshëm publik për sigurimin e tokave në tri lokacione.
Bëhet fjalë për 7,032 metra katrorë në Zhegër, 2,142 metra katrorë në Lladovë dhe 1,162 metra katrorë në Stançiq.
Ndër vendimet e miratuara është edhe ndarja e dy hektarëve pronë komunale në Zhegër për ndërtimin e Muzeut dhe Kullës “Agim Ramadani”.
Sipas Komunës, ky projekt synon ruajtjen e kujtesës historike dhe nderimin e veprës së heroit Agim Ramadani.
Drejtoresha e Drejtorisë për Gjeodezi, Kadastër dhe Pronë, Eljesa Rashiti, ka falënderuar stafin e drejtorisë për angazhimin, si dhe këshilltarët komunalë për mbështetjen e propozimeve.
Komuna ka vlerësuar se vendimet e miratuara synojnë shfrytëzimin e pronës komunale në funksion të zhvillimit të komunës, mbrojtjes së mjedisit dhe përmbushjes së nevojave të qytetarëve. /Telegrafi/
Sydney Sweeney pritet të luajë përkrah aktorit të “Off Campus”, Belmont Cameli, në përshtatjen e ardhshme të “Sleepy Hollow”, që po zhvillohet nga Sony.
Filmi pritet të jetë një mister mbinatyror dhe sensual, i përqendruar te një trekëndësh dashurie mes aktores 29-vjeçare, Cameli-t dhe një aktori tjetër, i cili ende nuk është përzgjedhur, raportoi të enjten “Deadline”.
Projekti do të bazohet në romanin e ardhshëm debutues të regjisores dhe skenaristes Lindsey Anderson Beer. Beer do të marrë përsipër edhe regjinë e filmit, përveç përshtatjes së romanit të saj, i cili pritet të publikohet në vjeshtën e vitit 2027.
Lajmi vjen në një periudhë kur ylli i “Euphoria” është përfshirë në një sërë polemikash gjatë vitit të fundit. Më e fundit lidhet me një reklamë për baste sportive, në të cilën ajo u shfaq e zhveshur dhe që shkaktoi reagime nga disa figura të njohura.
Filmi do të prodhohet nga kompania e Margot Robbie, LuckyChap, kompania e re e Sweeney-t, Honey Trap, si dhe nga Beer përmes kompanisë së saj Lab Brew.
Sipas “Deadline”, romani i ardhshëm i Beer do të jetë një riimagjinim i veprës klasike “The Legend of Sleepy Hollow” dhe do të rrëfehet nga këndvështrimi i Katrina Van Tassel, rol që do ta interpretojë Sweeney.
Belmont Cameli do të luajë rolin e Brom Bones.
Beer synon ta vendosë heroinën ikonike në qendër të historisë, duke e bërë figurën kryesore të misterit, por edhe të trekëndëshit të dashurisë me elemente mbinatyrorë.
Ndërkohë, producentët raportohet se janë ende në kërkim të aktorit që do të interpretojë Ichabod Crane, personazhi që do të jetë pjesë e trekëndëshit të dashurisë së bashku me Sweeney-n.
Aktori dhe regjisori francez i teatrit, Arnaud Denis, vdiq në moshën 43-vjeçare pasi iu nënshtrua eutanazisë në Namur të Belgjikës.
Ky artist, i njohur edhe për rolin e tij në filmin “Yves Saint Laurent”, njoftoi vendimin e tij disa muaj më parë, pasi shëndeti i tij u përkeqësua deri në atë pikë sa shkaktoi paaftësi të rëndë.
Avokati i tij, Philippe Courtois, i tha AFP-së se vendimi u mor pas konsultimit me tre mjekë nga Namur.
"Trupi i tij nuk mundi ta duronte më," shtoi ai. Aktori postoi mesazhin e tij të fundit në mediat sociale të martën.
Në të, ai e paraqiti eutanazinë si çlirim pas pothuajse tre vitesh vuajtjesh dhe kritikoi kujdesin mjekësor që mori gjatë asaj periudhe.
Shëndeti i Denisit u përkeqësua në korrik 2023, kur ai iu nënshtrua një ndërhyrjeje kirurgjikale për një hernie inguinale të djathtë dhe instalimin e një proteze. Që atëherë, ai ka vuajtur nga probleme të ndryshme shëndetësore që i lidhi drejtpërdrejt me implantin.
Foto: PATRICE FALOUR/STARFACE
I përballur me përkeqësimin e gjendjes së tij, ai më vonë udhëtoi për në Shtetet e Bashkuara për t'iu nënshtruar një operacioni për të hequr implantin. Ai u diagnostikua me encefalomielit mialgjik, një sëmundje që ai e lidhi me atë që ndodhi pas operacionit.
Megjithatë, lidhja shkakësore midis protezës dhe një sërë problemesh të tij shëndetësore nuk u përcaktua ligjërisht, gjë që ishte një rrethanë relevante në procedurat që ai nisi në Francë.
Në janar të këtij viti, ai ngriti një padi kundër një personi, identiteti i të cilit nuk është publikuar për shkaktim të lëndimeve nga pakujdesia. Zyra e prokurorit në Paris e arkivoi çështjen në fund të gushtit, duke gjykuar se krimi nuk ishte kualifikuar mjaftueshëm saktë.
Prokuroria pranoi se renditja kronologjike e ngjarjeve lejonte mundësinë e një lidhjeje midis simptomave dhe implantit, por theksoi se nuk ishte vërtetuar shkencërisht asnjë lidhje shkakësore e besueshme, mbi bazën e së cilës përgjegjësia penale mund t'i atribuohej prodhuesit të protezës ose mjekëve që e përshkruan dhe instaluan atë.
Megjithatë, beteja ligjore nuk mbaroi me atë kërkesë. Avokati i tij paraqiti një kërkesë të re më 18 shtator, duke kërkuar të fitonte statusin e palës së dëmtuar në procedurë, duke kërkuar kështu të fillonte një hetim gjyqësor dhe duke konfirmuar se Arnaud Denis e kishte autorizuar atë të vazhdonte me aktivitetet ligjore pas vdekjes së tij. /Telegrafi/
Kryeministri Edi Rama ndodhet në Shtetet e Bashkuara të Amerikës prej ditës së shtunë. Sot, në orën 17:00 me orën lokale, ai pritet të mbajë fjalimin në Asamblenë e Përgjithshme të Kombeve të Bashkuara. Në Shqipëri, fjalimi do të nisë në orën 23:00.
Rama pritet të flasë në hapje të debatit të Asamblesë së Përgjithshme. Gjatë qëndrimit në SHBA, kryeministri ka zhvilluar një takim me komunitetin shqiptar në Michigan.
Në axhendën e tij janë parashikuar gjithashtu takime me përfaqësues të politikës, ekonomisë dhe organizatave ndërkombëtare.
Punimet e Asamblesë së Përgjithshme të OKB-së zhvillohen nga 22 deri më 28 shtator. Në këtë vizitë, kryeministri Rama shoqërohet nga bashkëshortja e tij, Linda Rama, si dhe nga delegacioni zyrtar.
Me kërshëri pritet nëse në fjalën e tij kryeministri do të përfshijë edhe çështjen e liderëve të UÇK-së. /Tch/
Login
