I bien më shkurt, por e rrezikojnë jetën!

“Përderisa mbikalimi mbetet i pashfrytëzuar këtu në Bit Pazar, qytetarët shfrytëzojnë këtë pjesë ilegale ku nuk ka vizë-bardha dhe rrezikojnë jetën e tyre. Ndërkaq, autoritet zotohen se do ta bëjnë eliminimin e kësaj ure, por edhe mbylljen e kësaj zhardinjere”, Adnan Qaili, gazetar.

Kalimtarët në Bulevardin “Kërste Misirkov” tek ura e Bit Pazarit nuk e përdorin mbikalimin. Ai madje ka mbetur i pa mirëmbajtur, i mbushur me mbeturina dhe është shndërruar në tualet publik. Askush nuk i ngjet shkallët, ndërsa lifti ka vite që nuk funksionon. Qytetarët thonë se ai duhet të rrënohet.

“Nuk e shfrytëzojnë sepse nuk kanë edukatë se ura është shumë e mirë e ndërtuar për neve me kalu andej, e di që ka pas edhe lift por nuk punon, por na nuk jemi mjaft të edukuar se ura është për ne. A kjo është këtu gabim që është qelë, nuk e di sa vetë deri janë shtypur nga makinat veç se kjo nuk është në rregull, të rrimë shtremb e të flasim drejtë.”

Disa të tjerë thonë se ky kalimi ilegal i bulevardit ka qenë shpeshherë pikë tragjike e aksidenteve në trafik, ku janë shtypur këmbësorët. Por, edhe ngarkesa në trafik bëhet e padurueshme nga kalimtarët.

“Duhet të shfrytëzohet më mirë ura sesa ky kalim. A rrezikohet jeta e qytetarëve duke kaluar këtu që nuk vizë-bardha? Ose duhet të mbyllet ose të vendosin vija të bardha! Përndryshe mund të ndodhin aksidente, por ka ndodh që kanë shtypur shumë kalimtarë këmbësorë, me biçikleta e motoçikleta. A duhet të mirëmbahet mbikalimi? Po duhet të mirëmbahet por qytetarët duhet të jenë të kujdesshëm.

Nga Qyteti i Shkupit thonë se gjatë javës që lamë pas takimi ndër komunal me Komunën e Çairit ka qenë frytdhënës dhe kanë bërë një plan operativ për largimin e plotë të atij mbikalimi. Kryetari Orce Gjeorgjievski tha se pas heqjes së urës së këmbësorëve, do të mbyllet komplet edhe kalimi ilegale.

“Gjatë disa ditëve në vijim do të hyjmë me prishjen e disa objekteve në të zezë, unë thashë se ato procese do të zhvillohen paralelisht, do të shkatërrohen të gjitha objektet pa leje që janë atje dhe pastaj do të mbyllet edhe kalimi ilegal. Kishte kërkesë të qytetarëve nga ajo pjesë e qytetit që ta legalizojmë atë kalim, por jemi të përcaktuar kategorikisht që atë kalim ilegal duhet ta mbyllim për sigurinë e këmbësorëve është më mirë, por edhe për ata që janë shfrytëzues të automjeteve”, tha Orce Gjeorgjievski.

Edhe kreu i Çairit Izet Mexhiti, gjatë fushatës parazgjedhore për kryetar të komunës e pati premtim që do ta largojë atë mbikalim të pashfrytëzuar dhe vendosja e vendkalimit zyrtar me semaforë. Madje ai tha se komuna nuk ka shpenzuar asnjë denarë për ndërtim pasi që është dhënë si kompensim për hapësira reklamuese të një agjencie të marketingut. Edhe na Shoqata e tezgaxhinjve të Bit Pazarit dhe të Esnafit të Çarshisë thonë se ai kalim ilegal më tepër shkakton kaos se sa që shërben për të mirë. /tv21

Pas koncerteve të suksesshme në Kosovë në dhjetor të vitit 2025, Dafina Zeqiri po vazhdon turneun "Supernova" edhe në vende të tjera.

E artistja së fundmi ka performuar në Athinë të Greqisë, një mbrëmje madhështore me qindra të ftuar.

Por më special ishte djali i saj, Daskan, i cili në korrik të këtij viti mbush njëvjeç.

Ai mori gjithë vëmendjen në koncert me reagimin teksa ishte në krahët e të atit, por duke parë nënën në skenë.

"Momenti më i mirë i shfaqjes", ka qenë përshkrimi që i ka vënë postimit.

Këngëtarja ndërkohë ka performuar të gjitha hitet e saj, që nga fillimet e karrierës, duke e shndërruar në një natë të paharrueshme.

Pas kësaj, më 15 maj do të mbajë të radhës në sheshin "Skëndërbe" në Tiranë. /Telegrafi/

Legjislatura e dhjetë e Kuvendit të Kosovës po cilësohet si një ndër më të dobëtat në historinë parlamentare të vendit nga monitoruesit e punës së këtij institucioni. Sipas tyre, deputetët e kësaj legjislature dështuan të përmbushin funksionet themelore, në veçanti zgjedhjen e presidentit, gjë e cila bëri që të shkohet në zgjedhje të reja më 7 qershor. Megjithatë, nga ish mazhoranca thonë se, edhe kjo legjislaturë kishte efektivitet më pak se dy muaj të plotë, janë mbajtur 24 seanca, ku janë miratuar 35 ligje, mes tyre 24 marrëveshje ndërkombëtare.

Hulumtuesi i Institutit të Kosovës për Drejtësi, Naim Jakaj, thotë për KosovaPress, se kjo legjislaturë nuk ishte e zonja që të kryejë funksionet e veta.

Ndër fajtorët kryesorë sipas tij është Lëvizja Vetëvendosje, e cila ka pasur shumicë parlamentare. Ai përmend mungesën e rishikimit të buxhetit, ku vendi po ballafaqohet me inflacion të madh për shkak të krizës në Lindjen e Mesme, si dhe rikthimin në pikën zero të ligjeve për reformën në drejtësi.

Si gjë pozitive ai theksoi miratimin e disa marrëveshjeve ndërkombëtare, mes tyre edhe ato në kuadër të Planit të Rritjes.

“Po në historinë e parlamentarizmit, kjo legjislaturë do të mbetet si më e dobëta, si më e dështuara, për arsye që nuk qe e zonja që t’i kryejë funksionet e veta. Përkundrejt që kuvendi dhe qeveria u formuan me shpejtësi, një ditë pas certifikimit të rezultateve zgjedhore, kjo legjislaturë nuk arriti t’i kryejë disa nga çështjet kryesore. Ne aktualisht, për shkak të krizës globale, edhe në Iran edhe në Ukrainë, për shkak të rritjes së çmimeve, nuk mbërritëm që të kemi një rishikim të ligjit plotësues buxhetor. Këtu përgjegjësia bie kryesisht, dhe veçanërisht, mbi shumicën parlamentare, mbi Lëvizjen Vetëvendosje, e cila nuk qe e zonja që prej kohës kur u formua Qeveria e Kosovës ta sjellë një ligj plotësues buxhetor dhe në atë ligj të vendosë një pako për mbështetje për grupet e cenuara sociale… Ka një sukses të kësaj legjislature që janë miratuar marrëveshjet që vijnë nga Plani i Rritjes, por ato tashmë mbesin në gjysmë dhe ne rrezikojmë që një pjesë e fondeve të mos i marrim, ta zëmë nga disa marrëveshje të tjera ndërkombëtare, sepse duhet të ketë Kuvend në muajin qershor. Duhet të ketë Qeveri në muajin qershor dhe kështu nuk mund të kryhen punët sipas marrëveshjeve që vetë Kosova i ka marrë përsipër me marrëveshjet ndërkombëtare dhe me organizatat e ndryshme financiare”, thotë ai.

DASH: Bllokimi i vazhdueshëm politik dëmton besimin në institucionet e Kosovës

Në të njëjtën linjë kritike, analisti politik Adrian Zeqiri thotë se dështimi nuk është i izoluar vetëm në këtë mandat, por edhe në legjislaturën e nëntë, si pasojë e krizave të vazhdueshme politike.

“Vetëm mundem me bashkënda me deputetët e legjislaturës së nëntë dhe të dhjetë, të cilët realisht s’kanë bërë asgjë. U shkoi mandati si deputet ndoshta pa folur asnjëherë në foltore. Kjo ka ndodhur edhe me legjislaturën e kaluar të vitit 2025, që s’ka bërë asgjë, njësoj sikur kjo legjislaturë. Bashkënda me këta deputetë që kanë shpenzuar mund dhe kohë dhe në fund u ka shkuar mandati pa e marrë fjalën asnjëherë. Realisht kanë dështuar dy legjislatura totalisht në Kosovë”, deklaron ai.

E ish shefja e deputetëve të LVV-së, Arbërie Nagavci, tha se legjislatura e dhjetë e Kuvendit zgjati shkurt në kohë, por ishte intensive në punë dhe rezultate.

“Edhe pse legjislatura e dhjetë e Kuvendit të Kosovës funksionoi për më pak se dy muaj të plotë, arritëm të marrim vendime me rëndësi për qytetarët: miratuam projektligje kyçe, funksionalizuam borde dhe këshilla, si dhe avancuam marrëveshje ndërkombëtare”, shkroi ajo të shtunën në rrjetin social Facebook.

Kuvendi u shpërnda më 29 prill, pasi dështoi të zgjedhë presidentin e ri.

Legjislatura e dhjetë ishte konstituar më 11 shkurt pas zgjedhjeve të 28 dhjetorit të vitit 2025.

Qendra “Gjenocidi në Kosovë – Plagë e Hapur” në një reagim për ndarjen nga jeta të atdhetarit dhe intelektuali të njohur shqiptar nga Tetova, Beqir Berisha, thuhet se i ndjeri ka lënë pas një trashëgimi të pasur në kulturën dhe mendimin shqiptar.

Qendra “Gjenocidi në Kosovë – Plagë e Hapur”, vdekjen e Beqir Berishës e cilëson si një humbje të madhe për kombin shqiptar.

Në reagim theksohet se Berisha do të kujtohet si njeri i qëndresës, i dijes dhe i dinjitetit, si dhe për kontributin e tij si filozof, gazetar, autor dhe ish i burgosur politik.

Sipas kësaj qendre, veprimtaria e tij letrare dhe studimore, si dhe angazhimi i vazhdueshëm për fjalën e lirë dhe çështjen kombëtare, kanë lënë gjurmë të pashlyeshme në kulturën shqiptare. Librat dhe shkrimet e tij, që trajtojnë tema nga aktualiteti kulturor e politik deri te refleksionet filozofike, konsiderohen dëshmi e një jete të përkushtuar ndaj dijes dhe identitetit kombëtar.

Beqir Berisha ishte gjithashtu mbështetës i fuqishëm i kauzës për drejtësi lidhur me gjenocidin në Kosovë. Edhe në ditët e fundit, pavarësisht përballjes me sëmundjen, ai vijoi të qëndrojë pranë librit dhe kërkimit të së vërtetës.

Sipas njoftimit, libri i fundit që ai lexoi ishte romani i të birit, Bardhyl Mahmuti, “Revolta e Syzifit”, i cili trajton krimin e gjenocidit në Poklek të Vjetër.

Në telegramin e ngushëllimit, Qendra “Gjenocidi në Kosovë – Plagë e Hapur” u ka shprehur ngushëllime familjes, të afërmve dhe gjithë opinionit shqiptar, duke vlerësuar figurën e Berishës si një zë të rëndësishëm të kulturës dhe mendimit kombëtar.

Beqir Berisha do të kujtohet si një personalitet që jetën e tij ia kushtoi lirisë, dijes dhe idealit shqiptar.

Publicisti dhe veprimtari Bardhyl Mahmuti ka njoftuar ndarjen nga jeta të babait të tij, Beqir Berisha, i cili është larguar nga kjo botë më 3 maj 2026.

Në njoftimin mortor, familja bën të ditur se varrimi do të mbahet të hënën, më 4 maj, në ora 13:30, në varrezat e Tetovës.

Po ashtu, në mesazhin e tij, Mahmuti thekson se, duke pasur parasysh situatën politike në Maqedoni të Veriut, u bën thirrje bashkëveprimtarëve nga Kosova që të mos ndërmarrin udhëtimin për në varrim apo ngushëllime, për arsye sigurie.

General Cherry, një nga kompanitë më të mëdha të teknologjisë së mbrojtjes në Ukrainë, ka zbuluar dronin e saj të parë sulmues me rreze të mesme veprimi, "Khmarynka", i cili thotë se mund të mbajë shtatë herë më shumë ngarkesë dhe ka dyfishin e rrezes së veprimit të dronëve standardë FPV.

Ndërsa kompania e paraqet sistemin si një përmirësim, vetë teknologjia nuk është e re.

Analogë të shumtë janë tashmë në tregun ukrainas.

Të gjithë janë të lehtë, me çmim rreth 1,000 dollarë, të aftë të mbajnë 5 deri në 8 kg municion në distanca deri në 50 km.

Khmarynka bën pjesë në një klasë më të gjerë të dronëve kamikazë me kosto të ulët, të projektuar për vendosje masive, duke përfshirë shterimin e mbrojtjes ajrore ruse dhe goditjen e objektivave të tilla si automjete të blinduara, depo dhe bunkerë këmbësorie.

"I lehtë, por më e rëndësishmja i lirë", tha Vitaliy Zaytsev, doktor i shkencave dhe profesor në inxhinierinë e aviacionit.

Khmarynka, emri i së cilës përkthehet në anglisht si "re", ka një hapje krahësh prej 196 centimetrash, një rreze maksimale deri në 50 kilometra dhe një kohë fluturimi deri në 60 minuta.

Mund të arrijë një shpejtësi maksimale prej 140 km/h.

Çmimi i dronit mbetet i pazbuluar. Për momentin, kompania tha se po u ofron falas Forcave të Mbrojtjes të Ukrainës një grup fillestar prej 150 dronësh për testim. /Telegrafi/

Manchester United ka shënuar fitore të madhe ndaj Liverpoolit me rezultat 3-2, në ndeshjen e javës së 35-të të Ligës Premier, duke hedhur një hap vendimtar drejt sigurimit të një vendi në Ligën e Kampionëve për sezonin e ardhshëm.

Vendasit e nisën ndeshjen furishëm dhe brenda 14 minutave krijuan epërsi të dyfishtë. Në minutën e 6-të, Matheus Cunha realizoi një gol të bukur nga jashtë zonës për 1-0.

Benjamin Sesko e dyfishoi rezultatin në minutën e 14-të, pas një situate të ngatërruar në zonë. Goli i sllovenit u kontrollua edhe nga VAR-i për një të dyshuar për lojë me dorë në aksionin paraprak, por pas rishikimit u konfirmua si i rregullt (17’).

Liverpooli reagoi fuqishëm në pjesën e dytë. Dominik Szoboszlai e riktheu skuadrën në lojë me një aksion individual dhe goditje nga distanca për 2-1 (47’).

Cody Gakpo ta barazonte rezultatin në 2-2 (56’), pas asistimit të Szoboszlait, duke e ndezur takimin.

Megjithatë, Man United nuk u dorëzua dhe në minutën e 77-të Kobbie Mainoo shënoi golin vendimtar për 3-2, duke përfituar nga një top i kthyer dhe duke gjuajtur saktë nga skaji i zonës.

Me këtë fitore, Manchester United duket se e ka “blinduar” vendin e tretë dhe praninë në Ligën e Kampionëve sezonin e ardhshëm. United tani ka 64 pikë në pozitën e tretë, ndërsa Liverpooli mbetet i katërti me 58 pikë. /Telegrafi/

Cadillac është i emocionuar që është në Formula 1.

Ky vit shënon sezonin e tij të parë dhe kjo fundjavë shënon garën e parë të ekipit në tokën amerikane në Çmimin e Madh të Miamit 2026.

Për të festuar, prodhuesi i veturave po lanson një CT5-V Blackwing me prodhim të kufizuar me edhe më shumë fuqi.

Ai rrit fuqinë e motorit V8 me 6.2 litra me superkompresor nga 668 kuaj fuqi në 685 kuaj fuqi.

Cadillac do ta ofrojë sedanin ekskluzivisht me transmisionin manual me gjashtë shpejtësi.

Çdo veturë ka gjithashtu paketën Precision, e cila përfshin shumë komponentë të përmirësuar të pezullimit, frena të tjera dhe goma Michelin Pilot Sport Cup 2 R.

Çdo veturë vesh ngjyrën e jashtme Midnight Stone Frost.

Blackwing gjithashtu ka shumë shenja delikate (por të dukshme) të Formula 1 dhe FIA-s, duke përfshirë logon e F1 të stampuar në pjesën e poshtme të dyerve të përparme.

Cadillac do të fillojë prodhimin e CT5-V Blackwing F1 Collector Series në mesin e vitit 2026, duke e shitur atë në SHBA dhe Kanada.

Prodhimi është i kufizuar në vetëm 26 njësi.

Prodhuesi i automjeteve nuk ka njoftuar çmimet, por pritet që të ketë çmim të lartë. /Telegrafi/

Bllokimet masive të trafikut në Kinë krijojnë skena të pazakonta, ku mijëra automjete bllokohen në autostrada të gjera me shumë korsi .

Pamjet nga droni shpesh zbulojnë drita të kuqe të pasme pa fund.

Video e publikuar së fundmi tregon turma njerëzish ndërsa përpiqeshin të ktheheshin në shtëpi pas pushimeve të Javës së Artë. /Telegrafi/

Riparimet e xhamit të iPhonet janë ndër shërbimet më të kushtueshme të telefonave inteligjentë, dhe arsyeja kryesore qëndron në ndërtimin kompleks dhe teknologjinë e avancuar të pajisjes.

Ekranet moderne të iPhone nuk janë vetëm një shtresë xhami. Ato përbëhen nga disa shtresa të integruara ngushtë me njëra-tjetrën, përfshirë panelin OLED, sensorët e prekjes dhe xhamin mbrojtës. Kjo strukturë e ngjitur në mënyrë industriale e bën pothuajse të pamundur zëvendësimin vetëm të xhamit pa ndikuar në pjesët e tjera.

Për këtë arsye, në shumicën e rasteve, kur dëmtohet xhami, duhet të zëvendësohet i gjithë ekrani si një njësi e vetme, gjë që rrit ndjeshëm koston e riparimit.

Një tjetër faktor është përdorimi i materialeve të cilësisë së lartë dhe teknologjisë së avancuar si Ceramic Shield në modelet më të reja, të cilat janë më rezistente, por më të shtrenjta për t’u prodhuar dhe zëvendësuar.

Gjithashtu, Apple dhe servisët e autorizuar përdorin pjesë origjinale dhe procese të certifikuara, gjë që rrit më tej çmimin e shërbimit.

Në përgjithësi, kombinimi i teknologjisë së integruar, materialeve të shtrenjta dhe procedurave të specializuara të riparimit është arsyeja pse zëvendësimi i xhamit të iPhone konsiderohet një nga riparimet më të kushtueshme në tregun e telefonave mobil. /Telegrafi/

Kryetari i grupit parlamentar të Partisë Socialiste, Taulant Balla, ka reaguar për aksidentin tragjik në Durrës, ku humbën jetën dy fëmijë.

Në një deklaratë në rrjetet sociale, Balla thekson se ngjarja nuk duhet konsideruar si aksident rrugor.

“Ngjarja tragjike në Durrës nuk është aksident rrugor. Autori nuk është një shofer në timon, por një terrorist”, shprehet Balla.

Janë zhvilluar ndeshjet e javës së 31-të në Ligën e Parë të Kosovës, ku liderët vazhduan garën e fortë për kreun, ndërsa mbijetesa duket se tani është qartësuar.

Lideri Dinamo mori një fitore me rikthim ndaj Suharekës, duke fituar 3-2, me dy gola në fund. Fitore mori edhe Vushtrria që triumfoi ndaj Prizrenit me 3-2, ndërsa Feronikeli ’74 fitoi ndaj Istogut me 3-1, për ta mbajtur presionin në krye.

Vëllaznimi mori tri pikë të mëdha në udhëtim duke e mposhtur Tefik Çangën me 2-1, ndërsa edhe Liria fitoi në shtëpi minimalisht ndaj Besës së Pejës.

Trepça fitoi si mysafire ndaj KEK-ut me 3-1, kurse 2 Korriku triumfoi si mysafir ndaj Vjosës me 2-0.

Në një tjetër duel me rëndësi, Rilindja 1974 mposhti Kikën me 2-0.

Renditja pas javës së 31-të

Pas 31 ndeshjeve, Dinamo kryeson me 68 pikë, por ndjekja është shumë e afërt Vushtrria që ka 66 pikë. Dy ekipet e para ngjite direkt në elitë.

Feronikeli ’74 ka 65 pikë, ndërsa Vëllaznimi është vetëm një pikë prapa me 64 pikë, në pozitat tre dhe katër, që dërgojnë në barazh. Pas tyre vjen Liria me 62 pikë dhe Trepça ’89 me 61 pikë, që presin gabimet e ekipeve më lartë, çka e bën garën për kreun dhe zonën e barazhit jashtëzakonisht të ngushtë.

Në mesin e tabelës, Ramiz Sadiku mban vendin e shtatë me 47 pikë, ndërsa më poshtë renditen Suhareka (38), Tefik Çanga (37) dhe Trepça (34).

Kika (33), Rilindja 1974 (32), Vjosa (32), Istogu (31), 2 Korriku (30) dhe Besa Peja (29) janë të ngjeshura me pikë, por duket se e kanë siguruar qëndrimin në Ligën e Parë, pasi KEK-u (21) dhe Prizreni (19) me një këmbë janë në ligën e Dytë. /Telegrafi/

Më 02.05.2026, në SPB Shkup, nga Institucioni Shëndetësor Publik “Shën Naum Ohri” në Shkup është raportuar se tek ata është sjellë me lëndime R.D. (36) nga Shkupi.

Sipas raportimit, rreth orës 00:00 në zonën e Kisella Vodës në Shkup, derisa po lëvizte me veturën e tij “BMW”, ai është ndaluar nga J.A., të cilin e njihte, dhe pas një zënke është sulmuar fizikisht nga ai.

Më vonë, pasi R.D. është kthyer sërish në vendin e ngjarjes, është sulmuar përsëri nga J.A., e më pas edhe nga M.A. dhe E.N., ku M.A. e ka goditur me kondak të armës.

Pas dokumentimit të plotë të rastit, do të pasojnë kallëzimet përkatëse.

Robert Berisha në "Andale" i është rikthyer sërish raportit me këngëtaren Tuna, të cilën e ka pasur kunatë.

I pyetur nëse ka ndonjë shpresë që të përmirësohet marrëdhënia e tyre, për artistin kjo siç shihet nuk do të ndodhë ndonjëherë.

"A ka ndonjë shpresë përmirësimi marrëdhënia juaj", ka qenë pyetja që iu parashtrua.

Foto: TikTok

I njëjti thekson se nuk është sjell mirë me nënën e tij, që ka ndërruar tashmë jetë nga kanceri.

"Unë edhe kur kanë qenë bashkë ata e kam vendosur atë punë. Nuk kam dashur marrëdhënie fare, e ka stilin e jetës të vet edhe sjelljet e saj do të thotë, të vazhdon kudo por jo me nënën time, me nënën që e kam pasur me kancer edhe sjelljet e saj nuk kanë qenë të mira, e kam treguar në disa intervista", u shpreh ai.

Tutje tha: "Ka qenë bashkë me vëllanë, tani që nuk janë bashkë vetëm i dëshiroj suksese jetë të gjatë suksese asaj dhe fëmijëve të saj, nuk kisha dashur kurrë të dëgjoj diçka të keqe për të por unë kam dhënë shenjë në anë të majtë ti jepi në të majtë. Nuk ka ndikuar në marrëdhënien me vëllanë".

Roberti nga ana tjetër ka një raport shumë të mirë me Patrisin, që prej vitesh po ashtu u nda nga Tuna, ndonëse kanë bashkë dy fëmijë. /Telegrafi/

Janë mbyllur të gjitha ndeshjet e javës së 32-të në Superligën e Kosovës, ku nuk munguan befasitë, pasi mysafirët regjistruan katër fitore, ndërsa vendasit nuk morën asnjë.

Drita fitoi ndaj Prishtinës së Re, me golin e shënuar nga pika e bardhë, ku i saktë ishte Besnik Krasniqi.

Malisheva e mposhti në fund Prishtinën, me golin e shënuar nga Altin Aliu, fitore që e afron skuadrën e Bylbyl Sokolit me Evropën.

Gjilani dhe Ferizaj barazuan 1-1 në një ndeshje me shumë vendime të VAR-it. Senad Jaroviq shënoi për Gjilanin, ndërsa Benato Bekima Claudee e mbajti në garë për mbijetesë Ferizajn me golin e barazimit.

Fitore mori edhe Drenica, që mposhti Dukagjinin si mysafire, me një gol të vonë të Fjoart Jonuzit.

Llapi regjistroi një nga fitoret më të rëndësishme të edicionit, duke mposhtur Ballkanin me golin e Arbnor Ramadanit.

Renditja, Drita drejt titullit, Malisheva drejt Evropës

Kanë mbetur edhe katër xhiro deri në fund, ku secila pikë ka vlerë, ndërsa klubet po luftojnë për objektiva.

Drita tani është shumë pranë titullit. Ekipi nga Gjilani kryeson me 63 pikë, tetë më shumë se Ballkani i vendit të dytë (55), i cili pas humbjes nga Llapi e ka vështirësuar ndjeshëm misionin për të kthyer trofeun.

Në vendin e tretë është Malisheva me 52 pikë, duke e forcuar pozitën për garat evropiane, ndërsa Prishtina dhe Gjilani janë në ndjekje me nga 45 pikë, duke e mbajtur të hapur garën për pozitat e kreut.

Në mesin e tabelës, Dukagjini dhe Drenica kanë nga 41 pikë, duke marrë frymë më lirë në luftën për mbijetesë, por tani Llapi po ju vjen nga pas.

Llapi ka arritur të ngjitet në vendin e tetë me 39 pikë dhe e ka rritur shpresën për t’u larguar nga zona e barazhit.

Ferizaj mbetet i parafundit me 34 pikë dhe vazhdon të jetë në rrezik serioz, ndërsa Prishtina e Re është e fundit me 28 pikë, me pak gjasa për mbijetesë.

Me vetëm katër xhiro të mbetura, çdo pikë pritet të jetë vendimtare si në garën për titull, ashtu edhe në betejën për mbijetesë. /Telegrafi/

Një anije transportuese me shumicë pranë Ngushticës së Hormuzit ka raportuar se është sulmuar nga disa anije të vogla, sipas Qendrës së Operacioneve Tregtare Detare të Mbretërisë së Bashkuar.

Anija kishte qenë në drejtim të veriut kur u sulmua, por i gjithë ekuipazhi është raportuar i sigurt dhe nuk ka pasur ndikim në mjedis.

Irani në fakt e ka mbyllur korridorin kryesor të transportit detar për trafikun tregtar, megjithëse herë pas here lejon kalimin e anijeve, duke marrë ndonjëherë pagesa.

Që atëherë janë raportuar sulme të shumta ndaj anijeve, ndërsa Irani është përpjekur të zbatojë bllokadën, për të cilën ai gjithashtu vendosi një flotë me anije të vogla luftarake.

Ndryshe, Korpusi i Gardës Revolucionare Islamike të Iranit (IRGC) ka deklaruar se presidenti amerikan, Donald Trump, duhet të zgjedhë mes një “lufte të pamundur” ose një “marrëveshjeje të keqe” me Iranin.

Në një postim në rrjetin social amerikan X, departamenti i inteligjencës i IRGC-së tha se Teherani i ka dërguar ushtrisë amerikane një afat për përfundimin e bllokadës ndaj porteve iraniane. /Telegrafi/

Në mediat shqiptare janë publikuar pamjet kur një automjet në lagjen nr. 15, në Durrës ka përplasur tre fëmijë të moshës rreth 10 vjeçare.

Si pasojë e aksidentit, dy prej të miturve kanë humbur jetën, ndërsa i mituri tjetër është në gjendje të rëndë dhe po transportohet për ndihmë më të specializuar në Tiranë.

Drejtuesi i automjetit është shoqëruar në Komisariat për veprime të mëtejshme.

“Rreth orës 14:20, në lagjen nr. 15, në Durrës, një automjet i drejtuar nga shtetasi N. R., rreth 57 vjeç, ka aksidentuar tre fëmijë të mitur, të moshës rreth 10 vjeç.

Tragjedi në Durrës, vetura përplas tre fëmijë derisa po luanin në trotuar - dy humbin jetën

Si pasojë e aksidentit, dy prej të miturve kanë humbur jetën, ndërsa i mituri tjetër është në gjendje të rëndë dhe po transportohet për ndihmë më të specializuar në Tiranë.

Drejtuesi i automjetit është shoqëruar në Komisariat për veprime të mëtejshme.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit”, njoftoi policia./Vizion+

Këngëtari i njohur shqiptar, Alban Skënderaj, ka sjellë për publikun albumin e ri “Rrënjët”, një projekt i konceptuar në mënyrë të veçantë, ku çdo këngë vjen e shoqëruar me videoklip.

Albumi përfshin tetë këngë të reja: “Himalaja”, “Vallëzimi”, “Ngujimi”, “Vasha”, “Aroma”, “Pianisti”, “Vajzo” dhe “Karma”.

Të gjitha këngët janë publikuar në YouTube, ku mund të ndiqen veçmas me klipet e tyre.

- YouTube www.youtube.com

Muzika dhe tekstet janë realizuar nga vetë Skënderaj, ndërsa producimi është bërë nga Erjet Barbullushi.

Ana vizuale e projektit është kompletuar nga Aveny, duke i dhënë secilës këngë identitetin e vet artistik.

- YouTube www.youtube.com

Pak ditë më parë, artisti ndau detaje edhe në Instagram, duke e cilësuar “Rrënjët” si një nga projektet më të bukura dhe më autentike të karrierës së tij.

Ai theksoi se tetë këngët janë “tetë ngjyra të ndryshme” që së bashku formojnë një tërësi, ndërsa frymëzimi kryesor i erdhi nga energjia dhe dashuria e publikut gjatë turneut “MOTIV”.

- YouTube www.youtube.com

Skënderaj u shpreh se albumi është krijuar në një periudhë të ngarkuar fizikisht dhe emocionalisht, por pikërisht kjo e ka shtyrë të rikthehet te instinktet dhe ndjesitë e tij, “totalisht vetvetja”.

Ai premton se këto këngë do të frymëzojnë, do të zgjojnë kujtime dhe do t’i bëjnë njerëzit të lidhen sërish me emocionet – jo vetëm në dashuri, por edhe me veten dhe me jetën. /Telegrafi/

- YouTube www.youtube.com

- YouTube www.youtube.com

- YouTube www.youtube.com

- YouTube www.youtube.com

- YouTube www.youtube.com

- YouTube www.youtube.com

Sassuolo ka shënuar fitore të madhe ndaj Milanit me rezultat 2-0, në një ndeshje ku gjithçka u komplikua herët për kuqezinjtë pas kartonit të kuq të Fikayo Tomorit.

Ndeshja nisi me një minutë heshtje, ndërsa vendasit e gjetën shpejt golin. Në minutën e 5-të, Domenico Berardi realizoi për 1-0, pas një asistimi nga Armand Laurienté.

Milani mbeti me një lojtar më pak në minutën e 24-të, kur Tomori u ndëshkua me kartonin e dytë të verdhë dhe u përjashtua, duke e vështirësuar ndjeshëm kthimin në lojë.

telegrafi.com

Edhe Sassuolo pati goditje, pasi Jay Idzes u detyrua të largohej i lënduar në minutën e 40-të, duke u zëvendësuar me Woyo Coulibaly. Ndërkohë, vendasit vazhduan të menaxhojnë mirë epërsinë deri në pushim.

Në fillim të pjesës së dytë erdhi edhe goli i sigurisë. Armand Laurienté shënoi për 2-0 në minutën e 47-të, me një goditje të fuqishme nga brenda zonës, pas asistimit të Kristian Thorstvedt.

Pas kësaj humbjeje, Milani mbetet në vendin e tretë me 67 pikë. /Telegrafi/

Nga viti 2008 deri në vitin 2024, në bujqësi janë investuar rreth 1,9 miliardë euro, thotë profesori Dragi Dimitrieski, edhe pse 70% e produkteve bujqësore që konsumojnë qytetarët importohen nga jashtë.

Nëse në vitet ’90 kapacitetet e tokës së punueshme ishin mbi 660.000 hektarë, sot ato janë për 150.000 hektarë më pak, përkatësisht vetëm 515.000 hektarë.

“Mesazhi im është se jo gjithmonë i kemi investuar fondet në mënyrë të përshtatshme. Ne kemi produktivitet të ulët. Në krahasim me BE-në, pothuajse kudo mbetemi të paktën për gjysmën e rendimenteve që janë atje, përveç në vreshtari dhe te mollët”, deklaroi Dragi Dimitrieski – profesor.

Maqedonia e Veriut ka bilanc negativ si në import ashtu edhe në eksport të ushqimit. Vitin 2024, vendi e ka përfunduar me rreth 470 milionë euro bilanc negativ në eksport dhe import të produkteve bujqësore-ushqimore.

“Ne tashmë po e humbim konkurrueshmërinë edhe aty ku ishim konkurrues dhe gjithnjë e më shumë po importojmë produkte bujqësore nga jashtë. Produktet bazë bujqësore nuk i përmbushim me prodhim vendor, duke filluar nga gruri; vaji pothuajse nuk kemi prodhim tonin; mishi, qumështi. E gjithë kjo vjen nga importi. Për fat të keq po rritet importi edhe i produkteve të perimeve, ku për një kohë ishim të njohur në rajon dhe më gjerë”, tha Dragi Dimitrieski – profesor.

Ekspertët thonë se ka disa arsye për këtë: interes i ulët për t’u marrë me bujqësi, si numër i vogël i të rinjve në zonat rurale.
“Fokusi ynë duhet të jetë i orientuar drejt prodhuesve të vegjël bujqësorë dhe fermave të vogla bujqësore, që dominojnë në vendin tonë dhe që janë thelbi i sektorit bujqësor. Por problemet janë të mëdha. Sfida e dytë dhe e madhe është mungesa e fuqisë punëtore, shpopullimi i zonave rurale, që imponojnë sfida shtesë, veçanërisht për hartuesit e politikave: pra ku t’i orientojnë politikat, si t’i mbajmë të rinjtë në zonat rurale, si të krijojmë politika që do të jenë të dedikuara për fermerët e vegjël”, theksoi Ivana Janeska Stamenkoska – agroekonomiste.

Ekspertët vlerësojnë se nevojitet një qasje më serioze në krijimin e politikave bujqësore, si dhe ndryshim në strukturën e mbështetjes së sektorit bujqësor./Alsat.mk.

Nuk pati gola në pjesën e parë ndërmjet Gjilanit dhe Ferizajt, por e dyta ishte zjarr në ndeshjen e zhvilluar në terrenin me bar sintetik në Gjilan dhe e vlefshme për javën e 32-të të Superligës së Kosovës.

Në pjesën e dytë, të dyja skuadrat arritën të shënojnë nga një herë, në një duel dramatik që u vendos në sekondat e fundit.

Ferizaj fillimisht realizoi në mesin e pjesës së dytë me Betim Haxhimusën, por goli u anulua pas rishikimit me VAR.

Më pas, Gjilani kaloi në epërsi në minutën e 82-të, kur Senad Jaroviq shënoi me kokë për 1-0, duke i dhënë avantazhin vendasve.

Në minutat e fundit, Ferizaj fitoi një penallti, por nuk arriti ta konkretizojë.

Megjithatë, mysafirët nuk u dorëzuan dhe në minutën e 103-të (minuta e 13-të shtesë), pas një aksioni me disa pasime, Claudi realizoi me kokë për 1-1, gol që i siguroi Ferizajt një pikë të rëndësishme në garën për mbijetesë.

Gjilani ndërkohë humbi dy pikë të mëdha në luftën për pozitat që dërgojnë në garat evropiane. /Telegrafi/