Sot, në tregun e këmbimit valutor shqiptar, një dollar amerikan do të blihet me 80.6 lekë dhe do shitet me 82 lekë.

Euro, do blihet me 95.3 lekë dhe do shitet me 96.1 lekë.

Franga zvicerane, sot në tregun shqiptar do blihet me 103.2 lekë dhe do shitet me 104.2 lekë.

Ndërsa paundi britanik, do blihet me 109.2 lekë dhe do shitet me 110.2 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh sot me monedhat e huaja? Me sa po blihen dhe shiten dollari dhe euro appeared first on Albeu.com.

Këtë të mërkurë vendi ynë, do të ndikohet nga kushte atmosferike kryesisht të paqëndrueshme. Moti parashikohet me vranësira mesatare deri të dendura, si dhe alternime me diell pas orëve të mesditës.

Reshjet e herëpashershme të shiut me intensitet të ulët, parashikohen të jenë prezente që në orët e para të 24-orëshit deri në mesditë si dhe shtrëngata afatshkurtra përgjatë relieveve malore.

Pas orëve të mesditës reshjet e herëpashershme me intensitet të ulët përqendrohen në relievet malore në lindje.

Era do të fryjë me drejtim Verilindje-Veriperëndim me shpejtësi mesatare 6 m/s, përgjatë vijës bregdetare e luginora era pritet të fitojë shpejtësi deri në 14 m/s.

Deti-Valëzimi në detet Adriatik dhe Jon i forces 2-3 ballë.

The post Njihuni me parashikimin e motit për ditën e sotme, 15 Prill 2026 appeared first on Albeu.com.

Dashi

Dite e bukur dhe mjaft pozitive kjo e sotmja për ata qe janë ne një lidhje. Do ndiheni si ne ëndërr ne krahët e partnerit dhe për asnjë çast nuk do iu ike buzëqeshja nga fytyra. Beqaret do kenë disa te papritura interesante te cilat me shume gjase do ua ndryshojnë jetën. Financat do jene me te dobëta se kurrë për shkak te shpenzimeve te konsiderueshme.

Demi

Marsi, planeti i dëshirave, do kujdeset gjate gjithë kohës sot për jetën tuaj ne çift. Do e joshni gjithë kohës personin qe keni ne krah dhe marrëdhënia me te do jete e mrekullueshme. Beqaret nuk duhet te nxitohen dhe te hedhin hapa te nxituara sepse gjendja do ju dale jashtë kontrollit. Ne planin financiar do keni goxha probleme. Kërkoni sa me shpejt ndihme.

Binjaket

Duke qene se Venusi do e beje jetën tuaj ne çift me harmonike, sigurisht qe edhe emocionet do jene me te forta. Shfrytëzojeni çdo sekonde sa me shume qe te mundni. Beqaret bëjnë mire te mos rrezikojnë me shume nga sa duhet sepse do kenë probleme e vështirësi. Financat do jene goxha delikate. Gabimi me i vogël mund t’iu rendje tërësisht.

Gaforrja

Jeta sentimentale dhe ajo seksuale do jene te mrekullueshme sot. Edhe vete nuk do e kuptoni sesi gjerat kane ndryshuar rrënjësisht për një kohe kaq te shkurtër. Beqaret gjithashtu do takojnë princin e tyre te kaltër dhe do fillojnë një histori dashurie te bukur. Ne planin financiar gjerat nuk do jene si i kishit menduar. Do keni vështirësi edhe për te shpenzuar për gjerat me te vogla.

Luani

Mos kërkoni te dominoni mbi tjetrin gjate kësaj dite sepse mund te keni probleme serioze me pas. Tregohuni te hapur dhe pranoni te bashkëpunoni për gjithçka. Beqaret do jene me te qarte sot për atë qe duan te bëjnë ne jetën sentimentale dhe do hedhin hapat e duhura. Financat do varet tërësisht nga mënyra se si ju do i menaxhoni. Po bëtë çmenduri do keni probleme serioze.

Virgjeresha

Me ne fund do i zgjidhni te gjitha problemet qe keni pasur ne jetën tuaj sentimentale dhe do jeni shume me te qete. Nga ana tjetër do keni edhe me shume durim për t’u marre edhe me detaje te vogla. Beqaret do kenë plot mundësi për te ndryshuar statusin. Përfitoni sa te mundni. Gjendja e financave do lere për te dëshiruar. Mendohuni mire para se te veproni.

Peshorja

Jeta juaj ne çift do jete me e qëndrueshme se kurrë sot. Askush nuk do arrije dot t’ua prishe ekuilibrin dhe do ndiheni me se miri. Ndjenjat gjithashtu do i shprehni pa fund. Beqaret do realizojnë disa takime interesante, por qe nuk duhet te nxitohen e te fillojnë menjëherë një lidhje. Financat duhet menaxhuar me shume përkujdes. Gjithçka do varet nga kjo.

Akrepi

Gjerat do ecin me se miri sot ne jetën tuaj ne çift. Do e thelloni edhe me tepër bashkëpunimin dhe do ndiheni me te dashuruar se kurrë me pare. Beqaret me mire te presin edhe pak kohe sepse mundësitë e sotme nuk janë aq te mira sa për te filluar një lidhje. Do vuani. Ne planin financiar do jeni me shume fat dhe do keni përmirësime te situatës.

Shigjetari

Zemra juaj do filloje te shërohet sot, pas zhgënjimeve me te cilat jeni [përballur kohet e fundit ne jetën ne çift. Partneri do i ketë kuptuar gabimet dhe do mundohet te rifitoje kohen e humbur. Beqaret do kenë plot njohje te reja me persona te cilat do ua ndryshojnë rrjedhën e jetës. Ne planin financiar duhet te tregoni sa me shume maturi qe te mundni.

Bricjapi

Klima yjore do e favorizoje tej mase jetën tuaj ne çift gjate kësaj dite. Rutina do mbaroje përgjithmonë dhe do provoni emocione te reja. Beqaret do jene te turpshëm, por nuk do mund t’iu rezistojnë dot propozimeve qe do iu bëhen. Financat nuk do arrini dot t’i përmirësoni menjëherë, megjithatë gjendja do jete disi me e qëndrueshme se me pare.

Ujori

Do keni te gjithë kohen e nevojshme sot për t’u menduar dhe për te reflektuar mbi te ardhmen e jetës suaj ne çift. Ka gjase qe te merrni edhe vendime. Beqaret do jene te shqetësuar ne lidhje me punën dhe nuk do keni aspak kohe te mendojnë për dashurinë. As financat nuk do jene ne gjendjen me te mire te mundshme kështu qe duhet bere kujdes me çdo shpenzim.

Peshqit

Pas një periudhe te turbullt dhe te mbushur me debate ne çift, sot do ndiheni me te qete dhe do mendoni për te ardhmen. Beqareve nga ana tjetër do ju pëlqejnë aventurat kalimtare dhe nuk do kërkojnë me ngulm një histori dashurie serioze. Financat do jene me te paqëndrueshme se kurrë me pare. Kërkoni ndihmën e familjareve te paktën.

The post Horoskopi 15 Prill 2026/ Zbuloni çfarë parashikojnë yjet për secilën shenjë appeared first on Albeu.com.

Izraeli dhe Libani kanë rënë dakord të nisin negociatat e drejtpërdrejta pas bisedimeve sot në Uashington DC, sipas Shteteve të Bashkuara, përfaqësuesit e të cilave morën pjesë gjithashtu në takim.

Zëvendëszëdhënësi i Departamentit Amerikan të Shtetit, Tommy Pigott tha në një deklaratë se takimi midis ambasadorëve të vendeve dhe Sekretarit amerikan të Shtetit Marco Rubio ishte historik, duke shtuar se SHBA shpreson se angazhimi i ri do të çojë në një marrëveshje paqeje afatgjatë të ndërmjetësuar nga SHBA.

BBC shkruan se si Izraeli ashtu edhe Libani ranë dakord të punojnë drejt reduktimit të ndikimit të Hezbollahut të mbështetur nga Irani. Pala libaneze gjithashtu bëri thirrje për një armëpushim dhe masa konkrete për të adresuar dhe lehtësuar krizën e rëndë humanitare në vend.

Izraeli thuhet se ra dakord të punojë me Libanin për të çmontuar të gjitha grupet terroriste jo-shtetërore dhe për të arritur një paqe të qëndrueshme.

“Shtetet e Bashkuara shprehën mbështetjen e tyre për të drejtën e Izraelit për t’u mbrojtur nga sulmet e vazhdueshme të Hezbollahut”, thuhet në deklaratë.

The post Konflikti në Lindjen e Mesme/ SHBA: Izraeli dhe Libani do të nisin negociatat për armëpushim appeared first on Albeu.com.

Pas disa orësh në luftë me flakët, është vënë në kontroll zjarri që ra në pallatin pranë QSUT në Tiranë, megjithëse nuk është shuar plotësisht.

Agjencia për Media dhe Informim njofton se zona po monitorohet, ndërsa po kontrollohet çdo apartament për të evidentuar persona të lënduar apo të bllokuar.

“Zjarri i rënë në një kompleks pallatesh pranë QSUNT-së, aktualisht është vënë nën kontroll të plotë, por nuk është shuar plotësisht. Zona vijon të monitorohet për të shmangur çdo riaktivizim të mundshëm të flakëve.
Strukturat përgjegjëse po vijojnë kontrollin në çdo apartament për të evidentuar persona të lënduar apo të bllokuar. Si pasojë e incidentit janë lënduar 6 efektivë zjarrfikës dhe 2 qytetarë, të cilët janë transportuar për trajtim mjekësor.

Në operacionin për përballimin e situatës u angazhuan rreth 70 forca zjarrfikëse me 15 mjete, 50 forca policore, si dhe struktura të tjera mbështetëse, përfshirë urgjencën mjekësore, UKT-në, forcat bashkiake dhe vullnetarë. Forcat e Armatosura kontribuan me 44 efektivë, 6 mjete zjarrfikëse, 1 helikopter Cougar, 1 autoambulancë dhe 1 mjet tip Land Rover të pajisur me oksigjen.

Shërbimi mjekësor i Forcave të Armatosura, në bashkëpunim me strukturat vullnetare të emergjencave civile, u angazhua që në fazën fillestare, duke ofruar ndihmën e parë dhe transportin e të lënduarve. Konkretisht, u transportuan drejt spitalit 3 zjarrfikës me djegie të shkallës së dytë, 2 zjarrfikës me simptoma asfiksie, si dhe 2 qytetarë të evakuuar nga objekti. Mirënjohje të gjithë zjarrfikësve, emergjencave civile, efektivëve të policisë, ushtarakëve, mjekëve për misionet e tyre të shpëtimit dhe trajtimit shëndetësor”.

The post Zjarri në pallatin pranë QSUT/ MIA: Flakët janë vënë në kontroll, por nuk janë shuar plotësisht, po kontrollohet çdo apartament appeared first on Albeu.com.

Mbrëmjen e sotme në ‘Fan Club’ kanë qenë të ftuara edhe tezja e Selin dhe bashkëshortja e Rogertit, familjarët e dy nga finalistët e edicionit të pestë të Big Brother VIP.

Ato janë përplasur ashpër me njëra-tjetrën, ndërsa po diskutohej loja e Selin. Tezja e saj u shpreh se ajo është përballur me sfida, ofendime dhe deri në cenim të imazhit nga Rogerti.

Nga ana tjetër, bashkëshortja e Rogertit u shpreh se banorja ka pasur interes të përballet me lojën e tij dhe ka zgjedhur me vetëdije të mos i shmangë situatat.

Tezja e Selin: Selin është një vajzë që i ka treguar të gjitha anët e veta aty brenda. Ka pasur dinamikat e saj që prej nisjes së këtij rrugëtimi dhe ka treguar anën e saj njerëzore. Është përballur me të gjitha sfidat. Është akuzuar shumë, deri në cenim të imazhit, në denigrim, dhe ka arritur t’i përballojë. Kjo është Selin. Për mua e rëndësishme është që fituesja të jetë Selin. Ajo është “uragani Selin”. Selin e ka treguar vetë veten e saj aty brenda.

Bashkëshortja e Rogertit: Nuk jam dakord me shumë momente në lojën e Rogertit dhe këtë e pranoj. Selin nuk ka marrë ofendime. Mund t’i kishte shmangur, por i ka interesuar t’i dalë përballë. Shyqyr që u përplas me Rogertin dhe u harrua krevati i Mirit. Ju keni bërë edhe kërcënime publike.

Tezja e Selin: Nuk kam asgjë me ju, por denigrimet dhe ofendimet që bashkëshorti juaj ka drejtuar ndaj Selin janë të turpshme. Jeni vetë femër dhe duhet të rikujtoni pak lojën e pisët.

Bashkëshortja e Rogertit: Mund ta kishte shmangur.

Tezja e Selin: ‘Është krenari, bravo’. Është shumë e turpshme.

Bashkëshortja e Rogertit: Po del nga konteksti.

Tezja e Selin: Janë fjalë që bashkëshorti juaj i ka nxjerrë nga goja. Është e turpshme. Ajo nuk ka çfarë të flasë. Të japësh akuza të tilla është shumë e ulët.

Bashkëshortja e Rogertit: Unë nuk kërkoj ndjesë për fjalët e Rogertit, sepse nuk kam thënë asgjë unë.

The post “Kërcënimet, turp i madh”/ Tezja e Selin përballet me bashkëshorten e Rogertit: Shyqyr që u përplas me të, që të harrohej krevati i Mirit appeared first on Albeu.com.

Izraeli ka sulmuar sërish Gazën, duke shënuar kështu gjashtë viktima, përfshirë dy fëmijë. Autoriatetet thanë se gjashtë persona janë vrarë në një sulm që synonte një automjet policie në qytetin e Gazës. Ndërsa nëntë kalimtarë u plagosën, ku disa prej tyre ndodhen në gjendje rëndë.

Mediat shkruajnë se në pjesën veriore të Rripit të Gazës, forcat e armatosura izraelite njoftuan se kishin vrarë një person të armatosur që i ishte afruar ushtarëve.

Më shumë se 750 palestinezë janë vrarë që nga 10 tetori 2025, kur hyri në fuqi marrëveshja e armëpushimit midis Izraelit dhe Hamasit. Hamasi dhe Izraeli akuzojnë njëri-tjetrin për shkelje të armëpushimit të rënë dakord.

The post Izraeli sulmon sërish Gazën/ Humbin jetën gjashtë persona, përfshirë dy fëmijë appeared first on Albeu.com.

Një përplasje e ashpër ka ndodhur mes Brikenës dhe Edisës në “Fan Club”.

Të dyja ish-banoret e Big Brother VIP 5 kanë pasur përplasje edhe brenda shtëpisë më të famshme në Shqipëri, me Edisën që e akuzonte Brikenën si një njeri të shtirur.
Ajo gjithashtu u shpreh brenda në shtëpi se Brikena ka pasur një lidhje jashtë, teori të cilën e mbrojti edhe në “Fan Club”.

Pjesë nga debati:

Brikena: Unë për jetën time nuk kam dashur të flas. Unë thjesht kam thënë që nuk kam pasur ndonjë lidhje deri më tani. Lidhja me Mateon ka qenë një nga lidhjet e mia të para që kam.

Edisa: Mashtruese!

Brikena: Lidhje të tjera nuk kam pasur. Nëse kam shkëmbyer ndonjë mesazh me dikë, thjesht për ta njohur. Lidhje deri më sot nuk kam pasur. Nuk dua t’i hyj fare asaj teme.

Edisa: Vazhdoj t’i qëndroj të njëjta mendimeve që kisha përpara. Madje-madje tani edhe më janë përforcuar, sepse kam marrë informacione ekstra dhe nëse do Brikena, mund t’ja jap. Por unë jam një vajzë e mirë. Mos e mashtro publikun më shumë sa e ke bërë. Ji vetvetja, sepse njerëzit do të vlerësojnë akoma më shumë. ajo Brikena e atyre batutave dhe memeve, mua më duket më tepër interesante në krahasim me atë Brikenën që ka dashur të hiqet gjatë rrugëtimit të saj në Big Brother.

Brikena: Nuk marrë këshilla nga një person që ka nevojë për këshilla për veten.

The post “Nuk kam pasur lidhje deri më sot”/ Brikena përplaset me Edisën, ish-banorja: Mashtruese! Kam marrë informacione ekstra appeared first on Albeu.com.

Gazetarja Klodiana Lala ka folur lidhur me aksionin e fundit të ndërmarrë ndaj disa Call Centera-ve në Tiranë që mashtronin qytetarët e huaj, ku deklaroi se hetimi është vënë në lëvizje nga autoritetet austriake, të cilat kanë ngritur alarmin pas një sërë ankesash të qytetarëve në Austri.

Në emisionin Studio24 në televizionin News24, Lala tha se pas rreth dy vitesh hetimesh, është arritur në përfundimin se ndërhyrja ishte e domosdoshme dhe para saj është kërkuar autorizim nga gjykata kompetente.

Lala theksoi se Call Center-ët nuk funksionojnë dot pa lidhje të forta me Policinë e Shtetit, ndërsa shtoi se aktiviteti i këtyre Call Center-ave ka pasur shtrirje të gjerë në vende si Kanadaja, Italia, SHBA, Spanja, Franca dhe Gjermania.

Më tej ajo tha se “Shqipëria është kthyer në një hambar të madh të Call Centera-ve. Fitimi mujor i përllogaritur arrinte deri në 30 milionë euro”.

“Hetimi është vënë në lëvizje nga autoritetet austriake. Autoritetet austriake kanë dhënë alarmin pas një sërë shqetësimesh që kanë dhënë qytetarët atje. Pas dy vitesh hetime është arritur në konkluzionin që autoritetet duhet të ndërhynin dhe para se të bëhej ndërhyrja duhej të merrej një autorizim në gjykatë.

Gjykata e Tiranës ka miratuar kërkesën e prokurorisë për 9 masa sigurie. 7 prej të cilave kanë qenë arrest me burg. Dy Të tjera kanë qenë detyrim paraqitje dhe ndalim për të dalë jashtë vendit, për faktin se njëri rezultonte si financier dhe një zonjë rezultonte që ishte shtatzënë. Gjatë kontrolleve, janë konstatuar edhe persona të tjerë që kishin lidhje të drejtpërdrejtë me këto Call Centera. Pritet të vendosë prokurorja e çështjes se çfarë do ndodhë. Unë disa vite më parë ka kryer një investigim në lidhje me grupin e Amant Josifit dhe lidhej me Spanjën dhe tregonte se si funksiononte…

Ata i kërkonin një shumë ata nga Shqipëria ishte ngritur një mekanizëm i mirëfilltë kriminal. Pra kur një person kuptonte që ishte mashtruar, ata i bënin një thirrje të dytë dhe i kërkonin një shumë të dytë deri në 1 mln euro. Po ashtu shtrirja shumë e madhe e aktivitetit kriminal i këtyre call centerave ishte në Kanada, Itali, SHBA, Spanjë, Francë, Gjermani. Për herë të parë Europol, ka bashkëpunuar me Prokurorinë e Tiranës. Po ashtu, Shqipëria është kthyer në hambar të madh të Call Centerave. Në rastin konkret fitimi mujor përllogaritej deri në 30 mln euro”, tha ajo.

The post Aksioni ndaj “Call Center-ave”, Klodiana Lala: Fitimi mujor arrinte deri në 30 mln euro! Nuk funksionojnë pa lidhje të forta me Policinë e Shtetit appeared first on Albeu.com.

Pas Rogertit dhe Mirit, Selin u bë banorja e tretë që theu kutinë e fundit të emergjencës të vendosur brenda në shtëpi.

Selin vendosi që të thyente kutinë dhe të lexonte çfarë shkruhej brenda në zarf.

“Ti ke mundësin të dëgjosh ish-banorët, të cilët primen e fundit, shprehen preferencat e tyre se kush duhet të jetë fituesi i Big Brother Vip 5”, shkohej në zarf.

Rogerti ishte i pari që theu kutinë e emergjencës dhe në zarfin e tij ishte shkuar se duhet t’u thoshte nga 5 komplimente secilit prej banorëve.

The post Selin thyen kutinë e fundit të emergjencës në Big Brother, ja se çfarë shkruhej në zarf appeared first on Albeu.com.

Qindra persona kanë parë pamjet dramatike të zjarrit në kompleksin “arlis”, ku u dogj pothuajse i gjithë pallati. Siç shihet edhe në pamje, njerëzit të shokuar dhe me lot në sy vështronin godinën e cila u “pushtua” nga flakët në fasadën e jashtme brenda pak minutash.

Në aksionin për shuarjen e flakëve kanë marrë pjesë 8 zjarrëfikëse, autoambulanca, 2 helikopterë Cougar dhe 50 persona, zjarrëfikës, ushtarë, forca të Policisë dhe RENEA-s. Nga informacionet e deritanishme, dyshohet se zjarri nisi nga katet e para në rrethana të paqarta, ndërsa u hap me shpejtësi deri në katin e 12-të.

Ndërhyrja e forcave zjarrfikse arriti të evakuuojë në kohë banorët e pallatit, që kishin mbetur të bllokuar brenda. Përshkak se pallatit i mungonin shkallët e emergjencës, u deshën shkallët e zjarrfikëses për të nxjerrë të moshuarit.

Si pasojë e zjarrit mbetën të lënduar disa persona, mes tyre zjarrfikës, si dhe një punonjës policie, të cilët u dërguan në QSUT që ndodhet përballë pallatit ku ra zjarri. Nga pamjet, duken momentet trishtuese, teksa qytetarët vrapojnë për tu larguar sa më parë nga flakët.

The post Zjarri në kompleksin pranë QSUT/ Njerëzit të shokuar dhe me lot në sy shohin pallati 12-katësh që ‘përpihet’ nga flakët appeared first on Albeu.com.

Zërat e merkatos nga Turqia hedhin dritë mbi të ardhmen e Edon Zhegrovës, i cili mund të largohet nga Juventus në fund të sezonit. Sipas mediave turke, konkretisht “Fanatik”, anësori ofensiv i kombëtares së Kosovës është në radarët e Beşiktaş, që po shqyrton mundësinë për të bërë një ofertë konkrete gjatë verës. Klubi nga Stambolli pritet të trokasë te bardhezinjtë pas përfundimit të kampionatit.

Zhegrova, i transferuar verën e kaluar nga Lille për rreth 15 milionë euro, nuk ka arritur të sigurojë një vend si titullar në Torino. Pavarësisht cilësive teknike, forma e paqëndrueshme dhe problemet fizike kanë ndikuar që ai të mbetet shpesh në plan të dytë.

Në këto kushte, drejtuesit e Juventusit nuk përjashtojnë mundësinë e shitjes së tij, madje janë të gatshëm të dëgjojnë oferta që afrohen me shumën e investuar për kartonin e lojtarit. Konfirmimi i Spallettit është një arsye më shumë për të besuar në një largim të anësorit kosovar.

The post Skuadra e njohur turke bën gati ofertën për Edon Zhegrovën appeared first on Albeu.com.

Inxhineri gjeodet, Romeo Nazarko ka publikuar disa dokumente përmes së cilave tregon se ngjarja që alarmoi ditën e sotme zonën e “5 majit” ka qenë e paralajmëruar.

Në postimin e bërë në Facebook-un e tij Nazarko shkruan se kohë më parë, nëpërmjet një shkrese drejtuar Kuvendit në vitin 2024, u kërkua informacion për djegien e të njëjtës ndërtesë te “5 maj”, ngjarje e ndodhur në vitin 2021.

Në kërkesën drejtuar Kuvendit me qëllim për të marrë informacion për djegien e kompleksit, shkruhet se ndërtesa është përfshirë nga flakët për shkak të materialeve që janë përdorur jashtë standarteve.

Ndërsa në postimin e tij inxhinieri shkruan se ngjarja e sotme u paralajmërua, por ansjeri nuk ia vuri veshin kërkesave të bëra për informacion rreth materialeve që janë përdorur për ndërtimin e kompleksit në fjalë.

Nga ana tjetër, prefekti i Tiranës, Shkëlqim Hajdari ka konfirmuar shguarjen totale të zjarrit pranë QSUT-së.

The post Një pjesë e kompleksit te “5 maj” u shkrumbua ditën e sotme, inxhinieri nxjerr dokumentin: Ngjarja u paralajmërua por s’na dëgjoi njeri appeared first on Albeu.com.

Operacioni kundër call center-ave në Tiranë ka prodhuar rezultate konkrete pas një hetimi të gjatë dyvjeçar, duke çuar në arrestime dhe sekuestrime të konsiderueshme.

Policia e Shtetit njoftoi se aksioni i koduar “Ghost Call” u zhvillua në bashkëpunim me autoritetet austriake dhe me mbështetjen e Europolit.

Në total, Gjykata e Tiranës ka caktuar 9 masa sigurie, ku 7 prej tyre janë “arrest me burg”, ndërsa për dy persona është vendosur ndalim i daljes jashtë vendit dhe detyrim paraqitjeje. Gjatë operacionit u arrestuan edhe disa persona në flagrancë, ndërsa të tjerë janë shpallur në kërkim.

Ndërhyrja përfshiu katër ambiente të dyshuara për mashtrim online, të goditura njëkohësisht.

Nga kontrollet u sekuestruan 891,735 euro cash, 443 kompjuterë, 238 telefona celularë dhe 6 laptopë, pajisje që dyshohet se përdoreshin për aktivitetin kriminal ndaj shtetasve të huaj.

Hetimi nxjerr në pah rolin e prokurorisë në një çështje si ajo e Call Centerave ku policia ka dështuar herë pas here për shkak të bashëpunimit të disa segmenteve të saj.

Operacioni u zhvillua pas hetimeve të prokurores Rovena Zoto, e cila ka çuar përpara procedurat që sollën masat e sigurisë.

Mësohet se ka qenë pikërisht vendosmëria e prokurorisë që ka bërë diferencën, në një terren ku më herët janë raportuar edhe lidhje të segmenteve të policisë me këtë aktivitet.

Zoto është pjesë e Prokurorisë së Tiranës prej vitit 2022.

Ajo ka përfunduar Shkollën e Magjistraturës në vitin 2010 dhe për rreth një dekadë ka ushtruar detyrën në Prokurorinë e Lushnjes.

Në nëntor 2023 ajo kaloi procesin e vettingut me vendim unanim nga Komisioni i Pavarur i Kualifikimit.

Hetimet vijojnë, ndërsa autoritetet pritet të analizojnë pajisjet e sekuestruara për të identifikuar persona të tjerë të përfshirë në këtë rrjet.

Goditja konsiderohet një nga ndërhyrjet më të forta ndaj call center-ave të paligjshëm, ndërsa mbetet për t’u parë nëse kjo do të pasohet nga operacione të tjera në vijim. /skyweb.al

The post Kush është Rovena Zoto, prokurorja qe doli mbi policinë për të goditur Call Center-at mashtrues në Tirane! appeared first on Albeu.com.

Është zbardhur emri i personit që ishte në krye të skemës së mashtrimit me Call Center-at që u goditën ditën e djeshme në kryeqytet, ai është Granit Pepnika nga Tropoja.

Ndërkohë që burime për mediat kanë bërë me dije se nga provat e siguruara nga hetuesit rezulton se, ai qëndron jo vetëm pas këtyre 3 Call Centera-ve, por edhe pas një rrjeti më të gjerë në Tiranë. Ndërkohë pritet që të firmoset urdhër-arresti nga Prokuroria.

Kujtojmë se operacioni policor ka goditur tre call center-a në Tiranë, të cilët dyshohet se zhvillonin aktivitet të paligjshëm duke mashtruar qytetarë europianë dhe më gjerë, përmes komunikimeve telefonike. Sipas burimeve hetimore, këto struktura ishin të organizuara dhe përdornin metoda të sofistikuara për të bindur viktimat të transferonin shuma parash.

Në pranga kanë rënë disa persona, ndërsa deri më tani raportohet se për 7 prej tyre është caktuar masa e sigurisë “arrest në burg”. Ndërkohë, për dy persona të tjerë është vendosur masa “detyrim paraqitjeje” dhe ndalim i daljes jashtë vendit.

Mësohet se një nga të arrestuarit, Tedi Agastra, ka qenë edhe më herët nën hetim në kuadër të një operacioni kundër mashtrimeve me kriptovaluta në vitin 2024, ku ai rezultonte mes 17 personave të arrestuar. Agastra rezulton gjithashtu pronar i një kompanie që ofron konsulencë ekonomike në fushën e menaxhimit dhe financës.

Operacioni është shtrirë në disa ambiente të përshtatura si call center, të vendosura në zona të ndryshme të Tiranës. Dy prej tyre ndodheshin në një kompleks biznesi në Rrugën e Kavajës, ndërsa një tjetër në afërsi të Kopshtit Zoologjik.

Gjatë kontrolleve të ushtruara nga autoritetet, është sekuestruar një shumë e konsiderueshme parash, rreth 1 milion euro cash, e dyshuar si e përfituar nga aktiviteti i paligjshëm.

Hetimet paraprake tregojnë se skema mashtruese kishte në shënjestër shtetas të huaj, përfshirë qytetarë nga Austria, Italia, Spanja, Greqia, Kanadaja dhe Shtetet e Bashkuara të Amerikës, të cilët dyshohet se janë mashtruar përmes metodave të ndryshme telefonike të përdorura nga operatorët e këtyre call center-ave.

The post Operacioni i bujshëm te call center-at në Tiranë/ Zbulohet “koka” që kontrollonte mashtrimin, dyshohet i përfshirë në një rrjet më të gjerë appeared first on Albeu.com.

Një ngjarje e rëndë është shënuar pasditen e kësaj të marte në Tiranë, ku një pallat përballë QSUT-së në zonën e “5 majit”, është përfshirë nga flakët duke shkaktuar panik tek banorët.

Por duket se kemi të bëjmë me ngjarje të përsëritur, pasi në vitin 2021, ky pallat është përfshirë nga flakët.

Bëhet me dije se shkak për zjarrin në vitin 2021 ishte fasada e ventiluar, me material poliretan në formë shkume, i cili ka rrezikshmëri të lartë djegie.

Po ashtu, një pallat i ndërtuar nga e njëjta kompani është përfshirë në flakët në zonën e ish-Parkut në Tiranë.

The post Zjarri pranë QSUT, ngjarje e përsëritur, pallati ishte përfshirë nga flakët edhe në vitin 2021 appeared first on Albeu.com.

Wizz Air, një nga linjat ajrore më të mëdha në Europë ndër linjat me kosto ultra të ulët, ka kënaqësinë të njoftojë partneritetin e saj me Federatën Shqiptare të Futbollit (FSHF) si Linja Ajrore Zyrtare e FSHF-së, së bashku me një ofertë promocionale të veçantë për pasagjerët shqiptarë.

Ky bashkëpunim forcon më tej investimin afatgjatë të Wizz Air në tregun shqiptar, duke shkuar përtej aviacionit dhe duke mbështetur krenarinë kombëtare, zhvillimin e sportit dhe angazhimin në komunitet. Përmes këtij partneriteti, Wizz Air synon të qëndrojë pranë tifozëve shqiptarë dhe të kontribuojë në rritjen dhe promovimin e futbollit në vend. Ndërsa Shqipëria vijon të forcojë praninë e saj në skenën ndërkombëtare të futbollit, ky partneritet pasqyron një ambicie të përbashkët mes Wizz Air dhe FSHF-së për të frymëzuar, lidhur dhe bashkuar njerëzit përmes sportit. Me këtë marrëveshje, linja ajrore bëhet sponsor dhe partner zyrtar udhëtimi i FSHF-së.

Silvia Mosquera, Drejtoreshë Komerciale në Wizz Air, u shpreh: “Shqipëria është një nga tregjet më të rëndësishme për Wizz Air dhe jemi krenarë të forcojmë lidhjen tonë me vendin përmes këtij partneriteti me Federatën Shqiptare të Futbollit. Futbolli ka një fuqi unike për të bashkuar njerëzit, ashtu si edhe udhëtimi, dhe jemi të entuziazmuar të mbështesim ekipin kombëtar dhe tifozët e tij në rrugëtimin përpara.”

Presidenti i Federatës Shqiptare të Futbollit, Armand Duka shtoi: “Gjatë viteve të fundit, një numër gjithnjë e në rritje kompanish të mëdha dhe të suksesshme, si Wizz Air, kanë zgjedhur të bëhen pjesë e këtij rrugëtimi dhe kjo nuk është rastësi, por rezultat i një pune të qëndrueshme, profesionalizmit dhe vizionit afatgjatë që kemi ndërtuar ndër vite. Prania e tyre përfaqëson një vlerësim të rëndësishëm për drejtimin që po merr futbolli shqiptar, si dhe një dëshmi konkrete të besimit të tyre në potencialin dhe të ardhmen e tij si një platformë e besueshme bashkëpunimi.”

Për të festuar këtë partneritet dhe për t’i afruar tifozët edhe më shumë me emocionet e lojës, Wizz Air po prezanton gjithashtu edhe një promocion të veçantë për udhëtarët që fluturojnë drejt dhe nga Tirana. Pasagjerët mund të përfitojnë 15% ulje në të gjitha linjat drejt dhe nga Tirana duke përdorur kodin KUQEZI15. Oferta është e vlefshme për rezervime të kryera nga data 14 deri më 17 prill 2026, për udhëtime në periudhën 20 prill – 15 qershor 2026.

Wizz Air hapi bazën e saj në Tiranë në vitin 2020, numëron aktualisht 15 avionë të bazuar dhe operon 62 linja drejt 20 shteteve nga kryeqyteti shqiptar. Linja ajrore ka zgjeruar vazhdimisht praninë e saj në Shqipëri, duke ofruar një rrjet të gjerë destinacionesh që lidhin Tiranën me qytete kyçe europiane. Ky partneritet thekson edhe një herë angazhimin e Wizz Air ndaj vendit, jo vetëm si një aktor lider në aviacion, por edhe si një kontribues aktiv në jetën kulturore dhe sportive. 

Rreth Wizz Air

Wizz Air operon me një flotë prej 262 avionësh Airbus A320 dhe A321. Një ekip profesionistësh të dedikuar në aviacion ofron shërbim superior dhe tarifa shumë të ulëta, duke e bërë Wizz Air zgjedhjen e preferuar të 63.4 milionë pasagjerëve gjatë vitit financiar 2025. Wizz Air është e listuar në Bursën e Londrës nën simbolin WIZZ. Kompania është vlerësuar gjithashtu si “Linja Ajrore me Koston më të Ulët më e Qëndrueshme” gjatë viteve 2021–2025 nga World Finance Sustainability Awards. Në vitin 2025, Wizz Air kryesoi renditjen e emetimeve ndër linjat ajrore kryesore, siç u prezantua nga Cirium, një kompani analitike e aviacionit, falë punës së saj në uljen e intensitetit të emetimeve. Së fundmi, në shtator 2025, Wizz Air u vlerësua me çmimin “Linja Ajrore e Qëndrueshme e Vitit 2025” në gala-mbrëmjen e Airline Economics Sustainability Awards.

Vlen të thkesihet se të gjitha fluturimet e Wizz Air operohen me avionë Airbus A320 me 180 vende, Airbus A320neo me 186 vende, Airbus A321 me 230 vende dhe Airbus A321neo me 239 vende.

The post Wizz Air bëhet partner zyrtar i Federatës Shqiptare të Futbollit appeared first on Albeu.com.

Drejtori i zjarrfikëses të Tiranës ka deklaruar se flakët janë nën kontroll dhe se forcat zjarrfikëse kanë bërë të mundur lokalizimin e zjarrit. Gjatë një prononcimi për mediat, ai tha se Tirana është angazhuar me kapacitete të larta, ndërsa shtoi se kanë ardhur zjarrfikës edhe nga Vlora dhe Kamza.

Ai theksoi se nuk mund të konstatohet ende se sa apartamente janë shkrnmbuar, ndërsa shtoi se zjarri ka përfshirë seksioni nga verilindja.

“Kemi bërë të mundur lokalizimin e zjarrit. Tirana është angazhuar me kapacitete të larta, kemi nga Vora, nga Kamza. Në orën 16:52 minuta kemi marrë lajmërimin për një zjarr tek ky kompleks. Unë kam komunikuar me Drejtorin e Policisë së Shtetit. Nuk mund të flasim sa apartamente janë shkrnmbuar, por zjarri ka përfshirë seksioni nga verilindja”, theksoi drejtori i zjarrfikëses.

The post Zjarri në pallatin pranë QSUT/ Drejtori i zjarrfikëses: Flakët janë nën kontroll, kemi bërë të mundur lokalizimin e zjarrit appeared first on Albeu.com.

Komanda Qendrore e SHBA-së ka zbuluar detaje mbi bllokadën e porteve iraniane, e cila filloi në orën 16:00 të hënën.

Më shumë se 10,000 personel amerikan, përfshirë marinarë dhe pilotë, janë të përfshirë në operacion, i cili nuk pa asnjë anije të kalonte në 24 orët e para, sipas CentCom.

Dhjetëra anijesh luftarake dhe dhjetëra aeroplanë po përdoren gjithashtu nga SHBA-të.
Gjashtë anije tregtare iu bindën udhëzimeve nga forcat amerikane për t’u kthyer për të rihyrë në një port iranian në Gjirin e Omanit, tha ajo.

Bisedimet SHBA-Iran mund të rifillojnë këtë javë – ndërsa dalin më shumë detaje mbi pikat kryesore të ngërçit

“Bllokada po zbatohet në mënyrë të paanshme kundër anijeve të të gjitha kombeve që hyjnë ose dalin nga portet dhe zonat bregdetare iraniane, duke përfshirë të gjitha portet iraniane në Gjirin Arabik dhe Gjirin e Omanit,” tha CentCom.

Ai shtoi se anijet që kalojnë nëpër Ngushticën e Hormuzit për në dhe nga portet jo-iraniane po mbështeten nga forcat amerikane.

Pavarësisht deklaratës së Komandës Qendrore, të dhënat tregojnë se disa anije të sanksionuara nga SHBA-ja kanë kaluar nëpër ngushticën që kur u zbatua bllokada.

The post Më shumë se 10,000 trupa amerikane të përfshira në bllokadën e Ngushticës së Hormuzit appeared first on Albeu.com.

4 qytetarë dhe 3 punonjës të zjarrfikëse janë paraqitur në urgjencën e QSUT me shenja asfiksie për shkak të zjarrit masiv që ka përfshirë një pallat në zonën e farmacisë 10 në Tiranë mbrëmjen esë martës.

Zajrri që përfshiu fasadën e pallatit vijojnë prej 2 orësh ndërsa ende ka rrezik se mund të përhapet në pallatet pranë.

Dhjetëra forca të zjarrfikëses ushtrisë dhe policisë ndodhen në zonë pa mundur të vënë nën kontroll flakët në pallat, ndërkohë që është vënë në shërbim edhe një helikopter i ushtrisë që po ndërhyn nga ajri.

The post Shkon në 7 numri i të lënduarve nga zjarri pranë QSUT-së, mes tyre 3 zjarrfikës appeared first on Albeu.com.