TIRANË, 14 janar /ATSH/ Arbër Hoxha po kalon një nga sezonet më të mira të karrierës së tij, duke u shndërruar në një element kyç të Dinamo Zagrebit dhe duke tërhequr vëmendjen e klubeve të mëdha evropiane.

Sulmuesi i Kombëtares shqiptare ka qenë vendimtar për kroatët, me 6 gola dhe 4 asistime në 23 paraqitje në të gjitha aktivitetet, statistika që kanë rritur ndjeshëm vlerën e tij në treg.

Sipas raportimeve nga mediat kroate, interesimi më konkret për 27-vjeçarin vjen nga Turqia.

Galatasaray, kryesues i Superligës turke, e ka Hoxhën në listën e objektivave për përforcimin e repartit sulmues, duke e parë si një profil që mund të sjellë shpejtësi, fleksibilitet dhe eksperiencë ndërkombëtare.

Në garë për shërbimet e tij është futur edhe Fenerbahçe, duke shtuar rivalitetin mes dy gjigantëve të Stambollit, të cilët pritet të monitorojnë nga afër situatën e lojtarit në javët në vijim.

Megjithatë, Dinamo Zagreb nuk duket e gatshme të lejojë largimin e Hoxhës në këtë fazë të sezonit.

Drejtuesit e klubit e konsiderojnë atë pjesë thelbësore të projektit sportiv dhe një faktor të rëndësishëm në garën për titull, ndaj një transferim në afatin e janarit shihet si i pamundur.

Për momentin, e ardhmja e Arbër Hoxhës mbetet e lidhur me Zagrebin, ndërsa interesimi në rritje nga tregu evropian konfirmon formën e tij të shkëlqyer dhe rëndësinë që ai ka fituar si në nivel klubi, ashtu edhe në përfaqësuese. /gj.m/j.p/

The post Arbër Hoxha në radarët e gjigantëve turq, Galatasaray dhe Fenerbahçe në garë për shqiptarin appeared first on Agjencia Telegrafike Shqiptare.

Fenerbahce ka nisur bisedime me përfaqësuesit e N’Golo Kante për një transferim të mundshëm gjatë afatit kalimtar të janarit, me lojtarin që shumë shprepjt mund të përfundojë te gjiganti turk.

Mesfushori francez, 34 vjeç, ka kontratë me Al Ittihad deri në verë dhe klubi turk shpreson të arrijë një marrëveshje me skuadrën saudite për ta rikthyer atë në futbollin evropian.

Sipas gazetarit të njohur Fabrizio Romano, Fenerbahçe i ka paraqitur Kantes një ofertë kontrate, ndërsa pritet që në ditët në vijim të zhvillohen edhe bisedime direkte mes dy klubeve. Ende mbetet e paqartë nëse Al Ittihad do të pranojë ta lëshojë lojtarin në mes të sezonit të Saudi Pro League.

Kante iu bashkua futbollit saudit në vitin 2023, pasi i përfundoi kontrata me Chelsean, por burime pranë lojtarit bëjnë të ditur se ai është i hapur për një rikthim në Evropë, me kushtet e ofruara nga Fenerbahcen që janë të pranishme për Kanten.

Francezi ishte pjesë e Francës në Euro 2024 dhe pritet të jetë sërish në planet e Didier Deschamps për Kampionatin Botëror të ardhshëm.

Në aspektin statistikor, Kanté ka zhvilluar 14 ndeshje këtë sezon në Saudi Pro League, duke shënuar një gol dhe pa asiste, ndërsa vazhdon të jetë një element i rëndësishëm në mesfushën e Al Ittihadit.

Fenerbahce aktualisht është vetëm tre pikë prapa Galatasarayt në krye të renditjes dhe vjen pas fitores ndaj rivalit të përjetshëm në Superkupën e Turqisë.

Fenerbahçe nuk ka fituar titullin kampion në Turqi që nga viti 2014 dhe afrimi i një lojtari me përvojën dhe profilin e Kantés do të ishte një shtysë e madhe në përpjekjen për t’i dhënë fund pritjes së gjatë. /Telegrafi/

Galatasaray ka dërguar një ofertë zyrtare për Arbër Hoxhën, por Dinamo Zagrebi nuk është i gatshëm ta shqyrtojë largimin e sulmuesit shqiptar në këtë fazë të sezonit.

Sipas raportimeve te mediave turke dhe kroate, gjiganti kroat e konsideron Hoxhën një pjesë shumë të rëndësishme të skuadrës dhe planifikon ta mbajë atë edhe për pjesën pranverore të kampionatit.

Brenda klubit vlerësohet kontributi i tij në fazën vjeshtore dhe pritshmëritë janë që ai të vazhdojë të ketë rol kyç edhe në muajt në vijim.

Edhe pse Galatasaray ka shfaqur interes konkret, një transferim aktualisht nuk është në tryezë. Raportohet se një ofertë më bindëse nga Fenerbahçe – në një marrëveshje të mundshme që lidhet edhe me portierin Dominik Livaković (Fenerbahce) – do të ishte më e pranueshme për Dinamon, por situata mund të ndryshojë vetëm nëse paraqitet një propozim financiar i konsiderueshëm para mbylljes së afatit kalimtar.

Arbër Hoxha po kalon një sezon pozitiv me Dinamon, ku në 17 paraqitje në ligën vendase ka realizuar 6 gola dhe ka dhënë 3 asistime. Me Kombëtaren e Shqipërisë, ai numëron 21 paraqitje dhe 1 gol.

Kontrata e 27-vjeçarit me Dinamo Zagrebin është e vlefshme deri në qershor 2029, ndërsa vlera e tij aktuale në treg, sipas Transfermarkt, vlerësohet rreth 2.5 milionë euro. Përveç Galatasarayt, interes për shërbimet e tij ka shfaqur edhe Hull City.

Dinamo Zagrebi e kishte transferuar Hoxhën në janar të vitit 2024 për një shumë të raportuar rreth 1 milion euro./Telegrafi/

Fenerbahce e ka fituar derbin e rivalëve të urryer ndaj Galatasaray për ta fituar Superkupën e Turqisë.

Fenerbahce zhvilloi një paraqitje solide për të triumfuar me rezultat 0-2.

Galata rrezikoi fillimisht falë bashkëpunimit të Mauro Icardit me Sanchez, që tentoi të shënonte me kokë megjithatë portieri mysafir me një super pritje ia mohoi golin.

Megjithatë, ishte Fenerbahce që e zhbllokoi rezultatin falë transferimit më të fundit, Matteo Guendouzi, i cili realizoi në debutim pas asistimit të Marcan (28’).

Ndërsa, ishte Jayden Oosterwolde që e vulosi fitoren pas harkimit fantastik të Marco Asensios (48’).

Fenerbahce lehtësisht mund të shënonte edhe një gol por si Talisca ashtu edhe Yuksek dështuan t’i konkretizojnë.

Kësisoj, Fenerbahce ia bën sefte me trofe për vitin 2026 ndërsa Galatasarayt i mbetet të luftojë për titullin kampion në elitën e futbollit turk./Telegrafi/

Dy gjigantët turk, Galatasaray dhe Fenerbahçe do të takohen sot (e shtunë) me fillim nga ora 16:45 në kuadër të finales së Superkupës së Turqisë.

Kjo ndeshje ishte paraparë fillimisht të luhej me fillim nga ora 20:30, por deri tek ky ndryshim i orarit erdhi për shkak të erës së fortë në Stamboll dhe reshjeve të pritshme në mbrëmje.

Teksa kanë mbetur më pak se 2 orë deri në fillimin e këtij takimi, tashmë ka shpërthyer një përleshje e madhe mes tifozëve.

Dy tifozeritë u përballën me njëra-tjetrën afër stadiumit dhe u desh intervenimi i forcave të rendit për të parandaluar përshkallëzimin e ngjarjes.

Vlen të theksohet se kjo finale do të zhvillohet në Stadiumin Olimpik ‘Ataturk’ dhe gjyqtar kryesor do të jetë Halil Umut Meler.

Hera e fundit kur këto dy skuadra janë përballur këtë sezon ka qenë në kuadër të javës së 14-të të Superligës së Turqisë.

Ai takim kishte përfunduar pa fitues, me të dy skuadrat që luajtën baras 1-1 ku për Galatasaray kishte realizuar Leroy Sane ndërsa për Fenerbahçen, Leroy Sane./Telegrafi/

Fenerbahçe ka zyrtarizuar transferimin e mesfushorit francez Mattéo Guendouzi nga Lazio, i cili ka nënshkruar kontratë 4.5-vjeçare me klubin nga Stambolli.

26-vjeçari vjen si një përforcim i rëndësishëm për repartin e mesfushës, duke sjellë përvojë të madhe nga kampionatet elitare evropiane dhe paraqitjet me Kombëtaren e Francës.

Drejtuesit e klubit e kanë cilësuar Guendouzin si një lojtar me mentalitet luftarak dhe karakter të fortë në fushë, profil që përputhet me vizionin e ndërtimit të një skuadre konkurruese dhe ambicioze. Te Fenerbahçe besojnë se francezi do të ketë rol kyç në realizimin e objektivave sportive në vitet e ardhshme.

Në fjalën e tij, Guendouzi u shpreh i emocionuar për këtë hap të ri në karrierë, duke premtuar maksimumin e tij.

“Jam shumë krenar dhe i lumtur që jam këtu. Fenerbahçe është një nga klubet më të mëdha në botë, me histori të jashtëzakonshme. Mezi pres të luaj para tifozëve tanë dhe të përjetoj atmosferën e tyre”.

“Tifozët mund të jenë të sigurt se në fushë do të jap gjithçka për këtë fanellë. Shpresoj që së bashku të arrijmë fitore, trofe dhe suksese të mëdha”, deklaroi ai në momentet pas nënshkrimit të kontratës.

Ferenbahce kërkon ta kthejë titullin e kampionit dhe këtë vit është në garë me Galatasarayn dhe Trabzonsporin.

Feneri është i dyti me 39 pikë, tri më pak se Galatasaray që është lider dhe Guendouzi shihet si përforcim i duhur për të ndjekur titullin. /Telegrafi/

Sipas raportimeve të fundit, Paris Saint-Germain është i hapur të dëgjojë oferta për mbrojtësin brazilian Lucas Beraldo gjatë afatit kalimtar të janarit, ndërsa Fenerbahçe po ndjek nga afër situatën e tij.

Gjigantët turq synojnë të aplikojnë një formulë të ngjashme me atë të transferimit të ish-mbrojtësit të PSG-së, Milan Skriniar, duke propozuar fillimisht një huazim me opsion blerjeje në verën e ardhshme.

Pavarësisht potencialit të tij të madh dhe pritshmërive të larta që shoqëruan ardhjen e tij, Beraldo nuk ka arritur ende të bindë trajnerin Luis Enrique për të fituar një rol të rëndësishëm në formacionin bazë.

Aktivizimet e kufizuara dhe konkurrenca e fortë në repartin e mbrojtjes kanë ndikuar ndjeshëm në zhvillimin e tij këtë sezon.

Aktualisht, në hierarkinë e mbrojtjes së PSG-së, Beraldo gjendet pas emrave si Illia Zabarnyi, Marquinhos dhe Willian Pacho, çka e bën perspektivën e tij në klubin parisien gjithnjë e më të paqartë.

Në këto rrethana, një largim i mundshëm në janar shihet si një opsion realist, si për lojtarin ashtu edhe për klubin.

Fenerbahçe, nga ana e saj, kërkon të përforcojë mbrojtjen për pjesën e dytë të sezonit dhe e sheh Beraldon si një profil të përshtatshëm për projektin e saj sportiv.

Ditët në vijim pritet të jenë vendimtare për të ardhmen e mbrojtësit brazilian, ndërsa mbetet për t’u parë nëse bisedimet mes palëve do të konkretizohen. /Telegrafi/

Pikërisht kur dukej se Christopher Nkunku po gjente ritmin te Milani, pasi kishte kapërcyer problemet e shumta me lëndimet, Fenerbahçe ka shfaqur interes gjatë këtij afati kalimtar dimëror për të siguruar shërbimet e francezit, duke lënë të hapur mundësinë që koha e tij në San Siro të jetë drejt fundit.

Gushtin e kaluar, pakkush mund ta imagjinonte që Nkunku do të luante një rol vendimtar te Milani dhe do të rikuperonte formën e tij nga periudha te RB Leipzig.

Por dëmtimet e kanë penguar të gjejë qëndrueshmërinë e nevojshme për të demonstruar potencialin e tij si një nga sulmuesit më të mirë në planet.

Aktualisht, sulmi i Milanit mbështetet kryesisht tek paraqitjet sporadike të Rafa Leao dhe forma e Christian Pulisic, i cili synon të arrijë kulmin e tij për Kupën e Botës që do të zhvillohet në Shtetet e Bashkuara. Golat e pakta të ekipit shpesh burojnë nga shkëlqimi i këtyre dy yjeve, ndërsa mbrojtja kompenson çdo dobësi në fazën sulmuese.

Kur Massimiliano Allegri mori drejtimin e ekipit, ai e kuptoi mungesën e cilësisë në repartin sulmues dhe vendosi të ndërtojë një mbrojtje të fortë me tre qendërmbrojtës. Me numerikë të mirë dhe pritje të shkëlqyera nga portieri Mike Maignan, Milani e ka bërë jetën jashtëzakonisht të vështirë për çdo sulmues kundërshtar.

Megjithatë, për të përforcuar repartin ofensivë, klubi kishte nevojë për një emër të rëndësishëm, dhe nënshkrimi i Christopher Nkunku u pa si një mundësi ideale. Francezi, i cili te Chelsea nuk arriti të impononte veten për shkak të dëmtimeve, po përballet me të njëjtin problem edhe në Itali. Fenerbahçe duket i vendosur të përfitojë nga situata dhe po bën presion për të bindur 28-vjeçarin të largohet.

Trajneri i Fener, Tedesco dëshiron të ribashkohet me Nkunkun dhe i ka kërkuar klubit të bëjë gjithçka për ta transferuar francezin në Stamboll.

Sipas gazetarit të transferimeve Daniele Longo, klubi turk do të bëjë gjithçka për ta sjellë Nkunku, por francezi duket i vendosur të qëndrojë te Milani dhe të shfrytëzojë këtë mundësi për të rikuperuar formën e tij në një ligë të fortë. Fenerbahçe ka rreth tre javë për ta bindur atë. /Telegrafi/

Klubi turk Fenerbahce raportohet se ka kontaktuar Milanin për të pyetur jo vetëm për Christopher Nkunku, por edhe për Youssouf Fofana.

Afati kalimtar i janarit ka nisur dhe kuqezinjtë kanë bërë tashmë një përforcim, duke siguruar Niclas Fullkrug nga West Hami në formë huazimi, me opsion blerjeje në fund të sezonit.

Në këtë kontekst, ka pasur sugjerime se Nkunku mund të largohet vetëm gjashtë muaj pas transferimit të tij nga Chelsea.

Fenerbahce thuhet se është e interesuar për sulmuesin, i cili aktualisht është jashtë fushave për shkak të një dëmtimi në kyçin e këmbës.

Megjithatë, Calciomercato.com pretendon se ai nuk është lojtari i vetëm i Milanit që ka tërhequr interesin e klubit turk.

Ata kanë pyetur gjithashtu për mesfushorin Fofana, por ai është një titullar i rregullt nën drejtimin e trajnerit Max Allegri dhe është shumë pak e mundshme që të shitet, përveç rastit kur të vijë një ofertë shumë e lartë.

Reprezentuesi francez mbush 27 vjeç këtë muaj dhe u ble nga AS Monaco në vitin 2024 për 26 milionë euro./Telegrafi/

Davide Frattesi duket i vendosur për të ardhmen e tij, teksa sipas “Tuttosport”, mesfushori i Interit ka refuzuar një ofertë nga klubi turk Fenerbahçe, pasi synon një transferim te Juventusi gjatë afatit kalimtar të janarit.

Raporti thekson se 26-vjeçari shpreson të largohet nga “Nerazzurrët” këtë muaj, për shkak të hapësirave të kufizuara që po gjen nën drejtimin e trajnerit Cristian Chivu.

Frattesi dëshiron të rilançojë karrierën e tij dhe e sheh Juventusin si destinacionin ideal, veçanërisht duke pasur parasysh se jemi në një vit Botërori.

Mesfushori italian ishte golashënuesi më i mirë i Italisë gjatë epokës së Luciano Spallettit dhe beson se një rol më i rëndësishëm te “Bianconerët” do ta ndihmonte të rikthehej në nivelin më të lartë.

Megjithatë, transferimi nuk pritet të jetë i lehtë. Interi ka vendosur një çmim mbi 30 milionë euro për kartonin e lojtarit, çka do të thotë se Juventusi do të duhet të negociojë për të ulur shifrën nëse dëshiron ta transferojë Frattesin këtë muaj.

Ndërkohë, trajneri i Juventusit, Luciano Spalletti, ka mbajtur një qëndrim të kujdesshëm sa i përket merkatos së dimrit. Në një konferencë për shtyp të mbajtur të premten, ai deklaroi se nuk ka kërkuar afrimin e lojtarëve të rinj gjatë këtij afati kalimtar./Telegrafi

E ardhmja e Mohamed Salah te Liverpool është rikthyer në qendër të vëmendjes pas raporteve që tregojnë për një qasje nga Fenerbahce, ndërkohë që po rritet spekulimi rreth rolit të tij nën drejtimin e Arne Slot.

Megjithatë, agjenti i yllit egjiptian ka reaguar për të sqaruar situatën dhe për të përjashtuar mundësinë e një transferimi në Stamboll, duke dhënë qartësi mbi të ardhmen e menjëhershme të 33-vjeçarit.

Raportohet se Salah ka përjashtuar mundësinë e bashkimit me gjigantin turk Fenerbahce, pas kontakteve të drejtpërdrejta mes klubit të Stambollit dhe përfaqësuesve të tij.

Ky zhvillim ndodh në një kohë kur e ardhmja e sulmuesit të Liverpoolit është nën vëzhgim të shtuar për shkak të rolit të reduktuar që ka pasur te skuadra këtë sezon.

Sipas raporteve nga Turqia, zyrtarët e Fenerbahçes zhvilluan bisedime me agjentin e gjatë të Salah, Ramy Abbas, më herët gjatë kësaj jave.

Qëllimi i takimit ishte të shqyrtohej nëse ndërkombëtari egjiptian do të konsideronte një lëvizje drejt Stambollit, me palën turke të vetëdijshme për spekulimet se Salah është ndjerë i pasigurt te Liverpool nën drejtimin e trajnerit Slot.

Agjenti i Salah, Abbas, nuk la shumë vend për paqartësi kur iu përgjigj interesimit të klubit turk, ndërkohë që ish-lojtari i Chelseat përfaqëson Egjiptin në Kupën e Afrikës.

"Salah do të qëndrojë ose te Liverpool, ose do të shkojë në Arabinë Saudite”, raportohet të ketë thënë Abbas për përfaqësuesit e Fenerbahces, sipas portalit turk sabah.com.tr./Telegrafi/

Futbolli turk po përballet me një nga skandalet më të mëdha të viteve të fundit, pas zbulimeve për përfshirje masive në bastvënie të paligjshme nga lojtarë, drejtues klubesh dhe zyrtarë të futbollit.

Sipas Zyrës së Prokurorit Publik në Stamboll, të paktën 27 futbollistë të klubeve të Superligës dyshohet se kanë vënë baste në ndeshje ku përfshiheshin ekipet e tyre, një shkelje e rëndë e rregulloreve sportive dhe ligjit penal.

Në total, prokurorët kanë urdhëruar ndalimin e 46 personave, mes tyre 29 futbollistë, presidentë klubesh, komentatorë sportivë dhe individë të tjerë të përfshirë në këtë rrjet.

Një nga emrat më të njohur në listën e të dyshuarve është Metehan Baltaci, lojtar i kampionëve në fuqi të Turqisë, Galatasaray, i cili është pezulluar më herët për nëntë muaj për lidhje me bastvënien.

Prokuroria ka bërë të ditur se hetimet kanë zbuluar se shumica e lojtarëve kanë vënë baste drejtpërdrejt, ndërsa disa të tjerë kanë përdorur llogari të personave të tretë për të shmangur gjurmimin.

Në këtë kontekst përmendet edhe Mert Hakan Yandas i Fenerbahces, për të cilin autoritetet thonë se bastet janë vendosur përmes një llogarie tjetër.

Mediat turke raportojnë gjithashtu se në listën e personave të ndaluar përfshihet edhe ish-presidenti i Adana Demirsporit, Murat Sancak.

Hetimi mori përmasa të reja më 10 nëntor, kur gjashtë gjyqtarë futbolli dhe presidenti i Eyipsporit, klub i Superligës, u vendosën në paraburgim.

Dy presidentë klubesh të divizionit të tretë janë gjithashtu nën hetim për përpjekje për të ndikuar në rezultatin e një ndeshjeje të sezonit 2023/2024, e cila u bë e dyshimtë për shkak të mungesës totale të tentativave për gol nga të dyja skuadrat.

Deri tani, policia ka ndaluar 35 nga 46 personat e përfshirë në urdhrat e arrestit, ndërsa pesë të dyshuar ndodhen jashtë Turqisë. Asnjë prej klubeve të përmendura nuk ka reaguar zyrtarisht.

Federata Turke e Futbollit ka marrë masa drastike, duke pezulluar më shumë se 1,000 futbollistë në të gjitha kategoritë. Mbi 25 prej tyre janë nga Superliga, me dënime që variojnë nga 45 ditë deri në 12 muaj ndalesë loje.

I vetmi futbollist i huaj i përfshirë është senegalezi Alassane Ndao i Konyasporit, i cili është pezulluar për një vit.

Shumica e të pezulluarve janë nga divizionet e treta dhe të katërta, ndërsa në tetor federata suspendoi gjithashtu rreth 150 gjyqtarë për përfshirje në bastvënie./Telegrafi/

Sadettin Saran e kaloi natën e Krishtlindjeve në paraburgim si i dyshuar për përdorim droge, një akuzë që ai e mohon dhe e paraqiti si pjesë të “një persekutimi” kundër tij dhe klubit që ai drejton.

Presidenti i klubit të Fenerbahçes, Sadettin Saran, u lirua me kusht të enjten, një ditë pasi u arrestua nën dyshimin për përdorim droge, raportoi agjencia turke e lajmeve Anadolu.

Arrestimi dhe operacioni policor

Sadettin Saran u arrestua të mërkurën si pjesë e një operacioni të gjerë për përdorim të dyshuar të kokainës, në të cilin dhjetëra artistë, personalitete të mediave sociale, gazetarë dhe biznesmenë janë arrestuar ose janë thirrur për të dëshmuar prej ditësh.

Shumë individëve nën hetim iu morën mostra flokësh për testimin e drogës. Në rastin e Saranit, testi i flokëve rezultoi pozitiv, ndërsa mostrat e gjakut, urinës dhe thonjve rezultuan negative, sipas Anadolu.

Mohimi i akuzave dhe qëndrimi i Saranit

Saran ka mohuar kategorikisht përdorimin e kokainës dhe ka pohuar se kjo është një fushatë shpifjeje kundër tij dhe klubit që ai përfaqëson.

Megjithatë, prokuroria po i mban akuzat kundër tij: “përdorim droge”, “furnizim me drogë të tjerëve” dhe “lehtësim i përdorimit të drogës”.

Për këtë akuzë të fundit, gjykata i ka caktuar masa paraprake, duke përfshirë detyrimin për t’u paraqitur rregullisht në stacionin e policisë për t’u regjistruar, si dhe mbajtjen në fuqi të ndalimit të udhëtimit të vendosur disa ditë më parë.

Menaxhmenti i Fenerbahçes shprehu në disa deklarata mbështetjen e tij të plotë për Saran dhe falënderoi tifozët për mbështetjen e tyre. Një numër i madh tifozësh u mblodhën jashtë gjykatave të enjten, ndërsa klubi u bëri thirrje atyre të tregojnë respekt maksimal për sistemin e drejtësisë.

Profili i Sadettin Saranit

Sadettin Saran është një biznesmen 61-vjeçar, i lindur në Denver të Shteteve të Bashkuara, nga një baba turk dhe një nënë amerikane. Ai zotëron “Saran Holding”, kompani që vepron në median audiovizuale sportive, industrinë e filmit dhe turizmin.

Ai u bë president i klubit sportiv Fenerbahçe në shtator, pas një votimi të ngushtë në të cilin mposhti ish-presidentin Ali Koç. /Telegrafi/

Nuk ka qetësi në futbollin turk. Pas skandalit të basteve, tronditja tjetër e madhe vjen nga droga. Presidenti i Fenerbahçes, një nga klubet më të mëdhenj të Turqisë, Sadettin Saran, është arrestuar në Stamboll si pjesë e një hetimi që përfshin figura të argëtimit dhe medias. Transmetuesi shtetëror “TRT” raporton se Saran, një shtetas turk dhe amerikan, u arrestua pasi testet mjeko-ligjore zbuluan praninë e narkotikëve në mostrat e flokëve të tij.

Javën e kaluar, ai u thirr për të dëshmuar para prokurorëve dhe u dërgua në një strukturë mjekësore mjeko-ligjore për të dhënë mostra flokësh dhe gjaku. Hetimi po mbikëqyret nga Zyra e Prokurorit të Përgjithshëm të Stambollit. Që nga fillimi i dhjetorit, ai ka çuar në arrestimin e më shumë se një duzine personash me akuzën e prodhimit dhe trafikimit të drogës. Midis të ndaluarve janë prezantues televizivë, gazetarë, këngëtarë, aktorë dhe personalitete të mediave sociale. Ata akuzohen për krime që variojnë nga prodhimi dhe trafikimi i drogës deri te ndihma dhe nxitja e prostitucionit. Shumë prej tyre i janë nënshtruar analizave të gjakut dhe flokëve për të verifikuar përdorimin e drogës

Sadettin Saran, i lindur në Denver, i zgjedhur president i Fenerbahçes në shtator, u mor në pyetje javën e kaluar me akuzat për furnizim dhe lehtësim të përdorimit të narkotikëve. Fenerbahçe lëshoi ​​një deklaratë duke shprehur mbështetjen e saj për Saran dhe duke siguruar tifozët se aktivitetet e klubit do të vazhdojnë pa ndërprerje.

“Kemi besim të plotë se presidenti ynë do ta kapërcejë këtë proces me të njëjtën mendje të shëndoshë dhe guxim që ka treguar gjithmonë”, deklaroi klubi në X. Kjo nuk është hera e parë që Fenerbahçe merr goditje të tilla. Ish-presidenti i klubit, Aziz Yildirim, kaloi më shumë se një vit në burg në vitin 2012 për akuzat e trukimit të ndeshjeve, përpara se të lirohej nga akuzat kur një rigjykim zbuloi se çështja e mëparshme ishte ndikuar nga gjyqtarë, prokurorë dhe oficerë policie të korruptuar. Ekipi ishte gjithashtu i përfshirë në një hetim tjetër për bastet e paligjshme dhe trukimin e ndeshjeve në futbollin turk./abcnews.al

Presidenti i klubit turk Fenerbahçe, Sadettin Saran, është arrestuar mëngjesin e sotëm në Stamboll, në kuadër të një hetimi të gjerë antidrogë që përfshin edhe figura të njohura të botës së artit dhe mediave në Turqi. Sipas transmetuesit shtetëror TRT, Saran, i cili mban shtetësi turke dhe amerikane, u vu në pranga pasi analizat laboratorike […]

The post Arrestohet presidenti i Fenerbahçes në Stamboll, i përfshirë në trafik droge appeared first on BoldNews.al.

Steven Sadettin Saran, biznesmen dhe president i Klubit Sportiv Fenerbahçe, u shoqërua në paraburgim mbrëmjen e sotme në kuadër të një hetimi për lëndë narkotike.

Saran përballet me akuza për përdorim dhe lehtësim të përdorimit të drogave, njoftoi Zyra e Prokurorit të Përgjithshëm të Stambollit në një deklaratë me shkrim.

Sipas autoriteteve, rezultatet e testeve të Saran dolën pozitive më herët gjatë ditës, pas kryerjes së një testi droge gjatë fundjavës. Raportimet bëjnë të ditur se në një mostër floku të marrë nga Saran është zbuluar kokainë, ndërsa në analizat e gjakut, urinës dhe thonjve nuk është konstatuar asnjë substancë.

Në një deklaratë me shkrim të publikuar pasi rezultatet u bënë publike, Saran mohoi çdo përdorim të substancës.

“Nuk e kam përdorur substancën në fjalë, madje as nuk e kam parë nga afër", u shpreh ai, duke kërkuar që testi të përsëritet në Institutin e Mjekësisë Ligjore.

Saran shtoi gjithashtu se do t’i nënshtrohet analizave edhe në institucione të pavarura të njohura ndërkombëtarisht dhe se do t’i bëjë publike rezultatet.

Ai vuri në dukje edhe rrjedhjen e informacionit nga dosja, pavarësisht urdhrit për konfidencialitet.

Saran e cilësoi si shumë serioz faktin që detaje që supozohet se i përkasin një dosjeje sekrete janë publikuar “njëkohësisht dhe në mënyrë të koordinuar” nga disa media, që në orët e para të mëngjesit, në momentin kur pretendohej se kishte dalë rezultati i testit.

“Besoj plotësisht se e vërteta do të dalë herët a vonë dhe se procesi do të përfundojë në mënyrë të drejtë dhe transparente, në përputhje me parimet e shtetit të së drejtës”, ka thënë ai.

Shtëpia e Saranit u kontrollua më 19 dhjetor, në kuadër të një hetimi të gjerë për drogë që përfshin shumë persona, mes tyre gazetarë të njohur, figura të rrjeteve sociale dhe biznesmenë./Telegrafi/

Besiktasi ka marrë një fitore të madhe në udhëtim ndaj Fenerbahces me rezultat 2-1 në kuadër të Kupës së Turqisë.

Vendimtar në këtë fitore të mysafirëve ishte ylli kosovar Milot Rashica i cili asistoi tek goli i fitores, duke kompletuar kështu një ndeshje fantastike.

Besiktasi kaloi fillimisht në epërsi në minutën e 33-të pas golit të realizuar nga Vaclav Cerny që realizoi për rezultatin 1-0.

Vendasit u kundërpërgjigjën në minutën e 43-të të ndeshjes duke shënuar për të barazuar shifrat në 1-1 me anë të Marco Asensios që ishte i saktë nga pika e bardhë.

Kur po luheshin minutat e fundit dhe dukej që ndeshja do të përfundonte pa fitues, Rashica prodhoi një moment magjie.

29-vjeçari me një super pasim prej afro 30 metrash, e gjeti në mënyrë fantastike sulmuesin çek Cerny, i cili me gjakftothësi realizoi golin e fitores dhe të dytin e tij personal në këtë derbi.

Për Rashicën ky ishte asistimi i tij i tretë në të gjitha garat këtë edicion, duke konfirmuar kështu formën e shkëlqyer nëpër të cilën po kalon./Telegrafi/

Lajme tronditëse kanë përfshirë qarqet e futbollit anglez, me Arsenalin që, sipas raportimeve, është i gatshëm të shesë një nga lojtarët e tij kryesorë, Gabriel Martinellin, gjatë afatit kalimtar të janarit.

Nëse këto thashetheme rezultojnë të vërteta, bëhet fjalë për një nga transferimet më të bujshme të afatit të dimrit.

Sipas mediave angleze, trajneri Mikel Arteta ka marrë vendim për të nxjerrë në shitje anësorin brazilian. Gazetari turk Sercan Hamzaoglu shkon edhe më tej, duke deklaruar se Martinelli tashmë i është ofruar gjigantit turk, Fenerbahce.

“Arsenali vendosi ta shesë Gabriel Martinellin dhe ai iu ofrua Fenerbahces. Është një lojtar i shtrenjtë,” ka pohuar Hamzaoğlu, duke shtuar: “Nuk e di nëse Fenerbahçe do ta pranojë një transferim të tillë, por ai iu ofrua atyre”.

Shkëlqim në Ligën e Kampionëve

Ky lajm vjen si një surprizë e madhe, veçanërisht duke pasur parasysh formën e Martinellit në Ligën e Kampionëve. Edhe pse ai ka qenë titullar vetëm në pesë ndeshje të Ligës Premier këtë sezon, braziliani ka shënuar gol në pesë paraqitje radhazi në garën elitare evropiane, duke u bërë lojtari i parë në historinë e Arsenalit që arrin një statistikë të tillë.

Nëse skenari i shitjes bëhet realitet, pritet që shumë klube të mëdha evropiane – padyshim më të fuqishme financiarisht se Fenerbahçe – të hyjnë në garë për shërbimet e tij.

Bayern Munich, që edhe më herët ka shfaqur interes për sulmuesin brazilian, përmendet tashmë si një nga klubet e interesuara.

Një kthesë e papritur në raportin me Artetën?

Situata duket edhe më e pazakontë duke qenë se Arteta e ka vlerësuar vazhdimisht Martinellin në deklaratat e tij publike, duke e cilësuar si një lojtar shumë të rëndësishëm për skemën e Arsenalit.

Për këtë arsye, lindin pikëpyetje se çfarë mund të ketë ndodhur në marrëdhënien mes trajnerit dhe lojtarit për të çuar drejt një vendimi kaq drastik.

Martinelli ka kontratë me Arsenalin deri në verën e vitit 2027, ndërsa largimi i tij do të përbënte një goditje të madhe për tifozët, sidomos në një sezon ku “Topçinjtë” synojnë titullin në Angli dhe sukses në Evropë, objektiva që kërkojnë maksimumin e cilësisë në skuadër.

Sipas “Transfermarkt”, vlera e kartonit të brazilianit aktualisht vlerësohet në 45 milionë euro. /Telegrafi/

Detaje të reja kanë dalë në dritë në lidhje me lojtarin e Fenerbahces, Mert Hakan Yandas, dhe mikun e tij të ngushtë Ersen Dikmen, të cilët u arrestuan në lidhje me hetimin për akuzat për baste dhe manipulim ndeshjesh në futboll.

Sipas gazetës Sabah, u përcaktua se Mert Hakan i dërgoi para Dikmenit, i cili vendosi baste konkretisht për mesfushorin e Fenerbahces, İsmail Yuksek, duke luajtur se "ai do të marrë një karton të verdhë" dhe "ai do të kryejë të paktën 3 faule".

Ndeshjet në të cilat Dikmen vendosi bastet e tij u panë. U raportua se në ndeshjen e vitit të kaluar Slavia Pragë-Fenerbahçe, Yuksek kreu 5 faule dhe basti i Dikmen: "İsmail Yuksek do të kryejë të paktën 3 faule" ishte i suksesshëm.

Në ndeshjen Fenerbahçe-Stuttgart të luajtur në tetor, ishte e rëndësishme të përmendet se İsmail Yuksek mori një karton në minutën e 90+8 pas një grindjeje me një lojtar kundërshtar, pikërisht kur ai ishte gati ta përfundonte ndeshjen pa marrë karton. Kështu u bë realitet basti i Dikmen që ai të merrte një karton.

Hetimi zbuloi një raport të përgatitur nga MASAK (Bordi i Hetimit të Krimeve Financiare). U përcaktua se llogaritë bankare të lojtarit të Fenerbahçes, Mert Hakan Yandaş, treguan 204 milionë lira turke hyrje dhe 207 milionë e 475 mijë lira turke dalje midis vitit 2017 dhe viteve të mëvonshme.

U përcaktua se Yandas i dërgoi 4,453,062 lira turke Ersen Dikmen, i cili u zbulua se kishte vendosur baste në emrin e tij, midis viteve 2021 dhe 2025, dhe se paratë u transferuan në faqet e basteve sapo u dërguan.

Zbulimi më i habitshëm në raportin e MASAK ishte vëllimi i lartë i basteve të vendosura për mesfushorin e Fenerbahçes, İsmail Yuksek. U zbulua se Dikmen, të cilit Yandas i dërgoi para, vendosi baste në "İsmail Yüksek do të kryejë të paktën 3 faulle" dhe "Lojtari do të marrë një karton" me një frekuencë të pazakontë, dhe se këto baste ishin fituese.

Mert Hakan Yandas dhe Ismael Yuksek

Të dy individët u arrestuan si pjesë e hetimit. U morën detaje në lidhje me ndeshjet e Fenerbahces për të cilat Mert Hakan dërgoi para dhe Ersen Dikmen vendosi baste. Një nga bastet më të njohura të vendosura nga Ersen Dikmen, i cili mori para nga Mert Hakan Yandas, ishte një bast i veçantë për mesfushorin e Fenerbahces, Ismail Yuksek.

Detajet se në cilën ndeshje u vendosën këto baste dhe si u vendosën ato janë zbuluar. Më 28 nëntor 2024, gjatë ndeshjes Slavia Pragë-Fenerbahçe, ai vendosi 15 baste të ndara në "Kombinim special i lojtarit: Ismail Yuksek kryen të paktën 3 faulle" me probabilitet 1.73, duke fituar secilën herë. Analiza zbuloi se Yuksek filloi si titullar në formacionin e Fenerbahces kundër Slavia Pragës, ndërsa Mert Hakan mungonte për shkak të lëndimit. Në atë ndeshje, Yuksek ishte fituesi i dytë më i lartë i topave të lirë me 7 fitime.

Ai gjithashtu u regjistrua si lojtari i katërt me më shumë ndërhyrje. Ai mori një karton të verdhë në minutën e 82-të të asaj ndeshjeje, por qëndroi në fushë për 90 minuta të plota. Fenerbahce e fitoi atë ndeshje 2-1, dhe ai u regjistrua si lojtar me 18 ndërhyrje të parregullta. Ai fitoi 10 nga 20 duele dhe kreu 5 ndërhyrje të parregullta.

U përcaktua se Dikmen kishte vendosur tre baste me koeficient 2.93 secilin për ndeshjen Fenerbahce-Stuttgart më 23 tetor, duke parashikuar se "Ismail Yuksek do të marrë një karton të verdhë", dhe ai fitoi secilin herë. Yuksek mori një karton të verdhë në minutën e 90+8 për shkak të një grindjeje.

Detaje interesante kanë dalë në dritë nga bisedat në ËhatsApp midis lojtarit të Fenerbahces, Mert Hakan Yandas, i cili u arrestua, dhe Ersen Dikmen. Në një bisedë rreth bastit më 2 maj 2025, Yandas dëgjohet duke thënë: "Nëse nuk fiton, nuk jam njeri nëse nuk e fshij bastin. Jam tifoz i Galatasarayt, do ta shihni". Dikmen u përgjigj me "Vazhdo përpara", të cilës Yandas iu përgjigj: "Po ju them se jam tifoz i Galatasarayt". /Telegrafi/

Skandali i basteve në Turqi vazhdon të jetë në qendër të vëmendjes, ndërsa dalin në dritë zhvillime të reja. Përfshirja e mijëra futbollistëve dhe disa gjyqtarëve, të cilët madje janë pezulluar, ka rezultuar në hetime të intensifikuara. Zyra e prokurorit të Stambollit njoftoi zyrtarisht se kishte arrestuar një numër personash në lidhje me rastin. Midis […]

The post Thellohet skandali i basteve në Turqi, arrestohen futbollistë të Galatasaray dhe Fenerbahçes! appeared first on BoldNews.al.