Mesfushori i Kombëtares shqiptare, Kristjan Asllani, vazhdon të lidhet ngushtë në Turqi me një transferim te Beshiktashi. Asllani tregohet si dëshirë e stafit teknik, ndërsa nga burime jozyrtare janë publikuar së fundmi disa detaje sa u përket shifrave.

Fillimisht tregohet se paga mund të shkojë deri në 1.2 milionë euro, për pjesën e mbetur të sezonit. Vetë Interi do të përfitonte 1 milion euro nga ky huazim.

Drejtuesit e Beshiktashit, ndërkohë kërkojnë që të ulin sa më tepër opsionin e blerjes së kartonit.

Aktualisht, përflitet për 10 deri në 12 milionë euro. Po ashtu, në fund mbetet për t’u vendosur, kalendari për kryerjen e pagesave.

Një tjetër klub mjaft i interesuar për Asllanin mbetet edhe Paris FC. Këto të fundit mund të surprizojnë edhe me një blerje direkte, pikërisht në ditët e fundit të merkatos.

Huazimi te Torino ndërkohë rezultoi një dështim. Asllani i ka ndjekur dy ndeshjet e fundit nga tribuna, duke e kthyer në një situatë të paprecedentë për të.

The post Destinacion surprizë për Kristjan Asllanin, dalin detajet e reja me pagën dhe shifrat që po negocion Interi appeared first on Albeu.com.

Kristjan Asllani po refuzon propozimet që kanë mbërritur në adresë të tij për vazhdimin e karrierës. Ai ka refuzuar 5 oferta të ndryshme për vijimësinë. Asllani do të largohet nga Torino pasi nuk bën pjesë në planet e klubit, por mbetet për t’u parë cili do jetë klubi i ardhshëm. Interi synon t’i gjejë një destinacion, pasi ai nuk bën pjesë as në planet e zikaltërve në vijimin e edicionit.

Source

TIRANË, 15 janar /ATSH/ Klubi italian i Serie A, Genoa, ka nisur lëvizjet e para në prag të merkatos së janarit, me fokus të veçantë përforcimin e repartit të mesfushës.

Sipas medieve italiane, trajneri Daniele De Rossi ka kërkuar më shumë alternativa në këtë repart, çka ka shtyrë drejtuesit e klubit ligur të bëjnë hapa konkretë në treg. Në këtë kuadër, Genoa ka paraqitur oferta për Tommaso Baldanzi dhe Matteo Dagasso.

Megjithatë, lista e objektivave nuk përfundon këtu.

Sipas ekspertit italian të merkatos, Gianluca Di Marzio, klubi i Genoas ka shfaqur interes edhe për mesfushorin e Kombëtares shqiptare, Kristjan Asllani.

Për momentin, bëhet fjalë vetëm për një sondazh mes klubeve, pa kontakte zyrtare me përfaqësuesit e lojtarit. Situata mbetet për t’u ndjekur, ndërsa merkatoja e janarit pritet të sjellë zhvillime të reja në kampin e Genoas.

/gj.m/j.p/

The post Genoa, interesim për Kristjan Asllanin   appeared first on Agjencia Telegrafike Shqiptare.

Daniele De Rossi po punon intensivisht për ta nxjerrë Genoan nga momenti i vështirë, ndërsa drejtuesit e klubit janë gati ta mbështesin me përforcime në afatin kalimtar.

Pas barazimit 1-1 ndaj Milanit dhe fitores bindëse 3-0 kundër Cagliarit, kuqeblutë kanë nisur lëvizjet konkrete për të rritur cilësinë në mesfushë.

Sipas raportimeve nga Italia, Kristjan Asllani është një nga objektivat kryesorë të Genoas në këtë afat kalimtar.

Sky Sport bën me dije se klubi po monitoron nga afër situatën e mesfushorit shqiptar dhe po shqyrton mundësinë e afrimit të tij.

Ideja e Genoas është t’i ofrojë De Rossit një mesfushë më të ekuilibruar dhe funksionale, me lojtarë që dinë të menaxhojnë ritmin e lojës dhe presionin në momentet delikate.

Në këtë kuadër, profili i Asllanit vlerësohet shumë: një organizator para mbrojtjes, i saktë në pasime, i fortë në ndërprerje dhe me eksperiencë në Serie A.

Aktualisht Asllani është i huazuar nga Interi te Torino, por aventura me “Granata” duket drejt fundit, pasi mesfushori shqiptar nuk bën më pjesë në planet e trajnerit Marco Baroni.

Ndërsa pritet një zgjidhje mes Interit dhe Torinos për të ardhmen e tij, Genoa është futur seriozisht në garë për ta transferuar.

Në këtë sezon të Serie A, Asllani ka regjistruar 15 paraqitje me Torinon, pa mundur të gjejë rrugën e rrjetës.

Megjithatë, vlerat e tij mbeten të padiskutueshme dhe interesi për shërbimet e tij ka qenë i madh, me klube si Parma, Fiorentina, Sassuolo, Girona dhe Paris FC që janë përmendur më herët.

Nëse Genoa arrin të plotësojë këto kërkesa dhe të gjejë gjuhën e përbashkët me Interin, Asllani mund të jetë një nga përforcimet kyçe për ekipin e De Rossit në pjesën e mbetur të sezonit./Telegrafi/

E ardhmja e Kristjan Asllanit është në udhëkryq, pasi aktualisht mesfushori i Kombëtares shqiptare nuk e di ende se ku do të vazhdojë karrierën e tij në pjesën e dytë të këtij sezoni.

Torino nuk e ka më në plane dhe po mendon kthimin e tij tek Interi pasi nuk ka ndër mend që në fund të sezonit të shpenzojë 11,5 milionë euro për mesfushorin e Kombëtares.

Ky opsion sa vjen dhe përforcohet edhe më shumë. Së fundmi trajneri Marko Baroni e ka lënë jashtë listës së grumbulluar me 22 lojtarë për ndeshjen e sotme kundër Romës në raundin e 1/8-ave të Kupës së Italisë.

The post Kristjan Asllani totalisht jashtë planeve të Torinos, trajneri as nuk e grumbullon për ndeshjen e Kupës së Italisë appeared first on Albeu.com.

Presidenti i Torinos, Urbano Cairo, ka komentuar situatën e mesfushorit shqiptar, Kristjan Asllani, duke lënë të hapur mundësinë e një largimi të tij gjatë afatit kalimtar dimëror.

Në një prononcim për mediat italiane, 68-vjeçari ka vlerësuar paraqitjet e Asllanit, duke theksuar cilësitë e tij teknike, por njëkohësisht ka pranuar se e ardhmja e mesfushorit mbetet e paqartë për shkak të dinamikës së afatit kalimtar të janarit.

“Asllani ka pasur disa ndeshje të mira dhe disa jo aq të mira, si pjesa tjetër e skuadrës. Ai ka cilësi të jashtëzakonshme. E përdor shumë mirë si këmbën e djathtë ashtu edhe të majtën, aq sa nuk dihet se cila është më e fortë.”

“Pastaj do të shohim se çfarë do të sjellë afati kalimtar i janarit, gjithmonë përmban surpriza”, ka thënë Cairo.

Interesimi për mesfushorin shqiptar nuk mungon, pasi disa klube kanë shfaqur gatishmëri për ta transferuar.

Në mesin e skuadrave të përmendura janë Girona, Parma dhe Sassuolo, të cilat po e ndjekin nga afër situatën e tij.

Kristjan Asllani iu bashkua Torinos gjatë verës, në formë huazimi nga Interi, me synimin për të fituar më shumë minuta dhe vazhdimësi në lojë.

Deri më tani, 23-vjeçari ka regjistruar 16 paraqitje me fanellën e Torinos në këtë edicion.

E ardhmja e mesfushorit shqiptar pritet të sqarohet në javët në vijim, teksa afati i janarit mund të sjellë zhvillime të reja për karrierën e tij./Telegrafi/

Përpos Gironas, edhe klubi francez Paris FC është bashkuar në garë për shërbimet e mesfushorit të Interit, Kristjan Asllani.

Ylli shqiptar do të rikthehet te Interi këto ditë meqenëse Torino ka vendosur t’ia ndërprejë huazimin sepse nuk do ta aktivizojnë klauzolën e blerjes.

Sipas “Sportmediaset”, Paris FC ka kontaktuar Interin për 24-vjeçarin dhe e kanë bërë top prioritet për ta sjellë këtë afat dimëror, pasi besojnë se është i duhuri që ta përforcojë skuadrën.

Opsioni më konkret megjithatë mbetet Girona, të cilët kanë mësuar të gjitha detajet e transferimit të mundshëm të yllit që luan në Serie A.

Asllani që verës u huazua te Torino e ka humbur vendin e titullarit, ndërsa ka zhvilluar 15 paraqitje në këta gjashtë muaj si lojtar i klubit italian.

Vlera e këtij të fundit shkon në kuotën e 13 milionë eurove, kurse Interi thuhet se dëshiron ta shesë për një çmim edhe më të ulët pasi nuk e ka në planet afatgjatë./Telegrafi/

Kristjan Asllani është pranë një kapitulli të ri në karrierën e tij. Ditët e mesfushorit të kombëtares shqiptare te Torino duken të numëruara dhe tashmë mbetet vetëm të qartësohet destinacioni i radhës.

Vendimi i Torinos për ta kthyer përpara kohe Asllanin, pa e ushtruar opsionin e blerjes prej 11.5 milionë eurosh në fund të sezonit, ka alarmuar seriozisht Interin.

Zikaltrit shqetësohen se kjo situatë mund të ndikojë negativisht në vlerën e kartonit të lojtarit, duke e bërë më të vështirë përfitimin financiar nga një shitje e mundshme.

Për këtë arsye, drejtuesit e Interit kanë nisur menjëherë punën për t’i gjetur Asllanit një sistemim të ri. Mesfushori është propozuar në disa klube të Serie A, me synimin që të rigjejë vazhdimësinë dhe formën, në mënyrë që të realizohet ajo që në ambientet zikaltër quhet “ringjallja” e tij dhe rritja e vlerës në treg.

Megjithatë, sipas burimeve të Calciomercato.com, preferenca reale e Interit nuk është që Asllani të mbetet në Itali.

“Ka zëra që vijnë nga Fiorentina dhe Parma, por nuk duhet përjashtuar mundësia që këtë herë Asllani të marrë seriozisht në konsideratë largimin nga Italia dhe kalimin në një kampionat tjetër”, shkruan mediumi italian.

Në të njëjtin artikull theksohet se në Inter janë të bindur se La Liga spanjolle do të ishte kampionati më i përshtatshëm për karakteristikat teknike të Asllanit, duke marrë parasysh stilin e lojës, qarkullimin e topit dhe rolin e mesfushorit organizator.

Kristjan Asllani ka kontratë me Interin deri në vitin 2028, ndërsa klubi nuk ka ndërmend ta lërë të largohet nga Torino pa i siguruar më parë një destinacion të ri. Vendimi final pritet në javët në vazhdim. /Telegrafi/

Presidenti i Interit, Beppe Marotta, ka konfirmuar se bisedimet për Joao Cancelon e Al-Hilal mund të përfshijnë edhe një shkëmbim lojtarësh, ndërsa ka mohuar kategorikisht se ka oferta zyrtare nga Galatasaray për Davide Frattesin.

Zikaltërit e mbyllën vitin 2025 pa asnjë trofe, përfshirë eliminimin në gjysmëfinalen e Superkupës Italiane ndaj Bolognas pas penalltive, megjithatë Interi vazhdoi të kryesojë renditjen e Serie A.

Me hapjen e afatit kalimtar të janarit, Interi është përfshirë në disa prej temave më të mëdha të merkatos, mes tyre edhe raportimet për bisedime me Joao Cancelon për një rikthim të mundshëm në Serie A.

“Nuk kemi ndonjë nevojë të veçantë për përforcime, sidomos kur ka pak mundësi në treg. Dumfries do të mungojë edhe për të paktën dy muaj të tjerë, ndaj po shohim nëse ekziston ndonjë lojtar me karakteristika të ngjashme dhe me të njëjtin nivel cilësie,” deklaroi Marotta për “DAZN Italia”.

“Kjo mundësi na është paraqitur. Po e analizojmë situatën, jemi në një fazë ndërmjetëse dhe do të shohim se si do të zhvillohet gjithçka në ditët në vijim.”

Marotta u pyet gjithashtu nëse është e vërtetë që Al-Hilal mund të propozojë një shkëmbim mes Joao Cancelos dhe një qendërmbrojtësi, duke përfshirë edhe mundësinë që Francesco Acerbi të ribashkohet me ish-trajnerin e Interit, Simone Inzaghi, në Arabinë Saudite.

“Cancelo ka një kontratë shumë të shtrenjtë, të cilën asnjë klub italian nuk mund ta përballojë plotësisht. Ne e dimë që ata janë në kërkim të një qendërmbrojtësi, ndaj kur të hyjmë në një fazë më konkrete të negociatave, do t’i diskutojmë edhe këto elemente”.

“Ne po përpiqemi të forcojmë krahun e djathtë, i cili në këtë moment është dobësuar vetëm për shkak të lëndimit të Dumfries”.

Ndërkohë, Galatasaray ka mohuar se ka paraqitur një ofertë për Frattesin në formë huazimi me të drejtë blerjeje për 35 milionë euro, dhe Marotta ka theksuar se raportimet për negociata të avancuara nuk qëndrojnë.

“Sa i përket Frattesit, strategjia jonë është e qartë: nëse një lojtar dëshiron të largohet, ne e vlerësojmë situatën. Frattesi nuk është në këtë pozicion. Nuk kemi marrë asnjë ofertë zyrtare, por jemi të hapur për diskutime”.

Një tjetër çështje që po qarkullon në media është interesimi i Torinos për ta ndërprerë gjashtë muaj më herët huazimin e Kristjan Asllanit dhe për ta kthyer mesfushorin te Interi.

“Sa i përket Asllanit, ende nuk kemi biseduar me Torinon, por ai është i huazuar dhe ne duhet të respektojmë vlerën e lojtarit. Nëse ai nuk qëndron te Torino, do të përpiqemi t’i gjejmë një klub tjetër”, përfundoi Marotta./Telegrafi

Në episodin më të ri të podcastit “Arena e Yjeve” vjen analiza nga gazetarët e Telegrafit për rezultatet e Kosovës dhe Shqipërisë në ciklin kualifikues të Botërorit 2026. Ky episod realizohet me mbështetjen e sponsorëve zyrtarë Golden Eagle dhe Air Munich.

Gazetari Lavdim Pireva analizon tre lojtarët që sipas tij kanë bartur barrën kryesore te Shqipëria në këtë cikël kualifikues.

Ai përmend Berat Gjimshitin si një lider të pakontestueshëm të ‘Kuqezinjve’, por vlerëson lart edhe dyshen Juljan Shehu dhe Kristjan Asllani.

“Besoj që Berat Gjimshiti mbetet lojtari më i mirë i kombëtares. Lider i pakontestueshëm, mbrojtës modern, shumë i mirë, edhe po them Juljan Shehu për mënyrën se si i ka zhvillu sidomos dy ndeshjet me Serbinë, ka qenë i jashtëzakonshëm, si në rikuperim të topit, si në shpërndarje të topit”.

“Edhe Asllani veç e ka fitu, Asllani si bonus po them e ka fitu pjekurinë. Ndoshta Interi ka qenë për moshën që ka, shumë barrë e rëndë”.

“Është hap i madh sepse shumë i ri. Në Torino luan rregullisht, edhe pse ndoshta në jaëvt e fundit nuk ka pasur shumë minuta, por luan çdo ndeshje”.

“Kjo është shumë e rëndësishme për një lojtar në moshën e tij. Edhe shoh Torino për dallim, se ne e përcjellim se Torino për dallim nga vitet e kaluara kur i përfundonte ndeshjet 0-0, 1-0, këtë vit është duke luajtur futboll shumë më të hapur”, ka thënë Pireva mes tjerash.

Episodin e plotë me gazetarët e Telegrafit mund ta ndiqni edhe në kanalin zyrtar të Telegrafit në Youtube./Telegrafi/

- YouTube www.youtube.com

Presidenti i Torinos, Urbano Cairo, ka folur për mesfushorin e huazuar të Interit, Kristjan Asllani, pas një eventi të RCS.

23-vjeçari shqiptar iu bashkua Torinos në formë huazimi për një sezon me mundësi blerjeje, dhe qëndrimi i klubit mbetet i hapur, por i kujdesshëm.

Për mundësinë e blerjes së tij ka folur edhe vetë presidenti i Torinos, Cairo, i cili ndihet i kënaqur me performancat e Asllanit.

“Asllani ka luajtur mirë me Shqipërinë dhe po shkon drejt fazës eliminatore, madje edhe shënoi. Ai pati një pjesë të dytë të shkëlqyer kundër Juventusit. Na pëlqen lojtari, e morëm në huazim, po luan mirë, por varet nga trajneri”, ka thënë fillimisht Cairo.

“Opsion blerjeje? Nuk jemi as në mes të sezonit. Le ta shohim të luajë. Ai duhet të vazhdojë të performojë për të na bindur ta mbajmë përgjithmonë", përfundoi presidenti i Torinos.

Ndryshe, Torino pagoi 1.5 milionë euro për huazimin e Asllanit dhe ka një klauzolë blerje prej 12 milionë eurosh. /Telegrafi/

Kristjan Asllani është padyshim njeriu i ndeshjes, i cili i dhuroi 3 pikët e arta Shqipërisë ndaj Andorrës. Ylli i mesfushës, u vlerësua me notën 8.3 nga faqja e specializuar e statistikave “Sofa Score”, ndërkohë që podiumin e plotësojnë Juljan Shehu me notën 7.9 dhe Berat Gjimshti me 7.8. Nga titullarët, Broja dhe Strakosha rezultojnë […]

The post Asllani lojtari i ndeshjes, Shehu dhe Gjimshiti plotësojnë “podiumin”. Ja notat e lojtarëve të Kombëtares appeared first on BoldNews.al.

TIRANË, 13 nëntor /ATSH/  Shqipëria u kualifikua në play off-in e Botërorit 2026 pas fitores 0-1 ndaj Andorrës, një rezultat historik që u shoqërua me emocion dhe entuziazëm nga lojtarët kuqezi.

Katër prej protagonistëve, Juljan Shehu, Myrto Uzuni, Nedim Bajrami dhe Kristjan Asllani, folën pas ndeshjes, duke ndarë emocionet dhe analizën e tyre për duelin vendimtar.

Shehu: Arritja më e madhe në historinë e futbollit shqiptar

Mesfushori që dhuroi asistin vendimtar për golin e Asllanit, Juljan Shehu u shpreh se skuadra kishte bërë një rrugëtim të jashtëzakonshëm.

“E kemi merituar këtë kualifikim. Kemi bërë ndeshje të bukura dhe duhet ta shijojmë. Kjo është arritja më e madhe në historinë e futbollit shqiptar”, deklaroi Shehu, duke theksuar presionin dhe vendosmërinë që skuadra tregoi deri në fund.

Uzuni: Do të jepja gjithçka për këtë fanellë

Sulmuesi kuqezi, Myrto Uzuni, u shpreh tejet i lumtur për arritjen historike.

“Është një arritje e madhe për të gjithë shqiptarët. Unë e ndjej shumë këtë fanellë dhe sakrifikoj kudo për ekipin”, tha Uzuni, duke vlerësuar frymën e grupit dhe punën e bërë gjatë gjithë rrugëtimit.

Bajrami: Lojtarët nga stoli bënë diferencën

Mesfushori i Rangers, Nedim Bajrami foli për rëndësinë e kontributit nga pankina, duke theksuar se futbolli është moment dhe çdo minutë vlen.

“Bëmë një ndeshje shumë të mirë. Çunat që u futën në pjesën e dytë bënë diferencën. Edhe nga stoli mund të ndryshosh ndeshjen”, u shpreh Bajrami, i cili shtoi se ndryshimi i skemës në 4-2-3-1 rezultoi vendimtar.

Asllani: E dinim që ishte finale, golin e ndjeva shumë

Herori i mbrëmjes, autori i golit të fitores, Kristjan Asllani tregoi se pjesa e parë kishte qenë e komplikuar për shkak të skemës së Andorrës, ndërsa lojtarët e aktivizuar në pjesën e dytë e ndryshuan ndeshjen.

“E ndjeva shumë golin, u gëzuan të gjithë shqiptarët. Ishte një finale për ne. Në pjesën e dytë na ndihmuan shumë lojtarët nga stoli”, tha Asllani, duke shtuar se trajneri i komplimentoi për paraqitjen.

Fitorja 0-1 ndaj Andorrës i dhuroi Shqipërisë një kualifikim historik në play off-in e Botërorit 2026, duke ndezur entuziazmin e tifozëve dhe duke konfirmuar rritjen e vazhdueshme të kombëtares së drejtuar nga Sylvinho.

/gj.m/

The post Kualifikimi në “play-off”-in e Botërorit 2026, Lojtarët e Kombëtares: Rrugëtim i jashtëzakonshëm appeared first on Agjencia Telegrafike Shqiptare.

Kristjan Asllani ishte protagonisti i ndeshjes së rëndësishme për Shqipërinë në Andorra, duke shënuar golin vendimtar që siguroi kualifikimin për në play-off.

Pas ndeshjes, Asllani foli për emocionet dhe përpjekjet e ekipit, duke u ndalur edhe te loja me Uzunin.

“E punojmë shumë sidomos kur kam topin unë dhe Myrto shkon pas shpine. Jemi të lumtur sepse e dimë çfarë do të thotë kjo fitore për ne. Sot do të festojmë, e më pas do të mendojmë për Anglinë”, deklaroi Asllani.

Mes vështirësive gjatë ndeshjes, Asllani theksoi se pjesa e parë nuk ishte e lehtë, me Andorrën që u mbyll shumë prapa.

“Të them të drejtën, nuk ishte një pjesë e parë e mirë. Andorra luante me 5-4-1, ndërsa sot provoi 4-4-2. Kishim vështirësi, por në pjesën e dytë sulmuesit patën më shumë hapësirë dhe e merituam fitoren. Nuk janë ekipe të vogla, mbyllen shumë. Unë dhe Shehu kishim vështirësi, na vinin dy mbrojtës, na mbyllnin, por ia dolëm”, shtoi ai.

Kristjan Asllani përfundoi me një mesazh motivues për ekipin, duke thënë se po festojnë play-offin.

“Tani të mos mendojmë për ndeshjen, shkojmë në Tiranë të festojmë e pastaj mendojmë për Anglinë”, përfundoi Asllani.

Ky moment historik për Shqipërinë është një hap i madh drejt suksesit në play-off-in e Botërorit 2026. /Telegrafi/

Kombëtarja e Shqipërisë shënoi fitore të madhe dhe njëkohësisht e siguroi kualifikimin në play-offin e Kampionatit Botëror 2026 me fitore ndaj Andorrës.

Kristjan Asllani e bëri dallimin me golin e vetëm në ndeshje, sfidë ku e tërë skuadra e Shqipërisë bëri paraqitje pozitive.

Ylli i Torinos pas golit kuptohet ishte lojtari më i vlerësuar me notën 8.3, ndihmuar nga Julian Shehu me 7.9. Për Armando Brojën nuk ishte nata më e mirë, pasi mori vetëm notën 6.6.

Notat e lojtarëve:

Përndryshe, Shqipëria më 21 nëntor do t’i mësojë kundërshtarët për play-offin e Kupës së Botës, kurse të dielën përballet me Anglinë në ndeshjen e fundit kualifikuese të këtij Botërori 2026./Telegrafi/

Shqipëria ka kaluar më në fund në epërsi në përballjen ndaj Andorrës.

Ishte mesfushori Kristjan Asllani që theu mbrojtjen e Andorrës pas një aksioni të shpejtë.

Mrytu Uzuni bëri një lëvizje fantastike për të asistuar te Asllani, i cili nuk gaboi para portierit vendas (67’).

Me këtë rezultat, Shqipëria e siguron edhe matematikisht play-offin e Botërorit./Telegrafi/

Mesfushori Kristjan Asllani ishte një nga protagonistët në fitoren 4-2 ndaj Jordanisë. Pas përfundimit të ndeshjes, ai ndau emocionet dhe përshtypjet për performancën e skuadrës dhe atmosferën pozitive brenda grupit. ”Duhej pak festë, është normale. Jemi të lumtur, ishte e vështirë. Bëmë një ndeshje serioze, fituam para tifozëve, duhet të vazhdojmë kështu. Jemi shumë shokë me Brojën.

Source

Përzgjedhësi i Kombëtares së Shqipërisë, Sylvinho pritet t’iu besojë edhe ndaj Serbisë, shumicës së lojtarëve që i ka inkuadruar deri tani në ndeshjet e kaluara, duke rreshtuar një formacion jo edhe aq të dashur për tifozët.

Kombëtarja e Shqipërisë do të luajë sot (e shtunë) në udhëtim te Serbia në kuadër të ndeshjeve kualifikuese për Kupën e Botës 2026.

Kuqezinjtë janë mysafir të serbëve në ndeshjen e gjashtë të Grupit K, e cila pritet të zhvillohet në stadiumin Dubocica në Leskovc, me fillim nga ora 20:45.

Ekipi i trajnerit Sylvinho vjen nga një formë në ngritje në ndeshje dhe pas fitores ndaj Letonisë synon rezultat pozitiv për të mbajtur distancën me Serbinë.

Megjithatë, përzgjedhësi brazilian pritet të jetë i ndrojtur edhe kësaj radhe dhe zgjedhjet e tij pritet të lënë shumë për të dëshiruar nga tifozët.

Sipas asaj që mëson Telegrafi, Sylvinho do t’i besojë përsëri të ‘përhershmëve’ të tij në skemën 4-3-3.

Ndeshjen ndaj Serbisë, porta do të jetë përsëri e ‘blinduar’ nga Thomas Strakosha, teksa mbrojtja e pandryshuar me Elseid Hysaj dhe Mario Mitaj nga krahët dhe Arlind Ajeti dhe Berat Gjimishti në qendër.

Edhe mesfusha do të jetë e pandryshuar me Qazim Laqin, Juljan Shehun dhe Kristjan Asllanin, duke pamundësuar një vend për Ylber Ramadanin.

As në sulm nuk pritet të ketë ndryshime me Armando Brojën dhe Nedim Bajramin nga krahët dhe Rey Manajn në qendër, me Mirlind Dakun, Arbër Hoxhën dhe Myrto Uzunin që duhet të presin ende për një fanellë titullari.

Formacioni i mundshëm i Shqipërisë

Strakosha; Hysaj, Ajeti, Gjimshiti, Mitaj; Laqi, Shehu, Asllani; Broja, Manaj, Bajrami;

/Telegrafi/

Mesfushori Kristjan Asllani beson se bëri zgjedhjen e duhur me kalimin te Torino, ndërsa iu tregoi italianëve se është shqiptar prandaj edhe po përfaqëson Shqipërinë në nivelin ndërkombëtar.

Asllani padyshim është transferimi më interesant i Torinos në afatin e fundit kalimtar, ku befasoi të gjithë kur u largua nga Interi.

I pyetur se pse zgjodhi Torinon, mesfushori shqiptar deklaroi se i beson plotësisht projektit prandaj edhe ishte zgjedhje e duhur.

“Sinqerisht doja të vija te Torino sepse besoja në këtë projekt. Më donin vërtetë, prandaj ishte zgjedhje e lehtë. Sigurisht ditët e fundit ishin stresuese sepse isha te Interi dhe kisha shumë oferta”.

“Fillimisht, isha i frikësuar për t’u larguar menjëherë sepse doja një projekt që do të më ndihmonte. Kisha shumë oferta, por jam i lumtur që më donin këtu”.

Kristjan Asllani

Asllani foli edhe për lidhjet e ngushta që ka me Shqipërinë, pavarësisht që është rritur në Itali.

“U linda në Shqipëri dhe erdha këtu në Itali kur kisha dy vjeç. Babai erdhi i pari, pastaj nëna dhe më vonë unë. Shqipëria është shumë e rëndësishme për mua sepse edhe luaj për kombëtaren dhe tifozët aty janë të mrekullueshëm. Gjyshërit janë ende atje, prandaj kur kam kohë shkoj t’i vizitoj. Kujdesëm shumë për familjen prandaj edhe Shqipëria është shumë e rëndësishme për mua”.

“Shqipëri kundër Italisë? Zgjodha ta përfaqësoj Shqipërinë sepse jam shqiptar, por të themi se ndeshja me Italinë për mua ishte e shkëlqyer. Mezi prisja të dilja në fushë. Luajta ndaj bashkëlojtarëve që kisha te Interi, luaja ndaj shumë djemve që i njohja. Ishte ndjenjë fantastike”./Telegrafi/

Mesfushori i Kombëtares kuqezi, Kristjan Asllani, i cili luan për Torinon foli për kanalet zyrtare të klubit, duke shpjeguar arsyet e vendimit të tij për të veshur fanellën e tyre.

“Arrita rreth njëzet ditë më parë dhe kam një ndjenjë pozitive: grupi më priti mirë, klubi dhe trajneri më donin dhe besojnë tek unë. Është ajo që kërkoja. Tani kemi një ndeshje të rëndësishme përpara dhe duam të vazhdojmë atë që bëmë në Romë”.

Si ishin negociatat?

“Doja të vija këtu sepse besoj në projekt, ata më donin dhe ishte një zgjedhje e lehtë. Por ishin ditë stresuese: tregu i transferimeve është i vështirë, isha te Interi dhe kisha kaq shumë oferta, sa kisha frikë të vendosja menjëherë. Doja një projekt që do të më ndihmonte, kisha nevojë të luaja, mora disa ditë pushim, por pastaj doli të ishte e rrezikshme: ditët e fundit janë gjithmonë të vështira, por jam i lumtur që kam arritur aty ku doja. Presioni nga presidenti, drejtori dhe trajneri ishte i rëndësishëm në vendimin tim: të gjithë besojnë tek unë, është projekti që doja. Jam i lumtur, edhe familja ime është, dhe gjithçka është perfekte”.

Cila është origjina juaj?

“Kam lindur në Shqipëri, pastaj erdha në Itali kur isha dy vjeç. Babai im mbërriti vetëm me një gomone të vogël, pastaj unë dhe mami im iu bashkuam atij. Unë luaj për ekipin kombëtar të Shqipërisë, tifozët janë të mrekullueshëm dhe kam një lidhje të fortë me vendin tim. Gjyshërit e mi jetojnë atje, i vizitoj kur mundem, më intereson shumë familja ime. Zgjodha të luaj për Shqipërinë sepse jam shqiptar. Ndeshja kundër Italisë ishte e shkëlqyer, mezi po e prisja, mezi prisja sepse po luaja kundër shumë djemve që njihja. E dija që shumë nga miqtë e mi në Piza po e shikonin ndeshjen, ishte një ndjenjë e mrekullueshme”.

Sa shumë u rritët te Empoli?

“Ishte një periudhë e gjatë dhe e rëndësishme, 13 vjet, dhe unë ende mbaj kontakt me njerëzit që punojnë atje, përfshirë presidentin, dhe me shumë nga shokët e mi të ekipit. Kam një marrëdhënie të shkëlqyer me ta. Fitova kampionatin Primavera; për mua, Empoli ishte shtëpia dhe ato ishin vite të mrekullueshme. Falënderoj Corsi-n, Accardi-n dhe Andreazzoli-n; ishte një pikënisje. Shumë lojtarë dolën nga ajo skuadër Primavera, jam në kontakt me ta dhe ishte një vit i mrekullueshëm. Ishte qershia mbi tortë për përfundimin e karrierës sime si i ri te Empoli, pastaj u ngjita në ekipin e parë dhe kjo ishte thelbësore”.

Në çfarë pozicionesh keni luajtur në karrierën tuaj?

“Si fëmijë, kam luajtur si mesfushor sulmues. Të gjithë trajnerët më thoshin se kisha një gjuajtje të shkëlqyer dhe isha i dobët në sulm. Pastaj u bëra organizator dhe aty filloi karriera ime. Kam luajtur në shumë role. Për ekipin kombëtar, luaj si mesfushor. Preferoj të jem organizator, por sot duhet të jesh në gjendje të luash në shumë pozicione të ndryshme”.

Dhe transferimi te Interi?

“Në janar, fillova të luaja për Empolin, pastaj unë u bashkova me Interin. Ishte një thirrje e madhe; gjithmonë kam qenë tifoz i Interit, kështu që ishte e lehtë ta pranoja. Ato ishin vite të shkëlqyera dhe i falënderoj të gjithë te Interi. Ishte një tranzicion i vështirë, të kaloja nga një qytet i vogël pranë Pizës në Milano, por falënderoj familjen time që ishte aty për mua, ata janë një model”.

Çfarë emocionesh përjetuat?

“Viti i parë ishte shumë emocionues, të luash me atë fanellë është një arritje e madhe. Ngrita trofetë e parë duke luajtur pak, por duke u rritur përkrah lojtarëve të rëndësishëm, mësova shumë. Bëra zgjedhjen e duhur. Isha zgjedhja e parë e Çalhanoglut, një djalë i mrekullueshëm që më ndihmoi edhe jashtë fushës. Jo vetëm ai, por edhe të tjerët ishin të rëndësishëm për mua. Tani tashmë ndihem si i rritur. Dhe pastaj është Scudetto, i cili është kaq i rëndësishëm: i njëzeti, ylli i dytë, festimi në Duomo. Për një tifoz, është një gjë mbresëlënëse”.

Ju shënoi nga një goditje këndi …

“Ishte fat. Më parë godisja nga këndi nga brenda, por kur e shihja topin të shkonte, nuk mund ta besoja. Dhe në fakt, shokët e ekipit po më godisnin me shuplakë… (qesh)”.

Çfarë lloj lojtari është Asllani tani?

“Jam 23 vjeç, duhet të marr përgjegjësi. Erdha në Torino nga Interi, e di si ndihet në dhomën e zhveshjes dhe kur duhet të flasësh e kur jo. Tani kemi një lojtar të fortë si Ilkhan këtu, ai është më i vogël dhe unë duhet të jem një shembull për të, siç ishin Çalhanoglu dhe Barela për mua”.

A është qëllimi juaj të shënoni nga goditjet e lira?

“Kam këtë avantazh sepse di si t’i gjuaj ato: duhet të filloj të shënoj gola, ndoshta tre ose katër në vit për të ndihmuar ekipin. Goditjet e lira janë thelbësore, ato të fitojnë ndeshje. Po stërvitem shumë te Filadelfia”.

Çfarë lloj skuadre ka Torino ?

“Sapo kam mbërritur, por menjëherë vura re një dhomë zhveshjeje të shëndetshme me djem të shkëlqyer. Më është bërë një pritje e jashtëzakonshme dhe jam i lumtur: E njihja tashmë Ismajlin dhe jam i lumtur që u ribashkova me të sepse jemi miq të shkëlqyer edhe jashtë fushës. Pastaj po i njoh të tjerët dhe ata më kanë integruar në mënyrë të jashtëzakonshme. Mund të arrijmë gjëra të mëdha”.

Kush është Asllani jashtë fushës ?

“Jam një djalë i thjeshtë. Kur mbaroj stërvitjen, dua vetëm të pushoj dhe të kaloj kohë me familjen time. Madje e urrej të dal për darkë…”.

The post Arritje e madhe të luash për Interin/ Rrëfimi i Asllanit: Torino është zgjedhja e duhur, i lumtur që u ribashkova me Ismajlin appeared first on Albeu.com.