Rey Manaj ka fituar zemrat e tifozëve shqiptarë në mbarë botën. Muajin e kaluar, sulmuesi shënoi golin e fitores për Shqipërinë ndaj Serbisë në Leskovc, duke u kthyer në protagonistin e një momenti historik.

Pas kësaj, në Mitrovicë u krijua një mural dedikuar festës së golit të tij, ku shfaqet edhe shqiponja, simbol i krenarisë kombëtare.

Prindërit dhe vëllai i Manajt, që janë nga Lushnja, vizituan qytetin dhe u pritën nga ish-futbollisti i njohur dhe tani trajneri Emin Baliqi.

Rey Manaj ka ndarë në rrjetet sociale foton e prindërve të tij pranë muralit, duke treguar lidhjen e ngushtë me familjen dhe emocionin e momentit.

Ndërkohë, Shqipëria po përgatitet për ndeshjen e fundit të fazës së grupeve ndaj Anglisë, që zhvillohet në Tiranë, një sfidë vendimtare për kualifikimin në Kupën e Botës. /Telegrafi/

Sulmuesi Rey Manaj është ndarë i lumtur me kualifikimin në play-offin e Kampionatit Botëror, por njësoi si Armand Duka, ai nuk dëshiron të përballet me Kosovën.

Manaj thotë se e tërë vëmendja e Shqipërisë tani është për muajin mars, pasi synimi u arrit me sukses, pra kualifikimi për play-offin e Botërorit.

“Ne kemi arritur në play-off, kemi bërë paraqitje të mira gjatë këtij cikli. Kemi ndeshjen me Anglinë, por vëmendja do të jetë në mars. Shpresojmë që të mos përballemi me Kosovën. Nëse njëra prej tyre e siguron kalimin, nga njëra anë do të jemi të mërzitur dhe nga tjetra do të gëzoheshim që shqiptarët do të ishin në Botëror”.

“Kosovarët janë vëllezërit tanë, do t’i shikojmë pasnesër. Shpresojmë në fitoren e tyre”, tha Manaj ndër të tjera.

Kujtojmë, në rast ndonjë befasie në Tiranë – pra që Shqipëria të triumfojë ndaj Anglisë, atëherë do të ngjitëshin në vazon e dytë të play-offit së Botërorit./Telegrafi/

Rey Manaj thotë se Milosh Milojeviç e përgëzoi për golin e shënuar kundër Serbisë. Manaj është heroi i fitores së Shqipërisë kundër Serbisë në Leskovac. Përfaqësuesja serbe u mund nga Shqipëra në Leskovc më 11 tetor me rezultatin 0-1, dhe këtë dhuratë për të gjithë kuqezinjtë e bëri goli i Rey Manaj. Festa e tij me duart në formën e shqiponjës acaroi edhe më tepër se goli serbët.

Source

Goli historik në Serbi nga Shqiëria nuk do të harrohet dhe fanella që mbajti veshur Rey Manaj është blerë në ankand për 3 100 euro. Fanella mban edhe firmën e sulmuesit lushnjar, i cili me golin e tij i dha 3 pikët Kombëtares dhe shansin real për të arritur në “playoff”-in e Botërorit 2026. Gjithsesi, kjo nuk është fanella më e shtrenjtë e Kombëtares e shitur në ankand. Rekordin e mban fanella…

Source

Fanella që Rey Manaj veshi në ndeshjen historike ndaj Serbisë më 11 tetor në Leskovc u kthye në një objekt të çmuar koleksionistësh, duke u shitur për 3,100 euro në ankandin ndërkombëtar të organizuar nga MatchWornShirt, partneri zyrtar i FSHF-së. Kjo shifër përfaqëson një rritje të jashtëzakonshme, pasi çmimi fillestar ishte vetëm 378 euro, por blerësi nga Shtetet e Bashkuara të Amerikës rriti ofertën plot 11 herë për ta pasur këtë fanellë me vlerë historike.

Fanella mban firmën e Rey Manajt dhe është një simbol i rëndësishëm për tifozët kuqezi, pasi Manaj shënoi golin vendimtar që siguroi fitoren historike të Shqipërisë ndaj Serbisë, një moment që do të mbahet mend gjatë nga gjithë shqiptarët.

Kjo blerje e bën fanellën e Manajt fanellën e dytë më të shtrenjtë të Kombëtares shqiptare në ankand. Rekordin e mban fanella e Nedim Bajramit, e veshur në ndeshjen ndaj Italisë në Euro 2024, ku ai shënoi golin më të shpejtë në historinë e Kampionateve Europiane, pas vetëm 23 sekondash. Ajo fanellë u shit për 5,792 euro, duke ruajtur kështu statusin e saj si objekti më i çmuar i fanellave të Kombëtares shqiptare.

Këto ankande nxisin interesin dhe dashurinë për historinë e futbollit shqiptar, duke ruajtur dhe vlerësuar momentet më të rëndësishme të ekipit kuqezi.

The post Fanella historike e Manajt ndaj Serbisë shitet për 3,100 euro në ankand ndërkombëtar appeared first on iconstyle.al.

Rei Manaj po kalon një periudhë mjaft të mirë në karrierën e tij, duke shënuar me rregullsi në momentin më vendimtar edhe për Kombëtaren shqiptare.

Sulmuesi e tregoi me golin e shënuar kundër Serbisë, teksa këtë formë po e shfaq edhe në kampionat me fanellën e Al Sharjah në Emiratet e Bashkuara Arabe.

Sot, Manaj tundi rrjetën në ndeshjen e luajtur përballë Al Dhafra, të vlefshme për javën e 6 të kampionatit. Në fundin e pjesës së parë, ai mori një pasim në të majtën e zonës dhe me një gjuajtje të fortë po me të majtën mposhti portierin kundërshtar duke çuar shifrat në 2-0.

SHIH VIDEON

Ky ishte goli i dytë në kampionat për Manajn, i cili u transferua në kampionatin e Emirateve të Bashkuara Arabe vetëm gjatë merkatos së verës.

The post VIDEO/ Rei Manaj vazhdon formën fantastike, pas golit në Serbi tund rrjetën edhe në kampionat appeared first on Albeu.com.

TIRANË, 16 tetor /ATSH/ Elseid Hysaj është tashmë është lojtari me më shumë ndeshje me fanellën e Kombëtares shqiptare.

Për këtë rekord të tij dhe për fitoren e thellë të Shqipërisë kundër Jordanisë 4-2 mbrëmë në “Air Albania”, u fol në episodin e dytë të emisionit “Në Shtëpinë e Futbollit”, në FSHF TV.

Gjithashtu u diskutua edhe për fitoren 0-1 të Kombëtares shqiptare kundër Serbisë në Leskovac, me autor të golit, Rey Manajn.

Për emisionin “Në Shtëpinë e Futbollit”, dy protagonistët e Kombëtares në dy sfidat e fundit, Elseid Hysaj dhe Rey Manaj ndanë emocionet dhe momentet e tyre të veçanta me fanellën kuqezi.

Manaj si autori i golit historik në Leskovac ndërsa Hysaj si lojtari rekordmen i ekipit Kombëtar.

“Është një ëndërr. Në fillim kur kam luajtur me Kombëtaren nuk e kam menduar që mund të ngel në historinë e Kombëtares shqiptare për rekorde ndeshjesh. Tani që e arrita, është një ëndërr që plotësohet. Nuk e kisha menduar kurrë, por ja që ëndrrat arrihen.

Familja gjithmonë më ka mbështetur, e kam pritur këtë moment, pasi do të mbesë në histori. Këtë gjë do ta shohin edhe fëmijët e mi që në Kombëtare e kam lënë emrin tim dhe do të jetë për shumë kohë në regjistër”, u shpreh Hysaj.

Ndërsa sulmuesi Rey Manaj u shpreh se, nuk e kishte menduar që do të shkonim në Serbi dhe do të fitonim ndeshjen.

“Edhe po mos të kisha shënuar unë, po ta kishte bërë dikush tjetër, normal që do isha akoma më i kënaqur. Rëndësi ka që morëm tre pikët dhe bëmë historinë. Të gjithë lojtarët që luajtëm, ata që u futën në pjesën e dytë dhe që nuk luajtën, besoj që të gjithë kemi të njëjtën vlerë.

Të gjithë lojtarët kishim emocione para ndeshjes. Shqiponjën e bëra sepse ishte diçka që e ndjeva në atë moment, nuk e kisha planifikuar më parë dhe e ndjeva ashtu. Nuk ishte provokim as ndaj lojtarëve serbë, vetëm doja të festoja me shqiponjën. Kishim presion dhe shkoi çdo gjë ashtu siç donim”, theksoi Manaj.

/gj.m/a.f/

The post Hysaj dhe autor i golit historik në Serbi ndajnë emocionet e tyre appeared first on Agjencia Telegrafike Shqiptare.

Sulmuesi i Kombëtares së Shqipërisë, Rey Manaj, shënoi golin vendimtar që i dha fitoren kuqezinjve ndaj Serbisë të shtunën në Leskovc.

Goli i Manajt ishte vendimtar për Shqipërinë, duke i afruar më shumë play-offit që çon në Kupën e Botës.

Përmes një videoje të publikuar në Instagram, Manaj e ka kushtuar golin fëmijëve të luftës në Kosovë, duke shkruar se “kjo fitore është për ata”.

Kjo fitore e ka çuar Shqipërinë në 11 pikë në grup, ndërsa kanë mbetur edhe dy ndeshje deri në përfundim të fazës eliminatore.

Manaj ka luajtur si sulmuesi kryesor i kombëtares gjatë këtyre eliminatoreve, duke dhënë kontribut të madh për suksesin e skuadrës. /Telegrafi/

Rey Manaj shënoi gol historik në Leskovc. Sulmuesi i Kombëtares tundi rrjetën që mbrohej nga Petroviç, ndërsa Shqipëria fitoi 1-0 ndaj Serbisë. Sot, Manaj ka ndarë një video në rrjetet sociale. Montazhi është emocionues, pasi kujton eksodin e shqiptarëve dhe vështirësitë në Kosovë gjatë sulmeve të Serbisë. “Kjo fitore është për ata”, shkruan Manaj. Manaj […]

The post VIDEO/ Golin e fitores ndaj Serbisë, Rey Manaj ia dedikon shqiptarëve të eksodit në Kosovë appeared first on BoldNews.al.

Rey Manaj realizoi golin e fitores së Shqipërisë në Serbi, teksa pasi festoi me shqiponjë, ai u ndëshkua me karton të verdhë. Presidenti i FSHF-së, Armand Duka, bën me dije se Manaj mori karton për shkak se festoi në stolin e kundërshtarëve. “Manaj dhe çdo futbollist tjetër mund të festojnë me shqiponjë sa herë të duan dhe asnjëherë s’do të ndëshkohen me karton të verdhë.

Source

Sulmuesi Rey Manaj nuk është ndëshkuar me karton të verdhë por sepse festoi pranë stolit të ekipit kundërshtarë.

Manaj realizoi një super vollej ndaj Serbisë, mirëpo derisa po festonte, gjyqtari e ndëshkoi me karton të verdhë. Kishte mendime se kjo erdhi pasi bëri shqiponjën, ngase njëjtë e kishin pësuar edhe Xherdan Shaqiri e Granit Xhaka në të kaluarën.

Megjithatë, presidenti Armand Duka gjatë një bisede me gazetarin Blendi Fevziu ka konfirmuar se kartoni i verdhë erdhi si pasojë e një “sjellje antisportive”.

Rey Manaj

“Mandaj u ndëshkua me karton të verdhë sepse festoi pranë pankinës së kundërshtarit dhe quhet sjellje antisportive nga gjyqtari”.

“Simboli i shqiponjës nuk është festë që do të ndëshkohet kurrë, pasi lejohet”, konfirmoi ai.

Përndryshe, Shqipëria nesër do të zhvillojë miqësoren kundër Jordanisë në “Air Albania” me fillim nga ora 19:00./Telegrafi/

Në Kosovë po mbahen zgjedhjet lokale për 38-të kryetarët e rinj të komunave. Ndërkohë që fitorja e Shqipërisë 0-1 kundër Serbisë është manifestuar edhe në fletët e votimit. Në një prej tyre, një votues u ka hequr ‘vizën’ të gjithë kandidatëve dhe ka votuar Rey Manajn për kryetar komune në Rahovec, sulmuesin që i shënoi dje Serbisë.

Kosova sot zhvillon zgjedhjet lokale. Kjo është hera e dytë që qytetarët e Kosovës i drejtohen kutive të votimit pas zgjedhjeve të përgjithshme të zhvilluara më shkurt.

Kësaj here, 2.025.105 votues do të votojnë për të zgjedhur kryetarët dhe anëtarët e 38 komunave të vendit. Numri i qytetarëve që janë regjistruar për të votuar me postë nga jashtë Kosovës është 43,993 votues.

Të gjitha qendrat e votimeve janë hapur në orën 07:00 dhe do të qëndrojnë të hapura deri në orën 19:00. KQZ ka nisur që ditën e djeshme shpërndarjen e materialeve zgjedhore në Qendrat Komunale të Numërimit. Për mbarëvajtjen e procesit zgjedhor janë angazhuar institucionet si Policia, Prokuroria e Shtetit, Paneli Zgjedhor për Ankesa dhe Parashtresa, Këshilli Gjyqësor i Kosovës dhe Komisioni i Pavarur i Mediave.

Sipas Komisionit Qëndror të Zgjedhjeve, deri në orën 15:00 kanë votuar 25.2% e zgjedhësve.

Numri i subjekteve politike të certifikuara për pjesëmarrje në zgjedhje është 93, nga të cilat 32 parti politike, 2 koalicione, 32 iniciativa qytetare dhe 27 kandidatë të pavarur. Numri i përgjithshëm i kandidatëve të certifikuar dhe që përfaqësojnë këto subjekte politike është 5,624 kandidatë, prej të cilëve 205 kandidatë për zgjedhjet për kryetarë të komunave dhe 5,419 kandidatë për zgjedhjet për Kuvende Komunale.

The post Ndodh edhe kjo! Në Kosovë ‘votojnë’ Rey Manajn për kryetar komune appeared first on iconstyle.al.

Në Kosovë këtë të diel po mbahen zgjedhjet lokale për 38-të kryetarët e rinj të komunave.  Ndërkohë që fitorja e Shqipërisë 0-1 kundër Serbisë është manifestuar edhe në fletët e votimit. Në një prej tyre, një votues u ka hequr “vizën” të gjithë kandidatëve dhe ka votuar Rey Manajn, sulmuesin që i shënoi dje Serbisë […]

The post Në Kosovë “votojnë” Rey Manajn për kryetar komune appeared first on BoldNews.al.

Rey Manaj është heroi i momentit te të gjithë shqiptarët pas golit të shënuar ndaj Serbisë.

Shqipëria ka marrë fitore të madhe 0-1 ndaj Serbisë falë golit të sulmuesit lushnjar.

Me këto tre pikë Shqipëria thuajse ka siguruar fazën 'Play-Off' për Kupën e Botës.

E duket se tifozët shqiptarë nuk e kanë ndërmend ta harrojnë lehtë Rey Manajn, pasi një rast interesant ka ndodhur në Komunën e Rahovecit.

Një votues nga fshati Ratkoc i ka bërë 'X' të gjithë kandidatët e Komunës për Kryetar, derisa ka shkruar emrin e Rey Manajt duke e votuar sulmuesin shqiptar.

Sigurisht që kjo votë nuk është e vlefshme, por tifozi ka treguar dashurinë për golin e Manajt në Leskovc. /Telegrafi/

Pas golit vendimtar që i dha fitoren Shqipërisë ndaj Serbisë në Leskovac, Rey Manaj është nderuar në Mitrovicë me një grafit në mur. Artistët lokalë kanë përzgjedhur momentin kur sulmuesi bën simbolin e shqiponjës për të nderuar performancën e tij dhe emocionin që i dhuroi tifozërisë shqiptare. Grafiti ka shndërruar zonën në një atraksion për […]

The post Rey Manaj përjetësohet në grafit pas golit historik ndaj Serbisë appeared first on BoldNews.al.

Tiranë, 7 qershor, në “Air Albania” sapo ka nisur shtesa e pjesës së parë e sfidës Shqipëri-Serbi. Leskovac, 11 tetor, minuta e parë e shtesës e sfidës Serbi Shqipëri.

Në jetë suksesi dhe zhënjimi ecin përkrahë, por radhë herë ndodh që shpagimi për një dështim të vijë në të njëjtën orë dhe në të njëjtën minutë, megjithëse me një distancë kohore jo shumë të lartgët.

Kjo është historia e Rey Manaj, heroi i fitores së madhe të Shqipërisë në Serbi. Sulmuesi mori me vete gjithë kritikat e sfidës së vajtjes, kur gaboi nga pika e penalltisë.

Tani Manaj mund të flejë i qetë, madje duke parë edhe ëndrra të bukura me Botëror…. Për Rey Manaj, goli i shënuar në Leaskovac ishte i dhjeti në 43 paraqitje me kombëtaren e Shqipërisë.

Nga Lutfi Dervishi Rey Manaj shënoi mbrëmë golin që i hap rrugën Shqipërisë për pjesëmarrje në Botëror! Ishte momenti më i bukur i karrierës së tij dhe, ndoshta, i gjithë kombëtares shqiptare. Për atë emocion, ai tha se ishte i gatshëm të jepte 10 vite jetë. Gëzimi i tij u shpreh natyrshëm: fluturoi duke formuar […]

The post Karton i verdhë për shqiponjën?! appeared first on BoldNews.al.

Rey Manaj është kthyer në simbolin e krenarisë kombëtare pas golit historik që i dha Shqipërisë fitoren 1–0 ndaj Serbisë në Leskovc, në kuadër të kualifikimeve për Kupën e Botës 2026.

Sulmuesi nga Lushnja u bë heroi i mbrëmjes me një goditje të jashtëzakonshme që vulosi një nga fitoret më të rëndësishme në historinë e futbollit shqiptar.

Pas këtij suksesi, emocionet dhe entuziazmi i tifozëve kuqezi kanë qenë të jashtëzakonshme. Në Mitrovicë, në shenjë falënderimi dhe respekti, është realizuar një mural e dedikuar Rey Manajt, e cila tashmë po bëhet simbol i fitores dhe bashkimit kombëtar.

Në muralin e krijuar, Manaj paraqitet duke bërë simbolin e shqiponjës dykrenare pas golit në stadiumin e Leskovcit, moment që elektrizoi gjithë kombin shqiptar.

Sipër murales janë vendosur flamuri shqiptar dhe ai me mbishkrimin “Autochthonous”, i cili kujton simbolin që u lëshua me dron në Beograd në vitin 2014 nga Ballist Morina – një akt që mbetet pjesë e kujtesës historike në marrëdhëniet sportive mes dy vendeve.

Kjo murale është pritur me entuziazëm nga qytetarët e Mitrovicës dhe tifozët në rrjetet sociale, të cilët e kanë cilësuar Manajn si “heroin e Leskovcit” dhe “njeriun që ngriti kokën e gjithë kombit shqiptar”.

Fitorja ndaj Serbisë jo vetëm që i dha Shqipërisë tre pikë të arta në rrugën drejt Kupës së Botës 2026, por gjithashtu ringjalli ndjenjën e unitetit dhe krenarisë që futbolli arrin të sjellë në çdo cep të botës ku valon flamuri kuqezi. /Telegrafi/

Mbrëmë, Shqipëria arriti një fitore historike 1-0 ndaj Serbisë në qytetin e Leskovacit, në një ndeshje plot emocione dhe tension.

Heroi i mbrëmjes ishte Rey Manaj, i cili shënoi një super gol që i dha skuadrës kuqezi tre pikë të arta dhe ringjalli shpresat për Botërorin.

Kombëtarja e Shqipërisë

Fitorja ka ngjallur reagime të shumta nga figura publike, sportistë dhe qytetarë, të cilët kanë shprehur krenarinë e tyre për këtë arritje.

Ndër reagimet më të komentuara është ai i këngëtarit të njohur Luiz Ejlli, i cili publikoi një mesazh frymëzues në InstaStory.

Në reagimin e tij, Ejlli shkruan: “Sonte Shqipëria tregoi shpirtin e një kombi që nuk dorëzohet kurrë. Kjo fitore është mesazh krenarie, uniteti dhe besimi. Është kujtesë se kur jemi bashkë, jemi të pathyeshëm. Sonte kemi dëshmuar se Shqipëria nuk shkon në Botëror për të marrë pjesë, por për të bërë histori!”

Ky mesazh i fortë ka prekur shumë ndjekës dhe është shpërndarë gjerësisht në rrjetet sociale, ku mijëra tifozë kanë shprehur emocionet e tyre për fitoren kundër rivalit historik. /Telegrafi/

Luiz Ejlli/InstaStory

TIRANË, 11 tetor /ATSH/ Kombëtarja shqiptare e futbollit ka fituar 0-1 mbrëmjen e sotme ndaj Serbisë në stadiumin “Gradski stadion Dubočica”, në Leskovac, sfidë kjo e vlefshme për Grupin K kualifikues të Kupës së Botës.

Fitorja e kuqezinjve erdhi pas golit të shënuar nga sulmuesi Rey Manaj në minutën e fundit të pjesës së parë.

Kryeministri Edi Rama ndau emocionet pas kësaj fitoreje të rëndëisshme si dhe foto nga atmosfera në kryeqytet.

“Fitore me gol, fitore me lojë, fitore me zemër kuqezi”, shkroi Rama.

Shqipëria renditet e dyta në grupin K të eliminatoreve të Botërorit 2026 me 11 pikë pas 6 ndeshjeve, ndërsa Serbia renditet e treta me 7 pikë pas 5 ndeshjeve.

Grupi kryesohet nga Anglia me 15 pikë pas 5 ndeshjeve. Ekipi i renditur i dyti në grup shkon në “play off”-in për Botërorin 2026.

Fitorja në këtë ndeshje shënon një hap të madh drejt kualifikimit për Kupën e Botës 2026, që do të zhvillohet në SHBA-Kanada dhe Meksikë.

1 nga 2

/gj.m/ /a.g/

The post Rama: Fitore me zemër kuqezi appeared first on Agjencia Telegrafike Shqiptare.