Ish-deputeti Ervin Salianji, i ftuar në emisionin Studio24, ka folur për situatën brenda Partisë Demokratike, pasi nuk u lejua të garojë për kreun e partisë përballë Sali Berisha. Ai u ndal edhe te kandidimi i Mereme Selës, e cila më pas u përjashtua nga gara.

Salianji deklaroi se është i vetmi kandidat që ka paraqitur një platformë konkrete për drejtimin e PD-së, duke përfshirë çështje që lidhen me raportin ndaj SPAK, marrëdhëniet me Shtetet e Bashkuara të Amerikës, organizimin e degëve të partisë dhe përzgjedhjen e kandidatëve për deputetë.

“Jam i vetmi që kam depozituar platformë, nga mënyra e qasjes ndaj SPAK-ut, te marrëdhënia me SHBA-në, rienergjizimi i degëve të PD-së, buxheti, pajtueshmëria e mandatit të kryetarit të degës dhe ndarja e listave të kandidatëve për deputetë. E kam dorëzuar dhe anëtarësia e di. Edhe në takimin e Dibrës e kam përmendur. Kandidati tjetër nuk ka platformë fare”, tha ai.

Ai u ndal edhe te procesi i përzgjedhjes së kandidatëve për deputetë, duke pretenduar se meritokracia është rrëzuar dhe se janë përjashtuar figurat më të votuara në primare.\

Ai u ndal edhe te largimi nga lëvizja e nisur prej tij i figurave si Ilir Alimehmeti dhe Aulon Kalaja.

Salianji deklaroi se pakënaqësia ndaj drejtimit të Berishës brenda PD-së është shumë më e madhe sesa duket publikisht.

Ai shtoi se nuk e ka çuar çështjen në gjykatë pasi ka preferuar një zgjidhje politike brenda partisë.

“Nuk e kam çuar në gjykatë sepse kam dashur të ketë një zgjidhje politike. Unë po kërkoj që PD të jetë fituese. Ndërkohë ai thotë: ‘Pse e do fituese, se je mirë me Ramën’”, deklaroi ish-deputeti.

Duke komentuar largimin e figurave të njohura nga lëvizja e nisur prej tij, Salianji tha se nuk e di se kë do të mbështesin Ilir Alimehmeti dhe Aulon Kalaja në garën e brendshme të PD-së.

“Unë nuk e di kë do votonin Alimehmeti dhe Kalaja. Kur Edi Rama doli kundër Fatos Nanos, kë kishte në krah? Askënd”, tha ai.

Salianji theksoi se lëvizja e nisur prej tij ka prodhuar efekte konkrete brenda partisë, duke përmendur emërimet e fundit në strukturat e PD-së.

“Po nuk ikën këta që nga roje koteci, nuk fiton dot. Unë e kam arritur një qëllim. Me një kafe, njëri u bë kryetar. Më i votuari në listën e Durrësit u bë kryetar në Krujë. Tjetri pritet të jetë kandidat për Bashkinë e Tiranës. Nuk i përfillnin më parë. Si mund të thuhet që nuk kam arritur gjë? Edhe kjo është pjesë e strategjisë”, deklaroi ai.

Në fund, Salianji theksoi se beteja e tij nuk synon dëmtimin e PD-së, por rikthimin e partisë në një forcë konkurruese përmes votës dhe figurave që sjellin mbështetje.

“Nuk ndihmoj Berishën, unë do të shkoj te vota sepse dua që PD të fitojë. Nuk dua të shkatërroj PD-në. Figurat duhen për të sjellë njerëz, por nëse një figurë publike largon njerëzit, atëherë këtë problem duhet ta zgjidhim”, përfundoi ai.

Salianji deklaroi se protestat e PD po humbasin efektin dhe po demotivojnë qytetarët.

“Çdo protestë që organizojnë duke thënë se ka si objektiv qeverinë teknike apo rrëzimin e Ramës, e rrëzon vetëm në mendjen e vet. Kjo vetëm demotivon njerëzit. Ose protesta bëhet me një qëllim të caktuar, për të reaguar kundër korrupsionit dhe problemeve konkrete, ose humbet kuptimin”, u shpreh ai.

 

Sipas ish-deputetit, protestat e fundit po përdoren më shumë si instrument për të ruajtur status quo-në brenda PD-së sesa për të sfiduar qeverinë.

 

“Protesta që ka si qëllim politik largimin e Ramës dhe qeverinë teknike po zvogëlohet gjithnjë e më shumë. Ajo protestë është kundër meje. Është rezistencë për të mos ndryshuar. Është protestë kundër të gjithë njerëzve që mendojnë se Sali Berisha nuk duhet të jetë kryetar”, deklaroi Salianji.

Ai shtoi se mënyra si po organizohen protestat aktualisht po i shërben më shumë qeverisë sesa opozitës.

“Ai është shërbimi më i madh që i bëhet qeverisë. Vret nervin e protestës dhe shpresën”, tha ish-deputeti.

Në fund, Salianji u shpreh se qytetarët do të reagonin vetë ndaj qeverisë nëse lidershipi aktual i PD-së do të tërhiqej për një periudhë nga skena publike.

“Po të mos dilte fare lidershipi i PD-së dhe të rrinte dy muaj pa dalë në televizione, populli do të dilte vetë përpara qeverisë. Populli e kupton dhe e merr mesazhin”, përfundoi ai.

gijotina.com/

Ministri grek i Mbrojtjes, Nikos Dendias, ka deklaruar (për herë të parë zyrtarisht) se droni detar i mbushur me eksploziv i gjetur në brigjet e Lefkadës (për të cilin autoritetet thanë se mund të ishte nisur nga porti i Vlorës ose nga Libia), ishte ukrainas. Dendias e cilësoi praninë e tij në Mesdhe si “një çështje jashtëzakonisht serioze”.

Nga Brukseli, gjatë mbërritjes në Këshillin e Ministrave të Mbrojtjes të Bashkimit Europian, ai bëri të ditur se informoi homologët e tij europianë, në prani edhe të ministrit ukrainas të Mbrojtjes përmes një videokonference.

“Do të kem mundësinë të informoj kolegët e mi, në prani edhe të ministrit ukrainas të Mbrojtjes, për të dhënat që lidhen me dronin që nxorëm nga deti në Greqi, mjetin detar pa pilot për të cilin tashmë jemi të sigurt se është ukrainas. E kuptoni se prania e këtij droni detar ndikon në lirinë e lundrimit, por edhe në sigurinë e lundrimit. Kjo është një çështje jashtëzakonisht serioze”, tha mes të tjerash Dendias.

Sipas informacioneve nga Brukseli, ministri ukrainas i Mbrojtjes nuk dha një përgjigje të menjëhershme, por u rezervua të hetojë çështjen dhe të rikthehet me sqarime.

Droni detar u gjet disa ditë më parë pranë Lefkadës nga peshkatarë dhe më pas u tërhoq në portin e Vasilikit. Sipas ekspertëve grekë të sigurisë, bëhet fjalë për një mjet ushtarak të tipit “Magura V5”, i mbushur me rreth 100 kilogramë eksploziv, me aftësi për të goditur anije në sipërfaqe. Autoritetet greke po hetojnë gjithashtu nëse objektivi i tij mund të ishte një cisternë ruse që lëvizte në Mesdhe.

Një ditë më parë, edhe ministri i Jashtëm grek, Giorgos Gerapetritis, foli për “një zhvillim shumë serioz”, duke paralajmëruar se Greqia nuk do të lejojë që Mesdheu të kthehet në teatër operacionesh ushtarake. Ai deklaroi se, sapo të përfundojë hetimi teknik nga Shtabi i Përgjithshëm, qeveria greke do të ndërmarrë “hapat e nevojshëm diplomatikë”.

Ndërkohë, opozita greke kërkon sqarime të plota nga qeveria në Parlament, duke pyetur se si është e mundur që një dron ushtarak me eksploziv të arrijë në Detin Jon pa u zbuluar më herët dhe nëse ekziston rreziku që konflikti mes Ukrainës dhe Rusisë të transferohet pranë brigjeve greke.

gijotina.com/

Prej dy dekadash, Bashkia Tiranë vazhdon të shpenzojë paratë e taksapaguesve për monitorimin e trafikut në kryeqytet, pa sjellë akoma ndonjë rezultat.

Qyetarët nuk kanë asnjë të dhënë se cfarë monitorohet dhe përse përdorenr këto të dhëna. E megjithatë, kryetarja e komanduar e Bashkisë Tiranë, Anuela Ristani, vazhdon si robot, pa asnjë ndryshim program- projektin e Erion Veliajt.

Këto ditë Ristani shpalli tenderin për këtë qëllim dhe favorite është kompania One Albania. Kjo e fundit, megjithëse është vënë në qendër të akuzave për cilësinë e shërbimit dhe rritjen e tarifave, vazhdon të marrë tenderat e bashkisë. Mijëra qytetarë janë ankuar për mungesë shërbimesh, duke nisur nga sinjali dobët, shkëputje interneti apo edhe prishje të sistemit. Akuza ka pasur edhe nga abonentë të cilët kishin paguar faturat, por në sistemin e tyre dilnin debitorë.

Pavarësisht se kishin fatura të lëshuara nga bankat apo institucionet e tjera, sërish këta qytetarë u endën për shumë javë në dyert e kësaj kompanie. Sikur të mos mjaftonin këto, kompania sapo ka rritur në mënyrë të njëanshme tarifat dhe për këtë cështje është nën hetim nga Autoriteti i Konkurrencës. Cili është reagimi i shtetit? I jepen paratë e buxhetit me tendera!

Kështu, edhe pse Erion Veliaj është në burg, biznesin me One Albania e vazhdon vëllai i tij që për momentin është në detyrim paraqitje në SPAK.

Ajo që të revolton është se këto gjysmë milioni euro që i merr One Albania nuk i sjellin qytetarëve asnjë ndryshim në jetn e përsitshme nën kaos nga trafiku urban.

Por nëse u monitoroka trafiku, pse nuk lajmërohen banorët që kjo apo ajo rrugë ka trafik? Pse nuk ndodh kjo si në të gjithë botën, ku bashkitë lajmërojnë në cdo moment për ngjarjet në trafik?! Të vetmet njoftime janë ato komunikatat e tmerrshme të Policisë së Shtetit, që bllokojnë gjithë Tiranën për një pprotestë, apo për një delegacion.

Që të jemi korrekt, vitin e kaluar, më 7 gusht 2025, Bashkia e Tiranës njoftoi se qytetarët që përdorin transportin publik në Tiranë, përmes Google Maps mund të gjurmojnë në kohë reale autobusat e linjave në kryeqytet.

“Ky projektt u realizua nga GIZ Albania dhe Bashkia Tiranë me mbështetjen e Albanian Technology Distribution (ATD). GTFS-RT (Real-Time General Transit Feed Specification) është integruar me sukses në Google Maps”, thuhet në njoftimin për mediat të bashkisë së Tiranës te asaj kohe.

Sigurisht, që edhe ky njoftim ishte thjesht në kuadrin e një projekti, e thënë ndryshe të një fondi që mundësohej nga Fondacioni Gjerman GIZ.

Por vetë bashkia nuk bën punët e saj që të funksionojë ky projekt. Duke filluar nga fakti se në asnjë stacion nuk ka orar për autobusët urbanë dhe deri tek fakti se nuk një azhornim të të dhënave të rrugëve dhe kryqëzimeve. Kompanitë e transportit urban janë krej jashtë kontrollit pasi marrin licencat dhe nuk kanë lidhje me oraret.

Prandaj, edhe kjo “përpjekje” është harruar direkt pas një postimi në instagram. Kurse qytetarët nuk kanë ku të marrin informacionin që u duhet të orientohen, si rrjedhojë humbin kohën në pritje të urbanëve.

Ndërkaq Anuela Ristani dhe zyrtarët e prokurimit të bashkisë Tiranë vazhdojnë me tenderin pa lidhje. Objekti i prokurimit është “Ofrimi i shërbimit online për monitorimin e trafikut urban”.

Fondi limit i caktuar të dalë nga arka e bashkisë për ktë shërbim është 400 milionë lekë pa TVSH dhe në 8 qershor 2026 do mbahet formalisht procedura. Ashtu si vitet e kaluara, nuk pritet surprizë, sepse me 99% të mundësive fituesi është One Albania.

Është i njëjti tender, copy paste si para dy vjetëve, po ai numër kamerash dhe pikash transmetimi.

Nëse kjo qendër e monitorimit do të funksiononte, do të kishim parë rezultat dhe nuk pritet të ndodhë, përderisa paratë shpenzohen në mënyrë korruptive.

Ndërkaq, Bashkia dhe një kompani tjetër celulare ofrojnë aplikacionin “Tirana ime”, i cili nuk jep të dhëna të sakta për trafikun dhe më shpesh nuk funksionon.

Monitorimi i trafikut me kontratë aktuale mundësohet nga One Albania qysh nga 20 maj 2024. Kur ka përfituar fondin 453 milionë lekë.

Ndërsa më 31 dhjetor 2020, ALBTELECOM SHA (ish-One Albania) ka përfituar tenderin 606 milionë lekë për dy vite.

Dyshimet janë se kjo është një skemë korruptive “Bashkia Tiranë-One Albania”. SPAK është duket hetuar për rolin e kompanisë “Gogel” të Arbër Veliajt.

Prokuroria e Posaçme (SPAK) ka ngritur dyshime mbi një skemë të mundshme trafiku influencash ndërmjet kompanisë telefonike “One” dhe shoqërisë së promocionit “Gogel”, të Arbër Veliajt, vëllait të kryebashkiakut të arrestuar të Tiranës, Erion Veliaj.

Sipas dokumentave hetimore, kompania “One” paguan Arbër Veliajn për marketing dhe promovim, ndërkohë që fiton tendera (pa garë) në Bashkinë e Tiranës, e drejtuar nga vëllai i madh i familjes Veliaj, Erioni.

“Nga hetimi rezulton se klienti kryesor i ‘Gogel shpk’ është shoqëria ‘One Albania’, me një total shitjesh prej 551.6 milione lekë të reja”, thuhet në vendimin e gjykatës për caktimin e masës së sigurisë “arrest me burg” për Erion Veliajn.

Në vijim, në vendimin e Gjykatës së Posaçme jepen detaje të përfitimeve që ka marrë kompania “One” nga bashkia e Tiranës, nën drejtimin e Erion Veliaj.

“Nga ana tjetër, evidentohet se kompania ‘ONE Albania’ ka marrë pjesë në disa procedura të prokurimit publik dhe ka arritur të shpallet fituese në disa prej tyre, duke bashkëpunuar kryesisht me qeverisjen vendore Tiranë”, thuhet në vendim.

Gjykata, bazuar në hetimet e Prokurorisë së Posaçme, citon edhe tenderat e fituar nga “One Albania” në Bashkinë e Tiranës.

“One” ka fituar disa procedura në Bashkinë e kryeqytetit, “përfshirë këtu tenderin e vitit 2024 me ojekt ‘Shërbimi i infrastrukturës së dedikuar optike dhe shërbimeve data’, me një fond limit prej 744 milionë lekë.

Gjithashtu, siç citohet në vendimin gjyqësor , “një tjetër projekt i rendësishëm ka qenë ofrimi i shërbimeve on-line për monitorimin e trafikut urban në Bashkinë e Tiranës.

Thelbi i konfliktit të dyshuar të interesit është fakti që përgjegjëse e fushatës publicitare të kompanisë ‘One” është shoqëria “Gogel”, në pronësi të Arbër Veliaj, vëllait të kryebashkiakut të Tiranës, Erion Veliaj.

Nëse tenderi i hapur rishtazi për monitorimin e trafikut do të shkojë sërish në arkën e One Albania, kjo do të provonte vazhdimësinë e skemës së ngritur nga Veliaj.

gijotina.com/

Në seancën 16 prillit në Këshillin e Lartë të Prokurorisë ka pasur debate të forta mes anëtarëve, të cilat nisën menjëherë pasi kryetarja e KLP-së, Mirela Bogdani, propozoi që në rendin e ditës të shtohej edhe ‘diskutimi i çështjes së shumicës në një nga vendimet e shpalljes së vendeve të lëvizjeve paralele në Prokurorinë e apelit’.

Në audion zyrtare të regjistruar nga vetë KLP, dëgjohet anëtari i KLP-së, Sokol Stojani, i cili e kundërshtoi ashpër propozimin e saj, duke u përfshirë në një debat të ndezur me Bogdanin.

Sipas Stojanit, vendimet e marra nuk mund të diskutohen më, duke paralajmëruar Bogdanin se do të mbajë përgjegjësi. Kryetarja e KLP-së këmbënguli se në mbledhjen e 16 prillit nuk do të merrej një vendim, por vetëm do të diskutohej. Mbledhja në KLP nuk zgjati as një orë dhe u ndërpre për shkak të debateve të forta.

Bogdani: Ore nuk do marrim vendim sot.

Stojani: O kryetare, je në kundërshtim me ligjin. Ti të paktën duhet ta njoftosh anëtarin. Është përdhunim moj kryetare. Të kërkosh ti të diskutosh

Bogdani: Po pse vetëm ju ndiheni i përdhunuar zoti Stojani? Ne të tjerët e kuptoni sesi ndihemi pas këtyre fyerjeve dhe ofendimeve?

Bogdani: Mbledhjen e deklarojmë të mbyllur. Të qetësohen palët, të rehabilitohen dhe të vijnë në mbledhjen tjetër. Mirupafshim!

Stojani: Ju po sabotoni mbledhjen e Këshillit.

Bogdani: Unë po sabotoj?!

Stojani: Duke futur gjëra dhe duke penguar veprimtarinë e këtij Këshilli. Kryetare do të mbani përgjegjësi për këtë.

Bogdani: Do të mbaj!

Stojani: Do mbani përgjegjësi po të them.

Bogdani: Në litar do më varësh, e di..

Stojani: Po ç’litar aman, s’je ti për litar. Ashtu të ngre në qiell. Turp të të vijë njëherë. Keni mbledh gjithë njerëzit këtu për t’i mbajt njerëzit peng për gjëra ordinere.Jo,joo.. A ka gjë më ordinere se të rishikosh një vendim të marrë? S’ka gjë më ordinere se kjo. Ky është problem konceptual

Bogdani: Po është diskutim. Në qoftëse ti…

Stojani: Po s’ke diskutim moj. Po nuk diskutohet një vendim moj. Po nuk diskutohet një vendim i marrë moj, po nuk diskutohet… Moj kryetare…

Bogdani: Ore kështu e gjykova. Kush je ti që më tregon mua?

Stojani; Po kush je ti që vë në diskutim moj?

Bogdani: Po rrëzoje o burrë..

Stojani: Po nuk rrëzohet moj…

Bogdani: Dakord, mbase jam çmendur unë.

Stojani: Po je çmendur moj, je çmendur. Po je çmendur…, po je çmendur moj..

Bogdani: Nuk merrem dot, nuk merrem dot me njerëz të përdhunuar, kaq, kaq…

Stojani: Ti nuk mund të zhbësh dot një vendim moj zonjë e dashur, nuk e zhbën dot, nuk e zhbën dot.

Anëtari i KLP-së: Po atë nismën tonë

Bogdani: Po patjetër mo, po ju nuk të lini hapësirë

Stojani: Po jo, se në këtë hapësirë ti do me fut ato muhabetet e tua.

Bogdani: Ore ashtu e gjykova.

Prokurori Sokol Stojani dhe kryetarja e Këshillit, Mirela Bogdani kanë pasur edhe debate të mëparshme me njëri-tjetrin. Në tetor të vitit të kaluar, ata u përfshinë në një debat të ashpër, në lidhje me procedurën e ndjekur për plotësimin e një vendi vakant në Prokurorinë e Sarandës.

gijotina.com/

Kryetarja e komanduar e Bashkisë së Tiranës, Anuela Ristani, është përfshirë në një debat të ashpër me këshilltarë të mazhorancës gjatë mbledhjes së fundit të Këshillit Bashkiak.

Debati është fokusuar te situata e pastrimit të qytetit dhe kërkesat për më shumë llogaridhënie nga drejtuesit vendorë.

Gjatë diskutimeve, tensionet janë rritur mes Ristanit dhe disa këshilltarëve të pranishëm.

Në një moment të mbledhjes, Ristani i është drejtuar një prej këshilltarëve me një reagim të drejtpërdrejtë, duke thënë se mund të shkarkohet nëse kjo është zgjidhja, ndërsa përplasjet kanë vijuar edhe me këshilltarë të tjerë që kërkonin përgjegjësi më të madhe për menaxhimin e qytetit.

gijotina.com/

Për dekada të tëra Lezha është shndërruar në një qytet ku gjakmarrja është kthyer në një sagë e cila ka marrë shumë jetë njerëzish. Siç është edhe ajo midis familjeve Nikulaj dhe Lekstakaj. Dy familje të hershme në këtë qytet, të cilat kanë humbur shumë anëtarë të tyre. Një lumë i pambarimtë gjaku që nis për një shumë qesharake parash prej 10 mijë lekësh të vjetra, pikërisht 30 vite më parë. Familje të cilat sot paguajnë shuma të mëdha parash për të shuar njëra-tjetrën.

Konflikt i cili duket i vështirë për t’u shuar midis dy fiseve, që vetëm në 3 vitet e fundit nga shkrepja e ndërsjelltë e armëve kanë humbur 3 anëtarë. Familje që tashmë rrinë të ngujuara, si dhe fëmijë që rriten në trauma dhe zgjidhja duket e largët.

Nikolin Marku ishte pikërisht një nga viktimat e shumta të këtij konflikti të përgjakshëm dhe të pambarimtë midis fiseve Nikulaj dhe Lekstakaj.

Ai nuk kishte shumë që kishte dalë nga banesa e tij, kur u qëllua për vdekje nga një batare plumbash, që i morën jetën në derën e dyqanit ku sapo kishte blerë një shishe Coca-Cola, në fshatin Balldre të Lezhës. Atë pasdite të parakrimit ai ishte në banesën e tij bashkë me familjarë të tjerë kur u çua dhe mori makinën e vëllait të tij, për t’u drejtuar për në dyqanin më të afërt.

Dyqan që ndodhej jo më larg se 1 km nga shtëpia e tij. Një nxitim i tillë sa ai doli nga shtëpia me shapkat e para që gjeti në pragun e derës. Ngut që u pa edhe te mënyra se si e la automjetin me të cilin udhëtoi pranë dyqanit, ku u ndal të psoniste, atë pasdite të nxehtë korriku.

Makinë e cila u gjet e ndezur, ashtu siç ai e kishte lënë, vetëm 10 metra përballë marketit, ku ai do të qëllohej nga një automjet që e priste jashtë tij.

Nikolin Marku, i cili u pa i dergjur i pajetë në shkallët e dyqanit, ku sapo kishte dalë me shishen e Coca-Colas në dorë. Shishe e Coca-Colës e cila u gjet vetëm pak metra larg trupit të tij, ashtu si dhe shapkat verore që mbante mbathur.

Një vrasje e paralajmëruar, për të cilën edhe vetë viktima dhe familjarët e tij, mund edhe ta kishin parashikuar. Ose të paktën mund të ishin në dijeni prej kohësh.

Qysh prej të paktën kur një tjetër vrasje kishte tronditur Lezhën. Aty ku prej vitesh fisi dhe familja e tij rronin në një hasmëri të gjatë dhe të thellë me fisin e Nikulajve. Nikulajt, me të cilët Lekstakajt, mbiemri i vërtetë i viktimës, ishin lidhur në një seri të gjatë dhe të pambarimtë episodesh të përgjakshëm që nisnin që nga mesi i viteve ‘90 dhe që nuk kishin ndalur as në vitet e fundit.

Aty ku atentati që trazoi edhe njëherë mëritë e vjetra dhe ktheu armët sërish ndaj njëri-tjetrit ishte ai ndaj biznesmenit dhe politikanit lokal me influencë në zonën e Lezhës, Ardian Nikulaj.

Nikulaj i cili u qëllua për vdekje brenda lokalit të tij në Shëngjin mesditën e datës 19 Prill 2023. Nga një person i maskuar me skafandër në kokë që iu afrua dhe e qëlloi për vdekje me disa plumba.

Person që më pas u identifikua si Ruben Saraiva, një shtetas portugez. Që kishte mbërritur në Shqipëri më datë 14 Shkurt 2023 dhe që ishte pritur në aeroport nga Edmond Haxhia dhe e fejuara e këtij të fundit.

Haxhia që është nip te Lekstakajt dhe që akuzohet nga Prokuroria e Lezhës si organizatori dhe financuesi i vrasjes së Ardian Nikulaj. Duke marrë kështu gjakun e familjes së tij. Vrasje e cila më pas mesa duket rihapi edhe njëherë “kutinë e pandorës” në Lezhë.

Duke rikthyer kohët e errëta midis dy fiseve, ku plumbat nuk kursenin askënd. Ashtu siç në fakt ishte edhe fundi tragjik i 42 vjeçarit, Nikolin Marku, babait të një vajze të mitur.

Që nuk i shpëtoi dot hasmërisë midis dy fiseve. Ose të paktën kështu pretendojnë të afërmit e tij.

Të cilët besojnë se vrasja e tij lidhet me gjakmarrjen që Nikulajt kanë me Lekstakajt. Vrasja e Nikolin Markut që çuditërisht erdhi në datën e 3 mujorit të ekzekutimit të Ardian Nikulaj.

Por pse familjarët e Nikolin Markut besojnë se vrasja e tij u krye nga fisi Nikulaj, si shenjë hakmarrje për eleminimin e biznesmenit?

Ndërkohë që vetëm disa javë më parë Gjykata e Lezhës dënoi me burgim të përjetshëm portugezin Ruben Saraiva, i gjendur fajtor për ekzekutimin e Ardian Nikulaj.

Ndërsa pjesa e tjetër e grupit që u përfshi në vrasje vazhdojnë të jenë në përballje me drejtësinë në Britaninë e Madhe, duke përfshirë edhe Edmond Haxhian, atë që u tha se është financuesi dhe organizatori i vrasjes së Nikulajt.

Cila ishte lidhja farefisnore e viktimës Nikolin Marku, alias Lekstakaj, me Edmond Haxhian, personin që dyshohet se është porositësi i vrasjes së Nikulaj?

Vrasja e Nikolin Markut që siç thamë vinte saktësisht në tre mujorin e ekzekutimit të Ardian Nikulaj.

A ishte kjo një rastësi, apo porositësit e krimit kishin dashur të linin një mesazh?

Apo dikush tjetër ishte i interesuar të përfitonte nga hasmëritë midis dy fiseve, dhe gjeti pikërisht këtë mënyrë, për të rindezur edhe njëherë zjarrin midis dy familjeve?

Por para se të shkojmë te këto aludime, le të ndalemi fillimisht te mënyra se si u ekzekutua Nikolin Marku, në fshatin Balldre të Lezhës, atë pasdite të datës 19 Korrik 2023.

Do të ishte pikërisht këtu vendi ku u gjet i pajetë i qëlluar me disa plumba Nikolin Marku.

Viktima që u pa i përmbysur në tokë, mbuluar nga gjaku, i goditur pa zbritur mirë shkallët e dyqanit, ku nuk kishte qëndruar gjatë.

Marku i cili si pasojë e bataresë së plumbave të derdhur ndaj tij kishte humbur drejtpeshimin.

Gjë që u vu re edhe te mënyra se si ishin shpërndarë në vendngjarje, shishja e Coca -Colës që sapo kishte blerë dhe shapkat verore që mbante veshur në atë moment.

jo pasi jo vetëm në trupin e tij, apo në vendngjarje, por edhe në marketin nga ku ai doli, u gjetën disa plumba të shpërndarë në brendësi të tij. Atentat që u krye në sy të një fëmije të mitur dhe nënës së tij, që shërbente në këtë dyqan.

Të cilët vetëm fati u tregua bujar me ta, dhe i shpëtoi paq nga breshëria e plumbave që kishin fluturuar deri te raftet e produkteve ushqimore.

Dëshmitarët të cilët deklaruan se kishin parë një makinë me xhama të zinj të qëndronte përballë marketit dhe nga brenda saj të qëllohej me furi në drejtim të viktimës, Nikolin Marku, pa pritur madje as të afrohej te makina e tij, por në shkallët e dyqanit, pa i zbritur të plota ato.

Vetë vëllai i viktimës, i marrë në pyetje nga policia e Lezhës, tregoi se në momentin e ngjarjes ai kishte qenë në shtëpi me të ëmën.

Ai tha gjithashtu se krismat i dëgjoi, por nuk i shkoi kurrsesi as në mendimet e tij më të këqija se objektivi ishte vëllai i tij.

Ndërsa tashmë ishte e qartë që atentatorët nuk kishin marrë aspak parasysh se në brendësi të marketit ndodheshin edhe persona të tjerë të cilëve u rrezikohej jeta.

E vetmja gjë që duket se ata kanë pasur bindje, ishte eleminimi me çdo kusht i viktimës.

Atë që në fakt e realizuan me sukses.

Aq e fortë ishte shkreptima e armëve sa sipas ekspertizës në vendngjarje, ciflat e xhamit të vitrinës së shpuar nga plumbat, u gjetën 10 metra në distancë nga dyqani.

Teksa dëshmitar i ngjarjes u bë edhe një 16-vjeçar, i cili tha për hetuesit se pasi dëgjoi të shtënat, i tmerruar iku me vrap, duke u fshehur në pjesën e pasme të marketit.

I njëjti që deklaroi se pasi autorët qëlluan ata u larguan me automjetin e zi me të cilin kishin mbërritur aty.

Ndërsa familjarët e viktimës, thanë se Nikolini kishte afro 2 vite që qëndronte ne Shqipëri, dhe pas ekzekutimit të Ardian Nikulaj, i kishte kufizuar së tepërmi lëvizjet.

Por çfarë thanë për grupin hetues, familjarët e Nikolin Markut dhe pse ata besojnë se vrasësit e njeriut të tyre të dashur, janë porositur dhe financuar nga njerëz nga familja Nikulaj?

Çfarë ndodhi dy ditë përpara se Nikolin Marku të vritej dhe përse babai i tij mendon se ato fantazma që lëviznin kudo si hije ku ata shkelnin, ishin njerëz që u ishin vënë pas për t’i eleminuar?

Detaje të cilat ai i deklaroi edhe gjatë intervistimit të tij në polici, pas vrasjes.

Dhe çfarë po ndodh sot me familjen Marku, pas ekzekutimit të njeriut të tyre të dashur.

Përse kamerat e sigurisë në vendngjarje, nuk arritën të zbulojnë diçka më konkrete përsa i përket autorëve të ngjarjes.

Dhe a është ky rasti kur hetimet nuk janë bërë të plota, por policia si në shumë ngjarje të tjera gjendet e kompromentuar me krimin?

Automjet me të cilin dyshohet se viktima ka ardhur në dyqan për të blerë një Coca-Cola, duke e parkuar atë përballë dhe lënë të ndezur. Dhe pasi ka blerë Coca-Colën, ai ka dalë nga dyqani për të hipur në automjet përsëri, kur tek shkallët është qëlluar me armë zjarri dhe ka gjetur vdekjen e menjëhershme. Por edhe pse policia ngriti pika kontrolli më rrugët hyrëse dhe dalëse nga ku mund të kishin lëvizur autorët dhe makina e tyre para dhe pas krimit, këto postoblloqe rezultuan të paefektshme.

Kjo pasi nuk u shqua asnjë gjurmë nga makina e krimit. Por nëse policia nuk gjeti asnjë gjurmë të tillë, familja e viktimës dhe konkretisht babai i tij, Gjergj Lekstakaj, ngriti gishtin e akuzës ndaj familjes Nikulaj. Duke i akuzuar ata si vrasës të të birit. Pretendime sipas tij të mbështetura, edhe në informacionet që ata kishin se makina e vrasësve para se të qëllonte të birin, kishte dalë nga zona e Nikulajve.

Gjergj Lekstakaj
Dy ditë përpara se të ndodhte krimi, djali im Nikolini ndërsa po punonim në arë, është vëzhguar nga një makinë e dyshimtë. Gjë të cilën e pa edhe djali im. Makinë e cila ndërsa po punonim arën kaloi pranë tokës sonë. Për vrasjen e tim biri, unë akuzoj familjen Nikulaj. Por Gjergj Lekstakaj shkoi edhe më tej në akuzat e tij, duke thënë se policia po mbron vrasësit e të birit.

Kjo pasi sipas tij, vrasësi i djalit të tij, të cilin ai lë të mendohet se e njeh, lëviz me makinë i shoqëruar nga policia.

Një akuzë shumë e rëndë kjo për policinë e Lezhës. Gjergj Lekstakaj iu drejtua disa herë me shkresë Prokurorisë, Ministrit të Brendshëm të kohës, por edhe disa institicioneve të tjera në vend.

Në këto emaile dhe shkresa zyrtare Gjergj Lekstakaj, thotë se kamerat e sigurisë kanë kapur automjetin që u përdor në vrasjen e djalit të tij Nikolinit, duke dalë nga Nikulajt, por policia nuk i zbardh këto kamera, pasi është edhe vetë e implikuar.

Ndërkohë që siç thamë edhe më herët, vrasja e Nikolin Lekstakaj ka ndodhur në sytë e pronares së dyqanit dhe djalit të saj të mitur. Ku vrasësit zgjodhën të qëllojnë nga brenda automjetit, pa dalë aspak nga aty. Ndërkohë që grupi hetues në pistat e tij hetimore dyshon se Nikolin Marku është viktimë e përplasjeve të vjetra dhe të reja midis fiseve Lekstakaj dhe Nikulaj.

Midis të cilëve ekziston ‘hasmëria e ndërsjellë’ e cila ka kulmuar edhe me ngjarjen e datës 19 Mars 2023. Ngjarje në të cilën gjeti vdekjen edhe biznesmeni dhe politikani lokal Ardian Nikulaj, që u vra në brendësi të lokalit të tij nga një vrasës me pagesë portugez, i identifikuar dhe i dënuar tashmë me burgim të përjetshëm, Ruben Saraiva.

Emisioni “Në Shënjestër”