Një aksident i rëndë me pasojë vdekjen e një 15-vjeçari dhe plagosjen e dy të tjerëve ka ndodhur mbrëmjen e së premtes në rrugën “Dimokratias”, në zonën Luka, në periferi të Athinë.

Sipas informacioneve paraprake, një nga adoleshentët kishte marrë fshehurazi nga çanta e nënës çelësat e automjetit dhe më pas, së bashku me dy shokët e tij – mes tyre edhe një 15-vjeçar shqiptar – kishin dalë për të qarkulluar në rrugët e zonës.

Në rrethana që ende nuk janë sqaruar, automjeti, i cili po lëvizte me shpejtësi mbi normat e lejuara, ka dalë nga rruga dhe është përplasur me një pemë. Si pasojë e përplasjes, njëri prej të miturve ka humbur jetën në vendngjarje, ndërsa drejtuesi i mjetit dhe pasagjeri tjetër janë transportuar në spital në gjendje të rëndë, por jashtë rrezikut për jetën.

Policia ka njoftuar se drejtuesi i automjetit është ndaluar në spital, së bashku me prindërit e tij. Trupi i viktimës është dërguar në morg për veprime të mëtejshme mjeko-ligjore.

Hetimet për zbardhjen e plotë të rrethanave të aksidentit po kryhen nga policia rrugore e Drejtorisë së Atikës Lindore.

gijotina.com/

Një aksident i rëndë me pasojë vdekjen e një 15-vjeçari dhe plagosjen e dy të tjerëve ka ndodhur mbrëmjen e së premtes në rrugën “Dimokratias”, në zonën Luka, në periferi të Athinë.

Sipas informacioneve paraprake, një nga adoleshentët kishte marrë fshehurazi nga çanta e nënës çelësat e automjetit dhe më pas, së bashku me dy shokët e tij – mes tyre edhe një 15-vjeçar shqiptar – kishin dalë për të qarkulluar në rrugët e zonës.

Në rrethana që ende nuk janë sqaruar, automjeti, i cili po lëvizte me shpejtësi mbi normat e lejuara, ka dalë nga rruga dhe është përplasur me një pemë. Si pasojë e përplasjes, njëri prej të miturve ka humbur jetën në vendngjarje, ndërsa drejtuesi i mjetit dhe pasagjeri tjetër janë transportuar në spital në gjendje të rëndë, por jashtë rrezikut për jetën.

Policia ka njoftuar se drejtuesi i automjetit është ndaluar në spital, së bashku me prindërit e tij. Trupi i viktimës është dërguar në morg për veprime të mëtejshme mjeko-ligjore.

Hetimet për zbardhjen e plotë të rrethanave të aksidentit po kryhen nga policia rrugore e Drejtorisë së Atikës Lindore.

gijotina.com/

Bashkimi Evropian në Kosovë ka deklaruar se mirëpret ratifikimin e sotëm të marrëveshjeve që lidhen me Planin e Rritjes nga ana e Kuvendit të Kosovës.

“Kjo hap rrugën që Kosova të përfitojë 882 milionë euro në grante dhe kredi me kushte të favorshme, të dedikuara për zbatimin e reformave që e çojnë Kosovën përpara në rrugën e saj drejt integrimit evropian”, thuhet në njoftim.

Bashkimi Evropian në Kosovë ka deklaruar se mirëpret ratifikimin e sotëm të marrëveshjeve që lidhen me Planin e Rritjes nga ana e Kuvendit të Kosovës.

“Kjo hap rrugën që Kosova të përfitojë 882 milionë euro në grante dhe kredi me kushte të favorshme, të dedikuara për zbatimin e reformave që e çojnë Kosovën përpara në rrugën e saj drejt integrimit evropian”, thuhet në njoftim.

Më shumë se sa një grabitje klasike, veprimi i ndërmarrë nga Bardhyl Fusha, pak para mesdite, të enjten, duket të ketë qenë një akt në kushte dëshpërimi. Në dëshmitë e tij të para efektivëve, ai ka folur për një situatë financiare problematike, me sipërmarrjen e tij në fushën e shërbimeve të ndërtimit. Afro 70 milionë lekët të vjetra, ai thotë se i kishte detyrime të papaguara punonjësve të tij.

Fusha rezulton të jetë administrator i “Danieli Millenium”, shoqëri e themeluar në shtator të vitit 2018, e që ofron shërbime në ndërtim. Pronar është djali i tij. Shoqërisë i janë vendosur 5 herë masa të sigurimit të detyrimit tatimor për të mos lejuar tjetërsimin e pasurive të patundshme. Sipas të dhënave financiare, prej vitit 2023, ajo është me humbje ose pa aktivitet.

Bardhyl Fusha rezulton në të kaluarën si aksioner dhe në një tjetër kompani, ‘2D Construction’, nga e cila u shkëput gradualisht duke i shitur aksionet në 2 momente të ndryshme.

Me origjinë nga Gramshi, Bardhyl Fusha, jeton në Tiranë me familjen në një banesë me qira. Për grabitjen, ai ka zgjedhur filialin e bankës, ku ai shkonte shpesh për të kryer pagesa. Ka parkuar aty pranë e ka hyrë brenda bankës. I pamaskuar, ka nxjerrë nga çanta që kishte me vete, kallashnikovin, armë që siç ka treguar se e mbante që nga viti 1997.

Një qitje e vetme, në dysheme, dhe është mjaftuar me paratë e njërës prej arkave, 8 milionë lekë të vjetra. Ai ka nxituar të largohet, por është përballur në dalje me dy punonjësit e policisë. Asnjë rezistencë. Menjëherë i është përgjigjur thirrjes së policëve që i drejtuan pistoleta dhe është dorëzuar.

Më shumë se sa një grabitje klasike, veprimi i ndërmarrë nga Bardhyl Fusha, pak para mesdite, të enjten, duket të ketë qenë një akt në kushte dëshpërimi. Në dëshmitë e tij të para efektivëve, ai ka folur për një situatë financiare problematike, me sipërmarrjen e tij në fushën e shërbimeve të ndërtimit. Afro 70 milionë lekët të vjetra, ai thotë se i kishte detyrime të papaguara punonjësve të tij.

Fusha rezulton të jetë administrator i “Danieli Millenium”, shoqëri e themeluar në shtator të vitit 2018, e që ofron shërbime në ndërtim. Pronar është djali i tij. Shoqërisë i janë vendosur 5 herë masa të sigurimit të detyrimit tatimor për të mos lejuar tjetërsimin e pasurive të patundshme. Sipas të dhënave financiare, prej vitit 2023, ajo është me humbje ose pa aktivitet.

Bardhyl Fusha rezulton në të kaluarën si aksioner dhe në një tjetër kompani, ‘2D Construction’, nga e cila u shkëput gradualisht duke i shitur aksionet në 2 momente të ndryshme.

Me origjinë nga Gramshi, Bardhyl Fusha, jeton në Tiranë me familjen në një banesë me qira. Për grabitjen, ai ka zgjedhur filialin e bankës, ku ai shkonte shpesh për të kryer pagesa. Ka parkuar aty pranë e ka hyrë brenda bankës. I pamaskuar, ka nxjerrë nga çanta që kishte me vete, kallashnikovin, armë që siç ka treguar se e mbante që nga viti 1997.

Një qitje e vetme, në dysheme, dhe është mjaftuar me paratë e njërës prej arkave, 8 milionë lekë të vjetra. Ai ka nxituar të largohet, por është përballur në dalje me dy punonjësit e policisë. Asnjë rezistencë. Menjëherë i është përgjigjur thirrjes së policëve që i drejtuan pistoleta dhe është dorëzuar.

Gjykata e Posaçme për Korrupsionin dhe Krimin e Organizuar pritet të gjykojë në salla të rimobiluara sipas modelit amerikan.

Të shtunën është hapur prokurimi mbi kufirin e lartë monetar për mobilimin e 4 sallave gjyqi të GJKKO-së me fond limit deri në gati 300 mijë euro (konkretisht 299,688 euro), procedurë e cila mbyllet më 16 shkurt.

Në tender janë të përcaktuara specifikimet teknike ku kërkohet që ofertuesi të zbatojë marrëveshjen e punimeve brenda dy muajve. Me një projekt arkitektonik të arkitektes Rajmonda Mydinllari është menduar që veshja e mureve të mos jetë me suvatim por me material dru lisi masiv kryesisht deri në tavan dhe lyerja e paneleve drusor të ketë shkëlqim 30%.

Edhe montimi është i përshkruar në detaje se si duhet të jetë, ku kërkohet perfeksion në puthitjen e paneleve me njëri tjetrin. Ndërsa është vlerësuar që tavani ekzistues i gipsit të prishet dhe të zëvendësohet me veshje dekorative me allci dhe me ndriçim LED të fshehur.

Parketi duhet të shtrohet me moket mbi parket laminat, ku shfaqen disa modele ngjyrash. Ngjyrat e moketit duhet të jenë neutrale ose të errëta dhe të kenë dizajn që ndihmon në maskimin e njollave. Koncepti i modernizimit të sallave e konsideron me rëndësi që moketi të jetë i klasës më të lartë, elegant dhe uniform si dhe të ruajë formën pas ngarkesave të vazhdueshme, me qëndrueshmëri për përdorim në ambiente publike shumë të aksesuara.

Dera specifikohet të jetë me veshje anti-akustike dhe lëkurë ekologjike. Qartësisht kriteret specifikojnë të përdoret po ashtu material dru lisi, konkretisht lis natyral europian, për strukturat e tavolinave të gjykatësve, prokurorëve, avokatëve, nëpunësve, gjithashtu edhe për karriget apo podiumin e folësve. Punimi do të jetë me gdhendje siç propozohet në renderat e projektit.

Ndryshim do të pësojnë edhe dhomat e këshillimit sipas këtyre pamjeve. Sallat e gjyqit me rimodelimin specifikojnë që materiali drusor nuk duhet të ketë shenja biodegradim apo plasaritje si dhe të jetë rezistent ndaj lagështirës. Stema e Repubikës së Shqipërisë dhe e institucionit të GJKKO-së do të jenë të dukshme.

gijotina.com/

Gjykata e Posaçme për Korrupsionin dhe Krimin e Organizuar pritet të gjykojë në salla të rimobiluara sipas modelit amerikan.

Të shtunën është hapur prokurimi mbi kufirin e lartë monetar për mobilimin e 4 sallave gjyqi të GJKKO-së me fond limit deri në gati 300 mijë euro (konkretisht 299,688 euro), procedurë e cila mbyllet më 16 shkurt.

Në tender janë të përcaktuara specifikimet teknike ku kërkohet që ofertuesi të zbatojë marrëveshjen e punimeve brenda dy muajve. Me një projekt arkitektonik të arkitektes Rajmonda Mydinllari është menduar që veshja e mureve të mos jetë me suvatim por me material dru lisi masiv kryesisht deri në tavan dhe lyerja e paneleve drusor të ketë shkëlqim 30%.

Edhe montimi është i përshkruar në detaje se si duhet të jetë, ku kërkohet perfeksion në puthitjen e paneleve me njëri tjetrin. Ndërsa është vlerësuar që tavani ekzistues i gipsit të prishet dhe të zëvendësohet me veshje dekorative me allci dhe me ndriçim LED të fshehur.

Parketi duhet të shtrohet me moket mbi parket laminat, ku shfaqen disa modele ngjyrash. Ngjyrat e moketit duhet të jenë neutrale ose të errëta dhe të kenë dizajn që ndihmon në maskimin e njollave. Koncepti i modernizimit të sallave e konsideron me rëndësi që moketi të jetë i klasës më të lartë, elegant dhe uniform si dhe të ruajë formën pas ngarkesave të vazhdueshme, me qëndrueshmëri për përdorim në ambiente publike shumë të aksesuara.

Dera specifikohet të jetë me veshje anti-akustike dhe lëkurë ekologjike. Qartësisht kriteret specifikojnë të përdoret po ashtu material dru lisi, konkretisht lis natyral europian, për strukturat e tavolinave të gjykatësve, prokurorëve, avokatëve, nëpunësve, gjithashtu edhe për karriget apo podiumin e folësve. Punimi do të jetë me gdhendje siç propozohet në renderat e projektit.

Ndryshim do të pësojnë edhe dhomat e këshillimit sipas këtyre pamjeve. Sallat e gjyqit me rimodelimin specifikojnë që materiali drusor nuk duhet të ketë shenja biodegradim apo plasaritje si dhe të jetë rezistent ndaj lagështirës. Stema e Repubikës së Shqipërisë dhe e institucionit të GJKKO-së do të jenë të dukshme.

gijotina.com/

Një automjet është përmbysur pak minuta më parë në afërsi të urës së Bushtricës, në aksin e rrugës kombëtare Librazhd–Prrenjas.

Sipas informacioneve paraprake, dyshohet se drejtuesi i mjetit ka humbur kontrollin, duke dalë jashtë korsisë së lëvizjes, çka ka sjellë përmbysjen e automjetit në anë të rrugës. Fatmirësisht, nga ky aksident nuk raportohen viktima.

Në vendngjarje kanë mbërritur shërbimet e Policisë dhe grupi hetimor, të cilët po punojnë për zbardhjen e plotë të rrethanave të ngjarjes, si dhe për normalizimin e qarkullimit në këtë segment rrugor.

Rrëshqitja masive e dherave nga kodra ka shkaktuar bllokimin e gjysmës së karrexhatës në aksin kombëtar Burrel-Rrëshen.

Veç rrëshqitjes së kodrës aksi Burrel – Rrëshen ka gropa të shumta, kryesisht pranë Urës së Urakës, të cilat herë pas here mbushen me çakull nga firma “Udha sh.p.k” me pronar Arben Çelën, që ka përgjegjësinë për mirëmbajtjen e saj, duke mënjanuar investimet serioze.

Aksi Burrel-Rrëshen mbetet ndër akset kryesore në veri të vendit, pasi shërben për të lidhur qarkun e Dibrës me atë të Lezhës.

gijotina.com/

Ambasada Amerikane në Tiranë ka reaguar sot lidhur me ndryshimet ligjore te Kodit Penal dhe paralajmërimin e kryeministrit Edi Rama për ndërhyrje në legjislacion pas vendimit të Gjykatës Kushtetuese.

Euronews në pyetjen drejtuar ambasadës amerikane thekson se qëllimi i deklaruar është ndalimi i ushtrimit nga organet e drejtësisë (SPAK dhe GJKKO) të masës së pezullimit nga detyra të funksionarëve të lartë si anëtarët e Këshillit të Ministrave, Presidentit dhe zyrtarëve të tjerë.

Ambasada në përgjigjen e saj thotë se nuk komenton çështjet ligjore që janë në proces. Ndërsa thotë se pavarësia e institucioneve të drejtësisë në Shqipëri mbetet thelbësore për bashkëpunimin mes dy vendeve në luftën kundër krimit.

“Pavarësia e institucioneve të drejtësisë në Shqipëri mbetet thelbësore për bashkëpunimin e vazhdueshëm mes Shteteve të Bashkuara dhe Shqipërisë në luftën kundër krimit ndërkombëtar. Nuk kemi koment për çështjet ligjore që janë në proces”, u përgjigj Ambasada Amerikane.

gijotina.com/

Ambasada Amerikane në Tiranë ka reaguar sot lidhur me ndryshimet ligjore te Kodit Penal dhe paralajmërimin e kryeministrit Edi Rama për ndërhyrje në legjislacion pas vendimit të Gjykatës Kushtetuese.

Euronews në pyetjen drejtuar ambasadës amerikane thekson se qëllimi i deklaruar është ndalimi i ushtrimit nga organet e drejtësisë (SPAK dhe GJKKO) të masës së pezullimit nga detyra të funksionarëve të lartë si anëtarët e Këshillit të Ministrave, Presidentit dhe zyrtarëve të tjerë.

Ambasada në përgjigjen e saj thotë se nuk komenton çështjet ligjore që janë në proces. Ndërsa thotë se pavarësia e institucioneve të drejtësisë në Shqipëri mbetet thelbësore për bashkëpunimin mes dy vendeve në luftën kundër krimit.

“Pavarësia e institucioneve të drejtësisë në Shqipëri mbetet thelbësore për bashkëpunimin e vazhdueshëm mes Shteteve të Bashkuara dhe Shqipërisë në luftën kundër krimit ndërkombëtar. Nuk kemi koment për çështjet ligjore që janë në proces”, u përgjigj Ambasada Amerikane.

gijotina.com/

Katër shqiptarë, anëtarë të një grupi kriminal, që përfshiheshin në prodhimin dhe furnizimin në shkallë të gjerë të kanabisit janë dënuar 11 vjet burg. Dënimi vjen pas një hetimi që zbuloi se grupi kriminal fitoi më shumë se 500,000 £ midis viteve 2023 dhe 2025.

Grupi drejtohej nga dy vëllezër, Sefedin dhe Eldi Tafa, të cilët ishin në krye të organizatës, duke kontrolluar kultivimin dhe duke siguruar materialet dhe pronat e nevojshme.  Krahas vëllezërve Tafa ishte Servet Dobrushi i cili organizonte shitjen e kanabisit të prodhuar. Ndërsa, Asterjo Sata dhe Reols Havalj mbikëqyrnin kultivimin dhe shpërndanin kanabisin në të gjithë vendin.

Grupi përdorte gjithashtu një ndërmjetës sigurimesh të quajtur Simon Jackson, përgjegjësia e të cilit ishte të krijonte polica të rreme sigurimi makinash, të cilat më pas i bënin automjetet e grupit të dukeshin të ligjshme dhe lejonin që aktivitetet e paligjshme të kryheshin diskret.

Gjithashtu disa persona të tjerë, roli i të cilëve ishte në nivelet më të ulëta që përfshinte kultivimin e bimëve si ‘kopshtarë’ u identifikuan dhe tashmë gjykata do të vendosë për fatin e tyre.

Banda u çmontua pasi nisi një hetim kur policia zbuloi një mbjellje kanabisi në Aragon Close, Southend, në orët e para të 30 gushtit 2023. Brenda pronës kishte bimë kanabisi, një qese me kanabis të mbyllur me vakum, një qese me kanabis të bluar, 5,000 £ në para të gatshme dhe një portofol që përmbante një patentë drejtimi në emër të Eldi Tafës.

Gjithashtu u gjet një fletore me figura dhe emra të shkruar me dorë, ku përfshiheshin emrat ‘Alberti’, ‘Sefi’ dhe ‘Olsi’. Grupi i referohej Havaljit me ‘Olsi’. Gjurmë gishtash që i përkisnin Havaljit u gjetën në ekranin e një telefoni të gjetur në sirtarin e dhomës së gjumit.

Në total, u gjetën 446 bimë brenda adresës, të cilat ishin të shëndetshme, të dendura dhe të mirëmbajtura. Nëse shiten me kilogramë, bimët vlerësoheshin se vlenin deri në 118,050 £. Paratë u ekzaminuan nga mjekësia ligjore dhe rezultoi se kartëmonedhat kishin gjurmë gishtash që i përkisnin Satës.

Siç raportojnë mediat e huaja, operacion u shtri nga Southend në Uells. Sefedin Tafa u arrestua në fillim të vitit 2024 në Westcliff. Makina Audi me të cilën ai udhëtonte u kontrollua dhe Tafës iu gjetën 1,466 paund para të gatshme me vete, dhe në celularin e tij kishte një mesazh video që i ishte dërguar duke shëtitur nëpër një vend ku kultivohej kanabisi.

Kur u krye një kontroll në këtë shtëpi, gjetëm pothuajse 50 g filiza kanabisi dhe 27,720 paund para në dorë. Të gjitha u sekuestruan.  Anëtarë të tjerë të grupit u arrestuan në Caerphilly, Uells, dhe u sekuestruan 10 kg kanabis, me një vlerë deri në 52,000 £.

Asterjo Sata u arrestua në qershor 2024 ndërsa drejtonte një automjet nga Brighton në Southend. Kur u kontrollua automjeti, oficerët gjetën një çantë që përmbante 34,320 paund në para të gatshme, një pistoletë dhe dy telefona.

Në adresën e tij të shtëpisë, gjetën shumë artikuj veshjesh me vlerë të lartë, një orë dore dhe çanta u sekuestruan së bashku me fatura për mallra luksoze.  Si pjesë e hetimit në vazhdim u ekzekutua një urdhër arresti në Rochford Avenue, Westcliff.

Gjatë një kontrolli në atë pronë u gjetën një kultivim të sofistikuar kanabisi në tre kate, me vlerë rreth 35,550 £.  Në tetor 2024, ndërmjetësi i sigurimeve Simon Jackson u arrestua në Brentwood.

Një kontroll i mëvonshëm në shtëpinë e tij zbuloi shumë sende të shtrenjta si rroba, atlete dhe shampanjë. Më shumë se 3,000 paund në para të gatshme u sekuestruan në shtëpinë e tij, së bashku me fletore që përmbanin qindra adresa email-i dhe shifra të shkruara me dorë.

U tregua se ai kishte gjeneruar 360,000 £ në fitime kriminale nga policat e tij mashtruese të sigurimit. Eldi Tafa mbetet i pazbuluar dhe fshihet jashtë Mbretërisë së Bashkuar. Puna për ta gjetur atë dhe për ta sjellë para drejtësisë është duke vazhduar.

Në total janë sekuestruar 71,780 paund në para të gatshme dhe 78.5 kg kanabis. Për më tepër, dokumentacioni tregoi se 80 kg të tjerë kanabis u shitën duke gjeneruar fitime me shumicë prej më shumë se 500,000 £.
I burgosur.

Sefedin Tafa, 33 vjeç, nga Cardigan Avenue, Westcliff, pranoi komplotin për të kultivuar kanabis dhe komplotin për të furnizuar me kanabis. Ai u dënua me katër vjet e gjysmë burg.

Edhe Asterjo Sata, 22 vjeç, nga Cardigan Avenue, Westcliff, pranoi komplotin për të kultivuar kanabis, komplotin për të furnizuar me kanabis dhe përvetësimin ose përdorimin e pronës kriminale dhe u dënua me 32 muaj burg.

Gjithashtu Reols Havalja, 28 vjeç, nga Silverdale Avenue, Westcliff, pranoi komplotin për kultivimin e kanabisit, komplotin për furnizimin me kanabis dhe blerjen ose përdorimin e pasurisë kriminale. Ai u burgos për 23 muaj dhe përballet me procedurat e deportimit pas lirimit të tij.

Servet Dobrushi, 34 vjeç, nga St Chads Road, Blacon, Chester, pranoi komplotin për kultivimin e kanabisit, komplotin për furnizimin me kanabis dhe blerjen ose përdorimin e pronës kriminale. Ai është dënuar me 27 muaj burg.

Po ashtu edhe Simon Jackson, 40 vjeç, nga Cricketers Lane, Herongate, Brentwood, pranoi mashtrimin me paraqitje të rreme, por ai do të dënohet në një datë që do të caktohet më vonë.

gijotina.com/

Sekretari i përgjithshëm i Kryeministrisë, Engjëll Agaçi është larguar nga detyra pas plot 13 vitesh.

Në mbledhjen e sotme informale të ministrave, është komunikuar se për arsye shëndetësore Engjëll Agaçi tërhiqet nga posti si sekretar i përgjithshëm i Këshillit të Ministrave

Agaçi ka pasur telashe me drejtësinë edhe është thirrur në SPAK për disa çështje.

Pasuesja e tij në këtë post të rëndësishëm është Elsonida Rama, e cila aktualisht mban pozicionin e drejtoreshës së Kodifikimit në Ministrinë e Drejtësisë, si dhe është përfshirë në grupin e punës për hartimin e Kodit të ri Penal.

Më herët, Rama ka punuar gjithashtu në Kryeministri te drejtoria Juridike.

Prezantimi i saj para ministrave është bërë në mbledhjen e sotme.

Engjëll Agaçi para 1 viti është thirrur në SPAK është paraqitur në SPAK. Emri i Agaçit është i lidhur me aferën e inceneratorëve. Ai është akuzuar publikisht nga opozita, se ka kaluar për miratim në qeveri disa vendime për inceneratorët duke përfshirë edhe bonusin prej 8 pikësh për kompaninë koncensionare të inceneratorit të Tiranës. Së fundi, emri i Engjëll Agaçit u përfol edhe në emisionin ‘REPORT’ në RAI3, ku sipas medias italiane, vartësi i Kryeministrit Edi Rama ka qenë avokat i personave të lidhur me mafian.

“U thirra për inceneratorin e Tiranës. Mendoj se ky nuk duhet të përbëjë një lajm, të gjithë duhet të jemi në dispozicion dhe funksion të organeve të drejtësisë”, u shpreh sekretari i Përgjithshëm i Këshillit të Ministrave.

gijotina.com/

Prefekti i Tiranës, Shkëlqim Hajdari, realizoi sot vizitën e tij të parë në Kavajë, ku u takua me kryetarin e Bashkisë, Fisnik Qosja. Në një postim në Facebook, Hajdari e përshkroi takimin si “të rëndësishëm dhe frymëzues”, duke falënderuar kryetarin e bashkisë për mikpritjen dhe gatishmërinë për bashkëpunim. Ne valën e “blerjeve” që ka bërë Rama këto javë nga radhët e PD-së, kjo vizitë merr një karakter politik, më tepër se sa takim rutine.

Gjatë vizitës, prefekti zhvilloi një takim konstruktiv me drejtorët e bashkisë, ku diskutuan mbi prioritetet, sfidat dhe projektet që synojnë zhvillimin e mëtejshëm të qytetit.

“Kjo ishte një mundësi shumë e mirë për të ndërtuar ura bashkëpunimi dhe për të forcuar komunikimin institucional në shërbim të qytetarëve. Me besim të plotë se përmes dialogut dhe angazhimit të përbashkët do të arrijmë rezultate konkrete për komunitetin,” shkroi Hajdari.

gijotina.com/ 

Prefekti i Tiranës, Shkëlqim Hajdari, realizoi sot vizitën e tij të parë në Kavajë, ku u takua me kryetarin e Bashkisë, Fisnik Qosja. Në një postim në Facebook, Hajdari e përshkroi takimin si “të rëndësishëm dhe frymëzues”, duke falënderuar kryetarin e bashkisë për mikpritjen dhe gatishmërinë për bashkëpunim. Ne valën e “blerjeve” që ka bërë Rama këto javë nga radhët e PD-së, kjo vizitë merr një karakter politik, më tepër se sa takim rutine.

Gjatë vizitës, prefekti zhvilloi një takim konstruktiv me drejtorët e bashkisë, ku diskutuan mbi prioritetet, sfidat dhe projektet që synojnë zhvillimin e mëtejshëm të qytetit.

“Kjo ishte një mundësi shumë e mirë për të ndërtuar ura bashkëpunimi dhe për të forcuar komunikimin institucional në shërbim të qytetarëve. Me besim të plotë se përmes dialogut dhe angazhimit të përbashkët do të arrijmë rezultate konkrete për komunitetin,” shkroi Hajdari.

gijotina.com/ 

Sergej Hasanpapaj dhe Mario Çela janë dërguar në Burgun e Sigurisë së Lartë në Peqin, institucion i njohur për masat e forta të sigurisë dhe izolimin e elementëve me rrezikshmëri të lartë shoqërore.

Ndërkohë, këtë të premte u ekstradua nga Belgjika edhe Mario Çela, i shpallur në kërkim ndërkombëtar, pasi po nga Gjykata e Posaçme e Shkallës së Parë për Korrupsionin dhe Krimin e Organizuar i ishte caktuar masa e sigurisë “Arrest në burg” më 22 nëntor 2024.

Burime bëjnë me dije se nga kjo e premte janë shtuar ndjeshëm masat e sigurisë në Peqin, me forca të përforcuara dhe kontrolle të shtuara, pikërisht për shkak të izolimit të elementëve me rrezikshmërinë më të lartë në këtë institucion.

Tashmë, me vendimin e autoriteteve shqiptare për izolimin e tyre në Burgun e Sigurisë së Lartë në Peqin, pritet që procedurat hetimore dhe gjyqësore të vijojnë nën masa të rrepta sigurie, në një institucion që konsiderohet si një nga më të sigurtit në vend.

gijotina.com/

Sergej Hasanpapaj dhe Mario Çela janë dërguar në Burgun e Sigurisë së Lartë në Peqin, institucion i njohur për masat e forta të sigurisë dhe izolimin e elementëve me rrezikshmëri të lartë shoqërore.

Ndërkohë, këtë të premte u ekstradua nga Belgjika edhe Mario Çela, i shpallur në kërkim ndërkombëtar, pasi po nga Gjykata e Posaçme e Shkallës së Parë për Korrupsionin dhe Krimin e Organizuar i ishte caktuar masa e sigurisë “Arrest në burg” më 22 nëntor 2024.

Burime bëjnë me dije se nga kjo e premte janë shtuar ndjeshëm masat e sigurisë në Peqin, me forca të përforcuara dhe kontrolle të shtuara, pikërisht për shkak të izolimit të elementëve me rrezikshmërinë më të lartë në këtë institucion.

Tashmë, me vendimin e autoriteteve shqiptare për izolimin e tyre në Burgun e Sigurisë së Lartë në Peqin, pritet që procedurat hetimore dhe gjyqësore të vijojnë nën masa të rrepta sigurie, në një institucion që konsiderohet si një nga më të sigurtit në vend.

gijotina.com/

Kjo ishte situata në hidrovorin e Vlorës më 26 janar 2026. Nga katër pompat që disponon hidrovori, vetëm njëra është aktualisht në funksion. Niveli i ujit në kanalin që derdhet drejt pompave rritet gradualisht.

Banorët e zonës kryqëzojnë gishtat teksa kjo situatë përsëritet sa herë ka reshje shiu. Banesat e tyre përmbyten për shkak të mungesës së mirëmbajtjes së hidrovorit.

Megjithatë dikush po merret me paratë e hidrovorit: Kryebashkiakja Brunilda Mersini dhe dy oligarkët Ardit Ismailaj e Xhavit Ismaili!

Zyrtarja është në zinxhir korrupsioni dhe duket sikur nuk e percepton rrezikun për gjithë qytetin. Kështu e pëson Vlora! Kryebashkiakja Brunilda Mersini administron pazarin afro 2 miliardë lekë të tenderit të hidrovorit, pa pyetur se situata është emergjente.

Përmbytjet në Vlorë që ndodhën 4 tetor 2024, nuk e kanë ndërgjegjësuar bashkinë. Ky qytet ka nevojë për investime në kanalizime dhe hidrovor. Kujtojmë që nga mosfunksionimi i pompave të hidrovorit u mbulua më ujë qyteti bregdetar duke shkaktuar dëme të mëdha materiale jo vetëm në infrastrukturë. Shumë familje për ditë me radhë fjetën jashtë në qiell të hapur, për shkak se pushteti vendor nuk mori masa. Ata patën dëme të mëdha në banesat e tyre.

Gjithsesi pazari i tenderit merr më shumë rëndësi se sa vetë hidrovori. Kryebashkiakja i ka fshirë me “gomë” të gjithë pjesëmarrësit dhe ka ftuar dy oligarkët të firmosin kontratën. “Skualifikim i të gjithë operatorëve konkurrues përveç fituesit/ Skualifikim i ofertës me vlerë më të ulët”, me këtë përshkrim, Open Data Albania e ka shenjuar procedurën me risk korrupsioni.

Tenderi i Bashkisë Vlorë “Rikonstruksioni i Hidrovorit të Qytetit të Vlorës (Furnizim Vendosje)” është njoftuar me vonesë. Procedura ka nisur më 16 tetor 2025. Epo, kryetare e re, pazar i ri!

Për këtë projekt nga buxheti i shtetit është ndarë fondi limit 154 687 373,00 lekë pa llogaritur TVSH-në. Pra gjasat janë që kontrata të arrijë në afro 2 miliardë lekë të vjetra.

Në tenderin e datës 31 tetor 2025 morën pjesë 4 operatorë, megjithatë nuk ka pasur një garë të mirëfilltë. Për më tepër, dyshohet se ka marrëveshje të heshtur mes operatorëve që dy oligarkëve tu lirohet rruga.

Dyshimi i parë të lind nga dy ankesa në Komisionin e Prokurimit Publik nga dy kompani që nuk kanë marrë pjesë fare në tender.

Nëpërmjet Sistemit të Ankesave Elektronike pranë Komisionit të Prokurimit Publik janë administruar dy denoncime në datën 24 tetor 2025. Njëri është i operatorit ekonomik “Shendelli” SHPK, ndërsa tjetri është i “NG STRUCTURES” SHPK. Të dyja kanë bërë kërkesa mbi modifikimin e dokumenteve të tenderit.

Në preventivin e miratuar për këtë objekt, rezulton se: rreth 2/3 e vlerës totale i përkasin pajisjeve dhe rreth 1/3 e vlerës përfshin punime ndërtimi ndihmëse.

Pra, pjesa më e madhe ekonomike dhe që përcakton qëllimin kryesor të investimit është furnizimi dhe vënia në punë e pompave të reja, ndërsa punimet ndërtimore kanë rol ndihmës.

Kësisoj, theksohet në këto ankimime, janë vendosur kritere të pajustifikuara për personel teknik.

Roli i KPP në këtë fazë është thjesht t’i japë kohë palëve të maturojnë pazarin e tenderit. Komisioni i Prokurimit Publik mori vendim më 7 nëntor 2025, të pranojë pjesërisht ankesën e operatorit ekonomik “Shendelli” SHPK, për procedurën e prokurimit. Sipas vendimit, bashkia duhet të kryente modifikimet.

Më 18 nëntor 2025, KPP u mblodh sërish dhe vendosi të lejojë bashkinë me hapat e tjerë.

Surpriza është se të dyja kompanitë që kërkuan modifikimet nuk kanë aplikuar në tender, edhe pas vendimit në favor të tyre.

Ndërkohë Kryebashkiakes Mersini dhe komisionit të saj të vlerësimit të ofertave i është lehtësuar vendimarrja edhe nga një lëvizje tjetër.

Kompania “MUHOPLUS LTD” nuk ka paraqitur asnjë dokument, duke u tërhequr në mes të procesit. Firma e mësipërme e kishte vlerën e ofertës 129,937,394.00 (njëqind e njëzet e nëntë million e nëntëqind e tridhjetë e shtatë mijë e treqind e nëntëdhjetë e katër) lekë pa TVSH.

Kurse oferta fituese e prezantuar nga bashkimi i operatorëve “VIBTIS” shpk & “ALBA KONSTRUKSION” shpk është shumë e lartë: 146,953,012.5 lekë pa TVSH.

E megjithatë, ka edhe një ofertë tjetër më ekonomike. Kështu, “RAFIN COMPANY” shpk ka propozuar t’i sjellë dhe t’i instalojë pajisjet e hidrovorit me 133,412,643.50 (njëqind e tridhjetë e tre milionë e katërqind e dymbëdhjetë mijë e gjashtëqind e dyzetë e tre .5) Lekë pa TVSH.

Megjithatë, asnjë nga konkurrentët nuk ka fuqinë dhe lidhjet me qeverinë, që disponojnë pronarët e “VIBTIS” shpk dhe “ALBA KONSTRUKSION” shpk.

Ardit Ismailaj, nipi i biznesmenit Sadik Ismailaj, është administrator i firmës së ndërtimit “Vibtis” shpk. Më herët, Ismailaj ka qenë pronar i drejtëpërdrejtë i kompanisë pas një akti dhurimi nga gjyshi i tij. Aktualisht kompania është në pronësi të “perandorisë” Ismailaj Group, me pronar dhe administrator po Ardit Ismailajn.

Gjatë 5 viteve të fundit, përmes kompanisë “Vibtis”, Ardit Ismailaj ka marrë mbi 6 milionë euro para publike kryesisht nga Drejtoria e Përgjithshme e Ujësjellës Kanalizimeve, Albpetrol dhe nga Fondi Shqiptar i Zhvillimit.

Kjo “perandori” ekonomike është ngritur me themele mbi shkatërrimin e vlerave kulturore dhe turistike, mbi koncesione dhe leje ndërtimi të dyshimta. Paraja e tyre shpesh herë nuk dihet se nga e ka origjinën.

Për disa abuzime epike grupi po hetohet nga SPAK. Këtu hyjnë ndërtimi i stadiumit me kullë, koncensioni i hekurudhës Ballsh-Fier-Vlorë apo ndërtimi i një resorti turistik me një të afërm të Damian Gjiknurit brenda Parkut Kombëtar të Butrintit.

Shumë përfitime të Sadik dhe Idajet Ismailajt, si hidrocentrale, puse nafte, hekurudha etj., lidhen me veprimtarinë e ish-ministrit Damian Gjiknuri.

Grupi gjendet me adresë tek kulla e stadiumi Air Albania. Vetëm Elon Musk ua kalon këtyre për pagën e madhe. Secili i ka caktuar vetes 85 milionë lekë në muaj (170 milionë lekë në muaj të dy), rreth 2 milionë euro në vit.

Kapitali i tyre shpërndahet në kompani të ndërlidhura si këmbët e oktapodit. Kështu Idajet Ismailaj është pronar i kompanisë “Motus”.

Me anë të saj kontrollohen firmat “Finman” dhe “Prodev”. Kjo e fundit më parë njihej me emrin “Mred”

Me anë të kompanisë “Finman” tërhiqen fijet tek firmat “Alb – Star”, “Vibtis”, “IR”, “Arena S&P”, “AM Rentals”, “ASAB”, “Balkansca Finman”, “ANGS”, “AOS”, “Manastiri Resort”, “Fintrade”, “APM”. Të gjitha janë përfituese të koncensioneve, tenderave, lejeve për kulla dhe resorte, në mënyrë të dyshimtë dhe në dëm të interesit publik.

Me anë të “Alb Star”, Ismailajt kanë përfituar mbi 100 milionë euro tendera publikë. Mbi 60 milionë euro i kanë përfituar vetëm nga ARRSH dhe Fondi Shqiptar i Zhvillimit. Ndërkaq, nga “Alb – Star” shpërndahen faturat tek kompanitë “ALBRAIL”, “Space+” dhe “Ecoclean”.

“Space+” ka si objekt lojërat e fatit në kategorinë kazino në hotel me 5 yje në Hotel Marriott Tirana. Ndërsa kompania “Ecoclean” posedon vendburime nafte në Patos, që i ka përfituar në mënyrë klienteliste.

Sipas një raporti të Kontrollit të Lartë të Shtetit, disa nga tenderat e fituar nga ky grup janë në shkelje të ligjit.

Përmes kompanisë “Alb Star” është marrë koncensioni i dyshimtë i transportit hekurudhor i linjës Fier-Ballsh-Vlorë. Këtu janë aksionerë edhe djemtë e politikanes Valentina Leskaj. Për koncesionin e hekurudhës, KLSH ka zbuluar shkelje në zbatimin e kontratës, por Ismailajt janë të paprekshëm. Në emër të “Alb Star” janë edhe disa hidrocentrale mbi lumin Shushicë (HEC Drashovicë, HEC Kote, HEC Gjorm dhe HEC Brataj).

Oleg Deripaska, i cili ka përfituar 20 milionë euro nga Fondi Shqiptar i Zhvillimit, u zbulua se kishte paguar ish-zyrtarin e lartë të FBI, Charles McGonigal, për ta hequr nga lista e sanksioneve të SHBA. McGonigal është i dënuar nga drejtësia amerikane, por akoma nuk është mbyllur hetimi për bashkëpunimin me kryeministrin Rama.

Sipas dokumenteve zyrtare, “Albstar” rezulton të jetë një nga përfituesit kryesorë të skemës mashtruese të fryrjes së shpenzimeve dhe pastrimit të parave, duke përfituar vetëm në vitin 2011 rreth 22 milionë euro nga “Bankers”. Këto shuma janë përfituar përmes faturimeve fiktive.

Në shtator të vitit 2016, Idajet Ismailaj themeloi një kompani të re ndërtimi me familjen e tij, fillimisht të regjistruar si “Reas 16” dhe më pas me emrin “IR shpk”. Përmes kësaj kompanie, janë qarkulluar qindra mijëra euro të përfituara nga “Bankers”, duke e rritur xhiron e firmës në 6 milionë euro dhe fitimet në rreth 2 milionë euro, sërish me fatura të falsifikuara.

Prokuroria e Fierit deri tani ka dërguar në gjyq vetëm drejtuesit e “Bankers Petroleum Albania Ltd”.

Me anë të kompanisë, Arena S & P, grupi Ismailaj ndërtoi stadiumin “Air Albania”, duke marrë në kërmbim pronë publike në mes të Tiranës dhe kullën.

Po ashtu, tenderi ndërkombëtar për “projektimin, prishjen, financimin dhe ndërtimin” e stadiumit iu dha kompanisë “Alb-Star”, e cila prishi edhe fasadën e stadiumit “Qemal Stafa’, monument kulture.

Me anë të kompanisë “Manastiri Resort”, grupi Ismailaj është ndërtuar një kompleks vilash në Gjirin e Manastirit. Projekti i ngja një kafke betoni me vila që shëmtojnë Parkun Kombëtar të Butrintit.

Dhe prej disa vjetësh, ky gji i bukur i Ksamilit, qëndron i bllokuar për shkak të punimeve që po bëhen, për ndërtimin e fshatit turistik.

Kujtojmë se në 2 Dhjetor 2021, Komiteti i Investimeve Strategjike miratoi statusin e investitorit strategjik për projektin “Manastiri Resort”, me subjekt aplikues “Albstar” shpk, në pronësi të biznesmenit Sadik Ismailaj, i cili ka marrë edhe plazhin.

Gjatë një debati në Parlament me deputetin Agron Shehaj, ministrja Mirela Kumbaro e cilësoi resortin si një “pikë të voçkël” në hartë, që nuk i prish punë parkut.

Kompania tjetër, “Alba Konstruksion” është në letra pronë e Xhavit Ismailit, vëllait të ish-kryebashkiakut të Vorës, Fiqiri Ismaili. Nëse komisioni i tenderit do të bënte verifikime do të zbulonte se kjo kompani ndërkohë është e angazhuar në kontrata të tjera publike.

Ismaili i Vorës është një nga demokratët që i ubë klient i madhi kryeministrit. “Alba-Konstruksion” ka marrë kontrata të majme nga Fondi Shqiptar i Zhvillimit, që drejtohet nga Dritan Agolli.

Në këtë kuadër është tenderi i programit “Për Zhvillimin e Integruar Urban dhe Turizmin”. Projekti parashikon ndërtimin e një Qendre Mirëseardhjeje për panaire dhe ekspozita si dhe një Kullë Vrojtimi në Ksamil.

“Alba Konstruksion” sh.p.k. është shpallur fituese e tenderit me vlerë 5 milionë e 591 mijë euro, përfshirë dhe TVSH-në.

Më datë 25 qershor 2024 është bërë publik emri i fituesit dhe pa asnjë pengesë Agjencia e Prokurimit Publik e ka regjistruar këtë kontratë. Theksojmë se Open Data Albania i ka vendosur tenderit  “Flamurin e Kuq” për të treguar riskun e korrupsionit. Kjo vepër akoma nuk ka filluar.

Gjithashtu, Xhavit Ismailit i është dhënë tenderi 7 milionë euro i Parkimit nënëtokësor tek sheshi Avni Rustemi, të cilin akoma nuk e ka dorëzuar, megjithëse afati ka mbaruar.

Bëhet fjalë për prokurimin me objekt “Rehabilitimi i fasadave të rrugës Luigj Gurakuqi deri tek sheshi Avni Rustemi (me parkim 2 kate nën tokë)”.

Xhavit Ismaili e mori tenderin nga kryetari Erion Veliaj. Ata janë bashkëpunëtorë të vjetër. Përveçse ka fituar 4 koncesione, kompania “Alba Kontruksion”, pjesën dërrmuese të tenderave i ka marrë nga Bashkia Tiranë.

Këtu mund të përmendim rikontruksionin e Rrugës së Agallarëve, Rehabilitimi i Unazës së Mesme apo ndërtimin e pallateve tek zona “5 Maj” në kryeqytet, ku u shembën shtëpitë e banorëve gjoja për projektet e Rindërtimit pas tërmetit.

Lidhur me tenderin e parkimit tek “Avni Rustemi” ka një fakt interesant që tregon se kishte marrëveshje të heshtur se kush do ta fitonte këtë kontratë. Kështu, në tender ka marrë pjesë edhe “Fusha” SHPK për t’i dhënë larmi “ofertave”.  Nga ana tjetër, oligarku i bashkisë Tiranë Shkëlqim Fusha është ortak në tendera ndryshëm të fituar më parë bashkë me Xhavit Ismailin si bashkim operatorësh.

Në vitin 2024, Ismailajt iu ngatërrua emri në një dosje të SPAK-ut, por nuk mor në përgjegjësi penale. Kujtojmë se ish-kryebashkiakja e Libohovës, Luiza Mandi u dënua me burg prej korrupsionit me të. Gjykata e Posaçme ka dënuar më 1 vit burg Luiza Mandi për veprën penale të shpërdorimit të detyrës.

Hetimi ndaj saj erdhi pas një kallëzimi të bërë nga një qytetar, i cili pretendonte se në pronat e familjarëve të tij bashkia po zhvillon një projekt zgjerimi rruge.

Gjatë përfundimit të punimeve prej kompanisë “Alba Konstruksion”, me pronar Xhavit Ismailin, denoncuesi ka konstatuar se muri rrethues nuk ishte ndërtuar në cilësinë e duhur, por ishte shtrirë edhe në sipërfaqe të tjera të tokave në pronësi të tij.

Në këto kushte, Prokuroria e Posaçme ka nisur punën në terren ku ka sekuestruar projektin në fjalë dhe është konstatuar se ishte cenuar prona e familjes nga Libohova.

Gjatë zhvillimit të projektit në fjalë nuk ishte zbatuar procedura e shpronësimit, çka ka sjellë dhe dëmin ekonomik të kallëzuesi.

Urojmë që hidrovori i Vlorës të më mos ketë këtë fat, por siç ka nisur shenjat nuk janë të mira. Dy oligarkët akoma nuk ka nisur punën. Dhe pasojat bien mbi banorët që presin të vihet në funksionim objekti.

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.