Napoli fiton Superkupën e Italisë. Ekipi i drejtuar nga Antonio Conte triumfoi 2-0 ndaj Bolognas, në ndeshjen e luajtur në Riad.

Kampionët në fuqi të Italisë mundën fituesin në fuqi të Kupës në ndeshjen e luajtur në Riad të Arabisë Saudite, përballë një interesimi të vakët të vendasve, në atë që mund të jetë edicioni i fundit që luhet me këtë format i cili nuk po rezulton i suksesshëm.

Ndeshjen e vendosi ylli i napolitaneve, David Neres, i cili shënoi nga një gol në secilën pjesë loje, për të vulosur fatin e duelit dhe për t’i dhënë trofeun e dytë të këtij viti Napolit.

NAPOLI-BOLONJA 2-0
39′, 57′ Neres

Goli i Neres (VIDEO)

Goli i dytë i Neres (VIDEO)

gijotina.com/

Pas deklaratës që Ervin Salianji bëri gjatë protestës që opozita zhvilloi mbrëmjen e sotme para Kryeministrisë, se asnjë nuk mund ta përjashtojë nga Partia Demokratike, Sekretari i Përgjithshëm i kësaj force politike, Flamur Noka, e ka hequr ish-deputetin nga grupi i Kryesisë në Whatsapp.

Burime pranë Kryesisë, kanë konfirmuar lajmin./Report TV

Pas protestës së opozitës, mësohet se janë shoqëruar në komisariatin nr.1 disa qytetarë pjesëmarrës në këtë protestë.

Në komisariat kanë mbërritur dhe një grup deputetësh.

Pas përfundimit të protestës së opozitës, ka reaguar Ili Meta. “Numërimi mbrapsht ka filluar!”, shkruan Meta ndërsa ka ndarë edhe disa foto nga protesta e organizuar para Kryeministrisë.

Protesta e opozitës nisi në orën 18:00. Qytetarë të shumtë u bashkuan në shesh. Kreu i PD Sali Berisha theksoi se opozita nuk do të ndalet deri në rrëzimin e regjimit.

gijotina.com/

Kreu i PD Sali Berisha në mbyllje të protestës, është pyetur në një prononcim për media, lidhur me pjesëmarrjen e Ervin Salianjit në protestë.

Ai tha se çdokush që i bashkohet protestës është i mirëpritur.

‘Çdo njeri që vjen në protestë është i mirëpritur, nuk është protesta e Sali Berishës por vullnet i qytetarëve që duan që të protestojnë kundër kësaj qeverie. Është rasti që të merrem me protestën. Do po flasim për protestë apo? Unë thirrjen time e bëra për çdo forcë për çdo qytetarë dhe intelektual të na bashkohet, por kjo do të jetë një betejë që s’do të ndalet pa realizimin e qëllimit të saj’, tha ai.

Me tej Berisha paralajmeroi protesta edhe ne Surrel.

“Kjo histori i ka rrënjët në Surrel” tha Sali Berisha ndërkohë që i printe militantëve të opozitës në bulevard të cilët i quajti ‘luftëtarë të lirisë’.  Sipas Berishës, banesa e kryeministrit Rama është një pallat krimi. Berisha tha se “aksioni i sotëm mbyllet tek selia” por pranoi se i kishte thënë militantëve “të bëjnë një xhiro dhe të njohin terrenin.”

Berisha e quajti ‘historike’ pjesëmarrjen ne protestë. I pyetur nëse “do t’i shkojë me të vërtetë Edi Ramës në shtëpi”, Berisha u përgjig duke thënë “aty rreth.”

“Në Surrel do të shkojmë ne, por nuk shkojmë pa ju thirrur ju” u tha ai gazetarëve.  Ai premtoi militantëve të tij se “PD do ta shpëtojë Shqipërinë nga Edi Rama.

gijotina.com/

Aksioni opozitar ditët e ardhshme tha Berisha do të jetë Kryeministria, Parlamenti e Surreli pasi sipas tij janë qendrat e krimit.

Anëtari i Kryesisë së PD, Ervin Salianji deklaroi nga protesta kombëtare e opozitës para Kryeministrisë, se lëvizja dhe takimet e tij me demokratët dhe qytetarët janë për të “zgjuar” Partinë Demokratike.

Gjithashtu, ish-deputeti demokrat tha se do të vijojë takimet me bazën e PD dhe qytetarët me qëllim ripërtërirjen strukturës së saj drejtuese, me qëllim, sipas tij – për të rrëzuar Qeverinë dhe larguar Edi Ramën nga pushteti.

Pyetje: Do të vazhdoni takimet me bazën e PD? 
Ervin Salianji: Padiskutim. Nuk i kam ndaluar ndonjëherë takimet me demokratët dhe qytetarët dhe as nuk i ndaloj. Në kulmin e këtyre skandaleve PD duhet të bëjë gjtihçka për të qenë e përgatitur për të rrëzuar Edi Ramën një orë e më parë. Ekspozimi i të dhënave të tjera që pritet të ndodhin në ditët e ardhshme e bën të domosdoshme përgatitjen e PD dhe të opozitës për të mos e lënë Edi Ramën për asnjë sekondë në zyrën që mban peng tani.

Ervin Salianji: Çdo ndryshim nuk vjen pa divergjenca mendimesh. Unë mendoj që është e domosdoshme që PD të jetë e gatshme edhe njëherë tjetër dhe e ripërtërirë për të rrëzuar Edi Ramën.

Protestuesit hedhin molotov para derës së kryeministrisë.

I ashpër ka qenë qëndrimi i kreut të PD Sali Berisha në protestën e sotme.

Sali Berisha ka dalë para protestuesve të mbledhur në shesh, dhe u ka bërë thirrje që kjo protestë të vazhdojë deri në rrëzimin e Edi Ramës.

“Në 10 vitet e fundit të këtij regjimi, shqiptarët janë pakësuar më shumë se nga çdo epidemi, nga çdo zi buke dhe çdo gjë tjetër. Shqiptarët në 10 vitet e këtij regjimi kanë shkuar 100 vite pas për lindshmërinë e tyre. Sot ata kanë humbur mbi gjysmën e rinisë së vet, kanë humbur të ardhmen dhe çdo vit bëhen gjithnjë e më pak.

Ne mblidhemi në një moment kritik, ndoshta si kurrë më parë, sepse Edi Rama pasi shndërroi zgjedhjet në farsë elektorale, del se ka vendosur të bëhet multimiliarderë më paratë tuaja. Ai ka vendosur veten mbi ligjin, kushtetutën, mbi çdo pushtet dhe na thotë nga Surreli se ‘unë ju u shumëzoj me zero’.

Edi Rama hidhi sytë këtij bulevardi, nga sot ti kurrë nuk do njihesh më në Shqipëri dhe në botë si kryeministër, por si kapobandë’, tha Berisha.

Berisha u shpreh: “Këto dy javë në Shqipëri është zhvilluar një betejë e pashembullt. Një prokuror guximtar pezulloi nga detyra zv.kryeministren, njeriun më hajdut pas Ramës në historinë e kombit. Një gjykatë turpi, u ble. Një gjykatë supreme kryesore e kombit i hoqi jashtë çdo rregulli masën e pezullimit e ktheu lubinë në detyrë që të vjedhë, të prishë cdo provë dhe si banditë të kërcënojë çdo dëshmitar. Rama me këtë vendim që i diktoi GjK na tha ne shqiptarëve se unë ju kam vjedhur dhe do t’ju vjedh sepse jam mbi ligjin mbi Kushtetutën dhe gjykatat .Kërkesë për arrestimin e zv.kryeministres, pasi u shtuan aferat provojnë se Rama dhe ajo bashkë kanë vjedhur dhe dëmtuar shqiptarë me afera 1.2 mln euro. Rama bllokoi Parlamentin. Kreu grushtin e shtetin për të shpëtuar  lëkurën e tij.

Kryetari i PD, Sali Berisha, akuzoi kundërshtarin e tij politik, kryeministrin Edi Rama, se nuk lejoi arrestimin e Ballukut, sepse e dinte që radha do t’i vijë dhe atij.

“Nëse zv/kryeministrja në ato deftere që u gjetën, ka mbi 300 apartamente, 15 supermerkato, 2 jahte, Edi Rama pasi hyri në këtë godinë, me paratë offshore ka 2 mln euro pasuri.

gijotina.com/

Që në nisje ka pasur hedhje shashkash dhe brohoritma, të cilat e shoqëruan Berishën gjatë gjithë rrugës. Gjatë kohës që Berisha ecën drejt Kryeministrisë, dëgjoheshin edhe zhurma nga hedhja e kapsollave ose shashkave.  Megjithatë pjesëmarrja e dobët nuk mund të mbulohej me shashka.

Krah kreut të demokratëve qëndronte Flamur Noka dhe Oerd Bylykbashi.

Deputeti i PD Klevis Balliu ka mbajtur një fjalim nga podiumi i ngritur para Kryeministrisë ku po mbahet protesta kombëtare e thirrur nga PD. “Kemi denoncuar për 12 vite sesi një narkoshtet ka vjedhur dhe i ka varfëruar shqiptarët. Sot nuk ka ilaçe nëpër spitale”, tha ai.

“Forca juaj është kthyer në shpresën tonë të përbashkët, në shpresën e Shqipërisë. Prania juaj në këtë shesh madhështor do të thotë, që kjo shoqëri ka ende një zemër, guxim e çdo ndryshimi. Kam takuar shumë prej jush dhe revoltën tuaj për gjërat që po shkojnë keq, po në çdo takim që kam pasur me ju, kam marrë prej jush një mesazh, ju nuk dorëzoheni. Kam mësuar leksionin tim më të madh. Besimi dhe sakrifica do të na çojnë përpara, në largimin e Edi Ramës”, tha Gazment Bardhi.

“Institucionet që duhet të na mbrojnë janë kthyer në institucione të kalbura. Të dashur qytetarë ne sot nuk kemi një qeveri. Sot është dita për qëndresë, të ngrihemi f[për fëmijët dhe prindërit tanë”, tha Elda Hoti.“Qytetarëve që nuk e shitën dinjitetin, ju që denoncuat dhe qëndruat e folët atëhere kur ishte e rrezikshme, ja ku jemi dhe sa shumë që jemi. Mandati nuk është pronë, nuk është licencë për të vjedhur. Nëse e trajton vendin si plaçkë do të përgjigjet. Atë që do të vendosim sot do të jetë precedentë të ardhmen. Edi Rama duhet të japë dorëheqjen. Ai ka kohë që nuk është më kryeministër. Kur reziston dhe nuk i nënshtrohet asnjë pazari, ja kur vjen përmbysja, më e paimagjinueshmja. Ata që na shantazhonin sot shantazhohen mes tyre. Dorëheqje Edi Rama, dorëheqje dorëheqje”, tha Belind Këlliçi.

gijotina.com/

Një aksident i rëndë me pasojë vdekjen ka ndodhur në aksin rrugor “Tepelenë-Memaliaj”. 42-vjeçari Andi Jaupi duke drejtuar automjetin e tij, ka përplasur 45-vjeçarin Besmir Beta i cili ka ndërruar jetë në vend.

Grupi hetimor ndodhet në vendngjarje dhe po kryen veprimet për zbardhjen e rrethanave të aksidentit.

gijotina.com/

Zyrtari i KF Vora, Bazio Tragaj, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.

Lojtari i KF Iliria, Adolf Selmani, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.

Lojtari i FK Pogradeci U-19, Aldor Cekici, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.

Lojtari i FK Pogradeci U-19, Igli Xhajollari, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 5 (pesë) ndeshje pezullim nga veprimtaritë.

Lojtari i KF Shkodra U-19, Klisman Kallajxhiu, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 5 (pesë) ndeshje pezullim nga veprimtaritë.

Lojtari i Rinia EL U-15, Enes Pelushaj, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 5 (pesë) ndeshje pezullim nga veprimtaritë.

Lojtari i KF Shënkolli U-14, Mateo Meta, për sulm ndaj lojtarëve të ekipit kundërshtar, në bazë të nenit 14/1/i të KDE, dënohet me 5 (pesë) ndeshje pezullim nga veprimtaritë.

gijotina.com/

Deputeti i Partisë Demokratike Ervin Salianji dhe mbështetësit e tij i janë bashkuar sot protestës së organizuar nga opozita kundër skandaleve të qeverisë së Edi Ramës.

Salianji, për të cilin Berisha thotë se është vetëpërjashtuar nga PD-ja, shoqërohej nga ‘besnikët’ e tij, të cilët i quajti edhe ‘mbështetës të PD-së.”

gijotina.com/

E planifikuar si një tubim kombëtar, protesta e Sali Berishës para Kryeministrisë në Bulevardin “Dëshmorët e Kombit” shënoi një pjesëmarrje që nuk i përgjigjet pritshmërive për një manifestim në këto përmasa. Numri i qytetarëve ishte i ngjashëm me atë të foltoreve parlamentare-qytetare që kryedemokrati zhvilloi gjatë pesë javëve të fundit para godinës qeveritare.

Berisha mbërriti rreth 20 minuta para nisjes së protestës dhe u prit nga një grup i vogël mbështetësish.

Në kuadër të masave të sigurisë, qindra efektivë të Policisë së Shtetit kanë rrethuar Kryeministrinë. Sipas burimeve zyrtare, rreth 1,300 policë janë të vendosur në terren për të garantuar rendin dhe mbarëvajtjen e tubimit.

gijotina.com/

Berisha del nga selia e PD-së, niset drejt kryeministrisë! Qytetarët: O Sali o hero gjithë Shqipëri ty të do!

Partia Demokratike do të zhvillojë një protestë kombëtare këtë të hënë në orën 18:00 përpara Kryeministrisë.

Qindra efektivë të Policisë së Shtetit kanë zbarkuar pranë Kryeministrisë në kuadër të masave të sigurisë të marra për shkak të protestës kombëtare që Partia Demokratike ka thirrur në orën 18:00, në bulevardin “Dëshmorët e Kombit”. 1300 mësohet të jetë numri i forcave blu që janë gati ne terren në kuadër të tubimit e demokratëve.

gijotina.com/

Partia Demokratike do të zhvillojë mbrëmjen e sotme protestën kombëtare para kryeministrisë, pas skandaleve të njëpasnjëshme në qeverinë e ramës. Për protestën kanë mbërritur qytetarë nga qytete të ndryshme me mesazhe simbolike.

Një nga qytetarët pjesëmarrës në këtë protestë, në një mënyrë simbolike, ka shkruar mbi veshjen e tij shprehjen: “Shpresa ka vdekur, po iki!” Duke folur për SYRI TV, qytetari shprehet se ka ardhur nga Lezha për tu bërë pjesë e protestës dhe thekson se qytetarët duhet të kuptojnë se ka ardhur koha të lëvizin dhe të kërkojnë ndryshime të mëdha në vend.

“Kam ardhur nga Lezha për ti treguar këtij vendi se kjo qeverisje prej 12 vitesh nuk është e pranueshme. Imagjinoni, rren njerëzit me lëmoshë, pra shpërblimi për fundvit është lemoshë. Unë kam dalë që këtë korrupsion ta eliminojmë dhe të krijojmë një qeveri teknike. Ky është kërkesa ime dhe e këtij populli”, shprehet qytetari.

gijotina.com/

Autoriteti Kombëtar për Sigurinë Kibernetike ka përmbyllur Maratonën Kombëtare të Sigurisë Kibernetike 2025, një iniciativë që u zhvillua përgjatë disa muajve, me qëllim identifikimin e talenteve të reja në nivel kombëtar.

AKSK njofton se maratona u organizua në tre kategori kryesore: Maratona për Universitetet dhe Shkollat Profesionale, Maratona për Vajzat dhe Gratë, si dhe Maratona Speciale për personat me nevoja të veçanta, duke reflektuar një qasje të gjerë dhe gjithëpërfshirëse.

Formati i kësaj nisme ngjalli interes të lartë, me mbi 1000 aplikantë, prej të cilëve më shumë se 500 konkurrentë u përzgjodhën për të marrë pjesë aktive në fazat konkurruese.

Sipas AKSK, pjesëmarrësit u testuan përmes sfidave teknike të nivelit profesional, të implementuara dhe të administruara përmes platformës SimSpace, e financuar nga Departamenti Amerikan i Shtetit. Sfidat përfshinë analiza, menaxhim incidentesh, simulime proaktive, si dhe zgjidhje skenarësh me kompleksitet të lartë.

Në aktivitetin e finales së maratonës, organizuar nga Autoriteti Kombëtar për Sigurinë Kibernetike, Igli Tafa, Drejtor i Përgjithshëm i Autoritetit Kombëtar për Sigurinë Kibernetike, theksoi se Maratona Kombëtare e Sigurisë Kibernetike është një format që bashkon studentë të universiteteve, vajza dhe gra, si dhe persona me aftësi të kufizuara.

Ai nënvizoi se kjo maratonë shërben si një mekanizëm konkret për identifikimin e talenteve dhe ndërtimin e kapaciteteve profesionale, të domosdoshme për mbrojtjen e infrastrukturave kritike dhe të rëndësishme të informacionit në vend, si dhe për zhvillimin e sigurt të shërbimeve digjitale në vend.

Fituesit e Maratonës Kombëtare të Sigurisë Kibernetike 2025

Maratona për vajzat dhe gratë:

Vendi I: Ana Kaci

Vendi II: Adriana Roci

Vendi III: Irva Dafa

Maratona për studentët:

Vendi I: Earta Joca

Vendi II: Sidrit Zela

Vendi III: Orgito Leka

Vendi III: Firdeus Dikelari

Vendi III: Asim Lecini

Vendi III: Emanuel Dervishi

Vendi III: Abdurrahman Sejta

Vendi III: Arkel Lahi

Maratona speciale për persona me aftësi të kufizuara:

Vendi I: Dorina Olldashi

Vendi II: Erblin Karaj

Vendi III: Alvaro Dunja

Maratona për Universitetet:

Vendi I: Akademia e Forcave të Armatosura

Vendi II: Fakulteti i Teknologjisë së Informacionit

Vendi III: Universiteti “New York”

Pak para protestës kombëtare, Kryedemokrati mbërrin në selinë e PD-së. Partia Demokratike do të zhvillojë një protestë kombëtare këtë të hënë në orën 18:00 përpara Kryeministrisë.

Qindra efektivë të Policisë së Shtetit kanë zbarkuar pranë Kryeministrisë në kuadër të masave të sigurisë të marra për shkak të protestës kombëtare që Partia Demokratike ka thirrur në orën 18:00, në bulevardin “Dëshmorët e Kombit”. 1300 mësohet të jetë numri i forcave blu që janë gati ne terren në kuadër të tubimit e demokratëve.

Përballë godinës së qeverisë është ngritur podiumi ku pritet të flasin eksponentët e Partisë Demokratike dhe pjesëmarrës të tjerë në proteste.

gijotina.com/

Një ngjarje e pazakontë ka ndodhur mbrëmë më Fermo të Italisë, ku protagonist ka qenë një 42-vjeçar që sipas autoriteteve u raportua në një gjendje psiko-fizike jo normale për shkak të sjelljes së tij agresive.

I skeduar më parë si person problematik, ai u lokalizua nga karabinierët e Porto San Giorgio, që iu përgjigjën një njoftimi në një bar në Campofilone, pas një raportimi për një individ shqetësues.

Shqiptari ka qenë në gjendje mendore të trazuar, dhe të pakontrollueshme, aq sa dhunoi me shqelma dhe grushte efektivët që me shumë vështirësi e neutralizuan.

Por pavarësisht kësaj, në një gjendje krejtësisht të ndryshuar, ai arriti ta dëmtonte automjetin e shërbimit ushtarak me shqelma dhe goditje me kokë, duke dëmtuar derën e pasme të djathtë dhe duke thyer xhamin.

Gjatë operacionit, ai pësoi një dëmtim në kokë, i cili u trajtua në vend personeli i 118-ës, që më tej e dërguan në spitalin e Fermos. Efektivët gjithashtu u detyruan të kërkonin ndihmë mjekësore për lëndime të ndryshme, me një prognozë midis 7 dhe 10 ditësh, informon media italiane.

Pasi arrestimi u vërtetua, burri iu nënshtrua detyrimit për t’u paraqitur në policinë gjyqësore.