Të paktën dhjetë persona u vranë dhe dhjetë të tjerë u plagosën në një sulm me armë zjarri në një tavernë në vendbanimin Bekkersdal, në perëndim të Johanesburgut, njoftoi sot policia e Afrikës së Jugut.

Sipas Korporatës Jugafrikane të Transmetimeve (SABC), sulmi ka ndodhur gjatë natës në tavernën “KwaNoxolo”, në zonën Tambo, kur persona të panjohur të armatosur hapën zjarr në mënyrë joselektive ndaj klientëve brenda lokalit dhe personave të mbledhur jashtë tij.

Të plagosurit u dërguan në spitale të afërta për trajtim. Policia konfirmoi fillimisht dhjetë viktima dhe bëri të ditur se efektivët mbetën në vendngjarje ndërsa hetimet po vazhdojnë.

Komisari i përkohshëm i Policisë së Gautengut, Fred Kekana, tha se janë angazhuar njësi të shumta policore.

“Jemi ende duke marrë deklarata. Ekipi ynë kombëtar për krime dhe menaxhim ka mbërritur. Po ashtu kanë ardhur ekipi provincial për menaxhimin e vendngjarjes, një ekip nga qendra lokale e evidencës kriminale, si dhe ekipet për hetimin e krimeve të rënda, inteligjenca e krimeve dhe detektivë provincialë”, deklaroi ai.

Një ngjarje e rëndë është regjistruar këtë të diel, 14 dhjetor, në Australi, ku 12 persona kanë humbur jetën pasi dy individë të armatosur hapën zjarr ndaj një turme të madhe njerëzish të mbledhur në plazhin Bondi, me rastin e festimit të festës hebraike Hanukkah. Sipas pamjeve të shpërndara nga mediat ndërkombëtare, një qytetar ka arritur […]

The post VIDEO/ Masakra në Australi, momenti kur qytetari kap në befasi një prej sulmuesve dhe e çarmatos appeared first on BoldNews.al.

Një ngjarje e rëndë është raportuar në Sydney në Australi. Ndërsa po mbahej një festë hebraikë dy persona kanë hapur zjarr, duke lënë të vdekur të paktën 10 persona dhe 12 të tjerë të plagosur. Ekziston rreziku që numri I viktimave dhe të plagosurve të rritet në vijim.

Në rrjete sociale është janë publikuar pamjet të momentit kur dy persona shihen duke hapur zjarr.

BREAKING 🚨🚨#Sydney / #Australia

Graphic video of shooters firing on the crowd at Bondi Beach pic.twitter.com/FlxdvHMo31

— OC Scanner 🇺🇸 🇺🇸 (@OC_Scanner) December 14, 2025

The post TRAGJEDI NË AUSTRALI/ Të shtëna në plazhin e Sidneit, 10 viktima, mbi 18 të plagosur appeared first on Albeu.com.

Policia në Australi ka konfirmuar se 10 persona kanë humbur jetën pas një sulmi me armë në Bondi Beach, përfshirë një nga autorët e të shtënave. Një tjetër autor ndodhet në duart e policisë dhe është i plagosur, raporton BBC. Të paktën 12 persona të tjerë kanë mbetur të plagosur, ndërsa dy efektivë policie janë […]

The post Të shtëna me armë zjarri në një plazh në Australi, 10 të vdekur dhe 12 të plagosur appeared first on BoldNews.al.

UASHINGTON, 14 dhjetor /ATSH-DPA/ – Dy persona u vranë dhe të paktën nëntë të tjerë u plagosën, pas të shtënave në universitetin Brown, në qytetin verilindor amerikan të Providences, thanë zyrtarët.

”Të plagosurit janë në gjendje kritike, por të qëndrueshme”, tha kryebashkiaku i Providence, Brett Smiley, duke shtuar se i dyshuari ishte ende i lirë.

Policia tha se personi qëlloi brenda një ndërtese ku mësohen inxhinieri dhe fizikë, ku ndodhen klasa mësimi dhe laboratorë.

Motivi i sulmit nuk ishte menjëherë i qartë.

”Të gjitha viktimat ishin studentë dhe incidenti ndodhi ndërsa po zhvilloheshin provimet përfundimtare”, thanë zyrtarët e universitetit.

”Më shumë se 400 oficerë, edhe nga FBI, janë në vendngjarje”, tha kryebashkiaku.

Dje vonë, policia publikoi një video që tregonte të dyshuarin të veshur me të zeza, megjithëse fytyra e tij nuk ishte e dukshme.

Ai u largua nga kampusi në këmbë.

Presidenti i SHBA-së, Donald Trump tha në platformën e tij Truth Social se autori i sulmit ishte në paraburgim, por më vonë e korrigjoi deklaratën.

Universiteti Brown është një institucion privat i Ivy League që ndodhet në Providence, kryeqytetin e shtetit të Rhode Island.

Qyteti shtrihet në jug të Bostonit dhe ka një popullsi prej rreth 200 000 banorësh.

Rastet e dhunës me armë ndodhin vazhdimisht në Shtetet e Bashkuara – në shkolla, vende pune, supermarkete, klube nate dhe ngjarje të mëdha.

Armët e zjarrit, përfshirë disa armë gjysmëautomatike, janë lehtësisht të arritshme.

Pavarësisht zemërimit të përhapur pas incidenteve veçanërisht të rënda, përpjekjet për të shtrënguar ligjet për armët kanë dështuar për vite me radhë./  a.jor.

The post SHBA – Dy të vrarë pas të shtënave në një universitet appeared first on Agjencia Telegrafike Shqiptare.

Last Updated on 10/12/2025 by EL

Dy ndërtesa katërkatëshe u shembën në lagjen Al Mustaqbal të qytetit Fez në Marok duke shkaktuar të paktën 22 viktima dhe 16 të plagosur.

Ndërtesat kishin shfaqur më herët çarje dhe shenja të rrezikut, por nuk ishin ndërmarrë masa për t’i siguruar.

Ndërtesat strehonin tetë familje. Pas shembjes, njësitë e mbrojtjes civile dhe shërbimet e emergjencës shkuan menjëherë në vendngjarje për të shpëtuar të mbijetuarit dhe për të ndihmuar të plagosurit.

Raportet e mediave shtetërore tregojnë se ndërtesat kishin treguar shenja plasaritjeje për një kohë të gjatë, por nuk kishte pasur ndërhyrje parandaluese. Ministria e Brendshme nuk ka dhënë ende koment mbi incidentin, ndërsa dëmet nuk janë verifikuar nga burime të pavarura.

Fez është qyteti i tretë më i madh i Marokut dhe një qytet me histori të gjatë. Kohët e fundit, qyteti ka qenë i përfshirë në protesta për shkak të kushteve të vështira të jetesës dhe shërbimeve publike të dobëta, ku banorët kanë shprehur pakënaqësi ndaj qeverisë.

Ngjarja e shembjes së ndërtesave vjen në një periudhë tensioni social dhe ekonomik. Qeveria po vazhdon me projekte të mëdha infrastrukturore dhe ndërtimin e objekteve moderne për Kupën e Botës 2030, ndërsa qytetarët përballen me probleme të përditshme jetese dhe siguri në banesa./e.t

KAJRO, 10 dhjetor /ATSH-DPA/ – Nëntëmbëdhjetë persona kanë humbur jetën, pas shembjes së dy ndërtesave ngjitur në qytetin e Fezit, në veri të Marokut, njoftoi sot  agjencia zyrtare marokene e lajmeve, MAP.

”Dy ndërtesat katërkatëshe, që strehonin tetë familje, u shembën gjatë natës. Të paktën 16 persona kanë pësuar lëndime të ndryshme dhe janë dërguar në spital”, njoftoi MAP duke cituar autoritetet lokale.

”Punonjësit e shpëtimit dhe forcat e sigurisë mbërritën menjëherë në vendngjarje për të filluar operacionet e kërkimit dhe shpëtimit, për të siguruar zonën përreth dhe për të evakuuar banorët e ndërtesave fqinje si masë paraprake”, thanë autoritetet.

”Operacionet e kërkimit dhe shpëtimit vazhdojnë për të gjetur çdo person që mund të jetë bllokuar nën rrënoja”, sipas raportit.

Fez është qyteti i tretë më i madh i Marokut dhe një nga më të vjetrit./  /Ad.Ab./

The post MAROK – 19 viktima pas shembjes së dy ndërtesave appeared first on Agjencia Telegrafike Shqiptare.

KOLOMBO, 1 dhjetor /ATSH-AFP/ – Ekipet e shpëtimit dhe personeli ushtarak punuan sot për të pastruar rrugët dhe për të ofruar ndihmë për njerëzit në Sri Lanka dhe Indonezi, të prekura nga përmbytjet që kanë lënë më shumë se 1 000 të vdekur dhe qindra të zhdukur në katër vende aziatike në ditët e fundit.

Një ciklon në Sri Lanka dhe një stuhi e jashtëzakonshme në Tajlandë, Malajzi dhe Indonezi, veçanërisht në ishullin e madh të Sumatrës, sollën shira të rrëmbyeshëm në rajon, i cili ishte tashmë në mes të sezonit të musoneve.

Në Sumatra, numri i të vdekurve nga përmbytjet u rrit përsëri sot duke arritur në 593, me 468 persona ende të zhdukur, njoftoi agjencia e menaxhimit të fatkeqësive.
Ky numër i fundit, i përkohshëm, e çon numrin e vdekjeve në rajon nga ky episod i fundit i përmbytjeve në më shumë se 1 000.

“Uji më arriti deri në fyt”, tha Misbahul Munir, 28 vjeç, një banor i Acehut të Veriut, në majën veriore të Sumatrës, i habitur nga ujërat në rritje, ndërsa po ngiste makinën e tij.
Në shtëpinë e tij “uji është rreth dy metra i lartë. Të gjitha mobiljet janë të dëmtuara”.

“Më kanë mbetur vetëm rrobat që kam veshur”, shtoi ai përpara se të shpërthente në lot.
Për banorët që strehohen në qendrat e pritjes, “kushtet janë shqetësuese. Ka gra shtatzëna dhe fëmijë të vegjël”, shpjegoi ai, duke shtuar se “nuk ka më energji elektrike”.
Me të mbërritur sot në mëngjes në Sumatrën veriore, presidenti indonezian Prabowo Subianto njoftoi se “prioriteti i qeverisë tani është të dërgojë menjëherë ndihmën e nevojshme”.

Ai njoftoi vendosjen e avionëve dhe helikopterëve për operacionet e shpëtimit, përveç tre anijeve ushtarake që janë dërguar tashmë në zonat më të prekura, ku shumë rrugë mbeten të pakalueshme për shkak të baltës dhe mbeturinave.

Presidenti është nën presion në rritje për të shpallur një gjendje të jashtëzakonshme kombëtare në përgjigje të fatkeqësisë natyrore më vdekjeprurëse të vendit që nga tërmeti dhe cunami që vranë më shumë se 2 000 njerëz në Sulawesi në vitin 2018.
Ndryshe nga homologu i tij nga Sri Lanka, udhëheqësi indonezian nuk ka bërë një thirrje për ndihmë ndërkombëtare.

Sri Lanka bën thirrje për ndihmë –

Shiu dje kishte pushuar në të gjithë Sri Lankën kur autoritetet nisën një operacion shpëtimi në shkallë të gjerë.

Qeveria e Sri Lankës përdori helikopterë ushtarakë për të shpëtuar njerëzit e bllokuar nga përmbytjet dhe rrëshqitjet e dheut të shkaktuara nga cikloni ‘’Ditwah’’. Njëri prej tyre u rrëzua të dielën në mbrëmje në veri të Kolombos.

Të paktën 335 persona janë vrarë dhe 366 të tjerë janë ende të zhdukur, sipas një numri të përditësuar të lëshuar të hënën nga autoritetet e Sri Lankës.
Presidentja Anura Kumara Dissanayake, e cila shpalli gjendjen e jashtëzakonshme, u zotua të rindërtojë zonat e shkatërruara pas katastrofës, të cilën e quajti “më e keqja në historinë tonë”.

“Shtëpia ime është përmbytur plotësisht. Nuk di ku të shkoj, por shpresoj të gjej një strehë të sigurt ku mund të çoj familjen time”, tha Selvi, 46 vjeç, një banor i një periferie të Kolombos, duke mbajtur katër çanta me sende personale.
Humbjet dhe dëmet janë më të rëndësishmet në Sri Lanka që nga cunami shkatërrues i vitit 2004.

Zemërim në Tajlandë

Pjesa më e madhe e Azisë po përjeton aktualisht sezonin e musoneve, me shira të rrëmbyeshëm që ndonjëherë shkaktojnë rrëshqitje toke dhe përmbytje të menjëhershme.
Ndryshimet klimatike po ndikojnë në modelet e stuhive, duke përfshirë kohëzgjatjen dhe intensitetin e këtyre shirave, të cilat po bëhen më të dendura, me përmbytje të menjëhershme dhe erëra më të forta.

Këto shira të rrëmbyeshëm kanë shkaktuar të paktën 176 vdekje në Tajlandën jugore, në një nga përmbytjet më vdekjeprurëse që vendi ka parë në një dekadë.

Qeveria ka zbatuar masa ndihme, por kritikat publike për reagimin ndaj fatkeqësive po rriten dhe dy zyrtarë lokalë janë pezulluar për neglizhencë të dyshuar.

Në anën tjetër të kufirit, në Malajzi, ku shirat e rrëmbyeshëm përmbytën gjithashtu sipërfaqe të gjera toke në shtetin e Perlis, dy persona vdiqën. / /Ad.Ab./

The post KOMENT – Mbi 1 000 viktima në Azi pas përmbytjeve, mes thirjeve për ndihmë dhe zemërimit appeared first on Agjencia Telegrafike Shqiptare.

Në total, 70 zjarrfikës nxituan në vendngjarje me rreth 30 automjete dhe arritën ta shuanin zjarrin mjaft shpejt, sipas gazetës Le Monde.

Të paktën katër persona kanë humbur jetën dhe dhjetë të tjerë janë plagosur, në një sulm masiv me armë gjatë një feste ditëlindjeje të një fëmije në qytetin Stockton të Kalifornisë së Veriut.

Ngjarja e rëndë ndodhi mbrëmjen e së shtunës, në një restorant ku po mbahej festa. Sipas policisë, autori i dyshuar është ende në arrati, ndërsa të dhënat e para sugjerojnë se sulmi mund të ketë qenë i synuar, raporton BBC.

Autoritetet lokale konfirmuan se mes viktimave ka si të rritur, ashtu edhe fëmijë. Nuk është bërë ende e ditur gjendja shëndetësore e personave të plagosur.

Zyra e sherifit të qarkut San Joaquin tha se të shtënat u regjistruan pak para orës 18:00 me orën lokale, ndërsa zëdhënësja Heather Brent e përshkroi incidentin si “të pakonceptueshëm”.

“Nga informacionet paraprake, dyshohet se mund të jetë një ngjarje e synuar dhe hetuesit po shqyrtojnë të gjitha pistat”, thuhet në deklaratë. “Detektivët po punojnë intensivisht për të përcaktuar rrethanat që çuan në këtë tragjedi.”

Zëvendëskryetari i bashkisë së Stockton, Jason Lee, reagoi në rrjetet sociale duke shprehur tronditjen e tij:

“Jam i shkatërruar dhe i zemëruar nga lajmi për të shtënat masive në një festë ditëlindjeje të një fëmije. Një ditëlindje nuk duhet të jetë kurrë një vend ku familjet frikësohen për jetën”.

Zyra e Guvernatorit të Kalifornisë, Gavin Newsom, bëri të ditur se ai është informuar mbi ngjarjen “tronditëse” dhe po ndjek nga afër zhvillimet.

The post Tragjike në Kaliforni, 4 viktima dhe 14 të plagosur pas të shtënave në festën e ditëlindjes appeared first on Albeu.com.

KALIFORNI, 30 nëntor /ATSH-ANSA/-Katër persona u vranë nga të shtënat me armë pranë Stockton, Kaliforni.

Rreth dhjetë persona u plagosën dhe u dërguan në spitalet lokale.

Zëdhënësja e Zyrës së Sherifit, Heather Brent, konfirmoi vdekjen e katër personave dhe vuri në dukje se viktimat ishin të mitur.

Të shtënat u qëlluan në një vend ku një familje me shumë gjasa po festonte një ditëlindje.

The post SHBA – Të paktën katër të vdekur e 10 tē plagosur nga të shtënat në Kaliforni appeared first on Agjencia Telegrafike Shqiptare.

BANGKOK, 28 nëntor /ATSH-AFP/ – Numri i të vdekurve nga përmbytjet në Tajlandën jugore është rritur ndjeshëm nga 55 në 145, njoftoi sot një zëdhënës i qeverisë, me provincën Songkhla që mban peshën kryesore të katastrofës me 100 viktima.

“Numri i përgjithshëm i të vdekurve në provincat jugore ka arritur në 145”, tha Siripong Angkasakulkiat në një konferencë për shtyp, ndërsa pjesa më e madhe e Azisë Juglindore po përjeton reshje të dendura shiu dhe rrëshqitje toke në fillim të sezonit të shirave.

Imazhet e transmetuara nga televizionet lokale ditët e fundit treguan ekipet e shpëtimit në Hat Yai duke evakuuar banorët me ndihmën e varkave, motorëve te ujit dhe kamionëve ushtarakë, me nivelin e ujit që po rritej.

Tajlanda përjeton rregullisht reshje të dendura nga qershori deri në shtator, dhe shkencëtarët shpjegojnë se ngrohja globale e shkaktuar nga veprimtaria njerëzore i bën fenomenet meteorologjike më të shpeshta, më vdekjeprurëse dhe më shkatërrimtare.

”Për çdo gradë celsius shtesë, atmosfera mund të mbajë 7% më shumë lagështi, duke rezultuar në reshje më të dendura shiu”, paralajmërojnë ekspertët./ a.jor.

The post TAJLANDË – 145 viktima pas përmbytjeve në jug të vendit appeared first on Agjencia Telegrafike Shqiptare.

Një zjarr masiv në kompleksin Wang Fuk Court në distriktin Tai Po ka shkaktuar vdekjen e të paktën 65 personave, duke u bërë zjarri më vdekjeprurës në qytet që nga viti 1957. Dhjetëra të tjerë janë ende të zhdukur, ndërsa rreth 70 persona ndodhen në spital, disa në gjendje kritike. Flakët nisën të mërkurën pasdite […]

The post Zjarri shkatërrues në Hong Kong, më vdekjeprurës në 70 vjet: Mbi 65 të vdekur, 250 ende të zhdukur appeared first on BoldNews.al.

HONG KONG, 27 nëntor /ATSH-AFP/ – Zjarri që shkatërroi një kompleks banimi në Hong Kong të mërkurën dhe të enjten ka marrë 55 jetë, sipas një numri të ri të publikuar të enjten nga zjarrfikësit.

Një numër i mëparshëm ishte të paktën 44 të vdekur.

”Zjarri, më vdekjeprurësi në Hong Kong në dekada, tani është shuar në katër nga shtatë kullat e prekura nga flakët dhe është nën kontroll në tre të tjera”, u thanë zjarrfikësve gazetarëve./  a.jor.

The post HONG KONG – Arrin në 55 numri i viktimave pas zjarrit në disa rrokaqiej appeared first on Agjencia Telegrafike Shqiptare.

ELBASAN- Një 35-vjeçar nga fshati Mlizë i Elbasanit është mbytur në përroin që kalon pranë fshatit.

Florian Tahiri dyshohet se ka qenë në gjendje të dehur.

Gjatë gjithë natës kanë vijuar kërkimet, ndërsa këtë mëngjes u gjet nga ekipet zjarrfikëse dhe ato të emergjencave të Elbasanit, trupi i pajetë i 35-vjeçarit.

/abcnews.al/

BANGKOK, 26 nëntor /ATSH-AFP/ – Përmbytjet e shkaktuara nga shirat e rrëmbyeshëm në jug te Tajlandës kanë shkaktuar të paktën 33 viktima, njoftoi sot qeveria.

“Autoritetet raportojnë se 33 persona kanë vdekur në shtatë provinca si shkak i përmbytjeve të papritura, goditjeve elektrike dhe mbytjes”, deklaroi zëdhënësi i qeverisë, Siripong Angkasakulkiat.

“Nivelet e ujit pritet të ulen në jug të vendit”, shtoi ai.

Qeveria shpalli gjendje të jashtëzakonshme në provincën jugore të Songkhla një ditë më parë, pasi departamenti meteorologjik parashikoi më shumë reshje shiu këtë javë.

Që nga e enjtja, më shumë se 1 200 persona janë evakuuar nga shtëpitë e tyre në rajon, sipas departamentit të marrëdhënieve me publikun.

Imazhet e transmetuara nga televizionet lokale ditët e fundit treguan ekipet e shpëtimit në Hat Yai duke evakuuar banorët me ndihmën e varkave, motorëve te ujit dhe kamionëve ushtarakë, me nivelin e ujit që po rritej.

Tajlanda përjeton rregullisht reshje të dendura nga qershori deri në shtator, dhe shkencëtarët shpjegojnë se ngrohja globale e shkaktuar nga veprimtaria njerëzore i bën fenomenet meteorologjike më të shpeshta, më vdekjeprurëse dhe më shkatërrimtare.

”Për çdo gradë celsius shtesë, atmosfera mund të mbajë 7% më shumë lagështi, duke rezultuar në reshje më të dendura shiu”, paralajmërojnë ekspertët./ /f.k/  a.jor.

The post TAJLANDË – 33 të vdekur pas përmbytjeve katastrofike appeared first on Agjencia Telegrafike Shqiptare.

Të paktën dhjetë persona kanë humbur jetën gjatë bombardimeve të forcave pakistaneze në territorin afgan gjatë natës, në një periudhë ku tensionet mes Islamabadit dhe Kabulit janë rritur ndjeshëm. Sulmet e Pakistanit ndaj Afganistanit vranë të paktën 10 persona, tha të martën zëdhënësi i qeverisë talebane, një ditë pas një sulmi në një kompleks sigurie […]

The post Pakistani kryen sulme ndaj Afganistanit, humbin jetën 9 fëmijë dhe një grua appeared first on BoldNews.al.

Një sulm i ri rus me dronë goditi gjatë natës qytetin ukrainas të Kharkivit, duke shkaktuar viktima dhe dëme të konsiderueshme. Autoritetet lokale raportuan se katër persona humbën jetën dhe të paktën 17 të tjerë u plagosën si pasojë e shpërthimeve dhe zjarreve të shkaktuara nga sulmet. Lajmi u konfirmua nga kryebashkiaku i Kharkivit, Igor Terekhov, i cili njoftoi përmes një postimi në Telegram…

Source

TEL AVIV, 22 nëntor /ATSH-DPA/ – Të paktën 18 palestinezë, përfshirë fëmijë, janë vrarë në përleshjet e ripërtërira dhe sulmet izraelite në Rripin e Gazës, raportoi sot media palestineze duke nënvizuar brishtësinë e armëpushimit që hyri në fuqi muajin e kaluar.

”Pesë persona u vranë në një sulm izraelit ndaj një automjeti në Gaza”, raportoi agjencia e lajmeve WAFA, duke thënë se sulmi ndodhi në lagjen Rimal të qytetit.

Videot që qarkullojnë në mediat sociale treguan një makinë të djegur me atë që dukej të ishte trupa aty pranë.

Një zëdhënës i ushtrisë izraelite tha se incidenti ishte nën hetim.

Transmetuesi saudit ”Al-Hadath” raportoi se një komandant i krahut ushtarak të Hamasit, Brigadat al-Qassam, u vra në sulm, së bashku me djalin e tij.

Hamasi nuk e ka konfirmuar raportin.

WAFA më vonë raportoi se një person u vra kur një shtëpi u granatua në Nuseirat, që ndodhet në Gazën qendrore.

”Katër persona u vranë në një sulm tjetër në Deir al-Balah, përfshirë dy fëmijë”, tha agjencia.

Izraeli raporton sulme ndaj luftëtarëve të Hamasit

Ushtria izraelite tha se kishte kryer disa sulme ndaj objektivave të Hamasit në Gaza në përgjigje të një sulmi të armatosur ndaj ushtarëve izraelitë në jug të Rripit.

”Pesë militantë të tjerë u vranë në qytetin jugor të Rafah, të cilët me sa duket kishin dalë nga një tunel nëntokësor”, sipas ushtrisë./ a.jor.

The post GAZA – 18 palestinezë të vrarë pas sulmeve izraelite appeared first on Agjencia Telegrafike Shqiptare.