Shoqata Kombëtare e Gjyqtarëve të Republikës së Shqipërisë i drejtoi Këshillit të Lartë Gjyqësor të hënën një rezolutë me shqetësime dhe propozime lidhur me ngarkesën e stoqeve të dosjeve të prapambetura në gjykatat e Juridiksionit të Përgjithshëm, sidomos ato të kryeqytetit. Në rezolutë kritikohen dhe akte nënligjore të KLGJ-së që përcaktojnë afatet procedurale, të cilat […]
Filmi “Avatar: Zjarr dhe Hiri”, i treti në serinë fantastiko-shkencore të regjisorit hollivudian James Cameron, ka kryesuar arkat e kinemave në SHBA dhe Kanada gjatë fundjavës së tij të hapjes. Megjithatë, shifrat fillestare prej 88 milionë dollarësh ishin dukshëm më të ulëta se 134 milionë dollarët e fituar nga “Avatar: Rruga e Ujit” në vitin 2022. Pavarësisht kësaj, ekspertët theksojnë se seria…
Sebi Alla Një muaj pasi kishte marrë detyrën e kryebashkiakut të Tiranës, Erion Veliaj u la afat një javë të gjithë subjekteve që kishin bllokuar hapësirat publike, veçanërisht lokaleve nga tavolinat dhe çadrat në trotuare. “Të gjithë ata që kanë okupuar hapësirat publike kanë një javë afat për t’i liruar këto hapësira. Në fund të javës tjetër do të nxjerrim urdhër ekzekutiv që ata që shesin në rrugë, lokalet që kanë nxjerrë karrige dhe tavolina në mes të rrugës, ata që kanë zënë parkingjet, çdo gjë do të sekuestrohet”, deklaroi Veliaj në gusht të vitit 2015.
Më pas në dy fushatat zgjedhore lokale, 2019 dhe 2023, Veliaj ripremtonte lirimin e hapësirave publike në kryeqytet dhe relativisht ajo ndodhi, plot dhjetë vite më pas.
Në muajin gusht 2025 nisi akioni masiv për lirimin e hapësirave publike, por me urdhër të kryeministrit Rama, ndërsa Veliaj që nga 10 shkurti i këtij viti ndodhet në burg, me 9 akuza në 13 raste të dyshuara.
Aksioni
“Sot është 1 gusht, ka skaduar afati për heqjen e rraqeve buzë rrugëve kombëtare dhe nga sot do fillojë hap pas hapi ndërhyrja e forcave përkatëse të kontrollit me territorin. Ambicia jonë është që të jemi kampionë të Ballkanit në turizëm. Forcat përkatëse do duhet të angazhohen shumë më tepër tash e mbrapa sepse na duhet të jetojmë dhe të bashkëjetojmë më idenë që të gjithë së bashku duhet t’i japim një cilësi të re vendit tonë si një destinacion turistik, por edhe si një shtet i së drejtës për tu bërë anëtarë të BE”, tha Rama.
Duke iu referuar Tiranës ai tha se do të shkonte deri në 20 mijë metra katrorë lirim të hapësirave publike.
Çlirim, por edhe devijim
Në Tiranë aksioni për lirimin e hapësirave publike përfshiu strukturat e Policisë Bashkiake, asaj të rendit dhe Inspektoriatin e Mbrojtjes së Territorit, Tiranë.
Në një përgjigje zyrtare për Faktoje, IMT tha se “ishin liruar në total 1483 hapësira publike nga të cilat 1,214 çmontime vullnetare dhe 269 ekzekutime vendimesh, 56,421 m2 sipërfaqe e liruar në total, ndërkohë 1791 subjekte ishin njoftuar për të kryer lirimin vullnetar”.
Në disa zona të Tiranës lirimi i hapësirave publike, nga vetë subjektet, apo me ndërhyrjen e IMT-së ka ndodhur duke liruar kryesisht trotuaret, por edhe hapësirat e përbashkëta ndërmjet apartamenteve. Pavarësisht aksionit masiv disa subjekte tregtare vijojnë të zhvillojnë aktivitet
Përfundimi
Premtimi për lirimin e hapësirave publike në Tiranë do e konsiderojmë gjysmë të mbajtur, pasi në kryeqytet ka ende hapësira publike të zëna nga subjekte private. Premtimet e njëpasnjëshme u vunë në zbatim në fund të verës së këtij viti.
Faktoje, e mbështetur nga National Endowment Democracy (NED) po monitoron 10 bashki në vend dhe po verifikon nëse janë mbajtur ose jo premtimet e dhëna nga kryebashkiakët.
Nga Albert Vataj Ky mesazh i maestro Elton Deda nuk është thjesht një status pas-festivali; është një manifest etik i profesionistit të vërtetë, një dëshmi se arti nuk mbaron me duartrokitjen e fundit, por fillon pikërisht aty ku hesht zhurma dhe mbetet ndërgjegjja. “Festivali mbaroi” – kjo fjali e shkurtër, e thënë pa patetizëm, ka peshën e një frymëmarrjeje të thellë pas një maratone.
India në vitet 1940: Filmi “Tereza – Një jetë mes dritës dhe hijes” tregon ikonën e kishës katolike mes vetëdyshimit, parimeve dhe gatishmërisë për sakrificë. Dhe shtron pyetjen: A ishte Tereza feministe? Tereza ishte 19 vjeç, kur shkoi si novice (fillestare) në Indi, ku u përball me mjerimin, urinë dhe sëmundjen. Ajo jetoi si murgeshë dhe mësuese në Kalkuta, në urdhërin katolik Loreto…
Ditën e sotme vendi ynë do të ndikohet nga kushte atmosferike të kryesisht të qëndrueshme. Moti parashikohet i kthjellët e vranësira kalimtare. Mjegulla do të jetë prezente në orët e mëngjesit dhe të mbrëmjes kryesisht përgjatë zonave luginore. Era do të fryjë me drejtim nga kuadrati i veriut me shpejtësi mesatare 5 m/sek. Valëzimi në […]
Nga Albert Vataj Ka ndarje nga jeta që nuk mbyllin një kapitull, por e shndërrojnë atë në përjetësi. Ikja e Ismet Bellovës, në moshën 91-vjeçare, i përket pikërisht këtij rendi, atij të figurave që nuk shuhen, por ngjiten më lart, atje ku legjendarët bëhen zë i kujtesës kolektive. Edhe pse prej vitesh zëri i tij dëgjohej vetëm si një jehonë që vinte nga thellësia e kohës – nga emocionet e…
Nga Albert Vataj Festivali i 64-t i Këngës në RTSH, uli mbrëmë siparin e tij, duke shpallur si fitues të këtij edicioni, Alis me këngën “Nân”. E nuk kishte se si të ndodhte ndryshe, Alis triumfon në Fest 64, dhe “Nân” do të përfaqësojë Shqipërinë në Eurovision Song Contest 2026 në Vjenë, Austri. Sërish ishte publiku ai që vendosi, për “Nân” një baladë emocionalisht e fuqishme e shkruar nga…
Disa momente të pazakonta u shënuan në skenën e Festivalit të 64 të RTSH, në natën finale. Kur mbaroi performanca e këngëtares Sheila, dhe Salsano Rrapi e Arilena Ara dolën në skenë nga publiku erdhi një propozim për martesë për Arilenën “Arilena të dua. A do të martohesh me mua!” u dëgjua nga salla e publikut. Në momentin kur kamera u drejtua nga djali ai u largua.
Xhodi Skura, aktore dhe këngëtare shqiptare, është banorja tjetër që i bashkohet shtëpisë së BBVA 5.
Ajo ka lindur dhe është rritur në Tiranë, në një familje të lidhur ngushtë me artin, ku prindërit dhe motra e vëllai i kanë dhënë një mbështetje të vazhdueshme.
Xhodi ka studiuar në liceun artistik, ku edhe i ati ka punuar si mësues, duke ndikuar që dashuria për artin të zhvillohej që herët tek ajo.
BBVA/YouTube
Ajo ka marrë pjesë në The Voice, ku u eliminua gjatë fazës së betejave, dhe ka punuar për disa vite si aktore në serialin “Al Pazar”.
Një humbje e rëndë e ka shënuar jetën e saj katër vite më parë, kur babai i saj humbi jetën për shkak të Covidit, një përvojë që la gjurmë të thella tek Xhodi.
Banorja është e njohur si një vajzë e ndjeshme, solare, me humor dhe ëndërrimtare.
Gjatë hyrjes së saj në BBVA 5, ajo surprizoi gjyshen e saj, duke krijuar një moment të ngrohtë dhe emocional brenda shtëpisë, ndërsa gjyshja u shpreh se ndihet shumë e lumtur që po sheh mbesën e saj pjesë të këtij spektakli. /Telegrafi/
Aktorja dhe këngëtarja Xhodi Skura ka bërë hyrjen e saj të jashtëzakonshme në BBVIP Albania, duke sjellë me vete një histori të pasur dhe një personalitet të veçantë. Xhodi ka lindur dhe u rrit në Tiranë, ku bashkë me prindërit, motrën më të madhe dhe vëllain më të vogël, u rrit me dashurinë për artin. Ajo ka studiuar në liceun artistik, ku babai i saj ka qenë mësues, dhe familja ka pasur gjithmonë një lidhje të fortë me botën e krijimtarisë.
Xhodi ka konkurruar në The Voice of Albania, ku u eliminua gjatë fazës së betejave, por ka vazhduar të punojë për disa vite si aktore në serialin “Al Pazar”. Ajo ka një ngjyrë të veçantë në çdo performancë, duke kombinuar talentin për aktorin me pasionin për muzikën.
Një moment shumë i vështirë për Xhodin ka qenë humbja e babait të saj 4 vite më parë, një tragjedi e papritur për shkak të COVID-19, që ka lënë një boshllëk të madh në jetën e saj. Megjithatë, ajo ka treguar se është një vajzë e fortë dhe e ndjeshme, e cila ka vazhduar të përballojë sfidat me një shpirt të gëzuar dhe me një humor të veçantë.
Në hyrjen e saj në BBVIP, Xhodi ka surprizuar të gjithë me një lidhje të veçantë me gjyshen e saj, e cila e shprehu hapur kënaqësinë për ta parë mbesën e saj në këtë edicion. Ajo është një aktore dhe këngëtare e talentuar, me një shpirt ëndërrimtar dhe energji pozitive që pritet të sjellë shumë dinamika dhe emocione gjatë këtij edicioni.
Kate Hudson ka mahnitur edhe një herë me një zgjedhje mode - këtë herë me një paraqitje plotësisht të zezë, por jashtëzakonisht efektshme dhe elegante
Aktorja e famshme po promovon aktualisht filmin e saj më të ri, Song Sung Blue, ndaj ditët e fundit e kemi parë shpesh në kombinime të ndryshme mode, të cilat rikujtojnë pse ajo konsiderohet prej vitesh një nga yjet më të veshura të Hollywood-it.
Në shfaqjen paraprake të filmit në Nju Jork, Kate Hudson pozoi në tapetin e kuq krah Hugh Jackman, me të cilin edhe luan në këtë projekt. Për këtë rast, ajo zgjodhi një kombinim total të zezë, zgjedhje klasike që kurrë nuk del nga moda.
Edhe pse në pamje të parë ky stilim monokromatik duket i thjeshtë, në realitet çdo pjesë e veshjes është zgjedhur me kujdes dhe ka rolin e vet, duke reflektuar trendet aktuale të modës urbane luksoze.
Kate kishte veshur një bluzë transparente me jakë të lartë prej kashmiri nga marka Intimissimi, e cila ka pushtuar si yjet e famshëm ashtu edhe rrjetet sociale. Poshtë saj dukej një sytjena i thjeshtë i zi, detaj që i dha kombinimit një dozë delikate sensualiteti dhe ishte pikërisht elementi që tërhoqi më shumë vëmendje.
Këtë pjesë të sipërme ajo e kombinoi me pantallona të gjera lëkure, me bel të lartë, një pjesë kryesore që e ngre menjëherë çdo veshje dhe që, sipas stilistëve të modës, është një investim afatgjatë në gardërobë. Pamjen elegante e përmbylli me çizme të zeza me majë metalike në argjend, detaj që i dha karakter dhe forcë vizuale gjithë stilimit.
Ndryshim i dukshëm u vu re edhe te frizura: Kate Hudson i ka shkurtuar flokët bionde deri në nivelin e shpatullave. Me ndarje të thjeshtë në mes, maja të lehta të kthyer nga brenda dhe grim minimalist, ajo rrezatonte bukuri natyrale dhe freski, një dëshmi se thjeshtësia e menduar mirë është gjithmonë në modë.
profimedia
Pse ky stilim vlerësohet si “10 e pastër”?
Ekspertët e modës theksojnë se:
e zeza totale është gjithmonë elegante dhe e sigurt;
teksturat e ndryshme (kashmir transparent + lëkurë) krijojnë kontrast interesant;
tre pjesët kyçe – bluzë cilësore, pantallona statement dhe çizme elegante – janë bazë e një garderobe moderne.
Rusia sulmoi të shtunën portin jugor ukrainas Pivdeni, thanë zyrtarët ukrainas, teksa Moska intensifikoi goditjet në rajonin e Odesës përgjatë Detit të Zi, duke goditur ndërtesa energjetike dhe një rrugë kyç që çon drejt kufirit me Moldavinë.
Rusia po kryen një fushatë sulmesh, pothuajse të pandërprera, me dronë dhe raketa në këtë rajon ku gjenden portet jetike për tregtinë e Ukrainës dhe furnizimet me karburant, pasi Moska po kërcënon që ta shkëpusë “Ukrainën nga deti”.
Sulmet ajrore u përshkallëzuan edhe pse Shtetet e Bashkuara po udhëheqin një përpjekje diplomatike që synon dhënien fund të luftës, që po i afrohet përvjetorit të katërt.
Të shtunën negociatorët amerikanë pritet të takohen në Floridë me zyrtarët rusë, në përpjekjen e radhës diplomatike për fundin e luftës.
Sulmi i së shtunës ndaj portit të Pivdenit goditi rezervuarë, tha zëvendëskryeministri ukrainas, Oleksiy Kuleba, përmes Telegramit, një ditë pasi një sulm raketor në këtë port la të vrarë tetë persona dhe plagosi të paktën 30 të tjerë.
Të enjten dhe të premten, forcat ruse shënjestruan një urë mbi grykëderdhjen e lumit Dniestër pranë fshatit Majaki, në verilindje të Pivdenit, thanë zyrtarët ukrainas.
U premtua gaz natyror, por Korça vazhdon të ngrohet me dru. Dy vite pas fushatës elektorale dhe “lajmit fantastik” për gazifikimin, Faktoje.al gjeti në terren tym, soba druri dhe qytetarë që nuk dinë asgjë për ecurinë e projektit. Dokumentet tregojnë vonesa, kosto të larta për banorët dhe afate të shtyra deri në 2027.
Esmeralda Topi
Pak ditë para se korçarët t’i drejtoheshin kutive të votimit, kryebashkiaku socialist Sotiraq Filo, në kërkim të mandatit të tretë, premtoi zgjidhjen përfundimtare të problemit të ngrohjes përmes gazifikimit të qytetit. Një “lajm fantastik”, siç e quajti ai vetë, i shoqëruar me garancinë politike të kryeministrit Edi Rama.
“Lajmi fantastik i zgjidhjes përfundimtare të problemit të ngrohjes për Korçën përmes projektit të madh të GAZIFIKIMIT jo rastësisht ishte sot në fjalën e kryeministrit Rama në takimin e tij në Korçë me mijëra vajza e gra!”, premtoi Filo.
Në fushatë, korçarëve ju premtua gaz natyror në çdo shtëpi, fund i druve të zjarrit, ajër më i pastër dhe kosto më të ulëta. Kryeministri Edi Rama dhe ministrja Belinda Balluku prezantuan publikisht projektin, ndërsa Rama shkoi edhe më tej, duke folur për “hapjen e çelësit të gazit” dhe duke hedhur si afat fundin e vitit 2026.
Por dy vite më vonë premtimet janë larg realitetit. Faktoje udhëtoi drejt juglindjes në muajin tetor.
Edhe këtë vit, ngrohja në qytet vazhdonte me dru. Banorët e qendrës dhe të lagjeve përreth nuk kishin asnjë dijeni për ecurinë e projektit të gazifikimit, as për afate dhe as për hapa konkretë. Ajo që dinin me siguri ishte i ftohti i mbrëmjeve të tetorit dhe sobat që duhej të ndizeshin herët.
“Kemi nisur t’i ndezim stofat që para një muaji, se bën ftohtë në darkë”, na tregoi një banor.
Tymi ndihej kudo. Oxhaqet lëshonin shtellunga të dendura që mbulonin rrugët dhe oborret, duke e kthyer ajrin e Korçës në një përzierje të rëndë druri të djegur, si dëshmi se premtimi i ngrohjes moderne mbetej ende larg realitetit.
Një metër kub dru këtë vit shkonte në 55 mijë lekë të vjetra.
“Mua më duhen deri në 15 metër”, pohoi një pensioniste, duke bërë llogaritë e dimrit që ende s’kishte hyrë mirë.
Shkelje afatesh
Në nëntor 2024, qeveria njoftoi nga Azerbajxhani nënshkrimin e një Memorandumi Mirëkuptimi me kompaninë shtetërore SOCAR dhe Albgaz-in, duke e paraqitur gazifikimin e Korçës si gur themeli të zhvillimit të sektorit të gazit në Shqipëri.
Edhe Filo, në intervista publike, fliste për zbatim të shpejtë dhe për rezultate të dukshme “brenda dy viteve”.
Një vit më vonë, një përgjigje zyrtare nga Bashkia Korçë tregon se projekti ndodhet ende në fazën e parafizibilitetit.
“Studimi nga SOCAR ka përfunduar, por pritet ende marrëveshja mes qeverisë shqiptare dhe asaj azerbajxhanase”, tha për Faktoje.al Bashkia e Korçës.
Pa këtë hap, nuk ka afate konkrete dhe as punime në terren.
Kosto e gazifikimit
Ndërkohë, plani 10-vjeçar i investimeve të Albgaz-it parashikon nisjen e projektit në vitin 2025 dhe dorëzimin në 2027. Pra, më vonë se afatet optimiste të përmendura në fushatë dhe, si zakonisht, me rrezikun e shtyrjeve të mëtejshme.
Sipas skenarit bazë, kostoja totale e gazifikimit të Korçës është rreth 20.8 milionë euro. Prej tyre, 13.3 milionë euro pritet të investohen nga vetë rezidentët, ndërsa bashkia parashikon rreth 7 milionë euro për zëvendësimin e burimeve aktuale të ngrohjes dhe instalacionet përkatëse. Me fjalë të tjera, barra kryesore financiare bie mbi qytetarët që sot mezi përballojnë drutë e dimrit.
Projekti parashikon një rrjet të gjerë tubacionesh dhe stacionesh, si dhe furnizimin me gaz të rreth 6 mijë banesave dhe 30 institucioneve. Por edhe këtu ka një kusht kritik, bashkia duhet të sigurojë buxhet për instalimet e brendshme të gazit në shkolla, kopshte, muze dhe zyra publike.
“Është kritike për suksesin e projektit që Bashkia të sigurojë buxhet për ndërtimin e instalimeve të brendshme të gazit për institucionet nën drejtimin e tij (shkolla, kopshte, muze, zyra publike), si këto, së bashku me industriale kompanitë, do të përbëjnë konsumatorët ankorues rreth të cilëve do të ndërtohen tubacionet kryesore”, thekson plani.
Përfundim
Gazifikimi i Korçës është listuar si projekt prioritar në zonën e juglindjes. Në letër, gjithçka duket premtuese. Në terren, oxhaqet vazhdojnë të nxjerrin tym, pensionistët numërojnë metrat e druve dhe dimri vjen çdo vit, pa pritur memorandume.
Deri sa gazi të mbërrijë realisht në shtëpitë e korçarëve, “lajmi fantastik” mbetet një premtim elektoral, ndërsa ngrohja vazhdon të matet me dru, tym dhe fatura që rriten.
Nisur nga informacionet e mbledhura dhe verifikimi në terren, premtimin e kryebashkiakut Sotiraq Filo për zgjidhjen përfundimtare të problemit të ngrohjes përmes gazifikimit të qytetit, e kategorizojmë të pambajtur.
*Faktoje, e mbështetur nga National Endowment Democracy (NED) po monitoron 10 bashki në vend dhe po verifikon nëse janë mbajtur ose jo premtimet e dhëna nga kryebashkiakët.
Nga Albert Vataj Gjithçka e Safo është ngjizur nga magma e dashurisë. Fjala, vargu, melodia, mëkimi, këndimi, shpirtja, përjetimi, tragjizmi; krejtsakaq, ishin kah rrugëtoi galaksia e yjësisë së poetes, që erdhi për ta ngjitur dashurinë në altarin e lutjeve dhe për t’u shuar në tragjizmin e saj, si për të dëshmuar mallkimin që i përndjek dashuritë qiellore. Safo ishte një poete e lashtë greke…
Një nga projektet më të pazakonta dhe enigmatike në historinë e kinemasë botërore është filmi “100 Years: The Movie You Will Never See”, i realizuar në vitin 2015, por i destinuar të publikohet vetëm më 18 nëntor 2115, plot një shekull më vonë. Në film luan aktori i njohur John Malkovich, ndërsa regjia mban firmën e regjisorit të famshëm Robert Rodriguez. Projekti është konceptuar si një mesazh…
Në prag të zgjedhjeve nacionale, Sindikata e Punëtorëve të Radiotelevizionit të Kosovës – SPERTK u drejtohet partive politike që synojnë përfaqësim në Legjislaturën e 10-të të Kuvendit të Republikës së Kosovës, për t’ua rikujtuar përgjegjësitë institucionale dhe ligjore ndaj transmetuesit publik.
Përmes një reagimi për media bëhet e ditur se SPERTK rikujton se Ligji i ri për RTK-në ende nuk është miratuar.
“Ndërsa çështjet thelbësore që lidhen me: rregullimin e pronës së RTK-së, sigurimin e financimit të pavarur dhe të qëndrueshëm, mbesin të hapura dhe kërkojnë adresim serioz nga legjislatura e ardhshme”, thuhet në reagim.
Tutje në reagim bëhet e ditur se deri në miratimin e një zgjidhjeje të re ligjore, vazhdon të zbatohet forma aktuale e financimit, sipas së cilës 0.7% e buxhetit nacional ndahet për RTK-në, si bazë për funksionimin e transmetuesit publik.
Ndryshe, SPERTK vlerëson se është paralajmëruar aplikimi i pagesës së 13-të për punëtorët e sektorit publik në Republikën e Kosovës, dhe thekson se kjo e drejtë duhet patjetër të aplikohet edhe për punëtorët e RTK-së, pa përjashtime dhe pa standarde të dyfishta.
TIRANË, 19 dhjetor /ATSH/ Agjencia e Administrimit të Pasurive të Sekuestruara dhe të Konfiskuara (AAPSK) dhe Kryeadministratori do t’i kryejë vetë procedurat e shitjes për pasuritë e sekuestruara dhe të konfiskuara, si dhe lidhjen në vijim të kontratave përkatëse, referuar ligjit për ankandin publik.
Qeveria ka nxjerrë për konsultim publik një projektligj që synon përmirësimin e administrimit të pasurive të sekuestruara dhe të konfiskuara.
Ndryshimet përfshijnë pasuritë e sekuestruara/konfiskuara jo vetëm nga organet e drejtësisë, por edhe nga vendimet e pushtetit vendor dhe të organeve administrative, duke përfshirë ndërtime pa leje dhe monedha virtuale.
Qëllimi i projektligjit është të rrisë eficiencën dhe transparencën në menaxhimin e këtyre pasurive, të garantojë përdorimin e tyre ekonomik dhe social, dhe të sigurojë rikthimin e përfitimeve në komunitet. Ndër masat e propozuara është që procesi i shitjes së pasurive të kryhet drejtpërdrejt nga AAPSK, duke reduktuar burokracinë dhe vonesat që janë shkaktuar nga përfshirja e institucioneve të shumta.
Projektligji parashikon gjithashtu krijimin e një fondi të posaçëm për ndërtimet pa leje dhe përcakton rregulla të qarta për administrimin e monedhave virtuale të sekuestruara/konfiskuara. Sipas planit, ligji do të përmbajë 14 nene dhe do të zbatohet nga Ministria e Punëve të Brendshme dhe AAPSK, me mbështetje nga ministritë përkatëse në procesin e zbatimit.
Ky hap pritet të forcojë mbrojtjen e interesit publik, të përmirësojë menaxhimin e pasurive dhe të rrisë të ardhurat për buxhetin e shtetit, duke siguruar një sistem më efikas dhe transparent të administrimit të pasurive të sekuestruara dhe të konfiskuara. /j.p/
Në prag të festave të fundvitit, qyteti dhe njësitë administrative janë gjallëruar nga një sërë aktivitetesh festive të dedikuara më të vegjëlve. Një pjesë e rëndësishme e jetës kulturore në këto ditë janë zënë nga koncertet e fëmijëve, të organizuara nga të gjitha kopshtet e qytetit dhe ato në njësitë administrative. Këto koncerte festive, të mbushura me këngë, vjersha dhe mesazhe dashurie…
Floktarët zbulojnë gabimet më të shpeshta dhe truket që zgjasin freskinë e flokëve deri në disa ditë
Nëse ju ndodh që ta lani flokun në mëngjes, ndërsa që ditën tjetër ai duket i ngjitur, pa jetë dhe i yndyrshëm në rrënjë, nuk jeni të vetmit. Yndyrëzimi i shpejtë i flokëve është një nga problemet më të shpeshta, sidomos gjatë dimrit dhe në periudhat me lagështi të shtuar, kur skalpi reagon edhe më intensivisht.
Ndërsa shumëkush mendon se zgjidhja është larja më e shpeshtë, parukierët paralajmërojnë se pikërisht kjo shprehi shpesh e përkeqëson gjendjen. Në vend të kësaj, disa ndryshime të vogla në rutinë mund të zgjasin ndjesinë e pastërtisë, t’i japin flokut volum dhe ta bëjnë që frizura të zgjasë dukshëm më gjatë, madje deri në shtatë ditë.
Fen-i si aleat kundër rrënjëve të yndyrshme
Pas larjes, fokusi nuk duhet të jetë në gjithë gjatësinë e flokut, por ekskluzivisht në rrënjë. Tharja me fen e rrënjëve ndihmon që skalpi të yndyrëzohet më ngadalë, pasi largohet lagështia që nxit sekretimin e sebumit.
Gjatësinë e flokut lëreni të thahet natyrshëm ose vetëm ta thani lehtë - në këtë mënyrë shmangni tharjen dhe këputjen e fijeve, ndërsa floku ruan plotësinë dhe shkëlqimin natyral.
Lagështia - armiku i heshtur i flokut të sapolarë
Lagështia është një nga arsyet kryesore pse floku e humb shpejt freskinë. Gjatë dushit përdorni patjetër kapelë për flokë, edhe nëse nuk po e lani atë. Avulli dhe pikat e ujit mund të aktivizojnë yndyrëzimin në rrënjë dhe ta prishin frizurën më shpejt sesa mendoni.
Ky hap i thjeshtë shpesh neglizhohet, por mund të bëjë një ndryshim të madh në atë se sa gjatë floku mbetet i pastër, transmeton Telegrafi.
Shampo e thatë, por në kohën e duhur
Shumica e njerëzve e përdorin shampon e thatë vetëm kur floku tashmë duket i yndyrshëm. Parukierët, megjithatë, këshillojnë të kundërtën, aplikojeni në mbrëmje, menjëherë para gjumit, ndërsa floku është ende relativisht i pastër.
Gjatë natës ajo do të thithë tepricën e yndyrës, ndërsa në mëngjes do të zgjoheni me flok më të lehtë, të ngritur dhe dukshëm më të freskët, pa gjurmë të bardha.
Më pak prekje, më shumë freski
Kalimi i shpeshtë i gishtërinjve nëpër flok është një nga arsyet e padukshme pse rrënjët yndyrëzohen më shpejt. Yndyra nga duart transferohet lehtësisht te floku, veçanërisht në zonën e ndarjes.
Sa më pak ta prekni flokun gjatë ditës, aq më gjatë ai do të ruajë pamjen e lehtë dhe të pastër.
Ndryshime të vogla, diferencë e madhe
Floku i yndyrshëm nuk do të thotë domosdoshmërisht larje e përditshme dhe luftë e vazhdueshme me frizurën. Me disa truke të zgjuara dhe një rutinë të duhur, është e mundur të zgjasni freskinë e flokut, të ruani volumin dhe të ulni sekretimin e yndyrës.
Ndonjëherë, pikërisht ajo që bëjmë mes dy larjeve është vendimtare për mënyrën se si floku do të duket në ditët në vijim. /Telegrafi/
Login
