TIRANË, 30 dhjetor/ATSH/ Këshilli i Ministrave miratoi sot kompensimin e të ardhurave mujore deri në 1 800 lekë në muaj për personat me të ardhura deri në 40 000 lekë në muaj sipas disa kategorive.

Sipas vendimit të qeverisë, përfitojnë kompensim të të ardhurave mujore deri në 800 lekë në muaj personat me të ardhura deri në 22 000 (njëzet e dy mijë) lekë në muaj; përfitojnë kompensim të të ardhurave mujore deri në 1 000 (një mijë) lekë në muaj personat me të ardhura deri në 18 000 (tetëmbëdhjetë mijë) lekë në muaj; përfitojnë kompensim të të ardhurave mujore deri në 600 (gjashtëqind) lekë në muaj personat me të ardhura deri në 30 000 (tridhjetë mijë) lekë në muaj.

Gjithashtu përfitojnë kompensim të të ardhurave mujore deri në 700 (shtatëqind) lekë në muaj personat me të ardhura deri në 18 000 (tetëmbëdhjetë mijë) lekë në muaj; përfitojnë mbështetje financiare për vitin 2025, në masën 15 000 (pesëmbëdhjetë mijë) lekë, kategoritë e mëposhtme: Familjet dhe individët, që trajtohen me ndihmë ekonomike; Fëmijët pa kujdes prindëror, të vendosur në familje kujdestare; Personat me aftësi të kufizuara; Individët përfitues të statusit; “Statusi i invalidit paraplegjik dhe tetraplegjik”, Individët përfitues të statusit “Për statusin e të verbrit”; Ndihmësit personalë të përfituesve të pagesave të aftësisë së kufizuar.

The post Miratohet kompensimi i të ardhurave mujore të pensionistëve appeared first on Agjencia Telegrafike Shqiptare.

TIRANË, 30 dhjetor/ATSH-Maela Marini/ Kryeministri Edi Rama bëri të ditur sot se të ardhurat nga turizmi gjatë 9-mujorit të parë të vitit kanë qenë domethënëse duke arritur në rreth 4.4 miliardë euro.

Gjatë konferencës së fundvitit me gazetarët, Rama bëri një bilanc të arritjeve sipas sektorëve kryesorë të ekonomisë.

Duke u ndalur te truizmi, Rama tha se ky sektor ka shënuar rritje pozitive.

“Edhe këtë vit ka shënuar nga pikëpamja e fakteve, jo e ‘tenxhereve’, kuptohet, një rritje pozitive. Në turizëm kemi një hop tjetër domethënës, krahasimisht me vitin 2024, ku shënohet një rritje që i afrohet 7% që është një rritje domethënëse për sa i përket numrit të vizitorëve të huaj. Nuk flasim për pasaportat shqiptare”, tha Rama.

Kryeministri theksoi se ka pasur një rritje të konsiderueshme të hapësirës së plazheve publike me rreth 18% plus, krahasuar me një vit më parë, ose 1.1 milionë metër katrorë më shumë plazhe publike të shtuara.

“Nga 523 parcela ranore publike kemi shkuar në 1014 dhe në ndërkohë kemi vazhduar punën tani që flasim për sezonin e ardhshëm me disa risi të tjera pozitive në këtë drejtim”, shtoi ai. /j.p/

The post 4.4 miliardë euro nga turizmi në 9 muaj appeared first on Agjencia Telegrafike Shqiptare.

TIRANË, 13 dhjetor/ATSH/ Të ardhurat nga renta minerare në eksport janë realizuar në vlerën rreth 1,5 miliardë lekë për 9-mujorin e vitit 2025, ose rreth 653 milionë lekë më pak krahasuar me të njëjtën periudhë të vitit të kaluar.

Ky nivel përfaqëson një realizim në masën 71,7% të planit fillestar.

Sipas të dhënave të publikuara në programin e reformave ekonomike 2026-2028, pjesa më e madhe e të ardhurave nga renta minerare i përket naftës bruto, të cilat janë realizuar në rreth 1,1 miliardë lekë.

Krahasuar me një vit më parë, të ardhurat nga renta minerare e naftës bruto kanë pësuar rënie me rreth 403 milionë lekë. Kjo rënie është ndikuar nga ulja e çmimit për njësi nga 4,1 lekë në 3,5 lekë, me një efekt negativ prej rreth 208 milionë lekësh, si dhe nga rënia e sasisë së eksportuar me 13%, ose 47 239 tonë, me një efekt prej rreth 196 milionë lekësh në të ardhura.

Ndërkohë, të ardhurat nga mineralet e tjera janë realizuar në vlerën 363 milionë lekë, duke shënuar një rënie prej rreth 291 milionë lekësh krahasuar me 9-mujorin e vitit 2024.

Ky zhvillim negativ është ndikuar kryesisht nga rënia e çmimit për njësi nga 0,45 lekë në 0,27 lekë, me efekt rreth 238 milionë lekësh, si edhe nga ulja e sasisë së eksportuar me rreth 118 mijë tonë, ose 8%, që ka sjellë një ndikim negativ prej rreth 54 milionë lekësh në të ardhura. /j.p/

The post Të ardhurat nga renta minerare, në rënie gjatë 9-mujorit appeared first on Agjencia Telegrafike Shqiptare.

TIRANË, 19 nëntor/ATSH/ Administrata Tatimore ka arritur të mbledhë 405 miliardë lekë deri në mesin e muajit nëntor, duke ruajtur të njëjtin nivel të ardhurash me vitin e kaluar.

Sipas Drejtorisë së Përgjithshme të Tatimeve, ky tregues reflekton një performancë të qëndrueshme dhe efikase të sistemit fiskal.

“42 ditë para mbylljes së vitit, Administrata Tatimore arrin të realizojë të njëjtin nivel të të ardhurave si për vitin 2025, duke mbledhur 405 miliardë lekë”, bëri të ditur DPT.

Sipas DPT-së, ky rezultat vjen si pasojë e përmirësimeve në menaxhimin e administratës dhe kontrollin e të ardhurave, duke garantuar stabilitet dhe siguri në realizimin e objektivave buxhetore.

/r.e/

The post Administrata Tatimore arkëton 405 miliardë lekë appeared first on Agjencia Telegrafike Shqiptare.

TIRANË, 3 nëntor/ATSH/ Administrata Tatimore vijon trendin pozitiv të mbledhjes së të ardhurave, si në krahasimin mujor, ashtu edhe në atë vjetor.

Tatimet bëjnë me dije se për periudhën tetor 2025 janë mbledhur 37,9 miliardë lekë, 13,1% më shumë se në të njëjtin muaj të një viti më parë.

Administrata Tatimore njofton se edhe gjatë 10-mujorit të këtij viti, krahasuar me 10-mujorin e vitit të kaluar, reflektohen 379 miliardë lekë të ardhura, rreth 12,1% më shumë se në të njëjtën periudhë të vitit 2024.

Tatimet theksojnë se “rezultatet janë dëshmi e përpjekjeve të vazhdueshme të Administratës Tatimore për rritjen e performancës tatimore, luftën kundër informalitetit dhe forcimin e administrimit fiskal në të gjitha sektorët e ekonomisë”.

/e.i/r.e/

The post Tatimet, të ardhurat u rritën me 13.1% në tetor appeared first on Agjencia Telegrafike Shqiptare.

TIRANË, 3 nëntor/ATSH/ Administrata Doganore arkëtoi gjatë muajit tetor të ardhura në vlerën 21,016 milionë lekë, ose 1,8 miliardë lekë më shumë se në tetorin e vitit 2024.

Rritja prej 9,3% krahasuar me një vit më parë tregon se trendi pozitiv i të ardhurave doganore është ruajtur edhe në fundin e tremujorit të katërt, në përputhje të plotë me planin mujor të të ardhurave.

Një pjesë e madhe e këtij rezultati lidhet me mallrat e akcizës, ku zhdoganimet kanë arritur nivele rekord.

Karburantet kanë njohur një rritje të ndjeshme, me rreth 12 mijë tonë më shumë se në të njëjtin muaj të vitit të kaluar, duke tejkaluar edhe sasitë e shtatorit 2025.

Edhe tregu i cigareve ka shënuar një rritje të konsiderueshme, me rreth 30 tonë më shumë, çka tregon një zgjerim të konsumit të brendshëm dhe qarkullimit tregtar në këtë kategori mallrash.

Në totalin e dhjetë muajve të vitit, të ardhurat doganore kanë arritur në 199,708 milionë lekë, duke qenë 9,2 miliardë lekë më shumë se në të njëjtën periudhë të vitit 2024, ose 5% më shumë.

Plani dhjetëmujor është realizuar plotësisht, duke konfirmuar një ecuri të qëndrueshme në administrimin e të ardhurave.

Të dhënat tregojnë se gjatë periudhës janar-tetor 2025 janë regjistruar sasitë më të larta historike të mallrave të akcizës të konsumuara në vend.

Karburanti shënoi rritje me 71,200 tonë, cigaret me 235 tonë, kafeja me 203 tonë dhe birra me 1,600 tonë.

Sipas DPD-së, rritja e të ardhurave dhe volumit të mallrave të akcizës gjatë këtij dhjetëmujori dëshmon për efektivitetin e masave administrative dhe përmirësimeve në proceset doganore. /j.p/

The post Të ardhurat doganore u rritën me 9,3% në tetor, ndikim mallrat e akcizës appeared first on Agjencia Telegrafike Shqiptare.

TIRANË, 26 tetor/ATSH/ Ministri i Financave, Petrit Malaj, deklaroi sot se reformat kryesore fiskale të ndërmarra nga qeveria do të garantojnë një sistem më të drejtë, më konkurrues dhe plotësisht të harmonizuar me standardet e Bashkimit Evropian deri në vitin 2030.

Sipas tij, rritja e qëndrueshme ekonomike dhe menaxhimi i përgjegjshëm i financave publike do të çojnë të ardhurat buxhetore në 10 miliardë euro në fund të dekadës.

“Të ardhurat buxhetore parashikohen të arrijnë 10 miliardë euro në 2030, me një rritje prej 311 milionë eurosh në vit si rezultat kryesisht i zgjerimit të bazës tatimore”, tha Malaj.

Malaj theksoi se “Paqja Fiskale” do të sjellë lehtësime të ndjeshme për qytetarët dhe bizneset brenda harkut kohor 2026-2030, përmes faljes së detyrimeve tatimore e doganore të prapambetura, duke i hapur rrugën një marrëdhënieje të re midis administratës dhe tatimpaguesve.
Po ashtu, informoi ai, do të vijojë politika e taksës 0% për bizneset e vogla deri në vitin 2029, me synimin për të nxitur sipërmarrjen e vogël dhe formale.

Një vëmendje të veçantë qeveria i ka kushtuar sektorit të bujqësisë, ku pritet rishikimi i skemës së TVSH-së për fermerët në përputhje me praktikat e BE-së.

Në këtë kuadër, ministri vuri në dukje se fermerëve do t’u mundësohet kompensim deri në 10% të TVSH-së për çdo blerje malli apo shërbimi që mbështet zinxhirin e prodhimit.

Në fushën e tatimit të pasurisë, reforma e re do të bazohet në vlerën reale të pronës, duke zbatuar një metodologji të përditësuar të çmimeve të referencës, me qëllim rritjen e drejtësisë fiskale dhe uljen e informalitetit.

Ministri theksoi gjithashtu se do të hapet një proces i ri rivlerësimi i pasurive të paluajtshme me një normë të reduktuar tatimore prej vetëm 5% për individët dhe personat juridikë, për të inkurajuar deklarimin e saktë të pronës. /j.p/

1 nga 5

The post Malaj: 10 miliardë euro të ardhura në buxhet në 2030-ën appeared first on Agjencia Telegrafike Shqiptare.

TIRANË, 18 tetor/ATSH/ Të ardhurat nga Tatimi mbi Vlerën e Shtuar (TVSH) kanë shënuar rritje gjatë periudhës janar-shtator 2025, duke reflektuar një dinamikë pozitive në aktivitetin tregtar dhe performancën fiskale të vendit.

Sipas të dhënave zyrtare, të ardhurat nga TVSH në import u realizuan në shumën 117,8 miliardë lekë, me një rritje prej 2,7 miliardë lekësh ose 2,3% krahasuar me të njëjtën periudhë të vitit 2024.

Rritja e nivelit të arkëtimit të TVSH-së në import lidhet kryesisht me volumin më të lartë të importeve, si dhe me efektet e çmimeve të mallrave të tyre.

Nga ana tjetër, të ardhurat nga TVSH e arkëtuar (neto) u realizuan në 50,4 miliardë lekë, duke shënuar një rritje të ndjeshme prej 7,4 miliardë lekësh ose 17,2% krahasuar me periudhën janar-shtator të një viti më parë.

Rritja e kësaj kategorie vjen si rezultat i zgjerimit të bazës tatimore, rritjes së konsumit të brendshëm dhe përmirësimeve në administrimin fiskal.

Gjatë kësaj periudhe, janë kryer rimbursime në shumën 19,1 miliardë lekë, me një rritje modeste prej 49 milionë lekësh ose 0,3% krahasuar me të njëjtën periudhë të vitit 2024.
Në raport me planin, rimbursimet rezultojnë 521 milionë lekë ose 2,8% më shumë.

Rritja e të ardhurave neto është gjithashtu një tregues i përmirësimit të disiplinës fiskale dhe luftës kundër informalitetit. /j.p/

The post TVSH në import, rritje me 2,3%, gjatë 9-mujorit appeared first on Agjencia Telegrafike Shqiptare.

PRISHTINË, 10 tetor /ATSH/ Gjatë periudhës janar-shtator 2025, në Kosovë janë mbledhur gjithsej 794.3 milionë euro të hyra tatimore që përfaqësojnë rritje 86.4 milionë euro ose 12.2 për qind më shumë krahasuar me periudhën e njëjtë 2024, njoftoi sot Administrata Tatimore e Kosovës.

Administrata Tatimore e Kosovës thotë se kjo rritje dëshmon për besimin në sistemin tatimor dhe bashkëpunimin e mirë me komunitetin e bizneseve dhe qytetarët.

Rezultatet reflektojnë përmirësimin e vazhdueshëm të mbledhjes së të hyrave, si dhe angazhimin për të forcuar integritetin tatimor, luftuar ekonominë joformale dhe përmirësuar shërbimet ndaj tatimpaguesve, thuhet në njoftim.

ATK zotohet se do të vazhdojë të angazhohet për të ndërtuar një sistem tatimor më efikas dhe më të drejtë, në funksion të zhvillimit të qëndrueshëm ekonomik dhe forcimit të financave publike.

/Kosovapress/

The post Tatimet sjellin 794,3 milionë euro në arkën e shtetit appeared first on Agjencia Telegrafike Shqiptare.

Të ardhurat e kompanive të sigurimeve u rritën me 9.5 për qind në tetë muajt e parë të vitit krahasuar me të njëjtën periudhë të vitit të kaluar, teksa shqiptarët po paguajnë gjithmonë e më shumë për të siguruar jetën, pronën, apo dhe automjetet e tyre. Të dhënat zyrtare tregojnë se për periudhën janar-gusht, qytetarët […]

The post Shoqëritë e sigurimit rrisin të ardhurat, por dëmet e paguara u ulën appeared first on BoldNews.al.

The post Rriten të ardhurat nga kontributet shoqërore dhe TAP appeared first on Agjencia Telegrafike Shqiptare.

TIRANË, 4 gusht /ATSH/ Sezoni turistik dhe konsumi i shtuar, ka bërë që administrata tatimore të rrisë ndjeshëm të ardhurat e mbledhura në buxhetin e shtetit.

Sipas të dhënave nga Drejtoria e Përgjithshme e Tatimeve, të ardhurat totale të realizuara për muajin gusht kanë kapur shifrën e 38,5 miliardë lekëve, apo 385 milionë euro.

Në krahasim gushtin 2024 të ardhurat janë tejkaluar me 24 milionë euro. E shprehur në përqindje, kapërcimi në raport me vitin e kaluar regjistrohet në 6,5%.

Ndërsa në raport me planifikimin e bërë rritja e të ardhurave regjistrohet në 14 milionë euro.

/r.e//a.f/

The post Tatimet mblodhën 38,5 miliardë lekë në gusht, 6,5% më shumë se në 2024-ën appeared first on Agjencia Telegrafike Shqiptare.

TIRANË, 3 qershor/ATSH/ Ministri i Financave, Petrit Malaj bëri të ditur sot se të ardhurat e mbledhura në buxhet nga tatimet, doganat dhe kontributet, gjatë periudhës janar-korrik të këtij viti, arritën rreth 4 miliardë euro, ose 382 milionë euro më shumë, në krahasim me janar-korrik 2024.

Malaj bëri të ditur se të ardhurat nga Administrata Tatimore arritën në 1,5 miliardë euro, ose 204,6 milionë euro më të larta gjatë periudhës janar-korrik të këtij viti, krahasuar me të njëjtën periudhë të një viti më parë.

Ndërsa nga Administrata Doganore gjatë kësaj periudhe u mblodhën në buxhet 1,4 miliardë euro ose 57,9 milionë euro më shumë se në 7-mujorin e 2024-ës.

Për të njëjtën periudhë të ardhurat nga kontributet rezultojnë 1,1 miliardë euro ose 120,2 milionë euro më shumë se në 7-mujorin e 2024-ës.

Nga ana tjetër qarkullimi i biznesit llogaritet me një rritje prej 620 milionë eurosh krahasuar me janar-korrik të vitit që lamë pas.

/r.e//a.f/

The post Malaj: Rritje me 382 milionë euro të ardhurat në buxhet gjatë 7-mujorit appeared first on Agjencia Telegrafike Shqiptare.

TIRANË, 2 shtator/ATSH/ Drejtoria e Përgjithshme e Doganave mblodhi në buxhetin e shtetit 158 miliardë lekë, gjatë 8-mujorit të vitit 2025.

Referuar të dhënave, ky rezultat është më i larti në historinë e doganave shqiptare, duke tejkaluar me rreth 5,3 miliardë lekë të ardhurat doganore të të njëjtës periudhë të vitit të kaluar.

DPD bën të ditur se përmirësimi i performancës ka ardhur si pasojë e një sërë faktorësh të tillë si mirëadministrimi, digitalizimi i procedurave doganore, përdorimi i analizës së riskut dhe një mbikëqyrje më e efektshme.

“Të gjitha këto kanë kontribuar që ky 8-mujor të shënojë një rritje të ndjeshme prej 65% krahasuar me vitin 2020 dhe një përmirësim prej 82% krahasuar me vitin 2013”, bën të ditur DPD.

Gjatë kësaj periudhe, sipas DPD-së, rritja e të ardhurave është shumë e lidhur me rritjen e importit të artikujve të akcizës, si karburantet, cigaret, birra, kafeja dhe pijet alkoolike.
Në veçanti, importi i karburanteve ka kontribuar me 2,2 miliardë lekë më shumë, duke regjistruar një rritje të konsumit me rreth 50,137 tonë.

Gjithashtu është rritur sasia e cigareve të importuara me rreth 176 tonë, duke sjellë një rritje prej 1,5 miliardë lekësh në akcizë.

Edhe konsumimi i birrës dhe kafesë ka shënuar nivele historike, duke arritur shifra rekord për këtë periudhë.

Gjatë periudhës janar-gusht u importuan 2,456 tonë birrë më shumë dhe 211 tonë kafe më shumë.

Në krahasim me 8-mujorin e vitit 2024, të ardhurat nga TVSH-ja që mblidhen nga DPD, kanë shënuar një rritje prej rreth 1,3 miliardë lekësh. Konkretisht u mblodhën 1.6 miliardë lekë më shumë nga energjia elektrike, 602 milionë lekë nga cigaret, 332 milionë lekë nga konstruksionet metalike, 250 milionë lekë nga kafeja dhe 227 milionë lekë nga druri dhe artikujt e tjerë.

Përveç kësaj, taksa doganore ka kontribuar gjithashtu me një rritje prej 258 milionë lekësh.

Ky rritje ka ardhur si pasojë e ndryshimeve në origjinën e importit të disa artikujve, ku mallrat e konsumit të përgjithshëm kanë sjellë një rritje prej 145 milionë lekësh, ndërsa konstruksionet metalike janë kontribuar me 116 milionë lekë më shumë.

Po ashtu, importet e frutave dhe ushqimeve të përgatitura kanë ndihmuar në rritjen e arkëtimeve me 39 milionë dhe 30 milionë lekë respektivisht.

“Përpjekjet për të rritur mbikëqyrjen dhe për të pasur një kontroll më të efektshëm kanë nxitur rritjen e arkëtimeve dhe përmirësimin e performancës në dogana”, bën të ditur DPD.

1 nga 5

/a.f/

The post DPD mbledh 158 miliardë lekë gjatë 8-mujorit appeared first on Agjencia Telegrafike Shqiptare.

TIRANË, 18 gusht/ATSH/ Agjencia e Administrimit te Pasurive te Sekuestruara dhe te Konfiskuara informoi sot se gjatë muajit korrik 2025 të ardhurat nga qiradhënia arritën në 20, 224, 077 lekë krahasuar me 16,212,121 lekë në korrik 2024.

Sipas APSK kjo përfaqëson një rritje prej rreth 25% vetëm për këtë muaj.

AAPSK mbetet garant i administrimit profesional dhe transparent të pasurive të sekuestruara dhe të konfiskuara, në shërbim të ligjit dhe qytetarëve.

Dhënia me qira e pasurive të sekuestruara ose të konfiskuara bën të mundur që këto pasuri të shfrytëzohen dhe të sjellin përfitime për komunitetin dhe për buxhetin e shtetit.

AAPSK menaxhon pasuritë e sekuestruara dhe konfiskuara për të nxjerrë të ardhura përmes dhënies me qira ose formave të tjera të shfrytëzimit nga palë të treta, por pa i tjetërsuar ato.

/k.s//a.f/

The post AAPSK: 25% më shumë të ardhura nga qiradhënia e pasurive krahasuar me korrikun e 2024 appeared first on Agjencia Telegrafike Shqiptare.

DVP Elbasan/Finalizohet operacioni policor i koduar “The Script 2″.

Fshihnin të ardhurat që përfitonin nga këmbimi i valutave, procedohen penalisht administratorët e 3 subjekteve.

Sekuestrohen nga këto subjekte, rreth 6 152 430 lekë në valuta të ndryshme.

Specialistët për Hetimin e Krimeve Ekonomike dhe Financiare, në bashkëpunim me struktura të tjera të DVP Elbasan, në vijim të punës për evidentimin dhe goditjen e veprimtarive të paligjshme në fushën e krimeve ekonomike dhe financiare, organizuan dhe finalizuan në drejtimin e Prokurorisë së Elbasanit, operacionin policor të koduar “The Script 2”.

Gjatë operacionit, janë ushtruar kontrolle në subjektet për këmbimin e valutave (exchange), në qytetin e Elbasanit. Nga kontrollet rezultoi se administratorët e 3 subjekteve të tilla nuk deklaronin të ardhurat që përfitonin.

Në përfundim të veprimeve për këto raate, u referuan materialet në Prokurori ku nisi procedimi penal për administratorët e 3 subjekteve, shtetasit R. K., 62 vjeç, B. L., 63 vjeç, dhe A. N., 58 vjeç.

Në cilësinë e provës materiale janë sekuestruar rreth 6 152 430 lekë në valuta të ndryshme (lekë, euro, dollarë amerikanë, franga zvicerane, paunde etj).

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

The post Elbasan/ Fshihnin të ardhurat nga këmbimi i valutave, në hetim administratorët e 3 Exchange-ve. Sekuestrohen 6.1 mln lekë appeared first on Albeu.com.

TIRANË, 8 gusht/ATSH/ Gjatë periudhës janar-qershor 2025, të ardhurat nga tatimi mbi të ardhurat personale kanë tejkaluar si nivelin e planifikuar, ashtu edhe performancën e regjistruar në të njëjtën periudhë të vitit 2024, duke reflektuar një rritje të konsiderueshme.

Sipas të dhënave të publikuara nga Ministria e Financave, ky tatim ka sjellë në buxhetin e shtetit 40,8 miliardë lekë, që përfaqëson një rritje prej 8,6 miliardë lekësh ose 26,6% më shumë se gjashtëmujori i parë i vitit 2024.

Kjo shumë është gjithashtu 5,4 miliardë lekë më e lartë sesa ishte parashikuar në planin fillestar të të ardhurave për këtë periudhë, duke reflektuar një realizim prej 15,4% mbi objektivin.

Kjo performancë pozitive është rezultat i një sërë faktorësh të ndërlidhur. Së pari, ndikim të drejtpërdrejtë ka pasur rritja e punësimit formal dhe përmirësimi i deklarimit të pagave në sektorin privat, ku ndërmarrjet janë nxitur nga kontrolli më i shtuar tatimor dhe nga përdorimi i teknologjive të reja për raportim dhe deklarim.

Gjatë gjashtëmujorit të parë të vitit, sipas të dhënave të raportuara nga Administrata Tatimore, rezultojnë 10 523 punonjës të rinj më shumë në krahasim me të njëjtën periudhë të vitit të kaluar.

Njëkohësisht, rritja e pagave në sektorin publik dhe në disa sektorë strategjikë të ekonomisë, si teknologjia, ndërtimi dhe shërbimet financiare, ka çuar në një rritje të bazës së tatueshme.

Një tjetër faktor që ka ndikuar është përmirësimi i administrimit tatimor, ku përmes sistemeve të digjitalizuara, si e-filing dhe fiskalizimi në kohë reale, është rritur ndjeshëm transparenca dhe efikasiteti i mbledhjes së të ardhurave.

Përveç pagave, një kontribut të rëndësishëm në rritjen e të ardhurave ka dhënë edhe tatimi mbi burimet e tjera personale të të ardhurave, përfshirë qiratë, dividentët, të ardhurat nga vetëpunësimi dhe fitimet kapitale.

Rritja e aktivitetit në tregun e pasurive të paluajtshme dhe rritja e interesit për investime individuale mund të ketë çuar në një zgjerim të kësaj baze tatimore.

/a.f/

The post Tatimi mbi të ardhurat personale sjell 40.8 miliardë lekë në buxhet në 6-mujorin e parë appeared first on Agjencia Telegrafike Shqiptare.

Organizata Europiane e Profesioneve të Pasurive të Paluajtshme (CEPI) ka përgatitur një dokument ku u bën thirrje politikëbërësve të Bashkimit Europian, të shteteve anëtare dhe shteteve kandidate të ndërmarrin veprime të menjëhershme për të trajtuar problemin e përballueshmërisë së strehimit. Pjesë e organizatës është edhe Shoqata Shqiptare e Pasurive të Paluajtshme (NAREA). Anëtarët e CEPI-t […]

The post Blerja e shtëpisë së parë në Shqipëri po bëhet gjithnjë e më e paarritshme për qytetarët appeared first on BoldNews.al.

Tiranë, 5 gusht /ATSH/ Administrata Tatimore ka vijuar me intensitet aksionin për mbledhjen e kontributeve shoqërore, në funksion të garantimit të pensioneve dinjitoze për qytetarët shqiptarë.

Sipas të dhënave zyrtare, gjatë muajit korrik 2025 janë mbledhur 15,77 miliardë lekë nga kontributet, duke shënuar një rritje prej 1,82 miliardë lekësh ose 13,09% më shumë krahasuar me të njëjtin muaj të vitit 2024.

Po ashtu, rezultati i arritur ka tejkaluar edhe pritshmëritë e planifikuara për këtë periudhë, me 1,34 miliardë lekë më shumë ose një rritje prej 9,32% ndaj planit të miratuar.

“Administrata Tatimore vlerëson angazhimin e sipërmarrësve që reaguan pozitivisht ndaj pagues indikative, si një masë që synon formalizimin dhe përmirësimin e skemës së sigurimeve shoqërore në vend. Kjo reflektim pozitiv është një hap i rëndësishëm drejt sigurimit të pensioneve të qëndrueshme dhe dinjitoze për të gjithë kontribuuesit”, bën të ditur DPT.

Autoritetet tatimore bëjnë me dije se aksioni për monitorimin e zbatimit të pagës indikative dhe mbledhjen e kontributeve do të vijojë në mënyrë të pandërprerë në bashkëpunim me institucionet përkatëse.

/a.f/

The post Administrata Tatimore: 15,77 miliardë lekë të mbledhura nga kontributet në korrik appeared first on Agjencia Telegrafike Shqiptare.

TIRANË, 2 gusht/ATSH/ Drejtoria e Përgjithshme e Tatimeve arkëtoi gjatë muajit korrik 2025 një shumë prej 39 miliardë lekësh në buxhetin e shtetit.

Ky rezultat përfaqëson një rritje të ndjeshme krahasuar me një vit më parë, me 5,6 miliardë lekë ose 17% më shumë se shifra faktike e korrikut 2024.

Krahasuar me planin e parashikuar për këtë muaj, të ardhurat janë 1,7 miliardë lekë më të larta, që përkthehet në një realizim 4,7% mbi objektivin e vendosur.

/r.e/

The post Të ardhurat tatimore në korrik, rritje 17% ndaj një viti më parë appeared first on Agjencia Telegrafike Shqiptare.