Përmbytjet e muajit nëntor shkaktuan dëme të konsiderueshme në disa bashki të jugut. Saranda, Finiqi, Delvina dhe Konispoli janë zonat më të prekura, me dëme në bujqësi, blegtori e biznese.

Qindra hektarë tokë bujqësore u përmbyt ndërsa mbi 800 krerë bagëti ngordhën nga shirat e rrëmbyeshëm. Kreu i Emergjencave Civile në prefekturën e Vlorës, Robert Skendaj, konfirmon se tashmë ka përfunduar evidentimi i dëmeve në të gjitha bashkitë e qarkut.

“600 hektarë tokë bujqësore u përmbytën në Sarandë, 400 hektarë në Finiq, 350 hektarë në Delvinë. 50 hektarë tokë bujqësore u përmbytën në Novoselë te Vlorës, ndërsa në Konispol është raportuar prezencë uji në sipërfaqet me agrume. Për 3 ditë ra shi sa për dy muaj”, tha Robert Skendaj.

Pas evidentimit të dëmeve, pritet përllogaritja financiare, ndërsa Ministria e Mbrojtjes dhe Ministria e Financave u kanë kërkuar bashkive të paraqesin projektet konkrete të ndërhyrjes në zonat e dëmtuara, veçanërisht në urat, segmentet me rrëshqitje dhe aksin rural ku qarkullimi mbetet ende problematik.

Bilanci përfundimtar bashkë me faturën e dëmeve në bujqësi e blegtori do t’i dorëzohet Ministrisë së Mbrojtjes dhe asaj të Financave, ndërsa dëmshpërblimet pritet të jepen me vendim të qeverisë.

Reshjet e papritura dhe të rrëmbyeshme të shiut në Safi, Marok, çuan në përmbytje vdekjeprurëse të dielën. Dhe parashikuesit e motit parashikojnë më shumë shi në vend.

Si pasojë, raportojnë mediat e huaja, përcjell Telegrafi, përmbytjet e rrëmbyeshme nga shirat e rrëmbyeshëm kanë vrarë të paktën 21 persona në qytetin bregdetar Safi të Marokut.

Çfarë dimë për përmbytjet në Marok?

Një orë shi i rrëmbyeshëm të dielën shkaktoi një përmbytje me ujë të baltë që përmbyti dhjetëra shtëpi dhe dyqane, rrëmbeu makina dhe ndërpreu aksesin në shumë rrugë në qytetin bregdetar të Atlantikut, i cili ndodhet rreth 300 kilometra (186 milje) në jug të kryeqytetit Rabat.

Autoritetet raportuan se rreth 32 persona u lënduan në përmbytje, shumica e të cilëve janë liruar nga spitali.

Veç këtyre, të paktën 70 shtëpi dhe biznese në qytetin e vjetër të Safi u përmbytën.

Nivelet e ujit ranë deri në mbrëmjen e së dielës, ndërsa personeli i shpëtimit vazhdoi kërkimin për viktima të tjera të mundshme.

Ndërkohë, shërbimi meteorologjik ka parashikuar më shumë reshje të rrëmbyeshme të martën në të gjithë vendin e Afrikës së Veriut.

Maroku po përballet me reshje të rrëmbyeshme shiu dhe dëbore në malet Atlas pas shtatë viteve radhazi të një thatësire të rëndë që la disa nga rezervuarët kryesorë të vendit të tharë. /Telegrafi/

Qetësia e mbrëmjes së 19 nëntorit në fshatin Rrilë të Lezhës u thye në orën 21:00, kur një banor vendas që po peshkonte vuri re se niveli i ujit në kanalin Spiten–Hidrovor po rritej me shpejtësi. Alarmi i tij zbuloi atë që banorët i trembeshin prej kohësh; argjinatura e lagunës kishte çeduar, duke krijuar një […]

The post Përplasja burokratike përmbyti dhjetëra shtëpi dhe qindra hektarë tokë në Lezhë appeared first on Reporter.al.

Nga Sebi Alla Ndërsa banorët e disa zonave në vend nga Veriu në Jug po përjetojnë pasojat e përmbytjeve, situata me dëmshpërblimet ka mbetur e ngrirë, këtu e gjashtë vite më parë. “Problem janë likujdimet e prapambetura të akumuluara që nga viti 2019, me një vlerë 195 milionë lekë”, tha kreu i Emergjencave Civile, Haki […]

The post Zjarret dhe përmbytjet/ Rama lë banorët pa dëmshpërblim, 195 mln lekë të papaguara appeared first on BoldNews.al.

Sebi Alla Ndërsa banorët e disa zonave në vend nga Veriu në Jug po përjetojnë pasojat e përmbytjeve, situata me dëmshpërblimet ka mbetur e ngrirë, këtu e gjashtë vite më parë.

“Problem janë likujdimet e prapambetura të akumuluara që nga viti 2019, me një vlerë 195 milionë lekë”, tha kreu i Emergjencave Civile, Haki Çako, gjatë raportimit në komisionin parlamentar për Çështjet e Brendshme dhe Mbrojtjes. 

Fondet në ulje

Buxheti i vitit 2026 për mbrojtjen është rritur me 12% krahasuar me vitin aktual. Por rritja ka shkuar kryesisht në dy zëra: forcat e luftimit dhe mbështetja e luftimit.

Fondet për Emergjencat Civile janë i vetmi zë me rënie.

Nga 5,4 miliardë lekë këtë vit në 5,2 miliardë lekë për vitin 2026.

Megjithatë, kreu i Emergjencave Civile Haki Çako pasi bëri një rezyme të punës theksoi se kanë hartuar një hartë risku dhe bashkitë e vogla, (të kushtëzuara nga buxheti i ulët, si pasojë e të ardhurave të pakëta), do të kenë më shumë fonde për përballimin e situatave emergjente.

Ndarja mbi bazën e hartës së rrezikut u përkrah edhe nga deputetët e opozitës, ndonëse nuk kursyen kritikat për qeverisjen që, sipas tyre, i kanë lënë zjarrfikësit dhe forcat e armatosura pa mjete logjistike dhe të pavlerësuar.

“Vetëm në Shqipëri kur ndodhin zjarret fajet i ka zoti, ju kanë lënë ju që për faqe të zezë si askund tjetër, vetëm këtu sheh zjarrfikës që të dhimbsen duke i fikur zjarret me thupra si epoka e gurit.

Por këto i paska dhe epoka e Diellës i paska këto që me thupra fiket zjarri. Kur vijnë përmbytjet sheh deputetë të maxhorancës që veshin çizme peshkatarësh dhe futen mes ujit thjesht filmojnë”, tha deputeti i PD-së Flamur Noka.

Zjarret dhe përmbytjet

Në harkun kohor të katër muajve vendi përjetoi dy fatkeqësi natyrore.

Në Gushtin e këtij viti, zjarret shkatërruan qindra mijëra hektarë me pyje, kollota, dru frutorë vreshta por edhe bagëti dhe banesa.

Dëmet më të mëdha u shënuan në Delvinë dhe Gramsh, ku pati edhe humbjen e një jete dhe dëme të shumta si ekonomike, ashtu edhe mjedisore.

Tashmë vendi po përballet me përmbytjet ku pasojat më të mëdha janë shënuar në Kurbin, Lezhë, Dimal, disa njësi vendore në Bashkinë Fier, në Pogradec dhe Maliq.

Ditën e sotme si rezultat i uljes së intensitetit të reshjeve situata dukej më e përmirësuar, ndërsa prania e ujit në toka bujqësore të mbjella, sera dhe pemë frutore ka shkaktuar dëme të konsiderueshme të cilat ende nuk janë evidentuar nga grupet e njësive vendore në terren.

The post Zjarret dhe përmbytjet, dëmshpërblimet të pashlyera që në vitin 2019 appeared first on Faktoje.al.

Numri i viktimave nga përmbytjet dhe rrëshqitjet e dheut të shkaktuara nga shirat e dendur në Azinë Juglindore u rrit të hënën, me një person të raportuar të vrarë në Vietnam dhe pesë të tjerë në Tajlandë, ndërsa dhjetëra mijëra njerëz janë zhvendosur.

Numri total i të vdekurve të konfirmuar në Vietnamështë tani 91, me 11 të tjerë të zhdukur, pasi shirat e fortë që nisën një javë më parë shkaktuan përmbytje të rënda dhe rrëshqitje dheu duke nisur nga provinca Quang Tri deri në Lam Dong, një shtrirje prej 800 kilometrash përgjatë rajonit qendror të vendit, përfshirë zonat malore.

Në Dak Lak, e cila është provinca më e goditur, 63 persona kanë humbur jetën, kryesisht nga mbytja. Viktima të tjera u raportuan në provincat Khanh Hoa, Lam Dong, Gia Lai, Danang, Hue dhe Quang Tri.

Krishtlindje me masa sigurie/ Gjermani, hapen tregjet e festës, një vit pas sulmit terro*ist
Me rrugët e shkatërruara në shumë zona, helikopterët janë përdorur për të hedhur ushqime dhe ndihma, si dhe për të ndihmuar në evakuimin e njerëzve.

Pas një pushimi të reshjeve gjatë fundjavës, Pham Thu Huyen ishte një nga qindra banorë dhe vizitorë që ndihmuan në pastrimin e mbeturinave të sjella nga uji në Nha Trang, një destinacion turistik i njohur në provincën Khanh Hoa, i famshëm për plazhet me rërë të bardhë.

“Ne kurrë nuk kemi përjetuar kaq shumë shi dhe përmbytje kaq të këqija,” tha 45-vjeçarja.

Ujërat kanë dëmtuar edhe të korrat e këtij viti, duke përmbytur fermat e kafesë në Dak Lak, rajoni kryesor i prodhimit të kafesë në Vietnam.

Dëmet deri tani vlerësohen rreth 500 milionë dollarë nga ky cikël përmbytjesh.

Ujërat kanë filluar të tërhiqen, por agjencia e motit e Vietnamit paralajmëroi se me reshjet që vazhdojnë në disa vende, rreziqet mbeten, dhe se një depresion tropikal i ri po formohet që mund të sjellë mot më të keq më vonë gjatë javës.

Vietnami është ndër vendet më të rrezikuara nga përmbytjet në botë, me gati gjysmën e popullsisë që jeton në zona me rrezik të lartë. Shkencëtarët paralajmërojnë se ngrohja globale po intensifikon stuhitë dhe reshjet në Azinë Juglindore, duke i bërë përmbytjet dhe rrëshqitjet e dheut gjithnjë e më shkatërruese dhe të shpeshta.

Në Tajlandë, reshjet e dendura në jug të vendit shkaktuan përmbytje të rënda gjatë fundjavës, duke prekur gati 2 milionë njerëz. Pesë persona u vranë dhe katër të tjerë u plagosën në gjashtë provinca jugore.

Dhjetë provinca në jug janë goditur nga reshje të dendura gjatë javës së fundit, dhe zyrtarët paralajmëruan të hënën se nivelet e ujit pritet të rriten më tej me reshjet që do të vazhdojnë deri të martën.

Qyteti Hat Yai, një qendër e madhe ekonomike në provincën Songkhla, u godit me 335 milimetra shi të premten, shifra më e lartë 24-orëshe në 300 vjet, thanë zyrtarët.

Nga e mërkura deri të premten, qyteti pa 630 milimetra shi, duke e bërë të vështirë evakuimin, ndërsa qindra banorë dhe turistë mbetën të bllokuar në shtëpi dhe hotele, gjë që detyroi ekipet e emergjencës të përdorin varka shpëtimi për të transportuar njerëzit përgjatë rrugëve të përmbytura.

Tajlanda ishte goditur më herët këtë vit nga përmbytje të gjera në veri, të ndjekura nga muaj përmbytjesh në rajonin qendror, që vranë mbi dy dhjetëra persona. Ato përmbytje shkaktuan gjithashtu dëme të mëdha në fushat bujqësore dhe mijëra shtëpi.

Malajzia po përballet gjithashtu me përmbytje në disa shtete që pritet të përkeqësohen ndërsa reshjet e dendura dhe të vazhdueshme vazhdojnë.

Departamenti i Mirëqenies Sociale raportoi të hënën se mbi 12 mijë e 500 njerëz në nëntë shtete janë evakuuar. Përmbytjet janë të zakonshme në disa pjesë të Malajzisë gjatë sezonit vjetor të musonit, i cili nis në nëntor dhe mund të zgjasë deri në mars.

The post Rritet numri i viktimave nga përmbytjet në Azinë Juglindore appeared first on Albeu.com.

Bashkia Pogradec, në bashkëpunim me Emergjencat Civile, ka nisur shpërndarjen e paketave me ndihma ushqimore për familjet e prekura nga përmbytjet.

Vetëm në qytetin e Pogradecit do të trajtohen me paketa ushqimore 62 familje, të cilat kanë pësuar dëme të shumta në banesat e tyre si pasojë e vërshimeve të ujit.

Ndërkohë, sipas Sekretarit të Përgjithshëm të Bashkisë Pogradec, Dritan Babasuli, në fshatin Rëmenj janë evakuuar 6 familje, të cilat do të përfitojnë bonus qeraje nga bashkia deri në momentin që banesat e tyre të rikonstruktohen dhe të bëhen sërish të banueshme.

Nga verifikimet paraprake në terren rezulton se janë prekur rreth 62 banesa, ndërsa janë evakuuar 6 familje. Janë dëmtuar gjithashtu 7 ura, si dhe është prekur rrjeti rrugor në disa akse, përfshirë rrugën për në fshatin Grunjas dhe rrugë dytësore në zonat rurale të njësive administrative Çërravë, Buçimas dhe Mokër.

Bashkia Pogradec bën me dije se situata vijon të monitorohet dhe ekipet janë në terren për vlerësim të plotë të dëmeve dhe ndërhyrje sipas nevojës.

Moti i keq me reshje të denura shiu, ka shkaktuar probleme në shumë qarqe të vendit. Reshjet intensive kanë përmbytur toka bujqësore, shtëpi e biznese teksa shumë familje janë evakuuar. Sipas të dhënave të Ministrisë së Mbrojtjes situata në qarqet e vendit paraqitet si më poshtë.

Qarku Vlorë

Sot ka nisur tërheqja e ujërave të Vjosës. Për shkak të prurjeve të larta të lumit Vjosa, në njësinë administrative Novoselë janë evakuuar dje 7 familje, të cilat u sistemuan pranë të afërmve. Gjithashtu, 3 familje pranë urës së Mifolit u evakuuan për arsye sigurie. Në total deri mbrëmjen e djeshme ishin 10 familje të evakuuara.

Bashkia Himarë

Situata paraqitet e qetë. Është hapur rruga, e cila u bllokua në segmentin midis fshatrave Shën Vasil–Nivicë, ndërsa segmentit Selenicë–Rromës vijon të jetë i bllokuar.

Bashkia Sarandë

Në aksin Sarandë–Delvinë në vendin e quajtur Shelegar, ka prani uji për shkak të daljes së lumit të Kalasës nga shtrati. Janë përmbytur disa banesa në fshatin Çukë, ku është dëmtuar argjinatura e lumit Bistricë, ndërsa në tunelin e Llogarasë nuk ka energji elektrike.

Vijon të jetë e bllokuar rruga në Shkallë Qafë Botë dhe në segmentin nga karburanti drejt qendrës së Konispolit. Në disa banesa në Ksamil, Metoq dhe Vrion kanë prani të ujit.

Rrugët hyrëse në bashkinë e Delvinës janë të gjitha të kalueshme.

QARKU FIER

Është krijuar situatë problematike si pasojë e prurjeve të Vjosës. Lumi në Kashisht–Çervën–Ferras, ka dalë nga shtrati por është brenda argjinaturës, ndërsa 50–60 ha tokë bujqësore janë nën ujë. 1 familje me 2 anëtarë është evakuuar në Çerven. Ka prezencë uji, në oborret e 30 ndërtesave në fshatrat Kashisht, Cerven, Ferras. Si masë paraprake, janë stakuar pompat në stacionin e ujësjellësit në Kafaraj. Po ashtu ka rritje prurjesh edhe në lumin Seman, por pa rrezik për banesa.

QARKU KORÇË

Situata ka qënë problematike si pasojë e fryrjes së lumenjve Devoll dhe Dunavec. Në disa zona si në Dërsnik, Bulgarec dhe lagjen nr. 6, po bëhet devijimi provizor i ujërave. Një banesë në Sheqeras është përmbytu. Në aksinQafë Plloçë–Qukës dhe Pogradec–Qafë Thanë ka prezencë inertesh dhe uji.

QARKU LEZHË

Në njësitë Shënkoll dhe Zejmen, niveli i ujit nga çarja e argjinaturës së lagunës së Vainit vijon të rritet. Është kryer edhe evakuim me varka për disa banorë. Vijojnë ndërhyrjet në aksin Skuraj–Gallatë–Vinjollë, në bashkinë Kurbin. Në bashkinë e Mirditës situate është e stabilizuar. Lumi Drin ka rënie niveli, ndërsa hidrovorët funksionojnë, përjashtuar Talen.

QARKU DURRËS

Në lumenjtë Erzen, Ishëm, Zezë nuk ka rritje niveli. Hidrovorët në Porto Romano dhe Hamallaj po punojnë normalisht. Lumi Erzen ka nisur të tërhiqet. Situatë e qetë është në bashkinë e Krujës, ku ka përfunduar forcimi i argjinaturës në lumin e Drojes. Po pastrohen kanalet në Borzanë dhe po punohet në njësinë Cudhi. Në tokat bujqësore ka tyërheqje të ujërave.

QARKU DIBËR

Në bashkinë e Bulqizës situiata është e stabilizuar. Në bashkinë e Dibrës probleme ka pasur në Luzni, Zall Dardhë, Muhur për hapjen e përrenjve. Furnizimi me energji normal, përveç fshatit Vakuf. Rrugët e fshatrave Vinjoll, Stojan, Derjan, Urxall në bashkinë Mat janë hapur. Ka rrëshqitje dheu në lagjen Mali-Lezajtë në bashkinë e Klosit.

QARKU SHKODËR

Në qarkun e Shkodrës reshjet kanë vijuar me intensitet mesatar deri të lartë. Në Bashkinë e Fushë-Arrëzit rrugët kanë prezencë inertesh, ndërsa në Malësinë e Madhe ka rritje të prurjeve në përroin e Thatë.

QARKU BERAT

Ka prurje të larta të lumit Osum dhe ka rrezik daljeje nga shtrati në lagjen Goricë. Po ndërhyhet nga UKT Në lagjen 28 Nëntori. Në Bashkinë e Poliçanit, ujërat në tokat bujqësore janë tërhequr. Ndërsa në Dimal, ka prani uji në tokat bujqësore të Çiflig dhe Arrëz.

QARKU GJIROKASTËR

Akset Kardhiq–Delvinë, Tepelenë–Gjirokastër, Gjirokastër–Kakavijë janë të qarkullueshme. Në qarqet e Kukësit, Tiranës, dhe Elbasanit, situata paraqitet e stabilizuar, ndërsa në disa fshatra nuk ka energji elektrike.

The post Përmbytjet nga moti i keq, si paraqitet situata në qarqet e vendit appeared first on Albeu.com.

Dëmet e shkaktuara janë të mëdha, pasi më shumë se 100 shtëpi kanë patur prezencë uji brenda, ndërsa me dhjetra hektarë tokë janë dëmtuar bashkë me gjënë e gjallë.

Një prej të prekurve nga përmbytjet, Ernest Paluku, i cili jeton afër përroit të Glinës që doli nga shtrati, u shpreh se ka ikur nga banesa e tij, duke braktisur edhe biznesin që kishte, nga frika e përmbytjeve të tjera.

Ai u shpreh se shteti duhet të ndërhyjë me investime në lumenj e përrua. Zv.kryetari i bashkisë Vau Dejës, Ervis Preçi, tha se tashmë grupet e punës po bëjnë evidentimin e dëmeve dhe janë në gatishmëri për të ndihmuar të përmbyturit.

Vau i Dejës, është bashkia më e prekur nga përmbytjet, por probleme nga vërshimi i përronjve kishte edhe në Gurin e Zi apo Kryebushat si edhe tek Harku i Bërdicës.

 

The post Banesa dhe biznese të përmbytura në Vaun e Dejës, orienditë shtëpiake “notojnë” në ujë appeared first on Albeu.com.

Rreth 100 banesa raportohen me prezencë uji në Vaun e Dejës, pasi reshjet e dendura të shiut shkaktuan përmbytje.

Kryebashkiaku i Vajut të Dejës, Kristian Shkreli, tha për mediat se situata është e rëndë dhe se përmbytjet kanë filluar në të gjitha njësitë administrative.

Sipas tij, nga dalja e përroit të Glinës nga shtrati janë shkaktuar përmbytje, si edhe dëme të mëdha në bagëti e shpendë.

“Shpresojmë të mos rrezikohen jetët e njerëzve pasi situata është mjaft e rëndë”, tha ai.

Kristian Shkreli: Situata në Vaun e Dejës është mjaft e rëndë, përmbytjet kanë filluar në të gjitha njësitë administrative. Vau i Dejës është pak më shumë problematik pasi përroi i Glinës ka dalë nga shtrati dhe po përbën përmbytje shumë të madhe në Vaun e Dejës. Dëmet janë të mëdha, në bagëti, shpend dhe kosheret e bletëve, por shpresojmë të mos rrezikohen jetët e njerëzve pasi situata është mjaft e rëndë.

Jeni në gatishmëri për evakuim?

Kristian Shkreli: Gjithë stafi është në terren, besoj çdo gjë do shkojë mirë në evakuim, por shpresoj të mos kemi nevojë.

Problemi kryesor është përroi i Glinës, ka 5 vite që aplikojmë për fonde dhe se kemi fituar.

The post Përkeqësohet situata në Vaun e Dejës/ Rreth 100 banesa nën “pushtetin” e ujit, përmbytje në të gjitha njësitë administrative appeared first on Albeu.com.

Autoritetet spanjolle thanë të enjten se kishin gjetur trupin e një burri 56-vjeçar i cili vdiq pasi u rrëmbye nga përmbytjet në rajonin lindor të Valencias vitin e kaluar, katastrofa më vdekjeprurëse e këtij lloji në vend në dekada.

Analiza e ADN-së konfirmoi se një kufomë e gjetur të martën në lumin Turia i përkiste njërit prej tre personave të raportuar të zhdukur që nga tragjedia e 29 tetorit 2024 që vrau më shumë se 230 persona, tha një gjykatë e Valencias në një deklaratë, shkruajnë mediat e huaja, përcjell Telegrafi.

Viktima, ashtu si dy personat e tjerë të zhdukur, "ishte shpallur tashmë ligjërisht i vdekur" dhe kështu numri i të vdekurve nuk ishte rritur, shtoi gjykata.

Siç bëhet e ditur më tej, uji e kishte tërhequr trupin rreth 30 kilometra (19 milje) nga qyteti i Pedralba në komunën e Manises jashtë kryeqytetit rajonal Valencia, qyteti i tretë më i madh i Spanjës.

Një funeral shtetëror do të zhvillohet në qytet më 29 tetor për të shënuar përvjetorin e katastrofës, e cila ngriti pyetje serioze në lidhje me përshtatshmërinë e sistemeve të alarmit dhe reagimin ndaj emergjencave.

Aktivistët kanë dalë në rrugë çdo muaj, duke kërkuar dorëheqjen e kreut të qeverisë rajonale Carlos Mazon për shkak të mënyrës se si i ka trajtuar përmbytjet, ndërsa demonstrata e radhës është planifikuar për të shtunën.

Autoritetet rajonale këmbëngulin se nuk kishin informacionin e nevojshëm për t'i paralajmëruar njerëzit më shpejt. /Telegrafi/

Të lësh një makinë në një strukturë të sigurt parkimi zakonisht duket si zgjedhja e sigurt, por edhe ato ambiente mund të mbingarkohen kur natyra godet fort.

Në Japoni, një garazh parkimi nëntokësor u godit nga përmbytje të mëdha pas reshjeve rekord, duke lënë 274 automjete të dëmtuara.

Stuhia goditi natën e 12 shtatorit në Qytetin Yokkaichi, Prefektura Mie.

Brenda vetëm një ore, ranë 123.5 mm (4.86 inç) shi, sasia më e madhe e regjistruar ndonjëherë në rajon.

Dhe vëllimi i madh e shtyu rrjetin e kullimit të qytetit përtej limitit të tij.

Kështu, Kusunoki Parking, një biznes i vendosur pranë qendrës së qytetit, nuk kishte asnjë shans.

Pavarësisht faktit se punonjësit grumbulluan thasë me rërë në hyrje, nuk kishte asnjë mënyrë për të ndaluar ujin që të hynte brenda.

Pas shiut, kati i parë me një lartësi tavani prej 3.5 m u zhyt plotësisht në ujë, ndërsa kati i dytë u zhyt deri në 1.2 m.

Autoritetet filluan operacionet e kullimit më 13 shtator duke përdorur kamionë pompimi, megjithatë garazhi mbeti i mbuluar nga uji deri në mëngjesin e 17 shtatorit.

Midis makinave të zhytura ishin modele të profilit të lartë si një Nissan R35 GT-R dhe ajo që dukej të ishte një Porsche Cayman. Gama përfshinte gjithashtu disa modele Mercedes, duke përfshirë një S-Class të modifikuar, G-Class, CLA Shooting Brake dhe A-Class, si dhe një BMW X6 – dhe sigurisht shumë Toyota dhe Mitsubishi. /Telegrafi/

Së pari dhe më kryesorja, ndodhi përmbytja shkatërruese në Teksas që mbyti më shumë se 130 njerëz natën e 4 korrikut, shkruan CNN.

Por ngjarjet e përmbytjeve të menjëhershme janë përqendruar edhe diku tjetër, transmeton Telegrafi.

Tre persona humbën jetën në një përmbytje të menjëhershme që lidhej me shirat e rrëmbyeshëm që ranë mbi një ‘plagë’ djegieje nga zjarret në Ruidoso, New Mexico, më 8 korrik.

Disa rrugë kryesore në Çikago u vunë papritmas nën ujë kur një ngjarje reshjesh 1,000-vjeçare goditi në fillim të korrikut.

Në pjesë të Karolinës së Veriut, mbetjet e stuhisë tropikale Chantal çuan në shira të rrëmbyeshëm dhe përmbytje vdekjeprurëse në të njëjtën fundjavë me tragjedinë e Teksasit.

Në New York, uji vërshoi në tunelet e metrosë kur qyteti pa reshjet e dyta më të dendura në një orë më 14 korrik, me përmbytje të menjëhershme të përhapura që zgjatën deri më 15.

Dhe javën e kaluar, ishte radha e Kansas City për të përmbytur më 17 korrik.

Disa nga këto përmbytje rezultuan nga reshjet që kanë një frekuencë kthimi prej rreth 1,000 vjetësh, që do të thotë se kanë vetëm një shans 0.1% të ndodhin në çdo vit të caktuar.

Por ndryshimi i klimës po i ngarkon zaret në favor të reshjeve ekstreme.

“Kur flasim për shembull për ngjarje ‘1000-vjeçare’, po flasim për gjasat e këtyre ngjarjeve në mungesë të ngrohjes së shkaktuar nga njeriu (domethënë sa shpesh do t’i prisnim ato vetëm nga ndryshueshmëria natyrore)”, tha shkencëtari i klimës Michael Mann i Universitetit të Pensilvanisë.

“Këto ngjarje janë sigurisht shumë më të shpeshta *për shkak* të ngrohjes së shkaktuar nga njeriu”, tha ai në një email.

Por hulumtimi i tij ka identifikuar faktorë të tjerë, siç janë modelet e vazhdueshme të motit në shkallë të gjerë të njohura si “rezonancë atmosferike”, që mund ta bëjnë motin ekstrem, përfshirë përmbytjet, edhe më të mundshëm.

Ashtu si valët e zërit ose valët e oqeanit mund të rezonojnë dhe të përforcojnë njëra-tjetrën, rezonanca atmosferike mund të ndodhë me modelet e valëzuara të rrjedhave të ajrit në atmosferën e sipërme, duke rezultuar në sisteme moti që qëndrojnë në vend për javë të tëra.

Një studim i kohëve të fundit mbi të cilin punoi Mann, zbuloi se modele të tilla moti janë trefishuar në incidencë që nga mesi i shekullit të 20-të gjatë muajve të verës.

Problemi është se këto modele “nuk janë domosdoshmërisht të kapura mirë në modelet e klimës”, tha ai.

Kjo rrit pasigurinë në lidhje me parashikimet e ardhshme për tendencat ekstreme të motit.

Ndikimi i ndryshimeve klimatike në reshjet e dendura të shiut është më i dukshëm kur bëhet fjalë për ngjarje ekstreme afatshkurtra, si ajo që ka ndodhur vazhdimisht këtë verë, sipas Swain.

“Nuk janë reshjet mesatare ato që preken më shumë nga ndryshimet klimatike,” tha Swain.

“Është vërtet matematikisht e saktë që sa më ekstreme të jetë ngjarja e shiut, aq më e qartë është lidhja me ndryshimet klimatike”, shtoi ai.

Fizika se si ngrohja globale ndikon në ngjarjet e reshjeve të dendura të shiut është e njohur mirë, sipas shkencëtares së klimës Kate Marvel.

“Ky është pothuajse një shembull shkollor i ndikimeve të ndryshimeve klimatike”, i tha ajo CNN.

“Shkenca që qëndron pas kësaj është aq bazike sa mund ta shihni në jetën e përditshme. Uji i ngrohtë nxit më shumë avullim – banjoja bëhet shumë më e avullueshme pas një banje të nxehtë sesa pas një banje të ftohtë”, tha ajo.

“Ajri i ngrohtë përmban më shumë avuj uji – një birrë e ftohtë laget nga jashtë në një ditë të nxehtë, sepse kur ajri bie në kontakt me sipërfaqen më të ftohtë, duhet të kondensojë avujt e tij të ujit”, tha Marvel.

“Toka e ngrohtë e bën më të lehtë që ajri i lagësht të ngrihet lart – kjo është arsyeja pse ndodhin stuhi në pasditet e nxehta të verës. Nëse i bashkoni të gjitha këto, do të keni kushtet perfekte për shira të rrëmbyeshëm”, tha Marvel, autore e librit të ri për klimën “Natyra Njerëzore”.

“Nëse një shi i rrëmbyeshëm shndërrohet në një përmbytje katastrofike varet nga shumë gjëra: sa poroz është toka, topografia e zonës, njerëzit dhe gjërat në rrezik. Por nuk ka absolutisht asnjë dyshim se ndryshimi i klimës, i shkaktuar nga emetimet njerëzore të gazrave serrë, po i bën reshjet ekstreme të shiut edhe më ekstreme”, shtoi ai. /Telegrafi/

The post Vera e përmbytjeve në të gjithë SHBA-në, shkencëtarët kanë një shpjegim pse po ndodhë kjo appeared first on Telegrafi.

Përpjekjet e kërkimit vazhdojnë për të katërtën ditë me radhë në Teksasin qendror, ku dhjetëra persona ende konsiderohen të zhdukur pas përmbytjeve të menjëhershme që goditën rajonin. Më shumë se 80 persona janë konfirmuar të vdekur, dhe janë ngritur shqetësime për mundësinë e një bilanci më të lartë të viktimave.

Një nga vendet më të prekura ka qenë Kampi Mystic, një kamp veror për vajza në Qarkun Kerr, ku të paktën 27 vajza dhe anëtarë të stafit janë midis të vrarëve. Ky kamp ka konfirmuar tragjedinë dhe po bashkëpunon me autoritetet për të ndihmuar në kërkimin e të mbijetuarve.

Rajoni po përballet gjithashtu me parashikime për stuhi të mëtejshme gjatë 24-48 orëve të ardhshme, ndërsa alarme për përmbytje mbeten në fuqi deri të paktën të hënën në mbrëmje. Situata e krijuar ka shtuar shqetësimet për pasigurinë në zonat më të rrezikuara, ndërsa shërbimet e emergjencës vazhdojnë përpjekjet për shpëtimin e jetëve.

Presidenti i SHBA-së, Donald Trump, ka nënshkruar një deklaratë për fatkeqësi natyrore për Qarkun Kerr, duke mundësuar përmirësimin e ndihmave federale për ata që kanë pësuar nga kjo tragjedi. Por, kanë lindur pyetje nëse paralajmërimet e përmbytjeve ishin të mjaftueshme për të paralajmëruar qytetarët në kohën e duhur.

Ngjarja tragjike ndodhi në orët e para të së premtes, kur lumi Guadalupe u rrit më shumë se 8 metra në më pak se një orë, duke shkaktuar përmbytje masive dhe dëme të mëdha. Aktualisht, autoritetet po punojnë për të identifikuar dhe shpëtuar të mbijetuarit, ndërkohë që komuniteti ka mbështetur njëri-tjetrin në këto momente të vështira.

LEXONI GJITHASHTU:

• Polonia vendos kontrolle kufitare me Gjermaninë dhe Lituaninë
• Irak: Ranë në kontakt me gazin metan në një shpellë, vdesin 12 ushtarë turq

The post Përmbytjet në Teksas: Midis të vrarëve edhe 27 vajza të një kampi veror appeared first on Euronews Albania.

Një tragjedi e madhe ka përfshirë Teksasin qendror, ku së paku 78 persona janë konfirmuar të vdekur dhe 41 të tjerë janë ende të zhdukur pas përmbytjeve të mëdha që goditën rajonin të premten.

Gjashtëdhjetë e tetë nga viktimat, përfshirë 28 fëmijë, janë regjistruar në Qarkun Kerr, ku një kamp vajzash buzë lumit u përmbyt.

Deri tani, 10 vajza dhe një këshilltar nga kampi Mystic nuk janë gjetur ende, duke shkaktuar shqetësime të mëdha për fatin e tyre. Zyrtarët paralajmërojnë se numri i viktimave mund të rritet, pasi kërkimet vazhdojnë nën kushte të vështira, me rreziqe si gjarpërinjtë helmues dhe balta e thellë që pengojnë ekipet e shpëtimit.

Në 24 deri në 48 orët e ardhshme, stuhitë e tjera janë të pritura në rajon, çka mund të vështirësojë edhe më shumë operacionet e shpëtimit. Guvernatori i Teksasit, Greg Abbott, tha se autoritetet po bëjnë gjithçka të mundur për të gjetur personat që ende mungojnë, duke shtuar se ishte tmerruese të shihje atë që përjetuan fëmijët e vegjël në kamp.

Përmes një deklarate, Presidenti Donald Trump shpalli gjendje të jashtëzakonshme për Qarkun Kerr, duke aktivizuar Agjencinë Federale të Menaxhimit të Emergjencave (FEMA) për të mbështetur operacionet e shpëtimit. Trump e cilësoi ngjarjen si një tragjedi të tmerrshme dhe premtoi mbështetje të plotë për shtetin.

Në Romë, Papa Leoni XIV u lut për viktimat e përmbytjeve dhe familjet e tyre, duke i ofruar ngushëllim dhe mbështetje shpirtërore.

LEXONI GJITHASHTU:

• Aksident i rëndë në Ukrainë: Përmbyset autobusi, 1 i vdekur dhe 17 të plagosur
• Vrau tre të afërmit e saj me kërpurdha vdekjeprurëse, australianja shpallet fajtore

The post Mbi 70 njerëz të vdekur dhe dhjetëra të zhdukur nga përmbytjet në Teksas appeared first on Euronews Albania.

Ndërsa Ejuropa dhe pjesa më e madhe e botës vuan nga i nxehti ekstrem veror, kapriçot e motit nuk ndalen së surprizuari. Përmbytje jo vetëm në Teksas të SHBA-ve, por edhe në veriun e Italisë.

Lombardia ndodhet prej ditës së sotme nën pushtetin e ujërave. Mot i keq në Komo dhe Milano bëri që 13 fluturime të devijoheshin për në Orio al Serio të Bergamos. Autoritetet dhanë alarm portokalli për stuhi, informon “La Repubblica”.

Që nga mëngjesi i sotëm (5 korrik), shira të rrëmbyeshëm dhe stuhi të forta kanë goditur të gjithë Lombardinë. Liqeni i Komos doli nga shtrati pas përmbytjes dhe disa familje u evakuan, por nuk raportohen të lënduar apo viktima.

The post Kapriçot e motit/ I nxehti përvëlon Europën, Lombardia në Itali përmbytet pas reshjeve të mëdha appeared first on Sot News | Lajme.

Të paktën 24 persona, gjysma e të cilëve fëmijë, kanë vdekur në Pakistan nga përmbytjet e menjëhershme ose shembjet e shtëpive të shkaktuara nga shirat e rrëmbyeshëm që nga fillimi i sezonit të musoneve të mërkurën.

“Përmbytjet e rrëmbyeshme vranë 11 persona, përfshirë katër fëmijë dhe tre gra, ndërsa gjashtë persona u plagosën” dje, ndërsa “56 shtëpi u dëmtuan, nga të cilat gjashtë u shkatërruan plotësisht”, tha një raport nga Autoriteti i Menaxhimit të Fatkeqësive të provincës Khyber Pakhtunkhwa, në pjesën veriperëndimore, e cila kufizohet me Afganistanin.

Raporti tha se 10 persona në Luginën Swat u rrëmbyen nga një lumë që doli nga shtrati.

The post ‘Çmendet’ moti/ Stuhia pritet të bëjë ‘kërdinë’ në këtë vend, raportohet për 24 të vdekur appeared first on Sot News | Lajme.

Reshje të dendura shiu të shoqëruara me breshër dhe stuhi ere kanë përfshirë pasditen e sotme zonën e Dardhasit dhe të gjitha fshatrat e njësisë administrative të Pogradecit, duke krijuar situata problematike në disa akse rurale.

Për shkak të motit të keq është shkëputur përkohësisht furnizimi me energji elektrike në Dardhas, ndërsa rrugët janë përmbytur nga vërshimi i ujërave. Sasia e madhe e reshjeve për një kohë të shkurtër ka krijuar vështirësi në qarkullimin e mjeteve dhe këmbësorëve, ndërkohë që lëkundjet e erës kanë dëmtuar zona te ndryshme.

Sipas informacioneve paraprake, grupet e emergjencës civile janë në gadishmëri, të vendosura në disa pika të zonës, për të ndërhyrë në rast të përkeqësimit të situatës ose për të ndihmuar banorët në nevojë.

Autoritetet lokale bëjnë thirrje për kujdes të shtuar dhe shmangie të lëvizjeve të panevojshme deri në përmirësimin e kushteve atmosferike.

The post Stuhia e shiut bënë namin në këtë qytet, pjesa tjetër e Shqipërisë nën temperatura ‘përveluese’ appeared first on Sot News | Lajme.

Reshje shiu, erë e fortë dhe breshër kanë përfshirë zonën e Dibrës pasditen e sotme, duke shkaktuar probleme edhe në qarkullimin e mjeteve.

Segmenti Sofraçan–Shupenzë i Rrugës së Arbrit është bllokuar përkohësisht, pasi era e fortë ka rrëzuar pemë mbi rrugë, duke e bërë të vështirë lëvizjen e automjeteve.

Në pamjet e siguruara nga Report Tv shihet se rruga është bllokuar nga pemët e rrëzuara nga era, ndërsa drejtuesit e mjeteve janë detyruar të ndalojnë për shkak të bllokimit të segmetiti rrugor.

The post “Çmendet” moti/ Gjysma e Shqipërisë “përvëlohet”, pjesa jugore përmbytet, era e fortë rrëzon pemët në rrugë appeared first on Sot News | Lajme.

Numri zyrtar i të vdekurve pas përmbytjeve vdekjeprurëse që goditën qytetin nigerian të Mokwa të enjten është rritur në më shumë se 200, thonë zyrtarët.

500 persona të tjerë rezultojnë ende të zhdukur në qytetin në shtetin qendror të Nigerit, megjithatë, zyrtari lokal Musa Kimboku i tha BBC-së se përpjekjet e shpëtimit kishin pushuar sepse autoritetet nuk besojnë më se dikush mund të gjendet ende gjallë.

Përmbytjet, që thuhet se janë më të këqijat në zonë në 60 vjet, përfshiu distriktet Mokwa të Tiffin Maza dhe Anguwan Hausawa pas shirave të rrëmbyeshëm.

Në një përpjekje për të parandaluar sëmundjet në zonë, autoritetet së shpejti do të fillojnë të gërmojnë kufomat e varrosura nën tokë, tha kreu i distriktit të Mokwa-s, Muhammadu Aliyu.

Duke rrëfyer skenat e katastrofës banorët vendas i thanë BBC-së se panë shtëpitë dhe anëtarët e familjeve të tyre të përmbyten nga uji.

Një burrë, Adamu Yusuf, humbi gruan dhe foshnjën e tij të porsalindur.

“E pashë i pafuqishëm ujin teksa përmbyste familjen time. Mbijetova sepse mund të notoja”, i tha ai BBC-së.

Një banor tjetër, Saliu Sulaiman, tha se përmbytjet e kishin lënë të pastrehë dhe kishin shkatërruar disa nga fitimet e biznesit të tij.

“Humba të paktën 1,500 dollarë nga përmbytjet. Ishin të ardhurat nga shitja e prodhimeve të fermës sime një ditë më parë. Mendova të kthehesha në dhomë për t’i marrë, por presioni i ujit më frikësoi.”

Disa banorë vendas kanë thënë se përmbytjet ishin kaq shkatërruese për shkak se një digë aty pranë kishte shpërthyer, megjithatë autoritetet nuk e kanë konfirmuar këtë.

Të dielën, Agjencia Kombëtare e Menaxhimit të Emergjencave (Nema) njoftoi se kishte filluar procesin e ofrimit të paketave të ndihmës për njerëzit e prekur.

 

LEXONI GJITHASHTU:

• Të paktën 42 të vrarë nga sulmet e barinjve të armatosur në Nigeri
• Përmbytjet e rënda në Nigeri, të paktën 150 të vdekur dhe mijëra të zhvendosur

The post Mbi 700 persona besohet se kanë vdekur në përmbytjet shkatërruese në Nigeri appeared first on Euronews Albania.