Banorët e lagjes “Kodra e Trimave” në Prishtinë kanë ngritur shqetësimin për mungesën dhe reduktimet e vazhdueshme të ujit të pijshëm, problem që, sipas tyre, po vazhdon prej disa muajsh dhe po vështirëson jetën e përditshme në këtë zonë.

Në disa ankesa që ka pranuar Telegrafi, banorët theksojnë se uji është një nevojë jetike, e domosdoshme për çdo aktivitet ditor, dhe mungesa e tij po ndikon drejtpërdrejt si në familjet rezidente ashtu edhe në bizneset që veprojnë në lagje.

Ata kërkojnë që çështja të trajtohet me prioritet dhe të bëhet rregullimi i furnizimit me ujë të pijshëm, duke siguruar qasje të pandërprerë 24 orë në ditë.

Sipas tyre, ky problem nuk është i izoluar vetëm në “Kodrën e Trimave”, por është i pranishëm edhe në lagje dhe fshatra të tjera të Kryeqytetit.

Lidhur me këtë situatë, Telegrafi ka kontaktuar edhe me zëdhënësen e KRU Prishtina, Arjeta Mjeku, e cila ka sqaruar se aktualisht kompania është duke operuar me kapacitet të reduktuar.

“Për shkak të turbullirave, aktualisht jemi duke operuar me kapacitet minimal. Ekipet tona janë duke monitoruar situatën dhe po punojnë për stabilizimin e saj, me qëllim rikthimin e funksionimit normal në kohën më të shkurtër të mundshme”, tha Mjeku.

Ajo ka shtuar se gjendja është shkaktuar si pasojë e vërshimeve dhe rritjes së shpejtë të nivelit të ujit në liqene.

“Ka ende turbullirë, çka po ndikon drejtpërdrejt në procesin e furnizimit”, ka theksuar zëdhënësja e KRU Prishtina.

Ndërkohë, banorët shprehen në pritje të një zgjidhjeje sa më të shpejtë, duke kërkuar ndërhyrje konkrete për stabilizimin e furnizimit me ujë të pijshëm. /Telegrafi/

Kompania Rajonale e Ujësjellësit Prishtina (KRU Prishtina) njofton qytetarët e Podujevës se për shkak të një rrjedhjeje në gypin AC me diametër Ø200 mm, ekipet e saj do të ndërhyjnë për sanimin e defektit.

Si pasojë e këtyre punimeve, do të ketë ndërprerje të përkohshme të furnizimit me ujë të pijshëm në rrugët: “Skënderbeu”, “28 Nëntori” dhe rruga e Xhamisë.

Punimet do të zhvillohen gjatë ditës, ndërsa furnizimi me ujë do të rikthehet menjëherë pas përfundimit të sanimit. KRU Prishtina kërkon mirëkuptimin e qytetarëve të prekur dhe i falënderon për durimin dhe bashkëpunimin. /Telegrafi/

Kompania Rajonale e Ujësjellësit “Prishtina” ka njoftuar konsumatorët që kanë detyrime të papaguara për shërbimet e ujit dhe kanalizimit që t’i kryejnë pagesat brenda afatit të përcaktuar, për të shmangur masat ndëshkuese.

Sipas njoftimit të publikuar në Facebook, bazuar në të dhënat e faturimit, një numër konsumatorësh rezultojnë me borxhe të papaguara për shërbimet e ujësjellësit dhe kanalizimit. KRU Prishtina ka bërë të ditur se afati i fundit për realizimin e pagesave është fundi i muajit shkurt 2026.

Pagesat mund të realizohen në sportelet e Kompanisë Rajonale të Ujësjellësit “Prishtina” SH.A, përmes bankave komerciale, institucioneve mikrofinanciare dhe Postës së Kosovës, si dhe online përmes platformës elektronike.

Kompania ka paralajmëruar se mosrealizimi i pagesës brenda afatit të caktuar mund të rezultojë me ndërprerjen e shërbimit të furnizimit me ujë dhe dërgimin e lëndëve për trajtim te përmbaruesit privat.

Nga KRU Prishtina theksohet se pagesa e rregullt e shërbimeve ndihmon në sigurimin e furnizimit të qëndrueshëm me ujë të pastër dhe në ofrimin e shërbimeve cilësore për të gjithë qytetarët. /Telegrafi/

Kompania Rajonale e Ujësjellësit “Prishtina” ka vazhduar aksionet ndaj konsumatorëve me borxhe të papaguara, duke realizuar sot një aksion në qytetin e Drenasit.

Sipas njoftimit të KRU “Prishtina”, gjatë këtij aksioni janë shkyçur nga shërbimi i furnizimit me ujë konsumatorët të cilët nuk i kanë përmbushur obligimet financiare në përputhje me kontratat e lidhura me kompaninë.

Nga kompania bëhet e ditur se aksione të tilla do të vazhdojnë edhe në të ardhmen, me qëllim të rritjes së disiplinës së pagesave dhe funksionimit të qëndrueshëm të shërbimit të furnizimit me ujë për të gjithë konsumatorët. /Telegrafi/

Kompania e Ujësjellësit KRU "Prishtina" njofton qytetarët se për shkak të turbullirave të larta në kanalin Ibër-Lepenc, si pasojë e reshjeve të dendura, stacioni ITU Shkabaj është jashtë funksionit.

Si rezultat, priten reduktime në furnizimin me ujë nga ora 10:30 deri në 17:00 në Fushë Kosovë, Obiliq dhe një pjesë e lagjes Kalabria – Prishtinë, dhe Drenasi.

KRU "Prishtina" njofton se zonat e prekura do të furnizohen me ujë nga ora 17:00 deri në 22:00, ndërsa ndikime mund të ketë edhe në zona të tjera të kryeqytetit.

Ekipet e kompanisë janë në terren dhe po monitorojnë situatën, ndërsa furnizimi do të rikthehet sapo të stabilizohen parametrat.

Gjatë orarit të reduktimeve, qytetarëve u rekomandohet të përdorin autobotet, të cilat do të jenë në dispozicion sipas orarit të përcaktuar nga kompania./Telegrafi/

Kompania Rajonale e Ujësjellësit “Prishtina” ka sqaruar procesin e përcaktimit të tarifave të ujësjellësit dhe kanalizimit, duke theksuar se ato miratohen nga Autoriteti Rregullator për Shërbimet e Ujit (ARRU), në përputhje me Ligjin Nr. 05/L–042.

Në një njoftim të publikuar në Facebook, KRU “Prishtina” bën të ditur se ARRU përcakton tarifat me qëllim që ato të jenë të drejta, të arsyeshme dhe të garantojnë qëndrueshmërinë financiare të ofruesve të shërbimeve të ujit.

“ARRU përcakton tarifat e shërbimeve të ujësjellësit dhe kanalizimit, duke siguruar që ato të jenë të drejta, të arsyeshme dhe të mbështesin qëndrueshmërinë financiare të ofruesve të shërbimeve”, thuhet në njoftimin e kompanisë.

Sipas KRU “Prishtina”, tarifat përfshijnë shërbimet e ujësjellësit dhe të ujërave të ndotura, furnizimin me ujë të patrajtuar me shumicë, si dhe ujin e trajtuar me shumicë. Tarifa, siç sqarohet, llogaritet duke pjesëtuar kërkesën për të ardhura me vëllimin e ujit të shitur, duke marrë parasysh edhe efikasitetin në arkëtimin e të ardhurave.

“Kërkesa për të ardhura përbëhet nga tre komponentë kryesorë: shpenzimet operative, mirëmbajtja kapitale dhe kthimi në Bazën Rregullatore të Aseteve”, thekson kompania.

Po ashtu, KRU “Prishtina” njofton se ka paraqitur kërkesat tarifore për periudhën 2026–2028, të cilat përfshijnë shpenzime operative për sigurimin e furnizimit të vazhdueshëm me ujë dhe shërbime të kanalizimit, investime kapitale dhe mirëmbajtje të rrjetit ekzistues, si dhe projekte për modernizimin e aseteve dhe përmirësimin e cilësisë së shërbimeve për konsumatorët.

“Edhe me tarifat e aprovuara, KRU ‘Prishtina’ mbetet e përkushtuar të ofrojë shërbime të qëndrueshme, cilësore dhe pa ndërprerje për qytetarët”, thuhet në fund të njoftimit. /Telegrafi/

Autoriteti i Rregullatorit për Shërbimet e Ujit ka njoftuar se nga 1 janari faturat e ujit qytetarëve do të jenë me tarifë të re.

Tarifa e re është me rritje në të gjitha rajonet e Kosovës, raporton Telegrafi.

Në urdhëresat tarifore të shërbimit për vitin 2026, rritje në tarifa ka në faturat e KRU “Prishtina”, KRU “Hidroregjioni Jugor” Prizren, KRU “Hidrodrini” Pejë, KRU “Mitrovica” Mitrovicë, KRU “Gjakova” Gjakovë, KRU “Bifurkacioni” Ferizaj, KRU “Hidromorava” Gjilan.

Më poshtë mund të shikoni tarifat e ujit për m3 në këto rajone, për ato shtëpiake dhe për joshtëpiake (komeracial dhe institucional) në vitin 2025 dhe tashmë për vitin 2026

KRU “Prishtina”

2025

Shtëpiake 0.45

Jo-shtëpiake (komercial, institucional) 0.62 cent

2026

Shtëpiake 0.63

Jo shtëpiake 0.82

KRU “Hidroregjioni Jugor” Prizren

2025

Shtëpiake 0.40

Jo-shtëpiake (komercial, institucional) 0.56

2026

Shtëpiake 0.56

Jo-shtëpiake (komercial, institucional)0.73

KRU “Hidrodrini” Pejë

Shtëpiake 0.28

Jo-shtëpiake (komercial, institucional) 0.39

2026

Shtëpiake 0.39

Jo-shtëpiake (komercial, institucional) 0.51

KRU “Mitrovica” Mitrovicë

2025

Shtëpiake 0.39

Jo-shtëpiake (komercial, institucional 0.55

2026

Shtëpiake 0.53

Jo-shtëpiake

2025

(komercial, institucional 0.69

KRU “Gjakova” Gjakovë

2025

Shtëpiake 0.39

Jo-shtëpiake (komercial, institucional 0.55

2026

Shtëpiake 0.52

Jo-shtëpiake (komercial, institucional 0.67

KRU “Bifurkacioni” Ferizaj

2025

Shtëpiake 0.39

Jo-shtëpiake (komercial, institucional) 0.54

2026

Shtëpiake 0.53

Jo-shtëpiake (komercial, institucional) 0.69

KRU “Hidromorava” Gjilan

2025

Shtëpiake 0.39

Jo-shtëpiake (komercial, institucional) 0.55

2026

Shtëpiake 0.54

Jo-shtëpiake (komercial, institucional) 0.71

Kompania Rajonale e Ujësjellësit “Prishtina”, bën të ditur se disa zona në kryeqytet kanë mbetur pa ujë të pijshëm.

Sipas njoftimit, si pasojë e një defekti në rrjetin e ujësjellësit, pa furnizim me ujë të pijshëm kanë mbetur gjysma e lagjes Hajvalia, Veterniku, Lagjja Qëndresa, konsumatorët “prapa qendrës Grand Store” dhe zona kah Rezonanca – Lagjja Premium.

“Ekipet e mirëmbajtjes janë në terren dhe po punojnë me intensitet për sanimin sa më të shpejtë të defektit. Rikthimi i furnizimit do të bëhet menjëherë pas përfundimit të punimeve”, thuhet në njoftim.

Kompania bën të ditur se ekipet e mirëmbajtjes janë në terren dhe po punojnë me intensitet për sanimin sa më të shpejtë të defektit. Rikthimi i furnizimit do të bëhet menjëherë pas përfundimit të punimeve.

KRU Prishtina njofton qytetarët se sot ekipet e mirëmbajtjes do të kryejnë intervenime në rrjetin e ujësjellësit në këto lokacione.

• Rruga UÇK
• Rruga Berid Beker
• Rruga Marie Shllaku
• Rruga Kamer Loshi
• Rruga Vidovdanska
• Rruga A
• Rruga Rrustem Dragusha
• Rruga Naim Dragusha
• Rruga Ismail Ismaili
• Rruga Xhavit Ahmeti
• Rruga Musine Kokalari
• Lagjja Taslixhe

Gjatë punimeve mund të ndodhin ndërprerje të përkohshme të furnizimit me ujë.

Ekipet janë në terren dhe po punojnë për riparimin e defekteve sa më shpejt të jetë e mundur. /Telegrafi/

Furnizimi me ujë në fshatrat Rufc i Ri, Rufc i Vjetër, Hallaq i Vogël dhe Ribar i Vogël është ndërprerë që nga pasditja e datës 15 dhjetor, për shkak të dëmtimit të gypit furnizues nga kontraktori i Komunës, “Beni Company”.

Sipas njoftimit të KRU Prishtina, defekti u identifikua vetëm paraditen e sotme dhe punëtorët po vazhdojnë me sanimin e tij.

Pas rikthimit të furnizimit, uji duhet të përdoret vetëm për nevoja sanitare deri në njoftimin e radhës.

“Kompania është duke punuar për të rregulluar defektin dhe furnizimi do të normalizohet sapo të rikthehet energjia dhe të përfundojnë punimet”, thuhet në njoftim.

KRU Prishtina u bën thirrje banorëve për mirëkuptim dhe kujdes gjatë përdorimit të ujit pas rikthimit të furnizimit. /Telegrafi/

Kompania Rajonale e Ujësjellësit “Prishtina” njofton se sot ekipet e mirëmbajtjes do të realizojnë ndërhyrje teknike në disa zona të kryeqytetit.

Punimet do të zhvillohen në rrugët Igballe Prishtina, Mitrovicës (te FSK), Selim Berisha, Xhon Sereqi, Ismajl Ismajli, Sadete Mekuli, Agim Ramadani dhe Bill Klinton.

Gjatë kohës së zhvillimit të punimeve, në këto zona mund të ketë ndërprerje të përkohshme të furnizimit me ujë.

Nga KRU “Prishtina” u bëhet thirrje qytetarëve për mirëkuptim deri në përfundimin e intervenimeve. /Telegrafi/

Rreth 1,800 konsumatorë në lagjen Bregu i Diellit në Prishtinë do të përfitojnë nga vendosja e ujëmatësve digjitalë, në kuadër të fazës së parë të një projekti të ri të KRU “Prishtina”.

Sipas njoftimit, projekti synon modernizimin e sistemit të matjes së konsumit të ujit, duke rritur saktësinë e leximeve, transparencën për konsumatorët dhe efikasitetin në menaxhimin e furnizimit me ujë të pijshëm.

Nga kompania bëhet e ditur se pas përfundimit të fazës së parë në lagjen Bregu i Diellit, procesi i instalimit të ujëmatësve digjitalë do të vazhdojë gradualisht edhe në zona të tjera, deri në përfshirjen e të gjithë konsumatorëve të KRU “Prishtina”.

Ky projekt pritet të kontribuojë në përmirësimin e shërbimeve ndaj qytetarëve, menaxhimin më të mirë të resurseve ujore dhe rritjen e besimit ndërmjet kompanisë dhe konsumatorëve. /Telegrafi/

KRU Prishtina ka njoftuar se për shkak të dëmtimit të një gypi të ujit me diametër Ø200, i shkaktuar gjatë punimeve nga Korporata Energjetike e Kosovës (KEK), është ndërprerë furnizimi me ujë të pijshëm në disa zona të Komunës së Obiliqit.

Sipas njoftimit, pa furnizim me ujë kanë mbetur lagjja te Hekurudha në Obiliq, si dhe fshatrat Plemetin dhe Hamidi.

Nga KRU Prishtina bëhet e ditur se ndërprerja do të zgjasë deri në sanimin e plotë të dëmit, ndërsa ekipet përkatëse janë duke punuar për rregullimin e prishjes dhe rikthimin e furnizimit sa më parë.

Ndërmarrja u ka bërë thirrje konsumatorëve për mirëkuptim deri në normalizimin e situatës. /Telegrafi/

Kompania Rajonale e Ujësjellësit “Prishtina” ka njoftuar se sot ekipet e mirëmbajtjes do të realizojnë intervenime teknike në disa lokacione të kryeqytetit dhe rrethinës, me ç’rast mund të ketë ndërprerje të përkohshme të furnizimit me ujë të pijshëm.

Sipas njoftimit të KRU “Prishtina”, punimet do të zhvillohen në rrugët Ilir Konushevci, Bajram Bahtiri, Robert Doll, Hysni Gashi, Hysen Terpeza dhe Kadri Osmani, si dhe në lagjen Tasligje. Intervenime janë planifikuar edhe në fshatrat Bardhosh dhe Leban.

Nga kompania bëjnë të ditur se gjatë kohës së punimeve mund të ketë pengesa në furnizimin me ujë të pijshëm, varësisht nga dinamika e intervenimeve teknike në terren.

KRU “Prishtina” u ka bërë thirrje qytetarëve që të kenë mirëkuptim për shqetësimet e mundshme dhe të marrin masa paraprake, duke siguruar sasi të mjaftueshme të ujit deri në përfundimin e punimeve. /Telegrafi/

KRU Prishtina ka njoftuar qytetarët se kanë mbetur vetëm 20 ditë afat për përmbushjen e obligimeve financiare për shërbimet e ujit dhe kanalizimit për vitin 2025.

Në një postim në Facebook, kompania ka apeluar që pagesat të realizohen sa më shpejt, për të shmangur procedurat shtesë që parashihen pas përfundimit të afatit.

“Ju lusim që t’i realizoni pagesat sa më herët, në mënyrë që të shmangen procedurat shtesë që parashihen pas afatit,” thuhet në njoftim.

KRU Prishtina falënderon qytetarët për mirëkuptimin dhe bashkëpunimin. /Telegrafi/

Kompania Rajonale e Ujësjellësit “Prishtina” ka bërë një thirrje për përdorim të përgjegjshëm të ujit, duke theksuar se edhe pse çmimi i ujit në Kosovë është i ulët, burimet ujore mbeten të kufizuara.

Në një postim në Facebook, kompania ka rikujtuar se “çmimi i ujit për litër është dukshëm më i ulët se shumica e ushqimeve të zakonshme”, megjithatë kjo nuk duhet të nxisë përdorim të pakontrolluar.

“Burimet ujore nuk janë të pakufizuara, prandaj kursimi dhe përdorimi i përgjegjshëm mbetet shumë i rëndësishëm”, thuhet në njoftim.

KRU Prishtina ka bërë thirrje që qytetarët të kujdesen për këtë resurs të çmuar, veçanërisht në periudhat kur kërkesa për ujë është më e lartë. /Telegrafi/

KRU Prishtina informon qytetarët se gjatë ditës së sotme ekipet e mirëmbajtjes do të kryejnë punime teknike dhe kontrolle në disa pjesë të rrjetit të ujësjellësit, me qëllim përmirësimin e shërbimit dhe sigurimin e furnizimit të qëndrueshëm me ujë.

Punimet do të zhvillohen në këto lokacione:

• Rr. Ibrahim Pacolli
• Rr. Rexhep Shema
• Rr. Hyzri Talla
• Rr. Bislim Makolli
• Rr. Isa Kastrati
• Rr. Tringa Ismajli
• Rr. Dalip Alshiqi
• Rr. Vehat Mustafa
• Rr. Faik Ukë Hoxha
• Fsh. Lebane

KRU Prishtina njofton se gjatë intervenimeve mund të ndodhin ndërprerje të përkohshme të furnizimit me ujë dhe kërkon mirëkuptimin e konsumatorëve.

Punimet kanë për qëllim garantimin e shërbimit më cilësor dhe të qëndrueshëm për të gjithë qytetarët. /Telegrafi/

Zëdhënësja e Kompanisë Rajonale të Ujësjellësit “Prishtina”, Arieta Mjeku, ka deklaruar se ekipet teknike po vazhdojnë pandërprerë intervenimet në terren, pas shqetësimeve të ngritura nga qytetarët për furnizimin me ujë.

Në një prononcim për media, Mjeku tha se ndërprerjet e ujit nuk kryhen pa arsye dhe se kompania është duke punuar në stabilizimin e gjendjes.

“Çdo ndërprerje, edhe kur zgjat vetëm pak minuta, për ne është shqetësim serioz. Ekipet tona janë në terren gjatë gjithë ditës për të zgjidhur çdo problem që paraqitet”, u shpreh ajo, përcjell Telegrafi.

Sipas saj, faktorët tekniko–operativë dhe kushtet e motit shpesh ndikojnë në sistemin e furnizimit.

“Turbullirat në kanalet furnizuese, rritja e konsumit apo defektet e papritura janë arsye që nuk mund t’i parandalojmë gjithmonë, por reagimi ynë është i menjëhershëm”, theksoi Mjeku.

Ajo ftoi qytetarët për mirëkuptim dhe theksoi rëndësinë e bashkëpunimit: “Qytetarët të jenë të sigurt se punojmë maksimalisht për furnizim të qëndrueshëm. Çdo ankesë, çdo lajmërim nga qytetarët, na ndihmon ta zgjidhim problemin më shpejt,” tha ajo.

Ndërkohë, KRU “Prishtina” theksoi se qytetarët që jetojnë në objekte të larta, në raste presioni të ulët, duhet të kenë parasysh përgjegjësinë e investitorëve.

“Presioni shtesë brenda ndërtesave është pajisje që duhet ta instalojnë investitorët. Në shumë raste mungesa e saj krijon vështirësi”, sqaroi zëdhënësja.

Kompania njoftoi se informacionet për zonat me punime dhe ndërprerje të mundshme do të publikohen rregullisht. /Telegrafi/

KRU Prishtina ka njoftuar se sot ekipet e mirëmbajtjes do të kryejnë punime në disa lokacione të kryeqytetit.

Intervenimet do të zhvillohen në këto rrugë:

• Rr. “Gani Demolli”
• Rr. “Dëshmorët e Marevcit”
• Rr. “Gjon Sereqi”
• Rr. “Bekim Fehmiu”
• Rr. “Ernest Zariqi”
• Rr. “Nexhmi Llumnica”
• Rr. “Ismajl Qemajli”
• Rr. “Faik Ukë Hoxha”

Nga kompania theksojnë se gjatë kohës së punimeve në këto zona mund të ketë ndërprerje të përkohshme të furnizimit me ujë të pijshëm.

KRU Prishtina kërkon mirëkuptimin e konsumatorëve deri në përfundimin e këtyre intervenimeve. /Telegrafi/

Autoriteti Rregullator i Shërbimeve të Ujit (ARRU) ka bërë të ditur se është në fazën e shqyrtimit të aplikacioneve tarifore të paraqitura nga Kompanitë Rajonale të Ujit (KRU), si pjesë e procesit të rregullt trevjeçar për përcaktimin e tarifave.

Sipas ARRU-së, ky proces zhvillohet në përputhje me kornizën ligjore dhe përfshin diskutime publike në të gjitha regjionet e vendit, ku secila kompani paraqet kërkesën e saj tarifore për periudhën 2026–2028, përcjell Telegrafi.

Paralelisht, Rregullatori po kryen analizën e pavarur profesionale për secilin aplikacion, duke vlerësuar qëndrueshmërinë e kërkesave dhe duke sfiduar kompanitë në rritjen e efiçiencës dhe cilësisë së shërbimeve.

ARRU ka bërë të ditur se në këtë fazë nuk mund të jepen detaje mbi nivelet e mundshme të tarifave, pasi procesi është ende në shqyrtim.

Përfundimi i vlerësimit pritet brenda muajit dhjetor, kur edhe do të publikohen Urdhëresat Tarifore për të gjitha kompanitë e ujësjellësit për tre vitet e ardhshme (2026–2028). /Telegrafi/