KRU “Gjakova” njofton konsumatorët se për shkak të ndërprerjeve të shpeshta të energjisë elektrike, disa zona janë përballur me mungesa të furnizimit me ujë.

Sistemi i ujësjellësit në këto zona funksionon me pompa elektrike, të cilat aktualisht nuk mund të operojnë për shkak të tensionit të ulët ose ndërprerjeve të përsëritura të energjisë.

“Sapo energjia elektrike të stabilizohet, furnizimi me ujë do të rikthehet menjëherë. Kërkojmë mirëkuptimin e konsumatorëve të prekur për këtë situatë të jashtëzakonshme”, thuhet në njoftimin e KRU-së.

Aktualisht, janë të prekur Zona 3 – Rahovec, si dhe fshatrat Polluzhë dhe Pastasel. KRU “Gjakova” po monitoron situatën dhe apelon për kujdes në përdorimin e ujit deri në normalizimin e furnizimit.

Ky paralajmërim vjen në një periudhë kur ndërprerjet e energjisë elektrike në Rahovec po ndodhin 3–4 herë në ditë, duke ndikuar drejtpërdrejt në funksionimin e pompave dhe stabilitetin e sistemit të ujësjellësit. /Telegrafi/

KRU Gjakova njofton qytetarët se, për shkak të rregullimit të një defekti në gypin Fi 160 në rrugën “Dëshmorët e Pashtrikut”, furnizimi me ujë në disa zona të Rahovecit është ndërprerë përkohësisht.

Pa ujë mbeten këto zona:

• Rruga “Mexhit Mustafa”
• Rruga “Sheh Myhedini”
• Fshati Brestovc

Ekipet e KRU Gjakova janë në terren dhe po punojnë intensivisht për sanimin e defektit, me qëllim që furnizimi të rikthehet sa më shpejt të jetë e mundur.

Kompania falënderon qytetarët për mirëkuptim dhe bashkëpunim. /Telegrafi/

KRU “Gjakova” ka njoftuar se punimet e planifikuara në Rrugën “Tranzite” për përmirësimin dhe zgjerimin e rrjetit të ujësjellësit kanë përfunduar me sukses, dhe furnizimi me ujë për konsumatorët është rikthyer.

Pas përfundimit të punimeve, qytetarët këshillohen që ujin ta lënë të rrjedhë për disa minuta, për të shmangur turbullimin e përkohshëm deri në shpëlarjen e plotë të rrjetit.

KRU “Gjakova” falënderon qytetarët për mirëkuptimin gjatë ndërprerjes së përkohshme të furnizimit dhe thekson se angazhimet për mirëmbajtjen dhe modernizimin e rrjetit të ujësjellësit do të vazhdojnë. /Telegrafi/

KRU “Gjakova” njofton konsumatorët se, në kuadër të punimeve që po zhvillohen sipas projektit në rrugën Tranzite për përmirësimin dhe zgjerimin e rrjetit të ujësjellësit, do të ketë ndërprerje të përkohshme të furnizimit me ujë.

Pas vendosjes së shumicës së pjesëve lidhëse, punimet kanë hyrë në fazën kur është e domosdoshme instalimi i dy pjesëve fazonike për kyçjen dhe degëzimin e gypit Ø 800 mm, në drejtim të Gjakova 2 dhe degëzimit për qendrën e qytetit.

Ky intervenim kërkon ndalje totale të rrjedhës së ujit në këtë segment të rrjetit, me qëllim realizimin e punimeve në mënyrë të sigurt dhe të kontrolluar.

Ndërprerja e furnizimit me ujë është planifikuar për datën 18 dhjetor 2025, në intervalin kohor nga ora 09:00 deri në 12:00.

Si pasojë, pa furnizim me ujë do të mbesin zona e rrugës Tranzite, qendra e qytetit, Blloku i Ri, Oriza, Brekoci, Moglica dhe Firza.

KRU “Gjakova” falënderon qytetarët për mirëkuptimin dhe bashkëpunimin gjatë realizimit të këtyre punimeve, të cilat synojnë përmirësimin e furnizimit me ujë në qytet. /Telegrafi/

Kompania Rajonale e Ujësjellësit (KRU) Gjakova ka njoftuar se në zonën e Çabratit, që nga ora 13:00, ka mungesë të energjisë elektrike.

Si pasojë e ndërprerjes së rrymës, rezervuari i Çabratit ka nisur të zbrazet, çka pritet të shkaktojë ndërprerje të furnizimit me ujë të pijshëm për konsumatorët e kësaj zone.

Nga KRU Gjakova bëhet e ditur se furnizimi me ujë do të rikthehet menjëherë pas rikthimit të energjisë elektrike nga operatori i shpërndarjes, KEDS.

Kompania u ka kërkuar konsumatorëve mirëkuptim, duke theksuar se situata është jashtë kompetencave të saj dhe varet nga rikthimi i furnizimit me energji elektrike. /Telegrafi/

Kompania Rajonale e Ujësjellësit “Gjakova” ka bërë të ditur se gjatë orëve të fundit ka shpërthyer një gyp me diametër Ø100 në rrugën “8 Dëshmorët e Pashtrikut” në Rahovec.

Sipas njoftimit nga Njësia e Rahovecit, si pasojë e këtij defekti, një pjesë e qytetit të Rahovecit si dhe fshati Brestovc do të mbesin pa furnizim me ujë deri nesër, kur pritet të përfundojnë punimet për riparimin e gypit.

KRU Gjakova ka kërkuar mirëkuptimin e qytetarëve deri në sanimin e plotë të problemit. /Telegrafi/

Kompania Rajonale e Ujësjellësit “Gjakova” ka njoftuar se ekipet e saj janë angazhuar në zonën e Rekës së Keqe për të mbuluar gypat përgjatë rrugës që çon drejt kaptazhit, pasi reshjet e ditëve të fundit kanë shkaktuar vërshime dhe dëmtime në terren.

Sipas njoftimit, punimet po kryhen me prioritet për të siguruar funksionimin e pandërprerë të rrjetit dhe për të shmangur dëmtimet e mëtejshme infrastrukturore.

KRU “Gjakova” apelon qytetarët për mirëkuptim derisa ekipet vazhdojnë intervenimin në zonat e prekura nga reshjet. /Telegrafi/

KRU “Gjakova” ka publikuar sot pamje nga Stacioni i Filtrimit.

Në njoftim, kompania thekson rëndësinë e kursimit të ujit, duke kujtuar se çdo pikë ka vlerë të madhe.

Po ashtu, në këtë periudhë me temperatura të ulëta, KRU Gjakova apelon që të kujdeseni për ujëmatësit, duke i mbështjellë për të parandaluar dëmtimet.

Ky apel synon sigurimin e funksionimit të pandërprerë të furnizimit me ujë dhe ruajtjen e infrastrukturës, sidomos gjatë dimrit. /Telegrafi/

Autoriteti Rregullator i Shërbimeve të Ujit (ARRU) ka bërë të ditur se është në fazën e shqyrtimit të aplikacioneve tarifore të paraqitura nga Kompanitë Rajonale të Ujit (KRU), si pjesë e procesit të rregullt trevjeçar për përcaktimin e tarifave.

Sipas ARRU-së, ky proces zhvillohet në përputhje me kornizën ligjore dhe përfshin diskutime publike në të gjitha regjionet e vendit, ku secila kompani paraqet kërkesën e saj tarifore për periudhën 2026–2028, përcjell Telegrafi.

Paralelisht, Rregullatori po kryen analizën e pavarur profesionale për secilin aplikacion, duke vlerësuar qëndrueshmërinë e kërkesave dhe duke sfiduar kompanitë në rritjen e efiçiencës dhe cilësisë së shërbimeve.

ARRU ka bërë të ditur se në këtë fazë nuk mund të jepen detaje mbi nivelet e mundshme të tarifave, pasi procesi është ende në shqyrtim.

Përfundimi i vlerësimit pritet brenda muajit dhjetor, kur edhe do të publikohen Urdhëresat Tarifore për të gjitha kompanitë e ujësjellësit për tre vitet e ardhshme (2026–2028). /Telegrafi/

Kompania Rajonale e Ujësjellësit “Gjakova” ka njoftuar se, për shkak të kompleksitetit të punimeve në rrjet, furnizimi me ujë të pijshëm në fshatin Krusha e Madhe, në Njësinë e Prizrenit, është ndërprerë përkohësisht.

Sipas njoftimit, pa ujë do të mbeten banorët e dy rrugëve kryesore të fshatit: Rruga “Ukshin Hoti”, Rruga “Udhë Bjeshkë”.

KRU “Gjakova” kërkon mirëkuptimin e konsumatorëve, duke theksuar se ekipet janë angazhuar për përfundimin sa më të shpejtë të punimeve dhe rikthimin e furnizimit normal. /Telegrafi/

Njësia e Rahovecit në kuadër të KRU “Gjakova” ka njoftuar se sot, të martën më 2 dhjetor 2025, do të realizohen punime në nyjen e gypit DN 300, për çka do të ketë ndërprerje të përkohshme të furnizimit me ujë.

Sipas njoftimit, ndërprerja do të zgjasë nga ora 08:00 deri në ora 15:00, dhe do të prekë zonën e rrugës “Xhelal Hajda” në Rahovec.

Kompania kërkon mirëkuptimin e konsumatorëve dhe falënderon qytetarët për durimin gjatë kohës së punimeve. /Telegrafi/

Një defekt teknik në rrjetin e ujësjellësit ka shkaktuar ndërprerje të furnizimit me ujë në rrugën “M. Teut” në Gjakovë.

Lajmi është konfirmuar nga kompania përkatëse, e cila ka bërë të ditur se ekipet e mirëmbajtjes janë angazhuar menjëherë në terren për të sanuar problemin.

Sipas njoftimit, pritet që punimet të përfundojnë sa më shpejt që të jetë e mundur, në mënyrë që furnizimi të rikthehet në normalitet.

Kompania ka kërkuar mirëkuptimin e qytetarëve për këtë ndërprerje të përkohshme dhe ka siguruar se defekti po trajtohet me prioritet. /Telegrafi/

Kompania Rajonale e Ujësjellësit “Gjakova” ka njoftuar se ekipet e saj teknike kanë përfunduar me sukses punimet për rregullimin e defektit në gypin kryesor të çelikt me diametër fi 400 në rrugën “UÇK” në Rahovec.

Pas ndërhyrjes së realizuar me intensitet dhe kujdes teknik, furnizimi me ujë është rilëshuar për konsumatorët e Zonës 1 të qytetit të Rahovecit, duke rikthyer normalitetin në shërbimet e ujësjellësit.

Nga kompania është bërë e ditur se punimet janë kryer brenda afatit të parashikuar, ndërsa janë marrë të gjitha masat për të siguruar cilësinë dhe qëndrueshmërinë e rrjetit pas riparimit, përcjell Telegrafi.

Ndërprerje të furnizimit me ujë në Rahovec

KRU “Gjakova” ka falënderuar qytetarët për mirëkuptimin e treguar gjatë ndërprerjes së përkohshme të furnizimit me ujë dhe ka theksuar se ekipet teknike janë në gatishmëri të vazhdueshme për të reaguar ndaj çdo defekti që mund të paraqitet në rrjetin e ujësjellësit.

Ky intervenim, sipas kompanisë, është pjesë e angazhimeve të përditshme për përmirësimin e shërbimeve dhe garantimin e furnizimit të qëndrueshëm me ujë të pijshëm për qytetarët e komunës së Rahovecit. /Telegrafi/

Kompania Rajonale e Ujësjellësit “Gjakova” ka njoftuar se ekipet teknike janë duke punuar në rrugën “Beqir Pozhegu”, për të riparuar një defekt në gypin e ujësjellësit me diametër Ø63mm.

Sipas njoftimit të kompanisë, ndërhyrja është pjesë e procedurave rutinë të mirëmbajtjes dhe riparimit të infrastrukturës ujore, me qëllim të sigurimit të furnizimit të vazhdueshëm me ujë të pijshëm për banorët e zonës. Punimet përfshijnë zëvendësimin e pjesëve të dëmtuara të gypit dhe testimin e sistemit për të garantuar funksionimin e tij në standardet e kërkuara, raporton Telegrafi.

KRU “Gjakova” kërkon mirëkuptimin e qytetarëve për çdo shqetësim që mund të shkaktohet gjatë punimeve, duke siguruar se stafi teknik po punon me përkushtim maksimal për të përfunduar ndërhyrjen sa më shpejt të jetë e mundur.

Komuniteti lokal paralajmërohet se gjatë riparimeve mund të ketë ndërprerje të përkohshme të furnizimit me ujë, por kompania siguron se çdo masë po merret për të minimizuar pasojat dhe për të rifilluar furnizimin normal sa më shpejt.

KRU “Gjakova” u bën thirrje qytetarëve që të jenë të vëmendshëm gjatë lëvizjes pranë zonës së punimeve dhe të respektojnë sinjalizimin dhe udhëzimet e ekipeve teknike.

Ky investim dhe mirëmbajtje e vazhdueshme e rrjetit të ujësjellësit janë pjesë e angazhimit të kompanisë për të ofruar shërbime cilësore dhe furnizim të qëndrueshëm me ujë për të gjithë konsumatorët e komunës. /Telegrafi/

KRU “Gjakova” njofton qytetarët e Rahovecit se, për shkak të punimeve të planifikuara në gypin Ø400 mm në rrugën “UÇK”, furnizimi me ujë për Zonën e Parë të qytetit do të ndërpritet përkohësisht nga ora 07:30 e mëngjesit, dhe do të vazhdojë deri në përfundimin e punimeve.

Kompania thekson se ky ndërprerje është e domosdoshme për realizimin e punimeve të mirëmbajtjes dhe përmirësimit të infrastrukturës së ujësjellësit, që do të kontribuojë në rritjen e cilësisë së furnizimit me ujë të pijshëm për të gjithë konsumatorët e zonës.

KRU “Gjakova” kërkon mirëkuptimin e qytetarëve për shqetësimin e shkaktuar nga ndërprerja e përkohshme dhe siguron se stafi i kompanisë po punon me përkushtim maksimal që punimet të përfundojnë sa më shpejt dhe furnizimi të rifillojë normalisht. /Telegrafi/

Po vazhdojnë me intensitet punimet në kuadër të projektit “Ndërtimi i rrjetit të ujësjellësit për fshatrat Krushë e Madhe, Piranë, Zojzë dhe Medvec”, që po realizohet si bashkëfinancim mes Ministrisë së Ekonomisë, KRU “Gjakova” dhe Komunës së Prizrenit.

Ky projekt, që synon të sigurojë furnizim të qëndrueshëm me ujë të pijshëm për banorët e katër fshatrave, është në fazën përfundimtare të fazës së parë të punimeve, përcjell Telegrafi.

Sipas marrëveshjes, Ministria e Ekonomisë ka participuar me 700 mijë euro, ndërsa KRU “Gjakova” dhe Komuna e Prizrenit kanë kontribuar secila me nga 300 mijë euro.

Ky investim i përbashkët vlerësohet si një nga projektet më të rëndësishme infrastrukturore për zonat rurale të Prizrenit, që do të ndikojë drejtpërdrejt në përmirësimin e cilësisë së jetesës dhe shërbimeve publike për komunitetin lokal. /Telegrafi/

Kompania Rajonale e Ujësjellësit “Gjakova” ka njoftuar se reshjet e dendura të ditëve të fundit kanë shkaktuar rritje të turbullirës së ujit në burimet që furnizojnë zonat e Damjanit dhe Gërqinës.

Sipas njoftimit zyrtar, mostrat e marra sot në këto zona kanë treguar se uji nuk është brenda standardeve të lejuara për konsum njerëzor, për shkak të vlerave të larta të turbullirës që janë shkaktuar nga reshjet e shiut, përcjell Telegrafi.

“KRU ‘Gjakova’ po vazhdon me monitorimin e rregullt të cilësisë së ujit në këto zona dhe qytetarët do të mbeten të informuar për çdo ndryshim të situatës”, thuhet në njoftimin e kompanisë.

KRU “Gjakova” ka bërë apel që konsumatorët të jenë të kujdesshëm në përdorimin e ujit nga rrjeti derisa situata të stabilizohet. /Telegrafi/

Në rrugën “Ali Hasi” në Gjakovë është paraqitur një problem me grumbullimin e ujërave atmosferike, si pasojë e mbylljes së ujëmbledhësve dhe dëmtimit të rrugës, çka ka shkaktuar vështirësi në qarkullim për qytetarët.

Kompania Rajonale e Ujësjellësit “Gjakova” ka njoftuar se ky problem nuk hyn në fushën e saj të kompetencave, pasi lidhet me infrastrukturën e kanalizimit atmosferik, e cila nuk menaxhohet nga kompania, përcjell Telegrafi.

Megjithatë, ekipet teknike të KRU “Gjakova” ndodhen në terren dhe po ndërmarrin masa të përkohshme për lehtësimin e situatës, me qëllim që të sigurohet qarkullimi më i lehtë dhe siguria e qytetarëve.

Kompania ka theksuar se do të vazhdojë të bashkëpunojë ngushtë me institucionet përgjegjëse për të gjetur një zgjidhje të qëndrueshme dhe për të parandaluar përsëritjen e rasteve të ngjashme në të ardhmen. /Telegrafi/

KRU Gjakova bën të ditur se ekipet teknike nga Njësia Rahovec kanë ndërmarrë sot një intervenim për rregullimin e defektit në gypin fi 63mm në fshatin Fortesë.

Sipas njoftimit, punimet kanë për qëllim stabilizimin e furnizimit me ujë dhe zgjidhjen e defektit sa më shpejt të jetë e mundur, në mënyrë që banorët të mos përballen me ndërprerje të gjatë të shërbimit.

KRU Gjakova falënderon qytetarët për mirëkuptim dhe bashkëpunim gjatë kryerjes së punimeve. /Telegrafi/

Kompania Rajonale e Ujësjellësit (KRU) Gjakova njofton se ekipet teknike po kryejnë punime në dislokimin e gypit fi 90 në Lagjen Rezina Veriore.

Për shkak të këtyre punimeve, furnizimi me ujë të pijshëm do të ndërpritet për Lagjen Rezina dhe degëzimet e rrugëve pranë Pika e Zezë, deri në përfundimin e punimeve.

Ekipet teknike janë në terren dhe po punojnë për rikthimin sa më të shpejtë të furnizimit.

KRU Gjakova falënderon konsumatorët për mirëkuptimin gjatë kësaj ndërprerjeje. /Telegrafi/