Një ortek mbi Solda, në Tirolin Jugor, Itali, u ka marrë jetën dy personave, të dy turistë finlandezë. Ngjarja ka ndodhur në zonën e strehës Madriccio, afër pistave të skive, dhe përfshiu një grup alpinistësh. Sipas ANSAS, fillimisht u vlerësua se tre persona ishin të përfshirë, ku dy prej tyre u nxorën të vdekur, ndërsa […]
Çmimi i Bitcoin, kriptomonedha më e madhe në botë, ka rënë nën nivelin e 53,300 eurove, duke shënuar një nga rëniet më të mëdha që nga fundi i vitit 2024.
Deutsche Bank ka identifikuar një sërë faktorësh kyç që po ushtrojnë presion të vazhdueshëm mbi Bitcoin-in, duke ndikuar drejtpërdrejt në rënien e çmimit të tij në tregjet globale.
Sipas analizës së bankës gjermane të raportuar nga Coindesk, dobësimi i kriptomonedhës nuk lidhet me një zhvillim të vetëm ekonomik, por është rezultat i një kombinimi faktorësh që përfshijnë sjelljen e investitorëve institucionalë, luhatjet në tregjet financiare dhe pasigurinë rregullatore, transmeton Albeu.com.
Ekspertët e Deutsche Bank evidentojnë tri arsye kryesore që po ndikojnë negativisht Bitcoin-in:
Tërheqja e kapitalit institucional – Fondet e mëdha dhe investitorët institucionalë po reduktojnë ekspozimin ndaj Bitcoin-it, duke ulur likuiditetin në treg dhe duke rritur paqëndrueshmërinë e çmimeve.
Humbja e korrelacionit me asetet tradicionale – Bitcoin po distancohet gjithnjë e më shumë nga roli i tij si “aset i sigurt”, duke mos ndjekur më as arin dhe as tregjet aksionare, siç ka ndodhur në të kaluarën.
Stagnimi rregullator – Vonesat në miratimin e legjislacionit për kriptovalutat, veçanërisht në Shtetet e Bashkuara, kanë frenuar zhvillimin e tregut dhe kanë minuar besimin e investitorëve.
Si pasojë e këtyre faktorëve, çmimi i Bitcoin-it ka shënuar një nga rëniet më të forta që nga fundi i vitit 2024. Megjithatë, Deutsche Bank thekson se situata aktuale nuk përbën një kolaps të plotë, por më tepër një rishikim dhe rikalibrim të tregut, i cili mund të hapë mundësi të reja rritjeje në afatmesëm.
Një nga burimet kryesore të presionit mbi çmimin mbeten fondet e Bitcoin ETF-ve, të cilat kanë regjistruar dalje të vazhdueshme kapitali që prej nëntorit të vitit të kaluar.
Ndërkohë, edhe interesi i konsumatorëve amerikanë për kriptovalutat ka pësuar rënie, me nivelin e adoptimit që ka zbritur nga 17 në 12 për qind, duke reflektuar një ftohje të interesit jo vetëm në nivel institucional, por edhe tek publiku i gjerë.
Por mediat amarikane theksojnë gjeopolitikën si faktor pikant të këtij viti: Presidenti Donald Trump po kërcënon të sulmojë Iranin pasi Shtetet e Bashkuara rrëzuan udhëheqësin e Venezuelës. Ai kohët e fundit ka qenë duke ndjekur aleatët në Evropë dhe Kanada për shkak të Groenlandës, dhe po kërcënon me tarifa më të larta Korenë e Jugut.
Ndërkohë, përparimet e rëndësishme në inteligjencën artificiale po u japin investitorëve të tregut të aksioneve një shqetësim të madh. Claude i Anthropic tani mund të kryejë detyra për firmat ligjore, duke bërë që aksionet e softuerëve të bien.
Të gjitha këto kanë ndikuar në lëvizje të kapitalit nga kriptomonedhat tek asestet e tjera.
Albeu.com ju sugjeron tre platforma të sigurta ku ju mund të bëni investimet tuaja në kriptomonedha janë Binance, gate.com dhe cex.io. Këto dy platforma pranojnë pagesa edhe nga Shqipëria, Kosova dhe Maqedonia e Veriut. /albeu.com/
Në vitin 2019, emisioni zbuloi manipulimin e një tenderi për dezinsektimin e Bregdetit të Shqipërisë, i cili u anulua pas publikimit. Megjithatë, në vitin 2020 shërbimi u tenderua sërish dhe fitues u shpall kompania NRG, në pronësi të një shtetasi italian. Për periudhën 2020–2021, NRG përfitoi rreth 1.3 milionë euro për dezinsektimin e gjithë bregdetit […]
PRISHTINË, 5 shkurt/ATSH/ Një ish-pjesëtar i Ushtrisë Çlirimtare të Kosovës, shtetas i Kosovës, është arrestuar nga autoritetet në Serbi paraditen e 5 shkurtit, thanë nga Organizata e Veteranëve të Luftës së Ushtrisë Çlirimtare të Kosovës (OVL UÇK) dhe avokati Arianti Koci.
Nënkryetari i OVL të UÇK-së, Gazmend Syla, tha për Radion Evropa e Lirë se Lozhani u arrestua në kufirin mes Serbisë dhe Kroacisë dhe gjatë kontrollit i është gjetur në xhep kartela e anëtarësisë së veteranit të UÇK-së.
Syla shtoi se ai ka marrë pjesë në disa stërvitje në Shqipëri dhe nuk ka informacione të ketë qenë në vijat e frontit në Kosovë.
Ndërkaq, Koci tha se arrestimi ndodhi rreth orës 11:00 të 5 shkurtit.
Sipas tij, ky rast nuk është i izoluar, pasi arrestime të shtetasve të Kosovës që kalojnë nëpër Serbi po përsëriten.
Koci kërkoi nga autoritetet e Kosovës që të reagojnë për këto arrestime, pa përjashtuar edhe masa politike, “përfshirë edhe mbylljen 24-orëshe të kufirit, nëse arrestimet vazhdojnë”.
“Nga ana ime në cilësinë e avokatit, po bëhet maksimumi i mundshëm. Megjithatë, mbrojtja efektive e qytetarëve të Kosovës nuk mund të mbetet vetëm në nivel individual. Kjo është përgjegjësi e shtetit, brenda dhe jashtë kufijve të tij”, shkroi ai.
Nga Ministria e Punëve të Jashtme dhe Diasporës ende nuk kanë reaguar për këtë rast.
Ende nuk dihet se nën çfarë pretendimesh është arrestuar Lozhani.
Por, Serbia ka arrestuar vazhdimisht shtetas të Kosovës nën pretendime për krime lufte në Kosovë më 1998-’99, dhe vetëm në vitin 2025 u regjistruan disa arrestime të tilla.
Serbia gjatë viteve ’90 e karakterizoi UÇK-në si organizatë terroriste, ndërsa për Kosovën, UÇK-ja është organizata që mbrojti popullsinë lokale nga represioni i forcave të armatosura jugosllave. /rel/
Një ish-pjesëtar i Ushtrisë Çlirimtare të Kosovës, shtetas i Kosovës, është arrestuar nga autoritetet në Serbi paraditen e 5 shkurtit, thanë nga Organizata e Veteranëve të Luftës së Ushtrisë Çlirimtare të Kosovës (OVL UÇK) dhe avokati Arianti Koci.
Nënkryetari i OVL të UÇK-së, Gazmend Syla, tha për Radion Evropa e Lirë se Lozhani u arrestua në kufirin mes Serbisë dhe Kroacisë dhe gjatë kontrollit i është gjetur në xhep kartela e anëtarësisë së veteranit të UÇK-së.
Syla shtoi se ai ka marrë pjesë në disa stërvitje në Shqipëri dhe nuk ka informacione të ketë qenë në vijat e frontit në Kosovë.
Ndërkaq, Koci tha se arrestimi ndodhi rreth orës 11:00 të 5 shkurtit.
Sipas tij, ky rast nuk është i izoluar, pasi arrestime të shtetasve të Kosovës që kalojnë nëpër Serbi po përsëriten.
Koci kërkoi nga autoritetet e Kosovës që të reagojnë për këto arrestime, pa përjashtuar edhe masa politike, “përfshirë edhe mbylljen 24-orëshe të kufirit, nëse arrestimet vazhdojnë”.
“Nga ana ime në cilësinë e avokatit, po bëhet maksimumi i mundshëm. Megjithatë, mbrojtja efektive e qytetarëve të Kosovës nuk mund të mbetet vetëm në nivel individual. Kjo është përgjegjësi e shtetit, brenda dhe jashtë kufijve të tij”, shkroi ai.
Nga Ministria e Punëve të Jashtme dhe Diasporës ende nuk kanë reaguar për këtë rast.
Ende nuk dihet se nën çfarë pretendimesh është arrestuar Lozhani./Radio Evropa e Lirë/
Drejtori ekzekutiv i kompanisë OpenAI, Sam Altman, ka vlerësuar publikisht teknologjinë që qëndron pas platformës Moltbook, e cila është zhvilluar për t’i mundësuar inteligjencës artificiale të krijojë në mënyrë të pavarur postime dhe komente, pa ndërhyrje të drejtpërdrejtë njerëzore.
Altman theksoi se, pavarësisht debatit gjithnjë e më të madh në opinionin publik dhe komunitetin teknologjik mbi ndikimin, qëndrueshmërinë dhe rreziqet e Moltbook si fenomen, themel i vërtetë i rëndësishëm është teknologjia që e bën të mundur këtë funksionim.
Sipas tij, pikërisht kjo teknologji – që u lejon agjentëve të inteligjencës artificiale të veprojnë në mënyrë autonome, të marrin vendime dhe të kryejnë detyra komplekse – përfaqëson një hap të rëndësishëm drejt së ardhmes së AI-së.
Ai shtoi se këto sisteme nuk janë thjesht mjete automatizimi, por struktura të avancuara softuerike që mund të planifikojnë, ekzekutojnë dhe përshtatin veprimet e tyre në mënyrë dinamike, çka hap mundësi të reja për përdorimin e inteligjencës artificiale në fusha të ndryshme.
Në thelb të vlerësimit të tij, Altman theksoi se kombinimi i kodit të aftë për të realizuar detyra komplekse me përdorimin e gjithanshëm të kompjuterit përbën një qasje jashtëzakonisht të fuqishme. Kjo qasje, sipas tij, ka potencial të madh për t’u zhvilluar më tej dhe për të ndikuar ndjeshëm në mënyrën se si ndërtohen dhe përdoren sistemet e ardhshme të inteligjencës artificiale.
Megjithëse Moltbook si platformë mbetet subjekt diskutimesh dhe pikëpyetjesh, Altman nënvizoi se eksperimentet e tilla janë të domosdoshme për të kuptuar kufijtë, mundësitë dhe drejtimin e zhvillimit të AI-së, duke e parë këtë teknologji jo vetëm si një mjet aktual, por si një bazë për inovacione të ardhshme. /Telegrafi/
UEFA ka raportuar menjëherë për rizgjedhjen e Agim Ademit në postin e presidentit të Federatës së Futbollit të Kosovës (FFK), pas mbajtjes së Kuvendit të Rregullt Zgjedhor.
Në uebfaqen zyrtare të shtëpisë së futbollit evropian thuhet se Ademi është rizgjedhur për mandatin e tretë radhazi në krye të FFK-së, duke marrë mbështetje unanime nga delegatët e Kuvendit, i cili u mbajt të enjten.
Agim Ademi, që udhëheq Federatën e Futbollit të Kosovës që nga viti 2018, ka siguruar kështu një mandat të ri katërvjeçar.
UEFA thekson se kjo rizgjedhje konfirmon besimin ndaj punës së deritanishme dhe vazhdimin e angazhimit për zhvillimin dhe avancimin e futbollit në Kosovë.
Tutje, UEFA ka përcjellë edhe deklaratën e presidentit Ademi pas rizgjedhjes, ku ai ka vlerësuar mbështetjen e dhënë nga delegatët dhe rëndësinë e këtij besimi për të ardhmen.
“Vota e sotme është besim për mua dhe për ekipin tim, por mbi të gjitha është vlerësim për punën e bërë bashkërisht dhe përkrahje për rrugëtimin që na pret përpara”, ka deklaruar Ademi, cituar nga UEFA.
Me këtë mandat të ri, pritet që FFK të vazhdojë projektet e saj strategjike, me fokus në rritjen e cilësisë së garave, zhvillimin e futbollit të të rinjve dhe forcimin e pozitës së Kosovës në arenën ndërkombëtare./Telegrafi/
Kaloi fare pa zhurmë fundjavën e kaluar një forum i dialogut me temën “Edhe disa hapa akoma drejt BE” që u zhvillua në Vlorë. Pritej që Edi Rama të bëhej pjesë e aktivitetit ku e prisnin Raportuesi për Shqipërinë në Parlamentin Europian, Andreas Schieder, ambasadorja franceze Catherine Suard, ministrja e Jashtme Elisa Spiropali etj, por kryeministri e anuloi papritur udhëtimin drejt Vlorës […]
Qeveria rihapi zyrtarisht të enjten rrjetin social TikTok, pas debatit të ndezur publik dhe institucional mbi sigurinë, gjuhën e urrejtjes dhe mbrojtjen e të miturve.
E ftuar në emisionin “Tirana Live” në ABC News, pedagogia e IT-së, Nadia Elbasani, theksoi se TikTok, si platformë me origjinë kineze, përballet me kufizime ligjore që lidhen me bashkëpunimin me shtetin kinez, ndërsa nënvizoi se për institucionet shtetërore dhe pajisjet qeveritare instalimi i aplikacionit nuk rekomandohet.
Ajo shtoi se asnjë vend i Bashkimit Europian nuk ka ndërmarrë një bllokim të plotë të TikTok, duke e cilësuar vendimin në Shqipëri si “rruga më e lehtë”, ndërkohë që vëmendja mbetet tek gjuha e urrejtjes, verifikimi i moshës dhe kufizimet e pritshme për përdoruesit nën 16 vjeç në disa vende europiane.
“TikTok ka një origjinë kineze, kështu që sipas legjislacionit të atij vendi kompanitë privatë nuk kanë të drejtë t’i thonë jo bashkëpunimit me legjislacionin e atij vendit. Për institucione shtetërore dhe për pajisje qeveritare nuk sugjerohet instalimi i këtij aplikacioni. Por, asnjë vend të BE nuk pati një bllokim të TikTok, në Shqipëri u zgjodh rruga më e lehtë. U fol në fakt në dhjetor të vitit 2025 për një marrëveshje qeveria shqiptare pati me TikTok, kjo nuk u bë publike. Duhet theksuar që u hap dy ditë para se të kishim seancën në GJK. Gjuha e urrejtjes është e pranishme në të gjitha rrjetet sociale.
Në TikTok është më shumë i përdorshëm live, ku dhe ka më shumë gjuhë urrejtjeje, kurse në rrjetet e tjera sociale live nuk është shumë i përdorur. Në live fjalët më gjuhë urrejtjeje janë më pak të evidentueshme. Vendet e tjera të BE, po edhe të tjera do të ndalojnë TikTok deri në 16 vjeç. Më problematike në TikTok është mënyra e verifikimit të moshës. Një aplikacion si TikTok e gjen pak më të vështirë përshtatjen me BE”, tha pedagogia.
Endrick rikthehet sërish në qendër të tregut evropian. Sulmuesi i ri brazilian, i cili ka kontratë me Real Madridin deri në qershor të vitit 2030, është një nga emrat që po ngjall më shumë interes për afatin kalimtar të verës që po vjen.
Aktualisht, Endrick është i huazuar te Lyoni deri në fund të sezonit. Ndikimi i tij te skuadra franceze ka qenë i menjëhershëm dhe shumë pozitiv.
Ai është shndërruar në një lojtar kyç, me minuta të rregullta në dispozicion dhe një ndjenjë të qartë rritjeje konkurruese.
Lyon është shumë i kënaqur me paraqitjet e tij, aq sa ka lënë të kuptohet mundësia e zgjatjes së huazimit edhe për një sezon tjetër. Sipas tyre, vazhdimi i grumbullimit të minutave do të ishte thelbësor për zhvillimin e lojtarit.
Real Madridi, nga ana e tij, nuk e konsideron një transferim përfundimtar të Endrickut. Klubi madrilen ruan besim të palëkundur në potencialin e tij dhe është i bindur se ai do të ketë sukses në La Liga.
Megjithatë, brenda klubit pranohet se menaxhimi i tij në fillim të sezonit nuk ishte ideal, veçanërisht për shkak të minutazhit të kufizuar nën drejtimin e Xabi Alonsos.
Paris Saint-Germain nuk e ka humbur kurrë nga vëmendja Endrickun. Klubi parisien kishte tentuar ta transferonte atë edhe përpara kalimit të tij te Real Madridi dhe tani sheh një mundësi të re.
PSG e konsideron brazilianin si një përshtatje perfekte për projektin e tyre sportiv. Rinia, talenti dhe aftësia për të pasur ndikim të menjëhershëm janë cilësi shumë të vlerësuara në “Parc des Princes”.
Për këtë arsye, Paris Saint-Germain është i gatshëm të paraqesë një ofertë shumë të fortë financiare verën e ardhshme, një propozim luksoz që mund të vërë në provë vendosmërinë e klubit madrilen.
Në rrethet e PSG-së besohet se dëshira e lojtarit për vazhdimësi dhe minuta të rregullta mund të luajë në favor të tyre në një negociatë të mundshme./Telegrafi/
Pas mbledhjes së sotme në Qeveri, Sindikata e punonjësve administrativ, organeve gjyqësore dhe shoqatave qytetare (SPAOGJSH) njoftoi se pranon formulën qeveritare për rritjen e pagave në administratë dhe gjyqësor.
Rritja, sipas kumtesës pas mbledhjes, do të zbatohet në tre këste nga 8% në vit (në vend të 10% si kërkesë sindikale), dhe pagesa duhet të fillojë në mars, me kusht që procedurat e brendshme të miratohen më parë dhe marrëveshjet kolektive të nënshkruhen nga institucionet.
Kryetari i SPAOGJSH, Trpe Deanoski, deklaroi se Qeveria e ka pranuar kërkesën sindikale "jo plotësisht", por si një hap të konsiderueshëm përpara ai tregoi pranimin e pagesës së shtesave të pagave.
"Për fat të keq, jo 10 përqind, por nuk i morëm vitin e kaluar. Megjithatë, tani Qeveria pranon t'i paguajë ato që tani e tutje, duke filluar nga marsi, në një mënyrë që të gjitha institucionet në administratën shtetërore dhe gjyqësorin, që do të thotë gjykatat, prokuroritë, do të duhet të nënshkruajnë marrëveshje kolektive individuale për të marrë këtë të drejtë", tha Deanoski.
Studentët shqiptarë të drejtësisë të zhgënjyer nga përgjigja e Ministrisë së Drejtësisë, e cila nuk po lejon që provimi i jurisprudencës të mbahet edhe në gjuhën shqipe, po vetëm në atë maqedonase. Mevlan Ademi nga iniciativa studentore, paralajmëron se mund të përshkallëzojnë nisëm e tyre me protesta nëse situata mbetet e pazgjidhur.
“Jemi të zhgënjyer nga përgjigja e paqartë juridike nga Ministria e Drejtësisë. Provimi i jurisprudencës ka për qëllim vlerësimin e njohurive juridike e jo atyre gjuhësore, siç e kishin arsyetuar të njëjtit. Ende nuk kemi përgjigje nga disa të adresuarit tanë të peticionit, gjithsesi u bëjmë thirrje institucioneve dhe deputetëve të reagojnë për të njëjtën. Ish-ministri i Drejtësisë ka depozituar propozim-ligjin që zgjidh problematikën tonë, kështu që u mbetet deputetëve të veprojnë. Gjithsesi, kanë kaluar dy gjenerata të juristëve që kur e kemi adresuar këtë problematikë, prandaj nuk ka zgjidhje. Jemi duke e mbajtur hapur mundësinë e përshkallëzimit të iniciativës tonë me ndonjë protestë”, tha Mevlan Ademi, student.
Pas refuzimit të kërkesës së studentëve, nga Ministria thanë se provimi i jurisprudencës nuk mund të mbahet në shqip sepse shërben si test për njohjen aktive të gjuhës maqedonase, e cila, sipas tyre, është kusht ligjor për ushtrimin e profesioneve juridike. Duke e komentuar Ligjin për përdorimin e gjuhëve, nga Ministria e Drejtësisë thonë se zbatimi i ligjit nuk mund të shqyrtohet në mënyrë të izoluar, por në korrelacion me rregulloret e tjera relevante.
“Meqenëse sipas Ligjit për përdorimin e gjuhëve, gjuha maqedonase dhe alfabeti i saj cirilik është gjuhë zyrtare në të gjithë territorin e Republikës së Maqedonisë së Veriut dhe se, krahas gjuhës maqedonase, gjuhë zyrtare është edhe gjuha që flitet nga të paktën 20% e popullsisë që flet një gjuhë tjetër përveç maqedonishtes, kushti për njohjen aktive të gjuhës maqedonase është i domosdoshëm gjatë dhënies së provimit të jurisprudencës, e që në esencë paraqet kusht që të jepen të gjitha provimet e cekura që janë kusht për zgjedhjen e personit për gjyqtar, prokuror publik, avokat, noter dhe përmbarues”, thonë nga Ministria e Drejtësisë.
Nga Ministria e Drejtësisë thonë se Ligji për Provimin e Jurisprudencës nuk parashikon dhënien e provimit në gjuhë tjetër përveç maqedonishtes, ndonëse në ligj nuk ekziston dispozitë që e ndalon shprehimisht këtë, ndërsa Ligji për Përdorimin e Gjuhëve obligon institucionet të mundësojnë përdorimin e shqipes në të gjitha procedurat shtetërore.
Propozim-ligji që do ta lejonte provimin edhe në gjuhën shqipe ishte përgatitur në vitin 2024, por u hoq nga agjenda pas ndryshimit të pushtetit, ndërkohë që 385 studentë shqiptarë të juridikut kërkojnë përmes peticionit që provimi të jepet në gjuhën në të cilën studiojnë, si e drejtë e garantuar me ligj./TV21/
Mozzik ka bërë lëmsh rrjetin me publikimin e këngës së tij më të fundit, “Diss”, e cila vjen me një tekst kontrovers dhe befasues, që me shumë gjasë do të përflitet gjatë në rrjetet sociale.
Përmes një kënge gjashtëminutëshe, ai u hodhi disa thumba reperëve të skenës, ndërsa disa vargje në veçanti u interpretuan si mesazhe të drejtuara ndaj figurave të caktuara, ndonëse asnjë emër nuk përmendet drejtpërdrejt.
Më vonë, Mozzik shkon edhe më tej, duke elaboruar dhe duke i hedhur “diss” edhe vetes.
Në këtë këngë, ai flet për paragjykimet e shumta me të cilat është përballur dhe për komentet që kanë shoqëruar jetën e tij private, përfshirë raportin me ish-bashkëshorten Loredana, si dhe lidhjen e saj me futbollistin Karim Adeyemi.
Duke qenë se Mozzik dhe Loredana kanë një vajzë së bashku, reperi duket se u është përgjigjur komenteve të shumta që lidhen me marrëdhënien e rep-artistes me Adeyemin dhe rolin e këtij të fundit në jetën e saj dhe të vajzës së tij.
Po ashtu, Mozzik ka përmendur edhe partneren e tij aktuale, Lotinën, ndërsa më tej në tekst janë përfshirë edhe figura politike, si ish-kryetari i Kuvendit, Kadri Veseli, dhe kryeministri Albin Kurti.
Pretendimi: Parlamenti anglez ka miratuar Aktin e Kancerit në 1939, që e bën të jashtëligjshme të kurosh kancerin
Verdikti: Mungon konteksti
———————————————————————-
Në rrjetet sociale, përfshi ato shqipfolëse, po qarkullon pretendimi se në 1939, parlamenti anglez ka miratuar “Aktin e Kancerit”, që e bën të jashtëligjshme të kurosh kancerin.
Megjithatë, Akti i Kancerit 1939 nuk e bën të paligjshëm kërkimin mbi kurat e kancerit, publikimin e gjetjeve kërkimore ose këshillimin e mjekëve për pacientët në lidhje me trajtimet.
Legjislacioni origjinal, i miratuar përpara krijimit të Shërbimit Shëndetësor Kombëtar të Mbretërisë së Bashkuar, përshkruante se si duhet të paguhen dhe administrohen trajtimet e kancerit në të gjithë vendin.
Me kalimin e kohës, shumica e neneve janë shfuqizuar ose janë përfshirë në ligje të tjera, por një pjesë mbetet në fuqi, specifikisht neni 4, që lidhet me ndalimin e reklamave të caktuara.
4. Ndalimi i reklamave të caktuara. (1) Askush nuk duhet të marrë pjesë në publikimin e ndonjë reklame— (a) që përmban një ofertë për të trajtuar ndonjë person për kancer, ose për të përshkruar ndonjë ilaç për të, ose për të dhënë ndonjë këshillë në lidhje me trajtimin e tij; ose
Ai ndalon publikimin e çdo reklame që përmban oferta për trajtimin e kancerit, dhënien e ilaçeve ose dhënien e këshillave në lidhje me trajtimin.
Përjashtime bëhen për materialet që u drejtohen anëtarëve të parlamentit, mjekëve, infermierëve dhe farmacistëve, së bashku me reklamat e prodhuara nga këshillat vendas dhe spitalet vullnetare, të cilat ishin spitale private, jofitimprurëse.
Nick James, një studiues në Institutin e Kërkimeve për Kancerin, tha për AAP se pretendimi se legjislacioni përfaqëson një ndalim të kurave për kancerin nuk kishte asnjë bazë.
Ai ishte hartuar për të mbrojtur publikun nga mashtruesti “që ofronin terapi të paprovuara”, tha ai. “Qëllimi kryesor i aktit është i kundërt – të ‘parashikojë më tej trajtimin e kancerit’ dhe të ‘ndalojë reklama të caktuara'”, tha James.
Ndalimi i reklamave përfshin kimioterapinë dhe rrezatimin së bashku me trajtimet e paprovuara ose alternative.
Frances Downey, drejtuese e politikës së shkencës dhe kërkimit në Cancer Research UK, tha se Akti i Kancerit është hartuar për të mbrojtur pacientët nga bombardimi me reklama për trajtime. Kjo përfshin reklama nga profesionistë mjekësorë, kompani farmaceutike dhe praktikues alternativë, tha Dr. Downey.
Simon Crabb, një ekspert i terapive eksperimentale të kancerit në Universitetin e Southampton, tha se Mbretëria e Bashkuar ka një “kulturë shumë të gjallë kërkimore për kancerin” të mbështetur nga qeveria, organizatat bamirëse dhe sektori komercial.
“Në Mbretërinë e Bashkuar, reklamimi direkt tek pacienti për shumicën e trajtimeve mjekësore (jo vetëm trajtimet e kancerit) është i kufizuar, ndryshe nga, për shembull, në SHBA,” tha Crabb. “Por kjo nuk kufizon kërkimin dhe/ose raportimin e përparimeve kërkimore.”
Disa individë janë gjobitur sipas Aktit të Kancerit në Mbretërinë e Bashkuar, përfshirë një burrë që reklamoi aftësinë e tij për të kuruar kancerin përmes “shërimit me energji“ dhe një grua që promovoi ilaçe bimore të shitura në eBay si trajtime për kancerin.
Nëse, në një ngjarje të jashtëzakonshme, një individ do të zbulonte vërtet kura për kancerin të bazuara në shërim me energji, ai do të ishte i lirë sipas Aktit të Kancerit të vitit 1939 të publikonte rreth zbulimeve të tij në revista shkencore, t’i diskutonte ato privatisht ose në kontekste akademike, ose të vazhdonte kërkimin mbi konceptin. Megjithatë, ata nuk do të lejoheshin ta paraqisnin atë informacion para publikut të gjerë në reklama në Mbretërinë e Bashkuar.
Në vitin 2019, një peticion publik për shfuqizimin e Aktit të Kancerit me argumentin se ndalonte personelin mjekësor të diskutonte trajtimet e kancerit u hodh poshtë nga qeveria, e cila kundërshtoi pretendimin qendror të peticionit.
“Akti i Kancerit i vitit 1939 nuk i pengon mjekët të diskutojnë, hetojnë ose ofrojnë trajtime të kancerit”, thuhej në përgjigjen e qeverisë në atë kohë.
Endrick u tregua sërish vendimtar me Lyon-in, kësaj herë në raundin e 1/16-tave të Kupës së Francës.
Titullar dhe golashënues për të pestën ndeshje radhazi, sulmuesi i ri brazilian udhëhoqi skuadrën e tij në çerekfinale.
Në një natë aspak të lehtë, 19-vjeçari vodhi shfaqjen me një gol të hartuar bukur, duke mbërritur vonë dhe duke hapur një ndeshje që kishte qenë prej kohësh në ekuilibër.
Endrick demonstroi personalitet dhe talent me një gol të pabesueshëm.
Reperi nga Ferizaj, Mozzik, sapo ka lansuar EP-në e tij më të re me 5 këngë, duke sjellë diçka që rrallëherë shihet në muzikën shqiptare. Në këtë projekt, artisti nuk sulmon vetëm të tjerët, por kthehet drejt vetes, duke u përballur me mëkatet dhe gabimet e tij në një lloj vetëgjyqi publik.
Përmes vargjeve të ashpra, Mozzik thyen heshtjen pas viteve të paragjykimeve dhe sulmeve ndaj tij. Ai i jep përgjigje të gjitha thumbave që i janë drejtuar kohët e fundit dhe tregon anën e tij të vërtetë, duke përmendur figura kyçe të jetës së tij, përfshirë Loredanën, partnerin e saj, vajzën e tyre Hanën, futbollistin Karim Adeyemi, si dhe politikanë e figura publike.
‘S’po t’vjen marre, cikën po ta rrit Karimi! Mozzik ish-gruaja po të q##et me zezak, dmth fëmija zt nesër përzihet në gjak.”
Pojekti po shihet si një lëvizje e guximshme, pasi Mozzik nuk kursen as fjalët më të rënda ndaj vetes, duke kritikuar veprimet e tij të kaluara. Me këtë EP, ai duket se ka vendosur t’i mbyllë llogaritë me të shkuarën dhe të tregojë vendin artistëve të estradës që e kanë sulmuar gjatë këtyre viteve.
Fansat e reperit e kanë pritur projektin me kuriozitet, duke vlerësuar sinqeritetin dhe guximin për të hapur një kapitull të ri në karrierën e tij muzikore. Mozzik, me këtë hap, duket se ka gjetur mënyrën për të përballuar kritikën dhe për të treguar se muzika mund të shërbejë si rrugë për reflektim personal dhe shpërthim kreativ.
Pas tre ditësh përplasje të dhunshme me policinë kundër zhvillimit të resortit “Blue Borgo” në zonën mes Shëngjinit dhe Velipojës, banorët e Rrjollit u mblodhën sot para Prokurorisë së Posaçme (SPAK) ku kërkuan ndërhyrjen e drejtësisë për të zgjidhur konfliktin e pronësisë së tokave ku po zhvillohet projekti.
Njësoj si rreth një vit më parë ata protestuan me pankarta para së njëjtës godinë, me të njëjtën kërkesë: Pezullimin e punimeve dhe hetimin e dokumentacionit që i kaloi pronësinë kompanisë “Gener 2”, të cilin ata e konsiderojnë të bërë me falsifikime.
Një vit më pas, sipas banorëve dhe avokatëve të tyre, nuk ka asnjë informacion nëse janë kryer veprime konkrete hetimore. Pas protestës së sotme, avokati Ndue Pjetra tha se SPAK ia ka deleguar çështjen Gjykatës dhe Prokurorisë së Shkodrës.
“Proces i zvarritur qëllimisht”
Avokati i banorëve, Ndue Pjetra, i tha Citizens.al se zvarritja e deritanishme e procesit ka qenë e qëllimshme. Sipas tij, kjo i jep kohë Fatmir Shpellzës, të dyshuar për falsifikim dokumentesh pronësie, “të rregullojë aktet”.
Pjetra kërkoi përfshirjen e Inspektorati Kombëtar i Mbrojtjes së Territorit (IKMT), për të verifikuar nëse kompania “Gener 2”, që po punon në terren, po vepron në përputhje me ligjin.
“Nëse rezulton se gjithçka është në rregull, banorët do të tërhiqen nga kauza,” tha ai teksa shtoi se ata kanë depozituar një padi civile në Gjykatën e Shkodrës për prishje të pronësisë dhe njohje të saj në favor të banorëve, të cilët pretendojnë se e zotërojnë prej rreth 100 vitesh.
Prek Molla, banor i zonës, tha se të hënën, më 9 shkurt, ata do të paraqiten në institucionet e drejtësisë në Shkodër me qëllim që të kërkohet pezullimi i punimeve deri në një vendimmarrje përfundimtare.
Avokati Klodian Reçi ngriti shqetësimin për mungesën e kontrolleve institucionale. Ai paralelizoi reagimin e shpejtë të IKMT-së ndaj ndërtimeve të vogla dhe private me mungesën e verifikimeve për një projekt që shtrihet në rreth 146 hektarë nga një investitor strategjik “nuk shkon as për verifikime”.
Protesta u mbështet edhe nga përfaqësues të partive opozitare, përfshirë “Lëvizja Bashkë” dhe “Mundësia”. Ata ishin të pranishëm edhe në protestën e zhvilluar një ditë më parë në Rrjoll, ku pati edhe një person të lënduar.
“Me firmën e saj, Belinda Balluku po u shkatërron jetën njerëzve,” deklaroi Redi Muçi para SPAK-ut duke e cilësuar konfliktin si pjesë të një problemi të zgjatur 35-vjeçar të pronësisë në Shqipëri.
Barbara Doda nga partia “Mundësia”, shprehu mbështetjen për banorët.
Projekti i “Gener 2” parashikon një investim prej 280 milionë eurosh për ngritjen e 33 strukturave akomoduese dhe shërbimi, me objekte nga 3 deri në 10 kate mbi tokë dhe një kat nëntokë, përfshirë struktura hoteliere dhe sociale-kulturore.
Zona e zhvillimit parashikohet në rreth 146 hektarë me distancë rreth 2 kilometra larg monumentit natyror “Rana e Hedhun”. Ajo bën pjesë në nënzonën 1b të “Peizazhit të mbrojtur Lumi i Bunës-Velipojë”.
Në këtë nënzonë zbatohet shkalla e dytë e mbrojtjes mjedisore, e cila synon ruajtjen e biodiversitetit, duke lejuar aktivitete tradicionale, ekonomike dhe turistike, për sa kohë nuk cenojnë objektivat e mbrojtjes.
Me ndryshimet e Ligjit për Zonat e Mbrojtura, në vitin 2024, u përfshi edhe koncepti i “turizmit të ekselencës” i cili parashikon struktura akomoduese me standarde të larta arkitektonike dhe mjedisore.
Kështu, sipas nenit 33 të ligjit të rishikuar, tashmë lejohet zhvillimi i strukturave turistike 5-yje dhe infrastrukturës mbështetëse, edhe brenda zonave të mbrojtura.
Vendndodhja e projektit brenda zonës së mbrojtur “Lumi i Bunës-Velipoje”/Citizens.al
Në këtë kontekst, një vlerësim i bërë nga AKM ka dalë në përfundimin se projekti “Blue Borgo” nuk bie në kundërshtim me legjislacionin për zonat e mbrojtura.
Në një reagim publik më 5 shkurt, kompania “Gener 2” deklaroi se projekti “Blue Borgo”, i zhvilluar nga kompania tjetër pjesë e grupit “Aba Blue Borgo” (Aba Holding), është në përputhje të plotë me të gjitha aktet ligjore dhe nënligjore në fuqi.
Sipas kompanisë, nga faza e konceptimit deri në marrjen e lejes përfundimtare të ndërtimit në dhjetor 2025, janë ndjekur të gjitha procedurat ligjore. “Gener 2” thotë se janë zhvilluar dëgjesa publike dhe se nuk është cenuar asnjë e drejtë pronësie.
Kompania i cilëson të pabazuara dhe dezinformuese pretendimet për paligjshmëri. Ajo shprehet e vendosur ta vijojë projektin brenda afateve, duke e konsideruar projektin një stacion të rëndësishëm turistik për zonën.
Prej më shumë se një viti, konflikti mes banorëve që pretendojnë pronësinë e tokave dhe kompanisë që ka marrë lejen e ndërtimit mbetet pezull. Asnjë institucion i drejtësisë nuk ka dhënë ende një vendim përfundimtar.
“Kur do t’u vijë radha këtyre çështjeve?” pyeti avokati Reçi, “Kur të kenë vdekur dhe ato që kanë qenë para tyre, apo vetëm pasi resortet të jenë ndërtuar dhe të mos zhbëhen më?”
Gjykata Kushtetuese vendosi sot të mos japë një vendim përfundimtar për çështjen e ndalimit të platformës sociale Tik-Tok. Ajo dha kohë shtesë për palët e përfshira duke konsideruar se kishte ende pyetje për t’u shteruar.
Kështu, gjykata la afat deri më 12 shkurt për dorëzimin e komenteve dhe shpjegimeve shtesë, ndërsa seanca për konkluzionet përfundimtare u caktua për më 23 shkurt, në orën 10:00.
Vendimi pritet të përcaktojë jo vetëm fatin e aktit që ndaloi përkohësisht TikTok-un, por edhe standardin kushtetues mbi kufizimin e platformave digjitale nga pushteti ekzekutiv.
Tërheqja e qeverisë dhe vijimi i procesit në Kushtetuese
Seanca për shqyrtimin e ndalimit të përdorimit të platformës sociale TikTok nga qeveria shqiptare u mbajt paraditen e së enjtes në Gjykata Kushtetuese, por u parapri nga një zhvillim i papritur politik.
Dy ditë para seancës, qeveria miratoi vendimin Nr. 62, me të cilin shfuqizoi aktin e një viti më parë që ndalonte aksesin në TikTok.
Sipas vendimit të datës 3 shkurt, Autoriteti Kombëtar për Sigurinë Kibernetike (AKSK), në bashkëpunim me entet rregullatore, duhet të ndërmarrë veprimet për heqjen e masave kufizuese, duke respektuar legjislacionin për mbrojtjen e të dhënave personale.
Padia në Gjykatën Kushtetuese kundër vendimit të qeverisë ishte depozituar nga Rrjeti Ballkanik i Gazetarisë Investigative në Shqipëri (BIRN Albania) dhe Asociacioni i Gazetarëve të Shqipërisë (AGSH), në mbrojtje të lirisë së medias dhe të shprehjes.
Përfaqësuesit e qeverisë argumentuan në seancën e Kushtetueses se shqyrtimi i çështjes është i panevojshëm, pasi vendimi që ndalonte TikTok-un tashmë është shfuqizuar.
“Vendimi e humb efektin e tij në afatin 12-mujor,” tha Herold Jonuzaj si përfaqësues i qeverisë, teksa shtoi se ai “do të shfuqizohej automatikisht brenda 6 marsit 2026.” Sipas tij, shfuqizimi ishte pjesë e një procesi negociimi me platformën për vendosjen e filtrave të kërkuar.
Avokati i palës paditëse, Franc Terihati, këmbënguli se çështja duhet të shqyrtohet pavarësisht vendimit të qeverisë për ta shfuqizuar ndalimin e platformës. Ai theksoi se akti normativ që e ndaloi Tik-Tok-un ka cenuar disa të drejta kushtetuese, përfshirë lirinë e shprehjes, të shtypit, të drejtën për informim dhe lirinë ekonomike.
Për këtë Terihati e konsideroi “çështje me interes madhor publik” ndaj dhe gjykata duhet të shprehet nëse vendimi ka qenë ose jo kushtetues gjatë kohës që ka qenë në fuqi.
Edhe përfaqësuesit e AGSH ngritën shqetësimin për rrezikun e një precedenti të krijuar. Ata e cilësuan gjithashtu problematike shfuqizimin e aktit vetëm 48 orë para seancës gjyqësore.
“Çfarë ndodh nëse çështja pushohet dhe pasnesër Këshilli i Ministrave rimblidhet për të bërë një akt tjetër të ri të ngjashëm?” u shpreh Isa Myzyraj nga AGSH duke theksuar se nga Gjykata Kushtetuese kërkohej vendosja e një standardi për raste të tilla edhe për qeveritë e ardhshme.
Trupa e Gjykatës Kushtetuese pyeti se cilat kishin qenë pasojat e ardhura nga mbyllja e platformës, pyetje së cilës përfaqësuesit e organizatave iu përgjigjën duke theksuar se pasojat kanë qenë konkrete, veçanërisht gjatë periudhës parazgjedhore.
Drejtorja ekzekutive e BIRN Albania, Kristina Voko, iu referua raportit përfundimtar të OSBE-ODIHR, ku evidentohej se kufizimi i platformës cenoi të drejtën e kandidatëve për të informuar dhe të qytetarëve për të marrë informacion.
Voko përmendi gjithashtu marrëveshjen ekzistuese mes Autoriteti i Mediave Audiovizive (AMA) dhe TikTok, e cila kishte shërbyer si mekanizëm funksional për adresimin e ankesave të qytetarëve.
“AMA në raportin e saj vjetor dhe në rezolutën drejtuar parlamentit thotë që ka qenë një praktikë shumë e mirë”, tha Voko.
Në mars 2025, ankimimi për shpalljen antikushtetuese të vendimit u pranua për shqyrtim nga Gjykata Kushtetuese, edhe pse kërkesa për pezullim nuk u miratua.
TIRANË, 5 shkurt/ATSH/ Agjencia për Media dhe Informim sqaroi sot opinionin publik në lidhje me vendimin e Këshillit të Ministrave të datës 3 shkurt 2026 për heqjen e masave të përkohshme për ndalimin e aksesit në platformën online “TikTok”.
Sipas MIA-së, heqja e masave të përkohshme për ndërprerjen e aksesit në platformën online “TikTok” është rezultat i një rivlerësimi institucional dhe i adresimit konkret të shqetësimeve që lidhen me sigurinë publike, sociale dhe digjitale, veçanërisht për fëmijët dhe të rinjtë.
“Masa e miratuar nga Këshilli i Ministrave në mars 2025 u konceptua dhe u zbatua si një ndërhyrje parandaluese, në funksion të mbrojtjes së interesit publik dhe adresimit të shqetësimeve të evidentuara gjatë asaj periudhe. Ajo shërbeu edhe për të hapur një dialog të drejtpërdrejtë dhe konstruktiv me platformën, duke vendosur bazat për mekanizma të rinj sigurie, të cilët më parë nuk ishin të pranishëm”, thuhet në njoftimi për shtyp.
Ndërkohë MIA bënë të ditur se sot, autoritetet shqiptare janë në partneritet me përfaqësuesit e “TikTok”, për filtrat mbrojtës përmes fjalëve kyçe, kontrollet e përmbajtjes dhe modalitetet më efikase të raportimit dhe trajtimit të shkeljeve.
Ky vendim shënon kalimin nga masa kufizuese në një fazë monitorimi aktiv, bashkëpunimi ndërinstitucional dhe përgjegjësie të përbashkët me platformat digjitale.
Paralelisht, MIA informon se po punohet për hartimin e një plani të mirëfilltë komunikimi dhe ndërgjegjësimi, të fokusuar te fëmijët, të rinjtë, prindërit dhe mësuesit, për përdorimin e sigurt dhe të përgjegjshëm të platformave online.
“Qëllimi është i qartë dhe i orientuar drejt edukimit digjital, mbrojtjes reale dhe ndërtimi i një kulture sigurie në hapësirën online. Kjo qasje e balancuar synon të garantojë lirinë e aksesit, duke vendosur njëkohësisht interesin e sigurisë dhe mirëqenies së të rinjve në qendër të politikave publike”, thuhet në njoftimin për shtyp.
Në rastin ku Hashim Thaçi së bashku me Bashkim Smakajn, Fadil Fazliun, Isni Kilajn dhe Hajredin Kuçin akuzohen për vepra penale kundër administrimit të drejtësisë, mbrojtja e Thaçit ka njoftuar se në fillim të gjykimit, nuk do të japë deklaratë hyrëse.
Këtë njoftim, mbrojtja e Thaçit e përfaqësuar nga Sophie Menegon e ka bërë të ditur përmes një parashtrimi të datës 2 shkurt 2026, raporton “Betimi për Drejtësi“.
Megjithatë, mbrojtja ka njoftuar se e rezervon të drejtën për të dhënë një deklaratë hyrëse pas përfundimit të çështjes nga ana e Prokurorisë dhe para hapjes së çështjes së tyre.
Ndryshe, fillimi i gjykimit ndaj Hashim Thaçit, Bashkim Smkajt, Isni Kilajt, Fadil Fazliut dhe Hajredin Kuçit për vepra penale kundër administrimit të drejtësisë, është caktuar më 27 shkurt 2026.
Hashim Thaçi ndodhet në Qendrën e Paraburgimit në Hagë që nga nëntori i vitit 2020. Ai është duke u gjykuar për krime lufte, si dhe më 2024 i është ngritur aktakuza kundër administrimit të drejtësisë.
Lidhur me rastin kundër administrimit të drejtësisë, Bashkim Smakaj, Fadil Fazliu dhe Isni Kilaj u arrestuan më 5 dhjetor 2024 në Kosovë dhe u transferuan në objektin e paraburgimit në DhSK, më 6 dhjetor 2024 në bazë të aktakuzës së konfirmuar dhe fletarrestimeve të lëshuara nga Haga.
Ndërsa, Thaçit i është dorëzuar fletarrestimi në objektin e paraburgimit në Hagë më 5 dhjetor 2024, gjithnjë sipas njoftimit të DhSK-së.
Kurse, Hajredin Kuçit i është dorëzuar aktakuza e konfirmuar dhe fletëthirrja për t’u paraqitur para gjykatëses së procedurës paraprake për paraqitjen e parë, e cila u mbajt 9 dhjetor.
Sipas aktakuzës, Thaçi individualisht dhe përmes veprimeve të përbashkëta me grupet; Grupi Fazliu (Fadil Fazliu dhe FahriFazliu), Grupin Smakaj (Bashkim Smakaj, Blerim Shala dhe Artan Behrami) si dhe Grupin Kilaj (Isni Kilaj dhe Vllaznim Kryeziu), kanë ndjekur një model të sjelljes për të penguar personat zyrtarë në kryerjen e detyrave zyrtare.
Në aktakuzë thuhet se Thaçi ka udhëhequr dhe marrë pjesë në këto përpjekje përmes vizitave të tij në objektet e paraburgimit gjatë kohës sa ishte i paraburgosur në kuadër të gjykimit të tij për krime lufte dhe krime kundër njerëzimit.
Aty thuhet se anëtarët e Grupit Fazliu, Grupit Smakaj dhe Grupit Kilaj u koordinuan për të ndikuar në dëshmitarët e ZPS-së gjatë vizitave jo të priveligjuara të datave 2 korrik, 9 shtator dhe 6 tetor 2023.
Si rrjedhojë, ndaj Thaçit rëndojnë tri akuza për pengim të personit zyrtar në kryerjen e detyrave zyrtare, tri për shkelje të fshehtësisë së procedurës dhe katër akuza për mosbindje ndaj gjykatës.
Ndërsa, Kilaj, Smakaj dhe Fazliu akuzohen për tentativë të pengimit të personave zyrtarë në kryerjen e detyrave zyrtare dhe mosbindje ndaj gjykatës. Kurse, Kuçi i ka dy akuza për mosbindje ndaj gjykatës. Në këtë rast, Prokuroria ka dorëzuar dosjen paraprake. Po ashtu, dosjen e tij për këtë fazë të procedurës e ka dorëzuar edhe Fadil Fazliu. /BetimipërDrejtësi/
Login
