Gjykata Kushtetuese njoftoi të hënën organizatat e medias se me kërkesë të qeverisë kishte vendosur të shtynte në fillim të shkurtit seancën e caktuar për të martën, ku do të shqyrtohej në themel padia e tyre kundër vendimit të Këshillit të Ministrave për pezullimin e platformës sociale Tik-Tok në territorin e Shqipërisë.

“Mbledhja e Gjyqtarëve të Gjykatës Kushtetuese në datën 15.12.2025, pasi mori në shqyrtim kërkesën për shtyrjen e seancës plenare publike, të paraqitur nga subjekti i interesuara Këshilli i Ministrave, ka vendosur pranimin e kërkesës, si dhe shtyrjen e seancës plenare publike për në datën 05.02.2026”, njoftoi kjo gjykatë.

Por data e seancës e caktuar nga GJK është shumë afër afatit të caktuar nga qeveria për pezullimin për një vit të përdorimit të kësaj platforme sociale, duke e bërë vendimmarrje, sipas organizatave, pothuaj të pavlefshëm

“Është tërësisht praktikë e paprecedentë nga ana e Këshillit të Ministrave një kërkesë e tillë. Kjo gjë në vetvete synon të “fusë në kurthë” Gjykatën në mënyrë që të afrohet sa më shumë afati zyrtar për rihapjen e TikTok”- i tha BIRN-it, Isa Myzyraj, kryetar I Asosacionit të Gazetarëve Shqiptarë.

Myzyraj e quan vendimin e GJK-së “të çuditshëm” dhe të ngjashëm me mënyrën e funksionimit të gjykata të shkallës së parë, ku seancat shtyhen pafundësisht për “tekat” e palëve.

“Gjykata duhet ta shqyrtonte me përparësi sepse pretendimet kryesore janë pikërisht që është duke u shkelur e drejta e lirisë së shprehjes, por qartazi Gjykata po jep shembull negativ duke mos e shqyrtuar jo vetëm me përparësi, por edhe duke e shtyrë sepse ‘kërkon’ Këshillit i Ministrave”- thekson ai.

Edhe avokati i palës paditëse, Franc Terihati, e quan të paprecedentë shtyrjen aq të gjatë të seancës së shqyrtimit të çështjes, ndërkohë që sipas ligjit kjo gjykatë duhej të shprehej për çështjen brenda 3 muajsh.

“Padia jonë është bërë që në mars dhe nga momenti kur Kolegji i Gjyqtarëve vendosi të mos pranojë kërkesën për pezullimin e VKM-së nuk kemi asnjë veprim nga gjykata”.

Sipas tij, pavarësisht se kërkesa e Këshillit të Ministrave për shtyrje është juridikisht në rregull duket se ka një tentativë për zvarritje të procesit prej tyre.

Organizatat për mbrojtjen e lirisë së shprehjes në vend dhe ato ndërkombëtare janë shprehur kritike ndaj vendimit të qeverisë duke e parë si precedent për akte të tjera të censurës në një vend me një qeveri autokratike.

Qeveria vendosi në 6 mars, 2025, për mbylljen e platformës për shkak të efektit të pretenduar negativ mbi shëndetin psiko-emocional të fëmijëve. Vendimi u pasua me një kërkesë të Autoritetit të Komunikimeve Postare Elektronike (AKEP) për kompanitë që ofrojnë shërbimeve interneti në vend që të bllokojnë qasjen ne aplikacionin e Tik Tok në Shqipëri.

TikTok është një platformë e mediave sociale e fokusuar te videot e shkurtra. Ajo u krijua nga kompania kineze ByteDance dhe lejon përdoruesit të krijojnë, montojnë dhe ndajnë video të shkurtra me efekte speciale, muzikë dhe filtra të ndryshëm./ BIRN

The post Gjykata Kushtetuese shtyn për në shkurt shqyrtimin e padisë për pezullimin e TikTok-ut appeared first on Albeu.com.

Gjykata Kushtetuese njoftoi të hënën organizatat e medias se me kërkesë të qeverisë kishte vendosur të shtynte në fillim të shkurtit seancën e caktuar për të martën, ku do të shqyrtohej në themel padia e tyre kundër vendimit të Këshillit të Ministrave për pezullimin e platformës sociale Tik-Tok në territorin e Shqipërisë. “Mbledhja e Gjyqtarëve […]

The post Gjykata Kushtetuese shtyn për në shkurt shqyrtimin e padisë për pezullimin e Tik-Tok-ut appeared first on BoldNews.al.

Detaje të reja janë zbardhur lidhur me plagosjen e regjistruar pak ditë më parë pranë rrethrrotulimit të Freskut. Plagosja mësohet se është bërë me porosi të Gjoke Ndrevatajt  dhe Xhemal Ukës të cilët janë shpallur në kërkim nga policia. Ata dyshohet se kanë porositur Helidon Markun për të kryer plagosjen. Shkak i plagosjes janë bërë […]

The post EMRAT/ Plagosja në Fresk, shkak ofendimet në TikTok! 2 porositësit me precedentë appeared first on BoldNews.al.

Rrjeti social TikTok ka luajtur rol të rëndësishëm në formësimin e narrativëve politikë gjatë zgjedhjeve parlamentare në Kosovë – të mbajtura më 9 shkurt – veçanërisht duke pasur parasysh se kjo është platforma më e përdorur në vend, sipas disa vlerësimeve të bëra në një raport të përpiluar nga organizata joqeveritare me seli në Bruksel, […]

The post Analiza/ Si ndikoi TikTok-u në politikë, gjatë zgjedhjeve parlamentare të Kosovës appeared first on BoldNews.al.

TikTok hoqi më shumë se 189 milionë video në tremujorin e dytë për shkak të shkeljeve të udhëzimeve të komunitetit, sipas një deklarate të fundit nga firma.

Më shumë se 99% e përmbajtjes së hequr u hoq pas raportimeve të përdoruesve, ndërsa më shumë se 90% e videove të hequra u hoqën pa u parë për periudhën prill-qershor. 80.6% e përmbajtjes së hequr u hoq brenda një mesatareje prej dy orësh. Në Turqi, TikTok hoqi 4.4 milionë video për shkak të shkeljeve të udhëzimeve të komunitetit.
Përafërsisht 99.4% e përmbajtjes së hequr të ngarkuar në Turqi u zbulua se shkelte rregullat e platformës pa asnjë raport nga përdoruesit, ndërsa 97% e videove të hequra u hoqën brenda 24 orëve. “Temat e ndjeshme dhe për të rritur” përbënin 30.6% të përmbajtjes së hequr, ndërsa “mallrat e rregulluara dhe aktivitetet tregtare” përbënin 30.5%, dhe 99.4% e përmbajtjes së hequr për shkak të politikës së “sigurisë dhe mirëqenies së të rinjve” të TikTok u hoq para çdo shikimi.

Platforma e përmbajtjes së shkurtër gjithashtu rrëzoi 36 milionë transmetime të drejtpërdrejta në të gjithë botën në tremujorin e dytë, një rritje prej gati 100% krahasuar me periudhën e mëparshme. TikTok gjithashtu hoqi më shumë se 8 milionë reklama në prill-qershor për shkak të shkeljes së politikave të saj të reklamave. Ndërkaq, autoritetet në New York kanë paditur YouTube, TikTok, Meta Platforms dhe Snapchat, duke i akuzuar se kanë krijuar platforma “varësuese” që dëmtojnë shëndetin mendor të të rinjve. Në padi thuhet se këto kompani kanë shkaktuar një “rrezik publik”, duke ndikuar në rritjen e rasteve të ankthit, depresionit dhe vetëdëmtimit tek adoleshentët. Qyteti kërkon që kompanitë të mbajnë përgjegjësi për pasojat tek brezi i ri.

The post TikTok me “dorë të hekurt”, heq më shumë se 189 milionë video nga platforma! appeared first on Albeu.com.

Cllevio Serbiano, i njohur për deklaratat e tij pa filtra, ka folur së fundmi në emisionin “Krejt n’debat”, ku ndau opinionin e tij për rolin e TikTok-ut në jetën e përditshme, jo vetëm si rrjet social, por si një mjet për të përballuar sfida personale dhe ekonomike.

Sipas tij, TikTok-u për shumë njerëz në lagje është bërë një mënyrë për të shprehur veten, për të përballuar depresionin dhe për të nxjerrë në pah realitetin e tyre. “Nëse nuk do të kishim TikTok, do të i shfaqnim problemet në rrugë”, tha ai.
Reperi Cllevio gjithashtu zbuloi shifra të mëdha përfitimi nga platforma, duke përmendur raste të miqve të tij që fitonin mijëra euro në pak minuta, dhe deklaroi se ai vetë gjeneron nga 200 deri në 350 mijë euro në vit nga aktiviteti në TikTok. “Jam CEO i TikTok-ut”, u shpreh ai me humor.

Ai nuk kurseu as një koment për përmbajtjen e rrjetit, duke thënë se nuk do të ndiqte reperin Stresi për shkak të “propagandës dhe sharjeve” që shpesh ndodhin në TikTok, veçanërisht në lidhje me reality show-t e njohura si Big Brother apo Ferma VIP.

Ndërkohë, sipas raportimeve, Cllevio pritet të ekstradohet në Shqipëri nga Dubai gjatë kësaj jave.

The post Cllevio: Unë fitoj 200 deri në 350 mijë euro në vit nga TikToku appeared first on Albeu.com.

Familja mbretërore e Abu Dhabit, përmes fondit MGX të udhëhequr nga Sheiku Tahnoon bin Zayed Al Nahyan, do të bëhet një nga aksionerët kryesorë të TikTok-ut në Shtetet e Bashkuara. Marrëveshja u arrit pas një urdhri ekzekutiv të firmosur nga presidenti amerikan Donald Trump, i cili kërkon transformimin e pronësisë së TikTok në favor të entiteteve amerikane dhe aleateve të tyre strategjike.

Sipas kushteve të marrëveshjes, MGX do të zotërojë 15% të TikTok US dhe do të ketë një vend në bordin drejtues të kompanisë. Konsorciumi i përbërë nga Oracle, Silver Lake dhe MGX do të kontrollojë së bashku rreth 45% të aksioneve, ndërsa aksionarët amerikanë do të zotërojnë mbi 65% në total. ByteDance, kompania mëmë kineze, do të ruajë një pjesëmarrje prej 19.9%.

Trump e përshkroi marrëveshjen si një fitore për sigurinë kombëtare dhe kontrollin amerikan mbi një platformë me ndikim global. Ai përmendi ndër investitorët amerikanë emrat e Larry Ellison, Michael Dell dhe grupin Fox të Rupert Murdoch. “Kjo do të jetë një kompani krejtësisht amerikane, pa ndikim të huaj,” deklaroi Trump.

Zëvendëspresidenti JD Vance tha se marrëveshja vlerëson TikTok US me 14 miliardë dollarë dhe synon garantimin e privatësisë së përdoruesve. Reagimi nga pala kineze pritet, megjithëse Trump ka pohuar se ka marrë mbështetjen paraprake të presidentit Xi Jinping.

The post Familja mbretërore e Abu Dhabit bëhet aksionere kryesore në TikTok US pas marrëveshjes së ndërmjetësuar nga Trump appeared first on Albeu.com.

Presidenti amerikan Donald Trump pritet të miratojë një marrëveshje të propozuar këtë javë që do të sigurojë që TikTok në SHBA të jetë në pronësi të shumicës nga investitorët amerikanë dhe të mbajë të dhënat e përdoruesve në një cloud “të besueshëm” në SHBA, sipas një zyrtari të Shtëpisë së Bardhë.
Zyrtari i Shtëpisë së Bardhë tha se sipas marrëveshjes së re, operacionet në SHBA do të drejtohen nga një kompani e re e përbashkët, me kompaninë e saj aktuale mëmë, ByteDance , që mban më pak se 20% të aksioneve, siç kërkohet me ligj.

“Administrata mezi pret të finalizojë këtë marrëveshje me të gjitha palët e interesuara”, tha zyrtari, shkruajnë mediat e huaja.

“Presidenti Trump pritet të nënshkruajë një urdhër ekzekutiv më vonë këtë javë për të miratuar marrëveshjen e propozuar.”

Kompania e re e përbashkët me seli në SHBA pritet të jetë në pronësi të shumicës së investitorëve amerikanë dhe të operojë në SHBA.
Bordi i drejtorëve pritet të përbëhet nga shtatë anëtarë – shumica e të cilëve duhet të jenë shtetas amerikanë me bazë në SHBA.

Sipas zyrtarit, Oracle, një nga kompanitë kryesore të teknologjisë në vend, do të jetë ofruesi i besuar i sigurisë i TikTok në partneritet me qeverinë e SHBA.

The post Trump gati të nënshkruajë marrëveshjen për TikTok – pronësia në shumicë amerikane appeared first on Albeu.com.

Gjashtë muaj pas ndalimit të TikTok-ut, edhe një nga aleatët më të afërt të kryeministrit Edi Rama vazhdon ta përdorë atë. Ndërsa pret gjyqin për akuzat për korrupsion, pastrim parash dhe fshehje të pasurisë, kryebashkiaku i Tiranës, Erion Veliaj, i cili ndodhet në burg, poston rregullisht video në aplikacion nga qelia. Dhe ai nuk është […]

The post Ndalimi i TikTok shpërfillet gjerësisht, madje edhe nga njerëzit e Ramës appeared first on BoldNews.al.

Kryetari arrestuar i Bashkisë së Tiranës, Erion Veliaj, i cili ndodhet në paraburgim që prej shkurtit, ka publikuar një mesazh, ku paralajmëron se mund të flasë dhe fjalët e tij do të përbëjnë lajm.

Ai ka publikuar në llogarinë e tij zyrtare në “Tik Tok” një video, të cilën e shoqëron me një tekst në gjuhën angleze që përmban këtë mesazh: ”Kur unë të flas do të jetë breaking news”.

Më pas, në tekstin që shoqëron videon, ai shton: “Mezi po pres, se ju e dini që kur flas, flas shumë”.

Kujtojmë se Erion Veliaj, është vënë në hetim nga SPAK disa muaj më parë dhe që prej 10 shkurtit, kur u arrestua, qëndron në paraburgimin e Durrësit.

Në korrik, atij dhe bashkëshortes Ajola Xoxa, i janë komunikuar akuzat, mes të cilave përfshirja në korrupsion dhe pastrimi i parave, ndërsa në shtator SPAK do t’u komunikojë atyre edhe përfundimin e hetimit.

Vetë Veliaj dhe Xoxa, i kanë mohuar akuzat në reagime të mëparshme për mediat dhe kryebashkiaku i ka konsideruar ato si sulm politik.

The post VIDEO/ Kur të flas unë ti do jesh lajm i fundit/ Kë po “kërcënon” Erion Veliaj? appeared first on Albeu.com.

ByteDance raportohet se po zhvillon një version të ri të aplikacionit TikTok vetëm për SHBA-në që do ta lançojë më 5 Shtator. Sipas The Information, kompania po ecën përpara me këtë plan për të qenë në përputhje me ligjin që kërkon shitjen e biznesit të TikTok në SHBA ose përndryshe rrezikon dëbimin nga vendi.

Raportoi sugjeron se përdoruesit në SHBA duhet të përdorin një aplikacion të ri nëse duan të kenë qasje në rrjetin social TikTok. Thuhet se ByteDance do të heqë aplikacionin ekzistues të TikTok nga dyqanet e aplikacioneve në SHBA në momentin që i riu debution.

Besohet se versioni ekszitues i aplikacionit do të ndalojë së funksionuari në Mars dhe pse afatet mund të ndryshojnë.

Ky është zhvillimi më i fundit në sagën e TikTok ndërsa e ardhmja e tij është e paqartë pasi presidenti Amerikan Joe Biden nënshkroi një ligj që i jepte afat deri më 19 Janar të këtij viti të shiste biznesin Amerikan ose mund të dëbohej.

Por presidenti Trump vendosi ta shtyjë dy herë këtë afat përmes një urdhri ekzekutiv. Tashmë besohet se një marrëveshje është pranë ndërsa pritet miratimi i qeverisë Kineze./KultPlus.com

NJU JORK, 30 qershor /ATSH-ANSA/ – Pothuaj 170 milionë TikToker-ët amerikanë mund të marrin frymë lirisht.

Pasi zgjati afatin për shitjen e platformës kineze deri në shtator, Donald Trump në fakt ka njoftuar se ka gjetur një blerës amerikan dhe se operacioni mund të përfundojë së shpejti me bekimin e Presidentit Xi Jinping.

“Kemi një blerës”, deklaroi ai në një intervistë me Fox News pa thënë emrin e kompanisë që duhet ta blejë aplikacionin nga Bytedance kineze, duke shmangur kështu ndalimin e tij në Shtetet e Bashkuara.

Që nga kthimi i tij në Shtëpinë e Bardhë, Donald nuk e ka fshehur kurrë mbështetjen e tij për TikTok, aq sa ftoi CEO-n Chew Shou Zi në inaugurim dhe gjithmonë ka siguruar se do ta shpëtojë atë.

Që më 22 janar, një ditë pas ceremonisë së inaugurimit, ai kishte deklaruar se kishte shumë kompani të interesuara, por në muajt e fundit askush nuk është paraqitur dhe kështu manjati është detyruar ta shtyjë afatin për shitje dy herë.

Bytedance gjithashtu kishte shprehur disa dyshime në lidhje me operacionin, duke pretenduar, prillin e kaluar, se “ka ende disa çështje kyçe për t’u zgjidhur”.

Tani Trump pretendon se ka marrë edhe dritën jeshile nga udhëheqësi i Pekinit.

“Ai ndoshta do ta bëjë”, tha ai, duke iu referuar Xi.

Ndër kandidatët e mundshëm për megablerjen janë gjigantët Meta, Microsoft, Oracle dhe Walmart, të cilët kanë shprehur interes në të kaluarën, por Amazon dhe Elon Musk janë gjithashtu midis kandidatëve të mundshëm.

“Ata janë njerëz shumë të pasur, do ta zbuloj brenda dy javësh”, u kufizua Trump duke thënë.

Sa i përket shqetësimeve për sigurinë dhe përkatësisht frikës se aplikacioni mund të shfrytëzohet nga qeveria kineze për të spiunuar amerikanët manjati e minimizoi atë, duke theksuar se e njëjta gjë mund të thuhet për “gjithçka që prodhohet në Kinë, si telefonat tanë”. /os/

The post SHBA – Trump: Ka një blerës për TikTok, Xi do ta pranojë appeared first on Agjencia Telegrafike Shqiptare.

Erion Veliaj nuk ka qëndruar i heshtur që prej arrestimit të tij në shkurt të këtij viti nën akuzat për korrupsion, pastrim parash dhe fshehje pasurie.

Por këtë javë, ish-kryetari i Bashkisë së Tiranës dhe aleati i ngushtë i kryeministrit Edi Rama, ka bërë më shumë zhurmë se kurrë për të mbrojtur veten.

Të martën u publikua një raport nga dy studio ligjore të profilit të lartë – Kasowitz me seli në New York dhe Mishcon de Reya me seli në Londër, që e dënojnë paraburgimin e tij të vazhdueshëm si “të padrejtë”, duke e përshkruar si një “shkelje të mundshme të Konventës Evropiane për të Drejtat e Njeriut dhe të parimeve të procesit të rregullt ligjor sipas kushtetutës dhe ligjeve të Shteteve të Bashkuara”.

Raporti pretendon se Veliaj është arrestuar nga Gjykata kundër Korrupsionit në Shqipëri “pa asnjë vlerësim domethënës nëse paraburgimi i tij është i nevojshëm, proporcional apo i arsyeshëm, dhe pa marrë në konsideratë alternativa të tjera ndaj paraburgimit”.

Nuk është e qartë sa ka kushtuar kjo përpjekje për Veliajn; tarifat në studion Kasowitz – që ka pasur si klientë Donald Trump dhe Robert De Niro – variojnë nga 500 deri në 1,950 dollarë për orë, me një pagesë paraprake fillestare prej 300,000 dollarësh. Mishcon de Reya ndërkohë përfaqësoi Princeshën Diana gjatë divorcit të saj nga Princi Charles. Media shqiptare ka spekuluar se fatura mund të mbulohet nga vëllai i Veliajt, Arber, i cili zotëron disa kompani dhe nuk përballet me akuza.

Ndërkohë, Veliaj ka mbushur Facebook-un dhe TikTok-un me postime që lavdërojnë arritjet e tij si kryebashkiak i Tiranës, duke listuar projektet e përmirësimit të parqeve, pishinave dhe këndeve të lojërave të qytetit.

Këtë javë ai i ftoi ndjekësit e tij të “rifreskojnë kujtesën pak për sa shumë është ndryshuar Tirana”.

“Të gjitha këto i kemi bërë së bashku!”, shpall ai.

Një kryebashkiak dhe ‘babi’ i përulur

Veliaj ishte një nga figurat në ngjitje të Partisë Socialiste përpara se të arrestohej më 10 shkurt me urdhër të Prokurorisë së Posaçme kundër Korrupsionit dhe Krimit të Organizuar (SPAK).

Prokurorët pretendojnë se ai ka përfituar në mënyrë të paligjshme rreth 1.1 milionë euro në lidhje me nëntë kontrata publike apo leje ndërtimi të firmosura prej tij. Gjykata vendosi ta mbante në paraburgim gjatë hetimeve dhe një gjykatë apeli rrëzoi kërkesën për lirim me kusht.

Edhe bashkëshortja e tij, Ajola Xoxa, ka masë sogurie për akuza të ngjashme për korrupsion, pastrim parash dhe fshehje pasurie. Të dy i kanë mohuar akuzat.

Që në fillim të hetimeve, Veliaj ka përdorur rrjetet sociale për të kundërshtuar akuzat, duke sulmuar prokurorin dhe gjyqtarin e çështjes. Ai e ka quajtur çështjen kundër tij “një inskenim të shëmtuar dhe farsë të rrezikshme” dhe e ka përshkruar prokurorin si “vrasës me pagesë”.

Ai është akuzuar gjithashtu se ka orkestruar një fushatë propagandistike përmes miqve të tij në media për të sulmuar kundërshtarët në sistemin e drejtësisë.

Por kohët e fundit Veliaj e ka ndryshuar tonin, nga agresiv në humoristik, duke synuar të promovojë një imazh simpatik dhe profesional.

Megjithëse TikTok është i ndaluar prej një viti në Shqipëri nga qeveria e mentorit të tij Rama, Veliaj e ka përdorur këtë platformë për të publikuar video ku thekson humorin e tij, përfshirë një postim që e përshkruan arrestimin e tij si “një film legjendar”.

“Njerëzit pyesin nëse burgu më ka ndryshuar, por unë gjithmonë kam qenë një kryetar babi i përulur, dhe shërbimi për të tjerët ka qenë gjithmonë gjuha ime e dashurisë,” shkruan ai në një tjetër video në TikTok.

Por ekspertët politikë në Tiranë janë skeptikë ndaj kësaj fushate joshjeje.

“Meqë strategjia me tone të forta dhe shantazh politik, e artikuluar brutalisht pas arrestimit, nuk funksionoi, Veliaj po mendon që të mos fokusohet më te aktorët politikë apo te prokuroria si shënjestër, por te publiku,” tha për BIRN analisti politik Ergys Mertiri.

Sipas Mertirit, strategjia e Veliajt – përmirësimi i imazhit për të ushtruar presion publik ndaj gjykatës që të mos e dënojë rëndë, tregon se ai e ka pranuar fatin e tij.

“Kjo tregon se Veliaj ka kapitulluar. Ai nuk kërkon më të shpëtojë, por të minimizojë dënimin,” u shpreh ai.

Rigels Xhemollari, ekspert politik dhe drejtues i organizatës Qëndresa Qytetare, mendon se fushata e PR-it nuk do të ketë sukses “sepse organet hetimore kanë treguar prej kohësh që nuk ndihen të kërcënuara nga media, e aq më pak nga postimet në TikTok”.

Pavarësisht mendimeve të ekspertëve, kryebashkiaku i burgosur nuk po kursehet për të siguruar lirinë.

Një media me qendër në Tiranë, Shteg.org, raportoi këtë javë se Veliaj ka kontraktuar gjithashtu një agjenci britanike PR të quajtur Kendal Global Advisory që të punojë për të.

BIRN i dërgoi një kërkesë për koment kompanisë për të verifikuar nëse Veliaj ose vëllai i tij janë klientë, por deri në kohën e publikimit nuk ka marrë përgjigje. Pretendimi nuk mund të verifikohej në mënyrë të pavarur. /Marrë nga Reporter.al

The post BIRN: Veliaj “lufton” akuzat për korrupsion me fushatë PR-i në TikTok appeared first on Lapsi.al.

Një influencër venezuelian, i cili kritikoi si bandat ashtu edhe policët e dyshuar si të korruptuar, u qëllua për vdekje të hënën gjatë një transmetimi të drejtpërdrejtë në TikTok, thanë autoritetet.

Ministria e Sigurisë Publike e Venezuelës tha në një deklaratë në Instagram se influencuesi Gabriel Jesús Sarmiento vdiq në qytetin e Maracay.

Sarmiento shpesh kritikonte grupet kriminale dhe korrupsionin e dyshuar në zbatimin e ligjit përmes përmbajtjes së tij në internet, dhe ministria shtoi se vdekja e tij erdhi menjëherë pasi ai raportoi “kërcënime të bëra kundër tij nga anëtarë të GEDO-ve (Grupeve të Strukturuara të Krimit të Organizuar, në spanjisht) dhe zyrtarë të dyshuar të policisë”.

Maracay është kryeqyteti i Aragua-s, rajoni nga i cili merr emrin banda famëkeqe Tren de Aragua, megjithatë nuk dihet ndonjë lidhje midis vdekjes së TikToker-it dhe grupit kriminal.

CNN ka kontaktuar policinë në Aragua për koment.

Ministria tha gjithashtu se i kishte caktuar Zyrës së 69-të të Prokurorisë Kundër Krimit të Organizuar “të hetojë, identifikojë dhe ndjekë penalisht” ata që janë përgjegjës për vdekjen e Sarmientos.

Në një regjistrim të transmetimit të drejtpërdrejtë të Sarmientos, të shikuar nga CNN, një grua mund të dëgjohet duke bërtitur jashtë ekranit, ndërsa një burrë e pyet pse po bërtet.

“Çfarë ndodhi, çfarë ndodhi?” bërtet burri në regjistrim, i ndjekur nga një breshëri e dendur të shtënash.

“Më qëlluan!” bërtet burri më pas. Videoja përfundon me imazhin e dy burrave të armatosur të paidentifikuar. Disa sekonda më vonë, transmetimi i drejtpërdrejtë ndalet dhe videoja mbaron.

Vdekja e Sarmientos vjen pak më shumë se një muaj pasi një tjetër influencuese latino-amerikane u vra gjatë një transmetimi të drejtpërdrejtë. Influencuesja meksikane e bukurisë, Valeria Marquez, u qëllua dhe u vra në një sallon bukurie në Jalisco në maj, duke shkaktuar zemërim për shkallën e lartë të femicideve në rajon.

Vetëm pak ditë para vdekjes së Marquez, një grua tjetër – kandidate për kryetare bashkie në shtetin e Veracruz – u qëllua për vdekje, gjithashtu gjatë një transmetimi të drejtpërdrejtë, së bashku me tre persona të tjerë.

CNN po bën përpjekje për të kontaktuar familjen e Sarmientos, si dhe Prokurorin e Përgjithshëm të Venezuelës, Tarek William Saab, për më shumë informacion.

LEXONI GJITHASHTU:

• Shfrytëzuan djalin e mitur për Tik Tok, dënohen me burg Aramando Kumaraku dhe e ëma
• Influencuesja meksikane qëllohet për vdekje teksa ishte live në TikTok

The post Kritikoi bandat dhe policinë, TikToker-i venezuelian vritet gjatë transmetimit live appeared first on Euronews Albania.

Drejtoria e Përgjithshme e Tatimeve ka njoftuar se ka nisur hetimin ndaj 100 individëve/subjekteve për të ardhurat e përfituara nga platformat sociale. Bëhet fjalë për të ardhura të përfituara nga platformat Facebook; TikTok; YouTube; Instagram; Google dhe PayPal.

Sipas njoftimit, nga verifikimet paraprake dyshohet për rreth 33 milionë euro të padeklaruara. Në deklaratën e shpërndarë thuhet se Administrata Tatimore ka njoftuar më datë 29 mars, përmes rrjeteve sociale, që individët dhe subjektet të përmbushin detyrimet ligjore nëpërmjet vetëdeklarimit në DIVA 2024.

Në përfundim të njoftimit, Drejtoria e Përgjithshme e Tatimeve fton tatimpaguesit që nuk kanë reaguar ende, të kryejnë sa më shpejt këtë detyrim, për të shmangur penalitete dhe masa të tjera që mund të sjellë një hetim i thelluar.

POSTIMI:

Drejtoria e Hetimit ka nisur hetimin ndaj 100 individëve/subjekteve për të ardhurat e përfituara nga platformat sociale (Facebook; TikTok; YouTube; Instagram; Google; PayPal), ku nga verifikimet paraprake dyshohet për rreth 33 milionë euro të padeklaruara.

Administrata Tatimore ka njoftuar më datë 29 mars, përmes rrjeteve sociale, që individët dhe subjektet të përmbushin detyrimet ligjore nëpërmjet vetëdeklarimit në DIVA 2024.

Ftojmë tatimpaguesit që nuk kanë reaguar ende, të kryejnë sa më shpejt këtë detyrim, për të shmangur penalitete dhe masa të tjera që mund të sjellë një hetim i thelluar.

The post Drejtoria e Përgjithshme e Tatimeve nis hetim ndaj “VIP-ave” të TikTok-ut appeared first on Lapsi.al.

Ka nisur hetimi për 100 persona/subjekte, pasi nuk kanë deklaruar të ardhurat e përfituara nga rrjetet sociale. Sipas një njoftimi të Drejtorisë së Përgjithshme të Tatimeve, bëhet fjalë për rreth 33 milionë euro të padeklaruara, burimi i të cilave janë Facebook, TikTok, YouTube, Instagram, Google, PayPal.

“Drejtoria e Hetimit ka nisur hetimin ndaj 100 individëve/subjekteve për të ardhurat e përfituara nga platformat sociale (Facebook; TikTok; YouTube; Instagram; Google; PayPal), ku nga verifikimet paraprake dyshohet për rreth 33 milionë euro të padeklaruara!”, njofton Drejtoria e Përgjithshme e Tatimeve.

Sakaq, thirrje ka për të gjithë këta tatimpagues, që të përmbushin detyrimet e tyre sa më shpejt për të shmangur penalitetet.

“Administrata Tatimore ka njoftuar më datë 29 mars, përmes rrjeteve sociale, që individët dhe subjektet të përmbushin detyrimet ligjore nëpërmjet vetëdeklarimit në DIVA 2024.

Ftojmë tatimpaguesit që nuk kanë reaguar ende, të kryejnë sa më shpejt këtë detyrim, për të shmangur penalitete dhe masa të tjera që mund të sjellë një hetim i thelluar”, njofton Drejtoria e Përgjithshme e Tatimeve.

View this post on Instagram

A post shared by Drejtoria e Përgjithshme e Tatimeve (@dr.e_pergjithshme_e_tatimeve)

The post Nuk deklaruan 33 milionë euro të fituara nga rrjetet sociale, nis hetimi për 100 persona në vend appeared first on Sot News | Lajme.

Presidenti Donald Trump nënshkroi të enjten një urdhër ekzekutiv duke zgjatur afatin për kompaninë mëmë të TikTok për të shitur aplikacionin popullor të ndarjes së videove me 90 ditë.

Urdhri e shtyn afatin për ByteDance me seli në Kinë deri më 17 shtator. Afati më i fundit ishte e enjtja.

“Sapo kam nënshkruar Urdhrin Ekzekutiv që zgjat afatin për mbylljen e TikTok për 90 ditë (17 shtator 2025). Faleminderit për vëmendjen tuaj ndaj kësaj çështjeje!” shkroi Trump në një postim në Truth Social, duke bashkëngjitur një pamje të ekranit të urdhrit.

Sekretarja e Shtypit e Shtëpisë së Bardhë, Karoline Leavitt, konfirmoi më parë këtë javë se Trump planifikonte të nënshkruante një zgjatje tjetër, duke u thënë gazetarëve se presidenti “nuk dëshiron që TikTok të errësohet”.

“Kjo zgjatje do të zgjasë 90 ditë, të cilat Administrata do t’i kalojë duke punuar për të siguruar që kjo marrëveshje të mbyllet në mënyrë që populli amerikan të mund të vazhdojë të përdorë TikTok me sigurinë se të dhënat e tyre janë të sigurta dhe të mbrojtura”, tha Leavitt në një deklaratë të martën.

Vetë Trump la të kuptohej për zgjatjen në fillim të kësaj jave.

Kur u pyet nëse do t’i jepte platformës popullore të ndarjes së videove një zgjatje tjetër të afatit të hënën, presidenti u tha gazetarëve në bordin e Air Force One: “Ndoshta, po”.

“Ndoshta duhet të marrim miratimin e Kinës, por mendoj se do ta marrim”, tha Trump ndërsa po kthehej nga samiti i Grupit të Shtatë në Kanada. “Mendoj se Presidenti Xi [Jinping] përfundimisht do ta miratojë atë.”

Urdhri i pritur do të shënojë zgjatjen e tretë nga Trump që kur ai mori detyrën në janar.

Ligji që kërkon që kompania mëmë e TikTok, ByteDance, me seli në Kinë, të largohet nga platforma ose të përballet me një ndalim në rrjetet dhe dyqanet e aplikacioneve amerikane u nënshkrua nga ish-  Presidenti Joe Biden  vitin e kaluar.

1 of 3

LEXONI GJITHASHTU:

• Irani: Ndërhyrja e një pale të tretë do shkaktonte reagim të menjëhershëm
• Hegseth: Ushtria amerikane është e gatshme ta zbatojë çdo vendim të Trump për Iranin

The post Trump nënshkruan urdhrin, zgjatet afati i ndalimit të TikTok appeared first on Euronews Albania.

Kryebashkiaku Erion Veliaj në platformën sociale “Tik Tok” ka publikuar një tjetër video më përmbajtje ironizuese, kësaj here ndaj vendimit të GJKKO për lënien e tij në qeli. Veliaj shprehet ironikisht se po lutet që drejtësia të bëjë punën e saj, ndërsa shton se nuk ka asnjë ndryshim në masat e arrestimit sërish.

“Nuk po humbasim shpresën dhe po lutemi që drejtësia të bëjë punën e saj. Asnjë ndryshim në masat e arrestimit sërish. Vërtet mendoni se jam kaq i rrezikshëm? Do të ofendohesha nëse nuk do të më bëhej qejfi. Viti 2025 më bëri të ndihem si një kërcënim papritmas, po e mbaj shënim” shkruan Veliaj krahas pamjeve të postuara në platformën “Tik Tok”.

Në seancën e fundit, Gjykata e Posaçme la në fuqi arrestin me burg për kryebashkiakun e Tiranës, Erion Veliajn. Avokati i kryebashkiakut të Tiranës kërkoi zëvendësimin e masës dhe ofroi garanci pasurore, por kërkesa nuk u pranua nga togat e zeza. Prokuroria e Posaçme paraqiti si argument të ri në seancë, faktin se apartamenti mbi shtëpinë e kryebashkiakut zotërohet në mënyrë të tërthortë nga çifti Xoxa-Veliaj.

Kryebashkiaku i Tiranës Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale” dhe “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”. Bashkëshortja e kryebashkiakut, Ajola Xoxa është lënë në masë sigurimi “detyrim paraqitje”.

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.

The post “Vërtet mendoni se jam kaq i rrezikshëm?”/ Veliaj vijon me postimet ironizuese në Tik Tok: 2025 më bëri të ndihem si… appeared first on Sot News | Lajme.

Gjykata e Posaçme për Korrupsion dhe Krim të Organizuar la në fuqi masën e sigurisë “arrest me burg” ndaj kryetarit të Bashkisë së Tiranës, Erion Veliaj, i cili po hetohet në kuadër të hetimeve të SPAK për aferën e inceneratorit të Tiranës. Vendimi u dha të martën, pas shqyrtimit të kërkesës së mbrojtjes për ndryshimin e masës së sigurisë në “arrest shtëpie” ose “detyrim paraqitjeje”, kërkesë që u rrëzua nga trupa gjykuese.

Pas vendimit të gjykatës, Veliaj ka reaguar përmes platformës TikTok për të shprehur pakënaqësinë e tij me një ton ironik. “Nuk po humbasim shpresën dhe po lutemi që drejtësia të bëjë punën e saj. Asnjë ndryshim në masat e arrestimit sërish. Vërtet mendoni se jam kaq i rrezikshëm? Do të ofendohesha nëse nuk do të më bëhej qejfi. Viti 2025 më bëri të ndihem si një kërcënim papritmas, po e mbaj shënim” shkruan Veliaj.

Kjo është hera e parë që një kryebashkiak në detyrë mbahet në paraburgim për një çështje që lidhet me ushtrimin e funksionit publik dhe për të cilën SPAK ka paralajmëruar se hetimet janë në fazën përmbyllëse.

Veliaj akuzohet për korrupsion, për fshehje të pasurisë, për pastrim parash në lidhje me disa pagesa që disa ndërtues kanë kryer drejt organizatave jofitimprurëse që kontrolloheshin nga bashkëshortja e tij Ajola Xoxa.

The post “Vërtetë mendoni se jam kaq i rrezikshëm?” Veliaj ironi me vendimin e GJKKO appeared first on Lapsi.al.

Rrjetet sociale kanë kohë që janë kthyer në pjesë të pandashme të jetës sonë, por sidomos për brezin e ri ato janë më shumë se thjesht platforma, janë hapësira për të shprehur identitetin, për të ndërtuar influencë dhe për të ndjekur çdo trend të ri. Por pyetja që shtrohet sot është: Kush po mbizotëron mes […]

The post TikTok apo Instagram: Cili platformë po dominon mes të rinjve shqiptarë? appeared first on BoldNews.al.