Në seancën e sotme plenare, Kuvendi pritet të miratojë ngritjen e Nënkomisionit për Zhvillim të Qëndrueshëm me shtatë anëtarë, edukimi dhe formimi arsimor i të cilëve zbulon mospërputhje të thellë me fushën e përgjegjësisë së nënkomisionit. Nisma e propozuar nga deputetja Anila Denaj (PS), synon realizimin e objektivave për zhvillim të qëndrueshëm dhe agjendën 2030 të OKB-së, të tilla si ndryshimet klimatike, mbrojtja e ekosistemeve tokësore dhe mbrojtja e oqeaneve. Asnjë prej deputetëve të propozuar [Ilva Gjuzi (PS), Blendi Himçi (PD), Besa Spaho (PS), Klevis Jahaj (PS), Bora Muzhaqi (PS), Klodiana Çapja (PD), Kliti Hoti (PD)] nuk rezulton të jetë diplomuar, apo arsimuar në Fakultetin e Shkencave të Natyrës, ose në Universitetin Bujqësor të Tiranës, si të vetmet institucione që mund të ofrojnë ekspertizën e duhur për vendime të qëndrueshme dhe racionale në favor të realizimit të objektivave 2030.

Nënkomisioni i ri varet nga Komisioni i Përhershëm Parlamentar për Burimet Natyrore, Infrastrukturën dhe Zhvillimin e Qëndrueshëm, që për fat të keq manifeston të njëjtën mospërputhje të kontekstit arsimor të dymbëdhjetë deputetëve-anëtarë të tij.

Komisionet e përhershme parlamentare, krahas  shqyrtimit paraprak të projektakteve, monitorojnë dhe funksionimin e ministrive. Kësisoj, komisioni dhe nënkomisioni i përhershëm për Zhvillimin e Qëndrueshëm mbulojnë çështje të energjisë, biodiversitetit dhe mbrojtjes së mjedisit. Rrjedhimisht, funksionimi i tyre ndikohet, jo vetëm nga qëndrimet politike, por edhe nga sfondi arsimor i deputetëve-anëtarë. Nëse arsimimi i tyre nuk përputhet me fushën e ekspertizës së komisionit, ekziston rreziku i vendimmarrjeve të komanduara politikisht dhe ideologjikisht mbi çështje thellësisht dhe qartësisht shkencore dhe racionale.

Shqipëria ka një ndarje gjinore parlamentare të kënaqshme, krahasuar me disa prej vendeve te BE. Por duket se nuk ka rregulla për ndarjen e deputetëve nëpër komisione në varësi edhe të sfondit arsimor të tyre. Prej kohësh, në ligjin zgjedhor janë vendosur kuota të detyrueshme për të garantuar një përfaqësim të ekuilibruar gjinor në jetën dhe vendimmarrjen politike. Vetë Kuvendi, nëpërmjet shërbimeve të tij, ofron të dhëna për deputetët. Por këto janë të varfëra, pasi kufizohen në raportimin e statistikave sipas gjinisë dhe grup-moshave, por asnjëherë mbi formimin dhe sfondin arsimor të deputetëve.

Konkretisht, anëtarët e propozuar të nënkomisionit për Zhvillim të Qëndrueshëm (gjithsej shtatë) që pritet të miratohet në seancën e sotme plenare (edhe si pjesëmarrës për herë të parë në një legjislaturë) janë inxhinierë ndërtimi, juristë, arkitektë, financierë (mes tyre edhe një mjek). Kështu, ekspertiza e tyre nuk përputhet me ekspertizën e nënkomisionit. Si mundet një deputet – inxhinier ndërtimi – të marrë vendime të qëndrueshme për pyjet pa i njohur ato?! Si mundet të mbrojë oqeanet dhe burimet detare një financier?!

Historikisht, partitë politike, por edhe organizatat jofitimprurëse mbështetëse të tyre, nuk kanë zhvilluar programe për diversifikimin e formimit arsimor dhe ngritjen e përfaqësimit shkencor të listës së kandidatëve për deputetë. Listat shumë emërore me renditje të fiksuar, të ashtuquajtura “të mbyllura” mund të shërbenin për të kontrolluar personalitetin profesional të kandidatëve për deputetë, por në të vërtetë, ato kanë shërbyer si streha për të grumbulluar kandidatë të besuar politikë. Ndaj dhe shpërndarja nëpër komisione i shërben së njëjtës logjikë.

Monitorimi dhe vlerësimi i vazhdueshëm i formimit arsimor të deputetëve ndikon drejtpërdrejt në zbehjen e diktatit politik dhe ideologjik në vendimmarrje, duke i bërë deputetët më të pavarur dhe demokracinë më funksionale. Dhe këtu nuk është fjala që të imponosh kuota të pabazuara në meritokraci, por për të kundërtën e saj: për të mbështetur një meritokraci të papërfaqësuar. Kjo do të rrisë besimin e publikut ndaj përfaqësuesve të tyre në Kuvend.

The post Deputetë të rastësishëm në tryezat e komisioneve! appeared first on Citizens.al.

Nga Boldnews.al Prokuroria Speciale kërkoi shtrëngimin e prangave në duart e zëvendëskryeministres dhe Ministres së Infrastrukturës Belinda Balluku, por prej më shumë se një muaji që nga nisja e kërkesës për autorizim nga Parlamenti për arrestimin e saj, ka lidhur veten, duke kuptuar pafuqinë para supërmacisë qeveritare, por edhe vetë personazhit Balluku. Ajo i ka […]

The post Balluku vendos në rresht Parlament e Kushtetuese appeared first on BoldNews.al.

Kuvendi miratoi në orët e para të mëngjesit të së mërkurës, një paketë të gjerë ndryshimesh në Kodin Penal. Qeveria i paraqiti ato si “harmonizim me standardet evropiane”. Por në praktikë, ndryshimet prodhuan forcim selektiv të shtetit ndëshkues, përmes një procesi të shpejtë dhe politikisht të mbyllur.

Paketa u votua rreth orës 03:00 të mëngjesit, vetëm me votat e shumicës socialiste. Ajo përfshinte rreth 50 ndryshime dhe shtesa në Kodin Penal, mes tyre edhe dekriminalizimin e pjesshëm të shpifjes, përmes ndryshimit të Nenit 120.

Kodi Penal, i miratuar fillimisht në vitin 1995, ka pësuar tashmë 26 ndërhyrje në 31 vite. Dhjetë prej tyre kanë ardhur pas vendimeve të Gjykatës Kushtetuese. Frekuenca e ndryshimeve tregon për mungesën e stabilitetit dhe vizionit afatgjatë.

Ndryshimet e fundit qenë propozuar në tetor 2025. Ato pasuan draftin e një Kodi të ri Penal, prezantuar në korrik nga Ministria e Drejtësisë. Drafti i Kodit të ri u përball me kritika të forta nga juristë, akademikë, media dhe shoqëria civile dhe për rrjedhojë qeveria e tërhoqi pa e çuar në Kuvend.

Kështu, në vend të një reforme të plotë, shumica zgjodhi rrugën e arnimeve. Ndryshime të pjesshme, të shpërndara dhe pa një debat të gjerë publik. Pyetja mbetet: A përmbush kjo qasje pritshmëritë e integrimit evropian? Sipas qeverisë, po, por rruga e ndjekur nuk bind.

Edhe pse në mandatin e katërt, shumica socialiste shmang ende kostot politike të një Kodi të ri Penal. Një reformë e tillë kërkon debat, konsensus dhe balancë mes sigurisë publike dhe të drejtave themelore. Elemente që munguan në procesin e fundit të përmbyllur mëngjesin e së mërkurës.

Çfarë përfshijnë ndryshimet?

Paketa zgjeroi juridiksionin penal për shtetasit e huaj rezidentë në Shqipëri, edhe për vepra pjesërisht të kryera jashtë territorit. U përjashtuan nga parimi i “dënueshmërisë së dyfishtë” disa krime të rënda, përfshirë trafikun e qenieve njerëzore dhe abuzimin seksual me të mitur.

Pati rishikime dhe nene specifike për të luftuar terrorizmin. Ndërkohë, u shtuan dënime plotësuese në rastet e refuzimit të ekstradimit dhe ndalimin e ushtrimit të profesioneve që përfshijnë kontakt me fëmijët për persona të dënuar për vepra penale. U forcuan ndëshkimet për pornografinë, shfrytëzimin dhe krimet seksuale ndaj të miturve, me dënime që shkojnë deri në 20 vjet burg.

Një ndryshim domethënës ishte heqja e (pikës 7 të Nenit 28) mundësisë për ulje ose përjashtim nga dënimi për anëtarët e grupeve kriminale, edhe kur bashkëpunimi i tyre mund të jetë vendimtar për zbardhjen e veprimtarisë kriminale. Ky hap ngre pikëpyetje mbi efektivitetin e hetimeve komplekse dhe vetë luftën ndaj krimit të organizuar.

Në të njëjtën paketë, u përfshi edhe një nen i posaçëm (Neni 143/a/8) për “Mashtrimet që prekin interesat financiare të Bashkimit Evropian”. Keqpërdorimi i fondeve të BE-së tashmë dënohet me burgim deri në 5 vjet, ose deri në 10 vjet kur shuma e keqpërdorur kalon 50 mijë eurot.

Por pa zbardhjen dhe ndëshkimin e rasteve konkrete, veçanërisht atyre që lidhen me fondet IPARD, ky nen rrezikon të mbetet deklarativ. Një sinjal formal drejt BE-së, më shumë sesa një mjet real llogaridhënieje.

Neni në fjalë do të mbetet si njollë e turpshme e abuzimeve.

Shpifja, gazetarët dhe parkimi dysh

Paketa dekriminalizoi pjesërisht (Nenin 120) shpifjen, por vetëm për një kategori të paqartë “gazetarësh të regjistruar dhe të njohur”. Fyerja do të vijojë të mbetet vepër penale. Kështu qeveria duket se po synon të krijojë një regjim të dyfishtë mbrojtjeje duke hapur rrugë për interpretime selektive.

Cilësimi “i njohur” dhe me “regjistër” për gazetarët lë vend për një zhvillim paralel në kuptimin e kërkesës së mundshme për licencim apo të një lloji “Urdhri të gazetarit” apo “punonjësve të medias”.

Kjo shihet si një mënyrë për ta kufizuar lirinë e shprehjes, pasi gazetarët e lirë, ose qytetarët e angazhuar, apo sinjalizuesit që do të shprehen për çështje të caktuara, do të vijojnë të përballen me format penale të “shpifjes”.

Paralelisht, dhuna ndaj gazetarëve tashmë do të trajtohet si “goditje për shkak të detyrës” (Neni 237), me dënime nga një deri në pesë vjet burg. Sigurisht, një masë pozitive, por e shoqëruar me një mekanizëm problematik të përkufizimit të gazetarit lë vend për interpretime.

Kështu, në praktikë, shteti shmang dekriminalizimin e plotë të shpifjes dhe mban sërish në dorë instrumentet e presionit ligjor.

Por problemi i paketës nuk qëndroi vetëm te çfarë nuk dekriminalizoi, por edhe te çfarë zgjodhi të kriminalizojë.

Mes ndryshimeve u përcollën dispozita që e shtrijnë dorën e Kodit Penal në sjellje të përditshme, të cilat deri dje trajtoheshin administrativisht, pra me gjoba.

(Neni 293/1) “Pushimi i mjetit në karrexhatë në rresht të dytë” tashmë do të trajtohet me masa më të ashpra penale.

Në një vend ku ka mungesë të theksuar infrastrukture parkimi, rregullimi penal i këtij fenomeni u shfaq si zëvendësim i politikës edukuese dhe planeve afatgjata urbane me një politikë ndëshkuese.

Ky është thelbi i problemit: Qeveria po përdor Kodin Penal për të kompensuar dështimet e saj në administrimin publik.

Në vend të zgjidhjeve strukturore, ajo zgjedh të tutelojë qytetarët përmes frikës së ndëshkimit “me gjobë ose një vit burg”.

Amendamenti që nuk kaloi

Në fund të seancës u diskutua propozimi i bërë një ditë më parë nga deputeti socialist Erion Braçe për ashpërsimin e (Nenit 288) ndëshkimeve ndaj shitjes së duhanit dhe cigareve elektronike për të miturit.

Amendamenti parashikonte gjoba deri në 500,000 lekë dhe burgim deri në 16 vjet në rastet kur tregtia sillte si pasojë vdekjen.

Propozimi nuk u mbështet nga shumica socialiste, e cila abstenoi. Në një paketë që nuk heziton të kriminalizojë parkimin në rresht të dytë, mbrojtja penale e shëndetit të të miturve u la jashtë.

Ky kontrast ekspozon natyrën selektive të reformës, ose mungesës së diskutimeve të gjera për ndërhyrje.

Kodi Penal nuk forcohet aty ku interesi publik është i pakontestueshëm, por aty ku shteti kërkon kontroll dhe veprim të shpejtë.

Në këtë panoramë, ndryshimet e fundit nuk përbëjnë një reformë penale. Ato janë një seri masash ndëshkuese, të mbledhura nën flamurin e “harmonizimit evropian,” por të udhëhequra nga logjika e menaxhimit politik të rrezikut.

Kodi Penal po shndërrohet gradualisht në një instrument për të mbuluar dështimet e politikave publike. Sa më pak funksionon shteti, aq më shumë zgjerohet qasja ndëshkuese me shtojca nenesh.

Në këtë kuptim, votimi i mëngjesit të hershëm të së mërkurës nuk është fundi i këtij debati. Kodi i ri Penal do të vijë sërish për t’u diskutuar, por arnat janë sinjali se Shqipëria po vijon fazën ku ligji penal përdoret si zëvendësim i qeverisjes dhe jo si mjeti fundit i aplikimit të drejtësisë.

Lexoni gjithashtu:

• Propozimi i qeverisë: “Gazetarë me regjistër dhe dekriminalizim i pjesshëm i shpifjes”
• 18 organizata kërkojnë dekriminalizimin e plotë të shpifjes dhe fyerjes
• Dekriminalizimi i shpifjes, si fund i dialogut media-qeveri

The post 50 ndryshime, pa reformë: Kodi Penal si mjet kontrolli appeared first on Citizens.al.

Le të votojmë për birin e dëshmorit të UÇK-së nga Kosova, Mustafë Qorraj

Në restorantin “Cielo” me një dekor elegant dhe i njohur për ngjarje të veçanta, shqiptari nga Kosova Shpetim Tim Qorraj hapi fushaten per t’u zgjedhur në Parlamentin e Nju Jorkut.

Shpëtim Tim Qorraj, biri i dëshmorit të UÇK-së nga Kosova, Mustafë Qorraj është kandidat për në Asamblenë e shtetit të Nju Jorkut. Në këto mjedise ishin personalitete të njohura shqiptare, shqiptarë të thjeshtë dhe lider në komunitet për ta mbështetur kandidaturën e tij.

Në hapjen e fushatës ndodheshin Imam dhe Kapelan i NYPD-së Tahir Kukaj, Fitim Shabani, Anëtar i Komitetit Shtetëror për 63 AD, Dritan Gashi, Albert Salaj, Kastriot Blakaj, Fatmir Frank Sela, Hakim Budzaku, Aktivisti Belul Qoku, anëtarë të shoqatës “Kosova” dhe shumë pronarë biznesesh. të cilët me dashamirësinë më të madhe iu ndodhën pranë këtij biri të denjë të Diasporës dhe të Kosovës. Në këtë fushatë kishte dhe shumë amerikanë që janë zgjedhësit e tij.

Në ceremoni nderonte me pjesëmarrjen e tij Ansambleisti Charles Fall, i cili e prezantoi Tim Qorraj me plot kulturë dhe nderim. Ai është Kryetar i Partisë Demokratike të Qarkut Richmond, ndihmës udhëheqës i shumices dhe përfaqëson Distriktin e 61-të të Asamblesë së Nju Jorkut dhe që mbulon Bregun Verior të Staten Island, ku ai ka banuar gjithë jetën e tij.

Cliff Hagen, Sekretar Ekzekutiv për Partinë Demokratike të Qarkut Richmond, Bianca Rajpersaud, Udheheqëse e Distriktit Femëror për 63 AD për Partinë Demokratike të Qarkut Richmond dhe Menaxhere e Fushatës për Tim for Assembly

John Bonavita, Anëtar i Komitetit Ekzekutiv për Partinë Demokratike të Qarkut Richmond dhe anëtar i ATU 726, Halle Vitaliano, Kryetare e Komitetit të Fushatës për Partinë Demokratike të Qarkut Richmond dhe Menaxhere e Mediave Sociale për Tim for Assembly, Mark Murphy, Udhëheqës Komuniteti dhe ish-kandidat për President të Qarkut SI

Prania, energjia dhe inkurajimi i tyre natyrisht që e frymëzojnë për të ecur më tej për të fituar zgjedhjet.

Motoja e kandidatit të ardhshëm është vendosja e komunitetit tonë në vend të parë dhe ndërtimin e një Distrikti të Asamblesë së 64-të më të sigurt, më të fortë dhe më të qëndrueshëm.

Ne i urojme shumë suksese Shpetim Tim Qorraj për të fituar zgjedhjet si Asambleist i shtetit të Nju Jorkut dhe ju ftojmë të jemi së bashku për ta mbështetur kandidaturën e tij.

Nga fjala e kandidatit Shpetim Tim Qorraj në hapjen e fushatës për t’u zgjedhur në Parlamentin e Nju Jorkut

Mirëdita të gjithëve,

Faleminderit nga zemra për të qenit këtu sot. Faleminderit familjes time, miqve, ekipit tim të fushatës, udhëheqësve të komunitetit tonë, fqinjëve dhe çdo personi që erdhi për të mbështetur këtë moment. Prania juaj ka më shumë kuptim për mua sesa fjalët mund ta shpjegojnë.

Sot nuk është dita vetëm për një fushatë. Sot është për shpresë, mundësi, dhe besimin që njerëzit e zakonshëm mund të bëjnë gjëra të jashtëzakonshme kur punojmë së bashku.

Emri im është Tim Qorraj, dhe unë jam kandidat për anëtarin tuaj të ardhshëm të Asamblesë së Shtetit të Nju Jorkut për distriktin e 64-të.

Për ata prej jush që nuk më njohin, kam lindur në Kosovë, në një fshat të vogël të rrethuar nga njerëz të mrekullueshëm.

Jam rritur në kohë të vështira, në një vend të copëtuar nga lufta. Por edhe në ato ditë të vështira, jam rritur me vlera të forta si respekti, mirësia, puna e palodhur dhe dashuria për familjen dhe komunitetin.

Vetëm në moshën 13-vjeçare, e humba babanë tim gjatë luftës. Ai ishte luftëtar për liri dhe komandant, duke luftuar për njerëzit dhe tokën e tij për liri dhe demokraci.

Të humbësh babain në moshë të re ishte e vështirë, por në vend që të më thyente, më bëri më të fortë. Më mësoi se jeta është e çmuar dhe se duhet të përdorim kohën tonë për të bërë diçka të rëndësishme. Në vitin 2011, erdha në Shtetet e Bashkuara me një ëndërr, si shumë emigrantë para meje. Erdha me shpresë, pa para, por me vlera të forta dhe një vullnet të fortë për të punuar. Kur erdha për herë të parë në Amerikë, fillova në Bar Harbor, Maine, një shtet i madh me njerëz të mrekullueshëm dhe aty gjeta dashurinë. Takova gruan time, Kathleen, një bijë e US Marines dhe veteran i Vietnamit. Së bashku me gruan time ndërtuam një familje të bukur këtu në Staten Island. Jemi të bekuar me dy djem të mrekullueshëm, Ronan dhe Bren. Çdo ditë, kur i shikoj ata, më kujtohet pse punoj fort dhe pse vrapoj, për t’u dhënë atyre dhe të gjithë fëmijëve tanë një të ardhme më të mirë. Zemra ime ka qenë gjithmonë me komunitetin. Në Staten Island, veçanërisht brenda komunitetit shqiptar dhe më tej, kam punuar në shumë ngjarje, kam bashkuar njerëzit, kam mbështetur familjet, dhe ndërtoj ura midis kulturave, udhëheqësve dhe fqinjëve. Besoj thellësisht në unitet. Besoj se kur qëndrojmë së bashku, jemi më të fortë. Pra, pse po garoj? Po garoj sepse familjet punëtore meritojnë një zë të fortë. Po garoj sepse fqinjët tanë meritojnë të ndihen të sigurt në shtëpitë e tyre. • Forcat tona të zbatimit të ligjit kanë nevojë për mbështetjen tonë. Ata kanë nevojë për më shumë personel dhe mjete më të mira për të mbajtur komunitetet tona të sigurta, dhe unë do të luftoj dhe të avokoj për ta. Po garoj sepse fëmijët tanë meritojnë shkolla të shkëlqyera. Shkollat tona kanë nevojë për më shumë staf, më shumë hapësirë, dhe masa më të forta sigurie, duke përfshirë më shumë agjentë sigurie në shkolla. Unë do të luftoj për këtë. Po garoj sepse bizneset e vogla meritojnë mbështetje. Dhe po garoj sepse sistemet tona të transportit, arsimit dhe kujdesit shëndetësor duhet të funksionojnë për njerëzit.

Staten Island ka transportin publik më të ngadaltë dhe disa nga tarifat më të shtrenjta. Unë do të luftoj për transport publik më të mirë që të jetë më i shpejtë, më i besueshëm dhe më i përballueshëm.

Projekti i murit detar

Ne duhet të ecim përpara me projektin e murit detar për të mbrojtur lagjet tona. Familjet tona meritojnë të ndihen të sigurta, dhe nuk mund të lejojmë një tjetër katastrofë si Uragani Sandy të shkatërrojë shtëpitë, familjet dhe prona tona përsëri. Unë do të luftoj që kjo të bëhet realitet.

Dua të jem një lloj udhëheqësi që dëgjon, i cili ecën në rrugët e distriktit dhe njeh njerëzit me emër.

Një udhëheqës që punon me të gjithë, pa marrë parasysh partinë, për të arritur rezultate reale.

Distrikti i Asamblesë i 64 është plot me njerëz punëtorë, emigrantë, familje punëtore, të moshuar, veteranë dhe profesionistë të rinj, të gjithë me ëndrrat e tyre.

Ju meritoni një anëtar të asamblesë që kupton kuptimin e punës së vështirë, sepse asgjë nuk më është dhënë, që e di çfarë do të thotë të fillosh nga asgjëja, dhe që nuk e ka harruar asnjëherë prejardhjen e tij.

Kjo fushatë nuk bëhet fjalë për mua, bëhet fjalë për ne. Bëhet fjalë për familjet tona. Fëmijët tanë. Të ardhmen tonë. Ju kërkoj sot: mbështetni fushatën që do të sjellë ndryshim të vërtetë në komunitetin tonë. Bëhuni vullnetar. Dhuroni. Tregoni familjes dhe miqve tuaj që jetojnë në lagje të votojnë për dikë që i intereson mirëqenia e komunitetit tonë. Së bashku, mund të ndërtojmë një komunitet më të sigurt dhe më të fortë. Së bashku, mund të krijojmë mundësi. Së bashku, mund të bëjmë ndryshim të vërtetë. Faleminderit që besuat tek unë. Faleminderit që besuat tek ne. Dhe le të fillojmë punën.

Zoti e bekoftë Shtetet e Bashkuara të Amerikës.

Zoti e bekoftë qytetin tonë të madh. /Telegrafi/

Ministri i Punëve të Brendshme, Pançe Toshkovski, ka theksuar se vendimi për aktivizimin e sistemit "Safe City" është një vendim që mbron drejtpërdrejt jetën dhe sigurinë e qytetarëve.

“Votimi i i Ligjit për Kundërvajtje është një konfirmim i qartë se kur ka guxim politik dhe përgjegjësi, mund të merren vendime që mbrojnë drejtpërdrejt jetën e qytetarëve. Mirënjohje e sinqertë për të gjithë deputetët që mbështetën ligjin dhe treguan se siguria në trafik, mbrojtja e jetës njerëzore dhe interesi publik janë më të rëndësishme se politika ditore. Me këtë vendim, Parlamenti dërgoi një mesazh të fortë se shteti më në fund po ndërmerr hapa sistematikë kundër kaosit në trafik dhe humbjes së pakuptimtë të jetëve njerëzore”, tha Toshkovski.

Toshkovski falemnderoi qytetarët, duke theksuar se në periudhën e testimit kanë treguar rezultate ndërgjegjësuese.

“Falënderime të veçanta për qytetarët. Gjatë periudhës së testimit, ata treguan se dinë, munden dhe duan të jenë pjesë e zgjidhjes. Duke ndryshuar sjelljen e tyre në trafik, duke respektuar rregullat dhe duke rritur ndërgjegjësimin, qytetarët kontribuan drejtpërdrejt në një siguri më të madhe dhe në uljen e aksidenteve rrugore, lëndimeve dhe viktimave. “Qyteti i sigurt” nuk është një sistem për ndëshkim, por një sistem për shpëtimin e jetëve, ndërsa pikërisht qytetarët janë ata që e kuptuan të parët këtë”, theksoi Toshkovski.

Kujtojmë se dje me 81 vota “për” dhe 19 “kundër” dhe pa të përmbajtur Kuvendi e votoi Ligjin për ndryshime dhe plotësime të Ligjit për kundërvajtje, me procedurë të shkurtuar. Me këtë hapet rruga që nga 1 shkurti të fillojë sistemi për regjistrim automatik dhe sanksionim të kundërvajtjeve.

Në fjalën e tij në mbledhjen e grupit parlament, kryesocialisti Rama I qartë ndaj të vetëve, ndërsa u tha se ribraktisja e territorit nuk është opsion për forcën politike që ai drejton, ndërsa theksoi se 83 mandatet e fituara në zgjedhje janë një detyrim ndaj shqiptarëve

“Duhet të vendosim piketat për godinën e re të parlamentit të Shqipërisë. Deputetët duhet ndërkohë të mos e ndërpresin, por ta artikulojnë edhe më mirë punën që nisi pas zgjedhjeve në territor.

Ribraktisja e territorit nuk duhet dhe nuk mund të jetë opsion për këtë grup parlamentar. Dua ta theksoj këtë pasi besoj që 83 mandatet e kërkojnë këtë me një ngulm të panjohur më parë.

imponojnë shumë gjëra për këtë forcë politike, në fund të 2027 të dalim para atyre që na votuan duke thënë e bëmë atë për të cilën nga dhanë votën. Pastaj detyra tjetër është pjesa e këmbënguljes me të gjitha qytetet e Europës të bëjnë ratifikimet për të anëtarësuar Shqipërinë në BE.” u shpreh Rama./abcnews.al

TIRANË, 16 janar /ATSh/ Grupi parlamentar i Partisë Socialiste hapi sot vitin e ri kuvendor, me mbledhjen ku Kryeministri dhe kryetari i PS-së Edi Rama vendosi piketat e punës së sezonit të ri.

Në fjalën e tij, kryeministri Edi Rama, njëkohësisht kryetar i Partisë Socialiste u ndal edhe tek administrata e Kuvendit, e cila duhet të modernizohet. Rama gjithashtu nënvizoi se do të nisë puna për godinën e re të Kuvendit.

“Administrata e Kuvendit, duhet të modernizohet dhe të mbështetet nga një transformim i rëndësishëm teknologjik, punë për të cilën do të flasë Kryetari dhe nga ana tjetër duhet të vendosim edhe piketat në një kalendar të qartë, për godinën e re të parlamentit të Shqipërisë. Të gjitha këto shkojnë bashkë në të njëjtin drejtim dhe natyrisht që asnjëra nga këto nuk pengon një pjesë të madhe të punës qe bëjmë po të gjitha këto bashkë ndihmojnë për t’i dhënë më shumë hapësirë dhe energji pozitive punës së deputetëve të cilët duhet”, tha Rama.

Kreu i qeverisë kërkoi nga deputetët socialistë që të jenë sa më shumë të pranishëm në terren.

Rama tha se braktisja e territorit si zakonisht në të shkuarën nuk duhet dhe nuk mund të jetë një opsion për këtë grup parlamentar, ndërsa theksoi se përmbyllja e negociatave duhet bërë në vitin 2027.

“83 mandatet e kërkojnë këtë me një ngulm të panjohur më parë, 83 mandate imponojnë shumë gjëra për këtë forcë politike duke filluar nga detyrimi që fundin e 2027 të dalim para atyre që na i dhanë 83 mandate, dhe të tjerëve që nuk na votuan dhe t’u themi se ne e bëjmë atë për të cilën u kërkuam votën i mbyllëm negociatat me BE. I mbaruam detyrat tona”, tha Rama.

“Detyra tjetër është sigurisht pjesa e këmbënguljes politike me gjithë kryeqytet e Evropës me gjithë parlamentet qeveritë të bëjnë ratifikimet për të anëtarësuar Shqipërinë në BE”, përfundoi Kryeministri Edi Rama.

/m.q/j.p/

The post Rama: Nisim punën për ndërtimin e godinës së re të Kuvendit appeared first on Agjencia Telegrafike Shqiptare.

Pas skenave në seancën e fundit të këtij viti, Parlamenti i Shqipërisë ka marrë vëmendjen e CNN. “Skena të tensionuara u regjistruan brenda Parlamentit shqiptar, ku deputetët e opozitës u përplasën mes tyre gjatë një proteste të ndezur për akuza korrupsioni ndaj zëvendëskryeministres Belinda Balluku. Balluku i ka hedhur poshtë akuzat, duke i cilësuar ato si “baltosje, insinuata…

Source

Kryetari i Grupit Parlamentar të Partisë Demokratike, Gazment Bardhi, ka akuzuar qeverinë për korrupsion duke kërkuar vënien para drejtësisë të zyrtarëve të lartë. “Hajdutët e kanë vendin në burg dhe jo në Qeveri. Parlamenti nuk mund të jetë streha e qeveritarëve të korruptuar”, shkruan Bardhi në një status në FB, duke theksuar se institucionet duhet […]

The post “Dorëzoni Ballukun”/ Bardhi: Parlamenti nuk mund të jetë strehë për të korruptuarit appeared first on BoldNews.al.

Në Parlamentin e Bullgarisë ka ndodhur një situatë e pakëndshme e cila madje u transmetuar direkt në mediat e atjeshme.

Bëhet fjalë për një sulm fizik që ndodhi mes ligjvënësve nga pozita dhe partitë opozitare, transmeton Telegrafi.

Madje në një moment njëri prej tyre e godet një tjetër më grusht në fytyrë – duke i detyruar të pranishmit e tjerë të ndërhyjnë për ta qetësuar situatën.

Gjithçka ndodhi derisa po debatohej në Parlamentin bullgar për buxhetin – duke nxitur një përplasje pozitë-opozitë.

Në një moment njëri nga deputetët e godet me shqelm një tjetër dhe më pas e vazhdojnë me grushte.

E për ta qetësuar situatën, të pranishmit nxjerrin nga salla deputetin që sulmohet. /Telegrafi/

- YouTube www.youtube.com

Me pankarta në duar, aktivistë të lëvizjes “Bashkë” po protestojnë kundër buxhetit që po diskutohet në Parlament. Qori u shpreh se prioritetet e vendit nuk po trajtohen siç duhet, duke përmendur se rritja e pagave për gjyqtarë, ministra dhe deputetë nuk është ajo që i nevojitet Shqipërisë në këtë moment. Një tjetër arsye e protestës […]

The post Video/ Aktivistë të lëvizjes “Bashkë” protestë para Kuvendit kundër buxhetit appeared first on BoldNews.al.

TIRANË, 7 dhjetor /ATSH/ Në Teatrin e Kukullave është hapur një hapësirë e re kushtuar Parlamentit të parë shqiptar.

Kryeministri Edi Rama ndau sot foto nga ekspozita e cila, siç u shpreh ai, sjell një udhëtim kronologjik me fotografi, dokumente dhe projekte arkitektonike, duke rikthyer fillesat e parlamentarizmit shqiptar.

Teatri Kombëtar i Kukullave festoi 75-vjetorin e krijimit, një jubile që shënon historinë e një institucioni të dashur për breza të shumtë fëmijësh.

I themeluar më 6 dhjetor 1950, në godinën e ndërtuar në vitin 1925, e cila dikur ka qenë selia e parë e Parlamentit shqiptar, Teatri i Kukullave vijon të mbetet shtëpia më e dashur e artit për të vegjlit.

Artistët që i kanë dhënë jetë këtij institucioni ndër vite kujtojnë me emocion rrugëtimin e gjatë të teatrit.

Për të shënuar këtë 75-vjetor, Teatri i Kukullave ka përgatitur një program të gjerë festiv, ndriçimin e pemës së fundvitit, si dhe hapjen e ambienteve të reja muzeale për fëmijë dhe të rritur.

Deri më 30 dhjetor, fëmijët do të mund të ndjekin shfaqje falas, ndërsa vizitorët do të përfitojnë guida muzeale pa pagesë.

Me këtë rast kujtohen figurat e para që ngritën artin e kukullës në Shqipëri: Zija Grapshi, Xhavit Xhepa, Xhavit Sallaku, Lorenc Pepa, Mirketa Çobani, Zef Kurti, Eva Pëllumbi, Melpomeni Çobani, Bakie Baboçi, Shegushe Bebeti e shumë të tjerë.

Janë pikërisht këta artistë që kanë bërë të paharrueshme personazhe ikonike si Pinoku, Borëbardha, Ujku, Gjergj Elez Alia, Bardhoshja dhe Zana, duke lënë gjurmë të thella në kujtesën e publikut të vogël ndër vite.

Teatri fton të gjithë qytetarët të bashkohen në festimet e këtij viti jubilar, duke rikthyer emocionet e fëmijërisë dhe duke përjetuar magjinë që ka shoqëruar prej dekadash publikun më të pastër, fëmijët.

/gj.m/r.e/

The post Hapësirë e re në Teatrin e Kukullave kushtuar Parlamentit të parë shqiptar appeared first on Agjencia Telegrafike Shqiptare.

TIRANË, 4 dhjetor /ATSH/ Deputeti i Partisë Demokratike, Enno Bozdo u shpreh sot se sektori energjetik shqiptar është në ditët e tij më të vështira, ku tri kompani të mëdha, si KESH, OSHEE dhe OST janë prej vitesh në kolaps financiar, ndërsa sistemi mbahet në këmbë vetëm nga paratë e taksapaguesve.

Bozdo e bëri këtë deklaratë nga foltorja e Kuvendit, pas prezantimit të projektligjit për “ratifikimin e marrëveshjes së garancisë, ndërmjet Republikës së Shqipërisë dhe bankës Evropiane për Rindërtim dhe Zhvillim (BERZH), për marrëveshjen e huas, ndërmjet Korporatës Elektroenergjetike Shqiptare sh.a., (KESH sh.a.) dhe Bankës Evropiane për Rindërtim dhe Zhvillim (BERZH), për projektin fotovoltaik (FV) solar nga 2 KESH-i”.

Bozdo tha se punonjësit në këto kompani janë trefishuar dhe pjesa më e madhe e tyre janë patronazhistë.

“Reforma e madhe në sektorin e energjisë, sot ka sjellë këtë rezultat financuar, 1,3 miliardë euro borxh i ndërsjellë mes kompanive të sektorit energjetik dhe palëve të treta. Një shifër e padëgjuar. Asgjë nuk është bërë për diversifikimin e energjisë, veçse lejeve tërësisht klienteliste të impianteve fotovoltaike që po mbijnë si kërpudhat gjithandej po asnjë studim paraprak për ndikimin e tyre në rrjetin e shpërndarjes, as kostove që duhen për ta përshtatur këtë rrjet”, tha Bozdo.

Deputeti i PD-së nënvizoi se në këtë klimë vjen projektligji i sotëm, ku KESH-i, merr 30 milionë euro hua për të ndërtuar një park fotovoltaik në Belsh.

“Është një iniciativë që vjen shumë vonë dhe nuk përbën sens, sepse këtë risi ka vite që e ofron sektori privat. Parku ngjitur, ai i Karavastasë, me 140 megavat të instaluar, nga e cila gjysma 70 megavat janë të destinuara për KESH-in për të prodhuar dhe blerë energji me 25 euro për kWh”, tha ai.

“KESH vazhdon të blejë energji me miliona euro dhe dëmi është shumë i madh. Përpara se të kërkojmë para hua, të marrim atë që na takon nga “Voltalia” dhe parku në Karavasta dhe t’i rikthehemi bursës së energjisë”, vijoi Bozdo.

Sipas tij, bursa e energjisë u premtua në vitin 2016, ndërsa vetëm për vitin 2025 janë blerë 230 milionë euro, pa llogaritur TVSH-në.

“Shkelja e ligjit është flagrante, korrupsioni gjithashtu. Kjo energji është blerë jashtë burse, por me 39 procedura dhe 87 lote, pra një numër rekord lotesh për hir të korrupsionit”, tha Bozdo.

Bozdo shtoi se ky sektor është menaxhuar nga ministrja Balluku, që sot është nën hetim për korrupsion.

“62 milionë euro janë paguar për dy ‘tigrat’ që të rrinë të parkuar në port, pa llogaritur 10 milionë euro të tjera për sigurimin e objekteve nga KESH dhe karburantin për provën. 80 milionë euro të shpenzuara për dy rrangalla, ndërsa këto para mund të përdoreshin për TEC-in e Vlorës”, theksoi Bozdo.

Deputeti Bozdo u ndal edhe tek investimet në sektorin energjetik, ku tha se janë bërë 1,5 miliardë euro investime në sistemin e transmetimit dhe shpërndarjes nga viti 2016 dhe sot.

“Në vitin 2016 deklaroheshin në mënyrë zyrtare 28% humbje të energjisë në rrjet. Në çdo manual thuhet se për të ulur 1% të humbjeve duhet të investohet 40-50 milionë euro, pra nga 28% humbje sot duhet të ishin zero, e ndoshta negative. Sot janë 18% sipas raportit të ERE-s”, pohoi Bozdo, ndërsa shtoi se këto janë fakte që tregojnë keqadministrimin e këtij sektori.

“Miradministrimi i korporatave është në mënyrë parësore objektivi final, të cilin e kanë kërkuar edhe FMN dhe Banka Botërore por që Qeveria jo vetëm s’ka bërë asgjë, por e ka lënë në rënie të lirë”, përfundoi Bozdo.

/e.i/r.e/a.f/

The post Bozdo: Sektori energjetik i keqmenaxhuar, dëmi është shumë i madh appeared first on Agjencia Telegrafike Shqiptare.

Kryetari i Partisë Demokratike, Sali Berisha, deklaroi se opozita do të ndërmarrë një aksion të vendosur për të rikthyer funksionimin normal të Parlamentit. Pas mbledhjes së grupit parlamentar të PD-së, Berisha u shpreh se bojkoti nuk është një opsion dhe se të gjitha mjetet demokratike do të përdoren për të siguruar që Kuvendi të funksionojë […]

The post “Bojkoti s’është opsion”, Berisha: Do përdorim të gjitha mjetet që Kuvendi t’i kthehet rregullit appeared first on BoldNews.al.

Një protestë kundër ligjit që njeh më shumë se një gjini po mbahet sot para Parlamentit, pak para se ligjvënësit të votojnë projektligjin. Protestuesit shprehen shqetësimin se ligji kërcënon familjen tradicionale dhe prezanton gjini të reja të paqëna, duke rrezikuar të krijojë konfuzion dhe të ndikojë negativisht te rinia shqiptare. Në protestë ishte e pranishme […]

The post Protesta kundër ligjit për gjinitë e reja, Pano: Nuk është detyrim për BE-në, 21 vende nuk e kanë appeared first on BoldNews.al.

Koalicioni Shqiptar “Pro Familjes & Jetës” ka thirrur protestë pasditen e kësaj të enjte përpara Parlamentit, aty u pritet të kalohet projektligji për Barazinë Gjinore. Kjo është protesta e dytë e cila njoftohet se do të nisë në orën 19:00 pas tubimit që u mbajt paradite në nisje të seancës plenare. Qëllimi i protestave është […]

The post Kundër projektligjit të Barazisë Gjinore, tjetër protestë sot para Parlamentit appeared first on BoldNews.al.

Deputeti i Bundestagut gjerman, Andreas Mayer, i është drejtuar Qeverisë Federale me një sërë pyetjesh lidhur me situatën e kryebashkiakut të Tiranës, Erion Veliaj, i cili ndodhet ende në paraburgim pas 8 muajsh.

Deputeti gjerman ka kërkuar sqarime mbi ndikimin që mund të ketë rasti i Veliajt në vlerësimin e procesit të integrimit evropian të Shqipërisë dhe në perceptimin për gjendjen e sistemit të drejtësisë në vend.
Në pyetjet e tij, deputeti Meyer pyet: se a është i njohur për Qeverinë Federale rasti i Kryetarit të Bashkisë së Tiranës, Erion Veliaj, i cili ndodhet në paraburgim, me sa duket për një periudhë joproporcionale prej tetë muajsh, prej të cilëve gjashtë pa akuzë, si dhe a është e njohur për Qeverinë Federale vlerësimi për Shqipërinë, nëse po, cilat përfundime nxjerr ajo prej kësaj në lidhje me procesin e anëtarësimit të Shqipërisë në BE?

Ai shton se “sistemi i drejtësisë, ashtu edhe paditë ndaj kundërshtarëve politikë dhe raportimet mediatike të njëanshme, përdoren si “arma politike” për të eliminuar kundërshtarët politikë”.
Deputeti gjerman i ka drejtuar qeverisë gjermane edhe pyetjen: a janë të njohura për Qeverinë Federale raportimet mediatike, sipas të cilave ka ndërhyrje në autonominë e pushtetit vendor, dhe nëse po, cilat përfundime nxjerr ajo prej kësaj në lidhje me procesin e anëtarësimit të Shqipërisë në BE?
Ndërkaq, në përgjigjen e saj, Qeveria Federale Gjermane ka theksuar se: “Ashtu si Gjermania, edhe Shqipëria e ka ratifikuar Kartën Evropiane të Vetëqeverisjes Vendore dhe është zotuar për respektimin e pavarësisë politike, administrative dhe financiare të njësive vendore. Qeveria Federale po ndjek zhvillimet përkatëse dhe do të ndjekë me vëmendje të veçantë rezultatet e vizitës së ardhshme të rregullt të monitorimit nga Kongresi i Pushteteve Vendore dhe Rajonale të Evropës në kuadër të Kartës”, thuhet në përgjigjen e qeverisë federale gjermane.

The post Arrestimi i Veliajt bëhet çështje në parlamentin gjerman, deputeti i Bundestag pyet Qeverinë: A u prek autonomia e pushtetit vendor? Ja qëndrimi i ekzekutivit appeared first on Albeu.com.

Senca e sotme në Kuvendin e Shqipërisë, u shoqërua me debate mes mazhorancës dhe opozitës utë cilat përqendruan te protestat në mbështetje të ish-liderëve të UÇK-së dhe tek qëndrimet për Kosovën. Kryetari i Grupit Parlamentar të PS-së, Taulant Balla, sfidoi opozitën duke kërkuar që të bashkohet në tubimin e nesërm në Sheshin “Skënderbej”, duke theksuar […]

The post Kuvendi debate për UÇK, Kosovën dhe fondet e IPARD, socialistët miratojnë ligjin për mbetjet appeared first on BoldNews.al.

Radosław Sikorski, zëvendëskryeministri dhe ministri i Jashtëm polak, i ka paraqitur parlamentit britanik dronin e tipit Shahed të prodhuar në Iran, të cilin Rusia e përdor në luftën e saj kundër Ukrainës.

Sikorski po i drejtohej parlamentit të Mbretërisë së Bashkuar në një aktivitet të Organizatës së Bashkuar Kundër Iranit Bërthamor (UANI), ku u shfaq një dron Shahed-136 i prodhuar në Iran.

"Sot në parlamentin e Mbretërisë së Bashkuar, paraqita dronin iranian Shahed-136, të cilin Rusia e përdor kundër Ukrainës", tha Sikorski, transmeton Telegrafi.

Ai gjithashtu theksoi se Kremlini përdor dronë të tillë për të terrorizuar ukrainasit, dhe ka përdorur dronë mashtrues për të shkelur hapësirën ajrore polake.

"Droni nuk mund të arrijë në Londër, por një flotë me skrap metali mund të shkatërrojë infrastrukturën kritike. Vetëm së bashku mund të triumfojmë", shtoi politikani polak. /Telegrafi/

Parlamenti i Zelandës së Re ndali punën, pasi një nga deputetet e saj të sapozgjedhura shpërtheu në vallen tradicionale Maori haka - duke shkaktuar pezullimin e seancës.

Oriini Kaipara, 42 vjeç, e partisë së krahut të majtë Te Pati Maori, sapo kishte mbaruar mbajtjen e fjalimit të saj të parë në Dhomën e Përfaqësuesve, kur salla shpërtheu në një skenë lufte me ulërima dhe trokitje të forta të enjten.

Ish-spikerja e lajmeve e shndërruar në politikane u zgjodh në parlament në shtator për të mbushur një vend bosh, dhe anëtarët e Dhomës shpërthyen në këngë për të festuar mbërritjen e saj përpara se ajo vetë t'i bashkohej, transmeton Telegrafi.

Kryetari i Dhomës, Gerry Brownlee, u kërkoi deputetëve të ndalonin pasi ata shpërthyen në haka sepse politikanëve në Zelandën e Re duhet t'u jepet leje nëse ata - ose mbështetësit e tyre - dëshirojnë të këndojnë ose të performojnë vallen në galerinë publike.

Pamjet tregojnë Kaipara, e cila është 100 për qind Maori dhe ka një tatuazh në fytyrë Tā moko nën buzë, me fytyrën poshtë Brownlee me sytë e saj të fryrë ndërsa salla shpërthen në lëvizjen e fortë.

Brownlee mund të dëgjohet duke u lutur “Jo! Jo atë”, ndërsa bën gjestikulacion drejt galerisë duke shtuar: “Garancia ishte që kjo nuk do të ndodhte”.

Ndërsa haka bëhet më e fortë në sallë, Kryetari pezullon Dhomën përpara se të largohet shpejt nga vendi i tij - me disa deputetë të tjerë që duket se e ndjekin.

Ndërsa parlamenti më vonë rifilloi punimet, Brownlee tha se do të niste një hetim nëse ndonjë parti ose deputet kishte dijeni paraprake për hakën, ndërsa i përshkroi veprimet e galerisë si përçmuese.

Kaipara ka bërë bujë në të gjithë globin me veprimet e saj të para si deputete, pasi kaloi në politikë nga një karrierë në median elektronike.

Nëna e katër fëmijëve, nga Auckland, gjithashtu shkaktoi intrigë pasi u bë personi i parë që drejtoi një buletin lajmesh televiziv me një tatuazh tradicional në fytyrë - i cili ndodhet në mjekër. /Telegrafi/