Hailey Bieber ka vendosur ta shënojë fundin e vitit me një ndryshim imazhi

Viti 2025 ka qenë jashtëzakonisht i rëndësishëm për Hailey Bieber, si në aspektin profesional, ashtu edhe në rolin e saj si përcaktuese e trendeve në botën e bukurisë. Si hap përmbyllës i këtij kapitulli, modelja i ka thënë lamtumirë flokëve të gjatë që i mbante muajt e fundit dhe ka zgjedhur frizurën e njohur si lob.

Bëhet fjalë për një gjatësi që prek supet, duke zëvendësuar flokët ultra të gjatë dhe të lëmuar me një formë më të ajrosur, moderne dhe të përcaktuar me saktësi. Frizura e re reflekton elegancë të thjeshtë dhe freski vizuale.

Për pamjen e re është përkujdesur stilistja e njohur Justine Marjan. Frizura karakterizohet nga një nuancë natyrale, intensive kafe dhe ndarje në mes. Sa i përket stilizimit, Hailey ka zgjedhur një fenirim të butë, me maja lehtësisht të përdredhura nga jashtë, një detaj diskret që i jep fytyrës butësi dhe një notë të lehtë retro. Me shkurtimin e flokëve për më shumë se dhjetë centimetra, ajo ka arritur një pamje që duket e rregullt, e kuruar dhe bashkëkohore, transmeton Telegrafi.

Rikthim te format më të shkurtra pas një viti të suksesshëm

Kjo nuk është hera e parë që Hailey Bieber i kthehet frizurave më të shkurtra, veçanërisht gjatë sezonit dimëror; një bob i ngjashëm, pak më i shkurtër, e ka shoqëruar edhe në fillim të vitit 2023. Këtë herë, ndryshimi vjen pas një serie suksesesh të rëndësishme profesionale, përfshirë partneritetin strategjik të markës Rhode me kompaninë e.l.f. Cosmetics, si dhe vlerësime prestigjioze nga industria e bukurisë.

Krahas stilit të ri të flokëve, Bieber ka ruajtur estetikën e saj karakteristike në makeup: skuqje rozë në faqe, bronzer me ton të ngrohtë dhe buzë në një nuancë rozë-vjollcë më të thellë, të kombinuara me manikirin e saj tashmë ikonik me efekt “glazurë” nude. Me këtë transformim, ajo dëshmon edhe një herë se thjeshtësia dhe format klasike mbeten zgjedhja më e sigurt për një hyrje elegante dhe të freskët në sezonin e ri. /Telegrafi/

Në fund të vitit, kur bëhet fjalë për frizurat, zakonisht shfaqen disa hite të vogla të vërteta, ndërsa njërën prej më modernave edhe për vitin 2026 e mban një nga gratë më të bukura në botë

Modelja Bella Hadid rikthehet sërish me frizurën “butterfly cut”, e njohur edhe si frizura flutur, me rrënjë dukshëm më të errëta, duke konfirmuar se ky stil me shtresa nuk del nga moda.

Me vetëm një paraqitje, Bella Hadid edhe një herë e ka konfirmuar statusin e kësaj frizure që i mbijeton trendeve sezonale. Frizura flutur, e stilizuar rishtazi, e prezantuar gjatë një eventi bukurie në Teksas, dëshmon se frizurat me shtresa, të frymëzuara nga vitet ’70, vazhdojnë të kenë një vend jashtëzakonisht të fortë në estetikën moderne të bukurisë.

E ashtuquajtura frizurë flutur dallohet për kombinimin e shtresave më të shkurtra rreth fytyrës dhe gjatësive më të buta e më të gjata, të cilat krijojnë volum pa e rënduar flokun, transmeton Telegrafi.

Pikërisht kjo strukturë e bën atë shumë të përshtatshme për forma të ndryshme fytyre dhe tipe flokësh, nga të drejtat deri te ato lehtësisht me onde. Te Bella, ajo është realizuar me theks te lëvizja natyrale dhe ajrosja, me rrënjë dukshëm më të errëta që theksojnë thellësinë e ngjyrës dhe i japin frizurës një përshtypje më të çlirët dhe më moderne.

Rikthimi i kësaj frizure nuk është i rastësishëm. Në një moment kur moda dhe bukuria po kthehen sërish drejt frymëzimeve retro, por i interpretojnë ato përmes një prizmi më modern dhe më të lehtë për t’u mbajtur, frizura flutur i përgjigjet në mënyrë perfekte këtij ekuilibri. Është mjaftueshëm efektive për të dukur e stilizuar, por edhe mjaftueshëm e butë për të mos kërkuar mirëmbajtje të ndërlikuar.

Me këtë frizurë, Bella Hadid dërgon një mesazh të qartë: disa trende nuk zhduken, por thjesht përshtaten me kohën. Frizura flutur mbetet një zgjedhje e sigurt për të gjithë ata që kërkojnë volum, lëvizje dhe një dozë glamuri klasik, pa ndjesinë e teprimit.

/Telegrafi/

Cila është “sekreti” i një prerjeje të bukur dhe origjinale me flokë të shkurtër? Detajet

Të gjithë e dimë që frizura është një vulë e personalitetit dhe stilit tuaj dhe se flokët janë shpesh gjëja e parë që vërehet tek një grua. Qoftë te majat e prera me precizitet, te shtresimi i lehtë apo te balluket, teknika e prerjes dhe mënyra e stilimit bëjnë gjithë diferencën dhe i japin flokëve të shkurtër një karakter unik dhe modern.

Më poshtë gjeni prerjet e shkurtër më të rëndësishme, për të cilat parukierët marrin vazhdimisht kërkesa, sepse secila prej tyre ofron një opsion elegant, praktik dhe tejet modern për hyrjen në vitin e ri.

Këto janë prerjet e shkurtra më të kërkuara për dimrin 2025

1. ‘Laser cut bob’

Qoftë nëse tashmë keni flokë të shkurtër apo po mendoni për një ndryshim të guximshëm në prag të vitit të ri, laser cut bob është prerja ideale për ju. Ky variant modern i bob-it klasik jep një pamje elegante, të sofistikuar dhe shmang plotësisht majat e holla e të dëmtuara. Baza e saj është prerja e drejtë, me majë të sheshtë, që i jep pamjen aq precize sa duket sikur është bërë me laser. Stilimi me ndarje në mes, me piaster ose me furçë të rrumbullakët (për një efekt vintage me volum) e vë këtë bob në pah në mënyrë perfekte.

2. ‘Crop’ italian

Italian crop është një risi në botën e frizurave, por tashmë një supertrend. E frymëzuar nga stili italian i viteve ’60, kjo prerje ka një pamje androgjene dhe i ngjan pixie-s, por me shtresë të sipërme pak më të gjatë. Mund të stilizohet me shtresa të çrregullta për efekt të çrregullt elegant ose me pak xhel për një pamje elegante. Qafa pritet shkurt, ndërsa një ndarje anësore e ulët i jep stil edhe më të theksuar. Një trend i mprehtë, i ftohtë dhe super modern, një interpretim i frizurës autoritative dhe me vetëbesim.

3. ‘Bell bob’

Për ato që duan pamje më të butë dhe femërore, bell bob është zgjedhja e duhur për dimrin 2025. Është një bob klasik me përfundim të rregullt, me gjatësi mesatare që e kornizon bukur qafën. Sekreti i tij qëndron te stilimi: majat kthehen lehtësisht nga jashtë me piaster, duke krijuar një siluetë zile, nga e cila vjen edhe emri i prerjes. Rezultati? Një pamje elegante, me nuanca të buta vintage.

4. Shag i shkurtër

Shag-u, prerja ikonike e stilit rock, kthehet këtë sezon në një version të ri, të shkurtër dhe shumë energjik. Majat rrethojnë mjekrën ose qafën, ndërsa shtresat e shumta të holla në majë krijojnë lëvizje dhe strukturë. Flokët priten më të rralluar te veshët dhe qafa, duke i dhënë stil njëkohësisht të pakujdesur dhe rebel. Shag i shkurtër është frizura perfekte për një transformim personal dhe për të sjellë një dozë “përmbysjeje” në rutinën e përditshme. /Telegrafi/

TIRANË, 4 dhjetor /ATSH/ Deputeti i Partisë Demokratike, Enno Bozdo u shpreh sot se sektori energjetik shqiptar është në ditët e tij më të vështira, ku tri kompani të mëdha, si KESH, OSHEE dhe OST janë prej vitesh në kolaps financiar, ndërsa sistemi mbahet në këmbë vetëm nga paratë e taksapaguesve.

Bozdo e bëri këtë deklaratë nga foltorja e Kuvendit, pas prezantimit të projektligjit për “ratifikimin e marrëveshjes së garancisë, ndërmjet Republikës së Shqipërisë dhe bankës Evropiane për Rindërtim dhe Zhvillim (BERZH), për marrëveshjen e huas, ndërmjet Korporatës Elektroenergjetike Shqiptare sh.a., (KESH sh.a.) dhe Bankës Evropiane për Rindërtim dhe Zhvillim (BERZH), për projektin fotovoltaik (FV) solar nga 2 KESH-i”.

Bozdo tha se punonjësit në këto kompani janë trefishuar dhe pjesa më e madhe e tyre janë patronazhistë.

“Reforma e madhe në sektorin e energjisë, sot ka sjellë këtë rezultat financuar, 1,3 miliardë euro borxh i ndërsjellë mes kompanive të sektorit energjetik dhe palëve të treta. Një shifër e padëgjuar. Asgjë nuk është bërë për diversifikimin e energjisë, veçse lejeve tërësisht klienteliste të impianteve fotovoltaike që po mbijnë si kërpudhat gjithandej po asnjë studim paraprak për ndikimin e tyre në rrjetin e shpërndarjes, as kostove që duhen për ta përshtatur këtë rrjet”, tha Bozdo.

Deputeti i PD-së nënvizoi se në këtë klimë vjen projektligji i sotëm, ku KESH-i, merr 30 milionë euro hua për të ndërtuar një park fotovoltaik në Belsh.

“Është një iniciativë që vjen shumë vonë dhe nuk përbën sens, sepse këtë risi ka vite që e ofron sektori privat. Parku ngjitur, ai i Karavastasë, me 140 megavat të instaluar, nga e cila gjysma 70 megavat janë të destinuara për KESH-in për të prodhuar dhe blerë energji me 25 euro për kWh”, tha ai.

“KESH vazhdon të blejë energji me miliona euro dhe dëmi është shumë i madh. Përpara se të kërkojmë para hua, të marrim atë që na takon nga “Voltalia” dhe parku në Karavasta dhe t’i rikthehemi bursës së energjisë”, vijoi Bozdo.

Sipas tij, bursa e energjisë u premtua në vitin 2016, ndërsa vetëm për vitin 2025 janë blerë 230 milionë euro, pa llogaritur TVSH-në.

“Shkelja e ligjit është flagrante, korrupsioni gjithashtu. Kjo energji është blerë jashtë burse, por me 39 procedura dhe 87 lote, pra një numër rekord lotesh për hir të korrupsionit”, tha Bozdo.

Bozdo shtoi se ky sektor është menaxhuar nga ministrja Balluku, që sot është nën hetim për korrupsion.

“62 milionë euro janë paguar për dy ‘tigrat’ që të rrinë të parkuar në port, pa llogaritur 10 milionë euro të tjera për sigurimin e objekteve nga KESH dhe karburantin për provën. 80 milionë euro të shpenzuara për dy rrangalla, ndërsa këto para mund të përdoreshin për TEC-in e Vlorës”, theksoi Bozdo.

Deputeti Bozdo u ndal edhe tek investimet në sektorin energjetik, ku tha se janë bërë 1,5 miliardë euro investime në sistemin e transmetimit dhe shpërndarjes nga viti 2016 dhe sot.

“Në vitin 2016 deklaroheshin në mënyrë zyrtare 28% humbje të energjisë në rrjet. Në çdo manual thuhet se për të ulur 1% të humbjeve duhet të investohet 40-50 milionë euro, pra nga 28% humbje sot duhet të ishin zero, e ndoshta negative. Sot janë 18% sipas raportit të ERE-s”, pohoi Bozdo, ndërsa shtoi se këto janë fakte që tregojnë keqadministrimin e këtij sektori.

“Miradministrimi i korporatave është në mënyrë parësore objektivi final, të cilin e kanë kërkuar edhe FMN dhe Banka Botërore por që Qeveria jo vetëm s’ka bërë asgjë, por e ka lënë në rënie të lirë”, përfundoi Bozdo.

/e.i/r.e/a.f/

The post Bozdo: Sektori energjetik i keqmenaxhuar, dëmi është shumë i madh appeared first on Agjencia Telegrafike Shqiptare.

TIRANË, 4 dhjetor/ATSH/ Ministri i Turizmit, Kulturës dhe Sportit, Blendi Gonxhja prezantoi sot në Kuvend projektligjin për aderimin e Shqipërisë në Traktatin e Marrakeshit, teksa theksoi se “ky projektligj ka për qëllim lehtësimin e qasjes në veprat e botuara për personat e verbër, me dëmtime të shikimit ose me aftësi të kufizuara në leximin e teksteve të shtypura”.

Në fjalën e tij, Gonxhja tha se “aderimi në këtë traktat, nënkupton disa angazhime dhe përfitime shumë konkrete si qasje të barabartë në dije për personat e verbër dhe me vështirësi në lexim. Traktati detyron shtetet të krijojnë një kuadër ligjor që lejon prodhimin e librave në format të aksesueshëm: si braille, audio, tekst elektronik i lexueshëm me programe zanore, pa kërkuar leje nga mbajtësit e të drejtave të autorit, sa herë që qëllimi është përfitimi i kësaj kategorie qytetarësh”.

Gjithashtu, vijoi Gonxhja, aderimi në këtë traktat ofron qasje në katalogun ndërkombëtar me mbi 870,000 tituj.

“Përmes Konsorciumit “Accessible Books Consortium (ABC)” Shqipëria do të ketë mundësi të shkëmbejë dhe të marrë materiale të aksesueshme nga dhjetëra vende të botës. Kjo nënkupton më shumë libra në shqip, më shumë materiale arsimore, më shumë mundësi për komunitetin tonë”, tha Gonxhja.

Ministri Gonxhja u shpreh se aderimi në traktat synon edhe rritjen e rolit të institucioneve arsimore dhe bibliotekave.

“Shkollat, universitetet, bibliotekat publike dhe komunitare do të mund të përgatisin materiale të aksesueshme, të shpërndajnë libra për persona me aftësi të kufizuara në lexim dhe të bashkëpunojnë ndërkombëtarisht për shkëmbimin e titujve”, shtoi Gonxhja.

Ministri Gonxhja vuri në dukje se aderimi në këtë traktat ka edhe ndikim social, kulturor dhe ekonomik.

“Përfshirja e personave me dëmtime të shikimit në arsimim, treg pune dhe aktivitete kulturore sjell më shumë mundësi punësimi, rritje të cilësisë së jetës, pjesëmarrje të barabartë në shoqëri”, tha ai.

Më tej ministri Gonxhja theksoi se “në vitin 2022 Shqipëria bëri ndryshime të rëndësishme në ligjin “Për të drejtën e autorit”, duke u përafruar me Direktiven 2017/1564 të Bashkimit Evropian. Por ky përafrim nuk e zëvendëson vetë Traktatin e Marrakeshit, i cili jep garanci shtesë, lehtësime dhe instrumente të cilat nuk mund të realizohen vetëm me legjislacion të brendshëm”.

“Me aderimin tonë OBPI ka planifikuar të mbështesë Shqipërinë me asistencë ligjore, asistencë teknike për institucionet, trajnime profesionale, programe falas për prodhimin e librave të aksesueshëm. Pra, është një mundësi që nuk sjell kosto shtesë për shtetin, por sjell vlera të larta në aksesin në kulturë dhe arsim. Shpenzimet që mund të lindin lidhen me trajnime, përshtatje materialesh dhe teknologji të aksesueshme, të cilat mbulohen nga buxhetet ekzistuese dhe nga programet e asistencës ndërkombëtare”, nënvizoi Gonxhja.

Sipas tij, ky projektligj nuk është thjesht një nismë teknike.

“Ai është një deklarim i qartë i vlerave që përfaqëson Shqipëria. Nëpërmjet këtij traktati Shqipëria i bashkohet vendeve që besojnë se kultura edhe dijet nuk mund të jenë të privilegjuara vetëm për disa, por duhet të jenë të hapura për të gjithë. Ne nuk po votojmë vetëm për një marrëveshje ndërkombëtare; ne po votojmë për barazi reale, për përfshirje, për të drejtën themelore të çdo qytetari për të pasur akses në dije, pjesëmarrje të barabartë dhe zbatim të standardeve ndërkombëtare”, tha Gonxhja.

/k.s/j.p/

The post Gonxhja: Qasje të barabartë në dije për personat e verbër dhe me vështirësi në lexim appeared first on Agjencia Telegrafike Shqiptare.

Në British Fashion Awards, Sharon Stone u shfaq me një model flokësh që dëshmon se lënia e flokëve të lirshëm mund të jetë momenti ideal i finesës stilistike

Teksa në tapetin e kuq parakalonin yje si Cate Blanchett dhe Kylie Minogue, Sharon Stone arriti të marrë gjithë vëmendjen me një paraqitje që riformulon rregullat e tapetit të kuq për gratë në kulmin e pjekurisë së tyre. Larg topuzëve të ngurtë dhe frizurave të lakuara deri në ekstrem, Sharon dëshmoi se sekreti i pamjes moderne qëndron te nënshtrimi i kontrolluar.

Shpesh besohet gabimisht se flokët e shkurtër janë më të lehtë për t’u mirëmbajtur, por kushdo që ka provuar një prerje drastike e di të kundërtën: stilimi mund të jetë sfidues. Megjithatë, Sharon Stone e ka gjetur formulën perfekte. Bob-i i saj i shkurtër, aktualisht në fazën “të sikletshme” të rritjes, është stiluar me tharëse në atë mënyrë që duket sikur është formuar nga era, pra stili i famshëm windswept.

Në vend të një prerjeje rigoroze dhe precize, aktorja ka zgjedhur një ndarje të thellë anash, duke kaluar fijet e pjesës së përparme përpara në mënyrë që të krijojnë një volum delikat të ngritur në majë të kokës. Ky detaj shton teksturë dhe vizualisht i ngrit tiparet e fytyrës. Pjesa tjetër e flokëve është futur lehtësisht pas veshit, një truk i vogël, por i fuqishëm, që i jep frizurës formë dhe definicion, transmeton Telegrafi.

Sharon ishte veshur me një kostum krem dhe mbi të kishte hedhur me dramacitet një mantel luksoz prej gëzofi sintetik. Pikërisht këtu qëndron çelësi i stilit të saj: kontrasti. Po të kishte zgjedhur një model flokësh të lëmuar, të krehur me rregull të hekurt, apo një frizurë të komplikuar, pamja do të bëhej shumë “e rëndë” dhe retro. Bob-i i çrregullt dhe i relaksuar sjell dozën e nevojshme të faktorit tërheqës, duke e zbutur formalitetin e veshjes. Ky është ai rregulli i njohur i stilit francez: nëse jeni veshur si për një ballo, flokët duhet të duken sikur nuk jeni munduar shumë.

Ndërsa frizura festonte natyralitetin, grimi ishte një lojë strategjike me ngjyrat. Sharon përqafoi një nga trendet kryesore të sezonit: paleta bordo. Në qepalla kishte vendosur një hije neutrale me shkëlqim të lehtë, por magjinë e vërtetë e krijoi ajlajneri bordo i aplikuar në vijën e sipërme dhe të poshtme të qerpikëve.

Pse funksionon kjo? Sipas teorisë së ngjyrave, tonet bordo dhe ato të kuqërremta qëndrojnë përballë ngjyrës blu në rrethin kromatik që i bën kontrast ideal për sytë blu. Kjo zgjedhje i nxori edhe më shumë në pah sytë e saj dhe u dha thellësi dhe intensitet.

Pamja u plotësua me një buzëkuq në të njëjtën nuancë bordo me përfundim sateni, i cili i dha buzëve plotësi dhe shkëlqim të butë. Bravo, Sharon! /Telegrafi/

TIRANË, 30 nëntor/ATSH/ Drejtori i Përgjithshëm i Policisë së Shtetit, Ilir Proda mori pjesë në Asamblenë e 93-të të Interpolit në Marrakesh, Marok, me pjesëmarrjen e drejtuesve të policisë nga 196 vende të botës.

Gjatë qëndrimit atje, Proda zhvilloi takime bilaterale me homologët e tij, përfshirë drejtorin e Përgjithshëm të Sigurisë Publike Italiane, Prefektin Vittorio Pisani, si dhe me delegacionin turk të kryesuar nga zëvendësministri i Brendshëm, Munir Karaloglu.

Në këto takime u prezantua progresi i Policisë shqiptare në luftën kundër krimit të organizuar dhe pjesëmarrja e saj e barabartë me partnerët në operacione ndërkombëtare, duke marrë vlerësime pozitive për profesionalizëm dhe besueshmëri.

Homologët e përfshirë në takime theksuan se Policia shqiptare është një partner i besueshëm dhe janë të gatshëm të thellojnë më tej bashkëpunimin për të luftuar krimin ndërkombëtar nëpërmjet hetimeve me skuadra të përbashkëta hetimore.

Asambleja e 93-të e Interpolit përfundoi me zgjedhjen e Presidentit të ri, Lucas Philippe, zëvendëspresidentit për Azinë, dhe delegatëve të rinj për Afrikën, Azinë dhe Evropën, si dhe anëtarëve të rinj të Komitetit Ekzekutiv, përgjegjës për udhëzimet strategjike dhe mbikëqyrjen e vendimeve të Asamblesë.

/m.m/j.p/

The post Proda në Asamblenë e Interpolit në Marok: Bashkëpunim kundër krimit ndërkombëtar appeared first on Agjencia Telegrafike Shqiptare.

Nuanca të buta, të ngrohta dhe të pasura që rikthejnë shkëlqimin dimëror

Dimri po vjen, dhe me të edhe ngjyrat e reja të flokëve. Po mendoni cilat nuanca do të dominojnë këtë sezon?

Ekspertët parashikojnë se njerëzit do t’i drejtohen toneve më të pasura. “Ndërsa flokët me pamje natyrale e të çrregullt janë gjithmonë të bukur, këtë vit po shohim një ngritje të lehtë të estetikës, një ndjesi më të rafinuar dhe luksoze”, thotë ngjyruesi profesionist Ian McCabe, i cili vëren se bruneve vazhdojnë të jenë në krye.

Kafe e thellë, me nuanca të ftohta

“Nuancat e pasura të kafesë së thellë janë të mrekullueshme për dimrin dhe i përshtaten shumë toneve të ndryshme të lëkurës,” thotë stilisti i famshëm i flokëve, Dimitris Giannetos. “Kur kombinohen me një shkëlqyes, këto nuanca bëhen jashtëzakonisht tërheqëse.

Bakër i artë 24k / ‘Cinnamon Toast’

Zëvendëspresidenti i Departamentit të Ngjyrave në R+COLOR, Richy Kandasamy, thotë se kjo ngjyrë magjepsëse, e njohur ndonjëherë edhe si Sunset Copper, ka qenë kohët e fundit në fokusin e tij. “Kjo nuancë është një bakër i ngrohtë, i pasur dhe me shkëlqim të artë, me një kthesë moderne që e çon pamjen në një nivel më elegant dhe më sofistikuar.”

Thekse karameleje

Giannetos adhuron mënyrën se si duken thekset e karameltë në flokët kafe të errët, dhe mendon se këtë dimër do t’i shohim kudo. “Thekset karameleje që kornizojnë fytyrën i japin flokëve ngrohtësi dhe dimension”, vëren ai.

Tone të pasura

“Besoj se tonet me të vërtetë të pasura, qofshin të ngrohta apo neutrale, do të jenë një trend i madh. Po shoh gjithnjë e më shumë njerëz që preferojnë nuancat e ngrohta, me nota të arta”, thotë McCabe. “Edhe biondeve po u zbutet pak kontrasti. Është bërë e zakonshme të ‘ngrihet’ pak ngjyra bazë ose të zbutet nuanca, që të jetë pak më e thellë dhe më e pasur.” /Telegrafi/

Energjia, mbi 90% e së cilës vjen nga hidro, është një treg që shënon luhatje të shumta. Në vitet me reshje, prodhuesit shohin ditë të mira, ndërsa e “pësojnë” tregtuesit, që ndërmjetësojnë importin. Luhatjet më të mëdha janë për prodhuesit e mëdhenj, si shtetërorë, ashtu dhe privatë. Në vitin 2024, sipas INSTAT, energjia elektrike në […]

The post Kontrastet e energjisë/ Shteti humb, privati fiton, Shqipëria “ngrohet” në diell appeared first on BoldNews.al.

TIRANË, 21 nëntor /ATSH/ Gjykata e Posaçme vendosi sot dënimin e 13 të pandehurve të akuzuar për trafik narkotikësh, pjesëmarrje në grup të strukturuar kriminal dhe vepra të tjera penale.

Gjykimi është zhvilluar me procedurë të shkurtuar.

GJKKO bëri të ditur se, trupi gjykues i përbërë nga gjyqtarët Elsa Ulliri, Rudina Palloj dhe Erjon Bani, ka shpallur vendimin duke dhënë dënime që shkojnë nga 8 deri në 10 vite burgim pas uljes së 1/3 së dënimit, siç parashikohet nga procedura e gjykimit të shkurtuar.

Gjykata ka deklaruar fajtor Arlind Ismajlukajn për trafik narkotikësh dhe pjesëmarrje në grup të strukturuar kriminal, duke e dënuar përfundimisht me 9 vite e 4 muaj burgim.

Në vendim thuhet se dënimi i tij do të vuhet në një institucion të sigurisë së lartë dhe se koha e qëndrimit në paraburgim do të llogaritet nga 15 gushti 2023.

Po ashtu, Gëzim Çelaj është dënuar me 10 vite burg, ndërsa Nerim Çelaj me 8 vite e 4 muaj, pasi përveç akuzave për trafik narkotikësh dhe grup kriminal, Gjykata ka vlerësuar edhe përgjegjësinë e tij për mbajtje pa leje të armëve. Sipas vendimit, edhe këta të pandehur do të vuajnë dënimin në burgje të sigurisë së lartë.

GJKKO bën të ditur se të pandehurit Armando Mema, Dritan Metaj, Ben Dalipaj, Besnik Brokeri, Alket (Dritan) Deda, Selami Lushkaj, Ksenofon Bodo, Kyrylo Ponomarenko, Kostiantyn Biellon dhe Armando Papa janë shpallur gjithashtu fajtorë për të njëjtat vepra, duke u dënuar secili me nga 8 vite burgim përfundimtar.

/gj.m/j.p/r.e/

The post Trafik narkotikësh e grup i strukturuar kriminal, GJKKO dënon me burg 13 persona appeared first on Agjencia Telegrafike Shqiptare.

Prokuroria e Posaçme kundër Korrupsionit dhe Krimit të Organizuar, SPAK, sqaroi përmes një njoftimi për shtyp mbrëmjen e të enjtes paligjshmëritë e kryera nga zëvendëskryeministrja Belinda Balluku dhe vartësit e saj, në të cilat është bazuar kërkesa për caktimin e masës së sigurimit personal ndaj tyre. Veç masave të pezullimit nga detyra dhe ndalimit për […]

The post SPAK: Balluku u pezullua për tenderat e Tunelit të Llogarasë dhe Unazës së Tiranës appeared first on Reporter.al.

TIRANË, 16 nëntor /ATSH/ Korporata Elektroenergjetike Shqiptare ka njoftuar se, sipas parashikimeve të fundit hidrometeorologjike, në basenin e lumit Drin priten reshje me intensitet të lartë gjatë datave 17–23 nëntor, me kulme më 18–19 dhe 22 nëntor. Zonat më të prekura pritet të jenë Theth–Valbonë dhe Shkodër–Pukë.

Sasia e reshjeve të parashikuara arrin deri në 150–200 mm në Fierzë, ndërsa në Koman–Vau i Dejës mund të shkojë deri në 300 mm.

KESH bën me dije se po monitoron në mënyrë të vazhdueshme situatën dhe operimi në kaskadë po kryhet brenda kushteve teknike dhe kuotave të lejuara nga rregulloret në fuqi.

Autoritetet ftojnë qytetarët e zonave përreth të tregojnë kujdes të shtuar gjatë kësaj periudhe me reshje intensive, për shkak të rrezikut të shtuar nga prurjet e larta dhe problematikat që mund të shkaktohen në terren.

/gj.m/r.e/

The post Reshje intensive në basenin e Drinit, KESH monitoron situatën appeared first on Agjencia Telegrafike Shqiptare.

Zbuloni modelet e flokëve që aktualisht e ngrenë vizualisht fytyrën dhe i japin pamjes freski dhe rini

Nga topuzët e çrregullt “messy” deri te topuzët e lartë dhe të rregullt, apo bishtat e tendosura, mësoni si ndryshimet e thjeshta në stilimin e flokëve mund të freskojnë dukshëm pamjen tuaj.

Ndonjëherë një ndryshim i vogël i frizurës, një ngjyrë e caktuar ose një veshje e zgjedhur mirë mund të bëjnë më shumë për pamjen tuaj sesa një natë e gjatë gjumi apo një rutinë e pasur e kujdesit të lëkurës. Mirë, ndoshta po e teprojmë pak, por jo aq shumë. Modele të caktuara flokësh, gjatësia e duhur dhe toni i duhur i fijeve të çelura mund të jenë mënyra më e mirë për t’i dhënë fytyrës suaj një pamje më të re dhe më të freskët.

Frizura që japin efekt lifting

Ndoshta nuk duket e qartë menjëherë, por disa modele flokësh janë aleati perfekt kundër pamjes së lodhur. Fijet e buta, të lehta dhe të valëzuara që e kornizojnë fytyrën janë thelbësore për të riformësuar konturet pa i rënduar ato.

Sa i përket stilimit, frizurat e mbledhura janë truku ideal: një topuz “messy”, një topuz i tendosur dhe i rregullt, një gjysmë-topuz i lartë apo një bisht i lartë në majë të kokës. Të gjitha këto modele ofrojnë një efekt mini-lifting menjëherë, sepse vetëm pak sekonda stilim mund të japin përshtypjen e vijave më të theksuara dhe një pamje më të zgjuar e më të çelur, transmeton Telegrafi.

Për një efekt afatgjatë, rekomandohen trajtime për volum që e mbajnë flokun të fortë dhe të plotë. Sa i përket stilit, flokët e prerë me shkallë të imta japin gjithmonë efekt natyral lifting. Në shtëpi, thjesht tharja e flokëve me kokën poshtë ndihmon të krijohet volum i lehtë që zbut dhe thekson konturet e fytyrës.

Truku për lifting të menjëhershëm

Nëse nuk keni shumë kohë në mëngjes, bishti i lartë apo frizura gjysmë e ngritur në majë të kokës është zgjidhja më e shpejtë dhe më efektive. Me tërheqjen e flokëve pas, fytyra ngrihet dhe hapet menjëherë, duke krijuar efekt të pastër, të rregullt dhe të freskët.

/Telegrafi/

Zbuloni cilat tone flokësh do të dominojnë në vitin 2026, nga karamelja e ngrohtë e deri te nuancat ultra-shkëlqyese të arta dhe të zeza luksoze

Sipas mendimit të disa prej parukierëve më të njohur, viti 2026 do të karakterizohet nga sensualiteti, shkëlqimi dhe ngjyrat e pasura. Në vazhdim, mësoni cilat nuanca do të jenë në qendër të vëmendjes sezonin e ardhshëm.

Cila ngjyrë do të jetë ylli i vitit 2026?

Ndërsa viti 2025 u shënua nga prania e tonëve të gjallë bakri dhe mjaltë, Dom Seeley, floktar i Kim Kardashian, Kendall Jenner dhe Jessica Alba, parashikon kalimin drejt toneve më të sofistikuara dhe më të çelura. Ai thekson se balayage do të mbetet teknikë dominante, por në versione të përmirësuara: me hije më të buta, karamele të ngrohtë si tek Jennifer Lopez, apo bionde të arta dhe me shkëlqim si tek Gigi Hadid.

Sipas tij, viti 2026 sjell rikthimin e toneve të ngrohta dhe me shkëlqim, në kontrast të plotë me ngjyrat e ftohta platinë që kanë mbizotëruar vitet e fundit.

“Gratë kërkojnë shkëlqim, butësi dhe dimension”, shpjegon Seeley. “Është shumë më e lehtë të krijosh teksturë të ndritshme në një bazë të artë, mjalti apo bakri, sesa në një bionde të akullt.”

Edhe brunet do të përjetojnë një rikthim të fuqishëm, por në versione më luksoze dhe joshëse, të frymëzuara nga ngjyra e çelur çokollatë e Amal Clooney apo e zeza e lëmuar e Kim Kardashian, transmeton Telegrafi.

Trendet e flokëve për vitin 2026

Për sezonin pranverë/verë 2026, Seeley tregon se ka punuar në disa sfilata, përfshirë edhe Miu Miu, ku ka krijuar modelin që sipas tij do të bëhet ikonë e vitit të ardhshëm:

“Në vitin 2026, balluket ‘Birkin’ do të jenë trendi kryesor. Një rikthim i vërtetë, veçanërisht mes femrave franceze që dinë t’i mbajnë me elegancë dhe lehtësi.”

Ai përmend gjithashtu rikthimin e frizurave voluminoze dhe natyrale, me onde të mëdha e të buta, një stil që kujton Penélope Cruz në “The 2025 Academy Museum Gala”, në frymën e epokës së artë të Holivudit. Të njëjtat frizura janë parë edhe në sfilatat e Saint Laurent dhe Celine.

gettyimages

“Dizajnerët janë të magjepsur nga volumi dhe teksturat e buta, ajrore, pothuajse eterike. Është një homazh ndaj viteve ’60, por i interpretuar me një prekje moderne dhe shkëlqim bashkëkohor.”

Yje si Kylie Jenner, Hailey Bieber dhe Dua Lipa tashmë kanë përqafuar këto frizura me volum dhe shkëlqim intensiv, duke dëshmuar se ky trend është tashmë në kulmin e popullaritetit. /Telegrafi/

Zbuloni prerjen më të kërkuar të flokëve të sezonit. Shtresat e buta, lehtësisht të valëzuara dhe pamja e natyrshme e bëjnë të përsosur për çdo lloj flokësh dhe formë fytyre

Këtë stil e kanë përqafuar yje të shumta të Hollivudit, si Keira Knightley, Gigi Hadid dhe Pamela Anderson.

Kthimi i papritur i stilit të viteve ’70 këtë sezon është ndier edhe në botën e bukurisë, ku ngjyrat e errëta të buzëve dhe flokët “messy” po zëvendësojnë trendet minimaliste.

Kjo qasje më e lirshme, larg elegancës strikte, fton individualitet e spontanitet dhe frizura që e përfaqëson më mirë këtë shpirt është pikërisht boho bob: një variant më i butë, më i lehtë dhe më natyral i bob-it klasik.

Kjo prerje e kornizon fytyrën, e zbut pamjen dhe jep përshtypjen e kujdesit pa përpjekje, transmeton Telegrafi.

Çfarë është boho bob?

Fokusi është te pamja e lirshme dhe jo e përsosur. Harrojini vijat e prera dhe bob-et e lëmuara, këtu qëllimi është të krijohet një teksturë e natyrshme, pak e çrregullt, që nxjerr në pah karakterin e flokëve tuaj.

Boho bob është një prerje me shtresa të buta që përfundon në nivelin e shpatullave ose pak mbi to. Është shumë praktike, kërkon pak mirëmbajtje dhe i përshtatet pothuajse çdo forme fytyre. Sa më pak ta stilizoni, aq më bukur duket.

Si të arrini stilin boho bob?

Nëse keni flokë natyrshëm të valëzuar, mjafton t’i formoni pak me duar, me pak krem ose vaj të lehtë për stilim, dhe t’i lini të thahen natyrshëm. Shtoni një sprej për teksturë për t’i dhënë efektin “beach waves”.

Nëse keni flokë të drejtë, mund të përdorni një figaro për të krijuar valëza të lehta, pastaj t’i kaloni me gishta për ta bërë pamjen më të lëshuar.

Bukuria e kësaj prerjeje qëndron te universaliteti i saj - i përshtatet formave ovale, të rrumbullakëta, katrore dhe në formë zemre.

Boho bob është simbol i natyrshmërisë, rehatisë dhe stilit të lirë. Ai rikthen shpirtin bohem të viteve ’70 në një formë moderne dhe të lehtë për t’u mbajtur, prerje që flet për vetëbesim dhe thjeshtësi.

/Telegrafi/

BRUKSEL, 3 nëntor /ATSH/ – Me samitin e propozuar mes presidentit amerikan, Donald Trump, dhe homologut të tij rus, Vladimir Putin, në Budapest që duket se është shtyrë, shtetet evropiane sërish po tentojnë ta bëjnë veten të rëndësishme në çdo zgjidhje të mundshme të luftës në Ukrainë.

Një nga përpjekjet e fundit është një plan 12-pikësh, që e ka parë Radio Evropa e Lirë, që është iniciuar nga Finlanda. Ky plan ka qarkulluar në kryeqytetet evropiane javët e fundit. Dokumenti nuk është një marrëveshje e gatshme paqeje, gjë që bëhet e qartë përmes titullit provizor: “Elementet për paqe në Ukrainë”.

Ky plan po ashtu nuk është diskutuar në nivelet më të larta të BE-së dhe nuk është mbështetur zyrtarisht nga asnjë shtet. Përkundrazi, është diçka që është punuar në Koalicionin e Vullnetit – një grup prej më shumë se 20 shtetesh që e mbështesin Ukrainën – që nga pranvera.

Dymbëdhjetë pikat janë strukturuar në dy faza: e para “armëpushimi” dhe e dyta “negociatat”. Qasja “fillimisht armëpushim” është diçka që shumica e shteteve evropiane kanë kërkuar që kur administrata Trump nisi të bisedonte me Kremlinin. Në dokument thuhet se një armëpushim i tillë “do të fillojë 24 orë pasi palët ta kenë pranuar këtë plan” dhe se një linjë kontakti “do të ngrihet në momentin që nis armëpushimi”.

Faza e parë

Duke pranuar rolin udhëheqës të SHBA-së në bisedime, plani po ashtu sugjeron që monitorimi i armëpushimi të nisë “menjëherë nën udhëheqjen amerikane, duke përdorur satelitë, dronë dhe mjete të tjera të teknologjisë”.

Po ashtu, gjatë fazës së armëpushimit, plani është që Ukraina dhe Rusia të pajtohen për një pakt “kundër agresionit”, që do të thotë se përderisa Moska do të ndalojë sulmet ndaj Ukrainës, Kievi po ashtu duhet të përmbahet nga përpjekjet për të rimarrë territoret nën kontrollin rus në rajonet ukrainase sikurse Krimea, Donbasi, Hersoni dhe Zaporizhja përmes mjeteve ushtarake.

Sa i përket centralit bërthamor që gjendet në Zaporizhja, është propozuar ideja që ai të transferohet nga kontrolli rus në një palë të tretë, të paidentifikuar, dhe të nisin negociatat për ta kthyer sërish nën kontrollin e Ukrainës.

Sipas planit do të ketë edhe “masa për ndërtimin e besimit”, që parashohin “që sanksione të caktuara dhe simbolike të hiqen pasi armëpushimi të ketë zgjatur për një numër të caktuar ditësh”. Një tjetër ide është që Rusia do të mirëpritet sërish në organizata ndërkombëtare. Edhe pse kjo gjë nuk është specifikuar qartë, mund të nënkuptohet se bëhet fjalë për Këshillin e Evropës, nga e cila Rusia u përjashtua më 2022, si dhe për Komitetin Olimpik Ndërkombëtar.

Gjithashtu, propozohet që gjatë fazës së armëpushimit të krijohet një “Bord i Paqes”, që do të kryesohet nga Trumpi, për të mbikëqyrur zbatimin e një plani eventual të paqes – ide që duket se është marrë nga plani 20-pikësh për paqe në Gazë.

Faza e dytë

Faza e dytë – negociatat – fillimisht përfshijnë një armëpushim. Në tekst thuhet se “negociatat do të nisin për një vijë finale të kontaktit, e cila do të mbetet në fuqi derisa palët të pajtohen për qeverisjen e përhershme të territoreve të pushtuara”.

Kjo fazë përfshin edhe krijimin e zonave të sigurisë përreth vijës së kontaktit, ku nuk do të lejohen aktivitetet ushtarake si dhe monitorimi nga një mision civil shumëkombësh në të dyja anët e vijës.

Garancitë e sigurisë, për të cilat Koalicioni i Vullnetit ka punuar për muaj të tërë, janë në pikën e 8-të, megjithëse nuk jepen detaje të tjera.

Pika e 9-të është më kundërthënësja, pasi ka të bëjë me një dialog të nivelit të lartë mes Kievit dhe Moskës për të “rritur mirëkuptimin e ndërsjellë dhe respektin për diversitetin gjuhësor, kulturor dhe fetar”.

Zyrtarët nga shtetet lindore të BE-së, me të cilat ka kontaktuar Radio Evropa e Lirë, besojnë se kjo pikë e planit forcon pretendimet ruse, shpesh të cilësuara si të pabaza, se rusishtfolësit në Ukrainë janë diskriminuar dhe kanë nevojë për mbrojtje nga Moska.

Pika pasuese është po ashtu e debatueshme nga shumë qeveri evropiane pasi përmend “nisjen e negociatave për qeverisjen e përhershme të territoreve të pushtuara”. Kjo bie ndesh me qëndrimet “maksimaliste” të shumë kryeqendrave të BE-së, sipas të cilave, Ukraina nuk duhet të heqë dorë nga asnjë centimetër territor dhe se integriteti territorial i saj është kyç.

Në fund, dokumenti përmend heqjen graduale të sanksioneve ndaj Rusisë, në përputhje me zbatimin e planit. Këtu thuhet se Ukraina dhe Rusia do të nisin një proces për t’u pajtuar mbi kompensimin e dëmeve të luftës, me asetet e ngrira ruse në Perëndim, që kapin vlerën e mbi 200 miliardë eurove, të cilat mund të kthehen sapo të arrihet një marrëveshje mes Kievit dhe Moskës. Plani përfshin edhe një mekanizëm që do të rikthente në mënyrë automatike të gjitha sanksionet dhe masat izoluese në rast se Ukraina sulmohet sërish.

Sa gjasa ka ky plan të funksionojë? “Ndoshta jo shumë”, pranon një zyrtar evropian që foli në kushte anonimiteti. Dhe ndonëse disa nga ta ende mendojnë se SHBA-ja mund të jetë e interesuar për të paktën disa aspekte të propozimeve, pak kush beson se Rusia do të pajtohet. Siç u shpreh një diplomat evropian: “Mund të kemi një plan me 12 pika, por nuk do të ketë paqe – ky është plani njëpikësh i Putinit”, shkruan REL.   /os/

The post KOMENT – A do të funksionojë plani 12-pikësh i BE-së për Ukrainën? appeared first on Agjencia Telegrafike Shqiptare.

“Twisted bun” është modeli i flokëve që po zëvendëson gradualisht “messy bun”-in e famshëm. Zbulojmë si ta krijoni vetë dhe ta mbani këtë vjeshtë

Topuzi “messy”, pra ai i çrregullt, mban titullin e modelit të përjetshëm të flokëve, kryesisht për shkak të thjeshtësisë së saj, por edhe sepse përshtatet si në zyrë ashtu edhe në tapetin e kuq. Megjithatë, këtë sezon del në pah varianti më elegant - “twisted bun”. Falë pamjes së saj të rregullt dhe të krehur me përpikëri, kjo frizurë rrezaton elegancë dhe sofistikim.

Ky variant i topuzit është modeli ideal i flokëve për vjeshtën 2025.

“Twisted bun” bëhet shpejt dhe lehtë, dhe po aq thjesht stilizohet. Ndryshe nga topuzi “messy”, është më e qëndrueshme dhe duket më e rregullt. Flokët përdridhen dhe më pas formohen në një topuz. Gjithçka që ju nevojitet për të arritur këtë frizurë perfekte është gjatësia e mjaftueshme e flokëve.

Ajo që e bën këtë model ideal është se përputhet në mënyrë perfekte me kombinimet elegante të mbrëmjes, variantet zyrtare, por edhe veshjet e përditshme dhe të lira. E karakterizojnë dy elemente kyç: pjesa e krehur mirë mbi kokë dhe topuzi i përdredhur në mënyrë spirale. Mund të vishet lart, në mes apo poshtë pranë qafës, në varësi të efektit të dëshiruar, transmeton Telegrafi.

profimedia

Si të realizoni një “twisted bun” elegant?

“Twisted bun” duket më bukur kur flokët nuk janë të sapolarë, është ideal për ditët kur doni të fshihni rrënjët paksa të yndyrshme. Fillimisht mblidhni flokët dhe krehni pjesën pranë kokës për të krijuar një pamje të rregullt. Mund të vendosni pak xhel ose llak për ta mbajtur të qëndrueshme.

Më pas lidhni flokët në një bisht me një llastik të hollë dhe të padukshëm. Përdridhni bishtin derisa të formohet natyrshëm topuzi, më pas formësojeni lehtë me duar dhe fiksojeni me kapëse flokësh. Në fund, gjithçka fiksojeni me llak flokësh. /Telegrafi/

Vjeshta me vete sjell edhe trende të ndryshme, ndër të cilat është dalluar një model flokësh që me siguri do t’ju bëjë të vëreheni në rrugë, ndërsa është shumë i lehtë për t’u stiluar

Dëshironi të freskoni pamjen tuaj për dimrin që po afron? Zgjedhja perfekte është prerja e shkurtër bob, që arrin deri në nivelin e nofullës. “Jawline bob” është modern, praktik, me karakter dhe thjesht i përsosur për muajt e ftohtë.

Në kundërshtim me mendimin e zakonshëm, flokët e shkurtër janë zgjidhja ideale për sezonin që vjen, sepse gjatë të nxehtit të verës është shumë më e përshtatshme dhe praktike për ne t’i mbajmë flokët të lidhur, sesa t’i lëmë të bien rreth qafës.

Me golfat dhe shallët që do të fillojmë t’i veshim së shpejti, bob-i vjen në pah në mënyrë të përkryer, ndërsa jawline bob edhe më shumë, pasi përfundon pikërisht mbi qafë.

Është zgjedhje ideale për të gjitha gratë me flokë të hollë dhe të drejtë ose me onde të buta, por me ndihmën e një profesionisti të mirë, çdo grua mund ta përshtatë këtë model trendi. Përveç kësaj, duket për mrekulli si me balluke të shkurtra, ashtu edhe me ato pak më të gjata! - transmeton Telegrafi.

Ekspertët e flokëve theksojnë se jawline bob krijon iluzionin e volumit, sidomos tek flokët e hollë që shpesh mungojnë në dendësi. Prerja e drejtë thekson vijën e nofullës dhe strukturën e fytyrës, duke dhënë pamje elegante dhe të rafinuar. Për më shumë gjallëri, mund të shtohen reflektime të ngrohta ose ngjyra natyrale që japin ndriçim në flokë dhe thellësi në teksturë.

Për mirëmbajtje, rekomandohet prerje çdo 6 deri në 8 javë për të ruajtur formën e saktë, si dhe përdorimi i një spreji volumizues për rrënjët. Ky stil është i gjithanshëm, mund të vishet i drejtë, me onde të lehta ose me vijë anësore, në varësi të stilit personal.

Pikërisht për këtë arsye, stilistët e quajnë “frizurën më të adaptueshme të vitit”, e cila bashkon praktikitetin dhe elegancën, duke e bërë çdo grua të ndihet në hap me trendet e sezonit.

/Telegrafi/

Mirëmbajtje e lehtë, perfekte për flokë të hollë e të dëmtuar dhe është ajo që gratë pëlqejnë më shumë!

Frizura që do të dominojë këtë sezon është ndoshta më e mira që u ka ndodhur grave kohët e fundit. Pse? Sepse kursen kohë, është praktike për përditshmëri dhe megjithatë duket jashtëzakonisht elegante.

Këtë vjeshtë, dy të famshme, Selena Gomez dhe Sydney Sweeney, u shfaqën me të njëjtën prerje flokësh, duke dhënë sinjalin e qartë: retro bob është rikthyer fuqishëm!

Fjala është për një bob të shkurtër, paksa të rrumbullakët, që përfundon pak poshtë mjekrës, me majat e flokëve të kthyera butësisht nga jashtë, një pamje që kujton shkëlqimin e viteve ’60. Që nga momenti kur këto yje dolën në publik me flokët e tyre të stiluar në këtë mënyrë, u bë e qartë: koha e flokëve të shkurtër dhe të lehtë për t’u menaxhuar ka ardhur! - transmeton Telegrafi.

Pse kjo prerje është ëndrra e çdo gruaje?

Flokët e prerë në këtë mënyrë janë të lëmuar, të mëndafshtë, me volum të lehtë në majë që i jep fytyrës butësi dhe shkëlqim natyral.

Pamja është e pastër dhe e rafinuar, me pak shtresa, që kërkon shkallëzim minimal, e përshtatshme për flokë të hollë ose të dëmtuar.

Një tjetër përparësi është se kjo frizurë është e lehtë për t’u mirëmbajtur, pavarësisht ngjyrës suaj të flokëve: nga biondja amerikane deri te kafeja italiane, çdo ton reflekton bukur dritën dhe i jep flokut ndjesinë e shëndetit dhe plotësisë.

Kujt i shkon më shumë bob-i retro?

Ky stil i përshtatet në mënyrë të përkryer personave me fytyrë ovale ose në formë zemre, sepse thekson faqet dhe vijën e nofullës.

Është gjithashtu ideal për ato që dëshirojnë një stil të sofistikuar, por të thjeshtë për t’u mbajtur. Një zgjedhje perfekte edhe për ato me flokë të dëmtuar dhe të dobët, që kanë nevojë për rindërtim dhe freskim të menjëhershëm.

Si të stiloni këtë frizurë?

▪ Përdorni furçë me diametër mesatar dhe tharëse flokësh për të arritur lëmimin dhe kthesën e butë në fund.
▪ Për shkëlqim përfundimtar, aplikoni pak serum ose vaj flokësh.
▪ Frizura duket më bukur kur është e sapo tharë dhe ka lëvizje natyrale.

Retro bob është frymë vintage që bashkon prakticitetin e përditshëm me elegancën klasike - një trend që premton të mbetet gjatë edhe pas dimrit 2025. /Telegrafi/

Këtë sezon, rregulli më i ri i flokëve është… mungesa e rregullit. “Messy hair” po bëhet sinonim i stilit dhe vetëbesimit

Me majat e shpupurishura dhe balluket e pakontrolluara, do të mendoje se modelet sapo janë zgjuar nga gjumi. Në sfilatat e vjeshtës 2025, ato parakaluan nëpër pasarela me flokë të çrregullt në çdo formë: kaçurrela të lira tek Miu Miu, bishta të shpejtë tek Prada, prerje “shaggy” tek Kenzo, onde të paqarta tek Stella McCartney, rrënjë të valëzuara tek Alexander McQueen, dhe volum të “elektrizuar” tek Chloé, për të përmendur vetëm disa.

“Ajo që e bën këtë stil modern është moskokëçarja ndaj perfeksionit”, shpjegon Guido Palau, stilisti që qëndron pas pamjeve “të çrregullta” në Prada, Miu Miu dhe Dolce & Gabbana. “Kur dukesh sikur nuk ke harxhuar kohë për t’u rregulluar, kjo i jep pamjes një lloj lehtësie dhe sigurie që është gjithmonë joshëse.”

Megjithatë, mos u mashtroni nga kjo pamje e pakujdesshme. Flokët më shik të çrregullt mund të japin përshtypjen e një qëndrimi të lirë, por nuk kanë të bëjnë me përtacinë. Ky stil nënkupton një grua me jetë dinamike, që s’ka kohë për t’u ndalur në banjë, një shpirt i lirë që sfidon standardet e ngurta të bukurisë. Ajo është tipi që ka vallëzuar gjithë natën dhe shkon direkt në zyrë, një vizionare që flokët e saj i mban “në rrëmujë”, por asnjëherë vetë.

Pamja është “e çrregullt në mënyrë të egër, por sërish e bukur dhe femërore”, shpjegon Palau, duke shtuar se flokët e çrregullt “na bëjnë të rimendojmë çfarë është vërtet bukuria”. “Kush mund të thotë se çfarë është e përkryer? Kjo lloj ‘rrëmujë’ është gjithmonë temë debati.”

Si ta arrini këtë pamje “messy”

Ideja është lehtësia dhe natyraliteti. Përdorni shkumë për flokë me teksturë të lehtë dhe spraj me kripë deti, thotë Gary Gill, stilisti i flokëve në sfilatën e Chloé. “Këto produkte mbështesin lëvizjen natyrale të flokëve, pa i rënduar. Motoja është: më pak është më shumë.”

Në Chloé, protokolli për të krijuar flokët me frizurë të lirshme ishte ky: spraj për teksturë, shkumë për volum, tharëse flokësh dhe një shtresë tjetër spraji. Për ta përfunduar me efektin “elektrizues”, Gill rrëshqiti një balonë nga rrënjët deri në maja, për të ngarkuar flokët me elektricitet statik. “Këto onde të lehta i japin një element shtesë pamjes, që të mos duket e stiluar me tepri,” thotë ai. “Duam që të jetë natyrale, me vëllim, jo e përpunuar.”

Në shtëpi, Guido Palau rekomandon një teknikë të thjeshtë, por efektive: “Spërkatni flokët me spraj teksturizues për t’i dhënë dendësi pa humbur lëvizjen natyrale. Pastaj, me furçë, krihni lehtë gjatë gjatësinë e flokëve për të shtuar statikë dhe ngritje.”

Ky trend i ri i flokëve të çrregullt, siç raporton Vogue, përfaqëson frymën e lirë, gruan që nuk kërkon miratimin e askujt për të qenë vetvetja. Flokët nuk kanë nevojë të jenë të përsosur për të qenë të bukur, mjafton të duken të gjallë, të lirshëm dhe me personalitet.

/Telegrafi/