Reshjet e dendura gjatë javëve të fundit kanë dëmtuar shumë argjinatura në vend.

Në qarkun e Gjirokastrës janë shënuar disa problematika në zona të ndryshme si pasojë e demtimit te argjinaturave mbrojtese prane lumenjve qe rrjedhin ne jug te vendit.

Specialisti i bordit te kullimit Niko Lici tha se situata me e veshtire ka qene ne Dropullin e Siperm dhe fshatin Mashkullore ku si pasoje e vershimit te ujit janë permbytur dhjetra ha toke bujqesore.

Lici thote se eshte e domosdoshme nderhyrja ne rehabilitimin e argjinaturave pasi ato jane ndertuar shume vite me pare ndërsa  jane evidentuar 10 pika te cilat konsiderohen me problematiket  dhe  per te nderhyre kerkohen fonde te cilat shkojne deri 2 milione  dollare.

Bordi kullimit ne Gjirokaster ka nderhyre pjeserisht ne disa zona qe kane shkaktuar probleme gjate viteve te kaluar pornderhyrja duhet te jete e plote dhe e mirefillte

TIRANË, 5 dhjetor/ATSH/ Shërbimi Meteorologjik Ushtarak bëri të ditur se ditën e premte vendi ynë parashikohet me mot të paqëndrueshëm. Moti parashikohet me vranësira mesatare deri të dendura si dhe alternime kthjellimesh.

Reshje shiu me intensitet të ulët në jug të territorit që në orët e para të mëngjesit, më pas reshjet parashikohen të prekin pjesën më të madhe të territorit. Pas orëve të mesditës në jug e kryesisht në juglindje reshjet parashikohen të jenë të herëpashershme në formën e shtrëngatave afatshkurtra, të shoqëruara me shkarkesa elektrike.

Në Alpe dhe në relievet malore në verilindje e juglindje priten reshje bore me intensitet të ulët hera-herës deri mesatar.

Era do të fryjë me drejtim kryesor verilindje-juglindje me shpejtësi mesatare kryesisht pas orëve të mesditë në 8 m/sek, e cila hera-herës përgjatë vijës bregdetare dhe zonave luginore pritet të fitojë shpejtësi deri 18 m/sek, me valëzimin në dete të forcës  1-3 ballë.

Temperaturat parashikohen:

/r.e/

The post E premte 5 dhjetor, alternime vranësirash dhe kthjellimesh appeared first on Agjencia Telegrafike Shqiptare.

Mbi 50 milionë njerëz në Shtetet e Bashkuara janë të kërcënuar nga temperatura të ftohta, reshje të dendura dëbore dhe rreziqe të mundshme për shoferët.

Sipas Shërbimit Kombëtar të Motit të SHBA-së, dëbora e dendur do të vazhdojë të bjerë në rajonin e Liqeneve të Mëdha, me erëra të forta dhe rrezikun e ndërprerjeve të energjisë elektrike.

Mbi 2 200 fluturime vendase janë vonuar dhe më shumë se 50 janë anuluar.

Ditën e diel vendi ynë do të jetë në ndikim të masave ajrore relativisht të paqëndrueshme. Moti parashikohet të jetë me vranësira dhe intervale kthjellimesh. Reshje shiu me intensitet të ulët deri në orët e mesditës në jug të vendit. Era me drejtim nga kuadrati i veriut me shpejtësi mesatare deri në 7m/sek. Deti -Valëzimi […]

The post Vranësira dhe reshje të dobëta lokale, moti për ditën e sotme appeared first on BoldNews.al.

TIRANË, 29 nëntor/ATSH/ Qarku i Kukësit vijon të jetë edhe ditën e sotme i përfshirë nga reshjet e dëborës, si dhe shi me intensitet të ulët.

Prefekti i qarkut Kukës, Dritan Baji tha sot për ATSH-në se “i gjithë territori i qarkut Kukës gjatë gjithë natës deri në orët e para të mëngjesit në lartësinë mbi 600 m është mbuluar nga dëbora”.

Sipas tij, subjektet kontraktore kanë vazhduar punën gjatë gjithë kohës për pastrimin nga bora dhe inertet si dhe kriposjen e tyre.

Prefekti Baji informoi se të gjitha akset rrugore nacionale janë të qarkullueshme.

Ndërsa nga bashkitë Kukës, Has  dhe Tropojë nuk ka raportime për ndonjë problematikë emergjente.

I gjithë qarku furnizohet me energji elektrike përveç 39 abonentëve të fshatit Llugaj, njësia administrative Llugaj, bashkia Tropojë.

Furnizimi me ujë të pijshëm bëhet sipas orareve të përcaktuara nga Drejtoria e Ujësjellës Kanalizimeve Kukës.

1 nga 4

/k.s/ /a.g/

The post Reshjet dëbore në qarkun e Kukësit, Baji: Vijon pastrimi dhe kriposja e rrugëve appeared first on Agjencia Telegrafike Shqiptare.

TIRANË, 28 nëntor/ATSH/ I gjithë territori i qarkut të Kukësit është përfshirë nga reshje dëbore dhe shiu me intensitet mesatar.

Prefekti i qarkut të Kukësit, Dritan Baji tha sot për ATSH-në se “subjektet kontraktore kanë punuar gjatë gjithë natës për pastrimin e akseve dhe kriposjen e tyre, duke bërë të mundur që të gjitha rrugët nacionale të jenë të qarkullueshme”.

Sipas tij, në Valbonë trashësia e borës ka arritur deri në 10 centimetra.

“Në bashkitë Kukës, Has dhe Tropojë deri tani nuk ka pasur asnjë situatë emergjente apo problematikë të shkaktuar nga moti. I gjithë qarku furnizohet normalisht me energji elektrike, përveç 39 abonentëve në fshatin Llugaj, Njësia Administrative Llugaj, bashkia Tropojë, ku vijon puna për rikthimin e furnizimit”, tha Baji.

Në aksin Kukës – Shishtavec gjatë natës ka pasur reshje bore ku është punuar për pastrimin dhe hedhjen e kripës, ndërsa qarkullimi i mjeteve vijon normalisht.

Furnizimi me ujë të pijshëm kryhet sipas orareve të përcaktuara nga Drejtoria e Ujësjellës Kanalizimeve Kukës.

1 nga 5

/k.s/a.f/

The post Baji: Reshje bore dhe shiu në qarkun e Kukësit, rrugët kombëtare të kalueshme appeared first on Agjencia Telegrafike Shqiptare.

Reshjet e borës kanë mbuluar rajonin e qytetit Leon në Spanjën veriperëndimore, duke transformuar zonat malore në një peizazh dimëror, teksa një valë e të ftohtit arktik përfshin veriun e vendit.

Pamjet me dron treguan rrugë të mbuluara me borë dhe rrugë të bllokuara malore, me transport të ngadalësuar ndjeshëm në zonat përreth Leonit.

I ftohti i acartë ka sjellë reshje të dendura të borës dhe ka shkaktuar alarmet e motit në disa provinca veriore, ku temperaturat kanë rënë ndjeshëm dhe nivelet e borën kanë rënë në mënyrë të pazakontë për këtë periudhë të vitit.

Reshjet e dendura të shiut kanë rikthyer përmbytjet në disa zona të vendit, duke shkaktuar bllokim rrugësh, dëme në tokat bujqësore dhe ndërprerje të energjisë elektrike. Situata paraqitet problematike në disa qarqe, ku uji ka vënë nën presion argjinaturat dhe ka izoluar fshatra të tërë. Lezhë – banesat përmbyten nga kanalizimet e bllokuara Në qytetin […]

The post Qindra hektarë tokë nën ujë, rrugë të bllokuara dhe fshatra pa energji, si paraqitet situata nga reshjet në vend appeared first on BoldNews.al.

TIRANË, 26 nëntor/ATSH/ Në zonat e rrezikuara nga përmbytjet si pasojë e reshjeve intensive të ditëve të fundit po vijon riparimi i argjinaturave dhe infrastrukturës së rëndësishme ujitëse e mbrojtëse.

Kryeministri Edi Rama ndau në rrjetet sociale momente nga puna në terren në disa bashki, ku po kryhen ndërhyrje përforcuese për të evituar rrezikun nga përmbytjet.

Kryeministri theksoi se ekipet e Drejtorisë së Ujitje-Kullimit janë në bashkërendim të plotë me Emergjencat Civile, Forcat e Armatosura dhe institucionet lokale po punojnë për të garantuar sigurinë e komuniteteve dhe zonave të prekura.

Rama ndau momente nga puna në terren në lumin Devoll, lumin Dunavec, në lumin Kalasë pranë Urës së Vanës, në kanalin kullues që përshkon Akërninë, Novoselën, Alibanin, riparimin e urës së Belit-Metoq, si dhe nga ndërhyrjen e Batalionit të Xhenios në Sarandë, Finiq, Maliq, Laç dhe Bovillë.

Partia Demokratike kërkoi sot shpalljen e gjendjes së jashtëzakonshme pasi shirat e dendur shkaktuan përmbytje të disa tokave bujqësore, duke shkaktuar dëme për fermerët.

/m.m/j.p/r.e/

The post Rama: Vijon riparimi i argjinaturave për të garantuar sigurinë e komuniteteve appeared first on Agjencia Telegrafike Shqiptare.

TIRANË, 26 nëntor /ATSH/ Instituti i Gjeoshkencave njoftoi se sot do të ketë reshje me intensitet të lartë kryesisht në veri dhe jug të vendit.

Në qarqet Shkodër, Kukës, Dibër, Elbasan, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

Reshjet do të sjellin rritje të prurjeve në lumenjtë e mëdhenj dhe të mesëm Shkumbin, Seman dhe Vjosë.

Priten reshje intensive deri lokalisht shumë intensive në qarqet Vlorë dhe Gjirokastër, ndërsa në qarqet Shkodër, Kukës, Dibër, Elbasan priten reshje intensive. Në qarqet e tjera priten reshje mesatare deri lokalisht intensive. Reshjet në të gjitha qarqet pritet të shoqërohen me shtrëngata.

Në Veri dhe Lindje në lartësitë mbi 1000 m nga niveli i detit reshjet do të jenë në formë dëbore.

TEMPERATURAT

Sot temperaturat minimale dhe maksimale të ajrit pritet të arrijnë:

në bregdet: 12 / 13 °C

në vendet e ulëta: 11 / 12 °C

në vendet malore:  6 / 8 °C

ERA

Sot era pritet të fryjë mesatare deri e fortë, kryesisht në bregdet.

The post IGJEO: Sot reshje me intensitet të lartë kryesisht në veri dhe jug të vendit appeared first on Agjencia Telegrafike Shqiptare.

TIRANË, 25 nëntor /ATSH/ Forcat e Armatosura po vijojnë punën në terren për normalizimin e situatës në zonat e prekura nga reshjet intensive.

Ministri i Mbrojtjes, Pirro Vengu njoftoi se efektivët e Batalionit të Xhenios janë angazhuar në ndërhyrje në Finiq, Bovillë, në argjinaturën e Bistricës dhe në urën e Metoqit në Sarandë.

Sipas Ministrit të Mbrojtjes, trupat po kryejnë operacione të specializuara për pastrimin, stabilizimin dhe garantimin e sigurisë në këto zona, me qëllim mbështetjen e komuniteteve të prekura dhe parandalimin e dëmeve të mëtejshme.

/gj.m/r.e/

The post Vengu: Forcat e Armatosura vijojnë operacionet në zonat e prekura nga reshjet appeared first on Agjencia Telegrafike Shqiptare.

Rreziku i përmbytjeve në veri dhe jug të vendit nuk është larguar.  Meteorologët parashikojnë kthim të reshjeve mesatare deri lokalisht intensive të shoqëruar me shtrëngata  në të gjithë vendin.  Ato pritet të kulmojnë të  mërkurën dhe më problematike  sipas  Institutit të Gjeoshkencave ato parashikohet të jenë në katër qarqe.

“Nëe qarqet e Shkodrës,  Kukesit, Vlorës dhe Gjirokastrës. duke qene se i rikthehemi pas gati një  jave me reshje intensive  ketyre qarqeve presim te kemi serish 24 oresh tjeter me reshje intensive ku mund te shfaqen problematika sa i takon vershimve te shpejta te ujit  në zona urbane dhe vershime te prrenjeve lumenjve te vegjel malor”

Në veri të vendit në zona mbi  1 mijë metër lartësi reshjet e shiut  parashikohet të kombinohen me ato të borës.  Intensiteti I reshjeve pritet të bie të enjten.

“Intensiteti më i ulët, por dhe  të enjten dhe të premten reshjet vijojnë. Nëntori mbyllet me reshje shiu e bore në të gjithë vendin.”

Nga e mërkura vlerat e termometrit  parashikohet të luhaten  me  2  deri 3 gradë celcius   fillimisht me rritje më pas me zbritje.  Problematike sipas  meteorologëve do të jetë era e cila parashikohet  që në zonat malore dhe në bregdet parashikohet të  jetë  e fortë ndërsa në pjesën  tjetër  të vendit do të fryjë me intensitet mesatar.

TIRANË, 24 nëntor/ATSH/  Shërbimi Meteorologjik Ushtarak bën të ditur se vendi ynë ditën e hënë do të ndikohet nga kushte atmosferike relativisht të qëndrueshme.

Moti parashikohet me alternime vranësirash dhe kthjellime të herëpashershme. Në orët e pasdites pritet riaktivizim i reshjeve të shiut në zonat veriperëndimore dhe perëndimore, me intensitet të ulët.

Në zonën e Alpeve reshjet do të jenë në formë dëbore, me intensitet të ulët gjatë pasdites dhe mbrëmjes. Shikimi parashikohet i reduktuar në orët e mëngjesit përgjatë zonave luginore si dhe gjatë momenteve të reshjeve.

Në jug, pas mesditës, reshjet e shiut pritet të ndërpriten.

Era do të fryjë nga jugperëndimi – juglindja me shpejtësi mesatare 7 m/sek, ndërsa përgjatë vijës bregdetare dhe zonave luginore hera-herës do të arrijë deri në 20 m/sek. Valëzimi në det parashikohet 3–4 ballë.

Temperaturat parashikohen:

The post Reshje shiu në zonat veriperëndimore dhe dëborë në Alpe appeared first on Agjencia Telegrafike Shqiptare.

Ministria e Infrastrukturës dhe Energjisë informon se hyrja në tunelin e Skërficës është e pastër. Në një postim në rrjetet sociale, ky ndan pamje  nga hyrja në këtë tunel, MIE informon se ndërhyrja e ARRSH dhe kompanisë kontraktore për mirëmbajtjen rrugore kanë rikthyer normalitetin në këtë aks rrugor.

Postimi i plotë: 

Hyrja e tunelit të #Skërficës është plotësisht e pastër, pavarësisht reshjeve të dendura në zonën e Gjirokastrës dhe inertëve të shumtë që përrenjtë kanë sjellë nga malet. Është ndërhyrë menjëherë nga ARRSH dhe kompania kontraktore e mirëmbajtjes rrugore dhe hyrjet nga të dyja krahët e tunelit të Skërficës janë të pastra.

TIRANË, 23 nëntor/ATSH/- Ministri i Bujqësisë dhe Zhvillimit Rural, Andis Salla, së bashku me ministrin e Mbrojtjes, Pirro Vengu, Prefektin e Qarkut të Korçës, Nertil Jole dhe ekipet e Agjencisë Kombëtare të Mbrojtjes Civile, mbërritën sot në Maliq për të ndjekur nga afër situatën e krijuar nga reshjet e ditëve të fundit dhe për të inspektuar dëmtimet në disa argjinatura të zonës.

Gjatë verifikimeve në terren, ministri Salla bëri të ditur se ekipet teknike të bordit të kullimit, në bashkëpunim me bashkinë dhe strukturat vendore, po punojnë pa ndërprerje për riparimin e tyre.

Në zonat e Sheqerasit dhe Drithasit vijon përforcimi i argjinaturës, ndërkohë që ekipet e emergjencave civile, Drejtoria Rajonale e Ujitjes dhe Kullimit dhe efektivët e Forcave të Armatosura nga Reparti i Drenovës janë të pranishëm në terren dhe në gatishmëri të plotë pranë banorëve.

“Kemi bërë devijimin e ujërave drejt shtratit të lumit, duke shmangur rrezikun e përmbytjes së tokave bujqësore. Rruga në të cilën po ndërhyjmë po përforcohet për të garantuar transport të sigurt të materialeve drejt pikës së çarjes, me qëllim që ndërhyrjet të përfundojnë brenda mbrëmjes së sotme ose nesër në mëngjes”, tha ministri Salla gjatë inspektimit.

Ai bëri të ditur se situata po monitorohet paralelisht edhe në qarqe të tjera të vendit ku janë shfaqur problematika të ngjashme.

“Në Sarandë, Fier dhe Lezhë ndërhyrjet janë drejt përfundimit. Prioritet mbetet stabilizimi i situatës dhe mbrojtja e komuniteteve”, deklaroi ministri.

Pas përfundimit të ndërhyrjeve emergjente në të gjithë territorin, Ministria e Bujqësisë dhe Zhvillimit Rural do të nisë procesin e plotë të evidentimit të dëmeve. Vlerësimet do të fokusohen veçanërisht te dëmet në sektorin bujqësor, përfshirë fermerët, blegtorët dhe subjektet e prekura.

“Jemi në fazën e mbylljes së problematikave më urgjente. Më pas do të vijojmë me evidentimin e çdo dëmi, duke garantuar që asnjë fermer të mos mbetet pa mbështetjen e nevojshme”, u shpreh ministri Salla.

The post Salla dhe Vengu në Maliq: Ndërhyrje urgjente në terren, vlerësimi i dëmeve menjëherë pas stabilizimit appeared first on Agjencia Telegrafike Shqiptare.

TIRANË, 23 nëntor/ATSH-Maela Marini/ Prefekti i qarkut të Korçës, Nertil Jole bëri të ditur sot se ka nisur procesi i evidentimit të dëmeve nga përmbytjet, ndërsa banorët janë ndihmuar me mbështetje nga Rezervat e Shtetit

Në një intervistë televizive, Jole u shpreh se intensiteti i reshjeve është ulur, ndërsa Korça është mbuluar nga reshejet e para të borës.

“Ditën e sotme situata paraqitet më normale sepse dhe reshjet kanë qenë më të pakta. Kjo na ka dhënë mundësi të stabilizojmë situatën dhe të organizohemi në territor me të gjitha strukturat”, tha ai.

Jole theksoi se gjatë ditëve të fundit, qarku i Korçës është përfshirë nga një prezencë shirash që ka kaluar nivelin mbi mesatar të viteve të fundit.

“Kemi pasur disa situata në disa bashki. Jemi përpjekur maksimalisht që me prezencë të plotë në territor nga të gjitha strukturat të adresojmë në mënyrë të prioritizuar situatat më delikate”, tha ai.

Autoriteti Rrugor Shqiptar, sipas Prefektit Jole ka evituar në çdo rast situata të vështira për sa i takon akseve kryesore.

“Janë bërë pastrime të menjëhershme aty ku ka pasur rrëshqitje dheu për të mos cënuar qarkullimin normal të mjeteve, por kemi pasur disa situata më delikate e komplekse në zona rurale të thella si në Vithkuq e Lekas, ku ka pasur rrëshqitje dheu si pasojë e prurjeve të ujit nga zonat malore”, shtoi ai.

Jole theksoi se situata problematike është paraqitur edhe në Devoll e Tushemisht, ndërsa janë përmbytur edhe disa banesa në periferi të Pogradecit.

Situatë delikate, sipas tij, ka pasur edhe në Fushë Maliq ku për herë në mbi 50 vite kuotat e lumit kanë arritur nivele maksimale. “Kjo ka identifikuar edhe disa pika të dobëta të argjinaturave të lumit, ndërkohë do të bëhet edhe rivlerësimi i dëmeve”, tha Jole.

/a.f/

The post Jole: Ka nisur procesi i evidentimit të dëmeve nga përmbytjet appeared first on Agjencia Telegrafike Shqiptare.

TIRANË, 23 nëntor/ATSH/ Agjencia Kombëtare e Mbrojtjes Civile njoftoi sot se gjatë 24 orëve të fundit, situata paraqitet përgjithësisht drejt stabilizimit, megjithëse në disa qarqe vijojnë problematikat e akumuluara nga prurjet e larta të lumenjve, rrëshqitjet e dherave dhe dëmtimet në infrastrukturë.

Sipas AKMC-së, nivelet e shumicës së lumenjve janë në rënie, ndërsa hidrovorët në zonat më të prekura po punojnë me kapacitet të plotë. Forcat e emergjencave, Forcat e Armatosura, strukturat vendore dhe ekipet e ndërhyrjes së shpejtë mbeten në terren për normalizimin e situatës dhe mbajtjen nën kontroll të zonave me risk.

Situata sipas qarqeve:

QARKU VLORË

Hidrovorët e bashkisë Vlorë janë në punë me kapacitet të plotë. Niveli i lumit Vjosë në Novoselë vazhdon me trend ulje. Gjatë ditës së djeshme, në ndihmë të situatës erdhën dhe forcat e Njësisë së Komandës Mbështetëse.

Bashkia Sarandë

Situata është në monitorim në fshatin Çukë, në argjinaturën e lumit Bistricë. Ditën e djeshme në këtë zonë operuan edhe 10 efektivë të FA, me mjete, në ndihmë të banorëve të zonës.

Forcat operacionale punuan për normalizimin e situatës në rrugët që lidhin disa fshatra në bashkitë; Finiq, Konispol dhe Delvinë, ku ka pasur prezencë dherash.

QARKU FIER

Ekipet e emergjencave janë në ndihmë të banorëve në fshatrat Çerven dhe Ferras, ku janë 25 banesa me prani uji, brenda argjinaturës së lumit Vjosë.

Sot lumi Seman është tërhequr në kuota të sigurta, me rënie prej 70 cm.

QARKU KORÇË

Situata në njësitë administrative të prekura; Bulgarec, Vithkuq, Drenovë, Mollaj është qetësuar. Uji është tërhequr, po vijon puna për normalizimin e plotë.

Po vijojnë punimet për mbylljen e çarjeve në argjinaturat e lumit Devoll dhe lumit Dunavec. Në ndihmë kanë ardhur dhe 20 forca nga FA. Lumi Devoll ka ulur nivelin disa centimetra. Fshati Sheqeras nuk rrezikohet për përmbytje të banesave, por ka prani uji në sipërfaqet bujqësore. Vëmendja është përqendruar në infrastrukturën e fshatrave Moçan, Desmire, Osoje dhe Gjinikas. Po ashtu po punohet edhe në fshatrat Senisht dhe Dolanm, ku ka patur rrëshqitje dherash.

Në Pustev situata paraqitet e qetë, ndërsa forcat zjarrfikëse po ndërhyjnë për largimin e ujit nga bodrumet e 4 banesave që kanë prezencë uji.

Po ashtu po ndërhyhet në bashkinë e Pogradecit, ku janë evidentuar evidentuar rreth 50 raste dëmesh në banesa dhe në 4 ura.

Janë konstatuar problematika në Unazën e Qytetit dhe Hudenisht, ku po punohet për neutralizimin e situatës. Po ashtu puna vijon nga ekipet në Kolonjë, në fshatin Qinam dhe në fshatrat Mesickë dhe Taç Poshte.

QARKU LEZHË

Në bashkinë Lezhë vazhdon të jetë nën ujë një sipërfaqe rreth 220 ha. Hidrovorët po punojnë me kapacitet të plotë. Tek argjinatura në Lagunën Vain, vijon puna për riparimin e digës së dëmtuar.

Nivelet e lumenjve Drin dhe Mat kanë pësuar rritje, por është brenda kuotave normale. Në bashkinë Kurbin, po vijojnë punimet në shtratin e lumit Drojë, edhe me mbështetje nga FA.

Në Mamurras ka një sipërfaqe rreth 300 ha nën ujë.

Në bashkinë Mirditë Problematike mbetet aksi rrugor Rrëshen – Bukmirë ku ulja e bazamentit te rrugës vazhdon duke sjell problematike në qarkullim ndonëse është ndërhyrë në rehabilitimin e saj. Po punohet në disa segmente rrugore dhe pranë disa banesave ku ka patur rrëshqitje dherash.

QARKUN DIBËR

Po vazhdon puna për stabilizimin e situatës në aksin rrugor qytet i Vjetër -qytet i Ri, tek terminali.

QARKU BERAT

Në bashkinë Berat nivelet e lumit Osum kanë shënuar rënie të theksuar. Lumi është brenda shtratit të vet dhe ujërat në tokat bujqësore në fshatrat e njësisë administrative Velabisht janë tërhequr në pjesën më të madhe.

Ndërkohë në bashkinë Dimal situata po vjen drejt përmirësimit.

QARKU GJIROKASTËR

Po punohet nga ekipet në terren, në bashkinë Dropull, ku ura që lidh aksin rrugor Kombëtar me fshatrat Glinë, Peshkëpi e Poshtme, Peshkëpi e Sipërme, Radat të bashkisë Dropull dhe fshatin Nepravishtë të bashkisë Libohovë, ka pësuar ulje si pasojë e reshjeve të shiut.

Është bërë i mundur stabilizimi i situatës në fshatin Dhëmbklan, ku dje pati shkarje të urës.

Në bashkinë Libohovë, tek vendi i quajtur “Shkëmbi Dallëndyshes” po punohet për riparimin e shkarjes së trupit të rrugës. Po punohet edhe në aksin rrugor Suhë-Poliçan.

QARKU TIRANË

Është punuar në fshatin Shargë, në Vorë për largimin e ujit nga një banesë.

QARKU KUKËS

Forcat operacionale po punojnë për normalizimin e situatës në bashkinë Kukës, ku u evidentuan 2 raste të rrëshqitjes së tokës në fshatin Gjegjan dhe në fshatin Morinë.

Në qarqet, Durrës, Shkodër dhe Elbasan, nuk  paraqiten problematika për shkak të kushteve të motit.

Ministria e Mbrojtjes dhe Agjencia Kombëtare e Mbrojtjes Civile janë në monitorim dhe kontakt të vazhdueshëm me strukturat e mbrojtjes civile dhe ekipet e emergjencave për t’u ardhur në ndihmë komuniteteve në zonat e prekura.

/e.i/a.f/

The post Drejt stabilizimit situata pas reshjeve: Vjosa e Semani në ulje, Drini e Mati me rritje appeared first on Agjencia Telegrafike Shqiptare.

TIRANË, 23 nëntor/ATSH/ Shërbimi Meteorologjik Ushtarak njofton se ditën e diel vendi do të ndikohet nga kushte atmosferike të paqëndrueshme, me vranësira mesatare deri të dendura dhe reshje të herëpashershme shiu.

Reshjet e shiut parashikohen të kenë intensitet të ulët në pjesën më të madhe të vendit, ndërsa në veri-perëndim dhe jug-perëndim reshjet do të jenë kryesisht mesatare, hera-herës të shoqëruara me shkarkesa elektrike. Gjatë ditës reshjet e shiut do të vazhdojnë të jenë të herëpashershme me intensitet të ulët, ndërsa në mbrëmje pritet ndërprerja e reshjeve.

Në lartësi mbi 600-700 metra në verilindje dhe mbi 1 000 metra në juglindje parashikohen reshje bore me intensitet të ulët, ndërsa në Alpe dhe verilindje reshjet mund të arrijnë intensitet mesatar.

Era do të fryjë nga juglindja-veriperëndimi me shpejtësi mesatare 7 m/s, duke arritur hera-herës deri në 18 m/s përgjatë vijës bregdetare dhe zonave luginore.

Në detet Adriatik dhe Jon, valëzimi parashikohet i forcës 3-4 ballë.

Shërbimi Meteorologjik Ushtarak rekomandon qytetarët të ndjekin përditësimet e motit për informacion të saktë dhe të tregojnë kujdes gjatë lëvizjeve në kushte të paqëndrueshme atmosferike.

The post Moti i paqëndrueshëm të dielën, reshje shiu dhe borë appeared first on Agjencia Telegrafike Shqiptare.

TIRANË, 22 nëntor/ATSH/ Ministri i Mbrojtjes, Pirro Vengu, tha sot nga Saranda, ku po ndjek nga afër angazhimin e strukturave të emergjencave civile për menaxhimin e situatës së krijuar nga reshjet e shiut, se aktualisht janë rreth 1 500 hektarë nën ujë.

Vengu bëri të ditur se po punohet me intensitet të plotë për t’u ardhur në ndihmë banorëve, ndërsa theksoi se vendi po përballet me frontin e tretë të reshjeve brenda një jave.

“Jemi në një front të tretë meteorologjik në mbarë vendin. Nga vlerësimet paraprake, janë llogaritur rreth 1 500 hektarë nën ujë: 500 hektarë në Lezhë e Kurbin, disa hektarë në Devoll dhe Maliq, ku niveli i ujit ka rënë. Vjosa dhe Semani janë në një sipërfaqe të konsiderueshme brenda argjinaturave, por vijojnë të paraqesin rrezik për disa fshatra. Në Sarandë janë rreth 500 hektarë nën ujë”, tha Vengu.

Ministri bëri me dije se po kryhet inventarizimi i dëmeve të shkaktuara nga reshjet.

“Të gjitha forcat janë të angazhuara në terren: xhenierët, Forcat e Armatosura, forcat e bashkisë, si dhe mjetet private të bordit të kullimit, të cilët dua t’i falënderoj për ndërhyrjen e shpejtë në zonë. Të gjitha strukturat po punojnë për rehabilitimin e Bistricës së Madhe dhe synojmë që brenda dy ditëve mbylljen e të gjitha çarjeve.”

Ai shtoi se Ministria e Bujqësisë është e angazhuar në ofrimin e mbështetjes për fermerët dhe blegtorët për dëmet e pësuara. “Po vijon inventarizimi, ndërsa nga rezervat e shtetit po shpërndahen ushqime koncentrate dhe pako ushqimore për banorët e banesave të përmbytura. Bashkia ka nisur të marrë masa për ujësjellës-kanalizimet dhe rikthimin e jetës normale në fshatra”, u shpreh Vengu.

Ministri njoftoi se në mbarë vendin rreth 200 familje janë evakuuar nga banesat për shkak të përmbytjeve. Nga këta, 150 janë rikthyer në shtëpitë e tyre, ndërsa pjesa tjetër është strehuar në konvikte.

/a.f/

The post Vengu: 1 500 hektarë nën ujë, vijon inventarizimi i dëmeve në bujqësi appeared first on Agjencia Telegrafike Shqiptare.

Reshjet e dendura të shiut kanë përfshirë pothuajse gjithë vendin, duke shkaktuar vështirësi në qarkullim dhe përmbytje të lokalizuara në disa zona. Situata paraqitet më problematike në juglindje, ku pritet përkeqësim i mëtejshëm gjatë natës. Sinoptikania Lajda Porja, në një lidhje me News24, paralajmëroi se moti i paqëndrueshëm do të vijojë deri në fund të […]

The post Moti i keq, paralajmëron meteorologia: Situata do të përkeqësohet appeared first on BoldNews.al.