Ditën e djeshme, një ngjarje e rëndë është regjistruar në zonën e Kalitheas, në Greqi, ku një vajzë 2-vjeçare ra aksidentalisht në shatërvanin e sheshit “Kyprou”, pasi për disa çaste doli nga vëmendja e prindërve të saj.

Sipas informacioneve, fëmija po luante në shesh kur, pa u vënë re nga prindërit, ra në ujë. Kalimtarët që panë ngjarjen njoftuan menjëherë një patrullë policie që ndodhej aty pranë.

Efektivët reaguan menjëherë, nxorën vajzën nga uji dhe e transportuan me makinë patrullimi në Spitalin Pediatrik “Aglaia Kyriakou”.

Në spital, mjekët u përpoqën për rreth 40 minuta të ringjallnin vajzën e mitur, duke kryer ndërhyrje të menjëhershme reanimimi (CPR).

Përpjekjet rezultuan të suksesshme, pasi fëmija u rikthye në jetë, por autoritetet shëndetësore bëjnë me dije se gjendja e saj shëndetësore mbetet kritike dhe ajo ndodhet e shtruar në njësinë e kujdesit intensiv.

Gjatë hetimeve, autoritetet konstatuan se prindërit, kur u pyetën nga mjekët e urgjencës, kishin deklaruar se vajza ishte 5-vjeçe, ndërkohë që më pas u vërtetua se ajo ishte vetëm 2-vjeç, ç`ka ka ngritur shqetësime serioze për neglizhencë në mbikëqyrje.

Në këto rrethana, policia greke bëri të ditur se arrestoi babanë e fëmijës, një 25-vjeçar me origjinë shqiptare, ndërsa nëna 23-vjeçare po hetohet në gjendje të lirë.

Të dy prindërit do të dalin para prokurorit ditën e hënë, me akuzën e neglizhencës në mbikëqyrjen e një të mituri.

Sipas mediave greke, ndaj babait është ngritur një çështje penale për veprën e “ekspozimit të një të mituri ndaj rrezikut”, ndërsa e njëjta akuzë rëndon edhe ndaj nënës, e cila ndodhet pranë vajzës së saj në spital, nën mbikëqyrjen e policisë. Hetimet për zbardhjen e plotë të rrethanave të ngjarjes vijojnë.

The post E rëndë në Greqi/ 2-vjeçarja ra në shatërvan, në gjendje kritike për jetën, arrestohet babai shqiptar, prindërit gënjyen për… appeared first on Albeu.com.

ANKARA, 9 shkurt /ATSH/- Një takim midis udhëheqësve të Greqisë dhe Turqisë javën e ardhshme synon të ringjallë një proces të ngecur të afrimit midis vendeve fqinje, mes tensioneve në rritje dhe frikës nga një ndërhyrje e paparashikueshme nga presidenti i SHBA-së, Donald Trump.

Greqia dhe Turqia pritet të rifillojnë bisedimet në nivelin më të lartë. Duke filluar nga sot në Ankara do të mblidhet Këshilli Suprem i Bashkëpunimit Greqi-Turqi, sipas DW.

Nëse gjithçka shkon sipas planit, presidenti turk, Recep Tayyip Erdogan dhe kryeministri grek Kyriakos Mitsotakis do të zhvillojnë një takim.

Pas një periudhe të vështirë dhe plot konflikte në Mesdheun Lindor, në vitin 2010 u krijua Këshilli i Lartë i Bashkëpunimit.

Ende nuk është arritur nje sukses i madh. Megjithatë Këshilli përpiqet të promovojë një axhendë pozitive mes dy partnerëve të NATO-s, veçanërisht në fushat e ekonomisë dhe të turizmit.

Por ai është mbledhur vetëm pesë herë deri tani, takimi i fundit u bë në Athinë në dhjetor 2023.

“Turqia bën kërkesa dhe pretendime territoriale të njëanshme, që nuk kanë bazë ligjore dhe nuk mund të jenë temë serioze për diskutim”, tha në atë kohë Konstantinos Filis, drejtor i kërkimeve në Institutin e Marrëdhënieve Ndërkombëtare të Athinës.

“Greqia pret që Turqia të përmbushë gjithmonë kërkesat e saj dhe të bëjë lëshime”, tha Fuat Aksu, shkencëtar politik në Universitetin Teknik Yildiz, në Stamboll.

Navtex, një pikë e re debati

Që atëherë nuk ka ndryshuar shumë në Detin Egje. Tensioneve u shtohet një pikë tjetër debati: Të enjten e kaluar Turqia përdori sistemin navigacionit detar “Navtex” për të paralajmëruar për rreziqet e sigurisë dhe aktivitetet ushtarake greke. Paralajmërime të ngjashme ka pasur edhe në të kaluarën.

Në fund të fundit bëhet fjalë për autoritet në Egje: Kush ka të drejtë të deklarohet përgjegjës për çështjet e sigurisë? Athina flet për një përpjekje të paligjshme të fqinjit të saj për të zgjeruar ujërat e tij territoriale. Një “provokim të ri turk” e konsideron këtë gazeta e njohur javore greke “To Vima”.

Nga këndvështrimi turk kjo është thjesht një çështje rutine, që përputhet me legjislacionin aktual. Por mund të jetë më shumë se kaq: sipas gazetës proqeveritare Türkiye: “Navtex ka shkaktuar panik në Greqi dhe ka ndryshuar status quonë në Egje”.

Për kryeministrin grek Mitsotakis mosmarrëveshja për Navtex do të thotë edhe më shumë presion nga e djathta. “Turqia po rrëmben gjysmën e Egjeut, por qeveria jonë nuk sheh asnjë arsye për shqetësim”, ankohet Kyriakos Velopoulos, kryetar i partisë së djathtë populiste “Zgjidhja Greke” (EL), e cila sipas sondazheve ka arritur vendin e tretë, përsa i përket mbështetjes së votuesve.

Debate të pafundme pavarësisht Konventës së OKB-së mbi Ligjin e Detit

Prej disa dekadash Greqia dhe Turqia kane mosmarrëveshje për shelfin kontinental para bregdetit turk, shfrytëzimin e lëndëve të para dhe për zgjerimin e mundshëm të ujërave territoriale në Egje.

Në kuadër të doktrinës së saj ushtarake aktuale “Atdheu Blu” Turqia pretendon edhe territore detare prej më shumë se 450,000 kilometra katrorë para bregdetit të saj.

Si busull ligjore në raste të tilla shërben Konventa e Kombeve të Bashkuara e vitit 1982 mbi të Drejtën e Detit, megjithëse Turqia nuk e ka nënshkruar atë. Por ajo mund të zbatohej: sipas mendimit mbizotërues të juristëve ky traktat pasqyron të drejtën ndërkombëtare zakonore ekzistuese – dhe për këtë arsye është i detyrueshëm edhe për ata, që nuk e kanë nënshkruar.

Asnjë marrëveshje në horizont

Sipas Konventës së OKB-së mbi të Drejtën e Detit çdo shtet mund të përcaktojë në parim ujërat territoriale, që shtrihen deri në 12 milje detare.

Por ekziston një përjashtim i rëndësishëm: Në rastet e kufijve të paqartë ose mbivendosjeve, palët e përfshira duhet të arrijnë një marrëveshje dypalëshe. Por marrëveshja midis Greqisë dhe Turqisë është ende në pritje.

Që në vitin 1995 parlamenti turk shpalli zgjerimin e ujërave territoriale greke në Detin Egje “shkak për luftë”, pasi në një rast të tillë Egjeu do të bëhej një lloj deti i brendshëm grek.

Në vitin 2021 qeveria e Athinës zgjeroi ujërat e saj territoriale në 12 milje detare në detin Jon drejt Italisë. “Sot Greqia rezervon në mënyrë të qartë të drejtën për të zgjeruar ujërat e saj territoriale edhe në Detin Egje”, tha së fundmi ministri i Mbrojtjes Nikos Dendias për stacionin televiziv të Athinës “Open”.

Si instancë e fundit në të gjitha çështjet e së drejtës ndërkombëtare konsiderohet Gjykata Ndërkombëtare e Drejtësisë (GJND) në Hagë.

Por, ky organ i Kombeve të Bashkuara nuk vepron me iniciativën e vet. Si Greqia ashtu edhe Turqia do të duhet të paraqesin një kërkesë të përbashkët, për të autorizuar gjykatën që të ndërmjetësojë. Kjo çështje është diskutuar që nga viti 1976. Deri më tani pa sukses.//a.i/

The post FOKUS – Mosmarrëveshje të reja mes Greqisë dhe Turqisë në Egje appeared first on Agjencia Telegrafike Shqiptare.

Një 25-vjeçar shqiptar është arrestuar në qytetin e Pylosit, në Greqi, pasi dyshohet se ka sulmuar një berber dhe i ka dëmtuar automjetin. Sipas njoftimit të policisë greke, ngjarja ka ndodhur pasditen e 7 shkurtit. Fillimisht, i riu kishte shkuar si klient në berberhane dhe ishte qethur nga pronari, një 51-vjeçar. Më pas, për arsye […]

The post I riu shqiptar rreh me shkop berberin në Greqi, arrestohet nga policia appeared first on BoldNews.al.

TIRANË, 8 shkurt /ATSH/ Më 8 shkurt 1958 në Sarandë u nëshkrua protokolli për minat në Kanalin e Korfuzit.

Protokolli i 8 shkurtit 1958 midis Shqipërisë dhe Greqisë erdhi si pasojë e Incidentit të Kanalit të Korfuzit të vitit 1946, ku anijet britanike u përfshinë në dy incidente: fillimisht u qëlluan nga artileria bregdetare shqiptare dhe më pas u goditën nga mina detare, duke shkaktuar 44 viktima. Gjykata Ndërkombëtare e Drejtësisë në Hagë shpalli Shqipërinë përgjegjëse për pasojat e incidentit, por qeveria shqiptare nuk e njohu këtë vendim.

Minat që gjendeshin në Kanalin e Korfuzit që prej Luftës së Dytë Botërore, nisën të spastroheshin sipas koordinatave të përcaktuara të ujërat territoriale të Shqipërisë dhe të Greqisë, bazuar në një protokoll dypalësh të nënshkruar më 8 shkurt 1958. Në emër të qeverisë së RPSH-së nënshkroi kapiteni i rangut të parë të Marinës, Abdi Mati, ndërsa për palën greke nënshkroi i barazvlefshmi i tij, Emanuel Dhimotaqis.

Protokolli i nënshkruar u përpilua në përputhje me disa konventa që parashikonin marrëveshje të kësaj natyre, sikurse ishin: Konventa mbi detin territorial dhe zonën speciale dhe Konventa mbi detin e hapur. Për një periudhë afro katërmujore, prej datës 15 mars deri më 7 korrik 1958, secila prej palëve kreu punimet sipas detyrimeve. Pas përfundimit të kësaj kohështrirjeje, prej datës 30 korrik e deri më 2 gusht, përfaqësues të qeverisë shqiptare, së bashku me homologët e tyre në kabinetin grek, u mblodhën në qytetin e Sarandës për të shqyrtuar punimet e kryera.

Në një deklaratë të tyren të përbashkët, ata komunikuan nënshkrimin e një protokolli përfundimtar, i cili do të mundësonte që duke filluar nga mesdita e datës 4 gusht 1958, Kanali i Korfuzit të ishte “i lirë për lundrimin e anijeve të mbiujshme”.

Marrëdhëniet midis Shqipërisë dhe Greqisë mbeteshin të tensionuara për shkak të “gjendjes së luftës”, si dhe për pretendimet territoriale greke. Megjithëse mungonin marrëdhëniet diplomatike dhe të dyja vendet i përkisnin blloqeve ushtarake kundërshtare, NATO dhe Traktatit të Varshavës, nevoja për një lundrim të sigurt në Kanalin e Korfuzit i shtyu ato drejt bashkëpunimit teknik dhe nënshkrimit të Protokollit më 8 shkurt 1958.

Gjatë muajve mars–korrik, të dyja vendet çminuan ujërat e tyre territoriale dhe më 4 gusht 1958 kanali u hap zyrtarisht.

The post Protokolli i vitit 1958 mes Shqipërisë dhe Greqisë për sigurinë detare appeared first on Agjencia Telegrafike Shqiptare.

Greqia nuk gjen qetësi nga tërmetet. Java që po mbyllet regjistroi dhjetëra lëkundje sizmike të fuqishme, me epiqendra nga pjesa perëndimore në bregdetin jonian, deri në atë jugore, ishullin e Kretës.

Një tjetër tërmet dhe këtë herë më i fuqishëm nga të parët, u regjistrua mëngjesin e sotëm (8 shkurt)në Kretë.

Sipas ekspertëve, forca e lëkundjeve kishte magnitudë 4.8 ballë dhe me epiqendër brigjet e Kretës.

“Protothema” informon se epiqendra ishte 44 kilometra në perëndim të Paleochoras, Chania, ndërsa thellësia fokale u vlerësua në 27 kilometra, sipas Zgjidhjes Automatike të Institutit Gjeodinamik.

Nuk ka raportime për dëme dhe të lënduar, por forca goditëse cilësohet mesatarisht e fortë.

The post Greqia nuk gjen qetësi, tronditet nga një tjetër tërmet, ja sa ishte magnituda appeared first on Albeu.com.

SELANIK, 7 shkurt /ATSH/- Autoritetet në Greqi arrestuan sot 313 persona në një bastisje në kampusin universitar të qytetit të dytë më të madh të vendit, Selanikut, pasi Policia e Trazirave u sulmua nga turma njerëzish që hodhën më shumë se 100 kokteje Molotov, sipas AP.

Policia greke tha se grupe njerëzish të veshur me kapuçë dolën sot nga kampusi i “Universitetit Aristoteli” të Selanikut në orët para të mëngjesit për të sulmuar një skuadër policie të trazirave.

Njësia zakonisht vendoset në një distancë të caktuar nga kampusi për të garantuar sigurinë – pas festave të natës që zhvillohen në ambientet e universitetit.

Sulme të tilla kundër Policisë së Trazirave pranë kampusit universitar nuk janë të rralla, por kjo është hera e parë që kaq shumë njerëz arrestohen pas një përplasjeje të tillë – gjatë së cilës u përdor një numër jashtëzakonisht i lartë bombash zjarri.

Policia e Trazirave përdori gaz lotsjellës dhe granata zhurmuese për të zmbrapsur sulmuesit.

“Një oficer u dërgua në një spital ushtarak për shkak të djegieve në fytyrë dhe këmbë, ndërsa një civil 21-vjeçar u trajtua për probleme me frymëmarrjen”, tha policia.

Universiteti tha në një deklaratë se sulmet ishin kryer nga “ekstremistë” jashtë kampusit, në bashkëpunim me disa individë brenda territorit të universitetit.

Ata thanë se një hetim ishte duke u zhvilluar – për të përcaktuar nëse ndonjë student ka marrë pjesë.

Gjithashtu, sipas deklaratës nuk ishte dhënë leje për të organizuar ndonjë festë në territorin e universitetit.  //a.i/

The post GREQI – Policia arreston 313 persona në një bastisje në universitetin e Selanikut appeared first on Agjencia Telegrafike Shqiptare.

Autoritetet në Greqi arrestuan sot 313 persona në një bastisje në kampusin universitar të qytetit të dytë më të madh të vendit, Selanikut, pasi Policia e Trazirave u sulmua nga turma njerëzish që hodhën më shumë se 100 koktejë molotovë.

Policia greke tha se grupe njerëzish të veshur me kapuçë dolën sot nga kampusi i “Universitetit Aristoteli” të Selanikut në orët para të mëngjesit për të sulmuar një skuadër policie të trazirave.

Njësia zakonisht vendoset në një distancë të caktuar nga kampusi për të garantuar sigurinë – pas festave të natës që zhvillohen në ambientet e universitetit.

Sulme të tilla kundër Policisë së Trazirave pranë kampusit universitar nuk janë të rralla, por kjo është hera e parë që kaq shumë njerëz arrestohen pas një përplasjeje të tillë – gjatë së cilës u përdor një numër jashtëzakonisht i lartë bombash zjarri.

Policia e Trazirave përdori gaz lotsjellës dhe granata zhurmuese për të zmbrapsur sulmuesit.

“Një oficer u dërgua në një spital ushtarak për shkak të djegieve në fytyrë dhe këmbë, ndërsa një civil 21-vjeçar u trajtua për probleme me frymëmarrjen”, tha policia.

Universiteti tha në një deklaratë se sulmet ishin kryer nga “ekstremistë” jashtë kampusit, në bashkëpunim me disa individë brenda territorit të universitetit.

Ata thanë se një hetim ishte duke u zhvilluar – për të përcaktuar nëse ndonjë student ka marrë pjesë.

Gjithashtu, sipas deklaratës nuk ishte dhënë leje për të organizuar ndonjë festë në territorin e universitetit./abcnews.al

 309  persona janë arrestuar pas incidenteve të dhunshme në Universitetin Aristoteli të Selanikut. Incidentet filluan gjatë mesnatës pas një feste në Shkollën Politeknike të Universitetit Aristoteli të Selanikut,  kur një grup burrash me kapuçë hodhën kokteje Molotov drejt forcave të policisë.

Ndërkohë forcat e policisë u përgjigjën me ujë dhe gaz lotsjellës. Sipas informacioneve, një grup personash me fytyra të mbuluara dolën nga ambientet e universitetit dhe u zhvendosën drejt Rrugës Egnatia, ku sulmuan një skuadër policie për ndërhyrjen e shpejtë .

Një oficer policie përfundoi në spital me djegie pas përplasjeve të dhunshme.

Një rrëshqitje e madhe dheu ka shkaktuar probleme serioze në qarkullimin rrugor në Greqinë perëndimore, duke bllokuar plotësisht autostradën Ionian Motorway në segmentin midis Arta dhe Amfilochia.

Ngjarja ka ndodhur pas reshjeve të dendura të shiut, të cilat kanë zbutur strukturën e tokës, duke shkaktuar shembjen e një sasie të madhe dheu dhe gurësh mbi të dyja korsitë e rrugës. Pamjet filmike nga ajri tregojnë një masë të konsiderueshme toke që ka mbuluar autostradën, duke e bërë kalimin e automjeteve të pamundur.

Autoritetet greke kanë mbyllur menjëherë qarkullimin në këtë pjesë të rrugës për arsye sigurie, ndërsa trafiku po devijohet përmes rrugëve alternative. Në zonë kanë mbërritur inxhinierë dhe specialistë gjeologë, të cilët po vlerësojnë situatën dhe rrezikun e rrëshqitjeve të tjera të mundshme.

Fatmirësisht, deri më tani nuk raportohet për viktima, por autoritetet u bëjnë thirrje drejtuesve të mjeteve të tregojnë kujdes të shtuar dhe të ndjekin udhëzimet zyrtare deri në stabilizimin e plotë të situatës.

Autoritetet greke dhe franceze arrestuan spiunë të dyshuar në operacione të ndara këtë javë, ku të dyja rastet përfshinin transmetim të dyshuar të të dhënave të klasifikuara ushtarake në Kinë.Autoritetet ushtarake greke arrestuan të enjten një kolonel nën dyshimin se i kishte dhënë Kinës informacione të klasifikuara dhe tepër sekrete, sipas Shtabit të Përgjithshëm të Mbrojtjes Kombëtare.

Oficeri u arrestua brenda kampit ushtarak ku ishte i stacionuar. Sipas hetuesve, ai dyshohet se kishte qasje në informacion në lidhje me teknologjitë e reja të Forcave të Armatosura në zhvillim e sipër dhe po dërgonte informacion të klasifikuar elektronikisht nga brenda njësisë së tij.Autoritetet greke thanë se ka indikacione se oficeri u përpoq të rekrutonte të tjerë në një rrjet inteligjence.

Ministria greke e Mbrojtjes tha se kishte “indikacione të qarta për kryerjen e veprave penale sipas Kodit Penal Ushtarak”, konkretisht “mbledhjen dhe transmetimin e informacionit sekret me rëndësi ushtarake te palët e treta, me rrezikun e shkaktimit të dëmtimit të interesave kombëtare”.

Oficeri, i cili komandon një batalion trajnimi të përqendruar në telekomunikacion dhe sisteme elektronike, ishte i stacionuar në një njësi të Forcave Ajrore në Kavouri dhe kishte qasje në informacione të klasifikuara nga degë të shumta të ushtrisë greke dhe vendeve aleate, sipas raportimeve të medias greke.

Gazeta greke Kathimerini raportoi se oficeri dyshohet se transferoi informacione tepër sekrete duke përdorur një program të posaçëm të klasifikuar. Autoritetet gjetën një “makinë të posaçme me program” që dyshohet se është furnizuar nga autoritetet kineze për të fotografuar dokumente të klasifikuara dhe për t’ua dërguar ato marrësve. Mediat greke raportuan se oficeri rrëfeu pas arrestimit të tij, duke përshkruar rekrutimin nga një zyrtar kinez, ndoshta në një konferencë jashtë vendit, dhe pranoi dërgimin e informacionit kundrejt pagesës.

Çështja filloi të zbulohej rreth dy muaj më parë kur CIA informoi Shërbimin Kombëtar të Inteligjencës të Greqisë se një anëtar i Forcave të Armatosura Greke po i jepte Kinës informacione të ndjeshme në lidhje me çështjet e NATO-s, sipas kathimerini.gr. Pjesa më e madhe e materialit dyshohet se lidhet me projektet e NATO-s, të cilat kanë tërhequr interesin e aleatëve të NATO-s, veçanërisht Shteteve të Bashkuara.

ATHINË, 6 shkurt /ATSH-ANA/ – Një burrë rezulton i zhdukur pasi tentoi të kalonte me makinë një rrugë të përmbytur pranë Komotinit, në Greqinë veriore, ndërsa reshjet e dendura në disa rajone të vendit shkaktuan probleme serioze në qarkullim dhe çuan në mbylljen e shkollave.

Sipas një dëshmitari, shoferi i zhdukur u përpoq të kalonte një kalim ujor në zonën Ifestos, afër Komotinit, ku që nga orët e para të së enjtes ka pasur reshje të forta.

Dyshohet se automjeti i tij u rrëmbye nga ujërat e rrëmbyeshme të lumit Vozvozis.

Operacionet e kërkim-shpëtimit u vështirësuan për shkak të nivelit të lartë të ujit, ndërsa në terren u angazhuan shërbimet emergjente, policia greke dhe zyrtarë të Mbrojtjes Civile për të lokalizuar makinën dhe drejtuesin e saj.

Ndërkohë, kryebashkiaku i Pyrgos, Stathis Kannis, në Peloponezin veriperëndimor, urdhëroi mbylljen e shkollave fillore dhe të mesme për sot, për shkak të kushteve të rrezikshme të motit dhe problemeve në infrastrukturën e qytetit dhe rrjetin rrugor. Një rrëshqitje dhe shembja e një ure mbi lumin Kladeos, në zonën Koskina të Olimpisë së Lashtë, dëmtuan tubacionin kryesor të ujësjellësit, duke lënë pa ujë Pyrgosin dhe Olimpin antik.

Kannis bëri të ditur gjithashtu se tre shkolla u evakuuan në një zonë të Pyrgosit me histori përmbytjesh, ndërsa shprehu shqetësim për rrezikun e daljes nga shtrati të lumit Alfios.

Në ishullin e Samothrakës, reshjet e vazhdueshme i kthyen përrenjtë në rrjedha të furishme, duke rrëmbyer degë, gurë dhe dhe.

Kryebashkiaku Thanassis Vitsas tha se ishulli është mësuar me pamje të tilla, pasi relievi i tij bën që të nevojiten reshje të gjata për të ndikuar seriozisht në qarkullim.

Duke bërë një bilanc të reshjeve, Observatori Kombëtar i Athinës njoftoi se sasitë më të dendura të shiut u regjistruan në disa zona të Peloponezit.

Sipas rrjetit të stacioneve automatike, reshjet më të mëdha u shënuan në Andritsena të prefekturës Ilia (114 milimetra), pasuar nga Stemnitsa në Arkadi (98,6 milimetra) dhe Mystras në Lakoni (88,6 milimetra).

Observatori theksoi se reshje pati pothuajse në të gjitha rajonet e Greqisë./  /Ad.Ab./ a.jor.

The post GREQI – Një i zhdukur dhe reshje të dendura shkaktojnë probleme në disa rajone appeared first on Agjencia Telegrafike Shqiptare.

ATHINË, 5 shkurt /ATSH/- Një kolonel i Forcave Ajrore Greke, me akses në informacione të klasifikuara të NATO-s, është arrestuar dhe ka pranuar se ka spiunuar për Kinën, duke nxjerrë sekrete ushtarake që konsiderohen të rëndësishme për sigurinë kombëtare të Greqisë dhe aleancës euroatlantike, sipas “Euractiv”.

Oficeri, rreth 50 vjeç, u ndalua brenda bazës ushtarake ku shërbente në zonën e Kavourit, pas një hetimi të gjatë dhe të fshehtë të shërbimeve sekrete greke.

Dyshimet ndaj tij nisën disa muaj më parë, pas një sinjalizimi nga një agjenci inteligjence aleate, që ngriti alarmin për ekspozimin e të dhënave konfidenciale ndaj palëve të paautorizuara.

Për shkak të detyrës që mbante, koloneli kishte akses të drejtpërdrejtë në dokumente të klasifikuara, përfshirë plane dhe të dhëna të NATO-s.

Sipas autoriteteve, arrestimi u krye në momentin kur u vlerësua se sasia e informacionit që po transmetohej drejt Pekinit ishte rritur ndjeshëm dhe paraqiste rrezik të menjëhershëm.

Hetuesit thonë se gabimi që e zbuloi lidhet me gjurmët digjitale që ai la gjatë aksesimit të dosjeve sekrete.

Përdorimi i kodeve QR për hyrje në materiale të klasifikuara i lejoi shërbimet e kundërzbulimit të ndiqnin rrjedhën e të dhënave dhe të dokumentonin transmetimin e tyre.

Burime pranë hetimit i thanë mediave greke se komunikimi dyshohet të jetë kryer përmes aplikacioneve të koduara, që lejojnë fshirjen e mesazheve.

Megjithatë, provat e mbledhura janë konsideruar të mjaftueshme për arrestimin.

Koloneli ka pranuar veprimtarinë e tij, ndërsa autoritetet po hetojnë nëse ai ka qenë i përfshirë edhe në raste të tjera të ngjashme apo ka vepruar në bashkëpunim me persona të tjerë. //a.i/

The post GREQI – Arrestohet për spiunazh koloneli i forcave ajrore, i ofronte Kinës informacione të klasifikuara appeared first on Agjencia Telegrafike Shqiptare.

Gadishulli iberik është goditur nga stuhia Leonardo, që ka shkaktuar shira të rrëmbyeshëm, erëra të forta dhe përmbytje.

Në Portugali një burrë 70 vjeçar humbi jetën pasi rrjedha e ujit mori para makinën e tij, ndërsa në Spanjë një vajzë që u hodh në lumë për të shpëtuar qenin e saj, është e zhdukur.

Autoritetet arritën të gjenin qenin, por jo vajzën, pavarësisht kërkimeve intensive gjatë gjithë natës.

Ndërkohë Shërbimet e emergjencës së Andaluzisë kishin marrë pjesë në më shumë se një milion incidente deri në mesnatë të mërkurën.

Katërmbëdhjetë lumenj dhe 10 diga janë në rrezik ekstrem përmbytjeje, sipas kreut të departamentit të brendshëm të qeverisë rajonale.

Leonardo më e fundit nga stuhitë që kanë përfshirë Portugalinë dhe Spanjën këtë vit, duke shkaktuar viktima dhe dëme të mëdha.

Stuhia Marta, fronti i radhës i motit në të ashtuquajturin “treni i stuhisë”, pritet të godasë rajonin gjatë fundjavës, sipas agjencisë spanjolle të motit Aemet.

Kjo goditje vjen teksa Portugalia ende nuk është rimëkëmbur nga stuhia Kristin javën e kaluar që shkakoi mbi 4 miliardë euro dëme.

Mbrojtja Civile Kombëtare e Portugalisë tha se kishte regjistruar të paktën 70 incidente që nga mëngjesi i së enjtes./abcnews.al

Grupet e mirëqenies së kafshëve në ishullin grek të Sirosit po ofrojnë akomodim, shërbime dhe mëngjes falas për vullnetarët që ndihmojnë në kujdesin e popullatës së madhe të maceve endacake në ishull, sipas “Time Out”.

I menaxhuar nga “Syros Cats”, programi kërkon angazhimin e vullnetarëve për disa javë duke ushqyer, pastruar dhe kujdesur për macet në këmbim të një akomodimi, shpesh me pamje nga deti.

Vullnetarët duhet të jenë përgjegjës, në formë dhe të aftë të angazhohen për të paktën dy deri në gjashtë javë (minimumi një muaj).

Në këmbim të akomodimit, mëngjesit dhe shërbimeve falas, vullnetarët do të kalojnë pesë orë në ditë, ë pesë ditë të javës duke u ushqyer, pastruar dhe mjekuar kafshët.

Misioni i organizatës është të menaxhohet trajtimi i rreth 3 000 maceve endacake në ishull – përmes TNR (sterilizimit human), të monitorohet shëndeti i tyre dhe të ofrohet kujdes veterinar kur është e nevojshme.

Kjo është një mundësi e artë për adhuruesit e kafshëve në vend të pushimeve tradicionale, pasi puna është fizikisht e vështirë, por shpërblyese, sipas “TravelPirates” dhe “Syros Cats”.

Organizata “Syros Cats”, e cila ka qenë në funksion që nga vitet 1990 dhe konsiderohet si një pioniere e lëvizjes për mirëqenien e kafshëve në ishull, po kërkon njerëz të aftë, të shëndetshëm dhe të pavarur për të ndihmuar në trajtimin e maceve.

Detyrat që do t’u jepen vullnetarëve përfshijnë pastrimin, ushqyerjen, socializimin e maceve të vogla të shpëtuara – për t’i ndihmuar ato të përgatiten për shtëpitë e ardhshme.

Ndërsa e gjithë kjo tingëllon si një mënyrë e bukur për të kaluar disa javë në ishull, puna e “Syros Cats” është thelbësore për identitetin e këtij ishulli.

Falë “Syros Cats” dhe “God’s Little People Cat Rescue”, marrëdhënia midis maceve dhe vendasve ka ndryshuar – nga një armiqësi në respekt të ndërsjellë – me ishullin që tani e përqafon popullatën e tij të maceve si një emblemë krenarie.

“Ne duam t’i tregojmë botës se kafshët kanë rëndësi”, tha Richard Bowell, bashkëthemelues i “God’s Little People Cat Rescue” për “Greek Reporter”.

TIRANË, 5 shkurt /ATSH/- Grupet e mirëqenies së kafshëve në ishullin grek të Sirosit po ofrojnë akomodim, shërbime dhe mëngjes falas për vullnetarët që ndihmojnë në kujdesin e popullatës së madhe të maceve endacake në ishull, sipas “Time Out”.

I menaxhuar nga “Syros Cats”, programi kërkon angazhimin e vullnetarëve për disa javë duke ushqyer, pastruar dhe kujdesur për macet në këmbim të një akomodimi, shpesh me pamje nga deti.

Vullnetarët duhet të jenë përgjegjës, në formë dhe të aftë të angazhohen për të paktën dy deri në gjashtë javë (minimumi një muaj).

Në këmbim të akomodimit, mëngjesit dhe shërbimeve falas, vullnetarët do të kalojnë pesë orë në ditë, ë pesë ditë të javës duke u ushqyer, pastruar dhe mjekuar kafshët.

Misioni i organizatës është të menaxhohet trajtimi i rreth 3 000 maceve endacake në ishull – përmes TNR (sterilizimit human), të monitorohet shëndeti i tyre dhe të ofrohet kujdes veterinar kur është e nevojshme.

Kjo është një mundësi e artë për adhuruesit e kafshëve në vend të pushimeve tradicionale, pasi puna është fizikisht e vështirë, por shpërblyese, sipas “TravelPirates” dhe “Syros Cats”.

Organizata “Syros Cats”, e cila ka qenë në funksion që nga vitet 1990 dhe konsiderohet si një pioniere e lëvizjes për mirëqenien e kafshëve në ishull, po kërkon njerëz të aftë, të shëndetshëm dhe të pavarur për të ndihmuar në trajtimin e maceve.

Detyrat që do t’u jepen vullnetarëve përfshijnë pastrimin, ushqyerjen, socializimin e maceve të vogla të shpëtuara – për t’i ndihmuar ato të përgatiten për shtëpitë e ardhshme.

Ndërsa e gjithë kjo tingëllon si një mënyrë e bukur për të kaluar disa javë në ishull, puna e “Syros Cats” është thelbësore për identitetin e këtij ishulli.

Falë “Syros Cats” dhe “God’s Little People Cat Rescue”, marrëdhënia midis maceve dhe vendasve ka ndryshuar – nga një armiqësi në respekt të ndërsjellë – me ishullin që tani e përqafon popullatën e tij të maceve si një emblemë krenarie.

“Ne duam t’i tregojmë botës se kafshët kanë rëndësi”, tha Richard Bowell, bashkëthemelues i “God’s Little People Cat Rescue” për “Greek Reporter”. //a.i/

The post Ishulli grek ofron akomodim falas në këmbim të kujdesit ndaj maceve endacake appeared first on Agjencia Telegrafike Shqiptare.

Ka shkuar në 15 numri i personave që humbën jetën pas përplasjes së një anijeje të rojes bregdetare greke me një gomone që transportonte emigrantë të paligjshëm pranë ishullit lindor të Detit Egje, Çios, të martën vonë, njoftuan autoritetet. Dhjetëra të tjerë mbetën të plagosur.

Siç raporton media greke Kathimerini ngjarja ndodhi ndërsa gomonia, e dyshuar se operohej nga kontrabandistë emigrantësh, po përpiqej të afrohej në zonën Myrsinidi në bregun lindor të ishullit për të zbarkuar pasagjerët.

Anija transportonte rreth 30 persona dhe ishte e pajisur me motor të fuqishëm kur u vu re nga një mjet patrullimi i rojes bregdetare që operonte nga ishujt e afërt Oinousses.

Pas një ndjekjeje, të dyja mjetet u përplasën, sipas zyrtarëve të rojes bregdetare. Autoritetet njoftuan se viktimat përfshinin 11 burra dhe katër gra, ndërsa paralajmëruan se numri i të vdekurve mund të rritet.

U nis menjëherë një operacion i madh kërkimi dhe shpëtimi, që përfshinte disa anije të rojes bregdetare dhe një gomone private me zhytës civilë. Ambulancat transportuan të mbijetuarit e plagosur në Spitalin e Përgjithshëm Skylitseio të Çios. Deri në mesnatë, 24 emigrantë, përfshirë dy gra shtatzëna, si dhe dy oficerë të rojes bregdetare me lëndime të lehta, u dërguan në spital. Më vonë u konfirmua se fetuset e dy grave shtatzëna nuk mbijetuan.

Tre emigrantë të tjerë iu nënshtruan operacioneve për dëmtime të rënda në organe jetësore.

Zyrtarët thanë se ky incident është ndër më seriozët në vitet e fundit, edhe pse ndjekje të shpejta me gomone emigrantësh kanë ndodhur më parë pranë ishujve grekë si Kos, Symi, Rodos, Samos dhe Agathonisi.

Në muajt e fundit, mbërritjet e emigrantëve në ishujt e Detit Egje kanë rënë ndjeshëm. Në dhjetor, rreth 220 persona mbërritën në Çios, ndërsa në fillim të shkurtit u regjistruan 33 mbërritje, sipas të dhënave të Ministrisë së Migracionit. Në përgjithësi, flukset e emigrantëve drejt ishujve të Egjeut ranë në vitin 2025, me rreth 40% të mbërritjeve të regjistruara në Kretë.

Të martën vonë, Ministri i Migracionit, Thanos Plevris, njoftoi gjatë një debati parlamentar se qeveria do të krijojë dy qendra pritjeje për emigrantët në Kretë, të financuara nga Bashkimi Evropian, dhe pritet të jenë funksionale deri për festën e Pashkëve. Ligji përfshin gjithashtu masa kompensuese për komunitetet lokale, të ngjashme me ato që tashmë zbatohen në ishujt e Egjeut që presin qendra pritjeje afatgjata.

Të paktën 15 persona kanë mbetur të vdekur nga një përplasje mes një anijeje të shpejtë që transportonte emigrantë dhe një anijeje patrullimi të rojës bregdetare greke pranë ishullit lindor të Egjeut, Kios.

Një operacion kërkim-shpëtimi që përfshinte anije patrullimi, një helikopter dhe zhytës është duke u zhvilluar për persona që mund të jenë të zhdukur, raporton AP.

Trupat e 14 personave, 11 burra dhe tre gra, janë nxjerrë nga deti, ka bërë të ditur roja bregdetare, ndërsa 25 emigrantë të tjerë, përfshirë rreth 11 fëmijë, janë shpëtuar dhe janë transportuar në një spital në Kios.

Në incident kanë mbetur të lënduar edhe dy oficerë të rojës bregdetare.

Një nga gratë ka vdekur më vonë në spital nga plagët e marra, ka njoftuar roja bregdetare, duke e çuar numrin e përgjithshëm të të vdekurve në të paktën 15.

Numri i përgjithshëm i personave që ishin në bordin e motoskafit nuk dihet ende.

NJU JORK, 3 shkurt /ATSH/ – Arkeologët kanë zbuluar dy vegla prej druri që datojnë rreth 430 000 vjet më parë në zonën arkeologjike Marathousa, në jug të Peloponezit, Greqi, sipas AP.

Ky zbulim i bën këto vegla prej druri më të vjetrat që janë gjetur ndonjëherë në botë.

Veglat ofrojnë një pasqyrë të rrallë mbi jetën e njerëzve të lashtë, duke treguar përdorimin e drurit si mjet për punë të ndryshme përpara sen të ekzistonte Homo sapiens.

Marathousa ndodhet pranë një liqeni dhe ka qenë një zonë e pasur me kafshë dhe bimësi, gjë që e bëri vendin një mjedis ideal për njerëzit e lashtë.

Shkencëtarët besojnë se vendi mund të ketë qenë përdorur për gjueti dhe përgatitjen e ushqimit dhe veglat prej druri mund të jenë përdorur për gërmime ose punime të tjera praktike.

Një nga veglat e gjetura është një shkop i gjatë dhe i hollë prej rreth 80 centimetra, i cili mund të jetë përdorur për gërmime në baltë ose për nxjerrjen e ushqimeve të ndryshme nga toka ose uji.

Vegla e dytë është më e vogël, rreth 5,7 centimetra, dhe mendohet të jetë përdorur për formësimin e veglave prej guri ose për punë të tjera dore.

Ky nivel detajimi tregon aftësi të avancuara teknologjike për kohën.

Ruajtja e veglave prej druri është jashtëzakonisht e rrallë, sepse druri zakonisht prishet me kalimin e mijëra viteve.

Kjo bën që gjetja e tyre në Marathousa të jetë një rast unik, duke u ofruar shkencëtarëve prova të drejtpërdrejta të përdorimit të drurit nga njerëzit e lashtë.

Përveç drurit, gjetjet e tjera përfshijnë vegla prej guri dhe mbetje kafshësh, duke ndihmuar në krijimin e një pamjeje më të plotë të jetës në atë kohë.

Studiuesit nuk kanë gjetur eshtra njerëzish në vendin e gjetjes, prandaj nuk është e qartë cili grup njerëzor i përdori këto vegla.

Megjithatë, bazuar në kohën dhe vendin, shkencëtarët mendojnë se mund të kenë qenë neandertalët ose një specie tjetër homini i hershëm që jetonte në atë rajon.

Në përfundim, gjetja e veglave prej druri në Marathousa jo vetëm që thyen rekorde të vjetërsisë, por ofron edhe një dritare të rrallë për të kuptuar inovacionin dhe aftësitë teknike të njerëzve të lashtë, duke shtuar njohuritë tona mbi historinë e hershme njerëzore./  /Ad.Ab./ a.jor.

The post GREQI – Arkeologët gjejnë veglat më të vjetra në botë prej druri appeared first on Agjencia Telegrafike Shqiptare.

Një fytyrë e njohur në periferinë e Torinos, Hamid Badoui dukej një kandidat i pamundur për t’u shndërruar në pamjen tragjike të eksperimentit më ambicioz të Italisë për ndalimin e emigrantëve jashtë kufijve të saj. Një endacak dhe ish-shitës frutash në treg, me origjinë marokene – i cili kishte jetuar në Itali për rreth 15 […]

The post Historia e Hamid: Një tregim mbi vdekjen dhe rrëshqitjen e Europës drejt kampeve offshore për emigrantët appeared first on Reporter.al.

ATHINË, 2 shkurt /ATSH/- Presidenti i SHBA-së, Donald Trump ka planifikuar të zhvillojë një vizitë zyrtare në Greqi, njoftoi dje ambasadorja e SHBA-së në Athinë, Kimberly Ann Guilfoyle, duke sinjalizuar interesin në rritje të Uashingtonit për rajonin e Mesdheut Juglindor, sipas “Euractiv”.

Duke folur në prezantimin e filmit të ri dokumentar të Zonjës së Parë të SHBA-së, Melania Trump, dje në Athinë, Guilfoyle tha se pritej një vizitë nga presidenti i SHBA-së dhe bashkëshortja e tij.

Guilfoyle nuk specifikoi se kur do të zhvillohej një vizitë e tillë apo nëse Trump do të ndalonte edhe në vendet e afërta me rëndësi strategjike për interesat e SHBA-së, si Izraeli, Qiproja dhe Turqia.

Megjithatë, vetë njoftimi ka vlerë politike për Evropën Juglindore, një rajon ku vendet janë përfshirë në tensione që lidhen me mosmarrëveshjet detare – veçanërisht midis Greqisë dhe Turqisë – dhe mosmarrëveshjet mbi burimet e energjisë.

Që kur Trump u rizgjodh si president, kompanitë amerikane kanë rritur investimet për të eksploruar gazin dhe naftën në Mesdheun Lindor.

Vetë Guilfoyle e ka përshkruar Greqinë si një lojtare kryesore në të ardhmen energjetike të Evropës.

Për më tepër, ndryshe nga shumë partnerë të Uashingtonit në BE, Greqia pajtohet me Trumpin në lidhje me nevojën që Evropa të importojë më shumë gaz natyror të lëngshëm (LNG) nga SHBA-ja.

Ndërkohë, Athina ka rivendosur marrëdhëniet me Izraelin dhe Qipron – në një përpjekje për të rritur koordinimin në mbrojtje dhe energji. //a.i/

The post ATHINË – Trump planifikon të vizitojë Greqinë mes interesit në rritje për rajonin appeared first on Agjencia Telegrafike Shqiptare.