KIEV, 24 dhjetor /ATSH-AFP/ – Presidenti ukrainas, Volodymyr Zelensky zbuloi detajet e planit të fundit të mbështetur nga SHBA-të për t’i dhënë fund luftës në Ukrainë duke deklaruar se ai ishte negociuar midis përfaqësuesve të Kievit dhe Uashingtonit dhe ishte dërguar në Moskë për shqyrtim.

Dokumenti do të plotësohet nga marrëveshje të tjera dypalëshe midis Shteteve të Bashkuara dhe Ukrainës mbi sigurinë dhe rindërtimin.

Plani 20-pikësh

1. Sovraniteti i Ukrainës do të riafirmohet. Ne deklarojmë se Ukraina është një shtet sovran dhe të gjithë nënshkruesit e marrëveshjes e konfirmojnë këtë me nënshkrimet e tyre.

2. Ky dokument është një pakt total dhe i pakushtëzuar mossulmimi midis Rusisë dhe Ukrainës. Për të ruajtur paqen e qëndrueshme, do të krijohet një mekanizëm monitorimi për të kontrolluar vijën e kontaktit përmes mbikëqyrjes ajrore pa pilot, duke siguruar raportimin e shpejtë të shkeljeve dhe zgjidhjen e mosmarrëveshjeve. Ekipet teknike do të finalizojnë të gjitha detajet.

3. Ukraina do të marrë garanci të forta sigurie.

4. Forcat e armatosura ukrainase do të mbajnë një forcë prej 800 000 personash në kohë paqeje.

5. Shtetet e Bashkuara, NATO dhe shtetet evropiane nënshkruese do t’i ofrojnë Ukrainës garanci sigurie bazuar në Nenin 5:

a) Nëse Rusia pushton Ukrainën, përveç një përgjigjeje të koordinuar ushtarake, të gjitha sanksionet globale kundër Rusisë do të rivendosen.

(b) Nëse Ukraina pushton Rusinë ose hap zjarr në territorin rus pa provokim, garancitë e sigurisë do të konsiderohen të pavlefshme. Nëse Rusia hap zjarr ndaj Ukrainës, garancitë e sigurisë do të hyjnë në fuqi.

(c) Garancitë dypalëshe të sigurisë nuk përjashtohen sipas kësaj marrëveshjeje.

6. Rusia do të formalizojë një politikë mosagresioni ndaj Evropës dhe Ukrainës në të gjitha ligjet dhe dokumentet e kërkuara për ratifikim.

7. Ukraina do të bëhet anëtare e Bashkimit Evropian brenda një afati kohor të përcaktuar saktësisht dhe Ukraina do të përfitojë në afat të shkurtër nga qasja preferenciale në tregun evropian.

8. Një program i fuqishëm zhvillimi global për Ukrainën, që do të përcaktohet në një marrëveshje të veçantë mbi investimet dhe prosperitetin e ardhshëm. Ai do të mbulojë një gamë të gjerë fushash ekonomike, duke përfshirë, por pa u kufizuar në:

a) Krijimin e një Fondi Zhvillimi të Ukrainës për të investuar në sektorë me rritje të lartë, duke përfshirë teknologjinë, qendrat e të dhënave dhe inteligjencën artificiale.

b) Shtetet e Bashkuara dhe kompanitë amerikane do të bashkëpunojnë me Ukrainën dhe do të bashkë-investojnë në rindërtimin, zhvillimin, modernizimin dhe funksionimin e infrastrukturës së gazit të Ukrainës, duke përfshirë tubacionet dhe objektet e saj të magazinimit.

c) Do të bëhen përpjekje të përbashkëta për të rindërtuar zonat e shkatërruara nga lufta, duke restauruar, rindërtuar dhe modernizuar qytetet dhe lagjet e banimit.

d) Zhvillimi i infrastrukturës.

e) Nxjerrja e mineraleve dhe burimeve natyrore.

f) Banka Botërore do të ofrojë një strukturë të posaçme financimi për të garantuar fonde për të përshpejtuar këto përpjekje.

(g) Do të krijohet një grup pune i nivelit të lartë, duke përfshirë emërimin e një udhëheqësi financiar global si administrator, i ngarkuar me organizimin e zbatimit të planit strategjik të rindërtimit dhe maksimizimin e perspektivave të zhvillimit të ardhshëm.

9. Do të krijohen disa fonde të dedikuara për rimëkëmbjen e ekonomisë ukrainase, rindërtimin e zonave dhe rajoneve të dëmtuara, si dhe çështjet humanitare.

(a) Shtetet e Bashkuara dhe vendet evropiane do të krijojnë një fond investimesh kapitale dhe grantesh me një objektiv prej 200 miliardë dollarësh për financim transparent dhe efektiv në Ukrainë.

(b) Një gamë e gjerë investimesh kapitale dhe instrumentesh të tjera financiare do të mobilizohen për rindërtimin e Ukrainës pas konfliktit. Institucionet globale të rindërtimit do të përdorin mekanizma të hartuar për të forcuar dhe lehtësuar këto përpjekje.

(c) Ukraina do të zbatojë standardet më të larta globale për të tërhequr investime të huaja direkte.

(d) Ukraina rezervon të drejtën për të kërkuar dëmshpërblime për dëmet e shkaktuara.

10. Pas përfundimit të kësaj marrëveshjeje, Ukraina do të përshpejtojë procesin e përfundimit të një marrëveshjeje të tregtisë së lirë me Shtetet e Bashkuara.

11. Ukraina konfirmon se do të mbetet një shtet jo-bërthamor në përputhje me Traktatin për Mospërhapjen e Armëve Bërthamore.

12. Centrali bërthamor i Zaporizhias do të operohet bashkërisht nga tre vende: Ukraina, Shtetet e Bashkuara dhe Rusia.

13. Të dy vendet angazhohen të zbatojnë programe edukative në shkolla dhe në shoqëri që promovojnë mirëkuptimin dhe tolerancën e kulturave të ndryshme dhe luftojnë racizmin dhe paragjykimet. Ukraina do të zbatojë rregullat e Bashkimit Evropian mbi tolerancën fetare dhe mbrojtjen e gjuhëve të pakicave.

14. Në rajonet Donetsk, Luhansk, Zaporizhia dhe Kherson, vija e vendosjes së trupave që nga data e kësaj marrëveshjeje njihet de facto si vija e kontaktit.

(a) Ne, si palë, de facto konfirmojmë se kjo është vija e kontaktit – ku ndodhemi aktualisht.

b) Një grup pune do të mblidhet për të përcaktuar ripozicionimin e forcave të nevojshme për t’i dhënë fund konfliktit, si dhe për të përcaktuar parametrat e zonave të mundshme ekonomike speciale në të ardhmen.

c) Duke ndjekur një bazë ekuivalente për lëvizjet ushtarake, forcat ndërkombëtare do të vendosen përgjatë vijës së kontaktit për të monitoruar pajtueshmërinë me këtë marrëveshje. Nëse merret një vendim për të krijuar një zonë të tillë, kjo do të kërkojë miratim të veçantë nga Parlamenti ukrainas ose do t’i nënshtrohet një referendumi.

d) Federata Ruse duhet të tërheqë trupat e saj nga rajonet e Dnipropetrovsk, Mikolaiv, Sumy dhe Kharkiv që kjo marrëveshje të hyjë në fuqi.

e) Palët bien dakord të respektojnë rregullat, garancitë dhe detyrimet e Konventave të Gjenevës të vitit 1949 dhe Protokolleve të tyre Shtesë, të cilat zbatohen plotësisht brenda territorit, duke përfshirë të drejtat e njeriut të njohura universalisht.

15. Duke rënë dakord për rregullimet e ardhshme territoriale, Federata Ruse dhe Ukraina angazhohen të mos i ndryshojnë këto dispozita me forcë.

16. Rusia nuk do të pengojë përdorimin e lumit Dnieper dhe Detit të Zi nga Ukraina për qëllime tregtare.

17. Do të krijohet një komitet humanitar për të zgjidhur çështjet e pazgjidhura.

a) Të gjithë të burgosurit e luftës të mbetur, përfshirë ata të dënuar në Rusi nga viti 2014 deri më sot, do të shkëmbehen në bazë të parimit “të gjithë për të gjithë” (të gjithë të burgosurit e mbajtur, pavarësisht nga numri i tyre përkatës në secilën palë).

b) Të gjithë civilët dhe pengjet e mbajtura, përfshirë fëmijët dhe të burgosurit politikë, do të lirohen.

c) Do të merren masa për të adresuar problemet dhe vuajtjet e viktimave të konfliktit.

18. Ukraina duhet të mbajë zgjedhje sa më shpejt të jetë e mundur pas nënshkrimit të marrëveshjes.

19. Kjo marrëveshje është detyruese. Zbatimi i saj do të monitorohet dhe garantohet nga një Këshill Paqeje i kryesuar nga presidenti Trump. Ukraina, Evropa, NATO, Rusia dhe Shtetet e Bashkuara do të jenë pjesë e këtij mekanizmi. Sanksionet do të zbatohen në rast të shkeljeve.

20. Pasi të gjitha palët ta kenë pranuar këtë marrëveshje, një armëpushim i plotë do të hyjë në fuqi menjëherë./  a.jor.

The post FOKUS – Plani i ri 20-pikësh amerikan për Ukrainën appeared first on Agjencia Telegrafike Shqiptare.

BRUKSEL, 19 dhjetor /ATSH-ANSA/ – Paketa financiare për Ukrainën është finalizuar.Siç kisha shpresuar, Ukrainës i është dhënë një kredi pa interes prej 90 miliardë eurosh. Këto fonde janë të mjaftueshme për të mbuluar nevojat ushtarake dhe buxhetore të Ukrainës për dy vitet e ardhshme, shkroi kancelari Friedrich Merz në një deklaratë pas samitit të BE-së.

‘’Ky është një mesazh vendimtar ndërsa synojmë t’i japim fund luftës, sepse Putini do të bëjë lëshime vetëm kur të kuptojë se kjo luftë nuk është në interesin e tij më të mirë.” shkroi Merz.

“Asetet e ngrira ruse do të mbeten të ngrira derisa Rusia t’i paguajë dëmshpërblimet Ukrainës. Ne tashmë kemi hedhur themelet për këtë javën e kaluar. Ukraina do të duhet ta shlyejë kredinë vetëm pasi Rusia të ketë paguar dëmshpërblimet’’, shtoi ai.

‘’Nëse Rusia nuk i paguan dëmshpërblimet, ne, në përputhje të plotë me ligjin ndërkombëtar, do të përdorim asetet e ngrira ruse për të shlyer kredinë”, shtoi ai.   /os/

The post BRUKSEL – Merz: Kredia e BE-së për Kievin është një mesazh vendimtar për Putinin appeared first on Agjencia Telegrafike Shqiptare.

KIEV, 10 dhjetor /ATSH-ANSA/ – Çdo ditë ne bisedojmë me të gjithë partnerët tanë, praktikisht 24/7, për të identifikuar masa të qëndrueshme dhe realiste për t’i dhënë fund luftës, shkroi presidenti ukrainas Volodymyr Zelensky në Telegram.

‘’Gjithçka duhet të jetë e besueshme dhe dinjitoze për Ukrainën. Sot, është planifikuar të zhvillojmë diskutime me palën amerikane në lidhje me një dokument që do të detajojë procesin e rindërtimit dhe zhvillimit ekonomik të Ukrainës pas luftës’’, shtoi ai.

Paralelisht, po finalizojmë punën për një dokument themelor prej 20 pikash që mund të përcaktojë parametrat për përfundimin e luftës, dhe planifikojmë t’ia paraqesim dokumentin Shteteve të Bashkuara në të ardhmen e afërt, pas punës sonë të përbashkët me ekipin e presidentit Trump dhe partnerët në Evropë’’, shkroi Zelensky.

Kjo javë mund të sjellë zhvillime të reja për të gjithë ne dhe t’i japë fund gjakderdhjes. Le të fillojmë nga supozimi se paqja nuk ka alternativë, dhe pyetjet kryesore janë se si ta detyrojmë Rusinë të ndalojë vrasjet dhe çfarë, konkretisht, do ta pengojë atë nga një pushtim i tretë. Faleminderit të gjithëve që mbështesin Ukrainën!” përfundoi Zelensky.   /os/

The post KIEV – Zelensky: Po punojmë me SHBA-në mbi një plan rindërtimi pas lufte appeared first on Agjencia Telegrafike Shqiptare.

LONDËR, 9 dhjetor /ATSH/ – Ukraina po përgatitet të paraqesë në Shtëpinë e Bardhë një plan të rishikuar paqeje, ndërsa kërkon të shmangë lëshimet territoriale ndaj Rusisë, sipas BBC.

Kievi është gati të propozojë alternativa ndaj SHBA-së, pasi presidenti Volodymyr Zelensky përsëri përjashtoi dorëzimin e territoreve duke thënë se ai nuk kishte të drejtë ta bënte këtë sipas ligjit ukrainas ose ndërkombëtar.

Ai i bëri komentet ndërsa u takua me udhëheqësit evropianë dhe të NATO-s të hënën, pjesë e një shtytjeje kolektive për të penguar SHBA-në të mbështesë një marrëveshje paqeje që përfshin lëshime të mëdha për Ukrainën dhe të cilën aleatët kanë frikë se do ta linte atë të prekshme ndaj një pushtimi të ardhshëm.

Ndërkohë, qyteti i Sumy në Ukrainën veriperëndimore mbeti pa energji gjatë natës pas një sulmi me dron rus.

Guvernatori i rajonit tha se më shumë se një duzinë dronësh kishin goditur infrastrukturën e energjisë, sulmi i fundit i natës i Rusisë. Nuk u raportuan vdekje.

Turneu diplomatik i vazhdueshëm i Zelenskyt në Evropë vjen pas disa ditësh bisedimesh intensive midis negociatorëve amerikanë dhe ukrainas gjatë fundjavës, të cilat dështuan të prodhonin një marrëveshje për të cilën Kievi mund të binte dakord.

Zelensky duhej të informohej për atë samit privat të hënën nga kryenegociatori i tij Rustem Umerov, i cili shkroi në Telegram se do të jepte detaje për bisedimet e drejtpërdrejta midis SHBA-së dhe Presidentit rus Vladimir Putin.

Udhëheqësit evropianë po ecin në një rrugë të ngushtë midis mbështetjes së Ukrainës dhe mbajtjes së SHBA-së në ”bord”.

Presidenti ukrainas tha në një konferencë për shtyp se ekipi i tij mund t’u dërgonte një propozim të ri amerikanëve që sot.

Lidhur me temën e dorëzimit të territoreve, Zelensky tha se “Rusia po këmbëngul që të heqim dorë nga territoret, por nuk duam të lëshojmë asgjë.”

Ai vazhdoi duke thënë se “ne nuk kemi të drejtë ligjore ta bëjmë këtë, sipas ligjit ukrainas, kushtetutës sonë dhe ligjit ndërkombëtar. Dhe nuk kemi asnjë të drejtë morale”.

Zelensky ka pohuar prej kohësh se çdo ndryshim në kufijtë e Ukrainës do të duhet të autorizohet nga një referendum publik.

Diku tjetër, ai u tha gazetarëve se plani fillestar prej 28 pikash i propozuar nga SHBA-ja dhe i refuzuar nga Kievi dhe udhëheqësit evropianë si shumë i favorshëm për Rusinë, ishte reduktuar në 20 pika.

Ai tha se asnjë pikë pro ukrainase nuk ishte hequr nga drafti, megjithëse nuk kishte pasur as kompromis për çështjen e territorit.

Zelensky veçoi kontrollin e rajonit lindor të Donbasit dhe termocentralit bërthamor të Zaporizhias si ndër çështjet më të ndjeshme.

Versioni origjinal i planit të mbështetur nga SHBA-ja propozonte që Ukraina t’ia dorëzonte Rusisë kontrollin e plotë të Donbasit, pavarësisht faktit se forcat e Kremlinit nuk kanë qenë në gjendje ta kapin atë plotësisht pas pothuajse katër vitesh lufte.

Energjia e prodhuar në Zaporizhia, termocentrali më i madh bërthamor në Evropë, do të ndahej midis Rusisë dhe Ukrainës, sipas draftplanit.

Udhëheqësit në Kiev dhe në të gjithë Evropën kanë treguar se ka pasur përparim në rafinimin e atij drafti në javët e fundit dhe kanë lavdëruar administratën Trump për përpjekjen për të ndërmjetësuar përfundimin e luftimeve.

Por, samiti i organizuar me nxitim në Downing Street të hënën – ku morën pjesë Zelensky, kryeministri i Mbretërisë së Bashkuar Keir Starmer, presidenti francez Emmanuel Macron dhe kancelari gjerman Friedrich Merz – u pa gjerësisht si një shfaqje mbështetjeje për Ukrainën, ndërsa ajo kërkon t’i rezistojë presionit të Shtëpisë së Bardhë.

Ndërsa Mbretëria e Bashkuar dhe Franca kanë propozuar vendosjen e trupave ndërkombëtare në Ukrainë, disa lojtarë kryesorë të mbrojtjes në Evropë, përfshirë Gjermaninë dhe Italinë, kanë shprehur skepticizëm në lidhje me këtë ide.

Gjithashtu nuk është e qartë se deri në çfarë mase SHBA-ja do të ishte e gatshme të mbështeste çdo marrëveshje të ardhshme mbrojtëse për Ukrainën.

Pas bisedimeve në Londër, Zelensky fluturoi për në Bruksel për t’u takuar me shefin e NATO-s Mark Rutte dhe shefen e BE-së Ursula von der Leyen dhe do të takohet sot edhe me kryeministren Georgia Meloni në Itali.

Moska gjithashtu ka pretenduar se bisedimet me Shtëpinë e Bardhë kanë qenë konstruktive, pavarësisht pak indikacioneve publike se ka lëvizur në ndonjë nga qëllimet e përcaktuara nga Kremlini kur nisi pushtimin e tij në shkallë të plotë në shkurt 2022.

Të dielën, Trump tha se e shihte Zelenskyn si pengesën kryesore për sigurimin e një marrëveshjeje paqeje, diçka që ai e ka bërë një qëllim kyç të politikës së jashtme dhe të cilën presidenti pretendoi se do të ishte në gjendje ta arrinte shpejt gjatë fushatës zgjedhore presidenciale të vitit 2024.

Ai u tha gazetarëve se Rusia ishte “mirë” me planin e paqes të paraqitur për të dyja palët nga SHBA-të, por se ishte “pak i zhgënjyer që Zelensky nuk e ka lexuar atë”.

Pothuajse njëkohësisht, Zelensky tha se po priste të informohej nga Umerov pas tre ditësh diskutimesh me homologët e tij amerikanë në Miami.

“Disa çështje mund të diskutohen vetëm personalisht”, tha Zelensky./  a.jor.

The post KOMENT – Ukraina drejt një plani të ri paqeje, ku përjashtohet dorëzimi i territoreve appeared first on Agjencia Telegrafike Shqiptare.

The post Miratohet plani i veprimit të agjendës digjitale për arsimin 2025-2030 appeared first on Agjencia Telegrafike Shqiptare.

TIRANË, 1 dhjetor/ATSH/ Bashkia Shkodër ka finalizuar planin e lëvizshmërisë së qëndrueshme urbane, një dokument strategjik që synon transformimin e mënyrës së lëvizjes në qytet dhe reduktimin e trafikut të pakontrolluar.

Kreu i bashkisë së Shkodrës, Benet, Beci, bëri të ditur se plani parashikon krijimin e një qendre më të qetë dhe më të aksesueshme, rritjen e sigurisë së korsive të biçikletave, si dhe mbrojtjen më të mirë të lagjeve dhe shkollave nga trafiku i rënduar.

Një tjetër komponent kyç është përmirësimi i funksionimit të transportit publik dhe vendosja e një sistemi të menaxhuar të parkimit.

Sipas Becit, ky plan do të garantojë një qytet më të sigurt, më të qëndrueshëm dhe me cilësi më të lartë jetese për banorët.

Nëpërmjet masave të reja, Shkodra synon të hyjë në një fazë të re zhvillimi urban, duke u kthyer në një model të lëvizshmërisë së organizuar dhe moderne. /j.p/

The post Shkodra paraqet planin e lëvizshmërisë së qëndrueshme urbane appeared first on Agjencia Telegrafike Shqiptare.

BRUKSEL, 24 nëntor/ATSH/- Sekretari i Përgjithshëm i NATO-s, Mark Rutte, tha se propozimi amerikan për paqe ka ndihmuar që Kievi dhe Uashingtoni të afrohen drejt përfundimit të luftës mes Rusisë dhe Ukrainës – konfliktit më të madh dhe më vdekjeprurës në Evropë që nga Lufta e Dytë Botërore.

Duke folur në një intervistë për Radion Evropa e Lirë nga selia e aleancës në Bruksel më 24 nëntor, Rutte e përshkroi si “shumë të suksesshëm” rundin e bisedimeve të zhvilluar gjatë fundjavës për propozimin e Uashingtonit.

Ky rund u mbajt në Gjenevë mes negociatorëve ukrainas dhe amerikanë.

“Qartësisht, disa nga elementet duhet të shqyrtohen me maturi”, tha Rutte për planin 28-pikësh, duke shtuar se “qartësisht, si bazë, ai i shërbeu qëllimit të vet dje, duke i sjellë dy palët në një dialog të vërtetë”.

Plani, që u publikua nga disa media, përfshirë edhe nga Radio Evropa e Lirë, javën e kaluar ndezi alarmin në disa kryeqytete evropiane, por edhe në Kiev, me disa që e quajtën atë si “listë dëshirash” të Kremlinit.

Kushtet e përfshira në të kërkonin lëshime të gjera nga Kievi dhe dukeshin se pasqyronin shumë nga kërkesat e Kremlinit, përfshirë dorëzimin e rajoneve Donjeck dhe Luhansk të Ukrainës – që njihen si Donbas – dhe Krimenë, si dhe vendosjen e kufizimeve për madhësinë e ushtrisë së Ukrainës.

Propozimi do t’i lejonte po ashtu Moskës të rikthehej në Grupin e Shtatë vendeve më të industrializuara (G7), si dhe do të lehtësonte gradualisht sanksionet perëndimore ndaj Kremlinit.

Teksa propozimi u bë publik, diplomatët evropianë ngarendën të hartonin një kundërpropozim më të favorshëm për Kievin.

Shefi i NATO-s, Mark Rutte, tha se “elementet që lidhen më shumë me BE-në ose NATO-n do të diskutohen ndaras”.

Presidenti amerikan, Donald Trump, fillimisht i dha Ukrainës afat deri më 27 nëntor për të rënë dakord mbi propozimin, megjithëse më vonë e zbuti afatin.

Nuk ka deklarata publike mbi bisedimet se si plani i rishikuar do të trajtojë çështjet sikurse garancitë e sigurisë për Ukrainën ndaj kërcënimeve të ardhshme ruse apo mënyrën se si do të financohej rindërtimi i Ukrainës pas luftës.

Rutte konfirmoi se ka qenë në kontakt si me Trumpin ashtu edhe me presidentin ukrainas, Volodymyr Zelensky, gjatë fundjavës dhe ishte i rezervuar për të diskutuar propozimin pikë për pikë.

Por, ai theksoi se “rezultati përfundimtar” i bisedimeve “është një Ukrainë sovrane që ecën përpara, një komb i fortë, dhe një Rusi që kurrë të mos provojë të sulmojë më”.

“Di një gjë për rusët në përgjithësi dhe për Putinin në veçanti: sa herë që bëhet një marrëveshje, duhet të siguroheni që është në interesin e tij që ta zbatojë”, tha Rutte.

“Prandaj është shumë e rëndësishme që sa herë të arrihet një marrëveshje paqeje për Ukrainën, ai [Putin] të mos provojë më kurrë. Dhe, ai nuk do të provojë më kurrë kur ta dijë se pasojat për të do të jenë shkatërruese nëse tenton të pushtojë përsëri Ukrainën pas një armëpushimi afatgjatë ose, më mirë, pas një marrëveshjeje paqeje”.

Anëtarësimi i Ukrainës në NATO?

Megjithatë, Rutte komentoi për dy aspekte të planit që kanë të bëjnë me aleancën ushtarake: dialogun e ardhshëm me Rusinë dhe anëtarësimin e mundshëm të Ukrainës në NATO.

Shefi i NATO-s, që mori drejtimin e aleancës tetorin e vitit të kaluar, tha se diskutimet e ardhshme nuk do të ndodhin nën ombrellën e Këshillit NATO-Rusi, që për herë të fundit është takuar pak para pushtimit rus të Ukrainës në shkurt të vitit 2022, ose përmes Aktit Themelues NATO-Rusi të vitit 1997, që ka kodifikuar raportet midis aleancës 32-anëtarëshe me Moskën.

“Këto gjëra janë të vdekura, këto dy institucione Këshilli NATO-Rusi dhe Akti Themelues NATO-Rusi janë të vdekura që kur Putini e pushtoi Ukrainën”, tha Rutte, duke shtuar se pushtimi i shtetit fqinj nga Kremlini ishte “kundër të gjitha parimeve themelore të vlerave tona perëndimore dhe asaj që përfaqësonte Akti Themelues NATO-Rusi dhe atë që përpiqej të arrinte Këshilli NATO-Rusi”.

Ngjashëm, ai nuk e përjashtoi plotësisht mundësinë e anëtarësimit të Ukrainës në NATO në të ardhmen, edhe pse në propozimin fillestar të Shteteve të Bashkuara u tha se aleanca ushtarake nuk duhej të përparonte më tej.

Megjithatë, Rutte shtoi se anëtarësimi i Kievit në NATO nuk është aktualisht në tryezë të diskutimeve.

“Çdo vend brenda sferës së NATO-s – pra në zonën Euro-Atlantike – që dëshiron të bëhet anëtar i NATO-s dhe ky është Traktati i Uashingtonit i vitit 1949 – mund të aplikojë për anëtarësim. Por, për t’u bërë anëtar nevojitet unanimiteti. Dhe në këtë moment, ai unanimitet është larg që të arrihet”, tha ai.

“Aktualisht, kemi disa aleatë që deklarojnë qartë se janë kundër hyrjes së Ukrainës në NATO. Sigurisht, kemi pasur edhe deklaratat nga samiti i Uashingtonit vitin e kaluar, i cili tha se ekziston një rrugë e pakthyeshme drejt NATO-s. Ky është një realitet”.

The post Rutte: Nevojitet një dialog i matur për Ukrainën appeared first on Agjencia Telegrafike Shqiptare.

GJENEVË, 22 nëntor /ATSH-AFP/ – Sekretari amerikan i Shtetit, Marco Rubio dhe Steve Witkoff, i dërguari diplomatik i presidentit amerikan, Donald Trump, kanë planifikuar të mbërrijnë nesër në Gjenevë për të diskutuar planin e presidentit amerikan me zyrtarët ukrainas.

Ky zyrtar tha gjithashtu se sekretari amerikan i Ushtrisë, Daniel Driscoll, i cili u takua me presidentin ukrainas Volodymyr Zelensky në Kiev të enjten, kishte mbërritur tashmë në qytetin zviceran.

“Do të kemi një takim paraprak informal sot në mbrëmje midis amerikanëve dhe ukrainasve”, specifikoi ai.

Zyrtarët evropianë priten gjithashtu në Zvicër të dielën për të diskutuar planin, por ende nuk janë dhënë detaje në lidhje me formatin e diskutimeve.

Ky dokument me 28 pika shihet me shqetësim të madh në Kiev, pasi përsërit disa kërkesa kryesore ruse: Ukraina lëshon territore, pranon një reduktim të madhësisë së ushtrisë së saj dhe heq dorë nga anëtarësimi në NATO.

Megjithatë, ai i ofron Kievit garanci perëndimore për sigurinë për të parandaluar çdo sulm të mëtejshëm rus.

Presidenti ukrainas Volodymyr Zelensky e hodhi poshtë këtë plan të premten, pavarësisht presionit nga Donald Trump dhe Vladimir Putin për ta pranuar atë, duke pohuar se ai do të propozonte “alternativa” për amerikanët.

Presidenti Volodymyr Zelensky nënshkroi edhe një dekret sot për delegacionin që do të marrë pjesë “në procesin e negociatave me Shtetet e Bashkuara dhe partnerë të tjerë ndërkombëtarë të Ukrainës, si dhe me përfaqësuesit e Rusisë”.

Sipas dekretit, delegacioni do të udhëhiqet nga krahu i djathtë i Zelenskyt, shefi i presidencës, Andriy Yermak, dhe do të përfshijë, ndër të tjerë, krerët e shërbimeve të sigurisë dhe ato sekrete plus Shefin e Shtabit të Përgjithshëm.

Të takuar në samitin e G20-s në Johanesburg, 11 vende, kryesisht evropiane, deklaruan se plani amerikan “do të kërkojë punë shtesë”, duke pasur frikë se mund ta lërë Ukrainën “të cenueshme ndaj sulmeve të ardhshme”./  a.jor.

The post GJENEVË – Rubio dhe Witkoff bisedime me Kievin për planin e paqes të Trump appeared first on Agjencia Telegrafike Shqiptare.

TIRANË, 22 nëntor /ATSH/ Instituti i Shëndetit Publik, përmes një njoftimi në rrjete sociale udhëzon qytetarët për disa nga masat që mund të marrin në kushtet e motit me stuhi, erëra të forta dhe shira të rrëmbyeshëm.

Sipas udhëzimeve, qytetarët duhet të marrin masa të kujdesshme për të mbrojtur jetën dhe pronën e tyre. Ndërsa erërat e forta mund të dëmtojnë ndërtesat dhe shirat e rrëmbyeshëm mund të shkaktojnë përmbytje dhe transporti publik mund të ndërpritet.

Mes këshillave kryesore ISHP sugjeron: Qëndrimi brenda shtëpisë sa më shumë të jetë e mundur dhe mbajtja e dyerve të mbyllura. Shkëputja e pajisjeve elektrike për të parandaluar rrezikun nga rryma elektrike. Shmangia e ecjes pranë ndërtesave, pemëve dhe mureve, për shkak të rrezikut nga rrëzimi i objekteve. Dëgjimi i paralajmërimeve për motin në radio, TV dhe faqet zyrtare për informacion të përditësuar.

Instituti thekson gjithashtu se në rast përmbytjesh, qytetarët duhet të lëvizin në nivelin më të lartë të ndërtesës dhe të shmangin papafingot, duke dalë në çati vetëm në rast absolutisht emergjent.

Apeli i Institutit është që të gjithë qytetarët të jenë të kujdesshëm dhe të ndjekin masat e sigurisë për të minimizuar rreziqet që mund të shkaktojnë stuhitë dhe përmbytjet.

/a.f/

The post ISHP ndan udhëzime për qytetarët në kushtet e motit me stuhi appeared first on Agjencia Telegrafike Shqiptare.

JOHANESBURG, 22 nëntor /ATSH-DPA/ – Mbështetësit perëndimorë të Ukrainës e kanë hedhur poshtë planin aktual amerikan prej 28 pikash për t’i dhënë fund luftës së Rusisë  duke thënë pas një takimi krize në samitin e G20-s në Afrikën e Jugut se drafti përbën një bazë për bisedime, por ka nevojë për punë shtesë.

“Drafti fillestar i planit me 28 pika përfshin elementë të rëndësishëm që do të jenë thelbësorë për një paqe të drejtë dhe të qëndrueshme”, u tha në një deklaratë pasi udhëheqësit u takuan në Johannesburg.

“Prandaj, ne besojmë se drafti është një bazë që do të kërkojë punë shtesë”, tha deklarata për planin, i cili i jep lëshime të gjera Rusisë.

“Ne jemi të qartë në parimin se kufijtë nuk duhet të ndryshohen me forcë. Jemi gjithashtu të shqetësuar nga kufizimet e propozuara për forcat e armatosura të Ukrainës, të cilat do ta linin Ukrainën të cenueshme ndaj sulmeve të ardhshme”, thuhej në deklaratën e nënshkruar nga udhëheqësit e Kanadasë, Finlandës, Francës, Italisë, Irlandës, Japonisë, Spanjës, BM, Gjermanisë, Norvegjisë, Holandës si dhe zyrtarë të lartë të BE-së.

Projektpropozimi aktual i Uashingtonit kërkon që Kievi të kalonte disa nga vijat e kuqe: zvogëlimin e ndjeshëm të madhësisë së ushtrisë së saj në 600 000 personel, lëshimin e sipërfaqeve të mëdha territoresh dhe përfshirjen e një ndalimi për anëtarësim në NATO në kushtetutën e saj.

Në mënyrë specifike, ai u bën thirrje forcave ukrainase të tërhiqen nga pjesët e rajoneve lindore të Luhanskut dhe Donetskut që aktualisht i kontrollojnë.

Për më tepër, Uashingtoni pritet të njohë Gadishullin e Krimesë, të aneksuar në mënyrë të paligjshme nga Moska në vitin 2014, si dhe Donetskun dhe Luhanskun, si territor ”de facto” rus./  a.jor.

The post JOHANESBURG – Aleatët perëndimorë të Ukrainës refuzojnë planin aktual amerikan të paqes appeared first on Agjencia Telegrafike Shqiptare.

PARIS, 21 nëntor /ATSH-AFP/ – Aleatët e Ukrainës nuk e refuzuan planin amerikan për t’i dhënë fund luftës së nisur nga Rusia, por theksuan se asgjë nuk mund të vendoset pa Kievin dhe pa Evropën dhe premtuan të konsultohen për këto propozime.

Ja reagimet kryesore:

– Kievi

“Ukraina mund të përballet me një zgjedhje shumë të vështirë: humbjen e dinjitetit ose rrezikun e humbjes së një partneri kyç, Shtetet e Bashkuara”, tha presidenti ukrainas, Volodymyr Zelensky në një fjalim drejtuar kombit duke shtuar se vendi po kalon “një nga momentet më të vështira në historinë e tij”.

– Moska

Në Moskë, presidenti Vladimir Putin vlerësoi se plani amerikan mund të “shërbejë si bazë për një zgjidhje përfundimtare paqësore”.

Ai tha se ishte gati për një “diskutim të plotë të të gjitha detajeve” të tekstit.

– Bashkimi Evropian

“Asgjë nuk duhet të vendoset për Ukrainën pa Ukrainën”, këmbënguli presidentja e Komisionit Evropian, Ursula von der Leyen pas një telefonate me Volodymyr Zelensky.

Ajo tregoi se kjo çështje do të diskutohej nga udhëheqësit evropianë në kuadër të samitit të G20 në Afrikën e Jugut.

Përfaqësuesja e Lartë e BE-së për Punët e Jashtme dhe Politikën e Sigurisë, Kaja Kallas, e kishte akuzuar më parë Rusinë për manovrime për të provokuar këtë propozim të ri amerikan me qëllim shtyrjen e zbatimit të sanksioneve të vendosura nga Donald Trump, si dhe për të ndërprerë diskutimet në Bruksel mbi përdorimin e aseteve të ngrira ruse në Evropë.

– Gjermania

Kancelari gjerman Friedrich Merz dhe presidenti i SHBA-së Donald Trump “ranë dakord për hapat e ardhshëm” gjatë një takimi në lidhje me planin amerikan për Ukrainën, njoftoi sot në mbrëmje Berlini.

“Sapo diskutova planin e paqes për Ukrainën me presidentin e Shteteve të Bashkuara gjatë një bisede telefonike të frytshme dhe konfidenciale”, tha Merz në një postim në rrjetin social X, duke shtuar se ata “kishin rënë dakord për hapat e ardhshëm”.

“Tani do të informoj partnerët tanë evropianë”, shtoi ai.

– Berlini, Parisi dhe Londra

Friedrich Merz, Emmanuel Macron dhe Keir Starmer mirëpritën “përpjekjet amerikane”, por siguruan Volodymyr Zelensky për “mbështetjen e tyre të plotë dhe të palëkundur në rrugën drejt një paqeje të qëndrueshme dhe të drejtë”, sipas një deklarate nga Berlini pas një takimi me presidentin ukrainas.

Katër udhëheqësit “mirëpritën veçanërisht angazhimin ndaj sovranitetit të Ukrainës dhe gatishmërinë për t’i ofruar asaj garanci të forta sigurie”.

– Britania e Madhe

“Ne të gjithë duam një paqe të drejtë dhe të qëndrueshme. Kjo është ajo që dëshiron presidenti i Shteteve të Bashkuara. Kjo është ajo që duam të gjithë. Kjo është arsyeja pse duhet të punojmë nga vendi ku jemi, drejt këtij qëllimi”, tha kryeministri britanik Keir Starmer.

“Por, parimi që Ukraina duhet të përcaktojë të ardhmen e saj në sovranitet të plotë është një parim themelor”, shtoi ai.

– Italia

Kryeministrja italiane Giorgia Meloni theksoi, në një takim me homologun e saj gjerman, “nevojën për të mbështetur përpjekjet negociuese”, sipas zyrës së saj.

“Referenca për garanci të forta sigurie, të cilat janë pjesë e kornizës më të gjerë të stabilitetit evropian dhe transatlantik, u mirëprit nga Meloni”, sipas të njëjtit burim, i cili shtoi, megjithatë, se pikat e tjera të planit Trump “kërkojnë studime të mëtejshme”.

– NATO-ja

Presidenti ukrainas foli sot me sekretarin e përgjithshëm të NATO-s, Mark Rutte.

“Ata ranë dakord të qëndrojnë në kontakt të ngushtë ndërsa të gjithë punojmë për t’i dhënë fund gjakderdhjes dhe shkatërrimit”, tha një zyrtar i Aleancës, pa dhënë detaje të mëtejshme.

 – OKB-ja-

Sekretari i përgjithshëm i OKB-së, António Guterres, theksoi se çdo “zgjidhje paqësore” për Ukrainën duhet të respektojë “integritetin e saj territorial”, në përputhje me ligjin ndërkombëtar./  a.jor.

The post SINTEZË – Aleatët e Kievit të rezervuar për planin e presidentit Trump appeared first on Agjencia Telegrafike Shqiptare.

UASHINGTON, 21 nëntor /ATSH-DPA/ – Presidenti amerikan, Donald Trump ka sugjeruar që një afat deri të enjten, më 27 nëntor, është i përshtatshëm për qeverinë ukrainase për t’iu përgjigjur planit më të fundit të paqes për Ukrainën.

Presidenti ukrainas, Volodymyr Zelensky, u njoh dje me planin.

Zelensky tha se ”Kievi do të punojë ngushtë me Uashingtonin për të gjetur zgjidhje dhe për të eksploruar alternativa”.

Cilat janë 28 pikat e planit amerikan të paqes?

1. Konfirmohet pavarësia e Ukrainës.
2. Një pakt gjithëpërfshirës mossulmimi do të lidhet midis Rusisë, Ukrainës dhe Evropës. Të gjitha paqartësitë e 30 viteve të fundit do të konsiderohen të zgjidhura.
3. Pritet që Rusia të mos pushtojë vendet fqinje dhe NATO të mos zgjerohet më tej.
4. Do të zhvillohet një dialog midis Rusisë dhe NATO-s, i ndërmjetësuar nga Shtetet e Bashkuara, për të zgjidhur të gjitha çështjet e sigurisë dhe për të krijuar kushte për shpërshkallëzim, me qëllim sigurimin e sigurisë globale dhe rritjen e mundësive për bashkëpunim dhe zhvillim ekonomik në të ardhmen.
5. Ukraina do të marrë garanci të besueshme sigurie.
6. Madhësia e Forcave të Armatosura të Ukrainës do të kufizohet në 600,000 njerëz.
7. Ukraina pranon të përcaktojë në kushtetutën e saj se nuk do t’i bashkohet NATO-s, dhe NATO pranon të përfshijë në statutin e saj një dispozitë që Ukraina nuk do të pranohet në të ardhmen.
8. NATO pranon të mos dërgojë trupa në Ukrainë.
9. Avionët luftarakë evropianë do të stacionohen në Poloni.
10. Garancia e SHBA-së:

— SHBA-të do të marrin kompensim për garancinë;

— Nëse Ukraina pushton Rusinë, ajo do të humbasë garancinë;

— Nëse Rusia pushton Ukrainën, përveç një përgjigjeje ushtarake vendimtare të koordinuar, të gjitha sanksionet globale do të rivendosen , njohja e territorit të ri dhe të gjitha përfitimet e tjera të kësaj marrëveshjeje do të revokohen;

— Nëse Ukraina lëshon një raketë drejt Moskës ose Shën Petërburgut pa shkak, garancia e sigurisë do të konsiderohet e pavlefshme.

11. Ukraina është e kualifikuar për anëtarësim në BE dhe do të marrë akses preferencial afatshkurtër në tregun evropian, ndërsa kjo çështje është duke u shqyrtuar.
12. Një paketë e fortë globale masash për rindërtimin e Ukrainës do të përfshijë, ndër të tjera:

— Krijimi i një Fondi Zhvillimi të Ukrainës për investime në industri me rritje të shpejtë, duke përfshirë teknologjinë, qendrat e të dhënave dhe inteligjencën artificiale.

— Shtetet e Bashkuara do të punojnë me Ukrainën për të rindërtuar, zhvilluar, modernizuar dhe operuar së bashku infrastrukturën e gazit natyror të Ukrainës , duke përfshirë tubacionet dhe objektet e magazinimit.

— Përpjekje të përbashkëta për rehabilitimin e zonave të prekura nga lufta për rehabilitimin, rindërtimin dhe modernizimin e qyteteve dhe zonave të populluara.

— Zhvillimi i infrastrukturës.

— Nxjerrja e mineraleve dhe burimeve natyrore.

— Banka Botërore do të zhvillojë një paketë të posaçme financimi për të përshpejtuar këto përpjekje.

13. Rusia do të ribashkohet me ekonominë globale:

— Heqja e sanksioneve do të diskutohet dhe do të miratohet gradualisht dhe rast pas rasti.

— Shtetet e Bashkuara do të hyjnë në një marrëveshje bashkëpunimi ekonomik afatgjatë për zhvillim të ndërsjellë në fushat e energjisë, burimeve natyrore, infrastrukturës, inteligjencës artificiale, qendrave të të dhënave, projekteve të minierave të metaleve të rralla në Arktik dhe mundësive të tjera të partneritetit me përfitim të ndërsjellë.

— Rusia do të ftohet të bashkohet me G8-ën.

14. Fondet e zotuara do të përdoren si më poshtë :

— 100 miliardë dollarë në asete të ngrira ruse do të investohen në përpjekjet e udhëhequra nga SHBA-të për rindërtim dhe investime në Ukrainë.

— SHBA-të do të marrin 50% të fitimeve nga kjo sipërmarrje. Evropa do të shtojë 100 miliardë dollarë për të rritur shumën e investimeve të alokuara për rindërtimin e Ukrainës. Fondet e bllokuara evropiane do të “shkrihen”. Pjesa tjetër e fondeve të bllokuara ruse do të investohet në një mjet të veçantë investimi SHBA-Rusi që do të zbatojë projekte të përbashkëta në fusha specifike. Ky fond do të synojë forcimin e marrëdhënieve dhe rritjen e interesave të përbashkëta, me qëllim krijimin e një nxitjeje të fortë për të mos u rikthyer në konflikt.

15. Do të krijohet një grup pune i përbashkët SHBA-Rusi për çështjet e sigurisë për të promovuar dhe siguruar pajtueshmërinë me të gjitha dispozitat e kësaj marrëveshjeje.
16. Rusia do ta sanksionojë ligjërisht politikën e saj të mos-agresionit ndaj Evropës dhe Ukrainës.
17. Shtetet e Bashkuara dhe Rusia do të bien dakord të zgjasin vlefshmërinë e traktateve për mospërhapjen bërthamore dhe kontrollin e armëve, duke përfshirë Traktatin START I.
18. Ukraina pranon të jetë një shtet jo-bërthamor në përputhje me Traktatin për Mospërhapjen e Armëve Bërthamore.
19. Centrali bërthamor i Zaporizhias do të vihet në funksion nën mbikëqyrjen e IAEA-s, dhe energjia elektrike e gjeneruar do të ndahet në mënyrë të barabartë midis Rusisë dhe Ukrainës — 50/50.
20. Të dy vendet zotohen të zbatojnë programe edukative në shkolla dhe shoqëri që synojnë promovimin e mirëkuptimit dhe tolerancës së kulturave të ndryshme dhe eliminimin e racizmit dhe paragjykimeve:

— Ukraina do të miratojë rregullat e BE-së mbi tolerancën fetare dhe mbrojtjen e pakicave gjuhësore.

— Të dy vendet do të bien dakord të shfuqizojnë të gjitha masat diskriminuese dhe të garantojnë të drejtat e medias dhe arsimit ukrainas dhe rus.

— Të gjitha ideologjitë dhe aktivitetet naziste duhen hedhur poshtë dhe ndaluar.

21. Territoret:

— Krimea, Luhansku dhe Donetsku do të njihen de facto si ruse, përfshirë edhe nga Shtetet e Bashkuara.

— Statusi territorial në Kherson dhe Zaporizhia do të “ngrihet” përgjatë vijës së kontaktit, që do të thotë njohje de facto përgjatë vijës së kontaktit.

— Rusia do të heqë dorë nga territore të tjera jashtë pesë rajoneve.

— Forcat ukrainase do të tërhiqen nga pjesa e rajonit të Donetskut që ato aktualisht kontrollojnë, dhe kjo zonë tërheqjeje do të konsiderohet një zonë neutrale e çmilitarizuar sigurie , e njohur ndërkombëtarisht si territor që i përket Federatës Ruse. Forcat ruse nuk do të hyjnë në këtë zonë të çmilitarizuar.

22. Duke rënë dakord për marrëveshjet e ardhshme territoriale, si Federata Ruse ashtu edhe Ukraina zotohen të mos i ndryshojnë këto marrëveshje me forcë. Asnjë garanci sigurie nuk do të zbatohet në rast të shkeljes së këtij angazhimi.
23. Rusia nuk do ta pengojë Ukrainën të përdorë lumin Dniepër për aktivitete tregtare dhe do të arrihen marrëveshje për transportin e lirë të grurit përmes Detit të Zi.
24. Do të krijohet një komitet humanitar për të zgjidhur çështjet e pazgjidhura:

— Të gjithë të burgosurit dhe trupat e mbetur do të shkëmbehen në bazë të parimit “të gjithë për të gjithë”.

— Të gjithë të burgosurit dhe pengjet civile do të kthehen, përfshirë fëmijët.

— Do të zbatohet një program për ribashkimin familjar.

— Do të merren masa për të lehtësuar vuajtjet e viktimave të konfliktit.

25. Ukraina do të mbajë zgjedhje pas 100 ditësh.
26. Të gjitha palët e përfshira në këtë konflikt do të marrin një amnisti të plotë për veprimet e tyre gjatë luftës dhe do të bien dakord të mos bëjnë asnjë pretendim ose të shqyrtojnë ndonjë ankesë në të ardhmen.
27. Kjo marrëveshje do të jetë ligjërisht e detyrueshme. Zbatimi i saj do të monitorohet dhe garantohet nga Këshilli i Paqes, i kryesuar nga presidenti Donald J. Trump . Do të vendosen sanksione për shkeljet.
28. Pasi të gjitha palët të bien dakord për këtë memorandum, armëpushimi do të hyjë në fuqi që nga momenti që të dyja palët të tërhiqen në pikat e dakorduara për të filluar zbatimin e marrëveshjes./ (sipas https://www.euronews.com)  a.jor.

The post FOKUS – Plani amerikan i paqes për Ukrainën appeared first on Agjencia Telegrafike Shqiptare.

Këtë të premte, kryeministri Edi Rama, mbajti fjalimin e tij hapës në samitin “Growth Plan, Our Pathway to EU”, ku theksoi se plani i ri i rritjes për Ballkanin Perëndimor, nuk është thjesht një itinerar drejt Brukselit, por një udhërrëfyes drejt lirive dhe mundësive të tregut evropian, të cilit, siç tha ai, qytetarët e rajonit i përkasin historikisht.

Rama u ndal te dështimet e së kaluarës për bashkëpunim rajonal, duke theksuar se rajoni ka humbur shumë mundësi teksa ka mbetur peng i konflikteve të vjetra:

“Më mirë vonë se kurrë, mund të thotë dikush, pas gjithë atyre shanseve të humbura kur trenat e bashkëpunimit u nisën dhe ne mbetëm në platformë. Duhet të shkojmë drejt të ardhmes, jo të mbetemi te mosmarrëveshjet e së kaluarës”.

Ai theksoi se Evropa është ndërtuar përmes veprimit dhe jo pritjes, dhe se ky samit shënon pikërisht momentin për të ecur përpara:

“Nuk jemi këtu për të shtyrë punët, por për të ndërtuar së bashku atë që kërkohet të bëjmë sot”.

Rama theksoi gjithashtu se qytetarët shpesh nuk e ndiejnë drejtpërdrejt procesin e integrimit, por përfitojnë përmes uljes së kostove, lirisë së lëvizjes dhe shërbimeve më të shpejta.

Një shembull konkret, sipas tij, është heqja e tarifave të roaming-ut me Bashkimin Evropian:

“Vitin e ardhshëm tarifat e roaming-ut me BE do të hiqen. Ky është një tjetër kufi artificial që bie mes nesh dhe Evropës”.

Në fokus ishte edhe transformimi digjital i rajonit. Kryeministri njoftoi se Ballkani është në prag të një epoke të re me identitetin digjital të unifikuar, ndërsa për Shqipërinë ky hap do të bëhet realitet shumë shpejt: “Revolucioni digjital dhe identiteti digjital në Ballkan do të pasqyrojnë standardet evropiane. Jam krenar t’ju them se nga viti i ri identiteti digjital në Shqipëri bëhet realitet”.

The post Samiti/ Rama mban fjalën hapëse: Rruga jonë drejt BE, për liritë dhe mundësitë, realitet nga viti i ardhshëm appeared first on Albeu.com.

Një aeroplan mallrash me trup të gjerë i kompanisë UPS u rrëzua të martën pasdite pak minuta pas ngritjes nga Aeroporti Ndërkombëtar i Louisville në Kentucky, duke u përfshirë menjëherë në flakë dhe duke krijuar një top të madh zjarri. Sipas autoriteteve amerikane, në aksident humbën jetën 7 persona, përfshirë të tre anëtarët e ekuipazhit që ndodheshin në bord, ndërsa 11 të tjerë në tokë u raportuan të plagosur.

Rrëzimi ndodhi pak para perëndimit të diellit në një zonë industriale ngjitur me aeroportin, duke shkaktuar një seri zjarresh të ndërlidhura që u përhapën me shpejtësi në magazina dhe struktura përreth. Për shkak të flakëve të mëdha, autoritetet u detyruan të ndërprisnin të gjitha operacionet e fluturimit gjatë natës. Dy pista të aeroportit u mbuluan nga mbeturinat e avionit të shkatërruar.

Aeroporti i Louisville, i cili shërben si qendra kryesore globale e ngarkesave ajrore për UPS – e njohur si “Worldport” – pritet të rihapet të mërkurën në mëngjes, por autoritetet paralajmërojnë se ndërprerjet mund të vazhdojnë.

Në një deklaratë zyrtare, kompania UPS njoftoi se dërgesat ajrore dhe ndërkombëtare mund të pësojnë vonesa si pasojë e incidentit, ndërsa janë aktivizuar planet emergjente për të minimizuar ndikimin tek klientët. “Prioriteti ynë është të sigurojmë që dërgesat të arrijnë në destinacionet e tyre sa më shpejt të jetë e mundur, brenda kushteve të krijuara,” tha kompania.

Aeroplani tre-motorësh ishte furnizuar me karburant për një fluturim rreth 8 orë e gjysmë drejt Honolulu-t. Ekuipazhi përbëhej nga tre persona, asnjëri prej të cilëve nuk mbijetoi.

Hetimet për shkaqet e rrëzimit kanë nisur dhe do të drejtohen nga Administrata Federale e Aviacionit dhe Bordit Kombëtar të Sigurisë së Transportit. Deri më tani, nuk janë dhënë detaje mbi shkakun e mundshëm të aksidentit.

The post Aeroplani i UPS shpërthen në flakë gjatë ngritjes, humbin jetën 7 persona appeared first on iconstyle.al.

UASHINGTON, 5 nëntor /ATSH-DPA/ – Një aeroplan transportues mallrash u rrëzua dje pak pasi ishte ngritur nga aeroporti ndërkombëtar “Louisville Muhammad Ali “në shtetin amerikan të Kentakit  duke shkaktuar të paktën shtatë viktima, njoftoi guvernatori Andy Beshear.

“Për momentin besojmë se kemi të paktën shtatë viktima, megjithëse mendoj se ky numër do të rritet”, u tha Beshear gazetarëve.

“Së paku 11 persona janë plagosur, disa prej tyre rëndë”, shtoi ai, duke theksuar se të plagosurit  janë dërguar në spital.

Sipas kompanisë amerikane të shpërndarjeve “UPS”, bëhej fjalë për një avion transportues mallrash të saj me tre anëtarë ekuipazhi në bord.

Aeroporti u mbyll pas incidentit dhe fluturimet drejt e nga Louisville u pezulluan përkohësisht, njoftoi aeroporti në llogarinë e tij në X.

Sipas “UPS”-it, avioni i linjës së gjatë ishte nisur nga Louisville drejt një aeroporti në Honolulu, në shtetin amerikan të Havait.

Bordi Kombëtar i Sigurisë së Transportit të SHBA-së (NTSB) është përgjegjës për hetimin e shkaqeve të aksidentit, thanë autoritetet lokale.

Pamjet nga vendi i ngjarjes tregonin një top të madh zjarri dhe re të dendura tymi që ngriheshin në ajër. Policia lëshoi një urdhër për qëndrim në vend për disa pjesë të zonës. /Ad.Ab./

The post SHBA – Të paktën shtatë të vdekur në një aksident ajror në Kentaki appeared first on Agjencia Telegrafike Shqiptare.

BRUKSEL, 3 nëntor /ATSH/ – Me samitin e propozuar mes presidentit amerikan, Donald Trump, dhe homologut të tij rus, Vladimir Putin, në Budapest që duket se është shtyrë, shtetet evropiane sërish po tentojnë ta bëjnë veten të rëndësishme në çdo zgjidhje të mundshme të luftës në Ukrainë.

Një nga përpjekjet e fundit është një plan 12-pikësh, që e ka parë Radio Evropa e Lirë, që është iniciuar nga Finlanda. Ky plan ka qarkulluar në kryeqytetet evropiane javët e fundit. Dokumenti nuk është një marrëveshje e gatshme paqeje, gjë që bëhet e qartë përmes titullit provizor: “Elementet për paqe në Ukrainë”.

Ky plan po ashtu nuk është diskutuar në nivelet më të larta të BE-së dhe nuk është mbështetur zyrtarisht nga asnjë shtet. Përkundrazi, është diçka që është punuar në Koalicionin e Vullnetit – një grup prej më shumë se 20 shtetesh që e mbështesin Ukrainën – që nga pranvera.

Dymbëdhjetë pikat janë strukturuar në dy faza: e para “armëpushimi” dhe e dyta “negociatat”. Qasja “fillimisht armëpushim” është diçka që shumica e shteteve evropiane kanë kërkuar që kur administrata Trump nisi të bisedonte me Kremlinin. Në dokument thuhet se një armëpushim i tillë “do të fillojë 24 orë pasi palët ta kenë pranuar këtë plan” dhe se një linjë kontakti “do të ngrihet në momentin që nis armëpushimi”.

Faza e parë

Duke pranuar rolin udhëheqës të SHBA-së në bisedime, plani po ashtu sugjeron që monitorimi i armëpushimi të nisë “menjëherë nën udhëheqjen amerikane, duke përdorur satelitë, dronë dhe mjete të tjera të teknologjisë”.

Po ashtu, gjatë fazës së armëpushimit, plani është që Ukraina dhe Rusia të pajtohen për një pakt “kundër agresionit”, që do të thotë se përderisa Moska do të ndalojë sulmet ndaj Ukrainës, Kievi po ashtu duhet të përmbahet nga përpjekjet për të rimarrë territoret nën kontrollin rus në rajonet ukrainase sikurse Krimea, Donbasi, Hersoni dhe Zaporizhja përmes mjeteve ushtarake.

Sa i përket centralit bërthamor që gjendet në Zaporizhja, është propozuar ideja që ai të transferohet nga kontrolli rus në një palë të tretë, të paidentifikuar, dhe të nisin negociatat për ta kthyer sërish nën kontrollin e Ukrainës.

Sipas planit do të ketë edhe “masa për ndërtimin e besimit”, që parashohin “që sanksione të caktuara dhe simbolike të hiqen pasi armëpushimi të ketë zgjatur për një numër të caktuar ditësh”. Një tjetër ide është që Rusia do të mirëpritet sërish në organizata ndërkombëtare. Edhe pse kjo gjë nuk është specifikuar qartë, mund të nënkuptohet se bëhet fjalë për Këshillin e Evropës, nga e cila Rusia u përjashtua më 2022, si dhe për Komitetin Olimpik Ndërkombëtar.

Gjithashtu, propozohet që gjatë fazës së armëpushimit të krijohet një “Bord i Paqes”, që do të kryesohet nga Trumpi, për të mbikëqyrur zbatimin e një plani eventual të paqes – ide që duket se është marrë nga plani 20-pikësh për paqe në Gazë.

Faza e dytë

Faza e dytë – negociatat – fillimisht përfshijnë një armëpushim. Në tekst thuhet se “negociatat do të nisin për një vijë finale të kontaktit, e cila do të mbetet në fuqi derisa palët të pajtohen për qeverisjen e përhershme të territoreve të pushtuara”.

Kjo fazë përfshin edhe krijimin e zonave të sigurisë përreth vijës së kontaktit, ku nuk do të lejohen aktivitetet ushtarake si dhe monitorimi nga një mision civil shumëkombësh në të dyja anët e vijës.

Garancitë e sigurisë, për të cilat Koalicioni i Vullnetit ka punuar për muaj të tërë, janë në pikën e 8-të, megjithëse nuk jepen detaje të tjera.

Pika e 9-të është më kundërthënësja, pasi ka të bëjë me një dialog të nivelit të lartë mes Kievit dhe Moskës për të “rritur mirëkuptimin e ndërsjellë dhe respektin për diversitetin gjuhësor, kulturor dhe fetar”.

Zyrtarët nga shtetet lindore të BE-së, me të cilat ka kontaktuar Radio Evropa e Lirë, besojnë se kjo pikë e planit forcon pretendimet ruse, shpesh të cilësuara si të pabaza, se rusishtfolësit në Ukrainë janë diskriminuar dhe kanë nevojë për mbrojtje nga Moska.

Pika pasuese është po ashtu e debatueshme nga shumë qeveri evropiane pasi përmend “nisjen e negociatave për qeverisjen e përhershme të territoreve të pushtuara”. Kjo bie ndesh me qëndrimet “maksimaliste” të shumë kryeqendrave të BE-së, sipas të cilave, Ukraina nuk duhet të heqë dorë nga asnjë centimetër territor dhe se integriteti territorial i saj është kyç.

Në fund, dokumenti përmend heqjen graduale të sanksioneve ndaj Rusisë, në përputhje me zbatimin e planit. Këtu thuhet se Ukraina dhe Rusia do të nisin një proces për t’u pajtuar mbi kompensimin e dëmeve të luftës, me asetet e ngrira ruse në Perëndim, që kapin vlerën e mbi 200 miliardë eurove, të cilat mund të kthehen sapo të arrihet një marrëveshje mes Kievit dhe Moskës. Plani përfshin edhe një mekanizëm që do të rikthente në mënyrë automatike të gjitha sanksionet dhe masat izoluese në rast se Ukraina sulmohet sërish.

Sa gjasa ka ky plan të funksionojë? “Ndoshta jo shumë”, pranon një zyrtar evropian që foli në kushte anonimiteti. Dhe ndonëse disa nga ta ende mendojnë se SHBA-ja mund të jetë e interesuar për të paktën disa aspekte të propozimeve, pak kush beson se Rusia do të pajtohet. Siç u shpreh një diplomat evropian: “Mund të kemi një plan me 12 pika, por nuk do të ketë paqe – ky është plani njëpikësh i Putinit”, shkruan REL.   /os/

The post KOMENT – A do të funksionojë plani 12-pikësh i BE-së për Ukrainën? appeared first on Agjencia Telegrafike Shqiptare.

Dy roje sigurie në aeroportin e Hong Kongut u vranë kur një avion komercial doli nga pista, goditi automjetin e tyre dhe e hodhi atë në det.

Sipas rrjetit te njohur BBC, fluturimi i Emirates nga Dubai për në Kinë mbërriti në mesditë të së hënës (20/10) kur doli nga pista gjatë uljes, theu gardhin perimetrik dhe u përplas me automjetin e sigurisë së aeroportit, duke e shtyrë atë në ujë.

Punonjësit, të cilet ishin te moshës 30 dhe 41 vjeç, u nxorën pa ndjenja nga automjeti, i cili ndodhej pesë metra larg bregut dhe shtatë metra nën sipërfaqen e ujit. Ata u dërguan menjëherë në spital ku u shpallën të vdekur.

Aeroplani përfundoi gjithashtu në ujë, por të katër anëtarët e ekuipazhit mbijetuan.

Autoritetet po hetojnë shkakun e rrëzimit, i cili është një nga aksidentet ajrore më vdekjeprurëse në Aeroportin Ndërkombëtar të Hong Kongut në vitet e fundit.

Hetimi do të përqendrohet në pyetjet e papërgjigjura në lidhje me rrugën e uljes së aeroplanit. Moti, kushtet e pistës, avioni dhe ekuipazhi i tij do të ekzaminohen si pjesë e hetimit, thanë autoritetet.

Aeroporti i Hong Kongut njoftoi se të paktën 11 fluturime komerciale që fillimisht ishin planifikuar të mbërrinin në aeroport të hënën janë anuluar.

The post Si ndodhi rrëzimi i aeroplanit që përfundoi në det pas uljes në Hong Kong? appeared first on iconstyle.al.

TIRANË, 19 tetor /ATSH/ Kryeministri Edi Rama nënvizoi sot, se infrastruktura e godinave të drejtësisë në të gjithë vendin nuk mund të vazhdojë më me arna dhe larg së qenurit dinjitoze.

Në podkastin “Flasim”, gjatë rubrikës “Shënimet e Javës”, Rama tha se një tjetër projekt i domosdoshëm strategjik është masterplani i godinave të drejtësisë.

“Kam vënë re me keqardhje që vetëqeverisja e sistemit të drejtësisë, falë pavarësisë së plotë që iu dha me Reformën në Drejtësi, ndër ato të çalat e veta ka edhe dobësinë e madhe në administrimin e infrastrukturës. Transformimi i godinave pa projekte të besueshme është mision i pamundur, ndaj kemi vendosur që ta marrim përsipër vetë”, tha Kryeministri Rama.

Kreu i Qeverisë, u shpreh se në Shqipërinë 2030 duhet të ketë një infrastrukturë të transformuar të sistemit të drejtësisë.

“Nuk mund të vazhdojmë me arna dhe mjedise gjykatash dhe prokurorish që janë shumë larg së qeni dinjitoze. Nuk mund të vazhdojmë më me ngushtësira përkthehen në një performancë që lë shumë për të dëshiruar”, theksoi Rama.

/e.i/r.e/

The post Rama: Masterplan për ndërtimin e godinave të drejtësisë appeared first on Agjencia Telegrafike Shqiptare.

TIRANË, 17 tetor/ATSH/ Komisioni Europian ka miratuar fondet për Shqipërinë në kuadër të Planit të Rritjes për Ballkanin Perëndimor, duke i alokuar vendit tonë një shumë prej 99,3 milionë eurosh.

Sipas Agjencisë për Media dhe Informim (MIA), nga kjo shumë, 46,2 milionë euro do t’i kalojnë direkt buxhetit të shtetit shqiptar, ndërsa pjesa tjetër do të përdoret për financimin e projekteve infrastrukturore përmes Investimeve për Ballkanin Perëndimor (WBIF).

Ky vendim i Komisionit Europian vjen si një njohje dhe vlerësim i reformave të rëndësishme që Shqipëria ka ndërmarrë për të përmbushur kriteret dhe standardet e Bashkimit Europian.

Fondet do të mbështesin projekte në sektorë kyç si transporti i qëndrueshëm, energjia e pastër, zhvillimi dixhital dhe përmirësimi i kapitalit njerëzor.

Ky është vetëm një hap në procesin e vazhdueshëm të përgatitjes së Shqipërisë për anëtarësimin në BE, duke përshpejtuar integrimin dhe rritjen ekonomike të vendit.

Përveç Shqipërisë, Komisioni Europian ka miratuar gjithashtu fonde për Malin e Zi dhe Maqedoninë e Veriut, duke vijuar mbështetjen ndaj Ballkanit Perëndimor në rrugën drejt integrimit europian.

/r.e/

The post Komisioni Europian miraton 99,3 milionë euro për Shqipërinë në kuadër të Planit të Rritjes për Ballkanin Perëndimor appeared first on Agjencia Telegrafike Shqiptare.

GAZA, 3 tetor /ATSH-AFP/ – Hamasit i duhet ende kohë për të studiuar planin e Trumpit për Gazën, shprehet udhëheqësi i lëvizjes islamike.

Një udhëheqës i Hamasit u shpreh se lëvizja islamike kishte nevojë për kohë për të studiuar planin e paqes në Gaza, e propozuar nga presidenti i SHBA-së Donald Trump, plan të cilin thotë se e mbështet dhe kryeministri izraelit, Benjamin Netanyahu.

“Hamasi po vazhdon ende konsultimet e tij në lidhje me planin e Trumpit dhe ka informuar ndërmjetësit se konsultimet janë duke vazhduar dhe ende kërkojnë pak kohë”, tha udhëheqësi i kësaj lëvizje.

Të martën, Trump i dha Hamasit një ultimatum prej tre ose katër ditësh për të pranuar planin e tij për t’i dhënë fund luftës në territorin palestinez./  /f.k/ a.jor.

The post GAZA – Hamasit i duhet ende kohë për planin e Trumpit appeared first on Agjencia Telegrafike Shqiptare.