Kodi i ri Penal dhe një mori me ndryshimesh që priten të miratohen ka qarkulluar prej verës 2025 dhe tashmë priten miratimet në Parlament. Një nga shtyllat kryesore të ndryshimeve lidhet me ashpërsimin e dënimeve për krimet seksuale. Për herë të parë kriminalizohet edhe përfshirja e fëmijëve si dëshmitarë të abuzimit seksual, shfrytëzimi i prostitucionit […]

The post Kodi i ri Penal: Burg nëse bën seks kur udhëton jashtë Shqipërisë appeared first on BoldNews.al.

Ministri i Drejtësisë, Besfort Lamallari, pasi dëgjoi me vëmendje kritikat e vazhdueshme të kryeministrit Edi Rama për numrin e lartë të të paraburgosurve në vend, thirri sot një konferencë të posaçme me fokus adresimin e problemit të paraburgimit në Shqipëri. Në zbatim të urdhrave të kreut të qeverisë, i cili pasi SPAK kërkoi arrestimin e […]

The post Ankesat e Ramës për paraburgimet, Lamallari kërkon ndryshime në Kodin e ri Penal appeared first on BoldNews.al.

Kreu i Grupit Parlamentar të PD, Gazment Bardhi ka reaguar lidhur me ndryshimet në Kodin Penal të diskutuar në seancën parlamentare. Me anë të një postimi në Facebook, Bardhi thekson se standardet europiane dhe raportet e OSBE-ODIHR kërkojnë depenalizimin e veprave penale të fyerjes dhe shpifjes.

Bardhi shkruan ndër të tjera se, janë plot 77 gazetarë në Shqipëri që po përballen me akuza për shpifje nga politikanë apo ish-prokurorë/gjyqtarë të shkarkuar nga vettingu. Në fund, Bardhi thekson se opozita mbështet depenalizimin e plotë të veprave penale të shpifjeve/fyerjeve.

Reagimi i plotë i Gazment Bardhi:

Standardet europiane për lirinë e shprehjes dhe raportet e OSBE-ODIHR kërkojnë që Shqipëria të depenalizojë veprat penale të fyerjes dhe shpifjes, duke i konsideruar vetëm shkelje civile. Kjo masë është e rëndësishme për garantimin e lirisë së shprehjes, veçanërisht për median dhe aktivistët e shoqërisë civile.

Sot janë plot 77 gazetarë në Shqipëri që po përballen me akuza për shpifje nga politikanë apo ish-prokurorë/gjyqtarë të shkarkuar nga vettingu. Ky përbën një rrezik real për lirinë e shprehjes dhe sigurinë e gazetarëve. Për këtë arsye, opozita mbështet depenalizimin e plotë të veprave penale të shpifjeve/fyerjeve, si dhe mbështesim reformimin e rregullave civile për këtë shkelje sipas standardeve europiane.

The post Kodi Penal, Bardhi: Të depenalizohen veprat penale të fyerjes dhe shpifjes appeared first on Albeu.com.

TIRANË, 28 janar /ATSh/ Prezenca e OSBE-së në Shqipëri njoftoi sot se “mirëpret ndryshimet e fundit në Kodin Penal lidhur me shpifjen, si një hap të parë të rëndësishëm drejt forcimit të lirisë së shprehjes”.

Përmes një njoftimi për mediet, prezenca e OSBE-së nënvizon se “forcimi i mbrojtjes për gazetarët pasqyron një rekomandim të hershëm të OSBE-së”.

Prezenca e OSBE-së theksoi se “ne vijojmë të inkurajojmë dekriminalizimin e plotë të shpifjes dhe përdorimin e masave civile proporcionale”.

Kuvendi miratoi sot në orët e para të mëngjesit me 85 vota pro, ndryshimet në Kodin Penal.

Sipas ministrit të Drejtësisë, Besfort Lamallari, ndryshimet në Kodin Penal forcojnë mbrojtjen e gazetarëve dhe lirinë e medias, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërsa ashpërson ndëshkimet për dhunën dhe kërcënimet ndaj tyre.

/m.q/a.f/r.e/

The post OSBE: Ndryshimet në Kodin Penal lidhur me shpifjen, hap drejt forcimit të lirisë së shprehjes appeared first on Agjencia Telegrafike Shqiptare.

Kuvendi miratoi në orët e para të mëngjesit të së mërkurës, një paketë të gjerë ndryshimesh në Kodin Penal. Qeveria i paraqiti ato si “harmonizim me standardet evropiane”. Por në praktikë, ndryshimet prodhuan forcim selektiv të shtetit ndëshkues, përmes një procesi të shpejtë dhe politikisht të mbyllur.

Paketa u votua rreth orës 03:00 të mëngjesit, vetëm me votat e shumicës socialiste. Ajo përfshinte rreth 50 ndryshime dhe shtesa në Kodin Penal, mes tyre edhe dekriminalizimin e pjesshëm të shpifjes, përmes ndryshimit të Nenit 120.

Kodi Penal, i miratuar fillimisht në vitin 1995, ka pësuar tashmë 26 ndërhyrje në 31 vite. Dhjetë prej tyre kanë ardhur pas vendimeve të Gjykatës Kushtetuese. Frekuenca e ndryshimeve tregon për mungesën e stabilitetit dhe vizionit afatgjatë.

Ndryshimet e fundit qenë propozuar në tetor 2025. Ato pasuan draftin e një Kodi të ri Penal, prezantuar në korrik nga Ministria e Drejtësisë. Drafti i Kodit të ri u përball me kritika të forta nga juristë, akademikë, media dhe shoqëria civile dhe për rrjedhojë qeveria e tërhoqi pa e çuar në Kuvend.

Kështu, në vend të një reforme të plotë, shumica zgjodhi rrugën e arnimeve. Ndryshime të pjesshme, të shpërndara dhe pa një debat të gjerë publik. Pyetja mbetet: A përmbush kjo qasje pritshmëritë e integrimit evropian? Sipas qeverisë, po, por rruga e ndjekur nuk bind.

Edhe pse në mandatin e katërt, shumica socialiste shmang ende kostot politike të një Kodi të ri Penal. Një reformë e tillë kërkon debat, konsensus dhe balancë mes sigurisë publike dhe të drejtave themelore. Elemente që munguan në procesin e fundit të përmbyllur mëngjesin e së mërkurës.

Çfarë përfshijnë ndryshimet?

Paketa zgjeroi juridiksionin penal për shtetasit e huaj rezidentë në Shqipëri, edhe për vepra pjesërisht të kryera jashtë territorit. U përjashtuan nga parimi i “dënueshmërisë së dyfishtë” disa krime të rënda, përfshirë trafikun e qenieve njerëzore dhe abuzimin seksual me të mitur.

Pati rishikime dhe nene specifike për të luftuar terrorizmin. Ndërkohë, u shtuan dënime plotësuese në rastet e refuzimit të ekstradimit dhe ndalimin e ushtrimit të profesioneve që përfshijnë kontakt me fëmijët për persona të dënuar për vepra penale. U forcuan ndëshkimet për pornografinë, shfrytëzimin dhe krimet seksuale ndaj të miturve, me dënime që shkojnë deri në 20 vjet burg.

Një ndryshim domethënës ishte heqja e (pikës 7 të Nenit 28) mundësisë për ulje ose përjashtim nga dënimi për anëtarët e grupeve kriminale, edhe kur bashkëpunimi i tyre mund të jetë vendimtar për zbardhjen e veprimtarisë kriminale. Ky hap ngre pikëpyetje mbi efektivitetin e hetimeve komplekse dhe vetë luftën ndaj krimit të organizuar.

Në të njëjtën paketë, u përfshi edhe një nen i posaçëm (Neni 143/a/8) për “Mashtrimet që prekin interesat financiare të Bashkimit Evropian”. Keqpërdorimi i fondeve të BE-së tashmë dënohet me burgim deri në 5 vjet, ose deri në 10 vjet kur shuma e keqpërdorur kalon 50 mijë eurot.

Por pa zbardhjen dhe ndëshkimin e rasteve konkrete, veçanërisht atyre që lidhen me fondet IPARD, ky nen rrezikon të mbetet deklarativ. Një sinjal formal drejt BE-së, më shumë sesa një mjet real llogaridhënieje.

Neni në fjalë do të mbetet si njollë e turpshme e abuzimeve.

Shpifja, gazetarët dhe parkimi dysh

Paketa dekriminalizoi pjesërisht (Nenin 120) shpifjen, por vetëm për një kategori të paqartë “gazetarësh të regjistruar dhe të njohur”. Fyerja do të vijojë të mbetet vepër penale. Kështu qeveria duket se po synon të krijojë një regjim të dyfishtë mbrojtjeje duke hapur rrugë për interpretime selektive.

Cilësimi “i njohur” dhe me “regjistër” për gazetarët lë vend për një zhvillim paralel në kuptimin e kërkesës së mundshme për licencim apo të një lloji “Urdhri të gazetarit” apo “punonjësve të medias”.

Kjo shihet si një mënyrë për ta kufizuar lirinë e shprehjes, pasi gazetarët e lirë, ose qytetarët e angazhuar, apo sinjalizuesit që do të shprehen për çështje të caktuara, do të vijojnë të përballen me format penale të “shpifjes”.

Paralelisht, dhuna ndaj gazetarëve tashmë do të trajtohet si “goditje për shkak të detyrës” (Neni 237), me dënime nga një deri në pesë vjet burg. Sigurisht, një masë pozitive, por e shoqëruar me një mekanizëm problematik të përkufizimit të gazetarit lë vend për interpretime.

Kështu, në praktikë, shteti shmang dekriminalizimin e plotë të shpifjes dhe mban sërish në dorë instrumentet e presionit ligjor.

Por problemi i paketës nuk qëndroi vetëm te çfarë nuk dekriminalizoi, por edhe te çfarë zgjodhi të kriminalizojë.

Mes ndryshimeve u përcollën dispozita që e shtrijnë dorën e Kodit Penal në sjellje të përditshme, të cilat deri dje trajtoheshin administrativisht, pra me gjoba.

(Neni 293/1) “Pushimi i mjetit në karrexhatë në rresht të dytë” tashmë do të trajtohet me masa më të ashpra penale.

Në një vend ku ka mungesë të theksuar infrastrukture parkimi, rregullimi penal i këtij fenomeni u shfaq si zëvendësim i politikës edukuese dhe planeve afatgjata urbane me një politikë ndëshkuese.

Ky është thelbi i problemit: Qeveria po përdor Kodin Penal për të kompensuar dështimet e saj në administrimin publik.

Në vend të zgjidhjeve strukturore, ajo zgjedh të tutelojë qytetarët përmes frikës së ndëshkimit “me gjobë ose një vit burg”.

Amendamenti që nuk kaloi

Në fund të seancës u diskutua propozimi i bërë një ditë më parë nga deputeti socialist Erion Braçe për ashpërsimin e (Nenit 288) ndëshkimeve ndaj shitjes së duhanit dhe cigareve elektronike për të miturit.

Amendamenti parashikonte gjoba deri në 500,000 lekë dhe burgim deri në 16 vjet në rastet kur tregtia sillte si pasojë vdekjen.

Propozimi nuk u mbështet nga shumica socialiste, e cila abstenoi. Në një paketë që nuk heziton të kriminalizojë parkimin në rresht të dytë, mbrojtja penale e shëndetit të të miturve u la jashtë.

Ky kontrast ekspozon natyrën selektive të reformës, ose mungesës së diskutimeve të gjera për ndërhyrje.

Kodi Penal nuk forcohet aty ku interesi publik është i pakontestueshëm, por aty ku shteti kërkon kontroll dhe veprim të shpejtë.

Në këtë panoramë, ndryshimet e fundit nuk përbëjnë një reformë penale. Ato janë një seri masash ndëshkuese, të mbledhura nën flamurin e “harmonizimit evropian,” por të udhëhequra nga logjika e menaxhimit politik të rrezikut.

Kodi Penal po shndërrohet gradualisht në një instrument për të mbuluar dështimet e politikave publike. Sa më pak funksionon shteti, aq më shumë zgjerohet qasja ndëshkuese me shtojca nenesh.

Në këtë kuptim, votimi i mëngjesit të hershëm të së mërkurës nuk është fundi i këtij debati. Kodi i ri Penal do të vijë sërish për t’u diskutuar, por arnat janë sinjali se Shqipëria po vijon fazën ku ligji penal përdoret si zëvendësim i qeverisjes dhe jo si mjeti fundit i aplikimit të drejtësisë.

Lexoni gjithashtu:

• Propozimi i qeverisë: “Gazetarë me regjistër dhe dekriminalizim i pjesshëm i shpifjes”
• 18 organizata kërkojnë dekriminalizimin e plotë të shpifjes dhe fyerjes
• Dekriminalizimi i shpifjes, si fund i dialogut media-qeveri

The post 50 ndryshime, pa reformë: Kodi Penal si mjet kontrolli appeared first on Citizens.al.

Pas një seancë maratonë që ka zgjatur rreth 18 orë Kuvendi ka miratuar ndyrshimet në Kodin Penal. Ndryshimet u miratuan me 85 vota pro të mazhorancës, ndërsa 9 deputetët e pranishëm të opozitës votuan kundër. Votimi ne Parlament: – Akti normativ nr. 11, datë 19.12.2025 “Për disa ndryshime dhe shtesa në ligjin nr. 115/2024, “Për […]

The post Pas 18 orësh debat, miratohen ndryshimet në Kodin Penal, opozita kundër appeared first on BoldNews.al.

Në orët e para të mëngjesit, Kuvendi i Shqipërisë miratoi paketën e ndryshimeve në Kodin Penal, si dhe një sërë projektligjesh të rëndësishme.

Ndryshimet në Kodin Penal, u miratuan me 85 vota pro nga mazhoranca dhe parashikojnë edhe gjobë dhe deri 1 vit burg për parkim dysh në rrugë.

Ministri i Drejtësisë, Besfort Lamallari, teksa prezantoi ndryshimet, sqaroi se ndryshimet vijnë në kuadër të procesit të integrimit europian të vendit, duke afruar më tej legjislacionin shqiptar me atë të Bashkimit Europian, me qëllim përputhjen për aq sa është e mundur.

Dy ndryshimet e propozuara më të debatuara në opinionin publik dhe qarqet mediatike, është ashpërsimi i sanksionit penal për parkimin dysh dhe dekriminalizimin e shpifjes për gazetarët, duke i dhënë imunitet vetëm këtyre të fundit nga procedimi penal për veprën penale të shpifjes.

Kuvendi miratoi gjithashtu, ndryshimet ligjore për statusin e gjyqtarëve e prokurorëve’, me 85 vota si dhe Projektligji ‘Për organet e qeverisjes në drejtësi’.

Kuvendi miratoi me votat e socialistëve edhe ligjin për komisionet hetimore dhe mediat audiovizive.

Gjithashtu, Kuvendi miratoi edhe disa nisma të tjera ligjore, si akti normativ për buxhetin e vitit 2025, për ligjin e duhanit, ashpërsim i dënimeve për ndërtimet pa leje dhe zjarret.

Gjatë seancës plenare u miratuan gjithashtu:

Akti normativ për ndryshimet në ligjin e Buxhetit 2025

Projektligji për bashkëpunimin strategjik

“Shqipëria në Traktatin për Pronësinë Intelektuale”

Projektligji “Për tregtinë e pronësisë intelektuale”

Projektligji “Për shërbimet e agjencive të udhëtimit

Projektligji “Për tregtinë e paligjshme të duhanit”

Projektligji “Për ndryshimin e Kodit Penal”

Projektligji “Për statusin e gjyqtarëve dhe prokurorëve”

Projektligji “Për organet e qeverisjes në drejtësi”

Projektligji “Për dhunën ndaj grave dhe dhunën në familje”

Projektligji “Për lobimin në Republikën e Shqipërisë”

Projektligji “Për importin dhe eksportin e armëve”

Projektligji “Për organizimin e Komisioneve Hetimore të Kuvendit”

Projektligji “Për Mediat Audiovizive”

The post Dekriminalizimi i shpifjes dhe ashpërsim i masave për parkimin dysh/ Miratohen ndryshimet në Kodin Penal, projektligjet e tjera që morën dritën jeshile në Kuvend appeared first on Albeu.com.

Ish-gjyqtari Alaudin Malaj, i ftuar në studion e Quo Vadis, të moderatores Pranvera Borakaj ka bërë një deklaratë të fortë. Ai tha se një gjyqtare të Gjykatës së Apelit Tiranë, është parë duke shoqëruar me persona të botës së krimit. “E di çfarë bën Gjykata e Apelit Tiranë? Kthen për rigjykim bashkimin e dënimeve pas […]

The post Deklarata e fortë e Malajt: Një gjyqtare e Apelit shoqërohet me bandat appeared first on BoldNews.al.

TIRANË, 27 janar/ATSH/ Ministri i Drejtësisë, Besfort Lamallari tha sot se ndryshimet në Kodin Penal që vijnë për diskutim dhe votim në Kuvend janë ndërhyrje të domosdoshme, të fokusuara dhe strategjike, të diktuara nga nevoja reale të sigurisë publike, nga praktika e zbatimit dhe nga detyrimet ndërkombëtare të Shqipërisë.

Gjatë prezantimit në Kuvend të projektligjit “Për disa shtesa dhe ndryshime në ligjin “Kodi Penal i Republikës së Shqipërisë”, i ndryshuar, Lamallari tha se “kjo paketë është një hap i matur, por i vendosur, drejt forcimit të shtetit të së drejtës dhe rritjes së besimit të qytetarëve te drejtësia”.

“Një nga shtyllat kryesore të kësaj pakete është përafrimi i legjislacionit penal shqiptar me Acquis Communautaire, në kuadër të Kapitullit 24 të negociatave “Drejtësia, Liria dhe Siguria”. Projektligji adreson drejtpërdrejt piketat e ndërmjetme të përcaktuara nga Bashkimi Evropian dhe synon të mbyllë boshllëqe të evidentuara prej vitesh në transpozimin korrekt të instrumenteve evropiane”, tha Lamallari.

Në këtë kuadër, vijoi ministri, Kodi Penal përafrohet plotësisht me shtatë instrumente kyçe të Bashkimit Evropian, që lidhen me luftën kundër: pastrimit të parave, trafikimit të drogës, trafikimit të qenieve njerëzore, shfrytëzimit dhe abuzimit seksual të fëmijëve, terrorizmit, si dhe mbrojtjen e interesave financiare dhe sigurisë së Bashkimit Evropian.

Sipas tij, këto nuk janë ndryshime formale që forcojnë realisht kapacitetin e shtetit për të ndjekur penalisht krimin e organizuar dhe kriminalitetin ndërkufitar, duke zgjeruar juridiksionin penal të Republikës së Shqipërisë edhe për vepra të kryera jashtë territorit të vendit, duke hequr, në raste të caktuara, kushtin e dënueshmërisë së dyfishtë dhe duke lehtësuar provën për origjinën kriminale të pasurive.

Një vëmendje e veçantë, tha Lamallari, i është kushtuar mbrojtjes së fëmijëve dhe grupeve më të cenueshme.

“Kjo paketë modernizon dhe ashpërson veprat penale me natyrë seksuale, rrit ndjeshëm dënimet, zgjeron afatet e parashkrimit dhe parashikon ndalimin e ushtrimit të profesioneve që përfshijnë kontakt të drejtpërdrejtë me fëmijë”, shtoi ai.

Në luftën kundër trafikimit të qenieve njerëzore, tha Lamallari, projektligji sjell një qasje të qartë zero tolerancë. Ai përjashton çdo efekt justifikues të pëlqimit të viktimës, zgjeron përkufizimin e shfrytëzimit dhe kriminalizon përdorimin e shërbimeve të ofruara nga viktimat e trafikimit.

Sipas tij, ky është një mesazh i fortë se dinjiteti njerëzor nuk mund të relativizohet dhe nuk mund të negociohet.

Ministri Lamallari u shpreh se “kjo paketë adreson gjithashtu problematika konkrete që kanë cenuar rëndë interesin publik, territorin dhe mjedisin. Ashpërsohet ndjeshëm trajtimi penal për zënien e paligjshme të tokës, ndërtimin dhe shfrytëzimin pa titull ligjor, veçanërisht kur këto vepra kryhen në zona të mbrojtura, parqe natyrore, objekte të trashëgimisë kulturore apo infrastrukturë kritike”.

“Dënimet bëhen edhe më të rënda kur autorët janë persona që ushtrojnë funksione publike, duke reflektuar qartë një qasje pa kompromis ndaj abuzimit me detyrën. Po ashtu, forcohet ndëshkimi për zjarrvënien në pyje dhe mjedise natyrore, sidomos kur rrezikohen zona të banuara, pasuri kulturore apo infrastruktura jetike, ose kur zjarrvënia përdoret si mjet për ndryshimin e destinacionit të tokës”, theksoi Lamallari.

Ministri Lamallari vuri në dukje se “një ndërhyrje e matur, por domethënëse, bëhet edhe në një fenomen të përditshëm që ka pasoja serioze për jetën e qytetarëve: parkimi në rresht të dytë, i cili trajtohet si vepër penale vetëm në rastet kur pengon seriozisht qarkullimin dhe lëvizjen e mjeteve të emergjencës”.

Një tjetër element i rëndësishëm i kësaj pakete është forcimi i mbrojtjes së gazetarëve dhe lirisë së medias.

“Projektligji vendos një ekuilibër të drejtë mes mbrojtjes së reputacionit dhe lirisë së shprehjes, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërkohë që ashpërson ndëshkimet për dhunën dhe kërcënimet ndaj tyre për shkak të detyrës. Kjo është një njohje e rolit thelbësor të medias në një shoqëri demokratike”, tha Lamallari.

Ai i ftoi deputetët ta mbështesin këtë paketë jo si një akt formal, por si një investim në sigurinë, drejtësinë dhe të ardhmen evropiane të Shqipërisë.

Fjala e plotë e ministrit të Drejtësisë:

Sot kemi sjell në Kuvend një paketë të mirëmenduar ndryshimesh në Kodin Penal, paketë e cila nuk synon dhe as nuk pretendon të jetë një rishkrim i plotë i këtij kodi themelor. Procesi i reformimit tërësor të Kodit Penal është një proces i thellë, kompleks dhe ende duke u zhvilluar. Ndryshimet që sot vijnë për diskutim dhe votim në Kuvend janë ndërhyrje të domosdoshme, të fokusuara dhe strategjike, të diktuara nga nevoja reale të sigurisë publike, nga praktika e zbatimit dhe nga detyrimet ndërkombëtare të Shqipërisë.

Kjo paketë përfaqëson një politikë penale më të qartë, më koherente dhe më evropiane, e ndërtuar mbi analiza konkrete, konsultime institucionale dhe mbi përvojën e vendeve të Bashkimit Evropian. Ajo është një hap i matur, por i vendosur, drejt forcimit të shtetit të së drejtës dhe rritjes së besimit të qytetarëve te drejtësia.

Një nga shtyllat kryesore të kësaj pakete është përafrimi i legjislacionit penal shqiptar me Acquis Communautaire, në kuadër të Kapitullit 24 të negociatave “Drejtësia, Liria dhe Siguria”. Projektligji adreson drejtpërdrejt piketat e ndërmjetme të përcaktuara nga Bashkimi Evropian dhe synon të mbyllë boshllëqe të evidentuara prej vitesh në transpozimin korrekt të instrumenteve evropiane.

Në këtë kuadër, Kodi Penal përafrohet plotësisht me shtatë instrumente kyçe të Bashkimit Evropian, që lidhen me luftën kundër: pastrimit të parave, trafikimit të drogës, trafikimit të qenieve njerëzore, shfrytëzimit dhe abuzimit seksual të fëmijëve, terrorizmit, si dhe mbrojtjen e interesave financiare dhe sigurisë së Bashkimit Evropian.

Këto nuk janë ndryshime formale. Ato forcojnë realisht kapacitetin e shtetit për të ndjekur penalisht krimin e organizuar dhe kriminalitetin ndërkufitar, duke zgjeruar juridiksionin penal të Republikës së Shqipërisë edhe për vepra të kryera jashtë territorit të vendit, duke hequr, në raste të caktuara, kushtin e dënueshmërisë së dyfishtë dhe duke lehtësuar provën për origjinën kriminale të pasurive.

Një vëmendje e veçantë i është kushtuar mbrojtjes së fëmijëve dhe grupeve më të cenueshme. Kjo paketë modernizon dhe ashpërson veprat penale me natyrë seksuale, rrit ndjeshëm dënimet, zgjeron afatet e parashkrimit dhe parashikon ndalimin e ushtrimit të profesioneve që përfshijnë kontakt të drejtpërdrejtë me fëmijë. Një parim themelor që forcohet është ai që viktimat e mitura nuk mund dhe nuk duhet të trajtohen si autorë, por si subjekte që meritojnë mbrojtje maksimale dhe trajtim dinjitoz, në përputhje me standardet më të larta ndërkombëtare.

Në luftën kundër trafikimit të qenieve njerëzore, projektligji sjell një qasje të qartë zero tolerancë. Ai përjashton çdo efekt justifikues të pëlqimit të viktimës, zgjeron përkufizimin e shfrytëzimit dhe kriminalizon përdorimin e shërbimeve të ofruara nga viktimat e trafikimit. Ky është një mesazh i fortë se dinjiteti njerëzor nuk mund të relativizohet dhe nuk mund të negociohet.

Të nderuar deputetë, kjo paketë adreson gjithashtu problemika konkrete që kanë cenuar rëndë interesin publik, territorin dhe mjedisin. Ashpërsohet ndjeshëm trajtimi penal për zënien e paligjshme të tokës, ndërtimin dhe shfrytëzimin pa titull ligjor, veçanërisht kur këto vepra kryhen në zona të mbrojtura, parqe natyrore, objekte të trashëgimisë kulturore apo infrastrukturë kritike. Dënimet bëhen edhe më të rënda kur autorët janë persona që ushtrojnë funksione publike, duke reflektuar qartë një qasje pa kompromis ndaj abuzimit me detyrën.

Po ashtu, forcohet ndëshkimi për zjarrvënien në pyje dhe mjedise natyrore, sidomos kur rrezikohen zona të banuara, pasuri kulturore apo infrastruktura jetike, ose kur zjarrvënia përdoret si mjet për ndryshimin e destinacionit të tokës.

Një ndërhyrje e matur, por domethënëse, bëhet edhe në një fenomen të përditshëm që ka pasoja serioze për jetën e qytetarëve: parkimi në rresht të dytë, i cili trajtohet si vepër penale vetëm në rastet kur pengon seriozisht qarkullimin dhe lëvizjen e mjeteve të emergjencës. Kjo nuk është një qasje ndëshkuese pa kriter, por një vendosje e sigurisë publike dhe jetës së njeriut në plan të parë.

Një tjetër element i rëndësishëm i kësaj pakete është forcimi i mbrojtjes së gazetarëve dhe lirisë së medias. Projektligji vendos një ekuilibër të drejtë mes mbrojtjes së reputacionit dhe lirisë së shprehjes, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërkohë që ashpërson ndëshkimet për dhunën dhe kërcënimet ndaj tyre për shkak të detyrës. Kjo është një njohje e rolit thelbësor të medias në një shoqëri demokratike.

Të nderuar deputetë, në tërësi, kjo paketë ndryshimesh përfaqëson një politikë penale më të qartë, më të drejtë dhe më efikase. Ajo synon jo vetëm ndëshkimin e krimit, por parandalimin e tij, mbrojtjen e viktimave dhe garantimin e sigurisë për qytetarët. Është një hap konkret drejt një sistemi penal modern, funksional dhe plotësisht të përputhshëm me standardet evropiane. Ju ftoj ta mbështesni këtë paketë jo si një akt formal, por si një investim në sigurinë, drejtësinë dhe të ardhmen evropiane të Shqipërisë.

/k.s/a.f/r.e/

The post Lamallari për Kodin e ri Penal: Dekriminalizojmë shpifjen për gazetarët, forcojmë mbrojtjen ndaj familjes appeared first on Agjencia Telegrafike Shqiptare.

TIRANË, 27 janar/ATSH-Arbi Fortuzi/ Deputetja e Partisë Demokratike, Jorida Tabaku prezantoi sot në Kuvend iniciativën e PD-së për ndryshimin e disa neneve në Kodin Penal, të cilat propozojnë trajtimin e shpifjes dhe fyerjes jo si vepër penale.

Gjatë fjalës së saj, kryetarja e Komisionit për të Drejtat e Njeriut dhe Mjetet e Informimit Publik, Tabaku theksoi se liria e medias në Shqipëri është në rënie të madhe.

“Së pari, prej disa muajsh së bashku me një grup shumë të mirë ekspertësh, gazetarësh, juristësh, aktivistësh, kemi punuar për të sjellë në Kuvend një amendim për Kodin Penal. Kjo është nismë që ne si PD e propozojmë jo thjesht për rregullim burokratik, por sepse këmbanat e alarmit për median në Shqipëri bien aq fort, saqë ata që kanë mbyllur veshët nga zhurma e propagandës së pushtetit, nuk e dëgjojnë. Realiteti i medias nuk është kaq rozë sa u prezantua këtu. Kujtesa është shpesh armiku më i madh i kësaj qeverie.

Në vitin 2004, Shqipëria renditej në vendin e 34-t në botë për lirinë e medias nga Reporterët Pa Kufij. Në vitin 2014, Shqipëria ishte në vendin e 85-të, sot Shqipëria është në vendin e 99-të. Ky nuk regres, por është rrënim, një certifikim ndërkombëtar i kapjes së medias nga interesat e pushtetit.

Analiza bëhet më e zymtë kur shohim edhe indeksin e demokracisë. Shqipëria klasifikohej si autokraci elektorale. Sot ligji penal përdoret si presion, e përdorni si mjet presioni politik. Vetëm në 2024, janë shënuar 45 incidente të rënda ndaj gazetarëve. Këto tregues targetojnë kryesisht gazetare gra”, u shpreh deputetja e PD.

Tabaku theksoi se iniciativa e PD-së buron nga një detyrim kushtetues dhe europian. “Ne nuk jemi këtu vetëm për vullnet të mirë, por edhe për integrimin në kapitullin e të drejtave themelore. Nuk ka në BE gazetarë që përfundojnë në dyert e drejtësisë për shkak të shkrimeve të tyre. Politikanët nuk mund të përdorin ligjin si thikë ndaj gazetarëve për të mbrojtur reputacionin e tyre. Duhet të përjashtohet burgimi për gazetarët për një shkrim”, tha Tabaku.

“Propozimi është i qartë, i drejtë, europian, e ndarë në dy shtylla. Shtylla e parë është liria. Kërkojmë shfuqizimin e neneve 119 dhe 120 të Kodit Penal, shpifja dhe fyerja nuk mund të jenë vepra penale. Sigurisht, që nëse dikush ka ankesë, e mbron me ligjin civil, por pranga dhe qelia nuk mund të jenë kërcënim për fjalën e lirë. Kemi propozuar ndryshim të ashpërsimit të neneve 237 dhe 287. Ne propozojmë rritje të sigurisë për gazetarët dhe forcim të mbrojtjes së tyre. Pra, kush prek një gazetar ose operator, kush i thyen kamerën operatorit, godet gazetarin, kush kërcënon punonjësin e medias, të dënohet sikurse të kishte sulmuar një funksionar publik apo zyrtar në detyrë”, theksoi ajo.

“Kush prek një gazetar duhet të dënohet njësoj, gazetari është shërbyes publik. Ky amendament nuk ka absolutisht asgjë politike. Ky është ligj që duhet ta bashkojë këtë parlament. Sot, kemi zgjedhje të qartë para vetes, mund të votohet kundër, ose të mbahet Shqipëria në këtë listë. Me ligjin që ka sjellë qeveria shqiptare dhe ndryshimet në Kod, asnjë gazetar nuk do të përfitojë. Unë shpresoj që kolegët t’i thërrasin arsyes së tyre”, theksoi ajo.

Deputetja shtoi se Bosnja dhe Hercegovina e kanë dekriminalizuar shpifjen, Mali i Zi ka mbyllur kapitullin, dhe shumë vende të tjera evropiane e kanë trajtuar në të njëjtën mënyrë. “Shtylla e parë e propozimit tonë është shfuqizimi i nenit 119-120, ku shpifja dhe fyerja të mos jenë më vepër penale, por të rregullohen me Kodin Civil dhe të dënohen me gjobë”, shpjegoi Tabaku.

Në përfundim, Tabaku vuri në dukje se ndryshimet e propozuara nga qeveria nuk dekriminalizojnë shpifjen, por e shndërrojnë atë në një instrument për shantazh politik ndaj gazetarëve, sipas preferencave politike.

“Parlamenti duhet të dalë mbi palët politike dhe të mos kryej diferencime. Imuniteti nuk mund të trajtohet si privilegj, por si përgjegjësi”, përfundoi deputetja.

/r.e/

The post Tabaku: Goditjet dhe kërcënimet ndaj gazetarëve të trajtohen sikurse ndaj zyrtarëve në detyrë appeared first on Agjencia Telegrafike Shqiptare.

Në një prononcim për gazetarët, jashtë Kuvendit, deputetja e Partisë Demokratike, Jorida Tabaku, theksoi se kanë propozuar shfuqizimin e dy neneve, atë të fyerjes dhe shpifjes, për ndryshimet në Kodin Penal, por shtoi se kjo nuk u pranua nga maxhoranca.

Ajo theksoi se fjala e lirë nuk mund të kërcënohet me burg. Sipas saj, qeveria vendosi që të vijojë me një draft, ku “fyerjen mos ta prekë dhe nenin 120 ta prekë pjesërisht dhe të përcaktojë grupin e individëve që do të jenë jashtë veprave të Kodit Penal”.

Tabaku u shpreh se Kodi Penal do të përdoret si kërcënim ndaj gazetarëve, duke shtuar se edhe vende të rajonit si Kosova dhe Maqedonia e Veriut e kanë dekriminalizuar shpifjen, ndërkohë që qeveria shqiptare e përdor akoma si kërcënim.

“Pas një procesi dy mujor konsultimesh me gazetarët, organizata të shoqërisë civile, dhe KE, propozuam një draft të Kodit Penal që kishte shfuqizimin e plotë të nenit të 119 dhe 120, që janë neni për fyerje dhe shpifje. Jo vetëm për gazetarët por për të gjithë qytetarët si një masë për të treguar se fjala e lirë nuk kërcënohet me burg, dhe nuk mund ti vësh pranga.

Sigurisht që ka masa në Kodin Civil sikurse e kanë vendet e tjera, qeveria shkoi për një draft tjetër, dhe vendosi që fyerjen mos ta prekë dhe nenin 120 ta prekë pjesërisht dhe të përcaktojë grupin e individëve që do të jenë jashtë veprave të kodit penal”, tha Tabaku.

The post Jorida Tabaku: Propozuam shfuqizimin e neneve për fyerjen dhe shpifjen në Kodin Penal, fjala e lirë s’mund të kërcënohet me burg dhe t’i vësh pranga appeared first on Albeu.com.

Kuvendi do të mbajë këtë të martë seancën e radhës plenare, duke nisur nga ora 10:00, ku në rendin e ditës përfshihen disa çështje të rëndësishme, mes të cilave rishikimi i buxhetit të vitit 2025 dhe ndryshimet në Kodin Penal. Deputetët do të shqyrtojnë Aktin Normativ nr. 11, i cili parashikon rialokime financiare në disa […]

The post Sot seancë plenare në Kuvend, zbardhet rendi i ditës. Çfarë pritet të diskutohet appeared first on BoldNews.al.

TIRANË/ 23 janar /ATSh/ Deputetja e Partisë Demokratike, Jorida Tabaku, prezantoi sot në Komisionin për Evropën dhe Punët e Jashtme ndryshimet në Kodin Penal për mbrojtjen e gazetarëve dhe lirinë e medias.

Gjatë fjalës së saj, Tabaku tha se grupi i ekspertëve, në konsultim me organizatat e shoqërisë civile dhe në përputhje me rekomandimet e Komisionit Evropian, ka propozuar dekriminalizimin e plotë të fyerjes dhe shpifjes, përmes shfuqizimit të neneve 119 dhe 120 të Kodit Penal.

Tabaku nënvizoi se qeveria shqiptare është ndalur vetëm në ndryshime të pjesshme dhe ka lënë të paprekur nenin 119, që lidhet me fyerjen.

“Unë kam propozuara ashtu siç grupi i ekspertëve i ka sjellë komisionit, ashtu siç është konsultuar me organizata të shoqërisë civile, ashtu siç edhe Komisioni Evropian thotë, dekriminalizmin e plotë, pra shfuqizimin e nenit 119 dhe nëntit 120, për sa i përket fyerjes dhe shpifjes dhe këtu ndahemi me propozimin që ka sjellë qeveria shqiptare. Qeveria shqiptare mendon se mund t’i fyeje gazetarët dhe ka lënë nenin 119 ashtu të paprekur”, tha Tabaku.

Duke iu referuar ndryshimeve të propozuara për nenin 120, Tabaku theksoi se ato janë praktikisht të pazbatueshme.

“Qeveria ka shkruar për nenin 120 disa ndryshime të pjesshme, ku referohet, kur një gazetar për shkak të detyrës çohet në gjykatë dhe ka padi ndaj tij për shpifje, qeveria shqiptare ka sjellë një propozim dhe këtu ndahemi, i cili thotë për të gjitha ato organizata që janë të regjistruara dhe sot ka 0 të regjistruara. Propozimi që ka sjellë qeveria shqiptare nuk zbatohet. Kur ke 0 të regjistruar, ligji nuk zbatohet. Ju jeni në dijeni edhe për vendimet dhe rekomandimet që ka marrë Këshilli i Evropës. Është vendosur dekriminalizimi i shpifjes, jo vetëm për gazetarët, por ndaj çdo qytetari, si pjesë e lirisë së shprehjes”, tha Tabaku.

Tabaku theksoi se Shqipëria mbetet pas vendeve të rajonit në këtë drejtim dhe se procesi i integrimit evropian kërkon reforma reale dhe jo thjesht ligje formale.

Deputetja theksoi se ndryshimet ligjore duhet të shoqërohen me masa konkrete për mbrojtjen dhe sigurinë e gazetarëve.

“Mendoj se këto sugjerime që ka sjellë Komisioni Evropian të grupit të punës që ne kemi punuar bashkërisht, i cili thotë, përjashtimi plotë i dënimit për të gjithë qytetarët, si një e drejtë bazë dhe element bazë dhe si një detyrim, jo vetëm në procesin e integrimit, por edhe detyrime që ne kemi si anëtarë të Këshillit të Evropës. Jemi pas të gjithë vendeve të rajonit. Nuk mund të bëjmë ndryshime gjysmake. Procesi i integrimit nuk është për të bërë ligje në letër, por është për të sjellë ndryshime reale për të gjithë qytetarë. Duhet miratuar kuadri ligjor dhe rregullator shoqërues.

Këto janë propozime fillestare, duhet të punojmë dhe për paditë kundër gazetarëve. Duhet të punojmë dhe për sigurinë e gazetarëve. Është pjesë e një kuadri të gjerë”, tha Tabaku.

Në fund të shqyrtimit, Komosioni për Evropën dhe Punët e Jashtme rrëzoi projektligjin e propozuar nga deputetja e Partisë Demokratike, Jorida Tabaku “Për disa shtesa në ligjin nr. 7895, datë 27.1.1995 “Kodi Penal i Republikës së Shqipërisë”, të ndryshuar.

/m.q/a.f/

The post Tabaku: Dekriminalizimi i shpifjes duhet të jetë i plotë appeared first on Agjencia Telegrafike Shqiptare.

Kryetari i Partisë 'Lëvizja Populli", pjesë e Aleancës Kombëtare për Integrim, Skender Rexhepi-Zejdi, është shprehur kundër sistemit "Safe City".

Ky vendim i tij vjen pasi siç thotë ai, ky sistem i MPB-së është ndëshkues, diskriminues dhe antikushtetues.

"Jemi për sigurinë e qytetarëve, por projekti “Safe City” është i papërshtatshëm për realitetin e vendit tonë, ndëshkues, diskriminues dhe antikushtetues⁣.

Është i papërshtatshëm sepse rrugët dhe infrastruktura e qyteteve të përfshira janë nën çdo standard evropian dhe nuk krijojnë kushte reale për zbatim të drejtë të këtij sistemi.

Ndëshkrues sepse qëllimi real i qeverisë nuk është siguria e qytetarëve, por mbushja e boshllëqeve buxhetore përmes gjobave.⁣

Diskriminues sepse nuk përfshihet i gjithë shteti, por vetëm disa qytete të caktuara, duke krijuar trajtim të pabarabartë për qytetarët.⁣

Antikushtetues sepse në të tre qytetet e përfshira — Shkup, Kumanovë dhe Tetovë — gjuha shqipe është gjuhë zyrtare, ndërsa qeveria ka lejuar që softueri i projektit të përgatitet vetëm në gjuhën maqedonase", shkruan Zejdi.

Kujtojmë se për aktivizimin e sistemit Safe City, nevojitet ndryshimi i një pakoje prej 6 ligjeve, katër prej të cilave janë miratuar, ndërsa mbeten Kodi Penal dhe Ligji për kundërvajtje në komunikacion. Pa miratimin e ligjit sistematik me 2/3, sistemi Safe City nuk mund të hy në funksion nga data 1 shkurt.

Socialistët i dhanë dritën jeshile në Komisionin e Ligjeve një paketë ndryshimesh në Kodin Penal, që përfshijnë nga ashpërsimi i dënimeve për trafikun e narkotikëve, pastrimin e parave, dënimet për krimet seksuale ndaj të miturve apo mbrojtjen e interesave financiare të Bashkimit Evropian.

Sipas ministrit të Drejtësisë Besfort Lamallari, këto ndryshime janë në përmbushje të angazhimeve që burojnë nga integrimi i Shqipërisë në Bashkimin Evropian.

“Projektligji përafron plotësisht legjislacionin penal shqiptar me shtatë instrumente kyçe të Bashkimit Evropian, që lidhen me: – luftën kundër pastrimit të parave, – trafikimit të drogës, – trafikimit të qenieve njerëzore, -abuzimit dhe shfrytëzimit seksual të fëmijëve, – terrorizmit, – si dhe mbrojtjen e interesave financiare dhe sigurisë së Bashkimit Evropian”, tha Lamallari.

Ndryshimet parashikojnë heqjen nga Kodi Penal të veprës së shpifjes për gazetarët dhe forcimin e mbrojtjes së tyre.

“Projektligji vendos një ekuilibër të drejtë mes mbrojtjes së reputacionit dhe lirisë së shprehjes, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërkohë që ashpërson ndëshkimet për dhunën apo kërcënimin ndaj tyre për shkak të detyrës”, shtoi ministri i Drejtësisë.

Dënime më të ashpra do të ketë edhe për ndërtimet pa leje, zënien e paligjshme të tokave, zjarrvënien apo edhe drejtuesit e automjeteve për parkim të dyfishtë.

“Projektligji ndërhyn edhe në një fenomen të përditshëm, por me pasoja serioze për sigurinë publike: parkimin në rresht të dytë, duke e trajtuar si vepër penale në rastet kur pengon seriozisht qarkullimin dhe lëvizjen e mjeteve të emergjencës”, u shpreh Lamallari.

Për miratimin e ndryshimeve në Kodin Penal duhen 84 vota, por mazhoranca i ka numrat, ndaj në parlament nuk i duhet konsensusi i opozitës.

Sipas dispozitës ligjore të miratuar, “një gazetar i punësuar ose i vetëpunësuar, i regjistruar dhe i njohur si i tillë në përputhje me legjislacionin në fuqi, pavarësisht nga shtetësia apo vendi ku ushtrohet aktiviteti, nuk mban përgjegjësi penale për veprën e shpifjes sipas këtij neni, për përhapjen me mirëbesim të të dhënave /thënieve ose çdo […]

The post Kuvendi miraton dekriminalizimin e shpifjes për gazetarët appeared first on Reporter.al.

TIRANË, 21 janar /ATSh/ Ministri i Drejtësisë, Besfort Lamallari prezantoi sot në Komisionin e Ligjeve në Kuvend një paketë të gjerë ndryshimesh në Kodin Penal, të cilën e cilësoi si një reformë strategjike për forcimin e shtetit të së drejtës, rritjen e sigurisë publike dhe përmbushjen e detyrimeve të Shqipërisë në procesin e integrimit evropian.

Gjatë fjalës së tij, ministri theksoi se projektligji nuk është një ndërhyrje thjesht teknike, por rezultat i një analize të thelluar të problematikave reale në terren dhe i harmonizimit të plotë me standardet e Bashkimit Evropian, në kuadër të Kapitullit 24 të negociatave “Drejtësia, Liria dhe Siguria”.

Sipas ministrit, ndryshimet përafrojnë legjislacionin penal shqiptar me shtatë instrumente kyçe të BE-së, duke forcuar luftën kundër pastrimit të parave, trafikimit të drogës dhe qenieve njerëzore, terrorizmit, shfrytëzimit seksual të fëmijëve, si dhe mbrojtjen e interesave financiare të Bashkimit Evropian. Paketa zgjeron juridiksionin penal të Shqipërisë edhe për vepra të kryera jashtë territorit të vendit dhe rrit efektivitetin e ndjekjes penale për krime të rënda dhe ndërkufitare.

Një vëmendje e veçantë i është kushtuar mbrojtjes së fëmijëve dhe grupeve vulnerabël, përmes ashpërsimit të veprave penale me natyrë seksuale, rritjes së dënimeve, zgjatjes së afateve të parashkrimit dhe ndalimit të ushtrimit të profesioneve që përfshijnë kontakt me fëmijë. Po ashtu, garantohet trajtimi i viktimave të mitura sipas standardeve më të larta të mbrojtjes.

Në luftën kundër trafikimit të qenieve njerëzore, projektligji parashikon zero tolerancë ndaj shfrytëzimit, duke përjashtuar pëlqimin e viktimës si element justifikues dhe duke kriminalizuar përdorimin e shërbimeve të ofruara nga viktimat e trafikimit.

Ndryshimet prekin edhe mbrojtjen e territorit dhe interesit publik, duke ashpërsuar ndëshkimet për zënien e paligjshme të tokës, ndërtimet pa leje dhe shfrytëzimin e paligjshëm, veçanërisht në zona të mbrojtura, pasuri kulturore dhe infrastrukturë kritike, sidomos kur këto vepra kryhen nga funksionarë publikë. Forcohet gjithashtu kuadri penal për zjarrvënien në pyje dhe mjedise natyrore.

Një risi tjetër lidhet me sigurinë publike, ku parkimi në rresht të dytë trajtohet si vepër penale në rastet kur pengon seriozisht qarkullimin dhe mjetet e emergjencës. Paralelisht, projektligji forcon mbrojtjen e gazetarëve dhe lirinë e medias, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërsa ashpërson ndëshkimet për dhunën dhe kërcënimet ndaj tyre.

Në përfundim, ministri e cilësoi paketën si një reformë të guximshme dhe të domosdoshme, që synon jo vetëm ndëshkimin e krimit, por edhe parandalimin dhe garantimin e sigurisë për qytetarët, duke ndërtuar një sistem penal modern dhe plotësisht të përputhshëm me standardet evropiane.

/m.q/r.e/a.f/

The post Lamallari prezanton Kodin e ri Penal: Nga dekriminalizimi i shpifjes për gazetarët, te parkimi në rresht të dytë appeared first on Agjencia Telegrafike Shqiptare.

Kryeministri Edi Rama ndodhet këtë të martë në Paris, në kuadër të samitit të Koalicionit të Vullnetmirëve për Ukrainën, thirrur nga Presidenti Emmanuel Macron në Pallatin Elysée.

Në prag të Samitit, kreu i qeverisë shqiptare, ka postuar në rrjetet sociale foto nga takimi me ministrin e  Drejtësisë së Francës, Gérald Darmanin, me të cilën shkruan se diskutoi ndër të tjera edhe mbi problematikat e politikës penale në Shqipëri dhe konsolidimin e draftit të ri të Kodit Penal, në harmoni të plotë me standartet e me praktikat më të mira europiane.

“Përpara samitit të Koalicionit të Vullnetmirëve për Ukrainën, thirrur nga Presidenti Emmanuel Macron në Pallatin Elysée, u takuam me ministrin e  Drejtësisë së Francës, Gérald Darmanin, për të folur lidhur me pjesëmarrjen e partnerëve francezë, në grupin e reflektimit mbi problematikat e politikës penale në Shqipëri dhe konsolidimin e draftit të ri të Kodit Penal, në harmoni të plotë me standartet e me praktikat më të mira europiane.”- shkruan Rama.

Drejtësia, nuk ka si qëllim bazë ndëshkimin e personave që kryejnë krime, kryesorja është rehabilitimi dhe riintegrimi i tyre në shoqëri. Një nga mekanizmat e parashikuar nga Kodi Penal dhe ai i Procedurës Penale është “Lirimi me Kusht”, i cili supozohet të jetë një instrument i përdorur për të shpërblyer sjelljen e mirë dhe rehabilitimin […]

The post Nga “Liria me Kusht” sërish në botën e krimit, si i lanë qelitë “të fortët” përmes raporteve fiktive appeared first on BoldNews.al.

Pretendimi: Gjykata e Lartë rrëzon Kodin e ri Penal

Verdikti: Mungon konteksti

—————————————————–

Ndërsa propozimi i Ministrisë së Drejtësisë për Kodin e ri Penal vijon të diskutohet në muajt pas botimit të tij në Korrik 2025, artikulli i Politiko më 5 nëntor duket se lajmëron përfundimin e debatit duke njoftuar se “Gjykata e Lartë rrëzon Kodin e ri Penal.”

Një titull i tillë krijon natyrshëm idenë e një vendimmarrje gjyqësore.

Lexuesi skeptik do të rikujtojë, me të hasur këtë titull, ndarjen dhe pavarësinë e pushteteve (ekzekutiv, legjislativ, gjyqësor), duke dyshuar nëse Gjykata e Lartë ka tagër të ‘rrëzojë’ një propozim ligji.

Në të vërtetë, artikulli i referohet qëndrimit të shprehur nga Gjykata e Lartë, nëpërmjet kreut të saj Sokol Sadushi, gjatë një takimi konsultimi të organizuar nga Ministria e Drejtësisë për draftin e Kodit të ri Penal.

Sadushi deklaroi se konsultimi institucional për hartimin e Kodit ka qenë i kufizuar dhe i pjesshëm. 

Ai tha se pas publikimit të draftit, Gjykata e Lartë ka hartuar një analizë me vërrejtjet, komentet dhe propozimet konkrete, e cila i është përcjellë Ministrisë së Drejtësisë dhe grupit të punës. Sipas tij, dokumenti prej 50 faqësh evidenton çështjet themelore që kërkojnë reflektim dhe rishikim të kujdesshëm.

Fjala e plotë e Sadushit është botuar në faqen zyrtare të Gjykatës së Lartë.

Titulli i mësipërm tërheq interesin dhe vëmendjen e publikut duke përfituar klikime.

The post Gjykata e Lartë nuk ka vendosur rrëzimin e Kodit të ri Penal appeared first on Faktoje.al.