Ambasada Gjermane ka zbardhur detaje nga vizita e sotme në Tiranë e Ministrit të Shtetit për Evropën në Ministrinë e Jashtme Federale të Gjermanisë, Günther Kirchbaum. Përmes një postimi në rrjetet sociale, ambasada thekson se Shqipëria ndodhet në një moment vendimtar në rrugën drejt Bashkimit Evropian dhe se lufta kundër krimit të organizuar dhe korrupsionit […]

The post Ministri gjerman: Shqipëria të luftojë korrupsionin dhe krimin e organizuar appeared first on BoldNews.al.

Ministria e Punëve të Brendshme (MPB) ka mirëpritur aksionin e përbashkët të Prokurorisë Themelore në Prishtinë dhe Policisë së Kosovës, i cili ka rezultuar me arrestimin e katër (4) personave të dyshuar, dy prej të cilëve janë zyrtarë të kësaj ministrie.

Sipas njoftimit, ndaj të dyshuarve ekziston dyshimi i bazuar se kanë kryer veprat penale “keqpërdorim i detyrës zyrtare” dhe “marrje ryshfeti”.

MPB ka theksuar se nuk do të tolerojë asnjë formë të keqpërdorimit të detyrës zyrtare apo përfshirjes në aktivitete të paligjshme nga cilido zyrtar i saj. Ministria ka bërë të ditur se çdo veprim që bie ndesh me ligjin dhe standardet e integritetit institucional do të trajtohet me seriozitet maksimal dhe në bashkëpunim të plotë me organet e drejtësisë.

Po ashtu, MPB ka ritheksuar përkushtimin e saj në luftën kundër korrupsionit dhe forcimin e transparencës, llogaridhënies dhe sundimit të ligjit në të gjitha nivelet institucionale, duke garantuar se askush nuk do të jetë mbi ligjin.

Në fund, Ministria e Punëve të Brendshme ka bërë të ditur se do të vazhdojë bashkëpunimin e ngushtë me institucionet relevante për zbardhjen e plotë të rastit dhe për të siguruar që drejtësia të vihet në vend./Telegrafi/

Kryeministri Edi Rama përdori termin “të hatashme” për të përshkruar akuzat që rëndojnë mbi drejtoreshën jetëgjatë të AKSHI, Mirlinda Karçanaj, si dhe termin “destabilizim” për procesin elementar demokratik të kërkesës së llogarisë ndaj një qeverie që, siç po del, është përgjegjëse për vjedhjen dhe grabitjen sistemike të çdo leku nga taksat e qytetarëve që patën […]

The post Korrupsioni gjuhësor si efekt anësor i korrupsionit politik appeared first on Reporter.al.

Biznesmenët Asmir Jahoski dhe Ratko Kapushevski u arrestuan, ndersa zyra e ish-drejtorit të Shërbimit për Çështje të Përgjithshme dhe të Përbashkëta (SOZR), Pece Mirçevski, u bastis dhe pati “indikacione” për vendndodhjen e Artan Grubit.

Këto janë disa nga lajmet që iu dhanë qytetarëve të Maqedonisë së Veriut, gjatë vitit 2025 për aferat e dyshuara të korrupsionit të profilit të lartë, për të cilat ende nuk ka epilog; as aktakuza e as vendime për ndalimin e hetimeve nga prokurorët.

Deri ku kanë arritur hetimet në fund të këtij viti, kur Prokuroria Publike e Maqedonisë së Veriut, ndodhet para zgjedhjes së një shefi të ri, pas largimit të Ljupço Kocevskit nga posti i prokurorit të shtetit?

Mazuti dërgohet për ekspertizë në Serbi, pritet ndihmë nga profesorë dhe MPB
Biznesmeni Asmir Jahoski, i njohur në publik për kompaninë e tij të naftës Pucko Petrol, si dhe pronarët e kompanisë RKM, Ratko Kapushevski dhe Erxhan Sulkoski, e presin në liri epilogun e hetimit në të cilin janë të dyshuar, i lidhur me furnizimin me mazut për nevojat e Termocentralit – TEC Negotinë, në periudhën nga viti 2021 deri në vitin 2023.

Ata janë vetëm tre nga gjithsej 13 persona fizikë, si dhe një kompani, të përfshirë në hetimin ku prokurorët dyshojnë se buxheti i shtetit u dëmtua për 167.5 milionë euro.

Informacionet e fundit për fazën në të cilën ndodhet hetimi, janë se Prokuroria Themelore Publike për Ndjekjen e Krimit të Organizuar dhe Korrupsionit (PTHP KOKK) pret përgjigje dhe dokumente nga institucione të tjera.

Për rastin, mostra të mazutit janë dërguar për ekspertizë në një laborator të akredituar në Serbi.

Rezultatet prej andej kanë mbërritur më 27 nëntor, pas së cilës prokuroria, siç thuhet në përgjigjen për Shërbimin e Ballkanit të Radios Evropa e Lirë (REL), ka kërkuar ndihmë profesionale nga Instituti i Kimisë pranë Fakultetit të Shkencave Natyrore dhe Matematikore dhe Fakultetit Teknologjik, të dy pjesë e Universitetit Shtetëror “Shën Kirili dhe Metodi” në Shkup.

Ata duhej të rekomandonin profesorë që do të ndihmonin në sqarimin e çështjeve që dalin nga ekspertiza.

“Edhe pse të dyja institucionet ishin të obliguara ta bënin nominimin brenda 10 ditëve nga dorëzimi i kërkesës, deri më sot prokuroria nuk ka marrë asnjë përgjigje”, thonë nga PTHP KOKK-ja për REL-in.

Përveç fakulteteve, prokuroria ka kohë më të gjatë që pret përgjigje edhe nga Ministria e Punëve të Brendshme.

Nga PTHP KOKK, theksojnë se kishin nevojë për dokumentacion shtesë për furnizimet me mazut të TEC Negotinë dhe nga Sektori i Prodhimit pranë Elektranave të Maqedonisë së Veriut (ESM), ndaj në shtator i dhanë urdhër MPB-së që t’ua sigurojë ato.

“Prokurori publik pret që të dhënat, dokumentacioni dhe analiza e kërkuar nga MPB-ja të dorëzohen deri në fund të këtij viti, pas së cilës do të marrë vendim për rrjedhën e mëtejshme të procedurës”, shtojnë nga PTHP KOKK-ja.

Ndërkohë, për biznesmenët e dyshuar, të cilët fillimisht ishin në paraburgim dhe më pas u liruan me garanci, janë në fuqi masa kujdesi.

Jahoski, Kapushevski dhe Sulkoski, e kanë obligim të paraqiten herë pas here në gjykatë dhe kanë dhënë garanci financiare, duke depozituar para për kompensimin e dëmit.

Përveç kësaj, Kapushevskit dhe Sulkoskut u janë konfiskuar pasaportat, gjë që nuk vlen për Jahoskin.

Veprat penale që janë objekt i këtij hetimi me 13 të dyshuar dhe një kompani janë: keqpërdorimi i procedurës për thirrje publike, dhënia e kontratës për prokurim publik ose partneritet publik-privat, si dhe pastrimi i parave.

Të dyshuarit e tjerë në hetim janë persona që kanë mbajtur pozita të larta në ESM, nga drejtori i përgjithshëm dhe drejtorë sektorësh, deri te kryetarë dhe anëtarë komisionesh të lidhura me prokurime publike.

Grubi dhe Bajrami nuk ndodhen në vend, prandaj nuk ka as mundësi për gjykim ndaj tyre.

Disa nga emrat e përfshirë në këtë hetim lidhen edhe me aferat në Lotarinë Shtetërore, për të cilat ka shkruar REL-i.

Njëri prej tyre është Jahoski, i cili është djali i ish-kryetarit të komunës së Pllasnicës dhe deputetit aktual Ismail Jahoski nga koalicioni Fronti Evropian i udhëhequr nga Bashkimi Demokratik për Integrim (BDI).

Jahoski u bë pronar i kompanisë “Hej DOOEL”, e cila lidhi një kontratë të kontestuar për qira të hapësirave afariste me Lotarinë Shtetërore në Vizbegovë të Shkupit, në vlerë prej 2.6 milionë eurosh.

Prokuroria dhe Policia Financiare hapën hetim pas hulumtimit të publikuar nga REL-i.

Ndërkaq, për përvetësime të tjera në Lotarinë Shtetërore, Prokuroria Themelore Publike Shkup në fund të vitit 2024 hapi hetim ku përfshiu edhe ish-zëvendëskryeministrin e parë Artan Grubi nga BDI, i cili njëkohësisht u fut edhe në listën e zezë të SHBA-së.

Rasti lidhet me organizimin e lojërave elektronike të fatit, përkatësisht me blerjen e terminaleve VLT, ndërsa dëmi për buxhetin e Lotarisë Shtetërore u vlerësua nga prokuroria në 8 milionë euro.

I dyshuar është edhe ish-drejtori i përgjithshëm Përparim Bajrami, i cili së bashku me Grubin është në arrati dhe për ta është lëshuar fletarrestim ndërkombëtar.

Më pak se një muaj para se të jepte dorëheqje nga posti i prokurorit të shtetit, Ljupço Kocevski, në emisionin “360 gradë” më 24 nëntor, deklaroi se hetimi në të cilin dyshohet Grubi ka përfunduar dhe se pritet vetëm ekstradimi i tij.

Por, deri tani nuk ka informacione zyrtare se ish-zëvendëskryeministri i parë është lokalizuar apo se është kërkuar zyrtarisht ekstradimi i tij nga ndonjë shtet. Mungesa e tij është pengesë edhe për zhvillimin e gjykimit.

“Hetimi është ngritur për vepër penale për të cilën parashikohet dënim me burg mbi 5 vjet dhe, sipas kësaj, nuk ekziston mundësi ligjore për gjykim në mungesë”, theksojnë nga PTHP Shkup për REL-in.

Vepra për të cilën dyshohen Grubi dhe Bajrami, siç theksohet edhe në fletarrestim, është përvetësim në shërbim, ndërsa edhe katër persona të tjerë ndiqen për keqpërdorim të pozitës dhe autorizimeve zyrtare.

Në pritje të vendimit për aktakuzë për ish-drejtorin e SOZR-it

Një tjetër hetim i përfunduar, që lidhet me keqpërdorime të funksionarëve të lartë, është ai për Shërbimin për Çështje të Përgjithshme dhe të Përbashkëta pranë Qeverisë, ku i dyshuar është ish-drejtori Pece Mirçevski.

“Hetimi ka përfunduar dhe po rrjedhin afatet ligjore për shqyrtimin e provave nga ana e mbrojtjes”, thonë nga Prokuroria e Shkupit për REL-in.

Kjo do të thotë se së shpejti mund të ketë vendim për ngritjen e aktakuzës ndaj tij.

Mirçevski, siç u njoftua edhe me hapjen e hetimit në shkurt, dyshohet për vepra penale të vazhduara: marrje ryshfeti dhe përvetësim në shërbim. Përveç tij, është përfshirë edhe një person tjetër për veprën dhënie ryshfeti.

Prokuroria e ndjek Mirçevskin sepse, ndër të tjera, nuk ka deklaruar konflikt interesi dhe nuk është përjashtuar nga pesë prokurime publike të fituara nga kompania e të dyshuarit të dytë, edhe pse “realizonte përfitim të drejtpërdrejtë material për vete dhe për bashkëshorten e tij”.

Mes këtyre përfitimeve, prokuroria pretendon se Mirçevski përdorte një automjet Volkswagen Passat nga kompania që fitonte tenderët, ndërsa bashkëshortja e tij përdorte shërbime transporti me automjete dhe shoferë.

Gjithashtu, ish-drejtori i SOZR ndiqet edhe për përvetësime të lidhura me udhëtime që paraqiteshin si zyrtare, për të cilat nënshkruante rezervime hotelesh, bileta avioni, urdhra udhëtimi jashtë vendit.

Prokuroria Themelore Publike Shkup dhe Prokuroria Themelore Publike për Ndjekjen e Krimit të Organizuar dhe Korrupsionit, do t’i çojnë këto lëndë drejt epilogut gjyqësor në mandatin e prokurorit të ri të shtetit.

Kocevski dha dorëheqje më 16 dhjetor, në ditën kur në Kuvend duhej të fillonte debati për shkarkimin e tij me propozim të Qeverisë.

Me largimin e tij, Kocevski akuzoi se vendimi i pushtetit është politik dhe u shpreh i zhgënjyer, duke thënë se bëhet fjalë për “mosrespektim të dukshëm të parimeve mbi të cilat mbështetet shteti ligjor”.

Përfaqësues të pushtetit, përfshirë edhe kryeministrin Hristijan Mickoski, e kritikonin vazhdimisht për mungesë rezultatesh në punën e tij.

Derisa deputetët të zgjedhin një prokuror të ri të shtetit, i cili sipas dispozitave ligjore propozohet nga Qeveria me mendim pozitiv nga Këshilli i Prokurorëve Publikë, në këtë funksion më 22 dhjetor, u emërua një ushtruese detyre.

Në seancë, anëtarët e Këshillit të Prokurorëve Publikë e emëruan Anita Topolova-Isajllovskën si ushtruese të detyrës së prokurorit të shtetit.

Një përpjekje për zgjedhjen e ushtruesit të detyrës u bë edhe më 18 dhjetor, por nuk pati sukses për shkak të mungesës së një anëtari të Këshillit.

Ushtruesi i detyrës së prokurorit të shtetit nuk mund të qëndrojë në krye të Prokurorisë Publike më gjatë se gjashtë muaj./REL

The post Korrupsioni në Maqedoninë e Veriut: Skandalet milionëshe që tronditën shtetin appeared first on Albeu.com.

Rikthimi në detyrë i ministres së Infrastrukturës dhe Energjisë, Belinda Balluku u prit me reagime të forta nga Lëvizja Bashkë, e cila e ka konsideruar simbol të pandëshkueshmërisë në nivelet e larta të pushtetit.

“Balluku në burg!” ishte parulla që Lëvizja Bashkë shkroi në muret dhe derën kryesore të ministrisë paraditen e së hënës, teksa bënë thirrje për një protestë të përgjithshme para Kuvendit të enjten.

Sipas Lëvizjes, rikthimi i Ballukut në detyrë përbën fyerje për qytetarët e ndershëm dhe minon besimin publik te drejtësia dhe institucionet shtetërore.

Parullat u fshinë menjëherë nga administrata e ministrisë, pa asnjë reagim zyrtar mbi aktin protestues.

Gjykata Kushtetuese vendosi të premten rikthimin në detyrë të Belinda Ballukut, të cilën Prokuroria e Posaçme e akuzon për abuzime me tenderët e disa prej veprave më të rëndësishme infrastrukturore në vend.

Vendimi erdhi pas shqyrtimit të ankimimit të Kryeministrit Edi Rama kundër një vendimi të mëparshëm të Gjykatës së Posaçme, e cila e kishte pezulluar nga angazhimi në qeveri.

Deputeti i Lëvizjes Bashkë, Redi Muçi, e cilësoi aksionin e së hënës simbolik dhe shprehje të indinjatës qytetare ndaj sipas tij, një “realiteti institucional të deformuar”.

Ai theksoi se Balluku administron një pjesë të konsiderueshme të buxhetit të shtetit. Ndërkohë, SPAK ka ngritur akuza për abuzime me tenderë, me një dëm të pretenduar prej 50 milionë eurosh.

Muçi krahasoi rastin me situatën e kryetarit të Bashkisë së Tiranës, Erion Veliaj, i cili ndodhet në paraburgim. Sipas tij, kjo krijon standarde të dyfishta në trajtimin e pushtetit.

“Nga njëra anë kemi ministren që mban në dorë pjesën më të madhe të buxhetit të shtetit, ndaj së cilës ka akuza të rënda për abuzime në tenderë,” tha Muçi, ndërsa nga ana tjetër “kemi një kryetar bashkie që ndodhet në paraburgim dhe që pretendon që këshilli bashkiak t’i marrë mendimin nga qelia për miratimin e buxhetit të bashkisë”.

Lëvizja ka paralajmëruar një protestë tjetër ditën e enjte, në orën 18:00, para Kuvendit. Kërkesat përfshijnë dorëheqjen e Kryeministrit dhe mbajtjen e zgjedhjeve të parakohshme.

Më herët, lëvizja protestoi kundër buxhetit të vitit 2026, duke e cilësuar atë të pabarabartë dhe përjashtues për shtresat më të varfra të shoqërisë.

Lexo gjithashtu:

• Lëvizja Bashkë kundër buxhetit 2026: I pabarabartë dhe përjashtues
• Gjykata Kushtetuese rikthen Belinda Ballukun në detyrë

The post Rikthimi i ministres Balluku në detyrë pritet me protestë nga Lëvizja Bashkë appeared first on Citizens.al.

Bizneset në Ballkanin Perëndimor vazhdojnë të përballen me sfida serioze për rritjen dhe zhvillimin e tyre, sipas gjetjeve kryesore të raportit Balkan Barometer 2025, të publikuar nga Këshilli për Bashkëpunim Rajonal (RCC).

Tri pengesat kryesore për rritjen e biznesit janë: taksat e larta, ekonomia informale, konkurrenca e pandershme, dhe korrupsioni.

Raporti tregon se vetëm 48% e bizneseve në rajon shprehen të kënaqura me klimën aktuale të biznesit në vendet e tyre, duke reflektuar një nivel të ulët besimi në mjedisin ekonomik dhe institucional.

Ndërkohë, 67% e bizneseve raportojnë se gjatë 12 muajve të fundit janë përballur me rritje të kostove të energjisë, fuqisë punëtore, qirasë dhe shpenzimeve të tjera operative.

telegrafi.com

Sipas të dhënave të raportit, mungesa e fuqisë punëtore vlerësohet me 6.8 pikë në një shkallë nga 1 deri në 10, si faktor që ndikon në rritjen e bizneseve në rajon. Ky vlerësim tregon se bizneset e konsiderojnë mungesën e punëtorëve të kualifikuar si një pengesë të konsiderueshme për zhvillimin dhe zgjerimin e tyre.

Në të njëjtën kohë, 69% e bizneseve në Ballkanin Perëndimor theksojnë se heqja e barrierave tregtare është e rëndësishme për zhvillimin e marrëdhënieve të biznesit brenda rajonit. Ky perceptim nënvizon nevojën për lehtësim të procedurave tregtare dhe rritje të bashkëpunimit ekonomik ndërmjet vendeve të rajonit, shkruan Telegrafi.

Raporti nxjerr në pah edhe perceptimin e bizneseve lidhur me luftën kundër korrupsionit. Sipas Balkan Barometer 2025, vetëm 44% e bizneseve besojnë se lufta kundër korrupsionit është efektive, çka tregon për një nivel relativisht të ulët besimi në institucionet përgjegjëse dhe mekanizmat ekzistues të sundimit të ligjit.

Tutje në raport theksohet se bizneset në Ballkanin Perëndimor kanë ndjerë drejtpërdrejt efektet pozitive të masave për lehtësimin e lëvizjes dhe komunikimit brenda rajonit.

Sipas të dhënave të Balkan Barometer 2025, 39% e bizneseve deklarojnë se regjimi i roamingut falas brenda rajonit ka ulur kostot e operimit.

Ndërkohë, 35% thonë se kanë përfituar edhe nga ulja e tarifave të roamingut të të dhënave me Bashkimin Evropian.

Ndërkaq 66% e bizneseve në rajon presin përfitime nga udhëtimi vetëm me letërnjoftim brenda Ballkanit Perëndimor, një rritje prej 6 për qind krahasuar me vitin e kaluar. Kjo shihet si lehtësim konkret për lëvizjen e stafit, takimet e biznesit dhe bashkëpunimin ndërkufitar.

Të dhënat e Balkan Barometer 2025 sugjerojnë se, për të përmirësuar klimën e të bërit biznes në Ballkanin Perëndimor, institucionet duhet të fokusohen në politika që adresojnë mungesën e fuqisë punëtore, përmirësojnë qasjen tregtare brenda rajonit dhe rrisin efektivitetin e luftës kundër korrupsionit.

Raporti Balkan Barometer realizohet çdo vit nga Këshilli për Bashkëpunim Rajonal, me mbështetje të Bashkimit Evropian, dhe paraqet një pasqyrë të qëndrimeve të bizneseve dhe qytetarëve lidhur me zhvillimet ekonomike dhe institucionale në rajon.

Raportin e plotë e gjeni KËTU. /Telegrafi/

Prej 8 dhjetorit, një grup qytetarësh dhe aktivistësh të Lëvizjes “Shqipëria Bëhet”, të drejtuar nga Adriatik Lapaj, po mban një protestë të vazhdueshme para Kryeministrisë.

Ata kundërshtojnë qëndrimin e Kryeministrit Edi Rama për të mos shkarkuar zv.kryeministren Belinda Balluku, e cila është marrë e pandehur për abuzime me tenderët publikë.

Lëvizja e konsideron këtë qasje shembull të degradimit të qeverisjes dhe për këtë kërkon detyrimin për ta larguar qeverinë aktuale, vendosjen e një qeverie teknike dhe dërgimin e vendit në zgjedhje të parakohshme.

Qëndresa e përditshme para Kryeministrisë

Grupi i aktivistëve dhe qytetarëve është vendosur në mjedis të hapur, në trotuarin buzë Kryeministrisë dhe e vazhdon protestën pavarësisht temperaturave të ulëta.

Protesta nisi më “8 Dhjetor”, ditën që përkujton lëvizjen e dhjetorit 1990, e cila shënoi nisjen e fundit të diktaturës në Shqipëri. Edona Haklaj, tregoi për Citizens.al se vendimi për protestën erdhi pas diskutimeve dhe dakordësisë në lëvizje se përballë përshkallëzimit të çështjeve korruptive në qeveri, nevojitej medoemos një reagim.

Ajo vetë mundi t’i bashkohej plotësisht protestës ditën e dytë, por tregoi se gjendja ishte e vështirë pasi në ditët e para përpjekja për të ngritur çadra kampingu, të cilat do të përdoreshin nga aktivistet vajza u ndalua nga punonjësit e policisë.

“Arsyetimi ishte absurd kinse ne pengonim qarkullimin e rrugës, në një kohë kur ne jemi vendosur në trotuar,” theksoi Haklaj.

Me kalimin e ditëve, angazhimit iu bashkuan edhe aktivistë dhe qytetarë të tjerë. Mëngjesin e së premtes, grupi ishte me të paktën 10 protestues të cilët e kishin kaluar natën e katërt jashtë.

Për t’u mbrojtur nga i ftohti kishin improvizuar një rrethim me kartonë, të cilët mbaheshin nga karriget. Qytetarë të ndryshëm u kishin sjellë ushqime, ujë, batenie, teksa tre arka me mandarina qëndronin krah megafonit.

“Vështirësia më e madhe është gjatë netëve, pas orës 2-3 ku bëhet shumë ftohtë,” tregoi Haklaj.

Por sipas Haklajt, mbështetja që po u vjen nga qytetarët i ka inkurajuar ata të vijojnë më tej.

Gjatë ditës, qytetarë të ndryshëm ndalen dhe shkëmbejnë biseda me Lapajn dhe aktivsitë të tjerë, ndërsa çdo mbrëmje ora 17:00 shënon momentin kryesor të tubimit, ku fjalime dhe thirrje të ndryshme përcillen “Live!” edhe në rrjetet sociale.

Lapaj tha për Citizens.al se numri i pjesëmarrësve në këto tubime të pasditeve është në rritje. Ai beson se qëndresa e zgjatur mund të krijojë presion të mjaftueshëm për dorëheqjen e Kryeministrit.

Në këtë këndvështrim, ai e përshkruan sheshin si hapësirë të hapur për të gjithë qytetarët pa logo partie, ku secili ta shprehë hallin e vet përballë “autokracisë”, siç e cilëson ai qeverisjen aktuale.

Kërkesa: Qeveri tranzitore dhe zgjedhje të lira

Për protestuesit, mosveprimi i Kryeministrit ndaj zëvendëskryeministres Balluku tregon normalizimin e korrupsionit në nivelet më të larta të pushtetit. Lapaj argumenton se një qeveri që mban në detyrë një zyrtare nën hetim penal ka humbur legjitimitetin moral. Sipas tij, ky rast është simbol i krizës më të gjerë të llogaridhënies dhe transparencës në qeveri.

Përballë kësaj gjendjeje, Lëvizja “Shqipëria Bëhet”, propozon ngritjen e një qeveria teknike njëvjeçare, të përbërë nga intelektualë brenda dhe jashtë vendit, me mandat për reformim të kuadrit zgjedhor.

Qëllimi final, sipas Lapajt, është mbajtja e “zgjedhjeve të para realisht të lira dhe të ndershme pas 34 vitesh pluralizëm”.

Atmosfera në shesh përfshin edhe qytetarë të paorganzuar që kërkojnë ndryshime politike.

“Pretendojmë të hyjmë në Evropë, por kështu [me këtë nivel korrupsioni] nuk na pranon njeri,” tha një qytetar pas takimit mbështetës që pati me Lapajn.

Ai deklaroi se mbështeste çdo protestë, pavarësisht numrit, duke shprehur mosbesim të thellë ndaj premtimeve politike dhe nevojën për standarde europiane të qeverisjes aktuale.

Protesta e përditshme e Lëvizjes “Shqipëria Bëhet” është ndryshe nga të gjitha protestat e deritanishme nga kampi opozitar.

Ajo synon të kthehet në një lëvizje më të gjerë qytetare kundër korrupsionit dhe mungesës së llogaridhënies. Megjithatë, suksesi i saj do të varet nga aftësia për të ruajtur pjesëmarrjen, për të shmangur mbi-politizimin e lëvizjes dhe për të prodhuar presion real ndaj pushtetit.

Në një moment të polarizuar politik, kjo protestë po teston hapësirën që qytetarët kanë për të ndikuar vendimmarrjen qeveritare jashtë mekanizmave të partive tradicionale.

Lexoni gjithashtu:

• “Të raportosh politikën, kur transparenca bëhet betejë”
• 8 ditë pa përfillje, mbyllet greva e ish-të përndjekurve politikë
• Jeta e komunitetit rom dhe egjiptian në skajet e politikës

The post Përditë para Kryeministrisë, protesta ndryshe e “Shqipëria Bëhet” appeared first on Citizens.al.

Mes pakënaqësisë për rritjen e pabarazisë, abuzimeve dhe orientimin e fondeve publike kryesisht drejt koncesioneve, Lëvizja Bashkë shprehu kundërshtinë e saj ndaj buxhetit të 2026 përmes një proteste para Kuvendit. Ata kërkuan përgjegjësi nga qeveria për abuzimet me detyrën, politika që garantojnë dinjitet dhe minimum jetik.

Buxheti 2026 rikthen Lëvizjen Bashkë para Kuvendit

Mirjeta, pensioniste nga Tirana, thotë se jeton me 17 mijë lekë në muaj. Ajo tregon se pa ndihmën e fëmijëve nuk do të siguronte as bukën e përditshme. Bashkë me shoqen e saj dhe dhjetëra qytetarë, ajo iu bashkua të enjten protestës së Lëvizjes Bashkë para Kuvendit, me thirrjen “Populli kundër korrupsionit dhe varfërisë!”.

Ndërsa qytetarët protestonin, Kuvendi diskutonte buxhetin e vitit 2026. Lëvizja Bashkë e konsideroi atë të pabarabartë, regresiv dhe të ndërtuar mbi politika që rëndojnë shtresat e varfra.

Eduart Koruni, profesionist i sapodalë në pension, tha për Citizens.al se shumica e pensionistëve marrin më pak se 20 mijë lekë në muaj. Ai thekson se kjo shumë nuk mjafton “as për bukë dhe djathë”.

Klodi Leka, nga Lëvizja Bashkë, kritikoi mënyrën e mbledhjes së të ardhurave buxhetore. Ai theksoi pabarazinë e taksimit duke këmbëngulur se “shteti taton 20% bukën, 6% kazinotë dhe 0% investitorët strategjikë.”

Mirela Ruko, anëtare e Këshillit Bashkiak të Tiranës si përfaqësuese e Lëvizjes, theksoi peshën që mbajnë mësuesit, mjekët, punëtorët dhe bujqit në ekonominë e vendit. Ajo argumentoi se pasuria e krijuar me mundin e tyre përfundon në projekte klienteliste.

“Ne nuk kemi plaçkë për t’u shitur dhe asnjë ditë për t’u falur atyre,” thirri Ruko teksa shtoi se “nuk jemi popull i varfër, ka kaq vite që grabitemi dhe me mundin dhe djersën tonë ata [pushtetarët] kanë ndërtuar kështjella”.

Protestuesit përmendën pezullimin e zëvendëskryeministres Belinda Balluku nga detyra në qeveri si simbol të krizës së thellë të korrupsionit që, sipas tyre, ka kapluar pushtetin e Kryeministrit Edi Rama.

Arlind Qori, kreu i Lëvizjes Bashkë, tha se korrupsioni “vret përditë në kantieret e ndërtimit, në miniera dhe në rrugët ku të rinjtë shtyhen drejt kriminalizimit”.

Ai shtoi se 720 mijë pensionistë mbijetojnë vetëm falë solidaritetit familjar.

“Pa ndihmën e fëmijëve, qindra mijëra prej tyre do të ishin duke lypur,” theksoi Qori.

Deputeti Redi Muçi iu bashkua protestës pas debatit në Kuvend, duke kritikuar orientimin e buxhetit të vitit 2026 ku 27% e tij shkon për koncesionet dhe marrëveshjet në partneritet me privatët.

Muçi theksoi se arsimi dhe shëndetësia mbeten në nivele minimale, me vetëm 2.3% dhe 2.9% të PBB-së, larg standardeve të BE-së që ofrojnë dy deri pesë herë më shumë se kaq.

Bora Mema, nga Lëvizja, u shpreh se pabarazitë e thella ekonomike e bëjnë demokracinë vetëm një iluzion. Ajo theksoi se liria e konsumit nuk është liri reale për qytetarët me të ardhura minimale.

“E vetmja liri është për të ditur cilat produkte do të zgjedhim me aq pak qindarka sa kemi në xhep”, u shpreh Mema, e cila bëri një paralele me lëvizjen për ndryshimin e sistemit 35 vite më parë.

Protesta e Lëvizjes Bashkë evidentoi sërish shqetësimin në rritje për pabarazinë sociale, prioritetet fiskale dhe abuzimet me fondet publike.

Për këtë protestuesit kërkuan dorëheqjen e kryeministrit Rama dhe Belinda Ballukut, ngritjen e minimumit jetik, rritjen e pensioneve dhe miratimin e statusit të minatorit.

Lexoni gjithashtu:

• “Të gjitha rrugët të çojnë te oligarkët”, Lëvizja Bashkë denoncon projektet infrastrukturore
• Gjashtë ditë më pak pushime; Lëvizja Bashkë denoncon kushtet e punës gjatë verës
• 21 mijë firma për “Minimumin Jetik”: Lëvizja Bashkë dorëzon peticionin në Kuvend

The post Lëvizja Bashkë kundër buxhetit 2026: I pabarabartë dhe përjashtues appeared first on Citizens.al.

Këtë të premte, kreu në ikje i SPAK, Altin Dumani, në një aktivitet të mbajtur në Universitetin “Aleksandër Moisiu” në Durrës, theksoi se korrupsioni është një plagë që ka prekur të gjitha institucionet në vend.

Ai e nisi nga Prokuroritë, teksa tha se fatkeqësisht iu është dashur që të vënë para përgjegjësisë edhe kolegë të tyre, me të cilët, siç u shpreh Dumani, kanë pasur edhe raporte shoqërore.

Po ashtu, sipas Dumanit, edhe nga radhët e policisë në kaq vite funksionim të SPAK, janë hetuar dhe gjykuar mbi 70 efektivë policie, të cilët kanë rezultuar edhe pjesë të grupeve kriminale.

Edhe një gjyqtar, shtoi Dumani, rezultoi i përfshirë në krim dhe është akuzuar për pjesëmarrje në grup kriminal.

“Korrupsioni është një plagë që prek të gjitha institucionet. Do ta filloja nga Prokuroria. Fatkeqësisht na është dashur t’i vëmë përpara përgjegjësisë edhe kolegët tanë, madje mund të kemi pasur edhe marrëdhënie shoqërore. Por kemi zbatuar detyrën. Për të ardhur edhe te policia. Në kaq vite SPAK, numri i policëve të hetuar për korrupsion dhe vepra të tjera penale është mbi 70. Në këto vite, numri i policëve të hetuar për korrupsion apo vepra të tjera penale është mbi 70. Fatkeqësisht, në hetimet tona kemi konstatuar funksionarë të lartë policie, që madje janë deklaruar edhe fajtorë, si pjesë të organizatave kriminale apo grupeve të strukturuara kriminale. Nuk janë vetëm nga policia, por edhe nga gjyqësori. Një kemi një çështje kur një gjyqtari i është atribuuar edhe vepra penale si pjesëmarrje në organizatë kriminale. Por Policia e Shtetit, pavarësisht kësaj pjese e cila na ka rezultuar e implikuar në vepra penale, policia në masën absoute janë djem edhe vajza që janë të përkushtuar në punën e tyre dhe meritojnë respekt”, u shpreh Dumani.

Dumani pritet të mbyllë 3 vjeçarin si kryeprokuror më 18 dhjetor, për t’ia lënë më pas stafetën Klodian Brahos, që u zgjodh një ditë më parë.

The post Altin Dumani: Korrupsioni prek të gjitha institucionet, kemi vënë para përgjegjësisë edhe kolegë, mbi 70 policë të hetuar, një gjyqtar ishte i përfshirë në organizatë kriminale appeared first on Albeu.com.

Instituti i Kosovës për Drejtësi (IKD) ka publikuar raportin “Performanca e drejtësisë në ndjekjen dhe gjykimin e korrupsionit”, ku paraqiten gjetjet mbi trajtimin e rasteve të korrupsionit gjatë vitit 2024 dhe nëntëmujorit të parë të vitit 2025.

Gjatë prezantimit, hulumtuesi i lartë i IKD-së, Gzim Shala tha se nga 11 të akuzuarit për korrupsion të profilit të lartë, vetëm 3 prej tyre janë akuzuar duke mbajtur detyrën zyrtare, ndërsa 72.7% e personave tjerë janë akuzuar vetëm pasi që janë larguar nga detyra zyrtare.

Ai shtoi se në nëntëmujorin e parë të vitit 2025 situata ndryshon.

“Nga 4 zyrtarët e akuzuar, vetëm njëri akuzohet si ish-zyrtar, ndërsa tre të tjerët janë akuzuar për pozitat që ende mbajnë”, thuhet në njoftim.

Sipas tij, për vitin 2024, situata ka qenë edhe më problematike, duke theksuar se nga 7 të akuzuarit për korrupsion të profilit të lartë, asnjë prej tyre nuk është akuzuar gjatë kohës sa kanë mbajtur pozitën zyrtare, teksa Prokurori i Shtetit ka pësuar regres në trajtimin e numrit të lëndëve, për shkak se gjatë periudhës përkatëse nuk ka mundur të kryejë lëndë aq sa ka pranuar.

Shala ka kritikuar edhe mungesën e kërkesave për sekuestrim dhe konfiskim të pasurisë së përfituar në mënyrë të kundërligjshme, duke thënë se “në vetëm shtatë raste është bërë kërkesë për sekuestrim ose konfiskim… ndërsa në 29 raste një kërkesë e tillë nuk është bërë”.

Ai theksoi se vetëm “19% të aktakuzave Prokurori i Shtetit ka bërë kërkesë për sekuestrim… ndërsa 81% e aktakuzave janë ngritur pa një propozim të tillë”.

Shala paralajmëroi për rritje të numrit të lëndëve në Prokurori.

“Ky institucion e ka filluar vitin 2024 me 583 lëndë… në fund të nëntë (9) mujorit të parë të vitit 2025, numri i rasteve është ngritur në 880”.

Në tryezë foli edhe gjykatësi i Gjykatës Supreme, Afrim Shala, i cili tha se “sistemi gjyqësor ka arritur efikasitet mbi 100% në trajtimin e rasteve të korrupsionit, duke treguar përmirësim të vazhdueshëm”. Ai kujtoi se në vitin 2022 kishte sfida, por “nga viti 2022 e tutje kemi parë progres të theksuar”.

Gjykatësja e Apelit, Afërdita Bytyqi, deklaroi se rastet e korrupsionit trajtohen shpejt.

“maksimumi brenda tre muajve… dhe vetëm në raste të jashtëzakonshme mund të zgjasin deri një vit”. Ajo sqaroi se vonesat e rasteve të vjetra “lidhën me kompleksitetin e lëndëve.

Prokurori Zef Prendrecaj tha se raporti është i nevojshëm për transparencë.

“Ne i mirëpresim gjetjet dhe konstatimet… që ndihmon forcimin e sundimit të ligjit”.

Ndërsa anëtari i Këshillit Prokurorial, Arian Gashi, tha se vetëm “48% e aktakuzave për korrupsion kanë kaluar në gjykata gjatë vitit 2024”, duke shtuar se në 2025 ka një rritje në 60%.

Avokatja Albulena Ukimeri kritikoi mungesën e fokusit në rastet e profilit të lartë, duke thënë se: “Ndjekja penale e profilit të lartë mbetet në periferi… çdo vonesë është humbje e besimit të publikut”.

Përfaqësuesi i BE-së, Alfons Lentz, tha se “rasteve të nivelit të lartë korruptiv nuk u kushtohet vëmendja e duhur”, duke ngritur shqetësim edhe për mungesën e Strategjisë Antikorrupsion:

“Nuk e kemi Strategjinë Antikorrupsion… dhe kjo pengon adresimin e rasteve më të ndërlikuara”.

Në tryezë u diskutua edhe për provat që prokuroria përdor në aktakuza dhe për pranueshmërinë e tyre nga gjykatat, si dhe për sfidat procedurale.

Publikimi i raportit shërbeu si platformë për reflektim mbi progresin dhe sfidat në luftën kundër korrupsionit, duke hapur rrugën për rekomandime konkrete për përmirësimin e efikasitetit dhe transparencës në sistemin e drejtësisë. /Telegrafi/

Në Ditën e Rinisë, ambasadori i BE-së në Tiranë, Silvio Gonzato i ka drejtuar apelin e tij pikërisht brezit të ri. Në aktivitetin “Rrugët e Rinisë 2030”, ai theksoi se në procesin e integrimit të vendit do të kërkohet më shumë angazhim për t’i dhënë fund pandëshkueshmërisë dhe krimit, duke nënvizuar se të rinjtë duhet […]

The post “Luftë korrupsionit dhe krimit”/ Gonzato apel të rinjve: Mos u largoni, veproni! appeared first on BoldNews.al.

Hetimet e nisura në mandatin e parë të SPAK, ishin në fazë paraprake dhe ende pa prekur figurat më të mëdha të politikës. Të pandehurit e parë ishin ish-ministra, ish-deputetë dhe zyrtarë lokalë. Dosje të rëndësishme, por jo të mjaftueshme për të thyer mitin e pandëshkueshmërisë në nivele të larta. “Vitet e fundit duket se […]

The post Korrupsioni dhe krimi në nivele të larta. Tre vitet e Dumanit në SPAK, sukses apo propagandë? appeared first on BoldNews.al.

Burimi: The Telegraph
Përkthimi: Telegrafi.com

Njeriu i dytë më i fuqishëm i Ukrainës ka rënë nga froni. Disa orë pasi Byroja Kombëtare Kundër Korrupsionit e Ukrainës (NABU) bastisi shtëpinë e tij dhe hetoi rolin e tij në skandalin e korrupsionit në energji prej 100 milionë dollarësh, Andriy Yermak dha dorëheqjen si kreu i administratës presidenciale ukrainase. Dhe, tani ai ndodhet në vijën e parë të luftës.

Largimi i Yermakut është mbrojtje për aktivistët kundër korrupsionit në Ukrainë dhe ka marrë mbështetje të gjerë nga anëtarët kyçë të koalicionit politik të presidentit Volodymyr Zelensky. Më herët këtë muaj, deputeti i Shërbëtorit të Popullit, Fedir Venislavskyi, pranoi diskutimet brenda partisë për pozitën e papranueshme të Yermakut. Këto debate të brendshme u shndërruan në thirrje publike pas bastisjes nga NABU-ja dhe largimi i Yermakut pati një aurë të pashmangshme.

Përveçse thekson shkëputjen e Zelenskyt nga skandalet e korrupsionit, dorëheqja e Yermakut ka pasoja të mëdha për procesin e paqes. Ndërsa diplomacisë e shpejtë [shuttle diplomacy] dhe intensive e udhëhequr nga ShBA-ja nuk arriti të shënojë një përparim drejt armëpushimit, Yermaku drejtoi ekipin negociator të Ukrainës.

Në aktin e tij të fundit si kryenegociator, Yermaku përjashtoi kategorikisht dorëzimin e territoreve ndaj Rusisë. Një përgjigje sfiduese kjo ndaj kërcënimit të presidentit rus Vladimir Putin për të “luftuar deri te ukrainasi i fundit”.

Duke pasur parasysh rolin qendror të Yermakut në procesin e negociatave për paqe të Ukrainës, largimi i tij duket si pranim i heshtur se sa larg jemi nga një armëpushim i zbatueshëm. Por, mund të ketë edhe një anë të ndritshme: mund të ndihmojë në riparimin e marrëdhënieve të tensionuara të Ukrainës me administratën e presidentit Donald Trump dhe të hapë rrugë për një zgjidhje pragmatike të luftës.

Para se Trumpi të rikthehej në Shtëpinë e Bardhë në janar 2025, Yermaku kishte marrëdhënie të tensionuara me lëvizjen MAGA [Make Ameriaca Great Again]. Premtimi i Yermakut për të hetuar Burisma-n, kompaninë ukrainase të energjisë që kishte punësuar Hunter Bidenin, për pak kohë e vendosi atë në një linjë me Trumpin.

Kur u bë e qartë se Yermaku kishte folur pa miratimin e Zelenskyt, u zbeh vullneti i mirë i tij ndaj Trumpit. Kongresistja republikane nga Indiana, me origjinë ukrainase, Victoria Spartz, udhëhoqi sulmin publik të MAGA-s kundër Yermakut duke pretenduar se ai mbante komunikime të fshehta me Rusinë dhe se e kishte ngarkuar zëvendësin e tij, Oleg Tatarov, për të penguar hetimet kundër korrupsionit.

Ndërsa Trumpi ushtronte presion mbi Ukrainën për të pranuar lëshimet territoriale ndaj Rusisë, hendeku midis Yermakut dhe Shtëpisë së Bardhë u zgjerua. Në biseda private, Yermaku nënkuptoi se agjentët rusë ndodheshin brenda ekipit të Trumpit.

Gjatë vizitës sime në Uashington në tetor, u bë e qartë për mua se retorika e egër e Yermakut shtonte armiqësinë ndaj udhëheqjes së Zelenskyt në rrethin e Trumpit. Në pjesën republikane të Uashingtonit, Yermakut ishte sinonim i korrupsionit ukrainas dhe i mungesës së mirënjohjes për ndihmën ushtarake të ShBA-së.

Largimi i Yermakut hap rrugën që figura më të afërta me Trumpin të rrisin profilin brenda ekipit negociator të Ukrainës. Shefi i inteligjencës ushtarake GUR, Kyrylo Budanov, raportohet se është takuar me sekretarin e Ushtrisë amerikane, Dan Driscoll - këtë javë në Abu Dhabi - dhe ka theksuar publikisht rolin potencialisht vendimtar të Trumpit për ta përfunduar luftën në Ukrainë.

Ndërsa pozita e ish-ministrit të Mbrojtjes së Ukrainës, Rustem Umerov - si ndërmjetës me Uashingtonin - mund të zbehet për shkak të hetimit të NABU-së, profili diplomatik i Budanovit mund të rritet në të njëjtën masë.

Për sa kohë që Rusia vazhdon bombardimet e saj të pamëshirshme ndaj civilëve ukrainas dhe taktikat padobishme penguese, kundërshtimi i paepur i Yermakut ndaj lëshimeve territoriale do të qëndrojë.

Megjithatë, Trumpi ka gjasa ta ngacmojë sërish Zelenskyn për këtë çështje, pasi të dërguarit e tij të besuar, Steve Witkoff dhe Jared Kushner, do të vizitojnë Moskën.

Një negociator i ri, pa barrën e deklaratave të ashpra të së kaluarës, mund të jetë i gatshëm të marrë vendimet e vështira që janë të nevojshme për paqen në Ukrainë. Meqenëse edhe Putini ka shkarkuar Dmitry Kozakun, një negociator rus që angazhohej rregullisht me Yermakun, procesi i ngecur i paqes mund të fitojë më në fund një dinamikë të re.

Largimi i Yermakut dhe zotimi i Zelenskyt për të riformuar administratën presidenciale të Ukrainës, duhet t’ia japin një shtysë të përkohshme fatit politik të presidentit në kohë lufte. Mund të japë edhe një përfitim më të qëndrueshëm për perspektivat e paqes në Ukrainë. /Telegrafi/

Nëse merr mundimin të ndjekësh këto ditë mediat e shumta proqeveritare, do të hasesh me një mori titujsh alarmistë, të cilët e paralajmërojnë lexuesin se aktualisht, në lojë nuk është thjeshtë fati individual i ministres dhe zëvendëskryeministres Belinda Balluku, apo fati individual apo politik i kryeministrit Edi Rama, por në lojë është drejtpërsëdrejti liria e […]

The post Jo “Republika e Prokurorëve”, por “Republika e Prokurimeve” e ka rrënuar Shqipërinë appeared first on Reporter.al.

Më 10 shtator 2021, vetëm pesë ditë para mbylljes së afatit për dorëzimin e ofertave në shtatë tenderë për segmentet e Unazës së Madhe të Tiranës – një paketë prokurimesh me vlerë rreth 18 miliardë lekësh, apo 148 milionë euro me kursin e kohës, ministrja e Infrastrukturës Belinda Balluku thirri me urgjencë në zyrë Evis […]

The post Unaza e Madhe, konkurrenca e vogël: Për çfarë akuzohet Belinda Balluku appeared first on Reporter.al.

Korrupsioni nuk është shpikje moderne dhe nuk është një devijim i rastësishëm i sistemeve politike të sotme apo kuadrit ligjor-rregullativ që krijojnë institucionet. Tekstet më të hershme të Babilonisë, rreth gjashtë mijë vjet më parë, flasin për padrejtësi, abuzim dhe shpërdorim pushteti. Por, fakti që korrupsioni është i lashtë nuk e bën atë të pashmangshëm

Shkruan: Hetem Ramadani

Në mjedisin tonë ballkanik, ky fenomen jo vetëm që vazhdon, por është bërë normalitet, i natyralizuar përmes lajmeve të përditshme mbi hetime ndaj ish-presidentëve, ish-ministrave, kryetarëve lokalë dhe figurave të larta publike. Pyetja nuk është më pse ka korrupsion: pyetja reale është pse ai mbijeton, forcohet, dhe pse shoqëria duket se e ka pranuar si mënyrë të natyrshme të ekzistencës së saj.

Në shkencën moderne, Max Planck na kujtoi se ne studiojmë natyrën, flasim për të dhe mendojmë për të, por ajo mbetet mister dhe se njeriu, vetë studiuesi, është pjesë e këtij misteri. I njëjti parim zbatohet edhe për korrupsionin në shoqëri: ne flasim për të, e denoncojmë, ndërtojmë mekanizma, krijojmë reforma, gjykata, struktura dhe programe, por fenomeni mbetet i pranishëm sepse ata që e analizojnë shpesh janë pjesë e së njëjtës ndërthurje.

Nëse vëzhguesi është i ndotur, vëzhgimi nuk sjell dritë. Nëse vetëdija është e turbullt, zgjidhja nuk lind. Korrupsioni nuk është vetëm shkelje ligjore - është pasqyrim i një vetëdijeje të papërpunuar, e ndikuar nga frika, interesi, kultura, modeli shoqëror dhe kushtëzimet e trashëguara. Ndaj, pyetjet që bëjmë në nivelin racional nuk mjaftojnë. Duhet të lindin pyetje në një nivel më të pastër, ku vetëdija nuk është e deformuar nga interesi.

Kur pyetja lind nga vetëdija e qartë, fenomeni fillon të ndryshojë. Kur vëzhguesi pastrohet, e vëzhguara ndriçohet. Transformimi i korrupsionit nuk fillon me ndëshkim, por me ndërgjegjësim - sepse shoqëria shërohet vetëm kur shërohet vetëdija që e ndërton atë.

“Korrupsioni nuk jeton në institucione, por në hijen e vetëdijes së pashqyrtuar. Kur njeriu ndriçohet, sistemi ndriçohet.” - Hetem Ramadani

“Atë që ligji s’e shëron, e shëron vetëdija; dhe kur zemra bëhet transparente, asgjë e errët nuk gjen vend.” - Hetem Ramadani

“Shoqëria ndryshon jo kur dënon të korruptuarin, por kur zgjohet nga gjumi i brendshëm ku korrupsioni merr frymë.” - Hetem Ramadani

Trashëgimia e traumës – si faktor ndikues

Qasja moderne ndaj traumës na dëshmon se përvojat kolektive mund të ndikojnë në sjelljet shoqërore. Epigjenetika tregon se streset e gjata historike mund të lënë gjurmë në mënyrën se si aktivizohen gjenet. Ballkani ka kaluar pushtime, shtypje kulturore, mungesë lirie, varfëri dhe rënie institucionale të herëpashershme. Këto kanë prodhuar një kujtesë kolektive të pasigurisë dhe mosbesimit.

Por kjo shpjegon vetëm sfondin - jo fajin. Korrupsioni i sotëm nuk ushqehet nga gjenet, por nga: kapja e shtetit, drejtësia e komanduar, partitë që funksionojnë si sipërmarrje private, pasuria publike e përvetësuar nga një grusht njerëzish, mediat e varura nga pushteti. Pra, thelbësisht, trauma shpjegon klimën, por nuk justifikon kriminalitetin politik.

Shoqëria jonë si trup i inflamuar

Metafora e trupit të inflamuar e shpjegon më mirë gjendjen shoqërore. Në biologji, kur një trup përballet me stres të vazhdueshëm, inflamacioni bëhet kronik. Në këtë gjendje, organizmi nuk funksionon normalisht - ai shpenzon deri në 50% të energjisë vetëm për t’u mbrojtur, jo për t’u zhvilluar. E njëjta gjë ndodh në shoqëri: Energjia kolektive nuk shkon në kreativitet, inovacion, arsim, kulturë, bashkëpunim, zhvillim. Ajo harxhohet në mbijetesë, frikë, pasiguri, dhe reagime ndaj krizave të përhershme.

Kjo gjendje prodhon: lodhje kolektive, humbje të shpresës, rënie të vetëbesimit, varfëri afatgjatë, manipulim të lehtë të popullsisë.

Një popull i lodhur nuk reziston, nuk kërkon transformim dhe nuk shemb strukturat që e shtypin. Dhe pikërisht për këtë arsye, lodhja nuk është pasojë - është mjet pushteti. Ata që e shkaktuan inflamacionin e shoqërisë, e përdorin atë për ta sunduar më lehtë.

“Shoqëria e lodhur është trup i inflamuar. Lideri i së ardhmes nuk krijon inflamacion, nuk krijon zjarr; ai krijon ekuilibër, qetësi dhe energji për pyetje kuantike." - Hetem Ramadani”

Liderët si mekanizëm i sëmundjes, jo si pasojë e saj

Kur një trup është i shëndetshëm, qelizat punojnë për organizmin e tërë. Kur ato bëhen kancerogjene, rriten, konsumojnë dhe nuk shërbejnë. Kështu veprojnë liderët që shfrytëzojnë shoqërinë. Por ky krahasim shkon edhe më thellë: në hapësirën tonë ballkanike, këta liderë nuk lindin rastësisht, ata prodhohen nga një sistem i qëllimshëm ku: drejtësia emërohet nga politika, prokuroria frikësohet në misionin e saj për të hetuar, drejtësia në gjykata negociohen, tenderët jepen vetëm për klientët, - pasuria publike zhduket në duar private, dhe kështu me radhë. Kjo nuk është metaforë biologjike - kjo është arkitekturë pushteti.

“Lideri që humb egon, bashkohet me popullin dhe bëhet molekula e re e së ardhmes.” Si hidrogjeni e oksigjeni që humbin identitetet për të krijuar ujë, lideri i vërtetë humb veten për t’u bërë jetë për të tjerët. Ky është transformimi kuantik." - Hetem Ramadani

Paradigma e rreme e dritës në fund të tunelit

Për dekada me radhë, njerëzve u është thënë të durojnë, të presin, të shpresojnë. Kjo retorikë ka prodhuar gjenerata të tëra që e kanë lidhur shpresën me vuajtjen. Por kjo nuk është thënie e pafajshme — është psikologji e nënshtrimit. E vërteta është: populli nuk është në tunel; errësira nuk është e natyrshme; drita nuk mungon, por ajo pengohet.

Paradigma e re nuk është të presim fundin e tunelit, por ta kuptojmë se tuneli është ndërtuar për të na mbajtur aty.

“Lideri i së ardhmes nuk pyet si të dalë nga tuneli; ai pyet si të bëhet dritë para tunelit. Pyetja e tij nuk lind nga frika e mendjes, por nga fusha e unifikuar e ndërgjegjes." - Hetem Ramadani”

Vetëdija - jo mjaftueshme pa kosto

Rritja e vetëdijes është e domosdoshme, por jo e mjaftueshme. Korrupsioni nuk shembet me ndërgjegjësim, por me: Ndëshkim real; transparencë të pakompromistë; media të pakapura; institucione të pavarura; shkëputje të parasë nga politika dhe qytetarë që nuk pranojnë të jenë pjesë e zinxhirit kompromentues të sistemit.

Prandaj, Vetëdija pa veprim është teori. Reforma pa dhimbje është iluzion.

Përfundim

Nëse duam të çlirohemi nga korrupsioni, duhet të pranojmë se ai nuk është mallkim historik, por projektim i përditshëm: Nuk është fat, por strategji: Nuk është dështim, por mekanizëm kontrolli.

Shërimi fillon kur trauma identifikohet, por nuk përdoret si justifikim; kur populli kupton se nuk është viktimë, por faktor; kur energjia kthehet nga mbijetesa në krijimtari; kur lodhja nuk pranohet si normalitet, por si alarm.

Shqipëria, Kosova dhe gjithë Ballkani nuk është trup i sëmurë - është trup i mbajtur i sëmurë. Dhe, kjo ndryshon vetëm kur shoqëria refuzon të jetë pjesë e inflamacionit dhe bëhet pjesë e shërimit. /Telegrafi/

“Po bëni prokurorinë popullore…”, u tha kryeministri deputetëve të opozitës, të cilët e nisën seancën plenare të së mërkurës duke kërkuar llogari pse ai mbante ende në detyrë zëvendëskryeministren Balluku, e marrë e pandehur nga Prokuroria e Posaçme, SPAK, për shkelje të barazisë në tenderin e ndërtimit të Tunelit të Llogarasë. Marrjen e saj si […]

The post Rama mbron Ballukun dhe relativizon kostot e korrupsionit appeared first on Reporter.al.

Deputetët e Partisë Demokratike zhvilluan sot një takim me Mark Fleming, Drejtorin për Çështjet e Europës Perëndimore dhe Qendrore në Departamentin Amerikan të Shtetit. Lajmin e ka bërë të ditur kryetari i Grupit Parlamentar të PD-së, Gazment Bardhi, i cili zbardh diksutimet që demokratët zhvilluan me zyrtarin e DASH. Bardhi theksoi se Shtetet e Bashkuara […]

The post Deputetët e PD takim me zyrtarin e DASH, Bardhi: Qeveria e lidhur me krimin nuk mund të udhëheqë vendin appeared first on BoldNews.al.

Ministri i Jashtëm gjerman Johann Wadephul u ka kërkuar shteteve të Ballkanit Perëndimor të zbatojnë reforma të mëtejshme, duke thënë se kjo është thelbësore për të çuar përpara përpjekjet e tyre afatgjata për anëtarësim në BE dhe për t’iu kundërvënë përpjekjeve të Rusisë dhe Kinës për të ushtruar ndikim në rajon. “Sundimi i ligjit, lufta […]

The post Wadephul apel vendeve të Ballkanit: Sundimi i ligjit, kusht i panegociueshëm për integrimin europian appeared first on BoldNews.al.

Një skandal korrupsioni që përfshin partnerin e biznesit të presidentit Volodymyr Zelensky, aleatët politikë dhe një grup keqbërësish të supozuar që përfitonin nga një monopol i energjisë bërthamore ka tronditur Ukrainën e varfër për energji.

Vëzhguesit i thanë Al Jazeera-s se skandali mund të shkatërrojë vlerësimet për Zelenskyn, të zemërojë donatorët perëndimorë dhe të shkaktojë një krizë politike që mund të çojë në humbje në fushëbetejë.

“Ajo që po ndodh në të vërtetë është plaçkitja e një kompanie shtetërore gjatë luftës, dhe kjo është shumë e dhimbshme për njerëzit”, ka thënë për Al Jazeera, Tetiana Shevchenko e Qendrës së Veprimit Kundër Korrupsionit, një grup në Kiev, përcjell Telegrafi.

Ndërsa Timur Mindich, i cili ishte bashkëpronar i trupës komike District 95 që e çoi Zelensky drejt famës dhe një presidencie të mëvonshme, është truri i supozuar i skemës së korrupsionit rreth kontratave me Energoatom, konsorciumi shtetëror që menaxhon stacionet e energjisë bërthamore të Ukrainës, sipas dy agjencive antikorrupsion.

Raketat dhe dronët rusë vazhdojnë të shkatërrojnë infrastrukturën e gjenerimit dhe shpërndarjes së energjisë në Ukrainë, dhe centralet bërthamore janë bërë burimi kryesor i energjisë elektrike të vendit.

Mindich, 46 vjeç, iku nga Ukraina disa orë para se hetuesit të trokisnin në derën e apartamentit të tij luksoz në qendër të Kievit të hënën. Ai thuhet se ka udhëtuar për në Izrael.

"Kapja e biznesmenit Timur Mindich ishte pothuajse e pamundur; ikja e tij nuk është një surprizë", tha një burim i zbatimit të ligjit për transmetuesin NV.ua.

Një ditë më vonë, dy mbikëqyrës të pavarur të korrupsionit akuzuan Mindich dhe shtatë persona të tjerë për ryshfet, shpërdorim detyre dhe pasurim të paligjshëm nga ryshfetet deri në 15 përqind nga kontratat me Energoatom që arritën në rreth 100 milionë dollarë.

Agjencitë, Byroja Kombëtare Kundër Korrupsionit e Ukrainës (NABU) dhe Zyra e Prokurorit të Specializuar Kundër Korrupsionit (SAPO), publikuan regjistrime video dhe audio në të cilat grupi duket se përdor nofka dhe fjalë të koduara për të diskutuar ryshfetet që arrijnë në dhjetëra miliona dollarë.

Zelensky, fushata presidenciale e të cilit kundër korrupsionit pati jehonë tek votuesit në vitin 2019, u përpoq të frenonte autonominë e të dy agjencive në korrik, pasi ato hapën hetime ndaj aleatëve dhe ish-partnerëve të tij të biznesit.

Por ai tani është tërhequr dhe është zotuar t'i mbajë ato të pavarura pas protestave masive popullore.

“Çdo veprim antikorrupsion që jep rezultate është shumë i rëndësishëm; ne kemi nevojë për pashmangshmërinë e ndëshkimit”, tha Zelensky të hënën. “Duhet të ketë dënime”.

Por ekspertja e antikorrupsion Shevchenko e hodhi poshtë deklaratën e tij.

“Kjo nuk është një përgjigje. Është si të thuash, 'Le të vendosë gjykata'”, tha ajo.

“Ishte Zelensky ai që i solli këta njerëz në pushtet; ata përdorën emrin e tij kur emëruan 'mbikëqyrës' për kompaninë e energjisë”, shtoi ajo.

Rezultatet e hetimit u publikuan në YouTube nga NABU dhe ofrojnë një vështrim mbi grupin, masat dhe veprimet e tyre të fshehtësisë.

Ukrainasit janë të kapluar nga skandali, i cili ka qenë “lajm në faqen e parë” që nga e hëna.

Disfatë ushtarake?

Skandali i ngjan një "preludi" të një seriali të gjatë televiziv që “do të tërheqë” ukrainasit për vitet që vijnë, sipas Volodymyr Fesenko, kreu i grupit të mendimit Penta me seli në Kiev.

Ndërkohë, kundërshtarët politikë të Zelenskyt “do të tundohen shumë për të nisur një sulm në shkallë të gjerë ndaj presidentit”, tha Fesenko për Al Jazeera.

Një sulm i tillë do të kishte qenë normal në një Ukrainë paqësore, por gjatë luftës, mund të shkaktojë një “krizë politike të brendshme që mund ta dobësojë ndjeshëm shtetin dhe, në rastin më të keq, të çojë në disfatë ushtarake”, theksoi ai.

Megjithatë, ai paralajmëroi se “fillimi i zhurmshëm i çështjes nuk garanton përfundimin e saj të suksesshëm”.

Fesenko iu referua Çështjes Amber – një hetim për dy ligjvënës që dyshohet se kanë pranuar ryshfete nga “mafia e qelibarit” që nxjerr në mënyrë të paligjshme gurin gjysmë të çmuar në Ukrainën qendrore.

Hetimi u hap në vitin 2017 me shumë bujë dhe prezantimin e provave audio dhe video të regjistruara fshehurazi.

Por nuk rezultoi në dënime pasi gjyqtarët thanë se nuk mund të pranonin provat e mbledhura në mënyrë të paligjshme.

Petro Poroshenko, president në atë kohë, u zotua të miratonte një ligj që rregullonte minierat e qelibarit, por kjo nuk u realizua kurrë.

Dronë të shtrenjtë?

Mindich thuhet se është i lidhur edhe me Firepoint, një kompani ukrainase që prodhon dronë për sulme të thella, pajisje mbikëqyrjeje ajrore dhe raketa.

Mindich mohoi lidhjet me Firepoint, por kompania po hetohet për korrupsion pasi fitoi një sërë kontratash fitimprurëse qeveritare.

Gjermania ka paguar disa nga faturat dhe skandali mund të rrezikojë ndihmën ushtarake të ardhshme të Berlinit.

"Lobistët e kësaj iniciative në Gjermani tani duken si hajdutë", tha Nikolay Mitrokhin i Universitetit të Bremenit në Gjermani për Al Jazeera.

Sipas tij, skandali është simbolik i korrupsionit më të gjerë që shpesh përfshin prokurimin ushtarak, përvetësimin e ndihmës së huaj dhe madje edhe marrëdhëniet midis oficerëve që thuhet se marrin ryshfete nga ushtarakët që duan të marrin leje.

"Për fat të keq, korrupsioni sistemik dhe vendimmarrja e bazuar në të përcaktojnë karakterin e armiqësive dhe qëndrimin e popullsisë së Ukrainës ndaj mbrojtjes së tyre personale të një rajoni të tillë - diçka që çon në pasoja të rënda në fushën e betejës", theksoi Mitrokhin.

Deja vu

Ajo që i zemëron ukrainasit është se skandali duket si një përsëritje e një tjetër fatkeqësie politike që shkatërroi paraardhësin e Zelenskyt.

Petro Poroshenko, njeriu më i pasur dhe ish-ministër i jashtëm i Ukrainës, u zgjodh president pas një kryengritjeje popullore anti-ruse në vitin 2014, duke premtuar të çrrënjosë korrupsionin endemik të Ukrainës.

Pesë vjet më vonë, një raport hetimor identifikoi mikun dhe aleatin e tij të fëmijërisë si trurin e një skeme për të shitur pajisje ushtarake ruse të kontrabanduara dhe të dorës së dytë Ministrisë së Mbrojtjes të Ukrainës me çmime të tepruara.

Poroshenko u fishkëllye nga skena gjatë fushatës së tij zgjedhore dhe humbi zgjedhjet e vitit 2019 ndaj Zelenskyt, një komedian i njohur dhe politikan i ri, i cili gjithashtu premtoi të çrrënjosë korrupsionin.

"Kjo është ajo me të cilën Zelensky e mundi Poroshenkon gjatë zgjedhjeve", kujton aktivistja antikorrupsion Shevchenko.

"Dhe ai gjithashtu premtoi, se do t'i fuste miqtë e tij në burg, në rast se ndodh diçka e ngjashme”, tha ajo. /Telegrafi/