TIRANË, 24 dhjetor /ATSH/ Gjykata e Posaçme e Shkallës së Parë për Korrupsionin dhe Krimin e Organizuar (GJKKO) ka vendosur dërgimin në gjyq të çështjes penale ndaj mjekut Edvi Prifti, i akuzuar për disa vepra penale, përfshirë korrupsionin pasiv, vjedhjen duke shpërdoruar detyrën dhe pastrimin e produkteve të veprës penale.

Në njoftimin zyrtar për mediat, bëhet e ditur se Prokuroria e Posaçme kundër Korrupsionit dhe Krimit të Organizuar (SPAK), më 9 shkurt 2024, ka paraqitur kërkesën për dërgimin në gjyq të procedimit në ngarkim të Priftit.

Në seancën paraprake të zhvilluar sot, trupi gjykues i kryesuar nga gjyqtarja Elsa Ulliri, pas shqyrtimit të pretendimeve të palëve, vendosi pranimin e kërkesës së SPAK dhe dërgimin e çështjes për gjykim.

Sipas vendimit të GJKKO-së, Edvin Prifti do të gjykohet për veprat penale: “Vjedhja e kryer duke shpërdoruar detyrën”, “Fshehja e të ardhurave”, “Korrupsioni pasiv i personave që ushtrojnë funksione publike”, në 7 episode, “Pastrimi i produkteve të veprës penale ose veprimtarisë kriminale”.

Gjykata urdhëroi gjithashtu formimin e fashikullit të gjykimit, i cili do të përmbajë të gjitha aktet dhe provat e administruara gjatë hetimit, duke përjashtuar deklarimet dhe aktet e marra në seancën paraprake.

Çështja do të shqyrtohet nga një tjetër trup gjykues i përbërë nga tre gjyqtarë.

/gj.m/a.f/

The post GJKKO dërgon në gjyq mjekun Edvin Prifti për dy akuza appeared first on Agjencia Telegrafike Shqiptare.

Një mjek indian u pa duke rrahur një pacient me probleme me frymëmarrjen, pasi ky i fundit “kërkoi t'i flitej me respekt”.

Një mjek në Kolegjin Mjekësor Indira Ghandi në Shimla (IGMC), në Indinë veriore, u akuzua për sulm fizik ndaj pacientit gjatë grindjes të hënën, shkruajnë mediat e huaja, përcjell Telegrafi.

Pacienti, Arjun Panwar, kishte vizituar spitalin për analiza mjekësore dhe ishte shtrirë në një shtrat në një repart tjetër pasi kishte përjetuar vështirësi në frymëmarrje.

Panwar tha se mjeku filloi t'i fliste me një ton të vrazhdë pa asnjë provokim, përpara se të shpërthente një grindje kur ai u ankua për sjelljen.

Sipas pacientit, mjeku më pas filloi ta godiste.

"Sapo i isha nënshtruar një bronkoskopie dhe po merrja frymë me vështirësi. Kur kërkova oksigjen, mjeku vuri në dyshim statusin tim të pranimit", tha Z. Panwar.

"I kërkova që të fliste me mua me respekt, por ai u bë konfrontues”.

"Kur e pyeta nëse ai i fliste familjes së tij në një mënyrë të tillë, ai filloi të më godiste", shtoi ai.

Videoja shpejt fitoi vëmendje në internet dhe mjeku mund të shihet duke goditur vazhdimisht z. Panwar ndërsa ai përpiqej të mbrohej. /Telegrafi/

Zëdhënësja e Kompanisë Rajonale të Ujësjellësit “Prishtina”, Arieta Mjeku, ka deklaruar se ekipet teknike po vazhdojnë pandërprerë intervenimet në terren, pas shqetësimeve të ngritura nga qytetarët për furnizimin me ujë.

Në një prononcim për media, Mjeku tha se ndërprerjet e ujit nuk kryhen pa arsye dhe se kompania është duke punuar në stabilizimin e gjendjes.

“Çdo ndërprerje, edhe kur zgjat vetëm pak minuta, për ne është shqetësim serioz. Ekipet tona janë në terren gjatë gjithë ditës për të zgjidhur çdo problem që paraqitet”, u shpreh ajo, përcjell Telegrafi.

Sipas saj, faktorët tekniko–operativë dhe kushtet e motit shpesh ndikojnë në sistemin e furnizimit.

“Turbullirat në kanalet furnizuese, rritja e konsumit apo defektet e papritura janë arsye që nuk mund t’i parandalojmë gjithmonë, por reagimi ynë është i menjëhershëm”, theksoi Mjeku.

Ajo ftoi qytetarët për mirëkuptim dhe theksoi rëndësinë e bashkëpunimit: “Qytetarët të jenë të sigurt se punojmë maksimalisht për furnizim të qëndrueshëm. Çdo ankesë, çdo lajmërim nga qytetarët, na ndihmon ta zgjidhim problemin më shpejt,” tha ajo.

Ndërkohë, KRU “Prishtina” theksoi se qytetarët që jetojnë në objekte të larta, në raste presioni të ulët, duhet të kenë parasysh përgjegjësinë e investitorëve.

“Presioni shtesë brenda ndërtesave është pajisje që duhet ta instalojnë investitorët. Në shumë raste mungesa e saj krijon vështirësi”, sqaroi zëdhënësja.

Kompania njoftoi se informacionet për zonat me punime dhe ndërprerje të mundshme do të publikohen rregullisht. /Telegrafi/

Një mjek imazherist në spitalin e Fierit, Gëzim Taullaj, është arrestuar pas një hetimi katërmujor, i realizuar në bashkëpunim me Prokurorinë e Fierit. Taullaj akuzohet për shpërdorim detyre dhe korrupsion pasiv, pasi merrte ryshfet nga pacientët për të kryer ekzaminime ekografike.

Sipas policisë, mjeku u kap në flagrancë duke marrë një shumë parash nga një pacient për t’i kryer një ekografi abdominale. Hetimi ka zbuluar se gjatë orarit të punës, Taullaj shpërdoronte detyrën duke vizituar pacientë në dy klinika private në Fier, ndërsa ishte i angazhuar në spitalin publik.

Gjatë kontrolleve në banesën e tij, u gjetën dhe u sekuestruan shuma të konsiderueshme parash, përfshirë 1.857.000 lekë, 39.155 euro, 2.370 paund dhe 75 dollarë. Këto sasi parash u morën si prova materiale për hetimet e mëtejshme.

Gëzim Taullaj është akuzuar për shpërdorim detyre dhe korrupsion pasiv të personave që ushtrojnë funksione publike, pasi përdorte pozitat e tij për të përfituar para në mënyrë të paligjshme. Pas arrestimit, materialet procedurale janë dërguar në Prokurorinë e Fierit për veprime të mëtejshme.

Ky rast është një tjetër goditje ndaj korrupsionit dhe abuzimeve në sistemin shëndetësor, ndërsa policia ka theksuar se hetimet do të vazhdojnë për zbardhjen e plotë të kësaj ngjarjeje.

POlicia e Fierit ka arrestuar një mjek të spitalit të qytetit, i cili akuzohet për korrupsion. Në kuadër të operacionit “Imazheria” është vënë në pranga shtetasi Gëzim Taullaj, 66 vjeç, banues në Fier, me detyrë mjek imazherist në spitalin rajonal Fier. Ai është arrestuar pas 4 muajsh hetimesh, ku ka rezultuar se u merrte pacientëve […]

The post EMRI-VIDEO/ Arrestohet për korrupsion një mjek i spitalit të Fierit, u merrte para pacientëve për eko appeared first on BoldNews.al.

Policia e Fierit, ka arrestuar një mjek të spitalit të qytetit, i cili akuzohet për korrupsion. Në kuadër të operacionit “Imazheria” është vënë në pranga shtetasi Gëzim Taullaj, 66-vjeç, banues në Fier, me detyrë mjek imazherist në spitalin rajonal Fier.

Ai është arrestuar pas 4 muajsh hetimesh, ku ka rezultuar se u merrte pacientëve lekë për të kryer eko.

Në banesë i janë gjetur rreth 60 mijë euro të valutave të ndryshme.

Mbi Gëzim Taullajn, rëndojnë akuzat për veprat penale “Shpërdorimi i detyrës” dhe ”Korrupsioni pasiv i personave që ushtrojnë funksione publike”.

“Ky shtetas u kap në flagrancë duke marrë një shumë parash një pacienti që do të kryente ekon abdominale.

Gjithashtu, ky shtetas, shpërdoronte detyrën pasi gjatë orarit zyrtar të punës, vizitonte pacientë në 2 klinika private në Fier.

Në vijim të veprimeve procedurale për këtë rast u sekuestrua si provë materiale, shuma e lekëve që 66-vjeçari i mori qytetarit, në kundërshtim me ligjin si edhe shuma prej 1.857.000 lekë të reja, 39.155 euro, 2.370 paund dhe 75 dollar që iu gjetën gjatë kontrollit të banesës”,– thuhet në njoftim

Materialet procedurale i kanë kaluar Prokurorisë së Fierit për veprime të mëtejshme.

The post Arrestohet për korrupsion një mjek i spitalit të Fierit, u merrte para pacientëve për eko (EMRI-VIDEO) appeared first on Albeu.com.

Gjykata Themelore në Mitrovicë ka caktuar një muaj arrest shtëpiak, për A.V, mjekun nga Vushtrria që dyshohet për marrje ryshfeti.

Sipas një postimi në rrjetin social në Facebook bëhet e ditur se sipas Aktvendimit të Gjykatës Themelore në Mitrovicë - Departamenti për Krime të Rënda, të pandehurit A.V. kjo masë është caktuar për shkak të dyshimit të bazuar se i pandehuri ka kryer veprën penale “Marrje e ryshfetit

“Gjykata Themelore në Mitrovicë - Departamenti për Krime të Rënda e ka refuzuar kërkesën e Prokurorisë Themelore në Mitrovicë - Departamenti për Krime të Rënda, për caktimin e masës së paraburgimit ndaj të pandehurit A.V., dhe ndaj tij është caktuar masa e arrestit shtëpiak, në kohëzgjatje prej një muaji. Sipas Aktvendimit të Gjykatës Themelore në Mitrovicë - Departamenti për Krime të Rënda, të pandehurit A.V. kjo masë është caktuar për shkak të dyshimit të bazuar se i pandehuri ka kryer veprën penale “Marrje e ryshfetit”, nga neni 421 paragrafi 1 të 164 paragrafi 1 të KPRK-së”, thuhet në njoftim. /Telegrafi/

Prokuroria Themelore në Mitrovicë në koordinim me Policinë e Kosovës ka arrestuar një mjek në Vushtrri me dyshimin se ka kryer veprën penale “Marrje e ryshfetit”.

Arrestimi vjen pas hetimeve disa mujore dhe masave të veçanta hetimore.

Zëdhënësi i Prokurorisë Themelore në Mitrovicë, Valon Preteni konfirmoi për Telegrafin se i dyshuari me iniciale A.V. akuzohet se në këmbim të mjeteve monetare ka lëshuar vërtetime të ndryshme mjekësore për qytetarët.

“Pas hetimeve dhe verifikimeve të bëra nga ekipet hetimore, personi i dyshuar është arrestuar dhe me vendim të prokurorit i është caktuar masa e ndalimit prej 48 orësh,” tha Preteni.

Hetimet për këtë rast vazhdojnë. /Telegrafi/

TIRANË, 28 tetor/ATSH/ Neurokirurgu Klaudio Disha i është bashkuar prej ditës së sotme ekipit të shërbimit të Neurokirurgjisë, pranë Qendrës Spitalore Universitare “Nënë Tereza”.

Lajmin e ka ndarë Ministria e Shëndetësisë dhe Mirëqenies Sociale, në një njoftim në rrjetet sociale. Në njoftim theksohet se mjeku Disha i është bashkuar ekipit të Neurokirurgjisë në QSUNT për të dhënë kontributin e tij në trajtimin e pacientëve dhe forcimin e kapaciteteve profesionale në këtë fushë të specializuar.

Doktor Disha, pas prezantimit me shefin e Neurokirurgjisë në QSUNT, Artur Xhumari, firmosi kontratën e punësimit në prani edhe të drejtoreshës së QSUNT, Anxhela Paparizo.

Në videomesazhin e publikuar në rrjete sociale, mjeku neurokirurg Klaudio Disha u shpreh se ka mbaruar studimet në Universitetin shtetëror në Sofje të Bullgarisë.

“Prej vitit 2021 punoj pranë Spitalit Memorial në Fier ku realizojmë ndërhyrjet e trombektomisë mekanike dhe aspiratave. Prej ditës së sotme kam filluar punë në QSUNT pranë spitalit të Neurologjisë, ku fokusi im është trajtimi endovaskular i trombozave për pacientët e Tiranës dhe më gjerë. Pas studimeve për mjekësi në Sofje jam rikthyer për të dhënë kontributin në vendin tim”, tha Disha.

/e.i/a.f/r.e/

The post Mjeku neurokirurg punësohet në QSUNT: U riktheva për të dhënë kontribut në vendin tim appeared first on Agjencia Telegrafike Shqiptare.

Në episodin më të fundit të podcastit “Shëndeti në rend të parë” i mbështetur nga United Hospital, me doktor Petrit Mulaku u diskutua një nga parimet themelore të mjekësisë dhe kujdesit shëndetësor: "Mos bëj dëm".

Sipas tij, ky është rregulli i parë që mësojnë profesionistët shëndetësorë, por që duhet ta kenë parasysh edhe qytetarët e zakonshëm, sidomos në situata emergjente.

“Nëse nuk je duke bërë dëm, atëherë mund të mendosh si ta ndihmosh dikë”, tha Mulaku, duke theksuar rëndësinë e veprimit të kujdesshëm nga persona që nuk kanë trajnim profesional.

Tutje Mulaku theksoi se shpeshherë, nga dëshira për të ndihmuar, qytetarët ndërhyjnë në mënyrë të papërshtatshme në skena aksidentesh apo incidenteve shëndetësore, duke rrezikuar të përkeqësojnë gjendjen e personit të lënduar.

“Në aksidente, nëse nuk ke trajnim, mos e prek të lënduarin. Thirr shërbimet emergjente – policinë, zjarrfikësit, apo ambulancën. Vetëm ata janë të trajnuar për të nxjerrë pacientin nga makina dhe për ta vendosur në mënyrë të sigurt në ambulancë”.

Gjithashtu, Mulaku tregoi se çdo institucion shëndetësor duhet të ketë një sistem për parandalimin e gabimeve mjekësore.

Për më shumë shikoni podcastin e plotë "Shëndeti në rend të parë":

- YouTube www.youtube.com

Gjatë dëshmisë së tij në seancën ndaj Naim Murselit, Kushtrim Kokallës dhe Granit Plavës, eksperti mjeko-ligjor Naim Uka i cili ka kryer autopsinë e tani të ndjerës Liridona Ademaj, tha se distanca e qitjes ka qenë 2-5 centimetra.

“Gjatë ekzaminimit të plagës hyrëse kemi konstatuar përreth vrimës hyrëse prezencën e faktorëve plotësues të qitjes, të cilët kanë shkaktuar edhe djegien lëkurore me prezencë të grimcave të barutit dhe në bazë të këtyre provave mjeko-ligjore është konstatuar se distanca e qitjes sillet prej 2 deri në 5 cm. Përjashtohet mundësia e vrasjes me puthitje apo gjysmëputhitje për shkak të mungesës së stampimit të tytës së armës në indet e buta përreth vrimës hyrëse të plagës”, tha Uka, raporton “Betimi për Drejtësi“.

Ai shtoi se plaga është përshkruar se ka formë trekëndëshe, e cila është shoqëruar me thyrje të shumëfishta.

“Në raste të ngjashme kur mungojnë të dhënat preliminare nga vendi i ngjarjes gjatë kryerjes së autopsisë, kryhen edhe ekzaminimet e detajuara të shuplakave të duarve të të njerit/ndjerës. Edhe në këtë rast kemi kryer ekzaminimin e dy duarve të të ndjerës, në mënyrë që bazuar në prezencën apo mungesën e faktorëve plotësues të qitjes dhe njollava të gjakut, është eliminuar mundësia që e njëjta të ketë përdorur ndonjë armë apo të ketë shkaktuar vetëvrasje”, tha ai.

Po ashtu, Uka theksoi se gjatë ekzaminimit të jashtëm trupor, është konstatuar gjakderdhja e mbledhur.

“Bazuar në literatutrën shkencore mjeko-ligjore dhe praktikat mjeko-ligjore, dëshmon se kjo gjakmbledhje është shkaktuar para apo gjatë vrasjes së tani të ndjerës. Përjashtohet çdo mundëri tjetër që kjo gjakderdhje të jetë shkaktuar pas vdekjes së të ndjerës”, shtoi ai.

Duhet të përdorë, apo jo, një grua shtatzënë paracetamol, është një ndër diskutimet më të shpeshta ditët e fundit, pasi ne SHBA qeveria u rekomandoi mjekeve të ndalojnë përdorimin nga kjo kategori të një ilaci me baze paracetamoli që mund te shkaktoje autizëm te fëmija.

Mjeke obsteter gjinekologe thonë se sipas studimeve te kryera deri tani, nuk ka asnjë provë të drejtëpërdrejtë shkencore,  qe te tregoje se përdorimi i paracetamolit nga nëna shkakton autizëm tek fëmija që ajo lind.

“Deri më sot nuk ka dal asnjë fakt shkencor që paracetamoli të ketë risqe. Sot për sot nuk ka asnjë protokoll mjekësor që e heq paracetamolin nga përdorimi, dhe për mendimin tim personal, Zoti t’na ruaj nëse mbetemi pa paracetamol, sepse shtatzënat e sigurt që njëherë në 9 muaj do kenë nevojë për të ul temperature, për shkak të virozave apo infeksioneve që mund ti prek”, thotë Juxhin Gjoshe, Obstetër-Gjinekolog.

Mjeku obstetër gjinokolog, Juxhin Gjoshe, thotë se paracetamoli mbetet zgjedhja më e sigurt për trajtimin e temperaturës së lartë apo gjendjet e virozave, gjatë shtatzënisë, por thekson se ai duhet te merret në mënyrë të kontrolluar.

“Medikamentet që përdoren gjatë shtatzënisë ndahen në disa grupe. Ata që përdoren lirisht janë në grupin B, ku ne i kemi si armë në dorë për gratë shtatzëna, si për aneminë, një gjendje virale. Paracetamoli bënë pjesë në grupin B, ku janë konfirmuar se s’kanë risqe, por të përdorura me masë. Nuk duhet të merren si karamele”, thotë ai.

Sipas mjekut Juxhin Gjoshe, një temperaturë mbi 38 gradë, nuk duhet neglizhuar, pasi shkakton komplikacione tek nëna dhe tek fetuesi,  madje tek ky i fundit, deri në pasoja ne tru.

“Nëse kalon temperaturën 38 gradë, duhet marrë konsideratë çdo medikament që e ul temperaturën. Paracetamoli është më i sugjeruar dhe më i përdoruri. Në shtatzëninë e javëve të para mund të shkaktoj humbje të shtatzënisë, pra abort spontanë, por, problemet shkojnë deri në çrregullim të zhvillimit të trurit tek fetusi”, shpjegon mjeku.

Pas lajmeve te pakonfirmuara shkencërisht se perdorimi i paracetamolit në shtatzëni mund të shkaktojë çrregullime te spektirt autik te foshnja,  mjeku Gjoshe, ka një apel për gratë që presin të bëhen nëna

“Ju bëj thirrje, të mendojnë në balancë, përfitimin që kemi nga ulja e temperaturës dhe risqet nëse lihet temperatura të jetë e lartë. Duke vënë këtë balancë të bëjn zgjedhje, ka zhurma në rrjetet sociale që bëhem, jo çdo gjë që flitet qëndron, ndaj të flasin me mjekët”, shpjegon mjeku.

Paracetamoli është lehtësisht i gjindshëm në farmaci, megjithatë specialistët e shëndetit këshillojnë njerëzit që mos të ai te merret vetëm në rast nevoje dhe në sasi të kontrolluar, pasi përdorimi afatgjatë mund të shkaktojë probleme të parikuperushme të mëlçisë si dhe në organe të tjera.

/abcnews.al/

Behar Kamberi, mjeku psikiatër nga Kosova, është liruar nga masa e ndalimit, pas vlerësimit të rrethanave nga Prokuroria e Tiranës. Kamberi ishte arrestuar disa ditë më parë nga Policia e kryeqytetit, pas një kallëzimi të bërë nga moderatorja sportive Albano Bejko, e cila pretendonte se ishte përndjekur nga ai.

Sipas burimeve zyrtare, prokuroria e Tiranës mori në shqyrtim materialin e referuar nga Komisariati Nr. 2, ku përfshihej edhe deklarata e kallëzueses si dhe provat e dërguara nga strukturat e policisë, përfshirë këqyrjen e komunikimeve mes dy palëve.

Personazhi më i urryer nga’ Game of Thrones’ është rikthyer në një serial të famshëm në Netflix: A e njohët?
Personazhi më i urryer nga’ Game of Thrones’ është rikthyer në një serial të famshëm në Netflix: A e njohët?
08:46 30/09/25
Në fokus të hetimeve ishin disa mesazhe të dërguara nga mjeku Kamberi drejt Bejkos, ku ai shprehte interes romantik, përfshirë deklarata si: “Të dua… dëshiroj të martohem me ty” dhe “Jeni shumë e bukur, dua t’ju takoj se kam ardhur nga Kosova vetëm për ju.”

Megjithatë, pas analizimit të përmbajtjes së këtyre mesazheve, prokuroria ka vlerësuar se komunikimet nuk përmbanin tone kërcënuese, intimidim apo përmbajtje që të përbëjnë vepër penale të përndjekjes. Në këtë kontekst, janë konsideruar si shprehje të një ndjenje sentimentale që nuk cënonin sigurinë apo mirëqenien e kallëzueses.

Bazuar në këtë vlerësim, organi i akuzës ka vendosur të mos vijojë më tej me masën e paraburgimit, duke urdhëruar lirimin e Behar Kamberit nga qelia.

The post “Nuk ka kërcënim”/ Moderatorja e akuzoi për përndjekje, lirohet nga burgu psikiatri, zbulohen mesazhet appeared first on Albeu.com.

Behar Kamberi, një mjek psikiatër nga Kosova, është arrestuar pasi akuzohet për përndjekje ndaj moderatores së njohur sportive Albana Bejko.

Sipas burimeve nga specialistët për hetimin e krimeve në Komisariatin Nr. 2 në Tiranë, mjeku 42-vjeçar është arrestuar pasi dyshohet se ka përndjekur një 28-vjeçare, duke u shfaqur disa herë pranë banesës së saj.

Tubime solidariteti në mbarë Greqinë, Pano Ruçi: Nuk e di nga se vdiq djali im, jam në grevë urie për çdo fëmijë që humbi jetën në Tempi
Kamberi ndodhet në qelinë e burgut “Mine Peza”, pasi u kap nga efektivët e policisë, ndërsa moderatorja kishte planifikuar skenën, duke e ftuar në një takim në një zonë të Tiranës.

Sapo Kamberi është paraqitur në vendin e takimit, ai është arrestuar nga oficerët e Komisariatit Nr. 2 të Tiranës, ku ndaj tij rëndon akuza për veprën penale të përndjekjes, ndërsa hetimet janë në vijim.

The post “Dashuria platonike” ndaj moderatores, arrestohet mjeku psikiatër pasi përndiqte 28-vjecaren appeared first on Albeu.com.

Ky është momenti tronditës kur një mjek hoqi një “gaforre të gjallë” nga veshi i një djali pasi ai ndjeu diçka që i lëvizte në kokë pas një udhëtimi në plazh në Meksikë.

Kitzia Mitre tha se u çlirua nga frika pasi gjallesa doli nga vrima e veshi i djalit të saj Pedro, përcjell Telegrafi.

Ata sapo kishin mbërritur në plazh kur ai filloi të ankohej për shqetësim.

Influencuesja, e cila është gjithashtu një stiliste mode, e çoi Pedron në një qendër shëndetësore lokale.

Pas hetimeve, mjekët zbuluan se gaforrja e vogël ishte futur në veshin e djalit.

Pedro i kërkoi nënës së tij të filmonte ndërsa një mjek po hiqte gjallesën e vogël.

Videoja tregonte Pedron e përlotur duke mbajtur dorën e nënës së tij ndërsa mjeku kryente nxjerrjen me njërën dorë ndërsa mbante kokën e tij me tjetrën.

Videoja u bë shpejt virale, me përdoruesit e mediave sociale që ndanin takimet e tyre me krijesa që zvarriteshin në trupat e tyre. /Telegrafi/

TIRANË, 16 shtator /ATSH/ Me afrimin e stinës së vjeshtës dhe uljen e temperaturave, rritet qarkullimi i virozave stinore. Më të rrezikuarit për t’u prekur nga gripi janë moshat pediatrike, gratë shtatzëna, por sidomos të moshuarit dhe personat mbi 65 vjeç me sëmundje kronike bashkëshoqëruese.

Ministrja në detyrë e Shëndetësisë dhe Mbrojtjes Sociale, Albana Koçiu ndau sot në rrjetet sociale, mesazhin e mjekut të familjes Kremantin Canaj, i cili shprehet se vaksina antigrip është e këshillueshme veçanërisht për grup-moshat më të prekura që janë mbi 65 vjeç dhe individë që vuajnë nga sëmundje kronike bashkëshoqëruese.

Mjeku Canaj tha se grup-moshat e mëdha, kanë sisteme imunitare në rënie dhe të ndjeshme, ndaj është e rëndësishme që të vaksinohen kundër gripit.

“Ne si mjekë rekomandojmë kryerjen e vaksinës stinore, në mënyrë që këta individë të shmangin komplikacionet virale për ata që vuajnë nga sëmundje kronike, por edhe për personat që nuk vuajnë por për shkak të moshës, rekomandohet vaksinimi”, vijoi Canaj.

Vaksinimi kundër gripit nis më 22 shtator, ndërsa MSHMS ka siguruar 280 mijë doza të vaksinës kundër gripit sezonal, të cilat janë shpërndarë në të gjitha qendrat shëndetësore të vendit.

Për herë të parë, Ministria e Shëndetësisë dhe Mbrojtjes Sociale ofron për të gjithë qytetarët mundësinë e zgjedhjes së vendit dhe kohës së vaksinimit, përmes platformës “e-Albania”.

/e.i//r.e/a.f/

The post Vaksina antigrip, mjeku Canaj: Rekomandohet veçanërisht për të moshuarit appeared first on Agjencia Telegrafike Shqiptare.

Niveli i manganit në ujin e Liqenit të Badocit vazhdon të jetë i lartë, duke pamundësuar furnizimin me ujë të pijshëm për qytetarët e Prishtinës dhe rrethinës.

Mes shqetësimeve të qytetarëve, zëdhënësja e KRU “Prishtina”, Arjeta Mjeku, ka thënë për Telegrafin se janë duke u bërë përpjekje maksimale që gjendja të normalizohet sa më shpejt.

“Analizat e fundit laboratorike tregojnë tendencë në rritje të përqendrimit të manganit si në ujin e liqenit, ashtu edhe në rrjetin shpërndarës. Edhe pse këto vlera e tejkalojnë kufirin e paraparë në Udhëzimin Administrativ nr. 10/2021. Cilësia e ujit për konsum nga njeriu, deri më sot ato nuk e kanë tejkaluar standardin shëndetësor që konsiderohet se mund të ndikojë shëndetin e njeriut”, tha Mjeku për Telegrafin.

Lexo po ashtu: IKSHPK: Uji nga Badoci ende nuk është i pijshëm

Ajo shtoi se as vlimi i ujit nuk e eliminon manganin.

“Ndotja e ujit me mangan është ndotje kimike dhe se vlimi i ujit nuk e eliminon manganin. Uji mund të përdoret vetëm për pastrim, mirëmbajtjen e higjienës personale dhe të ambienteve të banimit”, potencoi Mjeku.

Duke folur për masat që ka ndërmarrë kompania, ajo theksoi: “KRU ‘Prishtina’ ka ndërmarrë menjëherë masat e nevojshme duke zvogëluar sasinë e prodhimit për të ruajtur cilësinë e furnizimit, si dhe ka intensifikuar proceset e shpëlarjes së rrjetit shpërndarës, përfshirë edhe gypat magjistral dhe sekondar. Gjithashtu, për të siguruar furnizim të pandërprerë me ujë të pijshëm për zonat e prekura, KRU ‘Prishtina’ do të ofrojë ujë përmes autoboteve, në përputhje me orarin e përcaktuar dhe të prezantuar nga kompania”.

Qytetarët tashmë janë njoftuar nga KRU “Prishtina” se janë në dispozicion autobotët që do t’u ofrojnë ujë të pijshëm sipas orareve që kanë publikuar në faqen e tyre zyrtare në Facebook.

Në fund, Mjeku shprehu pritjen se gjendja do të përmirësohet së shpejti.

“Gjendja pritet shpejt të përmirësohet, me uljen e temperaturave gjatë ditëve në vijim”, potencoi ajo.

Ky fenomen, i cili u shfaq në fillim të shtatorit, ka prekur disa lagje të Prishtinës, Graçanicës, Hajvalisë, Veternikut, Matiqanit, Bregut të Diellit dhe zona të tjera që furnizohen nga Liqeni i Badocit. /Telegrafi/

Një mjek i spitalit të Librazhdit është proceduar penalisht në gjendje të lirë, pasi një një pacient ka ndërruar jetë në spital. Bëhet fjalë për shtetasin A. I., 69 vjeç, i cili akuzohet për veprën penale “Neglizhenca në trajtimin mjekësor”. Ndërkohë, viktima është shtetasi M. D., 52 vjeç, i cili ka ndërruar jetë më 31 […]

The post Daja i vdiq në spital, mbesa akuza mjekut: Neglizhoi trajtimin mjekësor! Vihet nën hetim appeared first on BoldNews.al.

Nga Mimoza Picari Në Shqipëri sëmundjet jo të transmetueshme, ose siç njihen ndryshe sëmundjet kronike, po njohin rritje të vazhdueshme, ndërsa ekspertë të shëndetit publik konstatojnë mangësi në kujdesin e shëndetit parësor, hallka fillestare ku ndodh parandalimi dhe monitorimi i tyre. Përveç financimeve të ulëta, vihet re edhe një rol i dobët i mjekut të […]

The post Sëmundjet kronike po rriten në Shqipëri, sistemi shëndetësor i dobët për t’i përballuar appeared first on BoldNews.al.

Në ditët e nxehta të verës, zemra punon më shumë, duke rritur rrezikun për infarkte dhe probleme të tjera kardiovaskulare. Kardiologun Aurel Demiraj tha se rritja e temperaturave shton problemet kardiovaskulare, pasi me të nxehurin organizmi përpiqet të adaptohet duke shtuar punën në muskujt kardiakë dhe kështu rritet probabiliteti i pacientëve me probleme. Mjeku tha […]

The post Kardiologu: Sporti nuk shkakton sëmundje të zemrës, përkundrazi i parandalon ato appeared first on BoldNews.al.