Këngëtarja e njohur shqiptare, Enisa, ka treguar se sapo ka kaluar tri javët më të këqija të jetës për shkak të një gjendjeje të rënduar gripale. Enisa thotë se gjithçka ka kërkuar gjatë atyre ditëve ishte që të bëhej mirë. Ajo e quan këtë përvojë si diçka shumë të papritur për të përmbyllur vitin, ndërsa në fund falënderon këdo që është interesuar për të.

“Jashtë për herë të parë pas 3 javëve më të këqija të jetës sime! Kam parë tmerr me gripin A (i njohur edhe si varianti më i keq i gripit). Shumë ditë mendova se nuk do t’ia dilja, ishte shumë keq, por kisha Zotin në krah. Jeta është e frikshme kur e vetmja lëvizje që mund të bësh për javë të tëra është nga krevati në divan, por më ndryshoi këndvështrimin në gjithçka. Kur nuk ke shëndetin, asgjë tjetër s’ka rëndësi. Më kujtohet kur gjithë çfarë i thosha vetes ishte që dua vetëm të jem sërish e shëndetshme. Çfarë mënyre e papritur për të mbyllur vitin. Jam shumë mirënjohëse për këtë jetë dhe dua t’i marr më të mirën. Faleminderit kujtdo që më kontaktoi, i kam lexuar të gjitha mesazhet tuaja dhe ju vlerësoj shumë! Mezi pres që të vijë 2026!”, shkruan ajo.

 

View this post on Instagram

 

A post shared by ENISA (@iamenisa)

The post Këngëtarja e njohur shqiptare përjeton sfidën shëndetësore: Mendova se nuk do t’ia dilja appeared first on iconstyle.al.

Sëmundja e Alzheimerit, forma më e zakonshme e demencës, është sinonim i një sërë simptomash shkatërruese dhe dobësuese, duke përfshirë humbjen e kujtesës afatgjatë, harresën, çorientimin dhe, në fund të fundit, pamundësinë për të funksionuar në mënyrë të pavarur në baza ditore. Një studim i ri i botuar në The Lancet Neurology po tërheq vëmendjen […]

The post Sëmundja e Alzheimerit/ Ja pjesa e trupit që paralajmëron rrezikun appeared first on BoldNews.al.

Familjet në Shqipëri rezultojnë ndër më të goditurat financiarisht në Ballkan nga shpenzimet shëndetësore dhe frika për përballimin e kostove në rast sëmundjeje të rëndë, sipas të dhënave më të fundit të publikuara nga Këshilli Rajonal i Bashkëpunimit në sondazhin Securimeter 2025. Krahasuar me vendet e tjera të rajonit, Shqipëria shfaq një kombinim të pafavorshëm: […]

The post Shqipëria, vendi më i pasigurt në Ballkan për përballimin e kostove shëndetësore appeared first on BoldNews.al.

Në studion e “ABC të Mëngjesit” ishte të martën një grua që e ka parë jetën nga anët më të errëtat e saj, por ka zgjedhur të mos dorëzohet. Blerina Kalthi, artizane, nënë, motër dhe bijë, sjell rrëfimin e një rrugëtimi të mbushur me dhimbje, humbje dhe luftë që vazhdon ende sot.

Historia e saj është kalvari i një familjeje që u përball brenda pak viteve me tri beteja të mëdha me kancerin. Gjithçka nisi papritur, në vitin 2021, kur Blerina vetëm 33 vjeçe mori njoftimin që ndryshoi jetën e saj: diagnozë me kancer malinj në gji. Ajo hyri menjëherë në një spirale të pafund seancash kimioterapie, ndërhyrjesh kirurgjikale dhe më pas, transplantit të gjakut dhe të palcës në Turqi. Sëmundja nuk u ndal: përhapi rrënjët e saj në mitër, në mëlçi dhe në gjak, duke e detyruar Blerinën të kalojë 28 seanca kimioterapie dhe disa operacione radhazi, një rrugëtim i gjatë, i lodhshëm, i dhimbshëm.
Por sfida e saj nuk mbaronte me kaq.
Para se sëmundja ta prekte atë vetë, familja e saj kishte përjetuar plagën më të madhe: humbjen e vëllait të vetëm, vetëm 28 vjeç, nga një formë agresive e kancerit në kokë. “Nuk kam as motra e as vëllezër të tjerë… ishim vetëm të dy,” rrëfen ajo. Dhimbja e asaj humbjeje nuk është shëruar kurrë.
Dhe historia, si një mallkim që nuk kursen askënd, u përsërit sërish: edhe nëna e Blerinës u diagnostikua me kancer malinj në gji. Pas operacionit e radioterapisë, ajo vazhdon ende sot me kimioterapi, duke luftuar me të njëjtin kurajë si vajza e saj.

Mes gjithë këtyre betejave, Blerina gjeti dritën e vet: artin. Pikturat dhe punimet me grep nuk janë thjesht bukuri, janë frymë, jetë, rezistencë. “Arti im është një mënyrë për t’i bërë ballë jetës,” thotë ajo. “Më jep qetësi, më jep fuqi. Kur nuk mund të punoj dot fizikisht, këto punime më mbajnë gjallë.” Punimet e ekspozuar në Instagram në faqen “Art me dashuri” janë të gjitha në shitje dhe me paratë e shitjeve, Blerina vijon trajtimin shëndetësor të nënës së saj.

Mushkëritë luajnë një rol të jashtëzakonshëm në trupin e njeriut, duke mundësuar shkëmbimin e gazrave të domosdoshëm për jetën. Ato e mundësojnë pranimin e oksigjenit dhe lirimin e dioksidit të karbonit, duke mbajtur kështu trupin në funksion. Megjithatë, me shpërthimin e pandemisë së COVID-19, që sulmon drejtpërdrejt mushkëritë, është e rëndësishme të kuptojmë shenjat e hershme të problemeve me mushkëritë.

Ekspertët theksojnë disa simptoma kyçe që mund të sinjalizojnë një problem serioz me mushkëritë. Dy nga shenjat më të zakonshme janë vështirësitë në frymëmarrje dhe kollitja e vazhdueshme. Nëse ndjeni ndonjëherë që po humbisni frymëmarrjen, apo po kolliteni pa pushim, duhet të bëni kujdes dhe të kërkoni këshillën e një mjeku.

Një tjetër simptomë që mund të tregojë një problem me mushkëritë është lëshimi i tingujve të pazakontë gjatë frymëmarrjes. Kjo mund të nënkuptojë se ka një bllokim në rrugët e frymëmarrjes, që po pengon normalitetin e procesit të ajrosjes së trupit.

Një shenjë më e rëndësishme dhe më serioze është kollitja me gjak, e cila mund të jetë një indikator për një gjendje shumë më të rëndë të mushkërive. Nëse hasni në ndonjë nga këto simptoma, ekspertët rekomandojnë që të konsultoheni sa më shpejt me një mjek dhe të kryeni analizat e nevojshme për të parandaluar ndonjë pasojë më të rëndë.

Mushkëritë janë jetike për shëndetin tuaj, dhe kujdesi i hershëm mund të shpëtojë jetë.

The post Shenjat e hershme të problemeve me mushkëritë që duhet t’i njihni appeared first on iconstyle.al.

GJENEVË, 25 nëntor /ATSH-AA/ – Drejtori Rajonal i Organizatës Botërore të Shëndetësisë (OBSH) për Evropën, Hans Kluge, njoftoi se një milion njerëz vdesin çdo vit nga tuberkulozi, “sëmundja infektive më vdekjeprurëse në botë”.

Kluge ndau një postim rreth tuberkulozit në platformën e mediave sociale të kompanisë X me seli në SHBA.

“Tuberkulozi është sëmundja infektive më vdekjeprurëse në botë, duke vrarë një milion njerëz çdo vit”, tha Kluge.

Ai ka shtuar se rezistenca ndaj ilaçeve, bashkëinfeksioni tuberkuloz-HIV, qasja e pabarabartë në kujdesin shëndetësor dhe financimi i pamjaftueshëm po e përkeqësojnë më tej krizën.

Në “Raportin Global të Tuberkulozit 2025”, të botuar më 12 nëntor, OBSH-ja raportoi se më shumë se 1,2 milionë njerëz kanë humbur jetën nga tuberkulozi në vitin 2024, dhe afërsisht 10,7 milionë njerëz u prekën nga sëmundja./   /os/

The post FOKUS – OBSH: Tuberkulozi sëmundja infektive më vdekjeprurëse në botë appeared first on Agjencia Telegrafike Shqiptare.

Ushqimet e gatshme janë kthyer në një zgjidhje të përditshme për shumë njerëz me ritme të shpejta jete. Por mjekët paralajmërojnë se konsumimi i rregullt i vakteve të përpunuara mund të rrisë në mënyrë dramatike rreziqet për disa sëmundje të rënda që prekin gjithnjë e më shumë popullsinë.

Sipas ekspertëve të ushqyerjes, ja tre pasojat më shqetësuese që lidhen me konsumimin e përditshëm të ushqimeve gati për konsum:

1. Probleme serioze kardiovaskulare

Ushqimet e gatshme janë shpesh të pasura me yndyrna të ngopura, kripë dhe aditivë. Konsumimi i tyre çdo ditë mund të çojë në rritje të tensionit të gjakut, kolesterolit dhe grumbullimit të pllakave në arterie.
Kardiologët paralajmërojnë se një dietë e tillë rrit në mënyrë të ndjeshme rrezikun për:

1. Sëmundje të zemrës
2. Goditje në tru
3. Insuficiencë kardiake

2. Rritje e probabilitetit për diabet tip 2

Vaktet e përpunuara kanë zakonisht sheqerna të fshehura, niseshte të rafinuara dhe përbërës që ndikojnë negativisht në nivelet e insulinës.
Kjo e bën trupin më rezistent ndaj insulinës, duke krijuar terrenin ideal për shfaqjen e diabetit të tipit 2.

Studimet tregojnë se personat që konsumojnë rregullisht ushqime të gatshme janë deri në 30% më të rrezikuar për të zhvilluar këtë sëmundje kronike.

3. Rrezik i shtuar për obezitet dhe probleme metabolike

Vaktet gati kanë shumë kalori, pak vlera ushqyese dhe forcojnë varësinë ndaj ushqimit të shpejtë. Kjo çon në shtim të shpejtë në peshë, obezitet dhe çrregullime të metabolizmit.
Me kalimin e kohës, këto pasoja lidhen edhe me:

1. Sëmundje të mëlçisë
2. Inflamacion kronik
3. Ulje të imunitetit

Mjekët këshillojnë që ushqimet e gatshme të konsumohen sa më rrallë, idealisht vetëm në raste të veçanta. Përditshmëria duhet të bazohet te ushqime të freskëta, vakte të gatuara në shtëpi dhe zgjedhje të balancuara ushqyese.

Ndryshimi nuk është i vështirë: mjafton të nisni me disa receta të thjeshta, por të shëndetshme, dhe ta reduktoni gradualisht varësinë nga vaktet e gatshme.

The post A hani vakte të gatshme çdo ditë? 3 sëmundjet serioze që ju kërcënojnë appeared first on iconstyle.al.

Një në tre shqiptarë vuan nga sëmundjet e sistemit nervor, të cilat zënë 30-40% të gjithë sëmundshmërisë. Por ajo më e shpeshta është dhimbja e kokës, e cila është një shqetësim që pothuajse çdo njeri e ka provuar. Shefi i shërbimit të neurologjisë, Prof. Altin Kuqo, thekson se janë dhimbjet sekondare të kokës ato që […]

The post Një në tre shqiptarë vuan nga sëmundjet e sistemit nervor appeared first on BoldNews.al.

Qentë janë të famshëm për shqisën e tyre të nuhatjes.

Ata kanë 220 milionë receptorë nuhatës krahasuar me njerëzit që kanë 5 deri në 10 milionë. Kjo do të thotë që aftësia e tyre për të dalluar aromat është 10,000 deri në 100,000 herë më e madhe se e jona. Sado e paimagjinueshme që mund të na duket, qentë mund të nuhasin edhe aromën më delikate midis shumë të tjerave.

Diçka vërtet e jashtëzakonshme është se disa qen mund të nuhasin edhe sëmundje. Kjo ndodh sepse ata janë në gjendje të perceptojnë ndryshime mikroskopike në trupin e njeriut, nga një ndryshim i vogël në nivelet e hormoneve deri te çlirimi i komponimeve organike të paqëndrueshme të çliruara nga qelizat kancerogjene. Kur jemi të sëmurë, ne i “lëshojmë” ato nëpërmjet frymëmarrjes, djersës, urinës dhe gjakut, duke krijuar një “aurë aromash”, të ndryshme nga kur jemi të shëndetshëm dhe të cilët qen kanë aftësinë të nuhasin.

Në fakt, studimet që janë kryer kanë treguar se ekzistojnë sëmundje specifike që mund të dallohen nga qentë.

Pra, le të shohim se cilat janë këto situata të vështira.

Kanceri

Hulumtimet kanë treguar se qentë e trajnuar mirë mund të zbulojnë lloje të ndryshme të kancerit, siç janë melanoma, kanceri i zorrës së trashë, kanceri i mushkërive, i vezoreve, i prostatës dhe i gjirit.

Një studim i vitit 2019 zbuloi se qentë – konkretisht, katër qen të racës Beagle në këtë studim – ishin në gjendje të zbulonin mostrat e gjakut nga njerëzit me kancer me saktësi 97%. Një studim tjetër i vitit 2021 zbuloi se një qen i trajnuar mund të zbulonte kancerin e gjirit nga mostrat e urinës nga 200 persona me saktësi 100%. Nga njerëzit në studim, 40 kishin kancer të gjirit, 182 kishin lloje të tjera të kancerit dhe 18 ishin të shëndetshëm.

Megjithatë, një qen nuk ka nevojë të trajnohet për të zbuluar këtë sëmundje. Në një studim tjetër në vitin 2013, një qen i shpëtuar u zbulua se kishte gjetur një melanomë malinje pas veshit të pronarit të tij. Qeni u vu re duke e lëpirë pronarin e tij vazhdimisht në vendin specifik ku ndodhej tumori malinj.

Fatkeqësisht, studiuesit ende nuk e dinë saktësisht se cilat përbërje kimike në lloje të ndryshme të kancerit zbulojnë qentë në mostra për t’i njoftuar ata për praninë e sëmundjes. Kjo mbetet një pengesë si për trajnimin më të mirë të qenve që nuhasin kancerin, ashtu edhe për krijimin e makinave që mund ta zbulojnë më saktë kancerin në fazat e tij të hershme.

Diabeti

Mund të keni lexuar rreth qenve të shërbimit që përdoren nga njerëz me probleme shëndetësore si diabeti. Kjo ndodh sepse qentë e trajnuar mund të zbulojnë dhe të njoftojnë trajnerët e tyre kur nivelet e sheqerit në gjak janë jashtë kufijve – ose shumë të larta ose shumë të ulëta, dy gjendje potencialisht kërcënuese për jetën.

Një studim i vitit 2016 i botuar në revistën Diabetes Care të Shoqatës Amerikane të Diabetit zbuloi se qentë zbulojnë izoprenin, një përbërës organik të paqëndrueshëm që gjendet në frymën e njeriut dhe që rritet ndjeshëm gjatë një episodi të sheqerit të ulët në gjak. Ne njerëzit nuk mund ta zbulojmë atë, por qentë po.

Një studim , 3 vjet më vonë, në vitin 2019, shqyrtoi besueshmërinë e qenve në zbulimin e sheqerit në gjak të pacientëve dhe zbuloi se 81% e qenve njoftuan kujdestarin e tyre kur nivelet e sheqerit ishin jashtë kufijve të lejuar.

Ajo që vlen të përmendet është se qentë e trajnuar për të njoftuar trajnerin e tyre mund të zgjohen, të hidhen mbi ta, ta shtyjnë ose të bëjnë çfarëdo që duhet për t’i bërë të kuptojnë se do të kenë një episod hipoglicemie – një gjendje që mund të shkaktojë dridhje, humbje të vetëdijes dhe, nëse nuk trajtohet, vdekje. Një qen që nuk është trajnuar në situata të tilla mund të tregojë shenja shqetësimi dhe ankthi.

Narkolepsi

Narkolepsia është një çrregullim neurologjik kronik i karakterizuar nga përgjumje e tepërt dhe e pakontrollueshme edhe pas gjumit të mjaftueshëm. Njerëzit me narkolepsi mund të jenë të prirur ndaj episodeve të papritura të gjumit që mund të jenë të rrezikshme, varësisht nga koha kur ato ndodhin.

Në një studim të vitit 2013 , shkencëtari Luis Dominguez-Ortega vërejti se dy qen të trajnuar identifikuan 11 nga 12 pacientë me narkolepsi duke përdorur një mostër të djersës së tyre, duke demonstruar se qentë mund të dallojnë një erë specifike dhe të dallueshme të prodhuar nga pacientët me narkolepsi.

Qentë do ta njoftojnë pronarin e tyre deri në 5 minuta përpara duke lehur, duke lëpirë ose duke i prekur me putrat, duke treguar se duhet të ulet ose të shtrihet. Një gjë tjetër e jashtëzakonshme në lidhje me këtë është se qeni mund të shtrihet mbi qenin e tij për ta mbrojtur atë nga rënia, për shembull, nga një karrige, ose për ta mbrojtur atë kur është në një vend publik.

Migrenë

Për ata që vuajnë nga migrena, është shumë e rëndësishme t’i kapin ato para se të fillojnë simptomat, pasi trajtimi i tyre është i ndryshëm në një fazë të hershme. Nëse e kapin në fillim, mund të mos përjetojnë dhimbje koke të forta dhe nuk duhet të vuajnë për orë ose ditë. Për fat të mirë, disa qen janë në gjendje të zbulojnë shenjat se një migrenë është në rrugë e sipër. Një anketë e njerëzve që vuanin nga migrena dhe ishin gjithashtu kujdestarë qensh, raporton se 54% e 1,029 personave vunë re një ndryshim në sjelljen e qenit të tyre të patrajnuar para ose gjatë një migrene. Kujdestarët thanë se kafshët e tyre shtëpiake filluan të uleshin mbi ose pranë tyre, t’i shtynin me putrat e tyre dhe t’i shoqëronin kudo brenda dhe jashtë shtëpisë.

Është e rëndësishme të theksohet se studimi u krye duke përdorur vetëraportime nga pronarët, jo vëzhgime nga studiuesit. Megjithatë, studimi ofron prova të mjaftueshme se shumë qen duket se i ndiejnë dhe i njoftojnë njerëzit e tyre për një ndryshim të afërt në shëndetin e tyre.

Epilepsi

Një metodë e besueshme për parashikimin e një krize epileptike do të ishte diçka që do t’i ndihmonte jashtëzakonisht njerëzit me epilepsi, pasi gjatë krizës ata humbasin ndjenjat dhe ekziston një rrezik i lartë lëndimi.

Një studim i botuar në revistën MDPI Animals raporton se 19 qen treguan ndryshime në sjellje kur nuhatën aroma të shoqëruara me një krizë gjatë krizës, krahasuar me aromat para ose pas saj. Qentë nuk ishin trajnuar për të zbuluar epilepsinë dhe u ekspozuan ndaj aromave që mendohej se ishin karakteristike për tre fazat e një krize, duke përdorur djersën e mbledhur nga njerëzit me epilepsi. Duke alternuar aromat e ndryshme, ata regjistruan reagimet e qenve, të cilat përfshinin lehjen, rënkimin dhe lëpirjen e trajnerit të tyre. Ndërsa ekziston një erë e paqëndrueshme e shoqëruar me krizat që qentë mund ta zbulojnë, ende nuk mund të themi me siguri se ata mund të trajnohen për të paralajmëruar për një krizë të afërt.

Sigurisht, ka qen shërbimi që mund të trajnohen për të ndihmuar kujdestarin e tyre gjatë një krize, por tani për tani, duhen bërë më shumë studime mbi trajnimin e tyre për zbulimin.

Qentë janë krijesa të mrekullueshme me aftësi të paimagjinueshme dhe empati të jashtëzakonshme. Personalisht, jam i habitur se si njerëzit mund t’i abuzojnë dhe t’i braktisin, por kjo është një temë tjetër e madhe që mund ta zhvillojmë në një moment të caktuar. Shpresojmë që në të ardhmen të jemi në gjendje të mësojmë më shumë nga këto krijesa të mrekullueshme dhe se ato do të na ndihmojnë edhe më shumë në çështjet e shëndetit psikologjik dhe fizik.

The post Sëmundjet që qentë mund të zbulojnë tek njerëzit appeared first on iconstyle.al.

Menaxhimi i mbetjeve është një nga sfidat më të mëdha mjedisore me të cilat përballet Shqipëria, duke e ekspozuar vendin përpara një katastrofe mjedisore. Lumenj, përrenj, rrugë, qytete, fshatra apo dete janë mbushur me mbetje, që dëshmojnë se në këto tri dekadat e fundit politikat e ndjekura për pastrimin e vendit nuk kanë qenë të […]

The post Alarmante, 200 vendgrumbullime ilegale mbetjesh, burim ndotje dhe sëmundjesh appeared first on BoldNews.al.

BOSTON, 23 tetor /ATSH-ANSA/ – Të paktën 4 000 hapa në një ose dy ditë në javë janë të mjaftueshëm për të mbrojtur gratë nga sëmundjet kardiovaskulare dhe rreziku i vdekjes, sipas një studimi të kryer nga ‘’ Mass General Brigham and Women’s Hospital’’.

Studimi shqyrtoi 13 547 gra, duke krahasuar numrin e hapave të tyre gjatë një jave me vdekshmërinë dhe shkallën e sëmundjeve kardiovaskulare gjatë dekadës pasuese.

Studimi tregoi se më shumë hapa japin përfitime edhe më të mëdha, deri në një pikë ku ulja e rrezikut stabilizohet.

“Në vende si Shtetet e Bashkuara, përparimet teknologjike kanë bërë që ne të mos lëvizim shumë, dhe njerëzit e moshuar janë ndër më pak aktivët”, thotë autorja kryesore I-Min Lee, një epidemiologe në Spitalin e Bostonit.

Studiuesit monitoruan shëndetin e grave të moshuara (mosha mesatare 71.8 vjeç) pa sëmundje kardiovaskulare.

Midis viteve 2011 dhe 2015, gratë mbanin akselerometra për të monitoruar hapat e tyre për shtatë ditë. Për 10 vitet e ardhshme, studiuesit monitoruan vdekshmërinë dhe incidencën e sëmundjeve kardiovaskulare.

Pjesëmarrësit u ndanë në bazë të numrit të ditëve në javë që arritën pragun e hapave prej 4 000, 5 000, 6 000 ose 7 000 ose më të lartë.

Ata që arritën 4 000 hapa një ose dy ditë në javë kishin një rrezik vdekshmërie 26% më të ulët dhe një rrezik sëmundjesh kardiovaskulare 27% më të ulët krahasuar me ata që nuk arritën kurrë 4 000 hapa në asnjë ditë.

Për më tepër, arritja e 4 000 hapave tre ose më shumë ditë në javë uli më tej rrezikun e vdekshmërisë në 40%, ndërsa tek gratë që arritën pragje më të larta hapash, rreziku i sëmundjeve kardiovaskulare u stabilizua.   /os

The post FOKUS – Të paktën 4 000 hapa në ditë mbrojnë gratë nga sëmundjet e zemrës appeared first on Agjencia Telegrafike Shqiptare.

Celiakia është një sëmundje autoimune që shfaqet si reagim i organizmit ndaj glutenit, proteinë që gjendet në grurë, elb dhe thekër. Tek personat me celiaki, konsumimi i glutenit shkakton dëmtim të mukozës së zorrës së hollë, duke vështirësuar përthithjen e lëndëve ushqyese. Sipas Mayo Clinic, celiakia mund të shfaqet me një gamë të gjerë simptomash […]

The post Çfarë është celiakia, armiku i heshtur i zorrëve që shpesh nuk zbulohet për vite me radhë appeared first on BoldNews.al.

Obeziteti në popullatën shqiptare ka tendencë rritëse. E ndërsa në Europë 22,6% e popullatës janë obezë, në Shqipëri shifrat janë më të larta. Të dhënat zyrtare tregojnë se tek gratë obeziteti është në shifrat e 24,4%, ndërsa tek burrat është më e lartë. Akoma më të larta janë shifrat kur bëhet fjalë për mbipeshën, pasi […]

The post Obeziteti në Shqipëri mbi mesataren europiane/ Mjekët: Faktor për rritjen e sëmundjeve kronike appeared first on BoldNews.al.

Një nga sëmundjet më të shkatërruese dhe më mizore që ndikon në qelizat e trurit, sëmundja e Huntingtonit, ka marrë një trajtim të suksesshëm për herë të parë. Kjo është një përparim i jashtëzakonshëm që ka ngjallur shpresë për miliona njerëz dhe familje që janë prekur nga kjo sëmundje të trashëguar.

Sëmundja e Huntingtonit shkakton shkatërrimin e ngadalshëm të neuroneve dhe përfshin simptoma të ngjashme me ato të demencës, sëmundjes së Parkinsonit dhe nevojës për kujdes të plotë. Trajtimi i ri, i bazuar në terapi gjenetike, ka arritur rezultate të pabesueshme duke ngadalësuar përparimin e sëmundjes me deri në 75% te pacientët që kanë marrë pjesë në studim. Ky është një lajm i jashtëzakonshëm, pasi pacientët që pritej të humbnin aftësitë e tyre në një vit, tani mund të jetojnë deri në katër vjet më shumë, me një cilësi jetese më të mirë.

Por, ndërsa kjo arritje e madhe kundër sëmundjes së Huntingtonit bën bujë në media , shumë njerëz po pyesin veten për karakteristikat dhe simptomat e kësaj gjendjeje. Pra, çfarë është sëmundja e Huntingtonit dhe si shfaqet tek ata që vuajnë nga kjo sëmundje?

Sëmundja e Huntingtonit është një sëmundje e rrallë, gjenetike dhe degjenerative e trurit, që ndikon si në lëvizje, ashtu edhe në aftësitë mendore dhe sjelljen emocionale.

Shkaqet

-Shkaktohet nga një mutacion në gjenin HTT, i cili prodhon një proteinë të quajtur huntingtin.

-Ky mutacion trashëgohet në mënyrë autosomale dominante – që do të thotë se nëse njëri prej prindërve ka sëmundjen, ekziston 50% mundësi që fëmija ta trashëgojë.

Simptomat kryesore

Simptomat zakonisht shfaqen në moshën 30–50 vjeç, por mund të dalin edhe më herët ose më vonë. Ato përfshijnë:

-Çrregullime të lëvizjes: lëvizje të pavullnetshme (kore), ngurtësi muskulare, probleme me koordinimin dhe ecjen.

-Çrregullime njohëse: vështirësi në përqendrim, humbje të kujtesës, ngadalësim të të menduarit, probleme në planifikim dhe vendimmarrje.

-Ndryshime emocionale dhe të sjelljes: depresion, irritim, ankth, agresivitet ose sjellje të papërshtatshme sociale.

Ecuria e sëmundjes

Sëmundja përparon ngadalë, por me kalimin e viteve sjell pamundësi për t’u vetëkujdesur. Shumica e pacientëve jetojnë rreth 15–20 vjet pas shfaqjes së simptomave.

Trajtimi

Nuk ka kurë për sëmundjen e Huntingtonit. Trajtimi përqendrohet tek menaxhimi i simptomave me medikamente për lëvizjet e pavullnetshme, antidepresivë dhe terapi për stabilizimin e humorit. Fizioterapia, logopedia dhe terapia profesionale ndihmojnë për të ruajtur sa më gjatë funksionet e përditshme.

The post Çfarë është sëmundja e Huntingtonit që për herë të parë u trajtua me sukses appeared first on iconstyle.al.

Shkencëtarët thonë se kanë krijuar një mjet të ri të inteligjencës artificiale (AI) që mund të parashikojë rrezikun e njerëzve për të zhvilluar më shumë se 1,000 sëmundje deri në 10 vite përpara se të shfaqen. Sipas studimit të botuar të mërkurën në revistën “Nature”, modeli mund të parashikojë nëse një pacient do të zhvillojë […]

The post Shkencëtarët: IA mund të parashikojë sëmundje vdekjeprurëse 10 vite përpara se të shfaqen appeared first on BoldNews.al.

Pushimet e Pink kanë marrë një kthesë të papritur. Këngëtarja 45-vjeçare amerikane zbuloi nëpërmjet rrjeteve të saj sociale se po kalon një problem shëndetësor të shkaktuar nga një infeksion me Escherichia coli (E.coli), një bakter i zorrëve që mund të shkaktojë çdo gjë, nga shqetësime të lehta tretëse deri te probleme më serioze. Artistja ndau një foto në Instagram ku shihet e ulur në një divan, e veshur rastësisht dhe me një tub intravenoz të lidhur në krah.

Në mesazhin që shoqëronte imazhin, këngëtarja shpjegoi se si infeksioni ia shkatërroi pushimet e shumëpritura, duke siguruar se po merr vitamina në mënyrë intravenoze për t’u rikuperuar në mënyrën më të mirë të mundshme. Përveç kësaj, ajo vetë ka konfirmuar se gjendja e saj nuk është serioze.

E. coli zakonisht merret nëpërmjet ushqimit të kontaminuar, veçanërisht mishit të pagatuar mirë, perimeve të lara keq ose ujit të patrajtuar. Në shumicën e rasteve shkakton diarre, dhimbje barku dhe ethe, megjithëse në disa raste mund të çojë në ndërlikime nëse nuk trajtohet në kohë. Megjithatë, Pink e mori me humor dhe e krahasoi përvojën e saj duke përzier imazhin e serumit me një gotë verë të kuqe.

Kjo nuk është hera e parë që këngëtarja përballet me probleme shëndetësore, megjithëse ajo gjithmonë ka qenë shumë pozitive dhe e hapur për sëmundjet e saj. Në fakt, artistja tashmë duhej të ndërpriste një turne të albumit ‘Trustfall’, në vitin 2024.

“Bëj gjithçka që mundem për t’u siguruar që mund të performoj për ju çdo natë , por pasi u konsultova me mjekun tim dhe shqyrtova të gjitha opsionet e disponueshme, jam informuar se nuk mund të vazhdoj me shfaqjen e nesërme”, tha ajo në atë kohë. Megjithatë, këtë herë është një rast helmimi nga ushqimi pa ndonjë rëndësi të madhe.

The post Pink i shqetëson fansat, shfaqet me një injeksion intravenoz appeared first on iconstyle.al.

Një ekip studiuesish britanik ka zhvilluar një stetoskop të avancuar me inteligjencë artificiale (IA) që mund të diagnostikojë tre sëmundje serioze të zemrës në pak sekonda. Pajisja pritet të revolucionarizojë mënyrën se si mjekët zbulojnë problemet kardiake dhe të përshpejtojë trajtimin e pacientëve. Pajisja zëvendëson stetoskopët tradicionalë dhe ka madhësinë e një letre loje. Ajo […]

The post Britani/ Studiuesit krijojnë stetoskop që zbulon sëmundjet e zemrës brenda sekondash appeared first on BoldNews.al.

Çrregullimet e ankthit janë ndër më të zakonshmet në shëndetin mendor, por disa kushte mjekësore mund të shkaktojnë simptoma të ngjashme, duke çuar në një diagnozë të gabuar. Simptomat e ankthit, si rrahjet e shpejta të zemrës, vështirësitë me frymëmarrjen, lodhja dhe marramendja, mund të jenë gjithashtu të pranishme në një sërë sëmundjesh të tjera, duke e bërë të vështirë identifikimin e saktë të shkakut të problemeve shëndetësore.

Sëmundje që mund të ngatërrohen me ankthin:

1. Sindroma Ortostatik Tachycardia Posturale (POTS): POTS karakterizohet nga një rritje e tepruar e rrahjeve të zemrës kur kaloni nga një pozicion ulur në një të ngritur. Kjo mund të shkaktojë marramendje, dhimbje koke dhe rrahje të shpejta të zemrës, simptoma të ngjashme me ato të ankthit. Testet e ndryshme mjekësore mund të ndihmojnë në diagnozën e saktë të kësaj sindrome.
2. Tachikardia Sinusale Inappropriate (IST): Një tjetër gjendje që mund të ngatërrohet me ankthin është IST, ku zemra rreh shumë shpejt pa ndonjë shkak të dukshëm. Shumë pacientë e ngatërrojnë këtë me një sulm paniku.
3. Endometrioza: Kjo gjendje, ku indi që mbulon brendësinë e mitrës rritet në organe të tjera, mund të shkaktojë dhimbje kronike dhe lodhje, të cilat mund të çojnë në simptoma të ngjashme me ato të ankthit.
4. Sindroma e vezoreve polikistike (PCOS): Gratë me PCOS shpesh përjetojnë ndryshime të humorit dhe lodhje, simptoma që mund të ngatërrohen me ato të ankthit.
5. Sëmundjet inflamatore të zorrëve (IBD): Simptomat si dhimbjet në stomak dhe lodhja mund të ngatërrohen me ankthin. IBD përfshin kushte si sëmundjen e Crohn dhe kolitin ulcerativ.
6. Hipertiroidizmi: Ky çrregullim shkakton një shpërthim të hormoneve të tiroides, që mund të çojë në simptoma si rrahje të shpejta të zemrës dhe nervozizëm, të cilat janë të ngjashme me ato të ankthit.
7. Fibromialgjia: Një sëmundje kronike që shkakton dhimbje të përhapura muskulore, lodhje dhe vështirësi me gjumin, e cila mund të kontribuojë në ndjenja të ankthit dhe depresionit.

The post Sëmundjet që mund të ngatërrohen me çrregullimet e ankthit dhe si të dallohen ato appeared first on iconstyle.al.

Reperi i njohur amerikan, Lil Wayne, ka anuluar koncertin e planifikuar për të hënën në Budweiser Stage, Toronto, për shkak të një sëmundjeje të paparashikuar.

Lajmi u konfirmua nga organizatorët përmes rrjeteve sociale, ku u tha se artisti 42-vjeçar ishte i detyruar ta shtynte performancën:
“Siç e dinë fansat, Wayne e merr seriozisht skenën dhe ishte shumë i emocionuar për këtë natë,” thuhet në njoftim.

Organizatorët kanë bërë të ditur se koncerti do të riplanifikohet, ndërsa biletat e blera do të vlejnë për datën e re. Deri tani nuk është konfirmuar ndonjë datë e re.

Wayne është aktualisht në mes të turneut të tij “Tha Carter VI”, që nisi më 1 gusht në Virxhinia dhe përfshin qytete si Detroit, Los Angeles dhe Dallas, përpara se të përfundojë më 2 tetor në Florida.

Në disa koncerte ai shoqërohet nga French Montana, Tyga dhe NoCap, ndërsa Belly Gang Cushington është pjesë e përhershme e turit.

Përfaqësuesit e reperit nuk kanë dhënë ende një koment zyrtar mbi gjendjen e tij.

The post Reperi Lil Wayne sëmuret, koncerti në Toronto anulohet në minutën e fundit appeared first on iconstyle.al.

TIRANË, 7 gusht /ATSH/ Ministria e Bujqësisë dhe Zhvillimit Rural ka ndaluar importin e shpendëve të prekur nga sëmundja e pseudopestit nga shtetet si Bullgaria e Polonia, si dhe të derrave të butë e të egër të prekur nga murtaja afrikane në vendet si Estonia, Letonia, Kroacia, Polonia, Estonia, Bosnjë-Hercegovina, Serbia dhe Moldavia.

Në vendimin e publikuar në fletoren zyrtare, nënvizohet se ndalohet importi i shpendëve të gjallë shtëpiakë, zogjve, mishit të freskët, materialit biologjik të shpendëve të pashoqëruar me test PCR të kryer në 14 ditët e fundit.

MBZHR njofton se importet nga shtetet e Bullgarisë, Polonisë dhe Spanjës lejohen, nga zona dhe stabilimente të cilat nuk kanë pasur njoftim të sëmundjes së pseudopestit të shpendëve për 12 muajt e fundit.

Po ashtu, me vendim të ministres Anila Denaj, është ndaluar importi i kafshëve të gjalla të llojit derra të butë dhe të egër, mishi i freskët  dhe  produktet e tij, materiali  biologjik dhe embrionet e  kafshëve  të gjalla të llojit derra, duke përjashtuar mishin në një kontenier të vulosur hermetikisht, xhelatinën, ushqimin e thatë të kafshëve shtëpiake dhe vakteve proteinike.

Ndërkaq, Ministria ka ndaluar importet nga Italia, Serbia, Greqia, Kosova dhe Kroacia të bagëtive të gjalla të imëta dhe thundrake, të llojit ruminantë dhe kamelidë, të prekura nga sëmundja e gjuhës blu.

/a.f/

The post Murtaja në derra dhe sëmundja e shpendëve, MBZHR ndalon importin nga disa shtete appeared first on Agjencia Telegrafike Shqiptare.