TIRANË, 26 dhjetor/ATSH/ Një fëmijë është konfirmuar me fruth në Qendrën Spitalore Universitare “Nënë Tereza”.

Burime pranë MSHMS, konfirmuan se ky rast është paraqitur që në datën 22 dhjetor në spitalin e Pediatrisë, me temperaturë shumë të lartë dhe i pavaksinuar, por rasti është hetuar epidemiologjikisht dhe ndjekur nga ISHP.

Sipas MSHMS-së, nga dy raste me simptoma, vetëm njëri rast është fruth, ndërsa rasti tjetër nuk është konfirmuar i tillë.

Hetimi epidemiologjik i ndjekur nga ISHP ka konfirmuar diagnozën e fruthit për këtë fëmijë që është i moshës 3 vjeç.

Prof. Asoc. Dorina Toçi, drejtoreshë e Përgjithshme e ISHP-së, tha sot për ATSH-në se situata e fruthit në vend nuk është aspak alarmante dhe nuk ka vend për panik. Sipas Toçit, raste të konfirmuara me fruth ka pasur në Shqipëri gjatë viteve të fundit, madje në 2025 ka pasur më pak raste se vitet e kaluara.

Deputeti i PS,  Erjon  Braçe u bën thirrje prindërve që të mos e ndërpresin kalendarin e vaksinimit kundër fruthit, ndërsa thekson se rrymat antivaksinë në media apo rrjetet sociale duhet të braktisen.

“Fëmijët janë të pavaksinuar, për fruthin po e po, por edhe për sëmundje të tjera; Është tre vjeç por kalendari i vaksinimit të tyre është ndërprerë që në muajin e gjashtë, prindërit nuk e kanë ndjekur më kalendarin e vaksinimit të tyre. Fruthi është pasoja e parë. Unë nuk e di sa i gjerë është fenomeni, po kam frikë se pas pandemisë dhe fushatës agresive kundër vaksinimit me konotacion të gjerë, ndalja nga prindërit të kalendarit të vaksinimit ka marrë përmasë“, tha Braçe.

Vatra më e fundit me fruth në Shqipëri ishte ajo e këtij fillimviti në Fier me 10 fëmijë nga mosha 4-9 vjeç  ndërsa tre të tjerë u identifikuan në Vaun e Dejës, Lezhë dhe Tiranë ku ISHP konfirmoi gjithsej 12 raste, të gjithë të pavaksinuar. Mbulesa vaksinale me dozën e parë të vaksinës ndaj fruthit gjatë kësaj periudhe ra në 73% ndërsa me dy doza në  87% në shkallë vendi.

/e.i/j.p/

The post Fëmija 3 vjeç konfirmohet me fruth, Toçi për ATSH: Situata, jo alarmante appeared first on Agjencia Telegrafike Shqiptare.

TIRANË, 26 dhjetor/ATSH/ Korpusi i ri i Laboratorëve të Institutit të Shëndetit Publik, pritet të trefishojë kapacitetet laboratorike të këtij institucioni, me biosiguri sipas standardeve të BE-së.

Ministria e Shëndetësisë dhe Mirëqenies Sociale njoftoi sot se “në vitin që po troket do të nisë funksionimi i Korpusit të Laboratorëve”.

Korpusi i laboratorëve të referencës kombëtare të Institutit të Shëndetit Publik është ndërtuar në një sipërfaqe prej 2900 metrash katrorë. Ky korpus do ketë nivelin më të lartë të biosigurisë sipas standardeve të BE-së, ku trajtimi i agjentëve biologjikë me rrezik të lartë, do të bëhet në nivele të larta mbrojtjeje për shëndetin e specialistëve.

Ky investim i buxhetit të shtetit përmirëson parandalimin dhe kontrollin e sëmundjeve, rrit sigurinë shëndetësore kombëtare dhe forcon kërkimin shkencor në mbrojtje të shëndetit të qytetarëve.

Laboratorët do të pajisen edhe me aparatura të teknologjisë së fundit dhe me kushte bashkëkohore pune për ekspertët dhe stafin e ISHP-së duke garantuar përgjigje sa më efektive, në kohë dhe të sigurta për shëndetin publik.

Njëherësh, duke qenë në atmosferën festive të dhjetorit, specialistët dhe drejtuesit e disa departamenteve të ISHP-së përcollën në një video mesazhe urimi për të gjithë qytetarët, për një jetesë të shëndetshme, me më shumë aktivitet fizik, kujdes të shtuar për shëndetin mendor, ndërsa u bënë thirrje grave dhe vajzave për kryerjen e mamografive falas dhe testine HPV.

Prof. asoc. Dorina Toçi, drejtoreshë e përgjithshme e ISHP-së, u shpreh se “kujdesi për shëndetin është dhurata më e çmuar, për veten dhe familjen tonë”.

/e.i/r.e/a.f/

The post Në vitin 2026 nis funksionimi i Korpusit të Laboratorëve të ISHP-së appeared first on Agjencia Telegrafike Shqiptare.

Në Shqipëri vala e të prekurve nga gripi dhe infeksionet e tjera të rrugëve të frymëmarrjes po vjen në rritje.  Javën e fundit sipas Instituti të Shëndetit Publik rreth  12 mijë persona të të gjitha moshave kanë kërkuar ndihmë mjekësore në qendra shëndetësore dhe spitale.

“Ka filluar një trend në rritje qoftë i rasteve të gripit dhe numri i rasteve me infeksione respiratore të  sipërme dhe të poshtme që janë një indikator i qarkullimit të gripit në vend. Janë rreth 12 mijë raste të infeksioneve respiratore, por jemi shumë larg pragut epidemik që arrihet nga fundi janarit dhe fillimi i shkurtit.”

Në  laboratorin e virologjisë janë janë zbuluar raste me të dy nëntipet e gripit atë   Ah1n1 dhe Ah3n2.   Nënvarianti K I këtij të fundit  që ka shqetësuar shumë shtete në botë për shkak të agresivitetit dhe përhapjes më të shpejtë  sipas specialistëve të Institutit të Shëndetit Publik  nuk është identifikuar ende në vendin tonë.

“Ka një qarkullim barabartë dhe AH1 dhe AH3. Variant K  akoma jo. S’ka vend për panik është grip i zakonshëm dhe këto mutacionet e vogla ndodhin çdo vit me viruset e gripit,  por klinika është pak a shumë si çdo vit tjetër.

Ajo që është kryesore është temperatura e lartë që dallon gripin dhe nga virozat e tjera, dhimbje muskulare, kollë rrjedhje hundësh lotim syshë dhe dobësi e theksuar e organizmit. 

Nuk ka raste të rënda për momentin, por në javët të vijim me prirjen në rritje parashikohet dhe rritje e shtrimeve në spital dhe terapi intensive prandaj theksohet me forcë vaksinimi.

Në prag të festave specialistët apelojnë për të shmanguar grumbullimet dhe  për të kontaktuar mjekun e familjes me shfaqjen e shenjave të para të gripit për të vlerësuar gjendjen shëndetësore dhe për të  marrë trajtimin e duhur./abcnews.al

Fëmijët shqiptarë e kanë bërë zakon të konsumojnë mëngjes përpara se të shkojnë në shkollë, por 25% e tyre, shpesh e anashkalon vaktin më të rëndësishëm të ditës. Studimi i bërë nga ISHP, tregon se fëmijët që  nuk hanë mëngjes rrezikohen nga mbipesha dhe obeziteti. Raporti që mat sjelljet e shëndetshme të fëmijëve në moshë […]

The post 1 në 4 fëmijë shkon në shkollë pa mëngjes, ISHP: Rrezik për t’u bërë obez appeared first on BoldNews.al.

TIRANË, 1 dhjetor/ATSH/ Rastet e reja me HIV vijojnë të shfaqen çdo vit në vendin tonë, duke e bërë gjithnjë e më të domosdoshme rritjen e ndërgjegjësimit, parandalimit dhe aksesit në trajtim, në përputhje me mesazhin global të Ditës Botërore të AIDS-it.

Të dhënat e fundit të raportuara nga Instituti i Shëndetit Publik, tregojnë se gjatë vitit 2025, në Shqipëri, janë diagnostikuar 125 raste të reja me HIV, ndërsa numri total i rasteve të evidentuara nga viti 1993 deri në tetor 2025 ka arritur në 1,973. Prevalenca e infeksionit në nivel kombëtar vlerësohet në 0.08%, ndërsa incidenca për vitin 2025 është 5.3 raste për 100 mijë banorë.

Shifrat tregojnë se transmetimi seksual vazhdon të mbetet rruga kryesore e infektimit, duke përfaqësuar 72.6% të rasteve, ku pjesa më e madhe është transmetim heteroseksual. Ndërsa rastet e transmetimit nga nëna te fëmija, përmes gjakut apo përdorimit të drogave me injektim kanë mbetur në nivele shumë të ulëta.

Sipas shpërndarjes sipas grupmoshave, infeksioni është më i përhapur tek personat 35–44 vjeç (27.8%) dhe 25–34 vjeç (26.9%), ndërsa raporti gjinor mbetet i pabarabartë: në vitin 2025 janë regjistruar 98 raste tek meshkujt dhe 27 tek femrat, me një raport 3.5 : 1.

Në kuadër të Ditës Botërore të AIDS-it, e cila këtë vit mbahet nën moton “Të kapërcejmë pengesat drejt një përgjigje të re ndaj HIV/AIDS”, theksohet se pavarësisht përparimit të bërë globalisht, HIV/AIDS mbetet një sfidë e rëndësishme shëndetësore. Organizata Botërore e Shëndetësisë raportoi se në vitin 2024 rreth 1.3 milionë persona u infektuan me HIV dhe 630 mijë humbën jetën nga shkaqe të lidhura me AIDS-in.

Ekspertët nënvizojnë rëndësinë e masave parandaluese, testimit të hershëm dhe trajtimit të vazhduar. Testimi për HIV në vendin tonë është falas, konfidencial dhe i aksesueshëm, ndërsa trajtimi ofrohet pa pagesë në Shërbimin Infektiv dhe Pediatrinë Infektive në QSUT. Autoritetet shëndetësore rikujtojnë se përdorimi i prezervativit, testimi pas çdo kontakti të pambrojtur, kujdesi ndaj mjeteve të injektimit dhe informacioni i saktë mbeten armët kryesore për parandalimin.

Stigma dhe diskriminimi vijojnë të jenë barriera të rëndësishme që pengojnë testimin dhe trajtimin.

Në këtë ditë simbolike, institucionet shëndetësore apelojnë për më shumë ndërgjegjësim, respekt dhe mbështetje për personat që jetojnë me HIV, me synimin e përbashkët për t’i dhënë fund epidemisë deri në vitin 2030. /j.p/

The post 125 raste të reja me HIV në Shqipëri gjatë vitit 2025 appeared first on Agjencia Telegrafike Shqiptare.

Instituti i Shëndetit Publik, dy vjet më parë, doli me një qëndrim zyrtar ndaj dëmeve shëndetësore që po u vijnë qytetarëve nga përdorimi i cigareve elektronike, të cilat po gjejnë përdorim në mosha fare vogla. Megjithatë, ISHP me në krye Dorina Toçi, lejon reklamimin masiv dhe agresiv të cigareve elektronike në media (kryesisht portale), por […]

The post Mafia e duhanit / ISHP lejon reklamimin e IQOS në shkelje të ligjit, në SHBA ndalohet si e rrezikshme appeared first on BoldNews.al.

TIRANË, 7 nëntor /ATSH/ Shqipëria ka arritur rezultate mjaft të mira sa i takon betejës ndaj hepatitit B tek fëmijët, duke e vendosur nën kontroll. Organizata Botërore e Shëndetësisë pritet që të japë certifikimin për eliminimin e plotë tek fëmijët në Shqipëri të këtij infeksioni viral.

Eliminimi i hepatitit B ka ardhur si rezultat i vaksinimit të foshnjave brenda 24 orëve të para të lindjes. Të dhënat bëhen të ditura nga një studim kombëtar i realizuar nga Institui i Shëndetit Publik në bashkëpunim me Organizatën Botërore të Shëndetësisë.

“Prej më se një dekade nuk kemi pasur raste të hepatitit B tek mosha fëminore 0-14 vjeç. Për shkak të kësaj arritjeje, Shqipëria do të certifikohet nga OBSH për eliminimin e hepatitit B në grup-moshën pediatrike”, u shpreh Artan Simaku, specialist i ISHP-së gjatë një prononcimi për “Klan Tv”

“Hepatiti B është një infeksion viral i cili prek mëlçinë. Është sëmundje e rëndë, pasi në disa raste, në formë kronike, mund të përfundojë në cirrozë, një stad i avancuar i sëmundjes së mëlçisë, apo edhe të çojë në kancer të mëlçisë”, u shpreh Simaku.

Sipas OBSH, çdo ditë regjistrohen 3500 vdekje në botë nga infeksionet e hepatitit viral. Hepatitet janë mjaft të përhapura në disa grupe risku, si tek përdoruesit e drogave intravenoze, hemofilikët dhe të politransfuzuarit, tek të cilët mund të arrijë 70–80%.

Hepatiti B është një infeksion viral që prek mëlçinë dhe mund të shfaqet në formë akute ose kronike, duke shkaktuar dëmtime të rënda si cirrozë ose kancer i mëlçisë në rastet më serioze.

Infeksioni shkaktohet nga virusi i hepatitit B (HBV) dhe transmetohet përmes kontaktit me gjak ose lëngje trupore të personit të infektuar. Më shpesh përhapet nga nëna tek fëmija gjatë lindjes, përmes kontakteve seksuale të pambrojtura, përdorimit të gjilpërave ose instrumenteve të pa sterilizuara dhe transfuzioneve me gjak të infektuar.

Shumë herë, hepatiti B nuk jep simptoma të dukshme. Kur ato shfaqen, mund të përfshijnë lodhje, temperaturë, të vjella, humbje të oreksit, dhimbje barku, urinë të errët dhe zverdhje të lëkurës dhe syve. Tek të rriturit, infeksioni shpesh shërohet vetvetiu, ndërsa tek foshnjat ka rrezik më të lartë të zhvillohet në formë kronike.

Parandalimi mbetet arma më e efektshme kundër hepatitit B. Vaksina, e cila aplikohet që nga lindja dhe vazhdon sipas skemës së rekomanduar, siguron imunitet afatgjatë. Vaksinimi rekomandohet gjithashtu për grupet me rrezik të lartë, si personeli shëndetësor, partnerët seksualë të personave të infektuar dhe përdoruesit e drogës.

Diagnoza bëhet përmes analizave të gjakut që zbulojnë praninë e virusit ose antitrupave të tij. Trajtimi për format akute konsiston kryesisht në kujdes mbështetës, ndërsa format kronike mund të kërkojnë përdorimin e antiviralëve, me monitorim të rregullt të funksionit të mëlçisë.

/e.i/r.e/a.f/

The post Shqipëria eliminon hepatitin B tek fëmijët, rezultatet do të certifikohen nga OBSH appeared first on Agjencia Telegrafike Shqiptare.

TIRANË, 27 tetor/ATSH/ Programi Kombëtar i Vaksinimit ka si qëllim të arrijë nivele të larta të mbulesës vaksinale, me vaksina të sigurta dhe efektive për të parandaluar sëmundjet infektive, në të gjithë vendin.

Vaksina HPV është një prej tyre që mbron nga disa lloje të papilomavirusit njerëzor, një virus që mund të shkaktojë kancer të qafës së mitrës si dhe kancere të tjerë.

Ministria e Shëndetësisë dhe Mirëqenies Sociale bën me dije se 45 mijë vajza të moshës 13–20 vjeç kanë marrë vaksinën kundër virusit HPV gjatë pesë viteve të fundit.

Sipas MSHMS-së, 10 mijë prej tyre e kanë kryer këtë vaksinë vetëm në vitin 2025, një tregues i rëndësishëm i ndërgjegjësimit dhe kujdesit për shëndetin.

Ministria e Shëndetësisë dhe Mirëqenies Sociale pohon në njoftim se nga janari 2026, në Kalendarin Kombëtar të Vaksinimit kundër virusit HPV do të përfshihen edhe djemtë e moshës 13 vjeç, një hap i rëndësishëm për parandalimin e përhapjes së këtij virusi dhe mbrojtjen e shëndetit të të rinjve.

Mjekja Rovena Daja, në cilësinë e përgjegjëses së fushatës së vaksinimit pranë ISHP-së bën me dije se njihen mbi 150 lloje të virusit të HPV-së, ku shumica prej tyre nuk janë të rrezikshëm.

“Kemi viruset 6 dhe 12 që janë shkaktarët e lythave gjenitalë, si te meshkujt dhe te femrat. Viruset 16 dhe 18 janë ato që në 70% të rasteve japin kancer të qafës së mitrës te femrat. Por, HPV është më i rrezikshëm edhe te meshkujt, pasi ata janë bartës, transmetues, në pjesën më të madhe të rasteve edhe shkaktarë të kancerit gjenital te meshkujt dhe të faringsit”, tha Daja.

Sipas Dajës, vaksina ndaj HPV-së aplikohet prej më shumë se pesë vjetësh te femrat në moshën 13 vjeç.

“Përveç vaksinimit te vajzat e moshës 13 vjeç, ISHP organizon dhe vaksinimin shtesë, për të gjitha vajzat që kur kanë qenë 13 vjeç nuk e kanë aplikuar këtë vaksinë. Në total vajzat që e kanë aplikuar këtë vaksinë nga fillimi deri më sot janë mbi 45 mijë dhe vetëm gjatë 2025 janë mbi 10 mijë”, pohoi ajo.

“Por, me gjithë problemet që është parë të meshkujt, propozimi është që nga janari 2026 të fillojmë aplikimin e kësaj vaksine edhe te meshkujt që gjatë vitit 2026 do të bëjmë 13 vjeç. Mënyra më e sigurt për t’u ruajtur ndaj HPV është që ne ta aplikojmë këtë vaksinë përpara se të biem në kontakt në moshën 13 vjeç. Një vaksinë që është e licencuar përdoret në të gjithë vendet e botës, dhe ofrohet falas në çdo qendër shëndetësore në kuadër të kalendarit kombëtar të vaksinimit”, përfundoi Daja.

Vaksina kundër HPV është përfshirë në programin kombëtar të imunizimit për të gjitha vajzat që mbushin moshën 13 vjeç. Vaksina HPV ofrohet në një dozë të vetme, bazuar në vlerësimin e Komitetit Kombëtar të Ekspertëve të Imunizimit dhe në rekomandimet e grupit të ekspertëve të OBSH.

/e.i/r.e/a.f/

The post Mbi 45 mijë vajza janë vaksinuar kundër virusit HPV, nga janari 2026 nis edhe te meshkujt appeared first on Agjencia Telegrafike Shqiptare.

Autoritetet shëndetësore europiane paralajmërojnë për një valë të hershme të gripit këtë sezon, me shqetësime të veçanta për përhapjen e virusit AH3N2, i njohur si “gripi australian”. Italia ka ngritur alarmin për ndikimin e mundshëm në të gjithë kontinentin, përfshirë edhe Shqipërinë. Në vendin tonë, Instituti i Shëndetit Publik (ISHP) raporton një rritje të ndjeshme të infeksioneve…

Source

Kanceri i gjirit përbën rreth 11% të të gjitha rasteve të reja me kancer çdo vit, duke zënë vendin e parë për risk individual tek gratë shqiptare. Këto të dhëna të bëra publike nga Instituti i Shëndetit Publik theksojnë se, pamja epidemiologjike e kancerit të gjirit në Shqipëri paraqet ngjashmëri me prirjet globale. Aktualisht, në […]

The post ISHP: 5,000 gra jetojnë me kancer gjiri në Shqipëri; Rastet rriten me 23% në një dekadë appeared first on BoldNews.al.

TIRANË, 4 tetor /ATSH/ Në të gjithë vendin, prej datës 22 shtator ka nisur zyrtarisht fushata e vaksinimit antigrip. Ministria e Shëndetësisë dhe Mbrojtjes Sociale ka siguruar 280 mijë doza të kësaj vaksine, që janë shpërndarë tashmë në të gjitha qendrat shëndetësore në vend.

Rovena Daja, drejtuese e programit të vaksinimit pranë Institutit të Shëndetit Publik tha për Agjencinë Telegrafike Shqiptare se për sezonin 2025–2026 objektivat kryesore të fushatës së vaksinimit antigrip janë: sigurimi i vaksinimit falas për të gjitha grupet e riskut, përdorimi sa më efikas i të gjitha dozave të ofruara, rritja e mbulimit të vaksinimit te grupet vulnerabël dhe mbrojtja e personelit shëndetësor, për të shmangur përhapjen e gripit në mjediset shëndetësore.

“Këtë vit përdoret vaksina GC Flu 4-valente, e parakualifikuar nga OBSH-ja dhe e prodhuar në Korenë e Jugut. Vaksina përmban viruse të inaktivuar dhe mbulon katër shtame qarkulluese të gripit (A/H1N1, A/H3N2, B Victoria dhe B Yamagata). Kjo garanton një mbrojtje të gjerë dhe siguri të lartë për qytetarët”, tha Daja.

“Qendrat shëndetësore në Tiranë u furnizuan në shtator dhe u përgatitën me ambiente të posaçme për vaksinim. Fushata nisi më 22 shtator 2025 dhe gjatë javës së parë në NJVKSH Tiranë janë vaksinuar 6 600 qytetarë sipas sistemit elektronik të vaksinimit. Kjo tregon një fillim të mirë të fushatës dhe një interesim në rritje të komunitetit”, vijoi ajo.

Daja u shpreh se “punonjësit shëndetësorë janë grupi i parë i vaksinuar, pasi ata janë të ekspozuar drejtpërdrejt ndaj pacientëve dhe kanë rrezik më të lartë për t’u infektuar dhe për të transmetuar virusin”.

“Vetëm gjatë javës së parë, në Tiranë janë vaksinuar 676 punonjës shëndetësorë dhe ky është një hap i rëndësishëm për të garantuar siguri në mjediset shëndetësore”, theksoi Daja.

Drejtuesja e programit të vaksinimit pranë ISHP-së tha se vaksina antigrip është domosdoshmëri sidomos për grupet prioritare ku bëjnë pjesë punonjësit shëndetësorë, persona me sëmundje kronike (kardiovaskulare, pulmonare, diabet, astmë, sëmundje të mëlçisë apo veshkave, tumore/kancer), personat mbi 65 vjeç, banorët dhe personeli i institucioneve të kujdesit afatgjatë, personat obezë, personat me imunitet të kompromentuar, gratë shtatzëna, fëmijët mbi 6 muajsh, sidomos ata me sëmundje bashkëshoqëruese, mësuesit dhe edukatorët, personeli i ushtrisë dhe forcave të rendit.

“Vaksinimi i rregullt është i domosdoshëm, sepse virusi i gripit ndryshon çdo vit dhe vaksina përditësohet për t’u mbrojtur nga shtamet më të fundit. Mbrojtja e vaksinës është më e fortë në 3–4 muajt e parë pas injektimit dhe zgjat rreth gjashtë muaj. Vaksina ul ndjeshëm rrezikun e komplikacioneve serioze, sidomos te grupet e riskut, si edhe parandalon shtrimet në spital dhe humbjet e jetës”, tha Daja.

Sipas Dajës, efektet anësore më të shpeshta të vaksinës antigrip janë dhimbje, skuqje ose ënjtje në vendin e injektimit, ethe, dobësi, dhimbje muskujsh, të cilat shfaqen brenda disa orëve pas vaksinimit dhe zgjasin 1–2 ditë.

Daja tha se “efekte shumë të rralla janë reaksione alergjike serioze si anafilaksia. Për këtë arsye çdo pikë vaksinimi është e pajisur me mjetet për menaxhimin e emergjencave”.

“Është e rëndësishme të theksohet se vaksina e gripit nuk përmban virus të gjallë, por virus të dobësuar që nuk mund të shkaktojë grip”, tha ajo.

Daja tha se fushata e vaksinimit antigrip ka një ndryshim këtë vit krahasuar me periudhat e kaluara dhe kjo lidhet me interesin në rritje nga popullata që në javën e parë të fushatës.

“Numri i dozave të aplikuara është më i lartë krahasuar me të njëjtën periudhë të vitit të kaluar. Gjithashtu, është theksuar mundësia e bashkadministrimit të vaksinës së gripit me vaksinën kundër COVID-19, për të lehtësuar procesin dhe për të shmangur dy vizita të ndara”, pohoi ajo.

Ekspertja e ISHP-së thekson se gripi nuk është një sëmundje e lehtë, pasi çdo vit ai sjell komplikacione të rënda dhe humbje jetësh, sidomos tek të moshuarit, personat me sëmundje kronike, fëmijët dhe gratë shtatzëna.

“Vaksina e gripit është falas, e sigurt dhe efektive. Ajo ul ndjeshëm rrezikun e sëmundjes së rëndë, hospitalizimit dhe vdekjes. Koha më e mirë për t’u vaksinuar është shtator-tetor, por vaksinimi është i dobishëm gjatë gjithë sezonit. Bisedoni me mjekun e familjes tuaj dhe merrni vendimin e duhur për shëndetin tuaj dhe të të dashurve tuaj”, e mbyll Daja mesazhin e saj.

Vaksina antigrip mbetet mbrojtja më e mirë dhe më efikase kundër virozave respiratore të shkaktuara nga viruset e gripit, ku grupet më të riskuara mbeten fëmijët, të moshuarit, personat mbi 65 vjeç, të sëmurët kronikë, ata me probleme të sistemit kardiovaskular, të sistemit pulmonar dhe të sistemit renal.

/e.i/r.e/

The post Daja për ATSH-në: Mbi 6500 qytetarë të vaksinuar kundër gripit në Tiranë appeared first on Agjencia Telegrafike Shqiptare.

TIRANË, 1 tetor /ATSH/ Tetori është muaji i ndërgjegjësimit për kancerin e gjirit, me synimin për të rritur ndërgjegjësimin tek gratë, për zbulimin e hershëm dhe trajtimin në kohë të kësaj sëmundjeje.

Drejtoresha e Institutit të Shëndetit Publik, Dorina Toçi në një konferencë për mediet, u shpreh ditën e sotme se “kanceri i gjirit është kanceri më i shpeshtë që diagnostikohet në mbarë botën si edhe në Shqipëri dhe sa i përket vdekshmërisë, është një nga faktorët kryesorë te gratë”.

“MSHMS me sloganin “çdo ditë vlen për jetën tënde”, ka për qëllim që të rrisë ndërgjegjësimin gjatë fushatës, por edhe edukimin e grave dhe vajzave për të kryer kontrollet periodike, apo depistimin nëpërmjet mamografive të lëvizshme apo stacionare”, tha ajo.

“Mamografia është një shërbim që ofrohet falas për të gjitha gratë. Ato mund ta marrin këtë shërbim në spitalet rajonale në të gjithë vendin, në poliklinikat pranë lagjeve, në Poliklinikën Qendrore në Tiranë, në maternitetin “Mbretëresha Geraldinë” dhe në QSUNT”, vijoi Toçi.

Drejtoresha e ISHP-së, u shpreh se jo vetëm gjatë tetorit, por edhe gjatë gjithë vitit duhet të rritet ndërgjegjësimi i grave dhe i vajzave për të kuptuar rëndësinë që ka diagnoza e hershme e kancerit të gjirit.

Toçi u ndal edhe te shifrat e kancerit të gjirit në vendin tonë dhe incidencën për këtë sëmundje gjatë vitit 2024.

“Për vitin 2024, bazuar në regjistrin kombëtar të kancerit janë diagnostikuar 805 raste të reja me kancer të gjirit. Është një incidencë që gjatë dhjetëvjeçarit të fundit ka ardhur në rritje me 2.1% çdo vit. Nuk kemi rritje të rasteve me kancer të gjirit te moshat e reja, madje kemi një ulje të lehtë të incidencës tek moshat nën 50 vjeç”, tha Toçi.

Toçi u shpreh se “vërehet një rënie e lehtë e rasteve nga viti 2015 deri në 2024-ën, ndërsa shtrimet spitalore janë dyfishuar në 10-vjeçarin e fundit”.

Drejtuesja e ISHP-së e vlerësoi këtë fakt si një qasje më të lehtë të grave dhe vajzave me sistemin shëndetësor në vendin dhe zgjerim të ofrimit të shërbimeve.

“Në vitin 2024 kanë ndërruar jetë nga kanceri i gjirit 224 gra. Nëpërmjet depistimit me mamografitë lëvizëse në të gjithë vendin kryhen në vit rreth pesë mijë mamografi lëvizëse, ndërsa në total kryhen rreth 25 mijë depistime me mamografi”, theksoi Toçi.

Ajo shtoi se “kanceri i gjirit prek edhe meshkujt dhe janë vetëm 10 raste te burrat e moshës mbi 50 vjeç”.

“Depistimi ka për qëllim kapjen e një situate të dyshuar. Çdo vit nga depistimi me mamografi lëvizëse referohen si raste të dyshuara mbi 10 gra. Ndërsa, nga 25 mijë mamografi që kryhen në total në vit, mesatarisht kanë rezultuar me kancer të gjirit rreth 50 gra”, përfundoi Toçi.

Drejtoresha e Institutit të Shëndetit Publik, Dorina Toçi, foto: Andrin Hoxha

1 nga 5

/e.i/j.p/

The post Toçi: Mamografi falas për kancerin e gjirit, 25 mijë gra depistohen çdo vit appeared first on Agjencia Telegrafike Shqiptare.

Dorina Toçi është zgjedhur drejtoreshë e Institutit të Shëndetit Publik. Toçi do të zërë vendin e Eugena Tominit, e cila më parë ka kryer këtë detyrë. Toçi më herët ka pasur detyrën si Përgjegjëse e Sektorit të Sëmundjeve Kronike në ISHP dhe shefe sektori në njësinë e performancës së Shëndetit Publik. Eugena Tomini u largua […]

The post Zgjidhet drejtoresha e re e ISHP-së/ EMRI appeared first on BoldNews.al.

TIRANË, 25 shtator /ATSH/ Me shpërndarjen e 280 mijë dozave të vaksinës antigrip, në të gjithë vendin ka nisur vaksinimi i popullatës në qendrat shëndetësore.

Shefja e Institutit të Shëndetit Publik, Eugena Tomini në një prononcim për ATSH-në, tha se përpos virozave sezonale, Covid-19 mbetet një nga viruset mbizotërues.

Tomini u shpreh se “nënvarianti i Omicron është më dominuesi në 90% të rasteve”.

“Nënvariantet e Omicron po sundojnë në të gjithë botën, por XFG është një nga variantet e Omicron që po sundon në 90% të rasteve”, tha Tomini.

Ajo theksoi se Covid-9 është në një fazë qarkulluese normale në këtë periudhë të vitit, kur pritet edhe rënia e temperaturave dhe ndryshimi stinor.

Në dallim nga viruset respiratore, shefja e ISHP-së, u shpreh për ATSH-në se, Covid-19 ka qenë gjithnjë prezent në vendin tonë, pa faza rritjeje apo uljeje siç mund të ndodhë me versionet e tjera të gripit apo virozat stinore.

Duke qenë në ditët e para të nisjes së fushatës së vaksinimit antigrip, Tomini konfirmoi për ATSH-në se deri tani nuk ka asnjë rast të konfirmuar me grip duke theksuar faktin se kjo është një tjetër arsye pse vaksinimi duhet kryer në kohë.

Shefja e ISHP-së, bëri apel për kryerjen e vaksinës antigrip, e cila është falas dhe mund të bëhet nga e gjithë popullata, nisur nga fëmijët mbi gjashtë muaj, deri te gratë shtatzëna, grupet e riskut, personat me sëmundje bashkëshoqëruese, si edhe ata që kanë ekspozim në komunitet dhe grupe të mëdha, si Policia e Shtetit, mësuesit etj.

Tomini përsëriti thirrjen për vaksinim të popullatës, për një sezon më të mbrojtur, me sa më pak forma të rënda të sëmundjes së gripit, gjë që do të minimizonte edhe çdo rast humbje jete.

Njoftimi i qytetarëve po bëhet nga mjekët e familjes, ndërsa personeli shëndetësor është ai që vaksinohet i pari, si një formë mbrojtjeje për veten, familjarët por nuk rrezikohen as pacientët nga influenca sezonale.

/e.i./j.p/

The post Tomini për ATSH-në: Covid-19 mes virozave respiratore, asnjë rast i konfirmuar me grip appeared first on Agjencia Telegrafike Shqiptare.

TIRANË, 21 shtator /ATSH/ Që prej datës 1 shtator, ka nisur fushata kombëtare e depistimit falas për kontrollin e qafës së mitrës. Kitet e testimit janë shpërndarë në të gjitha qendrat shëndetësore në vend, ku të gjitha gratë e vitlindjeve 1975-1985 mund ta bëjnë kontrollin falas.

Prof. asc. Dorina Toçi, përgjegjëse e sektorit të sëmundjeve kronike pranë Institutit të Shëndetit Publik, tha për ATSH-në se deri tani janë kryer 3500 depistime, por deri në fund të vitit pritet të kryhen më shumë se 7000 depistime.

“Qëllimi kryesor i fushatës së depistimit për kancerin e qafës së mitrës është të parandalojë dhe të ulë ndjeshëm incidencën dhe vdekshmërinë nga kjo sëmundje, përmes zbulimit sa më të hershëm të infeksionit HPV dhe lezioneve parakanceroze, përpara se ato të shndërrohen në kancer invaziv. Në Shqipëri, ky program është pjesë e Programit Kombëtar të Kontrollit të Kancerit dhe synon të krijojë një sistem të qëndrueshëm parandalimi, krahas vaksinimit HPV. Më shumë se 60 000 gra e kanë kryer ekzaminimin që nga fillimi i programit, me një mbulesë depistimi prej më shumë se 40%”, tha Toçi.

Programi i depistimit në Shqipëri përfshin gratë e moshës 40-50 vjeç dhe të gjitha testet e depistimit primar e ekzaminimet e mëtejshme sigurohen falas në pikën e kujdesit, pavarësisht nga fakti nëse pacientët janë të përfshirë ose jo në skemën e sigurimit shëndetësor.

“Gratë thirren në mënyrë aktive nga mjeku i familjes dhe infermierja e lagjes, nëpërmjet listës së popullatës të regjistruar në qendrat shëndetësore. Paralelisht, ISHP dhe Ministria e Shëndetësisë dhe Mbrojtjes Sociale zhvillojnë fushata informuese publike përmes mediave dhe rrjeteve sociale, për të rritur ndërgjegjësimin e popullatës. Shërbimi është falas, i integruar në kujdesin parësor dhe pa nevojë për referime të komplikuara. Në bazë të kornizës teknike të programit kombëtar të depistimit, qendrat shëndetësore ftojnë gratë për t’u testuar sipas udhëzimeve”, vijoi ajo.

Depistimi rekomandohet çdo 5 vjet për gratë 40–50 vjeç, nëse rezultati është negativ, ndërkohë Pap Testi, i cili vijon të praktikohet në disa mosha të tjera apo te gratë që kanë rezultuar HPV pozitive, rekomandohet çdo 1-3 vjet.

“Teksa të gjithë kanceret e tjerë në Shqipëri kanë shënuar rritje, numri i rasteve të reja nga kanceri i qafës së mitrës është pakësuar me mesatarisht 2,5% në vit. Në periudhën 2015-2019 regjistroheshin mbi 125 raste të reja në vit, ndërkohë që në 2024 u regjistruan vetëm 101 raste. Depistimi i kancerit të qafës së mitrës me testin HPV ka potencialin të parandalojë rastet e kancerëve, nëse gratë HPV pozitive monitorohen sistematikisht dhe format parakanceroze trajtohen në kohë”, vijoi mjekja Toçi.

Depistimi kryhet në qendrat shëndetësore të kujdesit parësor, nën mbikëqyrjen e mjekut të familjes dhe infermierëve të trajnuar për marrjen e mostrës cervikale.

“Ky është një ndryshim thelbësor nga praktika e mëparshme, kur gratë duhej të shkonin vetëm tek gjinekologu. Gruaja mund ta marrë vetë mostrën, edhe në kushtet e shtëpisë, e udhëzuar nga personeli shëndetësor, bazuar në instruksionet që dërgon çdo vit ISHP. Vetëm në rastet kur testi rezulton pozitiv ose kërkohet ekzaminim shtesë, gruaja referohet në qendrat e specializuara për kolposkopi. Kjo e bën programin më të aksesueshëm dhe efikas”, tha Toçi.

Mjekja Toçi u ndal edhe te vaksina HPV, si një formë parandalimi primar për zhvillimin e kancerit të qafës së mitrës. “Ajo mbron nga llojet më onkogjene të virusit, që janë përgjegjës për rreth 70% të rasteve të kancerit të qafës së mitrës. Në Shqipëri, vaksina është pjesë e kalendarit kombëtar dhe u ofrohet vajzave 13 vjeç. Qëllimi afatgjatë është që, së bashku me depistimin, vaksina të çojë drejt eliminimit të kancerit të qafës së mitrës si sëmundje e parandalueshme”, pohoi ajo.

Mjekja tha se në edukimin e grave dhe vajzave për kujdes ndaj shëndeti riprodhues, ka shumë faktorë që ndikojnë. Mes tyre, nevojitet një qasje e integruar edukimit shëndetësor në shkolla, sensibilizim i prindërve, trajnim i mjekëve të familjes, gjinekologëve, stafit shëndetësor dhe mësuesve në shkolla dhe përdorimi i platformave digjitale dhe rrjeteve sociale për të çuar mesazhe të thjeshta, të besueshme dhe të kuptueshme nga të rinjtë.

Nga ana e saj, mjekja obstetre-gjinekologe, dr. Evis Binaj, pranë Spitalit Universitar Obstetrik Gjinekologjik “Mbretëresha Geraldinë”, tha për ATSH-në se “rreziku i kancerit të qafës së mitrës rritet me kalimin e moshës, duke prekur kryesisht gratë mbi 35 vjeç”.

“Shumica e rasteve diagnostikohen te gratë nën 60 vjeç, dhe faktori kryesor i rrezikut është infeksioni i qëndrueshëm me virusin e papilomës humane (HPV). Kontrolli i rregullt i qafës së mitrës midis moshave 25 dhe 64 dhe vaksina HPV janë mënyrat më të mira për të ulur rrezikun”, tha ajo.

Sipas Binajt, përmirësimi i metodave të kontrollit ka bërë që të diagnostikohen në kohë dhe të trajtohen lezionet prekanceroze para se të avancojnë në kancer, si të bëhet zbulimi i kancerit në stade të hershme, kur është akoma i mjekueshëm.

Disa nga shenjat e hershme që duhet t’i drejtojnë gratë te mjekët, sipas Binajt janë “hemorragjia vaginale, sekrecionet hemoragjike jashtë ciklit, hemorragji vaginale postmenopauzale, dhimbjet pelvike, etj.”.

“Ka tre opsione testesh të rekomanduara për kapjen e lezioneve prekanceroze, të cilat mund të zhvillohen në kancer të qafës së mitrës: Pap test, HPV test, ko-testi që kombinon të dyja teknikat bashkë. Tashmë, HPV testi ofrohet falas në çdo qendër shëndetësore për gratë e moshës 40-50 vjeç që nga 1 shtatori, ndërsa Pap Testi ofrohet në spitalet universitare obstetrike-gjinekologjike”, pohoi Binaj.

“Rekomandohet që kontrolli i kancerit të qafës së mitrës të fillojë në moshën 21-vjeçare, me mundësi të ndryshme për gratë e moshës 30-65 vjeç, duke përfshirë testim të HPV çdo 5 vjet. Për moshën 21-29 vjeç, Pap testi rekomandohet çdo 3 vjet. Një ekzaminim gjinekologjik është një procedurë e shpejtë dhe zakonisht jo e dhimbshme, megjithëse disa gra mund të ndiejnë parehati ose shqetësim të lehtë. Zgjat 5-10 min. Vetëmarrja e një mostre në kushte shtëpie për testimin e HPV-së, mund të jetë një zgjedhje e preferuar për gratë, gjë që ka treguar se është po aq e besueshme, sa mostrat e mbledhura nga personeli shëndetësor”, cilësoi Binaj.

Mjekja Binaj tha se “kanceri i qafës së mitrës është i parandalueshëm dhe i trajtueshëm, nëse kapet herët”, ndërsa e mbyll me një mesazh për të gjitha gratë dhe vajzat: Shkoni për kontroll gjinekologjik dhe bëni PAP Testin ose testin HPV sipas rekomandimit të mjekut, sepse kujdesi për veten nuk është luks, është nevojë. Vaksino fëmijën tënd. Kontrollo veten. Bëhu shembull. Një kontroll i thjeshtë sot mund të të shpëtojë jetën”.

/e.i/r.e/j.p/

The post Toçi dhe Binaj për ATSH-në: 60 mijë gra kontroll falas për kancerin e qafës së mitrës, ulje e rasteve me 2,5% në vit appeared first on Agjencia Telegrafike Shqiptare.

Në vend gripi nuk ka nisur ende të qarkullojë, por për tu mbrojtur  prej tij vaksinimi këtë vit do të nisë më herët.

Instituti i Shëndetit Publik ka siguruar rreth 280 mijë doza vaksinë dhe po i shpërndanë në qendrat shëndetësore.

“Lidhur me qarkullimin e viruseve respiratore, janë rreth 9 mijë raste një numër i ulët, por ka filluar një trend i lehtë në rritje kështu parashikohet një rritje e lehtë nga javë në javë.  Lidhur me gripin situata epidemiologjike paraqitet e qetë, sepse nga vitet e kaluara qarkullimi I gripit zakonisht fillon nga mesi fundi i muajit nëntor. Kanë ardhur 280 mijë doza vaksine për gripin dhe ka filluar shpërndarja e tyre dhe fushata nis më 22 shtator, pra më herët se të gjithë vitet e tjera”, tha epidemiologu Artan Simaku.

Të parët që do të vaksinohen janë punonjësit e shëndetësisë. Ndërkohë në qendrat shëndetësore mjekët po përgatisin një kalendar për të vijuar më pas me personat më të rrezikuar. Por nëse dikush dëshiron të vaksinohet në një qendër tjetër vendin dhe orën mund ti rezervojë online në platformën e-Albania.

“Vaksinimi nis me personelin shëndetësor, se duk mbrojtur veten nuk e përhap tek pacientet. Vijon me ata me sëmundje shoqëruese, çdo qendër ka hartuar planin e pacientëve, pra ata mbi 65 vjeç, gratë shtatzëna, personeli  mjekësor dhe banorët e qendrave të kujdesit afatgjatë, gjithashtu mësuesit, punonjësit e policisë dhe ushtrisë dhe fëmijët mbi 5 vjeç, janë grupet e përfshira në program”, tha ai.

Sipas specialistëve të Institutit të Shëndetit Publik vaksina  është katër valente dhe  mbron ndaj  gripit të tipit A dhe B.

“Vaksina është katër valente, të mbron nga të katër shtamet qarkulluese, AH1, AH3 dhe dy shtamet e tipit B.  Të gjitha shtamet qarkulluese të gripit janë të përfshira në vaksinë.  Vaksinimi duhet të fillojë para sezonit të qarkullimit të gripit”, shtoi ai.

Referuar viteve të shkuara specialistët e Institutit të Shëndetit Publik parashikojnë qarkullim të gripit në muajin nëntor ndërsa  thonë se vaksinimi mbron nga format e rënda të tij. Dozat kundër gripit mund të merren falas pranë qendrave shëndetësore.

/abcnews.al/

Ekspertet e Shëndetit Publik ngrenë alarmin për kujdes të shtuar ndaj ndotjes dhe kryesisht metalit të plumbit. Fëmijët janë mëtë rrezikuar nga ky element, me dëme shëndetësore që mund të jenë të pakrikthyeshme. Sipas studimeve gati 1.5% e vdekjeve vjetore në nivel botëror kanë si shkaktar plumbin. Grimcat e plumbit janë kudo! Ky është alarmi […]

The post “Kujdes nga produktet me plumb”, alarmi i ISHP: Dëme të parikthyeshme te fëmijët appeared first on BoldNews.al.

Ekspertet e Shëndetit Publik ngrenë alarmin për kujdes të shtuar ndaj ndotjes dhe kryesisht metalit të plumbit. Fëmijët janë mëtë rrezikuar nga ky element, me dëme shëndetësore që mund të jenë të pakrikthyeshme. Sipas studimeve gati 1.5% e vdekjeve vjetore në nivel botëror kanë si shkaktar plumbin. Grimcat e plumbit janë kudo! Ky është alarmi që ngrenë ekspertët e shëndetit publik në Shqipëri.

Source

TIRANË, 5 shtator /ATSH/ Ekspozimi ndaj metalit të plumbit mbetet një nga rreziqet më të fshehura për shëndetin, veçanërisht te fëmijët, të cilët janë më të ndjeshëm ndaj efekteve të këtij metali toksik.

Instituti i Shëndetit Publik (ISHP) paralajmëron se prania e plumbit në lodra, objekte shtëpiake apo në mjedise të ndotura industriale mund të shkaktojë pasoja serioze në zhvillimin fizik dhe mendor të të miturve.

“Një vonesë në rritje, inteligjencë pak më e ulët, vështirësi në të nxënit, dëmtim të dëgjimit të të folurës apo shenja të anemisë. Më të ekspozuar për tu dëmtuar më rëndë janë fëmijët e kequshqyer, sidomos ato që kanë mungesë hekuri dhe kalciumi, pasi mungesa e këtyre dy elementëve e lehtëson absorbimin e plumbit në organizëm, me kalimin e viteve plumbi depozitohet në organe të ndryshme veçanërisht në kocka dhe në dhëmbë dhe gjatë një shtatëzanie ai hidhet në gjak duke dëmtuar fetusin”, u shpreh në një prononcim në media, shefja e departamentit të Promocionit Shëndetësor pranë ISHP, Genta Qirjako.

Sipas saj, në shumë mjedise, objekte, lodra fëmijësh apo produkte shtëpiake, mund të gjendet përmbajtje plumbi.

“Mund të gjendet në tokën e ndotur pranë zonave industrial, që kanë pas përdorur plumbin, mund të ndodhet në lodrat e fëmijëve kur këto lodra janë të vjetra, në ujin e pijshëm nëse tubacionet janë të vjetra dhe kanë përmbajtje pumbi, në bojën e vjetër të mureve të shtëpisë”, shtoi ekspertja Qirjako.

Ekspertët thonë se ekspozimi ndaj plumbit është më i rrezikshëm nëse ndodh gjatë shtatzanisë apo në fëmijëri, ndaj rekomandohen disa masa të thjeshta.

“Të jenë të kujdesshëm në larjen e duarve të fëmijëve, shmangia e ekspozimit të fëmijëve ku ndërtohet, ushqyerje e shëndetëshme, me hekur, kalcium e vitamin C”, theksoi Genta Qirjako.

Për të matur njohuritë e të rinjve në lidhje me rrezikun e plumbit, ekspertët kanë zhvilluar një pyetësor me të rinjtë 15-19 vjeç dhe u pa se 48% e tyre nuk kanë informacion të mjaftueshëm për burimet e ekspozimit ndaj tij.

/r.e/

The post ISHP: Plumbi në lodra e mjedise të ndotura, rrezik serioz për shëndetin e fëmijëve appeared first on Agjencia Telegrafike Shqiptare.

TIRANË, 28 korrik/ATSH/ Në Ditën Botërore të Hepatiteve, ministrja e Shëndetësisë dhe Mbrojtjes Sociale, Albana Koçiu tha se “falë programit të vaksinimit universal, Shqipëria ka arritur suksese domethënëse në luftën kundër hepatitit B”.

Koçiu shprehet se “një studim kombëtar i realizuar në vitin 2025 nga ISHP, me mbështetjen e OBSH/Evropa dhe Institutit Robert Koch, konfirmoi se asnjë nga mbi 2000 fëmijët 6–7 vjeç të përfshirë nuk rezultoi pozitiv për hepatit B”.

Ministrja Koçiu nënvizoi se “vaksinimi në lindje dhe mbulimi me dozën e tretë është shumë i lartë, ndërsa Shqipëria ka arritur objektivat e kontrollit dhe eliminimit të hepatitit B tek fëmijët”.

“Një hap i rëndësishëm drejt eliminimit të hepatitit B deri në vitin 2030 dhe sigurimit të një brezi te ardhshëm pa hepatit B”, tha Koçiu në një postim në rrjetet sociale.

Motoja e fushatës ndërgjegjësuese për këtë vit është: “T’i thyejmë barrierat!”.

Hepatiti prek njerëzit më të rrezikuar. Mbi 90% e rasteve të reja me hepatit B ndodhin nga transmetimi nga nëna tek fëmija, si dhe gjatë fëmijërisë së hershme.

Grupe të tjera janë gjithashtu në rrezik të lartë nga hepatiti B dhe C, përfshirë njerëzit që injektojnë drogë, njerëzit që bëjnë tatuazhe, partnerët e atyre që janë me hepatit B, si dhe stafi shëndetësor.

/e.i/r.e/

The post Dita Botërore e Hepatiteve, Koçiu: Shqipëria, sukses domethënës në luftën kundër hepatitit B appeared first on Agjencia Telegrafike Shqiptare.