Deputetë të PD-së kanë mbërritur në Komisionin e Etikës pas kërkesës së Grupit të Partisë Socialiste për përjashtimin e tyre deri në 2 muaj nga Parlamenti, pas kaosit të krijuar seancën e djeshme (18 Dhjetor) në sallën e Kuvendit.

Mes deputetëve demokratë të mbërritur në Komisionin e Etikës janë Klevis Balliu, Bledion Nallbati, Gazment Bardhi, Belind Këlliçi e Albana Vokshi.

Grupi i PS me një kërkesë drejtuar Kryetarit të Kuvendit, Niko Peleshi, ka kërkuar marrjen e masave disiplinore ndaj 29 deputetëve të Partisë Demokratike.

Sipas kërkesës së PS, seanca plenare u shoqërua me akte dhune, përfshirë hedhjen e lëndëve piroteknike dhe sendeve të forta në sallë, sulme ndaj Kryetarit të Kuvendit, anëtarëve të Këshillit të Ministrave dhe punonjësve të Gardës së Republikës, si dhe bllokimin e foltores dhe zhvillimit normal të punimeve parlamentare.

Grupi Parlamentar i PS thekson se, bazuar në pamjet filmike dhe provat e administruara, këto veprime përbëjnë shkelje të rënda të Rregullores së Kuvendit dhe Kodit të Sjelljes së Deputetit.

Deputetët për të cilët kërkohen masa disiplinore:

Përjashtim për 60 ditë nga seancat plenare dhe komisionet parlamentare:

1-Belind Këlliçi

2-Fidel Kreka

3-Albana Vokshi

4-Ledina Alolli

5-Denisa Vata (për futje dhe përdorim të lëndëve piroteknike në sallën e Kuvendit)

6-Klevis Balliu

7-Flamur Noka (për moszbatim të masave disiplinore, dëmtim të pajisjeve të Kuvendit dhe veprime të dhunshme ndaj Gardës së Republikës)

Përjashtim për 30 ditë nga seancat plenare dhe komisionet parlamentare:

1-Elda Hoti (për dëmtim të pajisjeve dhe mosrespektim të Kodit të Sjelljes)

2-Gazment Bardhi

3 Sali Berisha (për shkelje të përsëritura të rendit të seancës, përdorim të gjuhës joparlamentare dhe pengim të zhvillimit normal të punimeve parlamentare)

Përjashtim për 10 ditë nga seancat plenare dhe komisionet parlamentare:

1-Besart Xhaferri

2-Xhelal Mziu

3-Bledjon Nallbati

4-Luçiano Boçi

5-Saimir Korreshi (për pengim të zhvillimit të seancës dhe akte dhune)

6-Edi Paloka

7-Ina Zhupa

8-Klodiana Çapja

9-Oerd Bylykbashi

10-Enno Bozdo

11-Tomorr Alizoti

12-Ivi Kaso

13-Gent Strazimiri

14-Luan Baçi

15-Bledi Himçi

16-Greta Bardeli

17-Manjola Luku

18-Flamur Hoxha

19-Kliti Hoti

Gjashtë anëtarëve kanadezë të parlamentit, së bashku me një delegacion prej 24 personash të tjerë, iu mohua hyrja nga Izraeli në Bregun Perëndimor të pushtuar të martën, ndërsa përpiqeshin të kalonin kufirin nga Jordania.

Grupi po përpiqej të hynte si pjesë e një udhëtimi në Izrael dhe Bregun Perëndimor të sponsorizuar nga organizata jofitimprurëse The Canadian-Muslim Vote (TCMV), transmeton Telegrafi.

Ambasadori izraelit në Kanada tha se grupit prej 30 personash iu mohua hyrja sepse TCMV kishte lidhje me Islamic Relief Worldwide, një organizatë joqeveritare e shpallur nga Izraeli si grup terrorist.

Dega kanadeze e Islamic Relief e ka mohuar fuqimisht këtë karakterizim. TCMV gjithashtu kundërshtoi, duke thënë se financimi i saj vinte vetëm nga donatorë të kualifikuar.

Trupi ushtarak izraelit Cogat, i cili mbikëqyr pikën kufitare Allenby, i tha CBC News se grupit i ishte mohuar hyrja "për arsye sigurie", pasi ata mbërritën në pikën kufitare Allenby "pa koordinim paraprak".

Mohimi u përshkrua si "thellësisht shqetësues" nga Këshilli Kombëtar i Myslimanëve Kanadezë (NCCM), i cili tha se anëtarët e stafit të tij dhe udhëheqësit e komunitetit ishin në delegacion së bashku me deputetët.

Pesë nga gjashtë deputetët që iu mohua hyrja ishin nga Partia Liberale në pushtet. Ata ishin Fares Al Soud, Iqra Khalid, Aslam Rana, Gurbux Saini dhe Sameer Zuberi.

Deputetja e gjashtë ishte Jenny Kwan, nga Partia e Re Demokratike e krahut të majtë. Kwan e quajti situatën "krejtësisht të papranueshme" dhe hodhi poshtë sugjerimin se ligjvënësit përbënin një rrezik për sigurinë publike. /Telegrafi/

Eurodeputetët janë shqetësuar nga situata me mosmenaxhimin si duhet të mbetjeve. Rasti i transferimit në rrugë detare drejt Kroacisë të mbeturinave shqiptare ka ngritur shqetësim në Bruksel.

“Shqipëria duhet që të bëjë shumë më tepër në shpëtimin e natyrës, në menaxhimin e mbeturinave, riciklimin, ndoshta duke krijuar një sistem depozitimi për shishet e pijeve. Gjithsesi, jam shumë optimist për ecurinë e Shqipërisë drejt anëtarësimit të plotë. Ky vend ka një perspektivë të qartë, ndaj po bën përpjekje për të ecur më shpejt“, u shpreh Sebastian Everding, eurodeputet.

Eurodeputeti gjerman është optimist për anëtarësimin e Shqipërisë para vitit 2030 në BE.

“Po, kjo është e mundur, por duhet të përshpejtoni pak më shumë reformat e kërkuara, sidomos në çështjet mjedisore. Po kryhen reformat e kërkuara nga Bashkimi Evropian, por Shqipëria duhet që të luftojë fort kundër korrupsionit, ndaj duhet vlerësuar në këtë drejtim puna e SPAK-ut“, shtoi eurodeputeti.

Viti 2025 shënoi përparimin më të madh të Shqipërisë në rrugën e anëtarësimit drejt BE-së, duke ecur në procesin e negociatave të anëtarësimit me një ritëm të paparë, duke hapur të gjashtë grupet e negociatave në pak më shumë se një vit./Tv Klan

Nga Boldnews.al Të paktën tre deputetë kanë votuar për dy kandidatura për Avokat të Popullit, duke vënë pikëpyetje të mprehta kushtetuese dhe ligjore mbi emërimin e Endri Shabanit në krye të institucionit. Të enjeten e 11 Dhjetorit, Parlamenti votoi për gjashtë kandidaturat që kishin kaluar filtrin paraprak të Komisionit të Ligjeve; Endri Shabani, Besim Ndregjoni, […]

The post Avokati i Popullit/ Parlamenti shkatërroi procesin, votimi jo-kushtetues, 3 deputetë votuan “pro” për 2 kandidatë appeared first on BoldNews.al.

Për herë të parë, partitë politike kanë shfaqur transparencë për shpenzimet dhe burimet gjatë fushatës zgjedhore, falë raportit “Kostoja e Politikës në Kosovë”, një bashkëpunim nga organizata jo-qeveritare Demokraci Plus (D+) dhe Westminster Foundation for Democracy (WFD).

Albert Krasniqi nga OJQ-ja D+, e cila ka fokus ndërtimin e një shoqërie demokratike në Kosovë, ka shpjeguar se ky raport paraqet një zbulim ndaj kritereve që kanë përdorur partitë politike për procesin e përzgjedhjes së kandidatëve që përfaqësojnë partitë e tyre politike gjatë zgjedhjeve parlamentare të radhës dhe njëkohësisht edhe koston e përdorur gjatë fushatës.

“Qëllimi i raportit ka qenë që të shohim cilat kanë qenë kriteret që partitë politike kanë aplikuar kur kanë hartuar listat e tyre për kandidatët e zgjedhjeve. Qëllimi i dytë ka qenë që të shohim se cila ka qenë kostoja që kandidatët kanë pasur në fushatë zgjedhore, dhe pastaj i treti ka qenë se cilët kanë qenë obligimi që ata kanë marrë pas marrjes së mandatit, nëse kanë pasur kosto shtesë pas kësaj. Kemi zhvilluar intervista gjysmë të strukturuara me 15 kandidatë për deputetë, 10 prej tyre kanë qenë të zgjedhur suksesshëm dhe pesë të cilët kanë qenë kandidatë. Kjo është një mostër shumë e vogël dhe nuk është përfaqësuese, por, qëllimi ka qenë që ta marrim direkt prej kandidatëve, dhe është hera e parë që kanë folur publikisht për shpenzimet dhe burimet gjatë fushatës zgjedhore, në mënyrë që të japin një pasqyrë pak më të përgjithshme se si zhvillohet fushata. Kemi organizuar dy fokus grupe, një me kandidatë të partive polikë dhe një me ekspertë dhe gazetarë që janë marrë me fushatën zgjedhore për t’i verifikuar gjetjet të cilat kanë qenë prej këtij studimi”, tha ai.

Raporti ka marrë mostra për përfaqësuesit e tri parti kryesore politike të Kosovës, ku sipas Krasniqit Lëvizja Vetëvendosjes ka përdorur një prej këtyre kritereve, aspektin gjeografik të përfaqësimit.

“Në Lëvizjen Vetëvendosje, kandidatët na kanë thënë se është marrë parasysh aspekti gjeografik i përfaqësimit, me ndikimin që këta persona kanë në zonat nga të cilat vijnë. Pastaj, ka qenë aftësia polarizuese e kandidatëve, në kuptimin e përfaqësimit të temave qendrore, politike dhe ballafaqimit me rivalët politikë. Pastaj, aktivistë të hershëm dhe ata që kanë pasur një pushtet ekzekutiv kanë pasur përparësi në lista. Afërsia me liderin dhe me strukturat e partisë politike ka qenë një kriter tjetër i pashkruar, por kandidatët e kanë ditur se kjo ka pasur peshë se kush është vendosur në listë dhe pozicionin të cilin kanë pasur. Dhe, figura nga akademia dhe bota e showbizit, persona të cilët kanë përkrahës dhe mund të sjellin vota të reja në subjekte politike”, tha ai.

Ndërkaq, sipas tij, Partia Demokratike e Kosovës ka pasur kriter edhe që të mos kenë aktakuza kandidatët.

“Te Partia Demokratike e Kosovës, ka qenë kriter që të mos kenë aktakuza, të jetë një listë e pastër dhe me integritet. Të jenë figura politike, dhe të jenë profilizuar në fusha të caktuara. Mosha dhe kandidatët që nuk kanë pasur angazhime të më hershme politike, e cila ka qenë një përpjekje për të paraqitu reforma në parti . Pastaj, historiku i kontributit për vendin dhe lidhjet me luftën E UÇK-së, ka qenë diçka që kanë pasur parasysh në hartimin e listës dhe elementi gjeografik për përfaqësim jashtë rajonit të Drenicës, për shkak se janë parë si një parti politike e cila ka një bazë aty”, tha ai.

Në fund, studimi ka treguar se Lidhja Demokratike e Kosovës, ka përdorur këto kritere, ku afërsia me liderin është konsideruar si një përparësi për renditjen në listën e LDK-së.

“Te Lidhja Demokratike e Kosovës, na është thënë që synimi ka qenë ta mbrojnë votën konservative të LDK-së, janë vendosur figura aktiviste të hershme të partisë, politike, profile profesionale, kandidatë të cilët kanë pasur ose kanë krijuar lidhje me komunitetin e biznesit, ose që tregojnë një kuptim për mënyrën se si zhvillohet ekonomia ose ndërmarrësia. Qëllim është që partia të duket një parti e fortë në aspektin ekonomik. Por, edhe afërsia me liderin është konsideruar si një përparësi për renditjen në listën e LDK-së”, tha ai.

Në publikim u fol edhe për kostot e përdorura gjatë fushatës dhe u prekën çështjet e pabarazisë gjinore gjatë shpenzimeve. /KP/

Greva një mujore e minatorëve të Spaçit, e shoqëruar me akuza për shkelje dhe presion mbi aktivitetin sindikal, e detyroi ministren e Ekonomisë dhe Inovacionit, Delina Ibrahimaj, të raportojë para Komisionit Parlamentar për të Drejtat e Njeriut dhe Mjetet e Informimit Publik.

Ndërsa deputetët u rreshtuan hapur krah minatorëve, ministrja Ibrahimaj zgjodhi një rol neutral, duke theksuar vetëm ndërmjetësimin institucional, një qëndrim që la pezull pyetjet kyçe mbi përgjegjësitë e shtetit në këtë konflikt të zgjatur.

Ministrja Ibrahimaj solli para komisionit një panoramë të përgjithshme të situatës. Ajo tha se koncesionarit turk “Tete Albania” dhe Konfederatës së Sindikatave të Shqipërisë (KSSH) iu ishte kërkuar kthimi në punë i grevistëve me qëllim që të mos përkeqësohej situata financiare për të dyja palët.

“Përfaqësuesit e kompanisë shprehën gadishmërinë për takimin me minatorët ndërkohë që ranë dakord të rikthejnë menjëherë në punë 45 minatorë, ndërsa për pjesën tjetër të tyre (22), të vlerësohej rast pas rasti,” tregoi ministrja për takimin e fundit të kryer në Spaç, ku minatorët nuk pranuan të merrnin pjesë.

“U njoftuan paraprakisht të gjithë ish-të punësuarit dhe KSSH, pasi takimi në kushtet kur nuk ka një kontratë kolektive duhet të ishte ndërmjet punonjësve, ministrisë dhe kompanisë,” vijoi ministrja Ibrahimaj.

Kryetarja e Komisionit, Jorida Tabaku, theksoi që në fillim se e drejta e punës është e drejtë kushtetuese për të cilën nuk negociohet. Për këtë, ajo e konsideroi grevën e minatorëve si një e drejtë e ligjshme.

“Ajo që ka ndodhur me pushimin e 67 minatorëve në minierën e Spaçit është në shkelje jo vetëm e kushtetutës, ligjeve të këtij vendi, por edhe i çdo parimi normal, moral dhe etik i një biznesi që operon me një leje dhe licencë në Shqipëri”, tha Tabaku.

Ministrja, në raportimin e situatës, u përqendrua edhe te informimi nga ana e Inspektoratit të Punës, duke deklaruar se konflikti ka të bëjë me “mos-dakordësinë me dokumentacionin përfaqësues sindikal dhe procedurat për nisjen e negociatave për shpalljen e grevës”.

“Greva nisi pa njoftim paraprak,” vijoi ministrja Ibrahimaj, sipas së cilës kjo kërkonte vlerësim të mëtejshëm teksa aktiviteti në minierë vijon të jetë pjesërisht i ndërprerë, me vonesa teknike dhe në rrezik për sigurinë.

Në këtë çështje, deputetët u bënë bashkë, si nga opozita ashtu edhe nga pozita duke u rreshtuar krah minatorëve si një rast që ka të bëjë me pasurinë kombëtare.

Deputetja e Partisë Demokratike, Elda Hoti tha se përfaqësuesit e ministrisë kanë kërcënuar minatorët duke iu thënë të rikthehen në punë, “përndryshe mbeten pa bukë”.

Ajo pyeti më tej ministren nëse ishte në dijeni për kushtet e punës dhe për raportimet se minatorët janë detyruar të firmosin deklarata ku heqin dorë nga çdo e drejtë.

Ministrja u shpreh se nuk kishte dijeni për to dhe se do të kërkonte informacione konkrete për vërtetësinë e tyre.

Deputeti Erion Braçe u shpreh se nuk duhej lejuar që koncesionari turk të shkelë Kushtetutën, pasi nuk është lejuar anëtarësimi në sindikatë i minatorëve.

“Nëse pronari do të ketë sindikatë të vetën ta bëjë diku tjetër, është vullneti i punëtorëve për të zgjedhur sindikatën. Konfederatën e keni në këshillin e punës, kush është ajo kompani që e vë në dyshim?! Kur ai thotë nuk të njoh se s’dua sindikatë, çfarë negociate do të bësh?! Nuk negociohet Kushtetuta me pronarin e një kompanie!” theksoi Braçe.

Por, më pas deputeti socialist këmbënguli që minatorët të kthehen në punë dhe më tej të negociojnë për kontratat kolektive, duke sjellë në vëmendje faktin se minatorët në minierën e bakrit në Spaç punonin 26 ditë në muaj, më shumë nga sa e parashikon ligji.

Pyetjes nëse ka pasur inspektime në këtë kompani iu përgjigj kreu i Inspektoratit të Punës, Eljo Muçaj, i cili tha se “nuk ishin konstatuar shkelje”.

“Tete Albania është inspektuar 10 herë, ka vetëm një denoncim për orët shtesë në vitin 2023. Tete është gjobitur dy herë në vitin 2024, me nga 400 mijë lekë, aksidentet nuk kanë qenë me pasoja për jetë”, u shpreh Muçaj.

Më tej ai deklaroi se edhe për një aksident të dhjetorit 2024 është gjobitur nënkontraktori, ndërsa kushtet në minierë “janë normale” dhe “pagat janë 20-30% më ta larta se pagat që ka kjo industri”.

Në këtë pikë, deputeti socialist Ardit Bido solli në pah diferencimin e punonjësve shqiptarë nga ata turq sa i takon pagave.

“Në këtë listpagesë që kemi përpara, një inxhinier gjeolog shqiptar paguhet me 272 mijë lekë, ndërsa një turk paguhet 459 mijë lekë”, tregoi Bido.

Ndërsa të njëjtën çështje solli edhe deputeti demokrat Gazment Bardhi.

“Ka diferencime të frikshme mes punonjësve shqiptarë dhe turq. Ata që janë punëtorë turq për të njëjtën punë marrin dy-tre herë më shumë”, tha Bardhi.

Gjatë raportimit, ministrja Ibrahimaj nuk u ndal te shqetësimet e minatorëve dhe as te kërkesat e tyre gjatë kësaj periudhe, sikurse organizimi sindikal, nënshkrimi i një kontrate kolektive, kushte më të mira në punë, siguri dhe paga më të mira.

Sot, përpos kushteve atmosferike minatorët vijojnë të jenë në grevë, e cila nisi më 13 tetor, ndërsa protesta dhe bojkoti i punës kishte nisur që pesë ditë më herët, më 8 tetor.

Përpos negociatave dhe takimeve në zyrën e pajtimit dhe në ministrinë e Ekonomisë dhe Inovacionit ende nuk ka një dakordësi për zgjidhjen e situatës.

Pikënisja dhe organizimi i minatorëve të Spaçit

Më 8 dhe 9 tetor rreth 70 minatorë të Spaçit bojkotuan punën dhe u mblodhën në protestë para ambienteve të minierës së bakrit dhe kompanisë “Tete Albania” për kushte më të mira, siguri dhe nënshkrim të kontratës kolektive duke njohur sindikatën e tyre të formuar më 16 gusht 2025.

KSSH-ja iu drejtua kompanisë për të filluar diskutimin e bisedimeve për nënshkrimin e kontratës.

Më 7 tetor, kompania iu drejtua KSSH-së me shkresë duke i thënë se ka mungesë dokumentacioni.

Sipas saj sindikata e re nuk kishte dorëzuar dokumentacion të vlefshëm ligjërisht dhe se KSSH nuk kishte paraqitur listën e anëtarëve apo vendimin e krijimit të saj.

Më 8 tetor, KSSH njoftoi kompanisë “Tete Albania” për nisjen e grevës së përgjithshme pa afat më 13 tetor.

Me një shkresë, kompania iu drejtua KSSH-së më 9 tetor ku i theksoi paligjshmërinë e grevës.

“KSSH-ja nuk ka provuar që anëtarët e konfederatës janë punëmarrës të shoqërisë së tyre, ndaj edhe nuk ka asnjë tagër dhe të drejtë për të zhvilluar bisedime në emrin e tyre”, thuhej në shkresën e kompanisë drejtuar KSSH-së.

Më 10 tetor u mbajt një takim ndërmjetësues mes KSSH-së dhe “Tete Albania” në Drejtorinë Rajonale të Agjencisë kombëtare të Punësimit dhe Aftësive në Lezhë. Takimi nuk pati asnjë dakordësim.

“Ndërmjetësi konstaton se nuk ekziston aktualisht frymë bashkëpunimi midis palëve; palët nuk janë të gatshme të vijojnë negociata në kuadër të procesit të ndërmjetësimit”, u tha në procesverbalin e mbajtur nga kjo drejtori rajonale.

Më 13 tetor minatorët nisën grevën e përgjithshme dhe tetë ditë më vonë, më 21 tetor, përfaqësuesit zhvillojnë takim ndërmjetësues në Ministrisë e Ekonomisë.

Minatorët kërkuan kthimin në punë të 17 kolegëve të tyre që u pushuan javët e fundit dhe nënshkrimin e një kontrate kolektive, por këto kërkesa si dhe 8 pika të tjera nuk u morën parasysh nga përfaqësuesit e kompanisë, të cilët vijuan ta konsiderojnë grevën të paligjshme dhe sindikatën përfaqësuese “pa mandat ligjor”.

Edhe ky takim ishte pa rezultat.

Më 30 tetor, minatorët e zhvendosën grevën dhe protestën para Kuvendit, ku përsëritën kërkesat me thirrjen që ato të marrin zë edhe në Kuvend.

Po në këtë ditë ata zhvilluan takim me ministren e Ekonomisë dhe Inovacionit Delina Ibrahimaj. Pas pasqyrimit të siutatës nga ana e përfaqësuesve të minatorëve dhe Konfederatës së Sindikatave ministrja kërkoi evidentimin e argumentave ligjorë për mbrojtjen e pretendimeve që konfederata kishte.

Më 4 nëntor 2025, Ministria e Ekonomisë dhe Inovacionit zhvilloi takim me kompaninë turke “Tete Albania”.

Më 7 nëntor 2025 u njoftua për një tjetër takim në Spaç, ku të pranishëm ishin edhe përfaqësues të Inspektoratit të Punës dhe Ministrisë së Ekonomisë dhe Inovacionit. Takimi nuk u realizua pasi minatorët nuk pranuan të merrnin pjesë pa përfaqësuesit e Konfederatës së Sindikatave.

Lexoni gjithashtu:

• Minatorët e Spaçit në protestë për kushte dhe të drejta në punë
• Greva në Spaç: Kompania e quan të paligjshme, 16 minatorë të pushuar
• Nga Spaçi në Tiranë: Minatorët kërkojnë dinjitet para Kuvendit
• Një muaj në grevë; Minatorët e Spaçit vijojnë rezistencën

The post Greva e Spaçit diskutohet në Kuvend: Deputetët krah minatorëve, ministria mban rol neutral appeared first on Citizens.al.

Prej orës 10:00 të ditës së sotme, krerët më të lartë të Drejtësisë kanë nisur raportimet në mbledhjen e përbashkët të Komisionit të Ligjeve dhe Komisionit për Mbikëqyrjen Institucionale lidhur me punën e bërë gjatë vitit 2024.

I pari që u ul përpara deputetëve ishte ministri i Drejtësisë, Besfort Lamallari, i cili e mori detyrën rreth një muaj më parë.

Gjatë raportimit ai u përplas me deputetët demokratë, të cilët e pyetën nëse ishte produkt i Soros, ndërkohë që ministri u shpreh se gjatë kohës së ndjekjes së studimeve, e vetmja mundësi për të ndjekur shkollën ishte mbështetja përmes organizatave të huaja.

Ndërkohë Prokurori i Përgjithshëm Olsian Çela deklaroi se mbi 2 mijë persona janë përgjuar gjatë vitit 2024 në kuadër të hetimeve të ndërmarra.

12:18: Raporti mbi kriminalitetin në vend, Prokurori i përgjithshëm raporton në Kuvend: 2159 persona të përgjuar në 2024, 933 me autorizim nga gjykata

Në seancën dëgjimore, Prokurori i Përgjithshëm, Olsian Çela, raporton mbi gjendjen e kriminalitetit, për vitin 2024.

Gjatë fjalës së tij, kryeprokurori u shpreh se në 2024, janë shqyrtuar 61167 materiale, 47576 procedime penale.

11:55: “A je produkt i Soros?”/ Debat te “Ligjet”, ministri Lamallari: Unë nuk ia bëj kujt biografinë familjare, s’kisha mundësi të merrja fond ekselence

Gjatë raportimit të ministrit të Drejtësisë në Komisionin e Ligjeve, deputetët u përfshinë në debat kur Elda Hoti e PD-së pyeti ministrin nëse ishte produkt i Soros.

Besfort Lamallari, në përballjen e parë me deputetët në Kuvend, tha se ai vetë nuk kishte marrë fonde nga ekselenca, megjithëse kishte qenë student ekselent dhe mënyra e vetme për të ndjekur studimet ka qenë përmes fondeve të partnerëve.

10:59: “Na mori malli o burrë i dheut, ku është kryeministri ta puth”, ironi dhe batuta te “Ligjet”, Manja i përgjigjet Korreshit: Edhe po erdhi, ti nuk e arrin dot

Por edhe në këtë komision, pavarësisht debateve, nuk kanë munguar as batutat dhe ironitë, e këtë herë mes drejtuesit të komisionit Ulsi Manja dhe anëtarit të PD, deputetit Saimir Korreshi.

Teksa Manja i dha fjalën për t’iu drejtuar me pyetje ministrit, i tha me batutë që të mos i shoqërojë me komente.

“Pa shumë komente te fjala, se ti çdo koment e merr me referencë nga Lushnja, po s’besoj se do na hyjë në punë te Kodi Penal”, tha Manja me batutë.

10:45: “Në 2024, u sekuestruan 65.5 mln euro pasuri”, ministri Lamallari te ‘Ligjet’: Mes objektivave për 2025, edhe përdorimi i AI në hetime proaktive

Ministri i Drejtësisë Besfort Lamallari, ka paraqitur raportin mbi gjendjen e kriminalitetit për vitin 2024, ku i është përgjigjur dhe pyetjeve nga anëtarët e këtij komisioni.

Gjatë prezantimit të raportit, ministri u shpreh se Shqipëria ka pasur në 2024 rritjen më të lartë të hetimeve proaktive dhe sekuestrimet pasurore të 5 viteve të fundit. /Tch/

Deputeti i Lëvizjes Vetëvendosje (LVV), Hekuran Murati tha se në asnjë pikë të vendimit të Gjykatës Kushtetuese nuk thuhet, sipas tij, që nënkryetari nga pakicat serbe i takon ekskluzivisht Listës Serbe.

Para fillimit të seancës konstituive për zgjedhjen e nënkryetarit të pestë, Murati tha se nevojiten edhe pesë vota për zgjedhjen e Nenad Rashiqit nënkryetar, i cili është kryetar i Partisë për Liri, Drejtësi dhe Mbijetesë.

Ministri në detyrë i Financave tha para gazetarëve se “Gjykata Kushtetuese e ka konstatuar që ndarja e deputetëve nga pakoja nuk ishte shkelje kushtetuese”.

“Gjykata Kushtetuese e ka konstatuar që ndarja e deputetëve nga pakoja nuk ishte shkelje kushtetuese, pra është në përputhje me Kushtetutën. Gjithashtu ka konstatuar që deputeti apo nënkryetari i pestë duhet të vie nga deputetët që janë përfaqësues të komunitetit jo-shumicë serbë. Në asnjë pikë, në asnjë paragraf, në asnjë fjali nuk përmendet që kjo e drejtë i takon ekskluzivisht Listës Serbe. Pra, mund të jetë njeri nga dhjetë deputetët që përfaqësojnë komunitetin serbë, jo-shumicë dhe në anën tjetër ka konstatuar që edhe mekanizmat de-bllokues, siç është rasti i tre tentativave për kandidatë, vlejnë edhe për nënkryetarin, si dhe mekanizmi tjetër de-bllokues ka konstatuar që është në rregull, që është zgjedhja përmes shortit në rast se ka refuzim apo mungesë të propozimit të kandidatëve tjerë”, deklaroi Murati.

Murati tha se deputetit serb, Nenad Rashiq i nevojiten edhe pesë vota për t’u zgjedhur nënkryetar.

“120 deputetëve u takon që të bëjnë çmos, që të votojnë, të votojnë fillimisht për, kundër dhe abstenim dhe të mos shkelin Kushtetutën siç kanë bërë disa deputetë të opozitës në seancën e kaluar si dhe në anën tjetër edhe kur të votojnë, ta kenë parasysh interesin shtetëror në mënyrë që të votohet për një kandidat i cili do të merrte votat. Dhe siç e dimë herën e fundit zotëri Nenad Rashiq kishte marrë 56 vota, krejt çfarë nevojiten janë edhe 5 vota nga 52 deputetët shqiptarë për ta konstituuar Kuvendin dhe për ta përfunduar këtë sagë”, ka shtuar Murati.

Deputetët e Kuvendit të Kosovës po mblidhen sërish sot në tentimin e gjashtëdhjetë për konstituimin e legjislaturës së nëntë. Të zgjedhurit e popullit para vetes kanë vetëm një pikë në rend të ditës: zgjedhja e nënkryetarit të Kuvendit nga radhët e komunitetit serb.

Gjykata Kushtetuese më 8 tetor ka publikuar aktgjykimin e plotë pas ankesës së Listës Serbe lidhur me konstituimin e Kuvendit. Gjykata ka thënë se Kuvendi nuk është konstituuar, ndërsa ka dhënë 12 ditë afat për deputetët që të përfundojnë procesin e konstituimit. Afati prej 12 ditësh ka nisur të rrjedhë prej ditës kur aktgjykimi i plotë u publikua në faqen zyrtare të gjykatës – më 8 tetor. /Kp/Telegrafi/

TIRANË, 9 tetor/ATSH/ Kryetari i grupit parlamentar të Partisë Demokratike, Gazment Bardhi reagoi sot pas përfundimit të seancës plenare me miratimin e pikave të rendit të ditës pa diskutime.

Bardhi e konsideroi të paprecedent zhvillimin e Kuvendit me votim pa debat, duke theksuar se PS kërkon të asgjësojë Parlamentin.

“E drejta e fjalës është thelbësore në parlament funksional. Nëse hidhet në erë Kushtetuta dhe Rregullorja e Kuvendit vetëm sepse deputetët ushtrojnë të drejtën e fjalës, duke mbyllur Kuvendin dhe duke mos lejuar debat, praktikisht ka rënë shteti sepse organi kyç kushtetues ka dalë jashtë funksioni”, tha Bardhi.

Sipas tij, kurrë në histori nuk ka ndodhur që një mazhorancë që ka 83 deputetë, i ikën debatit dhe e trajton grupin e vet parlamentar si memec dhe karton-ngritës.

“Frika e mazhorancës ndaj debatit parlamentar, tregon edhe cilësinë e qeverisjes”, përfundoi Bardhi.

Pas zgjatjes së debateve jashtë rendit të ditës në Kuvend, kryetari i Kuvendit Niko Peleshi u bëri thirrje deputetëve të opozitës për të vijuar normalisht seancën.

Më pas, ai hodhi në votim dhe Kuvendi miratoi 4 rezoluta vjetore të institucioneve të pavarura, duke mbyllur dhe seancën.

The post Bardhi: Deputetët nuk u lejuan të ushtrojnë të drejtën e fjalës appeared first on Agjencia Telegrafike Shqiptare.

Ish-minatorë, minatorë aktualë dhe banorë të Kurdarisë dolën sot në protestë para Kuvendit, duke kërkuar statusin e minatorit, një premtim që, sipas tyre, mbetet i paplotësuar nga qeveria. Protestuesit mbanin pankarta dhe përdorën megafonët për të bërë të ditura kërkesat e tyre, duke theksuar padrejtësitë që ndodhin mes punës së tyre të rrezikshme dhe pagave […]

The post Minatorët në protestë përpara Parlamentit: Ne vritemi për bukë, deputetët marrin 4 000 € appeared first on BoldNews.al.

Gazetari Basir Çollaku ka deklaruar se problemi më i madh i vendit tonë është se klasa politike, një pjesë e së cilës ka probleme me drejtësinë, nuk mund të krijojë një sistem të pastër që të pastrojë këtë politikë që e ka emëruar. I ftuar në A2 CNN, Çollaku shtoi se kandidatët për deputetë duhet […]

The post Gazetari: Kandidatët për deputet duhet të merrnin një certifikatë pastërtie para hyrjes në Kuvend appeared first on BoldNews.al.

Konstituimi i komisioneve në parlament nuk solli vetëm debate dhe përplasje politike, por edhe tinguj të një fëmijë të lindur pak javë më parë.

Anëtari më i ri në Kuvend ditën e sotme ishte Blini, fëmija i katërt i deputetes socialiste Ilva Gjuzi, i cili shoqëronte mamanë e tij në punë.

Deputetja e re socialiste, e zgjedhur më 11 maj në Kavajë, u shfaq në Komisionin e Burimeve Natyrore së bashku me djalin e saj një muajsh të lidhur rreth trupi të saj. Ledhatimet mes mamasë deputete dhe bebes së saj janë një shfaqje për herë të parë në Kuvendin e Shqipërisë, një miksim i punës si deputete dhe prindërimit që në parlamentet evropiane nuk është më prej kohësh tabu.

Pak ditë më parë, një deputete e Partisë së Gjelbër në Gjermani, Hanna Steinmüller, pasi u bë e para deputete në Bundestag që mban fjalim në podium teksa mbante foshnjën e saj në krah.

Pamje të ngjashme janë parë disa herë edhe në Parlamentin Evropian, apo të shteteve të tjera të BE-së. /A2cnn/

Opozita do të ketë të paktën dy grupe parlamentare në Kuvend, pasi përveç Grupit Parlamentar të PD, një të tillë do të ketë edhe Partia e Lirisë e drejtuar nga Ilir Meta. Burime për mediat bëjnë me dije se po ashtu, edhe aleatët e PD-së pritet të kenë një grup parlamentar më vete, e sigurisht, […]

The post EMRAT/ Zbulohen 3 deputetët që PD i dha “borxh” PL-së për të formuar grup parlamentar appeared first on BoldNews.al.

Deputetët po votojnë në mënyrë të fshehtë për të zgjedhur Kryetarin e Kuvendit.

Partia Socialiste, që fitoi zgjedhjet parlamentare të 11 majit, propozoi emrin e Niko Peleshit.
Teksa deputetët votojnë, kryeministri Edi Rama është ‘kapur’ duke pikturuar mbiu librin e Etikës së Deputetit.

The post FOTOLAJMI/ Zgjedhja e kryetarit të Kuvendit, Rama pikturon mbi librin e Etikës së Deputetit appeared first on Albeu.com.

Parlamenti hapi dyert këtë të premte për të pritur deputetët e Legjislaturës së 11-të.

Pas seancës së paradites, deputetët iu drejtuan sërish Kuvendit për të bërë betimin mbi Kushtetutë.

Vasil Llajo lexoi formulën e betimit, ndërsa të gjithë deputetët, njëri pas tjetrit, u ngritën në këmbë dhe e shqiptuan atë, duke konfirmuar zyrtarisht detyrimin e tyre për të respektuar dhe mbrojtur Kushtetutën dhe ligjet e vendit.

PD mban 1 minutë heshtje në nder të Azem Hajdarit, mazhoranca nuk i bashkohet

Ndërkaq, dy deputetë, Tom Doshi dhe Sabina Jorgo hoqën dorë nga mandati i deputetit.

Kryesuesi i seancës, Llajo, tha se deputetët që nuk kanë mundur të bëjnë betimin këtë të premte, kanë mundësi që këtë të drejtë ta ushtrojnë në një moment të dytë.

Tashmë, pas betimi, deputetët do të votojnë për Niko Peleshin, i propozuar në Asamblenë Kombëtare të Partisë Socialiste për kryetar të Kuvendit. Votimi është i fshehtë.

The post Legjislatura e re parlamentare, betohen deputetët e Kuvendit appeared first on Albeu.com.

Presidenti i Republikës, Bajram Begaj ka dekretuar datën e mbledhjes së Parlamentit të ri të Legjislaturës së XI, i dalë nga zgjedhjet e 11 majit. Deputetët e rinj do të mblidhet dhe betohet të premten, më 12 shtator, ora 10:00, një ditë pas Asamblesë së Partisë Socialiste. Në një mesazh drejtuar qytetarëve dhe deputetëve, kreu i […]

The post Begaj dekreton datën e mbledhjes së parë të Kuvendit, ja kur do të betohen deputetët e rinj appeared first on BoldNews.al.

Deputeti i zgjedhur dhe nënkryetari i Partisë Demokratike, Luçiano Boçi, i ftuar në emisionin “Kjo Javë”, foli për fillimin e sezonit të ri politik dhe sfidat me të cilat përballet opozita pas zgjedhjeve parlamentare të 11 majit, të cilat PD i ka kontestuar, duke ngritur pretendime për parregullsi dhe shkelje të rënda. Në intervistën e […]

The post Boçi: Ka dy qëndrime brenda PD-së, nëse do futemi apo jo në Kuvend do e vendosin forumet appeared first on BoldNews.al.

Gjykata Kushtetuese e Kosovës në mënyrë unanime ka vendosur masë të përkohshme përmes së cilës ua ndalon deputetëve të ndërmarrin veprime si dhe ndalon zhvillimin e ndonjë procedure për formimin e Qeverisë së re të Kosovës. Masa do të jetë në fuqi nga 5 shtatori deri më 30 shtator. Kjo masë u vendos nga Gjykata […]

The post Gjykata Kushtetuese bllokon Kuvendin e Kosovës, ndalon çdo veprim për formimin e Qeverisë së re appeared first on BoldNews.al.

Ditën e sotme, kryeministri i vendit Edi Rama, do të zhvillojë takim me drejtorët e bashkisë dhe deputët e qarkut të Tiranës.

Ky takim, do të jetë i njëjtë me takimet e zhvilluara para disa ditëve dhe është planifikuar të mbahet në orën 08:30 në ambientet e një hoteli në qendër të Tiranës.

Në këtë takim, deputetët aktual dhe ato të zgjedhur dhe drejtorët e bashkisë do të raportojnë mbi problematikat e evidentuara gjatë daljeve të tyre në terren.

Çfarë ndodhi në takimin e 4 korrikut në selinë rozë?

Fokusi i diskutimeve në këtë takim ka qenë evidentimi i problematikave që hasin qytetarët e qarkut të Tiranës.

Rama është shprehur se deputetët duhet të zbresin në terren për evidentimin e problematikave dhe të kontaktojnë më qytetarët, si dhe janë ngritur disa grupe pune për fushat të ndryshme si hapësirat publike, shërbimet, parkimi, lejet e ndërtimit.

Kryeministri ka kërkuar që brenda dy javësh, të krijohet një raport për t`u depozituar më pas në Bashki.

Raportohet po ashtu se Rama ka angazhuar dhe ministrat e kabinetit për bashkinë e kryeqyteti.

Ministri Petrit Malaj dhe Delina Ibrahimaj, janë caktuar të mbikëqyrin financat, ministri Blendi Gonxhe do të ndjekë transportin dhe trafikun, ndërsa Ogerta Manastirliu dhe Anuela Ristani do të merren me hapësira publike.

The post Rama mbledh sot deputetët e qarkut dhe drejtorët e Bashkisë së Tiranës, ja se çfarë pritet nga takimi appeared first on Albeu.com.

Pas Vlorës, Fierit, Durrësi, kryeministri Edi Rama do të “zbarkojë” edhe në Tiranë ku priten shkarkime të tjera. Kreu i qeverisë të hënën paradite pritet të mbajë një takim me drejtorët e bashkisë së Tiranës si dhe me deputetët e PS të këtij qarku. Burimet për Top Channel bëjnë me dije se ky takim i […]

The post “Furtunë” edhe në Tiranë? Punonjësit e bashkisë dhe deputetët e PS përballë Ramës, çfarë pritet nesër… appeared first on BoldNews.al.