Partia Demokratike e Kosovës (PDK) ka finalizuar renditjen e kandidatëve për listën zgjedhore, ndërsa pritet që ajo të votohet në mbledhjen e Kryesisë së partisë.
Sipas renditjes së publikuar, në top 10-she pritet të jenë: Bedri Hamza, Uran Ismaili, Vlora Çitaku, Përparim Gruda, Arian Tahiri, Besa Kabashi, Rrahman Rama, Arben Mustafa, Sala Jashari dhe Enver Hoxhaj.
Ndërkohë, në pjesën tjetër të listës renditen: Jakup Nura, Ganimete Musliu, Blerta Deliu-Kodra, Xhavit Haliti, Rrustem Mustafa, Mërgim Lushtaku, Elmi Reçica, Ariana Musliu-Shoshi, Fadil Demaku dhe Altin Krasniqi.
Kryetari i PDK-së, Bedri Hamza, ka deklaruar më herët se renditja në listë do të bazohet në rezultatin zgjedhor të kandidatëve në zgjedhjet e 28 dhjetorit, duke e konsideruar këtë si element kyç në vlerësim.
Lista përfundimtare e kandidatëve të PDK-së pritet të miratohet zyrtarisht në mbledhjen e Kryesisë dhe më pas të dorëzohet në Komisionin Qendror të Zgjedhjeve brenda afatit të përcaktuar ligjor.
Miftar Kurti, njëri nga pjesëtarët dhe udhëheqësit e UÇK-së në Zonën e Shalës së Bajgorës dhe kolonel Skender Hoxha i është bashkuar PDK-së dhe do të jenë kandidatë për deputet.
Lajmin e ka bërë të ditur kryetari i PDK-së, Bedri Hamza, përmes një postimi në Facebook.
Hamza tha se Miftar Kurti është intelektual që i ka shërbyer vendit në luftë dhe në paqe.
“Sot i urova mirëseardhje në listën tonë të kandidatëve për deputetë Prof. ass. dr. Miftar Kurtit – profesor, studiues, shkrimtar dhe luftëtar të UÇK-së. Me kontribut në arsim, kulturë, histori dhe shtetndërtim, ai përfaqëson figurën e intelektualit të angazhuar që i ka shërbyer Kosovës në kohë lufte dhe paqe. Kosova ka nevojë për njerëz me dije, përvojë dhe integritet”, është shprehur Hamza.
Kurti ka shërbyer si ndihmës komandant i Njësisë Speciale të Brigadës 141 “Mehë Uka” të UÇK-së në Zonën Operative të Shalës. Me të përfunduar të luftës ka qenë edhe pjesëtar i TMK-së me gradën major, në zonën e Katërt Mbrojtëse.
Më pastaj ka punuar si drejtor biblioteke në Mitrovicë dhe asistent profesor në Fakultetin e Edukimit.
Prej para tetë vjetëve, Kurti punon si bashkëpunëtor shkencor në Institutin e Historisë së Kosovës.
Është autor i tetë librave me tematika nga historia, letërsia dhe publicistika.
Nga ana tjetër Hamza edhe Hoxhës i ka ururar mirëseardhje duke theksuar që sot, më shumë se kurrë, Kosova ka nevojë për njerëz me integritet, përvojë dhe ndjenjë të lartë përgjegjësie.
“I urova mirëseardhje në listën tonë të kandidatëve për deputetë edhe Kolonel Skender Hoxhës, ish-komandant i Brigadës 124 të UÇK-së, ish-atashe ushtarak i Kosovës në Zagreb dhe Komandant i Gardës Kombëtare. Me dekada shërbim për vendin, ai ka qenë pjesë e rrugëtimit të Kosovës nga lufta çlirimtare deri te ndërtimi dhe forcimi i institucioneve të sigurisë së shtetit tonë. Për kontributin e tij është nderuar edhe me Medaljen e Karrierës”, ka shkruar Hamza në Facebook.
Kryetari i Partia Demokratike e Kosovës, Bedri Hamza, ka deklaruar se rasti i Rrustem Mustafa nuk mund të krahasohet me atë të Fatmir Limaj, pasi sipas tij, Mustafa asnjëherë nuk është larguar nga PDK-ja dhe nuk ka themeluar subjekt tjetër politik.
Në emisionin “Pressing” në T7, Hamza tha se Rrustem Mustafa ka qenë vazhdimisht pjesë e PDK-së dhe ka kontribuar për partinë në çdo proces zgjedhor.
“Rrustem Mustafa asnjëherë nuk u largua nga PDK-ja dhe nuk ka formuar subjekt të vetin. PDK ka demokraci, nuk është situatë e njëjtë. Asnjëherë Rrustem Mustafa nuk ka pasur subjekt politik dhe në çdo zgjedhje ka lobuar për PDK-në”, deklaroi Hamza.
Ai shtoi se në PDK ekziston demokraci e brendshme dhe se jo të gjithë brenda partisë mendojnë njësoj për çdo çështje politike.
“PDK-ja ka demokraci të brendshme dhe nuk mendojmë të gjithë në mënyrë uniforme”, tha Hamza.
Kryetari i Partia Demokratike e Kosovës, Bedri Hamza, ka bërë të ditur se kryetari i Nisma Socialdemokrate, Fatmir Limaj, nuk do të jetë pjesë e listës zgjedhore të PDK-së për deputetë.
Pas mbledhjes së kryesisë së partisë, Hamza tha se PDK-ja ka pranuar një letër nga Limaj, përmes së cilës është ofruar mbështetja e Nismës për PDK-në në zgjedhjet e ardhshme.
“E presim dhe e mirëpresim kontributin që do të japë Fatmir Limaj dhe Nisma Socialdemokrate... Kësaj radhe nuk do të jetë pjesë e listës së PDK-së”, ka thënë Hamza. “Sigurisht se z. Limaj në të ardhmen, në procese të rregullta të brendshme zgjedhore, është i mirëpritur të jetë pjesë e PDK-së. Sa i përket garimit në këtë listë, është qëndrim i përgjithshëm që fillimisht duhet të ndodhë një përkrahje për PDK-në, vullnet i mirë nga ana e Nismës Socialdemokrate, pastaj në zgjedhjet e ardhshme do t’i trajtojmë në mënyrë të duhur. Kësaj radhe Limaj s’do të jetë pjesë e listës së PDK-së”, u shpreh Hamza.
Ai sqaroi se Limaj nuk ka kërkuar të jetë pjesë e listës zgjedhore të PDK-së.
“Për korrektësi ndaj jush, Limaj nuk do të jetë pjesë e listës zgjedhore të PDK-së për deputetë. Ky ka qenë edhe vullneti i tij, pasi në letrën e dërguar ai nuk ka kërkuar të jetë pjesë e listës, por ka ofruar mbështetjen e subjektit të tij për rrugëtimin tonë të përbashkët”, u shpreh Hamza.
Hamza komentoi edhe praktikën e partive politike për nominimin e kandidatëve për kryeministër, duke thënë se në zgjedhje të gjithë fillimisht garojnë për deputetë në Kuvendin e Kosovës.
“Zgjedhjet mbahen për Kuvendin e Republikës së Kosovës. Ne të gjithë garojmë për një vend në ulëset për deputetë të Kuvendit të Republikës së Kosovës. Është bërë një trend që të nominalizohet një kandidat për kryeministër, ndërsa realisht të gjithë garojmë fillimisht për deputetë”, tha ai.
Sipas Hamzës, çështjet që lidhen me postet qeveritare varen nga rezultati zgjedhor dhe marrëveshjet politike që mund të arrihen pas zgjedhjeve./Telegrafi.
PRISHTINË, 11 maj/ATSH/ Kreu i Partisë Demokratike të Kosovës, Bedri Hamza, tha se Fatmir Limaj dhe Nisma Socialdemokrate, nuk do të jenë pjesë e listës garuese të subjektit për zgjedhjet e parakohshme parlamentare të 7 qershorit.
Hamza bëri të ditur këtë lajm pas mbledhjes së kryesisë së partisë së tij, duke theksuar se në mbledhje u trajtua kërkesa, përkatësisht letra që kreu i Nismës Socialdemokrate, Fatmir Limaj – dikur një eksponent i rëndësishëm PDK-së – i dërgoi atij.
“Sa i përket garimit në këtë listë, është qëndrimi i përgjithshëm që fillimisht duhet të ndodhë një përkrahje për PDK-në, një vullnet i mirë nga Nisma Socialdemokrate, pastaj në zgjedhjet e ardhshme ne do t’i trajtojmë kur të vijnë ato në mënyrën e duhur. Por, kësaj radhe zoti Limaj nuk do të jetë pjesë e listës së PDK-së”, tha Hamza për gazetarët.
Hamza tha se në kërkesën që Limaj i dërgoi PDK-së, ai nuk kërkoi që vet të ishte pjesë e listës garuese.
Megjithatë, udhëheqësi i PDK-së tha se presin përkrahjen e Limajt dhe Nismës Socialdemokrate në zgjedhjet e 7 qershorit, duke theksuar se “jam i bindur që kjo përkrahje do të reflektojë në rritjen e votës për PDK-në”.
Hamza tha se nuk e përjashton mundësinë që në të ardhmen, Nisma Socialdemokrate apo anëtarë të kësaj partie t’i bashkohen subjektit që ai udhëheq.
Radio Evropa e Lirë i është drejtuar eksponentëve të Nismës Socialdemokrate për koment lidhur me vendimin e PDK-së dhe është në pritje të përgjigjes.
Për zgjedhjet e 7 qershorit – që erdhën pasi deputetët dështuan që të zgjedhin një president të ri – sipas Komisionit Qendror të Zgjedhjeve janë regjistruar 22 subjekte politike dhe tri koalicione, teksa nëntë subjekte kanë hequr dorë nga garimi si të vetme ose në koalicion.
Në mesin e partive që nuk janë regjistruar për garë zgjedhore është Nisma Socialdemokrate.
Belgzim Kamberi nga Instituti joqeveritar për Politika Sociale “Musine Kokalari”, në Prishtinë, i tha më herët Radios Evropa e Lirë se Lëvizja Vetëvendosje do të përfitojë vota shtesë nga mungesa e Nismës në garë.
“Nga mospjesëmarrja e Nismës, natyrisht që përfiton pushteti, sepse megjithatë nëse konsiderojmë që Nisma do të kishte hyrë më PDK-në votat do shkonin tek ky subjekt, tash disa vota aq sa janë të Nismës ato shkrihen”, theksoi ai.
Sipas tij, këtë drejtim dëmtohet “opozita në përgjithësi, por edhe PDK-ja në kuptimin e pastër elektoral.
Limaj ditë më parë ka deklaruar për televizionin Dukagjini se është i interesuar që Nisma Socialdemokrate të shkrihet në PDK.
Ndryshe, Nisma Socialdemokrate garoi e vetme në zgjedhjet e fundit parlamentare të mbajtura më 28 dhjetor 2025. Partia e Limajt mori 15.189 vota, apo 1.59 për qind, duke mos e kaluar pragun prej 5 për qind për të hyrë në Kuvend.
Ndërkaq, në zgjedhjet parlamentare të shkurtit të vitit 2025, Limaj garoi së bashku me Aleancën për Ardhmërinë e Kosovës dhe nga tetë mandatet e fituara, tre deputetë ishin nga Nisma Socialdemokrate. /rel/
Kreu i Partisë Demokratike të Kosovës, Bedri Hamza, tha se Fatmir Limaj dhe Nisma Socialdemokrate, nuk do të jenë pjesë e listës garuese të subjektit për zgjedhjet e parakohshme parlamentare të 7 qershorit.
Hamza bëri të ditur këtë lajm pas mbledhjes së kryesisë së partisë së tij, duke theksuar se në mbledhje u trajtua kërkesa, përkatësisht letra që kreu i Nismës Socialdemokrate, Fatmir Limaj – dikur një eksponent i rëndësishëm PDK-së – i dërgoi atij.
“Sa i përket garimit në këtë listë, është qëndrimi i përgjithshëm që fillimisht duhet të ndodhë një përkrahje për PDK-në, një vullnet i mirë nga Nisma Socialdemokrate, pastaj në zgjedhjet e ardhshme ne do t’i trajtojmë kur të vijnë ato në mënyrën e duhur. Por, kësaj radhe zoti Limaj nuk do të jetë pjesë e listës së PDK-së”, tha Hamza për gazetarët.
Hamza tha se në kërkesën që Limaj i dërgoi PDK-së, ai nuk kërkoi që vet të ishte pjesë e listës garuese.
Megjithatë, udhëheqësi i PDK-së tha se presin përkrahjen e Limajt dhe Nismës Socialdemokrate në zgjedhjet e 7 qershorit, duke theksuar se “jam i bindur që kjo përkrahje do të reflektojë në rritjen e votës për PDK-në”.
Udhëheqësi i PDK-së tha se nuk e përjashton mundësinë që në të ardhmen, Nisma Socialdemokrate apo anëtarë të kësaj partie t’i bashkohen subjektit që ai udhëheq.
Për zgjedhjet e 7 qershorit – që erdhën pasi deputetët dështuan që të zgjedhin një president të ri – sipas Komisionit Qendror të Zgjedhjeve janë regjistruar 22 subjekte politike dhe tri koalicione, teksa nëntë subjekte kanë hequr dorë nga garimi si të vetme ose në koalicion.
Në mesin e partive që nuk janë regjistruar për garë zgjedhore është Nisma Socialdemokrate.
Belgzim Kamberi nga Instituti joqeveritar për Politika Sociale “Musine Kokalari”, në Prishtinë, i tha më herët Radios Evropa e Lirë se Lëvizja Vetëvendosje do të përfitojë vota shtesë nga mungesa e Nismës në garë.
“Nga mospjesëmarrja e Nismës, natyrisht që përfiton pushteti, sepse megjithatë nëse konsiderojmë që Nisma do të kishte hyrë më PDK-në votat do shkonin tek ky subjekt, tash disa vota aq sa janë të Nismës ato shkrihen”, theksoi ai.
Sipas tij, këtë drejtim dëmtohet “opozita në përgjithësi, por edhe PDK-ja në kuptimin e pastër elektoral.
Limaj ditë më parë ka deklaruar për televizionin Dukagjini se është i interesuar që Nisma Socialdemokrate të shkrihet në PDK.
Ndryshe, Nisma Socialdemokrate garoi e vetme në zgjedhjet e fundit parlamentare të mbajtura më 28 dhjetor 2025. Partia e Limajt mori 15.189 vota, apo 1.59 për qind, duke mos e kaluar pragun prej 5 për qind për të hyrë në Kuvend.
Ndërkaq, në zgjedhjet parlamentare të shkurtit të vitit 2025, Limaj garoi së bashku me Aleancën për Ardhmërinë e Kosovës dhe nga tetë mandatet e fituara, tre deputetë ishin nga Nisma Socialdemokrate./REL
Partia Demokratike e Kosovës nuk ka arritur konsensus për rikthimin e Fatmir Limajt në parti, ndërsa kundërshtimet e brendshme kanë bërë që kjo ide të refuzohet nga një pjesë e strukturave dhe figurave të rëndësishme të PDK-së.
Derisa mbledhja kryesisë së PDK-së po vazhdon, burimet e Dukagjinit kane njoftuar se tashmë është vendosur që të refuzohet kërkesa që Limaj i bëri kryetarit të PDK-së, Bedri Hamza.
Limaj i kishte shkruar javën që lamë pasë një letër Hamzës ku deklaronte se nëse nuk pranohej kthimi i tij në listën e PDK-së, ai nuk do të garojë në zgjedhjet e 7 qershorit.
Në letër Limaj shprehu gatishmërinë për bashkëpunim dhe bashkim politik, në atë që e ka quajtur lëvizje në “funksion të krijimit të një alternative të fuqishme dhe përfaqësuese për qytetarët e Republikës së Kosovës”.
“Ne besojmë se një bashkim i tillë nuk përfaqëson vetëm një marrëveshje politike apo elektorale, por edhe një frymë të bashkëpunimit ndërmjet njerëzve dhe strukturave që për vite të tëra kanë ndarë ideale, sakrificë dhe vizion të përbashkët për Kosovën”, ishte shprehur kreu i NISMA, Fatmir Limaj.
Kryesia e Partisë Demokratike të Kosovës (PDK) do të mblidhet sot në orën 16:00, ku në qendër të diskutimeve pritet të jetë çështja e rikthimit të Fatmir Limajt në strukturat zgjedhore të partisë dhe përfshirja e tij në listën për deputetë.
Kështu është raportuar nëpër media, derisa ende nuk ka ndonjë njoftim zyrtar.
Mbajtjen e takimit të Kryesisë e ka konfirmuar për Telegrafin, ish-deputeti i kësaj partie, Mergim Lushtaku.
Fatmir Limaj, të premten, i ka dërguar një letër kryetarit të PDK-së, Bedri Hamza, përmes së cilës ka kërkuar që të përfshihet në listën e kandidatëve për deputetë pa asnjë kusht.
Ish-deputeti i Partisë Demokratike të Kosovës (PDK), Mergim Lushtaku, ka deklaruar se është në favor të rikthimit të Fatmir Limajt në këtë subjekt politik, duke theksuar se kjo çështje duhet të trajtohet nga organet vendimmarrëse të partisë.
Lushtaku ka thënë se personalisht e mbështet këtë ide, por vendimi përfundimtar i takon Kryesisë së PDK-së.
Fatmir Limaj, i cili konsiderohet një nga themeluesit e PDK-së, shihet nga mbështetësit e tij si një figurë që mund ta fuqizojë partinë në prag të zgjedhjeve të 7 qershorit. /Telegrafi/
Ish-deputeti i Partisë Demokratike të Kosovës (PDK), Mergim Lushtaku, ka deklaruar se është në favor të rikthimit të Fatmir Limajt në këtë subjekt politik, duke theksuar se kjo çështje duhet të trajtohet nga organet vendimmarrëse të partisë.
Lushtaku ka thënë se personalisht e mbështet këtë ide, por vendimi përfundimtar i takon Kryesisë së PDK-së.
“Po të varej nga unë, kjo çështje do të ishte e kryer, sepse qëndrimi im ka qenë dhe mbetet PËR”, ka deklaruar ai.
Ai shtoi se do ta paraqesë këtë qëndrim edhe në mbledhjen e Kryesisë së partisë, duke bërë thirrje për respektim të vullnetit të elektoratit dhe forcim të PDK-së.
“Uroj që ta respektojmë vullnetin e elektoratit dhe, bashkërisht, ta fuqizojmë PDK-në”, është shprehur Lushtaku. /Telegrafi/
Abelard Tahiri nuk do të jetë kandidat për deputet në zgjedhjet e parakohshme parlamentare të 7 qershorit.
Lajmin e ka bërë të ditur vetë ish-deputeti i Partisë Demokratike të Kosovës (PDK), i cili tha se do të qëndrojë pranë kryetarit të partisë, Bedri Hamza, për ta mbështetur në fushatën zgjedhore.
“Do të jem pranë Kryeministrit Bedri Hamza, duke mbështetur Partinë Demokratike të Kosovës për të arritur fitoren e merituar, një fitore që do ta çojë Kosovën përpara në rrugën e saj euroatlantike dhe do të forcojë bashkëpunimin me Shtetet e Bashkuara të Amerikës dhe Bashkimin Evropian”, ka shkruar Tahiri në Facebook.
Ai ka shprehur mirënjohje për votuesit dhe përkrahësit e PDK-së, duke theksuar se angazhimi i tij politik dhe përkushtimi ndaj vlerave demokratike do të vazhdojnë edhe pse nuk do të jetë në listën zgjedhore.
Die PDK-Abgeordnete Vlora Çitaku sagte, dass die öffentliche Reaktion und der Druck der Bürger Albin Kurti dazu gezwungen hätten, seinen Versuch, den Präsidenten im "Karate-Stil" zu wählen und die verfassungsmäßige Ordnung zu stürzen, aufzugeben.
Çitaku schrieb in einem Beitrag auf dem sozialen Netzwerk Facebook, dass Kurti sein Amt als Präsident missbraucht habe.
„Ja, gestern Abend hat er alles in seiner Macht Stehende getan. Er ist herausgekommen und hat das Präsidentenamt beleidigt. Albin, der Präsident oder der designierte Präsident spricht von diesem Saal aus zu den Bürgern. Nicht der Premierminister oder der Kandidat der Mehrheit“, schrieb sie.
Çitaku betonte weiter: „Ihr gestriger Auftritt hat mit Wort und Bild deutlich gemacht, dass Sie sich selbst tatsächlich als die einzige Autorität in diesem Land sehen: Präsident, Premierminister, Minister, Generalstaatsanwalt und alles andere. Eine beschämende Vorstellung.“ /Telegrafi/
La diputada del PDK, Vlora Çitaku, afirmó que la reacción pública y la presión ciudadana obligaron a Albin Kurti a desistir de su intento de elegir al presidente "al estilo karate" y de derrocar el orden constitucional.
Çitaku, a través de una publicación en la red social Facebook, escribió que Kurti abusó del cargo de presidente.
«Sí, anoche hizo todo lo que pudo. Salió y abusó del cargo de Presidente. Albin, el Presidente o el Presidente electo se dirige a los ciudadanos desde ese salón. No el Primer Ministro ni el candidato de la mayoría», escribió.
Çitaku recalcó además: «La actuación de anoche ilustró claramente, con voz e imagen, que usted se considera la única autoridad en este país: presidente, primer ministro, ministro, fiscal general y todo lo demás. Una actuación vergonzosa». /Telegrafi/
La députée du PDK, Vlora Çitaku, a déclaré que la réaction du public et la pression citoyenne avaient forcé Albin Kurti à renoncer à sa tentative d'élire le président « à la manière du karaté » et de renverser l'ordre constitutionnel.
Çitaku, dans un message publié sur le réseau social Facebook, a écrit que Kurti avait abusé de la fonction de président.
« Oui, hier soir, il a fait tout ce qu'il a pu. Il est sorti et a insulté la présidence. Albin, le président ou le président élu s'adresse aux citoyens depuis cette salle. Pas le Premier ministre ni le candidat majoritaire », a-t-elle écrit.
Çitaku a par ailleurs souligné : « La prestation d’hier soir a clairement démontré, par ses paroles et ses images, que vous vous considérez comme la seule autorité de ce pays : à la fois président, Premier ministre, ministre, procureur général, et tout le reste. Une prestation honteuse. » /Telegrafi/
Fatmir Limaj dëshiron të kthehet në Partinë Demokratike të Kosovës. Kryetari i Nisma i ka dërguar një letër kryetarit të PDK-së, Bedri Hamza, me kërkesën që subjekti politik që ai drejton të jetë pjesë e listës së kësaj partie, për të garuar në zgjedhjet e 7 qershorit.
Në letër Limaj ka shprehur gatishmërinë për bashkëpunim dhe bashkim politik, në atë që e ka quajtur lëvizje në “funksion të krijimit të një alternative të fuqishme dhe përfaqësuese për qytetarët e Republikës së Kosovës”.
“Ne besojmë se një bashkim i tillë nuk përfaqëson vetëm një marrëveshje politike apo elektorale, por edhe një frymë të bashkëpunimit ndërmjet njerëzve dhe strukturave që për vite të tëra kanë ndarë ideale, sakrificë dhe vizion të përbashkët për Kosovën”, u shpreh kreu i NISMA, Fatmir Limaj.
Këtë bashkim Limaj e kërkon nisur nga bindja se sipas tij bashkimi dhe koordinimi i potencialit opozitar është në interes të Kosovës dhe qytetarëve të saj.
“Shprehim gatishmërinë tonë për të dhënë kontributin e plotë politik, organizativ dhe elektoral në kuadër të këtij procesi të përbashkët”, tha ai.
Në zgjedhjet e 28 dhjetorit Nisma u regjistrua si parti më vete por ajo nuk mundi të kalonte pragun prej 5 % të votave për të hyrë në parlament.
Lëvizjet politike në prag të zgjedhjeve të parakohshme të qershorit nuk janë të parat.
Më herët Vjosa Osmani rrëmbeu nga Kurti një deputete për ta prezantuar atë si kandidate në listat e përbashkëta me LDK, ndërsa me PDK një ditë më parë u bashkua Aida Dërguti-dikur nënkryetare e Kuvendit nga radhët e Vetëvendosjes.
Kryetari i PDK-së, Bedri Hamza, ka njoftuar për një aderim të ri në këtë parti.
Hamza ka bërë të ditur se në PDK është mirëpritur Dr. Sc. Naim Telaku, profesor dhe profesionist me përvojë të gjatë akademike e shkencore, i cili – sipas tij – do të jetë pjesë e listës së kandidatëve për deputetë.
“Në Partinë Demokratike të Kosovës, sot e mirëprita edhe Dr. Sc. Naim Telakun, profesor dhe profesionist me përvojë të gjatë akademike e shkencore, i cili do të jetë pjesë e listës sonë të kandidatëve për deputetë… Mirë se erdhe, profesor! Kosovës i duhen dije, profesionalizëm dhe njerëz që i shërbejnë shoqërisë me integritet”, ka shkruar Hamza në Facebook.
Ai ka theksuar se Telaku ka një rrugëtim të pasur akademik nga Prishtina e Mynihu, deri te doktoratura në Vjenë, si dhe kontribut në fushën e psikologjisë, arsimit universitar dhe licencimit profesional në Kosovë.
Kryetari i Nismës Socialdemokrate, Fatmir Limaj, i ka dërguar një letër kryetarit të Partisë Demokratike të Kosovës, Bedri Hamza, me kërkesën që subjekti i tij të jetë pjesë e listës së PDK-së për zgjedhjet e 7 qershorit.
Në shkresën e dërguar sot, Limaj ka shprehur gatishmëri për bashkëpunim dhe “bashkim politik”, duke e arsyetuar këtë si përpjekje për krijimin e një alternative më të fuqishme opozitare.
“NISMA Socialdemokrate dhe unë, si kryetar i saj, kemi shprehur vazhdimisht, si para këtyre zgjedhjeve ashtu edhe në vazhdimësi, gatishmërinë për bashkëpunim dhe bashkim politik në funksion të krijimit të një alternative të fuqishme dhe përfaqësuese për qytetarët e Republikës së Kosovës”, thuhet në letrën e Limajt.
Në të njëjtën letër, Limaj thekson se një bashkim i tillë, sipas tij, nuk do të duhej të shihej vetëm si marrëveshje politike apo elektorale, por edhe si frymë bashkëpunimi ndërmjet strukturave që, siç shprehet ai, kanë ndarë “ideale, sakrificë dhe vizion të përbashkët” ndër vite.
“Ne besojmë se një bashkim i tillë nuk përfaqëson vetëm një marrëveshje politike apo elektorale, por edhe një frymë të bashkëpunimit ndërmjet njerëzve dhe strukturave që për vite të tëra kanë ndarë ideale, sakrificë dhe vizion të përbashkët për Kosovën”, vijon më tej shkresa.
Limaj thekson se angazhimi i Nismës, sipas tij, nuk udhëhiqet nga kërkesa të veçanta politike apo organizative, por nga bindja se koordinimi i potencialit opozitar është në interes të vendit.
“Në këtë frymë, dëshirojmë të theksojmë se angazhimi ynë nuk udhëhiqet nga kërkesa të veçanta politike apo organizative, por nga bindja se bashkimi dhe koordinimi i potencialit opozitar është në interes të Kosovës dhe qytetarëve të saj”, thuhet në letër.
Në shkresë shprehet gjithashtu gatishmëria për të dhënë “kontributin e plotë politik, organizativ dhe elektoral” në kuadër të këtij procesi, ndërsa në fund Limaj thotë se mbetet i gatshëm për koordinime dhe hapa të mëtejmë.
“Njëkohësisht, shprehim gatishmërinë tonë për të dhënë kontributin e plotë politik, organizativ dhe elektoral në kuadër të këtij procesi të përbashkët… Duke besuar në mirëkuptimin, respektin reciprok dhe vullnetin për bashkëpunim, mbetemi të gatshëm për koordinimet dhe hapat e mëtejmë lidhur me këtë proces”, përfundon shkresa.
Telegrafi do të tentojë të marrë qëndrim zyrtar edhe nga PDK dhe Nisma Socialdemokrate lidhur me këtë zhvillim. /Telegrafi/
Nisma Socialdemokrate është sërish përballë një vendimi të rëndësishëm para Zgjedhjeve të Jashtëzakonshme të 7 qershorit 2026, në një situatë të ngjashme me atë të zgjedhjeve të 28 dhjetorit të vitit të kaluar, kur partia e drejtuar nga Fatmir Limaj tentoi deri në momentet e fundit të bëhej pjesë e listës së përbashkët me Partinë Demokratike të Kosovës (PDK), por pa arritur marrëveshje.
Limaj deklaroi mbrëmë në emisionin “Debat Plus” se, sipas tij, ekziston ende vullnet politik për bashkëpunim dhe ndërtim të një liste të përbashkët për zgjedhjet e 7 qershorit, duke aluduar në mundësinë e bashkëpunimit me PDK-në.
“Ka qenë vullnet edhe në zgjedhjet e dhjetorit, është një vullnet edhe sot. Jemi të interesuar që të ndërtojmë një listë të përbashkët, për atë që folëm më herët – për ndryshimin e qeverisjes. Sot është luks me u marrë me njëri-tjetrin, kur po themi që Kosova është në rrugën e keqe. Nëse Kosova është në rrugën e keqe, dhe të gjithë po besoj që është në rrugën e keqe, është koha të bashkohemi. Të maksimalizojmë vullnetin e atyre që besojmë si ne. Dhe të mos lejojmë me u bë më keq Kosova”, ka thënë Limaj.
Megjithatë, nga brenda PDK-së ka zëra skeptikë për një bashkëpunim të tillë.
Kryetari i Degës së PDK-së në Malishevë, Mevludin Mazreku, ka deklaruar për Telegrafin se Nisma Socialdemokrate, sipas tij, e ka dëmtuar PDK-në si në nivel lokal ashtu edhe në atë të përgjithshëm që nga viti 2013.
“Ne e kemi përcjellë situatën. Dega e PDK-së është dega që është sfiduar më së shumti në raport me subjektin e Nismës. Goditjet që i kemi pasur vazhdimisht prej 2013-ës deri tash, elektorati e ka ruajtur votën e PDK-së në Malishevë. Kështu që çdo përafrim, ne e kemi pasur problem me bë përafrime të tilla me ta. Është e vërtetë që këta kanë bërë përpjekje direkte, në forma të ndryshme, qoftë edhe në nivel qendror dhe me eksponentë të ndryshëm edhe brenda PDK-së, por nga ana zyrtare – ne nuk e kemi diskutuar seriozisht këtë pikë”, ka thënë Mazreku.
Foto: Mevludin Mazreku, kryetari i Degës së PDK-së në Malishevë
Ai ka shtuar se dega e PDK-së në Malishevë mban komunikim të rregullt me qendrën e partisë, por, sipas tij, veprimet e Nismës ndër vite nuk kanë dhënë sinjale për një përafrim të qëndrueshëm.
“Është e rëndësishme që raportet në nivelin qendror të PDK-së i kemi raporte të shkëlqyeshme dhe çdo veprim që e bëjmë e kemi një koordinim korrekt me ta. Pa dyshim që edhe si degë, si strukturë e degës dhe si kryesi i kemi shqyrtuar këto. Veprimet që ata i kanë bërë, kanë qenë veprime që nuk kanë dhënë sinjale që të kemi një përafrim”, ka deklaruar ai.
Mazreku ka përmendur edhe bashkëpunimin e Nismës me LDK-në në Malishevë, duke thënë se kjo, sipas tij, e bën edhe më të vështirë arritjen e një marrëveshjeje.
“Rastin e kemi në zgjedhjet e fundit lokale, që ata kanë pasur mundësi me bë një lloj bashkëqeverisjeje në nivelin lokal, ata përkundrazi – jo që s’kanë dhënë sinjale, por e kanë bërë koalicionin me LDK-në. Domethënë, ata kanë dhënë sinjale që shkojnë nga subjekte tjera e jo nga PDK-ja”, ka theksuar Mazreku.
Ai ka shtuar se, sipas tij, Nisma e ka ngritur këtë çështje kryesisht në prag zgjedhjesh.
“Jo që ne kemi pritur me bë një veprim të tillë, por faktin ata është dashur me dëshmu… Dhe kjo, të them të drejtën, nuk na ka bërë neve që të marrim hapa të tillë. Edhe pse ata, veteëm kur po janë zgjedhjet – edhe zgjedhjet e fundit, edhe në këto zgjedhje tash – ata po e iniciojnë këtë çështje, jo ne”, ka deklaruar ai.
Në fund, Mazreku tha se për Degën e PDK-së në Malishevë një marrëveshje me Nismën mbetet e vështirë, ndërsa shtoi se aktualisht nuk ka diçka konkrete.
“Për neve si degë është më sfiduese. Ne e kemi vuajtur më shumë. Nisma e ka dëmtuar PDK-në edhe në nivel të përgjithshëm, por për Degën në Malishevë nuk e kemi parë të arsyeshme me hy në biseda. Është insistimi i tyre që të na bashkohen në këto zgjedhje, andaj ende nuk ka diçka konkrete”, ka përfunduar ai.
Anëtarja e Kryesisë së Partisë Demokratike të Kosovës, Vlora Çitaku, pak ditë më parë ia ka mbyllur derën mundësisë për përfshirjen e kryetarit të Nsimsës Socialdemokrate, Fatmir Limaj në listë për zgjedhjet parlamentare të 7 qershorit.
Vlen të ceket se Komisioni Qendror i Zgjedhjeve bëri të ditur se Nisma Socialdemokrate nuk ka aplikuar për t'u regjistruar në këto zgjedhje. /Telegrafi/
Kryetari i Nismës Socialdemokrate ka deklaruar në TV Dukagjini se partia e tij nuk do të marrë pjesë në zgjedhje nëse nuk bashkohet me Partinë Demokratike të Kosovës (PDK) në një listë.
Ai ka thënë se Nisma, sipas tij, tashmë është përgatitur për një opozitë jashtë parlamentit.
“Para tre muajsh jemi përgatitur për një opozitë jashtë parlamentit, për katër vjet opozitë. Ky që po ndodh është një lloj rivotimi nga zgjedhjet e fundit. Po përgatitemi për raundin tjetër zgjedhor”, ka deklaruar ai.
Sipas tij, brenda tre muajsh nuk pritet të ketë ndryshime të mëdha në rezultatin zgjedhor.
“Duhet të jemi të sinqertë. Për tre muaj nuk mund të ndryshojë asgjë. Pak a shumë rezultatin e dimë. Ne do të përgatitemi për betejat tjera”, ka shtuar kryetari i Nismës./Telegrafi/
Mungesa e bashkëpunimit ashtu si në Kuvend, partitë politike po i përcjell edhe në zgjedhjet e reja të 7 qershorit.
Pak orë para se të skadojë afati për regjistrim të koalicioneve parazgjedhore, në KQZ është deklaruar veç bashkimi i partive boshnjake, me shkurtesën Vakat.
Në të njëjtën kohë, në fundin e 7 majit, skadon edhe një tjetër afat, ai i njoftimit për pjesëmarrje në këtë proces, nga partitë tanimë të regjistruara, procedurë të cilën e kanë kryer veç disa prej tyre.
“Janë 20 parti të regjistruara që kanë njoftuar pjesëmarrjen në zgjedhjet e 7 qershorit”, ka thënë zëdhënësi i KQZ-së, Valmir Eelezi.
Në mesin e tyre, të paktën deri në orën 15:00, pjesëmarrjen e konfirmoi LDK, AAK dhe PSD.
Ndërsa, disa parti të tjera, si Vetëvendosje e PDK, këtë procedurë e kanë lënë që ta kryejnë në momentet e fundit.
Ndërkohë, ka subjekte të cilat kanë hequr dorë gara.
“Pesë parti kanë konfirmuar që nuk do jenë pjesë e garës”, ka shtuar Elezi.
Këto janë, Partia Demokratike e Unitetit, Balli Kombëtar, Lëvizja Qytetare Vatra, Bashkimi për Ndryshim Anamorava dhe Partia e Drejtësisë.
Derisa Vetëvendosje ende se kishte deklaruar pjesëmarrjen në zgjedhje, kryetari i saj Albin Kurti, foli për bashkëpunimin e LDK-së me Vjosa Osmanin, e cila në listë do të hyjë me disa kandidatë që në legjislaturën e fundit ishin pjesë e grupit parlamentar të VV-së.
“Le të punojnë me çka dinë e mundën dhe iu dëshiroj sukses. Por duhet ta keni parasysh që për këtë gjë nuk vendos asnjë kryetar partie, asnjë pretendent për çfarëdo posti, për këtë vendos populli. Dhe mos harroni qysh ka vendosur populli para katër muajsh. Rrjedhimisht shikoni, njerëzit kanë dëshira, edhe kjo është normale, por nuk duhet me i ngatërru dëshirat me faktet”, ka thënë Kurti.
Ndërkohë, partitë kanë afat edhe pesë ditë për t’i dorëzuar listat finale me emrat e kandidatëve për deputetë./Tv Dukagjini
Login
