TIRANË, 7 janar /ATSH/ Kryetari i Komisionit për Shëndetësinë dhe Mirëqenien Sociale, Deputeti i Partisë Demokratike, Bardh Spahia u shpreh sot se raporti i fundit i KLSH-së ka konstatuar shkelje të rënda në sistemin shëndetësor në vend.

Në një deklaratë për shtyp nga Kryesia e Kuvendit, Spahia tha se “raportet e KLSH-së, auditimet e brendshme dhe raportet ndërkombëtare prej vitesh faktojnë se sistemi shëndetësor është ndër sektorët ku vidhet më shumë nga kjo mazhorancë e korruptuar”.

“Raporti i fundit mbi Fondin e Sigurimeve Shëndetësore nxjerr në pah shkelje flagrante financiare, manipulime kontrolli dhe mungesë të listës së barnave, rimbursime të pajustifikuara, mungesë barnash jetike për pacientët dhe moszbatim kontratash që kanë prodhuar miliona lekë dëm ekonomik”, tha Spahia.

Sipas Spahisë, bëhet fjalë për diferenca të pajustifikuara financiare, për barna të skaduara që kanë qarkulluar, për farmaci pa barna alternative apo cilësore për tejkalim buxheti, për miliona lekë penalitet që duhet të ishin aplikuar po nuk janë aplikuar kurrë.

“Të gjitha këto janë të dokumentuara nuk janë thashetheme, akuza politike, por janë fakte zyrtare. Raporti ngre alarmin se në depot farmaceutike të spitaleve si QSUT, Elbasan, Durrës, Shkodër e Korçë nga auditimi për një numër barnash mungon dokumentimi i datës së skadencës. Vetëm në QSUT për 26 barna vetëm për 14 prej tyre janë alternativë e vetme dhe 12 prej tyre alternativë e parë. Situatë e ngjashme edhe në spitalet rajonale, ku mbi 31 barna të marra së bashku si alternativë e vetme nuk ka pasur disponibilitet”, vijoi Spahia.

Spahia nënvizoi se “ky është korrupsion, klientelizëm dhe kapje e shtetit. Kjo është arsyeja pse shqiptarët sot përballen me spitale të rrënuara, mungesë mjekësh dhe barna të skaduara dhe me shpenzime të papërballueshme për kurimin e tyre”.

“Shqiptarët paguajnë mbi 60% para nga xhepi për kurimin e tyre. Realiteti nuk mund të sfumohet me propagandë. Kjo qeveri prej 13 vitesh nuk ka pasur qëllim reformimin e sistemit shëndetësor, por vetëm vjedhje. Ne kërkojmë, nisjen e menjëhershme nga SPAK të hetimeve si dhe nga prokuroria për të gjitha shkeljet, falsifikimet dhe dëmet e konstatuara në këtë raport. Këto janë vepra penale! Ne kërkojmë shkarkimin dhe ndjekjen penale të FSDKSH dhe atyre që kanë mbyllur sytë përpara skadencave dhe inventarëve”, tha Spahia.

/e.i/r.e/a.f/

The post Spahia: SPAK të hetojë shkeljet e konstatuara nga KLSH në shëndetësi appeared first on Agjencia Telegrafike Shqiptare.

Shkolla të pasigurta është ky konkluzioni që arrin Kontrolli i Lartë i Shtetit pas një auditimi të kryer nga shtatori 2021 deri në 2024. Monitorimi në gati 4 vite për rolin e oficerëve të sigurisë edhe punën e bërë  në institucionet arsimore ka rezultuar një proces jo efektiv, për shkak të mungesës së koordinimit institucional, […]

The post Siguria në shkolla e dështuar: Mbi 800 raste dhune, dhjetëra shantazhe, armë dhe drogë në ambientet arsimore appeared first on BoldNews.al.

Sipas një raporti të fundit të Organizatës Meteorologjike Botërore (WMO), viti 2025 pritet të renditet mes tre viteve më të nxehta të regjistruara ndonjëherë, duke vijuar trendin alarmant të ngrohjes globale. Ekspertët e WMO-së theksojnë se periudha 2015–2025 përfshin të gjitha 11 vitet më të nxehta të dokumentuara që prej fillimit të matjeve mbi 176 […]

The post Raporti i WMO: 2025 ndër vitet më të nxehtë në histori appeared first on BoldNews.al.

Sebi Alla Kryetari i Kontrollit të Lartë të Shtetit, Arben Shehu, prezantoi në Kuvend raportin e vitit 2024 të institucionit që drejton, duke dhënë shifra si mbi shtimin e auditimeve në institucionet shtetërore, ashtu edhe në referimet në prokurori për raste të shkeljeve të rënda.

Drejtuesi i KLSH-së theksoi se gjatë vitit 2024 janë kryer 159 auditime në të gjitha nivelet e qeverisjes.

“Gjatë 2024, kemi kryer 159 auditime në gjithë nivelet e qeverisjes. Sipas llojit, 45 auditime janë financiare, 43 përputhshmërie, 35 të kombinuara, 15 performance, 8 të teknologjisë së informacionit, dhe 13 mbi zbatimin e rekomandimeve. Janë kryer në 205 subjekte, 97 njësi të qeverisjes qendrore, 75 të qeverisjes vendore, 13 institucione të pavarura dhe 20 ende publikë”, tha Shehu.

Rekomandime dhe kallëzime penale

Pas auditimit të kryer në institucionet publike, qëndrore dhe lokale, KLSH për vitin 2024 ka dhënë një shifër të lartë rekomandimesh, por edhe opinione në lidhje me gjetjet e ekspertëve pas verifikimeve. “Për këto auditime, janë dhënë 194 opinione, shoqëruar me 4378 rekomandime dhe masa organizative e administrative”, tha Shehu.

Sipas tij, gjatë 2024, kanë bërë 13 kallëzime penale, që përfshijnë rastet kur auditimi ka konstatuar veprime apo mosveprime në shkelje të ligjit. Po ashtu, kanë vënë në dispozicion të Prokurorive edhe 35 materiale për hetime.

Shehu gjatë fjalës së tij konfirmoi se janë në proces auditimi edhe për Bankers Petroleum, rruga Thumanë-Kashar dhe anijet energjetike në Vlorë.

I pyetur se përse vazhdon pagesa për kontratat PPP të Check up Sterilizimit dhe dializës, ku vetë KLSH ka evidentuar pagesa të tepërta për raste që nuk janë kryer, ai tha:  “Duke pasur parasysh vëmendjen e cila është drejtuar institucionit nga deputeti Erion Brace për një vëmendje të veçantë të këtyre koncesioneve në tërësi, KLSH pas një analize të këtyre ditëve, ka vendosur kryerjen e veprimeve në mënyrë të veçantë për të plotësuar kërkesat. Për veprimet tona audituese do t’ju vendosim në dijeni.”

Shëndetësia dhe mjedisi

Duke u ndalur në të dhënat kryesore të raportit, Shehu tha se problematika të shumta janë zbuluar në sektorin e shëndetësisë dhe në çështjet mjedisore.

“Në sektorin e shëndetësisë, auditimet evidentuan mangësi në administrimin e pajisjeve edhe personelit mjekësor duke krijuar varësi nga shërbimet e jashtme dhe rritje të kostove. Shpërndarja e tyre nuk është në përputhje me nevojat reale të popullsisë, ndërsa përkujdesja ndaj pacientëve rezulton e pamjaftueshme”, tha Shehu.

Një tjetër pikë e nënvizuar ishte çështja e trajtimit dhe menaxhimit të mbetjeve urbane, por edhe atyre spitalore që kanë ndikim të drejtpërdrejtë në mjedis.

“Në fushën e mjedisit, menaxhimi i mbetjeve urbane dhe spitalore paraqet problematika të ndjeshme, ku mungesa e infrastrukturës së duhur dhe praktikave të sigurta rrezikon shëndetin publik dhe ndikon negativisht në mjedis”, tha kreu i KLSH-së.

The post Kreu i KLSH prezanton raportin në Parlament: 159 audite dhe 13 kallëzime penale appeared first on Faktoje.al.

TIRANË, 5 nëntor/ATSH/ Ambasadori i Bashkimit Europian në Shqipëri, Silvio Gonzato i dorëzoi sot kryeministrit Edi Rama, progresraportin e Komisionit Evropian për Shqipërinë, i cili u bë publik ditën e djeshme.

Në një konferencë të përbashkët për shtyp, Gonzato u shpreh se dje Komisioni Evropian miratoi edhe paketën e zgjerimit për vitin 2025, ku përfshihet edhe Shqipëria.

“Raporti i këtij viti publikohet në një moment shumë të rëndësishëm për integrimin e Shqipërisë në BE. Pesë nga gjashtë grup-kapitujt negociues tashmë janë hapur dhe po punohet për hapjen e grup-kapitullit të fundit. E gjithë kjo është arritur me një shpejtësi të jashtëzakonshme dhe përgëzoj autoritetet shqiptare për këtë rezultat të shkëlqyer”, tha Gonzato.

Gonzato u shpreh se ky moment tashmë duhet të shfrytëzohet si një mundësi unike në procesin e negocimit, pasi po hyhet në një fazë vendimtare.

“Është një fazë ku do të testohet vullneti dhe aftësia e Shqipërisë për t’u afruar me legjislacionin e BE-së. Shqipëria ka bërë përparim të ndjeshëm në zbatimin e agjendës së reformave të BE-së, në kuadër të Planit të Rritjes për Ballkanin Perëndimor, duke përmbushur 21 masa reformuese ndërmjet dhjetorit 2024 dhe qershorit 2025. Një rezultat i shkëlqyer që bëri që Komisioni Evropian të disbursojnë 99,3 milionë euro për Shqipërinë, një tregues i prekshëm i angazhimit të BE-së për të stimuluar edhe më tej ritmin e reformave të shpejta në Shqipëri”, theksoi ai.

Gonzato nënvizoi faktin se Komisioni Evropian është gati të mbështesë Shqipërinë në çdo hap të synimit ambicioz për mbylljen e negociatave të anëtarësimit deri në fund të 2027-ës.

“Shqipëria duhet jo vetëm të ruajë, por të përshpejtojë ritmin e reformave, ndërkohë që përmbushja e piketave të ndërmjetme që janë hapa konkretë që shtetet anëtare i kanë përcaktuar si kërkesa themelore që çdo vend aspirant duhet të plotësojë”, vijoi Gonzato.

“Këto piketa konsiderohen aq të rëndësishme sa pa përmbushjen e tyre nuk mund të mbyllet as provizorisht ndonjë kapitull tjetër. Raporti i vitit 2025 i publikuar dje është faktik dhe gjithëpërfshirës. Ne shpresojmë që të gjithë forcat politike, mediet, qytetarët, aktorët e biznesit do ta konsultojnë atë, pasi jep një vlerësim të drejtë për ecurinë e vendit, por thekson edhe fushat ku Shqipëria ka ngecje”, tha Gonzato.

Ambasadori i Bashkimit Evropian në Shqipëri, pohoi se periudha e raportit përfshin 1 shtatorin 2024, deri 1 shtator 2025. Sipas Gonzatos, gjetjet e këtij raporti nuk duhet të jenë surprizë pasi ato tregojnë përparësitë dhe sfidat gjatë gjithë vitit.

“Raporti i zgjerimit për Shqipërinë është pozitiv dhe konfirmon angazhimin e fortë politik të Shqipërisë ndaj integrimit në BE si prioritet kombëtar. Raporti vlerëson angazhimin për të ecur përpara në negociata, qasje që vazhdon të ruhet në nivel të njëjtë. Po ashtu dinamika aktuale duhet të përkthehet në reforma më të shpejta me BE”, tha Gonzato.

“Në përgjithësi raporti i për Shqipërinë është pozitiv, konfirmon angazhimin e plotë politik vlerëson nivelin e lartë të dëshirës dhe ambicies për të ecur përpara, ndërsa dinamika aktuale duhet të përkthehet në reforma më të shpejta. Shqipëria ka filluar të jetë në përputhje me politikat e jashtme dhe me sigurinë. Raporti vlerëson që funksionimi i institucioneve demokratike është sfiduar nga polarizimi politik, moszbatimi i disa vendimeve të Gjykatës Kushtetuese, apo mungesës së konsultimeve publike. Zgjedhjet ishin konkurruese, por u shënjuan nga mangësi të konsiderueshme, përfshirë abuzimet me burimet publike që çoi në mosbarazi në garë. Përshëndes krijimin e komisionit të përbashkët parlamentar për Reformën Zgjedhore”, tha Gonzato.

“Shqipëria ndodhet ndërmjet një niveli të moderuar në fushën e gjyqësorit. Rezultate ka në zbatimin e reformës në drejtësi dhe vlerësimin e gjyqtarëve dhe prokurorëve. Raporti vëren miratimin e strategjisë antikorrupsion. Korrupsioni mbetet i hapur në sektorë të ndjeshëm duke ndikuar në sferat publike dhe private dhe masat e marra kanë pasur reagim të pjesshëm. Shqipëria është e përgatitur për luftimin e krimit të organizuar. Është krijuar një zyrë për rikuperimin e pasurive, por do të donim të shihnim rezultate konkrete. Përparime  ka në fushën e mbrojtjes të të drejtave të njeriut. Shqipëria ka bërë përparim të kufizuar në lirinë e shprehjes. Urgjenca e reformave, me konsultime publike dhe debate në Kuvend”, pohoi Gonzato.

/e.i/j.p/r.e/

The post Gonzato: Shqipëria angazhim të fortë politik për integrimin, të përshpejtohet ritmi i reformave appeared first on Agjencia Telegrafike Shqiptare.

“Ky raport thotë shumë gjëra, por mbi të gjitha thotë një gjë që Shqipëria është në rrugën e duhur për të përmbyllur teknikisht negociatat brenda 2027.” Kështu u shpreh kryeministri Edi Rama, në konferencën e përbashkët për shtyp me ambasadorin e BE, Silvio Gonzato.

Rama ndër të tjera theksoi se ambicia e qeverisë është që në raportin e raporti 2027 të shkruahet ‘rekomandojmë anëtarësimin e Shqipërisë në BE’.

“Ky raport thotë shumë gjëra, por mbi të gjitha thotë një gjë që Shqipëria është në rrugën e duhur për të përmbyllur teknikisht negociatat brenda 2027.

Duke thënë këtë raporti i ka thënë të tëra. Ndërkohë që patjetër që në këtë rrugë të duhur, ka sfida në cdo hap. Sfida dhe cështje për t’u adresuar jo vetëm në mënyrë sasiore por edhe cilësore në cdo hap. Dhe natyrisht që, raporti i progresit është një gotë e mbushur përgjysmë.

Ajo që ne kemi bërë e do bëjmë është që duke marrë të gjithë energjinë e nevojshme nga gjysma plot të fokusohemi me të gjithë energjinë e nevojshme te gjysma bosh, që brenda 2027 të përmbyllim këtë proces dhe raporti 2027 të shkruajë rekomandojmë anëtarësimin e Shqipërisë në BE.

Kjo është ambicia jonë dhe jam shumë krenar që askush nuk harron të thotë që Shqipëria është në pararojë dhe është shembulli pozitiv. Ky është raporti për mua, të tjerat janë pjesë të detajuara të një procesi ku ne kemi kryer në kohë rekord hapjen e 5 grupkapitujve, besoj do mbyllim vitin me të gjithë kapitujt të hapur.” u shpreh ai./abcnews.al

Komisioni Evropian ka publikuar raportin e zgjerimit për të gjitha vendet kandidate, ku për Serbinë është më i pafavorshmi që nga fillimi i negociatave për anëtarësim.

Kritikat më të mëdha lidhen me përkeqësimin në fushat e demokracisë, të drejtave themelore dhe lirisë së mediave.

U theksua se në Serbi ekzistojnë sfida në funksionimin e institucioneve demokratike për shkak të polarizimit politik në rritje, si në nivel kombëtar, ashtu edhe lokal.

Nje shembull tragjik është rrëzimi i strehës në stacionin hekurudhor në Novi Sad më 1 nëntor 2024, ku humbën jetën 16 persona, i cili nxiti protestat masive studentore dhe qytetare dhe bllokada në të gjithë vendin, që vazhdojnë, raporton N1.

Shumica e protestave u lejuan nga autoritetet, dhe policia siguroi sigurinë gjatë tubimeve. Megjithatë, u regjistruan incidente dhe sulme ndaj studentëve dhe demonstruesve paqësorë, përfshirë sulme që rezultuan me lëndime të rënda, aksidente trafiku (“godit dhe ik”) dhe sulme të tjera fizike.

Gjatë verës, incidentet u intensifikuan, përfshirë aktet vandalizmi dhe sulme ndaj pronave të individëve dhe bizneseve që konsideroheshin mbështetës të protestave.

Në fushën e medias dhe shoqërisë civile, situata është vlerësuar si përkeqësim:

Janë regjistruar sulme, paditë SLAPP, intimidime dhe arrestime të gazetarëve.

Organe rregulluese dhe shërbime publike nuk janë të pavarura, dhe skena mediatike është nën “ndikim politik dhe përqendrim të pronësisë”.

Komisioni kërkon që Serbia të sigurojë “pluralizmin, pavarësinë dhe cilësinë e raportimit”.

Përpjekjet për ndikim politik në drejtësi minojnë demokracinë.

Korrupsioni mbetet në nivel të lartë, dhe lidhja mes krimit të organizuar dhe politikës si dhe mungesa e rezultateve në ndjekjen penale janë ende probleme kyçe.

Është nevojshme parandalimi i “kapjes së shtetit” (state capture) dhe sigurimi i një mbikëqyrjeje efikase mbi konfliktin e interesave dhe pasuritë e funksionarëve.

Sa i përket dialogut me Kosovën, Serbia dhe Kosova pritet të zbatojnë të gjitha obligimet e tyre nga marrëveshja për rrugën drejt normalizimit dhe aneksit për zbatimin e saj, si dhe të gjithë marrëveshjet e arritura më parë në kuadër të dialogut.

Nga Serbia pritet të fillojë zbatimin e obligimeve të veta duke pranuar dokumentet, simbolet dhe institucionet e Kosovës, ndërsa nga Kosova pritet të nisë procesin për themelimin e Asociacionit të komunave me shumicë serbe.

Në përfundim thuhet “Serbia duhet të kalojë nga përkushtimi deklarativ në atë real ndaj vlerave evropiane. Përparimi në negociata varet nga reformat në fushat e sundimit të së drejtës, lirisë së mediave dhe harmonizimit me politikën e jashtme të BE-së. Pa këto, procesi mbetet i bllokuar”, thuhet në përfundim.

The post Raporti më i ashpër i Komisionit Evropian për Serbinë – institucionet kontrollohen nga Vuçiq, zgjedhjet e parregullta dhe mediat e kapura appeared first on Albeu.com.

Raporti i Progresit i Komisionit Europian për Shqipërinë, i publikuar të martën, vlerëson me “proges të mirë” punën e Prokurorisë së Posaçme, SPAK, në kuftën kundër korrupsionit dhe krimit të organizuar, ndërkohë që ecuria në fusha të tjera që lidhen me qeverisjen ka marrë përgjithësisht nota negative ose mesatare. Në fushën e demokracisë, Komisioni Europian […]

The post Raporti i Progresit; SPAK merr notë pozitive, qeveria në vendnumëro appeared first on Reporter.al.

SHQIPËRI- Kryeministri i vendit, Edi Rama, thotë se Shqipëria do bëjë çfarëdo që do të duhet për të qëndruar më në fund si të barabartë rreth tryezës së BE-së.

Ai ka shpërndarë një reagim të komisioneres për Zgjerim, e cila ka vlerësuar Shqipërinë për “përparimin e pashembullt” gjatë vitit të kaluar, me “angazhim të fortë politik dhe aspirata të qarta për në BE të shoqërisë së saj”.

Yes, we did! And we will do whatever it takes to finally sit as equals around the EU table. Let’s keep going, fast forward, together pic.twitter.com/3ylIzzarJU

— Edi Rama (@ediramaal) November 4, 2025

“Po, e bëmë! Dhe do të bëjmë çfarëdo që të duhet për të qëndruar më në fund si të barabartë rreth tryezës së BE-së. Le të vazhdojmë, përpara, së bashku”, shkruan Rama.

“Shqipëria ka arritur një progres të admirueshëm që nga konferenca e parë ndërqeveritare. Të tjerë grupkapituj janë hapur gjatë këtij viti dhe në mujin nëntor do të hapet grupkapitulli i fundit. Shqipëria po bën progres në grupkapitullin e themeloreve dhe besoj do ta mbyllin deri në fund të këtij vitit”, tha Kos për Shqipërinë.

Më tej, Komisionerja për Fqinjësinë dhe Zgjerimin në Bashkimin Evropian, deklaroi gjatë prezantimit të progres-raportit për vendet kandidate se viti 2025 ishte një vit progresi i rëndësishëm për zgjerimin e BE-së.

“Shqipëria po bën progres në grupkapitullin e themeloreve, në fushën e shtetit ligjor dhe mendojmë se do të mund të përmbyllim këtë kapitull brenda këtij viti”, pohoi ajo./abcnews.al

 

Në renditjen e përgjithshme të Indeksit të Sundimit të Ligjit 2025 (World Justice Project), Shqipëria renditet në vendin e 87 nga 143 vende, duke u ngjitur me dy pozicione krahasuar me vitin e kaluar, kur mbante vendin e 89. Megjithatë, vendi mbetet ndër të fundit në Ballkan, duke lënë pas vetëm Serbinë (vendi 96). Në […]

The post Sundimi i ligjit, Shqipëria mbetet ndër të fundit në Ballkan appeared first on BoldNews.al.

Nga Bovilla te Hamallaj, nga Farka te Prespa, uji që na mban gjallë po bëhet pasqyrë e dështimeve tona. Raporti i pare i monitorimit “Active Water II” zbulon një Shqipëri ku liqenet urbane, kanalet kulluese dhe plazhet mbajnë brenda tyre ndotje masive fekale, kimike dhe ngërç institucional. Një fushatë monitorimi mbi trupat ujor në Shqipëri, […]

The post Raporti: Çdo trup ujor në Shqipëri i ndotur, përmbajnë mbetje masive fekale dhe kimike appeared first on BoldNews.al.

Nga Ilir Kalemaj Sado syze rozë apo mavi qofshin, prapëseprapë, raporti final i OSBE-ODIHR-it ishte më problematik se ai i 2021-shit dhe theksonte akoma më shumë ekseset e parregullsive elektorale në raport me atë paraprak që doli në maj. Në 2021shi pati në fakt dhe raporte të tjerë si ai i Transparency International që evidentoi […]

The post Ra ky raport e u pamë! appeared first on BoldNews.al.

Analisti Andi Bushati, i ftuar në emisionin “Të Paekspozuarit” deklaroi se raporti i OSBE/ODIHR për zgjedhjet e 11 Majit, evidenton vetëm 10% të problematikave, megjithatë ai tha se pika kryesore e raportit, është evidentimi për “ndarjen e papërfillshme midis partisë dhe shtetit”. “Me atë çka ndodh me zgjedhjet në Shqipëri, raporti ka nxjerrë vetëm majën […]

The post Bushati: Raporti i ODIHR tregon vetëm majën e ajsbergut, nuk pati ndarje të partisë nga shteti appeared first on BoldNews.al.

Analisti Fatos Lubonja, i ftuar në News 24, foli mbi raportin e OSBE/ODIHR për zgjedhjet parlamentare të 11 majit. Lubonja tha se ndërkombëtarët në Shqipëri nuk kanë qenë një arbitër i mirë në garën politike, por shumë i keq. Sipas tij, ata e konsiderojnë Shqipërinë shtet të dorës së dytë, ndërsa nuk kanë vendosur ende […]

The post “Ndërkombëtarët janë arbitër shumë i keq”/ Lubonja: Na konsiderojnë shtet të dorës së dytë appeared first on BoldNews.al.

Gazetari Lutfi Dervishi deklaron se raporti i ODIHR për zgjedhjet e 11 majit tregoi se Shqipëria ka bërë hapa pas në këtë drejtim për shkak të kërcënimit të administratës, shitblerjes së votës apo edhe patronazhimit. I ftuar në A2 CNN, Dervishi vuri në dukje se ende nuk ka një reagim nga mazhoranca për këtë raport, […]

The post Raporti i ODIHR/ Lutfi Dervishi: Në PS nuk thanë gjysmë fjale, presim nga Diella appeared first on BoldNews.al.

Komisioneri Shtetëror i Zgjedhjeve, Ilirjan Celibashi, ka reaguar pas publikimi të raportit final të OSBE-ODIHR-it për zgjedhjet parlamentare të 11 majit. Përmes një postimi në “X”, sCelibashi thekson se partitë politike duhet të angazhohen për të përfunduar një reformë domethënëse zgjedhore brenda një viti. “Do të jetë shenjë serioziteti dhe përgjegjshmërie institucionale dhe politike e […]

The post Celibashi: Reforma Zgjedhore duhet të përfundojë brenda 1 viti appeared first on BoldNews.al.

Presidenti i Partisë së Lirisë, Ilir Meta, ka reaguar sot pas raportit përfundimtar të paraqitur nga OSBE-ODIHR për zgjedhjet e 11 majit. Ai i cilësoi zgjedhjet si të pabarabarta, ku mungoi liria dhe fshehtësia, duke i krahasuar edhe me një “përdorim të shfrenuar të dopingut” “Raporti i OSBE-ODIHR konstaton se zgjedhjet e 11 Majit nuk […]

The post Ilir Meta reagon nga burgu për raportin e OSBE/ODIHR: Zgjedhjet nuk ishin as të lira dhe as të barabarta appeared first on BoldNews.al.

Belind Këlliçi, ishte i ftuar në emisionin ‘A Show’ ku foli për kandidaturën e aktorit Florjan Binaj dhe situatën politike pas zgjedhjeve të 11 majit. Sipas Këlliçit, kandidatura e Binajt ka ngjallur një valë të madhe entuziazmi në publik, veçanërisht në rrjetet sociale dhe tek të rinjtë e Tiranës. “Flor Binaj ka gjeneruar deri tani […]

The post Këlliçi: Brenda dy ditësh pritet raporti përfundimtar i ODIHR, është më i rëndë se ai paraprak appeared first on BoldNews.al.

Më shumë se 60 vjet pas vrasjes së presidentit amerikan John F. Kennedy në Dallas, ende ekzistojnë shumë pikëpyetje rreth asaj që ndodhi vërtetë atë ditë dhe kush ishte përgjegjës. I vetmi autor zyrtar i vrasjes mbetet Lee Harvey Oswald, një ish-marins amerikan, që më vonë u bë qytetar sovjetik. Ai u vra dy ditë […]

The post Rusët i dorëzojnë SHBA-së “raportin sekret” të KGB-së për vrasjen e Kennedy-t appeared first on BoldNews.al.

Prona, është burimi i mjaft të këqijave dhe tragjedive në Shqipërinë e pas viteve ’90-të. Duket paradoksale por edhe vetë shteti, nuk ka arritur dot të vërë në shërbim pronat e tij për t’i vënë në funksion të shërbimeve dhe të mirave publike. Kjo përbën një prej pikave përse shteti detyrohet të marrë ambiente me […]

The post Kontrata klienteliste? Pronat e shtetit lihen në degradim, shpenzohen mln për qira zyrash te privatët appeared first on BoldNews.al.