Agjentët e Mirlind Dakut e kanë ofruar sulmuesin shqiptar te disa klube gjermane, duke hapur skenarin e një transferimi të mundshëm, megjithëse një lëvizje në dimër nuk shihet si opsion real në këtë moment.

Sipas informacionit të publikuar nga “Championat”, përfaqësuesit e 28-vjeçarit të Rubin Kazan e kanë prezantuar profilin e tij te disa skuadra të Bundesligës dhe Bundesligës 2.

Augsburg, Mainz dhe Hamburg janë ndër klubet që kanë shfaqur interes konkret për blerjen e sulmuesit shqiptar.

Megjithatë, agjencia që menaxhon Dakun ka bërë të qartë për gazetaren Maria Kutsubeeva se pavarësisht interesimit të madh, merkatoja e janarit nuk konsiderohet periudha e duhur për një transferim.

“Ka shumë interes për Dakun nga Gjermania, por ne mendojmë se dritarja e dimrit nuk është momenti i përshtatshëm për një lëvizje të tillë”, ka deklaruar agjencia e lojtarit.

Daku është pjesë e Rubin Kazan që nga korriku i vitit 2023 dhe ka kontratë të vlefshme deri në qershor 2029. Me Kombëtaren shqiptare ai numëron 15 paraqitje.

Në edicionin aktual të Superligës Ruse, sulmuesi ka realizuar një gol dhe ka dhënë pesë asistime në nëntë ndeshje, duke qenë një nga pikat më të rëndësishme të skuadrës së tij në repartin ofensiv.

Vlera e tij aktuale në treg vlerësohet në 10 milionë euro sipas Transfermarkt, çka e bën një profil tërheqës për klubet gjermane në prag të verës./Telegrafi

TIRANË, 18 janar/ATSH/ Zëvendësministrja e Shëndetësisë dhe Mirëqenies Sociale, Eugena Tomini vizitoi sot Qendrën Shëndetësore Nr. 5 në Tiranë, ku bisedoi me mjekët mbi situatën e krijuar nga virozat e stinës.

Tomini bëri thirrje për kujdes të shtuar ndaj personave me sëmundje kronike dhe konsultim të rregullt me mjekun e familjes.

Sipas mjekëve të kësaj qendre, kryesisht pacientët vijnë me viroza respiratore të stinës, por nuk mungojnë edhe rastet me kovid.

Pacientët testohen pranë kësaj qendre për testet e kovidit, ndërsa për analiza të mëtejshme mostrat dërgohen për analizim edhe pranë Institutit të Shëndetit Publik.

Tomini theksoi rëndësinë e vaksinimit, ndërsa theksoi se certifikatat e vaksinimit gjenerohen edhe përmes platformës qeveritare “e-Albania”.

/m.m/r.e/

The post Virozat e stinës, Tomini: Kujdes i shtuar ndaj personave me sëmundje kronike appeared first on Agjencia Telegrafike Shqiptare.

TIRANË, 18 janar/ATSH/ Ministri i Turizmit, Kulturës dhe Sportit Blendi Gonxhja ndau sot statistikat e zhvillimit të turizmit dhe kulturës për vitin 2025, që dëshmojnë rritjen e interesit për Shqipërinë.

Gonxhja u shpreh se këto statistika reflektojnë ndikimin e politikave të ndjekura, investimeve të realizuara dhe bashkëpunimit mes institucioneve qendrore e vendore.

Konkretisht në vitin 2025 Shqipërinë e vizituan mbi 12,4 milionë vizitorë të huaj, ose rreth 770 mijë më shumë krahasuar me vitin 2024.

Vetëm nga Kosova, numri i vizitorëve shënoi rritje me 5,3% krahasuar me vitin 2024.

Të ardhurat nga turizmi për 9-mujorin 2025 arritën në 4,4 miliardë euro, ose një rritje prej 14,5%.

Po ashtu, sitet e trashëgimisë kulturore u vizituan nga mbi 1,5 milionë vizitorë, duke shënuar rritje të të ardhurave me 30,63% krahasuar me vitin 2024.

“Këto të dhëna dëshmojnë jo vetëm rritjen e interesit për Shqipërinë si destinacion, por edhe përmirësimin gradual të standardeve, shërbimeve dhe ofertës kulturore në të gjithë territorin”, u shpreh Gonxhja.

Njëkohësisht, Ministri theksoi se “ato na vendosin përpara nevojës për planifikim më të kujdesshëm, menaxhim të qëndrueshëm dhe orientim strategjik, në mënyrë që ky zhvillim të përkthehet në përfitime afatgjata për komunitetet, ekonominë dhe imazhin ndërkombëtar të vendit”.

/m.m/r.e/

The post Gonxhja: Mbi 12,4 milionë vizitorë të huaj në 2025-ën appeared first on Agjencia Telegrafike Shqiptare.

Qendra e Numërimit dhe Rezultateve është duke vazhduar numërimi i fletëvotimeve sipas listës së vendvotimeve, sipas përditësimit të fundit në faqen e KQZ-së, 312 nga 914 vendvotime janë numëruar.

Nga ky proces verifikimi disa kandidatëve brenda partive i janë hequr votat e disa të tjerëve janë shtuar ato.

Kandidatët e Lëvizjes Vetëvendosje me më së shumti vota të zbritura:

Ejup Maqedonci – 250 vota

Vendenis Lahu – 238 vota

Filiz Mustafa – 226 vota

Adelina Stublla – 165 vota

Albin Kurti – 152 vota

Dafina Alishani – 141 vota

Glauk Konjufca – 86 vota

Kandidatët e PDK-së me më së shumti vota të zbritura:

Fetah Paçarizi – 1,336 vota

Nait Hasani – 669 vota

Arianit Çollaku – 506 vota

Xhavit Haliti – 477 vota

Luljeta Veselaj Gutaj – 451 vota

Kujtim Gashi – 440 vota

Enver Hoxhaj – 430 vota

Kandidatët e LDK-së me më së shumti vota të zbritura:

Xhavit Uka – 358 vota

Visar Azemi – 193 vota

Driton Selmanaj – 175 vota

Anton Quni – 146 vota

Alban Zogaj – 38 vota

Florian Dushi – 28 vota

Lumir Abdixhiku – 27 vota

Sinjali – aty ku e vërteta flet para lajmit!

/GazetaSinjali/

The post Rinumërohen 312 vendvotime: Cilët kandidatë humbën më së shumti vota? appeared first on Sinjali.

Pas rinumërimit të kandidatëve që po humbin vota edhe në Partinë Demokratike të Kosovës pati humbje të tilla.

Humbje pati më së shumti humbi Kosovare Murseli 99 vota, më pas Xhevahir Geci me 76 vota, Linda Nebiu 75 vota, kurse Besim Ilazi humbi 52 vota.

Kurse Përparim Gruda doli me 37 vota më shumë, kurse Bedri Hamza humbi 17 vota.

Sinjali – aty ku e vërteta flet para lajmit!

/GazetaSinjali/

The post Edhe kandidatët e PDK-së humbin vota pas rinumërimit appeared first on Sinjali.

Nga Boldnews.al Nëse drejtësia e re do ishte në monitorim për gjithçka ndodh brenda 24 orëve, me siguri do të shkonte një zarf i zi, për tu dhënë përjashtimin disa kllounëve me pantollona apo fustan, mbi të cilën hedhin mantalin e zi të gjyqtarit apo prokurorit. Ky është Big Brother-i” i drejtësisë që në një […]

The post Drejtësi “Big”, Monika opinioniste, Irena banore! appeared first on BoldNews.al.

TIRANË, 15 janar /ATSh/ Trajneri i Dinamo City-t Ilir Daja është zgjedhur si trajneri më i mirë i muajit dhjetor 2025.

Drejtoria Teknike e FShF-së ka përzgjedhur teknikun e Dinamo City, Ilir Daja si trajnerin më të mirë të muajit dhjetor, pas katër fitoreve të shënuara në kampionat si dhe pas fitimit të Superkupës së Shqipërisë.

Gjatë këtij muaji, trajneri kryeqytetas regjistroi rezultate të shkëlqyera me Dinamo City, duke arritur katër fitore të rëndësishme në kampionat: ndaj Tiranës, Flamurtarit, Vorës dhe Partizanit. Sukseset kulmuan me fitimin e Superkupës së Shqipërisë, në finalen ndaj Egnatias.

Për Ilir Dajën, kjo është hera e dytë që fiton këtë çmim, pasi më parë ishte shpallur trajneri më i mirë i muajit tetor nga Drejtoria Teknike e FShF-së.

Trofeu iu dorëzua trajnerit Daja nga trajneri i Kombëtares U-17, Fatjon Tafaj, para ndeshjes Teuta-Dinamo City. Ky çmim vjen si vlerësim për përkushtimin dhe rezultatet e arritura, duke reflektuar punën e tij të vazhdueshme në zhvillimin e skuadrës.

The post Katër fitore në kampionat dhe Superkupa, Ilir Daja zgjidhet trajneri i muajit dhjetor appeared first on Agjencia Telegrafike Shqiptare.

TIRANË, 15 janar /ATSH/ Virusi i Covid 19 vijon të qarkullojë në vend, vite pas përfundimit të pandemisë që solli emergjencë shëndetësore në të gjithë botën dhe ndryshoi mënyrën e jetesës.

Kështu, Operatori i Shërbimeve të Kujdesit Shëndetësor informoi se gjatë vitit 2025 për periudhën janar-dhjetor, janë kryer 20,048 testime të shpejta (RT) për COVID-19, nga të cilat rreth 1,793 kanë rezultuar pozitive, që përbëjnë rreth 9% të totalit.

Testet e shpejta për Covid 19 vijojnë të mbeten një nga mjetet kryesore për identifikimin e hershëm të infeksionit me SARS-CoV-2.

Ndërsa në vend qarkullojnë virozat stinore, ka ende të prekur nga Covid 19.

Testimi i hershëm mbetet një nga mënyrat më të rëndësishme për të frenuar përhapjen e COVID-19 dhe për të mbrojtur shëndetin e qytetarëve.

Testet e shpejta për Covid 19 dallohen për lehtësinë e përdorimit dhe përgjigjen e shpejtë, zakonisht brenda 15–20 minutash. Ato janë të përshtatshme për përdorim në kushte shtëpie, qendra shëndetësore apo institucione, duke ofruar një orientim të shpejtë mbi gjendjen shëndetësore të personit të testuar.

/e.i/j.p/

The post 9% raste pozitive me COVID 19 nga 20 mijë testime të shpejta gjatë 2025-ës appeared first on Agjencia Telegrafike Shqiptare.

Mbrëmjen e djeshme, Vëllai i Madh mori një vendim të fortë ndaj banorëve të “Big Brother VIP 5”, pas shkeljeve të vazhdueshme të rregullores.

Fillimisht, Kristi, Flori dhe Brikena u ndëshkuan duke u vendosur në një “burg” të improvizuar brenda shtëpisë, si pasojë e thyerjes së rregullave. Ndërkohë, pjesa tjetër e banorëve u caktuan në rolin e “gardianëve”, të cilët do të kujdeseshin për zbatimin e rregullores dhe kishin detyra të përcaktuara qartë.

Megjithatë, gjatë orëve në vijim, as të “burgosurit” dhe as “gardianët” nuk i respektuan rregullat e vendosura nga produksioni. Sjelljet jashtë kornizës së lejuar dhe moszbatimi i detyrave bënë që Vëllai i Madh të ndërhynte sërish me një vendim të ri.

Pas vëzhgimit të situatës, u bë e ditur se vetëm Brikena kishte treguar korrektësi dhe kishte respektuar plotësisht rregulloren. Për këtë arsye, ajo u shpall lidere e javës dhe fitoi edhe një avantazh në lojë, ndërsa të gjithë banorët e tjerë do të përballen me penalizime.

Vendimi u komunikua përmes zarfit të bardhë, ku thuhej se “burgu” nuk do të ishte më funksional, pasi rregullat ishin shkelur nga pothuajse të gjithë, me përjashtim të Brikenës. Ky zhvillim pritet të ndikojë ndjeshëm në dinamikat e lojës dhe në raportet mes banorëve në ditët në vijim.

The post Shkelje rregullash në BBV5, jepet avantazh për Brikenën, penalizim për të tjerët appeared first on Albeu.com.

TIRANË, 14 janar/ATSh/ Prindërve që nuk disponojnë dokumentet si fatura tatimore ose  kontrata nuk do t’u njihen për rimbursim shpenzimet arsimore gjatë plotësimit të Deklaratës Individuale Vjetore të të Ardhurave (DIVA) për periudhën janar-dhjetor 2025.

Administrata Tatimore sqaron se rekomandohet që çdo pagesë për arsimim të kryhet në mënyrë të dokumentuar.

Për herë të parë, me ndryshimet në ligjin “Për procedurat tatimore”, prindërit dhe kujdestarët ligjorë me të ardhura të ulëta dhe të mesme do të mund të përfitojnë këtë vit kompensim ushqimor dhe arsimor për fëmijët në ngarkim, përmes deklaratës vjetore të të ardhurave personale DIVA 2025.

Skema synon të lehtësojë barrën financiare të familjeve, duke ofruar zbritje nga baza tatimore në varësi të numrit të fëmijëve dhe shpenzimeve të kryera për arsimimin e tyre.

Përfitimi u takon atyre që deklarojnë në DIVA 2025 fëmijët në ngarkim dhe shpenzimet përkatëse arsimore, ndërsa kushti kryesor mbetet që të ardhurat e tatueshme vjetore të mos tejkalojnë 1,2 milionë lekë.

Pyetje dhe Përgjigje DIVA 2025

1. Çfarë është DIVA?

DIVA është Deklarata Individuale Vjetore e të Ardhurave.
Sipas ligjit të ri “Për tatimin mbi të ardhurat” i ndryshuar, quhet Deklarata Vjetore e të Ardhurave Personale (DVAP)

2. Kur duhet ta dorëzoj DIVA 2025?

Afati për dorëzimin e DIVA është 31 mars 2026.

3. Për cilën periudhë deklarohet?

Deklarohet për periudhën janar-dhjetor 2025.

4. Kush ka detyrim për të deklaruar të ardhurat personale vjetore 2025?

Individët me të ardhura vjetore mbi 1.2 mln lekë bruto, nga të gjitha burimet;
Individët që për të paktën 1 muaj gjatë vitit 2025 kanë qenë të punësuar në më shumë se 1 punëdhënës;
Individët që kanë realizuar të ardhura mbi 50 mijë lekë për të cilat nuk kanë paguar tatimin në burim (shembull: platformat Booking, Airbnb, Youtube, të ardhurat nga qiradhënia) etj.

5. Kush përfiton rimbursim?

Çdo individ që ka plotësuar në DIVA 2025: Rubrikën përkatëse për numrin e fëmijëve në ngarkim.

Rubrikat përkatëse për shpenzimet arsimore. Ky rimbursim përfitohet nga prindërit/kujdestarët ligjorë që kanë të ardhura të tatueshme vjetore deri në 1.2 milion lekë.

Kujdes, që rimbursimi të kryhet duhet që DIVA 2025 të rezultojë me tepricë kreditore.

6. Si e përfitoj këtë rimbursim?

Individi përfiton zbritje nga baza tatimore, konktretisht për: Çdo fëmijë në ngarkim, nën 18 vjeç, përfiton tatim korrespondues për shumën e zbritur prej 48 000 lekësh;

Shpenzimet arsimore për fëmijët në ngarkim, deri në vlerën maksimale prej 100 000 lekësh;

7. Si të aplikoj për t’u rimbursuar?

Nëpërmjet dorëzimit të deklaratës DIVA 2025 në llogarinë personale në e-Filing, kur deklarata rezulton me mbipagesë.

Krijo çështje si kërkesë për rimbursim në modulin Çështjet e mia, Pyetje e Përgjithshme, në të cilën bashkëlidh: Dokument me të dhënat e llogarisë personale bankare;
Çertifikatën familjare; Dokumentacionin justifikues që vërteton shpenzimet e kryera për arsimimin e fëmijëve: Kontratat me institucionet arsimore dhe dokumentet e pagesës (faturat) për fëmijët, dokumentet (faturat) për fëmijët, dokumentet (faturat) për pagesën e gjuhëve të huaja etj.

8. Çfarë ndodh nëse nuk kam ruajtur faturat?

Në mungesë të dokumentacionit justifikues (fatura tatimore, kontrata), shpenzimet arsimore nuk njihen për rimbursim. Rekomandohet që çdo pagesë për arsimim të kryhet në mënyrë të dokumentuar.

9. Kur mund të refuzohet kërkesa për rimbursim?

Kërkesa mund të refuzohet në rastet kur:
DIVA 2025 nuk rezulton me mbipagesë;
Dokumentacioni është i paplotë ose i pasaktë;
Shpenzimet nuk janë të ligjshme ose nuk janë deklaruar në DIVA.

10. A mund ta korrigjoj DIVA 2025 pas dorëzimit?

Po. Individi mund të paraqesë deklaratë korrigjuese brenda afateve ligjore, nëse konstaton pasaktësi në të dhënat e deklaruara.

/k.s/r.e/a.f/

The post Tatimet: Nëse mungon dokumentacioni, shpenzimet arsimore nuk njihen për rimbursim appeared first on Agjencia Telegrafike Shqiptare.

Planeti Tokë sapo ka përjetuar vitin e tretë më të ngrohtë të regjistruar ndonjëherë, thanë shkencëtarët e BE-së të mërkurën.

Viti i kaluar ishte gjithashtu më i nxehti i regjistruar ndonjëherë për Antarktidën, një tjetër zile alarmi se ndryshimi i klimës po e kap edhe kontinentin e largët të mbuluar me akull, i cili për dekada dukej i mbrojtur prej tij.

Për planetin në tërësi, viti 2025 erdhi si viti i tretë më i nxehtë i regjistruar ndonjëherë, sipas të dhënave të reja nga Qendra Evropiane për Parashikime të Motit me Afat Mesëm (ECMWF).

Nxehtësia e bëri motin ekstrem më të rrezikshëm, duke përfshirë intensitetin e Uraganit Melissa në Karaibe dhe shirat musonike në Pakistan që vranë më shumë se 1,000 njerëz.

Ai gjithashtu shkaktoi probleme me ujin “me rëndësi kombëtare” në Mbretërinë e Bashkuar gjatë verës së saj rekord të nxehtë.

Edhe pse bota ka përjetuar periudha të tjera të nxehta më tej në të kaluarën, rreziku tani është se sa shpejt po ngrohet, me njerëzit dhe natyrën që e kanë të vështirë të përshtaten.

Flori dhe Miri kanë patur një bisedë ditën e sotme në “Big Brother VIP 5”, ku kanë folur për raportin e këngëtarit me vajzat e shtëpisë më të famshme në Shqipëri. Sipas Florit, Miri nuk duhet të bëjë disa gjeste për shkak të moshës që ka si dhe për familjen që ka jashtë. Nga ana tjetër, banori i përgjigjet se nuk po bën asgjë të keqe dhe se nuk dëshiron që t’i përmendin njerëzit që nuk janë në…

Source

TIRANË, 14 janar/ATSH/ Afati për dorëzimin e Deklaratës Vjetore të të Ardhurave (DIVA) për periudhën janar-dhjetor 2025 është 31 marsi i 2026-ës.

Ministri i Financave, Petrit Malaj, bëri të ditur sot se kanë detyrim për të deklaruar të ardhurat personale vjetore për vitin 2025 individët me të ardhura vjetore mbi 1,2 milionë lekë nga të gjitha burimet.

Po ashtu, detyrimi vlen edhe për individët që, për të paktën një muaj gjatë vitit 2025, kanë qenë të punësuar pranë më shumë se një punëdhënësi.

Detyrim për të dorëzuar DIVA-n kanë gjithashtu edhe individët që kanë realizuar të ardhura mbi 50 mijë lekë, për të cilat nuk është paguar tatimi në burim, si të ardhurat nga platformat Booking, Airbnb, YouTube, të ardhurat nga qiradhënia etj.

Ligji, sipas tij, parashikon edhe mundësinë e korrigjimit të deklaratës.

“Individi mund të paraqesë deklaratë korrigjuese brenda afateve ligjore nëse konstaton pasaktësi në të dhënat e deklaruara”, tha ai.

Për herë të parë, me ndryshimet në ligjin “Për procedurat tatimore”, prindërit dhe kujdestarët ligjorë me të ardhura të ulëta dhe të mesme do të mund të përfitojnë këtë vit kompensim ushqimor dhe arsimor për fëmijët në ngarkim, përmes deklaratës vjetore të të ardhurave personale DIVA 2025.

Skema synon të lehtësojë barrën financiare të familjeve, duke ofruar zbritje nga baza tatimore në varësi të numrit të fëmijëve dhe shpenzimeve të kryera për arsimimin e tyre.
Përfitimi u takon atyre që deklarojnë në DIVA 2025 fëmijët në ngarkim dhe shpenzimet përkatëse arsimore, ndërsa kushti kryesor mbetet që të ardhurat e tatueshme vjetore të mos tejkalojnë 1,2 milionë lekë.

Për çdo fëmijë nën moshën 18 vjeç aplikohet një zbritje tatimore që korrespondon me shumën prej 48 mijë lekësh, ndërsa për shpenzimet arsimore të fëmijëve në ngarkim parashikohet një zbritje totale deri në 100 mijë lekë.

Kërkesa për përfitimin e këtij kompensimi bëhet vetëm një herë dhe paraqitet nga anëtari i familjes që ka të ardhurat më të larta vjetore.

Autoritetet sqarojnë se e drejta për përfitim mbetet edhe në rastet kur individi nuk ka detyrim ligjor për të dorëzuar deklaratën DIVA 2025.

Procesi i rimbursimit realizohet përmes sistemit e-Filing, pas dorëzimit të deklaratës, kur nga përllogaritjet rezulton mbipagesë.

Më pas, aplikuesi duhet të paraqesë një kërkesë për rimbursim në modulin “Çështjet e mia – Pyetje e Përgjithshme”, duke bashkëlidhur dokumentet e nevojshme, përfshirë të dhënat e llogarisë bankare personale, certifikatën familjare dhe dokumentacionin justifikues për shpenzimet arsimore, si kontratat me institucionet përkatëse dhe faturat e pagesave, përfshirë edhe ato për kurset e gjuhëve të huaja. /j.p/

The post Malaj: Afat deri në 31 mars për dorëzimin e deklaratës DIVA 2025 appeared first on Agjencia Telegrafike Shqiptare.

Dita e sotme ka nisur paksa ndryshe në shtëpinë më të famshme në Shqipëri, “Big Brother VIP 5”. Shkak është bërë dënimi si dhe sfida që Vëllai i Madh kishte menduar për banorët.

Të ndarë në çifte, ata do të shkonin me radhë te dhoma e surprizave dhe do të qëndronin aty duke mbajtur një pulsant që të mos fikej.

Nga ana tjetër, ata ishin të dënuar që të mos qëndronin te dhoma e gjumit dhe si pasojë kanë fjetur në living apo dhe te dhoma e grimit.

Por nuk kanë munguar as bisedat, debatet dhe momentet emocionuese mes tyre. Në një moment Stenaldo i kërkon Ilirit që të bisedojnë me njëri-tjetrin.

Dy banorët dolën te divanët jeshilë dhe teksa po flisnin ata kujtuan familjarët e tyre.

Stenaldo u shpreh se familjarët i shohin gjatë gjithë kohës, por ata vetë nuk dinë asgjë për ta, çfarë emocionesh kanë apo si po e përjetojnë gjithë këtë eksperiencë të tyre në “Big Brother VIP 5”.

Ai kujtoi edhe mamanë e tij, për të cilën u shpreh se e ka marrë malli. Në këto momente, Stenaldo nuk mundi që t’i mbante lotët. E teksa Iliri u mundua që të qëndronte i fortë, edhe ai u përlot. Duke mbështetur njëri-tjetrin, ata u përqafuan.

The post Çfarë i ndodhi? Stenaldo nuk i mban dot lotët appeared first on Albeu.com.

Një zarf i zi ka mbërritur në shtëpinë e ”Big Brother Albania Vip 5”. Vëllai i madh ka sjellë zarf të zi për Keijsin, pasi banori ka thyer rregullat. Sipas Vëllait të Madh, në mënyrë të përsëritur Keijsi nuk i është bindur urdhrave të Vëllait të Madh duke iu përgjigjur në mënyrë sfiduese. Si pasojë e mosreagimit të banorëve të tjerë, ndëshkimi ka qenë kolektiv, duke iu marrë të gjitha cigaret dhe…

Source

Me ndezjen simbolike të flakadanit është hapur zyrtarisht Manifestimi Kulturor Mbarëkombëtar “Flaka e Janarit 2026” në Gjilan, i cili i kushtohet kujtimit dhe nderimit të heronjve, dëshmorëve dhe martirëve të kombit ndër breza.

Hapja e manifestimit u shënua me një defile simbolik të të rinjve në qendër të qytetit, ndërsa ceremonia qendrore dhe ndezja e flakadanit u zhvilluan në platonë e Teatrit të Qytetit.

Në këtë ngjarje morën pjesë përfaqësues institucionalë, si dhe përfaqësues të shoqatave të dala nga lufta.

Programi artistik u pasurua me interpretimet e Orkestrës Frymore “Selman Vokshi”, e cila prezantoi vepra të përzgjedhura nga kompozitorë shqiptarë, duke i dhënë ceremonisë një dimension solemn dhe artistik.

Manifestimi “Flaka e Janarit 2026” do të zgjasë deri më 31 janar dhe do të përfshijë një sërë aktivitetesh në katër shtyllat kulturore: artet pamore, letërsinë, artet skenike dhe muzikën.

Gjatë kësaj periudhe, në Gjilan pritet të mblidhen artistë dhe artdashës nga e gjithë hapësira shqiptare. /Telegrafi/

Motra e Mateos, Kejsi, ka qenë ditën e sotme e ftuar në emisionin “Fan Club”, ku ka folur për raportin e të vëllait me Brikenën.

Ajo u shpreh se nuk e kanë ditur më para për lidhjen e tyre, si dhe ka treguar se si ka reaguar Mateo kur ka parë Brikenën që u bë pjesë e shtëpisë më të famshme në Shqipëri, “Big Brother VIP 5”.

Pjesë nga biseda:

Ka patur shumë aludime se familja e ka ndaluar fejesën, si është e vërteta?

Mateo dhe Brikena janë në një moshë që mund të marrin vendimet e tyre të lira, ça kanë patur për të thënë i kanë thënë aty brenda, verisonet e tyre përputhen.

Përputhje ka patur dhe nuk ka patur, a ka ndërhyrë familja?

Mateo nuk e dinte nëse kjo marrëdhënie do të bëhej e madhe.

Nuk të ka thënë për Brikenën para se të hynte në Big?

Kur është bërë prezantimi i Brikenës, Mateo ka thënë e njoh, kam shumë respekt, është vajzë e mirë. Nuk e kam pyetur më shumë.

Familja jote ça mendon për Brikenën?

Nuk ka mendim specifik, e njohim aq sa e njohin të gjithë.

Do e pëlqenit si nuse në Elbasan?

Nuk e di sa mund të shkojnë.

The post Çfarë mendimi ka familja për Brikenën? Ja çfarë thotë motra e Mateos appeared first on Albeu.com.

TEHERAN, 10 janar /ATSH -AA/ – Numri i personave që kanë humbur jetën në protestat në Iran është rritur në 65, njoftoi Agjencia e Lajmeve të Aktivistëve të të Drejtave të Njeriut në Iran (HRANA).

Raporti, i publikuar në faqen e internetit të grupit me bazë në SHBA, thotë se demonstratat kanë zgjatur 13 ditë rresht, duke u zhvilluar në 512 vende në 180 qytete në të gjitha 31 provincat iraniane, duke rezultuar në vdekjen e 50 protestuesve, 14 zyrtarëve të zbatimit të ligjit dhe sigurisë, si dhe një civili të lidhur me qeverinë.

Demonstratat gjithashtu kanë çuar në dhjetëra të plagosur dhe 2.311 persona të arrestuar. Sipas raportit, plagosjet janë shkaktuar kryesisht nga të shtëna me fishekë dhe plumba plastikë.

Autoritetet nuk kanë lëshuar asnjë deklaratë lidhur me të vrarët ose të plagosurit.

Irani ka përjetuar një valë protestash që nga fundi i dhjetorit, kryesisht për shkak të rënies së ndjeshme të vlerës së rialit iranian dhe përkeqësimit të kushteve ekonomike.

Demonstratat nisën më 28 dhjetor pranë Pazarit të Madh të Teheranit dhe më pas u zgjeruan në disa qytete.

Dje, presidenti i SHBA-së, Donald Trump, tha se Irani është “në telashe të mëdha” ndërsa protestat po përhapen dhe theksoi se SHBA-ja po i ndjek nga afër zhvillimet dhe paralajmëroi autoritetet të mos përdorin forcë vdekjeprurëse.

Irani ka akuzuar SHBA-në dhe Izraelin për nxitjen e trazirave, me zyrtarë që paralajmërojnë se forcat e sigurisë dhe gjyqësori “nuk do të tregojnë asnjë tolerancë ndaj sabotuesve”.  /os/

The post IRAN – Arrin në 65 numri i personave që humbën jetën në protesta appeared first on Agjencia Telegrafike Shqiptare.

TIRANË, 9 janar/ATSH/ Prindërit dhe kujdestarët ligjorë me të ardhura të ulëta dhe të mesme do të mund të përfitojnë këtë vit kompensim ushqimor dhe arsimor për fëmijët në ngarkim, përmes deklaratës vjetore të të ardhurave personale DIVA 2025.

Skema synon të lehtësojë barrën financiare të familjeve, duke ofruar zbritje nga baza tatimore për numrin e fëmijëve dhe shpenzimet e kryera për arsimimin e tyre.

Përfitimi u takon atyre deklarojnë në DIVA 2025 fëmijët në ngarkim dhe shpenzimet arsimore përkatëse, ndërsa kushti kryesor mbetet që të ardhurat e tatueshme vjetore të mos tejkalojnë 1,2 milionë lekë.

Sipas Drejtorisë së Përgjithshme të Tatimeve, për çdo fëmijë nën moshën 18 vjeç aplikohet një zbritje tatimore që korrespondon me shumën prej 48 mijë lekësh, ndërsa për shpenzimet arsimore të fëmijëve në ngarkim parashikohet një zbritje totale deri në 100 mijë lekë.

Kërkesa për përfitimin e këtij kompensimi bëhet vetëm një herë dhe paraqitet nga anëtari i familjes që ka të ardhurat më të larta vjetore, ndërkohë që autoritetet sqarojnë se e drejta për përfitim mbetet edhe në rastet kur individi nuk ka detyrim ligjor për të dorëzuar deklaratën DIVA 2025.

Procesi i rimbursimit realizohet përmes sistemit e-Filing, pas dorëzimit të deklaratës, kur nga përllogaritjet rezulton mbipagesë.

Më pas, aplikuesi duhet të paraqesë një kërkesë për rimbursim në modulin “Çështjet e mia- Pyetje e Përgjithshme”, duke bashkëlidhur dokumentet e nevojshme, përfshirë të dhënat e llogarisë bankare personale, certifikatën familjare dhe dokumentacionin justifikues për shpenzimet arsimore, si kontratat me institucionet përkatëse dhe faturat e pagesave, përfshirë edhe ato për kurset e gjuhëve të huaja.

1 nga 3

/r.e/

The post Prindërit me të ardhura deri në 1,2 milionë lekë përfitojnë kompensim për fëmijët përmes DIVA 2025 appeared first on Agjencia Telegrafike Shqiptare.

Këngëtarja e njohur shqiptare dhe tashmë deputetja e rizgjedhur, Edona Llalloshi, ka reaguar për herë të parë publikisht pas rezultatit të zgjedhjeve të 28 dhjetorit, ku qytetarët i besuan edhe një mandat tjetër në Kuvendin e Kosovës.

Përmes një videoje të publikuar në Instagram, Llalloshi ka falënderuar votuesit për mbështetjen e dhënë, duke e cilësuar këtë besim jo vetëm si nder personal, por si një përgjegjësi të madhe morale dhe institucionale.

Në këto zgjedhje, Edona Llalloshi ka marrë gjithsej 44,259 vota, me ç’rast ka siguruar një ulëse në Kuvend, duke u renditur si emri i 18-të më i votuar në radhët e Lëvizjes Vetëvendosje, parti e cila në total ka siguruar 57 deputetë.

Në mbishkrimin e videos, ajo shkroi:

“Të dashur qytetarë të vendit tim, të dashur bashkëatdhetarë,
Ju falënderoj me mirënjohje të thellë për besimin që ma dhatë. Ky besim nuk është vetëm një nder personal, por, mbi të gjitha, një përgjegjësi e madhe morale dhe institucionale ndaj jush dhe ndaj Republikës sonë.
Çdo votë e juaja është zë, shpresë dhe kërkesë për përfaqësim të ndershëm, për drejtësi, barazi dhe dinjitet. Angazhimi im si deputete do të udhëhiqet nga besimi dhe përkushtimi për një shoqëri më të drejtë, më të barabartë dhe më prosperuese.
Ju siguroj se do ta ushtroj këtë mandat me integritet, përgjegjësi dhe transparencë, duke mos harruar asnjëherë se pushteti buron nga qytetari dhe i shërben vetëm atij.
Faleminderit për mbështetjen dhe për besimin tuaj.
Me respekt dhe përulësi,
Edona Llalloshi”.

Reagimi i saj është pritur me komente pozitive nga ndjekësit, të cilët i kanë uruar suksese në mandatin e radhës, duke theksuar rëndësinë e përfaqësimit dinjitoz në Kuvend. /Telegrafi/