Irani ka ekzekutuar dy burra këtë të shtunë, të akuzuar për spiunazh për Izraelin, raportojnë mediat shtetërore iraniane.

Njëri u akuzua për mbledhjen e të dhënave të inteligjencës pranë centralit bërthamor Natanz në provincën qendrore Isfahan.

Gjykata tha se Yaghoub Karimpour dhe Nasser Bakarzadeh u varën pasi u shpallën fajtorë për bashkëpunim në inteligjencë me Izraelin dhe agjencinë e tij të spiunazhit, Mossad.

Ata thanë se Karimpour i kishte kaluar informacione të ndjeshme një oficeri të Mossadit, ndërsa Bakarzadeh u akuzua për mbledhjen e detajeve mbi figurat qeveritare dhe fetare dhe vendet kryesore, përfshirë zonën e Natanzit.

Sinjali – aty ku e vërteta flet para lajmit!

/GazetaSinjali/

The post Dy të dënuar për bashkëpunim me Mossadin ekzekutohen në Iran appeared first on Sinjali.

Një rast i dhunës në familje është regjistruar në Fushë Kosovë, ku një çift bashkëshortor ka përfunduar në përleshje fizike, mëson Sinjali.

Ngjarja ka ndodhur më 1 maj 2026 rreth orës 17:00, në rrugën “Hajrullah Zymi”, ku të dyshuarit E. Sh.H, rreth 32-vjeçar dhe J. H., rreth 30-vjeçar dyshohet se kanë sulmuar njëri-tjetrin.

Sipas informacioneve, konflikti ka ardhur si pasojë e xhelozisë, ndërsa nga përleshja nuk janë raportuar lëndime serioze.

Pas ndërhyrjes së Policisë, palët janë trajtuar dhe janë intervistuar në cilësinë e të dyshuarve.

Me udhëzim të Prokurorit kujdestar, rasti është iniciuar si “Dhunë në familje” dhe po trajtohet në procedurë të rregullt.

Hetimet janë në vazhdim.

Sinjali – aty ku e vërteta flet para lajmit!

/GazetaSinjali/

The post Përleshje mes bashkëshortëve në Fushë Kosovë – dyshohet xhelozia si shkak appeared first on Sinjali.

Një incident me zjarr është regjistruar në orët e para të mëngjesit në Prizren, ku një shtëpi është përfshirë nga flakët, mëson Sinjali.

Ngjarja ka ndodhur më 2 maj 2026 rreth orës 03:05, në rrugën “Fehmi Lladrovci”, ku njësitë policore dhe zjarrfikësit kanë ndërhyrë menjëherë për të lokalizuar zjarrin.

Fillimisht, sipas dëshmitarit E. B., rreth 65-vjeçar, dyshohej se brenda shtëpisë mund të ndodhej një person pa strehë, i cili kishte probleme psikike. Pas kontrollit të objektit, nuk është gjetur asnjë person brenda.

Ndërkohë, Policia ka nisur kërkimin dhe i dyshuari Fluturim Gashi, rreth 39-vjeçar është lokalizuar në afërsi të pompës së derivateve “Hib Petrol”, pranë Spitalit Rajonal në Prizren.

Sipas burimeve, ai ka pranuar se zjarri ka shpërthyer aksidentalisht, pasi i kishte rënë nga dora një bombol gazi, duke shkaktuar flakët, dhe më pas ishte larguar nga vendi i ngjarjes.

Në vendngjarje ka dalë edhe forenzika, e cila ka kryer ekzaminimin dhe dokumentimin e rastit.

Me urdhër të Prokurorit kujdestar, rasti është iniciuar si “Zjarrvënie”, ndërsa procedura po vazhdon në rrugë të rregullt.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Zjarr në një shtëpi në Prizren – i dyshuari pranon se i ra bombola e gazit appeared first on Sinjali.

Një rast i vdekjes së dyshimtë është raportuar në Spitalin Special për Terapi Fizikale dhe Rehabilitim “Nënë Naile” në Kllokot, mëson Sinjali.

Ngjarja ka ndodhur më 1 maj 2026 rreth orës 16:00, kur Policia është njoftuar për një rast brenda këtij institucioni shëndetësor.

Në vendngjarje ka dalë menjëherë njësia reaguese, ku është takuar me ankuesin, mjekun N. M., rreth 60-vjeçar, i cili ka informuar se pacientja Xhezide Xheladini, rreth 69-vjeçare ishte gjetur pa shenja jete në dhomën e saj.

Pas marrjes së informatave fillestare, Policia ka njoftuar Prokuroren e Krimeve të Rënda, e cila ka urdhëruar që rasti të trajtohet si “Vdekje e dyshimtë” dhe të angazhohen njësitet përkatëse hetimore.

Siç mëson Sinjali, në vendin e ngjarjes kanë arritur Prokurorja e Shtetit, Njësia e Hetimeve Rajonale dhe forenzika, të cilët kanë kryer ekzaminimet dhe procedurat e nevojshme.

Me urdhër të Prokurorit, trupi i pajetë i është dorëzuar familjarëve për kryerjen e riteve mortore, ndërsa rasti do të vazhdojë të trajtohet nga Hetimet Rajonale.

Hetimet janë në vazhdim.

Sinjali – aty ku e vërteta flet para lajmit!

/GazetaSinjali/

The post Ekskluzive | Vdekje e dyshimtë në “Nënë Naile” në Kllokot – pacientja gjendet pa shenja jete në dhomën e spitalit appeared first on Sinjali.

Një konflikt familjar që kishte kohë që ziente në heshtje ka përfunduar me arrestim në Prishtinë, mëson Sinjali.

Durim Berisha(ish-këshilltari i kryeministri në detyrë, Albin Kurti), rreth 38-vjeçar është ndaluar për 48 orë pasi dyshohet se në vazhdimësi kishte ngacmuar dhe detyruar kunatin e tij, Sami Fetahin, rreth 42-vjeçar, përmes mesazheve kërcënuese dhe presionit të vazhdueshëm lidhur me një kontest civil.

Sipas informacioneve, i dyshuari nuk është ndalur vetëm me mesazhe – ai kishte shkuar edhe te vendi i punës së ankuesit, në Xhaminë e Madhe në Prishtinë, ku kishte tentuar ta përballë dhe ta shqetësojë.

Burime të sigurta bëjnë të ditur se, pavarësisht paralajmërimeve, i dyshuari ka vazhduar me të njëjtën sjellje, çka ka bërë që rasti të kalojë nga shënim zyrtar në procedurë penale dhe të përfundojë me ndalim.

Në anën tjetër, hoxha i Xhamisë së Madhe, ku punon ankuesi, ka konfirmuar se situata kishte krijuar shqetësim, duke theksuar se:

“Ka pasur tension dhe shqetësim të panevojshëm në ambient pune. Ne jemi për qetësi dhe mirëkuptim, jo për konflikte të tilla.”

Me urdhër të Prokurorit kujdestar, Berisha është dërguar në Qendrën e Mbajtjes për 48 orë, ndërsa rasti po hetohet si “Ngacmim dhe detyrim”.

Hetimet janë në vazhdim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Pse u arrestua ish-këshilltari i Kurtit, Durim Berisha dhe çfarë thotë hoxha i Xhamisë së Madhe appeared first on Sinjali.

Një përleshje mes disa personave ka ndodhur në fshatin Lluzhan të Podujevës, ku situata ka dalë jashtë kontrollit edhe në prani të Policisë, mëson Sinjali.

Ngjarja është raportuar më 1 maj 2026 rreth orës 17:25, në parkingun e pompës së derivateve “Ana Petrol”, ku pas një mosmarrëveshjeje, palët janë përfshirë në konflikt fizik.

Sipas informacioneve, edhe pas mbërritjes së Policisë, të dyshuarit kanë vazhduar me sulm ndaj viktimave E.B., rreth 33-vjeçar, K.B., rreth 31-vjeçar dhe B.B., rreth 36-vjeçar, çka ka detyruar zyrtarët policorë të përdorin sprej OC për ta vënë situatën nën kontroll.

Në këtë rast dyshohen Adonis Ajeti, rreth 23-vjeçar, A.D, rreth 17-vjeçar dhe Naim Ajeti, ku ky i fundit ndodhet në arrati.

Palët e përfshira janë shoqëruar në stacion policor dhe kanë pranuar trajtim mjekësor, ndërsa me vendim të Prokurorit kujdestar, i dyshuari Adonis Ajeti është ndaluar për 48 orë në Qendrën e Mbajtjes.

Ndaj të dyshuarit tjetër, i cili ndodhet në arrati, është lëshuar ftesë për paraqitje në Polici.

Rasti është iniciuar si “Lëndim i lehtë trupor” dhe hetimet janë në vazhdim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Sherr në pompë derivatesh në Lluzhan – ndërhyn Policia me sprej, një i ndaluar, një në arrati appeared first on Sinjali.

Një rast i dhunës në familje është raportuar në fshatin Peran të Podujevës, ku një grua ka përfunduar me lëndime pasi u sulmua nga bashkëshorti i saj, mëson Sinjali.

Ngjarja ka ndodhur më 1 maj 2026 rreth orës 19:05, ndërsa viktima M. Xh., rreth 31-vjeçare ka raportuar në Polici se bashkëshorti i saj, S. J., rreth 40-vjeçar, kishte ushtruar dhunë fizike ndaj saj.

Sipas deklarimit, viktima kishte dalë më herët për kafe me familjarë dhe, pasi ishte kthyer në shtëpi, i dyshuari në shenjë revolte e ka goditur me një dru në këmbën e djathtë, duke i shkaktuar lëndime trupore.

Pas raportimit, palët janë shoqëruar në stacion policor, ku viktimës i është ofruar fillimisht trajtim mjekësor dhe më pas është intervistuar në prani të punëtorit të Qendrës për Punë Sociale.

Viktima ka deklaruar se nuk është kanosur më parë dhe nuk ndjehet e rrezikuar, ndërsa ka refuzuar strehimin dhe urdhrin mbrojtës, duke u larguar me vullnet të lirë tek familja e saj së bashku me fëmijët.

I dyshuari, gjatë intervistimit, ka pranuar se ka pasur fjalosje me bashkëshorten dhe se e ka goditur.

Me urdhër të Prokurorit kujdestar M.M., rasti është iniciuar si “Dhunë në familje”, ndërsa i dyshuari është liruar në procedurë të rregullt.

Hetimet janë në vazhdim.

Sinjali – aty ku e vërteta flet para lajmit!

/GazetaSinjali/

The post E rrahu me dru pse doli për kafe – burri godet bashkëshorten në Podujevë appeared first on Sinjali.

Një rast i rëndë i dhunës në familje është regjistruar në fshatin Krushë e Madhe të Rahovecit, mëson Sinjali.

Ngjarja ka ndodhur më 1 maj 2026 rreth orës 18:05, ndërsa rasti është iniciuar nga hetuesit, pas raportimit të incidentit.

I dyshuari B. G., rreth 46-vjeçar, në gjendje të dehur nga alkooli (0.59 promila), pasi është kthyer në shtëpi, ka ushtruar dhunë psikike ndaj bashkëshortes së tij, H. G., rreth 39-vjeçar, duke e larguar nga shtëpia së bashku me tre fëmijët e tyre.

Pas ndërhyrjes së Policisë dhe veprimeve hetimore në koordinim me Prokurorin e Shtetit, është vendosur që ndaj të dyshuarit të shqiptohet ndalim policor për 48 orë.

Rasti po trajtohet si “Dhunë në familje” në procedurë të shpejtë.

Hetimet janë në vazhdim.

Sinjali – aty ku e vërteta flet para lajmit!

/GazetaSinjali/

The post I dehur dëbon gruan dhe tre fëmijët nga shtëpia në Krushë të Madhe – përfundon në ndalim policor appeared first on Sinjali.

Një incident i rëndë ka ndodhur në fshatin Novosellë të Pejës, ku tre zyrtarë policorë janë sulmuar gjatë kryerjes së detyrës zyrtare, mëson Sinjali.

Ngjarja ka ndodhur më 2 maj 2026 rreth orës 02:05, kur një patrullë policore, duke u kthyer nga Pika Kufitare Kullë, ka hasur në dy persona të përfshirë në një mosmarrëveshje.

Sipas informacioneve, policia u ka dhënë urdhra verbalë për ndalim, por të njëjtit nuk i kanë përfillur. Pavarësisht rezistencës, zyrtarët policorë kanë arritur t’i arrestojnë duke përdorur forcë minimale.

Gjatë ndërhyrjes, tre zyrtarë policorë kanë pësuar lëndime trupore dhe kanë pranuar trajtim mjekësor. Lëndime ka pësuar edhe i dyshuari Smajl Berisha, rreth 37-vjeçar, i cili gjatë tentimit për arratisje është rrëzuar dhe është goditur në kokë.

Sipas burimeve, i dyshuari gjatë arrestimit dhe transportimit drejt stacionit policor ka kërcënuar për jetë zyrtarët policorë, ndërsa gjatë kontrollit i është gjetur dhe sekuestruar një mjet i mprehtë – brisk.

Me udhëzim të Prokurorit kujdestar, rasti është iniciuar si “Sulm ndaj personit zyrtar”, ndërsa pas intervistimit i dyshuari është liruar në procedurë të rregullt.

Hetimet janë në vazhdim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Sulm ndaj policëve në Pejë – i dyshuari kërcënon për jetë, kapet me brisk appeared first on Sinjali.

Të paktën 13 persona, përfshirë katër gra dhe një fëmijë, janë vrarë nga sulmet ajrore izraelite në jug të Libanit, ka bërë të ditur ministria libaneze e shëndetësisë.

Dy gra dhe një fëmijë ishin në mesin e tetë viktimave në Haboush, në distriktin Nabatieh, ku Forcat e Mbrojtjes së Izraelit (IDF) kishin lëshuar një urdhër evakuimi.

Katër persona të tjerë, përfshirë edhe dy gra, u vranë në Zrarieh, në distriktin Sidon, ndërsa një person tjetër u vra në Ain Baal, në distriktin Tyre. Në total, 32 persona janë plagosur, raporton BBC, transmeton Sinjali.

Përleshjet mes Izraelit dhe Hezbollahut kanë vazhduar pavarësisht një zgjatjeje trejavore të armëpushimit.

Të shtunën, grupi Hezbollah i mbështetur nga Irani tha se kishte shënjestruar ushtarë izraelitë dhe automjete ushtarake në Liban.

Ushtria izraelite njoftoi se një nga ushtarët e saj u vra gjatë luftimeve në jug të Libanit të enjten, duke e çuar në 17 numrin e ushtarëve izraelitë të vrarë që nga fillimi i marsit.

Një pauzë fillestare 10-ditore në armiqësi ishte shpallur më 16 prill pas bisedimeve mes ambasadorëve në Uashington ndërmjet Izraelit dhe Libanit.

Të dy vendet nuk kanë marrëdhënie diplomatike dhe takimi në Uashington ishte niveli i parë i lartë i bisedimeve mes tyre që nga viti 1993. Një zgjatje trejavore e armëpushimit u njoftua më 23 prill nga presidenti amerikan Donald Trump, i cili tha se takimi i dytë mes dy vendeve “shkoi shumë mirë” dhe se SHBA do të punojë me Libanin “për ta ndihmuar të mbrohet nga Hezbollahu”.

Grupi i mbështetur nga Irani nuk ishte i përfshirë në marrëveshjen e armëpushimit, por kishte sinjalizuar se do t’i përmbahej kushteve të saj nëse ato respektoheshin edhe nga Izraeli.

Ndërsa armëpushimi ka ndalur në masë të madhe sulmet në kryeqytetin Bejrut dhe periferitë jugore të tij, luftimet kanë vazhduar në zona të tjera në jug, me sulme ajrore të vazhdueshme dhe urdhra të përsëritur për evakuim.

Më 30 prill, ambasada amerikane në Bejrut sugjeroi një takim mes presidentit të Libanit, Joseph Aoun, dhe kryeministrit izraelit, Benjamin Netanyahu, duke thënë se kjo do t’i jepte Libanit “mundësinë për të siguruar garanci konkrete për sovranitet të plotë, integritet territorial, kufij të sigurt, mbështetje humanitare dhe rindërtim, si dhe rikthimin e plotë të autoritetit shtetëror në çdo pjesë të territorit të tij”.

Postimi në platformën X shtoi se kjo do të ishte “e garantuar nga SHBA”.

Asnjë nga liderët nuk ka reaguar ndaj këtij propozimi.

Izraeli dhe Hezbollahu kishin rënë dakord për një armëpushim që i dha fund një konflikti të mëparshëm në nëntor të vitit 2024, pas të cilit Izraeli ka kryer sulme pothuajse të përditshme ndaj objektivave dhe personave që i konsideron të lidhur me Hezbollahun.

Pas sulmeve të SHBA-së dhe Izraelit ndaj Iranit më 28 shkurt dhe vrasjes së udhëheqësit suprem të Iranit, Hezbollahu nisi raketa dhe dronë drejt Izraelit më 2 mars si kundërpërgjigje.

Sinjali – aty ku e vërteta flet para lajmit!

/GazetaSinjali/

The post 13 të vrarë në sulmet izraelite në Libanin jugor appeared first on Sinjali.

Komisioni Qendror i Zgjedhjeve ka njoftuar se nga sot ka filluar afati për subjektet politike për të aplikuar për certifikim për pjesëmarrje në zgjedhjet e parakohshme parlamentare të 7 qershorit, si dhe për dorëzimin e listës me emrat e kandidatëve për deputetë.

Këto dy faza të rëndësishme të procesit zgjedhor përfundojnë në data të ndryshme, ndërsa për dorëzimin e listave të kandidatëve subjektet politike kanë në dispozicion një periudhë më të gjatë kohore.

Zëdhënësi i KQZ-së, Valmir Elezi, tha se aplikimi për certifikim do të zgjasë deri më 10 maj dhe se certifikimit do t’i nënshtrohen vetëm subjektet e reja politike, si koalicionet, nismat qytetare dhe kandidatët e pavarur, ndërsa kjo nuk vlen për partitë politike që ligji i konsideron të regjistruara automatikisht.

“Duke filluar nga data 2 maj dhe deri më 10 maj, subjektet e reja politike (koalicionet, nismat qytetare dhe kandidatët e pavarur) duhet të dorëzojnë online në KQZ, respektivisht në Zyrën për Regjistrim, Certifikim dhe Kontrollin Financiar, aplikimin për certifikim për pjesëmarrje në zgjedhjet e parakohshme për Kuvendin e Kosovës. Sipas Ligjit për Zgjedhjet e Përgjithshme, partia politike konsiderohet automatikisht e certifikuar, andaj ky proces do të vlejë vetëm për subjektet e reja politike, që në këtë rast janë koalicionet, nismat qytetare dhe kandidatët e pavarur”, tha ai.

Ndërkaq, deri më 12 maj, të gjitha subjektet politike duhet të dorëzojnë online listën me emrat e kandidatëve për deputetë me të cilët do të garojnë në këto zgjedhje.

Sipas Elezit, procedura është e ngjashme me atë të proceseve të fundit zgjedhore.

KQZ ka vendosur afatin 11-ditor, nga 2 maj deri më 12 maj 2026, për subjektet politike (partitë politike, koalicionet, nismat qytetare dhe kandidatët e pavarur) për të dorëzuar listën me emrat e kandidatëve për deputetë për t’u certifikuar për pjesëmarrje në zgjedhjet e parakohshme të 7 qershorit.

“Dorëzimi i listës me emrat e kandiatëve për deputetë, duhet të bëhet përmes platformës elektronike dhe procedura është e ngjashme me zgjedhjet e fundit që u mbajtën në dhjetor të vitit të kaluar”, tha Elezi.

Sinjali – aty ku e vërteta flet para lajmit!

/GazetaSinjali/

The post Nis afati për aplikim e partive dhe dorëzimin e listave për deputetë, KQZ: Duhet të bëhen deri me 10 dhe 12 maj appeared first on Sinjali.

Një 66-vjeçar është arrestuar në Tiranë pasi i janë gjetur plot 1 mijë fara kanabisi në automjetin e tij.

Blutë bëjnë me dije se në pranga ra shtetasi L. K., 66 vjeç, i cili në momentin e arrestimit ndodhej brenda automjetit të tij te Kthesa e Kamzës.

Njoftimi i policisë:

Tiranë/Finalizohet operacioni policor i koduar “Seeds”.

Goditet një tjetër rast i tentativës për shitje të farave të cannabisit, me qëllim kultivimin e tyre.

Vihet në pranga një 66-vjeçari të cilit u gjetën 1000 fara kanabisi, gjatë kontrollit në automjetin e tij.

Si rezultat i informacioneve të marra në rrugë operative me qëllim goditjen e veprimtarisë kriminale në fushën e kultivimit, prodhimit dhe shitjes së cannabisit, Seksioni për Hetimin e Narkotikëve, kanë organizuar dhe finalizuar operacionin policor të koduar “Seeds”.

Gjatë këtij operacioni, tek Kthesa e Kamzës, shërbimet e Policisë kanë lokalizuar dhe ndaluar automjetin me drejtues shtetasin L. K,  në automjetin e të cilit gjetën një qese me 1000 fara të dyshuara narkotike cannabis sativa.

Në përfundim të veprimeve procedurale u arrestua në flagrancë shtetasi L. K., 66 vjeç, banues në Tiranë, si dhe u sekuestruan në cilësinë e provës materiale 1000 fara cannabis sativa.

Materialet procedurale i kaluan Prokurorisë, për veprime të mëtejshme.

Sinjali – aty ku e vërteta flet para lajmit!

/GazetaSinjali/

The post Operacioni “Seeds”: Arrestohen në flagrancë 66-vjeçari në Tiranë, iu gjetën 1000 fara kanabisi në automjet appeared first on Sinjali.

Fundi i sezonit në futbollin evropian po afrohet dhe disa liga mund të shpallin kampionët që këtë fundjavë, me skenarë mjaft interesantë.

Në La Liga, Barcelona ka mundësinë të fitojë titullin e 29-të. E udhëhequr nga Pedri, ndërsa Lamine Yamal është jashtë për pjesën e mbetur të sezonit, Barcelona përballet me Osasunan. Për t’u shpallur kampione këtë fundjavë, Barça duhet të fitojë dhe të shpresojë që Real Madridi të mos mposhtë Espanyolin.

Në Serie A, Interi është shumë pranë titullit me 79 pikë, duke lënë pas Napolin dhe Milanin. Interi pret Parman dhe një fitore do t’i siguronte titullin. Madje, mund të shpallet kampion edhe para se të luajë, nëse Napoli humbet ndaj Comos dhe Milani nuk fiton kundër Sassuolos.

Në Süper Lig, Galatasaray mund të konfirmojë dominimin e tij duke fituar titullin e katërt radhazi. Me 74 pikë, shtatë më shumë se Fenerbahçe, Galatasaray shpallet kampion që këtë të shtunë nëse mposht Samsunsporin.

Ndërkohë, në Primeira Liga, Porto është shumë pranë rikthimit te titulli, me shtatë pikë avantazh ndaj Benficas. Porto mund të shpallet kampion edhe para ndeshjes me Alvercan, nëse Benfica humbet ndaj Famalicãos. Në rast barazimi të Benficas, Porto duhet vetëm të mos humbasë për të siguruar titullin.

Pra, kjo fundjavë mund të sjellë emocione të mëdha dhe disa kampionë të rinj në futbollin evropian.

Sinjali – aty ku e vërteta flet para lajmit!

/GazetaSinjali/

The post Skuadrat që mund të kurorëzohen kampione këtë fundjavë në ligat kryesore appeared first on Sinjali.

Ministri i Mbrojtjes i Gjermanisë, Boris Pistorius, ka deklaruar se vendimi i Shteteve të Bashkuara të Amerikës për të tërhequr trupat nga Evropa ka qenë i parashikueshëm.

Sipas tij, evropianët duhet të marrin më shumë përgjegjësi për sigurinë e tyre.

Ai ka bërë të ditur se Gjermania do të bashkëpunojë ngushtë me Grupin e Pesëshes në misionet e ardhshme, ku përfshihen Britania e Madhe, Franca, Italia dhe Polonia.

“Ka qenë e parashikueshme që SHBA do të tërhiqte trupat nga Evropa, përfshirë Gjermaninë”, thotë Pistorius, raporton skynews, transmeton Sinjali.

Pentagoni ka njoftuar plane për të tërhequr 5,000 trupa amerikane nga Gjermania.

Pistorius shton se Gjermania është “në rrugën e duhur” sa i përket mbrojtjes së saj, duke përmendur zgjerimin e forcave të Bundeswehr-it, blerjen më të madhe dhe më të shpejtë të pajisjeve dhe ndërtimin e infrastrukturës.

SHBA-ja do të tërheqë 5 mijë trupa nga Gjermania, mes përplasjes së Trump me Merz-in

Sinjali – aty ku e vërteta flet para lajmit!

/GazetaSinjali/

The post Tërheqja e 5 mijë trupave amerikane nga Gjermania, Berlini: Ishte e parashikueshme appeared first on Sinjali.

Pavarësisht sulmeve verbale të Donald Trump ndaj aleatëve dhe këmbënguljes së tij se SHBA-të mund ta rihapin Ngushticën e Hormuzit vetë, sipas raportimeve, administrata e tij po kërkon një koalicion ndërkombëtar për ta bërë këtë.

Burimet thonë se SHBA-të kanë nisur një përpjekje të re për të ndihmuar në lëvizjen e anijeve përmes rrugës ujore kritike të bllokuar nga Irani.

Iniciativa “Ndërtimi i Lirisë Detare” do të shihte aleatët të koordinonin veprimet diplomatike dhe ekonomike kundër Iranit dhe të ndanin informacione për tranzit të sigurt.

Kjo do të plotësonte “përpjekjet e planifikimit detar që po udhëheqin Mbretëria e Bashkuar dhe Franca”, thuhej në memorandum, duke shtuar: “Ne mezi presim të krijojmë kanale komunikimi me Mbretërinë e Bashkuar dhe Francën për të dekonflituar dhe koordinuar nga afër këto përpjekje”.

Megjithatë, presidenti ka qenë në ofensivë në komentet e tij ndaj aleatëve të tjerë evropianë dhe NATO-s.

“Nuk morëm asnjë ndihmë, zero nga NATO”, tha ai mbrëmjen e djeshme.

Zyrtarët e Pentagonit thanë se SHBA-të po tërhiqnin afërsisht 5,000 trupa nga Gjermania pasi kancelari i saj kritikoi mungesën e strategjisë së Trump në Iran dhe sugjeroi që ai mund të tërhiqte trupat nga Italia dhe Spanja.

“Pse të mos e bëj? Italia nuk na ka ndihmuar aspak dhe Spanja ka qenë e tmerrshme, absolutisht e tmerrshme”, u tha Trump gazetarëve.

Sinjali – aty ku e vërteta flet para lajmit!

/GazetaSinjali/

The post SHBA-ja kërkon mbështetje ndërkombëtare për Ngushticën e Hormuzit appeared first on Sinjali.

Një ngjarje e rëndë ka ndodhur në fshatin Piranë të Prizrenit, ku një grua është gjetur pa shenja jete, ndërsa rasti po hetohet si “Hetim i vdekjes”, mëson Sinjali.

Ngjarja është raportuar më 1 maj 2026 rreth orës 12:05, nga bashkëshorti i saj, N.A., rreth 50-vjeçar, i cili ka njoftuar Policinë se gruaja e tij, Lumnije Arifi, rreth 43-vjeçare, dyshohet se ka kryer vetëvrasje.

E rëndë: Kjo është 43-vjeçarja që dyshohet se i dha fund jetës në Piranë të Prizrenit

Njësitë policore kanë dalë menjëherë në vendngjarje dhe kanë siguruar perimetrin, ku viktima është gjetur pa shenja jete, ndërsa ekipi mjekësor ka konstatuar vdekjen e saj. Pranë trupit është gjetur edhe një armë zjarri, e cila dyshohet të jetë përdorur nga viktima.

Në vendin e ngjarjes kanë dalë hetuesit e stacionit dhe hetuesit rajonalë, ndërsa më pas në lokacion ka arritur edhe Prokurori kujdestar, i cili ka udhëhequr veprimet hetimore.

Me urdhër të tij, krim-teknika ka kryer ekzaminimin e vendit të ngjarjes, ndërsa trupi i pajetë është dërguar për autopsi në Institutin e Mjekësisë Ligjore.

Sipas familjarëve, viktima kishte kohë që vuante nga depresioni.

Hetimet për zbardhjen e plotë të rrethanave të rastit janë në vazhdim.

Tragjike | Vetëvrasje në Piranë të Prizrenit – gruaja gjendet pa shenja jete pranë armës

Sinjali – aty ku e vërteta flet para lajmit!

/GazetaSinjali/

The post Detaje të reja nga rasti tragjik në Piranë – dyshohet vetëvrasje, viktima vuante nga depresioni appeared first on Sinjali.

Janë zbardhur detaje të reja nga rasti tragjik në fshatin Parallovë të Novobërdës, ku një person është gjetur pa shenja jete, mëson Sinjali.

Ngjarja është raportuar më 1 maj 2026, ndërsa rreth orës 12:45 Njësia për Hetime të Përgjithshme në Gjilan është njoftuar për një rast të dyshuar të vetëvrasjes me armë zjarri.

Në vendngjarje kanë dalë njësitet policore, Prokurorja kujdestare dhe ekipi i mjekësisë ligjore, të cilët kanë kryer ekzaminimet dhe procedurat e nevojshme.

Sipas informacioneve të siguruara nga familjarët, viktima Slobodan Antic rreth 38-vjeçar, zyrtar për Bujqësi në Komunën e Novobërdës, ishte gjetur pa shenja jete rreth orës 11:00, i shtrirë në dhomën e gjumit nga nëna e tij.

Gjatë ekzaminimit të vendit të ngjarjes, është konstatuar se viktima kishte një plagë hyrëse nga arma e zjarrit në anën e djathtë të kokës, ndërsa pranë trupit, në dorën e tij të djathtë, është gjetur edhe revolveri i kalibrit .22, me fishekë brenda, ku njëri prej tyre ishte i shkrepur.

Sipas hetimeve fillestare, dyshohet se bëhet fjalë për vetëvrasje, ndërsa motivi i kësaj ngjarjeje ende nuk është bërë i ditur.

Me urdhër të Prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të saktë të shkakut të vdekjes.

Hetimet janë në vazhdim.

Gjendet i vdekur në dhomën e gjumit në Novobërdë – një burrë dyshohet për vetëvrasje me armë zjarri

Sinjali – aty ku e vërteta flet para lajmit!

/GazetaSinjali/

The post Ekskluzive | Detaje të reja nga vetëvrasja në Novobërdë – zyrtari komunal gjendet pa shenja jete në dhomën e gjumit appeared first on Sinjali.

Një rast i dhunës në familje është raportuar në fshatin Radeve të Graçanicës, ku një i mitur dyshohet se ka shkaktuar dëme dhe është larguar nga shtëpia, mëson Sinjali.

Ngjarja ka ndodhur më 1 maj 2026 rreth orës 14:30, kur viktima M. B, rreth 49-vjeçar ka njoftuar Policinë se djali i tij i mitur, Rr. B, rreth 16-vjeçar, kishte shkaktuar probleme dhe kishte dëmtuar veturën e tij.

Sipas deklarimit, i mituri kishte thyer xhamin e pasëm të veturës, e cila ishte e parkuar në garazh, dhe më pas ishte larguar nga shtëpia.

Njësitet policore kanë dalë në vendngjarje, por i dyshuari nuk është gjetur, ndërsa janë ndërmarrë përpjekje për lokalizimin e tij.

Rasti është trajtuar nga hetuesi për dhunë në familje, i cili në konsultim me Prokurorin kujdestar ka iniciuar rastin si “Dhunë në familje”.

Hetimet janë në vazhdim.

Sinjali – aty ku e vërteta flet para lajmit!

/GazetaSinjali/

The post Rebelohet 16-vjeçari, dëmton veturën e babait dhe largohet nga shtëpia – Policia e Graçanicës në kërkim të tij appeared first on Sinjali.

Një person i kërkuar nga drejtësia është ndaluar në Obiliq gjatë realizimit të urdhëresave aktive, mëson Sinjali.

Ngjarja ka ndodhur më 1 maj 2026 rreth orës 15:40, ku Policia ka ndaluar Halid Puqollin, rreth 38-vjeçar, ndaj të cilit rezultonin disa urdhëresa aktive.

Sipas të dhënave, Puqolli kërkohej për veprën penale “Blerja, pranimi ose fshehja e sendeve të përfituara me kryerjen e veprës penale”, me urdhëresë të lëshuar nga Gjykata Themelore në Prishtinë – dega Fushë Kosovë.

Me vendim të gjyqtarit, i njëjti pritet të paraqitet më 4 maj 2026 në ora 09:30.

Ndërkohë, ndaj tij ekziston edhe një urdhër-arrest tjetër me dënim prej 25 ditësh burg, i cili do të realizohet nga Stacioni Policor në Ferizaj, ku edhe është dorëzuar për procedura të mëtejshme.

Rasti lidhet me realizimin e urdhëresave aktive nga organet e rendit.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post I kërkuari për disa vepra – arrestohet në Obiliq, pritet të vuajë 25 ditë burg appeared first on Sinjali.

Një rast i zjarrvënies që kishte shkaktuar dëme të konsiderueshme në Prishtinë tashmë ka marrë kthesë, pasi Policia ka identifikuar dhe arrestuar të dyshuarin, mëson Sinjali.

Ngjarja kishte ndodhur më 16 nëntor 2025 rreth orës 21:35, në rrugën “Fadil Vata”, ku si pasojë e një zjarri ishte djegur pjesërisht një veturë Range Rover, ngjyrë e zezë, në pronësi të Medina dhe Salih Sinani.

Në vendngjarje kishin dalë njësitë policore dhe zjarrfikësit, të cilët kishin lokalizuar dhe fikur zjarrin, ndërsa hetuesit së bashku me ekspertët e zjarrit kishin kryer ekzaminimet e nevojshme.

Pas një hetimi disa mujor dhe në koordinim të ngushtë me Prokurorinë Themelore në Prishtinë, Njësia e Hetimeve ka arritur të identifikojë si të dyshuar Ilir Maliqin, rreth 52-vjeçar.

Dje, më 1 maj 2026, i dyshuari është siguruar nga hetuesit dhe është shoqëruar për intervistim në NJHP në Prishtinë.

Me vendim të Prokurorit të Shtetit, pas intervistimit, ai është dërguar në mbajtje në Qendrën e Ndalimit.

Rasti është iniciuar si “Shtytje në zjarrvënie” dhe hetimet janë në vazhdim.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Zbulohet i dyshuari për djegien e Range Roverit të Salih Sinanit në Prishtinë – arrestohet pas disa muajsh hetime appeared first on Sinjali.