Sekretari amerikan i Tregtisë, Howard Lutnick, ka konfirmuar se kishte vizituar ishullin e Jeffrey Epsteinit në vitin 2012, duke hedhur poshtë kështu pretendimet e mëparshme se kishte shkëputur lidhjet me abuzuesin seksual vite më herët, përpara se ai të dënohej.

“Kam ngrënë drekë me të, ndërsa isha duke udhëtuar gjatë një pushimi familjar”, ka dëshmuar Lutnick të martën në Capitol Hill. 

“Me mua ishte gruaja ime, katër fëmijët e mi dhe dadoja… Hëngrëm drekë në ishull. Kjo është e vërtetë. Për një orë”, ka shtuar ai.

Vizita është e përfshirë në dokumentet e Epsteinit të publikuara nga Departamenti Amerikan i Drejtësisë.

Disa ligjvënës kanë kërkuar dorëheqjen e Lutnickut, por të martën Shtëpia e Bardhë ka thënë se ai gëzon mbështetjen e plotë të presidentit Donald Trump.

Sekretari i Tregtisë kishte deklaruar më parë para Kongresit se i kishte ndërprerë lidhjet me Epsteinin në vitin 2005, pasi financieri i ndjerë, një fqinj i Lutnickut në New York, kishte përdorur aludime seksuale për të shpjeguar pse kishte një tavolinë masazhi në një dhomë të shtëpisë së tij.

Në dëshminë e së martës, ai ka thënë se “gjatë 14 vjetëve pasuese, e kam takuar edhe dy herë të tjera, aq sa më kujtohet”. 

Dokumentet e Departamentit të Drejtësisë tregojnë se Lutnick e kishte vizituar ishullin karaibian të Epsteinit më 23 dhjetor 2012, gati katër vjet pasi Epsteini ishte dënuar për abuzim seksual.

Ndërkaq, dëshmia e Lutnickut në Capitol Hill shënon herën e parë që ai e konfirmoi publikisht këtë vizitë.

“Nuk e mbaj mend pse e bëmë, por e bëmë”, ka thënë ai të martën, duke iu referuar drekës.

Lutnick nuk është akuzuar për asnjë shkelje ligjore në lidhje me Epsteinin.

Takimi tjetër, përveç atij në ishull, kishte ndodhur rreth një vit e gjysmë më vonë, për të cilin, Lutnick ka thënë se kishte pasur një takim njëorësh me Epsteinin.

“Gjatë një periudhe 14-vjeçare, nuk kam pasur asnjë marrëdhënie me të, pothuajse nuk kam pasur fare lidhje me atë person”, ka shtuar ai.

Dosjet Epstein kanë shkaktuar reagime të mëdha në SHBA dhe Evropë për shkak të përfshirjes së figurave të profilit të lartë në raporte me të dënuarin për abuzim seksual, financierin e ndjerë, Jeffrey Epstein.

Epstein ka vdekur në një burg të Neë Yorkut në gusht të vitit 2019, teksa priste gjykimin për trafikim seksual. 

Sinjali – aty ku e vërteta flet para lajmit!

/GazetaSinjali/

The post Sekretari i Trumpit e pranon se kishte vizituar ishullin e Epsteinit appeared first on Sinjali.

Një sulm ajror rus vrau këtë të martë, më 10 shkurt, një vajzë 11-vjeçare dhe nënën e saj, si dhe plagosi 14 persona të tjerë në pjesën e kontrolluar nga Ukraina të rajonit lindor të Donetsk-ut. Të paktën kështu tha sot guvernatori i këtij rajoni, Vadym Filashkin në një postim në aplikacionin Telegram.

Sipas tij, një vajzë 7-vjeçare ishte gjithashtu mes të plagosurve në sulmin ndaj qytetit Sloviansk.

Policia ukrainase tha se trupat e gruas dhe fëmijës u nxorën nga rrënojat e një ndërtese. Ata publikuan foto të një ndërtese të shkatërruar dhe të një personi që merrte ndihmë në ambulancë.

Sloviansk dhe Kramatorsk, qyteti fqinj, janë dy nga të ashtuquajturat “qytete fortesë” që ndodhen pranë vijës së frontit dhe kanë qenë shpesh objektiv i sulmeve ruse, shkruan Reuters.

Rusia kërkon që Kievi të heqë dorë nga 20% e mbetur e rajonit të Donetsk-ut, që forcat e Moskës nuk kanë arritur ta pushtojnë, për të bërë përparim drejt një marrëveshjeje paqeje, diçka që Ukraina refuzon ta bëjë.

Si Moska ashtu edhe Kievi mohojnë se po synojnë civilët në këtë luftë, e cila nisi me pushtimin e plotë rus në vitin 2022.

Sinjali – aty ku e vërteta flet para lajmit!

/GazetaSinjali/

The post Sulmi rus vret nënë e bijë në lindje të Ukrainës, plagosen 14 të tjerë appeared first on Sinjali.

Pak pasi hetimi i forcave të rendit ndaj Jeffrey Epsteinit ishte bërë publik në mesin e viteve 2000, Donald Trumpi kishte telefonuar Departamentin e Policisë së Palm Beach, Florida, për të shprehur mirënjohje, sipas një dokumenti të publikuar së fundmi.

“Falë Zotit që po e ndaloni”, kishte thënë Trumpi, sipas dokumentit. 

“Të gjithë e kanë ditur se ai po bënte këto gjëra”, kishte shtuar ai, raporton CNN.

Dokumenti, një procesverbal i shkruar i një interviste të FBI-së, pritet të nxisë edhe më shumë pyetje rreth asaj se kur dhe çfarë konkretisht dinte Trumpi për Epsteinin dhe krimet e tij.

Presidenti Trump dhe Shtëpia e Bardhë kanë deklaruar vazhdimisht se Trumpi i ndërpreu lidhjet me Epsteinin në fillim të viteve 2000, duke e konsideruar Epsteinin si një “tip të neveritshëm”.

Gazeta “Miami Herald” raportoi se intervista e përmbledhur në dokument ishte me Michael Reiter, emri i të cilit është redaktuar. Ai ishte shefi i policisë së Palm Beach në kohën e telefonatës, e cila duket se ka ndodhur rreth vitit 2006, sipas gazetës.

Sipas dokumentit të FBI-së, Trumpi i tha gjatë telefonatës se njerëzit në New York e dinin se Epsteini ishte i shpifur. Ai kishte thënë gjithashtu se bashkëpunëtorja e Epsteinit, Ghislaine Maxwell, ishte “operativja e Epsteinit”, duke shtuar për të: “ajo është e keqe dhe duhet të përqendroheni tek ajo”.

Trumpi ishte një nga “personat e parë” që kishte telefonuar Departamentin e Policisë së Palm Beach kur njerëzit mësuan se ata po hetonin Epsteinin, thuhet në dokumentin që ishte pjesë e miliona faqeve të publikuara nga Departamenti i Drejtësisë sipas një ligji të ri të miratuar nga Kongresi.

Një zyrtar i Departamentit amerikan të Shtetit ka thënë se nuk ishin në dijeni për asnjë provë se presidenti ka kontaktuar forcat e rendit 20 vjet më parë.” 

Pyetja se çfarë dinte Trumpi për Epsteinin dhe krimet e tij ka hedhur hije mbi mandatin e dytë të presidentit, mes interesimit të rikthyer për këtë histori dhe publikimit të miliona faqeve dokumentesh që lidhen me abuzuesin seksual tashmë të ndjerë. 

Trumpi ka thënë se dy burrat ishin miq në vitet 1990 dhe shoqëroheshin në të njëjtat rrethe në Palm Beach, përpara se marrëdhënia e tyre të prishej në fillim të viteve 2000, e cila rezultoi me përjashtimin e Epsteinit nga klubi Mar-a-Lago i Trumpit.

Trumpi ka thënë se prishja e marrëdhënieve mes tyre u shkaktua nga përpjekjet e Epsteinit për t’i marrë punonjësit e tij, por ka mohuar se kishte ndonjë dijeni për krimet e tij.

“Ideja që njerëzit të marrin njerëz që punonin për mua është e keqe”, u ka thënë Trumpi gazetarëve në korrik. “Njerëz u morën nga spa-ja, u punësuan prej tij, me fjalë të tjera, u zhdukën”, ka deklaruar ai. 

Trumpi ka thënë se besonte se një nga personat e marrë ishte Virginia Giuffre, një nga viktimat më të njohura të Epsteinit, e cila më vonë kishte kryer vetëvrasje. Por Trumpi më vonë po atë javë u kishte thënë gazetarëve se në të vërtetë nuk e dinte pse gratë ishin larguar nga klubi i tij.

Ndërkohë, përshkrimi që Trumpi i bën Maxwellit si “e keqe” në dokument bie në kontrast me reagimin e tij pas arrestimit të saj në vitin 2020. Ai kishte thënë në atë kohë: “Thjesht i uroj më të mirën.” 

Maxwell po vuan aktualisht dënim me 20 vjet burgim për trafikim seksual.

Ndërsa Maxwell refuzoi të përgjigjej (duke u mbështet në Amendamentin e Pestë) gjatë dëshmisë së saj më të fundit para Komitetit Mbikëqyrës të Dhomës së Përfaqësuesve, avokati i saj ka thënë se ajo do të ishte e gatshme të “fliste plotësisht dhe sinqerisht nëse i jepet falje nga presidenti Trump”. 

Në një intervistë të mëparshme me zëvendësprokurorin e përgjithshëm Todd Blanche, Maxwell ka thënë se “absolutisht kurrë” nuk kishte dëgjuar Epsteinin apo dikë tjetër të thoshte se Trumpi kishte bërë diçka të papërshtatshme.

Trumpi i ka thënë CNN-it në korrik se nuk kishte menduar t’i jepte falje apo lehtësim dënimi Maxwellit, megjithëse nuk e ka përjashtuar mundësinë.

“Është diçka për të cilën nuk kam menduar”, ka thënë ai. “Jam i autorizuar ta bëj, por është diçka për të cilën nuk kam menduar”.

Sinjali – aty ku e vërteta flet para lajmit!

/GazetaSinjali/

The post Dokumenti tregon se Trumpi kishte thënë në vitet 2000 se të gjithë e dinin për sjelljen e Epsteinit appeared first on Sinjali.

Rusia nuk ka për synim që të kryejë ndonjë sulm ushtarak ndaj ndonjë vendi anëtar të NATO-s këtë vit ose vitin e ardhshëm, por po nxiton që t’i rindërtojë forcat e veta në kohën kur Evropa e ka shtuar armatosjen, tha të martën në raportin vjetor shërbimi i Estonisë për inteligjencë të jashtme.

Vendi anëtar i NATO-s, i cili kufizohet me Rusinë, ka qenë në mesin e kritikuesve më të ashpër të Moskës dhe mbështetës i fuqishëm i Ukrainës, raporton agjencia e lajmeve “Reuters”.

“[Evropa] duhet të investojë në mbrojtje dhe në sigurinë e brendshme, në mënyrë që… në të ardhmen Rusia do të arrinte në përfundimin se nuk ka gjasë kundër vendeve të NATO-s” – tha para gazetarëve drejtori i këtij shërbimi, Kaupo Rosin.

“Ne shohim se udhëheqja ruse është shumë e shqetësuar për… riarmatosjen evropiane, ata shohin se Evropa mund të jetë në gjendje që të kryejë veprim të pavarur ushtarak kundër Rusisë brenda dy ose tre vjetëve” – tha Rosin, duke shtuar se qëllimi i Rusisë tani është që “ta vonojë dhe ta pengojë” këtë.

Prodhimi i municionit është duke u zgjeruar aq shpejt, saqë Rusia do të jetë në gjendje që të rezervojë për luftëra të ardhshme, ndërkohë duke i vazhduar luftimet në Ukrainë, tha shërbimi i inteligjencës.

Sipas këtij shërbimi, çfarëdo sulmi rus ndaj Estonisë do të përfshinte dronë “në tokë, në ajër dhe në det, në të njëjtën kohë në mbarë territorin e Estonisë”.

Inteligjenca estoneze tha se Kremlini vazhdon që ta vlerësojë ShBA-në si armiken kryesore globale, përderisa shtiret sikur ka gatishmëri për të bashkëpunuar me qëllim që ta sigurojë heqjen e sanksioneve amerikane.

Sinjali – aty ku e vërteta flet para lajmit!

/GazetaSinjali/

The post Estonia: Rusia nuk synon që të sulmojë ndonjë shtet të NATO-s më 2026 ose 2027 appeared first on Sinjali.

Ghislaine Maxwell, bashkëpunëtorja e Jeffrey Epstein, refuzoi t’u përgjigjej pyetjeve të Komitetit Mbikëqyrës të Dhomës së Përfaqësuesve të SHBA-së të hënën.

Maxwell u paraqit virtualisht për një dëshmi me dyer të mbyllura nga burgu i Teksasit ku po vuan një dënim me 20 vjet burg për trafikim seksual.

Kryetari i Komitetit Mbikëqyrës të Dhomës së Përfaqësuesve, James Comer, tha se “siç pritej”, Maxwell iu referua Amendamentit të Pestë, duke zbatuar të drejtën e saj për të heshtur.

Amendamenti i Pestë i Kushtetutës së SHBA-së u jep amerikanëve të drejtën për të shmangur vetë-inkriminimin duke refuzuar t’u përgjigjen pyetjeve ndërsa janë nën betim.

Përfaqësuesja demokrate Melanie Stansbury u tha gazetarëve pas seancës dëgjimore se Maxwell e shfrytëzoi mundësinë.

Comer tha se nga biseda me të mbijetuarit e Epsteinit ishte e qartë “se Maxwell ishte një person shumë i keq” e cili nuk meritonte asnjë lloj imuniteti.

Në një postim në rrjetet sociale më parë, avokati i Maxwell, David Oscar Markus, tha se Maxwell ishte “e përgatitur të fliste plotësisht dhe sinqerisht nëse Presidenti Trump do t’i jepte mëshirë”.

“Vetëm ajo mund të japë rrëfimin e plotë. Disave mund të mos u pëlqejë ajo që dëgjojnë, por e vërteta ka rëndësi”, shkroi ai. Në një letër dërguar Komitetit Mbikëqyrës të Dhomës së Përfaqësuesve para paraqitjes së Maxwell, një grup të mbijetuarish të Epstein u bënë thirrje ligjvënësve të jenë skeptikë ndaj çdo informacioni të dhënë nga Maxwell.

Ata e kritikuan atë për refuzimin e identifikimit të “shumë burrave të fuqishëm” të përfshirë në trafikimet e Epstein.

Shtëpia e Bardhë ka thënë më parë se “nuk do jepet ose diskutohet asnjë lehtësim” në lidhje me Maxwellin.

Maxwell u dënua në vitin 2021 për rolin e saj në joshjen e vajzave të mitura që Epstein t’i shfrytëzonte. Epstein vdiq në burg në vitin 2019.

Sinjali – aty ku e vërteta flet para lajmit!

/GazetaSinjali/

The post Bashkëpunëtorja e Jeffrey refuzon t’u përgjigjet pyetjeve në lidhje me Epstein në seancën dëgjimore në Kongres appeared first on Sinjali.

Presidenti Donald Trump ka kërcënuar se do të bllokojë hapjen e një ure që lidh Shtetet e Bashkuara të Amerikës me Kanadanë, derisa Washingtoni “të kompensohet plotësisht për gjithçka” që i ka dhënë fqinjit të tij verior.

Ura Ndërkombëtare Gordie Howe, e cila e lidh provincën kanadeze të Ontarios me shtetin amerikan të Michiganit, nuk do të hapet derisa Otava të “i trajtojë Shtetet e Bashkuara me drejtësinë dhe respektin që ne e meritojmë”, shkroi Trumpi në rrjetet sociale.

Sipas faqes zyrtare të kompanisë që ka hartuar projektin, ura financohet nga qeveria kanadeze, por do të jetë në pronësi publike të përbashkët të Kanadasë dhe shtetit të Michiganit.

Nuk është e qartë se si Trumpi mund ta bllokojë hapjen e saj, por ai tha se negociatat do të fillojnë menjëherë, pa dhënë detaje të mëtejshme.

Duke u shtrirë mbi lumin Detroit, ura pritet të hapet për qarkullim pas përfundimit të testeve formale gjatë këtij viti. Ndërtimi nisi në vitin 2018, por projekti ka qenë një pikë përplasjeje mes dy vendeve për më shumë se një dekadë.

Sipas Korporatës Kanadeze të Transmetimit (CBC), kostoja e projektit vlerësohet rreth 6.4 miliardë dollarë kanadezë.

Sinjali – aty ku e vërteta flet para lajmit!

/GazetaSinjali/

The post Trumpi kërcënon se do ta bllokojë hapjen e urës që lidh SHBA-në me Kanadanë appeared first on Sinjali.

Një princ, një ambasador, diplomatë të lartë dhe politikanë të fuqishëm. Të gjithë të rrëzuar nga dosjet e Jeffrey Epsteinit. Dhe pothuajse të gjithë në Evropë, jo në Shtetet e Bashkuara të Amerikës.

Sasia e madhe e dokumenteve për Epstein, të publikuara nga Departamenti Amerikan i Drejtësisë, ka shkaktuar tronditje të forta në elitën politike, ekonomike dhe shoqërore të Evropës – duke dominuar titujt kryesorë, shkatërruar karriera dhe duke nxitur hetime politike dhe penale.

Ish-ambasadori britanik në Washington, Peter Mandelson, u shkarkua dhe mund të përballet me burgim. Kryeministri britanik, Keir Starmer, po përballet me një krizë udhëheqjeje për shkak të emërimit të Mandelsonit. Figura të larta kanë rënë edhe në Norvegji, Suedi dhe Sllovaki. Ndërkohë, edhe para publikimit të dokumenteve më të fundit, Andrew Mountbatten-Windsor, vëllai i Mbretit Charles III, humbi titujt, nderimet dhe rezidencën e financuar nga taksapaguesit.

Përveç ish-princit Andrew, asnjë prej tyre nuk përballet me akuza për abuzim seksual. Ata janë rrëzuar për shkak të marrëdhënieve miqësore me Epsteinin edhe pasi ai ishte dënuar për abuzim seksual.

“Epstein mblidhte njerëz të fuqishëm, njësoj si dikush që mbledh pikë bonus nga udhëtimet, sa më shumë, aq më mirë për të”, tha Mark Stephens, specialist i së drejtës ndërkombëtare dhe të drejtave të njeriut në Londër. “Por tani ‘faturat e udhëtimeve’ janë publike, dhe disa do të donin të kishin udhëtuar më pak”.

Dokumentet u publikuan pasi çështja Epstein u shndërrua në një krizë për administratën e presidentit Donald Trump dhe çoi në një përpjekje të rrallë dypartiake për ta detyruar qeverinë të hapte dosjet hetimore. Megjithatë, në SHBA, ky publikim nuk ka sjellë ende të njëjtin reagim të fortë publik ndaj bashkëpunëtorëve të Epsteinit.

Rob Ford, profesor i shkencave politike në Universitetin e Mançesterit, ka theksuar se në Britani, “nëse emri yt shfaqet në ato dosje, është menjëherë një histori e madhe”.

“Kjo më bën të mendoj se kemi një media më funksionale dhe një strukturë më të fortë llogaridhënieje. Ende ekziston një ndjenjë turpi në politikë, ku njerëzit thonë: ‘Kjo nuk është e pranueshme, kjo nuk bëhet’”, është shprehur ai.

Sinjali – aty ku e vërteta flet para lajmit!

/GazetaSinjali/

The post Zbulimet për Epstein godasin fort Evropën, pasojat në SHBA janë më të zbehta appeared first on Sinjali.

Ambicia e Elon Musk për të vendosur njerëz në Mars duket se është shtyrë për shkak të një qëllimi më të afërt dhe më të arritshëm dërgimin e njerëzve për të jetuar në Hënë.

Miliarderi ka deklaruar se prioritetet e SpaceX tani janë përqendruar në ndërtimin e “një qyteti që rritet vetë në Hënë”, duke theksuar se ky projekt mund të përfundojë brenda një dekade, shumë më shpejt se planifikimi i ngjashëm për Mars që mund të marrë mbi 20 vjet.

“Prioriteti kryesor është sigurimi i së ardhmes së qytetërimit dhe Hëna është më e shpejtë”, tha Musk.

“Është e mundur të udhëtosh në Mars vetëm kur planetët rreshtohen çdo 26 muaj (kohëzgjatja e udhëtimit gjashtëmujor), ndërsa ne mund të nisemi për në Hënë çdo 10 ditë (kohëzgjatja e udhëtimit 2-ditor)”, shtoi ai.

Nuk është menjëherë e qartë se çfarë nënkuptonte Musk me një “qytet që rritet vetë” ose nëse planet e tij janë në përputhje me një plan të ngjashëm hënor që propozon NASA.

Musk deklaroi se kompania mbetet e përkushtuar për të ndërtuar një qytet në Mars dhe do të fillojë ta bëjë këtë brenda rreth pesë deri në shtatë vjetësh.

Kohët e fundit, miliarderi kishte thënë se SpaceX po punonte për të ulur anijen e saj të parë kozmike pa pilot në Mars, që në fund të vitit 2026 .

Ulja e parashikimeve të tij të mëparshme për udhëtimet në hapësirë nga Musk vjen pasi SpaceX bleu XAI javën e kaluar, në një veprim që do të bashkojë dy nga kompanitë e tij më ambicioze në firmën private më të vlefshme në botë.

Për më shumë se një dekadë, Musk e ka bërë të qartë fokusin e tij të madh në krijimin e një vendbanimi në Mars, duke thënë se ky ka qenë qëllimi kryesor i SpaceX që nga themelimi i kompanisë në vitin 2002.

Në fjalimet e mbajtura në konferenca dhe ngjarje hapësinore për punonjësit e SpaceX, ai ka detajuar plane ambicioze për krijimin e një pranie të përhershme njerëzore në Planetin e Kuq, duke thënë se një hap i tillë është i nevojshëm për të siguruar që një koloni njerëzish të mund të mbijetojë një apokalips të mundshëm.

NASA, në të kundërt, është përqendruar në ambiciet e saj hënore, veçanërisht që nga mandati i parë i presidentit Donald Trump, kur zëvendëspresidenti i atëhershëm Mike Pence deklaroi papritur se SHBA-të do t’i kthenin astronautët e tyre në hënë deri në vitin 2024.

Plani i guximshëm nuk funksionoi dhe NASA aktualisht po punon për të rikthyer astronautët në sipërfaqen hënore deri në vitin 2028 afati kohor për të cilin agjencia kishte punuar në epokën e Obamës.

Ky kthim do të shënojë herën e parë që njerëzit kanë shkelur në Hënë që nga përfundimi i programit Apollo në vitin 1972.

Sinjali – aty ku e vërteta flet para lajmit!

/GazetaSinjali/

The post Musk heq fokusin nga Marsi, kthen sytë nga Hëna: Plani ambicioz për një qytet hënor appeared first on Sinjali.

Kryetari i bashkisë së New York City raportoi se 18 persona kanë humbur jetën për shkak të motit ekstrem të ftohtë që ka përfshirë qytetin.

Prej fundit të janarit, New York-u ka kaluar një valë të ashpër të ftohti, me 13 ditë me temperatura që kanë arritur ose rënë nën 0°C, duke e bërë këtë periudhë një nga më të gjatat të motit nën zero në gjashtë dekada.

Gjatë fundjavës, një tjetër person ka humbur jetën në rrugët e qytetit, konfirmoi Zohran Mamdani të hënën, duke shtuar se “çdo jetë e humbur është një tragjedi dhe ne do të vazhdojmë t’i mbajmë familjet e tyre në mendimet tona”.

Ndërsa temperaturat pritet të rriten këtë javë, ato mbeten nën mesatare, me Mamdanin që u thotë banorëve të “qëndrojnë të sigurt, të qëndrojnë brenda… [dhe] të vazhdojnë të kujdesen për njëri-tjetrin”.

Kryebashkiaku shtoi se që nga 19 janari, kur u njoftua një emergjencë e Kodit Blu e cila lehtësoi politikat e pranimit për strehimoret e të pastrehëve rreth 1 mijë e 400 vendosje ishin bërë në strehimore.

Veç kësaj, 64 dhoma hoteli shtesë iu shtuan kapacitetit të strehimit të qytetit, me të paktën 150 punonjës të tjerë në terren në rrugë, tha Mamdani.

Më 27 janar, Mamdani theksoi se të paktën 10 nga personat që kishin vdekur u gjetën jashtë. Rrethanat e vdekjeve të tjera nuk dihen.

“Ne kemi punuar shumë për t’i mbajtur njujorkezët të sigurt dhe do të vazhdojmë ta bëjmë këtë. Sepse nuk parashikohet të jetë mbi 32 gradë [Fahrenheit] deri nesër, dhe kjo nuk është mot i butë”, tha ai.

Shërbimi Kombëtar i Motit i SHBA-së (NWS) bëri të ditur se temperaturat do të rriten në rreth 0C për pjesën më të madhe të javës, pas temperaturave të ngrirjes së vazhdueshme të hënën.

Ai shtoi se temperaturat maksimale ishin normalisht rreth 4C në këtë kohë të vitit.

Një seri 13-ditore temperaturash në 0C ose më poshtë një nga seritë më të gjata për Qytetin e Nju Jorkut që nga viti 1963, përfundoi të premten pasi temperaturat u rritën shkurtimisht mbi 0C.

Agjencia e Menaxhimit të Emergjencave të Nju Jorkut tregoi se ditët pasuese të të ftohtit ekstrem dhe borës përbënin rreziqe serioze për sigurinë në të gjithë qytetin.

Ajo paralajmëroi se shkrirja e borës dhe akullit mund të binte nga ndërtesat pa paralajmërim dhe se rrugët dhe trotuaret mund të ngrinin përsëri gjatë natës.

Sinjali – aty ku e vërteta flet para lajmit!

/GazetaSinjali/

The post 18 të vdekur nga moti ekstrem i ftohtë në New York, kryebashkiaku apelon për kujdes dhe siguri appeared first on Sinjali.

Shtetet e Bashkuara do të transferojnë dy nga postet kryesore komanduese të NATO-s, në Napoli dhe Norfolk, te oficerët evropianë, ka njoftuar një burim ushtarak për Reuters të hënën.

Ky hap vjen në përputhje me kërkesat e presidentit Donald Trump, që ka shtuar presion mbi shtetet evropiane për të marrë më shumë përgjegjësi për sigurinë e tyre.

Administrata e tij ka kërkuar që aleanca ushtarake, që ka qenë kryesisht nën udhëheqjen e SHBA-së, të transformohet në një “NATO të udhëhequr nga Evropa”.

Si pjesë e riorganizimit të komandës, oficerët evropianë do të marrin përsipër Komandën e Forcave të Përbashkëta Aleate të NATO-s në Napoli dhe Komandën e Forcave të Përbashkëta Norfolk, të dyja aktualisht të udhëhequra nga admiralë amerikanë, tha burimi, duke folur në kushte anonimiteti.

Megjithatë, SHBA-të do të marrin frenat e tre komandave pak më poshtë në hierarki, por që mbajnë përgjegjësi të konsiderueshme për operacionet – Komanda Ajrore Aleate, Komanda Detare Aleate dhe Komanda Tokësore Aleate, thanë burimi ushtarak dhe një person tjetër i njohur me çështjen.

I pyetur në lidhje me ndryshimet e planifikuara, një zyrtar i NATO-s tha: “Aleatët kanë rënë dakord për një shpërndarje të re të përgjegjësisë së oficerëve të lartë në të gjithë Strukturën e Komandës së NATO-s, në të cilën Aleatët evropianë, përfshirë anëtarët më të rinj të NATO-s, do të luajnë një rol më të spikatur në udhëheqjen ushtarake të Aleancës”.

Zyrtari tha se vendimi lidhej me “planifikimin për rotacionet e ardhshme” dhe më shumë detaje do të jepen në kohën e duhur.

Sinjali – aty ku e vërteta flet para lajmit!

/GazetaSinjali/

The post SHBA dorëzojnë komandat kryesore të NATO-s te Evropa, sipas kërkesës së Trump appeared first on Sinjali.

Forcat izraelite të sigurisë kanë kryer një seri bastisjesh në Bregun Perëndimor, gjatë të cilave janë arrestuar më shumë se 20 palestinezë, njoftoi shërbimi për shtyp i ushtrisë izraelite (IDF).

Sipas deklaratës zyrtare, të ndaluarit përshkruhen si “terroristë dhe persona të kërkuar”, të dyshuar për përfshirje në blerje, ruajtje dhe tregti të paligjshme të armëve, prodhim të mjeteve shpërthyese, si dhe planifikim sulmesh ndaj personelit ushtarak izraelit.

Ushtria izraelite theksoi se operacionet janë pjesë e përpjekjeve të vazhdueshme për të parandaluar aktivitetet militante në rajon. “IDF do të vazhdojë të veprojë për të penguar terrorizmin në të gjithë Judenë dhe Samarinë”, thuhet në njoftim, duke iu referuar emërtimit izraelit për Bregun Perëndimor.

Sinjali – aty ku e vërteta flet para lajmit!

/GazetaSinjali/

The post Izraeli arreston mbi 20 palestinezë në bastisje në Bregun Perëndimor appeared first on Sinjali.

Shtetet e Bashkuara do t’ua dorëzojnë dy nga postet kryesore komanduese të NATO-s – në Napoli të Italisë dhe Norfolk të Virxhinias – oficerëve evropianë, tha një burim ushtarak për Reuters të hënën.

Ky veprim është në përputhje me kërkesat e presidentit të SHBA-së, Donald Trump që kombet evropiane të marrin më shumë përgjegjësi për sigurinë e tyre.

Administrata e tij ka bërë thirrje që aleanca ushtarake, e dominuar prej kohësh nga Shtetet e Bashkuara, të bëhet një “NATO e udhëhequr nga Evropa”.

Si pjesë e riorganizimit të komandës, oficerët evropianë do të marrin përsipër Komandën e Forcave të Përbashkëta Aleate të NATO-s në Napoli dhe Komandën e Forcave të Përbashkëta Norfolk, të dyja aktualisht të udhëhequra nga admiralë amerikanë, tha burimi, duke folur në kushte anonimiteti.

Megjithatë, SHBA-të do të marrin frenat e tre komandave pak më poshtë në hierarki, por që mbajnë përgjegjësi të konsiderueshme për operacionet – Komanda Ajrore Aleate, Komanda Detare Aleate dhe Komanda Tokësore Aleate, thanë burimi ushtarak dhe një person tjetër i njohur me çështjen.

I pyetur në lidhje me ndryshimet e planifikuara, një zyrtar i NATO-s tha: “Aleatët kanë rënë dakord për një shpërndarje të re të përgjegjësisë së oficerëve të lartë në të gjithë Strukturën e Komandës së NATO-s, në të cilën Aleatët evropianë, përfshirë anëtarët më të rinj të NATO-s, do të luajnë një rol më të spikatur në udhëheqjen ushtarake të Aleancës”.

Zyrtari tha se vendimi lidhej me “planifikimin për rotacionet e ardhshme” dhe më shumë detaje do të jepen në kohën e duhur. 

Sinjali – aty ku e vërteta flet para lajmit!

/GazetaSinjali/

The post SHBA-të do t’ua dorëzojnë dy poste komanduese të NATO-s, evropianëve appeared first on Sinjali.

Mesfushori Eniss Shabani ka zënë një vend në formacionin më të mirë të javës pas një paraqitje fantastike.

Në përballjen e fundit ndaj NK Istra, Shabani ishte një nga pikat më të forta të Vukovarit, skuadër që fitoi me rezultat të ngushtë 3-2.

Pavarësisht që nuk kontribuoi me gol e asistim, paraqitja e jashtëzakonshme në fushë ndikoi që të ketë një vend në formacionin e më të mirëve.

Mediumi kroat “tribina.hr” si zakonisht ka publikuar formacionin më të mirë të xhiros, ku një ndër ta është edhe futbollisti i Shqipërisë U21.

Formacioni më i mirë i javës: Posavec; Sigur, Barisic, McKenna, Borsic; Boskovic, Shabani; Vuk, Pukstas, Banovec; Mamut.

22-vjeçari përndryshe ka zhvilluar 18 paraqitje në elitën e futbollit kroat, ku ka dhënë një asistim./Telegrafi

Një varkë që mbante 55 pasagjerë, përfshirë dy foshnje, është përmbysur në brigjet e Libisë, thotë agjencia e OKB-së për migracionin, ka raportuar BBC.

Të mbijetuarat e vetme, dy gra nigeriane, u shpëtuan nga autoritetet libiane të premten, njoftoi të hënën Organizata Ndërkombëtare për Migracionin (IOM). Anija mbante emigrantë dhe refugjatë nga vende të ndryshme afrikane, tha ajo.

Anija u mbyt pasi u fut në ujë afërsisht gjashtë orë pasi u nis nga qyteti bregdetar i al-Zawiya në Libinë veriperëndimore.

IOM thotë se pothuajse 500 emigrantë janë raportuar të vdekur ose të zhdukur duke u përpjekur të kalojnë Detin Mesdhe nga Libia deri më tani në vitin 2026.

Libia është bërë një pikë ndalese për emigrantët nga Afrika Sub-Sahariane që kërkojnë të arrijnë në Evropë që kur udhëheqësi i gjatë Muammar Gaddafi u vra në vitin 2011.

Të mbijetuarit i thanë IOM se gomonja ishte nisur rreth orës 23:00 sipas orës lokale nga al-Zawiya, në perëndim të Tripolit. Ajo u përmbys disa orë më vonë në orët e para të së premtes në veri të Zuwara.

Nuk është menjëherë e qartë pse ka vonuar kaq shumë që lajmi të dalë në dritë.

Njëra nga dy të mbijetuarat tha se kishte humbur burrin e saj, ndërsa tjetra raportoi se dy foshnjat e saj kishin vdekur, tha agjencia. Ekipet e IOM-it u ofruan të dyja grave kujdes mjekësor urgjent.

IOM thotë se të paktën 375 emigrantë u raportuan të vdekur ose të zhdukur vetëm në janar pas një serie mbytjesh anijesh “të padukshme” në Mesdheun qendror gjatë periudhave të motit ekstrem të dimrit. Numri i vërtetë i viktimave dyshohet se është më i lartë.

Sinjali – aty ku e vërteta flet para lajmit!

/GazetaSinjali/

The post Përmbyset një varkë me emigrantë në brigjet e Libisë, vdesin 53 persona appeared first on Sinjali.

Sulmuesi Emir Sahiti ka shënuar sërish gol, këtë herë në fitoren ndaj Maccabi Bnei Raina.

Tel Aviv ishte bindshëm më e mirë se Raina, ku fitoi me rezultat të thellë 4-0.

Ndërsa, golin e dytë e realizoi Sahiti, i cili shënoi një gol të bukur pas asistimit të Abu Farhit (51’).

Për Sahitin ky është goli i tretë që kur iu bashkua skuadrës izraelite, në po aq paraqitje.

Ndërkohë, Tel Aviv zë pozitën e tretë në tabelë me 42 pikë, nëntë më pak se lideri Beer Sheva./Telegrafi

Juventusi i është rikthyer menjëherë stërvitjeve pas barazimit ndaj Lazios (2-2), ndeshje në të cilën ylli kosovar Edon Zhegrova zhvilloi të gjithë pjesën e dytë.

Sulmuesi i krahut ishte solid në këtë barazim të “Zonjës së Vjetër”, duke qenë i saktë në pasime, i rrezikshëm në driblime dhe i përfshirë drejtpërdrejt në aksionin nga i cili erdhi goli i parë i Juventusit.

Klubi torinez sot ka publikuar sekuenca nga stërvitja, ku Edon Zhegrova shihet duke shënuar gola, dhënë asiste dhe dribluar kundërshtarët me lehtësi.

Nuk ka munguar as përshkrimi i veçantë nga Juventusi, i cili e ka quajtur “Luani” yllin e Kosovës dhe të bardhezinjve.

Zhegrova ka vuajtur për më shumë minuta në sezonin e tij të parë me Juven, por klubi, nga ana tjetër, ka refuzuar të gjitha ofertat që kanë ardhur për të gjatë afatit kalimtar të dimrit, duke treguar besimin e plotë në potencialin e tij.

Edon Zhegrova te Juventusi u transferua nga Lille, ku kishte qenë një nga lojtarët kryesorë të skuadrës franceze, ndërsa bardhezinjtë paguan një shumë të konsiderueshme për shërbimet e tij, duke e parë atë si një investim afatgjatë për të ardhmen e klubit. /Telegrafi/

Mesfushori Lindon Emërllahu thotë se është i lumtur që është bashkëlojtar me Ilir Krasniqin te Polissya Zhytomyr.

Dyshja iu bashkuan skuadrës ukrainase në afatin kalimtar dimëror, ndërsa po përgatiten për të luftuar për titullin kampion.

Ai në intervistë të gjatë për faqen zyrtare të klubit deklaroi se është shumë i lumtur që po luan pranë Krasniqit, me të cilin debutoi te kombëtarja e Kosovës.

“Sigurisht. Kur ke një mik me të cilin luan edhe në kombëtare, është diçka e shkëlqyer. Mund të flasësh gjuhën tënde amtare, gjë që ma bën gjithçka shumë më të lehtë. Ai ka qenë në Ukrainë për rreth një vit e gjysmë — fillimisht te Kolos dhe tani te Polissya — prandaj jam vërtet i lumtur që është këtu”.

“Me gjasë katër apo edhe pesë vjet. Ne i bëmë debutimet në kombëtare së bashku”.

I pyetur se “a është miku më i mirë”, Emërllahu shtoi se “po” pa asnjë dyshim, kurse dha lëvdata për mënyrën e lojës.

“Mendoj se po”

“Ai është i qetë në fushë, e shijon lojën e futbollit. Është inteligjent dhe e di saktësisht çfarë duhet të bëjë gjatë ndeshjes”.

Ndërkohë, paraqitjen e parë dyshja pritet ta zhvillojnë pas dy javëve, më saktësisht kundër Kolos më 22 shkurt./Telegrafi

Projekti shumë i diskutuar i avionit luftarak të gjeneratës së gjashtë, i njohur si Future Combat Air System (FCAS), i zhvilluar nga Franca, Gjermania dhe Spanja, ndodhet në prag të dështimit total.

Kështu bëjnë të ditur për POLITICO katër zyrtarë evropianë në Paris dhe Berlin, të njohur me ecurinë e projektit.

Sipas një burimi të informuar mbi qëndrimin e presidentit Emmanuel Macron, projekti ka më shumë gjasa të mbyllet sesa të rihapet.

“Një njoftim se projekti ka përfunduar është më i mundshëm sesa ri-nisja”, u shpreh ai të premten. Të njëjtin vlerësim ndan edhe një deputet francez i angazhuar në politikat e mbrojtjes, i cili tha se “FCAS ka vdekur, të gjithë e dinë, por askush nuk dëshiron ta thotë hapur”.

Dështimi i këtij programi ambicioz, që synonte ndërtimin e një avioni luftarak të gjeneratës së gjashtë të shoqëruar nga dronë dhe një “re luftarake” dixhitale, do të përbënte një goditje të fortë politike për presidentin Macron. Projekti u lançua personalisht prej tij në vitin 2017, së bashku me kancelaren e atëhershme gjermane Angela Merkel, por prej gati një viti ka mbetur i paralizuar për shkak të përplasjeve industriale dhe mosmarrëveshjeve mes palëve.

Një kolaps i FCAS-it do të ishte “një sinjal shumë negativ”, pikërisht për këtë arsye Macron ka ushtruar presion për shpëtimin e tij, shpjegon i njëjti zyrtar, i cili foli në kushte anonimiteti. Ndërkohë, zyra e shtypit e qeverisë gjermane dhe Ministria franceze e Mbrojtjes nuk iu përgjigjën menjëherë kërkesave të POLITICO-s për koment mbi mundësinë e mbylljes së afërt të projektit.

Megjithatë, zyrtarë francezë kanë deklaruar publikisht se ende shpresojnë në vazhdimin e tij. “Po bëjmë gjithçka që mundemi për të shpëtuar këtë program. Do të shohim se si mund të arrijmë në një zgjidhje”, deklaroi këtë javë drejtori i ri i Agjencisë Franceze të Prokurimit të Armëve, Patrick Pailloux.

Problemet e FCAS-it nxjerrin në pah vështirësitë e bashkëpunimit industrial evropian në fushën e mbrojtjes, në një kohë kur kontinenti po përshpejton riarmatimin përballë Rusisë dhe një tërheqjeje graduale ushtarake të SHBA-së. Në qendër të konfliktit ndodhet avioni i pilotuar, për të cilin kompanitë Dassault dhe Airbus janë përplasur ashpër mbi çështje lidershipi, teknologjie dhe ndarjeje pune. Dassault kërkon më shumë kontroll mbi zhvillimin e avionit të gjeneratës së re (NGF), komponent kyç i FCAS-it.

Për muaj të tërë, Franca dhe Gjermania janë përpjekur të zgjidhin mosmarrëveshjet, duke vendosur edhe një afat më 17 dhjetor të vitit të kaluar, por pa arritur ndonjë marrëveshje. Ndërkohë, në Berlin po shqyrtohet në heshtje një ndryshim i thellë qëndrimi. Kancelari gjerman Friedrich Merz ka vlerësuar disa skenarë, nga ndarja e komponentit të avionit të pilotuar në dy projekte kombëtare, deri te tërheqja e plotë e Gjermanisë nga FCAS-i.

Sipas burimeve qeveritare dhe industriale gjermane, Merz ua ka përcjellë këtë qasje edhe përfaqësuesve që kanë vizituar Parisin, por autoritetet gjermane ende po kërkojnë mënyrën se si ta komunikojnë një vendim të tillë. Kriza rreth FCAS-it ka rritur vëmendjen edhe ndaj programit rival Global Combat Air Programme (GCAP), të udhëhequr nga Italia, Mbretëria e Bashkuar dhe Japonia.

Në Berlin, zyrtarë gjermanë këmbëngulin se vendi dëshiron të ruajë disa pjesë të projektit, veçanërisht “renë luftarake” të përbashkët dhe sistemet e tjera të integruara, edhe nëse avioni luftarak përfundon i ndarë në dy projekte të veçanta kombëtare.

Sinjali – aty ku e vërteta flet para lajmit!

/GazetaSinjali/

The post Analiza nga Politico: Projekti franko-gjerman për avionin luftarak të gjeneratës së re është “i vdekur” appeared first on Sinjali.

Mbrojtësi Lumbardh Dellova ka zënë vend në formacionin më të mirë të javës pas paraqitjes fantastike për CSKA Sofian.

Ylli i Kosovës shënoi një gol të bukur në triumfin 3-1 ndaj Arda, ku me një goditje të fortë s’ia dha mundësinë as për të reaguar portierit kundërshtar.

Lumbardh Dellova shënon supergol për CSKA Sofian

Përpos golit, Dellova ishte i pakalueshëm edhe në mbrojtje, ku si pasojë ishte ndër më të vlerësuarit për skuadrën e tij.

Kësisoj, Dellova ka zënë një vend në formacionin më të mirë të javës në Bullgari nga e përditshmja “SofaScore”.

Përndryshe, po raportohet se ylli dardan po e kalon sezonin e fundit te Sofia meqenëse pritet të largohet për një kampionat më të fortë në verën e ardhshme./Telegrafi

Borussia Dortmund aktualisht mban avantazhin në garën për qendërsulmuesin e Hoffenheimit Fisnik Asllani.

Bayern Munich ka reduktuar ndjeshëm interesimin për yllin e skuadrës gjermane Hoffenheimit. Sipas “kicker”, 23-vjeçari “nuk luan një rol të rëndësishëm” në planet aktuale të bavarezëve.

Edhe pse Bayern e ka ndjekur nga afër Asllanin dhe ka vlerësuar cilësitë e tij brenda zonës së rreptësisë, shpejtësia e lojtarit nuk e ka bindur klubin. Për më tepër, pozicioni i tij i mundshëm në formacion është tashmë i zënë pas vazhdimit të kontratës së Serge Gnabryt.

Kësisoj, mediat gjermane raportojnë se Dortmund po përfiton nga situata dhe ka shtuar interesim për lojtarin, duke e bërë top prioritet për afatin kalimtar dimëror.

E ardhmja e Asllanit mbetet e hapur, me një vendim që pritet të merret gjatë vitit 2026.

Sulmuesi i Hoffenheimit ka kontratë deri në vitin 2029, por mund të largohet nga klubi për një shumë që varion nga 25 deri në 29 milionë euro.

Mediumi tjetër “Sky” ka shtuar se brenda këtyre tre muajve, Asllani do t’i jep përgjigjen përfundimtare skuadrës të cilës dëshiron t’i bashkohet./Telegrafi