Në zonën e “21 Dhjetorit,” në Rrugën e Kavajës, ngjitur me “Çerdhen Nr. 24”, “Kopshtin Nr.43” dhe “Qendrën Komunitare të Shëndetit Mendor Nr.2” po ndërtohet një kullë 20-katëshe me katër kate nëntokë.

Punimet në kantier vijojnë, pavarësisht se rreth tij shërbehet kujdes institucional për fëmijët dhe personat me shqetësime të shëndetit mendor. Hapësira mes institucioneve dhe kantierit është “mur më mur”.

Gazetarët e Citizens.al u interesuan për të marrë informacion nëse për projektin në fjalë ka pasur konsultime me institucionet. Nga çerdhja na u tha se informacionet vijnë përmes Drejtorisë së Kopshteve dhe Çerdheve të Tiranës.

Punonjësit pohuan se nuk mund të komentojnë publikisht projektin pa autorizim të drejtorisë, e cila nuk ishte e arritshme për koment.

Shqetësimi për ndikimin social

Kulla quhet “Nomad Building”, ajo është projektuar nga studioja “Dalmat Architecture” dhe po zhvillohet nga kompania “Artech Group”.

Projekti mori lejen e zhvillimit nga qeveria më 2 prill 2024 dhe lejen e ndërtimit rreth një muaj më vonë. Leja theu rregullin e caktuar nga Plani i Përgjithshëm Vendor (PPV), që parashikonte një intensitet ndërtimi 2.8 për zonën dhe lartësi maksimale prej 8 katesh.

Sikurse e kemi analizuar dhe më parë në Citizens.al, norma e kritereve të PPV-së dhe PDV-ve mund të tejkalohet përmes vendimeve të Këshillit Kombëtar të Territorit dhe Ujit (KKTU), organ që drejtohet nga Kryeministri.

Me vendimet e saj KKTU-ja mund të vendosë përjashtime nga rregulloret. Mirëpo shpeshtësia e këtyre “përjashtimeve” ka bërë që tashmë normë të jenë vetë tejkalimet e planit të përgjithshëm dhe ngritja në intensitet dhe lartësi më të larta.

Lexo: Përjashtimi u bë normë, kullat në ish-bllok thyejnë kriteret e Planit Urbanistik

Në projektin e kullës intensiteti i ndërtimit është 8.8 dhe lartësia ka shkuar në 20 kate.

Zhvilluesit thonë se po i japin zgjidhje zonës që deri në vitin 2024 kishte një strukturim kaotik urban me ndërtesa kryesisht 1-katëshe dhe se në përfundim të projektit rreth 60% e sipërfaqes së truallit do të jepet për shfrytëzim si hapësirë publike.

Megjithatë shqetësues është fakti se projekti po zhvillohet krah tre institucioneve që ofrojnë shërbime shëndetësore dhe edukimi. Punimet zhvillohen me orare deri në 00:00 dhe në fazat e mëvonshme mund të ndikojë edhe më shumë me zhurmat apo nivelin e pluhurave.

Një model që po përsëritet

Ndërtimi i kullave pranë institucioneve arsimore apo shërbimeve publike nuk është më rast i izoluar në Tiranë.

Në ish-Bllok, banorë të tre pallateve pranë shkollës 9-vjeçare “Emin Duraku” protestuan kundër një kulle 16-katëshe që nisi të ndërtohej aty. Çështja po ndiqet aktualisht në gjykatë, ndërsa punimet në terren kanë vijuar.

Në Bulevardin “Bajram Curri” është bërë publik gjithashtu plani për një kullë 19-katëshe pranë shkollës 9-vjeçare “1 Maji”. Një skenar i ngjashëm planifikohet të vijojë edhe pranë Kopshtit Nr.41 te “Rruga Pjetër Budi”, ku një pallat 9-katësh pritet të ngrihet pranë murit të kopshtit.

Në raste të tjera, zhvillimet kanë parashikuar edhe zhvendosjen e institucioneve ekzistuese. Një prej tyre është jetimorja “Zyber Hallulli”, e cila pritet të zhvendoset nga trualli aktual dhe të riorganizohet te zona e ish-vilave gjermane.

Në vend të saj planifikohet ndërtimi i tre kullave deri në 35 kate. Kështu, zhvillimet “mur më mur” me institucionet publike po kthehen në normë teksa transparenca, konsultimi me komunitetin mbeten ende të paqarta.

Lexoni gjithashtu:

• Shpallet fituesi, tre kulla deri 35 kate te “Zyber Hallulli”
• Bjarke Ingels në Petrelë: “Parku i Besimit” mbi zonën antike të Përsqopit
• Thirrjet “pa garë” dhe “pa llogari” të Korporatës së Investimeve

The post “Mur më mur” me çerdhen dhe kopshtin: Kulla 20 kate te “21 Dhjetori” appeared first on Citizens.al.

Kryedemokrati, Sali Berisha ka deklaruar këtë të martë nga Strasburgu se qeveria e Edi Ramës, rrezikon sipas tij sigurinë e Europës. Nga mbledhja e grupit parlamentar të EPP-së në Strasburg mbi zgjedhjet në Shqipëri dhe raportin për ‘terapinë konvertuese’, Berisha e paraqiti situatën në Shqipëri, si një rrezik serioz për sigurinë e Europës, duke e […]

The post Berisha në Strasburg: Narkoshteti i Ramaduros rrezikon sigurinë e Europës! appeared first on BoldNews.al.

PRISHTINË, 20 janar/ATSH/ Kryeministri në detyrë, Albin Kurti, ka thënë se Serbia më mirë se kurrë më herët e ka kuptuar se Kosova është shtet, edhe pse vazhdon ta refuzojë njohjen. Ai, në Forumin Ekonomik Botëror në Davos të Zvicrës, akuzoi edhe partitë opozitare se për shkak të mungesës së bashkëpunimit të tyre, vendi shkoi dy herë në zgjedhje vitin e kaluar. Derisa ka theksuar se populli i Kosovës, sipas tij, refuzon të kthehet “në epokën e korrupsionit”.

Ai tha se kontribuuesi i destabilitetit në rajon përmes Serbisë është Federata Ruse.

“Nga katër fqinj që kemi si Republika e Kosovës, tre na njohin. Vetëm Serbia nuk na njeh dhe nuk duket se do ta bëjë së shpejti. Edhe pse mendoj se e kuptojnë më mirë se kurrë që jemi shtet tjetër. Realiteti ka ndryshuar shumë. Por ajo që duhet të ndodhë është që të shuhet ëndrra e tyre për kthim. Po ashtu, kontribuuesi i saj është Perandoria Ruse, apo ajo që është tash Federata Ruse. Perandoria Ruse nuk dëshiron fqinj, por është e pamundur që të mos kesh fqinj”, tha ai.

Krahas kësaj, ai akuzoi opozitën sa i përket zgjedhjeve të reja, duke nënvizuar se mungesa e bashkëpunimit nga ana e tyre i solli zgjedhjet e reja dhe rezultatin e mirë për të, ku mori mbi 51 për qind të votave.

Në anën tjetër, Kurti ka thënë se gjatë mandatit të tij qeverisës e ka trashëguar një situatë me korrupsion endemik, andaj sipas tij, populli i Kosovës refuzon që të kthehet në të ardhmen në atë gjendje.

Ai theksoi se askush brenda kabinetit qeveritar të tij s’e ka as imagjinatën më të vogël të përfshirjes në çfarëdo shkalle të korrupsionit.

“Ne e kemi trashëguar një situatë kur korrupsioni ka qenë endemik. Ka rezistencë dhe qëndrueshmëri të fortë të njerëzve që të mos kthehen kurrë më aty. Pra, shpresa jonë janë njerëzit; që ata do ta njoftojnë sistemin dhe publikun për korrupsionin që e hasin. Askush, absolutisht askush brenda kabinetit të ministrave s’e ka as imagjinatën më të vogël të përfshirjes në çfarëdo shkalle të korrupsionit, prandaj duhet të udhëheqim me shembuj”, përfundoi ai.

Lëvizja Vetëvendosje në zgjedhjet e 28 dhjetorit ka fituar 51.11 për qind të votave. /KosovaPress/

The post Kurti: Serbia e ka kuptuar se jemi shtet appeared first on Agjencia Telegrafike Shqiptare.

BUDAPEST, 13 janar /ATSH/ – Kryeministri nacionalist hungarez, Viktor Orban do të përballet, për herë të parë pas 16 vitesh, me një sfidant të fortë në zgjedhjet parlamentare të Hungarisë, që do të mbahen më 12 prill, ndërsa rezultati pritet të ketë pasoja të thella për Evropën dhe forcat politike të së djathtës ekstreme, sipas Reuters.

Rikandidimi i Orbanit po ndiqet me vëmendje edhe përtej Hungarisë.

Udhëheqësi nacionalist e konsideron presidentin amerikan Donald Trump si një aleat kundër Bashkimit Evropian dhe ka ruajtur lidhje të ngushta me Moskën, pavarësisht luftës në Ukrainë.

Orban dhe modeli i demokracisë joliberale

Orban, 62 vjeç, i cili erdhi në pushtet në vitin 2010 me një fitore dërrmuese, e ka shndërruar Hungarinë në atë që ai e quan një demokraci joliberale.

Ai është përplasur shpesh me Brukselin për kufizimet ndaj mediave të pavarura, qëndrimin e tij kundër emigracionit dhe tkurrjen e të drejtave të komunitetit LGBTQ.

Këto përplasje kanë çuar në ngrirjen e miliarda eurove fonde evropiane, duke ushtruar presion shtesë mbi një ekonomi që tashmë po vuan nga inflacioni i lartë dhe rënia e fuqisë blerëse.

Në këto zgjedhje, ai do të përballet me Peter Magyar, një ish-zyrtar i qeverisë, partia e të cilit ”Tisza”, me orientim qendër-djathtas, ka tronditur skenën politike hungareze që nga hyrja e saj në vitin 2024.

Rezultati i këtij votimi nuk do të ketë pasoja vetëm për Hungarinë, por pritet të ndikojë drejtpërdrejt edhe ekuilibrat politikë në Bashkimin Evropian.

Në arenën ndërkombëtare, Orban ka ndërtuar një profil të veçantë: ai mban marrëdhënie të afërta me Moskën, pavarësisht luftës në Ukrainë, dhe e sheh ish-presidentin amerikan Donald Trump si një aleat ideologjik kundër institucioneve të Bashkimit Evropian.

Ekonomia, pika e dobët e ”Fidesz”-it

Ndryshe nga zgjedhjet e mëparshme, ku stabiliteti ekonomik i ka shërbyer si avantazh, këtë herë Orban përballet me një realitet më të vështirë. Pas pushtimit rus të Ukrainës në vitin 2022, inflacioni u rrit ndjeshëm, duke shkaktuar një krizë të kostos së jetesës që preku veçanërisht shtresat e mesme dhe të ulëta.

Përpjekjet e qeverisë për të frenuar çmimet dhe për të ofruar mbështetje sociale kanë pasur efekt të kufizuar, ndërsa bllokimi i fondeve të BE-së ka reduktuar hapësirën fiskale për investime dhe stimulim ekonomik. Në këtë kontekst, ekonomia është shndërruar në pikën më të ndjeshme të fushatës së ”Fidesz”-it.

Sfida e re Peter Magyar dhe partia ”Tisza”

Në këtë skenë politike hyn Peter Magyar, 44 vjeç, një ish-konkurrent i sistemit qeveritar, i cili është shfaqur si figura më e fortë opozitare në një dekadë e gjysmë. Partia e tij, ”Tisza”, me orientim qendër-djathtas, ka arritur të tërheqë votues të zhgënjyer si nga opozita tradicionale, ashtu edhe nga ”Fidesz”.

Magyar ka ndërtuar fushatën e tij mbi dy shtylla kryesore: luftën kundër korrupsionit dhe rikthimin e marrëdhënieve funksionale me Bashkimin Evropian. Ai ka premtuar se do të ndërmarrë reforma për të zhbllokuar miliarda euro fonde të ngrira nga BE-ja, duke argumentuar se këto para janë jetike për rimëkëmbjen ekonomike.

Ndryshe nga Orban, Magyar ka theksuar se Hungaria duhet të mbetet e ankoruar fort në BE dhe NATO, ndërsa ka sinjalizuar një qasje pragmatike ndaj Rusisë, pa u larguar nga linja euroatlantike.

Sondazhet dhe faktorët e pasigurisë

Sondazhet e fundit sugjerojnë një garë më të ngushtë se kurrë më parë. Sipas një studimi të kryer në dhjetor nga instituti Publicus, partia ”Tisza” gëzon mbështetjen e 48% të votuesve të vendosur, kundrejt 40% për ”Fidesz”-in. Megjithatë, një përqindje e konsiderueshme votuesish të pavendosur mbetet një faktor kyç që mund të përmbysë parashikimet.

Kontrolli i ”Fidesz”-it mbi institucionet, mediat proqeveritare dhe strukturat lokale mbetet një avantazh i rëndësishëm për Orbanin. Nga ana tjetër, lodhja e elektoratit nga një pushtet i gjatë dhe presioni ekonomik mund të favorizojnë ndryshimin.

 Një zgjedhje me pasoja përtej Hungarisë

Zgjedhjet e 12 prillit nuk janë thjesht një garë mes dy politikanëve, por një referendum de facto mbi drejtimin strategjik të Hungarisë: vazhdimi i kursit nacionalist dhe konfrontues me BE-në, apo një kthesë drejt integrimit më të thellë evropian dhe reformave institucionale.

Për Bashkimin Evropian, një humbje e Orbanit do të dobësonte një nga zërat më të fortë kundër Brukselit nga brenda unionit. Përkundrazi, një fitore e re e tij do të konfirmonte qëndrueshmërinë e modelit të demokracisë joliberale dhe do t’i jepte shtysë forcave të ngjashme politike në vende të tjera evropiane.

Në këtë kuptim, votimi i 12 prillit në Hungari shihet gjerësisht si një nga testet politike më të rëndësishme të vitit në Evropë. /Ad.Ab./ a.jor.

The post ANALIZË – Zgjedhjet e 12 prillit prova më e madhe e pushtetit të Orbanit në 16 vjet appeared first on Agjencia Telegrafike Shqiptare.

Nga Antoine Harari, FOLLOW THE MONEY Gjatë një nate të ftohtë tetori në vitin 2013, policia ndaloi një Audi A8 të zi në Fier, një qytet në jugperëndim të Shqipërisë. Për javë me radhë, agjentët ndoqën makinën për shkak të dyshimeve se trafikantët e drogës e përdornin Audi-n. Ato natë, inspektori i policisë, Dritan Zagani, i […]

The post Investigimi: Narko-shteti i Edi Ramës po kërcënon Europën, BE ka mbyllur sytë appeared first on BoldNews.al.

TIRANË, 27 dhjetor/ATSH/ Akademia e Pushtetit Vendor, një strukturë e re kombëtare që synon rritjen e kapaciteteve të administratës vendore në kuadër të procesit të integrimit evropian, pritet të nisë funksionimin në muajin janar. Akademia do të trajnojë punonjësit e të 61 bashkive të vendit, me fokus të veçantë përgatitjen e tyre për përthithjen e fondeve të Bashkimit Evropian dhe zbatimin e standardeve të reja që do të shoqërojnë anëtarësimin e Shqipërisë në BE.

Në një intervistë për televizionin Klan, ministri për Pushtetin Vendor, Ervin Demo, tha se akademia është krijuar për t’u përgjigjur drejtpërdrejt sfidave që do të përballen bashkitë, si në procesin e integrimit, ashtu edhe në menaxhimin e fondeve dhe reformave që prekin pushtetin vendor.

“Procesi i integrimit do të sjellë standarde të reja të cilat janë të detyruara për t’u implementuar në pushtetin vendor. Rreth 65% e legjislacionit do të prekë autoritetet lokale dhe bashkitë duhet të jenë me patjetër gati për të pasur mundësi të absorvojnë të gjitha kërkesat e reja të cilat do të jenë detyrime ligjore. Kjo do të jetë sfidë e madhe, sepse ne duhet të garantojmë që kemi institucione që ditën e parë që Shqipëria është në BE, të jenë gati për të shfrytëzuar të gjitha mundësitë që vijnë nga integrimi, si financime dhe fonde nga BE. Fondet e kohezionit janë të rëndësishme për bashkitë. Akademia në fillim të vitit 2026 fillon funksionin e saj normal, në muajin janar”, tha Demo.

Krahas integrimit, Akademia e Pushtetit Vendor pritet të ndihmojë stafet e bashkive edhe për çështjen e reformës së re territoriale, e cila tashmë është në diskutim.

“Bashkitë do të kenë një nevojë të jashtëzakonshme, sidomos vitin e parë, për të përthithur reformën territoriale, si nga funksionet, ashtu edhe nga hapësira gjeografike. Ne do të kemi sistemet e menaxhimit financiar ku bashkitë do të përfshihen në vitin 2026, kemi digjitalizimin e shërbimeve vendore që do të fillojë në vitin 2026 “, tha Demo.

Akademia e Pushtetit Vendor bën bashkë të gjithë aktorët vendimmarrës, por i rëndësishëm është fakti që do të jenë vetë bashkitë ato që do të evidentojnë nevojat ku duhet të rrisin performancën.

“Akademia vendore do të fokusohet specifikisht në nevojat që ka vetë bashkia dhe këto mund të ndryshojnë nga njëra bashki te tjetra. Për t’u ardhur në ndihmë bashkive për elemente specifike ku ato e kanë të domosdoshme një lloj përparimi nga pikëpamja e kapaciteteve, për të kapur standarde kombëtare apo për të krijuar mundësi të reja zhvillimi në territor”, tha Demo.

Akademia e Pushtetit Vendor është mbështetur nga të 61 bashkitë e vendit.

“Bashkitë e vendit kanë kaluar buxhetet për vitin 2026, kanë firmosur statutin e akademisë, po ashtu të gjitha qarqet e vendit janë pjesë e saj. Edhe qeveria shqiptare e ka dhënë zotimin e saj që tre vitet e para do e financojë në masën 50%”, tha Demo.

Financimi i akademisë është 50% nga buxheti i shtetit në tre vitet e para, dhe 50% nga buxheti i bashkive. Këto të fundit kanë buxhetuar në total 450 mijë euro për vitin 2026, në bazë të të ardhurave dhe buxhetit të gjithsecilës.

/a.f/

The post Demo: Akademia e Pushtetit Vendor nis në janar appeared first on Agjencia Telegrafike Shqiptare.

Qeveria e Beninit thotë se ushtarët besnikë dhe rojet kombëtare kanë rifituar kontrollin, pasi një grup ushtarësh njoftuan në televizionin shtetëror se kishin marrë pushtetin në një përpjekje të dukshme për grusht-shtet.

Ministri i Jashtëm, Olushegun Adjadi Bakari tha të dielën se komplotistët e grusht-shtetit kishin marrë kontrollin vetëm të televizionit shtetëror dhe se sinjali ishte ndërprerë për disa minuta, transmeton Telegrafi.

"Ka pasur një përpjekje, por situata është nën kontroll. Tani është një grup i vogël ushtarakësh. Një pjesë e madhe e ushtrisë është ende besnike dhe ne po e marrim situatën nën kontroll", tha Bakari për agjencinë e lajmeve Reuters.

Një grup ushtarësh të udhëhequr nga nënkolonel Pascal Tigri ishin shfaqur në ekran për të pretenduar rrëzimin e presidentit Patrice Talon, i cili ka qenë në pushtet që nga viti 2016, si dhe të gjitha institucioneve shtetërore. Ata gjithashtu pretenduan se kufijtë e vendit ishin mbyllur dhe se të gjitha partitë politike ishin pezulluar.

Trupat e quanin veten pjesë të "Komitetit Ushtarak për Rithemelim" (CMR).

Pas përpjekjes për marrjen e pushtetit, zyra e presidentit deklaroi se Taloni është i sigurt dhe se ushtria po rifitonte gradualisht kontrollin, sipas agjencisë së lajmeve AFP.

"Ky është një grup i vogël njerëzish që kontrollojnë vetëm televizionin", tha presidenca për AFP-në.

"Ushtria e rregullt po rifiton kontrollin. Qyteti dhe vendi janë plotësisht të sigurt", tha ajo.

Ambasada franceze tha në kohën e marrjes së kontrollit të televizionit shtetëror, se "u raportuan të shtëna me armë në kampin Guezo" pranë rezidencës zyrtare të presidentit.

Taloni pritet të japë dorëheqjen prillin e ardhshëm pas 10 vitesh në pushtet.

Përpjekja e dukshme për grusht-shtet "nuk vjen si surprizë për askënd", tha për Al Jazeera, Adama Gaye, një ish-drejtor i komunikimit në bllokun e Afrikës Perëndimore ECOWAS.

Ai deklaroi se ka pasur shumë tension politik në vend, me shumë anëtarë të opozitës të burgosur.

Taloni kishte arritur të "eliminonte njerëzit kyç në partinë opozitare, përfshirë ish-presidenten Boni Yayi", tha Gaye, duke shtuar se ai kishte caktuar ministrin e tij të financave për të marrë përsipër frenat pas zgjedhjeve të ardhshme.

Një numër grusht-shteti kanë ndodhur në të gjithë kontinentin vitet e fundit. /Telegrafi/

Sindikata e Pavarur e Minatorëve të Trepçës ka reaguar rreth kushteve të punës në Minierën me Flotacion të Trepçës.

Sipas një postimi në rrjetin social në Facebook ata kërkojnë që vëmendja e qeverisë të kthehet nga minierat me plane konkrete.

Po ashtu në reagim thuhet se kushtet aktuale janë të rënda, të rrezikshme dhe të papranueshme.

“Pajisjet e vjetruara janë ndër shkaqet kryesore. Ato nuk plotësojnë standardet më elementare të sigurisë. Çdo herë që përdoren, rreziku për lëndim është pranë. Kjo gjendje është pasojë e mungesës së investimeve për shumë vite me radhë. Ne detyrohemi të sakrifikojmë, të punojmë me makineri të lodhura e me kushte të rrezikshme, vetëm që të sigurojmë të hyrat minimale për pagat tona”, thuhet në reagim.

Më poshtë e keni reagimin e plotë të Sindikatës:

Situata në minierë ka arritur në një pikë ku nuk mund të heshtet më. Përveç rrezikut të përditshëm që sjell profesioni ynë, ne po punojmë në kushte që nuk i plotësojnë as kërkesat minimale të sigurisë. Trajnimet e domosdoshme për sigurinë dhe shëndetin në punë mungojnë, edhe pse me ligj duhet të mbahen rregullisht për çdo punëtor”.

Çdo ditë jemi dëshmitarë të lëndimeve të rënda e të lehta brenda minierës. Shumë kolegë tanë kanë mbetur me pasoja të përhershme në shëndet, e shumë të tjerë me lëndime që nuk shihen nga askush përveç regjistrave të brendshëm. Ky numër është alarmues dhe nuk mund të trajtohet më si statistikë e ftohtë. Kjo është jeta e minatorëve që rrezikojnë për të mbajtur minierën gjallë.

Pajisjet e vjetruara janë ndër shkaqet kryesore. Ato nuk plotësojnë standardet më elementare të sigurisë. Çdo herë që përdoren, rreziku për lëndim është pranë. Kjo gjendje është pasojë e mungesës së investimeve për shumë vite me radhë. Ne detyrohemi të sakrifikojmë, të punojmë me makineri të lodhura e me kushte të rrezikshme, vetëm që të sigurojmë të hyrat minimale për pagat tona.

Kjo situatë nuk mund të vazhdojë kështu. Investimet në Trepçë nuk janë dëshirë, janë domosdoshmëri.

Ne i bëjmë thirrje qeverisë së re, kujtdo që do të marrë përgjegjësinë pas zgjedhjeve, të kthejë vëmendjen kah minierat. Duhet një plan i qartë, serioz dhe afatgjatë për sektorin minerar, me investime të drejtpërdrejta në Trepçë, sepse pa minatorët nuk ka prodhim, e pa prodhim nuk ka Trepçë.

Po ashtu, kërkojmë nga menaxhmenti që menjëherë të nisë trajnimet e sigurisë dhe të ndërmarrë të gjitha masat mbrojtëse pa asnjë vonesë.

Kushtet aktuale janë të rënda, të rrezikshme dhe të papranueshme. Minatorët nuk mund të presin më. /Telegrafi/

Një narcoshtet në ngritje, një kryeministër që bën marketing ndërkombëtar, dhe një marrëveshje Rama–Meloni që po shndërrohet në farsë. Në të njëjtën ditë, media italiane Domani botoi dy shkrime që zbulojnë brutalitetin e realitetit shqiptar: mafian që forcohet si strukturë transnacionale, dhe qeverinë shqiptare që shet projekte boshe ndërkombëtare, me koston e taksapaguesve italianë dhe […]

The post “Domani”: Mafia shqiptare po lulëzon, ndërsa Edi Rama bën PR global me fasada appeared first on BoldNews.al.

 “Paketa e Maleve do të ketë brenda një sërë masash që të gjithë ata që i kanë lënë këto male në kërkim të një jete më të mirë, të kthehen dhe me bukuritë e këtyre maleve të bëjnë sukses, të bëjnë ekonomi, të bëjnë mirëqenie dhe t’u lënë fëmijëve të tyre trashëgimi një pasuri të […]

The post “Paketa e maleve” e Ramës kapërcen kufijtë, “merr” edhe bregdetin e kodrinat appeared first on BoldNews.al.

TIRANË- Në pritje të çeljes së grupkapitullit të fundit “Burimet, Bujqësia dhe Kohezioni”, ambasadori gjerman Karl Bergner, tha se anëtarësimi në Bashkimin Europian nuk është vetëm politik por mbi të gjitha ekonomik me një impakt të drejtpërdrejtë në mirëqenien e qytetarëve.

“Rrugëtimi i vendit në BE po merr gjithnjë e më shumë shpejtësi, nuk është vetëm një rrugëtim politik, por edhe ekonomik, strukturor, por edhe transformim shoqëror që çel dyer të reja për fermerë e biznese. Do jetë udhëtim i vështirë, me fitues dhe njerëz që humbasin.

Le të shohim si transformimi drejt BE do sjellë avantazhe për shumicën e njerëzve. Integrimi në BE ka fuqi transformuese, mundësitë kanë vlerë vetëm kur jemi gati të përmbushim kërkesat që do të thotë harmonizimi i legjislacionit, mbështetja e fermerëve dhe agrobizneseve”, theksoi ambasadori gjerman.

Këto deklarata Bergnet i bëri në Konferencën Ndërkombëtare mbi Shkencat e Jetës dhe Bujqësinë, ku i pranishëm ishte edhe kryeministri Edi Rama, i cili tha se bashkëpunimi me Universitetin e BOKU-se ne Vjenë, ka rritur numrin e studentëve që kërkojnë të studiojnë në Universitetin e Bujqësorit me 20%.

“Një pararojë e transformimit, një pararojë e ambicies për Shqipërinë e të nesërmes, një pararojë e përgjegjshmërisë së lartë përpara brezit të atyre që trokasin në dyert e universiteteve tona për tu bërë specialitet e së nesërmes dhe padyshim që këtu ka një meritë të veçantë jo vetëm lidershipi universitetit.

Do të çojë në ditën e bekuar të njehsimit të plotë të Universitetit Bujqësor të Tiranës me Universitetin BOKU të Vjenës nga ku do të dalin diploma të njehsuara dhe që do ta bëjnë këtë universitet siç e kemi në vizionin tonë të përbashkët socialist dhe demokratik me Bardhin, një universitet rajonal me studentë jo vetëm nga vendi, por nga gjithë rajoni”, u shpreh ai.

 Ndërsa nuk munguan as batutat me rektorin, Fatbardh Sallaku.

“Këtu ka meritë jo vetëm lidershipi i universiteti, s’do ma kishte ngrënë mendja se do të vinte dita që do të lavdëroja kaq shumë sa herë që bie rasti një demokrat, por kam kuptuar se kur demokratët nuk kanë flokë, e kam më të lehtë të gjej aleancë me ta”, tha ai./abcnews.al

Nga Lutfi Dervishi Nëse ka një politikan që koha e vendosi menjëherë si “sanduiç” mes “të vjetrës që shembet dhe të resë që po lindte”, ky është Fatos Nano. Ai e nisi karrierën politike në anën tjetër të barrikadës. Në momentin kur diktatura po shkërmoqej përballë presionit të kohës dhe studentëve, ndryshe nga shumë intelektualë, […]

The post Nano, njeriu që nuk ra viktimë e pushtetit të tij! appeared first on BoldNews.al.

Trafiku i drogës po e shndërron Belgjikën në një narkoshtet dhe sunimi i ligjit është në rrezik.

Ky ishte paralajëmrimi i fortë i një gjyqtari të Antwerp, në një letër anonime, ku i kërkon qeverisë ndihmë urgjente.

Gjyqtari theksoi se ajo që po ndodh në Belgjikë nuk është më një çështje klasike krimi, por një kërcënim i organizuar që minon institucionet e vendit.

Strukturat e gjera të ngjashme me mafian kanë zënë rrënjë, duke u bërë një pushtet paralel që sfidon jo vetëm policinë, por edhe gjyqësorin. Pasojat janë serioze: a po evoluojmë në një narko-shtet? Sipas komisionerit tonë të drogës, ky evolucion është tashmë në proces.

Porti i Antwerp në Belgjikë ka shërbyer si një portë hyrëse për trafikun e drogës në Europë. Ndërkohë kryeqyteti i vendit, Brukseli, është prekur nga incidente me armë zjarri të lidhura me drogën. Këtë vit janë shënuar më shumë se 60 incidente, prej të cilave 20 ndodhën në verë.

Në letrën anonime, gjyqtari thekson se një narkoshtet karakterizohet nga një ekonomi e paligjshme, korrupsion dhe dhunë, kushte që Belgjika i përmbush, sipas tij. Gjyqtari vëren se rrjetet e pastrimit të parave rrisin kostot e pasurive të paluajtshme, teksa korrupsioni depërton në institucionet shtetërore.

Ky ryshfet depërton në institucionet tona. Çështjet që kam drejtuar vitet e fundit kanë rezultuar në arrestime të punonjësve në pozicione kyçe portuale, oficerëve të doganave, oficerëve të policisë, nëpunësve komunalë dhe, për fat të keq, madje edhe të stafit të sistemit të drejtësisë.

Ai gjithashtu vë në dukje se si atentatet apo rrëmbimet, porositen lehtësisht në internet, madje jo në rrjetin e errët, por në Snapchat.

Për të trajtuar incidentet e dhunshme dhe me raste fatale, ku shpesh kanë qenë protagonistë edhe shqiptarë, Ministri i Brendshëm i Belgjikës, ka thënë se dëshiron të nxjerrë ushtarë në rrugët e Brukselit. Më herët këtë vit, qeveria belge miratoi bashkimin e gjashtë zonave policore të Brukselit në një njësi të vetme, që do të hyjë në fuqi në fillim të vitit 2027.

Nga Ilir Kalemaj Sado syze rozë apo mavi qofshin, prapëseprapë, raporti final i OSBE-ODIHR-it ishte më problematik se ai i 2021-shit dhe theksonte akoma më shumë ekseset e parregullsive elektorale në raport me atë paraprak që doli në maj. Në 2021shi pati në fakt dhe raporte të tjerë si ai i Transparency International që evidentoi […]

The post Ra ky raport e u pamë! appeared first on BoldNews.al.

Nga Ugo Cundari, IL MATTINO Disa e përshkruajnë Shqipërinë si një “narkoshtet”, dhe duke lexuar dokumentet e hetimeve, ky nuk duket aspak një ekzagjerim. Gjithçka fillon pas rënies së regjimit komunist, nga vitet ’90 e tutje, kur shqiptarët, të varfër dhe të dëshpëruar, zbarkuan në Itali, duke ëndërruar “Lamerikën”, për të përdorur fjalën e Gianni […]

The post “Klanet në Tiranë marrin tendera në këmbim të votave”/ Il MATTINO: Si u kthye Shqipëria në narko-shtet appeared first on BoldNews.al.

Nga Boldnews.al Shqipëria është vendi ku, mijëra qytetarë presin me dekada për të marrë pronën, disave që u soset durimi gjyqeve, sorollatjeve nëpër institucione, zgjedhin hakmarrjen, shkrepin armën, ndaj të afërmve, fqinjëve, së fundi, edhe ndaj një gjyqtari brenda gjykatës, në mes të Tiranës. Shqipëria është vendi ku, vrasësi i gjyqtarit pret me duar në […]

The post Shteti “i vrarë” nga babëzia e pushtetit appeared first on BoldNews.al.

Partia Shqipëria Bëhet, ka deklaruar se në zgjedhjet që do të mbahen në Tiranë më 9 nëntor, do të mbështesë kandidaturën e Florian Binajt.

Në një postim në rrjetet sociale, Adriatik Lapaj, shkruan se edhe më parë kishin bërë me dije që për shkak të rrethanave ku mbahen këto zgjedhje, kandidatura për kryebashkiakun e ri të Tiranës duhet të vinte nga nga radhët e qytetarëve të angazhuar dhe jo nga marrëveshjet e partive politike.

Postimi i plotë:

Dy ditë më parë propozuam që kandidatët për bashkitë në këto zgjedhje për shkak të situatës së jashtëzakonshne duhet të vinin nga radhët e qytetarëve të angazhuar dhe jo nga marrëveshjet e partive politike.
Deklaruam se do të mbështesnim një prej kandidatëve të pavarur që do të shpallnin kandidimin në këto zgjedhje.

Duke shprehur vlerësimin për të gjithë ata që janë deklaruar, kryesia e Lëvizjes “Shqipëria Bëhet” ka vendosur që në Bashkinë Tiranë të mbështesë kandidatin e pavarur Florjan Binaj.

Ky vendim bazohet te vullneti ynë i mirë dhe bindja që Shqipëria vlen mbi partinë.

The post Zgjedhjet në Tiranë, Adriatik Lapaj mbështet kandidatin Florian Binaj: Shqipëria vlen mbi partinë appeared first on Albeu.com.

ROMË, 22 shtator /ATSH/ – Qeveritë e Britanisë së Madhe, Kanadasë, Australisë dhe Portugalisë e kanë njohur zyrtarisht Palestinën, shkruan focus.it.

Palestina është një shtet i shpallur në mënyrë të njëanshme në vitin 1988, pas një sërë konfliktesh që filluan ditën kur lindi shteti hebre në vitin 1948.

Që atëherë, një sërë luftërash dhe sulmesh terroriste kanë çuar në një krizë të pafundme.

Për çfarë territori po flasim?

Rezoluta 181 e OKB-së në vitin 1947 vendosi ndarjen e Palestinës në dy shtete, njëri hebre, tjetri arab, me Jerusalemin të administruar ndërkombëtarisht. Por, nuk kishte asnjë marrëveshje midis botës arabe dhe Izraelit.

Pra, sot gjendemi në një situatë ku, përveç Rripit të Gazës, të pushtuar ushtarakisht nga Izraeli, shteti hebre pushton edhe Jerusalemin Lindor dhe të gjithë Bregun Perëndimor, të pushtuar pas luftës së vitit 1967.

Marrëveshjet e Oslos përcaktuan që një pjesë e madhe e Bregut Perëndimor do t’i shkonte Autoritetit Kombëtar Palestinez;

Por, këto marrëveshje u bllokuan pas vrasjes së kryeministrit Izraelit Yitzhak Rabin (4 nëntor 1995) nga një ekstremist i krahut të djathtë.

Njohjet e shtetit të Palestinës

Palestina njihet aktualisht nga pothuajse të gjitha vendet në Azi, Afrikë, Evropën Lindore dhe Amerikën Latine, si dhe nga Vatikani dhe Sahara Perëndimore, por nga pak vende perëndimore.

Njohja e një shteti është një vendim që secili vend mund ta marrë në mënyrë autonome, pa iu nënshtruar ligjit ndërkombëtar.

Njohja e një shteti nga bashkësia ndërkombëtare do të thotë njohja e kufijve të tij, mbajtja e marrëdhënieve diplomatike, dhënia e mundësisë qytetarëve të atij shteti për të udhëtuar me viza dhe lejimi i tyre për t’u bashkuar me organizata të mëdha ndërkombëtare si OKB-ja dhe OBSH-ja.

Roli i OKB-së

Për t’u bashkuar me OKB-në, një komb duhet të paraqesë një aplikim, i cili së pari vlerësohet nga Këshilli i Sigurimit, ku shtetet anëtare të përhershme (Kina, Franca, Mbretëria e Bashkuar, Rusia dhe Shtetet e Bashkuara) kanë të drejtë vetoje.

Nëse shteti merr miratimin e Këshillit të Sigurimit, aplikimi i tij për anëtarësim i paraqitet Asamblesë së Përgjithshme për votim, ku duhet të marrë mbështetjen e të paktën dy të tretave të shteteve anëtare.

Ndërkohë që Izraeli ka qenë anëtar i OKB-së që nga viti 1949, Palestina ka pasur statusin e vëzhguesit që nga 29 nëntori 2012.

Ky status i lejon presidentit Palestinez Mahmoud Abbas (i lindur më 1935), i njohur si Abu Mazen, të marrë pjesë në diskutime dhe të nënshkruajë traktate.

Që nga viti 2012, flamuri palestinez ka valëvitur në selinë e OKB-së, dhe që nga viti 2024, Asambleja e Përgjithshme ka miratuar një rezolutë që e njeh atë si “të kualifikuar” për anëtarësim të plotë.

Megjithatë, vendimi përfundimtar, i cili, siç e kemi parë, kërkon miratim unanim nga Këshilli i Sigurimit, u takon anëtarëve të përhershëm./   /os/

The post KOMENT – Çfarë do të thotë të njohësh një shtet? appeared first on Agjencia Telegrafike Shqiptare.

PARIS, 21 shtator /ATSH-AFP/ – Franca po e bën lirimin e pengjeve të mbajtura në Gaza nga Hamasi një kusht për hapjen e një ambasade në Palestinë, tha Emmanuel Macron në një intervistë të transmetuar sot në CBS, në prag të njohjes së shtetit palestinez nga Parisi.

”Lirimi i tyre është një kusht i qartë para se të hapim një ambasadë”, tha presidenti francez në anglisht në një intervistë të regjistruar të enjten në Paris.

Franca ka një konsullatë të përgjithshme në Jerusalem, e cila e përfaqëson atë tek Autoriteti Palestinez.

Ambasada franceze në Izrael ndodhet në Tel Aviv.

Pritet që Franca ta njohë zyrtarisht shtetin palestinez, së bashku me një duzinë vendesh të tjera, në një samit të hënën, në selinë e Kombeve të Bashkuara në Nju Jork.

I pyetur nga gazetari në programin “Face the Nation” nëse ai nuk po e bënte lirimin e pengjeve një kusht për këtë njohje, ai u përgjigj se “për ne, do të jetë një kusht i qartë para hapjes, për shembull, të një ambasade në Palestinë.”

“Ky kusht është i pari në një seri parakushtesh që ne do të mbrojmë brenda procesit të paqes. Por, më 22 shtator ne do ta shpallim njohjen e një shteti palestinez”, u përgjigj presidenti francez në një intervistë të rrallë ekskluzive me një kanal amerikan.

Edhe para këtij samiti, Mbretëria e Bashkuar, Kanadaja dhe Australia e njohën sot zyrtarisht shtetin palestinez.

Emmanuel Macron, i cili thotë se dëshiron të “izolojë” Hamasin, sulmon kryerjen e operacioneve izraelite në Gaza.

“Ajo që po ndodh është se, de facto, po vriten shumë civilë dhe plani është të zhvendosen njerëzit. Kështu që mendoj se është një gabim i madh”, tha ai për CBS të enjten.

Ai gjithashtu denoncoi “çmendurinë” e një plani të mundshëm për të evakuuar të gjithë palestinezët nga Rripi i Gazës para rindërtimit të territorit palestinez.

“Ne nuk mund të jemi, në mënyrë implicite ose eksplicite, të jemi të vetëkënaqur për një plan të tillë”, theksoi Macron./  a.jor.

The post PARIS – Macron: Lirimi i pengjeve në Gaza kusht për hapjen e një ambasade franceze në Palestinë appeared first on Agjencia Telegrafike Shqiptare.

TEL AVIV, 21 shtator /ATSH-AFP-DPA/ – Kryeministri izraelit, Benjamin Netanyahu pohoi sot se nuk do të ketë shtet palestinez, në një video drejtuar udhëheqësve perëndimorë që e kanë njohur më parë atë.

“Kam një mesazh të qartë për udhëheqësit që njohin një shtet palestinez pas masakrës së tmerrshme të 7 tetorit: ju po ofroni një shpërblim të madh për terrorizmin”, tha Netanyahu në këtë video të publikuar nga zyra e tij.

“Kam një mesazh tjetër për ju: kjo nuk do të ndodhë. Asnjë shtet palestinez nuk do të shfaqet në perëndim të lumit Jordan”, shtoi ai.

Netanyahu theksoi se krijimi i një shteti palestinez do të rrezikonte ekzistencën e Izraelit dhe premtoi të luftonte thirrjet për njohjen e këtij shteti para Asamblesë së Përgjithshme të OKB-së.

“Ne duhet (…) të luftojmë në OKB dhe në të gjitha frontet e tjera kundër propagandës së rreme kundër nesh dhe kundër thirrjeve për krijimin e një shteti palestinez që do të rrezikonte ekzistencën tonë dhe do të përbënte një shpërblim absurd për terrorizmin”, deklaroi kryeministri izraelit para një mbledhjeje të kabinetit.

“Bashkësia ndërkombëtare do të na dëgjojë për këtë në ditët në vijim”, shtoi ai.

Kryeministri Keir Starmer njoftoi se Mbretëria e Bashkuar tani njeh zyrtarisht një shtet palestinez, sipas BBC.

“Sot, për të ringjallur shpresën për paqe dhe një zgjidhje me dy shtete, unë deklaroj qartë – si kryeministër i këtij vendi të madh – se Mbretëria e Bashkuar njeh zyrtarisht shtetin e Palestinës”, tha ai në një deklaratë video.

Më parë, Kanadaja u bë vendi i parë i G7-s, që bëri këtë veprim, e ndjekur nga afër nga Australia.

Zëvendësuesi i Starmer, David Lammy, më parë e mbrojti këtë veprim – duke i thënë BBC-së “tani është koha për të mbrojtur një zgjidhje me dy shtete”.

”Australia e ka njohur zyrtarisht Palestinën si shtet sovran”, tha sot kryeministri australian, Anthony Albanese, duke iu bashkuar Mbretërisë së Bashkuar dhe Kanadasë në marrjen e këtij vendimi historik.

“Australia njeh aspiratat legjitime dhe të hershme të popullit të Palestinës për një shtet të vetin”, tha Albanese në një deklaratë të përbashkët me ministren e Jashtme, Penny Wong.

“Akti i sotëm i njohjes pasqyron angazhimin e hershëm të Australisë për një zgjidhje me dy shtete, e cila ka qenë gjithmonë e vetmja rrugë për paqe dhe siguri të qëndrueshme për popullin izraelit dhe atë palestinez”, shtoi ai.

Deklarata vuri në dukje se Autoriteti Palestinez ka njohur të drejtën e Izraelit për të ekzistuar dhe deklaroi se “organizata terroriste Hamas nuk duhet të ketë asnjë rol në Palestinë”./ a.jor.

The post TEL AVIV – Netanyahu: Një shtet palestinez do të rrezikonte ekzistencën e Izraelit appeared first on Agjencia Telegrafike Shqiptare.