Dorian Teliti, nënkryetari i Këshillit Bashkiak të Tiranës, denoncoi miratimin e projektbuxhetit 2026 nga mazhoranca e majtë në Këshillin Bashkiak duke e cilësuar si një akt arrogant dhe antidemokratik. Ai theksoi se mazhoranca refuzoi amendamentet e opozitës që synonin uljen e taksave dhe mbështetje për qytetarët dhe bizneset. Teliti e quajti këtë buxhet një instrument […]

The post Buxheti 2026/ Teliti: PS i tha ‘JO’ 29 amendamenteve të opozitës në favor të qytetarëve të Tiranës appeared first on BoldNews.al.

TIRANË, 19 dhjetor/ATSH/ Me 30 vota pro, 12 kundër dhe 1 abstenim, këshilli i bashkisë Shkodër miratoi sot buxhetin prej 3,4 miliardë lekësh për vitin 2026.

Në një seancë, e cila zgjati rreth katër orë, mes diskutimeve të këshilltarëve dhe prezantimeve, kryetari i bashkisë Shkodër, Benet Beci tha se ky buxhet i sjell Shkodrës, vazhdimësinë e investimeve dhe shërbimeve ndaj banorëve të qytetit.

Beci tha se jo vetëm partneriteti me donatorët e huaj, por edhe me investimin që do të nisë këtë vit me 1,6 milionë euro në banesat për të pastrehët, vëmendja e buxhetit do të jetë për të gjithë shtresat dhe nevojat.

Florjan Bianku, anëtar i PD në këshillin bashkiak, u shpreh se “buxheti 2026 ka nevojë për më shumë lidhje me jetën reale të qytetarëve, më shumë fokus te rinia, sporti dhe studentët. Më shumë cilësi, mirëmbajtje dhe përfundim në kohë të investimeve”.

Para votimit të projektbuxhetit, kryebashkiaku Beci i ftoi të gjithë që ta miratojnë këtë dokument të rëndësishëm për Shkodrën, duke përcjellë mesazhin e bashkëpunimit dhe jo të një lufte apo spektakli politik në dëm të Shkodrës.

Këshilltari për mediet pranë kësaj bashkie, Ergys Kavaja tha për ATSH se në shifra, buxheti i bashkisë Shkodër për vitin 2026 është 15% më i lartë se një vit më parë, ndërkohë që sa i takon investimeve të parashikuara për vitin e ardhshëm, do të realizohen 80% më shumë investime se një vit më parë.

I ndarë sipas sektorëve dhe zërave për vitin 2026, ky buxhet për Shkodrën do të ketë sërish në fokus infrastrukturën, investimet qeveritare, bashkëpunimin me donatorët e huaj, por edhe shtresat sociale.

Sa i takon sportit, në vitin 2026 është parashikuar ndërhyrja në rikonstruksionin e plotë të pallatit të sportit “Qazim Dervishi”, kjo si një domosdoshmëri, por edhe kërkesë e komunitetit sportiv në Shkodër.

/e.i/a.f/r.e/

The post Miratohet buxheti i bashkisë Shkodër, 15% më i lartë se viti i kaluar appeared first on Agjencia Telegrafike Shqiptare.

Qytetarë dhe mbështetës të Lëvizjes Bashkë protestuan sërish të enjten para Kuvendit. Ndryshe nga një javë më parë, ku protesta u përqendrua te buxheti, kësaj here thirrja kryesore ishte kundër korrupsionit dhe keqqeverisjes.

Në fokus ishte kërkesa për heqjen e imunitetit të zëvendës kryeministres, njëherësh ministre e Infrastrukturës dhe Energjisë, Belinda Balluku.

Protestuesit shprehën nevojën për t’u organizuar në vazhdimësi në përpjekjet për të kërkuar drejtësi dhe luftë ndaj korrupsionit. Në këtë kontekst ata përmendën edhe rastet e dyshuara për abuzime me tenderët e Agjencisë Kombëtare të Shoqërisë së Informacionit (AKSHI) duke theksuar se korrupsioni tashmë ka kapur qeverinë dhe shumicën e institucioneve të vendit.

Deputeti i Lëvizjes Bashkë, Redi Muçi, tha se vjedhja është bërë normale për qytetarët. Sipas tij, korrupsioni është përsëritur për vite me radhë pa pasoja dhe tanimë qytetarëve nuk u bën përshtypje.

Duke iu drejtuar banorëve të Astirit, Muçi foli për mungesën e shkollave publike. Ai tha se fondet e dyshuara të abuzuara do të mjaftonin për ndërtimin e dhjetë shkollave të reja.

Muçi përmendi edhe situatën e pensionistëve dhe shëndetësinë. Ai e krahasoi shumën e përfolur në media si të vjedhur gjatë aferave të dyshuara korruptive të zëvendëskryeministres me gjysmën e fondit vjetor për bonusin e pensionistëve.

“Për të gjithë ju pensionistë, që bonusin e fundvitit për herë të fundit e morët për këtë vit, kujtohuni se ato 50 milionë euro që hëngri Belinda dhe Edi Rama janë sa gjysma e parave që shpenzohen në vit për bonusin e 700 mijë pensionistëve”, tha Muçi.

Aktivisti Klodi Leka denoncoi pabarazinë para ligjit. Sipas tij, qytetarët ndëshkohen për shkelje të vogla, ndërsa zyrtarët e korruptuar mbrohen nga imuniteti dhe përkrahja politike.

Për këtë ai paralelizoi me faktin se qytetarët e thjeshtë janë ndëshkuar për vepra të rëndomta si ndërtimi i një muri pa leje, apo rilidhja e energjisë elektrike, ndërsa pushtetarët nuk dënohen pavarësisht rasteve korruptive.

“Në Shqipëri nëse ti vjedh qindra, miliona euro, nëse vjedh popullin më të varfër në Evropë, ti jo vetëm nuk shkon në burg, por edhe mbrohesh nga numri një i pushtetit”, tha Leka, duke e cilësuar këtë si shenjë të kapjes së shtetit.

Pedagogu Jani Marka, njëherësh anëtar i Lëvizjes, renditi pasojat e qeverisjes së Ramës në jetën publike.
Ai përmendi betonizimin, kanabizimin e vendit, pastrimin e parave dhe shkatërrimin e industrive vendase.

Sipas Markës, ndryshimet ligjore janë përdorur për manipulim zgjedhor dhe këto ndërhyrje kanë shërbyer më pas për të zgjatur pushtetin.

“Edi Rama ka ndryshuar Kushtetutën, Kodin Zgjedhor sa herë i ka dashur qejfi, vetëm për të vjedhur dhe për të manipuluar vullnetin e popullit për më shumë mandate dhe për më shumë vjedhje”, theksoi Marka.

Kreu i Lëvizjes Bashkë, Arlind Qori, bëri një retrospektivë të qeverisjes së Kryeministrit Edi Rama teksa theksoi se, sipas tij, në këto 13 vite është bërë gjithçka për të varfëruar qytetarët dhe për të pasuruar pushtetarët.

Qori përmendi fondet e BE-së për bujqësinë dhe shpopullimin masiv. Sipas tij, rreth 700 mijë shqiptarë janë larguar nga vendi.

“Kanë përzënë nga vendi ynë të paktën 700 mijë shqiptarë. Kanë poshtëruar pensionistët”, theksoi mes të tjerash Qori.

Përfaqësues të tjerë të Lëvizjes Bashkë theksuan se Balluku nuk ka vepruar pa dijeninë apo miratimin e Ramës si Kryeministër. Ata e akuzuan atë për mbrojtje politike.

“Rama po përpiqet të shpëtojë veten përmes Ballukut,” deklaroi Emiljando Kita, i cili e përshkroi situatën në krizë besimi ndaj drejtësisë.

Protestuesit kërkuan njëzëri që Rama dhe Balluku të mbajnë përgjegjësi penale për çështjet e ngritura. Ata shprehën mbështetje për institucionet e drejtësisë në hetimet e nisura.

Një javë më parë, Lëvizja Bashkë protestoi kundër ndarjes së buxhetit për vitin 2026. Sipas tyre, buxheti nuk u përgjigjet nevojave reale të qytetarëve duke cilësuar ndarjen kryesore për koncesionet si tregues të qartë se ku shkojnë paratë.

Lexo gjithashtu:

• Lëvizja Bashkë kundër buxhetit 2026: I pabarabartë dhe përjashtues

The post “Rama dhe Balluku na vodhën festat”; Lëvizja Bashkë kërkon drejtësi appeared first on Citizens.al.

TIRANË, 18 dhjetor /ATSH/ Këshilli bashkiak i Tiranës miratoi buxhetin për vitin 2026, me vlerë rreth 400 milionë euro.

Në mbledhjen e ditës së sotme, u miratua buxheti që parashikon 1500 kuota kredie të butë për çiftet e reja, abone falas për studentët dhe pensionistët, si dhe 1400 bonuse qiraje për familjet e prekura nga tërmeti dhe për përfituesit e ndihmës ekonomike.

Në buxhetin e bashkisë Tiranë për vitin 2026, janë parashikuar 9,2 milionë euro për rreth 12 mijë nxënës, të cilët për herë të parë do të përfitojnë ushqim në shkolla.

Gjatë seancës së sotme, nuk u hodhën në votim 29 amendamentet e propozuara nga opozita, ndërkohë që pati diskutime mbi mungesën e pranisë fizike të kryetarit të bashkisë, Erion Veliaj.

Përpara miratimit të buxhetit, këshilli bashkiak kishte kërkuar përmes një letre drejtuar SPAK, pjesëmarrjen e kryebashkiakut Erion Veliaj gjatë diskutimeve për buxhetin 2026 të bashkisë Tiranë, kërkesë e cila u refuzua.

(vijon…)

/e.i/a.f/r.e/

The post Miratohet buxheti 2026 për bashkinë e Tiranës, prioritet arsimi dhe pensionistët appeared first on Agjencia Telegrafike Shqiptare.

Socialistët në Këshillin Bashkiak të Tiranës, i kërkojnë zyrtarisht Prokurorisë së Posaçme (SPAK) dhe Drejtorisë së Përgjithshme të Burgjeve të lejojnë kryebashkiakun e Tiranës, Erion Veliaj, që të marrë pjesë fizikisht në mbledhjet për konsultimin dhe detajimin e projektbuxhetit 2026 për qytetarët.

Sipas kërkesës, pjesëmarrja e Veliajt për konsultimin dhe detajimin e projektbuxhetit është një proces i përcaktuar si detyrim ligjor nga legjislacioni për vetëqeverisjen vendore.

Në kërkesë, anëtarët e Këshillit Bashkiak theksojnë se prania e kryebashkiakut është e detyrueshme për të garantuar bashkëpunimin me këshillin për çështje me interes publik.

Kërkesa e plotë:

Lënda: Kërkesë për mundësimin e pjesëmarrjes së Kryetarit të Bashkisë Tiranë, z. Erion Veliaj, në konsultimin për projektbuxhetin e Bashkisë së Tiranës për vitin 2026

STRUKTURËS SË POSAÇME KUNDËR KORRUPSIONIT DHE KRIMIT TË ORGANIZUAR

DREJTORISË SË PËRGJITHSHME TË BURGJEVE

Të nderuar përfaqësues të institucioneve,

Këshilli Bashkiak i Tiranës, në zbatim të detyrimeve të tij ligjore dhe me qëllim garantimin e funksionimit të rregullt institucional, ju drejtohet për të kërkuar mundësimin e pjesëmarrjes së Kryetarit të Bashkisë Tiranë, z. Erion Veliaj, referuar kërkesës së tij nr.42497 prot., datë 15.12.2025, për të marrë pjesë në konsultimin e PBA 2026-2028 dhe detajimin e buxhetit të Bashkisë Tiranë për vitin 2026.

Sipas Ligjit nr.139/2015 “Për Vetëqeverisjen Vendore”, i ndryshuar, konkretisht:
– Neni 58 pika 4, përcakton se Kryetari i Bashkisë ka të drejtë të marrë pjesë në mbledhjet e Këshillit Bashkiak dhe të raportojë.
– Neni 60, përcakton bashkëpunimin e detyrueshëm ndërmjet Kryetarit të Bashkisë dhe Këshillit Bashkiak, për çështje të interesit publik.

Duke qenë se pjesëmarrja e Kryetarit të Bashkisë është një e drejtë funksionale e garantuar me ligj, referuar ligjit nr. 68/2017 “Për Financat e Qeverisjes Vendore”, ku neni 41, parashikon se “Kryetari i njësisë së vetëqeverisjes vendore përgatit projektbuxhetin vjetor dhe ia paraqet për miratim Këshillit të njësisë së vetëqeverisjes vendore”, ju kërkojmë që nëse ndaj tij janë duke u zbatuar masa kufizuese, të vlerësohet:

lejimi i përkohshëm për pjesëmarrje fizike në një nga datat nga 16 deri në 18 dhjetor 2025.

Këshilli Bashkiak është i gatshëm të bashkëpunojë plotësisht për cdo kërkesë sigurie, protokolli apo logjistike të institucioneve tuaja, me qëllim garantimin e një procesi ligjor, transparent dhe funksional.

Ju lutemi të na informoni me shkrim mbi vendimmarrjen tuaj, duke patur parasysh rëndësinë e respektimit të funksioneve institucionale dhe të të drejtës së Kryetarit të Bashkisë për të raportuar para Këshillit Bashkiak.

Me respekt,
Këshilltarët

The post Buxheti 2026/ Socialistët në Këshillin Bashkiak të Tiranës kërkesë SPAK-ut: Lejoni kryetarin Veliaj të marrë pjesë në mbledhje fizikisht, e drejtë e tij ligjore appeared first on Albeu.com.

Rikthimi në detyrë i ministres së Infrastrukturës dhe Energjisë, Belinda Balluku u prit me reagime të forta nga Lëvizja Bashkë, e cila e ka konsideruar simbol të pandëshkueshmërisë në nivelet e larta të pushtetit.

“Balluku në burg!” ishte parulla që Lëvizja Bashkë shkroi në muret dhe derën kryesore të ministrisë paraditen e së hënës, teksa bënë thirrje për një protestë të përgjithshme para Kuvendit të enjten.

Sipas Lëvizjes, rikthimi i Ballukut në detyrë përbën fyerje për qytetarët e ndershëm dhe minon besimin publik te drejtësia dhe institucionet shtetërore.

Parullat u fshinë menjëherë nga administrata e ministrisë, pa asnjë reagim zyrtar mbi aktin protestues.

Gjykata Kushtetuese vendosi të premten rikthimin në detyrë të Belinda Ballukut, të cilën Prokuroria e Posaçme e akuzon për abuzime me tenderët e disa prej veprave më të rëndësishme infrastrukturore në vend.

Vendimi erdhi pas shqyrtimit të ankimimit të Kryeministrit Edi Rama kundër një vendimi të mëparshëm të Gjykatës së Posaçme, e cila e kishte pezulluar nga angazhimi në qeveri.

Deputeti i Lëvizjes Bashkë, Redi Muçi, e cilësoi aksionin e së hënës simbolik dhe shprehje të indinjatës qytetare ndaj sipas tij, një “realiteti institucional të deformuar”.

Ai theksoi se Balluku administron një pjesë të konsiderueshme të buxhetit të shtetit. Ndërkohë, SPAK ka ngritur akuza për abuzime me tenderë, me një dëm të pretenduar prej 50 milionë eurosh.

Muçi krahasoi rastin me situatën e kryetarit të Bashkisë së Tiranës, Erion Veliaj, i cili ndodhet në paraburgim. Sipas tij, kjo krijon standarde të dyfishta në trajtimin e pushtetit.

“Nga njëra anë kemi ministren që mban në dorë pjesën më të madhe të buxhetit të shtetit, ndaj së cilës ka akuza të rënda për abuzime në tenderë,” tha Muçi, ndërsa nga ana tjetër “kemi një kryetar bashkie që ndodhet në paraburgim dhe që pretendon që këshilli bashkiak t’i marrë mendimin nga qelia për miratimin e buxhetit të bashkisë”.

Lëvizja ka paralajmëruar një protestë tjetër ditën e enjte, në orën 18:00, para Kuvendit. Kërkesat përfshijnë dorëheqjen e Kryeministrit dhe mbajtjen e zgjedhjeve të parakohshme.

Më herët, lëvizja protestoi kundër buxhetit të vitit 2026, duke e cilësuar atë të pabarabartë dhe përjashtues për shtresat më të varfra të shoqërisë.

Lexo gjithashtu:

• Lëvizja Bashkë kundër buxhetit 2026: I pabarabartë dhe përjashtues
• Gjykata Kushtetuese rikthen Belinda Ballukun në detyrë

The post Rikthimi i ministres Balluku në detyrë pritet me protestë nga Lëvizja Bashkë appeared first on Citizens.al.

Kryeministri Edi Rama zhvilloi një takim me fermerë dhe sipërmarrës të sektorit bujqësor, ku diskutoi mbi prioritetet dhe mbështetjen financiare të parashikuar në Buxhetin e vitit 2026.

Gjatë fjalës së tij, Rama theksoi se buxheti për bujqësinë është rritur dhe do të vijojë të rritet, por mbetet ende i pamjaftueshëm krahasuar me potencialin që ekziston për të financuar fermat, kërkimin shkencor dhe sipërmarrjet bujqësore.

Ai vuri në dukje rëndësinë e mundësive të reja që sjell afrimi me Bashkimin Europian, krijimi i Bankës së Zhvillimit dhe linjat e reja të kreditimit në fokus bujqësinë, si edhe rolin kyç të bashkive për t’u bërë partnerë të drejtpërdrejtë në mbështetje të fermerëve dhe zhvillimit të zonave rurale.

“Buxheti është rritur dhe do të vazhdojë të rritet, por buxheti është shumë pak në krahasim me shumë mundësi që ka për të rritur financimin për fermat tuaja, për të financuar kërkimin shkencor në sipërmarrjet tuaja. Vlerësojeni si një mundësi të shtuar që na jep kjo mundësi afrimi me Bashkimin Europian, mundësi financimi që na përgatit për konkurrencën e hapur me tregun kombëtar. Këtë vit finalizojmë edhe Bankën tonë të Zhvillimit.

Shqipëria do të ketë Bankën e Zhvillimit që është në favor të financimit dhe të mbështetjes suaj. Linja e re e kreditimit me në fokus bujqësinë e Bankës së Shqipërisë, është aty dhe ju pret ju. Nga an tjetër e kam thënë në mënyrë të përsëritur dhe dua ta nënvizoj që bashkitë dhe institucionet tona duhet që të ngrihen në lartësinë të nevojës suaj për mbështetje, për të mos qenë vetëm në këtë hap. Bashkitë e kanë mundësinë që të bëhen partner i sigurt i fshatit, fermerëve dhe fermës. I takon bashkisë që të vijë te ju”, tha kryeministri Rama./abcnews.al

TIRANË, 15 dhjetor /ATSH/ Kryeministri Edi Rama zhvilloi sot një takim me fermerë dhe sipërmarrës të sektorit bujqësor, duke theksuar rëndësinë e përgatitjes së projekteve dhe standardeve të cilësisë për t’iu përgjigjur kërkesave të Bashkimit Europian.

“Bashkimi Europian vjen si një bekim për të gjithë ata që janë të përgatitur, por vjen edhe si një mallkim për ata që nuk janë gati”, tha Rama.

“Kërkesa për standardet e sigurisë, kërkesa për cilësi, jo thjesht bëhet e pranishme në çdo hap, por shoqërohet me instrumente kontrolli shumë të rreptë që faktikisht të nxjerrin nga tregu”, shtoi Rama.

Ai shtoi se katër vitet e ardhshme janë të mjaftueshme për t’u përgatitur dhe për të hedhur hapa të tjerë përpara

“4 vjet janë të mjaftueshme për t’u përgatitur për atë ditë që ajo ditë t’ju gjejë gati. T’ju gjejë gati për të hedhur hapa të tjerë përpara. jo për t’u përballur me një furtunë që t’ju rrëzojë në tokë pasi nuk i përgjigjeni me standardet e duhura të cilësisë”, iu drejtua Rama fermerëve.

Kreu i qeverisë ftoi të gjithë fermerët që të jenë akoma më aktivë në kërkimin e më shumë mbështetjeje financiare.

Kryeministri nënvizoi gjithashtu rëndësinë e përdorimit të instrumenteve financiare ekzistuese, duke përmendur buxhetin e shtetit, Agjencinë për Zhvillim Bujqësor dhe Rural, linjën e kreditimit të Bankës së Shqipërisë, agrokreditin dhe Bankën Shqiptare të Zhvillimit.

“Mirëpo përsëri ndodhemi dhe nuk duhet të ndodhemi ende për një kohë të gjatë në atë situatën që nuk është më problemi tek paraja, është problemi tek projektet. Nuk është më problemi tek aftësia mbuluese me fonde e projekteve, por është problemi tek mungesa e projekteve. Nuk është më problemi tek vullneti dhe tek fuqia e qeverisë për të mbështetur rritjen e sipërmarrjes në bujqësi, por është problemi tek mungesa e i një sipërmarrjeje aktive në kërkim të fondeve me projektet e duhura dhe me formulat e duhura”, tha Rama.

Ai theksoi rëndësinë e bashkëpunimit me pushtetin vendor dhe universitetet.

“Bashkërisht qeveria, ministria e Bujqësisë dhe ju duhet t’i vendosim bashkitë në një presion pozitiv”, iu drejtua Rama fermerëve.

“Bashkitë duhet të jenë aty tek toka, me ata që punojnë tokën dhe që kanë nevojë për mbështetje, për të nxjerrë më shumë prej tokës për familjet e tyre dhe për ekonominë kombëtare”, tha Rama.

Në buxhetin 2026 parashikohen 16.3 miliardë lekë mbështetje të shtuar për bujqësinë, blegtorinë, peshkimin, agro-përpunimin dhe agroturizmin, për pensionin rural dhe për trajnimin e fermerëve në bashkëpunim me Universitetin Bujqësor të Tiranës.

/gj.m/j.p/

The post Rama me fermerët: Anëtarësimi në BE duhet t’ju gjejë me standardet e duhura të cilësisë appeared first on Agjencia Telegrafike Shqiptare.

Buxheti për vitin 2026 u miratua, por prindërit e fëmijëve me aftësi ndryshe nuk do të rreshtin së kërkuari mbështetje financiare për fëmijët e tyre. Kempi, e vetmja ndihmë që u jep sot shteti, varion nga 8 mijë deri 15 mijë lekë në muaj. Kjo shumë nuk mbulon as terapitë e një jave shumë të […]

The post Kempi nuk mbulon as një javë trajtim, buxheti lë sërish “jetimë” fëmijët me aftësi ndryshe appeared first on BoldNews.al.

Mes pakënaqësisë për rritjen e pabarazisë, abuzimeve dhe orientimin e fondeve publike kryesisht drejt koncesioneve, Lëvizja Bashkë shprehu kundërshtinë e saj ndaj buxhetit të 2026 përmes një proteste para Kuvendit. Ata kërkuan përgjegjësi nga qeveria për abuzimet me detyrën, politika që garantojnë dinjitet dhe minimum jetik.

Buxheti 2026 rikthen Lëvizjen Bashkë para Kuvendit

Mirjeta, pensioniste nga Tirana, thotë se jeton me 17 mijë lekë në muaj. Ajo tregon se pa ndihmën e fëmijëve nuk do të siguronte as bukën e përditshme. Bashkë me shoqen e saj dhe dhjetëra qytetarë, ajo iu bashkua të enjten protestës së Lëvizjes Bashkë para Kuvendit, me thirrjen “Populli kundër korrupsionit dhe varfërisë!”.

Ndërsa qytetarët protestonin, Kuvendi diskutonte buxhetin e vitit 2026. Lëvizja Bashkë e konsideroi atë të pabarabartë, regresiv dhe të ndërtuar mbi politika që rëndojnë shtresat e varfra.

Eduart Koruni, profesionist i sapodalë në pension, tha për Citizens.al se shumica e pensionistëve marrin më pak se 20 mijë lekë në muaj. Ai thekson se kjo shumë nuk mjafton “as për bukë dhe djathë”.

Klodi Leka, nga Lëvizja Bashkë, kritikoi mënyrën e mbledhjes së të ardhurave buxhetore. Ai theksoi pabarazinë e taksimit duke këmbëngulur se “shteti taton 20% bukën, 6% kazinotë dhe 0% investitorët strategjikë.”

Mirela Ruko, anëtare e Këshillit Bashkiak të Tiranës si përfaqësuese e Lëvizjes, theksoi peshën që mbajnë mësuesit, mjekët, punëtorët dhe bujqit në ekonominë e vendit. Ajo argumentoi se pasuria e krijuar me mundin e tyre përfundon në projekte klienteliste.

“Ne nuk kemi plaçkë për t’u shitur dhe asnjë ditë për t’u falur atyre,” thirri Ruko teksa shtoi se “nuk jemi popull i varfër, ka kaq vite që grabitemi dhe me mundin dhe djersën tonë ata [pushtetarët] kanë ndërtuar kështjella”.

Protestuesit përmendën pezullimin e zëvendëskryeministres Belinda Balluku nga detyra në qeveri si simbol të krizës së thellë të korrupsionit që, sipas tyre, ka kapluar pushtetin e Kryeministrit Edi Rama.

Arlind Qori, kreu i Lëvizjes Bashkë, tha se korrupsioni “vret përditë në kantieret e ndërtimit, në miniera dhe në rrugët ku të rinjtë shtyhen drejt kriminalizimit”.

Ai shtoi se 720 mijë pensionistë mbijetojnë vetëm falë solidaritetit familjar.

“Pa ndihmën e fëmijëve, qindra mijëra prej tyre do të ishin duke lypur,” theksoi Qori.

Deputeti Redi Muçi iu bashkua protestës pas debatit në Kuvend, duke kritikuar orientimin e buxhetit të vitit 2026 ku 27% e tij shkon për koncesionet dhe marrëveshjet në partneritet me privatët.

Muçi theksoi se arsimi dhe shëndetësia mbeten në nivele minimale, me vetëm 2.3% dhe 2.9% të PBB-së, larg standardeve të BE-së që ofrojnë dy deri pesë herë më shumë se kaq.

Bora Mema, nga Lëvizja, u shpreh se pabarazitë e thella ekonomike e bëjnë demokracinë vetëm një iluzion. Ajo theksoi se liria e konsumit nuk është liri reale për qytetarët me të ardhura minimale.

“E vetmja liri është për të ditur cilat produkte do të zgjedhim me aq pak qindarka sa kemi në xhep”, u shpreh Mema, e cila bëri një paralele me lëvizjen për ndryshimin e sistemit 35 vite më parë.

Protesta e Lëvizjes Bashkë evidentoi sërish shqetësimin në rritje për pabarazinë sociale, prioritetet fiskale dhe abuzimet me fondet publike.

Për këtë protestuesit kërkuan dorëheqjen e kryeministrit Rama dhe Belinda Ballukut, ngritjen e minimumit jetik, rritjen e pensioneve dhe miratimin e statusit të minatorit.

Lexoni gjithashtu:

• “Të gjitha rrugët të çojnë te oligarkët”, Lëvizja Bashkë denoncon projektet infrastrukturore
• Gjashtë ditë më pak pushime; Lëvizja Bashkë denoncon kushtet e punës gjatë verës
• 21 mijë firma për “Minimumin Jetik”: Lëvizja Bashkë dorëzon peticionin në Kuvend

The post Lëvizja Bashkë kundër buxhetit 2026: I pabarabartë dhe përjashtues appeared first on Citizens.al.

“Paqja fiskale” parashikon që bizneset mund të deklarojnë fitimet e mbajtura jashtë bilanceve financiare, kundrejt një tatimi që varion nga 5 deri në 15 përqind. Nismat u kontestuan gjërësisht nga opozita, Komisioni Europian, Fondi Monetar Ndërkombëtar dhe Dhoma Amerikane e Tregtisë, duke i konsideruar ato si një rikthim tek ideja e vjetër e ‘amnistisë fiskale’, […]

The post Mazhoranca miraton “Paqen fiskale”, injoron shqetësimet për pastrimin e parave appeared first on Reporter.al.

TIRANË, 8 dhjetor /ATSH/ Kryetari i Partisë Demokratike, Sali Berisha, në fjalën e mbajtur sot gjatë mbledhjes së grupit parlamentar njoftoi se opozita do të riparaqesë në Kuvend amendamentin për vendosjen e minimumit jetik, të cilin e cilësoi si “të domosdoshëm, në kushtet e rritjes së çmimeve dhe rënies së fuqisë blerëse”.

Berisha theksoi se situata ekonomike në vend është përkeqësuar ndjeshëm dhe se sipas tij, një ndër faktorët kryesorë ka qenë kursi i këmbimit.

“Zhvlerësimi i euros me 30-35% ka falimentuar mijëra ndërmarrje eksporti, ka shkatërruar dhjetëra-mijëra vende pune dhe ka futur prodhimin industrial në recension”, deklaroi ai.

Kreu i PD-së argumentoi se rritja e të ardhurave në buxhet nuk lidhet me rritje të prodhimit, por me rritje të çmimeve.

“Taksat nuk vijnë se është rritur prodhimi. Taksat rriten se rriten çmimet dhe grabiten xhepat e qytetarëve”, u shpreh ai, duke shtuar se edhe prodhimi bujqësor ka rënë.

Berisha kritikoi edhe sistemin fiskal dhe rregullat e importit, të cilat sipas tij ndikojnë negativisht tek prodhuesit vendas.

“Shqipëria me rregullat e Ballkanit të Hapur dhe me TVSH-në asimetrike i favorizon prodhimet e importit. Kjo është arsyeja pse bie prodhimi vendas”, tha ai.

Duke iu referuar të dhënave të INSTAT-it, Berisha vuri në dukje se kontributi i akomodimeve, shërbimeve dhe profesioneve të lira në ekonomi ka rënë ndjeshëm.

“Nga viti 2023 në 2024 ka rënie drastike të kontributit të turizmit dhe shërbimeve. Profesionet e lira kanë rënë nga 10-12% në vetëm 1%”, theksoi ai.

Berisha theksoi se minimumi jetik është masa më urgjente për të mbrojtur qytetarët.

“Me këtë rritje çmimesh, është e domosdoshme që minimumi jetik të jetë mbi 200 euro. Minimumin jetik nuk e kompenson asnjë lloj rritje tjetër”, deklaroi ai.

Sipas tij, çmimet në vend janë aktualisht shumë më të larta se mundësia e qytetarëve për t’i përballuar.

“Eurostati tregon se çmimet janë deri 17% mbi mesataren e BE-së, ndërsa rrogat janë 4 deri në 5 herë më të ulëta. Në këto kushte, çdo ditë për qytetarët është më e vështirë”, theksoi Berisha.

Ai e konsideroi amendamentin për minimumin jetik si prioritetin kryesor të opozitës në diskutimet për buxhetin 2026.

“Vendosja e minimumit jetik do të jetë beteja jonë në parlament. Është hapi i parë dhe më i domosdoshëm për mbështetjen e qytetarëve”, përfundoi Berisha.

Berisha, e cilësoi buxhetin e vitit 2026 si “një piramidë mashtrimi dhe vjedhjeje ndaj qytetarëve shqiptarë”, duke argumentuar se rritja ekonomike mbi të cilën mbështetet buxheti nuk është reale, por e nxitur nga rritja e çmimeve.

Berisha tha se të dhënat e fundit të INSTAT-it tregojnë “efektin shkatërrimtar të karteleve të drogës mbi ekonominë”.

“Ky buxhet është një piramidë mashtrimi. Të dhënat e INSTAT-it tregojnë se rritja ekonomike ka kontribut minorance nga ekonomia reale”, deklaroi ai.

Sipas Berishës, për herë të parë pas më shumë se tri dekadash, rritja ekonomike mbështetet kryesisht te kontributi i shtetit.

“Për herë të parë në dy vite, shteti është kontributori kryesor, jo për shkak të prodhimit publik, por sepse rrogat, pensionet dhe sigurimet mbajnë një administratë të fryrë, ndërsa rritja e tyre është fiktive”, theksoi ai.

Ai u ndal edhe te të ardhurat nga taksat, duke theksuar se rritja e tyre nuk vjen nga rritja e prodhimit, por nga çmimet më të larta.

“Çdo rritje çmimi rrit automatikisht taksën. Nëse çmimi i qumështit kalon nga 2 në 4 euro, TVSH e mbledhur nga e njëjta sasi dyfishohet. Kjo nuk është rritje ekonomike, por barrë mbi qytetarët”, tha Berisha.

Kryetari i PD-së theksoi se rritja e çmimeve po e dobëson fuqinë blerëse.

“Nga viti 2023 deri në 2025, me 200 euro merr më pak seç merrje tre vite më parë me 160 euro. Rritja e çmimeve sipas Eurostat-it është 1% mbi mesataren e BE-së, ndërsa në ushqime arrin në 17%”, deklaroi ai.

Berisha iu referua edhe një studimi të publikuar së fundmi, duke thënë se çmimet në Shqipëri janë shumë më të larta se në vendet e BE-së.

“Një ekspert i pavarur me reputacion ka nxjerrë se çmimet në Shqipëri janë 85% më të larta se mesatarja e BE-së. Unë e besoj studimin e tij”, u shpreh ai.

Sipas tij, kjo situatë kërkon ndërhyrje të menjëhershme dhe rivlerësim të mënyrës sesi hartohet buxheti.

Berisha,  u ndal edhe te çështja e emigracionit dhe njoftimet për ngritjen e 28 qendrave të reja pritjeje në vend.

Ai paralajmëroi se Shqipëria po rrezikon një krizë të thellë demografike dhe kërkoi që të ndërmerren politikat e para për ripopullimin e vendit.

Berisha tha se PD do të paraqesë në parlament “elementët bazë të platformës për ripopullimin e Shqipërisë”, duke theksuar se situata demografike është alarmante.

“Nëse nuk bëhen hapat e parë dhe nuk mbështeten financiarisht, ne po ecim drejt një humnere kombëtare. Edhe nëse fillohet këtë vit, duhen 30 deri në 50 vite për t’u rikthyer në nivelin e vitit 2013”, u shpreh ai.

Lidhur me njoftimet për ngritjen e 28 qendrave të reja pritjeje, Berisha kërkoi transparencë dhe ngriti shqetësime mbi ndikimin e tyre.

“Shndërrimi i Shqipërisë në autostradë emigrantësh është një barbari mbi vetë emigrantët. Është dorëzim i këtyre njerëzve në duart e grupeve kriminale më të rrezikshme në Europë”, deklaroi ai.

Ai shtoi se mungesa e informacionit publik për këtë proces e bën situatën edhe më shqetësuese.

“Nuk është bërë asnjë transparencë. Kjo i ekspozon emigrantët ndaj rreziqeve serioze dhe cenon sigurinë”, theksoi Berisha.

Kreu i PD-së paralajmëroi se çdo politikë që synon zëvendësimin e popullsisë vendase është e rrezikshme.

“Nëse synohet të zëvendësohen shqiptarët që largohen, ky është një rrezik ekzistencial për vendin”, tha ai, duke theksuar se vendi ka nevojë urgjente për politika që nxisin lindshmërinë.

Sipas të dhënave demografike, Berisha u shpreh se situata është e paprecedentë.

“Lindshmëria është sot në nivelet e 100 viteve më parë. Sipas INSTAT-it dhe OKB-së, është ndër treguesit më të ulët në botë, kryesisht për shkak të emigracionit”, përfundoi ai.

/gj.m/r.e/

The post Berisha: Do të riparaqesim në parlament amendamentin për minimumin jetik appeared first on Agjencia Telegrafike Shqiptare.

Kryedemokrati Sali Berisha thotë se buxheti i miratuar është një piramidë mashtrimi që bazohet në vjedhjen e qytetarëve shqiptarë. Në mbledhjen e Grupit Parlamentar të Partisë Demokratike, Sali Berisha iu referua të dhënave të INSTAT, sipas të cilit tregojnë ‘efektin shkatërrimtar të karteleve të drogës mbi rritjen ekonomike të vendit’. Sipas Sali Berishës taksat rriten […]

The post Berisha “zbërthen” buxhetin 2026: Piramidë mashtrimi appeared first on BoldNews.al.

Ditën e sotme, në podcastin “Flasim”, kryeministri i vendit Edi Rama, ka folur sërish për buxhetin e vitit 2026.

Rama tha se pagat dhe pensionet do të shënojnë përsëri rritje, duke theksuar se Shqipëria tashmë është në një nivel tjetër.

“Edhe gjatë kësaj jave, kemi qenë në dispozicion të qytetarëve, me parashtresat në detaje, përmes dëgjesave publike, të buxhetit të vitit që është në prag, një vit, që hyn me këmbë të mbarë për shqiptarët sa i përket të ardhurave në radhë të parë, në paga e pensione, por edhe sa i përket investimeve publike, që do të shënojnë përsëri, të gjitha këto së bashku, një rritje historike.

Tanimë, Shqipëria është në një nivel tjetër. Ky është një fakt që do të bëhet çdo vit dhe më i prekshëm në jetën e përditshme të njerëzve tanë, të atyre që jetojnë me punë, qoftë në sektorin publik, qoftë në atë privat, në jetën e përditshme të pensionistëve, gjyshërve dhe gjysheve tona, në jetën e përditshme të atyre më në nevojë, për të cilët mbështetja, mbrojtja sociale, vjen duke u rritur. Sepse ata që na dhanë besimin e jashtëzakonshëm, me 83 mandate, një mbështetje e paprecedentë, për Shqipërinë 2030, jo vetëm meritojnë çdo vit e më shumë, por do të kenë çdo vit e më shumë, pasi barra e borxhit ndaj tyre është e tillë që do të na bëjë të vazhdojmë të rrisim punën tonë përditë e përditë”, tha Rama.

The post Buxheti 2026/ Kryeministri Rama: Pagat dhe pensionet do të shënojnë përsëri rritje appeared first on Albeu.com.

TIRANË, 5 dhjetor /ATSH/ Drejtuesja Politike e Partisë Socialiste për Qarkun e Tiranës, Ogerta Manastirliu zhvilloi sot një dëgjesë publike me banorë të Njësisë 6 dhe të Lagjes 14, ku prezantoi buxhetin për vitin 2026.

Gjatë takimit, Manastirliu u shpreh se komunikimi me qytetarët është një komunikim i pandalshëm, çdo ditë, çdo javë, çdo muaj ne jemi së bashku për të diskutuar për hallet dhe shqetësimet.

Për të vendosur prioritetet sepse çdo punë e mirë, bëhet duke dëgjuar qytetarët, bëhet duke dëgjuar familjet, duke dëgjuar komunitetet, aty ku nevojat janë më të mëdha, aty shkon edhe vëmendja jonë, vëmendja e qeverisë, vëmendja e bashkisë”.

(vijon…)

/r.e/a.f/

The post Manastirliu prezanton buxhetin 2026: Komunikimi me qytetarët, i pandalshëm appeared first on Agjencia Telegrafike Shqiptare.

TIRANË, 1 dhjetor/ATSH/ Drejtuesja Politike e Partisë Socialiste për Qarkun e Tiranës, Ogerta Manastirliu, së bashku me Ministren e Ekonomisë dhe Inovacionit Delina Ibrahimaj dhe deputetët e Tiranës, zhvilluan një dëgjesë publike me banorët e Njësisë 7 dhe 10 në Tiranë, ku prezantoi prioritetet e Buxhetit 2026 dhe investimet që do të prekin drejtpërdrejt komunitetin.

Gjatë takimit, Manastirliu u fokusua te projektet kryesore në arsim, rindërtimi dhe zgjerimi i infrastrukturës shkollore, si dhe te programet e reja që do të mbështeten nga buxheti i vitit të ardhshëm, përfshirë ushqimin në shkolla dhe programet pas shkollore.
“Jemi këtu për të diskutuar politikat dhe programet me Buxhetin 2026. Dua të ndalem te çerdhet, kopshtet dhe shkollat. Edhe pse është bërë një punë e madhe për rindërtimin e tyre, prapë kemi shumë për të bërë. Ndaj, me Buxhetin 2026, për Njësinë nr. 7 do të përfundojë ndërtimi i shkollës ‘Pjetër Budi’ dhe fillon ndërtimi i shkollës së mesme ‘Stavri Themeli’. Ndërsa për Njësinë nr. 10, do të kemi përfundimin e investimeve në shkollën ‘Avni Rustemi’, pas investimeve në shkollë, palestër dhe ambientet sportive.”, tha Manastirliu në dialogun me banorët e Njësisë 7 dhe 10 në Tiranë.

Manastirliu prezantoi edhe një nga programet më të rëndësishme që nis në fillim të vitit të ardhshëm shkollor, i cili mbështetet nga Buxheti 2026.

“Një prej programeve më të rëndësishme nis me fillimin e vitit shkollor tjetër, që është pikërisht programi i ushqimit në shkolla dhe programi pas shkolle. Me mbështetjen e Buxhetit 2026 të Qeverisë Shqiptare, përmes Ministrisë së Arsimit dhe Bashkisë së Tiranës, 30 shkolla 9-vjeçare nga klasa e parë deri në të pestën ku më shumë se 10 mijë fëmijë do të përfitojnë nga ky program, i cili do të nisë dhe do të shtrihet në të gjitha shkollat 9-vjeçare të Tiranës, sipas planifikimit të buxhetit afatmesëm. Ky program do të zgjerohet edhe në bashkitë qendër qarku, ashtu siç jemi zotuar në programin tonë politik të Partisë Socialiste.”

Drejtuesja Politike e Partisë Socialiste për Qarkun e Tiranës, Ogerta Manastirliu theksoi se Buxheti 2026 është një buxhet me fokus te familjet, fëmijët dhe komunitetet lokale, duke thelluar investimet që përmirësojnë cilësinë e jetës në çdo lagje të Tiranës.

/e.i/a.f/

The post Manastirliu: Buxheti 2026 mbështet mbi 10 mijë fëmijë pjesë e programit të ri të ushqimit në shkolla appeared first on Agjencia Telegrafike Shqiptare.

Në një sallë të mbushur me banorë të Laprakës dhe Kasharit, deputetja socialiste Ogerta Manastirliu u ngjit në podium më 24 nëntor dhe udhëhoqi diskutimet për buxhetin e Bashkisë së Tiranës për vitin e ardhshëm. E shpallur si kandidate për kryebashkiake që prej shtatorit, Manastirliu foli sikur të ishte një kryetare e zgjedhur, drejtoi diskutimet […]

The post Sjellja e Manastirliut si kryetare ‘de facto’ ngre shqetësime të reja për pushtetin vendor appeared first on Reporter.al.

TIRANË, 27 nëntor /ATSH/ Ministrja e Ekonomisë dhe Inovacionit, Delina Ibrahimaj, deklaroi sot se buxheti i vitit 2026 fokusohet tek rritja e pensioneve urbane dhe rurale.

Duke marrë fjalën gjatë dëgjesës publike për buxhetin 2026 me banorë të njësisë 1 në kryeqytet, Ibrahimaj tha se, për rritjen e pensioneve është parashikuar një fond prej 1,7 miliardë lekësh, ndërsa rreth 50 milionë euro do të përdoren për indeksimin e pensioneve.

“Qeveria do të vijojë gjithashtu me bonuset mujore për pensionistët, të cilat do të shpërndahen nga 1 dhjetori 2025, në të njëjtat nivele si vitin e kaluar: Pensionistët me pension deri 200 mijë lekë do të marrin 150 mijë lekë bonus. Pensionistët me pension mbi 200 mijë lekë do të marrin 100 mijë lekë bonus”, u shpreh ministrja.

Ajo tha se, nga 1 janari 2026 buxheti parashikon rritje progresive të pensioneve. Gjatë këtij mandati qeveria, tha Ibrahimaj, parashikon që pensioni urban mesatar me vite të plota pune do të arrijë 40 mijë lekë, ai me vite të pjesshme do të rritet në 22 mijë lekë, ndërsa pensioni rural dhe familjar do të shkojë në 18 mijë lekë.

“Pensionet për invalidët do të rriten gradualisht deri në 300 mijë lekë. Rritjet do të jenë progresive deri në vitin 2029 dhe do t’u shtohen indeksimet vjetore të parashikuara në buxhet”, tha Ibrahimaj.

Ibrahimaj njoftoi gjithashtu se nga viti 2026 do të rritet paga minimale në 500 euro, duke përfshirë rreth 300 mijë punonjës. Përveç kësaj, janë parashikuar rritje pagash për punonjësit e shëndetësisë, policisë dhe ushtrisë në kategori të caktuara, si dhe indeksimi i pagave në administratën publike çdo dy vite, për të ruajtur fuqinë blerëse të qytetarëve.

Ministrja theksoi se brenda mandatit, paga minimale pritet të arrijë 600 euro në 2028 dhe 700 euro në 2030, duke garantuar një përmirësim të qëndrueshëm të standardit të jetesës.

/e.xh/r.e/

The post Ibrahimaj: 50 milionë euro do të përdoren për indeksimin e pensioneve në 2026-ën appeared first on Agjencia Telegrafike Shqiptare.

TIRANË, 27 nëntor /ATSH/ Komisioni për të Drejtat e Njeriut dhe Mjetet e Informimit Publik miratoi sot nen për ne dhe në tërësi projektligjin për buxhetin e vitit 2026.

Projektligji u miratua vetëm me votat e mazhorancës, ndërsa opozita votoi kundër. Kryetarja e Komisionit Jorida Tabaku tha se propozimet e opozitës për projektligjin e buxhetit të vitit 2026 nuk janë reflektuar.

Tabaku tha se qeveria duhet të marrë masa për caktimin e minimumit jetik.

“Ne kemi diskutuar në ketë komision për minimumin jetik dhe më vjen keq që me ligjin e buxhetin e shtetit koncepti i minimumit jetik nuk njihet. Është shumë e vështirë për një familje shqiptare që të jetojë me pagesën sociale që i jep qeveria shqiptare, ndërkohë që shpenzimet për një familje shkojnë për 90 mijë lekë të reja”, u shpreh Tabaku.

“Qeveria duhet të marrë masa menjëherë për prezantimin e minimumit jetik, nëse jo me buxhetin e shtetit ne jemi të hapur dhe me anëtarët dhe me kolegët e opozitës propozimin ligjor ta sjellim dhe ta prezantojmë, por fakti që sot buxheti i shtetit vjen për vitin e 13-të radhazi pa asnjë ndryshim dhe reflektim në mbështetjen sociale dhe minimumin jetik për ne është e papranueshme”, tha Tabaku.

Tabaku u ndal edhe tek pensionet.

“Një element shumë i rëndësishëm për një jetesë dinjitoze dhe e drejtë kushtetuese për mbulimin e shpenzimit të jetesës, janë pensionet. Ky buxhet përsëri nuk sjell asnjë politikë të re pensionesh. Bonusin e fundvitit qeveria ka vendosur që ta shpërndajë për 12 muaj. Kjo nuk i lejon pensionistët që të jetojnë dhe të kenë një jetesë dinjitoze dhe nuk i lejon ata të përballen me rritjen e çmimeve të shportës”, tha Tabaku.

Tabaku shtoi se gjithashtu se “dhe në këtë projektbuxhet nuk ka asnjë reflektim për zgjidhjen e çështjes së pronës, kjo vjen si rezultat i një ligji të dështuar i cili është rrëzuar në Gjykatën Kushtetuese”.

Sa i takon pagës minimale, Tabaku tha se “paga minimale që qeveria propozon të rrisë sjell një efekt shtesë në te ardhura që do të paguhet nga punëmarrësi dhe punëdhënësi. Është një masë e pashoqëruar me mbështetje nga ana e qeverisë, sjell rritje të taksave për qytetarët shqiptarë”.

Deputetja e PD-së tha gjithashtu se Paqja Fiskale është në shkelje të Kushtetutës dhe cenon barazinë para ligjit.

“Në gjykimin tonë disa nga propozimet e projektligjeve financiare që kanë efekte në këtë buxhet janë edhe në shkelje të Kushtetutës dhe një prej tyre është Paqja Fiskale. Paqja Fiskale cenon barazinë para ligjit, do të stimulojë edhe informalitetin në të ardhmen do të nxisë mospagesën e taksave, është e paqartë se cilët do të jenë përfituesit”, tha Tabaku.

Tabaku shtoi se “opozita nuk ka për të mbështetur buxhetin. Ky buxhet nuk është në shërbim të qytetarëve dhe fatkeqësisht nuk është në mbrojtje të interesave të tyre”.

/m.q/j.p/

The post Tabaku: Buxheti 2026 jo në interes të qytetarëve, duhen masa për minimumin jetik appeared first on Agjencia Telegrafike Shqiptare.