Detaje të reja kanë dalë në dritë nga aksidenti tragjik i ndodhur në orët e para të mëngjesit të 1 janarit në aksin rrugor Gjirokastër–Tepelenë, ku tre persona humbën jetën dhe një tjetër mbeti i plagosur. Një nga viktimat është Martin Dulaj, 25 vjeç, i cili po udhëtonte së bashku me të fejuarën e tij, Arsida Demiri, 19 vjeçe. Kjo e fundit ka mbijetuar aksidentin dhe është transportuar me…

Source

Bahamas është bërë shteti i 121-të që e njeh Kosovën si shtet të pavarur dhe sovran.

Një lajm të tillë e ka bërë të ditur presidentja Vjosa Osmani të premten.

Presidentja Osmani e ka konsideruar këtë njohje vendim historik.

“Edhe një vendim historik për vendin tonë. Bahamas bëhet shteti i 121-të që njeh Kosovën si shtet të pavarur e sovran. Urime të gjithë qytetarëve të Republikës sonë! Sapo kemi nënshkruar, këtu në kryeqytetin e Bahamas, marrëveshjen dypalëshe për njohje dhe vendosje të marrëdhënieve diplomatike me Kryeministrin e Bahamas, mikun tonë të mirë Philip Davis”.

Bahamas njeh Kosovën

Në një konferencë për shtyp bashkë me Osmanin, kryeministri Davis tha se Kosova mund të mbështetet tek Bahamas si një partner i besueshëm dhe i qëndrueshëm.

“Ky është, pa asnjë dyshim, një moment historik për të dyja vendet tona dhe popujt tanë”, tha Davis.

“Nuk ka dyshim se ky është fillimi i një marrëdhënie që ne do të synojmë ta forcojmë. Ka shumë fusha ku ne mund të zhvillojmë bashkëpunim, posaçërisht në një botë ku ka sfida gjeopolitike, të cilat në prekin që të gjithëve”, shtoi ai./Telegrafi/

Kryeministri në detyrë Kosovës, Albin Kurti, ka reaguar pas njohjes së Kosovës nga Bahamas, duke e cilësuar vitin 2025 si vitin e njohjeve të reja, pas një periudhe të gjatë stagnimi në këtë proces.

Në një postim në Facebook, Kurti ka theksuar se Bahamas është shteti i katërt që e ka njohur Kosovën gjatë këtij viti dhe i 121-ti në total që e njeh Republikën e Kosovës si shtet të pavarur dhe sovran.

Ai ka bërë një krahasim simbolik mes dy viteve të fundit, duke theksuar rëndësinë e arritjeve ndërkombëtare.

Bahamas njeh Kosovën

“Viti 2024 ishte viti i pasaportës sonë. Viti 2025 është viti i njohjeve të reja, pas një kohe të gjatë”, ka shkruar Kurti.

Kryeministri ka uruar qytetarët e Kosovës për këtë zhvillim dhe ka shprehur mirënjohje të veçantë për presidenten Vjosa Osmani, zyrtarët shtetërorë dhe partnerët ndërkombëtarë, duke i vlerësuar për kontributin e tyre në forcimin e subjektivitetit ndërkombëtar të Kosovës.

Ai ka theksuar se Kosovës po i shtohen miqësi të reja, të cilat hapin mundësi për partneritete të reja në fusha të ndryshme.

“Mezi presim që njohjen e ndërsjellë ta kthejmë në partneritet të sinqertë me shtetin dhe popullin e Bahamas”, ka përfunduar Kurti.

Sektori i ndërtimtarisë vazhdon të jetë një nga shtyllat kryesore të ekonomisë së Kosovës, ku rreth 12 për qind e të punësuarve janë në këtë sektor.

Kështu tha në “Përballje Podcast”, Faton Hoxha, kryetar i Shoqatës së Ndërtuesve të Kosovës, duke folur për rolin e ndërtimtarisë në zhvillimin ekonomik të vendit dhe trendet e vazhdueshme të ndërtimit.

Ai tha se ndërtimi nuk pritet të ndalet për aq kohë sa ekziston kërkesë reale për banesa.

- YouTube www.youtube.com

“Ndërtimi ka qenë dhe mbetet infuzioni i ekonomisë sonë. Ende është diku te një e gjashta e GDP-së së Kosovës dhe rreth 12 për qind e të punësuarve janë në këtë sektor”, tha Hoxha.

Ai theksoi se zhvillimi i ndërtimtarisë pas luftës ka qenë i domosdoshëm për shkak të rritjes së popullsisë dhe mungesës së infrastrukturës bazë, duke përfshirë jo vetëm objektet banesore, por edhe rrugët, shkollat, spitalet dhe infrastrukturën publike në përgjithësi.

Sipas Hoxhës, ndërtimi sot nuk është i përqendruar vetëm në Prishtinë, por është shtrirë në të gjitha regjionet e Kosovës.

“Në secilin prej regjioneve të Kosovës ka boom ndërtimi – Prishtinë, Mitrovicë, Pejë, Gjakovë, Prizren, Gjilan dhe Ferizaj”, u shpreh ai.

Duke komentuar debatet për një ndalim apo ngadalësim të ndërtimit për shkak të numrit të lartë të banesave të pabanueshme, Hoxha tha se këto interpretime nuk pasqyrojnë realitetin e tregut.

“Në momentin që nuk ka shitje, nuk ka as ndërtim. Përderisa ka blerës dhe kërkesë reale, ndërtimi nuk do të ndalet”, theksoi ai në “Përballje Podcast” me kryeredaktorin e Telegrafit, Muhamet Hajrullahu.

Foto: Ridvan Slivova

Ai shtoi se dhënia e lejeve të reja ndërtimore dhe vazhdimi i projekteve të mëdha tregojnë se kërkesa për banesa vazhdon edhe përtej qendrës së kryeqytetit.

Në përmbyllje, Hoxha vlerësoi se ndërtimtaria do të vazhdojë të mbetet faktor kyç i zhvillimit ekonomik të Kosovës, pavarësisht sfidave me planifikimin urban, infrastrukturën dhe kostot e ndërtimit.

Në këtë podcast ai ka folur edhe për legalizimet, cilësinë e ndërtimit të banesave dhe tema të tjera. /Telegrafi/

Ditën e sotme 16 dhjetor 2025, SPAK i ka kërkuar Kuvendit heqjen e imunitetit dhe marrjen e autorizimit për arrestimin e zv/kryeministres Belinda Balluku.

Gjithashtu, Prokuroria e Posaçme, thekson se Balluku ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;

“Ndërtimi i segmentit rrugor Sheshi Shqiponja-Bulevardi i Ri, Loti 2”;

“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;

“Ndërtimi i Unazës së Jashtme Tiranë, Loti 4”;

“Ndërtim i Unazës së Jashtme Tiranë, Loti 5”;

“Ndërtim i Unazës së Jashtme Tiranë, Loti 6”;

“Ndërtim i Unazës së Jashtme Tiranë, Loti 7”.

Më herët, Balluku është marrë e pandehur nga SPAK për tenderin e tunelit të Llogarasë dhe atë të Unazës së Madhe, një aferë kjo me vlerë 210 mln euro.

Njoftimi i plotë i SPAK:

Prokuroria e Posaçme kundër Korrupsionit dhe Krimit të Organizuar, mbështetur në nenet 73, 95 dhe 103 të Kushtetutës së Republikës së Shqipërisë, nenin 288 të Kodit të Procedurës Penale, si dhe në nenet 13 dhe 118 të Rregullores së Kuvendit të Republikës së Shqipërisë, në kuadër të procedimit penal nr. 136 të vitit 2025, ka paraqitur kërkesë për dhënien e autorizimit nga Kuvendi i Republikës së Shqipërisë për arrestimin/ heqjen e lirisë së deputetit/ministrit/zëvendëskryeministrit:

Belinda Balluku, lindur dhe banuese në Tiranë, e cila ushtron funksionet e deputetit, ministrit dhe zëvendëskryeministrit të Republikës së Shqipërisë.

Kjo shtetase është marrë në cilësinë e të pandehurit në kuadër të procedimit penal nr.136 të vitit 2025, pasi akuzohet për kryerjen e veprës penale:

“Shkelja e barazisë së pjesëmarrësve në tendera apo ankande publike”, e kryer në bashkëpunim, e parashikuar nga nenet 258/2 dhe 25 të Kodit Penal, në lidhje me procedurën e prokurimit me objekt “Ndërtimi i tunelit të Llogarasë”.

Gjithashtu, shtetasja Belinda Balluku, ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;

“Ndërtimi i segmentit rrugor Sheshi Shqiponja-Bulevardi i Ri, Loti 2”;

“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;

“Ndërtimi i Unazës së Jashtme Tiranë, Loti 4”;

“Ndërtim i Unazës së Jashtme Tiranë, Loti 5”;

“Ndërtim i Unazës së Jashtme Tiranë, Loti 6”;

“Ndërtim i Unazës së Jashtme Tiranë, Loti 7”.

Kjo kërkesë ka për qëllim marrjen e autorizimit nga Kuvendi për procedimin e mëtejshëm ligjor.

The post SPAK akuza të reja ndaj Belinda Ballukut, nën hetim edhe për 7 tendera të tjerë appeared first on Albeu.com.

Mbi 11 mijë biznese të reja u regjistruan në Kosovë nga janari deri në tetor të këtij viti - një shifër kjo që nga Qeveria në detyrë shihet si sinjal i gjallërisë ekonomike.

Për ekspertët, megjithatë, numrat nuk tregojnë gjithë rrëfimin.

Rritja e ekonomisë, sipas tyre, nuk matet me sa biznese hapen, por me sa prodhohet, sa shitet dhe sa eksportohet.

Ministri në detyrë i Financave, Hekuran Murati, e përshkroi këtë trend si “tregues të shëndetit të mirë të ekonomisë”.

Kryeministri në detyrë, Albin Kurti, duke shpërndarë të njëjtin mesazh, tha se gjatë mandatit të tyre “numri i bizneseve të reja të regjistruara është ngritur vit pas viti”, duke e paraqitur këtë si dëshmi të një ekonomie në zgjerim.

Por, njohësit e fushës së ekonomisë, Lulzim Rafuna dhe Shpend Ahmeti, shohin një tjetër realitet pas këtyre shifrave optimiste.

Sipas tyre, struktura e bizneseve të reja nuk përbën dëshmi të rritjes së qëndrueshme ekonomike.

Shumica dërrmuese e tyre janë mikro-biznese - shpesh me kapacitet të kufizuar punësimi dhe prodhimi.

Vetëm në tetor, nga 1.125 biznese të reja, 1.116 ishin mikro-ndërmarrje me deri në nëntë të punësuar, ndërsa vetëm nëntë u klasifikuan si biznese të mesme - me 50 deri në 249 punëtorë, sipas Agjencisë së Statistikave të Kosovës.

Asnjë ndërmarrje e madhe, me mbi 250 punëtorë, nuk u regjistrua në atë muaj.

Kryetari i Odës Ekonomike të Kosovës, Lulzim Rafuna, thotë se ky model është i njëjtë prej vitesh: hapen shumë biznese të vogla, por pak prej tyre rriten dhe diversifikojnë ekonominë.

“Shumica janë start-up. Është pozitive që të rinjtë, viteve të fundit, po tregojnë interes gjithnjë e më të madh për të hapur biznese, por këto nuk mund të kenë ndikim të menjëhershëm në ekonominë e përgjithshme”, thotë Rafuna.

Shpend Ahmeti, bashkëthemelues i platformës Data4X, që mbledh dhe analizon të dhëna ekonomike, thotë se rritja ekonomike nuk matet me numrin e bizneseve të reja, por me qarkullimin real të bizneseve.

Të dhënat e Data4X tregojnë se nga janari në shtator të këtij viti, ka pasur rënie të qarkullimit pikërisht te sektorët e prodhimit dhe tregtisë - dy motorët e vërtetë të ekonomisë.

I vetmi sektor me rritje qarkullimi ka qenë ai i furnizimit me energji elektrike.

Lajmin e plotë në REL.

Biznesmeni Mondi Mëhalla (Edmond Hyka), u ekzekutua të dielën nga një atentat mafioz. Mësohet se shkak i organizimit të ekzekutimit të biznesmenit, janë bërë mosmarrëveshjet për ndarjen e normës së fitimit në biznes.

Gjithashtu, theksohet se mes palëve ka pasur edhe incidente si pasojë e kësaj çështje.

Policia lidhur me këtë ngjarje ka identifikuar dhe shpallur në kërkim dy persona, si autorë të dyshuar të vrasjes.

Policia e Elbasanit, njoftoi se në kuadër të operacionit policor të koduar “Strike”, u arrestuan shtetasit Xhino Ago dhe Kujtim Pisha (roja i karburantit në pronësi të Mëhallës), si dhe u shpallën në kërkim Marselo Arani dhe Armando Kola.

The post Zbardhen detaje të reja nga ekzekutimi i 43-vjeçarit Edmond Mëhalla në Elbasan appeared first on Albeu.com.

TIRANË, 21 nëntor /ATSH/ Në kuadër të Javës Globale të Sipërmarrjes, Autoriteti Kombëtar i Shoqërisë së Informacionit, në rolin e partnerit dhe bashkëorganizatorit, së bashku me Ministrinë e Infrastrukturës dhe Energjisë dhe GIZ, zhvilloi te Piramida e Tiranës, një sesion informues mbi Programin Europa Digjitale (DEP), një program financimi i Bashkimit Evropian për të fuqizuar inovacionin dhe transformimin digjital.

AKSHI njofton se qëllimi i sesionit ishte informimi i aktorëve kryesorë si institucionet publike, bizneset, universitetet dhe startup-et mbi mundësitë e financimit që sjell Programi Europa Digjitale, duke theksuar rëndësinë e bashkëpunimit dhe promovimin e projekteve që nxisin zhvillimin digjital të vendit.

Në këtë sesion u prezantuan pesë thirrje të hapura për financim, në të cilat Shqipëria mund të aplikojë.

Në emër të AKSHI-t, drejtoresha e Agjendës Digjitale dhe Projekteve me Fonde të Huaja, Romina Kostani, përcolli vizionin e Shqipërisë për të qenë jo vetëm pjesë e transformimit digjital evropian, por edhe kontribuuese aktive në të.

“Shqipëria nuk synon vetëm të ndjekë ritmin, por të kontribuojë me ambicie dhe vendosmëri”, tha Kostani.

Së bashku me zëvendësministren e Infrastrukturës dhe Energjisë, Enkelejda Muçaj, Jenni Lundmark nga delegacioni i BE-së në Shqipëri, si dhe Sonja Kurz, drejtuese e GIZ në Shqipëri, u prezantua thirrja e tretë për European Digital Innovation Hubs (EDIH), një mundësi transformuese për ekosistemin shqiptar të inovacionit për t’u lidhur drejtpërdrejt me rrjetin evropian të inovacionit.

DEP hap një kapitull të ri për Shqipërinë, duke e afruar vendin me standardet më të avancuara të BE-së në inteligjencë artificiale, superkompjuterikë dhe teknologjitë e reja.

/e.i/j.p/

/e.i/

The post Programi “Europa Digjitale” afron Shqipërinë me standardet e BE në IA appeared first on Agjencia Telegrafike Shqiptare.

Kryetari i Aleancës për Ardhmërinë e Kosovës (AAK), Ramush Haradinaj, ka shprehur shqetësim për situatën politike dhe ekonomike në vend, pas mbledhjes së kryesisë së partisë.

Ai theksoi se vonese në miratimin e buxhetit dhe problemet me pagat e punëtorëve të sektorit publik, duke përfshirë edhe punëtorët e RTK-së, po krijojnë vështirësi serioze për qytetarët.

“Diskutuam për zhvillimet politike në vend dhe shqetësimi ynë kryesor janë pengesat e gjata dhe pamundësia për miratimin e buxhetit, si dhe shumë situata të tjera që nuk janë të lehta. Punëtorët e RTK-së kanë mbetur pa paga”, tha Haradinaj.

Sipas tij, këto probleme janë pasojë e qasjes së Qeverisë Kurti, e cila “ka penguar dhe zvarritur proceset” në vend.

Më tutje tha se dalja nga kjo gjendje është shpallja e zgjedhjeve të reja parlamentare, ndërsa AAK ka nisur përgatitjet për to.

“AAK-ja vlerëson që të gjitha këto vështirësi dhe sfida që po kalon Kosova janë pasojë e qasjes së Kurtit, i cili ka penguar dhe zvarritur proceset. Mendojmë se dalja nga kjo gjendje është pikërisht shpallja e zgjedhjeve të reja parlamentare, dhe për këtë kemi nisur përgatitjet,” u shpreh Haradinaj para gazetarëve.

Ai shtoi se AAK nuk do të jetë pjesë e asnjë procesi që shkel Kushtetutën dhe deformon rendin demokratik.

"Buxheti i ri të miratohet vetëm pas krijimit të Qeverisë së re me mandat të plotë. Qeveria në detyrë nuk duhet të uzurpojë kompetenca që nuk i takojnë më. Aleanca do të mbrojë integritetin institucional dhe rendin kushtetues të Republikës. S’ka buxhet pa Qeveri. S’ka vendimmarrje pa mandat. S’ka demokraci pa respektim të Kushtetutës|", u shpreh Haradinaj./Telegrafi/

Në mbledhjen e sotme, Këshilli i Ministrave ka miratuar një vendim që përcakton formën, mënyrën dhe procedurën e raportimit të të dhënave nga Autoritetet Licencuese dhe Mbikëqyrëse.

Sipas vendimit të miratuar, autoritetet licencuese dhe mbikëqyrëse do të raportojnë menjëherë, dhe jo më vonë se 72 orë nga çasti i konstatimit, çdo dyshim apo informacion që lidhet me pastrimin e parave, financimin e terrorizmit apo financimin e armëve të shkatërrimit në masë, tek Agjencia e Inteligjencës Financiare.

Me propozimin e Ministrit të Financave, Këshilli i Ministrave ka përcaktuar edhe listën e autoriteteve mbikëqyrëse për subjektet e ligjit në këtë fushë.

Sipas vendimit, autoritetet mbikëqyrëse që duhet të raportojnë janë:

Banka e Shqipërisë

Autoriteti i Mbikëqyrjes Financiare

Organet e qeverisjes qendrore

Agjencia e Mbikëqyrjes së Lojërave të Fatit apo çdo autoritet tjetër i ngarkuar me ligj për lojërat e fatit, kazinotë dhe hipodromet

Ministria e Drejtësisë

Dhoma Kombëtare e Avokatisë, për avokatët

Ministria përgjegjëse për infrastrukturën, për subjektet që merren me tregtimin e mjeteve motorike, lundruese, ajrore, si dhe për veprimtaritë e transportit e spedicionit

Agjencia e Inteligjencës Financiare, për:

a) agjencitë e udhëtimit
b) shoqëritë e ndërtimit
c) bizneset e metaleve dhe gurëve të çmuar
ç) çdo person fizik ose juridik që ofron shërbime të caktuara për klientët

Bordi i Mbikëqyrjes Publike, për audituesit ligjorë dhe kontabilistët e miratuar

The post “Raportim brenda 72 orësh”/ Qeveria merr masa të reja kundër pastrimit të parave dhe financimit të terrorizmit! appeared first on Albeu.com.

Rezultatet e zgjedhjeve të pjesshme lokale në pesë bashki të vendit Mat, Vlorë, Berat, Cërrik dhe Tepelenë ku Partia Socialiste siguroi fitore në të pesta, kanë sjellë reagime dhe analiza të shumta në arenën politike. Në emisionin “Real Story” në ABC News, analisti Skënder Minxhozi dhe gazetari Martin Leka komentuan mbi domethënien politike të këtyre rezultateve, duke i konsideruar ato si një humbje të thellë për opozitën dhe veçanërisht për Partinë Demokratike të drejtuar nga Sali Berisha.

Minxhozi e cilësoi rezultatin si “një humbje të madhe” për Berishën dhe për partitë e reja opozitare, të cilat sipas tij “nuk duhet të ndihen mirë me këtë nivel mbështetjeje”, ndërsa Leka theksoi se partitë e vogla janë në bashkëfajësi me opozitën, pasi kanë mbështetur kandidatët e PD-së, duke shtuar se diferenca e madhe në vota nuk tregon thjesht një dështim elektoral, por krizën më të madhe të vetë PD-së dhe lidershipit të saj.

Skënder Minxhozi: Unë mendoj se është një humbje e madhe e Berishës dhe u bë e disata në fushatë elektorale, por që ka brenda edhe një element të fshehur, që unë e besoj. Nuk e di nëse ka qenë lojë, apo ka qenë e qëllimshme, por unë dot që edhe partitë e reja opozitare po kaq humbëse sa Berisha, në këtë rast. Sepse ata eksperimentuar. Nëse futim Tiranën në këtë logjikë që nuk pati zgjedhje, por edhe atje pati një fillim fushate edhe atje pati një hapje krahu nga një figurë që vinte nga arti, kishte të gjitha lidhjet e besueshme me PD, kishin dhe dy parti të tjera, Lapajn dhe Shehajn. Unë them që nëse s’ka qenë një lojë edhe për partitë e reja se çfarë duhet të bëjnë. Unë mendoj që edhe ato nuk duhet të ndjehen shumë mirë me këtë nivel. PD është kryesorja.

Martin Leka: Partitë e vogla, përjashto partinë e Qorit janë në bashkëfajësi me opozitën dhe PD, sepse kanë mbështetur kandidatët e PD. Kjo tregon që janë të dominuara nga pjesa më e dobët e PD, si partia kryesore. Po ta analizojmë më tej, unë mendoj që ka plot shkaqe, që unë nuk do e quaja si dështim të politikës, por si dështimin më të madh të PD-së dhe kryetarit të saj, Sali Berisha, më pas të partive të vogla. Është e frikshme sepse në këto bashki diferenca nuk bëhet në përqindje, por në 55%, në Tepelenë në favor të partisë fituese, më pas në Berat e Vlorë. Kur del Berisha dhe thotë që këto ishin farsë…Imagjinoni se çfarë impenjimi sjell PD në zgjedhje, e cila vazhdon me avazin se është farsë./abcnews.al

Partia Demokratike e Kosovës (PDK) ka mbajtur sot mbledhjen e rregullt të Kryesisë, ku është diskutuar për zhvillimet e fundit politike në vend dhe rezultatin e arritur në raundin e parë të zgjedhjeve lokale.

Në njoftimin pas mbledhjes, PDK ka theksuar se dhënia e mandatit sërish Lëvizjes Vetëvendosje për formimin e qeverisë përbën “humbje kohe dhe thellim të krizës institucionale”, pasi, siç thuhet, “askush nuk e ka shumicën për ta formuar qeverinë nga kjo legjislaturë”.

“PDK nuk do të japë votë për asnjë mandatar nga LVV, dhe mbajtja e zgjedhjeve të parakohshme është zgjidhja e vetme për tejkalimin e këtij ngërçi, duke u kthyer qytetarëve të Kosovës të drejtën për të vendosur drejtimin e ardhshëm të vendit”, thuhet në komunikatë.

Sipas partisë, kriza e zgjatur politike, e shkaktuar nga Lëvizja Vetëvendosje, ka dëmtuar çdo sektor dhe ka rrezikuar vonesat në miratimin e buxhetit të shtetit, gjë që sipas PDK-së mund të ndikojë drejtpërdrejt në pagat e qytetarëve në fillim të vitit të ardhshëm.

Gjatë mbledhjes, kryetari i PDK-së, Memli Krasniqi, është shprehur mirënjohës për angazhimin e anëtarëve dhe përkrahësve të partisë në zgjedhjet lokale, duke theksuar se PDK është rikthyer si partia më e votuar pas 12 vjetësh me 187.526 vota dhe 206 ulëse në Kuvendet Komunale.

Në raundin e parë të zgjedhjeve lokale, PDK ka fituar në Ferizaj, Skënderaj dhe Han të Elezit, ndërsa është në garë për balotazhin e 9 nëntorit në Mitrovicë, Prizren, Vushtrri, Kaçanik, Klinë dhe Dragash.

Krasniqi u bëri thirrje strukturave të partisë që të vazhdojnë mobilizimin maksimal për fitore në këto komuna.

Gjasat që Glauk Konjufca, mandatar për kryeministër i emëruar nga presidentja Vjosa Osmani, të formojë Qeverinë e re të Kosovës, duken minimale.

Me ish-opozitën e bashkuar rreth idesë për zgjedhje të reja, përpjekja e dytë e Lëvizjes Vetëvendosje për të krijuar ekzekutivin, rrezikon të përfundojë në të njëjtin bllokim politik, thonë analistët.

Partitë ish-opozitare - Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe Nisma Socialdemokrate - e kanë bërë të qartë se nuk do ta mbështesin një qeveri të udhëhequr nga Konjufca.

Qëndrimi i tyre u shpall publikisht edhe para se presidentja Osmani ta mandatonte zyrtarisht atë më 4 nëntor.

Radio Evropa e Lirë bëri përpjekje t’i kontaktonte përfaqësuesit e të gjitha partive një ditë më vonë, për t’i pyetur për hapat që do t’i ndjekin, por pa sukses.

Kërkesës për intervistë nuk iu përgjigj as Konjufca.

“Qëndrimi i ish-opozitës është betonuar”

Sipas profesorit Rrahman Paçarizi, nga Departamenti i Gazetarisë në Universitetin e Prishtinës, vendimi i partive ish-opozitare për të mos mbështetur një qeveri të udhëhequr nga Vetëvendosja “është i betonuar” prej kohësh.

Ai shton se nuk pret që Konjufca të sigurojë mbështetjen e asnjë partie tjetër, veçanërisht pasi përbërja e propozuar e kabinetit mbetet e njëjtë me atë që mandatari i parë për kryeministër, Albin Kurti, ka dorëzuar në përpjekjen e tij të dështuar, më 26 tetor.

Megjithatë, nuk e përjashton mundësinë që ndonjë deputet individual nga ish-opozita të vendosë ta votojë Qeverinë e Konjufcës.

“Ai ka pasur qasje pak më ndryshe nga zoti Kurti në raport me opozitën. Ka qenë më pak polarizues”, thotë Paçarizi.

“Një propozim shumë i vonuar”

Analisti Avni Arifi e sheh mandatimin e Konjufcës si hap të vonuar dhe politikisht të pamjaftueshëm.

Ai thotë se sikur ky propozim të ishte bërë në prill - kur edhe kanë nisur dështimet për konstituimin e Kuvendit - Vetëvendosje do të kishte dërguar sinjale të gatishmërisë për kompromise me opozitën.

Por, sipas tij, Vetëvendosje ka zgjedhur të krijojë situata bllokuese për formimin e institucioneve dhe të përdorë diskurs të ashpër ndaj partive ish-opozitare, duke i fajësuar ato për bllokadën.

“Krejt çfarë po mbetet, janë dy opsione: të bëjë [LVV-ja] ndonjë marrëveshje me Listën Serbe ose të ‘kontrabandojë’ ndonjë deputet të partive ish-opozitare [për të votuar Qeverinë e re]. Por, shanset edhe për këto dy opsione më duken të zymta”, thotë Arifi për Radion Evropa e Lirë.

Loja me afatet

Në rast të dështimit të Konjufcës, Kushtetuta e Kosovës parashikon vetëm një rrugëdalje: shpërndarjen e Kuvendit dhe mbajtjen e zgjedhjeve të reja.

Konjufca ka 15 ditë kohë për të paraqitur përbërjen e re qeveritare para Kuvendit - deri më 19 nëntor.

Pas kësaj date, presidentja Osmani mund të shpallë menjëherë zgjedhjet ose të presë deri në përmbushjen e afatit 60-ditor që rrjedh nga emërimi i mandatarit të parë.

“Presidentja Osmani mund të rrijë e heshtur 20 ditë, derisa të përmbushet afati prej 60 ditësh që nga nominimi i mandatarit të parë”, thotë Paçarizi.

Ai përmend edhe një tjetër mundësi që po qarkullon në qarqet politike, se “Osmani mund ta shfrytëzojë këtë periudhë për t’u tërhequr nga posti i presidentes, për t’u përfshirë në garën politike, duke sakrifikuar vetëm një muaj të mandatit të saj”.

Në vitin 2021, Kurti dhe Osmani garuan në zgjedhje parlamentare me një listë të vetme zgjedhore dhe fituan bindshëm.

Sipas Paçarizit, kjo lëvizje do të kishte pasoja politike të ndjeshme, ndërsa “të gjitha partitë - nga Vetëvendosje tek ish-blloku opozitar - do të përpiqeshin të përfitonin nga këto lojëra taktike me afatet kushtetuese”.

Një cikël i ri bllokadash?

Skenari më i mundshëm, sipas analistëve, është përsëritja e ngërçit politik.

Arifi nuk beson se zgjedhjet e reja eventuale do të përmirësonin marrëdhëniet ndërmjet partive politike në Kosovë.

Përkundrazi, ai paralajmëron se vendi mund të përballet me një cikël të ri të bllokadave institucionale.

“Nuk shoh asnjë gatishmëri nga partitë e tjera për të bashkëpunuar me Vetëvendosjen, sepse si partner politik është jashtëzakonisht i papërshtatshëm”, thotë Arifi.

Sipas tij, kultura e bashkëpunimit ndërpartiak, e cila ishte zhvilluar gjatë dekadës së kaluar, është “shkatërruar plotësisht” pas ardhjes në pushtet të Lëvizjes Vetëvendosje.

Paçarizi paralajmëron, gjithashtu, se polarizimet politike mund të vazhdojnë edhe pas zgjedhjeve të reja.

“Ka shumë mundësi që të vazhdojnë, në rast se nuk do të ketë ndryshim konstelacioni të partive politike që do të përfaqësohen në Kuvendin e Kosovës”, thotë ai.

Sipas Paçarizit, skena politike është tashmë e dominuar nga rrëfimi i kryeministrit në detyrë, Albin Kurti, i cili ka paralajmëruar dy palë zgjedhje brenda pak muajsh - në dimër dhe më pas në pranverë, kur përfundon edhe mandati i presidentes Osmani.

Partitë tashmë po e ndjekin këtë narrativ, sipas Paçarizit, i cili vetëm se thellon krizën dhe vonon zgjidhjen e saj.

Kosova është me Qeveri në detyrë që nga muaji mars, ndërsa procesi i konstituimit të Kuvendit është zvarritur për rreth gjashtë muaj, duke përfunduar disa herë në Gjykatën Kushtetuese.

Bashkimi Evropian ka shfaqur shpresën që vendi ta formojë sa më shpejt një qeveri funksionale, në mënyrë që të nisë zbatimin e rekomandimeve të Raportit të Progresit të Komisionit Evropian, i cili ka vlerësuar se Kosova ka shënuar përparim të kufizuar, për shkak të bllokadës politike.

Nga Kuvendi i Kosovës i kanë thënë REL-it se deri pasditen e 5 nëntorit, nuk ka pasur ndonjë lëvizje për organizimin e seancës për votimin e Qeverisë së re.

Eugen Cakolli nga Instituti Demokratik i Kosovës (KDI) ka sqaruar procedurat kushtetuese dhe afatet ligjore që lidhen me zgjedhjen e mandatarit për kryeministër dhe mundësinë e mbajtjes së zgjedhjeve të reja.

Sipas Cakollit, mandatarit të ri i mbetet afati ligjor deri më 19 nëntor për ta paraqitur kabinetin dhe programin qeverisës në Kuvend, si dhe për të siguruar të paktën 61 vota.

Nëse deri në këtë datë nuk arrihet votimi me sukses, më 20 nëntor presidentja duhet ta shpërndajë Kuvendin, duke hapur rrugën për zgjedhje të reja.

“Sipas Kushtetutës, zgjedhjet duhet të mbahen jo më vonë se 40 ditë pas shpalljes së tyre, ndërsa Ligji për Zgjedhjet i jep Presidentes deri në 10 ditë kohë për ta bërë shpalljen e datës së zgjedhjeve nga momenti i shpërndarjes së Kuvendit”, ka shkruar Cakolli në Facebook.

Ai ka sqaruar se nëse Kuvendi shpërndahet më 20 nëntor, datat më të mundshme për zgjedhje janë 21 ose 28 dhjetori.

“Teorikisht, të mundshme janë edhe 14 dhjetori – nëse procedura dështon dhe shpërndarja ndodh më herët; apo 4 janari, vetëm në rast se shpallja e datës së zgjedhjeve shtyhet deri në fund të nëntorit, në afatin maksimal 10-ditor që ka Presidentja”, ka shtuar ai.

Ditën e sotme, seanca paraprake për dosjen e Ilir Metës, është shyrë për shkak të mungesës së avokatit të Monika Kryemadhit.

Seanca është shtyrë për më datë 11 nëntor.

Seanca nisi në orën 09:00 dhe gjyqtarja Irena Gjoka, pritej të vendoste nëse dosja do të kalojë për gjykim apo do të rikthehet për hetime të mëtejshme.

Ndërkohë, Prokuroria e Posaçme (SPAK), Ndërkohë, bëhet me dije se; Prokuroria e Posaçme (SPAK), ka sjellë prova të reja në gjyq, kundër Metës dhe Kryemadhit.

Bëhet fjalë për një letër-porosi, të ardhur nga Shtetet e Bashkuara.

Ish-presidenti Meta, është i arrestuar që prej tetorit të vitit të kaluar dhe është akuzuar për korrupsion pasiv, pastrim parash dhe fshehje pasurie.

Hetimet ndaj tij u mbyllën nga SPAK më 28 korrik, ndërsa dosja u kalua për gjykim në fund të gushtit.

Ndërkohë GJKKO, ka rrëzuar kërkesat e Metës për ndryshimin të masës së sigurisë ndërsa më 16 tetor, edhe Gjykata e Lartë rrëzoi rekursin e ish-presidentit për të njëjtën kërkesë.

The post SPAK sjell prova të reja kundër Metës dhe Kryemadhit, shtyhet seanca gjyqësore appeared first on Albeu.com.

Kryeministri në detyrë, Albin Kurti, ka deklaruar se Lëvizja Vetëvendosje nuk ka marrë ende ftesë nga presidentja Vjosa Osmani lidhur me mandatarin për formimin e qeverisë së re.

Në një konferencë për media, Kurti tha se, sipas Kushtetutës, çështja e mandatarit për herën e dytë është në diskrecionin e presidentes, por shtoi se nga zhvillimet e fundit duket se vendi po shkon drejt zgjedhjeve të reja.

“Nuk kemi marrë ftesë nga presidentja Vjosa Osmani. E dimë se për herën e dytë është në diskrecionin e saj çështja e mandatarit për formimin e qeverisë. Nga ajo që dëgjuam dje, duket se të gjithë po përgatiten për zgjedhje të reja dhe për balotazhin në zgjedhjet lokale”, tha Kurti.

Ai shtoi se është për të ardhur keq që vendi mund të përballet me disa palë zgjedhje brenda një periudhe të shkurtër kohore.

“Mbase është për të ardhur keq — përveç balotazhit, edhe dy herë të tjera zgjedhje. Edhe zgjedhje në dimër edhe zgjedhje në pranverë, sepse kur nuk arritëm t’i bëjmë 61 deputetë për një qeveri të re, atëherë është e pamundur t’i bëjmë 80 deputetë për zgjedhjen e presidentes. Kemi mundur së paku këto zgjedhjet e dhjetorit t’i evitojmë,” tha ai.

Më tej duke përmendur Ligjin për Qeverinë, theksoi se mund të propozojë projektbuxhetin për vitin 2026, porse nuk do të thotë se puna mbaron aty.

“Cili do të ishte buxheti që do të kishte mazhorancën prej 61 votave, e ku dihet se duhet votuar në dy lexime projektbuxheti”, tha Kurti.

Kjo deklaratë e Kurtit vjen pas dështimit të Kuvendit për të miratuar kabinetin e ri qeveritar të propozuar nga Vetëvendosje, me vetëm 56 vota për, 52 kundër dhe 4 abstenime./Telegrafi/

Pas dështimit të votimit të Qeverisë së propozuar nga mandatari Albin Kurti, njohësi i çështjeve zgjedhore, hulumtuesi i KDI-së, Eugen Cakolli, ka shpjeguar hapat e ardhshëm kushtetues që pritet të pasojnë.

Ai thekson se Kosova tashmë ka hyrë në fazën e dytë të procedurës për formimin e Qeverisë, siç përcaktohet me Kushtetutë dhe me aktgjykimet e Gjykatës Kushtetuese.

Sipas Cakollit, Presidentja e vendit është e detyruar që të zhvillojë konsultime me të gjitha partitë dhe koalicionet parlamentare për të vlerësuar cila prej tyre ka më shumë gjasa të formojë shumicën në Kuvend. Ai kujton se Gjykata Kushtetuese e ka bërë të qartë se ky proces nuk është formalitet, por duhet të reflektojë një mundësi reale për të siguruar shumicën prej 61 votave.

“Pas përfundimit të konsultimeve brenda afatit 10-ditor, Presidentja duhet të vendosë se kujt do t’ia japë mandatin e dytë për formimin e Qeverisë. Ky është momenti më i ndjeshëm politikisht dhe juridikisht, sepse Presidentja nuk ka diskrecion të pakufizuar – ajo duhet të bazohet në kriterin e ‘gjasës më të madhe për të formuar Qeverinë’, pavarësisht nëse ajo parti është apo jo fituese e zgjedhjeve”, shpjegon Cakolli.

Sipas tij, mandati i dytë mund t’i jepet sërish partisë fituese, nëse ajo deklaron gatishmëri për shumicë, ose ndonjë partie tjetër që paraqet prova konkrete për mbështetje parlamentare.

Por, Cakolli paralajmëron se në rast se asnjë parti nuk pranon mandatin, procesi humb qëllimin e tij politik dhe Presidentja është e detyruar të ndërmarrë veprimet për shpërndarjen e Kuvendit.

“Nëse asnjë subjekt nuk shpreh gatishmëri për të marrë mandatin e dytë, Presidentja, pasi ta konstatojë mungesën e vullnetit për formim të Qeverisë, ka të drejtën dhe detyrimin kushtetues për të shpërndarë Kuvendin dhe për të shpallur zgjedhje të reja, të cilat duhet të mbahen brenda 40 ditësh nga shpërndarja”, thekson ai.

Cakolli shton se Kushtetuta ofron një rrugë të qartë për dalje nga bllokadat, por ajo varet nga ekzistenca e vullnetit politik.

“Në mungesë të këtij vullneti, zgjedhjet e reja janë mënyra kushtetuese për rikthimin e legjitimitetit politik dhe institucional”, përfundon ai.

Sipas afateve të përllogaritura nga Cakolli, nëse shpejt konstatohet mungesa e shumicës për formimin e Qeverisë, zgjedhjet e reja mund të mbahen më 30 nëntor, 7 dhjetor ose 14 dhjetor, në varësi të datës kur Presidentja shpall zgjedhjet.

Kryeministri në detyrë i Kosovës, Albin Kurti, gjatë një deklarate të martën ka lënë të kuptohet se Lëvizja Vetëvendosje, si fituese e zgjedhjeve parlamentare të 9 shkurtit, mund të mos arrijë të formojë qeverinë e re, duke shtuar se “siç duket, alternativa është se do të shkojmë në zgjedhje prapë”.

Profesori universitar, Faton Ismajli, gjatë emisionit FIVE në TV Dukagjini, ka thënë se kriza politike në vend është pasojë e degradimit të skenës politike dhe mungesës së përgjegjësisë së partive.

Ai shtoi se përgjegjësia nuk bie vetëm mbi partinë fituese, por edhe mbi opozitën.

“Në fakt, theksi duhet vendosur te konstatimi i zotit Kurti se as opozita nuk ka alternativë dhe nuk ka mundësi të formojë qeverinë. Edhe pashmangshëm jemi drejt përfundimit të mandatit dhe zgjedhjeve të reja. Megjithëse përpjekjet e partisë së parë për të krijuar shumicën nuk kanë qenë serioze,” tha Ismajli.

Ai shtoi se partitë politike veprojnë brenda interesave të ngushta personale dhe shpesh nuk mendojnë për interesin shtetëror, ndërsa emancipimi politik po ndodh më shumë te qytetarët sesa te partitë.

“Vitet e fundit kemi degradim të hierarkisë së vlerave politike. Partitë politike asgjë nuk shohin përtej interesit të ngushtë personal. Edhe zgjedhjet lokale e treguan këtë emancipim të votuesve, më shumë se të partive politike. Është e pabesueshme që partitë politike shqiptare, 25 vjet pasluftës, bllokojnë shtetin për 8 muaj duke mos themeluar institucionet për shkak të interesit pur politik,” tha Ismajli.

Ai theksoi se përgjegjësia është e përbashkët, dhe pavarësisht degradimit të partisë fituese, partitë opozitare gjithashtu kanë rënë në lojën e partisë së madhe, duke munguar vizioni për interesin e shtetit dhe qytetarëve.

- YouTube www.youtube.com

Tetori Rozë është muaji i ndërgjegjësimit për kancerin e gjirit, që synon rritjen e kujdesit dhe vëmendjes për diagnostikim të hershëm dhe trajtim në kohë të kësaj diagnoze. Roli i medias, personazhet e njohur, apo fushatat e ndërgjegjësimit nga institucionet zyrtare, janë vetëm njëra anë e medaljes. Të parët që e bëjnë këtë thirrje, për […]

The post 805 raste të reja me kancer gjiri në një vit në Shqipëri, 15 prej tyre meshkuj appeared first on BoldNews.al.

Konfiskim objekti, përjashtim nga lejet për 5 vite e deri gjobë 35 mijë lekë m² për ndërtimet pa leje, këto janë disa nga rregullat e reja, më të ashpra, që kanë hyrë në fuqi, për të gjithë ata që bëjnë ndërtime pa leje, ose shtesa pa leje nëpër ndërtesa, shkruan A2 CNN.

Në fletoren zyrtare, është publikuar akti normativ “Për disa ndryshime dhe shtesa në ligjin nr. 107/2014, “Për planifikimin dhe zhvillimin e territorit”, që parashikon konfiskim të objekteve që anë tejkalim të lejes mbi masën 10% të sipërfaqes totale ndërtimore.

Disa nga rregullat e reja:

Gjobat

1. Kryerja e punimeve pa leje dënohet me gjobë të barabartë me vlerën e punimeve të kryera, por jo më pak se 35 000 lekë për metër katror.

2. Ndryshimi i destinacionit apo aktivitetit pa leje dënohet me 5 000 000 lekë.

3. Mosveprimi i autoriteteve për miratimin në heshtje të lejeve dënohet me 2 000 000 lekë.

4. Punime të padeklaruara dënohen me 50 000 – 150 000 lekë, si dhe me vendim prishjeje.

5. Për punime pa leje në brezin bregdetar gjoba është jo më pak se 35 000 lekë/m², plus 10% e vlerës së preventivit ose e shitjes.

Konfiskimi dhe prishja e ndërtimeve pa leje

1. Në rastet kur tejkalohet 2% e sipërfaqes totale ndërtimore, konfiskohet pjesa pa leje për interes publik apo strehim social.

2. Kur tejkalohet 10%, konfiskohet i gjithë objekti ose urdhërohet prishja.

3. Shpenzimet e prishjes dhe pastrimit të inerteve paguhen nga ndërtuesi dhe ekzekutohen me bllokim llogarish bankare.

4. Nëse objekti nuk përputhet me projektin arkitektonik, ndërtuesi detyrohet të korrigjojë brenda 90 ditëve, përndryshe objekti konfiskohet për interes publik.

Përjashtime dhe “Lista e zezë”

1. Krijohet një “listë e zezë kombëtare” me ndërtues, shoqëri apo individë që shkelin ligjin e ndërtimit.

2. Ata përjashtohen nga marrja e lejeve për 5 vjet.

Në listë përfshihen ata që kanë kryer shkelje të rënda teknike e ligjore; janë dënuar për vepra penale në ndërtim; kanë shitur të njëjtin apartament më shumë se një herë; kanë pasur ndërtime objekt konfiskimi ose prishjeje.

Ndëshkim për punonjësit publikë

1. Nëse një punonjës shteti përfshihet në ndërtim pa leje, konsiderohet shkelje shumë e rëndë dhe hiqet menjëherë nga puna; nuk mund të punojë në administratë për 7 vjet.

Rregulla të tjera të reja:

1. Ndalohet ndryshimi i funksionit të ndërtesës pa leje të re.

2. Lejet për mure rrethuese janë të detyrueshme dhe sipas modeleve tip.

3. Lejet në bregdet jepen vetëm nga Këshilli Kombëtar i Territorit (KKTU).

4. Punimet që nuk nisin brenda 1 viti nga miratimi i lejes, leja konsiderohet e pavlefshme.

5. IKMT mund të propozojë konfiskimin e objekteve me shkelje. (A2

The post Hyjnë në fuqi rregullat e reja për ndërtimet pa leje appeared first on Albeu.com.