Ministri i Drejtësisë, Besfort Lamallari thotë se kriteri që udhëheq Amnistinë Penale është rrezikshmëria e ulët shoqërore. Për të përzgjedhja e kategorive që përfitojnë nga kjo amnisti është bërë në mënyrë që të mos cenohet siguria publike dhe të favorizohet një qasje humane dhe e drejtë. ”Kriteri që ka udhëhequr këtë amnisti ka qenë rrezikshmëria e ulët shoqërore. Sa i përket burrave…

Source

Viti 2026 po e gjen Shqipërinë në një udhëkryq të ri sa i përket raporteve të politikës me drejtësinë, ndërkohë që vendi pret të avancojë në rrugën e përmbushjes së kushteve për anëtarësim në Bashkimin Europian me sundimin e ligjit si gurthemeli në këtë proces. Ndryshe nga ç’kishte premtuar, kryeministri Edi Rama e mbylli vitin […]

The post Viti 2026: Drejtësia do të jetë sërish kryefjala appeared first on Reporter.al.

TIRANË, 26 dhjetor /ATSH/ Ministri i Drejtësisë, Besfort Lamallari ishte sot në kantierin e Institutit për Edukimin dhe Rehabilitimin e të Miturve në Mëzez (Tiranë).

Sipas ministrit punimet kanë avancuar në mënyrë domethënëse dhe brenda vitit 2026 pritet të vihet në funksionim.

Ministri i Drejtësisë njoftoi se “ky është një investim madhor për t’u dhënë një shans të dytë të miturve në konflikt me ligjin”.

“Në 7 objekte multidisiplinare për ofrimin e shërbimeve, ky institut ka për të qenë një pikë orientuese dhe mbështetëse për të gjithë zinxhirin ndërinstitucional të drejtësisë për të mitur, duke ofruar programe të specializuara për çdo tipologji vepre penale dhe për çdo rast specifik të të miturve që shkelin ligjin”, nënvizoi ministri.

Sipas Lamallarit “riintegrimi social përmes investimeve në arsimim, mbështetjes psikologjike dhe formimin profesional, synon t’u japë këtyre të rinjve një mundësi tjetër për të ndërtuar një të ardhme më të sigurt e për të qenë vetëm në shërbim të shoqërisë dhe përparimin e vendit”.

/m.q/r.e/a.f/

The post Lamallari: Brenda 2026-ës përfundon Instituti për Edukimin dhe Rehabilitimin e të Miturve appeared first on Agjencia Telegrafike Shqiptare.

Në Gjykatën Themelore në Prishtinë, në gjykimin ndaj Naim Murselit, Kushtrim Kokallës dhe Granit Plavës, të hënën seanca po vazhdon me paraqitjen e provave materiale.

Naim Murseli, Granit Plava, Kushtrim Kokalla dhe Tom Dodaj, ngarkohen për rastin e vrasjes së Liridona Ademajt më 29 nëntor 2023, raporton “Betimi për Drejtësi”.

Raporti do të përditësohet…

Ndryshe, raporti i Institutit të Psikiatrisë Forenzike të Kosovës ka konstatuar se Naim Murseli, i akuzuar për vrasjen e Liridona Ademajt, nuk ka pasur çrregullime apo sëmundje mendore në kohën e kryerjes së veprës penale.

Edhe në seancën e 22 shtatorit 2025, ekspertët Shpend Haxhibeqiri dhe Bujar Obërtinca, konstatuan se të akuzuarit Murseli dhe Plava nuk kanë çrregullime mendore.

Në seancën fillestare të mbajtur më 31 janar 2025, Naim Murseli u deklarua i pafajshëm për vrasjen e bashkëshortes së tij Liridona Ademajt, Granit Plava nuk u deklarua rreth fajësisë, kurse Kushtrim Kokalla tha se nuk deklarohet pa u konsultuar me mbrojtjen. Ndërsa, fajtor u deklarua i akuzuari Tom Dodaj. Ky i fundit, pasi pranoi fajësinë u dënua me 5 vjet burgim dhe 5 mijë euro gjobë.

Ndryshe, Prokuroria Themelore në Prishtinë më 15 janar 2025 ka ngritur aktakuzë ndaj Naim Murselit, Granit Plavës, Kushtrim Kokallës dhe Tom Dodajt.

“Betimi për Drejtësi” ka siguruar aktakuzën e Prokurorisë, në të cilën thuhet se Murseli, Plava dhe Kokalla ishin dakorduar paraprakisht që vrasja të kryhej nga i akuzuari Plava me marrëveshje që Murseli t’ia paguante atij 30 mijë euro. I gjithë plani për vrasjen e Liridonës, thuhet se u bë nga bashkëshorti i saj, tani i akuzuari Naim Murseli, si pasojë e çrregullimit të raporteve familjare e martesore, ku edhe lindi dëshira e tij për hakmarrje.

Në aktakuzë thuhet se fillimisht plani i ishte shpalosur Kokallës nga Murseli, por ai kishte refuzuar të gjente një mundësi për vrasjen e Liridonës, e më pas Kokalla kishte gjetur Plavën, me të cilin e kishte njoftuar Naimin. E vetë Naim Murseli, thuhet se siguroi armën me 20 fishekë, nga i akuzuari Tom Dodaj, nga i cili e bleu për 280 euro. Me këtë armë, u krye vrasja e tani të ndjerës.

Plani i Naim Murselit për vrasjen e Liridonës, inskenimi i grabitjes e marrëveshja për ta paguar 30 mijë euro dorasin

Sipas aktakuzës, për shkak të raporteve të çrregulluara familjare dhe martesore, gjatë të cilave kanë lindur mllefi dhe dëshira për hakmarrje tek i pandehuri i parë Naim Murseli, ky i fundit ka bërë planin ta largojë tani të ndjerën Liridona nga jeta e tij.

Në aktakuzë thuhet se pas datës 25 qershor 2022, kur është paguar polica e sigurimit jetësor në emër të Liridona Murselit me kompaninë Folksam, në shumën prej 3.000.000 kruna suedeze, me qëllim që pas vrasjes të ketë edhe dobi financiare, Naimi të pandehurit të tretë (Kushtrim Kokalla), ia ka shpalosur planin e likuidimit të bashkëshortes së tij dhe nga ai ka kërkuar të gjejë mundësi për vrasjen e saj.

Aktakuza thotë se fillimisht, Kokalla ka refuzuar e më pas ka gjetur të pandehurin e dytë, Granit Plava, me të cilin e ka njoftuar Naim Murselin dhe që të tre janë dakorduar që Graniti të kryejë vrasjen me marrëveshje që Naimi t’ia paguajë kompensimin në shumën prej 30 mijë euro.

Ndërsa, Naimi më 29 nëntor 2023, thuhet se ka siguruar armën e zjarrit dhe 20 fishekë, të cilat i ka blerë rreth orës 14:00 po të njëjtën ditë nga i pandehuri i katërt Tom Dodaj në shumën prej 280 euro, e të cilën armë ia ka dhënë të pandehurit të dytë- Granit Plavës.

Granit Plava, thuhet se armën në fjalë e ka përdorur për vrasjen e tani të ndjerës Liridona. Vrasje kjo e kryer në të njëjtën ditë në orët e mbrëmjes, në intervalin kohor prej orës 20:11 deri në ora 20:18 në vendin për të cilin është dakorduar me Naimin, duke e inskenuar që të duket si grabitje, ndërsa Naimi në mënyrë dinake me dorën e tij të djathtë ka mbajtur Liridonën në krahun e dorës së saj të majtë, me qëllim që ajo mos t’i shmanget plumbit, për çka Naimi me fëmijët ka dalë nga vetura dhe është larguar nga vendi i ngjarjes.

Me këtë, Naim Murseli akuzohet se në bashkëkryerje me të akuzuarit Granit Plava dhe Kushtrim Kokalla, ka kryer veprën penale “Vrasje e rëndë” nga neni 173, par.1., pika 1.3 dhe 1.4 lidhur me nenet 31 dhe 34 të Kodit Penal.

I maskuar e me pistoletë, Granit Plava qëlloi me një plumb në kokë Liridonën

Sipas aktakuzës, më 29 nëntor 2023, në intervalin kohor prej orës 20:11 deri në 20:18 në fshatin Bërnicë në rrugën “Dalip Alshiqi” në Prishtinë, i pandehuri i parë Naim Murseli me veturë në të cilën ka qenë tani e ndjera Liridona dhe fëmijët e tyre të moshës 4 dhe 6 vjeç, pas marrëveshjes paraprake, i ka dhënë shenjë me drita të veturës të pandehurit Plava, për çka ai befas ka dalë përpara veturës me maskë në kokë dhe pistoletë në duar, derisa i pandehuri Murseli, ka ndaluar dhe ka fikur motorin e veturës dhe me dorën e tij e ka mbajtur Liridonën për krahun e dorës së saj të majtë, raporton “Betimi për Drejtësi“.

Gjithnjë sipas aktakuzës, i pandehuri Granit Plava për kompensim në shumën prej 30 mijë euro, nga afërsia e drejtpërdrejtë përmes dritares gjysmë të hapur nga ana e pasagjerit, ka shtënë një fishek nga pistoleta në drejtim të Liridonës dhe e qëllon në kokë, në pjesën prapa veshit të djathtë, duke i shkaktuar lëndime vdekjeprurëse, ku për pasojë ndërroi jetë në vendin e ngjarjes. Vdekja e saj, sipas raportit të autopsisë erdhi si rezultat i gjakderdhjes së brendshme dhe të jashtme.

Me këtë, Granit Plava akuzohet se në bashkëkryerje me Naim Murselin dhe Kushtrim Kokallën ka kryer veprën penale “Vrasje e rëndë” nga neni 173, par.1, pika 1.6 lidhur me nenin 31 dhe 34 të Kodit Penal.

Në pikën e tretë të aktakuzës, Granit Plava ngarkohet se nga 29 nëntori 2023 rreth orës 14:00 deri më 1 dhjetor 2023 rreth orës 16:15, ku është kryer bastisja në shtëpinë e tij në Cërmjan, Komuna e Gjakovës, ku është gjetur arma, pa autorizim dhe në kundërshtim me Ligjin për armë, ka poseduar pistoletën së bashku me 19 fishekë, me të cilën ka kryer veprën, e të cilën armë Naimi e ka blerë më 29 nëntor 2023 rreth orës 14:00 nga i pandehuri i katërt Tom Dodaj në shumën prej 280 euro.

Me këtë, Plava akuzohet se ka kryer veprën penale “Mbajtja në pronësi, kontroll ose posedim të paautorizuar të armëve” nga neni 366, par.1 të Kodit Penal.

Kushtrim Kokalla njoftoi Granit Plavën me Naim Murselin dhe u dakorduan që Graniti ta kryejë vrasjen për 30 mijë euro

Në aktakuzë thuhet se pasi që i pandehuri i parë Naim Murseli ka kërkuar nga Kushtrim Kokalla që të gjejë mundësi për vrasjen e bashkëshortes së tij- Liridona Murselit dhe i njëjti ka refuzuar, Kushtrimi ka gjetur të pandehurin e dytë Granit Palava me të cilin e ka njoftuar Naimin dhe të tretë janë dakorduar që Graniti ta kryejë vrasjen me marrëveshje që Naimi t’i paguajë kompensim shumën prej 30 mijë euro.

Sipas aktakuzës, Naimi më 29 nëntor 2023 ka siguruar armën dhe 20 fishekë të cilat i ka blerë të njëjtën ditë rreth orës 14:00 nga Tom Dodaj për 280 euro, ia ka dhënë Plavës i cili armën e përmendur e ka përdorur për vrasjen e tani të ndjerës Liridona.

Me këtë, Kushtrim Kokalla akuzohet se në bashkëkryerje me Naim Murselin dhe Granit Plavën ka kryer veprën penale “Vrasje e rëndë” nga neni 173, par.1, pika 1.13 lidhur me nenet 31 dhe 34 të Kodit Penal.

Kokalla s’e lajmëroi vrasjen, edhe pse Naimi e kishte pranuar në dhomën e hotelit

Kokalla po ashtu akuzohet se edhe pse menjëherë pas kryerjes së vrasjes së tani të ndjerës Liridona ka pasur njohuri që veprën penale e kanë kryer i pandehuri Naim Murseli (i cili këtë e ka pranuar derisa kanë qenë në dhomën e hotelit të njëjtën natë pas vrasjes së kryer) dhe i pandehuri i dytë Granit Plava, i pandehuri Kokalla nuk i ka lajmëruar kryerësit e as veprën penale vrasje për planifikimin e kryerjes së të cilës ka marrë pjesë në mënyrë aktive së bashku me Murselin e Plavën, e të cilin rast organet kompetente fillimisht e kanë hetuar si grabitje deri dy ditë më vonë kur është arrestuar (më 1 dhjetor 2023).

Me këtë, Kushtrim Kokalla akuzohet se ka kryer veprën penale “Moslajmërimi i veprave penale apo kryerësve të tyre” nga neni 378, par.1, pika 1.1 lidhur me nenin 34 të Kodit Penal.

Tom Dodaj ia shiti armën Murselit e Plavës për 280 euro

Aktakuza e Prokurorisë ngarkon Tom Dodajn se më 29 nëntor 2023, rreth orës 14:00, në vendin e tij të punës në Novosellë të Epërme- Komuna e Gjakovës, me qëllim të përfitimit të dobisë pasurore, e në kundërshtim me Ligjin në fuqi për armë dhe materiale plasëse, ia ka shitur një armë zjarri- pistoletë të akuzuarve Murseli dhe Plava në shumën prej 280 euro, e cila është përdorur në kryerjen e vrasjes së tani të ndjerës Liridona, vrasje e kryer në të njëjtën ditë në intervalin kohor mes orës 20:11 dhe 20:18 në Bërnicë, në rrugën “Dalip Alshiqi”, Komuna e Prishtinës.

Me këtë, Dodaj akuzohet se ka kryer veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materialeve plasëse nga neni 364, par.1 të Kodit Penal.

Detajet nga deklarimet e të akuzuarve në Prokurori dhe Polici, mund t’i gjeni: KËTU

Gjykata Themelore në Prishtinë ka rihapur shqyrtimin gjyqësor ndaj ish-shefit të Agjencisë Kosovare për Inteligjencë, Driton Gashi i cili po akuzohet në rastin e njohur si “Gylenistët”.

Në këtë rast, Driton Gashi në cilësinë e shefit të Agjencisë Kosovare për Inteligjencë (AKI), akuzohet se ishte angazhuar drejtpërdrejt në dëbimin e 6 shtetasve turq nga Kosova duke shkelur procedurat ligjore, raporton “Betimi për Drejtësi”.

Trupi gjykues i kryesuar nga kryetarja Violeta Namani-Hajra dhe anëtarët Arben Hoti dhe Ngadhnjim Arrni, njoftuan se ky trup gjykues ka ardhë në përfundim se bazuar në dispozitat ligjore të parapara në Kodin e Procedurës Penale, rihapet shqyrtimi gjyqësor me qëllim të grumbullimit të provave dhe fakteve tjera, për vërtetim tv plotë dhe të drejtë të çështjes.

Prezent në seancë ishin edhe prokurorja Habibe Salihu-Shamolli dhe mbrojtësi i Gashit, avokati Florent Latifaj. Ndërkaq, mungoi i akuzuari Gashi.

Në këto rrethana, seanca e sotme ku planifikohej të bëhej shpallja e aktgjykimit përfundoi, pasi u rihap shqyrtimi gjyqësor dhe seanca e radhës do të caktohet pas pranimit të provave.

Më 19 korrik 2023, Themelorja e kishte shpallur fajtor ish-shefin e AKI-së, Driton Gashi, duke e dënuar me 4 vite e 8 muaj burgim, derisa Valon Krasniqi dhe Rrahman Sylemani ishin liruar nga akuza.

Por, në dhjetor 2024, Gjykata e Apelit e ka kthyer këtë rast në rigjykim vetëm sa i përket pikës I të dispozitivit ndaj të akuzuarit Driton Gashi, ndërsa ka vërtetuar lirimin nga akuza për dy të akuzuarit tjerë.

Sipas aktakuzës së ngritur nga Prokuroria Speciale e Republikës së Kosovës më 24 shkurt 2021, Driton Gashi akuzohet se si person zyrtar në kohën e kryerjes së veprës penale drejtor i Përgjithshëm i Agjencisë Kosovare të Inteligjencës, tutje AKI, prej 23 mars 2018, e deri më 29 mars 2018, në Prishtinë, me qëllim që shtetasit e Republikës së Turqisë, Cihan Ozkan, Yusuf Karabina, Kahraman Demirez, Hasan Hyseyn Demir dhe Mustafa Erden, që kishin leje qëndrim të ligjshëm dhe të drejtën e punës në Kosovë dhe Osman Karakoya që kishte bërë kërkesë për leje qëndrim në Kosovë, e të cilit procedura nuk i kishte përfunduar, t’i dëbojë me forcë kundërligjshëm nga Kosova dhe t’i dorëzojë tek autoriteteve turke.

Gjithnjë sipas aktakuzës, Driton Gashi akuzohet se keqpërdori detyrën zyrtare, duke mos i përmbushur detyrat zyrtare sipas kompetencës, në atë mënyrë që Departamentit për Shtetësi, Azil dhe Migracion, më tutje DSHAM, të MPB i rekomandoi revokimin e lejeve të qëndrimit për shtetasit turq Cihan Ozkan, Yusuf Karabina, Kahraman Demirez, Hasan Hyseyn Demir dhe Mustafa Erden dhe mosdhënien e lejes për Osman Karakoya, për arsye se kinse ata paraqesin rrezik për sigurinë kombëtare, fakt që nuk është provuar fare në procedurë të zbatuar në bazë të ligjit, ndërsa të akuzuarit Rrahman Sylejmani, drejtor i Drejtorisë për Migrim dhe të Huaj në Ministrin e Punëve të Brendshme, tutje DMH, i kishte rekomanduar nxjerrjen e gjashtë urdhrave për dëbimin e të dëmtuarave me forcë nga Republika e Kosovës.

PSRK-ja pretendon se i akuzuari Driton Gashi, për këtë procedurë dhe për dëbimin e të dëmtuarve me forcë nga Republika e Kosovës, nuk e ka njoftuar Presidentin dhe Kryeministrin e Republikës së Kosovës, siç parashihet me Ligjin për AKI dhe as Kryeprokurorin e Shtetit siç parashihet me nenin 25 të Ligjit për AKI, dhe se ka tejkaluar po ashtu kompetencat duke përfshirë AKI, në aranzhimin e udhëtimit, transportin dhe pjesëmarrjen në operacionin e dëbimit që nuk ishin kompetenca të agjencisë që drejtonte, pastaj u angazhuan drejtpërdrejt në aksionin e dëbimit të tyre ani pse kjo nuk ishte në kompetencën e tij.

Me këto veprime, PSRK-ja e ngarkon të akuzuarin Driton Gashi se ka kryer veprën penale “Keqpërdorimi i pozitës apo autoritetit zyrtar”, nga neni 422, paragrafi 1 të KPK-së.

Sipas kësaj aktakuze, Valon Krasniqi akuzohej se si person zyrtar, drejtor në DSHAM në MPB, në periudhën kohore prej 23 mars 2018 deri më 29 mars 2018, keqpërdori detyrën zyrtare duke mos i përmbushur detyrat zyrtare sipas kompetencës, në atë mënyrë që në kundërshtim me 91 të Ligjit për të Huaj, mori vendim për revokimin e lejeve të ligjshme të qëndrimit të të dëmtuarave shtetasve Cihan Ozkan, Yusuf Karabina, Kahraman Demirez, Hasan Husein Demir dhe Mustafa Erden dhe në kundërshtim me nenin 44 të të njëjtit ligj për Osman Karakoya, që ishte në procedurë për marrjen e lejes së qëndrimit, pa u përfunduar ajo me vendim të formës së prerë, mirëpo veproi vetëm duke u bazuar në rekomandimin e të akuzuarit Driton Gashi për revokimin e lejeve të qëndrimit për shtetasit turq dhe pa vërtetuar fare nëse informacionet e AKI plotësojnë kriteret ligjore të përcaktuara me ligj për të vërtetuar se të dëmtuarit paraqesin rrezik për sigurinë kombëtare.

Gjithnjë sipas Prokurorisë, po ashtu i akuzuari Valon Krasniqi, përgjegjësitë e tij ligjore për identifikimin e të dëbuarve, sigurimin e fletë-udhëtimeve, sigurimin e kujdesit mjekësor dhe autoritetin për zbatimin e operacionit të dëbimit me forcë të tyre ia kishte kaluar AKI-së dhe Policisë së Kosovës, në këtë mënyrë duke u shkelur të drejtat e të dëmtuarve, të drejtën e qëndrimit dhe punës së ligjshme në Kosovë të dëmtuarve iu ka shkaktuar dëm moral dhe material.

Me këto veprime, PSRK-ja e ngarkonte të akuzuarin Valon Krasniqi se ka kryer veprën penale “Keqpërdorimi i pozitës apo autoritetit zyrtar” nga neni 422, paragrafi 1 të KPK-së të KPK-së.

PSRK-ja e ngarkonte të akuzuarin Rrahman Sylejmani se si person zyrtar, drejtor i DMH, pranë MPB, më 29 mars 2018, në Prishtinë, tejkaloi kompetencat zyrtare në atë mënyrë që nxori gjashtë urdhra për dëbim me forcë të 6 shtetasve të Republikës së Turqisë, të dëmtuarave Cihan Ozkan, Yusuf Karabina, Kahraman Demirez, Hasan Husein Demir dhe Mustafa Erden, që kishin leje qëndrim të ligjshëm qëndrimi dhe pune në Kosovë, dhe Osman Karakoya që ishte në procedurë për marrjen e lejes së qëndrimit dhe punës edhe pse në bazë të nenit 99, par.1 të Ligjit për të Huaj, nuk ishte fare në kompetencë të DMH që drejtonte ai, por në kompetencë të DSHAM.

Ndërsa, thuhet se urdhrat për dëbim me forcë i nxori edhe pse ishin përmbushur asnjë nga kushtet për lëshimin e urdhrit për dëbim me forcë nga neni 97, par. 1 të të njëjtit ligj dhe po ashtu pa e zbatuar procedurën e paraparë në nenin 97, paragrafi 8 i të njëjtit ligj, ndërsa, dëboi me forcë dhe deportojë të dëmtuarin Hasan Husein Gunakan në mënyrë të kundërligjshme edhe pse atij nuk i ishte revokuar fare leja e qëndrimit dhe punës në Kosovë dhe nuk kishte as urdhër për dëbimin e tij, në këtë mënyrë shkeli rënd të drejtat e të dëmtuarve për qëndrim dhe punësim në Kosovë, me ç’rast iu shkaktoi dëm moral dhe material të dëmtuarve.

Me këto veprime, Prokuroria e ngarkonte të akuzuarin Rrahman Sylejmani se ka kryer veprën penale “Keqpërdorimi i pozitës apo autoritetit zyrtar” nga neni 422, paragrafi 1 të KPK-së.

Po ashtu, prokuroria e akuzonte Rrahman Sylejmanin edhe se si person zyrtar, në cilësinë si në piken III- të këtij dispozitivi, gjatë muajit mars 2018 në shkollat “Mehmet Akif”, në Gjakovë dhe Lipjan dhe në shtëpinë në lagjen “Marigona” në Prishtinë, me ndihmën e Policisë së Kosovës, privoi kundërligjshëm nga liria duke i dëbuar dhe deportuar me forcë të dëmtuarit e cekur në dispozitivin III pa ekzistuar asnjë bazë ligjore të paraparë me dispozitat e nenit 29, par.2 dhe 3 të Kushtetutës së Republikës së Kosovës dhe neni 13, paragrafi 1 i Kodit të Procedurës Penale.

Me këto veprime, PSRK e ngarkonte të akuzuarin Rrahman Sylejmani se ka kryer veprën penale “Privimi i kundërligjshëm i lirisë” nga neni 196, par. lidhur me par. 3 të Kodit Penal. /BetimipërDrejtësi/

Në studion e “Tirana Live” në ABC Neës, analisti Arben Meçe ngriti një sërë shqetësimesh lidhur me funksionimin e sistemit të drejtësisë dhe ndërthurjen e tij me politikën. Ai theksoi se mungon një mekanizëm i qartë matjeje të punës që justifikon pagat në organet e drejtësisë, duke nënvizuar se struktura aktuale është shndërruar në një “korporatë” me fuqi të zgjeruara.

Sipas Meçes, pezullimi i zëvendëskryeministres ka nxjerrë në pah ndërhyrje të pazakonta dhe kompetenca të tepërta të organeve të drejtësisë, deri në atë pikë sa një prokuror i thjeshtë mund të ndikojë në nivelet më të larta të ekzekutivit.

Ai shtoi se në raste të tilla Parlamenti duhet të marrë rol aktiv në transparencë, ndërsa shprehu bindjen se SPAK po shmang përballjen me Kuvendin. Analisti paralajmëroi se vendimet gjyqësore për pagat dhe rritja e ndikimit të trupës gjykuese përbëjnë një sfidë të re për balancat e shtetit.

“Nuk e di se cili është mekanizimi i matjes së punës për të bërë pagesën. Tek sistemi i drejtësisë nuk e shikoj këtë. Sistemi i pagave ndërtohet në bazë të hierarkisë së shtetit. E gjithë kjo fabul, ka lindur nga një ndërhyrje që është shumë e çuditshme, sepse në Shqipëri prej kohës në emër të vendosjes së një drejtësie të pavarur, kemi prodhuar një korporatë. Kjo doli dukshëm me pezullimi e zëvendëskryeministres, duke ndërhyrë deri në nivelet më të larta të sistemit. Një prokuror i zakonshëm me këtë dispozitë që ka tani, mund të arrijë të pezullojë nga detyra edhe kryeministrin. Nuk ekziston mekanizmi.

Kur ndërmarrja e drejtësie shkon në kompetencat e politikës, ndërhyn Parlamenti, i cili ka për detyrë që ta zbërthejë dhe ta bëjë transparence para qytetarëve. SPAK ka frikë të përballet me Parlamentin. Nëse kryeministri e ka çuar çështjen në Gjykatën Kushtetuese, do të thotë që është brenda sistemit. Drejtësia mund ta intimidojë çështjen, duke pretenduar se po i bëhet presion. Është korporatë, nuk është më Republikë Prokurorësh. Sfidë të tillë nuk kam dëgjuar asnjëherë. Ç’janë këto rroga që merren me vendim gjyqësor?! Nuk merren rrogat më vendim gjyqësor! Trupa gjykuese është bërë e pushtetshme edhe në shtetformim”, tha Meçe./abcnews.al

Në emisionin “Real Story” në ABC News, eksperti i kriminalistikës Ervin Karamuço lidhur me situatën e pagave në sistemin e drejtësisë, tha se një vendim i Gjykatës Kushtetuese ka zbuluar mospërputhje në mënyrën se si janë trajtuar pagat e gjyqtarëve.

Sipas tij, ndërsa pagat e administratës janë rritur, ato të strukturave pranë Presidencës, ku referohen edhe gjyqtarët, kanë mbetur të pandryshuara. Karamuço tha se gjyqtarët janë ndarë në dy kampe: një grup që e ndjek çështjen në rrugë ligjore dhe një tjetër që kërkon takim me kryeministrin, një veprim që ai e konsideroi joetik si nga Shoqata e Gjyqtarëve, ashtu edhe nga ana e ekzekutivit.

Sipas ekspertit, ky është një problem i trashëguar nga reforma në drejtësi, e cila ka prodhuar tre nivele pagash brenda të njëjtës gjykatë dhe situata ka degraduar deri aty sa anëtarë të Gjykatës së Lartë t’i drejtohen gjykatës për njohjen e vjetërsisë në punë.

“Ka pasur një vendim të Gjykatës Kushtetuese në lidhje me pagat e gjyqtarëve. Sipas tyre këta nuk janë referuar te drejtoria e ministrive, por tek Presidenca. Ndërkohë që pagat e administratës janë rritur, të Presicdencës jo. Gjyqtarët janë ndarë në dy grupe, një po e kërkon në rrugë gjyqësore, kurse një tjetër kërkon që të takohet me kryeministrin, gjë që nuk është etike nga ana e Shoqatës së Gjyqtarëve.

Por, edhe nga ana e Ramës, sepse pagat nuk nxirren dhe nuk është reale. Në thelb ky është një problem i sistemit të drejtësisë që ka lënë shumë bishta. Kemi tre nivele pagash brenda një gjykate dhe këtë duhet që ta rregullonte reforma në drejtësi. Dhe katandiset anëtari i Gjykatës së Lartë që të hedhë në gjyq shtetin, që t’i njihet vjetërsia në punë. Këtu gjërat nisin nga koka”, tha Karamuço.

TIRANË, 4 dhjetor /ATSH/ Ministri i Drejtësisë, Besfort Lamallari foli sot në Kuvend në lidhje me projektligjin “Për pranimin e ndryshimeve të Statutit të Romës për Gjykatën Ndërkombëtare Penale, për krimin e agresionit”.

Gjatë fjalës së tij Lamallari tha se ky projektligj “është një akt me rëndësi të veçantë, sepse lidhet drejtpërdrejt me angazhimet tona ndërkombëtare, me mbrojtjen e paqes, me forcimin e shtetit të së drejtës dhe me rolin konstruktiv që kemi luajtur vazhdimisht në arkitekturën e sigurisë rajonale e më gjerë si vend anëtar i NATO-s e që po negocion anëtarësimin në BE”.

Lamallari tha se “Shqipëria e ka ratifikuar Statutin e Romës që në vitin 2002, duke marrë përsipër detyrime të qarta si pjesë e bashkësisë ndërkombëtare në luftën kundër krimeve më të rënda: gjenocidit, krimeve kundër njerëzimit dhe krimeve të luftës”.

“Sot, me këtë projektligj, ne plotësojmë dhe pasurojmë këtë angazhim përmes pranimit të ndryshimeve që lidhen me krimin e agresionit, një nga format më të rënda të cenimit të paqes dhe sigurisë ndërkombëtare”, u shpreh ai.

Sipas ministrit “ndryshimet e propozuara janë miratuar me konsensus nga shtetet palë të Statutit të Romës, përmes rezolutave të vitit 2010 dhe aktivizimit të juridiksionit në vitin 2017. Ato janë tashmë pjesë e rendit juridik të mbi 40 shteteve, përfshirë vende të Bashkimit Evropian dhe aleatë të rëndësishëm të Shqipërisë. Përfshirja jonë në këtë proces e forcon imazhin e Shqipërisë si vend që kontribuon realisht në rendin juridik ndërkombëtar dhe në mekanizmat e drejtësisë globale”.

Lamallari u ndal edhe te risitë që sjell projektligji.

“Së pari, një përkufizim të qartë dhe të detajuar të krimit të agresionit, përmes nenit 8 bis, duke listuar të gjitha format e veprimeve agresive që përbëjnë shkelje të hapur të Kartës së Kombeve të Bashkuara. Ky është një standard i domosdoshëm për të harmonizuar legjislacionin tonë me të drejtën ndërkombëtare.

“Së dyti, ndryshimet rregullojnë juridiksionin e Gjykatës Ndërkombëtare Penale mbi këtë krim, si në rastet kur procedimi nis nga një shtet palë, ashtu edhe kur çështja i referohet Prokurorit nga Këshilli i Sigurimit të OKB-së. Këto dispozita, të përfshira në nenet 15 bis dhe 15 ter, janë garanci për një rend ndërkombëtar të bazuar në parime, ku askush nuk qëndron mbi ligjin.

“Së treti, këto ndryshime prekin elemente të tjera të Statutit, si neni 9, neni 20 dhe neni 25, për të siguruar koherencën e standardeve juridike dhe për të përcaktuar qartë se përgjegjësia penale për krimin e agresionit bie vetëm mbi individë që kanë fuqinë efektive për të marrë vendime politike apo ushtarake në nivel shteti”, tha ai.

Ministri theksoi se Shqipëria mbetet e palëkundur ndaj parimeve të së drejtës ndërkombëtare.

Si vend që aspiron anëtarësimin në BE dhe si një shtet që ka përkushtim të palëkundur ndaj parimeve të së drejtës ndërkombëtare, Lamallari theksoi se “ne duhet të sigurojmë harmonizimin e plotë të legjislacionit tonë me detyrimet që kemi marrë përsipër me ratifikimin e Statutit të Romës. Besoj se me procesin që kemi nisur, në Kodin e ri Penal do të kemi pashmangshmërisht edhe një dispozitë të posaçme për këtë krim”.

Sipas tij, projektligji nuk mbart efekte financiare.

Lamallari nënvizoi se “miratimi i këtyre ndryshimeve është një hap përpara për shtetin tonë të së drejtës, për rolin tonë në ruajtjen e paqes dhe sigurisë ndërkombëtare, dhe për kontributin tonë në drejtësinë penale globale. Është një hap që e vendos Shqipërinë krah vendeve demokratike, që jo vetëm respektojnë të drejtën ndërkombëtare, por edhe punojnë për forcimin e saj. Ju ftoj ta miratojmë projektligjin dhe të konfirmojmë së bashku edhe një herë angazhimin tonë për paqe, drejtësi dhe respektim të ligjit ndërkombëtar”.

/m.q/j.p/r.e/

The post Lamallari: Shqipëria, e palëkundur ndaj parimeve të së drejtës ndërkombëtare appeared first on Agjencia Telegrafike Shqiptare.

TIRANË, 2 dhjetor /ATSH/ Ministri i Drejtësisë, Besfort Lamallari kujtoi sot takimin që pati me homologun italian, Carlo Nordio në mbledhjen e përbashkët të dy qeverive Shqipëri–Itali, të zhvilluar më 13 nëntor.

Nordio, një magjistrat me rreth katër dekada përvojë dhe një nga figurat kyçe të hetimit historik “Mani Pulite” (Duar të pastra), ndau reflektimet e tij të hapura dhe të drejtpërdrejta mbi sfidat e mëdha që ka kaluar drejtësia italiane gjatë tri dekadave të fundit.

Lamallari theksoi në një postim në rrjetet sociale se, “shqetësimet e shprehura prej tij, si refleksion mbi më shumë se tri dekada, si dhe dhurata simbolike, Kushtetuta e Republikës Italiane, sot marrin një kuptim të veçantë lidhur me rëndësinë jetike të mbrojtjes së parimeve kushtetuese, konsolidimit të shëndetshëm të institucioneve në respekt të përcaktimeve themelore mbi ndarjen e pushteteve dhe domosdoshmërinë e vetëpërmbajtjes ndaj mjeteve të gabuara që mund të cenojnë këto parime, liritë dhe të drejtat e gdhendura në ligjin themeltar”.

“Tangentopoli ishte sëmundja, dhe Mani Pulite ishte kura. Edhe pse kjo e fundit, siç ndodh shpesh, është treguar më e dëmshme se e para.

Tridhjetë vjet pas Tangentopolit, jemi shumë larg projektit për të rikthyer ligjshmërinë në institucione. Mjetet e përdorura përmes proceseve të Mani Pulite janë treguar më të këqija se e keqja që duhej të shëronin…

Por efekti anësor më i rrezikshëm ka qenë vendosja e magjistraturës nën kontrollin e partive dhe në rolin e ‘mbrojtësit’ të vendit, deri në pikën e përmbysjes së verdiktit të kutive të votimit dhe ndryshimit të ekuilibrave parlamentarë.

Një legjitimitet i tillë është mundësuar nga nënshtrimi i frikshëm i politikës, e cila ka dashur t’u japë togave një rol shpëtimtar dhe vendimmarrës.

Në këtë mënyrë, ndarjes së pushteteve të parashikuar nga Kushtetuta i ka zënë vendin një konfuzion pothuajse i plotë mes tyre”, citon Lamallari homologun italian Nordio.

/gj.m/a.f/r.e/

The post Lamallari citon homologun italian Nordio: Mbrojtja e parimeve kushtetuese, rëndësi jetike appeared first on Agjencia Telegrafike Shqiptare.

TIRANË, 2 dhjetor/ATSH/ Në Komisionin për Nismat Qytetare, Bashkëpunimin dhe Mbikëqyrjen Institucionale, u shqyrtua sot projektligji “Për Agjencinë e Mbikëqyrjes në Sistemin e Ekzekutimit të Vendimeve Penale” në cilësinë e komisionit për dhënie mendimi.

Zëvendësministrja e Drejtësisë, Elona Hoxha, në prezantimin e këtij projektligji, u shpreh se kjo nismë ligjore është e rëndësishme për sistemin peniteciar dhe besimin e qytetarëve te shteti i së drejtës.

Sipas Hoxhës, projektligji synon të forcojë mbikëqyrjen e brendshme në të gjithë zinxhirin e ekzekutimit të vendimeve penale duke filluar nga Drejtoria e Përgjithshme e Burgjeve, Policia e Burgjeve dhe Shërbimi i Provës, duke parandaluar veprimtarinë e kundërligjshme, rritur transparencën dhe respektuar liritë dhe të drejta themelore të individëve

“Agjencia ushtron veprimtari inspektuese, informative, gjurmuese, dhe hetimore, administron ankesa, kryen analiza rreziku dhe jep rekomandime sistematike, bashkëpunon me organet e zbatimit të ligjit dhe respekton parimet e ligjshmërisë, proporcionaliteti, konfidencialitetit dhe llogaridhënies”, tha Hoxha.

Zëvendësministrja e Drejtësisë shtoi se projektligji synon “krijimin e një agjencie të specializuar për mbikëqyrjen e gjithë sistemit te ekzekutimit të vendimeve penale me mandat të qartë ligjor; zgjerimin e qartë të fushës së mbikëqyrjes; përfshirjen e të burgosurve dhe personave nën mbikëqyrje nga Shërbimi i Provës si subjekte të mbrojtura dhe të verifikueshme; mandat të plotë inspektues dhe hetimor; si dhe trajtimin e ankesave të qytetarëve”.

“Në praktikë kjo nismë synon që të standardizojë dhe përshpejtojë trajtimin e ankesave, të ulë hapësirat për abuzim e korrupsion, të forcojë sigurinë dhe etikën e shërbimit penitenciar, si dhe përmirësojë rehabilitimin përmes mbikëqyrjes së përqendruar tek rreziku dhe evidenca”, pohoi Hoxha.

Sipas Hoxhës, “agjencia do të jetë ura që do të lidhë disiplinën e brendshme me pritshmërinë e qytetarëve, për respekt të dinjitetit njerëzor dhe rendit publik”.

“Ky është një hap i domosdoshëm për një sistem ekzekutimi të dënimeve penale, më të drejtë, më transparent dhe më të besueshëm, ndaj ju ftoj që ta mbështesim këtë projektligj në mënyrë që t’i japim vendit një mekanizëm modern mbikëqyrjeje në shërbim të vendit dhe qytetarëve”, tha Hoxha.

Deputeti Bledi Çomo në cilësinë e relatorit, tha se kjo nismë synon forcimin e kontrollit, rritjen e transparencës dhe garantimin e respektimit të të drejtave themelore të individëve.

“Synimi kryesor është modernizimi i shërbimit, fuqizimi i rolit të tij dhe sjellja me standardet e BE-së dhe SHBA. Nevoja për një ligj të ri vjen pas një sërë problematikash të konstatuara në ligjin aktual, ndër të cilat mungesë e mbikëqyrjes mbi institucionet e ekzekutimit të vendimeve penale, trajtim jo i duhur i ankesave, vakum ligjor, etj. Ligji aktual nuk është harmonizuar me ndryshimet ligjore të fundit, sidomos me Kodin Penal për të mitur”, tha Çomo.

Nga ana e tij, deputeti i PD, Ivi Kaso ngriti disa pyetje lidhur me këtë projektligj, nga nevoja për konsultim publik, te kostot financiare që parashikohen për këtë nismë, dhe kompetencat e agjencisë që janë të natyrës hetimore dhe gjurmuese, që i mbivendosen sipas Kasos atributeve të Policisë Gjyqësore.

“Konsultimi publik është bërë së brendshmi me gjithë organet e ekzekutivit dhe legjislativit, me Prokurorin e Përgjithshëm është konsultuar në rrugë shkresore dhe të gjithë sugjerimet janë marrë parasysh dhe janë reflektuar. Ky projektligji ka qenë pjesë e paketës së vitit 2020 për sistemin peniteciar, dhe është brenda tavaneve buxhetore”, tha Abi Gjilani, përgjegjës sektori në Ministrinë e Drejtësisë.

Deputetët e pranishëm dhe kryetari i Komisionit paraqitën një sërë sugjerimesh për disa nga nenet e projektligjit.

Projektligji u miratua më shumicë votash pro.

/e.i/j.p/

The post Hoxha: Forcojmë mbikëqyrjen e brendshme në të gjithë zinxhirin e ekzekutimit të vendimeve penale appeared first on Agjencia Telegrafike Shqiptare.

Gjykata Themelore në Prishtinë ka shpallur aktgjykim dënues ndaj të akuzuarve Atdhe Musliu dhe Labinot Bajrami, lidhur me akuzën për rastin e vrasjes së A.H., më 2023 në Fushë-Kosovë. Musliu u dënua me dënim unik prej 16 vjet e 8 muaj burgim, ndërkaq Bajrami me 11 vjet burgim.

Në këtë rast, Atdhe Musliu dhe Labinot Bajrami akuzoheshin se kanë privuar nga jeta A.H., me ç’rast ngarkoheshin se kanë kryer veprën penale “Vrasje” në bashkëkryerje, ndërsa Musliu akuzohej edhe për armëmbajtje pa leje, raporton “Betimi për Drejtësi“.

Aktgjykimi u shpall të hënën nga kryetari i trupit gjykues, Gent Beka dhe anëtarët Medie Bytyqi dhe Agim Kuçi, pas aprovimit të marrëveshjes për pranim fajësie të arritur mes Prokurorisë dhe dy të akuzuarve.

Gjykatësi Beka tha se dy të akuzuarit shpallen fajtorë sipas marrëveshjes së arritur për pranim fajësie për veprën penale “Vrasje” dhe i akuzuari Musliu edhe për armëmbajtje pa leje.

I akuzuari Musliu për veprën penale “Vrasje” u dënua me 16 vjet burgim, ndërkaq për armëmbajtje pa leje me 10 muaj burgim. Ndaj tij, u shpall dënim unik me 16 vjet e 8 muaj burgim.

Kurse, i akuzuari Bajrami për veprën penale “Vrasje” u dënua me 11 vjet burgim.

Dy të akuzuarve iu vazhdohet masa e paraburgimit, por jo më gjatë sesa dënimi i shqiptuar. Pala e dëmtuar udhëzohet në kontest të rregullt juridiko-civil.

Obligohet secili i akuzuar që në emër të paushallit gjyqësor të paguajnë nga 200 euro dhe 50 euro të tjera për Fondin për kompensimin e viktimave të krimit, në afat prej 15 ditësh nga plotfuqishmëria e aktgjykimt.

Meqenëse kemi dënim të rekomanduar, Gjykata u dha të drejtën e ankesës brenda afatit ligjor.

Të pranishëm në shpallje ishin dy të akuzuarit dhe mbrojtësit e tyre, avokatët Taulant Broqi dhe Fehmije Gashi-Bytyqi.

Paraprakisht, Gjykata në seancën dëgjimore për shqyrtimin e marrëveshjes për pranimin e fajësisë, pas marrjes së mendimit të palëve, mori aktvendim me të cilin aprovoi marrëveshjen për pranimin e fajësisë e lidhur në mes Prokurorisë dhe dy të akuzuarve Atdhe Musliu dhe Labinot Bajrami.

Ndryshe, më 5 shtator 2023 i akuzuari Musliu e kishte pranuar fajësinë, kurse i akuzuari Bajrami ishte deklaruar i pafajshëm. Andaj, ndaj të akuzuarit Musliu ishte veçuar procedura, i cili ishte dënuar me 22 vite burgim, më 2 tetor 2023. Ky aktgjykim ishte vërtetuar edhe nga Gjykata e Apelit përmes aktgjykimit të 6 shkurtit 2024.

Ndërsa, Gjykata Supreme përmes aktgjykimit të 27 majit 2024 e ka anuluar aktgjykimin e Gjykatës Themelore në Prishtinë dhe atë të Gjykatës së Apelit për të akuzuarin Atdhe Musliu, duke e kthyer çështjen në rigjykim.

Në seancën e 20 qershorit 2024, ishte propozuar të bëhet bashkimi i procedurës penale ndaj dy të akuzuarve.

Andaj, më pas, kryetari i trupit gjykues, gjyqtari Gent Beka kishte njoftuar se në këtë çështje penale është bërë bashkimi i procedurës penale ndaj të pandehurit Atdhe Musliu, për të cilin ka qenë duke u vazhduar procedurë e veçantë. Kështu, ndaj dy të pandehurve Labinot Bajrami dhe Atdhe Musliu procedura vazhdon si një.

Sipas aktakuzës së ngritur më 9 gusht 2023, të akuzuarit Atdhe Musliu dhe Labinot Bajrami më 12 shkurt 2023, në rrugën “Pjetër Budi” në Fushë-Kosovë, për shkak të mosmarrëveshjeve të atëçastshme, fillimisht i akuzuari Bajrami e ka sulmuar dhe goditur me grushte e shqelma dhe me sende të forta të dëmtuarin A.H., i cili tenton të ikë t’i shmanget sulmit, por të akuzuarit Atdhe dhe Labinot e ndjekin dhe vazhdojnë përsëri ta godasin me grushte e shqelma dhe me sende të forta, e më pas me qëllim të privimit nga jeta, i akuzuari Musliu e ka goditur me thikë në pjesën e kraharorit – anën e majtë, duke e privuar nga jeta të dëmtuarin- tani të ndjerin A.H.

Me këtë, akuzoheshin se në bashkëkryerje të akuzuarit Musliu dhe Bajrami kanë kryer veprën penale “Vrasje” nga neni 172 lidhur me nenin 31 të KPRK-së.

Sipas dispozitivit të dytë të së njëjtës aktakuzë, i akuzuari Musliu me datë, kohë dhe vend të njëjtë si në dispozitivin e parë, është gjetur se pa autorizim e në kundërshtim me ligjin e zbatueshëm lidhur me armët, ka mbajtur në pronësi armën – thikën, ku me vërtetimin mbi konfiskimin e përkohshëm të gjësendeve i është konfiskuar.

Me këtë, Musliu akuzohej se ka kryer veprën penale “Mbajtje në pronësi kontroll ose posedim të paautorizuar të armëve” nga neni 366, par. 1 të KPRK-së. /BetimipërDrejtësi/

Partia e Drejtësisë ka njoftuar se ka arritur marrëveshje politike me Lidhjen Demokratike të Kosovës për garim të përbashkët në zgjedhjet parlamentare të 28 dhjetorit 2025.

Vendimi erdhi pas një takimi ndërmjet kryetarit të PD-së, Ferid Agani, dhe kryetarit të LDK-së, Lumir Abdixhiku.

Sipas PD-së, marrëveshja është miratuar njëzëri nga Kryesia dhe parasheh që kandidatët e Partisë së Drejtësisë të jenë pjesë e listës së përbashkët zgjedhore të LDK-së. Subjekti politik e ka vlerësuar këtë format si mënyrën më të volitshme për përfaqësimin e vlerave dhe programit të saj, duke synuar forcimin e stabilitetit institucional dhe ofrimin e qeverisjes cilësore.

PD njofton se detajet teknike të bashkëpunimit do të punohet të finalizohen në ditët në vijim nga ekipet përkatëse të të dy partive, ndërsa marrëveshja pritet të shpallet publikisht javën e ardhshme përmes një konference të përbashkët për media.

Partia e Drejtësisë e ka cilësuar këtë hap si dëshmi të orientimit të saj drejt unitetit politik dhe përfaqësimit me integritet në procesin zgjedhor të fundvitit./Telegrafi/

Më 28 dhjetor, vendi do të mbajë zgjedhje të jashtëzakonshme parlamentare. Ndërkohë që KQZ-ja ka nisur përgatitjet për organizimin e këtyre zgjedhjeve, subjektet politike kanë filluar të bëjnë ftesat për koalicione. Ato kanë afat deri më 30 nëntor për t’i paraqitur koalicionet e tyre.

Të hënën, Lumir Abdixhiku, kryetar i Lidhjes Demokratike të Kosovës, bëri të ditur se do të jetë sërish kandidat për kryeministër. Ai njëkohësisht ftoi për bashkëpunim Partinë e Drejtësisë, Nismën Socialdemokrate dhe Aleancën Kosova e Re, me qëllim që të garojnë me një listë të përbashkët.

Në lidhje me ftesën e bërë Partisë së Drejtësisë nga Lidhja Demokratike e Kosovës, për Telegrafin është deklaruar kryetari i kësaj partie, Ferid Agani.

Agani tha se këtë zhvillim e vlerëson në kuadër të konsolidimit konstruktiv të proceseve politike në vend, veçanërisht duke marrë parasysh rolin historik të LDK-së në shtetformimin dhe shtetëndërtimin e Republikës së Kosovës.

“Në lidhje me ftesën e bërë Partisë së Drejtësisë nga Lidhja Demokratike e Kosovës, dëshiroj të sqaroj se këtë zhvillim e vlerësoj në kuadër të konsolidimit konstruktiv të proceseve politike në vend, veçanërisht duke marrë parasysh rolin historik të LDK-së në shtetformimin dhe shtetëndërtimin e Republikës së Kosovës. Aktualisht jemi duke zhvilluar konsultime të brendshme me bashkëpunëtorët dhe partnerët me të cilët po punojmë në një iniciativë të re politike, e cila do të prezantohet në kohën e duhur gjatë vitit të ardhshëm”, theksoi ai.

Agani shtoi tutje se sa i përket zgjedhjeve të 28 dhjetorit, çështja është në shqyrtim.

“Vendimi do të merret me përgjegjësi të plotë institucionale dhe me kujdes maksimal, duke pasur parasysh stabilitetin, seriozitetin dhe interesin afatgjatë të vendit”, pohoi Agani.

Ai mes tjerash tha se “Pas përfundimit të procesit të konsultimeve dhe mbledhjes së Kryesisë së Partisë së Drejtësisë nesër mbrëma, do të dalim me një qëndrim zyrtar dhe të qartë lidhur me këtë çështje”.

Edhe Aleanca Kosova e Re do të shqyrtojë ofertën e Lidhjes Demokratike të Kosovës për një koalicion.

Vesel Makolli nga AKR, tha për Telegrafin se me LDK-në kanë bashkëpunuar edhe në zgjedhjet lokale për Prishtinën.

“Do ta shqyrtojmë ofertën e kandidatit të LDK-së për kryeministër dhe në ditën në vazhdim do të vendosim për përcaktimin tonë. Përndryshe në zgjedhjet lokale për kryeqytetin, AKR-ja në marrëveshje me LDK-në kemi garuar në një listë të përbashkët”, deklaroi Makolli.

Ndryshe, presidentja e Kosovës, Vjosa Osmani ka vendosur që zgjedhjet e jashtëzakonshme parlamentare të mbahen më 28 dhjetor 2025.

Osmani fillimisht nënshkroi dekretin për shpërndarjen e Kuvendit të Kosovës, respektivishit legjislaturën e nëntë të tij.

Këtë e bëri të ditur në një konferencë për media, pas takimit konsultativ që pati sot me partitë politike parlamentare.

“Data 28 dhjetor është vendosur pasi është e vetmja që i mundëson KQZ-së të organizojë zgjedhjet në mënyrë të rregullt dhe brenda afateve kushtetuese. Data 11 janar përjashtohet pasi tejkalon afatin kushtetues, ndërsa data 4 është e pamundur për shkak të mosshfrytëzimit të plotë të buxhetit nga KQZ-ja,” ka thënë Osmani.

Ky vendim i zgjedhjeve të jashtëzakonshme vjen pas dështimit të mandatit të dytë të Glauk Konjufcës për formimin e qeverisë. /Telegrafi/

TIRANË, 21 nëntor /ATSH/ Ministri i Drejtësisë, Besfort Lamallari zhvilloi një vizitë inspektuese në ambientet e IEVP Fier, ku edhe pati gjithashtu një takim me të gjithë drejtuesit e burgjeve të vendit.

Qëllimi i takimit ishte diskutimi i ecurisë së punës në sistemin e penitenciar, garantimin e sigurisë, kushtet, si dhe përpjekjen për të rritur standardet në trajtimin e të dënuarve dhe të paraburgosurve.

Në nisje të fjalës së tij, Lamallari evidentoi lajmin e mirë se me buxhetin e ri do të kryhet indeksimi i pagave për të gjithë punonjësit e sistemit të burgjeve, si dhe do të ketë rritje të pagave për personelin shëndetësor në IEVP-të tona. “Konkretisht, plus 12 000 lekë për mjekët dhe 5 500 lekë në muaj për infermierët. Për vetë natyrën e vështirë të punës së tyre, vëmendja e qeverisë për policinë dhe stafin e burgjeve as ka munguar dhe as do të mungojë”, tha mes të tjerash Ministri i Drejtësisë.

Lamallari e vlerësoi me rëndësi të veçantë sistemin e burgjeve dhe kërkoi nga drejtuesit angazhim maksimal për të ruajtur e forcuar parametrat e sigurisë dhe për të parandaluar futjen e sendeve të paligjshme.

Mes çështjeve të tjera që u përmendën në takim ishte edhe mbyllja e IEVP Bënçë, Tepelenë. Ministri i Drejtësisë tha se kjo ishte një vendimmarrje e pashmangshme duke marrë parasysh kushtet e papranueshme të trajtimit dhe sigurisë që kishte ai burg. Lamallari përmendi këtu edhe raportin dhe rekomandimet e lëna nga Komiteti Evropian për Parandalimin e Torturës në Këshillin e Evropës, që vlerësonte se ky burg nuk përmbushte kushtet minimale.

“Vendimmarrja ishte e fortë, por e drejtë”, tha ministri i Drejtësisë në takim teksa shtroi nevojën që sistemi ynë i burgjeve duhet të përshtatet me pritshmëritë dhe kërkesat ndaj një vendi ulur në tryezën e negociatave me Bashkimin Evropian.

Pavarësisht këtij vendimi, Lamallari tha se punonjësve të IEVP Bënçë iu është dhënë mundësia të vijojnë të shërbejnë brenda sistemit të burgjeve në të gjithë vendin duke filluar me Fierin, të cilin e kanë edhe më afër, me transport falas të garantuar. Disa prej punonjësve tashmë e kanë kryer transferimin.

Në vijim të takimit ministri Lamallari përmendi masterplanin e burgjeve, i cili ka për synim të sjellë një transformim në të gjithë sistemin e menaxhimit të këtij sektori delikat.

“Ne duhet të kemi një sistem të ngjashëm me standardet e BE për trajtimin e të burgosurve”, u shpreh ministri Lamallari teksa përmendi edhe takimin me homologun e tij italian, Carlo Nordio, të cilit i kërkoi gjithashtu mbështetje për sistemin e burgjeve përmes projekteve të ndryshme teknologjike dhe rehabilituese.

1 nga 5

/m.q/r.e/a.f/

The post Lamallari për mbylljen e IEVP Bënçë: Punonjësit do të transferohen, transporti falas appeared first on Agjencia Telegrafike Shqiptare.

Perceptimi mbi korrupsionin dhe integritetin akademik në arsimin e lartë publik mbetet në nivele alarmante edhe për vitin 2025. Të dhënat e bëra publike të martën nga organizata “Qëndresa Qytetare”, gjatë prezantimit të raportit të monitorimit të bazuar në anketime me 750 studentë nga tetë universitetet kryesore publike në vend, tregojnë se shumica dërrmuese e […]

The post Korrupsioni në universitete: Studentët paguajnë për nota dhe përballen me materiale plagjiaturë appeared first on Reporter.al.

Procesi i hartimit të Kodit të ri Penal vijon me tryezat konsultuese. Ministri i Drejtësisë, Besfort Lamallari zhvilloi një takim me Dhomën Kombëtare të Avokatisë, ku kërkoi nga avokatët një rol thelbësor në finalizimin e draftit. Ministri Lamallari theksoi se procesi nuk është i mbyllur, por synon një debat profesional të hapur dhe gjithëpërfshirës për të modernizuar politikën penale të vendit.

Source

Ambasadori i BE-së në Tiranë, Silvio Gonzato,u ndal në disa nga çështjet më të ndjeshme të javëve të fundit. I ftuar në emisionin “Top Story” Gonzato tha ndër të tjera një mesazh në ‘emër’ të Bashkimit Europian se nëse preket sistemi i drejtësisë, ‘kompromentohen shanset për t’u anëtarësuar në BE’. Pjesë nga intervista Pyetje: Ju […]

The post Gonzato: Ndikimi në sistemin e drejtësisë, kompromenton shanset për në BE appeared first on BoldNews.al.

Në Këshillin e Lartë të Prokurorisë u mbyll të mërkurën seanca dëgjimore lidhur me kërkesën e Inspektorit të Lartë të Drejtësisë, ILD, për procedimin disiplinor ndaj prokurores së Sarandës, Besiana Sadikaj. Inspektorja e ILD-së, Lindita Ziguri u qëndroi parashtrimeve për shkelje nga ana e Sadikajt të rregullave e solemnitetit të sjelljes në marrëdhëniet me drejtuesin […]

The post Prokurorja Besiana Sadikaj kundërshton pretendimet e ILD appeared first on Reporter.al.

Zëvendësministri në detyrë i Drejtësisë, Vigan Qorrolli ka përfaqësuar Kosovën në Justice Action Coalition (JAC), forum global ku mblidhen ministra të drejtësisë dhe përfaqësues të institucioneve më të rëndësishme të botës për drejtësi dhe sundim të ligjit, në Madrid të Spanjës.

Sipas një postimi në rrjetin social në Facebook Qorolli ka shkruar se që nga prilli i vitit 2023, Kosova është anëtare e plotë e kësaj aleance ndërkombëtare.

“Dhe sot, në Madrid, zëri i saj u dëgjua si zëri i një Republike që po ecën përpara, me duar të pastra dhe me institucione që po rriten në forcë e besueshmëri. Në fjalën time theksova se lufta kundër korrupsionit nuk është më betejë morale, por një projekt kombëtar për ta bërë drejtësinë themel të çdo përparimi”, ka thënë ai.

Tutje ai ka shkruar se një shtet që lufton korrupsionin, është një shtet që fiton besimin e qytetarëve dhe respektin e botës.

“Kosova po ecën me hapa të mëdhenj përpara, sipas Ëorld Justice Project, Transparency International dhe Freedom House, vendi ynë renditet ndër më përparimtarët në rajon”.

Sipas Gallup Global Safety Report 2025, Kosova është ndër tri vendet më të sigurta në botë dhe vendi më i sigurt në Evropë, me 94 pikë nga 100 – një dëshmi e besimit të qytetarëve në ligj dhe në shtetin e tyre.

“Me Kosovën që po forcon drejtësinë, ligjin dhe dinjitetin e saj institucional, në zemrën e Evropës dhe në skenën globale të së drejtës”, ka shkruar ndër të tjera Qorolli. /Telegrafi/