TIRANË, 4 dhjetor /ATSH/ Komiteti i Dytë i Përbashkët Konsultativ, mes Komitetit Evropian të Rajoneve dhe Shqipërisë, u mbajt sot në Tiranë.
Delegacioni i Bashkimit Evropian në vendin tonë, në një njoftim në rrjetet sociale thekson se ky sesion shënon një hap të rëndësishëm drejt forcimit të përfshirjes së nivelit lokal në procesin e integrimit në BE.
Sipas BE-së, diskutimet u fokusuan në rolin dhe nevojat e bashkive në procesin e anëtarësimit, si dhe në mbështetjen që ofron BE-ja përmes Planit të Rritjes dhe programeve të tjera për të nxitur zhvillimin lokal dhe për të promovuar demokracinë lokale.
“Bashkitë shqiptare ende përballen me sfida të mëdha dhe vendi duhet të bëjë të gjitha përpjekjet e nevojshme për të krijuar një mjedis mundësues që ato të kontribuojnë në procesin e anëtarësimit në BE, të përgatiten për të përfituar sa më mirë nga mundësitë dhe fondet e BE-së, dhe në fund të shërbejnë më mirë qytetarët, familjet dhe komunitetet kudo që jetojnë. BE-ja do të vazhdojë të mbështesë bashkitë e Shqipërisë përmes programit të ri EU4Municipalities, me vlerë 11 milionë euro, që nis nga 1 janari. Ne duam të forcojmë kapacitetet lokale, investimet, demokracinë lokale dhe pjesëmarrjen gjithëpërfshirëse të qytetarëve”, u shpreh në fjalën e tij ambasadori i BE-së në Shqipëri, Silvio Gonzato.
Gjithashtu, në takim ishin të pranishëm edhe disa prej kryetarëve të bashkive më të mëdha në vend, mes tyre edhe kryebashkiakja e Durrësit, Emiriana Sako.
Sako tha se në këtë event u prezantua projekti “BE për Bashkitë”, ndërsa bashkëbisedimet u fokusuan në tema si Bashkitë dhe Integrimi në BE, Plani i Rritjes dhe Fondet e BE-së si Mundësi për Zhvillimin Vendor, Rëndësia e Decentralizimit Fiskal dhe Qëndrueshmërisë Financiare për Demokracinë Vendore.
“U diskutua gjithashtu për rolin që kanë qeverisjet vendore në procesin e integrimit të Shqipërisë në BE. Në fjalën time theksova se mbështetja e BE-së duhet të bëhet më e prekshme për qytetarët tanë, në mënyrë që ata të fillojnë të përjetojnë standardet evropiane të shërbimeve që sot, teksa vendi ynë ndodhet në negociata për anëtarësim”, tha Sako.
Në këtë aktivitet, morën pjesë ministri i Shtetit për Pushtetin Vendor, Ervin Demo, Këshilltari Rajonal i Toskanës, Antonio Mazzeo, drejtorja ekzekutive e Shoqatës Kombëtare të Bashkive, Adelina Farriçi, përfaqësues të BE, ekspertë vendas e të huaj, kryetarë të disa bashkive të vendit, etj.
Për pagat e punonjësve, mirëmbajtur rrugët, ndërtuar çerdhe e kopshte apo të tjera nevoja, 61 bashkitë do të kenë në dispozicion 97,7 miliardë lekë nga 90 miliardë lekë gjatës 2025-s. Qeveria do u japë pak më shumë se 46 miliardë lekë njësive të pushtetit vendor, ndërsa pjesën tjetër duhet ta sigurojnë vetë. Por, shoqatat dhe kryetarët e disa bashkive kërkuan në Komisionin për Ekonominë…
Drejtues dhe ekspertët të pushtetit vendor kanë kërkuar më shumë para nga buxheti për të përballuar emergjencat.
Për vitin 2026, transferta e pakushtëzuar që shkon për bashkitë arrin në vlerën 47.3 miliardë lekë, ose 1% e Prodhimit të Brendshëm Bruto.Kreu i bashkisë së Sarandës tha se fondet që meren nga buxheti qëndror nuk mjaftojnë pasi po përballen me më shumë emergjenca si zjarre e përmbytje
Adelina Farrici kryetarja e shoqatës për autonomi vendore prpozoi që fondet të rriten pasi limiti 1% e PBB-së është i pamjaftueshëm për të përballuar të gjitha zhvillimet klimatike
Kryebashkiaket kërkuan gjetjen e një zgjidhjeje edhe për shlyerjen e detyrimeve të prapambetura, që shumica janë nga koha e ish komunave, pra i takojnë ndarjes së vjetër territoriale.
Një propozim ka qenë edhe përfshirja e tyre si pjesë e paqes fiskale./abcnews.al
TIRANË, 26 nëntor /ATSH/ Komisioni për Ekonominë, Punësimin dhe Financat zhvilloi sot një seancë dëgjimore me përfaqësues të Shoqatës së të Zgjedhurve Vendorë dhe Shoqatës Kombëtare të Bashkive të Shqipërisë, ku u diskutua projektbuxheti 2026 dhe mbështetja financiare për pushtetin vendor.
Në emër të Shoqatës Kombëtare të Bashkive të Shqipërisë, Adelina Fariçi vlerësoi rritjen e buxhetit për qeverisjen vendore në vitin 2026, por njëkohësisht parashtroi një sërë propozimesh dhe shqetësimesh të ngritura nga kryetarët e bashkive gjatë procesit të konsultimit.
Ajo parashtroi nevojën që të rritet kufiri i financimit 1% të PBB për financat lokale.
“Aktualisht në ligj është vendosur një tavan prej 1% të PBB për fondet e dedikuara bashkive, i cili është respektuar çdo vit. Ne kërkojmë që ky nivel të rritet gradualisht, vit pas viti, për t’u ardhur në ndihmë bashkive në përballimin e sfidave lokale dhe rritjen e cilësisë së shërbimeve për qytetarët”, tha ajo.
Përfaqësuesja e bashkive propozoi që transferta e pakushtëzuar të mos trajtohet më si tavan, por si dysheme garantuese për financat e çdo bashkie. Gjithashtu kërkoi të sigurohen fonde shtesë për transferën e pakushtëzuar sektoriale, duke qenë se bashkitë përballen me rritje të kostove të shërbimeve.
Fariçi vlerësoi gjithashtu se Granti i Performancës, aktualisht në nivelin 200 milion lekë, ka sjellë konkurrencë pozitive mes bashkive, duke kërkuar që ky grant të rritet në vitet në vijim.
Gjithashtu ajo propozoi krijimin e një fondi të posaçëm investimesh për pushtetin lokal, i cili të mos jetë i bazuar në konkurrim, pasi në këtë skemë bashkitë më të vogla shpesh mbeten të përjashtuara.
“Kërkoi rishikimin e heqjes së TVSH-së për investimet dhe shërbimet e bashkive dhe sigurimin e një skeme më të drejtë dhe të balancuar për financimin e projekteve vendore”, vuri në dukje ajo.
Në lidhje me fondet për emergjencat civile, Fariçi kujtoi se ligji parashikon një nivel 4% të buxhetit, por ky nivel aktualisht nuk është i realizuar dhe kërkoi që të merren masa për ta zbatuar plotësisht.
Ajo theksoi se të gjitha propozimet e parashtruara janë rezultat i një procesi të gjerë konsultimi me kryetarët e bashkive në të gjithë vendin, duke reflektuar nevojat reale të qeverisjes vendore dhe detyrimet në rritje që bashkitë kanë ndaj komuniteteve të tyre. e.xh/j.p/
Sebi Alla – Me interes mjaft të ulët në bashkitë Vlorë, Berat, Tepelenë, Cërrik dhe Mat u zhvilluan zgjedhjet e pjesshme lokale të cilat pas numërimit nxorën fituese në të gjitha bashkitë kandidatët e Partisë Socialiste.
Në Vlorë fituese është shpallur kandidatja e PS, Brunilda Mersini me 78.4% duke siguruar marrë 15672 vota, ndërsa Dionis Sota i mbështetur nga opozita numëron 2333 vota (11.7%) dhe Gjergj Nika, një tjetër kandidat i pavarur, ka marrë 1975 vota (9.9%).
Në Bashkinë Çërrik kandidati i Partisë Socialiste, Florenc Doka, i cili ka siguruar 66,22% për qind të votave, ose 6201 vota, ndërsa kandidati Eligerti Hima nga “Shqipëria Bëhet” ka marrë 13.62% ose 1275 vota dhe kandidati i pavarur Amarildo Hoxha, i cili mbështetej nga PD ka marrë 20,16% ose 1888 vota.
Në Berat fitues më diferencë të madhe u shpall kandidati socialist Ervin Ceca me 13.050 votan ndërsa rivali Pavllo Shkarpa mori 2.607 vota.
Asnjë befasi nuk pati as në Tepelenë ku pas numërimit të fletëve të votimit kandidati socialist Gramos Sako, siguroi 3.261 vota ndërsa kandidati Gabriel Guma siguroi 928 vota.
Në Mat, Altin Bojni i PS-së mori 7425 vota, kurse rivali i tij, kandidati i pavarur i mbështetur nga PD, Eduart Brahilika ka marrë 3184 vota.
Kandidatja Suzana Pasha që sfidoi PS-në, duke kandiduar si e pavarur ka marrë vetëm 549 vota.
REFUZIMI I ZGJEDHJEVE
Një orë pas përfundimit të votimit kreu i KQZ-së bëri përmbledhjen e procesit.
“Nga të dhënat që kemi marrë nëpërmjet pajisjeve elektronike në të gjitha bashkitë pjesëmarrja është 18.72 % e zgjedhësve”, tha kryekomisioneri Ilirjan Celibashi, në një komunikim me mediat. Ai shtoi se pjesëmarrja më e lartë është shënuar në bashkinë Mat dhe me e ulëta në Vlorë.
Në bashkinë Vlorë shprehën interes dhe votuan 12.54 % e zgjedhësve, në Cërrik 25.00%, në Mat 39.36%, në Tepelenë 34.63% dhe në Berat 19.98 %. Një tjetër e dhënë domethënëse është se në të pesë bashkitë që u përfshinë në zgjedhje të parakohshme lokale grupmosha që mori më shumë pjesë sipas Celibashit është mbi 65 vjeç.
PROCESI
Qendrat e votimit u hapën në orën 07:00 në të gjitha bashkitë por në nisje pati disa probleme teknike me pajisjen e identifikimit elektronik të votuesve. Kryesisht në Vlorë dhe Berat disa qendra njoftuan këtë problematikë dhe në orët e para të procesit komisionerët u detyruan që për të mos penguar procesin të identifikonin dhe regjistronin votuesit në mënyrë manuale. Kjo problematikë zgjati pak më shumë së një orë dhe me ndërhyrjen e teknikëve të certifikuar nga KQZ, pajisjet u kthyen në funksionalitet dhe nuk pati më ndërprerje. Incidente nuk janë raportuar në asnjë qendër votimi.
Është mbyllur procesi i numërimit të votave në 5 bashkitë që një ditë më parë shkuan në zgjedhje të pjesshme për kryetarë të rinj në krye, me një pjesëmarrje totale prej 18.51%.
Kandidatja e Partisë Socialiste, Brunilda Mersini do të drejtojë Bashkinë e Vlorës në dy vitet e ardhshme, deri në zgjedhjet e 2027. Në përfundim të numërimit të 231 kutive të votimit, Mersini, e cila për pak javë mbajti edhe mandatin e deputetes, ka rezultuar fituese me më shumë se 13 mijë vota ndaj rivalit të saj të pavarur, por të mbështetur nga opozita, Dionis Sota.
Bashkia e Beratit ka përfunduar procesin e numërimit të votave, pas zgjedhjeve të mbajtura një ditë më parë. Kandidati i Partisë Socialiste, Ervin Ceca, është shpallur fitues me mbi 83% të votave, duke lënë pas rivalin e tij, kandidatin e pavarur, Pavlo Shkarpa.
Gramos Sako nga Partia Socialiste do të drejtojë Bashkinë e Tepelenës pasi ka fituar në garën 77.85% të votave, ndërsa i vetmi rival përball tij ishte Gabriel Guma, kandidat i pavarur. Kandidati socialist mori 3261 vota dhe Gabriel Guma mori 928 vota (22.15%).
Bashkia e Matit me numrin më të lartë të votuesve do të drejtohet nga kandidati i Partisë Socialiste, Altin Bojni, ka fituar me mbi 66% të votave, duke lënë pas kandidatët e pavarur Eduart Brahilika dhe Suzana Pasha.
Kandidati i Partisë Socialiste, Florenc Doka, ka fituar zgjedhjet në Bashkinë e Cërrikut. Ai ka lënë pas me një diferencë të thellë votash, kandidatin e pavarur Amarildo Hoxha, teksa ky i fundit ka marrë edhe më shumë vota se kandidati i partisë “Shqipëria Bëhet”.
334.539 mijë votues në bashkitë, Vlorë, Berat, Cërrik, Mat, Tepelenë patën të drejtën e votës dhe shprehjes së vullnetit të tyre të lirë, ndërsa qendrat e votimit u hapën në ora 07:00, edhe pse në disa prej tyre pati vonesa.
Referuar përcaktimit në kodin zgjedhor, kur data e zgjedhjeve caktohet në periudhën zgjedhore nga 15 tetori deri më 15 nëntor, qendrat e votimit mbyllen në orën 18:00.
Në Vlorë numri i qytetarëve që mund të votonin në 232 qendra votimi ishte 171.895. Në Tepelenë me të drejtë vote ishin 12.667 qytetarë, në 22 qendra votimi.
Në Mat ishin 29.092 qytetarë me të drejtë vote, ndërsa qendrat ku mund të votonin ishin 47. Në Cërrik ishin 57 qendra votimi, dhe numri i zgjedhësve ishte 38.724.
Në bashkinë e Beratit të drejtën e votës e kishin 82. 161 zgjedhës, të cilët mund të votonin në 116 qendra votimi.
Ndërkohë kryekomisioneri Ilirjan Celibashi në daljen për mediat tha se grupmosha që ka marrë pjesë më shumë në këto votime janë ata mbi 65 vjeç, ndërsa vihet re një ‘braktisje’ e kutive të votimit nga të rinjtë.
Ndërkohë qarku i Vlorës rezulton ai me numrin më të ulët të votuesve në krahasim me 4 bashkitë e tjera, me afro 13%. Ndërkohë pjesëmarrje më të lartë ka pasur Mati, me afro 40%. /Tch/
Ka përfunduar procesi i numërimit të votave në të pesë bashkitë, ku ditën e djeshme u mbajtën zgjedhjet e pjesshme lokale.
Në të pesë bashkitë, Tepelenë, Vlorë, Mat, Cërrik dhe Berat, fitues ishin kandidatët socialistë.
Rezultatet sipas bashkive:
VLORA
Pas numërimit tyë 231 kutivë në Bashkinë e Vlorës, fituese është shpallur kandidatja e PS, Brunilda Mersini me 78.4 të votave.
Brunilda Mersini ka marrë 15672 vota (78.4%). Dionis Sota i mbështetur nga opozita numëron 2333 vota (11.7%).
Ndërsa Gjergj Nika, një tjetër kandidat i pavarur, ka marrë 1975 vota (9.9%).
CËRRIKU
Pas numërimit të 57 kutive, rezultoi se kryebashkiaku I ri I Cërrikurt do të jetë kandidati nga Partia Socialiste Florenc Doka, i cili ka siguruar 66,22% për qind të votave, ose 6201 vota.
Ndërkohë kandidati Eligerti Hima nga Shqipëria Bëhet ka marrë 13.62% të votave, pra 1275 vota
Kandidati i pavarur Amarildo Hoxha, I cili mbështetej nga PD ka marrë 20,16% përqind të votave, pra 1888 vota.
BERAT
Pas numërimit të 116 kutive, fitues ka rezultuar kandidati socialist Ervin Ceca me 13.050 vota, 10.443 vota diferencë me kundërshtarin e tij në garën për kryebashkiakun e ri të qytetit
Ndërkohë kandidati Pavllo Shkarpa mori 2.607 vota.
TEPELENË
Bashkia Tepelenë do të drejtohet nga kandidati socialist Gramos Sako, I cili pas numërimit të kutive të votimit, reazultoi se ka siguruar 3.261 vota, pra 77.8% të tyre.
Ndërkohë kandidati Gabriel Guma siguroi 928 përiqnd të votave, pra 22.2% të tyre.
Kujtojmë se pjesëmarrja e qytetarëve në votime ishte shumë e ulët, ku sipas të dhënave të Komisionit Qendror të zgjedhjeve, pjesëmarrja e përgjithshme ishte 18.72 për qind, ndërsa sipas bashkive ndahet si më poshtë:
Beteja e humbur e bashkive. Vitin e kaluar, buxheti i pushtetit vendor arriti në 81 miliardë lekë, ose 810 milionë euro, nga 26 miliardë lekë në vitin 2015. Buxheti është rritur me më shumë se tre herë në dekadën e fundit që kur nisi zbatimi i reformës. Po më se gjysma po përdoret për shpenzimet […]
Reforma Territoriale ishte një nga temat e mbrëmjes së sotme në emisionin “Opinion”ku ishte i ftuar edhe Drejtuesi i Institutit për Bashkitë e Shqipërisë, Agron Haxhimali. Përballë Arbjan Maznikut, i cili pritet të jetë bashkëkryetari i komisionit të posaçëm parlamentar që do të ngrihet për Reformën Territoriale, Haxhimali tha se ai është për modelin e […]
Një raport i Anketës Botërore të Riskut nga Lloyd’s Register Foundation e rendit Shqipërinë në listën e 10 vendeve më të këqija në botë për ndarjen e mbeturinave shtëpiake. Sipas raportit, në Shqipëri ka pak struktura për të zbatuar ose stimuluar ndarjen dhe riciklimin. Çdo ndarje që bëhet është kryesisht informale.
Kosova renditet e treta në listën e vendeve ku njerëzit nuk i ndajnë mbeturinat shtëpiake para se t’i hedhin në koshat e mbeturinave, pas Bregut të Fildishtë dhe Gabonit. Mali i Zi dhe Shqipëria ndajnë vendin e nëntë në renditje, me rezultate pak më të mira se Togo, Kameruni, Benini, Liberia dhe Republika e Kongos.
Referuar të dhënave nga Agjencia Kombëtare e Ekonomisë së Mbetjeve (AKEM), një agjenci e krijuar në vitin 2024, e cila ka për detyrë edhe të mbledhë nga pushteti lokal dhe të publikojë statistikat e mbetjeve, gjatë vitit të kaluar u gjeneruan 870 mijë tonë mbetje.
Megjithatë, jo e gjithë kjo sasi shkon në landfille. Vetë bashkitë pranojnë se një pjesë e tyre përfundon në natyrë. Sipas vjetarit statistikor të vitit 2023, në total 8% e mbetjeve nuk u menaxhuan. Kjo do të thotë se çdo vit, një sasi alarmante prej mbi 70 mijë tonë mbetje përhapen të lira në mjedis…
Referuar të dhënave nga vetë bashkitë, qarku me nivelin më të lartë të mbetjeve të pamenaxhuara ishte Gjirokastra me 29,3%, ndjekur nga Elbasani me 27,4% dhe Kukësi me 27,0% të totalit të mbetjeve të gjeneruara.
“Bashki të caktuara menaxhojnë 60 apo 70% të mbetjeve, praktikisht e pranojnë që jo të gjitha mbetjet i menaxhojnë; ka gjithmonë mbetje në natyrë, dhe ato janë të pamenaxhuara, duke dëmtuar jetën e qytetarëve”, u shpreh Klodian Muço, profesor i asociuar i ekonomisë politike.
Këtë shifër të ulët të menaxhimit të mbetjeve ekspertët e lidhin me mungesën e fondeve dhe dekurajimin e qytetarëve nga vetë politikat e gabuara të institucioneve.
“Qeveria shpenzon para për mjedisin, por një pjesë e mirë janë shpenzime operative, jo kapitale. Një pjesë e mirë shkojnë për paga punonjësish, shumë për turizmin, shkonin për pyjet, që hartoheshin plane menaxhimi; prodhojmë shumë dokumenta, shumë shkresa, dhe paratë na ikin te këto shkresa dhe nuk ngelen te investimi në terren”, u shpreh Klodian Muço, profesor i asociuar i ekonomisë politike.
“Në momentin që qytetarët detyrohen t’i ndajnë mbetjet dhe shkon i merr vetëm një makinë, krahas asaj që nuk marrim rezultatet e pritura nga skema që kemi aplikuar, kjo kthehet në mosbesim të qytetarëve. Nëse ne i çojmë mbetjet të padiferencuara, është një gabim, por nëse ne i mbledhim me makinë dhe i bëjmë bashkë, është një gabim më i rëndë se ai i pari, sepse është një gabim që bëhet nga vetë institucionet, dhe qytetarët do të jenë gjithmonë skeptikë”, u shpreh Kristi Bashmilli, ekspert mjedisi.
Ekspertët thonë se, ndonëse kemi firmosur një sërë marrëveshjesh dhe aktesh me qëllim që të reduktojmë mbetjet, të rrisim riciklimin që të bëhemi pjesë e BE-së, siç është Marrëveshja e Parisit, Traktati i Sofjes, Agjenda e Gjelbër 2030, Agjenda që deri në 2050 duhet të bëhemi zero karbon, sërish Shqipëria është shumë larg menaxhimit të duhur të mbetjeve.
“Kemi një sërë nismash dhe detyrimesh që kemi marrë, por jemi shumë mbrapa në këtë aspekt”, u shpreh Klodian Muço, profesor i asociuar i ekonomisë politike./Top Channel
Të paktën 43 bashki, nga 61 që janë në total kishin shtesë natyrore negative në vitin 2023, pasi në secilën prej tyre kishin vdekur më shumë persona se sa kishin lindur, raportoi INSTAT.
Numri i bashkive në këtë grup, është zgjeruar më tej në vitin 2024 për shkak të rënies së lindjeve në shkallë kombëtare, por ende nuk ka të dhëna të detajuara.
Më së shumti bashkitë në Jug të vendit kanë shtesë natyrore negative për shkak së plakja e popullsisë po prodhon më shumë mortalitet.
Sipas të dhënave të INSTAT, Korça shënon rënien më të thellë, me -394 banorë, ndjekur nga Vlora -182, Shkodra -152 dhe Kuçova -146.
Arsyet lidhen me plakjen e popullsisë, emigracionin e lartë dhe uljen e lindshmërisë, veçanërisht në qendrat urbane të jugut dhe veriut të vendit që dikur kishin baza të forta të industrisë.
Rënie të vazhdueshme regjistruan edhe bashkitë si Fieri -128, Lushnja -124, Maliqi -101, Pogradeci -85 dhe e Gjirokastra -74, që dikur ishin zona me dendësi popullsie.
Në anën tjetër disa bashki të vogla si Klosi (+4), Divjaka (+9), Saranda (+22) apo Bulqiza (+47) treguan stabilitet ose rritje të lehtë, duke reflektuar ndikimin e turizmit dhe normave tradicionale.
Në anën tjetër, Tirana qëndron në krye me një shtesë natyrore pozitive prej 2,880 banorësh në vitin 2023, duke qenë e vetmja bashki me rritje të madhe demografike.
Kjo tregon përqendrimin e lindjeve dhe migrimin e brendshëm drejt kryeqytetit, që mbetet epiqendra e ekonomisë, arsimit dhe punësimit në vend.
Pas saj renditen Kamza me shtesë natyrore +640, Durrësi +386, Kruja +231 dhe Kukësi +221, që shënojnë rritje të moderuar edhe për shkak të ruajtjes së traditës për familje të mëdha.
Shtesa natyrore e popullsisë në Shqipëri mbetet thellësisht negative në shumicën e territorit. Rritja e Tiranës dhe disa bashkive përreth saj po ndodh paralelisht me shpopullimin e pjesës tjetër të vendit, duke sinjalizuar një përqendrim gjithnjë e më të madh të burimeve njerëzore dhe ekonomike në pak qendra urbane.
Në 10 bashki në 7 prej tyre popullsia po tkurret për shkak të plakjes dhe lindshmërisë së ulët. Shkaku kryesor është emigracioni i të rinjve, që largon grup-moshat riprodhuese nga zonat rurale dhe qytetet e vogla.
Nga ana tjetër plakja e popullsisë rrit numrin e vdekjeve dhe ul lindjet. Kushtet ekonomike dhe mungesa e shërbimeve, që nxisin çiftet të kenë më pak fëmijë ose të zhvendosen drejt Tiranës e disa qyteteve të mëdha.
Në afat të gjatë, ky proces sjell pasoja serioze, si mbylljen e shkollave, mungesë të fuqisë punëtore, rënie të konsumit lokal dhe vështirësi për të ofruar shërbime publike./ Monitor
Kolegji Zgjedhor ka miratuar sot afatet për zgjedhjet e pjesshme lokale që pritet të mbahen në pesë bashki të vendit. Sipas njoftimit Kolegji Zgjedhor ka pranuar afatet e reja të propozuara nga KQZ, që lidhen me zhvillimin e zgjedhjeve të pjesshme në 9 nëntor. Zgjedhjet e pjesshme lokale do të mbahen në datën 9 nëntor 2025 në bashkitë Berat, Tepelenë, Cërrik, Mat dhe Vlorë.
Zyra e Gjendjes Civile në këto bashki, në bashkëpunim me Drejtorinë e Përgjithshme të Gjendjes Civile, duhet të hartojnë listat e zgjedhësve jo më vonë se data 6 tetor 2025. Brenda 48 orëve nga përfundimi i përditësimit, kryetari në detyrë i njësisë së qeverisjes vendore miraton dhe shpall listat e zgjedhësve, në përputhje me nenin 48 të Kodit Zgjedhor.
Në tre bashki Berat, Mat dhe Tepelenë, kryetarët dhanë dorëheqjen për tu bërë deputetë. Në Cërrik, kryetari i bashkisë Andis Hasalla u emërua në kabinetin qeveritar si Ministër i Bujqësisë. Në Vlorë kryetari i bashkisë Ermal Dredha dha dorëheqjen pas sulmeve të Ramës.
VENDIM PËR MIRATIMIN E DISA AFATEVE PROCEDURIALE QË LIDHEN ME ZGJEDHJET E PJESSHME PËR KRYETAR PËR DISA NJËSI TË QEVERISJES VENDORE, QË DO TË ZHVILLOHEN MË DATË 9 NËNTOR 2025
Në mbështetje të Dekretit të Presidentit nr. 350, datë 1.10.2025, “Për caktimin e datës së zgjedhjeve për Kryetar të Bashkisë Berat, Tepelenë, Cërrik, Mat dhe Vlorë”, të nenit 20, pika 1, shkronja “a”, nenit 6, nenit 29, pika 6, nenit 36, pika 2, nenit 59, nenit 64, nenit 65, nenit 67, pika 1, nenit 70 dhe nenit 94, pika 1 të ligjit nr. 10019, datë 29.12.2008 “Kodi Zgjedhor i Republikës së Shqipërisë”, të ndryshuar, me propozimin e Komisionerit Shtetëror të Zgjedhjeve, Komisioni Rregullator
1.Bashkitë Berat, Tepelenë, Cërrik, Mat dhe Vlorë, si dhe institucionet e tyre të varësisë, janë të detyruara të raportojnë në Komisionin Qendror të Zgjedhjeve, të gjitha veprimtaritë me karakter publik që planifikojnë të zhvillojnë në periudhën 25.10.2025 deri më datë 9.11.2025.
Të njëjtin detyrim kanë edhe institucionet publike qendrore, organet e tyre të varësisë dhe degët e tyre vendore, si dhe agjencitë dhe/ose ndërmarrjet shtetërore, për veprimtari me karakter publik, që planifikojnë të zhvillojnë në periudhën 25.10.2025 deri më 9.11.2025, në territorin e Bashkive Berat, Tepelenë, Cërrik, Mat dhe Vlorë, ose për to.
2.Autoriteti i Mediave Audiovizive monitoron OSHMA-të për veprimtaritë me karakter publik të institucioneve publike të përcaktuara në pikën 1, të këtij vendimi, nga data 25.10.2025, nga ora 08:00-00:00, ose sipas rastit, deri në përfundimin e programit.
3.Fushata zgjedhore për zgjedhjet e pjesshme vendore për Kryetar bashkie në Bashkitë Berat, Tepelenë, Cërrik, Mat dhe Vlorë, fillon më datë 1.11.2025.
4.Zyra e Gjendjes Civile në këto bashki, në bashkëpunim me Drejtorinë e Përgjithshme të Gjendjes Civile, hartojnë listat e zgjedhësve jo më vonë se data 6.10.2025. Brenda 48 (dyzet e tetë) orëve nga përfundimi i përditësimit, kryetari në detyrë i njësisë së qeverisjes vendore miraton dhe shpall listat e zgjedhësve, në përputhje me nenin 48 të Kodit Zgjedhor.
5.Prefektët e Qarqeve paraqesin në Komisionin Qendror të Zgjedhjeve, listën e plotë të objekteve brenda territorit të Qarkut që përmbushin kushtet e parashikuara në ligj për Vendin e Numërimit të Votave, jo më vonë se data 16.10.2025.
6.Kryetarët e Bashkive në detyrë të përcaktojnë vendet publike, në territorin e Bashkive Berat, Tepelenë, Cërrik, Mat dhe Vlorë, për afishimin nga subjektet zgjedhore të materialeve propagandistike, jo më vonë se data 16.10.2025.
7.Partitë politike të cilat kanë të drejtë të paraqesin anëtarë/sekretar në KZAZ-të e Bashkive Berat, Tepelenë, Cërrik, Mat dhe Vlorë, për zgjedhjet e pjesshme për kryetar bashkie, duhet të sjellin propozimet në Komisionin Qendror të Zgjedhjeve, jo më vonë se data 16.10.2025. Komisioneri Shtetëror i Zgjedhjeve miraton përbërjen e KZAZ-së, jo më vonë se data 17.10.2025.
8.Partitë politike, të cilat kanë të drejtë të paraqesin anëtarë në KQV, duhet t’i depozitojnë ato në KZAZ-të përkatëse, jo më vonë së data 20.10.2025. KZAZ-ja merr vendim për emërimin e anëtarëve të KQV-ve, jo më vonë se data 25.10.2025.
9.Partitë politike, të cilat kanë të drejtë të paraqesin anëtarë në GNV, duhet t’i depozitojnë ato në KZAZ, jo më vonë së data 28.10.2025. KZAZ-ja merr vendim për emërimin e anëtarëve të GNV-ve, jo më vonë se data 30.10.2025.
10.Partitë politike duhet të paraqesin kërkesën në KQZ, për regjistrim si subjekte zgjedhore, për zgjedhjet e pjesshme për Kryetar në Bashkitë Berat, Tepelenë, Cërrik, Mat dhe Vlorë, jo më vonë se data 16.10.2025. KQZ-ja kthen për plotësim dokumentacionin brenda 24 (njëzet e katër) orëve nga dorëzimi. Partitë politike paraqesin dokumentacionin e korrigjuar brenda 24 (njëzet e katër) orëve nga kthimi për plotësim. Komisioneri Shtetëror i Zgjedhjeve miraton kërkesat për regjistrim brenda 24 (njëzet e katër) orëve nga ridërgimi i dokumentacionit.
11.Komitetet Nismëtare duhet të paraqesin kërkesën për regjistrim në KQZ për bashkitë Vlorë dhe Berat, si dhe në KZAZ-në përkatëse për bashkitë Tepelenë, Cërrik dhe Mat, jo më vonë se data 16.10.2025. KQZ-ja ose sipas rastit KZAZ-ja kthen për plotësim dokumentacionin brenda 24 (njëzet e katër) orëve nga dorëzimi. Komitetet Nismëtare paraqesin dokumentacionin e korrigjuar brenda 24 (njëzet e katër) orëve nga kthimi për plotësim. KQZ-ja ose sipas rastit KZAZ-ja miraton kërkesat për regjistrim brenda 24 (njëzet e katër) orëve nga ridërgimi i dokumentacionit.
12.Koalicionet zgjedhore duhet të paraqesin në KQZ, kërkesën për regjistrimin si koalicion për zgjedhjet e pjesshme për Kryetar në Bashkitë Berat, Tepelenë, Cërrik, Mat dhe Vlorë, jo më vonë se data 21.10.2025. Komisioneri Shtetëror i Zgjedhjeve miraton kërkesën për regjistrimin si koalicion, brenda 24 (njëzet e katër) orëve.
13.Dokumentet e kandidimit paraqiten në KQZ për bashkitë Vlorë dhe Berat, si dhe në KZAZ për bashkitë Tepelenë, Cërrik dhe Mat, jo më vonë se data 24.10.2025. KQZ-ja ose sipas rastit KZAZ-ja bën verifikimin e tyre, jo më vonë se 24 (njëzet e katër) orë nga paraqitja, dhe në rast se vëren parregullsi, i kthen për plotësim. Dokumentet e plotësuara duhet të riparaqiten jo më vonë se 24 (njëzet e katër) orë. KQZ-ja ose sipas rastit KZAZ-ja merr vendim jo më vonë se 24 (njëzet e katër) orë nga riparaqitja e tyre.
14.Paraqitja e kërkesës për akreditimin e vëzhguesve shqiptarë bëhet në Komisionin Qendror të Zgjedhjeve jo më vonë se data 25.10.2025 dhe për vëzhguesit e huaj bëhet jo më vonë se data 6.11.2025.
15.Paraqitja e kërkesave për akreditim nga ana e subjekteve zgjedhore pjesëmarrëse në zgjedhje bëhet në KZAZ jo më vonë se data 6.11.2025. Akreditimi i vëzhguesve bëhet jo më vonë se data 7.11.2025.
16.Rezultatet e sondazheve zgjedhore nuk mund të publikohen gjatë 3 (tre) ditëve të fundit para datës së zgjedhjeve, përfshirë edhe datën e zgjedhjeve, deri në orën e mbylljes së votimit.
17.Ngarkohen administrata e Komisionit Qendror të Zgjedhjeve dhe institucionet e tjera të përmendura në këtë vendim, për zbatimin e tij.
18.Ky vendim hyn në fuqi menjëherë dhe publikohet në faqen zyrtare të internetit të Komisionit Qendror të Zgjedhjeve.
19.Kundër këtij vendimi mund të bëhet ankim në Kolegjin Zgjedhor Gjyqësor, pranë Gjykatës Administrative të Apelit Tiranë, brenda 5 (pesë) ditëve nga shpallja e tij.
Ky është fakt. Mund ta quajmë si të duam, por situata kërkon një përgjigje dhe koha ka ardhur. Në Kuvend po diskutohet projektligji i ri i mbetjeve. Projektligji i jep fund monopolit të Sharrës, kompania e së cilës është vënë nën sekuestro; krahas tij, edhe komitetit famëkeq, i ashtuquajturi “Komiteti i Menaxhimit të Integruar të Mbetjeve”, i cili shërbeu për shpalljen e emergjencave mjedisore që ndihmuan kryerjen e procedurave të mbyllura të prokurimeve publike, të cilat transferuan miliona euro të taksapaguesve në favor të koncensionarëve privatë. Këta të fundit, ministri Koka e të tjerë autorë, ndodhen në burg, ose në arrati. Por tani mesazhi i qeverisë është i qartë: jemi në prag të një reforme të re për mbetjet, pak përpara futjes së vendit në Bashkimin Evropian.
Në të vërtetë, nuk ka ndryshuar asgjë. Shqetësimet janë të njëjta: niveli i riciklimit është jashtëzakonisht i ulët; mbetjet groposen të patrajtuara; rikuperimi nuk ekziston, një pjesë e dokumenteve të planifikimit të mbetjeve, ende nuk janë hartuar; sistemi informacionit dhe kontrolli i sasisë së mbetjeve mungon, shumica e vend depozitimeve nuk kanë leje mjedisore, ndërkohë që mbi 200 vend depozitime mbetjesh ilegale, të shpërndara në të gjithë territorin e vendit, kërcënojnë shëndetin e qytetarëve, peizazhin, turizmin dhe ekonominë kombëtare. Shkurt, 35 vjet nga falimentimi i Shqipërisë Socialiste, vendi nuk po arrin akoma që të menaxhojë mbetjet urbane.
Si përherë, propozimi për një të ardhme, shërben edhe për të mbuluar të shkuarën e dështuar përpara opinionit publik. Kumbaro, Klosi dhe Koka, tre ministrat e fundit të mjedisit janë larguar. Sofjan Jaupaj është ministri i ri, i vetë deklaruar si autor i projektligjit të mbetjeve. Por Jaupaj po tregohet i tërhequr qysh në fillim, duke ndaluar importin e mbetjeve. Argumenti i tij është disi naiv, pasi, sipas tij, të ashtuquajturat mbetje nga importi konsiderohen lëndë e parë dytësore (secondary raw material), por jo mbetje, kësisoj janë përjashtuar nga ky projektligj. Në thelb, pavarësisht nga gjuha (terminologjia), lënda e parë dytësore është produkt mbetjesh dhe trajtimi i mëtejshëm i saj kontribuon në reduktimin e mbetjeve të ardhshme, në uljen e emetimeve dhe të kostove të biznesit, biznes i cili në një tjetër kontekst (me miratimin e ligjit “Për zbatimin e përgjegjësive të zgjeruara të prodhuesit”) do të këtë nevojë për të. Njëkohësisht, projektligji parashikon “për herë të parë konceptin e ekonomisë qarkulluese”, një sistem i cili riciklon dhe redukton prodhimin e mbetjeve, i promovuar në përputhje të plotë me përkufizimin e ekonomisë qarkulluese në databazën e legjislacionit të Bashkimit Evropian, EUR-LEX. Por Jaupaj ka frikë nga dobësia e agjencive vendase ligjzbatuese të kontrollit dhe të inspektimit. Kjo tregon se edhe rendja pas “ekonomisë qarkulluese” nuk është e sinqertë. Nëse tregohemi mjaftueshëm seriozë, mund të gjykojmë se ndodhemi përpara një rreziku të ri i cili mund të na dërgojë drejt një dështimi të përsëritur: dobësimi industrisë së riciklimit shkakton rënien e riciklimit të mbetjeve. Në anën tjetër, ndalimi ka gëzuar disa pak “aktivistë” të shoqërisë civile të cilët ruajnë të njëjtin qëndrim të dhjetë viteve të shkuara për të ndaluar importin e mbetjeve, duke i besuar më shumë shtetit, sesa iniciativës së lirë.
Po çfarë do të bëjë më mirë ligji i ri? Ashtu siç Rama deklaroi në shtator, riciklimi dhe rikuperimi i mbetjeve, së bashku më landfillet nuk do të jenë përgjegjësi e bashkive. Ky kalim pritet të thellohet (qartësohet) pas miratimit të draftit, me daljen e akteve nënligjore. Kjo mund t’i çlirojë bashkitë nga ankthi i trajtimit të mbetjeve, një dështim kronik i tyre, por, njëkohësisht, mund t’i privojë edhe nga një shumë e konsiderueshme të ardhurash që mund të sigurohen prej riciklimit. Këtej e tutje barra e riciklimit dhe e trajtimit fundor, i takon qeverisë. Se çfarë eficence do të ketë ky sistem hibrid menaxhimi, vështirë se mund të parashikohet qysh tani. Aktualisht vendi riciklon rreth 15% të totalit (rreth 800,000 kg gjithsej, kur grumbullohen deri në 98% të tyre). Është e besueshme se volumi i riciklimit do të rritet, por për këtë do të paguajmë që të gjithë; pra, përveç rezidentëve të një bashkie, edhe shtetasit e tjerë të Republikës. Është disi shqetësuese, pasi parimi “ndotësi paguan” shkelet, pa e kuptuar se deri në ç’pikë…
Bashkitë nuk kanë para të mjaftueshme për të menaxhuar mbetjet. Prioritet ka qenë politika elektorale e tarifave të ulëta për rezidentët. Por qeveria i ka përfshirë në skemën e transfertave të pakushtëzuara, duke plotësuar diferencën. Në këtë pikë kemi mbetur ku ishim, me të vetmin ndryshim: tani paratë do të menaxhohen nga Agjencia Kombëtare e Ekonomisë së Mbetjeve (AKEM), përmes Operatorit Kombëtar të Trajtimit të Mbetjeve. Shumë shpejt, menjëherë pas miratimit të projektligjit, agjencia pritet që të shndërrohet në një kompani shtetërore. Bashkitë kërkuan që të jenë aksionerë në të. Kjo u bë e qartë gjatë dëgjesave në Kuvend, por ministria nuk premtoi asgjë. Se ç ‘formë mund të ketë Operatori Kombëtar, do të shihet pak më vonë. Por përgjegjësia e tij për ndërtimin e infrastrukturës së mbetjeve mund të çojë, pashmangshmërisht, në bashkëpunimin me një mekanizëm të jashtëm (outsource). Një qeveri e cila edhe një instalacionin artistik, apo një muze, ua kalon kompanive të huaja, nuk lë vend për dyshime se këtë radhë do të veprohet ndryshe.
Për momentin, ajo ka vetëm një qëllim: miratimin e draftit dhe të ngritjes së infrastrukturës së mbetjeve. Sidoqoftë, kjo e fundit, mund të ishte ngritur edhe me ligjin e vjetër. Por dështuan. Tani s’na mbetet tjetër, veçse, sikurse historia na ka treguar: të shfrytëzojnë dështimin për të mësuar.
Komisioni Qendror i Zgjedhjeve ka miratuar fondin prej 1.6 milionë euro për organizimin e zgjedhjeve të pjesshme lokale që do të mbahen më 9 nëntor në pesë bashki të vendit. Zgjedhjet do të zhvillohen në Vlorë, Tepelenë, Mat, Cërrik dhe Berat, pas pezullimit të procesit në disa bashki për shkak të zhvillimeve të fundit politike […]
Partia Demokratike ka zyrtarizuar kandidatët për zgjedhjet e pjesshme lokale në gjashtë bashki të vendit.
Zgjedhjet e pjesshme lokale do të mbahen më 9 nëntor, duke përjashtuar bashkinë e Tiranës, pasi Gjykata Kushtetuese rrëzoi dekretin e presidentit Begaj pas ankimimit të Erion Velijat për shkarkimin e tij.
Kujtojmë se kandidati për Bashkinë e Tiranës, Florjan Binaj, garon si kandidat i pavarur, por Partia Demokratike dhe partitë e tjera opozitare kanë shpallur mbështetjen e tyre për kandidaturën e tij.
Transporti publik nuk do të jetë më në varësi të bashkive, por nga shtatori i vitit 2026, autobusët bashkë me hapësirën ku do të parkohen dhe biletat të cilat pritet të jenë elektronike do të administrohen nga Ministria e Infrastrukturës, e drejtuar aktualisht nga Belinda Balluku. Këshilli i Ministrave ka miratuar në mbledhjen e të […]
“Kjo kullotë ka qenë jeta jonë. Atje mblidhnim çajin, shupkat, bimët mjekësore. Tani po na e zëne me panele. Ku t’i çojmë bagëtitë, ku ta gjejmë bukën e gojës?!” rrëfen Luljeta Agolli, banore e fshatit Taç në Kolonjë.
Me duar të forta e të lodhura nga bujqësia e blegtoria ndonëse në pension, ajo tregon sesi vendi ku brezi i saj ka mbijetuar për dekada po i kthehet ngadalë një zone industriale, të mbuluar me panele diellore.
Por, historia e Luljetës nuk është e vetme. Në tre bashki të qarkut Korçë – Kolonjë, Devoll dhe së fundmi në Pogradec – banorët po përballen me projekte që synojnë centrale fotovoltaike mbi tokat pyjore dhe kullosore, hapësira që për ta janë burimi i vetëm i jetesës.
Këto zhvillime, që në planin kombëtar përkthehen si investime në energji të gjelbër dhe tranzicion drejt burimeve të rinovueshme (ripërtëritshme), në nivel lokal janë kthyer në kërcënim të drejtpërdrejtë për jetesën, ekonominë familjare, por edhe për mjedisin.
Si u dhanë kullotat për centrale diellore?
Deri në vitin 2024, dhënia e pyjeve dhe kullotave me qira për ndërtimin e centraleve diellore ishte e ndaluar me ligj. Megjithatë, sipas një raporti të organizatës All Green Centre, dhjetëra leje që përfshijnë rreth 900 hektarë tokë u dhanë nga bashkitë Kolonjë e Devoll, në kundërshtim me ligjin, planifikimin e territorit dhe pa u kryer vlerësime të thelluara të ndikimit në mjedis.
Vetëm me ndryshimet e ligjit “Për fondin kullosor”, që hynë në fuqi në dhjetor të vitit 2024, një fjali e shtuar lejonte ndërtimin e projekteve të energjisë së rinovueshme në këtë kategori toke.
Ndryshimet u bënë pas kërkesës së deputetes së Partisë Socialiste, Edona Bilali. Propozimi bazohej te kërkesat e larta që vinin nga biznesi për centrale fotovoltaike.
Për ekspertët, ky ndryshim tregon qartë se veprimet e mëparshme kanë qenë të paligjshme.
“Kur një gjë ndodh dhe ligji ndryshohet më pas, do të thotë që këtu ka diçka që nuk funksionon. Po ndryshojmë një ligj për diçka që kemi bërë gabim, atëherë ky është gabimi i dytë që ndodh”, thotë Kristi Bashmili, ekspert i mjedisit dhe klimës, njëherësh një prej autorëve të raportit.
Makineri duke sheshuar kullotat për central fotovoltaik, Taç, Kolonjë/Erisa Kryeziu.
Për komunitetet rurale, kullotat nuk janë thjesht hapësira natyrore, por garanci për mbijetesë.
Në Taç, banorët tregojnë se përveç bagëtive, uji që buronte pranë kullotave e që përdorej për vaditje dhe për konsum shtëpiak në rast emergjencash, tashmë është tharë. Paralelisht, kantieri i centralit ka bllokuar kalimin për në tokat bujqësore.
“Tani na e mbyllën (shtegun). Kjo ishte e vetmja rrugëdalje e jona: aty shkonim në arat, aty merrnin ujin, me atë ujë vadisnim. E zunë, e mbyllën,” thotë Luljeta.
Edhe në Çërravë të Pogradecit, shqetësimi është i madh. Në këtë fshat, mbi 20 familje jetojnë me blegtori. Ata kanë investuar vite me radhë, madje duke marrë kredi për të ngritur stalla.
“Kam 200 krerë dele. Ku do t’i çoj?! Më mirë të na marrin edhe ne, të na bëjnë sallam bashkë me bagëtinë!” shprehet i indinjuar një blegtor nga Çërrava.
Qarku i Korçës është një nga më të prekurit nga lejet për centrale diellore, ndërsa të dhënat tregojnë se projektet shtrihen në parcela pyjore apo kullosore të fshatrave Starje, Shtikë-Butkë, Prodan, Rehovë, Qinam, Lëngëz, Qafzez apo disa ngastra në Bilisht, ku tashmë bashkitë Kolonjë dhe Devoll kanë shpallur fitues apo kanë nënshkruar kontratat me kompanitë private.
Nga natyrore në industriale, ndikimet mjedisore
Sipas raportit të All Green Centre, ndërtimi i parqeve fotovoltaike në kullota dhe pyje sjell pasoja të shumta në mjedis. Kjo duke nisur nga fragmentimi i habitateve, që ndalon migrimin dhe lëvizjen e kafshëve e deri te ndryshimi i peizazhit, që kthehet nga natyror në industrial.
Gjithashtu, ndikimet shfaqen edhe në klimën lokale, pasi sipërfaqet e mëdha të paneleve rrisin temperaturën e zonës dhe mund të ndryshojnë mikroklimat. Ndikimet janë edhe më negative nën kontekstin e ndryshimeve klimatike.
“[…] ulet përthithja natyrore e ujit në tokë. Në zona të pjerrëta, kjo përkeqëson rrjedhjen sipërfaqësore. Sasia e ujit rrjedh më shpejt mbi sipërfaqe të pjerrëta dhe të zhveshura, duke shkaktuar erozion të tokës, gërryerje të kanaleve natyrore dhe shpëlarje të lëndëve ushqyese të saj,” thuhet ndër të tjera në raport.
“Gjithashtu, vërshimi i ujit, nga zona me panele fotovoltaike, mund të ndikojë rrjedhjen në lumenjtë poshtë zonës, duke rritur rreziqet për përmbytje të shpejta në rast reshjesh itensive,” shtohet më tej.
Zhvillime, pa strategji
Por, teksa ndikimet janë të shumta – si për komunitetet, ashtu edhe për mjedisin – sipas Bashmilit dhënia e këtyre sipërfaqeve për centrale nga bashkitë e Kolonjës dhe Devollit ka një mangësi të theksuar në drejtim të dokumenteve strategjike, që vetë bashkitë kanë miratuar.
“Si strategjitë e zhvillimit të territorit, ashtu edhe Planet e Përgjithshme Vendore nuk janë shprehur qartë mbi hapësira të caktuara ku mund të lejohet ky lloj zhvillimi. Duhet të theksojmë fort që Plani i Përgjithshëm Vendor përcakton zona, të cilat janë natyrore apo zona të cilat janë me përparësi zhvillimin e industrisë,” thotë eksperti.
“Në shumicën e rasteve kemi konvertim të territoreve, qofshin këto pyjore apo kullosore drejt zonave industriale të mbuluara me panele. Kjo sjell atë që është një konsumim i sipërfaqeve natyrore. Nga pikëpamja rregullatore, nuk kanë një bazë strategjike dhe të planeve sesi do zhvillohen më tej,” shton ai.
Paralelisht, ligji shqiptar kërkon që çdo projekt i tillë t’i nënshtrohet Vlerësimit të Ndikimit në Mjedis (VNM). Por sipas monitorimeve të All Green Centre, në shumicën e rasteve, ky dokument është thjesht formalitet.
Makineri duke sheshuar kullotat për central fotovoltaik, Taç, Kolonjë/Erisa Kryeziu.
“VNM-të nuk pasqyrojnë asnjë ndryshim real në projekt, edhe kur evidentohen pasoja të qarta. Ato shërbejnë vetëm për të legjitimuar procesin, jo për ta korrigjuar,” thotë Bashmili.
Gjithashtu, pjesëmarrja e publikut, një element i detyrueshëm me ligj, thuajse mungon.
Në Taç banorët thonë se mësuan për projektin vetëm kur mbërritën buldozerët e kompanisë private, ndërsa ata në Çërravë tregojnë se u ftuan në një dëgjesë publike vetëm disa ditë para se Këshilli Bashkiak ta fuste në rendin e ditës projektin. Për ta, procesi ishte formal dhe pa asnjë peshë.
Arbër Male, anëtar i pavarur i Këshillit Bashkiak Pogradec, e konfirmoi këtë pretendim.
“Konsultimi ishte farsë. Vetëm dy ditë më pas u fut në rend dite. Nuk mundet që të jemi kaq të pandjeshëm ndaj këtyre banorëve, të cilët zhvillojnë ekonominë e tyre, mbajnë familjet e tyre. Me këtë iniciativë i bie t’iu thuhet: ikni sepse këtu nuk keni të ardhme,” thotë Male.
“I bëj thirrje edhe njëherë kryetarit të bashkisë ta anulojë këtë veprimtari, pasi biznese anonime dhe të errëta kanë marrë përsipër të zhvillojnë ekonominë e tyre personale në kurriz të banorëve të Çëravës,” shtoi ai.
Në të njëjtën linjë është edhe Bashmili.
“Ndërtimi i centraleve ka ndikim, jo pak të vogël në shërbimet e ekosistemit, që këto sipërfaqe toke ofrojnë për banorët lokalë. Është shumë e rëndësishme ta theksojmë sepse komunitetet lokale shpesh herë varin gjithë ekonominë e tyre në këto shërbime,” thotë ai.
Sipas tij, zgjidhja nuk është ndalimi i energjisë diellore, por planifikimi i kujdesshëm.
“Bashkitë duhet të përditësojnë planet e tyre territoriale dhe të përcaktojnë qartë zonat ku lejohet ndërtimi i centraleve, nuk duhet të preken kullotat tradicionale dhe zonat pyjore që përdoren nga komuniteti, ndërsa VNM-të duhet të bëhen me studime të thelluara, jo si formalitet,” shprehet eksperti.
“Është e rëndësishme që të hedhim sytë nga ato që quhen zgjidhje të vendimmarrjes,” përfundon ai.
Kryeministri Edi Rama u pyet në emisionin Opinion për angazhimin e tij në disa bashki të vendit, ku janë shkarkuar drejtorë dhe punonjës të administratës lokale. Rama tha se kryetarët e bashkive, edhe pse të zgjedhur nga qytetarët, janë të PS dhe për këtë arsye është detyrë e tij t’u tregojë nëse nuk po bëjnë […]
Nga Sebi Alla Me një ton sfidues dhe denoncues, kryeministri Edi Rama pranoi se vendi ka probleme me furnizimin me ujë, duke gjetur si “shpëtim” krijimin e një strukture të re të quajtur “Operatori i Ujit”, një institucion i ri për menaxhimin e të gjitha burimeve ujore në vend. “Fragmentimi në emër të decentralizimit i […]
Në gjysmën e parë të vitit borxhet e mbartura të bashkive kundrejt kompanive që kryejnë punë publike por edhe qytetarëve regjistrohen në vlerën e 3.6 miliardë lekëve apo 36 milionë eurove. Sipas të dhënave zyrtare të Ministrisë së Financave, ajo që vihet re është se ka një tendencë të reduktimit të detyrimeve të prapambetura të […]
Login
