Fitimet e investitorëve të huaj në Shqipëri janë në rënie gjatë vitit 2025, pas katër vitesh radhazi në rritje. Të dhënat e Bankës së Shqipërisë tregojnë se për tremujorin e tretë të vitit 2025, të ardhurat e investitorëve të huaj kishin vlerën e 253 milionë eurove, në rënie me 9% krahasuar me të njëjtën periudhë të një viti më parë.

Shuma e të ardhurave nga investimi përfaqëson fitimet e shpërndara ose të riinvestuara të investitorëve të huaj në vendin tonë.

Për të gjithë 9-mujorin 2025, ato arritën vlerën e 802 milionë eurove, në rënie me 3.6% krahasuar me të njëjtën periudhë të një viti më parë.

Kjo është hera e parë që prej vitit 2020 që fitimet nga investimet e huaja në Shqipëri janë në rënie. Në vitet e fundit, rritja e fitimeve është mbështetur nga rimëkëmbja e shpejtë ekonomike pas pandemisë dhe nga rritja e vazhdueshme e investimeve të reja.

Megjithatë, pjesërisht ajo është ndikuar edhe nga ecuria e kursit të këmbimit. Forcimi i Lekut në kursin e këmbimit me Euron nga ndikuar pozitivisht të ardhurat e investitorëve të huaj, të shprehura në monedhën europiane. Gjatë 2025, ecuria e kursit të këmbimit Euro-Lek është më e stabilizuar, me një ndryshim vjetor pranë nivelit të 2%, gjithmonë në kahun rënës. Stabilizimi i kursit po e redukton efektin e tij statistikor në ecurinë e të ardhurave nga investimet për investitorët e huaj në Shqipëri.

Në kahun e kundërt, edhe flukset hyrëse të të ardhurave nga investimet (të ardhurat e ekonomisë shqiptare nga investimet jashtë vendit) për 9-mujorin 2025 ranë në 228 milionë euro, 2.6% më pak krahasuar me të njëjtën periudhë të një viti më parë.

Bilanci neto i të ardhurave nga investimet për ekonominë shqiptare ngelet gjerësisht negativ, në vlerën e 575 milionë eurove. Megjithatë, deficiti në këtë zë u tkurr lehtë me 3.8% krahasuar me të njëjtën periudhë të vitit të kaluar.

Investimet e huaja në Shqipëri janë shumë më të mëdha se investimet shqiptare jashtë vendit dhe për këtë arsye bilanci neto i të ardhurave nga investimet ka qenë historikisht negativ.

Të dhënat progresive tregojnë se, edhe për vitin 2025, investimet e huaja direkte vazhdojnë të regjistrojnë nivelet më të larta historike. Për 9-mujorin, vlera e investimeve të huaja direkte arriti në 1.208 miliardë euro, shifër kjo 4.4% më e lartë krahasuar me të njëjtën periudhë të një viti më parë.

Fitimet e riinvestuara në vitet e fundit kanë marrë peshë gjithnjë e më të rëndësishme në strukturën e investimeve të huaja direkte. Për 9-mujorin 2025, vlera e fitimeve të riinvestuara nga ndërmarrjet e huaja arriti në 632 milionë euro, 0.6% më shumë krahasuar me të njëjtën periudhë të vitit të kaluar. Fitimet e riinvestuara përbënin 52% të vlerës totale të investimeve të huaja direkte për 9-mujorin 2025./ E.Shehu

Burimi: BSH

The post Fitimet e investitorëve të huaj po ulen për herë të parë në pesë vjet appeared first on Revista Monitor.

Kandidati për deputet nga Lidhja Demokratike e Kosovës (LDK), Berat Rukiqi, ka kritikuar ashpër qeverisjen e kryeministrit Albin Kurti, duke e akuzuar për dështim në menaxhimin e ekonomisë dhe përkeqësim të kushteve jetësore në vend.

Në një reagim publik, Rukiqi tha se Kosova ka nevojë urgjente për investime, ndërsa, sipas tij, qeveria po krenohet me uljen e borxhit publik, pavarësisht rritjes së ndjeshme të çmimeve dhe varësisë së shtuar nga importet.

Ai theksoi se çmimet mesatare në vend janë rritur rreth 30 për qind, ndërsa çmimet e ushqimeve mbi 50 për qind.

Sipas Rukiqit, deficiti tregtar është rritur nga rreth 2 miliardë euro në mbi 5 miliardë euro, çka, siç u shpreh ai, nënkupton dalje të rreth 5 miliardë eurove nga Kosova çdo vit.

Rukiqi kritikoi edhe sektorin e energjisë, duke deklaruar se faturat e rrymës janë katërfishuar dhe se vendi është kthyer në peng të importeve të energjisë. Ai shtoi se, sipas tij, nuk është ndërtuar asnjë megavat i ri energjetik gjatë kësaj qeverisjeje.

Tutje, ai tha se ndërkohë që qeveria flet për qëndrime të forta politike, sistemi shëndetësor përballet me mungesa elementare, përfshirë edhe materiale bazike për operacione.

“Pa asnjë ndjenjë përgjegjësie, kryeministri flet për ekonomi dhe zhvillim, ndonëse nuk e njeh as bazën e ekonomisë”, ka deklaruar Rukiqi.

Nevojat për kapacitete të reja energjetike pritet të plotësohen me investime shtesë që në dy vitet e ardhshme pritet të jetë të vrullshme ose të paktën kështu e parashikon program i reformave ekonomike 2026-2028.

Drafti i nxjerrë për konsultim nënvizon se janë të paktën 600 MW kapacitete të instaluara që parashikohet të plotësohen nga investimet private duke u afruar në vlerën rreth 1 miliardë eurove.

Kështu sipas dokumentit ankandet e zhvilluara për projektet e energjisë ishin hallka e parë për kapacitetin e burimeve të rinovueshme  dhe zhvillimin e tregut.

“Plani i ankandit bazuar në sasi për burimet e ripërtëritshme tregon vëmendje të kujdesshme ndaj kapacitetit të përthithjes së tregut dhe sfidave të integrimit të sistemit. Shtimi i planifikuar prej të paktën 600 MW kapacitet të ri të ripërtëritshëm është kalibruar për t’u përputhur me zhvillimin e rrjetit dhe pjekurinë e tregut.

Ndikimi ekonomik i kësaj reforme për periudhën afatmesme përqendrohet kryesisht në nevojat për investime për të gjeneruar kapacitetet e synuara (600 MW). Për të arritur këtë objektiv të investimeve shtesë në kapacitetet e gjenerimit të energjisë diellore dhe të erës, nevojiten investime private prej rreth 914 milionë euro” thuhet në program.

I njëjti nënvizon se vlerësimet e investimeve gjenerohen duke përdorur kostot e Agjencisë Ndërkombëtare të Energjisë së Rinovueshme (IRENA) për investimet në energjinë e rinovueshme.

“Ky investim shtesë është planifikuar të ndodhë në vitet 2026 dhe 2027 dhe është futur si një shok i jashtëm në skenarin bazë makroekonomik” thuhet në program.

Programi prek gjithashtu reformën e tarifave duke nënvizuar nevojën për balancimin mes nevojës së tregut dhe mbrojtjes sociale. “Masat kundër varfërisë energjetike shkojnë përtej subvencioneve të thjeshta për të përfshirë përmirësimet e eficiencës energjetike dhe mbështetjen e zgjidhjeve të burimeve të ripërtëritshme të shpërndara.

Kjo qasje gjithëpërfshirëse synon trajtimin e shkaqeve rrënjësore të varfërisë energjetike duke mbështetur njëkohësisht objektivat e gjerë të tranzicionit energjetik. Programi përfshin mbështetje të synuar për rinovime ndërtesash, pajisje efiçente dhe instalime të vogla të burimeve të ripërtëritshme për ekonomitë familjare vulnerabël”, sqaron në mënyrë më të detajuar dokumenti i qeverisë i nxjerrë për konsultim.

The post Programi i reformave: Nevojiten 914 mln euro investime private në energji, priten në 2026-2027 appeared first on Revista Monitor.

TIRANË, 13 dhjetor/ATSH/ Tregu i Sipërmarrjeve të Investimeve Kolektive ka vijuar zgjerimin edhe gjatë vitit 2025, duke reflektuar rritje të aseteve, numrit të investitorëve dhe vlerës së investimeve, sipas të dhënave të publikuara nga Autoriteti i Mbikëqyrjes Financiare.

Analiza e tregut tregon se vlera neto e aseteve u rrit ndjeshëm, duke arritur rreth 68.13 miliardë lekë, ose rreth 704 milionë euro. Krahasuar me fundin e vitit 2024, kjo përfaqëson një rritje prej rreth 6.77 miliardë lekësh, ose 11,03%.

Në të njëjtën periudhë është zgjeruar edhe baza e investitorëve. Numri i tyre arriti në 41,686, me një rritje prej 10,32% krahasuar me 31 dhjetorin 2024, çka tregon interes në rritje të publikut për investimet kolektive.

Fondeve të investimit me pjesëmarrje të hapur dhe ofertë publike u përkasin asetet më të mëdha të tregut, me një vlerë neto prej rreth 62 miliardë lekësh, ose 640 milionë euro, duke shënuar një rritje prej 11,69% në raport me fundin e vitit të kaluar.

Në fund të tremujorit të tretë të vitit, më 30 shtator 2025, në tregun SIK operonin 6 shoqëri administruese të licencuara nga AMF, nga të cilat 4 me kapital vendas dhe 2 me kapital të huaj. Numri i fondeve të investimit arriti në 16, ku 4 prej tyre janë fonde investimi alternative.

Struktura e investimeve vijon të dominohet nga titujt qeveritarë, bono thesari dhe obligacione, të cilat përbëjnë 81,21% të totalit të investimeve. Ndërkohë, 6,24% e portofolit është e orientuar drejt tregjeve financiare ndërkombëtare.

Sipas AMF-së, këto zhvillime konfirmojnë stabilitetin dhe rritjen graduale të tregut të Sipërmarrjeve të Investimeve Kolektive, duke e konsoliduar atë si një alternativë gjithnjë e më të rëndësishme investimi në tregun financiar shqiptar. /j.p/

1 nga 3

The post Tregu i investimeve kolektive zgjeron asetet në 68,1 miliardë lekë appeared first on Agjencia Telegrafike Shqiptare.

Bashkia e Tiranës lidhi së fundmi kontratën për një investim që synon të ndërhyjë në rrugën që lidh rrugën Dajti me rrugën Myslym Qefalia Shish Tufinë (Rrugët Hasan Lici, Sefer Lika)”.

Vlera e kontratës është rreth 98 milionë lekë apo rreth 1 milionë euro dhe parashikon të ndërhyjë në një segment me gjatësi rreth 2.5 kilometra. Në dokumentet që shoqërojnë procedurën nënvizohet se ndërhyrja është e nevojshme në kushtet kur ka një sërë aspektesh që mungojnë duke nisur nga trotuaret në pothuajse të gjithë gjatësinë.

“Pas azhornimit në terren dhe rilevimit topografik do te përshkruajmë gjendjen ekzistuese: Ky segment ka një gjatësi prej 2500ml. Gjerësia e rrugës varion nga 2.5-7m dhe kufizohet nga te dyja anët me rrethime me mur ose gardh dhe ne disa segmente ka disa skarpata me pjerrësi te mëdha. Shtresa e çakallit është e dëmtuar dhe gjate kohës me shi krijohen gropa ne rruge te cilat e bëjnë te vështirë kalimin.

Ky segment lidh rrugën Dajti me rrugën Myslym Qefalia, Shish Tufinë (Rrugët Hasan Lici, Sefer Lika)”, në Njësinë Administrative Dajt. – Nuk kishte kanalizime te ujerave te bardha dhe te zeza. -Ndriçim nuk kishte. -Kishte linje ujësjellësi. Janë matur pusetat ne trup te rrugës. -Mungonin hapësirat e gjelbra dhe trotuaret për kalimin e këmbësoreve. -Nuk kishte parking dhe as pika VGM. Gjate matjeve ne terren u ve re se mungonte thuajse e gjithë infrastruktura e nevojshme. Nga ana jone është bere kërkesa për azhornime e te gjitha rrjeteve, te cilat do te merren parasysh gjate fazës se projektimit” thuhet në dokumentet e procedurës.

Ndërhyrja parashikohet që të kryhet brenda 7 muajsh nga lidhja e kontratës. Projekti sipas Bashkisë është pjesë e Planit të Përgjithshëm Vendor që thekson nevojën për rizhvillimin e zonës. “Ndërhyrja në këtë zonë me përmirësim të infrastrukturës rrugore synon në një përqasje të integruar të zhvillimit social, kulturor, ekonomik, përmirësimin e cilësisë së jetës së studenteve por edhe qytetarëve, si dhe mbrojtjes së ambientit” thuhet në dokument./ N.Maho

The post Rrugët në Tiranë, lidhet kontrata, rreth 1 mln euro për lidhjen e Dajtit me rrugën “Myslym Qefalia” appeared first on Revista Monitor.

The Economist Për Edi Ramën, këto janë kohët më të mira dhe më të këqija, por kryesisht më të mirat. Në maj, kryeministri i Shqipërisë u zgjodh për mandatin e tij të katërt radhazi. Lufta në Ukrainë ka përshpejtuar përpjekjen prej vitesh të ngrirë të Shqipërisë për t’iu bashkuar Bashkimit Europian, së bashku me ato të […]

The post Qeveria e zhytur në korrupsion/ The Economist: Rama po tenton të joshë BE-në! appeared first on BoldNews.al.

Një shteg turistik prej 3 kilometrash në zonë e Dumresë synon të lidhë disa zona pranë liqeneve në funksion të lehtësimit të aksesit për vizitorët.

Projekti i Bashkisë Belsh me një vlerë 160 mijë euro parashikon të paktën tre zona të cilat do të lidhen përmes tij.

“Ky projekt ka për qëllim ndërtimin e një shtegu turistik me gjatësi totale 3 kilometra, që do të shërbejë si rrugë lidhëse midis zonave turistike “Eco Park”, “Liqeni i Degës” dhe “Liqeni i Paraskës”.

Shtegu do të ketë një gjerësi prej 3 metrash dhe është konceptuar për përdorim të përbashkët nga këmbësorë, biçikleta dhe mjete të vogla të mirëmbajtjes” thuhet në raportin teknik të projektit.

Sipas të njëjtit dokument ndërtimi i shtegut do të lehtësojë aksesin që aktualisht mbetet e kufizuar në zonën e Dumresë nga më interesantet në vend edhe si rrjedhojë e liqeneve karstike të saj. Viteve të fundit zona është orientuar ndër të tjera edhe në investime të sektorit të turizmit duke shfrytëzuar bukuritë natyrore që ofron.

“Dumreja është e njohur për peizazhin e saj të veçantë natyror, të ndërtuar nga një seri liqenesh karstike të shpërndara në gjithë territorin, të cilat përbëjnë një aset të rëndësishëm për zhvillimin e turizmit natyror dhe ekologjik.

Rruga turistike e planifikuar lidh tre pika me interes të lartë rekreativ – Eco Park, Liqenin e Degës dhe Liqenin e Paraskës – duke kaluar nëpër një terren me bimësi të ulët, toka bujqësore e pyjore dhe zona me pjerrësi të moderuar.

Aksesueshmëria ekzistuese është e kufizuar, ndaj ndërtimi i këtij shtegu synon përmirësimin e ndjeshëm të lidhjes midis këtyre zonave natyrore, duke krijuar një itinerar të qëndrueshëm dhe të përshtatshëm për vizitorë e banorë vendas” nënvizon dokumenti.

Projekti parashikon gjithashtu vendosjen e sinjalistikës orientuese e informuese për turistët dhe vizitorët, si dhe rehabilitimin e anësive të rrugës me elementë natyrorë dekorativë.

The post Shteg turistik në Dumre, projekti 3 kilometra lidh zonat pranë liqeneve appeared first on Revista Monitor.

Investimet e huaja me ndikim në  sektore  strategjike do të kalojnë në një filtër të vecantë kontrollesh. Projektligji është hedhur për konsultim dhe parashikon që të kalojnë në lupë investime të huaja direkte në sektorë të ndjeshëm që lidhen me infrastrukturën, asetet, mallrat ose shërbimet që janë thelbësore në sektorët e energjisë, transportit, shëndetësisë.Po ashtu edhe një nënkategori tjetër e cila është vlerësuar si Investime të huaja direkte në sektorë veçanërisht të ndjeshëm dhe aktiviteti i ndërmarrjes lidhet me infrastrukturat, asetet, teknologjitë, mallrat ose shërbimet, duke përfshirë shërbimet e kërkimit dhe zhvillimit.

Kjo masë ëshët marë pasi Çështjet e lidhura me sigurinë kombëtare dhe rendin publik kanë evoluar përgjatë viteve dhe aktualisht po i kushtohet një vëmendje gjithnjë e në rritje kërcënimeve hibride, si sulmet kibernetike, fushatat e dezinformimit apo rrjedhjet e të dhënave personale, të cilat shihen si mjete për cënimin e sigurisë kombëtare apo rendit publik të një vendi. Gjithashtu, sektorët kritikë të medias dhe informacionit sensitiv ndikojnë drejtpërdrejt transparencën dhe demokracinë e vendit.

Kontrolli  dhe hetimi i  investimeve të huaja do të realizohet nga  Komiteti Ndërministror për Shqyrtimin e Investimeve të Huaja Direkte, i kryesuar nga Ministri i Ekonomisë dhe ku marrin pjesë përfaqësues nga financat, infrastruktura dhe energjia, mbrojtja, rendi, diplomacia, drejtësia, Agjencia e Inteligjencës, AKSHI, Agjencia Kombëtare e Falimentimit, si dhe institucione të tjera sipas rastit.

Në rats të mos zbatimit të rregullave apo mos dhënies së informacionit parashikohen edhe një sërë masash administratavite. Për të gjitha ato subjekte që nuk zbatojnë ligjin parashikohet vendosja e gjobave që varion nga 5 -10 mijë euro në rast të mosdorëzimit të informacionit të kërkuar, ndërsa për paraqitje të qëllimshme të informacionit të rremë, parashikohet gjobë 50 mijë euro./abcnews.al

Kryeministri Edi Rama deklaroi se sfida më e madhe e vendit gjatë verës mbeten zjarret, duke theksuar nevojën për rritje të financimeve dhe kapaciteteve në sektorin e pyjeve. Për dëmet e mëdha të shkaktuara nga flakët ai u justifikua se askush “nuk i ka gjetur ilaçin zjarreve”, dhe sipas tij, vendi duhet të forcojë sistemet […]

The post Zjarret shkrumbojnë Shqipërinë çdo verë, Rama përrallis sërish: Do rrisim financimet appeared first on BoldNews.al.

Fondi Shqiptar i Zhvillimit do të ndërhyrje në dy destinacione të ndryshme përmes dy procedurave të prokurimit të hapura këtë të enjte në faqen e Agjencisë së Prokurimit Publik ku fondi total llogaritet në 874 milionë lekë apo rreth 8.8 milionë euro.

Konkretisht bëhet fjalë për kontratën me objekt “Investime për infrastrukturën e tregjeve, hapësirave tregtare, multifunksionale, rrugë tregtare në zona model zhvillimi, etj. Faza III Rajonet 1 & 2: Ndërhyrje për rritjen e ofertës turistike dhe për përmirësimin funksional dhe estetik të bregdetit, Bashkia e Durrësit” me fond limit 540 milionë lekë, apo 5.5 milionë euro.

Kontrata e dytë është ajo me objekt “Investime për Infrastrukturën e tregjeve, hapësirave tregtare, multifunksionale, rruge tregtare në zona model zhvillimi, etj. Faza II: Tregu Milot” me fond limit 330 milionë lekë apo 3.3 milionë euro.

Ndërhyrja në Durrës

FSHZH parashikon të ndërhyjë në Durrës që përfshin rivelimin e një sipërfaqeje rreth 544 mijë m2, e cila përfshin zonën nga porti i Durrësit deri tek Kavalishenca.

“Ky projekt ka për qëllim të transformojë zonën bregdetare të qytetit të Durrësit në një destinacion bashkëkohor turistik, rekreativ dhe urban, përmes ndërhyrjeve arkitekturore dhe urbane të planifikuara me kujdes.

Ai përfshin zgjerimin e plazhit ekzistues, krijimin e një parku linear të gjelbër përgjatë vijës bregdetare, zhvillimin e hapësirave publike shumë funksionale dhe integrimin e infrastrukturave të reja rekreative dhe sportive.

Gjatësia e zonës së ndërhyrjes është rreth 2.8 km, me një zgjerim të vijës bregdetare deri në 100 metra drejt detit, duke krijuar hapësira të reja publike për banorët dhe vizitorë”, thuhet në dokument.

Ndërhyrja në Milot

Ndërhyrja në Milot parashikon ndryshimin e atij që sot është tregu aktual i Milotit. Sipas dokumenteve ky treg ka një histori të gjatë, i cili sipas edhe tregtarëve është mbi 200-vjeçar si treg i cili u shërben tregtarëve dhe blerësve çdo të dielë.

“Ai shtrihet përgjatë rrugës “Gjergj Kastrioti Skënderbeu”, në një pozitë shumë të favorshme gjeografike dhe strategjike, ku ngjitur ka Rrugën e “Kombit”, lumin Mat, hekurudhën si dhe qytezën e Milotit me rrethinat përreth, pikë shumë kyçe për gjithë tregtarët e gjithë veriut dhe jo vetëm. Gjendja e tregut aktual është e mjerueshme” thuhet në raportin teknik të projektit.

Ndërhyrjet e propozuara në këtë projekt përfshijnë pesë zona kryesore, të cilat do të trajtohen gjatë fazës së parë, si dhe një zonë shtesë, e cila do të realizohet në një fazë të dytë. Përveç këtyre zonave, projekti përfshin edhe ndërhyrjen në rrugë, si boshti kryesor i qarkullimit dhe organizimit të hapësirës.

Për ta përmbledhur, projekti përfshin disa zona funksionale të tregut, secila me karakteristikat dhe rolin e saj specifik:

· Zonat e parkimit dhe magazinimit (Zona 1 dhe 2),

· Kompleksi i shërbimeve (Zona 3),

· Hapësira rekreative (Zona 4),

· Tregu i gjësë së gjallë dhe thertorja (Zona 5),

· Rruga dhe tregu industrial, dhe

· Kapanonet e stacionit të trenit.

The post Përmirësimi estetik i bregdetit të Durrësit dhe tregu i Milotit, FSHZH tender 8.8 milionë euro appeared first on Revista Monitor.

TIRANË, 1 dhjetor /ATSH/ Në 116-vjetorin e hapjes së Normales së Parë në Elbasan, një nga institucionet më të rëndësishme në historinë e arsimit shqiptar, Bashkia e Elbasanit nderoi traditën arsimore të qytetit dhe vizionin për të ndërtuar një të ardhme më cilësore për nxënësit dhe të rinjtë.

Kryetari i Bashkisë së Elbasanit, Gledian Llatja, u shpreh se “arsimi është themeli mbi të cilin është ndërtuar qyteti ynë dhe ku projektohet e ardhmja jonë e përbashkët nga tradita tek vizioni ku duam të shkojmë”. Sipas tij, investimet që po kryhen në infrastrukturën shkollore synojnë krijimin e një rrjeti institucionesh moderne, të sigurta dhe frymëzuese.

“Arsimi është themeli i së ardhmes sonë. Me investimet që po ndërmarrim duam të shkojmë nga tradita drejt vizionit tonë për shkolla të sigurta, moderne dhe frymëzuese për fëmijët tanë. Mbi 600 nxënës në Elbasan mësojnë sot në ambiente të reja shkollore, me hapësira bashkëkohore sportive dhe fusha të rindërtuara” deklaroi Llatja.

Ai theksoi se vitet e fundit janë rikonstruktuar një sërë shkollash të rëndësishme në qytet. Në bashkëpunim me Ministrinë e Arsimit, Bashkia e Elbasanit ka realizuar ndërhyrje të thella për t’i sjellë shkollat në standardet e institucioneve moderne evropiane.

Në listën e shkollave të rikonstruktuara përfshihen: “Onufri”, “Fadil Gurmani”, “Jorgji Dilo”, “Europa”, “Abdyl Paralloi”, “Ptoleme Xhuvani”, “Luigj Gurakuqi”, “Mengel”, “Jonuz Carshiu”, “Kostandin Kristoforidhi” dhe disa të tjera, të cilat tashmë ofrojnë klasa të ngrohta, laboratorë teknologjikë, ambiente të përmirësuara mësimore dhe terrene sportive të hapura për komunitetin.

Llatja bëri të ditur se investimet do të vijojnë edhe gjatë vitit të ardhshëm.

“Brenda vitit 2026, shkollat ‘Dhaskal Todri’, ‘Naim Frashëri’, ‘Fejzulla Guranjaku’ dhe shkolla e Shushicës do të jenë të rikonstruktuara sipas standardeve më të larta. Do të vazhdojmë me të njëjtin ritëm në të gjitha shkollat e Bashkisë Elbasan, duke investuar në hapësira sportive, laboratorë teknologjikë dhe programe që rrisin aftësitë e fëmijëve” theksoi ai.

Kryetari Llatja u shpreh se përmirësimi i cilësisë së arsimit është angazhim afatgjatë dhe premtim për brezat që rriten në këto klasa.

“Sepse të investosh në arsim do të thotë të investosh në të ardhmen e fëmijëve tanë të Elbasanit dhe të Shqipërisë” përfundoi ai.

/e.xh/a.f/

The post Llatja: Mbi 600 nxënës në Elbasan mësojnë në ambiente të reja me kushte bashkëkohore appeared first on Agjencia Telegrafike Shqiptare.

Politikat e zhvillimit kanë ndikuar në krijimin e një zhvillimi të pabarabartë rajonal. Në disa qarqe, ku investimet publike janë rritur më shumë, edhe ekonomia është rritur më fort se në të tjerat.

Të dhënat zyrtare të INSTAT për vitin 2023 tregojnë se Qarku i Vlorës kishte rritjen më të fortë të PBB-së, me 5.2% në krahasim me vitin 2022, duke kryesuar ndaj 11 qarqeve të tjera. Në të kundërt, Qarku i Shkodrës kishte rritjen më të dobët, vetëm 1.3%, ose rreth një të katërtën e rritjes prej 4% në rang kombëtar.

Ndër qarqet me rritjen më të lartë ekonomike pas Vlorës ishin Tirana dhe Durrësi, përkatësisht me 4.7% dhe 4.1%, të ndjekura nga Lezha dhe Korça. Në anën tjetër, qarqet e veriut, Shkodra (1.3%) dhe Dibra (2.1%), të ndjekura nga Elbasani (2.6%), Berati (2.7%) dhe Kukësi (2.8%), janë rritur nën mesataren kombëtare.

Harta e rritjes ekonomike rajonale tregon se qarqet me rritjen më të fortë kanë zhvilluar turizmin ose kanë përfituar nga projekte të mëdha të infrastrukturës publike.

Vitet e fundit, qeveria ka veçuar Vlorën si një qark ku investimet publike janë shumë më të larta se në të tjerat. Një bypass i ri në Vlorë u ndërtua nga e para, rruga e Lumit të Vlorës, Tuneli i Llogorasë, që kanë nxitur bumin e ndërtimit të fshatrave turistike dhe aeroporti i ri  është drejt përfundimit.

Në të kundërt, Shkodra, që në vijë ajrore është shumë afër me qendrën e vendit dhe e pasur me burime natyrore e turistike, po dobësohet në të gjithë treguesit demografikë dhe ekonomikë.

Krahasuar me rajonet e tjera të veriut, performanca e Shkodrës është dukshëm më e dobët. Durrësi ka pasur një rritje prej 4.02%, Lezha 3.67% dhe Kukësi 2.76%. Në të njëjtën kohë, Dibra ka pasur një rritje më të ngadaltë prej 2.13%, por megjithatë më të lartë se ajo e Shkodrës.

Ritmi i ulët i zgjerimit ekonomik në Shkodër tregon se, ndonëse rajoni verior në tërësi u rrit me 3.05% në vitin 2023, ka mbetur pas mesatares së rajonit dhe ndjeshëm poshtë mesatares kombëtare.

Ekonomia e qarkut mbetet e përqendruar kryesisht në sektorë tradicionalë, si bujqësia, tregtia me pakicë dhe shërbimet bazike, të cilët kanë produktivitet më të ulët dhe janë më pak të lidhur me dinamikën e tregjeve kombëtare dhe ndërkombëtare.

Mungesa e diversifikimit ekonomik dhe e investimeve të mëdha private e publike e ka bërë Shkodrën të ketë më pak rritje.

Turizmi, ndonëse ka potencial të madh, nuk ka arritur ende të krijojë ndikim të qëndrueshëm në rritjen ekonomike.

Infrastruktura e transportit, lidhjet e kufizuara rrugore me zonat e tjera ekonomike të vendit dhe mungesa e investimeve në logjistikë kanë kufizuar flukset tregtare dhe turistike të Shkodrës.

Një tjetër faktor është emigracioni i vazhdueshëm, sidomos i të rinjve dhe i forcës së kualifikuar të punës, që ka tkurrur bazën aktive ekonomike dhe ka vështirësuar zhvillimin e bizneseve në zonë./ B.Hoxha

Burimi. INSTAT

The post Investimet thellojnë pabarazitë, Vlora rritje 5.2%, Shkodra vetëm +1.3% më 2023 appeared first on Revista Monitor.

TIRANË, 1 dhjetor/ATSH/ Operatori i Sistemit të Shpërndarjes ka dorëzuar pranë Entit Rregullator të Energjisë planin 5-vjeçar të investimeve 2023–2027, me një vlerë totale mbi 48 miliardë lekë. Nga këto, 42,4 miliardë lekë janë fonde të OSSH-së, ndërsa rreth 6 miliardë lekë sigurohen nga projekte me kapital të huaj, të mbështetura nga KfW, BERZH dhe Kooperacioni Italian.

Plani, synon rritjen e sigurisë së furnizimit, uljen e humbjeve dhe modernizimin e infrastrukturës në të gjithë vendin. Investimet e vetë kompanisë janë rreth 50% më të larta se plani i mëparshëm.

Sipas relacionit, një pjesë e konsiderueshme e investimeve do të shkojë për fuqizimin e nënstacioneve ekzistuese dhe ndërtimin e nënstacioneve të reja, zgjerimin e rrjetit 35 kV, rikonstruksionin e rrjetit 20 kV si dhe kalimin gradual nga rrjetet 10 kV dhe 6 kV në standardin 20 kV, për të rritur sigurinë dhe cilësinë e furnizimit. Po ashtu, parashikohen investime në rrjetet e tensionit të mesëm dhe të ulët, ndërtimi i kabinave të reja dhe rikonstruksioni i atyre ekzistuese.

Komponent i rëndësishëm i planit është modernizimi teknologjik dhe përmirësimi i sistemit të matjes, përmes pajisjeve të reja që rrisin saktësinë, sigurinë dhe reduktojnë humbjet komerciale.

Investimet me kapital të huaj përfshijnë zgjerimin e sistemit SCADA, rikonstruksionin e nënstacioneve 110 kV në rajonin Tiranë–Durrës dhe ndërtimin e nënstacionit të Kamzës.

OSSH vlerëson se plani 2023–2027 është strategjik për rritjen e sigurisë së furnizimit, digjitalizimin e rrjetit dhe përgatitjen e sektorit të shpërndarjes për integrim të mëtejshëm në tregjet rajonale të energjisë. /j.p/

The post OSSH plan pesëvjeçar investimesh, siguri furnizimi dhe ulje e humbjeve në rrjet appeared first on Agjencia Telegrafike Shqiptare.

“Më mirë të dish sesa të kesh” konfirmohet plotësisht në mënyrën se si qeveria shqiptare zbaton buxhetin publik.

Cikli i mbarë tek të ardhurat buxhetore nuk po shfrytëzohet me maturi në anën e shpenzimeve. Efikasiteti i dobët i shpenzimeve publike, mosrealizimi i objektivave siç janë planifikuar dhe përdorimi i buxhetit në fund të vitit ul edhe më tej efikasitetin, të konfirmuar edhe nga Kontrolli i Lartë i Shtetit.

Në fund të muajit tetor, suficiti buxhetor arriti në mbi 49 miliardë lekë ose 500 milionë euro, sipas të dhënave zyrtare nga Ministria e Financave. Kjo shumë ishte 73 për qind më e lartë se plani i suficitit në këtë periudhë prej 28 miliardë lekësh. Akumulimi i suficitit gjithashtu po shoqërohet me marrjen e borxhit të ri, edhe pse rreth 2 miliardë euro nga kreditë e nënshkruara nuk janë disbursuar.

Të dhënat tregojnë se ky suficit vjen kryesisht nga mosrealizimi i shpenzimeve, si në këtë rast me rreth 22 miliardë lekë, ku shumica e fondeve janë mosrealizim nga investimet kapitale dhe shpenzimet operative.

Buxheti është efektiv kur fondet që janë planifikuar përdoren ashtu siç është parashikuar për të ndikuar në ekonomi, për të përmirësuar shërbimet dhe objektivat e qeverisë. Akumulimi i likuiditeteve lajmëron pasoja edhe për ekonominë e gjerë, sepse shpenzimet publike, sidomos ato të investimeve, kanë rol të rëndësishëm në nxitjen e aktivitetit ekonomik.

Praktikat e viteve të kaluara kanë treguar se i gjithë suficiti i akumuluar gjatë vitit bashkë me deficitin e planifikuar prej 60 miliardë lekësh, që përbëjnë një shumë prej 108 miliardë lekësh rreth 1.1 miliardë euro, përdoren në dhjetor.

Përdorimi i buxhetit në dhjetor shoqërohet me mungesë transparence dhe financimin e qindra projekteve pas afateve të përcaktuara në ligjin organik të buxhetit.

Sipas raportit të Kontrollit të Lartë të Shtetit (KLSH) mbi zbatimin e buxhetit 2024, likuiditetet totale janë luhatur nga 40 deri në 137 miliardë lekë dhe u karakterizuan nga një administrim i dobët.

Sipas KLSH, dhjetori është shndërruar në muajin ku janë përqendruar shumica e shpenzimeve, si ato korente ashtu edhe ato kapitale. Shpenzimet korente kanë qenë gati dyfish më të larta se mesatarja mujore, ndërsa investimet kapitale janë rritur deri në pesëfish.

Vetëm në periudhën shtator–dhjetor janë detajuar për herë të parë 245 projekte investimi me vlerë totale 14.8 miliardë lekë, ku një pjesë e fondeve rezulton të jetë përdorur për shlyerjen e detyrimeve të prapambetura.

Për më tepër, në dhjetor janë mbyllur 323 projekte të nisura gjatë muajve të mëparshëm, ndërsa dhjetëra projekte të tjera kanë qëndruar aktive për vetëm dy ose tre muaj, një praktikë që tregon planifikim të dobët dhe menaxhim joefikas të investimeve./ B.Hoxha

Burimi: Ministria e Financave

The post Qeveria akumulon 500 mln euro suficit në tetor, por vonon investimet dhe rrit borxhin appeared first on Revista Monitor.

Komisioni i Prokurimit Publik hoqi pezullimin nga tenderi për kanalizimet në rrugët Transballkanike në Vlorë që përfshin disa lote dhe ka një fond limit prej 232 milionë lekë apo 2.3 milionë euro.

Në fillim të nëntorit kjo procedurë u ankimua nga një operator dhe me një verifikim të bërë nga vetë KPP rezultoi se dokumentet e tenderit duhet të modifikoheshin për të qenë brenda kuadrit ligjor.

“Autoriteti kontraktor të modifikojë dokumentet e tenderit në përputhje me konstatimet e mësipërme të Komisionit të Prokurimit Publik, si dhe të publikojë të gjitha ndryshimet dhe sqarimet në Sistemin Elektronik të Prokurimeve” do të kërkonte KPP në vendimin e saj të 7 nëntorit.

Me një shkresë të datës 12 nëntor Bashkia Vlorë ka njoftuar se ka bërë ndryshimet e kërkuara në dokumente sipas vlerësimit të dhënë më herët nga Komisioni.

“Referuar shkresës së mësipërme, të dorëzuar nga autoriteti kontraktor pranë Komisionit të Prokurimit Publik, dokumentacionit bashkëlidhur saj, si dhe verifikimeve të kryera në sistemin e prokurimeve elektronike, konstatohet se autoriteti kontraktor ka modifikuar dokumentet e tenderit sipas përcaktimeve të Vendimit K.P.P Nr. 1618/2025, datë 07.11.2025 të Komisionit të Prokurimit Publik, si dhe ka publikuar në sistemin e prokurimeve elektronike shtojcën përkatëse për modifikimin e dokumenteve të tenderit” thuhet në vendimin e fundit të KPP që nënvizon se është heqje pezullimi e procedurës.

Duke pasur parasysh zbatimin e këtyre hallkave Komisioni njoftoi se tashmë autoriteti kontraktor është i lirë për të vijuar me hapat e tjerë të tenderit i cili ishte skeduluar për t’u zhvilluar në datë 30 tetor 2025.

Projekti

Procedura me objekt “KUB Vlorë (Kanalizimet e Ujërave të Bardha) – Rindërtimi, ridimensionimi dhe rehabilitimi i kolektorëve kryesorë përgjatë rrugës Transballkanike, sipas loteve: nga rruga e Skelës deri te rruga Hasan Kushta (Albano dhe Romina), rruga Odise Grillo parashikon ndërhyrje në një nga zonat që pëson përmbytje të vazhdueshme.

Kapacitetet e linjave të transmetimit të ujit në ketë zonë i përkasin parashikimeve të disa dekadave më parë ndërkohë që urbanizimi ka bërë të nevojshëm rritjen e tyre dhe rishikimin e projekteve në terren./ N.Maho

The post Pas rishikimit të dokumenteve, KPP heq pezullimin për tenderin 2.3 mln euro të Transballkanikes appeared first on Revista Monitor.

UASHINGTON, 18 nëntor /ATSH-AFP-ANSA/ – Princi i Kurorës Saudite, Mohammed bin Salman i premtoi sot presidentit të SHBA-së, Donald Trump se do të investonte një trilion dollarë në Shtetet e Bashkuara.

“Ne besojmë në të ardhmen e Amerikës. Unë besoj, zoti president, se sot dhe nesër, mund të njoftojmë se do ta rrisim këtë investim prej 600 miliardë dollarësh në gati një trilion dollarë”, tha ai në Zyrën Ovale, një gjest i mirëpritur nga presidenti i SHBA-së.

“Mund të mbështetemi te 600 miliardë dollarët që Riadi do të investojë në Shtetet e Bashkuara”, tha nga ana e tij presidenti Trump.

”Por shifra mund të rritet edhe më tej”, theksoi ai./ a.jor.

The post UASHINGTON – Princi saudit Salman i premton Trumpit një trilion dollarë investime në SHBA appeared first on Agjencia Telegrafike Shqiptare.

Fondi Shqiptar i Zhvillimit shpalli këtë të hënë fituesin për kontratën me objekt “Inkubatori i biznesit në arkitekturë dhe ndërtim në Tiranë: Mobilimi”.

Fondi limit vetëm për këtë ndarje ishte 130 mijë euro ndërsa oferta fituese rezulton 89 mijë euro dhënë nga kompania Ro-Al.

Sipas dokumenteve qëllimi i këtij inkubatori biznesi është krijimi i një qendre moderne dhe multifunksionale që fokusohet në kërkimin, zhvillimin dhe eksperimentimin e produkteve dhe shërbimeve të reja në fushën e ndërtimit, teknologjisë dhe projektimit.

“Kjo qendër do të veprojë si një inkubator që trajton probleme reale të komunitetit dhe teston zgjidhje në ambiente autentike, duke u mundësuar studiuesve dhe profesionistëve të kuptojnë më mirë sfidat dhe të zhvillojnë zgjidhje të përshtatshme” thuhet në dokument.

Sipas FSHZH objektivat kryesore të ndërhyrjes janë disa duke nisur nga rehabilitimi i ish-objektit të ISTN dhe i zonës përreth, duke e transformuar në një hapësirë funksionale për inovacion në ndërtim dhe dizajn.

Së dyti krijimi i një qendre kërkimore dhe projektimi që promovon bashkëpunimin ndërmjet aktorëve të ndryshëm në fusha si zhvillimi urban, teknologjia dhe aspektet sociale.

Së treti zhvillimi i hapësirave për testim dhe prototipim, ku do të eksperimentohen ide të reja dhe zgjidhje për probleme konkrete, me qëllim gjenerimin e parimeve të reja për teknologjitë ndërtimore.

Së katërti trajnimi i brezave të rinj, duke i pajisur ata me njohuri bashkëkohore në projektim, ndërtim dhe teknologji përmes metodave të avancuara të të mësuarit. Qasja që kërkohet është gjithëpërfshirëse dhe e qëndrueshme, duke përdorur asetet hapësinore, njerëzore, teknologjike dhe akademike për të fuqizuar komunitetin profesional përballë sfidave të kohës.

Inkubatori/Mobilimi

Ambienti parashikohet të ketë disa hapësira ku në katin zero hyrja dhe recepsioni. Po kështu është parashikuar një ambient për studio projektimi, një për VR dhe sallë eventesh, laboratori i teknologjisë dhe ndërtimit FAB Lab dhe së fundmi edhe një depo.

The post FSHZH shpall fituesin për inkubatorin e biznesit në arkitekturë dhe ndërtim në Tiranë appeared first on Revista Monitor.

TIRANË, 16 nëntor/ATSH/ Qeveria synon të rikthejë hekurudhën shqiptare në hartën moderne të transportit kombëtar e rajonal, teksa projektbuxheti 2026 parashikon 6,4 miliardë lekë investime për këtë sektor.

Zëvendëskryeministrja dhe njëherësh ministre e Infrastrukturës dhe Energjisë, Belinda Balluku bëri të ditur sot se qëllimi është rilindja e infrastrukturës hekurudhore dhe integrimi i saj në rrjetin europian të transportit, për lëvizjen e pasagjerëve, mallrave, mjeteve dhe mekanizmave të mbrojtjes.

Si projekt kryesor, peshën më të madhe të investimit e zë linja Tiranë-Durrës-Rinas, 50 kilometra e gjatë, e cila pritet të funksionojë me pesë trena elektrikë. Balluku u shpreh se ky aks do të shndërrohet në “fytyrën e re të hekurudhës shqiptare”, duke shënuar hapin më të rëndësishëm drejt standardeve europiane.

Për vitin 2027 parashikohen investime prej 10 miliardë lekësh në sektorin hekurudhor, ndërsa në vitin 2028 buxheti planifikohet të arrijë në 11,1 miliardë lekë.

Një tjetër projekt madhor është linja Vorë-Hani i Hotit, me vlerë 360 milionë euro, ku 30% e financimit do të sigurohet në formë granti nga Bashkimi Europian, një mbështetje që tregon rëndësinë strategjike të korridorit hekurudhor që lidh Shqipërinë me Malin e Zi dhe më tej me rrjetin TEN-T.

Në faza të avancuara janë edhe disa projekte të tjera si linja Durrës-Rrogozhinë (34 km), Rrogozhinë-Pogradec (140 km), Rrogozhinë-Vlorë (140 km), si dhe linja e re Vlorë-Aeroporti i Vlorës (15 km). Po ashtu, planifikohet ndërtimi i lidhjes hekurudhore Sukth-Porto Romano, që do të shërbejë për integrimin e portit të ri tregtar me rrjetin hekurudhor kombëtar.

Ministrja Balluku bëri të ditur se paralelisht me investimet infrastrukturore, po përgatitet një reformë strukturore që parashikon ndarjen e hekurudhës në dy operatorë: një për menaxhimin e infrastrukturës dhe një tjetër për shërbimet e transportit të pasagjerëve, me synimin për të rritur efikasitetin dhe cilësinë e shërbimit.

Sipas saj, këto investime do të shënojnë një kapitull të ri për hekurudhën shqiptare, duke i hapur rrugë transportit më të shpejtë, më të sigurt dhe më të qëndrueshëm në të gjithë vendin.

/r.e/

The post Investimet në hekurudhë 6,4 miliardë lekë në 2026-ën, synohet integrimi në rrjetin europian appeared first on Agjencia Telegrafike Shqiptare.

Nënkryetari i Këshillit Bashkiak të Tiranës, Dorian Teliti, ka ngritur akuza të forta ndaj administrimit financiar të Bashkisë së Tiranës, duke u shprehur se, megjithëse kryeqyteti ka një buxhet mbi 500 milionë euro, vazhdon të vuajë për investime bazike në çerdhe, kopshte dhe shkolla. Teliti tha për Syri TV se qytetarët dhe bizneset e Tiranës […]

The post Teliti: Tirana buxhet 500 mln euro, por pa çerdhe e shkolla! Ku shkojnë paratë e qytetarëve? appeared first on BoldNews.al.

TIRANË, 14 nëntor/ATSH/ Kryeministri Edi Rama, njëherësh kryetari i Partisë Socialiste tha sot se të gjitha rritjet e pagave dhe investimet e parashikuara në buxhetin e shtetit për vitin 2026, do të bëhen pa prekur dhe pa rritur asnjë taksë.

Gjatë një dëgjese me banorët e kryeqytetit të njësisë 2, Rama tha është marrë një zotim dhe Qeveria do t’i qëndrojë deri në fund atij zotimi, duke bërë që Shqipëria të jetë i vetmi vend në rajon, ku nuk ka tatim mbi fitimin për biznesin e vogël.

“Më saktë biznesi i vogël deri në vitin 2029 do ta ketë zero tatimin mbi fitimin dhe të vetmet kontribute që biznesi do të paguajë janë kontributet për sigurimet shëndetësore dhe shoqërore. Ato nuk janë taksa, ato janë çka i takon çdo punonjësi për të siguruar shëndetin dhe pensionin”, tha Rama.

“Ne do të bëjmë një hap shumë domethënës në drejtim të sipërmarrjes përmes paqes fiskale. E kemi aktualisht në projektin e ri të buxhetit dhe paketës fiskale të 2026 që do të thotë që të gjitha kompanive do t’u ofrojmë mundësinë që të merren vesh me administratën tatimore për të përcaktuar në mënyrë të ndershme rritjen e të ardhurave dhe për të rënë dakord për tatimin që do të paguajnë mbi fitimin. Kjo do të thotë që kështu ata do të shmangin kontrollet, do të vazhdojnë qetësisht punën pa pasur ngarkesa të tjera të natyrës burokratike dhe po ashtu sa i përket Qeverisë do të jetë në gjendje të ketë një stabilitet në mbledhjen dhe realizimin e të ardhurave që do t’i përgjigjet rritjes së ekonomisë dhe do të sjellë më shumë mundësi për të investuar më shumë”, theksoi Kryeministri Rama.

Kreu i Ekzekutimit nënvizoi njëherësh edhe faktin që investimet do të rriten si në infrastrukturë, në shëndetësi, në arsim etj.

Sipas Ramës, projektbuxheti 2026 është një projekt, i cili e shpreh në të gjithë arkitekturën e vet atë që u tha për rritjen e ekonomisë, qëndrueshmërinë e rritjes dhe rritjen e kapacitetit të vendit dhe mundësive për të shpërndarë më shumë.

/e.i/j.p/

The post Rama: Biznesi i vogël vijon me zero tatim mbi fitimin, paqe fiskale me sipërmarrjen appeared first on Agjencia Telegrafike Shqiptare.