KISHINEV, 12 janar /ATSH-AFP/ – Presidentja e Moldavisë, Maia Sandu deklaroi se do të votonte pro nëse do të mbahej një referendum për ribashkimin me Rumaninë, anëtare e Bashkimit Evropian dhe e NATO-s, në një intervistë të publikuar sot në një portal britanik.

Liderja pro evropiane denoncon rregullisht ndërhyrjet e Rusisë në këtë republikë të vogël, kryesisht folëse e gjuhës rumune, me 2,4 milionë banorë, ish-republikë sovjetike e vendosur midis Rumanisë dhe Ukrainës.

Ajo tha në një intervistë për podcastin britanik ”The rest is politics” se po bëhet ”më e vështirë për një vend të vogël si Moldavia të mbijetojë si demokraci, vend sovran, dhe sigurisht të rezistojë ndaj Rusisë”.

”Nëse do të kishim një referendum, unë do të votoja për ribashkimin me Rumaninë”, shtoi ajo duke theksuar megjithatë se sipas sondazheve ”nuk ka sot një shumicë që mbështet bashkimin e Moldavisë me Rumaninë”.

Nën presidencën e Sandusë, Moldavia ka paraqitur kandidaturën për t’u anëtarësuar në BE, një objektiv që ajo e përshkroi në këtë intervistë si realist.

Negociatat për anëtarësim kanë filluar në vitin 2025.

Partia e Sandusë fitoi zgjedhjet legjislative në shtator, duke ruajtur kursin pro evropian të Moldavisë.

Ajo u zgjodh për një mandat të dytë në vitin 2024.

Moldavia ishte e bashkuar me Rumaninë midis dy luftërave botërore, para se të aneksohej nga Bashkimi Sovjetik.

Ajo shpalli pavarësinë gjatë shpërbërjes së BS në vitin 1991./  /Ad.Ab./ a.jor.

The post MOLDAVI – Presidentja Sandu pro ribashkimit me Rumaninë appeared first on Agjencia Telegrafike Shqiptare.

BUKURESHT, 22 dhjetor /ATSH-DPA/- Presidenti i Rumanisë, Nicuşor Dan u zotua se do të hetojë pretendimet për abuzime sistemike në gjyqësor, pasi u takua sot me gjyqtarë dhe prokurorë, duke thënë se integriteti i sistemit të drejtësisë ishte vënë në dyshim, sipas “Reuters”.

Dan tha se qindra magjistratë kishin përshkruar një klimë frike dhe ndikimin e tepruar të Këshillit të Lartë Gjyqësor, organi më i lartë mbikëqyrës i drejtësisë në vend, të cilin e akuzuan se po vepron në interes të një grupi të zgjedhur dhe jo të publikut.

“Situata në të cilën ndodhemi është serioze, pasi ekziston ky dyshim për integritetin e sistemit gjyqësor”, tha ai në një deklaratë, duke shtuar se pretendimet do të hetoheshin.

“Përfundimi … është se ekziston një kategori magjistratësh … gjyqtarë të lartë të gjykatave që nuk veprojnë në interes të publikut, por që veprojnë në interes të një grupi”, tha Dan.

Takimi pasoi ftesën e hapur të Dan për anëtarët e gjyqësorit për të paraqitur ankesa, pasi ai tha dje se kishte marrë afërsisht 2 000 faqe me shembuj të problemeve të integritetit që kërkonin hetim dhe veprime të mëtejshme.

Presidenti emëron kryetarët e gjyqtarëve dhe prokurorët dhe mund të marrë pjesë në mbledhjet e këshillit të lartë gjyqësor, por nuk ka kompetencat ligjore për t’i zëvendësuar ata.

Megjithatë, ligjvënësit e ekstremit të djathtë kanë akuzuar Dan, për ndërhyrje në pavarësinë e gjyqësorit dhe kanë kërkuar që ai të shkarkohet nga detyra.

Akuzat për abuzime në sistemin e drejtësisë erdhën pasi media e pavarur “Recorder” transmetoi një dokumentar që tregonte se si kryetarët e gjyqtarëve përdornin boshllëqet ligjore për praktika joetike, duke përfshirë lirime të dyshimta.

Mijëra njerëz protestuan në kryeqytetin Bukuresht dhe në të gjithë Rumaninë në fillim të dhjetorit kundër abuzimeve të dyshuara.

Rumania është një nga shtetet më të korruptuara të Bashkimit Evropian.

Brukseli e mbajti sistemin e drejtësisë të vendit nën monitorim të veçantë pasi u bashkua me BE-në në vitin 2007.

Që kur misioni i BE-së përfundoi në vitin 2023, ritmi i hetimeve kundër korrupsionit është ngadalësuar. //a.i/

The post RUMANI – Dan zotohet të hetojë akuzat për abuzime sistemike në gjyqësor appeared first on Agjencia Telegrafike Shqiptare.

Nga Ilir Kalemaj Shqipëria, ndër shumë karakteristika të tjera të mëvetshme ose tipare dalluese edhe mes vendeve të ish-Lindjes komuniste, ka edhe faktin që ishte i vetmi vend totalitar që ndoqi besnikërisht shembullin e Bashkimit Sovjetik nën Stalinin. Pra, ndryshe nga sistemi i autoritarizmit polak, post-totalitarizmit çekosllovak apo komunizmit të decentralizuar jugosllav, apo qoftë edhe […]

The post Nga dhjetori në dhjetor appeared first on BoldNews.al.

Prokurorët nga Zyra Kombëtare Kundër Korrupsionit e Rumanisë kanë arrestuar ish-ministrin e Transportit Alexandru-Rezvan Cuc nën akuzat për korrupsion. Ndalimi u krye pasi u kryen kontrolle në rezidencën e ish-ministrit dhe sipërmarrësit Ketel Daniel Bushe. Një hetim është duke u zhvilluar nën dyshimin për ryshfet dhe bashkëpunim në të. Sipas mediave rumune, ish-ministri ishte ndërmjetës […]

The post Arrestohet ish-ministri i Transportit i Rumanisë, akuzohet për korrupsion appeared first on BoldNews.al.

Rumania nuk gjen paqe. Mijëra qytetarë mbushën sheshin në Bukuresht dhe qytete të tjera në Rumani duke protestuar kundër korrupsionit në sistemin gjyqësor.

Demonstratat nisën që të mërkurën pas publikimit të një hetimi nga platforma Recorder, i cili zbuloi dëshmi të gjyqtarëve dhe prokurorëve rreth presionit nga zyrtarë të lartë. Qytetarët kërkuan dorëheqjen e ministrit të drejtësisë, presidentit të Gjykatës Supreme dhe disa zyrtarëve të lartë.

“Shoqëria civile nuk e pranon një sistem që është i korruptuar në thelb dhe i projektuar për t’u manipuluar nga brenda”, tha për AFP-në Vlad Voinea, 40 vjeç, i cili iu bashkua tubimit me vajzën e tij.

Gjatë gjithë tubimit, protestuesit brohorisnin ndërsa sloganet kryesore ishin, “Drejtësi, jo korrupsion”, “Hajdutë”.

Qindra gjyqtarë nënshkruan një letër të hapur duke denoncuar “mosfunksionimet sistemike” dhe duke shprehur solidaritetin e tyre me kolegët “që patën guximin të ekspozonin problemet dhe presionet brenda sistemit gjyqësor”.

Rumania nuk gjen paqe. Mijëra qytetarë mbushën sheshin në Bukuresht dhe qytete të tjera në Rumani duke protestuar kundër korrupsionit në sistemin gjyqësor.

Demonstratat nisën që të mërkurën pas publikimit të një hetimi nga platforma Recorder, i cili zbuloi dëshmi të gjyqtarëve dhe prokurorëve rreth presionit nga zyrtarë të lartë. Qytetarët kërkuan dorëheqjen e ministrit të drejtësisë, presidentit të Gjykatës Supreme dhe disa zyrtarëve të lartë.

“Shoqëria civile nuk e pranon një sistem që është i korruptuar në thelb dhe i projektuar për t’u manipuluar nga brenda”, tha për AFP-në Vlad Voinea, 40 vjeç, i cili iu bashkua tubimit me vajzën e tij.

Gjatë gjithë tubimit, protestuesit brohorisnin ndërsa sloganet kryesore ishin, “Drejtësi, jo korrupsion”, “Hajdutë”.

Qindra gjyqtarë nënshkruan një letër të hapur duke denoncuar “mosfunksionimet sistemike” dhe duke shprehur solidaritetin e tyre me kolegët “që patën guximin të ekspozonin problemet dhe presionet brenda sistemit gjyqësor”.

/abcnews.al/

TIRANË, 5 dhjetor /ATSH/ Gjatë Ministerialit të OSBE-së në Vjenë, ministrja për Evropën dhe Punët e Jashtme, Elisa Spiropali, zhvilloi një takim me ministren e Punëve të Jashtme të Rumanisë, Oana Toiu.

Në fokus të bisedimeve ishte ritmi i përshpejtuar i Shqipërisë drejt integrimit në Bashkimin Europian, si dhe mbështetja politike dhe teknike që Rumania po ofron për këtë proces.

Ministrat diskutuan gjithashtu planin e bashkëpunimit në projekte të përbashkëta rajonale, me theks të veçantë në Korridorin VIII, i cili konsiderohet një arterie strategjike për zhvillimin ekonomik dhe sigurinë në Europë.

“Përgjatë Ministerialit të OSBE në Vjenë, u takuam me miken dhe ministren e Punëve të Jashtme të Rumanisë, Oana Toiu, për ritmin e përshpejtuar të Shqipërisë drejt BE, mbështetjen politike dhe teknike të Rumanisë, planin e bashkëpunimit në projekte të përbashkëta, ku spikat Korridori VIII, si arterie strategjike për ekonominë dhe sigurinë në Europë”, shkroi Spiropali në një postim në rrjetet sociale.

/gj.m/r.e/a.f/

The post Spiropali me homologen rumune: Korridori VIII, arterie strategjike për ekonominë dhe sigurinë në Europë appeared first on Agjencia Telegrafike Shqiptare.

Banorët e një fshati rumun ishin të shokuar. Të martën e 25 dhjetorit 2025 në mëngjes një dron rus u rrëzua në një fermë në fshatin Puiesti, 50 kilometra larg kufirit rumun me Moldavinë. Pronari i frikësuar i fermës u tha mediave lokale se ishte me familjen e tij në shtëpi kur dëgjoi një shpërthim shumë të fortë. […]

The post Dronët rusë fluturojnë lirshëm mbi Moldavi dhe Rumani appeared first on BoldNews.al.

Ministri rumun i Mbrojtjes, Ionut Mosteanu, dha dorëheqjen sot, pasi pranoi se kishte gënjyer në CV-në e tij në lidhje me studimet e tij. Dorëheqja e Mosteanu erdhi pas publikimit të një artikulli në gazetën Libertatea që thoshte se CV-ja e tij përmbante informacione të pasakta në lidhje me kohën kur u diplomua dhe nga […]

The post Pranoi se gënjeu në CV-në e tij, Ministri rumun i Mbrojtjes jep dorëheqjen appeared first on BoldNews.al.

Rumania ka ngritur në ajër avionë luftarakë pasi dy dronë shkelën hapësirën e saj ajrore, njoftoi ministria e saj e mbrojtjes.

Shkelja u zbulua pranë kufirit prej 380 miljesh të anëtarit të NATO-s me Ukrainën.

Theksohet se 2 avionë luftarakë rumunë F-16 dhe dy Eurofighter nga misioni gjerman i policimit ajror në Rumani u ngritën në ajër.

Avionët luftarakë u ngritën për herë të fundit në Rumani kur një dron fluturoi në hapësirën e saj ajrore më 13 shtator gjatë një sulmi rus ndaj infrastrukturës ukrainase.

Autoritetet në Rumani kanë arrestuar një ish-senator i cili dyshohet se kishte tentuar t’i ofronte ryshfet prej 1 milion eurosh ministrit të Mbrojtjes të shtetit për të lehtësuar një marrëveshje armatimi që mund të financohej në mënyrë mashtruese nga një program i Bashkimit Evropian. Marrëveshja në fjalë është e ndërlikuar: blerja e predhave të tipit […]

The post Skandali korruptiv në Rumani ekspozon skemën e shitjes së armëve që synonte ta mashtronte BE-në appeared first on BoldNews.al.

VARSHAVË, 6 nëntor /ATSH/ – Për shkak të ngjarjeve të shpeshta ku dronë rusë kanë hyrë në hapësirën ajrore të NATO-s, Polonia dhe Rumania po vendosin një sistem të ri mbrojtës të quajtur “Merops”, i prodhuar nga SHBA-ja sipas AP.

Ky sistem është i vogël, mund të vendoset në një kamion të mesëm dhe përdor inteligjencë artificiale për të identifikuar dhe neutralizuar dronët, edhe kur komunikimet satelitore ose elektronike janë të bllokuara.

“Merops” do të përdoret gjithashtu nga Danimarka, si pjesë e përpjekjeve të NATO-s për të forcuar krahun lindor të aleancës. Qëllimi është të krijohet një linjë mbrojtjeje kaq e fortë në kufirin me Rusinë sa të pengojë çdo ndërhyrje.

Nevoja për këtë sistem u bë më e qartë pas hyrjes së rreth 20 dronëve rusë në hapësirën ajrore polake në shtator, ku u mobilizuan avionë me kosto miliona dollarë për të interceptuar dronë që kushtonin vetëm dhjetëra mijëra dollarë.

Rumania dhe disa vende të tjera evropiane përjetuan ndërprerje në aeroportet dhe bazat ushtarake për shkak të dronëve.

“Merops” është i aftë të “fluturojë dron kundër droni”, duke shkatërruar dronin armik ose duke dhënë informacion për forcat tokësore dhe ajrore që të ndërhyjnë. Ai siguron kohë komandantëve për të vlerësuar kërcënimin dhe për të vendosur nëse duhet të qëllojnë.

Përveç për mbrojtjen e forcave të armatosura, sistemi mund të mbrojë infrastrukturën kritike si aeroportet. Vendosja e parë e “Merops” po bëhet në Poloni, Rumani dhe Danimarkë  dhe pritet të zgjasë 2–5 vjet për të ndërtuar një mbrojtje të qëndrueshme.

Në thelb, “Merops” është një sistem i vogël, fleksibël dhe i shpejtë për t’u përdorur, i cili synon të mbrojë kufijtë e NATO-s nga sulmet e dronëve, duke e bërë mbrojtjen më efikase dhe më të përballueshme financiarisht se përdorimi i avionëve luftarakë. /Ad.Ab./

The post VARSHAVË – Polonia dhe Rumania vendosin sistem të ri mbrojtës anti-dronë appeared first on Agjencia Telegrafike Shqiptare.

Ministria e Mbrojtjes e Rumanisë është “informuar për rishikimin e një pjese të trupave amerikane të dislokuara në krahun lindor të NATO-s, si pjesë e procesit të rivlerësimit të pozicionit global të forcave ushtarake të SHBA-së”, thuhet në njoftimin e publikuar më 29 tetor.

“Mes elementeve të brigadës që do të ndalojnë rotacionet në Evropë përmenden edhe forcat e destinuara për Rumaninë, të vendosura në bazën Mihail Kogalniceanu”, tha Ministria rumune e Mbrojtjes.

Kjo ministri theksoi se “vendimi ishte i pritshëm, pasi Rumania ka qenë në kontakt të vazhdueshëm me partnerin strategjik amerikan”.

“Rishikimi i forcave amerikane është pjesë e prioriteteve të reja të administratës amerikane, të shpallura që nga muaji shkurt. Vendimi ka marrë parasysh gjithashtu faktin që NATO-ja ka forcuar praninë dhe aktivitetin në krahun lindor, çka i lejon Shteteve të Bashkuara të përshtatin pozicionin e tyre ushtarak në rajon”, u tha në njoftim.

Gjithashtu, ministria rumune theksoi se “vendimi amerikan ka të bëjë me ndërprerjen e rotacionit në Evropë të një brigade që kishte elemente në disa shtete të NATO-s”.

“Afër 1 mijë ushtarë amerikanë do të qëndrojnë të dislokuar në territorin e Rumanisë, duke kontribuar në parandalimin e çdo kërcënimi dhe duke vazhduar të përfaqësojnë një garanci të angazhimit të SHBA-së për sigurinë rajonale”, tha dikasteri i mbrojtjes.

Njoftimi i Ministrisë së Mbrojtjes të Rumanisë vjen pas disa muajsh kur ishte përfolur për një tërheqje të trupave amerikane nga krahu lindor i aleancës ushtarake perëndimore.

Gazeta ukrainase Kyiv Post raportoi të martën në mbrëmje se aleatët e NATO-s u informuan për këtë vendim gjatë kësaj jave dhe se, në diskutimet e brendshme, u morën në konsideratë edhe reduktime të personelit, përfshirë në Poloni, por vendimi përfundimtar preku vetëm Rumaninë.

As autoritetet në Bukuresht, as ato amerikane nuk kanë dhënë deri tani një shifër të saktë të ushtarëve amerikanë në Rumani. Në fillim të vitit 2025, ishin të dislokuar më shumë se 1.700 ushtarë amerikanë, kryesisht në Mihail Kogalniceanu, Deveselu dhe Campia Turzii. Afër 1.400 prej tyre ndodhen në Bazën Ajrore 57 Mihail Kogalniceanu.

Ministri i Mbrojtjes, Ionut Mosteanu, tha për Radion Evropa e Lirë në fillim të tetorit se në “Mihail Kogalniceanu ka afër 2 mijë e ca ushtarë amerikanë”.

“Po presim Strategjinë kombëtare të Mbrojtjes së SHBA-së, e cila do të prezantohet së shpejti. Do të shohim nëse ata do ta ruajnë praninë dhe pozicionin e tyre në krahun lindor, në Evropë… Rumania është e rëndësishme për SHBA-në”, deklaroi ministri Mosteanu.

Një aksident i rëndë me pasojë vdekjen e dy personave, ka ndodhur në Rumani, në rrugën midis Drăguşeni dhe Iaşi.

Pamjet e publikuara nga mediat vendase, tregojnë momentet dramatike kur një kamion del jashtë kontrollit dhe përplaset me një makinë që po vinte përballë.

Sipas raportimeve, kamioni po lëvizte në një rrugë të lagur nga shiu kur shoferi, 54-vjeç, humbi kontrollin e mjetit.

Pjesa e pasme e kamionit filloi të rrëshqiste në korsinë e kundërt, duke e bërë të pamundur shmangien e përplasjes.

Në anën tjetër të rrugës po udhëtonte një makinë e zezë me dy persona në bord. Shoferi i saj, 42-vjeç, dhe pasagjeri 39-vjeç, nuk arritën t’i mbijetonin goditjes dhe u gjetën të vdekur nga ekipet e emergjencës që mbërritën në vendngjarje.

Ndërkohë, shoferi i kamionit shpëtoi pa lëndime të rënda. Sipas policisë rumune, ai rezultoi negativ në testin e alkoolit dhe refuzoi të dërgohej në spital, duke pretenduar se ndjehej mirë.

Autoritetet po hetojnë shkaqet e aksidentit dhe nuk përjashtohet mundësia e ngritjes së akuzës për vrasje nga pakujdesia ndaj shoferit të kamionit.

Pamjet nga vendngjarja janë përshkruar si tronditëse nga dëshmitarët dhe kanë hapur sërish debatin për sigurinë rrugore në vend.

A deadly crash occurred on the outskirts of Drăgușeni, Romania

A truck skidded on the wet road, overturned, and slammed into an oncoming car.

The 42-year-old driver of the car and his passenger were killed in the collision.

The truck driver survived and declined… pic.twitter.com/vO5NLgaCZP

— NEXTA (@nexta_tv) October 26, 2025

The post Aksident tragjik, kamioni del jashtë kontrollit dhe përplaset me një makinë, raportohet për dy viktima (VIDEO) appeared first on Albeu.com.

Një shpërthim i fuqishëm ka tronditur paraditen e sotme kryeqytetin rumun, Bukuresht. Ngjarja e rëndë ka ndodhur në një ndërtesë tetëkatëshe, ku si pasojë e shpërthimit janë shkatërruar dy pallate, kanë humbur jetën tre persona dhe janë plagosur të paktën 13 të tjerë. Sipas mediave të huaja, shpërthimi ka ndodhur në katin e pestë dhe […]

The post Shpërthim i fuqishëm në Bukuresht, 3 të vdekur dhe 13 të plagosur appeared first on BoldNews.al.

BERLIN, 13 tetor /ATSH-DPA/ –  Ministri i Jashtëm gjerman Johann Wadephul premtoi sot  mbështetje për Rumaninë dhe Bullgarinë  kundër Rusisë, teksa nisi një vizitë dyditore në këto dy vende të Evropës Lindore.]

Dy shtetet janë “partnerë thelbësorë për sigurinë dhe stabilitetin e Europës”, tha Wadephul para nisjes, duke shtuar se Europa Juglindore është “një qendër strategjike e kontinentit tonë”.

Ai theksoi se kërcënimi në kufijtë e jashtëm të BE-së dhe krahun juglindor të NATO-s është i dukshëm në Detin e Zi për shkak të luftës së Rusisë kundër Ukrainës.

“Aty do të vendoset nëse Europa do të mbetet e aftë të veprojë , në fushën e sigurisë, solidaritetit dhe zhvillimit të mëtejshëm të unionit tonë,” shtoi ministri.

Wadephul pritet të takohet  në Sofje me ministrin e Jashtëm bullgar Georg Georgiev, ndërsa nesër do të zhvillojë bisedime në Bukuresht me homologen rumune Oana Țoiu.

Duke iu referuar shkeljeve të hapësirës ajrore rumune nga dronë rusë, Wadephul tha se “sulmet ndaj sovranitetit të një partneri të NATO-s janë të papranueshme.

“Ne jemi të vendosur të mbrojmë dhe të mbrojmë Europën së bashku me Rumaninë”, theksoi ai.

Sipas ministrit, Bullgaria është një shembull për vendet e Ballkanit Perëndimor**, duke treguar se sa ngushtë lidhen siguria dhe integrimi europian. Ai shtoi se hyrja e afërt e Bullgarisë në eurozonë është “një sinjal i fortë stabiliteti për Sofjen dhe për gjithë Europën”.

Bullgaria pritet të zëvendësojë levën me euron në janar, duke u bërë anëtarja e 21-të e eurozonës. /Ad.Ab./

The post BERLIN – Wadenphul: Bullgaria dhe Rumania, partnere kyçe për sigurinë e Europës appeared first on Agjencia Telegrafike Shqiptare.

Ish-kryetari i Bashkisë së Bukureshtit, Sorin Oprescu është arrestuar në aeroportin ndërkombëtar “Maqedonia” të Selanikut, në zbatim të një urdhër-arresti europian të lëshuar nga autoritetet rumune. Sipas burimeve nga policia grekeautoritetet e Rumanisë kërkojnë ekstradimin e 74-vjeçarit për të vuajtur një dënim të dhënë për disa vepra penale të rënda, përfshirë pjesëmarrje në organizatë kriminale, […]

The post Arrestohet në Selanik ish-kryetari i Bashkisë së Bukureshtit, Rumania kërkon ekstradimin e tij appeared first on BoldNews.al.

BUKURESHT, 30 shtator /ATSH/- Rumania shpreson të fillojë së shpejti prodhimin në territorin e saj të dronëve mbrojtës me Ukrainën për përdorim të brendshëm, si dhe nga aleatët e Bashkimit Evropian dhe NATO-s, tha ministrja e Jashtme Oana Toiu në një intervistë, sipas “Reuters”.

Toiu tha se bisedimet me Ukrainën kishin filluar përpara ndërhyrjeve në hapësirën ajrore – për të cilat rajoni e ka fajësuar Rusinë në javët e fundit.

“Ne besojmë se është strategjike që krahu lindor të mbrohet më mirë, veçanërisht në mbrojtjen ajrore. Ajo që po bëjmë në këtë drejtim është të krijojmë partneritetet e nevojshme, për shembull, me Ukrainën për të ndërtuar dronë mbrojtës për të ardhmen”, tha ajo.

“Ne besojmë në aftësinë tonë për ta bërë këtë realitet së shpejti”, tha ajo në takimin vjetor të liderëve botërorë, në Asamblenë e Përgjithshme të OKB-së që përfundoi dje.

Tensionet me Moskën janë përshkallëzuar gjatë javëve të fundit, ndërsa Estonia akuzoi Rusinë për dërgimin e avionëve luftarakë në hapësirën e saj ajrore.

Rumania tha gjithashtu se avionët e saj pothuajse u përplasën me një dron që kishte hyrë në hapësirën e saj ajrore.

Rusia tha se nuk ka synuar kurrë vendet e BE-së ose NATO-s dhe se nuk ka plane ta bëjë këtë në të ardhmen.

Deklarata e Toiu në lidhje me prodhimin e përbashkët vjen ndërsa Ukraina ka ndërmarrë hapa për të lehtësuar kufizimet në eksportimin e armëve të saj, të cilat i ka përdorur dhe i ka përsosur në fushën e betejës kundër Rusisë. //a.i/

The post BUKURESHT – Rumania planifikon prodhimin e përbashkët të dronëve mbrojtës me Ukrainën appeared first on Agjencia Telegrafike Shqiptare.

BUKURESHT, 15 shtator /ATSH-AFP/ – Rumania thërriti ambasadorin rus për të denoncuar fluturimin e papranueshëm të një droni rus, një ditë më parë, në hapësirën e saj ajrore, disa ditë pas një ndërhyrjeje së dronëve në territorin polak, që u dënua nga Bashkimi Evropian.

”Bukureshti i shprehu kreut të misionit diplomatik rus, Vladimir Lipayev, protestën e tij të fortë kundër këtij akti të papranueshëm dhe të papërgjegjshëm”, shkroi Ministria e Jashtme rumune në një deklaratë.

Ajo “i kërkoi palës ruse të marrë të gjitha masat e nevojshme” për të parandaluar përsëritjen e një “shkeljeje të sovranitetit të Rumanisë”.

Natën e së martës, 19 dronë rusë kryen një inkursion në territorin polak, i pari i këtij lloji që kur Rusia filloi pushtimin e territorit ukrainas në shkurt 2022.

Që atëherë, Polonia ka qenë në gatishmëri të lartë, ashtu si edhe shtetet e NATO-s që mbajnë një prani ushtarake në tokën e saj.

“Incidente të tilla të përsëritura kontribuojnë në përshkallëzimin dhe amplifikimin e kërcënimeve ndaj sigurisë rajonale”, i tha ministria ambasadorit.

E njëjta deklaratë theksoi se Rumania, një anëtare e NATO-s dhe Bashkimit Evropian, “mbetet në kontakt të vazhdueshëm me aleatët e saj”.

Ministria rumune e Mbrojtjes e kishte përshkruar më parë incidentin si “një sfidë të re për sigurinë dhe stabilitetin rajonal”.

Rumania raportoi të shtunën në mbrëmje se një dron “Geran” kishte hyrë në hapësirën e saj ajrore gjatë një sulmi rus ndaj infrastrukturës në Ukrainën fqinje./ a.jor.

The post BUKURESHT – Rumania thërret ambasadorin rus për të protestuar kundër ndërhyrjes së dronëve appeared first on Agjencia Telegrafike Shqiptare.

Presidenti i Ukrainës, Volodymyr Zelensky, ka deklaruar se një dron rus ka depërtuar në hapësirën ajrore të Rumanisë, duke hyrë rreth 10 kilometra brenda territorit të saj dhe duke qëndruar për afro 50 minuta. “Rumania u detyrua të ngrejë avionë luftarakë pas shfaqjes së një droni rus në hapësirën e saj ajrore. Sipas informacioneve të […]

The post ‘Droni rus hyri në territorin e Rumanisë’, Zelensky: Qëndroi 50 minuta në hapësirën e NATO-s appeared first on BoldNews.al.