BERLIN,  23 dhjetor /ATSH-DPA/ – Ministri i Jashtëm gjerman Johann Wadephul beson se Rusia mund të shfrytëzojë një armëpushim të mundshëm në Ukrainë për të intensifikuar përgatitjet për një sulm ndaj një vendi anëtar të NATO-s, duke i kërkuar aleancës mbrojtëse të përgatitet për një skenar të tillë.

Duke theksuar se nuk dëshironte të spekulonte mbi gjasat që kjo të ndodhte, diplomati më i lartë i Gjermanisë tha: “Mund të na këshilloj vetëm të përgatitemi për mundësinë që kjo të ndodhë”.

Ai vuri në dukje se NATO po zgjeron strukturat e saj mbrojtëse, ndërsa Gjermania po rinovon forcat e saj të armatosura, duke rritur numrin e trupave dhe pajisjeve në pritje të një sulmi të mundshëm rus.

‘’Evropa nuk duhet të ulë vigjilencën e saj nëse përpjekjet për të arritur një armëpushim në Ukrainë janë të suksesshme, theksoi Wadephul.

Siguria në Evropë do të varet nga Rusia për një kohë të gjatë, tha ai, duke shtuar se Moska mund të mbahet larg vetëm “nga një pozicion force, uniteti brenda aleancës dhe forca të armatosura të afta”, shtoi ai.

“Nuk ka asnjë arsye pse ne duhet të zvogëlojmë përpjekjet tona. Përkundrazi. Mund të këshilloj fuqimisht kundër bërjes së lëshimeve në të gjitha këto projekte dhe plane, sepse vetëm një pozicion force do të çojë në siguri më të madhe për ne në NATO dhe gjithashtu për ne në Gjermani”, shtoi ai.

‘’Nëse ushtria ruse do të arrinte sukses të qëndrueshëm ushtarak në Ukrainë, kjo do të përbënte një kërcënim serioz për NATO-n”, paralajmëroi Wadephul.

Ministri gjerman i Mbrojtjes, Boris Pistorius, vlerësoi muajin e kaluar se Rusia mund të jetë në gjendje të sulmojë një vend të NATO-s në krahun lindor të aleancës deri në vitin 2029, pas rindërtimit të forcave të saj të armatosura.   /os/

The post BERLIN – Wadephul: Armëpushimi në Ukrainë nuk do t’i japë fund kërcënimit rus appeared first on Agjencia Telegrafike Shqiptare.

GJENEVË, 17 dhjetor /ATSH-AA/ – Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus paralajmëroi lidhur me rritjen e shpejtë të një varianti të ri të virusit H3N2, i njohur si “gripi që ka shënuar mutacion”.

Ghebreyesus e bëri këtë deklaratë në platformën e mediave sociale të kompanisë amerikane X.

Ai thotë se sezoni vjetor i gripit është aktualisht duke u zhvilluar në hemisferën veriore. “Edhe pse nivelet globale të aktivitetit të gripit janë brenda intervalit normal, që nga gushti OBSH në shumë vende ka vërejtur rritje të shpejtë në viruset e emërtuar si ‘nënklasa K’ e virusit H3N2 influenza. Edhe pse të dhënat nuk tregojnë rritje të ashpërsisë së sëmundjes, ato tregojnë për një mutacion të rëndësishëm në këtë nënklasë të viruseve H3N2”, tha Ghebreyesus.

Sipas tij, vaksinat janë jetike, veçanërisht për personat me rrezik të lartë të ndërlikimeve të gripit dhe ata që kujdesen për ta.

Profesori i asociuar dr. Muhammed Emin Demirkol, drejtor i përgjithshëm i Shëndetit Publik në Ministrinë turke të Shëndetësisë tha se virusi i gripit H3N2 që përhapet në Evropë nuk përbën ndonjë rrezik për Turqinë. “Ky është një variant i pritur natyrshëm. Virusi influenza vjen çdo dit duke pësuar mutacion”, tha ai.   /os/

The post FOKUS – OBSH paralajmëron rritjen e shpejtë të variantit të ri të virusit H3N2 appeared first on Agjencia Telegrafike Shqiptare.

Festivali Sunny Hill, një nga festivalet më të mëdha në rajon, është shpërblyer nga Oda Ekonomike e Kosovës me Çmimin për Impakt Ekonomik 2025, në kuadër të gala-mbrëmjes “THE BEST OF KOSOVA 2025”. Festivali është vlerësuar për kontributin e tij të drejtpërdrejtë në zhvillimin ekonomik dhe për rolin e rëndësishëm që ka luajtur në forcimin e imazhit pozitiv të Kosovës në nivel ndërkombëtar, përmes muzikës dhe industrisë kreative.

Si festival muzikor, Sunny Hill ka krijuar një platformë ku muzika, kultura dhe kreativiteti bashkohen, duke promovuar talentet dhe duke forcuar lidhjen e Kosovës me skenën globale të industrisë muzikore. Përveç vlerës artistike dhe kulturore, Sunny Hill Festival ka pasur edhe ndikim të drejtpërdrejtë ekonomik. Organizimi i festivalit ka gjeneruar përfitime të konsiderueshme për sektorë të ndryshëm, përfshirë turizmin, hotelerinë, gastronominë, transportin dhe shërbimet mbështetëse.

Impakti ekonomik është vlerësuar të jetë rreth 22 milionë euro, ndërsa ndikimi në media vlerësohet në qindra miliona euro, me mbi 150 media të akredituara nga e mbarë bota.

Edicioni i këtij viti ka mbledhur mbi 100 mijë vizitorë gjatë tri ditëve të festivalit, nga afro 60 vende të ndryshme të botës. Hotelet në Prishtinë dhe në qytetet përreth kanë qenë 99% të rezervuara. Organizatorët këtë vit po ashtu kanë lansuar edhe platformën “Sunny Hill Travel”, e cila promovon turizmin dhe qëndrimin në Kosovë, ndërsa gjatë festivalit përdoruesit e saj kanë mundur të përfitojnë nga pakot e akomodimit, të cilat përfshijnë edhe biletat dhe transportin.

Përfaqësuesit e Odës Ekonomike të Kosovës theksuan se Festivali Sunny Hill përfaqëson një model të suksesshëm të mënyrës se si ngjarjet kulturore dhe muzikore mund të shndërrohen në motorë të zhvillimit ekonomik dhe të diplomacisë kulturore.

Këtë vit në Festival performuan emra me nam si Dua Lipa, e cila u paraqit në kuadër të turneut të saj “Radical Optimism”, njëherësh turneu më i madh dhe më i suksesshëm i karrierës së saj deri më sot. Suksese të mëdha ajo ka shënuar edhe në platformën Spotify, ku numëron rreth 40 miliardë dëgjime totale. Albumet “Future Nostalgia” dhe “Radical Optimism” kryesojnë këto shifra, ndërsa hitet si “Don’t Start Now” dhe “Levitating” kanë secila mbi një miliard dëgjime, duke dëshmuar se ajo është një nga artistet më të mëdha globale, me miliona dëgjues aktivë çdo ditë.

Po ashtu performoi edhe Shawn Mendes, një nga emrat më të mëdhenj të pop-muzikës globale, i cili u rikthye fuqishëm sivjet me turneun e tij “On The Road Again”; Peggy Gou, një nga figurat më të respektuara dhe me ndikim në skenën globale të muzikës elektronike; Anyma, i njohur ndërkombëtarisht për përfshirjen inovative të elementeve vizuale dhe teknologjike në performancat e tij si DJ; si dhe Fatboy Slim, i njohur për hitet e tij klasike dhe karrierën e gjatë shumëdekadëshe.

Në skenat e festivalit janë ngjitur edhe artistë të tjerë të njohur ndërkombëtarë dhe vendorë, si: Calvin Harris, J Balvin, Martin Garrix, Action Bronson, Skepta, Burna Boy, Miley Cyrus, Bebe Rexha, Stormzy, Black Coffee, The Martinez Brothers, dhe shumë të tjerë.

Festivali këtë vit po ashtu është nominuar për t’u zgjedhur si më i miri në Evropë, në kategorinë e Festivaleve të Mesme, nga “European Festival Awards”. Vitin e kaluar, në të njëjtën kategori, arriti të renditet në mesin e pesë festivaleve më të mira. /Telegrafi/

Shefat e mbrojtjes kanë hartuar plane multimilionëshe për teknologjinë e nevojshme për të mbrojtur kabllot dhe tubacionet nënujore të Mbretërisë së Bashkuar.

Programi Atlantic Bastion, i njoftuar si pjesë e Rishikimit Strategjik të Mbrojtjes, do të kombinojë automjete autonome dhe inteligjencën artificiale me anije luftarake dhe avionë për të identifikuar kërcënimet ndaj strukturës nënujore dhe për t'i mbrojtur ato, shkruajnë mediat britanike, përcjell Telegrafi.

Ministria e Mbrojtjes (MoD) tha se ishte "në përgjigje të drejtpërdrejtë ndaj një ringjalljeje të aktivitetit të nëndetëseve dhe nënujorëve rusë", duke përfshirë anijen spiune Yantar, e cila u gjurmua rreth ujërave të Mbretërisë së Bashkuar muajin e kaluar.

Projekti ka tërhequr një investim të kombinuar prej 14 milionë funtesh (rreth 16 milionë euro) nga Ministria e Mbrojtjes dhe industria këtë vit, me shpresën se teknologjia mund të vendoset vitin e ardhshëm.

Një total prej 26 firmash nga Mbretëria e Bashkuar dhe Evropa kanë paraqitur propozime për projektin.

Javën e kaluar, Sekretari i Mbrojtjes, John Healey vizitoi Bazën Detare të Portsmouth për të shqyrtuar disa nga teknologjitë e hershme që mund të përdoren si pjesë e Atlantic Bastion.

"Njerëzit nuk duhet të kenë asnjë dyshim për kërcënimet e reja me të cilat përballet Mbretëria e Bashkuar dhe aleatët tanë nën det, ku kundërshtarët po synojnë infrastrukturën që është kaq kritike për mënyrën tonë të jetesës", ka thënë Healey.

"Kjo epokë e re kërcënimi kërkon një epokë të re për mbrojtjen, dhe ne duhet të ecim shpejt me një ritëm lufte për të ruajtur avantazhin e fushës së betejës".

Kujtojmë se të enjten, Mbretëria e Bashkuar dhe Norvegjia nënshkruan një marrëveshje mbrojtjeje që u lejon marinave të tyre të operojnë një flotë të kombinuar anijesh luftarake.

Pakti synon mbrojtjen e kabllove kritike nënujore. /Telegrafi/

Këngëtarja amerikane Miley Cyrus bëri shaka se i fejuari i saj, Maxx Morando, bleu unazën e fejesës gjatë zbritjeve të Black Friday.

33-vjeçarja ishte e ftuar në një episod të emisionit “Jimmy Kimmel Live!”, ku tregoi unazën e fejesës me diamantin e prerë në formë jastëku.

Miley u shfaq me unazën në fjalë për herë të parë publikisht në premierën botërore të filmit “Avatar: Fire and Ash” në Los Angeles të hënën, më 1 dhjetor, ndërsa një ditë më vonë, Miley konfirmoi zyrtarisht lajmet për fejesën e saj.

Gjatë intervistës me Jimmy Kimmel, prezantuesi e përgëzoi për fejesën.

“Pyes veten nëse e kupton që nëse do të prisje tri javë, nuk do të duheshin ide për dhuratën e Krishtlindjes", pyeti Jimmy ndërsa Miley me ironi iu përgjigj: "Kjo ishte një ofertë e Black Friday, zemër”.

- YouTube youtu.be

Francesca Simons nga kompania Francesca Simons Consulting, përfaqësuese e dizajneres së bizhuterive Jacquie Aiche, konfirmoi për revistën People se Aiche ka punuar unazën me porosi, e cila ka një diamant të prerë në formë jastëku të vendosur mbi një unazë të trashë prej ari të verdhë 14-karatësh.

Daniela Tarantino, zv/presidentja e shitjeve në Blue Nile, vlerëson se vlera e unazës mund të arrijë deri në 450,000 dollarë (386 mijë euro). “Kjo unazë e fejesës është një unazë e trashë prej ari me kornizë lindje-perëndim – një trend modern dhe i stilit që po shohim në industrinë e dasmave. Besojmë se diamanti është rreth katër ose pesë karatë dhe kushton midis 300,000 dhe 450,000 dollarë”, tha Tarantino.

Reyne Hirsch, ambasadore e markës Worthy dhe ish-vlerësuese në Antiques Roadshow, vlerëson se vlera e shitjes me pakicë është midis 150,000 dhe 250,000 dollarë (midis 128 mijë dhe 214 mijë euro).

Miley Cyrus, fituese e trefishtë e çmimeve Grammy, dhe Maxx Morando, e bënë publike për herë të parë lidhjen e tyre në dhjetor 2021, kur u fotografuan për herë të parë bashkë në Miami.

Disa muaj më vonë, në prill 2022, ata konfirmuan romancën e tyre kur u panë duke u puthur plot pasion në Hollywood. /Telegrafi/

Kudo që ekziston hapësirë për destabilizim, Rusia do ta shfrytëzojë atë, vlerësoi për Radion Evropa e Lirë analisti i Qendrës së Forenzikës Digjitale të Malit të Zi (DFC), Drashko Jabuçanin. Nga DFC-ja, në analizën e fundit lidhur me ndikimin rus, kanë tërhequr vëmendjen mbi strategjinë e shtetit ndaj vendeve që ndodhen në faza të ndryshme […]

The post Ndikimi rus – sfidë e përbashkët e Malit të Zi dhe Moldavisë appeared first on BoldNews.al.

Këngëtarja amerikane dhe e sapo-fejuara me Maxx Morando, Miley Cyrus, ka rrëfyer së fundmi për një frikë të fortë ndaj… letrës. Sipas asaj që ka thënë gjatë një interviste, ajo nuk duron dot kur “njerëzit me duar të thata prekin letër”, aq sa detyron të fejuarin të hapë për të çdo pako apo letër që vjen në adresën e saj.

“Më pëlqen mesazhi, emaili, telefonata. Por letër — jo faleminderit. Madje kur dikush më dërgon një kartolinë të bukur, unë as nuk e hap,” tha Miley, duke përshkruar përvoja që e bëjnë të ndjejë neveri — apo siç ajo e përshkroi vetë: “më japin ndjesinë se më duhet të shpëtoj menjëherë.”

Ndërsa bisedonte me prezantuesin Jimmy Kimmel, ajo pranoi se kjo është thjesht fobi — aq serioze sa as nuk guxon të lexojë gazetat.

E ndërsa për disa kjo mund të tingëllojë si një thënie e çuditshme, për Miley është shprehje e qartë e personalitetit të saj, me kufij dhe preferenca të veçanta. Dhe sipas asaj që tregon, partneri i saj e kupton mirë këtë anë të saj, dhe është vetë ai që kujdeset për letra dhe pakot.

Ky rrëfim tregon se përtej skenës dhe super-suksesit, yjet mund të kenë ankesa të zakonshme dhe ndonjëherë pak më pak “cool” nga sa e imagjinon publiku.

The post Pse Miley Cyrus i ka fobi letrat? appeared first on iconstyle.al.

Miley Cyrus po ndan detaje të reja rreth fejesës së saj me muzikantin Maxx Morando.

Ylli 33-vjeçare konfirmoi lidhjen me 27-vjeçarin javën e kaluar, duke treguar një unazë martese prej 150,000 dollarësh (afërsisht 129,000 euro) gjatë një eventi në tapetin e kuq.

Gjatë një interviste në Jimmy Kimmel Live, Cyrus bëri shaka se arsyeja kryesore pse pranoi propozimin e Morandos ishte një “fobi e fshehtë” ndaj letrës, shkruan DailyMail.

Ajo tha se nuk duron dot kur njerëzit me duar të thata prekin letër, ndaj e detyron të fejuarin të hapë të gjitha pakot e saj në Los Angeles.

Këngëtarja gjithashtu përmendi martesën e saj të mëparshme me Liam Hemsworth, duke thënë se certifikata e tyre ishte “në letër të lëmuar”, gjë që e shqetësonte.

Duke bërë humor, ajo kujtoi se kishte pirë një cigare imagjinare gjatë nënshkrimit të dokumentit, ndaj nuk mbante mend shumë detaje.

Në intervistë, Miley tregoi edhe unazën e saj të madhe, duke ironizuar se ishte “oferta e së Premtes së Zezë”, por shtoi se Morando është shumë i zgjuar në këtë aspekt.

Ajo shfrytëzoi paraqitjen për të promovuar filmin e saj më të ri, Avatar: Fire and Ash, për të cilin ka shkruar baladën “Dream As One”.

Pamja e saj në Teatrin El Capitan ishte po ashtu mbresëlënëse: xhaketë me gëzof, kamisole me dantella, pantallona lëkure dhe taka stileto. /Telegrafi/

Miley Cyrus u habit kur Max Morado i propozoi martesë.

Lajmi për fejesën e tyre erdhi menjëherë pasi ata u shfaqën në premierën e filmit “Avatar: Fire and Ash” në Los Angeles, me këngëtaren e famshme që tërhoqi vëmendjen e fotografëve për shkak të unazës mbresëlënëse me diamant që i zbukuronte dorën. Ylli 33-vjeçar përshkroi në “Good Morning America” momentin kur bateristi 27-vjeçar u ul në gjunjë dhe i kërkoi asaj të bëhej gruaja e tij gjatë një udhëtimi të fundit në Azi.

«Nuk është e lehtë të më surprizosh, sepse më pëlqen të kem kontrollin e çdo situate dhe u dorëzova plotësisht», tha ajo me entuziazëm, duke shtuar: «Dhe po ju them, isha shumë, shumë, shumë e befasuar!»

Cyrus vuri në dukje se Morado «e bëri vërtet mirë», duke zgjedhur unazën e fejesës Jacquie Aiche të dizenjuar posaçërisht për të, me diamante të vendosura në ar 14 karatësh.

Miley vazhdoi duke thënë më pas se prania e Max Morado në jetën e saj e ka ndihmuar të rritet. “Është shumë e qartë se sa drastikisht jam rritur në këto katër vjet me Max-in”, tha ajo.

“Thjesht dëshiron të ëndërrosh sa më shumë që të jetë e mundur dhe dëshiron të kesh dikë pranë që të thotë gjithmonë: ‘Ti mund ta bësh!’”, shtoi ajo.

The post Miley Cyrus për propozimin për martesë të Max Morado-s: U habita, u dorëzova plotësisht appeared first on iconstyle.al.

Një vezë kristali e zbukuruar me diamante e argjendarisë ruse Fabergé, (Faberzhe) është shitur për një çmim rekord në një ankand në Londër.

Sendi i çmuar që dikur i përkiste familjes perandorake të Rusisë u ble për një 30.2 milionë dollarë, nga dikush që preferoi të mbetej anonim.

“Veza e Dimrit” e konsideruar si një nga krijimet më të bukura të argjendarit legjendar Faberge ishte e dekoruar me 4500 diamante dhe ishte porositur nga Cari Nikolla II në vitin 1913 si dhuratë për nënën e tij.

Rekordi i mëparshëm për një vezë Fabergé ishte më shumë se 11 milionë dollarë të paguara në një  ankand në vitin 2007.

Veza me lartësi 8.2 cm u krijua nga Carl Fabergé, bazuar në dizajnin e Alma Theresia Pihl, një nga vetëm dy mjeshtret femra në kompaninë e bizhuterive në Shën Petersburg.

Ajo ishte gdhendur nga kristali shkëmbor dhe e dekoruar me diamante të prera në formë trëndafili, si dhe motive flokësh dëbore platini.

Veza hapet për të zbuluar një shportë të vogël me lule kuarci të bardha brenda. Argjendaria prodhoi vetëm 50 vezë të tillë për familjen perandorake Romanov të Rusisë.

“Veza e Dimrit” është ndër të paktat që mbetet në duar private, ndërsa të tjera mungojnë ose janë nëpër muze.

Vezët u prodhuan nga viti 1885 deri në vitin 1917, kur Cari Nikolla II u detyrua të abdikonte./abcnews.al

Miley Cyrus dhe partneri i saj, Maxx Morando, janë zyrtarisht të fejuar pas katër vjetësh romancë, ka raportuar Page Six. Lajmi vjen pasi çifti u shfaq së bashku në tapetin e kuq të premierës botërore të filmit “Avatar: Fire and Ash”, ku fansat vunë re menjëherë detajin që i tradhtoi: unazën e saj të re vezulluese.

Në paraqitjen e tyre të përbashkët në Los Angeles, dyshja pozuan të buzëqeshur e të qetë, ndërsa Miley poziciononte dorën në mënyrë strategjike për të nxjerrë në pah unazën mahnitëse me diamant. Thashethemet nisën menjëherë, por nuk zgjati shumë deri sa u konfirmuan.
Sipas përfaqësueses së këngëtares, Francesca Consulting, unaza është krijuar me porosi nga dizajnerja e famshme e bizhuterive Jacquie Aiche, e njohur për stilin boho-luksoz dhe bashkëpunimet me shumë yje të Hollywood-it. Detajet zbuluan se diamanti ka prerje cushion, i vendosur në një shirit të trashë prej ari të verdhë 14-karatësh, duke i dhënë copës një dukje klasike, por njëkohësisht moderne e të fuqishme, pikërisht si vetë Cyrus.

Në event, Miley mahniti me një fustan elegant të zi pa rripa, të mbushur me shkëlqim, pjesë e sipërme të strukturuar dhe fund me pala që i jepte një siluetë glamuroze. Ndërsa Maxx Morando, muzikanti dhe partneri i saj prej vitesh, u shfaq me një kostum të zi klasik dhe këmishë të bardhë, duke kompletuar një pamje harmonike me artisten.

Fejesa e tyre shënon një kapitull të ri për çiftin, të cilët kanë preferuar gjithmonë të mbajnë një profil të ulët publik, duke e ruajtur romancën larg zhurmës së mediave.

The post Pas 4 vitesh romancë, Miley Cyrus thotë “Po”! Zbulohen detajet e unazës luksoze appeared first on Albeu.com.

Miley Cyrus dhe Maxx Morando janë fejuar pas katër vjetësh lidhjeje, raporton medium Page Six.

Dyshja fillimisht ndezën thashethemet për fejesë kur u shfaqën së bashku në tapetin e kuq të premierës botërore të filmit “Avatar: Fire and Ash” të hënën në Los Angeles.

Ylli i muzikës pop, dhe muzikanti pozuan së bashku për fotografi, me Cyrus që sigurohej ta vinte në pah unazën e saj mahnitëse me diamant të vendosur në një shirit të trashë ari.

Më vonë u konfirmua nga përfaqësuesi i saj, Francesca Consulting, se dizajnerja e bizhuterive Jacquie Aiche e kishte krijuar unazën me porosi.

Francesca Consulting ndau gjithashtu detaje për bizhuterinë, duke bërë të ditur se është një gur me prerje “cushion”, i vendosur në një unazë “të trashë” prej ari të verdhë 14-karatësh.

Gjatë paraqitjes së tyre në premiere, Cyrus shkëlqeu me një fustan të zi pa rripa, të zbukuruar me shkëlqim, me një pjesë të sipërme të strukturuar, fund me pala dhe bisht të gjatë.

Morando, nga ana e tij, dukej elegant me një kostum klasik të zi dhe një këmishë të bardhë me jakë.

Miley Cyrus dhe partneri i saj, Maxx Morando, janë zyrtarisht të fejuar pas katër vjetësh romancë, ka raportuar Page Six. Lajmi vjen pasi çifti u shfaq së bashku në tapetin e kuq të premierës botërore të filmit “Avatar: Fire and Ash”, ku fansat vunë re menjëherë detajin që i tradhtoi: unazën e saj të re vezulluese.

Në paraqitjen e tyre të përbashkët në Los Angeles, dyshja pozuan të buzëqeshur e të qetë, ndërsa Miley poziciononte dorën në mënyrë strategjike për të nxjerrë në pah unazën mahnitëse me diamant. Thashethemet nisën menjëherë, por nuk zgjati shumë deri sa u konfirmuan.

Sipas përfaqësueses së këngëtares, Francesca Consulting, unaza është krijuar me porosi nga dizajnerja e famshme e bizhuterive Jacquie Aiche, e njohur për stilin boho-luksoz dhe bashkëpunimet me shumë yje të Hollywood-it. Detajet zbuluan se diamanti ka prerje cushion, i vendosur në një shirit të trashë prej ari të verdhë 14-karatësh, duke i dhënë copës një dukje klasike, por njëkohësisht moderne e të fuqishme, pikërisht si vetë Cyrus.

Në event, Miley mahniti me një fustan elegant të zi pa rripa, të mbushur me shkëlqim, pjesë e sipërme të strukturuar dhe fund me pala që i jepte një siluetë glamuroze. Ndërsa Maxx Morando, muzikanti dhe partneri i saj prej vitesh, u shfaq me një kostum të zi klasik dhe këmishë të bardhë, duke kompletuar një pamje harmonike me artisten.

Fejesa e tyre shënon një kapitull të ri për çiftin, të cilët kanë preferuar gjithmonë të mbajnë një profil të ulët publik, duke e ruajtur romancën larg zhurmës së mediave.

The post Pas 4 vitesh romancë, Miley Cyrus thotë “Po”! Zbulohen detajet e unazës luksoze appeared first on iconstyle.al.

Gjermania duhet urgjentisht të forcojë aftësitë e saj për të frenuar si sulmet konvencionale, ashtu edhe ato hibride, tha gjenerali i NATO-s, Ingo Gerhartz, në mes të shqetësimeve në rritje lidhur me agresionin rus dhe kërcënimet e tjera të nivelit më të ulët në mbarë Evropën.

Në nisje të një konference dyditore në Berlin më 18 nëntor, që ka në qendër forcimin e mbrojtjes të Evropës, Gerhartu tha se “sfida jonë kryesore është frenimi, dhe frenimi sot duhet të jetë kundër të gjitha llojeve të shtypjes”.

Ai theksoi se, për t’iu kundërvënë një numri në rritje sulmesh hibride, Gjermania ka nevojë për reforma të shpejta në prokurimin ushtarak, zbatim të shpejtë të ligjit të ri për shërbimin ushtarak dhe forcimin e gatishmërisë mbrojtëse në mbarë shoqërinë.

“Për të transformuar investimet në frenim, institucionet duhet të ndryshojnë, proceset duhet të përshtaten, dhe më e rëndësishmja, e gjithë shoqëria jonë duhet të angazhohet”, tha ai.

Gerhartz shprehu keqardhjen për debatin që ka zgjatur muaj me radhë mbi atë nëse dhe si të futet shërbimi ushtarak në Gjermani, i cili në aspektin politik u zgjidh vetëm javën e kaluar.

Ai tha se Rusia gjithashtu e kupton se procesi gjerman i prokurimit nganjëherë zgjat me vite të tëra dhe se industria ka vështirësi që të rrisë prodhimin e armëve.

“Kjo tregon se Gjermania si tërësi ende nuk e ka arritur pjekurinë strategjike që kërkon kjo kohë”, argumentoi Gerhartz, i cili komandon selinë operacionale të NATO-s në Brunsum të Hoandës, të quajtur Komanda e Përbashkët e Forcave Aleate.

Duhet po ashtu të ketë një diskutim mbi mënyrën se si mund të funksionojë frenimi në të ardhmen në të ashtuquajturën “zonë gri” të sulmeve hibride, të cilat mund të mos arrijnë deri tek obligimi për të mbrojtur një aleat të NATO-s sipas Nenit 5 të NATO-s. Gerhartz u shpreh se “duhet të rishikojmë qasjen tonë ndaj frenimit”.

Politikanë, zyrtarë ushtarakë dhe ekspertë të mbrojtjes po mblidhen në kryeqytetin gjerman për konferencën, e cila do të përfshijë më shumë se 140 folës në fjalime kryesore dhe panele diskutimi.

Pjesëmarrësit synojnë të shqyrtojnë mënyrat e përgjigjes ndaj një sërë kërcënimesh që përballen NATO-ja dhe Bashkimi Evropian, duke përfshirë masa për rritjen e prodhimit të armëve dhe adoptimin e teknologjive të reja.

Ministri gjerman i Mbrojtjes, Boris Pistorius, dhe ministri suedez i Mbrojtjes, Pal Jonson, gjithashtu morën pjesë në këtë konferencë dyditore.

Gjatë deklarimit të tij, Pistorius bëri thirrje që aleatët evropianë të Gjermanisë të zgjerojnë shpejt gatishmërinë mbrojtëse në kontinent.

Ai gjithashtu iu referua kërcënimit në rritje nga Rusia. Pistorius nënshkroi një marrëveshje me Jonson për rritjen e bashkëpunimit ushtarak me këtë shtet anëtar të NATO-s.

Pistorius vuri në pah se Moska tashmë po kryen sulme hibride në shkallë të gjerë, duke përdorur sulme kibernetike, spiunazh, sabotim dhe dezinformim.

Ai shtoi se Deti Baltik, tradicionalisht i parë si lidhje mes vendeve evropiane, po kthehet gjithnjë e më shumë në një zonë tensioni, duke shërbyer si poligon testimi i presidentit rus, Vladimir Putin, për kapacitetin e Evropës për të frenuar dhe për t’iu përgjigjur.

Ai përmendi kabllot nënujore të dëmtuara, shkeljet e hapësirës ajrore dhe fluturimet me dronë./REL

The post Shqetësimet për agresionin rus/ Gjenerali i NATO-s: Gjermania të forcojë urgjentisht mbrojtjen kundër kërcënimeve hibride appeared first on Albeu.com.

Një ngjarje makabre ka tronditur Emiratet e Bashkuara Arabe, ku një çift rus u rrëmbye dhe u vra brutalisht pasi u josh me premtimin për një takim me “investitorë”. Viktimat janë Roman Novak, 38 vjeç, dhe bashkëshortja e tij Anna, të cilët prej vitesh jetonin në Dubai dhe shfaqnin në rrjete sociale një jetë luksoze […]

The post U rrëmbyen dhe u masakruan në Dubai, zbulohen detaje nga vrasja e çiftit rus appeared first on BoldNews.al.

Pas takimit në Shtëpinë e Bardhë me presidentin amerikan Donald Trump, kryeministri hungarez Viktor Orbán njoftoi se Hungaria ka marrë një përjashtim njëvjeçar nga sanksionet ndaj naftës dhe gazit rus. Marrëveshja shihet si një fitore për të dyja palët: për Orbánin, që shmang goditjen ekonomike, dhe për Trumpin, që siguron angazhime të reja nga Budapesti […]

The post Hungaria përjashtohet për një vit nga sanksionet ndaj naftës dhe gazit rus appeared first on BoldNews.al.

Presidenti rus, Vladimir Putin urdhëroi zyrtarët e tij të lartë të hartojnë propozime mbi testimet e mundshme të armëve bërthamore. Masa vjen menjëherë pasi Presidenti i SHBA-së Donald Trump tha javën e kaluar se SHBA-të do të rifillonin teste të tilla. Putin tha se Rusia gjithmonë i është përmbajtur në mënyrë strikte detyrimeve të saj sipas Traktatit Gjithëpërfshirës për Ndalimin e Testeve…

Source

Gjermania duhet të dërgojë raketa me rreze të gjatë veprimi Taurus në Ukrainë, dhe aleatët e NATO-s duhet të rrisin dërgesat për të ndihmuar ukrainasit të mbrohen kundër raketave dhe droneve ruse, ka thënë ish-Sekretari i Përgjithshëm i NATO-s, Anders Fogh Rasmussen në një intervistë për Euronews.

Rasmussen, i cili ishte shef i NATO-s nga viti 2010 deri në vitin 2014 pasi shërbeu si kryeministër i Danimarkës, sugjeroi që aleatët e NATO-s duhet të rrisin presionin mbi presidentin rus Vladimir Putin për ta sjellë atë në tryezën e negociatave, megjithëse për momentin Putin nuk ka asnjë motiv për ta bërë këtë.

"Presidenti Putin nuk ka asnjë nxitje për t'u angazhuar në mënyrë konstruktive në një proces paqeje, për sa kohë që ai beson se mund të fitojë në fushën e betejës", ka thënë Rasmussen përcjell Telegrafi.

"Pra, për të ndryshuar llogaritjet e tij, ne duhet t'i ndihmojmë ukrainasit shumë më tepër, dhe duhet të ushtrojmë më shumë presion", theksoi ai.

Taurus i prodhuar në Gjermani është një raketë me rreze të gjatë veprimi shumë e përparuar me një rreze veprimi prej 500 km, ose dyfishi i raketave që Kievi aktualisht ka në arsenalin e tij, dhe mund t'i mundësojë Ukrainës të godasë thellë në territorin rus.

Edhe pse kancelari gjerman Friedrich Merz tha në prill se do të ishte i hapur për të dërguar raketën Taurus në Ukrainë, kjo ende nuk është materializuar.

Qeveria e mëparshme e koalicionit e udhëhequr nga Olaf Scholz u tërhoq nga dërgimi i raketës në Ukrainë për shkak të shqetësimeve se sulmet në tokën ruse mund të përshkallëzonin luftën.

Gjatë intervistës së tij, Rasmussen vuri në dukje një ndryshim taktike nga Uashingtoni që nga janari.

"SHBA-të mund të jenë më të paparashikueshme. Nuk e vlerësova pritjen me tapet të kuq të presidentit Putin në Alaska kur ai dhe presidenti Trump u takuan", tha ai.

Megjithatë, Rasmussen përshëndeti njoftimin e fundit të SHBA-së për sanksione kundër dy kompanive të mëdha ruse të naftës si një hap pozitiv.

"Duket se gradualisht presidenti Trump e ka humbur durimin me Putinin. Dhe mendoj se amerikanët gradualisht e kuptuan se nëse duhet ta detyrojnë Putinin të hyjë në negociata paqeje, do të duhet të ushtrojnë shumë më tepër presion mbi Rusinë", tha ish-shefi i NATO-s. /Telegrafi/

VARSHAVË, 31 tetor /ATSH-DPA/- Për herë të tretë këtë javë, avionët luftarakë polakë kanë interceptuar një avion zbulues rus mbi Detin Baltik.

“Avioni “Ilyushin Il-20” u shoqërua jashtë zonës nga dy avionë luftarakë polakë “MiG-29″ sot në mëngjes”, shkroi Komanda e Lartë e Forcave të Armatosura Polake në X, së bashku me një fotografi të avionit mbi det.

“Avioni zbulues rus ka udhëtuar në hapësirën ajrore ndërkombëtare pa një plan fluturimi dhe me transponderin e tij të fikur, dhe përbënte një rrezik potencial sigurie për trafikun ajror aty pranë”, thuhet në deklaratë.

“Pilotët polakë kapën dhe identifikuan avionin e huaj dhe më pas e shoqëruan atë në përputhje me procedurat e NATO-s dhe hapësira ajrore mbi Poloni nuk u shkel”, tha ushtria.

Ky është incidenti i tretë i tillë këtë javë. Një avion ushtarak rus “Il-20” u interceptua dje nga dy avionë luftarakë pranë bregdetit Baltik të Polonisë, gjithashtu pa një plan fluturimi dhe me transponderin e tij të fikur. Incidenti i parë ndodhi të martën.

“Ushtria polake mbetet në gatishmëri të plotë luftarake dhe reagon në mënyrë efikase ndaj të gjitha veprimeve provokuese nga Rusia”, tha sot Komanda e Lartë. //a.i/

The post VARSHAVË – Forcat polake interceptojnë avionë rusë, për herë të tretë brenda javës appeared first on Agjencia Telegrafike Shqiptare.

KIEV, 30 tetor /ATSH-DPA/ – Rusia ka bombarduar një tjetër termocentral në Ukrainë, duke shkaktuar vdekjen e dy personave, njoftoi presidenti ukrainas Volodymyr Zelensky në fjalimin e tij sot në mbrëmje.

Sipas Zelensky, sulmi goditi termocentralin në Sloviansk, qyteti më i madh në rajonin e Donetskut që ende kontrollohet nga Kievi.

“Për fat të keq, dy persona humbën jetën,” tha ai, duke shtuar se “disa të tjerë janë plagosur”.

Ky sulm vjen pas njërës prej netëve më të rënda të luftës për Ukrainën, me një numër të madh goditjesh ndaj objekteve energjetike.

Përballë sulmeve të qëllimshme ndaj infrastrukturës civile, Zelensky e përshkroi këtë si terrorizëm dhe theksoi se bota duhet të reagojë.

Ai përmendi sanksionet e fundit ndaj kompanive ruse të naftës si një shembull të përgjigjes efektive, duke thënë se ato tashmë kanë treguar ndikim të qartë.

“Eksportet e naftës janë themeli i arrogancës ruse dhe nëse sanksionet mbeten ose ashpërsohen, Rusia do të pësojë humbje të ndjeshme”, tha Zelensky.

Sipas vlerësimeve të tij, Moska mund “të humbasë rreth 50 miliardë dollarë vitin e ardhshëm.

“Sanksionet më të forta do të ishin një mjet i fuqishëm për ta detyruar Rusinë të ndalojë luftën, shtoi ai. /Ad.Ab./

The post KIEV – Zelensky dënon sulmin e fundit rus, bën thirrje për më shumë sanksione appeared first on Agjencia Telegrafike Shqiptare.