“Pingpongu” politik i kthimit të ligjeve mes presidentit të Malit të Zi, Jakov Millatoviq, dhe Kuvendit po e ngadalëson edhe më tej rrugën evropiane të këtij vendi.

Kjo ndodh në kohën kur Mali i Zi, edhe pa këto përplasje institucionale, ka nisur të shfaqë shenja ngecjeje në përmbushjen e detyrimeve në disa fusha të rëndësishme për integrimin evropian.

Më 3 shkurt, Millatoviq ia ktheu Kuvendit një paketë ligjesh për rishqyrtim, duke u arsyetuar se dëshiron që deputetët t’i lexojnë dhe shqyrtojnë me seriozitet ato.

“Reformat evropiane nuk nënkuptojnë thjesht ngritje dore në Kuvend, as miratim ligjesh pa debat dhe diskutim”, shkroi presidenti malazez në rrjetet sociale.

Bëhet fjalë për një paketë prej 25 ligjesh që tashmë kanë marrë dritën e gjelbër nga Komisioni Evropian dhe që janë të domosdoshme për Malin e Zi për të vazhduar mbylljen e kapitujve në negociatat e anëtarësimit në BE.

Dy ditë më vonë, Millatoviq ndryshoi qëndrim dhe i shpalli ligjet në fuqi.

Ai tha se kthimi i tyre në Kuvend, me pritjen që deputetët t’i lexonin dhe t’i shqyrtonin seriozisht, sipas vlerësimit të tij, nuk do të kishte asnjë efekt praktik.

Kjo paketë ligjesh, e njohur në zhargonin politik si “ligjet blu”, e kishte miratimin e Brukselit dhe Komisioni Evropian konfirmoi se ishte në dijeni për vendimin e presidentit të Malit të Zi për t’i shpallur ligjet.

“Ne konfirmojmë mbështetjen tonë të vazhdueshme për synimin ambicioz të Malit të Zi që t’i mbyllë të gjithë kapitujt e mbetur të negociatave deri në fund të vitit, me kusht që të përmbushen plotësisht të gjitha kushtet e nevojshme”, deklaroi zëdhënësi i Komisionit Evropian, Guillaume Mercier.

Megjithatë, veprimi i fundit nxori në pah një problem më të thellë: Mali i Zi, i cili tani po hyn në fazën përfundimtare të negociatave të anëtarësimit në BE, ka nisur të shfaqë shenja të ngadalësimit të procesit.

Ambicia nuk është vetëm e Malit të Zi, por edhe e institucioneve evropiane, që ky vendi t’i mbyllë të gjithë kapitujt negociues deri në fund të këtij viti.

Kjo, së paku teorikisht, do ta bënte të realizueshëm sloganin shtetëror “28 deri më 28”, që nënkupton se Mali i Zi mund të bëhet anëtari i 28-të i Bashkimit Evropian deri në fund të vitit 2028 – duke pasur kështu kohë të mjaftueshme për ratifikimin e Marrëveshjes së Anëtarësimit, e cila nënshkruhet pas përfundimit zyrtar të negociatave.

Procesi i ratifikimit duhet të kalojë në të gjitha shtetet aktuale anëtare të BE-së – gjithsej 27 – si dhe në shtetin që i bashkohet unionit, në këtë rast, Malin e Zi.

Ky është një proces që zakonisht zgjat nga një deri në tre vjet.

Megjithatë, Mali i Zi, i cili shpesh konsiderohet si lider në procesin e zgjerimit të BE-së, po e zvarrit ritmin e reformave dhe të negociatave.

Sipas zyrtarëve evropianë, plotësimi i pozitave kyç, si gjyqtarët e Gjykatës Kushtetuese dhe anëtarët e Këshillit Gjyqësor dhe atij Prokurorial, tashmë përbën një pengesë serioze për vazhdimin e negociatave të anëtarësimit.

Po të kishte vendosur presidenti Millatoviq t’i frenonte të ashtuquajturat “ligje blu”, kjo do të kishte rrezikuar konferencat e ardhshme ndërqeveritare, të planifikuara për muajt mars dhe prill, në të cilat mund të mbyllen disa kapituj negociues, bëjnë të ditur burime të Radios Evropa e Lirë.

E, këtë e konfirmoi edhe Mercier.

“Vonesat e vazhdueshme në procese kyç, si miratimi i ligjeve dhe emërimi i pozicioneve të lira, nëse mbeten të pazgjidhura, mund të përbëjnë një pengesë serioze për realizimin e ambicies së Malit të Zi që t’i mbyllë të gjithë kapitujt negociues deri në fund të vitit”, tha ai.

Eurodeputeti Tomisllav Sokoll, anëtar i delegacionit për Marrëveshjen e Stabilizim-Asociimit ndërmjet BE-së dhe Malit të Zi, paralajmëroi se ngadalësimi i ritmit të miratimit të ligjeve të nevojshme për mbylljen e kapitujve, “mund të ketë pasoja afatgjate për rrugën evropiane të shtetit”.

“Dritarja e BE-së nuk do të jetë e hapur përgjithmonë, dhe dihet se kush dëshiron ta mbyllë atë. Prandaj, është e rëndësishme të mos humbet një moment që rrallëherë përsëritet”, shkroi Sokoll në rrjetet sociale.

Në janar, Mali i Zi mbylli përkohësisht kapitullin 32 dhe aktualisht i ka të mbyllur 13 kapituj nga gjithsej 33 në negociatat e anëtarësimit në Bashkimin Evropian.

Pritet që gjatë gjysmës së parë të vitit, Bashkimi Evropian të miratojë formimin e grupeve punuese që do të angazhohen në hartimin e draftit të Marrëveshjes së Anëtarësimit.

Teksti i kësaj marrëveshjeje përcakton kushtet e anëtarësimit, marrëveshjet kalimtare, masat mbrojtëse, kontributin buxhetor, numrin e deputetëve në Parlamentin Evropian, votat në Këshillin e BE-së, si dhe komisionarin që do ta përfaqësojë Malin e Zi.

Sipas parimeve negociuese të miratuara nga Konferenca e Anëtarësimit, marrëveshjet e arritura gjatë negociatave për kapitujt e veçantë, edhe kur janë të pjesshme, nuk konsiderohen përfundimtare, derisa të arrihet një marrëveshje gjithëpërfshirëse për të gjithë kapitujt.

Mali i Zi duhet të mbyllë edhe 23 kapituj negociues, ndërsa për mbylljen e secilit prej tyre kërkohet miratimi i të gjitha shteteve anëtare të Bashkimit Evropian./REL/

Një tjetër skandal ka tronditur opinionin publik në Malin e Zi, pas publikimit të një videoje  ku shfaqet një këshilltar i presidentit dhe një zyrtar i lartë i policisë në momente intime. Sipas mediave lokale, pamjet janë regjistruar nga vetë protagonistët në një dhomë hoteli, përmes një kamere të vendosur prej tyre. Fillimisht videoja ka […]

The post Fotot e skandalit seksual/ Këshilltari i Presidentit në intimitet me Drejtorin e Policisë appeared first on BoldNews.al.

Prej disa ditësh, Mali i Zi po përballet me një aferë serioze që ka përfshirë figura të larta shtetërore, ku në qendër të saj janë Mirjana Pajkovic dhe Dejan Vukshic, ish-drejtor i Agjencisë së Sigurisë Kombëtare dhe ish-këshilltar i Presidentit. Skandali ka çuar në dorëheqjen e të dyve nga funksionet publike. Vukshic dha dorëheqjen në […]

The post Publikimi i videove intime me ish-zyrtarin e lartë, Mirjana Pajkovic: E papranueshme që të jetojmë me frikë nga pushtetarët appeared first on BoldNews.al.

Diplomati sllovak Miroslav Lajçak dhe i dënuari për krime seksuale Jeffrey Epstein organizuan një vizitë në Malin e Zi gjatë gushtit, shtatorit dhe tetorit 2018, ku dyshohet se do të priteshin nga kreu i shtetit të atëhershëm Milo Gjukanoviq.

Kjo rrjedh nga mesazhet e shkëmbyera midis Lajçak dhe Epstein, të cilat u publikuan nga Departamenti Amerikan i Drejtësisë të premten, si pjesë e të ashtuquajturave "dosjet Epstein".

Lajçak i shkroi Epsteinit në fund të gushtit 2018 se “presidenti i Malit të Zi mezi priste” vizitën e tyre dhe më pas u përpoq të caktonte një datë për takimin me të disa herë gjatë muajve në vijim.

Megjithatë, nga komunikimet e publikuara deri më tani nuk është e qartë nëse vizita u zhvillua vërtet.

Aktivitetet zyrtare të ish-presidentit në nëntor dhe dhjetor 2018 nuk përfshijnë takimin e tij me Lajçakun ose Epsteinin, shkruan vijesti.me.

Por, më 20 janar 2019, në një bisedë me email me Eduardo A. Robles , Epstein deklaroi se presidenti i atëhershëm i Malit të Zi ishte një "djalë i shkëlqyer".

Nuk ka munguar reagimi i Gjukanoviqit në lidhje me akuzat. Ai tha se nuk e njihte Epsteinin dhe se nuk kishte pasur kurrë komunikim të drejtpërdrejtë me Epsteinin.

"Në përgjigje të interesit të shpeshtë të përfaqësuesve të medias në lidhje me publikimin e komunikimeve nga i ndjeri Jeffrey Epstein, dua t'ju informoj se nuk e njihja Epstein dhe as nuk kam komunikuar ndonjëherë me të drejtpërdrejt ose tërthorazi. Prandaj, kuptohet, nuk mund të dëshmoj për vërtetësinë e bisedave të publikuara të Epstein, as për vizitat e tij të mundshme në Mal të Zi", tha Gjukanoviq.

Gjukanoviq theksoi se “ndjen keqardhje të veçantë” që nuk mund t’i përmbushë “pritjet e disa punonjësve të medias” për t’iu përgjigjur pyetjes se si Epstein arriti në përfundimin se “ai është një personazh i shkëlqyer”.

"Mezi pret vizitën"

Më 21 gusht 2018, Lajçak i shkroi Epstein një mesazh: “Presidenti i Malit të Zi mezi pret vizitën tonë”.

Epstein iu përgjigj: “Ndoshta duhet t’i japë Donaldit një strehë të sigurt”.

Më pas, Lajçak iu kundërpërgjigj se “pika e dobët e Donaldit është Mali i Zi”.

Epstein i shkruante Lajçak se ish-avokati i Trumpit, Michael Cohen , dhe ish-këshilltari i tij, Paul Manafort, janë "të dy fajtorë", duke thënë se ky është "fillimi i fundit".

Gjukanoviq përmendet në dosjen Epstein, reagon duke mohuar çdo kontakt

Ndryshe, Manafort lobonte për oligarkun rus Oleg Deripaska , i cili zotëronte Uzinën e Aluminit në Podgoricë në vitet 2000.

Mediat e shquara amerikane dhe britanike e përshkruan 21 gushtin 2018 si ditën më të vështirë të mandatit të parë të Trumpit, pikërisht sepse Cohen pranoi në gjykatë se Trump e udhëzoi drejtpërdrejt atë të paguante para për të heshtur dy gra me qëllim që të ndikonte në rezultatin e zgjedhjeve të vitit 2016, ndërsa Manafort u shpall fajtor për mashtrim financiar dhe evazion fiskal.

Në korrik 2018, Trump i përshkroi malazezët në një intervistë me Fox News si “njerëz shumë të fortë”, por edhe “shumë agresivë”.

Ai shprehu shqetësim se ky agresivitet i supozuar mund ta tërhiqte NATO-n në konflikt, duke thënë: “Ata mund të bëhen agresivë dhe, urime, jeni në Luftën e Tretë Botërore”.

Në vazhdim të bisedës, Lajçak dhe Epstein diskutojnë kandidaturën e mundshme të Lajçak për president të Sllovakisë, dhe Epstein i kishte dërguar një artikull rreth Malit të Zi nga The New York Times, të cilit Lajçak i përgjigjet: "Ju thashë që Mali i Zi është i shkëlqyer".

Një muaj më vonë, Epstein e pyet Lajçakun: “A është ai presidenti apo kryeministri i Malit të Zi”.

Sllovaku i përgjigjet: “Presidenti. Milo Gjukanoviq”.

Nëntë ditë më vonë, më 30 shtator 2018, Lajçak e pyet Epsteinin nëse fundjava e parë apo e dytë e nëntorit do të ishte një kohë e mirë për të vizituar Malin e Zi, dhe ai i përgjigjet: “Më lejoni të verifikoj”.

Më pas, dyshja prekin edhe politikën ndërkombëtare. Epstein i thotë Lajçakut se do të donte t’ia prezantonte Ministrin e Jashtëm rus Sergei Lavrov .

Diplomati sllovak thekson se e “do” Lavrovin dhe i shkruan Epsteinit për t’i “kujtuar Steve Bannon ftesën për të shkuar në Sllovaki dhe për të takuar Ficon”.

Epstein përgjigjet se si ai ashtu edhe Bannon do të vijnë në Evropë pas "zgjedhjeve të mesit të mandatit" parlamentare të SHBA-së për presidentin, dhe më pas flasin për vajzat në Moskë dhe se si ato janë "eksporti më i mirë i Rusisë".

Më 16 tetor 2018, Lajçak e pyeti përsëri Epstein nëse do të vinte së shpejti në Evropë dhe si e imagjinonte një udhëtim në Mal të Zi në fundjavën e parë të nëntorit.

Financieri amerikan u përgjigj se zgjedhjet në SHBA ishin më 6 nëntor, por se ai do të "përpiqej të organizonte udhëtimin".

Diplomati sllovak përgjigjet: "Në rregull. Nuk ua kam thënë ende. Por mendoj se do të jenë gati". /Telegrafi/

Ish-presidenti dhe kryeministri i Malit të Zi, Milo Gjukanoviq, përmendet në dosjet që lidhen me abuzuesin e dënuar seksual Jeffrey Epstein, të publikuara nga Departamenti i Drejtësisë i SHBA-së.

Gjukanoviq përmendet në mesazhet që Epstein dyshohet se ka shkëmbyer me politikanin sllovak Miroslav Lajçak.

Në një nga mesazhet, Lajçak shkroi se presidenti i Malit të Zi "mezi pret vizitën tonë".

Epstein i përgjigjet Lajçak: "Ndoshta duhet t'i japë Donaldit një strehë të sigurt".

Lajçak përgjigjet se “pika e dobët e Donaldit është Mali i Zi”, shkruan vijesti.me.

Gjatë bisedës, Epstein i kishte dërguar Lajçakut edhe një link nga portali New York Times me një artikull rreth Malit të Zi dhe një fotografi të Kotorrit, të cilit Lajçak i përgjigjet: “Të thashë që Mali i Zi ishte i shkëlqyer”.

Epstein e pyeti gjithashtu Lajçak nëse Gjukanoviqi ishte president apo kryeministër i Malit të Zi, dhe Lajçak u përgjigj se ai ishte presidenti.

Bëhet e ditur se disa nga mesazhet u shkëmbyen në gusht 2018, dhe disa më 21 shtator të të njëjtit vit.

Megjithatë, Gjukanoviq tha se nuk e njihte Jeffrey Epsteinin.

Ai deklaroi se nuk kishte pasur kurrë komunikim të drejtpërdrejtë me Epsteinin.

"Në përgjigje të interesit të shpeshtë të përfaqësuesve të medias në lidhje me publikimin e komunikimeve nga i ndjeri Jeffrey Epstein, dua t'ju informoj se nuk e njihja Epstein dhe as nuk kam komunikuar ndonjëherë me të drejtpërdrejt ose tërthorazi. Prandaj, kuptohet, nuk mund të dëshmoj për vërtetësinë e bisedave të publikuara të Epstein, as për vizitat e tij të mundshme në Mal të Zi", tha Gjukanoviq.

Kujtojmë se përmbajtja e dosjes së publikuar përfshin afërsisht 3 deri në 3.5 milionë faqe me të dhëna rreth aktiviteteve të Epstein, 2,000 video dhe 180,000 imazhe.

Departamenti i Drejtësisë pretendon se një pjesë e përmbajtjes është e vështirë ose e pamundur të publikohet pa mbrojtur privatësinë, kështu që emrat dhe informacionet personale të viktimave janë fshirë pjesërisht ose plotësisht. /Telegrafi/

Mali i Zi po përballet prej ditësh me një aferë serioze që ka përfshirë figura të larta shtetërore, në qendër të së cilës janë Mirjana Pajkoviç dhe Dejan Vukshiç, ish-drejtor i Agjencisë së Sigurisë Kombëtare dhe ish-këshilltar i Presidentit Jakov Milatoviç. Skandali ka çuar në dorëheqjen e të dyve nga funksionet publike. Vukshiç dha dorëheqjen […]

The post Skandali sek*ual në Mal të Zi/ Ish-zyrtarja e lartë: Krim kibernetik! Jam kërcënuar me jetë… appeared first on BoldNews.al.

Pas një takimi me përfaqësuesit e Qeverisë, Shoqata e Transportuesve të Malit të Zi vendosi t’i japë fund bllokadës së trafikut të mallrave. Ata thonë se kanë gjetur zgjidhje për një numër të konsiderueshëm problemesh dhe ka filluar tërheqja e kamionëve nga pikat kufitare, raporton Radio Televizioni i Malit të Zi.

“TVSH-ja kthehet brenda afatit të përcaktuar me ligj. Na është siguruar se periudha e tranzitit për mallrat e importuara nga Mali i Zi do të jetë 72 orë. Na është siguruar se propozimi për një përvojë pune të përfituar do t’i vihet qeverisë për votim”, u tha pas takimit.

Megjithatë nga shoqata deklaruan se problemi i akcizës mbi karburantet nuk është zgjidhur.

“Por kemi marrë garanci se të gjitha temat kryesore me partnerët evropianë, përfshirë Ethia-n dhe akcizën mbi naftën, do të merren në konsideratë për të na stimuluar. Rritja e orarit të punës së inspektorëve fitosanitarë do të zgjatet”, theksuan përfaqësuesit e transportuesit.

Shoqata e Transportuesve Ndërkombëtarë të Mallrave të Malit të Zi i bllokoi kufijtë për mallra pranë nëntë pikave kufitare: Debeli Brijeg, Ilino Brdo, Vraçenoviq, Rançë, Metelkë, Dobrakovë, Draçenovc, Kullë dhe Bozhaj, si dhe hyrjen dhe daljen nga Porti i Tivarit.

Transportues nga Mali i Zi, Serbia, Maqedonia e Veriut, dhe Bosnja i bllokuan që nga mesdita e 26 janarit disa pika kufitare, duke ndalur qarkullimin e mallrave drejt zonës Schengen të Bashkimit Evropian.

Qendra Kombëtare për Menaxhim Kufitar në Kosovë njoftoi se pas heqjes së bllokadave ka nisur qarkullimi i kamionëve në drejtim të Malit të Zi më 29 janar.

Njoftimi vjen pasi Shoqata e Transportuesve të Malit të Zi tha se ka vendosur t’i japë fund bllokimit të pikave kufitare për mallra me Bashkimin Evropian, e cila ka prekur edhe bizneset në Kosovë.

Shoqata tha se pasi një takimi me përfaqësuesit e Qeverisë malazeze janë gjetur zgjidhje për një numër të konsiderueshëm problemesh dhe se për rrjedhojë ka filluar t’i tërheqë kamionët nga pikat kufitare, raporton Radio Televizioni i Malit të Zi.

"TVSH-ja po rimbursohet brenda afatit të përcaktuar me ligj. Kemi marrë garanci se periudha e transitit për mallrat e importuara nga Mali i Zi do të jetë 72 orë. Kemi marrë garanci se propozimi për përvojë pune preferenciale do t'i paraqitet Qeverisë për votim", u tha pas takimit.

Por, shoqata shtoi se problemi me akcizën e karburantit nuk është zgjidhur.

"Por, ne kemi marrë garanci se të gjitha temat kryesore me partnerët evropianë, përfshirë ETIAS dhe akcizën mbi naftën, do të diskutohen në mënyrë që të na stimulojnë. Rritja e orarit të punës së inspektorëve fitosanitarë do të zgjatet", theksuan përfaqësuesit e transportit.

Shoqata e Transportuesve Ndërkombëtarë të Mallrave të Malit të Zi i bllokoi kufijtë për mallra pranë nëntë pikave kufitare: Debeli Brijeg, Ilino Brdo, Vraçenoviq, Rançë, Metelkë, Dobrakovë, Draçenovc, Kullë dhe Bozhaj, si dhe hyrjen dhe daljen nga Porti i Tivarit.

Gjatë protestës, pasagjerët dhe kamionët që bartnin ilaçe, kafshë, eksplozivë dhe armë, u lejuan të kalonin.

Transportues nga Mali i Zi, Serbia, Maqedonia e Veriut, dhe Bosnja i bllokuan që nga mesdita e 26 janarit disa pika kufitare, duke ndalur qarkullimin e mallrave drejt zonës Schengen të Bashkimit Evropian.

Ata kërkojnë ndryshim të rregullores që përcakton se banorët e shteteve të treta mund të qëndrojnë në Zonën Schengen vetëm për 90 ditë në periudhën 180-ditore. Për ta, kjo periudhë është shumë e shkurtër dhe ua vështirëson punën.

Komisioni Evropian tha më parë se po punon për të gjetur një zgjidhje që do t'u lejonte transportuesve profesionistë të qëndronin më gjatë në zonën Shengen.

Transportuesit malazezë protestuan gjithashtu sepse Ministria e Financave nuk i ka pranuar kërkesat e tyre për të rritur shumën e rimbursimeve të akcizës për karburantet që kanë kolegët e tyre në rajon, dhe ata gjithashtu po kërkojnë një rimbursim më të shpejtë të TVSH-së në 30 deri në 60 ditë, sepse tani kanë vite që presin, si dhe të zgjasin punën e inspektimeve doganore dhe fitosanitare.

Bllokada prek edhe bizneset në Kosovë

Derisa transportuesit në Mal të Zi njoftuan përfundimin e bllokadës, kolegët e tyre nga tri vendet e tjera të Ballkanit Perëndimor janë edhe duke protestuar.

Kosova, e cila nuk merr pjesë në protestë, po i ndien pasojat e saj, pasi pjesën më të madhe të importit dhe eksportit e realizon përmes transiteve nëpër këto vende.

Disa biznese kosovare me të cilat ka biseduar Radio Evropa e Lirë (REL), përballen me vonesa, rrezikim kontratash dhe dëme financiare.

Pronarët e të paktën dy kompanive kosovare thanë se biznesi i tyre është prekur nga bllokada.

Ramiz Gashi, drejtues i kompanisë “Relux”, i tha REL-it të mërkurën se kompania e tij - e cila prodhon ngjyra dhe fasada, po përjeton pasoja të menjëhershme pasi produktet e saj për në Britani të Madhe nuk kanë mundur të nisen sipas planit.

“Ne mund ta humbim këtë blerës, që është potencialisht më i rëndësishmi që kemi”, theksoi Gashi për REL-in.

Ruzhdi Rexhaj nga kompania “Kalaja Epox” i tha REL-it se porosia e rrëshirave epokside nga një kompani austriake, tashmë e paguar dhe e ngarkuar, mund të vonohet ose të dështojë.

“Çfarë t’u themi klientëve? U kemi thënë tashmë se malli i porositur, ngarkohet më 27 janar dhe vjen deri në fund të javës. Tani, nuk e dimë se kur do të arrijë këtu, ndërkohë që kemi edhe projekte që i kemi filluar, duke shpresuar në këtë material”, tha Rexhaj.

Për më tepër, Dhoma e Tregtisë dhe Industrisë e Kosovës iu drejtua me një letër presidentes së Komisionit Evropian, Ursula von der Leyen, duke paralajmëruar se protesta njëjavore mund të shkaktojë pasoja të mëtejshme për kompanitë kosovare - përfshirë rrezikimin e kontratave me partnerët evropianë.

PRISHTINË, 29 janar /ATSh/ Qendra Kombëtare për Menaxhim Kufitar (QKMK) e Kosovës ka njoftuar se kanë filluar lëvizjet e kamionëve në drejtim të Malit të Zi, pas heqjes së bllokadës në territorin e këtij shteti.

Sipas njoftimit zyrtar, situata në pikat kufitare është normalizuar dhe qarkullimi i mjeteve të rënda po zhvillohet pa pengesa.

Nga QKMK u bëhet thirrje operatorëve dhe qytetarëve që për informata shtesë të kontaktojnë në numrat +383 45 198 000, +383 45 198 606, ose në numrin pa pagesë 0800 500 95.

/KosovaPress//r.e/

The post Rifillon lëvizja e kamionëve nga Kosova drejt Malit të Zi pas heqjes së bllokadës appeared first on Agjencia Telegrafike Shqiptare.

Shoqata e Transportuesve të Malit të Zi njoftoi të enjten se ka vendosur t’i japë fund bllokimit të pikave kufitare për mallra me Bashkimin Evropian, e cila ka prekur edhe bizneset në Kosovë. Shoqata tha se pasi një takimi me përfaqësuesit e Qeverisë malazeze janë gjetur zgjidhje për një numër të konsiderueshëm problemesh dhe se […]

The post Transportuesit në Mal të Zi i japin fund bllokadës së trafikut të mallrave në kufij appeared first on BoldNews.al.

Mirjana Pajkoviq, ish-sekretareshë në Ministrinë e të Drejtave të Njeriut dhe Minoriteteve në Mal të Zi, foli në një intervistë për televizionin online të portalit Dan rreth skandalit seksual që ka shpërthyer në këtë vend, ku ajo është protagonistja kryesore.

Ajo foli për kërcënimet dhe shantazhet ndaj saj, të cilave pretendon se i është nënshtruar nga Dejan Vukshiq, ish-këshilltar i presidentit dhe ish-drejtor i Agjencisë për Sigurinë Kombëtare.

Pajkoviq u shpreh se shteti ka reaguar në mënyrë jo adekuate ndaj trajtimit të dhunës ndaj saj gjatë një periudhe të gjatë kohore, përfshirë kërcënime serioze që nuk kanë rezultuar në arrestime.

Ajo shtoi se edhe "presidenti i shtetit ka dështuar të veprojë" ndaj ankesave të saj.

Ish-zyrtarja theksoi se rasti i saj tregon se ligji nuk zbatohet njësoj për të gjithë dhe se në Mal të Zi mungon barazia gjinore dhe mbrojtja e të drejtave themelore, raportojnë mediat.

Detaje të reja të skandalit seksual që tronditi Malin e Zi - publikohen mesazhet në WhatsApp

Në intervistë Pajkoviq apeloi veçanërisht tek gratë "që të mos heshtin përballë sulmeve apo abuzimeve", duke thënë se ajo vetë e konsideron heshtjen e saj fillestare si një “gabim”.

Ajo ka treguar se "Vukshiq ka qenë i durueshëm dhe e ka kërcënuar në mënyrë të përsëritur se nuk do të ketë jetë në Mal të Zi për të", për shkak të një materiali komprometues, pasi ajo refuzoi të vepronte sipas kërkesave të tij.

Pajkoviq ka ngritur disa kallëzime penale kundër Vukshiqit dhe si juriste vlerëson se ligjet aktuale nuk janë të mjaftueshme për të adresuar krimet e sotme, përfshirë shantazhet dhe kërcënimet me pasoja të gjerë personale dhe profesionale.

Në mbështetje të grave të cilat përballen me diskriminim, fyerje ose forma të tjera të trajtimit jo të duhur dhe veprave jo ligjore, Institucioni i Mbrojtësit të të Drejtave dhe Lirive ka bërë thirrje për ndalimin e fushatave stigmatizuese dhe frikësuese ndaj Pajkoviq.

Sipas këtij institucioni, askush - pavarësisht funksionit publik që mban apo ka mbajtur - nuk e humb të drejtën për privatësi, dinjitet dhe mbrojtje kundër dhunës.

Prokuroria Themelore në Podgoricë ka formuar dy raste në lidhje me kallëzimet e Pajkoviqit, ndërsa Vukshiq ka deklaruar se nuk ka asnjë lidhje me krijimin apo shpërndarjen e materialeve komprometuese që janë shfaqur në publik. /Telegrafi/

Prej gati një muaji Mali i Zi është tronditur nga skandali që ka përfshirë zyrtarë shtetërore, pas publikimit të disa videove me përmbajtje intime. Pas këtij skandali seksual, nisën edhe dorëheqjet e njëpasnjëshme. Disa video të Mirjana Pajkoviçit, në atë kohë, sekretare e Ministrisë së të drejtave të njeriut dhe minoriteteve në Mal të Zi, […]

The post Skandali seksual që tronditi Malin e Zi! Dorëheqje të njëpasnjëshme të disa zyrtarëve appeared first on BoldNews.al.

Mali i Zi rrezikon të përballet me mungesa karburanti për shkak të protestave në të gjithë rajonin dhe bllokadës së portit të Barit në Adriatik nga shoferët e kamionëve për shkak të rregullave kufizuese të hyrjes në BE, të cilat i kanë lënë ata përballë dëbimit për tejkalimin e kufizimeve të vizitave në zonën Shengen. […]

The post Bllokada e kamionistëve/ Mali i Zi rrezikon të përballet me mungesa karburanti appeared first on BoldNews.al.

Një skandal seksual ka tronditur skenën politike në Malin e Zi, pasi në rrjetet sociale janë shpërndarë video dhe foto me përmbajtje intime, të cilat pretendohet se përfshijnë dy ish-zyrtarë të lartë shtetërorë - Mirjana Pajkoviq, ish-sekretare shtetit, dhe Dejan Vukshiq, ish-drejtor i Agjencisë për Siguri Kombëtare.

Pas publikimit të materialeve, të dy kanë dhënë dorëheqje nga postet që mbanin, duke shkaktuar debate të gjera publike dhe reagime politike, shkruajnë mediat.

Tashmë janë publikuar edhe mesazhet mes dyshes së përfolur të zhvilluar në aplikacionin Whatsapp.

Pajkoviq ka bërë kallëzime penale për shpërndarje të paautorizuar të përmbajtjes intime, ndërsa ka publikuar edhe pjesë të bisedave dhe audiopërgjime, sipas saj, ku Vukshiq i kishte bërë kërcënime për ekspozimin e materialit.

Skandali që po trondit Malin e Zi - pamje me përmbajtje eksplicite, përfshihen ish-këshilltari i presidentit dhe sekretarja shtetërore

Nga ana tjetër, Vukshiq mohon përfshirjen e tij dhe pretendon se videoja është shpërndarë pa dijeninë e tij.

Ai gjithashtu ka bërë kallëzim penal kundër Pajkoviqit për tentativë shantazhi.

Skandali ka nxitur një debat të gjerë për mbrojtjen e privatësisë dhe përgjegjësinë ligjore për shpërndarjen e përmbajtjes intime.

Sipas ligjit malazez, shpërndarja e paautorizuar e materialeve intime mund të dënohet deri në pesë vjet burg. /Telegrafi/

Pas bllokimit të qarkullimit të mjeteve të tonazhit të rëndë në Han të Hotit për shkak të protestës së kamionistëve në Malin e Zi, kufizime të ngjashme do të aplikohen edhe në pikat kufitare me Maqedoninë e Veriut. Autoritetet kanë njoftuar se për shkak të një proteste të paralajmëruar nga një shoqatë e transportit të […]

The post Pas Hanit të Hotit, bllokohet edhe qarkullimi i mallrave në pikat kufitare me Maqedoninë e Veriut appeared first on BoldNews.al.

Autoritetet malazeze kanë bërë të ditur se Shoqata e Kamionistëve të Malit të Zi do të zhvillojë një protestë 48-orëshe, duke nisur nga data 26 janar 2026, në orën 11:30. Si pasojë e kësaj proteste, për arsye sigurie dhe për të shmangur bllokimin e rrugëve apo incidente të mundshme, do të ndalohet përkohësisht qarkullimi i […]

The post Protestë në Malin e Zi, bllokohen kamionët nga Shqipëria në pikën kufitare “Hani i Hotit” appeared first on BoldNews.al.

Një shqetësim i ri ka dalë në pah lidhur me martesat midis qytetarëve të Malit të Zi dhe grave nga Shqipëria.

Në disa mesazhe në rrjetet sociale, disa gra paraqiteshin si “ofertë” për martesë, duke nxitur dyshime për ndërmjetësime të paligjshme.

Policia malazeze ka deklaruar se nuk ka informacion zyrtar për raste të tilla dhe nuk ka pasur raportime që tregojnë përfshirjen e paligjshme të ndërmjetësve.

Sipas Kodit Penal të Malit të Zi, trafikimi i njerëzve dhe shfrytëzimi për qëllime martesore konsiderohen vetëm në rastet kur ekzistojnë detyrim, kërcënim, mashtrim ose shfrytëzim, shkruan vijesti.me.

Sipas të dhënave nga disa komuna, brenda dy viteve të fundit janë regjistruar 16 martesa midis qytetarëve të Malit të Zi dhe shtetaseve shqiptare, me numrin më të madh në Ulqin. Megjithatë, nuk dihet nëse këto martesa janë bërë në kushte të paligjshme apo nën ndonjë formë shfrytëzimi.

Drejtuesja e Qendrës për të Drejtat e Grave, Maja Raiçeviq, ka theksuar se reklamat ku gratë paraqiten si mallra janë shqetësuese dhe thekson se shteti ka detyrimin të parandalojë dhe ndëshkojë çdo formë dhune apo shfrytëzimi në martesa. Ajo shton se gratë nuk duhet trajtuar si objekte dhe se shteti duhet të reagojë ndaj çdo indikacioni të ndërmjetësimeve të paligjshme.

Gazeta Vijesti gjithashtu ka rikujtuar se në vitin 2017 disa burra nga Mali i Zi ishin mashtruar nga persona që pretendonin se do të organizonin martesat me gra shqiptare, duke u kërkuar pagesa të konsiderueshme për shërbime që nuk u realizuan.

Me gjithë këto shqetësime, autoritetet malazeze insistojnë se deri më tani nuk ka fakte konkrete që tregojnë për ndërmjetësime të paligjshme, por rastet e dyshuara duhet të hetohen dhe ndiqen nga prokuroria kompetente nëse paraqiten denoncime të reja. /Telegrafi/

Presidenti i Serbisë, Aleksandar Vuçiq, ka akuzuar të hënën Kroacinë se po punon së bashku me Kosovën dhe Shqipërinë për ta “shkatërruar” atë dhe për të përfaqësuar një kërcënim ushtarak, prandaj njoftoi se qeveria, të cilën ai e kontrollon, do të vazhdojë të forcojë kapacitetet e saj ushtarake.

Sipas mediave kroate, përcjell Telegrafi, Vuçiq e tha këtë në Trebinje në Bosnjë dhe Hercegovinë, ku udhëtoi për të marrë pjesë në hapjen e një spitali të ri, por në fjalimin që mbajti me atë rast foli më pak për kujdesin shëndetësor.

Sipas Index.hr, ai u përqendrua në analizat gjeostrategjike, duke parashikuar ardhjen e "kohërave të vështira", duke përfshirë rreziqet e reja të luftës në juglindje të Evropës.

Po sipas mediumit kroat, ai konfirmoi shprehimisht se shqetësimi i tij i veçantë është Kroacia, domethënë bashkëpunimi i saj në mbrojtje me Kosovën dhe Shqipërinë.

Ai thotë se duhet të jetë e qartë për të gjithë se kjo "nuk është një aleancë kundër Austrisë", kështu që “ai ka një detyrim t'ua shpjegojë këtë serbëve”.

"Në Beograd, ne e kuptojmë shumë mirë aleancën e re ushtarake të krijuar midis Zagrebit, Prishtines dhe Tiranës. Ajo nuk u krijua kundër askujt tjetër, por kundër popullit serb", citohet të ketë thënë Vuçiq para turmës.

Ai tha gjithashtu se një forcim i ndjeshëm i forcës ushtarake të Serbisë është duke u zhvilluar tani.

"Ne jemi të dytët në botë për sa i përket përparimit të kapaciteteve tona ushtarake dhe brenda dy vjetësh do t'i dyfishojmë kapacitetet tona ushtarake", ka njoftuar Vuçiq.

Ai gjithashtu akuzoi Kroacinë se po përpiqet të ndikojë në proceset në Mal të Zi - në atë që Vuçiq e sheh si një komplot kundër Serbisë dhe serbëve.

"Përpjekja e Zagrebit për ta vënë Podgoricën nën kontrollin e tij dhe për të përfshirë të gjithë në politikën anti-serbe është e qartë dhe e dukshme për ne", tha ai.

Ai gjithashtu i lidhi teoritë e tij të konspiracionit me protestat që zgjatën në Serbi gjatë gjithë vitit të kaluar.

“Ata që mendojnë se ne jemi naivë dhe do të jemi në gjendje të bëjmë gjëra si në vitin 1941 dhe shumë herë në histori, le ta dinë: ju bëtë gjithçka vitin e kaluar për të më rrëzuar nga pushteti, me një miliard euro të investuara, dhe dështuat... Unë nuk jam Slobodan Millosheviqi, as naiv dhe as budalla që t'ju besoj”, ka thënë ndër tjerash presidenti serb. /Telegrafi/

Vendet e Ballkanit Perëndimor kanë shprehur reagime të përziera për sulmin e Shteteve të Bashkuara në Venezuelë të shtunën, i cili i parapriu kapjes së udhëheqësit venezuelas, Nicolas Maduro, dhe dërgimit të tij në paraburgim në Nju Jork. Presidenti amerikan, Donald Trump, njoftoi se Shtetet e Bashkuara do ta “qeverisin” Venezuelën deri në “kalimin e […]

The post Si reagoi Ballkani Perëndimor ndaj sulmit të SHBA-së në Venezuelë? appeared first on BoldNews.al.

Shou i dronëve që u planifikua si një spektakël i madh për festimin e Vitit të Ri në qiellin mbi Qytetin e Vjetër të Budvës përfundoi në mënyrë të paharrueshme, por jo siç pritej.

Gjatë performancës që duhej të ndriçonte natën e ndërrimit të viteve, u shfaq një problem teknik, për shkak të të cilit dronët filluan të bien njëri pas tjetrit para shumë qytetarëve të mbledhur aty. Rreth 600 dronë ranë në det dhe në platformat para Kapetanisë së Portit, ndërsa pamjet e këtij momenti u shpërndanë shpejt në rrjetet sociale.

Policia e Budvës konfirmoi se ka kryer një hetim në vendngjarje dhe ka informuar Prokurorinë themelore në Kotor për incidentin. Fatmirësisht, askush nuk u plagos. Sipas informacioneve jozyrtare, dëmet materiale mund të arrijnë qindra mijëra euro.

— (@)

Ky shou me dronë u parapri nga një fishekzjarr, por arsyeja e saktë e defektit që shkaktoi rënien masive të pajisjeve teknologjike ende nuk dihet. Autoritetet lokale, përfshirë Organizatat Turistike dhe Komunën e Budvës, nuk kanë dhënë shpjegime zyrtare për shkaqet e incidentit, raporton vijesti.me.

Sipas mediave malazeze, disa pohojnë se nuk përjashtohet mundësia e ndërhyrjes së pajisjeve që pengojnë sinjalin, por këto pretendime nuk janë konfirmuar ende. Shou i dronëve, i cili duhej të ishte një nga momentet kryesore të festimeve të Vitit të Ri në Budva, përfundoi me zhgënjim për publikun dhe organizatorët.

Në fund, dronët u ngritën në disa dhjetëra metra lartësi përpara se të fillonin të binin pa kontroll në tokë dhe në det – një skenë që, sipas dëshmitarëve, vetëm me fat kaloi pa pasoja serioze për njerëzit. /Telegrafi/