Një 29-vjeçar është arrestuar në qarkun e Shkodrës, pasi dyshohet se ndihmonte emigrantë të paligjshëm për kalimin e kufirit, kundrejt pagesës prej 500 eurosh për person. Sipas njoftimit të Policia e Shtetit, personi me iniciale O. Ç., banues në Fushë-Krujë, u kap në fshatin Vukpalaj, duke transportuar tre emigrantë nga Sudani, të cilët synonin të […]
Boris Pejoviq, nënkryetar i Parlamentit të Malit të Zi, ka deklaruar se Kosova është njohur në thelb nga vetë presidenti serb Aleksandar Vuçiq.
Pejoviq i bëri këto komente në një përgjigje të ashpër ndaj kryetares së parlamentit serb, Ana Brnabiq , pas akuzave të saj kundër Malit të Zi për njohjen e Kosovës.
“Në fund të fundit, Kosova është njohur në thelb nga presidenti juaj. Merruni me këtë — dhe na lini rehat”, shkroi ai në X.
...kada vam se u okviru poštovanja vladavine prava koju vi potencirate, sada traži da ga i isporučite. Uostalom, Kosovo vam je suštinski priznao vaš predsjednik, pozabavite se time, a od nas odmorite malo. 2/2 — Boris Pejović (@vpofparliament) December 19, 2025
Përgjigja e Pejoviq pasoi pretendimet e Brnabiq se Mali i Zi shkeli të drejtën ndërkombëtare, Kartën e OKB-së dhe respektin themelor ndaj Serbisë duke njohur Kosovën.
Brnabiq argumentoi gjithashtu se pesë shtete anëtare të BE-së ende nuk e njohin Kosovën , duke nënkuptuar sipas saj se Mali i Zi veproi kundër normave evropiane.
Mosmarrëveshja u përshkallëzua pasi Brnabiq akuzoi Malin e Zi se strehonte dy nga klanet kriminale më të rrezikshme në botë — “Skaljari” dhe “Kavac” — duke pretenduar se ato nuk mund të funksiononin pa mbështetjen e shtetit.
Pejoviq i hodhi poshtë akuzat, duke e akuzuar Brnabiqin për ndryshimin e qëllimshëm të narrativave për të portretizuar Vuçiqin si viktimë .
Ai theksoi se klanet kriminale që ajo përmendi dolën në vitin 2014 dhe se individët e dyshuar për lidhje me këto grupe nuk kanë ndikim mbi qeverinë aktuale të Malit të Zi .
Pejoviq i kujtoi gjithashtu Brnabiqit se të gjithë individët e dyshuar për lehtësimin e mbërritjes së grupit kriminal të Veljko Belivuk nga Serbia në Mal të Zi tashmë janë ndjekur penalisht. /Telegrafi/
Një 31-vjeçar shqiptar, i shpallur në kërkim është arrestuar nga Policia në Malin e Zi, pasi akuzohet për kultivim të lëndëve narkotike. Sipas Policisë, bëhet fjalë për shtetasin, Megiljan Deda, ndaj të cilit Gjykata e Lezhës ka caktuar masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim. Megiljan […]
Në Konferencën ndërqeveritare në Bruksel, Mali i Zi mbylli pesë kapituj në negociatat në procesin e anëtarësimit në Bashkimin Evropian, që përfaqëson një nga hapat më të rëndësishëm të vendit përpara në rrugën e tij evropiane.
Kryeministri i Malit të Zi, Milojko Spajiq tha se mbyllja e pesë kapitujve është sukses i madh për vendin dhe sinjal i qartë se qëllimi i përfundimit të plotë të negociatave është i arritshëm.
"Jemi shumë të lumtur për rezultatet që kemi arritur. Mbyllja e pesë kapitujve është lajm i shkëlqyer për Malin e Zi dhe aspiratat e tij evropiane, por edhe një konfirmim se është realiste të mbyllen të gjithë kapitujt deri në fund të vitit 2026", tha Spajiq.
Në një konferencë për mediat, në emër të Presidencës së BE-së, ministrja daneze për Çështjet Evropiane Marie Bjerre saktësoi se kapitujt 3 - E drejta e themelimit dhe liria e ofrimit të shërbimeve, 4 - Lëvizja e lirë e kapitalit, 6 - E drejta tregtare, 11 - Bujqësia dhe zhvillimi rural dhe 13 - Peshkimi janë mbyllur.
Ajo theksoi se ky është një hap i madh përpara në marrëdhëniet midis Malit të Zi dhe BE-së, duke vlerësuar angazhimin politik dhe progresin e arritur.
Komisionerja Evropiane për Zgjerimin, Marta Kos tha se Mali i Zi nuk ka qenë kurrë më afër Bashkimit Evropian, duke e përshkruar mbylljen e sotme të kapitujve si një shenjë të qartë të përparimit të madh. Ajo theksoi se viti i ardhshëm do të jetë kyç dhe vendimtar por paralajmëroi se Mali i Zi ka ende shumë punë për të bërë, veçanërisht në fushën e forcimit të sundimit të ligjit.
"BE-ja do ta mbështesë Malin e Zi në çdo hap drejt anëtarësimit të plotë", ka thënë Kos.
Kryeministri Spajiq shtoi se Mali i Zi deri më tani ka mbyllur më shumë se një të tretën e kapitujve të negociatave, duke e bërë atë kandidatin më të përparuar në 16 vitet e fundit.
Ai falënderoi vendet anëtare të BE-së, veçanërisht Francën, për mbështetjen dhe këmbënguljen e tyre në standarde të larta, duke theksuar se Mali i Zi po tregon seriozitet dhe pjekuri në procesin e integrimit.
Mali i Zi filloi negociatat e anëtarësimit në BE më 29 qershor 2012 dhe deri më tani ka hapur të gjithë 33 kapitujt.
Qëllimi i qeverisë është të mbyllë të gjithë kapitujt e mbetur, në mënyrë që vendi të jetë gati për anëtarësim në BE në vitin 2028.
Pas konferencës së sotme, Mali i Zi mund të hyjë në vitin e ardhshëm, potencialisht vendimtar, me një total prej 12 kapitujsh të mbyllur, me ambicien për të tejkaluar 20 deri në fund të vitit 2026 dhe për të përmbushur të gjitha kushtet për përfundimin e procesit të pranimit.
Mali i Zi i ka përmbushur të gjitha kushtet për mbylljen e Kapitullit 31 (politika e jashtme, e sigurisë dhe e mbrojtjes), por vendimi për këtë ishte shtyrë më parë, për shkak se këtë e kërkoi Kroacia. /AA/
Gjermania është i vetmi vend në botë që nuk ka kufi shpejtësie në autostradat e saj.
Edhe pse nuk ka kufizim, shpejtësia e rekomanduar është 130 km/h.
Shpejtësitë maksimale më të ulëta zakonisht gjenden në vende me infrastrukturë më të vjetër ose terren më të vështirë.
Singapori dhe Tanzania janë vendet me kufizimet më të ulëta të shpejtësisë, respektivisht 90 km/h dhe 80 km/h.
Në autostradat e rajonit, pra edhe në ato të Kosovës dhe Shqipërisë, shpejtësia maksimale e lejuar është 130 km/h, ndërsa vetëm Mali i Zi ka kufizim shpejtësie prej 100 km/h. /Telegrafi/
Mali i Zi ka shumë të ngjarë që deri në fund të vitit të mbyllë tre nga pesë kapitujt e pritur në negociatat me Bashkimin Evropian (BE), pasi përfaqësuesit e Francës në organet punuese të atij “Unioni” sot bllokuan “heqjen nga lista” të dy kapitujve - kapitullin 11 (Bujqësia dhe zhvillimi rural) dhe kapitullin 13 (Peshkimi).
Francezët u shprehën kështu në mbledhjen e Grupit Punues të Këshillit të BE-së (COELA), të mbajtur dje, mëson “Vijesti”.
Ndërkohë, ka përfunduar edhe mbledhja e Komitetit të Përfaqësuesve të Përhershëm të shteteve anëtare (COREPER II), në të cilën u konfirmua kjo vendimmarrje.
Sipas informacioneve jozyrtare të “Vijesti”, përfaqësuesit e Francës kanë pohuar, ndër të tjera, se kapitujt 11 dhe 13 nuk janë gati për t’u mbyllur dhe se nuk janë mjaftueshëm të harmonizuar me rregullat e BE-së, pa dhënë arsye konkrete për këtë qëndrim.
Pas mbledhjes së COREPER II, çështja kalon në konferencën ndërqeveritare, pra në nivel ministror (ministrat e punëve të jashtme ose të çështjeve evropiane brenda Këshillit të BE-së për Çështje të Përgjithshme), ku pritet që përfundimisht të mbyllen tre kapituj - 3 (E drejta e themelimit të ndërmarrjeve dhe liria e ofrimit të shërbimeve), 4 (Liria e lëvizjes së kapitalit) dhe 6 (E drejta tregtare).
Edhe pse vendimi i Francës mund të ndryshohet në nivel ministror, gjasat që kjo të ndodhë janë shumë të vogla.
Negociatat për anëtarësimin e Malit të Zi në BE kanë nisur më 29 qershor 2012. Që atëherë, Podgorica ka hapur të gjithë kapitujt (33) dhe ka mbyllur përkohësisht shtatë, prej të cilëve tre në fund të vitit të kaluar dhe një në qershor të këtij viti. /Telegrafi/
Shtetet e Bashkuara të Amerikës dhe Mali i Zi po nisin negociatat për arritjen e një marrëveshje dypalëshe që ka për qëllim forcimin e lidhjeve tregtare, investuese dhe ekonomike, njoftoi Ambasada amerikane në Podgoricë më 10 dhjetor. Negociatat do të zhvillohen në kuadër të Dialogut Ekonomik SHBA-Mali i Zi 2025. “SHBA-ja njihet globalisht për inovacionin […]
Kudo që ekziston hapësirë për destabilizim, Rusia do ta shfrytëzojë atë, vlerësoi për Radion Evropa e Lirë analisti i Qendrës së Forenzikës Digjitale të Malit të Zi (DFC), Drashko Jabuçanin. Nga DFC-ja, në analizën e fundit lidhur me ndikimin rus, kanë tërhequr vëmendjen mbi strategjinë e shtetit ndaj vendeve që ndodhen në faza të ndryshme […]
Policia malazeze ka goditur një rrjet mercenarësh që kishin luftuar për Rusinë në Ukrainë.
Sipas raporteve nga mediat lokale në Podgoricë, është arrestuar Danko Saviq, një shtetas i Bosnjës dhe Hercegovinës me banim të përhershëm në Mal të Zi, i cili kishte një milion e gjysmë euro në llogarinë e tij, të cilat, sipas policisë, i kishte fituar gjatë shërbimit në forcat ruse.
Saviq u arrestua si pjesë e operacionit të koduar “Lugansk”. Gjatë kontrollit në banesën dhe ambientet e tjera që përdorte, policia sekuestronte 12.2 kilogramë eksplozivë. Operacioni ka përfshirë deri tani 12 persona dhe 13 kontrollime në lokacione në Danilovgrad, Nikshiq dhe Podgoricë.
Policia njoftoi se janë sekuestruar gjithsej 24 armë zjarri, mbi 1000 fishekë, disa korniza, nëntë thika, shpata dhe bajoneta, si dhe uniforma, flamuj dhe shenja të tjera dalluese të grupeve kriminale dhe organizatave.
Midis sendeve të konfiskuara ishin edhe jelekë antiplumb, helmeta, pajisje komunikimi, karta SIM dhe karta identiteti të “Vëllazërisë Kozake Malazeze”, shpesh me emra të ndryshëm.
Sipas policisë, provat tregojnë se Saviq kishte shërbyer në strukturat ushtarake të huaja të Federatës Ruse në Luhansk nga fillimi i vitit 2023 deri në fillim të vitit 2025. Dyshohet se ai ishte motivuar kryesisht nga përfitimi financiar dhe gjatë kësaj periudhe fitoi 1.5 milion euro.
Ky nuk është rasti i parë kur Saviq bie në shënjestër të autoriteteve; në qershor 2025, ai u arrestua pasi në shtëpinë e tij u gjetën 12 kilogramë eksplozivë të paketuar si rrip, dhe më pas kundër tij u ngrit padi për posedim të paligjshëm të armëve dhe lëndëve shpërthyese.
Mediat raportuan më parë se Savić ishte ish-anëtar i Ushtrisë Jugosllave dhe kishte deklaruar publikisht veten si ataman, ose komandant kozak, duke u lidhur me “Ushtrinë Kozake të Ballkanit”, një organizatë e dyshuar se ka lidhje me Ushtrinë Qendrore Kozake të Rusisë, e afërt me presidentin Vladimir Putin.
Televizioni malazez njoftoi se operacioni “Lugansk” u koordinua me shërbimet e inteligjencës së dy shteteve anëtare të NATO-s. Kontrollimet u fokusuan mbi persona që janë pjesë e “Ushtrisë së Kozakëve të Ballkanit”, “Vëllazërisë Malazezo-Kozake” dhe organizatës “Ujqërit e Natës”.
Media kujton gjithashtu se këto organizata kanë lidhje me Kishën Ortodokse Serbe, lidhje kjo e vënë në dukje gjatë fronëzimit të Mitropolitit të KOS-it në Mal të Zi, Joanikij Mićoviq, më 5 shtator 2021, ku anëtarët e këtyre grupeve siguruan manastirin në Cetinje gjatë ceremonisë. /Telegrafi/
Në Podgoricë u mbajt mbrëmë ceremonia solemne e 113-vjetorit të Pavarësisë së Shqipërisë, organizuar nga Ambasada e Shqipërisë në Mal të Zi. Në një atmosferë festive morën pjesë rreth 550 të ftuar, mes tyre Presidenti i Malit të Zi, Jakov Milatović, anëtarë të Qeverisë, ambasadorë dhe personalitete nga jeta kulturore e shoqërore. Në fjalën e saj, Ambasadorja Zhaklina Peto theksoi rëndësinë…
Kryeministri i Malit të Zi, Millojko Spajiq, njoftoi të premten se Podgorica “shumë shpejt” do ta ashpërsojë regjimin e vizave për shtetasit rusë, në përputhje me politikën e vizave të Bashkimit Evropian.
Ai theksoi se Mali i Zi e ndjek plotësisht politikën e jashtme dhe të sigurisë së BE-së, përfshirë masat ndaj Rusisë.
Duke ndjekur këtë politikë, Mali i Zi vendosi sanksione ndaj Rusisë në vitin 2022, kur Moska e nisi pushtimin e plotë të Ukrainës.
Megjithatë, Komisioni Evropian ka paralajmëruar disa herë Podgoricën se harmonizimi i politikës së vizave është thelbësor për përparimin në bisedimet për anëtarësim dhe për qasjen në mjetet e Planit të Rritjes për Ballkanin Perëndimor.
Kryeministri i Malit të Zi, Millojko Spajiç, njoftoi sot se Podgorica “shumë shpejt” do ta ashpërsojë regjimin e vizave për shtetasit rusë, në përputhje me politikën e vizave të Bashkimit Evropian. Ai theksoi se Mali i Zi e ndjek plotësisht politikën e jashtme dhe të sigurisë së BE-së, përfshirë masat ndaj Rusisë. Duke ndjekur këtë […]
Reshjet e dendura të shiut në Budva kanë shkaktuar përmbytje të menjëhershme gjatë orëve të fundit.
Si pasojë, siç raportojnë mediat vendase, uji “ka marrë me vete” edhe dhjetëra automjete të parkuara në shtratin e thatë të një lumi në qendër të qytetit, përcjell Telegrafi.
Siç edhe shihet në pamje, ujin ngrihet me shpejtësi dhe mbart çdo gjë që gjen përpara.
Kjo zonë thuhet se shfrytëzohet prej vitesh si parking i madh, pasi në Budva mungojnë hapësirat e mjaftueshme për parkim dhe në qytet janë ngritur qindra ndërtesa të reja.
Në Bruksel u zhvillua sot Forumi i Zgjerimit të Bashkimit Evropian, ngjarje që mblodhi udhëheqës evropianë, përfaqësues të vendeve kandidate, ekspertë të politikave dhe aktorë të shoqërisë civile.
Ky forum u zhvillua paralelisht me publikimin e paketës vjetore të Zgjerimit dhe raporteve të progresit, duke vënë theksin tek rëndësia e reformave dhe perspektiva e anëtarësimit për vendet aspirante.
Komisionerja për Zgjerimin në Bashkimin Evropian, Marta Kos, gjatë debatit ka theksuar se vendet kandidate si Mali i Zi dhe Shqipëria mund të përfshihen në proces, edhe pa reforma të mëdha të brendshme, por për këtë është e nevojshme mbështetja e vendeve anëtare.
“Mali i Zi eshte aq vend i vogel, sigurisht që mund të përfshijmë Malin e Zi pa reforma të mëdha të brendshme. Mund të përfshijmë edhe Shqipërinë me tre milionë banorë, dhe së bashku do të kemi 6.6 milionë – në 2004 ishim 70 milionë, dhe na duhet kjo,” tha Kos.
Ajo bëri thirrje për mbështetje konkrete nga shtetet anëtare, duke theksuar rëndësinë e faktit dhe transparencës.
“Mund të jeni për zgjerimin, por shumica e njerëzve nuk janë. Ndihmoni ne, ndihmoni mua për të përfunduar vendimin. Po, kjo është koha juaj për të ndriçuar,” u shpreh Kos.
Kos, vlerësoi vitin 2025 si një periudhë progresi të konsiderueshëm. Sipas saj, Mali i Zi, Shqipëria, Ukraina dhe Moldavia kanë shënuar avancime të dukshme në reformat kyçe, dhe me ritmin aktual të reformave, negociatat e pranimit mund të përfundojnë në vitet e ardhshme.
“Mali i Zi ka mbyllur katër kapituj negociatash dhe synon përfundimin e tyre deri në vitin 2026. Shqipëria ka bërë progres të rëndësishëm dhe synon mbylljen e negociatave deri në vitin 2027,” tha Kos.
Nga ana tjetër, Serbia është kritikuar për ngadalësim të reformave dhe rritje të tensioneve politike, ndërsa Maqedonia e Veriut, Bosnja dhe Hercegovina, Turqia dhe Gjeorgjia përballen me sfida të ndryshme që pengojnë avancimin.
Ndërkaq në debat nuk u dha shumë hapsirë për Kosovën.
Sipas Raportit të Progresit për Kosovën për vitin 2025, Kosova ka pasur progres të kufizuar e stagnim.
Raporti thekson se Kosova ka pasur përparim të kufizuar në fusha të tilla si pavarësia e gjyqësorit, liria e medias, dhe efikasiteti i administratës publike.
Raporti thekson se bllokadat politike dhe polarizimi kanë penguar funksionimin normal të institucioneve demokratike.
Kryeministri në detyrë, Albin Kurti, ka kërkuar hapjen e rrugës për marrjen e statusit të kandidatit, duke theksuar se Kosova ka bërë hapa të rëndësishëm drejt integrimit evropian./Telegrafi/
Ministri i Jashtëm i Malit të Zi, Ervin Ibrahimoviç, tha se beson që vendimi i marrë pak kohë më parë për pezullimin e udhëtimit pa viza me Turqinë do të anulohet brenda 10-15 ditësh/
Ibrahimoviç mbajti një konferencë të përbashkët për media me ministrin e Jashtëm të Gjermanisë, Johann Wadephul, i cili zhvilloi vizitë zyrtare në kryeqytetin e Malit të Zi, Podgoricë.
I pyetur lidhur me pezullimin e udhëtimit pa viza me Turqinë pas një incidenti të ndodhur në fund të tetorit në Mal të Zi, ku pretendohej për përfshirje qytetarësh turq, Ibrahimoviç tha: “Jemi në kontakt të vazhdueshëm me kryeministrin (Milojko Spajiç). Besoj se vendimi për pezullimin e udhëtimit pa viza (me Turqinë) do të anulohet brenda 10-15 ditësh”.
Ibrahimoviç shtoi se pas pezullimit të udhëtimit pa viza, në përfaqësitë diplomatike të Turqisë në Mal të Zi është krijuar një fluks i madh qytetarësh.
– Hetimi zbuloi se shtetasit turq nuk ishin të përfshirë në incidentin në Mal të Zi
Një sulm me thikë kundër një burri malazez më 25 tetor, për të cilin fillimisht mediat raportuan për përfshirje shtetasish turq, shkaktoi një valë ndjenjash antiturke në disa pjesë të Podgoricës dhe e shtyu kryeministrin Milojko Spajiç të njoftonte pezullimin e regjimit pa viza për shtetasit turq.
Gjykata e Lartë e Malit të Zi në Podgoricë njoftoi më 31 tetor se dy individët e ndaluar me akuza për përfshirje në sulmin me thikë në qytet ishin liruar pasi u përcaktua se ata nuk ishin të lidhur me incidentin.
Në tenderin për ndërtimin e seksionit të dytë të autostradës në Mal të Zi janë paraqitur një kompani nga Kina dhe tri konsorciume: dy kineze dhe një turko-azerbajxhanase.
Një nga pjesëmarrësit në tender është China Communications Construction Company (CCCC), e cila është në listën e zezë të Shteteve të Bashkuara të Amerikës (SHBA).
Nga Kina janë edhe dy konsorciume të tjera: Shandong Foreign Economic & Technical Cooperation – Shandong Luqiao Group dhe PowerChina-Stecol.
Konsorciumi i tretë është turko-azerbajxhanas, Cengiz–Azvirt, i cili është i pranishëm në rajon prej më shumë se një dekade përmes kompanive amë.
Fillimi i ndërtimit të seksionit të dytë nga Matesheva deri në Andrijevicë, në veri të Malit të Zi, është planifikuar për fundin e vitit, ndërsa punimet është parashikuar se do të përfundojnë pas pesë vjetëve.
Vlera e projektit është 600 milionë euro, prej të cilave 150 milionë euro janë fonde të pakthyeshme nga Komisioni Evropian, 250 milionë nga buxheti i Malit të Zi, ndërsa 200 milionë janë kredi nga Banka Evropiane për Rindërtim dhe Zhvillim (BERZH), me të cilën Qeveria nënshkroi marrëveshje gjatë verës.
China Communications Construction Company - apo CCCC
Kompania shtetërore kineze CCCC është në listën e zezë të SHBA-së që nga viti 2020, për shkak të lidhjeve me ushtrinë kineze.
Kjo kompani dhe degët e saj deri në vitin 2016 ishin në listën e zezë të Bankës Botërore për shkak të praktikave mashtruese dhe dyshimeve për korrupsion në një projekt të rrugëve kombëtare në Filipine.
Ajo ndërtoi portin Hambantota në jug të Shri Lankës, me kredi kineze. Qeveria e Shri Lankës, pasi nuk ishte në gjendje ta shlyente kredinë, ia dorëzoi portin Kinës në menaxhim për 99 vjet në vitin 2017.
Sipas organizatës Just Finance, CCCC ka shkelur disa ligje gjatë ndërtimit të autostradës E-763 në Serbi (në korridorin 11), që lidh Beogradin me Detin Adriatik. Kjo kompani ndërton prej vitesh disa nga projektet më të mëdha infrastrukturore në Serbi.
Si pjesë e konsorciumit CRIC&CCCC, ajo mori pjesë në rindërtimin dhe modernizimin e linjës së shpejtë hekurudhore Beograd–Suboticë, në kuadër të së cilës u rindërtua stacioni hekurudhor i Novi Sadit, çatia prej betoni e të cilit u shemb më 1 nëntor 2024, duke shkaktuar vdekjen e 16 njerëzve, raporton rel.
Ajo ndërtoi edhe 31 kilometra të autostradës “Millosh Veliki”, seksionin Prelinë–Pozhegë, punimet e së cilës janë shtyrë disa herë.
Kontrata, në vlerë 450 milionë euro, u mor pa tender, përmes marrëveshjeje direkte me shtetin, ndërsa financimi u sigurua përmes kredisë së Bankës kineze Exim.
Në vitin 2021, CCCC angazhoi si nënkontraktor guroren Slovac, në pronësi të Zvonko Vesellinoviq dhe Millan Radoiçiq, të cilët pak muaj më vonë u futën në listën e sanksioneve të SHBA-së, për lidhje me rrjete korrupsioni dhe krim të organizuar ndërkombëtar.
CCCC-ja është kompania mëmë e China Road and Bridge Corporation (CRBC), e cila ishte kryendërtues i seksionit të parë të autostradës malazeze Bar–Bolare, 41 kilometra të gjatë, që i kushtoi Malit të Zi rreth 900 milionë euro.
Ndërtimi, i shoqëruar nga vonesa të shumta, zgjati shtatë vjet, me mungesë transparence dhe probleme fiskale e mjedisore, për të cilat BE-ja ka paralajmëruar disa herë.
Mali i Zi mori kredi nga Exim Banka kineze për këtë projekt. Për shkak të vështirësive në shlyerjen e borxhit, shteti – me ndërmjetësimin e BE-së – u detyrua të nënshkruajë një marrëveshje me dy banka amerikane dhe dy evropiane për të mbrojtur borxhin publik nga rreziku valutor.
Konsorciumi Shandong Foreign Economic & Technical Cooperation dhe Shandong Luqiao Group regjistroi përfaqësinë e tij në Podgoricë në fund të vitit 2022.
Në vitin pasues fitoi kontratën për ndërtimin e rrugës Budvë–aeroporti i Tivatit (16 kilometra), në vlerë 54 milionë euro, me afat ndërtimi dyvjeçar, sipas marrëveshjes së nënshkruar më 29 mars 2023.
Edhe pse afati ka skaduar para më shumë se gjashtë muajsh, punimet ende vazhdojnë.
Që nga korriku 2024, ky konsorcium po kryen edhe punimet e rindërtimit të urës së Gjurgjevica Tarës, në veri të Malit të Zi, projekt dhuratë nga Kina.
Në Serbi, kompania Shandong fitoi në vitin 2021 punimet për rrugën Pozharevac–Golubac pa tender, përmes marrëveshje shtet më shtet, në vlerë 337 milionë euro. Përfundimi i parashikuar për fundin e vitit 2024 është shtyrë për fillimin e vitit 2026.
Ndër nënkontraktorët ishin edhe firmat Inkop (në pronësi të Millan Radoiçiq dhe vëllezërve Zvonko e Zharko Veselinoviq) dhe Novi Pazar, e cila nga viti 2022 po punon në një projekt tjetër në Serbi me vlerë 158 milionë euro, financuar kryesisht nga kredia e Exim Bankës kineze.
Të gjitha këto kompani janë në listën e sanksioneve të SHBA-së për krim të organizuar dhe korrupsion.
Në Bosnje e Hercegovinë, përfaqësia e Shandong, SDHS-CSI BH, ka nënshkruar marrëveshje koncesioni për ndërtimin e autostradës Banjallukë–Prijedor, 40 kilometra të gjatë dhe me vlerë rreth 300 milionë euro.
Dokumentet e kontratës janë mbajtur të fshehta nga autoritetet e Banjallukës, pavarësisht katër vendimeve gjyqësore që kërkonin publikimin e tyre.
Përfundimi i punimeve, i planifikuar për fundin e vitit 2024, është shtyrë për pranverën e vitit 2026.
Kompania shtetërore kineze PowerChina
PowerChina, kompani shtetërore kineze, ka shtrirë aktivitetin në Ballkan përmes degëve si Sinohydro dhe PowerChina Resources.
Në Bosnje e Hercegovinë, ajo është përfshirë në projektin e parkut të erës Ivovik pranë Livnos, të shoqëruar me ankesa të banorëve dhe mosmarrëveshje për tokën dhe të drejtat e koncesionit.
Në qershor 2019, PowerChina (përmes Sinohydro dhe PowerChina Road Bridge Group) dhe AzVirt nga Azerbajxhani nënshkruan kontratë për ndërtimin e urës Poçitel (vlera 28 milionë euro). Punimet, që duhej të përfundonin në mars 2023, u përmbyllën vetëm në shtator 2024.
Të gjitha kompanitë pjesëmarrëse në këtë projekt u futën në listën e zezë të Autostradave të Federatës së Bosnjës në maj 2023 për shkelje të kontratës.
Në Serbi, PowerChina merr pjesë në projektin e rrugës rreth Beogradit dhe në ndërtimin e metrosë së Beogradit.
Në dhjetor 2024, nënshkroi kontratë për fazën e parë të Linjës 1 të metrosë, në vlerë 720 milionë euro, detajet e së cilës janë “sekret tregtar”.
Po në vitin 2024, PowerChina përfundoi fazën e parë të parkut më të madh diellor në Serbi, Saraorci, dhe nënshkroi marrëveshje me Fortis Energy të Turqisë për zhvillimin e parqeve të energjisë diellore dhe me erë.
Në Mal të Zi, PowerChina nuk ka kontrata të nënshkruara, megjithëse është takuar me disa zyrtarë të sektorit energjetik.
Konsorciumi Cengiz–Azvirt
Konsorciumi përbëhet nga kompania turke Cengiz dhe ajo azerbajxhanase AzVirt.
Të dyja kanë fituar kontrata të mëdha për ndërtim rrugësh në Bosnje e Hercegovinë, Serbi, Kroaci dhe Slloveni.
Në krye të konsorciumit është Cengiz Holding, një nga kompanitë private më të mëdha turke, me rreth 44.000 punonjës dhe të ardhura mbi 5 miliardë euro.
Drejtori i saj, Mehmet Cengiz, përmendet në Panama Papers, përmes raportimeve të organizatës OCCRP, për kompani offshore dhe dyshime për korrupsion në projektin e një dige në Azerbajxhan.
Suksesi i Cengiz Holding lidhet me projektet shtetërore në Turqi – hekurudha e shpejtë Stamboll–Ankara, aeroporti i Stambollit – dhe me afërsinë me pushtetin e presidentit Recep Tayyip Erdogan që nga fillimi i viteve 2000.
Në Bosnje, përmes kompanisë si motër, Cengiz ndërtoi seksionin Vlakavo–Tarçin të Korridorit 5C në vitin 2012. Dy vjet më pas, një mur mbajtës 120 metra i gjatë u shemb para hapjes së rrugës.
Më pas kompania ndërtoi edhe segmentet Poprikushe–Nemila, si dhe tunelet Bosna dhe Zenica.
Vlera e projekteve të fituara nga Cengiz në Bosnje tejkalon 1 miliard euro, kryesisht të financuara nga BERZH dhe Banka Evropiane e Investimeve.
Cengiz ka ndërtuar gjithashtu tunelin Karavanke në Slloveni dhe ka kryer rindërtimin e linjës hekurudhore Križevci–Koprivnica në Kroaci.
Në korrik 2025, në Podgoricë, Cengiz Holding themeloi degën Cengiz Insaat, për ndërtim rrugësh.
Pjesëtarja e dytë e konsorciumit, AzVirt, është kompani private azerbajxhanase që ka fituar tenderë në Serbi dhe Bosnje.
Në qershor 2019, AzVirt ishte pjesë e konsorciumit azerbajxhanaso-kinez për ndërtimin e urës Poçitel, dhe më pas u fut në “listën e zezë” për shkelje të kontratës.
Në maj 2019, AzVirt dhe Hering nga Shiroki Brijeg nënshkruan kontratë për ndërtimin e segmentit Vranduk–Ponirak, me vlerë 76 milionë euro. Projekti u pezullua në korrik 2023 pasi fondet u shpenzuan dhe afatet skaduan.
Pronësia e AzVirt është e ndarë kështu: Elnur Alijev (25%), Falcom Holding (Luksemburg) (25%), Martin Beteiligungs (Gjermani) (30%) dhe Walz (20%).
Në Podgoricë, AzVirt operon që nga viti 2012, me vetëm një të punësuar dhe pa të ardhura të rëndësishme. Në vitin 2024, kompania raportoi humbje prej rreth 20 mijë eurosh.
Kuvendi i Malit të Zi ka miratuar sot dërgimin e trupave malazeze në misionin e NATO-s për mbështetjen e Ukrainës. Vendimi u mor pas votimit në seancën parlamentare, ku 44 deputetë u shprehën pro, pesë kundër dhe dy abstenuan.
Për këtë nismë votuan deputetët e Partisë Demokratike të Socialistëve (DPS), Lëvizjes “Evropa Tani” (PES), Demokratëve të Malit të Zi, Socialdemokratëve (SD), Demokracisë së Re Serbe (NSD), Aleancës së Qytetarëve “CIVIS”, Forumit Shqiptar, Partisë Boshnjake si dhe disa deputetë të pavarur.
Kundërshtimin e shprehën përfaqësuesit e Partisë Popullore Demokratike (DNP) dhe deputeti i Malit të Zi të Bashkuar, Vladimir Dobriçanin, ndërsa përmbajtje treguan deputetët e Partisë Popullore Socialiste (SNP).
Pas votimit, Ambasada e Ukrainës në Mal të Zi reagoi me një mesazh falënderimi, duke e cilësuar këtë vendim si një akt solidariteti të rëndësishëm.
“Jemi thellësisht mirënjohës Kuvendit të Malit të Zi për miratimin e pjesëmarrjes në misionin NATO Security Assistance and Training for Ukraine (NSATU). Faleminderit Malit të Zi, mik i çmuar, për mbështetjen në këto kohë të vështira,” thuhet në reagimin e ambasadës.
Deputetët e Kuvendit të Malit të Zi kanë votuar për dërgimin e ushtarëve malazezë në misionin e NATO-s për ndihmë Ukrainës, u vendos në seancën e sotme.
Për këtë vendim votuan 44 deputetë, pesë ishin kundër, ndërsa dy abstenuan.
Për vendimin votuan përfaqësuesit e Partisë Demokratike të Socialistëve (DPS), Lëvizjes “Evropa Tani” (PES), Demokratëve të Malit të Zi, Socialdemokratëve (SD), Demokracisë së Re Serbe (NSD), Aleancës së Qytetarëve “CIVIS”, Forumit Shqiptar, Partisë Boshnjake dhe deputetë të pavarur.
Kundër ishin deputetët e Partisë Popullore Demokratike (DNP) dhe deputeti i Malit të Zi të Bashkuar, Vladimir Dobriçanin, ndërsa abstenuan deputetët e Partisë Popullore Socialiste (SNP), shkruan Vijesti.me.
Ambasada e Ukrainës në Mal të Zi reagoi ndaj këtij vendimi, duke shprehur mirënjohje të madhe ndaj Kuvendit të Malit të Zi për këtë akt.
“Jemi jashtëzakonisht mirënjohës Kuvendit të Malit të Zi për votimin e sotëm mbi pjesëmarrjen e Malit të Zi në misionin NATO Security Assistance and Training for Ukraine (NSATU). Faleminderit Malit të Zi mik për mbështetjen në këtë kohë sfiduese”, thuhet në deklaratë. /Telegrafi/
Detaje të reja janë mësuar lidhur me ekzekutimin mafioz të Gilmando Danit dhe shoferit të tij, agjentit të AMP-së, Muçi Shaljani. Pamjet nga vendngjarja tregojnë se vetëm pak sekonda pas atentatit, një autokolonë prej 4 makinash të një delegacioni zyrtar, kalojnë pikërisht pranë vendit ku ndodhi ngjarja. Raportohet se eskorta e delegacionit që ka kaluar […]
SHKODËR– Drejtoria e Përgjithshme e Burgjeve, në bashkëpunim me Interpolin dhe strukturat e Policisë së Shtetit, ka zhvilluar operacionin tranzit të dy shtetasve të huaj, të cilët do të ekstradohen drejt Malit të Zi.
Dy shtetasit, Stevan Kraljevic dhe Dordije Dukic, u morën në dorëzim në Aeroportin e Rinasit dhe kaluan në tranzit në territorin shqiptar drejt Pikës Kufitare Hani i Hotit, nën masa të rrepta sigurie dhe në përputhje me standardet ndërkombëtare për transportin e personave me masë ekstradimi.
Drejtoria e Përgjithshme e Burgjeve mbetet e angazhuar në zbatimin me përpikmëri të procedurave ligjore dhe në forcimin e bashkëpunimit ndërkombëtar për drejtësinë dhe sigurinë publike./abcnews.al
Login
