Festivali Sunny Hill, një nga festivalet më të mëdha në rajon, është shpërblyer nga Oda Ekonomike e Kosovës me Çmimin për Impakt Ekonomik 2025, në kuadër të gala-mbrëmjes “THE BEST OF KOSOVA 2025”. Festivali është vlerësuar për kontributin e tij të drejtpërdrejtë në zhvillimin ekonomik dhe për rolin e rëndësishëm që ka luajtur në forcimin e imazhit pozitiv të Kosovës në nivel ndërkombëtar, përmes muzikës dhe industrisë kreative.

Si festival muzikor, Sunny Hill ka krijuar një platformë ku muzika, kultura dhe kreativiteti bashkohen, duke promovuar talentet dhe duke forcuar lidhjen e Kosovës me skenën globale të industrisë muzikore. Përveç vlerës artistike dhe kulturore, Sunny Hill Festival ka pasur edhe ndikim të drejtpërdrejtë ekonomik. Organizimi i festivalit ka gjeneruar përfitime të konsiderueshme për sektorë të ndryshëm, përfshirë turizmin, hotelerinë, gastronominë, transportin dhe shërbimet mbështetëse.

Impakti ekonomik është vlerësuar të jetë rreth 22 milionë euro, ndërsa ndikimi në media vlerësohet në qindra miliona euro, me mbi 150 media të akredituara nga e mbarë bota.

Edicioni i këtij viti ka mbledhur mbi 100 mijë vizitorë gjatë tri ditëve të festivalit, nga afro 60 vende të ndryshme të botës. Hotelet në Prishtinë dhe në qytetet përreth kanë qenë 99% të rezervuara. Organizatorët këtë vit po ashtu kanë lansuar edhe platformën “Sunny Hill Travel”, e cila promovon turizmin dhe qëndrimin në Kosovë, ndërsa gjatë festivalit përdoruesit e saj kanë mundur të përfitojnë nga pakot e akomodimit, të cilat përfshijnë edhe biletat dhe transportin.

Përfaqësuesit e Odës Ekonomike të Kosovës theksuan se Festivali Sunny Hill përfaqëson një model të suksesshëm të mënyrës se si ngjarjet kulturore dhe muzikore mund të shndërrohen në motorë të zhvillimit ekonomik dhe të diplomacisë kulturore.

Këtë vit në Festival performuan emra me nam si Dua Lipa, e cila u paraqit në kuadër të turneut të saj “Radical Optimism”, njëherësh turneu më i madh dhe më i suksesshëm i karrierës së saj deri më sot. Suksese të mëdha ajo ka shënuar edhe në platformën Spotify, ku numëron rreth 40 miliardë dëgjime totale. Albumet “Future Nostalgia” dhe “Radical Optimism” kryesojnë këto shifra, ndërsa hitet si “Don’t Start Now” dhe “Levitating” kanë secila mbi një miliard dëgjime, duke dëshmuar se ajo është një nga artistet më të mëdha globale, me miliona dëgjues aktivë çdo ditë.

Po ashtu performoi edhe Shawn Mendes, një nga emrat më të mëdhenj të pop-muzikës globale, i cili u rikthye fuqishëm sivjet me turneun e tij “On The Road Again”; Peggy Gou, një nga figurat më të respektuara dhe me ndikim në skenën globale të muzikës elektronike; Anyma, i njohur ndërkombëtarisht për përfshirjen inovative të elementeve vizuale dhe teknologjike në performancat e tij si DJ; si dhe Fatboy Slim, i njohur për hitet e tij klasike dhe karrierën e gjatë shumëdekadëshe.

Në skenat e festivalit janë ngjitur edhe artistë të tjerë të njohur ndërkombëtarë dhe vendorë, si: Calvin Harris, J Balvin, Martin Garrix, Action Bronson, Skepta, Burna Boy, Miley Cyrus, Bebe Rexha, Stormzy, Black Coffee, The Martinez Brothers, dhe shumë të tjerë.

Festivali këtë vit po ashtu është nominuar për t’u zgjedhur si më i miri në Evropë, në kategorinë e Festivaleve të Mesme, nga “European Festival Awards”. Vitin e kaluar, në të njëjtën kategori, arriti të renditet në mesin e pesë festivaleve më të mira. /Telegrafi/

Kanë mbetur edhe disa orë para mbylljes së votimit, për “European Festival Awards” ku Festivali Sunny Hill është në garë për më të mirin e Evropës në kategorinë e festivaleve të mesme për nga madhësia.

Të gjithë mbështetësit e Festivalit Sunny Hill mund të votojnë online duke klikuar në këtë link (https://www.surveymonkey.com/r/publicvoting25) dhe duke zgjedhur Festivalin tek kategoria për festivale të mesme.

Vota e juaj do jetë një mbështetje për Festivalin Sunny Hill dhe do i sigurojë atij që edhe këtë vit të radhitet në mesin e më të mirëve të Evropës duke vazhduar kështu suksesin e tij ndërkombëtar.

Vitin e kaluar në të njëjtën kategori, Festivali arriti të ishte në mesin e 5 festivaleve më të mira, duke reflektuar kështu kualitetin artistik të festivalit por edhe rritjen e ndikimit të tij në industrinë kreative të Evropës.

Përfshirja në garë, edhe këtë vit është dëshmi e vazhdimit të vlerave artistike dhe kontributit të vazhdueshëm të Festivalit në skenën muzikore.

Festivali i cili mbahet në Prishtinë, përgjatë viteve ka sjell artistë të njohur nga e gjithë botë duke përfshirë këtu emra me nam si: Dua Lipa Calvin Harris, J Balvin, Martin Garrix, Action Bronson, Skepta, Burna Boy, Miley Cyrus, Fatboy Slim, Shawn Mendes, Bebe Rexha, Stormzy, Black Coffe, The Martinez Brothers, Peggy Gou, Anyma dhe shumë të tjerë. Emra që e kanë pozicionuar Festivalin si një atraksion të jashtëzakonshëm për adhuruesit e muzikës nga e gjithë bota.

Të gjithë përkrahësit e festivalit Sunny Hill kanë vetëm edhe ditën e sotme për të votuar.

Organizatorët kanë inkurajuar të gjithë ndjekësit e tyre, partnerët por edhe komunitetin e gjerë që të votojnë duke e lartësuar kështu edhe më shumë Festivalin në skenën globale të muzikës.

Sunny Hill Festival ka nënshkruar një marrëveshje të re partneriteti me European Talent Exchange, një platformë evropiane që mbështet artistë të rinj dhe u ofron atyre mundësi për prezantim në skenat ndërkombëtare të muzikës.

Ky bashkëpunim përfaqëson një hap të rëndësishëm drejt fuqizimit të skenës muzikore kosovare, duke i mundësuar artistëve të rinj nga Kosova të kenë qasje në festivale, ngjarje kulturore dhe rrjetet profesionale të muzikës në mbarë Evropën.

Rezultatet e para të këtij partneriteti tashmë janë shfaqur: këngëtarja e re kosovare, Bana Zahiti, është ftuar të performojë në Eurosonic Noorderslag (ESNS) – një nga festivalet dhe konferencat më prestigjioze të muzikës në Evropë, i njohur për promovimin e talenteve të reja përpara një audience të madhe profesionistësh dhe organizatorësh të industrisë muzikore.

“Ky partneritet ofron mundësi të reja për artistët tanë dhe për muzikën kosovare në përgjithësi,” – tha Shpat Begolli, udhëheqës i Sunny Hill Festival. “Festivali ynë, si platformë e rëndësishme e muzikës bën përpjekje të vazhdueshme të krijojë mundësi të reja që ndihmojnë artistët tanë të talentuar të zënë vendin që ata e meritojnë në skenën ndërkombëtare.”

Në kuadër të këtij bashkëpunimi, Sunny Hill Festival do të zgjerojë më tej rrjetin e partnerëve evropianë dhe do të mirëpresë në Prishtinë artistë të rinj pjesë të European Talent Exchange, duke kontribuar në ndërtimin e një skene të gjallë, bashkëkohore dhe të ndërlidhur muzikore në Kosovë dhe rajon.

Me këtë iniciativë, Sunny Hill Festival rikonfirmon misionin e tij për të promovuar kulturën, kreativitetin dhe potencialin artistik të Kosovës, duke e pozicionuar vendin si një pikë të rëndësishme në hartën muzikore evropiane.

Për më shumë detaje rreth Sunny Hill Festival, vizitoni www.sunnyhillfestival.com.

Pas përfundimit të edicionit të sivjetmë të Sunny Hill Festival, themeluesi i tij, Dukagjin Lipa, ka reaguar me një postim emocionues, duke ndarë përshtypjet e tij për suksesin e arritur.

“Na u desh një javë e tërë të rikuperoheshim nga fundjava më e mirë ndonjëherë! Sunny Hill Festival po rritet çdo vit dhe këtë vit ishte më i miri deri tani! Jam kaq krenar për gjithë ekipin për përkushtimin, angazhimin dhe dashurinë e tyre për ta bërë këtë të mundur”, ka shkruar ai.

Tutje, Lipa ka shtuar: “Nuk është kurrë e lehtë, por ia vlen gjithmonë! Faleminderit të gjithë artistëve dhe ekipeve të tyre që iu bashkuan këtë vit dhe e bënë një edicion për t’u mbajtur mend, dhe faleminderit fansave dhe pjesëmarrësve të festivalit, pa ju nuk do të mund ta realizonim! Tani është koha të fillojmë punën për edicionin e vitit të ardhshëm… Shihemi vitin tjetër”.

Sunny Hill Festival, i njohur për sjelljen e emrave të mëdhenj të muzikës botërore dhe atmosferën e veçantë që krijon, vazhdon të rritet çdo vit, duke e pozicionuar Kosovën si një pikë të rëndësishme në hartën e festivaleve ndërkombëtare.

Edicioni i këtij viti u vlerësua si një nga më të suksesshmit deri më tani, si nga organizatorët, ashtu edhe nga publiku.

Lexo po ashtu Dukagjin Lipa: Dua para koncertit nuk pi cigare as alkool - vetëm kur jemi në pushime pi

U mbajt më 1, 2 dhe 3 gusht në Bërnicë, ku pati performanca të mrekullueshme nisur nga Dua Lipa, Shawn Mendes e deri te Peggy Gou. /Telegrafi/

 

View this post on Instagram

 

A post shared by Dukagjin Lipa (@dukagjinlipa)

The post Dukagjin Lipa pas përfundimit të Sunny Hill Festival: Edicioni më i mirë deri më tani appeared first on Telegrafi.

Ylli shqiptar me famë botërore, Dua Lipa, ka publikuar së fundmi një video ekskluzive në platformën e saj Service95, ku sjell momente të veçanta nga prapaskenat e edicionit të sivjetshëm të Sunny Hill Festival 2025, i mbajtur në Prishtinë.

Në këtë rrëfim vizual, ajo flet me emocion për rikthimin në vendlindje dhe për përgatitjet intensive që kanë paraprirë natën e parë të festivalit, ku ajo performoi para publikut vendas në një atmosferë magjike. E rrethuar nga familja dhe ekipi i saj, Dua ndan një histori personale që fillon nga koncerti i saj i parë në Prishtinë, në vitin 2016, deri te zhvillimi i një festivali me përmasa ndërkombëtare.

“Koncerti im i parë në Prishtinë ishte në vitin 2016. Po bëja një turne në Europë dhe mendova: nëse po performoj nëpër kontinent, patjetër duhet të kthehem edhe në shtëpi dhe të jap një koncert,” rrëfen ajo në video. “Me ndihmën e babait tim, e organizuam si një koncert bamirësie për Fondacionin Sunny Hill.”

Ajo thekson se suksesi i atij eventi u kthye në shtysë për të krijuar diçka më të madhe, një festival që sot sjell në Kosovë emra të njohur të muzikës botërore dhe artistë nga mbarë rajoni.

“Ishte një ide shumë e madhe, madje paksa frikësuese, por e ndërtuam me familjen. Donim të sillnim një imazh ndryshe për Kosovën, më pozitiv, plot jetë, kulturë dhe energji të reja.”

Videoja përfshin momente intime përpara se ajo të ngjitej në skenë: ngrohjet vokale, përgatitjet me grupin dhe atmosferën elektrizuese pas kuintave. Një nga pjesët më prekëse është kur ajo tregon për një mysafir shumë të veçantë atë mbrëmje:

“Sonte do të këndoj një këngë në shqip, dhe do të kem në skenë babain tim. Ai është frymëzimi im më i madh.”

Për Duan, ky rikthim në Prishtinë është më shumë se një koncert, është një kthim në rrënjë, një “homecoming” emocional, ku ndan skenën me babanë e saj, Dukagjin Lipa, një ish-muzikant dhe një nga figurat kyçe në organizimin e festivalit.

Në fund të videos, ajo shpreh mirënjohjen për gjithçka që është arritur deri tani, me shpresën që Sunny Hill të vazhdojë të rritet dhe të bëhet një pikë referimi kulturore për rajonin.

“Ka gjithmonë një energji të veçantë në Kosovë gjatë verës. Tani është edhe më shumë. Dhe unë e dua këtë, sidomos kur jam pjesë e saj me familjen time.”/Service95/KultPlus.com

Sunny Hill Festival 2025 shënoi një nga ngjarjet më të rëndësishme kulturore dhe muzikore në Kosovë, duke e vendosur sërish Prishtinën në qendër të vëmendjes ndërkombëtare.

Ky festival, i cili tashmë është kthyer në një simbol të fuqishëm të identitetit urban dhe rinor të vendit, jo vetëm që solli yje botërore në skenën kosovare, por gjithashtu solli të hyra për Prishtinën.

Përvec imazhit global, kosovarët  fituan edhe para nga të huajt që erdhën ta kënaqin shpirtin me muzikë. Dhe atë jo pak, raporton Klan Kosova.

Madje një pjesë e fitimeve shkoi edhe në rajon.

Nëse dikush e përjetoi më së shumti fluksin e festivalit, ishin taksistët që ditë e natë përshkuan rrugët, duke bartur turistë nga e gjithë bota për në Bërnicë.

Hysen Sogojeva nga Oda e Hotelerise e Turizmit thotë se përfitimet sillen nga 22 milionë euro.

“Përmbi 22 milionë sillet që veç Prishtina i ka fitu këtu kanë fitu të gjithë, nuk ka fitu veç Prishtina me Hotele por të gjithë, ai i ushqimit ai i gastronomisë, ai i veshmbathjes”, tha ai.

Sipas Odës, Sunny Hill tashmë ka emrin e një eventi që sjell më së shumti të ardhura financiare.

The post Sogojeva: Prishtina fitoi 22 milionë euro të hyra nga Festivali Sunny Hill appeared first on Telegrafi.

Mbrëmja e dytë e Sunny Hill Festival solli një nga momentet më të veçanta të këtij edicioni: rikthimin e shumëpritur të Shawn Mendes në skenë, dhe për herë të parë, përpara një publiku kosovar.

Një performancë që nuk ishte thjesht koncert, por një përvojë e paharrueshme emocionale.

Pas një pauze mbi dyvjeçare nga skenat, që filloi në vitin 2022 kur anuloi turneun botëror për t’u fokusuar në shëndetin mendor dhe mirëqenien personale, Shawn Mendes u rikthye më i fuqishëm se kurrë më parë.

Dhe pikërisht në Prishtinë, ai zgjodhi të ndajë këtë kthim, në një natë që do të mbetet gjatë në memorien e fansave.

I veshur me një bluzë të zezë pa mëngë dhe pantallona të gjera, Mendes dominonte skenën me një energji fantastike.

Ngjyrat e ngrohta të ndriçimit, skena elegante dhe e pastër, krijuan një atmosferë intime dhe emocionuese, ku në qendër të gjithçkaje ishte zëri i tij – i fuqishëm, i pastër, plot shpirt.

Gjatë gjithë koncertit, Shawn nuk ishte thjesht një këngëtar, por një rrëfimtar.

Ndërveprimi me publikun ishte i vazhdueshëm, ndalesa për të falënderuar, buzëqeshje të sinqerta, përqafime me fansat pranë skenës dhe një përkushtim që dëshmoi dashurinë e tij të vërtetë për muzikën dhe njerëzit.

Repertori i tij përfshiu një përzgjedhje të dashur të hiteve që kanë shënuar karrierën e tij: “There’s Nothing Holding Me Back”, “Stitches”, “Wonder”, “Mercy”, “Lost in Japan”, “Never Be Alone”, “Why” dhe “Treat You Better”.

Çdo këngë u përjetua me entuziazëm nga publiku që këndonte njëzëri, duke e kthyer natën në një kor gjigand emocionesh.

Të veçantë e bënë edhe momentet kur ai performoi vetëm me kitarë apo piano, i shoqëruar nga grupi i tij muzikor dhe këngëtarët e prapavijës, duke i dhënë koncertit nuanca thellësisht njerëzore dhe të ndjera.

Mbrëmja përfundoi me duartrokitje të zgjatura dhe emocione të shpërthyera – një rikthim në skenë, një debutim në Kosovë dhe një lidhje e re që me shumë gjasë do të zgjasë gjatë.

Shawn Mendes nuk erdhi vetëm për të kënduar, por për të lënë gjurmë. Dhe ia doli me sukses. /Telegrafi/

@sunnyhill_festival @Shawn Mendes #ShawnMendes #SunnyHill #sunnyhillfestival ♬ original sound – Sunny Hill Festival

@sunnyhill_festival @Shawn Mendes #sunnyhillfestival #SunnyHill #ShawnMendes ♬ original sound – Sunny Hill Festival

The post U sigurua që Kosova gjithmonë ta kujtojë – rikthimi i Shawn Mendes në skenë që nga viti 2022, për herë të parë përpara një publiku kosovar appeared first on Telegrafi.

Dua Lipa, ylli me famë botërore, dhuroi një spektakël të jashtëzakonshëm para mijëra të pranishmëve në natën e parë të Sunny Hill Festival në Prishtinë, duke hapur edicionin e sivjetshëm me gjithë madhështinë që e karakterizon si një artiste e kompletuar dhe ndër më të suksesshmet në skenën ndërkombëtare.

Ashtu siç pritej, ajo e nisi performancën me këngën “Training Season”, ndërsa e përmbylli me stil me hitin “Houdini”.

Dua solli një kombinim magjepsës të këngëve nga albumi i saj i fundit Radical Optimism dhe nga suksesi i mëhershëm Future Nostalgia, duke sjellë në Kosovë energjinë e një turneu botëror që sapo ka përfunduar në Evropë dhe do të vazhdojë në shtator në Shtetet e Bashkuara.

Në qendër të vëmendjes nuk munguan as veshjet e saj ikonike, të cilat tashmë janë pjesë e imazhit të saj të turneut. Publiku u befasua veçanërisht nga një moment emocional: Dua interpretoi së bashku me babanë e saj, Dukagjin Lipa, këngën ikonike “Era”, një klasik i muzikës shqiptare. Para se ta ftonte në skenë, ajo tha:

“Ai ka qenë gjithmonë inspirimi im”.

Dua dhe Dukagjini janë gjithashtu bashkëthemelues të Sunny Hill Festival, një iniciativë që synon të sjellë artistë të njohur ndërkombëtarë në Kosovë dhe ta vendosë Prishtinën në hartën e ngjarjeve të mëdha muzikore.

“Është kënaqësi me pas mundësinë me kriju një festival me familjen time për vendin tonë,” u shpreh ajo në shqip gjatë performancës, duke falënderuar gjithashtu organizatorët që kanë bërë të mundur këtë ngjarje tashmë të përvitshme.

Atmosfera ishte elektrizuese. Publiku këndonte njëzëri çdo këngë, ndërsa koreografitë e menduara me kujdes dhe skenografia ikonike që ka shoqëruar turneun Radical Optimism u sollën në Prishtinë – duke e bërë qytetin epiqendrën e një magjie që jemi mësuar t’i shohim dikur vetëm në skenat më të mëdha në Evropë, Amerikë e kudo në botë.

Energjia që shpërndau Dua Lipa me zërin, lëvizjet dhe praninë e saj skenike bëri që çdo spektator të përfshihej emocionalisht. Ishte një natë që shumëkush nuk do ta harrojë lehtë – një performancë që jo vetëm përmbushi pritshmëritë, por i tejkaloi ato.

Sunny Hill Festival këtë vit bashkoi emra të mëdhenj si Shawn Mendes, Fatboy Slim, Anyma, dhe Mochakk, duke e konfirmuar statusin e tij si festivali më prestigjioz në rajon.

Vizita e Dua Lipës në Kosovë këtë herë ishte edhe më e veçantë, jo vetëm sepse hapi festivalin si artistja kryesore e mbrëmjes, por edhe sepse mori shtetësinë kosovare.

Shtetësia iu dha me dekret presidencial gjatë një ceremonie pritëse nga presidentja Vjosa Osmani. Nuk kaloi shumë dhe mediat prestigjioze si BBC dhe The Guardian nisën të raportojnë mbi këtë ngjarje, duke i dedikuar artikuj jo vetëm Dua Lipës, por edhe vizitës së saj në Kosovë. /Telegrafi/

The post Ylli që shndriti Prishtinën: Dua Lipa në Sunny Hill solli magjinë e skenave botërore appeared first on Telegrafi.

Flonja Haxhaj

Në natën e dytë të Sunny Hill Festival, Prishtina vazhdoi të jetë një skenë ku arti dhe muzika bashkohen për të krijuar një përvojë që i kalon kufijtë e argëtimit. Në qendër të kësaj nate qëndroi një emër i dashur për publikun ndërkombëtar, këngëtari Shawn Mendes, shkruan KultPlus.

Në një atmosferë ku performuan emra të njohur si Deezy, Yanina, Lluni, Era Istrefi, Sainte, Pint, Ledri dhe Headie One, skena kulmoi me ardhjen e kantautorit kanadez, i cili e përjetoi Prishtinën për herë të parë jo vetëm si një vend koncertesh, por si një hapësirë emocionale ku ndjenjat artistike përqafohen me një publik që i këndon njëzëri këngët e tij.

Mendes e nisi performancën me “There’s Nothing Holding Me Back”, duke vendosur që në fillim një ton energjik. Vazhdimi i koncertit ndërtoi një imazh të bukur emocional, me këngë si “Wonder”, “Treat You Better” dhe “Monster”, që përçuan ndjenja të brishta përmes një interpretimi të ndjerë.

Në një moment të koncertit, Shawn Mendes foli përpara publikut duke i falënderuar për këtë ndjesi që i dhanë.

Të jesh muzikant do të thotë të vizitosh shumë vende dhe të takosh shumë njerëz, kur erdha këtu isha pafundësisht i emocionuar të shoh gjithë këta njerez, jemi shumë të lumtur qe jemi këtu”, u shpreh Mendes teksa falënderoi publikun e Prishtinës për këtë pritje.

Në çdo varg dhe çdo notë, publiku dukej i përfshirë në një bashkëbisedim të heshtur me artistin. Këngët “Lost in Japan”, “Heart of Gold”, “Isn’t That Enough” dhe “It’ll Be Okay” sollën një atmosferë poetike, duke e kthyer koncertin në një udhëtim të brendshëm e intim për të pranishmit.

Një moment i veçantë ishte interpretimi i “Señorita”, që krijoi një ndjesi të ëmbël romantike, ndërsa koncerti vazhdoi me “Ruin”, “Never Be Alone”, “Mercy”, “Youth” dhe “Stitches”.

Mendes përfundoi mes emocionesh përvojën e tij të parë në Prishtinë me hitin e tij ‘In my blood’.

Ndërkaq sonte, në përmbylljen e Sunny Hill Festival, publiku do të ketë mundësinë të shijojë performancat e artistëve, Deezy, Bess, Adrian Berisha, MyGal, Edgar Kerry, Tsha, ndërkaq do të përmbyllet fuqishëm me artistin kryesor Anyma./KultPlus.com

Prishtina mbrëmë përjetoi një natë magjike, teksa Shawn Mendes performoi për herë të parë në Kosovë, duke e kthyer natën e dytë të Sunny Hill Festival në një spektakël emocionesh të forta.

Me një skenë të mrekullueshme, por me drita të ngrohta që krijuan një atmosferë të afërt dhe të ngrohtë, Shawn i la gjithë vëmendjen zërit të tij të fuqishëm dhe mesazheve të sinqerta të këngëve.

Të shoqëruar nga një bend energjik dhe vokalistë mbështetës që e plotësonin perfekt performancën e tij, çdo notë u ndje thellë nga mijëra fansa që kishin mbushur hapësirën e festivalit.

Shawn interpretoi një setlist të pasur me hitet e tij më të mëdha, nga “There’s Nothing Holding Me Back”, “Never Be Alone” e “Stitches”, “Wonder”, “Mercy” dhe “Why Why Why”, duke përfshirë edhe ritmet më të shpejta si “Lost in Japan” dhe këngën e njohur, “Treat You Better”.

Energjia në festival ishte e jashtëzakonshme, me publikun që këndoi çdo varg bashkë me Shawn-in, duke e kthyer natën në një përvojë unike.

Për të gjithë ata që ishin aty, ky koncert nuk ishte thjesht një performancë – ishte një moment i rrallë ku muzika, emocionet dhe lidhja me artistin u bënë një. /Telegrafi/

The post Shawn Mendes lë gjurmë në Prishtinë me një performancë të jashtëzakonshme dhe magjike appeared first on Telegrafi.

Pas dy netëve të mbushura me muzikë dhe energji, Sunny Hill Festival hyn sonte në natën e tretë dhe të fundit në Prishtinë.

Në natën e parë, Dua Lipa ndezi skenën kryesore me një performancë të paharrueshme, duke sjellë hite të njëpasnjëshme përpara mijëra fansave.

Mbrëmë, ishte radha e Shawn Mendes, për herë të parë në Kosovë, i cili dhuroi një performancë spektakolare, duke emocionuar publikun dhe duke shënuar një moment historik për festivalin.

Sonte, Sunny Hill përmbyllet me një line up po aq të fuqishëm.

Anyma do të sjellë një performancë të veçantë me vizuale mahnitëse në skenën kryesore, ndërsa pas mesnate, Peggy Gou, një nga DJ-t më të mëdha në botë, do të mbyllë festivalin me një set që pritet të ndezë Prishtinën deri në orët e para të mëngjesit.

Lexo po ashtu Dua Lipa feston marrjen e shtetësisë së Kosovës në Festivalin Sunny Hill, përkrah të fejuarit dhe miqve të afërt

Një fundjavë e plotë me muzikë, surpriza dhe momente të paharrueshme që do të lënë gjurmë në skenën muzikore të rajonit. /Telegrafi/

The post Peggy Gou dhe Anyma përmbyllin Sunny Hill – nata e fundit e festivalit nis me super line-up appeared first on Telegrafi.

Këngëtarja me famë botërore, Dua Lipa, ka ndarë me ndjekësit një moment historik në jetën e saj, marrjen e shtetësisë së Kosovës, vetëm një natë përpara se të performonte në Sunny Hill Festival në Prishtinë.

Në një postim plot energji në Instagram, ajo shkroi:
“E mora shtetësinë një natë më parë dhe pastaj festova fort në @sunnyhillfestival natën pas saj!!!!! E dua jetënnn ”

E shoqëruar me një fotografi nga skena, ku Dua shfaqet me duart lart dhe një buzëqeshje të madhe, mesazhi i saj përçoi gëzim, krenari dhe një lidhje të thellë me vendlindjen.

Ky zhvillim shënon një tjetër kapitull të rëndësishëm në raportin e artistes me Kosovën. Përmes festivalit Sunny Hill, të themeluar bashkë me të atin, Dukagjin Lipa, Dua ka ndihmuar në vendosjen e Prishtinës në hartën ndërkombëtare të muzikës dhe kulturës bashkëkohore.

Marrja e shtetësisë nga ana e saj është më shumë se një formalite, është një deklarim i fortë dashurie dhe përkatësie.
Dua Lipa nuk është vetëm një ambasadore e muzikës,ajo është tashmë edhe zyrtarisht një ambasadore e kulturës dhe shpirtit të Kosovës./KultPlus.com

View this post on Instagram

A post shared by DUA LIPA (@dualipa)

Mijëra njerëz e mbushën hapësirën e Sunny Hill Festival gjatë koncertit të mbrëmshëm në Prishtinë, në një nga netët më të zjarrta të këtij edicioni.

Energjia, dritat, muzika dhe emrat e mëdhenj të skenës krijuan një atmosferë unike që do të mbahet mend gjatë nga të gjithë ata që ishin të pranishëm.

Por sa persona morën pjesë saktësisht?

Për herë të parë, Telegrafi ka përdorur inteligjencën artificiale (AI) për të analizuar dhe vlerësuar numrin e pjesëmarrësve në bazë të një fotografie ajrore të realizuar mbrëmjen e djeshme.

Bazuar në përllogaritjet vizuale dhe teknikat e avancuara të vlerësimit të dendësisë së turmave, AI ka analizuar sipërfaqen e plotë të mbuluar nga pjesëmarrësit dhe dendësinë mesatare të njerëzve për metër katror.

Rezultati:

> Rreth 22,000 – 25,000 persona morën pjesë në koncertin e mbrëmshëm të Sunny Hill Festival.

Përllogaritja është bërë duke marrë në konsideratë përmasat e hapësirës së mbushur, dendësinë ekstreme të turmës afër skenës, dhe strukturat përreth, përmes metodologjive që përdoren gjerësisht në analiza të ngjarjeve masive në nivel ndërkombëtar.

Ky vlerësim konfirmon interesimin e jashtëzakonshëm që publiku vendor dhe ai ndërkombëtar ka për Sunny Hill Festival, i cili tashmë është bërë një nga ngjarjet më të mëdha muzikore në Evropën Juglindore.

Ky vlerësim është bazuar në analiza të avancuara nga inteligjenca artificiale dhe mund të mos jetë 100% i saktë. /Telegrafi/

The post Mbrëmje rekord në Sunny Hill: Inteligjenca Artificiale numëron mbi 22 mijë pjesëmarrës appeared first on Telegrafi.

Presidentja e Republikës së Kosovës, Vjosa Osmani, ka vlerësuar lart Sunny Hill Festival, duke e cilësuar si një rrëfim suksesi që e ka kthyer një ëndërr në realitet.

“Një ëndërr që nisi me dashurinë për vendin dhe u kthye në një nga ngjarjet më frymëzuese që e vendos Kosovën në qendër të hartës kulturore globale”, shkruan Osmani në një postim në rrjetet sociale, transmeton KultPlus.

Ajo falënderoi Dua Lipën për vizionin dhe guximin që e bëri këtë ngjarje realitet, si dhe ekipin e festivalit për punën e palodhshme çdo vit.

“Përmes muzikës, pasionit dhe energjisë së rinisë – Kosova po shkëlqen. Po tregon se edhe nga një vend i vogël, mund të lindin gjëra të mëdha”, u shpreh Presidentja, duke theksuar rolin e festivalit në promovimin e imazhit të Kosovës në botë.

Sunny Hill Festival ka kthyer Prishtinën në një epiqendër të muzikës moderne, duke sjellë artistë të njohur ndërkombëtarë dhe mijëra vizitorë nga brenda dhe jashtë vendit./KultPlus.com

Presidentja e Kosovës, Vjosa Osmani, ka reaguar pas performancës spektakolare të këngëtares me famë botërore Dua Lipa, e cila mbrëmë ndezi skenën e natës së parë të Sunny Hill Festival në Prishtinë.

Në një postim të ndjerë në Facebook, presidentja ka shprehur mirënjohje për energjinë që sjell festivali dhe për ndikimin e jashtëzakonshëm të Duas në promovimin e vendit.

Reagimi i plotë i Presidentes Osmani:

Sunny Hill Festival është rrëfim i një ëndrre të kthyer në realitet. Një ëndërr që nisi me dashurinë për vendin dhe u kthye në një nga ngjarjet më frymëzuese që e vendos Kosovën në qendër të hartës kulturore globale.

Përmes muzikës, pasionit dhe energjisë së rinisë – Kosova po shkëlqen. Po tregon se edhe nga një vend i vogël, mund të lindin gjëra të mëdha.

Faleminderit, Dua, që ëndrrën tënde e bëre edhe tonën. Faleminderit ekipit të Sunny Hill që e bëni këtë ëndërr realitet çdo vit, duke e sjellë botën në zemër të Kosovës!

Festivali ka nisur fuqishëm dhe sonte pritet të kulmojë me performancën e shumëpritur të yllit ndërkombëtar Shawn Mendes. /Telegrafi/

The post “Nga një ëndërr në realitet” – Vjosa Osmani emocionon me fjalët pas performancës së Dua Lipës në Sunny Hill appeared first on Telegrafi.

Një det njerëzish, një energji e papërshkrueshme dhe një atmosferë që rrallëherë përjetohet në këtë nivel, këto janë pamjet e mbrëmjes së parë të Sunny Hill Festival, ku mijëra pjesëmarrës u mblodhën për të ndjekur performancën spektakolare të yllit botëror, Dua Lipa.

Fotografia ajrore që ka qarkulluar gjerësisht në rrjetet sociale, tregon qartë një numër të jashtëzakonshëm pjesëmarrësish, që kanë mbushur çdo cep të zonës së festivalit.

Nata e parë e festivalit, e cila shënoi edhe rikthimin e shumëpritur të Dua Lipës në Prishtinë, rezultoi të jetë një ndër më të mëdhatë dhe më emocionueset që ka përjetuar ndonjëherë ky event.

Performanca e saj, që zgjati përreth dy orë, u shoqërua me një produksion teknik të nivelit më të lartë, me koreografi të përsosura, ndriçim magjepsës dhe një setlist që përfshinte hitet më të mëdha të saj, nga “Levitating” deri te “Houdini”.

Reagimet nga publiku ishin të menjëhershme, brohorima, këngë të kënduara në kor dhe emocione të ndjera në çdo moment të koncertit.

@edonisuka0

#fyp #dualipa #sunnyhillfestival #2025 #fyppppppppppppppppppppppp

♬ original sound – edonisuka

Sunny Hill, tashmë i kthyer në një nga festivalet më të mëdha të muzikës në Evropën Juglindore, dëshmoi edhe një herë fuqinë e tij për të bashkuar mijëra njerëz përmes muzikës, kulturës dhe artit.

Kjo ishte vetëm nata e parë. Me një nisje kaq madhështore, pritshmëritë për netët e tjera janë më të larta se kurrë.

Shawn Mendes, i cili do të ngjitet në skenë sonte, pritet të ndezë atmosferën edhe më shumë, duke e vazhduar magjinë që Sunny Hill sjell çdo verë në zemër të Prishtinës. /Telegrafi/

The post Pamje mbresëlënëse nga nata e parë e Sunny Hill – mijëra njerëz ndjekin Dua Lipën në një spektakël historik appeared first on Telegrafi.

Atmosfera elektrizuese e Sunny Hill Festival vazhdon me natën e dytë, më 2 gusht, ku emra të mëdhenj të muzikës ndërkombëtare dhe vendore do të marrin skenën dhe do të sjellin një përvojë të paharrueshme për publikun.

Festivali nis nga ora 14:00 në The Next Stage, me performanca nga DJ Bana Zahiti dhe Bletapërtace, të cilët do të hapin mbrëmjen me ritme të freskëta verore, shkruan KultPlus.

Pas orës 17:45, vëmendja zhvendoset në Sunny Hill Stage, ku do të ngjiten një sërë artistësh të njohur: Deezy, Yanina, Lluni, Era Istrefi, Sainté, Pint, Ledri dhe Headie One.

Në kulmin e natës, do të performojë një nga emrat më të mëdhenj të skenës botërore, Shawn Mendes, që pritet të sjellë një show të jashtëzakonshëm për fansat që kanë mbushur Prishtinën nga e gjithë bota.

Por mbrëmja nuk përfundon aty, në mesnatë hapet C4 Stage, ku do të nisë afterparty me performanca deri në orën 05:00 të mëngjesit. Pjesë e skenës do të jenë Sugar Rush, Artssassin, Uran B., dhe DJ-i brazilian Mochakk, i njohur për setet e tij unike dhe energjinë e jashtëzakonshme që sjell në çdo performancë.

Sunny Hill Festival po vazhdon të përmbushë pritshmëritë, duke e kthyer Prishtinën në një pikë takimi të muzikës botërore dhe një skenë që s’guxon të mungohet./KultPlus.com

Mbrëmë u mbajt nata e parë e festivalit që organizon Dua Lipa dhe familja e saj në Prishtinë. Artistja globale ka ndarë emocionet e thella për lidhjen me Prishtinën dhe festivalin ”Sunny Hill Festival” që tashmë është kthyer në një traditë. “SUNNY HILL FESTIVAL Nata e parë. Ky festival është diçka që familja ime dhe unë e kemi krijuar me aq shumë dashuri për qytetin tonë, PRISHTINËN”…

Source

Faqja zyrtare e Sunny Hill ka ndarë një moment epik pas performancës së Dua Lipës në Prishtinë, duke e përshkruar koncertin si një përvojë të paharrueshme.

Me fjalët “YOU LIVED A MOVIE”, postimi shpreh emocionin dhe madhështinë e mbrëmjes ku artistja jonë ndërkombëtare ndezi skenën në një rikthim të jashtëzakonshëm në vendlindje. Me falënderime për magjinë që solli në shtëpi dhe për historinë që shkroi sërish, Sunny Hill e shpall natën e 1 gushtit 2025, një moment që do të kujtohet gjatë në zemrat e publikut dhe të gjithë Kosovës./KultPlus.com

Edhe pse fizikisht nuk ishte në Prishtinë, Rita Ora në njëfarë mënyre “u bë prezente” mbrëmë në natën e parë të festivalit “Sunny Hill”, falë një momenti të veçantë në performancën e DJ legjendar Fatboy Slim në skenën C4.

Teksa atmosfera në C4 po arrinte kulmin, Fatboy Slim vendosi të lëshojë hitin e tij në bashkëpunim me Rita Orën, “Praising You”. Në atë çast, në ekranin gjigant të vendosur pas DJ-it nisën të shfaqen pamje të Rita Orës, duke sjellë një ndjesi simbolike prezence të saj në festival.

E menjëhershme ishte edhe reagimi i artistes shqiptare me famë botërore: Rita Ora ndau në InstaStory një video nga ky moment, duke treguar edhe një herë lidhjen e saj të fortë me Kosovën dhe përkrahjen për këtë festival.

Interesante është se ky moment nuk ishte i planifikuar. Gjatë intervistës së shkurtër për Telegrafin të realizuar në Prishtinë, Fatboy Slim tregoi se “Praising You” nuk ishte në listën e këngëve që do të performonte, por se një pyetje e gazetarit ia ndryshoi mendjen.

“Pasi më pyete për të, mendova… pse jo?”, u shpreh ai.

@telegrafi DJ me famë botërore Fatboy Slim vjen në Prishtinë #Telegrafi #SunnyHill #FatboySlim ##SunnyHillFestival #Prishtina ♬ original sound – Telegrafi.com

Si rezultat, “Praising You” u kthye në njërën nga këngët më të dashura dhe më të kërkuara të mbrëmjes, duke bërë që audienca të shpërthejë në duartrokitje dhe kërcim.

Ky moment dëshmon edhe një herë ndikimin e muzikës dhe fuqinë që ka ajo për të lidhur artistë dhe publikun, edhe në mungesë fizike. /Telegrafi/

The post Edhe pse jo fizikisht, Rita Ora ishte “pjesë” e festivalit ‘Sunny Hill 2025’: Kënga e saj hit u lëshua nga Fatboy Slim në skenë appeared first on Telegrafi.