ODESA, 19 dhjetor /ATSH-ANSA/ – Forcat ruse kanë nisur një sulm me dron Shaheed në qytetin e Odesës në jug të Ukrainës.

Dronët ruse u vunë re në lagje të shumta. Banorët raportuan një zjarr të madh dhe ndërprerje të energjisë elektrike në disa zona të qytetit.

“Një pjesë e një prej zonave me popullsi të dendur të qytetit ishte përkohësisht pa energji elektrike, ujë dhe ngrohje.

Specialistët tashmë po punojnë për rivendosjen e situatës. Aktualisht kemi informacione për një person të plagosur në gjendje mesatarisht të rëndë.

Ai është transportuar në një strukturë mjekësore”, tha Serhiy Lysak, kreu i administratës ushtarake të Odesës.   /os/

The post ODESA – Dronë rusë pushtojnë qiellin e qytetit appeared first on Agjencia Telegrafike Shqiptare.

Dronët kamikazë ukrainas kanë kryer një sulm të suksesshëm ndaj dy sistemeve raketore S-400 ruse në rajonin Belgorod të Rusisë, duke shkaktuar dëme të konsiderueshme.

Sipas raporteve të fundit, një nga sistemet e lëshimit u shkatërrua plotësisht pas një goditjeje të drejtpërdrejt, ndërsa tjetri pësoi dëmtime serioze që mund të ndikojnë në funksionimin e tij operativ.

Sulmi u realizua rreth 50 kilometra larg vijës së frontit, duke treguar aftësinë e Ukrainës për të goditur objektiva strategjike në territorin rus, pa u afruar direkt në zonat e rrezikshme të konfliktit.

Një shpërthim i fuqishëm ka tronditur portin e Odesës në Ukrainë pas një sulmi me dronë dhe raketa, që dyshohet se është kryer nga forcat ruse. Sipas autoriteteve ukrainase, një anije tregtare është përfshirë nga flakët pas bombardimeve, ndërsa pamjet e zjarrit dhe shpërthimit janë bërë virale në rrjete sociale. Deri më tani nuk raportohet […]

The post Bombardime në Odesë, shpërthen anije tregtare pas sulmit me dronë dhe raketa appeared first on BoldNews.al.

VARSHAVE, 10 dhjetor /ATSH-AA/ -Polonia po shqyrton mundësinë për t’i dhënë Ukrainës avionë luftarakë MiG-29 të epokës sovjetike në këmbim të aksesit në teknologjinë ukrainase të dronëve dhe raketave, theksoi Shtabi i Përgjithshëm i forcave të armatosura.

Zyrtarët ushtarakë thanë se avionët po i afrohen fundit të “jetës së tyre” të shërbimit dhe nuk ka gjasa t’i nënshtrohen modernizimit të mëtejshëm, duke e bërë një transferim të mundshëm pjesë si të rinovimit të flotës së Polonisë ashtu edhe të mbështetjes së saj më të gjerë për Kievin.

Shtabi i Përgjithshëm konfirmoi se bisedimet janë duke u zhvilluar, por theksoi se ende nuk është marrë asnjë vendim zyrtar. “Dhurimi i avionëve do të ishte pjesë e politikës së Aleancës për të mbështetur Ukrainën dhe për të ruajtur sigurinë e krahut lindor të NATO-s”, tha ai në platformën e kompanisë amerikane të mediave sociale X.

MiG-29 të Polonisë përfundimisht do të zëvendësoheshin nga F-16 të prodhuara në SHBA dhe avionë të lehtë luftarakë FA-50 të Koresë së Jugut, të cilët gradualisht po marrin përsipër detyrat operacionale të flotës.

Në këmbim, qeveria po eksploron mundësinë e marrjes së teknologjive të zgjedhura të raketave dhe dronëve nga Ukraina, inovacioni i shpejtë i së cilës në kohë lufte e ka bërë atë një prodhues të madh të sistemeve pa pilot.

“Qëllimi nuk është vetëm të kompensohet për pajisjet, por mbi të gjitha të fitohen dhe zhvillohen bashkërisht kompetenca të reja mbrojtëse dhe industriale”, thuhet në deklaratë.

Ukraina tani prodhon mijëra dronë në muaj dhe ka përshpejtuar zhvillimin e aftësive të sulmit me rreze të gjatë veprimi, mes hezitimit nga disa partnerë perëndimorë, përfshirë SHBA-në, për të ofruar armë të tilla.

Sipas agjencisë së lajmeve PAP të Polonisë, Ukraina aktualisht operon rreth 40 avionë luftarakë MiG-29. Që kur Rusia nisi luftën e saj në vitin 2022, Kievi ka marrë tashmë 14 MiG-29 nga Polonia dhe 13 nga Sllovakia, duke ndihmuar në mbështetjen e flotës së saj të vjetër.   /os/

The post FOKUS – Polonia mund t’i japë Ukrainës avionë MiG në këmbim të teknologjisë së dronëve appeared first on Agjencia Telegrafike Shqiptare.

Dronë të dyshuar janë parë duke fluturuar mbi një bazë të inteligjencës ushtarake franceze në tre netë të ndara muajin e kaluar, ka bërë të ditur të martën Forca Ajrore dhe Hapësinore Franceze.

Rasti shënon inkursionin e fundit mbi bazat ushtarake mbi vendet e Evropës.

Prokurorët francezë javën e kaluar nisën një hetim mbi dronët që dyshohet se kanë fluturuar mbi një bazë nëndetësesh bërthamore në bregdetin e Atlantikut.

Fluturimet e dronëve, kryesisht me origjinë të panjohur, kanë shkelur hapësirën ajrore të Evropës në muajt e fundit.

Presidentja e Komisionit Evropian Ursula von der Leyen, i ka quajtur inkursionet “luftë hibride”.  Rusia mohon rregullisht akuzat se është përgjegjëse.

Pamjet e para të dronëve mbi bazën ushtarake Creil në Francën veriore kanë ndodhur më 26 nëntor, ka thënë në një deklaratë Forca Ajrore dhe Hapësinore Franceze.

Baza Creil strehon një qendër trajnimi inteligjence, ka thënë koloneli Thomas Bardin për të përditshmen franceze Le Parisien. Kushtet e vështira të motit e bën të pamundur që të konfirmohej nëse pamjet e dyshuara në netët e 28 dhe 30 nëntorit ishin dronë apo avionë komercialë.

TIRANË, 9 dhjetor /ATSH/ Javën e kaluar, kontraktorët e kompanive amerikane në fushën e mbrojtjes trajnuan ushtrinë shqiptare për të përdorur teknologjinë kundër sistemeve fluturuese pa pilotë.

Ambasada e Shteteve të Bashkuara të Amerikës në Tiranë bëri të ditur se ky program është pjesë e Partneritetit Shtetëror të Shqipërisë me Gardën Kombëtare të Nju-Xhersit (New Jersey).

Ambasada e SHBA-së në Tiranë thekson se këto armë të avancuara amerikane për dronë forcojnë kapacitetet mbrojtëse të Shqipërisë dhe mbështesin misionin e NATO-s për të ruajtur sigurinë kolektive.

“Ne ofrojmë armë antidronë Mk4 dhe armë antidron taktike. Është një sistem jo shkatërrues kundër dronëve. Ky sistem për ushtrinë shqiptare do të thotë një qasje për t’iu kundërvënë sistemeve pa pilot, të cilat janë një kërcënim në rritje në të gjithë globin sot. Qëllimi ynë këtu është të zbusim rrezikun për trupat si në distancë, ashtu edhe brenda rrezes së kundërsulmit të sistemeve pa pilot brenda qyteteve në të gjithë vendin”, u shpreh Nate Edwards i Drone Shield, në një video të publikuar nga Ambasada amerikane në Tiranë.

/gj.m/a.f/r.e/

The post SHBA-ja trajnon ushtrinë shqiptare për përdorimin e teknologjisë kundër dronëve appeared first on Agjencia Telegrafike Shqiptare.

Në hapësirën ajrore gjermane po shtohen gjithnjë e më tepër rastet e rrezikshme kur dronët hyjnë në trajektoret e avionëve. Sipas Shërbimit Gjerman të Sigurisë Ajrore (DFS) deri në fund të nëntorit të këtij viti janë regjistruar 208 ndërhyrje të rrezikshme në trafikun ajror të shkaktuara nga dronë. Kjo përbën një rritje të dukshme krahasuar me 149 ngjarje […]

The post Gjermani/ Shtohet kërcënimi dhe rreziku nga dronët pranë aeroporteve appeared first on BoldNews.al.

PARIS, 5 dhjetor /ATSH-AFP/- Pesë dronë fluturuan dje në mbrëmje mbi bazën franceze të nëndetëseve në “Ile Longue”, në portin e Brest, në perëndimin e largët të Francës, , ku ndodhen nëndetëset bërthamore të lëshimit të raketave të armëve bërthamore franceze, raportoi xhandarmëria lokale.

“Batalioni i artilerisë detare që mbron vendin kreu disa sulme kundër dronëve”, sipas të njëjtit burim.

Baza franceze mbrohet nga 120 xhandarë detarë, të koordinuar nga një batalion pushkësh.

Vendi strehon katër nëndetëse, të cilat mirëmbahen, të paktën njëra prej të cilave është përgjithmonë në det për të siguruar parandalimin bërthamor.

Pesë dronë u zbuluan me mjete teknike. Dronët nuk janë të pazakontë në këtë zonë të kufizuar.

Natën midis 17 dhe 18 nëntorit, një tjetër dron u raportua “mbi Gadishullin Crozon”, i cili përfshin “Ile Longue”. //a.i/

The post FRANCË – Disa dronë fluturojnë mbi bazën e nëndetëseve bërthamore appeared first on Agjencia Telegrafike Shqiptare.

Komisioni Evropian ka paraqitur një paketë legjislative që synon luftimin e trafikut të drogës, një biznes kriminal që po ndikon gjithnjë e më shumë në jetën e qytetarëve evropianë në formën e dhunës, korrupsionit, ndotjes së mjedisit dhe shfrytëzimit të ekonomisë ligjore. Përdorimi i paligjshëm i drogës po rritet ndjeshëm në BE, me situatën që […]

The post Nga dronët te teknologjia e përparuar, Komisioni Evropian paraqet planin për të luftuar trafikun e drogës appeared first on BoldNews.al.

Moldavia, që gjendet në kufi me Ukrainën, mbylli hapësirën e saj ajrore për një orë gjatë natës, pas inkursionit të dronëve të rinj, tha Ministria e Mbrojtjes më 29 nëntor.

Ky shtet i vogël që gjendet në kufi me Ukrainën e shkatërruar nga lufta dhe me Rumaninë, vend anëtar të NATO-s, vazhdimisht është përballur me shkelje të hapësirës ajrore që kur Moska nisi pushtimin e Ukrainës në shkurt të vitit 2022.

Incidenti i fundit vjen pasi Moldavia raportoi më herët këtë javë se një dron ishte rrëzuar në territorin e saj, teksa gjithsej gjashtë dronë që kishin kaluar hapësirën e saj ajrore.

Hapësira ajrore e Moldavisë “u mbyll përkohësisht për rreth një orë e 10 minuta, mes orës 22:43 dhe 23:53, si masë emergjente, pasi dy dronë të paidentifikuar fluturuan ilegalisht mbi territorin kombëtar, duke krijuar një kërcënim të drejtpërdrejtë për sigurinë e aviacionit”, tha Ministria e Mbrojtjes në një komunikatë për media të shtunën.

Ajo shtoi se dronët e tipit Gerbera nuk ishin zbuluar nga radarët e Moldavisë, por inkursioni i tyre ishte “konfirmuar nga autoritetet kufitare ukrainase”.

“Nuk janë identifikuar objekte, copëza apo elemente që paraqesin rrezik për popullsinë dhe të dy dronët janë larguar nga hapësira ajrore kombëtare, duke u futur thellë në territorin ukrainas”, tha Ministria e Brendshme.

Megjithatë, tha ajo, dy avionë që po vinin drejt Kishinievit nga Parisi dhe Barcelona gjatë mbylljes së hapësirës ajrore devijuan fluturimet drejt Rumanisë.

Një tjetër aeroplan që po përgatitej të nisej nga Kishinievi u ndalua përkohësisht.

“Moldavia i dënon fuqishëm këto veprime të paligjshme dhe të rrezikshme, të cilat vunë në rrezik sigurinë e fluturimeve civile dhe jetët njerëzore”, tha Ministria e Mbrojtjes, duke i cilësuar shkeljet si “akte armiqësore të frikësimit dhe destabilizimit”.

Të mërkurën, Moldavia thirri ambasadorin rus në bisedë për shkak të rrëzimit të një droni, ndërsa vendosi dronin e rrëzuar para Ministrisë së Jashtme dhe i dorëzoi atij një notë proteste./REL

The post Moldavia mbyll përkohësisht hapësirën ajrore për shkak të dronëve appeared first on Albeu.com.

Trafiku ajror në aeroportin e Eindhovenit në Holandë është pezulluar pas shikimit të disa dronëve. Ministri holandez i mbrojtjes, Ruben Brekelmans, tha se masat mbrojtëse kundër dronëve ishin “gati për të ndërhyrë”.

Policia dhe ushtria e vendit janë gjithashtu në vendngjarje, shtoi ministri, dhe një hetim është duke vazhduar.

Bëhet e ditur se aeroporti në jug të Holandës përdoret si për qëllime ushtarake ashtu edhe për ato civile. Të gjitha llojet e trafikut ajror ishin ndaluar, sipas Brekelmans.

Ministria e mbrojtjes njoftoi se ushtria holandeze kishte përdorur armë kundër dronëve të parë mbi bazën e forcave ajrore në Volkel, rreth 40 kilometra në verilindje të Eindhoven.

Ndryshe, aeroporte të ndryshme në Evropë u mbyllën në shtator për shkak të pamjeve të dronëve, përfshirë ato në Danimarkë.

The post Dronë mbi Holandë, mbyllet aeroporti, ushtria shkon në vendngjarje appeared first on Albeu.com.

Të paktën 25 persona kanë mbetur të vrarë, përfshirë tre fëmijë, në një sulm rus me dron dhe raketa në qytetin perëndimor të Ternopilit, i cili goditi dy blloqe apartamentesh, thonë zyrtarët ukrainas të shpëtimit.

73 persona të tjerë u plagosën, 15 prej të cilëve fëmijë, thanë zyrtarët, në një nga sulmet më vdekjeprurëse ruse në Ukrainën perëndimore që nga fillimi i luftës në shkallë të plotë në shkurt 2022.

Dy rajone të tjera perëndimore u goditën, Lviv dhe Ivano-Frankivsk, dhe një sulm me dron shënjestroi tre rrethe të qytetit verior të Kharkiv, duke plagosur më shumë se 30 persona. Fotot e postuara në internet tregonin ndërtesa dhe makina në flakë.

Ndërprerjet e energjisë elektrike po prekin një numër rajonesh në të gjithë vendin, tha ministria e energjisë e Ukrainës.

Presidenti i Ukrainës, Volodymyr Zelensky, tha se Rusia kishte qëlluar më shumë se 470 dronë dhe 47 raketa, duke lënë pas “shkatërrim të konsiderueshëm”. Ai paralajmëroi se njerëz mund të jenë bllokuar nën rrënojat në Ternopil.

Shkatërrimi i shkaktuar nga sulmet ruse në Ternopil u bë shpejt i qartë. Një video e ndarë nga Zelensky tregoi se një nga dy blloqet e apartamenteve ishte shembur plotësisht. Ministri i brendshëm Ihor Klymenko tha se ishte shkatërruar midis katit të tretë dhe të nëntë.

Re tymi dilnin nga dritaret dhe zjarre të vegjël digjeshin jashtë apartamentit./abcnews.al

Ministri i Mbrojtjes, Pirro Vengu thotë se në bashkëpunim me një kompani izraelite, Shqipëria do të prodhojë dronë, të cilët do të përdoren për të ruajtur sigurinë gjatë Samitit të NATO-s, që do të zhvillohet në Tiranë në vitin 2027. A do ta ruajnë dronët shqiptarë Samitin e NATO-s në 2027? Vengu: Ky është objektivi që […]

The post Vengu: Do prodhojmë dronë me izraelitët për të mbrojtur Samitin e NATO-s në 2027 appeared first on BoldNews.al.

Dronët janë parë përsëri mbi infrastrukturën kritike në Belgjikë: Aeroporti i Liège-it u detyrua të pezullojë punën të dielën në mbrëmje pasi u vunë re disa dronë. E drona janë parë edhe mbi një termocentral bërthamor pranë Antwerpit. Trafiku ajror në aeroport, i cili është një nga aeroportet më të mëdha të mallrave në Evropë, u pezullua […]

The post Belgjikë: Dronë mbi aeroporte dhe centrale bërthamore appeared first on BoldNews.al.

BRUKSEL, 5 nëntor /ATSH-DPA/ – Ministri belg i Mbrojtjes, Theo Francken deklaroi sot se dronët që shkaktuan dhjetëra anulime në aeroportin e Brukselit nuk ishin vepër amatorësh.

“Është e qartë se diçka më e madhe po ndodh këtu”, i tha Francken Komitetit belg të Mbrojtjes.

“Duhet të reagojmë shpejt”, shtoi ai.

Rreth 54 fluturime u anuluan në aeroportin e Brukselit të mërkurën, pasi operacionet u pezulluan për shkak të pranisë së dronëve.

Dronë u panë gjithashtu mbi një bazë ushtarake në Wallonia dhe një bazë tjetër të përdorur nga NATO, në Kleine-Brogel në Flandër.

Francken foli për një kërcënim hibrid që është real dhe serioz, duke vënë në dukje se incidenti përputhej me episodet e fundit në të gjithë Evropën.

“Incidentet me dronë janë të koordinuara në kohë dhe hapësirë, ato janë qëllimisht shkatërruese”, tha ai.

“Nuk u përdorën frekuenca klasike radioje, por rrjete 4G dhe 5G”, shpjegoi Francken.

“Për të luftuar kërcënimin, një qendër mbikëqyrjeje ajrore duhet të bëhet funksionale”, pohoi Francken.

Ai tha gjithashtu se dëshiron të propozojë blerjen e shpejtë të sistemeve të zbulimit dhe mbrojtjes kundër dronëve./  a.jor.

The post BELGJIKË – Francken: Dronët mbi aeroportin e Brukselit nuk ishin vepër amatorësh appeared first on Agjencia Telegrafike Shqiptare.

Një incident i pazakontë ka shkaktuar kaos në hapësirën ajrore belge mbrëmjen e së martës, pasi shikime të përsëritura të dronëve detyruan mbylljen e përkohshme të dy aeroporteve kryesore të vendit, atij të Brukselit dhe Liège.

Sipas zëdhënësit të kontrollit të trafikut ajror, Kurt Verwilligen, rreth orës 20:00 me orën lokale, një dron u vu re pranë pistës së aeroportit të Brukselit. Autoritetet ndërprenë menjëherë të gjitha fluturimet, duke devijuar avionët hyrës dhe pezulluar nisjet për arsye sigurie. Pas një rihapjeje të shkurtër dy orë më vonë, operacionet u ndalën sërish për shkak të shikimeve të tjera të ngjashme. Ende nuk dihet kur pritet normalizimi i trafikut ajror.

Kompania “Brussels Airlines” raportoi anulimin e 15 fluturimeve dhe devijimin e tetë të tjerave drejt aeroporteve alternative. Ndërkohë, aeroporti i Liège, një qendër e rëndësishme për transportin e mallrave, u mbyll gjithashtu pasi radarët identifikuan lëvizje të paautorizuara ajrore.

Ngjarja ndodh vetëm pak ditë pas shikimeve të dronëve mbi një bazë ushtarake belge. Ministri i Mbrojtjes, Theo Francken, deklaroi për RTBF se bëhet fjalë për një “aksion të organizuar, me elemente profesionalizmi dhe qëllime destabilizuese”.

Incidenti i fundit shton shqetësimet për sigurinë ajrore në Evropë, ku muajt e fundit janë shënuar episode të ngjashme në Kopenhagë dhe Oslo, si dhe alarme për dronë të dyshuar rusë në hapësirat ajrore të Polonisë e Rumanisë. Autoritetet belge po hetojnë për origjinën dhe qëllimin e fluturimeve misterioze.

The post Dronët shkaktojnë kaos në Belgjikë: Brukseli dhe Liège mbyllin aeroportet pas alarmit të sigurisë appeared first on Albeu.com.

Një incident i pazakontë ka shkaktuar kaos në hapësirën ajrore belge mbrëmjen e së martës, pasi shikime të përsëritura të dronëve detyruan mbylljen e përkohshme të dy aeroporteve kryesore të vendit, atij të Brukselit dhe Liège.

Sipas zëdhënësit të kontrollit të trafikut ajror, Kurt Verwilligen, rreth orës 20:00 me orën lokale, një dron u vu re pranë pistës së aeroportit të Brukselit. Autoritetet ndërprenë menjëherë të gjitha fluturimet, duke devijuar avionët hyrës dhe pezulluar nisjet për arsye sigurie. Pas një rihapjeje të shkurtër dy orë më vonë, operacionet u ndalën sërish për shkak të shikimeve të tjera të ngjashme. Ende nuk dihet kur pritet normalizimi i trafikut ajror.

Kompania “Brussels Airlines” raportoi anulimin e 15 fluturimeve dhe devijimin e tetë të tjerave drejt aeroporteve alternative. Ndërkohë, aeroporti i Liège, një qendër e rëndësishme për transportin e mallrave, u mbyll gjithashtu pasi radarët identifikuan lëvizje të paautorizuara ajrore.

Ngjarja ndodh vetëm pak ditë pas shikimeve të dronëve mbi një bazë ushtarake belge. Ministri i Mbrojtjes, Theo Francken, deklaroi për RTBF se bëhet fjalë për një “aksion të organizuar, me elemente profesionalizmi dhe qëllime destabilizuese”.

Incidenti i fundit shton shqetësimet për sigurinë ajrore në Evropë, ku muajt e fundit janë shënuar episode të ngjashme në Kopenhagë dhe Oslo, si dhe alarme për dronë të dyshuar rusë në hapësirat ajrore të Polonisë e Rumanisë. Autoritetet belge po hetojnë për origjinën dhe qëllimin e fluturimeve misterioze.

The post Dronët shkaktojnë kaos në Belgjikë: Brukseli dhe Liège mbyllin aeroportet pas alarmit të sigurisë appeared first on iconstyle.al.

Aeroporti Ndërkombëtar i Brukselit, Zaventem, u mbyll mbrëmjen e së martës pasi u raportua prania e dronëve të dyshimtë në hapësirën ajrore të kryeqytetit belg. Lajmi u konfirmua nga kompania e kontrollit të trafikut ajror Skeyes, e cila njoftoi se “për arsye sigurie, operacionet u pezulluan përkohësisht”. Sipas mediave belge, ndër to “Le Soir”, fluturimi […]

The post Drone të dyshimta mbi Bruksel, mbyllet përkohësisht aeroporti kryesor i Belgjikës appeared first on BoldNews.al.

Franca ka deklaruar se Turqia ka bërë përparim të jashtëzakonshëm në eksportet e produkteve të mbrojtjes në vitet e fundit.

Ministria franceze e Mbrojtjes në raportin e saj për eksportin e armëve për vitin 2025 të paraqitur në Parlament, deklaroi se peizazhi konkurrues në tregun e armëve ka ndryshuar ndjeshëm në vitet e fundit.

Në raport theksohet se, përveç eksportuesve kryesorë të armëve si SHBA-ja, Rusia dhe Gjermania, “aktorë të rinj po fitojnë gjithashtu një ndikim më të madh në tregun e armëve”, siç janë Kina, Koreja e Jugut dhe Turqia, të cilat po zhvillojnë vazhdimisht produktet e tyre të mbrojtjes.

Raporti vë në dukje se Turqia “ka bërë një nga përparimet më mbresëlënëse midis dhjetë eksportuesve kryesorë globalë në dekadën e fundit” dhe se Ankaraja “vazhdon të bëjë investime të konsiderueshme në zhvillimin e industrisë së saj të armëve”.

“Industria turke e armëve vendosi një rekord të ri në vitin 2024, duke arritur një rritje prej 80 për qind të eksporteve krahasuar me vitin 2023, veçanërisht me kontratat e shumta të nënshkruara për mjete ajrore pa pilot (dronë)”, thuhet në raport.

Shfaqja e një droni pranë aeroportit të Bremenit shkaktoi ndërprerje të fluturimeve për rreth një orë të dielën në mbrëmje. Sipas policisë, nuk ishte e mundur të identifikohej origjina ose operatori i dronit. Trafiku ajror në aeroportin gjerman u ndërpre nga ora 20:30 deri në 21:22, teksa një dron u pa duke fluturuar në një […]

The post Pas Mynihut e Berlinit, dronët “ngrijnë” edhe aeroportin e Bremenit appeared first on BoldNews.al.