Kryeministri Edi Rama ka vendosur një objektiv të qartë për kryetarët e bashkive, realizimi i 1 mijë investimeve në të gjithë vendin përmes Paketës së Maleve, ndryshe nuk do të kenë mundësi të ri-kandidojnë.

Deklarata erdhi gjatë një mbledhjeje me kryebashkiakët, një ditë pas takimit me Grupin parlamentar të Partisë Socialiste, ku Rama paralajmëroi edhe ndryshime kushtetuese brenda këtij mandati.

“Nuk mundet dot të rrini e të prisni vetëm nga buxheti i shtetit, duhet të kaloni në një fazë tjetër, sidomos disa bashki që i kanë të gjitha mundësitë”, tha Rama, duke theksuar se faza e parë e Paketës së Maleve nuk ka përfunduar ende në disa bashki, pavarësisht interesit të lartë nga shqiptarët jashtë vendit, shkruan A2 CNN.

Ai shtoi “ambicia është 1 mijë investime nga kjo paketë. Nuk do të ketë asnjë rikandidim nëse nuk do jetë arritur targeti i këtij projekti”.

Rama theksoi se edhe investimet më modeste, prej 50 mijë eurosh, kanë ndikim të madh në ekonominë vendore dhe duhet të trajtohen me seriozitet maksimal.

Kryeministri kërkoi gjithashtu nga Agjencia Kombëtare e Planifikimit të jetë në dispozicion të bashkive për hartat dhe nga ministri Demo të vendosë targetin për secilën bashki. Ai njoftoi edhe krijimin e një agjencie të re për të rritur cilësinë e planifikimit dhe projektimit, si dhe për të siguruar një kanal më të shpejtë ndërveprimi midis qeverisë dhe bashkive.

Lefter Maliqi me anë të një reagimi në rrjetet sociale ka denoncuar gjendjen e lagjeve në Kuçovë, duke i cilësuar kushtet e jetesës të banorëve si të mjerueshme. Ai akuzon bashkinë për abuzime dhe keqpërdorim të taksave të qytetarëve, ndërsa shprehet se kryetari Kreshnik Hajdari tallet me popullin duke bërë “show” me disa punëtorë dhe […]

The post Maliqi akuzon Hajdarin për abuzime me taksat: Lagjet e Kuçovës dhe stadiumi në kushte të mjerueshme appeared first on BoldNews.al.

Jona Cenameri

Për vitin 2025, Bashkia Tiranë kishte një buxhet të konsiderueshëm  për shpenzime dhe investime publike, por të dhënat zyrtare të siguruara nga vetë institucioni për Faktoje tregojnë se një pjesë e mirë e këtyre fondeve nuk u përdorën sipas planit.

Deri në dhjetor 2025, realizimi i përgjithshëm buxhetor i Bashkisë Tiranë kapi vlerën e 53%-it.

Shërbimet publike

Referuar të dhënave zyrtare të Bashkisë Tiranë, shërbimet Publike Vendore u realizuan në masën 40%. Që do të thotë se, mirëmbajtja urbane, pastrimi dhe ndriçimi publik, komponente thelbësore të këtij programi, kanë funksionuar me më pak se gjysmën e buxhetit të planifikuar.

Për ekspertin e qeverisjes vendore Agron Haxhimali ky nivel realizimi përkthehet në “shërbime të cungura, mirëmbajtje më të dobët, cilësi më të ulët dhe probleme të përditshme të pazgjidhura në qytet” 

Bashkia e lidh mosrealizimin me “vonesa procedurale në prokurime” dhe “afate ligjore për shpronësime”. Haxhimali e karakterizon situatën si pasojë e “planifikimit jo realist, kapaciteteve të dobëta zbatuese dhe vonesave serioze në prokurime, sidomos për investimet kapitale”

Strehimi social

Programi i Strehimit Social paraqet një nga nivelet më të ulëta të realizimit nga 12 deri në 15%.

Sipas Haxhimalit, kjo situatë “tregon neglizhencë ndaj shtresave në nevojë, dështim politikash sociale dhe mungesë vullneti për të adresuar krizën e strehimit” 

Infrastruktura

Shqetësuese gjithashtu, sipas Haxhimalit, është që sektorë shumë delikatë si ujitja dhe kullimi, emergjencat dhe strehimi kanë realizim minimal”. Sipas tij, “ky fenomen tregon një bashki të fokusuar keq, pa prioritete sociale dhe me risk të lartë për pasojat nga përmbytjet dhe krizat urbane”

Menaxhimi i infrastrukturës së ujitjes dhe kullimit kap shifrën e  21%-it, ndërsa emergjencat civile rreth 20%. 

Në sektorin e mbrojtjes nga zjarri dhe mbrojtjes civile,  u shpenzuan rreth 622 milionë lekë, thënë ndryshe  34%.

“Nëse do të ishin shpenzuar në mirëmbajtje, shërbime apo investime në sistem, Tirana do kishte pak më shumë ujë të pijshëm se sa kemi sot, dhe s’do të përmbyteshin sheshe, rrugë dhe lagje siç po ndodh aktualisht. Pra mosinvestimet në 2025 na shfaqin problemet që në fillim të 2026”

Planifikimi urban wshtw realizuar me vetëm 19%, ndwrsa arsimi universitar 18%.

Emergjenca

Të dhënat zyrtare tregojnë se Bashkia Tiranë nuk aktivizoi asnjë nga instrumentet e saj financiare emergjente gjatë vitit 2025. Fondi i Rezervës, i planifikuar me 731.3 milionë lekë nuk u prek asnjë qindarkë. Po ashtu as fondi i Kontigjencës.

Keqqeverisje?

Haxhimali e karakterizon situatën si “keqqeverisje,” duke identifikuar tri dimensione kryesore: planifikim jo realist që krijon buxhete të pazbatushme, prioritete që lënë pas dore sektorë kritikë si strehimi social dhe infrastruktura, dhe pasoja të matshme që mosrealizimi buxhetor sjell në jetën e përditshme të qytetarëve.

Kontradikta midis realizimit të lartë në disa fusha administrative si administrimi i zgjedhjeve 98% dhe realizimit kritikisht të ulët në shërbime sociale dhe infrastrukturë thelbësore tregon, sipas tij, se çështja qëndron në vendosjen e prioriteteve dhe orientimin e politikave publike.

Të dhënat zyrtare të Bashkisë Tiranë

The post Bashkia Tiranë “ngel në klasë” për shërbimet publike dhe strehimin appeared first on Faktoje.al.

TIRANË, 12 janar/ATSH/ Gjykata Kushtetuese zbardhi sot të plotë vendimin për shfuqizimin e vendimit të Këshillit të Ministrave dhe dekretit të Presidentit të Republikës për shkarkimin nga detyra të Kryetarit të Bashkisë së Tiranës, Erion Veliaj. Vendimi u mor pas seancës publike të zhvilluar më 31 tetor 2025.

Gjykata Kushtetuese, e kryesuar nga Holta Zaçaj dhe me pjesëmarrjen e të gjithë anëtarëve, shqyrtoi kërkesën e paraqitur nga Erion Veliaj, i përfaqësuar nga avokatët Alban Dokushi dhe Ermal Yzeiraj. Si subjekte të interesuara në proces ishin Presidenti i Republikës dhe Këshilli i Ministrave.

Pas seancës publike, Gjykata Kushtetuese njoftoi se ka pranuar me shumicë votash kërkesën e kryebashkiakut Erion Veliaj, duke shfuqizuar vendimin nr. 539, datë 25 shtator 2025 të Këshillit të Ministrave, “Për shkarkimin nga detyra të kryetarit të Bashkisë së Tiranës, Erion Veliaj”, të cilin e cilësoi si të papajtueshëm me Kushtetutën e Republikës së Shqipërisë.

Po ashtu, Gjykata Kushtetuese shfuqizoi dekretin nr. 350, datë 1 tetor 2025 të Presidentit të Republikës, “Për caktimin e datës së zgjedhjeve të pjesshme vendore”, për pjesën që lidhet me Bashkinë e Tiranës, duke konstatuar shkelje të nenit 115, pikat 2 dhe 3 të Kushtetutës. Vendimi parashikon gjithashtu vazhdimin e masës së pezullimit të efekteve juridike të dekretit presidencial për zgjedhjet vendore në Tiranë deri në hyrjen në fuqi të këtij vendimi. Vendimi i marrë më 3 nëntor 2025 është përfundimtar dhe hyn në fuqi ditën e botimit në Fletoren Zyrtare.

Në vendimin e zbardhur, Gjykata Kushtetuese thekson se nuk është marrë në shqyrtim arsyeja e mungesës për të paktën tre muaj në detyrë e kryebashkiakut Veliaj.

Në vendim thuhet: “Vendimi i Këshillit të Ministrave, i cili ka marrë për bazë vetëm faktin e mungesës tremujore në detyrë, nuk ka analizuar shkakun, rrethanat dhe as ndikimin e mungesës në ushtrimin e detyrës, duke mos vlerësuar nëse kjo situatë rridhte nga veprimet ose mosveprimet e vet kryetarit dhe nëse ajo mund të konsiderohej shkelje e rëndë e Kushtetutës ose e ligjeve.

Megjithatë, duhet vënë në dukje se është e mundur që mosparaqitja në detyrë për një periudhë të pandërprerë tremujore të përbëjë shkelje të rëndë në ushtrimin e detyrës nga kryetari i bashkisë, por vetëm në rastet kur ai mund dhe duhet të mbajë përgjegjësi. Kjo dallon nga rasti konkret, ku kërkuesit nuk i atribuohet asnjë lloj përgjegjësie juridike. Në këtë kuptim, shkelja e rëndë lidhet me mospërmbushjen thelbësore të detyrës me vullnetin e tij, duke pasur parasysh se kryetari i bashkisë është organ ekzekutiv monokratik.”

Gjykata Kushtetuese konstatoi gjithashtu se Erion Veliajt nuk i ishte garantuar e drejta për një proces të rregullt ligjor. “E drejta për t’u dëgjuar, si pjesë e së drejtës së mbrojtjes, garantohet edhe në procesin administrativ përpara çdo organi, pavarësisht nga instanca dhe rëndësia e tij. Kjo realizohet nëpërmjet pjesëmarrjes së vetë individit në proces dhe përmes parashtrimit të argumenteve prej tij ose avokatit të zgjedhur”, thuhet në vendim.

Në vendimin e pakicës, lexohet dy gjyqtaret Holta Zaçaj dhe Sonila Bejtja vlerësuan se kërkuesi nuk legjitimohet “ratione personae” për pretendimin e cenimit të së drejtës për proces të rregullt ligjor për shkak të mënyrës së votimit në këshillin bashkiak, me argumentin se kërkuesi nuk është mbartës i kësaj të drejte, e cila u përket anëtarëve të këshillit. Po ashtu, sipas tyre, kërkuesi nuk legjitimohet as për pretendimin se mbledhja e Këshillit të Ministrave është zhvilluar me urgjencë dhe në mungesë të pranisë fizike të anëtarëve të tij, pasi nuk ka provuar interes të drejtpërdrejtë, në kushtet kur kjo e drejtë u takon anëtarëve të këtij organi.

Po ashtu, në vendimin e pakicës theksohet se: “Qëllimi i ligjvënësit në përcaktimin e një periudhe kohore, kalimi i së cilës nuk justifikon më mosushtrimin e detyrës nga organi i zgjedhur vendor, nuk ka të bëjë me elementet subjektive të sjelljes, as me verifikimin e pasojave, e cila në këtë rast është e verifikueshme njëkohësisht me kohën e mungesës në detyrë. Për sa i përket rëndësisë së këtyre pasojave, pavarësisht shkakut që i ka sjellë, ato janë të nivelit kushtetues, për sa kohë lidhen me krijimin e pamundësisë objektive në ushtrimin e detyrave vetëqeverisëse nga organi i zgjedhur drejtpërdrejt nga populli”.

Vendimi përfundimtar, që riktheu në detyrë Erion Veliajn, u mor me shumicë votash. Pro shfuqizimit të vendimit për shkarkimin nga detyra të Veliajt votuan: Sander Beci, Ilir Toska, Fiona Papajorgji, Marsida Xhaferllari dhe Mariana Semini.

Kundër votuan: Holta Zaçaj, Sonila Bejtja dhe Gent Ibrahimi.

Vendimi i plote.pdf

/a.f/

The post Gjykata Kushtetuese zbardh vendimin për Veliajn: Nuk u analizua shkaku i mungesës në detyrë appeared first on Agjencia Telegrafike Shqiptare.

Pesë ditë pas vdekjes tragjike të Astrit Hysenajt në përmbytjet e Durrësit, familjarët e tij rrëzojnë zyrtarisht pretendimin e Bashkisë se ai kishte ndërprerë punën për shkak të motit dhe po kthehej në shtëpi në momentin fatkeq. Sipas familjes, 54-vjeçari ishte në detyrë deri në minutat e fundit të jetës. Të afërmit tregojnë se Hysenaj […]

The post U mbyt në Durrës, familjarët e Astrit Hysenajt: Vdiq në punë, po pastronte kanalin appeared first on BoldNews.al.

TIRANË, 9 janar /ATSH/ Dhjetëra qytetarë të prekur nga përmbytjet kanë dalë sot sërish në protestë përpara bashkisë së Durrësit.

Me pankarta dhe megafonë në duar ata kanë kërkuar që të merren masa konkrete për të përmirësuar situatën në qytetin bregdetar.

Qytetarët kanë shprehur revoltim ndaj institucioneve pas përmbytjeve masive që kanë goditur zonat urbane dhe periferike të qytetit këtë javë. Reshjet masive të këtyre ditëve kanë shkaktuar dëme në banesa, toka bujqësore dhe infrastrukturë, ndërsa qytetarët në protestë përsëritën sot thirrjet për llogaridhënie dhe zgjidhje të situatës.

Në tubimin e ditës së sotme, të pranishëm ishin edhe eksponentë të Partisë Demokratike dhe Lëvizjes “Shqipëria Bëhet”.

Gjithashtu, në protestë morën pjesë banorë të zonës së ish-Kënetës dhe të tjera zona të përmbytura të Durrësit, të cilët vijojnë të përballen me pasojat në banesa, biznese dhe toka bujqësore.

Qytetarët kërkuan veprime më konkrete dhe të menjëhershme nga institucionet për të parandaluar dëmet në banesa dhe biznese.

Protestuesit kërkuan vlerësimin e saktë dhe të plotë të dëmeve që u janë shkaktuar nga përmbytjet dhe menjëherë pas këtij procesi, shpërndarjen e dëmshpërblimit të merituar. Shumë prej tyre pretenduan se nuk kanë marrë ende dëmshpërblimet e humbjeve të shkaktuara nga moti i keq vitin e kaluar, por edhe më parë.

Ditën e djeshme gjatë qëndrimit para bashkisë Durrës, ka pasur edhe tensione me forcat e policisë, ndërsa qytetarët tentuan të hyjnë në ndërtesë për të kërkuar përgjegjësi direkte nga zyrtarët e këtij institucioni.

/e.i/r.e/

The post Qytetarët e prekur nga përmbytjet protestojnë sërish në Durrës appeared first on Agjencia Telegrafike Shqiptare.

TIRANË, 8 janar /ATSH/ Nënkryetarja e  Bashkisë së Tiranës, Anduela Ristani informoi mbrëmjen e sotme se zjarri që ka përfshirë pasditen e sotme magazinat e tregut në Tiranë tek zona “5 Maji” është përhapur edhe në kapanonin e dytë.

Ajo gjithsesi theksoi se, situata është nën kontroll dhe nuk paraqet rrezik për zonat e banuara përreth.

“Zjarri është përhapur për shkak të materialeve të shumta që ndodheshin brenda magazinave. Flakët kanë kaluar edhe në kapanonin e dytë, por nuk ka asnjë rrezik për përhapjen e tij drejt qendrave të banuara. Jemi duke punuar për ta eliminuar plotësisht zjarrin”, u shpreh Ristani për mediat.

Në operacionin e shuarjes së zjarrit janë angazhuar rreth 60 forca zjarrfikëse, të cilat po punojnë intensivisht për neutralizimin e të gjitha vatrave aktive.

Situata po monitorohet në mënyrë të vazhdueshme nga strukturat përkatëse, ndërsa autoritetet u bëjnë thirrje qytetarëve të shmangin zonën për të mos penguar ndërhyrjen e mjeteve të emergjencës.

Nënkryetarja e Bashkisë së Tiranës, Anduela Ristani, foto: Andrin Hoxha

1 nga 14

/gj.m/j.p/

The post Zjarri masiv në tregun te “5 Maji”, Ristani: Flakët nën kontroll, nuk rrezikohen banesat appeared first on Agjencia Telegrafike Shqiptare.

TIRANË, 8 janar /ATSH/ Kryetarja e Bashkisë së Durrësit, Emiriana Sako, theksoi sot se, situata në territorin e Bashkisë Durrës vijon të jetë e vështirë si pasojë e reshjeve intensive të ditëve të fundit.

Sako nënvizon se, të gjitha strukturat e bashkisë janë në terren dhe po punojnë pa ndërprerje për përballimin e situatës dhe garantimin e sigurisë së qytetarëve.

Kryebashkiakja u shpreh se, grupet e specialistëve të bashkisë Durrës po vijojnë paralelisht verifikimin dhe evidentimin e dëmeve në të gjitha zonat ku kushtet e terrenit e lejojnë.

Sako nënvizoi se, deri më tani janë verifikuar 1,314 banesa në të gjithë territorin, ndërsa për 527 prej tyre janë mbajtur aktet përkatëse të konstatimit të dëmeve.

Kryebashkiakja e Durrësit thekson se, procesi i evidentimit të dëmeve vazhdon dhe se bashkia mbetet në gatishmëri të plotë për t’i ardhur në ndihmë qytetarëve të prekur.

/gj.m/j.p/

The post Reshjet intensive, Sako: 1314 banesa janë verifikuar për dëmet në Durrës appeared first on Agjencia Telegrafike Shqiptare.

Qytetarët e Durrësit, të pakënaqur nga mosveprimi i institucioneve për përmbytjet e përsëritura dhe mungesën e pastrimit të kanaleve kulluese, kanë mbërritur tek shkallët e Bashkisë, duke tentuar të hyjnë brenda ndërtesës për të kërkuar përgjegjësi dhe zgjidhje. Protestuesit janë ndaluar nga Policia, e cila ka vendosur kordone sigurie për të mos lejuar hyrjen e […]

The post Protesta në Durrës, qytetarët në shkallët e Bashkisë, tentojnë të futen me forcë appeared first on BoldNews.al.

TIRANË, 31 dhjetor/ATSH/ Në prag të mbylljes së vitit 2025, qyteti i Durrësit është gjallëruar mes muzikës, koncerteve dhe aktiviteteve për të gjitha grup-moshat. Sheshet dhe rrugët kryesore të qytetit janë veshur me dekore festive, ndërsa organizimet argëtuese kanë shtuar ndjesinë e festës në çdo cep të qytetit.

Migena Muhaj, drejtore pranë Drejtorisë së Arsimit, Kulturës, Rinisë, Sporteve dhe Komuniteteve Fetare në bashkinë Durrës, tha për ATSH-në se “programi i festimeve ka përfshirë një gamë të larmishme aktivitetesh, duke nisur nga panairet e Krishtlindjes dhe Panairi i Fundvitit, të cilët kanë krijuar hapësira takimi për familjet dhe vizitorët, si dhe kanë shërbyer si platforma promovimi për produktet artizanale dhe punimet tradicionale të bizneseve dhe artizanëve të Durrësit”.

“Një vend të rëndësishëm në kalendar kanë zënë edhe ekspozitat artistike, ku veçohet aktiviteti i ekspozitave “Magjia e Dhjetorit” dhe “Ekspresione Urbane”, të cilat kanë pasqyruar krijimtarinë bashkëkohore dhe frymën festive përmes formave të ndryshme të artit vizual. Një pjesë kyçe e programit kanë qenë edhe koncertet festive, si Koncerti i Rinisë dhe “Tingujt e Adriatikut” për fëmijë, të cilat kanë sjellë në skenë artistët e rinj Durrsakë, duke ofruar programe muzikore për audienca dhe grupmosha të ndryshme”, tha Muhaj.

Muhaj tha se kalendari i festimeve të dhjetorit në Durrës pasqyron angazhimin e bashkisë Durrës për të ofruar aktivitete cilësore, gjithëpërfshirëse dhe me ndikim kulturor, social dhe ekonomik, duke e kthyer qytetin në një hapësirë aktive, dinamike dhe festive gjatë gjithë muajit dhjetor.

Sipas Muhajt, programi festiv shtrihet përgjatë gjithë muajit dhjetor, duke u ndërtuar si një kalendar i vazhdueshëm aktivitetesh që i jep qytetit një atmosferë festive nga fillimi deri në ditët e para të vitit të ri.

Muhaj shtoi se kalendari i festimeve sjell disa risi të rëndësishme krahasuar me vitet e mëparshme, të cilat synojnë pasurimin e përvojës kulturore, rritjen e përfshirjes së publikut dhe forcimin e lidhjes mes artit, komunitetit dhe institucioneve vendore.

“Brenda këtij programi të zgjeruar, përqendrimi i veçantë te të rinjtë e qytetit përbën risinë më domethënëse të këtij viti. Arti pamor, teatri dhe muzika kanë zënë një vend të rëndësishëm përmes ekspozitave, shfaqjeve dhe koncerteve, duke nxitur pjesëmarrjen aktive të brezit të ri në jetën kulturore dhe duke i kthyer të rinjtë jo vetëm në spektatorë, por edhe në kontribues të drejtpërdrejtë”, vijoi ajo.

“Një vëmendje e posaçme i është kushtuar gjithashtu fëmijëve, përmes shfaqjeve artistike dhe aktiviteteve interaktive të dedikuara për ta, si dhe përmes bashkëpunimeve me kopshtet dhe shkollat e qytetit dhe të rrethit, duke e kthyer festën në një përvojë njëkohësisht edukative dhe argëtuese për brezin më të vogël”, tha Muhaj, teksa theksoi se një vëmendje e veçantë i është dhënë traditës dhe identitetit kulturor, duke ndërthurur elementë bashkëkohorë me vlerat kombëtare dhe lokale, në mënyrë që festimet të pasqyrojnë më qartë identitetin kulturor të Durrësit.

Muhaj tha se njëherësh janë parashikuar edhe masa për menaxhimin e fluksit të qytetarëve dhe vizitorëve përgjatë ditëve festive.

“Në bashkëpunim me forcat e rendit dhe policinë bashkiake, janë marrë masa për rregullimin e qarkullimit në hapësirat publike. Për aktivitetet që zhvillohen në ambiente të mbyllura, si Pallati i Sportit, galeritë apo qendrat kulturore, është marrë parasysh kapaciteti maksimal i hapësirave, në mënyrë që çdo pjesëmarrës të ketë një eksperiencë të sigurt dhe të rehatshme. Në këtë mënyrë, sigurojmë që festimet e dhjetorit të jenë të gjalla, por të menaxhueshme dhe të sigurta, duke garantuar një përvojë pozitive për të gjithë qytetarët dhe vizitorët”, përfundoi ajo.

Momente nga dhjetori festiv në Durrës

1 nga 16

/e.i/j.p/r.e/

The post Panaire, ekspozita dhe aktivitete për të gjitha grup-moshat në Durrës appeared first on Agjencia Telegrafike Shqiptare.

Prej së dielës banorët e Vlorës janë në protestë për mungesën e ujit të pijshëm. Qyteti hyri të hënën në ditën e katërt pa furnizim, për shkak të një problemi teknik.

Të hënën dhjetëra qytetarë u grumbulluan para bashkisë, ku hodhën vezë dhe letra higjienike, teksa një mbrëmje më parë ata mësynë teatrin “Petro Marko” duke prishur eventin e fundvitit që organizohej nga bashkia.

Revolta erdhi si përgjigje ndaj mungesës së përgjegjësisë dhe rrugëzgjidhjes. Nën zhurmën e bidonëve, ata kërkuan zgjidhje urgjente dhe paralajmëruan rrezik shëndetësor nga mungesa e higjienës.

Uji u ndërpre në qytetin e Vlorës pas një defekti në linjën kryesore të furnizimit. Defekti ndodhi në tubacionin e gjerë, 1 metër, që furnizon depot. Linja ishte investuar në vitet 2009-2010.

Ekipet e Ujësjellës-Kanalizimeve punuan në terren për rregullimin e avarisë, por si duket problemi ishte më serioz se sa u pandeh në fillim duke kërkuar më shumë kohë.

Edhe kryebashkiakja Brunilda Mersini ishte në vendin ku po kryheshin punimet. Ajo e quajti situatën “fatkeqësi natyrore” dhe shmangu debatin për përgjegjësitë, megjithëse përmendi faktin se ujësjellësi prej dy vitesh administrohet nga qeveria dhe jo bashkia.

Sipas Mersinit, testet e fundit dhanë rezultat pozitiv. Zona e Lungomares pritet të furnizohet me presion minimal. Ndërkohë zgjidhja për furnizimin në qytet është dhënë me 15 autobote ujë, ku përparësi u është dhënë institucioneve.

Ndarja e përgjegjësive administrative për shërbimet kryesore të qytetit, mes qeverisë qendrore dhe asaj vendore, kanë qenë problem i vazhdueshëm në Vlorë.

Në vitin 2024, kriza e mbetjeve, zjarri në fushën e depozitimit dhe përmbytjet rritën pakënaqësinë publike dhe paraprinë dorëheqjen e kryebashkiakut Ermal Dredha.

Ndërkohë, furnizimi me ujë mbetet premtim i përsëritur politik prej vitit 2013.

Kryeministri Edi Rama premtoi asokohe furnizim 24 orë si “shenjë qytetërimi”. Në 2021, ai garantoi 100% furnizim në mandatin e tretë.

Në vitin 2025, gjatë një diskutimi online, Rama relativizoi problemin duke kujtuar se as komunizmi nuk kishte pasur ujë 24 orë. Kështu, premtimet ndryshojnë, por realiteti mbetet i njëjtë për qytetarët.

Sipas raportit vjetor 2024 të Entit Rregullator të Ujit, furnizimi mbulon 77.2% të popullsisë. Rritja është vetëm 1.9% krahasuar me vitin 2023.

Raporti thekson ndikimin e kompanive më të mëdha të ujësjellësit, mes tyre Tirana, Durrësi dhe Vlora. Megjithatë, statistikat mbeten larg premtimit për furnizim të qëndrueshëm 24 orë.

Kriza në Vlorë ekspozoi kështu brishtësinë e menaxhimit të sistemit të ujësjellësave dhe mungesën e përgjegjësive të qarta. Ndërsa qytetarët kërkojnë jo vetëm zgjidhje emergjente, por transparencë dhe plan afatgjatë për një shërbim bazë.

The post Fundviti gjen Vlorën pa ujë, bashkia shmang përgjegjësinë appeared first on Citizens.al.

Tre punonjës të Bashkisë së Vlorës janë pezulluar nga detyra që prej 19 dhjetorit 2025, pasi dyshohet se kanë marrë karburant nga mjetet e punës në Pikën e Grumbullimit të Mbetjeve. Gjithashtu është nisur procedim disiplinor edhe ndaj një efektivi të Policisë Bashkiake, i cili duhej të kontrollonte zonën. Rasti u evidentua pasi u ngritën […]

The post Punonjësit e Bashkisë së Vlorës, vjedhin karburant nga mjetet e punës në pikën e grumbullimit të mbetjeve appeared first on BoldNews.al.

Banorët e lagjes përballë kopshtit nr.2 në Sarandë po përballen me një situatë të papranueshme. Sipas tyre, një tubacion për shkarkimin e ujrave të zeza është vendosur në mënyrë të papërshtatshme, duke shkaktuar përhapjen e ujërave të ndotura në rrugë dhe zonën përreth. “Gjithçka është e mbushur me fekale dhe ujëra të zeza. Nuk mund […]

The post Oltion Çaçit i plasin ujërat e zeza pranë kopshtit të fëmijëve, Saranda prag epidemie appeared first on BoldNews.al.

Kryebashkiaku i Shkodrës, Benet Beci është paraqitur këtë të premte në ambjentet e Prokurorisë së Posacme.

ABC News mëson se Beci është thirrur nga SPAK për t’iu komunikuar mbyllja e hetimeve.

Ai është marrë nën hetim nga SPAK për shkeljen e barazisë në tenderë apo ankande publike bashkë me 7 të tjerë, për tenderin “Zhvillimi strategjik i sektorit energjetik”.

Ndaj tij u regjistrua procedim penal për shkelje e barazisë në tendera apo ankande publike, kryer në bashkëpunim, më 23 tetor 2024. Ndërkohë, më 23 prill të 2025, prokurori Dritan Prençi e mori të pandehur kryebashkiakun socialist.

Bashkë me Benet Becin, nën hetim për këtë tender abuziv janë marrë edhe disa zyrtarë të tjerë, me rol në Komisionin e Vlerësimit të Ofertave./abcnews.al

Publikimi në media i pamjeve alarmante të tonelatave plehrave urbane që kishin pushtuar plazhin, vuri në lëvizje autoritetet në Divjakë. Por përfaqësues të bashkisë dhe të zonave të mbrojtura duket se aksionin për pastrimin e plazhit e kanë përdorur vetëm sa për shou. Ata kanë punuar për pak orë, sa për t’u filmuar nga kamerat […]

The post Bregdeti i Divjakës i mbuluar nga mbetjet, Bashkia pastron vetëm për “show” appeared first on BoldNews.al.

PARIS, 1 dhjetor /ATSH-DPA/ – Një gjykatë në Francë ka dënuar me pesë vite burg kryebashkiakun e qytetit Saint-Étienne, pranë Lionit, Gaël Perdriau, për shantazhimin e një rivali politik përmes një videoje intime.

Sipas raportimit të “Le Figaro”, gjykata e konsideroi të provuar se politikani 53-vjeçar konservator kishte organizuar filmimin me kamera të fshehtë të zëvendësit të tij në shoqërinë e një punonjësi seksual mashkull në një hotel të Parisit.

Deputeti dyshohet se ishte vënë qëllimisht në kurth për ta nxjerrë jashtë loje politikisht.

Nga pesë vitet e dënimit, një vit u pezullua.

Perdriau mohoi deri në fund akuzat në sallën e gjyqit dhe ka paralajmëruar se do të apelojë vendimin. Megjithatë, ai duhet të lërë menjëherë detyrën në bashki pas shpalljes së dënimit.

Gjyqtarja Brigitte Verney e cilësoi çështjen si me “rrezikshmëri ekstreme për mënyrën si u kryen veprat”.

Tre persona të tjerë të përfshirë në skemën e shantazhit, e cila ka zgjatur për disa vite, u dënuan gjithashtu me burg.

Partia konservatore “Les Républicains”, ku Perdriau ishte nënkryetar në atë kohë, e ka përjashtuar tashmë për përdorimin e “metodave të neveritshme” kundër një rivali politik. /Ad.Ab./

The post FRANCË – Kryebashkiaku dënohet për shantazh me video intime appeared first on Agjencia Telegrafike Shqiptare.

Struktura e bashkisë së Vlorës dhe numri i punonjësve të saj pritet të ndryshojë. Kryetarja e re e bashkisë së Vlorës, dalë nga zgjedhjet e pjesshme lokale të 9 nëntorit, ka propozuar projektvendimin i cili pritet të miratohet nga këshilli bashkiak i Vlorës në ditët në vijim.

Brunilda Mersini në projektvendimin që mban firmës e saj ka propozuar ndryshime që lidhen me numrin e punonjësve dhe nivelit të pagave të bashkisë si edhe ndryshime në disa prej institucioneve në varësi të pushtetit vendor.

Me argumentin se kërkohet nevoja e plotësimit të shërbimeve dhe rritje të eficences, Mersini kërkoi miratimin për shtimin e punonjësve në disa ndërmarrje të varësisë së bashkisë.

Të tjera pika të cilat janë propozuar në këtë projektvendim janë edhe njohja e shtesës në pagë për vështirësi pune për punonjësit e policisë bashkiake si edhe punonjësit mbështetës të specialiteteve të veçanta.

Shërbimi I funksionit të ndërmarrjes së gjelbërimit do të transferohet në ndërmarrjen e pastrimit dhe do shërbejë si institucion më vete. Po kështu sektori I ndriçimit do kalojë në varësi të ndërmarrjes së shërbimeve publike.

Një vit më parë, në mbledhjen e këshillit bashkiak struktura e bashkisë u bë me tre drejtori, Ndërmarrja e gjelbërimit, e pastrimit dhe ndërmarrja e shërbimit publik.

Shkrirja e ndërmarrjes së pastrimit dhe gjelbërimit në një institucion të vetëm sipas projektvendimit, kërkohet për shkak të keqmenaxhimit.

Në këtë projektvendim është kërkuar gjithashtu që godina e shkollës “Shaban Demiraj” të vihet në shërbim të institucioneve të shërbimeve publike dhe drejtorisë së tatim taksave të bashkisë së Vlorës.

TIRANË, 17 nëntor /ATSH/ Ministria e Mbrojtjes njoftoi sot se, banorët e bllokuar në Ndërlysaj të Thethit janë evakuar.

Ekipi i Agjencisë Kombëtare për Mbrojtjen Civile në terren konfirmon se banorët dhe familjet e bllokuara në Ndërlysaj (Theth) janë evakuar dhe tashmë nuk ka asnjë rrezik për jetën e tyre, bën të ditur Ministria e Mbrojtjes.

Gjithashtu theksohet se, bashkia e Shkodrës po punon për lirimin e rrugëve dhe rikthimin e normalitetit në transport.

Instituti i Gjeoshkencave njoftoi më herët se gjatë datave 17-18 nëntor vendi do të përfshihet nga reshje intensive shiu, me rrezik për përmbytje, rrëshqitje dherash dhe vërshime të shpejta. Qarqet më të prekura priten të jenë Shkodër, Kukës, Vlorë dhe Gjirokastër, ndërsa reshje intensive deri mesatare priten edhe në Lezhë, Dibër, Durrës dhe Tiranë.

Prurjet në lumenjtë kryesorë, përfshirë Drin-Buna, Mat, Ishëm, Erzen, Shkumbin dhe Vjosë, pritet të rriten ndjeshëm.

Autoritetet u kanë kërkuar bashkive të marrin masa urgjente për njoftimin e popullsisë, kontrollin e kanalizimeve dhe gatishmërinë e sistemeve të ujësjellësit dhe furnizimit me energji.

Ministria e Mbrojtjes dhe Agjencia Kombëtare e Mbrojtjes Civile apelojnë qytetarët të tregojnë kujdes, të shmangin zonat me rrezik dhe të ndjekin udhëzimet e autoriteteve.

/gj.m/a.f/r.e/

The post Evakuohen banorët e bllokuar në Ndërlysaj të Thethit, bashkia e Shkodrës merr masa për lirimin e rrugëve appeared first on Agjencia Telegrafike Shqiptare.

Brunilda Mersini, do të jetë e para kryebashkiake grua në Bashkinë e Vlorës, e dalë me votën e qytetarëve më 9 nëntor.

Në një intervistë për gazetarin Andon Kello, për ABC News, Mersini tha se ndihej e privilegjuar për besimin e marrë nga qytetarët dhe se me punën e saj në Bashki, do të cojë Vlorën në një nivel tjetër ku nuk kanë qenë më parë.

Intervista:

Si ndiheni që në qytetin e historisë, aty ku zakonisht iështë kënduar burrave, prej kohës së Pavarësisë, ju shkruani një histori të re, gruaja e parë kryebashkiake.

Padiskutim që ndihem e nderuar, edhe e emocionuar. Ky qytet është qyteti ku ka lindur pavarësia, identiteti ynë kombëtar dhe ka patur burra të mëdhenj që kanë shkruar historinë, por sot ky qytet hapi një faqe të re për një grua. Dhe fitorja ime personale është mesazh për cdo grua dhe për cdo vajzë në këtë qytet, që përmes punës dhe përkushtimit, misioni i tyre mund të lëvizë një qytet të tërë.

Megjithatë duket se vlonjatët në krahasim me vitet e tjera nuk patën një pjesëmarrjë, 12.54% si e patë ju këtë pjesëmarrje, statistikisht të ulët?

Historia e zgjedhjeve lokale gjithmonë kanë patur përqindje të ulëta pjesëmarrje, por unë dua të fokusohem te mesazhi i qartë që patën këto zgjedhje. Dhanë mandatin e kryebashkiakes dhe në ato kuti votimi mesazhi ishte shumë i qartë që vlonjatët zgjodhën stabilitetin për vazhdimin e projekteve të Bashkisë, kudo ku bashkia ka projekte në infrastrukturë, turizëm, në menaxhimin e mbetjeve dhe kudo të bërë Vlorën një qytet gjithë përfshirës, modern. Një qytet ku rinia do ta shikojë të ardhmen e vet, të moshuarit do ndihen të respektuar, dhe padiskutim vizitorët do të rikthehen në këtë qytet.

Shënuat rekord personal por edhe politik në Vlorë, fituat me 78% duke e bërë opozitën të duket inekzistente. Megjithatë, ndiheni pak në faj që nuk e arritët dot 80% që i premtuat kryeministrit.

Unë nuk kam qenë në garë për përqindje por për të fituar besimin e qytetarëve, tashmë këtë besim e kam. Dhe padiskutim ky besim u pasua me një përqindje të qytetarëve, nuk dhash atë shifër se isha e bindur se qytetarët dinë të zgjedhin njeriun e përkushtuar, njeriun e punës, një njeri që ka ardhur nga energjia e këtij qyteti, që e njeh këtë qytet dhe i ka kushtuar edhe jetën këtij qyteti me përkushtimin tim në punë si mjeke në këtë qytet.

Kryeministri Rama ka shfaqur pakënaqësinë në Vlorë nga pushteti vendor..

Nuk janë vetëm shqetësime të kryeministrit por të një qyteti të tërë, një qytet turistik dhe tashmë me aeroportin do të jetë edhe një qytet europian, do të hapë dyert për gjithë pjesën e botës dhe janë të dukshme problemet në menaxhimin e mbetjeve, por në programin tim elektoral, i cili ka qenë kryesisht në përmirësimin e shërbimeve bazë të qytetit është shumë i qartë se si do të realizojë me projekte të financuara të matshme për publikun me objektiva të qarta edhe në afate kohore, sepse landifilli i Sherishtës sot është një instrument që do e ndihmojë bashkinë me menaxhimin e mbetjeve, po ashtu mobiliteti ka projekte të qarta dhe produkti do të jetë i matshëm për qytetin, dhe kudo ku ka probleme infrastruktura, Bashkia në vijimin e zgjidhjeve që ka parashtruar kryebashkiaku i parë, stafi do përfshihet në zgjidhje të reja alternative, për ta bërë qytetin në fillimin e sezonit turistik, një qytet që do ta ndjejë ndjeshëm kudo cilësinë e shërbimit.

Me profesion jeni mjeke, a ka Vlora nevojë për shërim, do ia dilni në më pak se dy vite.

Unë nuk hy në garë për karrierë. Kam hyrë në këtë garëpër t’iu përkushtuar punës janë qytetarët që në 2027 do të vendosin kush do jetë kryebashkiaku i radhës. Kjo pjesë e mandatit politik që me të drejtë qytetarët vlonjatë më kanë besuar, do të jetë një mandat që do të shfaqë rezultate të prekshme për qytetarët. Ajo që duhet të ndryshojë është efikasiteti i administratës, në opinionin tim drejtimi nuk është vetëm për të marrë vendime, por është për të fituar besimin e qytetarëve dhe për të patur përgjigjet e pyetjeve drejt të ardhmes dhe padiskutim do të cojmë njerëzit në një nivel tjetër ku ata nuk kanë qenë më parë./abcnews.al

Gramoz Sako, tashmë kryear i Bashkisë së Tepelenës pas zgjedhjeve të 9 nëntorit, tha në një intervistë për ABC News, se e priste fitoren.

Intervista:

Fituat me një diferencë të thellë ndaj rivalit në garë për Bashkinë e Tepelenës, e prisnit?

Patjetër që rezultatin e prisja për shkak të shumë investimeve që janë bërë në Bashkinë e Tepelenës, dhe atmosfera në gjithë këto ditë ka qenë pozitive për PS, në cdo vend ku kemi shkuar ne kemi gjetur mbështetje të njerëzve.

Pjesëmarrjen si do e konsideroni?

Pjesëmarrja e kënaqshme, por kushtet atmosferike ndoshta e bënë të pamundur që edhe disa njerëz që duhet të vinin në votime, por ishte kohë shume e keqe ditën e djeshme.

Qytetarët ju besuan, cilat do të jenë prioritet e punës tuaj për Bashkinë?

Gjatë gjithë kësaj periudhe fushate ne kemi shëtitur në pothuaj të gjitha fshatrat, kemi parë cfarë i duhet këtij qyteti dhe patjetër që me  fillimin e punës do merrem me të gjitha problematikat që kemi parë. Agroturizmi do të jetë prioriteti jonë, mbarimi i kalasë, ura për në Përmet do i japë një zhvillim më të madh kësaj zone. Paketa e Maleve, kemi 73 aplikime jemi shumë entuziastë që Tepelena do zhvillohet me biznese, u bëjmë thirrje gjithë biznesmenëve të vijnë të investojnë, është një qytet që ia vlen të investosh.