TIRANË, 1 janar /ATSH-Gjergji Mima/ Shqipëria ka hyrë në një fazë të re dhe më intensive të procesit të anëtarësimit në Bashkimin Evropian, pas nisjes zyrtare të negociatave dhe hapjes së të gjithë grup-kapitujve.

Në një intervistë për Agjencinë Telegrafike Shqiptare, drejtori ekzekutiv i Institutit Europian të Shqipërisë (EMA), Gledis Gjipali, thekson se ky zhvillim përfaqëson një sinjal të fortë politik nga Bashkimi Evropian dhe një moment vendimtar për vendin, ku pritshmëritë janë rritur ndjeshëm, por bashkë me to edhe sfidat.

Sipas Gjipalit, Shqipëria ka kaluar nga faza e përgatitjes, në atë të zbatimit konkret të standardeve evropiane.

Procesi i mbylljes së kapitujve ka nisur paralelisht, por mbetet provizor deri në momentin e anëtarësimit të plotë.

“Kjo fazë kërkon jo vetëm angazhim politik, por edhe kapacitete reale administrative dhe qëndrueshmëri në reforma”, thekson ai.

Duke folur për sfidat kryesore që ndikojnë ritmin e negociatave, Gjipali nënvizon se ato janë si të brendshme, ashtu edhe të jashtme.

Në planin e brendshëm, problematikat lidhen me lodhjen nga reformat, mungesën e qëndrueshmërisë në zbatim, polarizimin politik dhe mungesën e dialogut konstruktiv, elementë që janë vërejtur edhe nga institucionet evropiane. Administrata publike mbetet një faktor kyç, pasi kapacitetet e saj do të përcaktojnë drejtpërdrejt ritmin real të negociatave. Ndërkohë, në planin e jashtëm, mekanizmi i vendimmarrjes së BE-së dhe mundësia e përdorimit të vetos nga shtetet anëtare mbeten rreziqe potenciale për vonesa, shprehet Gjipali për ATSH.

Sa i përket pritshmërive për përparim të shpejtë, Gjipali vlerëson se objektivi për mbylljen e negociatave deri në vitin 2027 është ambicioz, por jo i pamundur.

Ai thekson se historikisht asnjë vend nuk i ka përfunduar negociatat në një periudhë kaq të shkurtër, por konteksti aktual gjeopolitik, mbështetja e shtuar nga Bashkimi Evropian dhe disa reforma tashmë të konsoliduara e bëjnë këtë synim potencialisht të arritshëm, nëse rritet ritmi i zbatimit dhe forcohet bashkëpunimi politik e institucional.

Një rol të rëndësishëm në këtë proces luan edhe konteksti gjeopolitik evropian.

Sipas Gjipalit, zgjerimi po shihet gjithnjë e më shumë si një instrument strategjik për sigurinë dhe stabilitetin e kontinentit, veçanërisht në Ballkanin Perëndimor.

Kjo ka rritur gatishmërinë e BE-së për të përshpejtuar procedurat dhe për të dhënë sinjale të qarta politike mbështetëse, për sa kohë vendet kandidate përmbushin kushtet dhe janë në linjë me politikën e jashtme dhe të sigurisë së Unionit.

Sa i përket kapitujve më problematikë, Gjipali thekson se më sfiduesit mbeten ata që lidhen me sundimin e ligjit: drejtësia, lufta kundër korrupsionit dhe krimit të organizuar, administrata publike dhe funksionimi i institucioneve demokratike.

Këta kapituj kërkojnë jo vetëm ndryshime ligjore, por rezultate konkrete dhe të qëndrueshme në praktikë, duke qenë se monitorohen vazhdimisht deri në anëtarësim dhe mund të rihapen në rast se vendi bën hapa pas në këtë drejtim.

Po ashtu, kapitujt që lidhen me mjedisin, sigurinë ushqimore dhe tregun kërkojnë investime të mëdha financiare dhe kapacitete të forta administrative për zbatimin e standardeve të reja evropiane.

Në këtë kontekst, Gjipali nënvizon se suksesi i Shqipërisë në rrugën drejt Bashkimit Evropian do të varet nga serioziteti në zbatim, bashkëpunimi politik dhe aftësia për ta kthyer procesin e integrimit në një projekt të përbashkët kombëtar. /r.e/

The post Gjipali për ATSH: Shqipëria në fazën më intensive të negociatave me BE-në appeared first on Agjencia Telegrafike Shqiptare.

Ndërsa pluhuri po bie pas zgjedhjeve të parakohshme parlamentare të Kosovës të dielën, rezultati nuk duket si një ngjarje politike rutinë, por si një gjykim kolektiv. Elektorati nuk ishte delikat. Ai i dërgoi një mesazh të qartë dhe të fuqishëm klasës politike në vend dhe vëzhguesve jashtë Kosovës: paraliza 1-vjeçare institucionale solli kosto dhe kishte […]

The post Nga bllokimi në drejtim: Çfarë treguan votimet në Kosovë appeared first on Reporter.al.

Pyetjes “çfarë ke parë apo lexuar gjë të mirë këto kohë?”, i përgjigjem sipas interesave të personit, nëse është më afër librit apo arteve. Kur nuk ka lidhje dhe pyet për aperitiv apo për respekt të ndërsjelltë profesional, i përshkruaj diçka jo larg përditshmërisë për të nënkuptuar se e bukura megjithatë ekziston dhe një nga […]

The post Albanity, surrogat i kulturës appeared first on Reporter.al.

TIRANË, 22 dhjetor /ATSH/ Kryeministri Edi Rama deklaroi sot se qeveria shqiptare po ndërmerr një sërë reformash thelbësore për të përgatitur sektorin bujqësor për anëtarësimin në Bashkimin Europian, duke ndërtuar një sistem të integruar administrimi, kontrolli dhe standardesh në përputhje me kërkesat e BE-së.

Gjatë aktivitetit “Me fermerët në Shqipërinë 2030”, ku u prezantuan mekanizmat praktikë për përgatitjen hap pas hapi drejt BE-së, Rama theksoi se, qeveria ka nisur dhe do të përfundojë ndërtimin e infrastrukturës institucionale dhe teknike që i nevojitet sektorit.

“Ne do të bëjmë sistemin e integruar të administrimit dhe të kontrollit. Do të finalizojmë regjistrat kombëtarë të fermave, të parcelave dhe të kafshëve. Është një punë e nisur dhe do ta finalizojmë”, u shpreh Kryeministri.

Rama nënvizoi se, një tjetër prioritet është ndërtimi i plotë i laboratorëve të akredituar sipas standardeve të Bashkimit Europian, të domosdoshëm për garantimin e sigurisë ushqimore dhe cilësisë së produkteve.

“Do të ndërtojmë deri në fund laboratorët e akredituar nga BE. Sot kemi një nivel krejt tjetër të cilësisë së analizës, por na duhet të përfundojmë të gjithë projektin e laboratorëve”, tha ai.

Kreu i qeverisë theksoi gjithashtu se do të forcohet ndjeshëm sistemi i shërbimeve këshillimore në terren, me mbështetje të veçantë nga Universiteti Bujqësor i Tiranës.

“Do të shtyjmë shumë fort për sistemin e shërbimeve këshillimore në terren dhe do të mbështetemi në mënyrë të posaçme tek Universiteti Bujqësor i Tiranës, ku kemi të gjitha arsyet të besojmë se vit pas viti do të kemi gjithmonë e më shumë aftësi për të na udhëhequr në rrugën tonë, neve si sektor publik dhe juve si sektor privat”, deklaroi Rama.

Sipas Kryeministrit, nëse reformat zbatohen siç duhet, tregu i përbashkët europian do të sjellë përfitime të drejtpërdrejta për fermerët shqiptarë.

“Besoni se nëse do të bëjmë gjërat e duhura, tregu i përbashkët do të jetë një bekim për ju”, u shpreh ai.

Deklaratat e Ramës vijnë në një moment të rëndësishëm të procesit të integrimit europian. Pas çeljes së Grupit të Kapitullit 5 në Konferencën e 7-të Ndërqeveritare, hapet një fazë e re për bujqësinë shqiptare, ku kapitujt 11 (Bujqësia dhe zhvillimi rural), 12 (Siguria ushqimore, politika veterinare dhe fitosanitare) dhe 13 (Peshkimi) vendosen në qendër të reformave drejt anëtarësimit në Bashkimin Europian.

/gj.m/a.f/

The post Rama: Laboratorë të akredituar, regjistra kombëtarë e shërbim këshillimor për bujqësinë drejt BE-së appeared first on Agjencia Telegrafike Shqiptare.

Presidenti Ukrainas Volodymir Zelensky ka paralajmëruar Bashkimin Europian se nëse unioni nuk arrin dakordësi për të përdorur asetet e ngrira ruse për të financuar vendin e tij, atëherë Kievi zyrtar do të shkurtojë prodhimin e dronëve ushtarake qe e kane ndihmuar atë ti kundërpërgjigjet Rusisë.

Paralajmërimi i Zelenskyt vjen teksa në tryezën e Brukselit, liderët Europian janë ndarë në dy grupe në lidhje me propozimin, pro dhe kundër, pa mundësuar kështu një qëndrueshmëri politike.

Shefja e Komisionit Europian Ursula von der Leyen tha se nuk do të largohet nga samiti pa siguruar financimin e Ukrainës për dy vitet e ardhshme.

Ajo ka propozuar dy mundësi: kreditë e dëmshpërblimeve, bazuar në asetet ruse të ngrira, dhe borxhin e përbashkët, të mbështetur nga buxheti I Bashkimit Europian. Megjithëse ajo më parë është shprehur në favor të kredisë së dëmshpërblimeve, këtë të mërkurë ajo nuk bëri ndonjë dallim të veçantë, duke thënë thjesht se pjesa më e rëndësishme është të mblidhen 90 miliardë euro për të përmbushur nevojat e Ukrainës.

Kancelari gjerman Friedrich Merz tha se nuk sheh ndonjë mundësi tjetër veç përdorimit të aseteve ruse dhe se është e mundur që gjatë samitit të arrihet në një përfundim.

Ai mirëkuptoi shqetësimet ligjore, veçanërisht të Belgjikës ku mbahet pjesa më e madhe e aseteve, por theksoi se Bashkimi Europian duhet të tregojë një shenjë force dhe vendosmërie ndaj Rusisë.

Donald Tusk, kryeministri polak, një nga aleatët më të ngushtë të Ukrainës, konfirmoi mbështetjen për përdorimin e aseteve ruse.

E vërteta është se Ukraina ka nevojë për financim, në një mënyrë apo një tjetër.

Fondi Monetar Ndërkombëtar vlerëson se Ukrainës do t’i duhen rreth 135 miliardë euro për vitet 2026 dhe 2027.

Nëse përdorimi i aseteve të ngrira ruse miratohej plotësisht deri në janar, këstet e para të kredisë së dëmshpërblimit do të fillonin të mbërrinin në tremujorin e parë të vitit 2026.

Ndërkohë parlamenti europian ka miratuar tashmë për të hequr gradualisht importet e gazit rus deri në fund të vitit 2027, duke kapërcyer pengesën e parafundit ligjore përpara se kjo të bëhet ligj. Ndalimi ende kërkon miratim formal nga ministrat e unionit, që pritet në fillim të vitit të ardhshëm.

Këto zhvillime vijnë para se delegacioni ukrainas t’i rikthehet bisedimeve me palën amerikane këtë fundjavë për të diskutuar detajet e planit të paqes.

Presidenti rus Vladimir Putin ka sulmuar sot udhëheqësit evropianë, duke i tallur ata si “derra të vegjël” dhe tha se Rusia do të arrinte qëllimet e saj territoriale në Ukrainë, qoftë përmes diplomacisë apo me forcë ushtarake.

Presidenti rus foli gjatë një takimi të zgjeruar të Bordit të Ministrisë së Mbrojtjes në Qendrën Kombëtare të Kontrollit të Mbrojtjes në Moskë, Rusi. Putin tha se qëllimet e asaj që Moska e quan “operacioni i saj special ushtarak” do të përmbushen “pa kushte”.

“Nëse ata nuk duan një diskutim thelbësor”, tha ai, “atëherë Rusia do të çlirojë tokat e saj historike në fushën e betejës”.

Presidenti rus pretendoi se administrata e mëparshme amerikane “e kishte drejtuar qëllimisht situatën drejt një konflikti të armatosur”, duke shtuar se Uashingtoni besonte se Rusia mund të dobësohej ose edhe të shkatërrohej në një periudhë të shkurtër kohore.

Më pas ai sulmoi udhëheqësit evropianë, duke i akuzuar ata se po bashkoheshin me administratën e Joe Biden. “Derrat e vegjël të Evropës iu bashkuan menjëherë punës së administratës së mëparshme amerikane, duke shpresuar të përfitonin nga kolapsi i vendit tonë”, tha Putin.

Komentet e ashpra të Putinit erdhën ndërsa zyrtarët amerikanë pretenduan se bisedimet e mëparshme me Ukrainën në Berlin kishin zgjidhur rreth 90% të çështjeve më të vështira. Por mbeten dyshime të mëdha nëse udhëheqësi rus është i përgatitur të bëjë kompromis mbi kërkesat e tij gjithëpërfshirëse.

Vladimir Putin ka këmbëngulur vazhdimisht që Kievi të lëshojë pjesët e mbetura të rajonit lindor të Donbasit që janë ende nën kontrollin e Ukrainës – një kërkesë që Shtëpia e Bardhë herë pas here duket se e mbështet, por që Ukraina e ka refuzuar kategorikisht.

Moska gjithashtu ka kërkuar kufizime të rrepta për ushtrinë e Ukrainës, një ndalim për trupat perëndimore në territorin ukrainas dhe një fund të mbështetjes ushtarake perëndimore.

Udhëheqësi rus mohoi sot, gjithashtu se Moska po planifikonte të pushtonte territorin e NATO-s, duke pretenduar në vend të kësaj se aleanca kishte filluar përgatitjet për një përballje të mundshme ushtarake me Rusinë, me synim vitin 2030. //The Guardian

The post Putin i quan liderët europianë “derra të vegjël”, ashpërson tonet: Qëllimet e operacionit special ushtarak në Ukrainë do të arrihen me çdo kusht, me diplomaci ose forcë appeared first on Albeu.com.

Autor: Artan Rama

Dje, në një prej sallave luksoze të hotelit ndërkombëtar me pesë yje, “Maritim Hotel Plaza, pranë qendrës historike dhe tregtare të Tiranës, Komisioneri për të Drejtën për Informim (dhe Mbrojtjen e të Dhënave Personale) zhvilloi konferencën propagandistike mbi transparencën, me mbi njëqind e pesëdhjetë të ftuar: ambasadorë, deputetë, ministra, prokurorë, anëtarë të organeve të larta të drejtësisë, kryetarë të bashkive të vendit, kryetarë të këshillave bashkiakë, koordinatorë të së drejtës për informim, nëpunës jo shtetërorë nga shoqëria civile dhe fare, fare pak gazetarë. Por i ftuari nr. 1 ishte Kryeministri Edi Rama.

Hotel “Plaza” është shndërruar prej kohësh në një ekosistem mikpritës për aktivitetet ceremoniale të Komisionerit, kostot e të cilave duhet të jenë në rritje, ndërsa dobia e aktiviteteve, në rënie.

Paketa propagandistike ofronte një atmosferë festive dhe solemne. Të ftuarit ishin ulur në formë rrethore. Të njëjtën simbolikë ofronte edhe skenografia në qendër të skenës, ku folësit specialë ishin ftuar të diskutonin rreth një tryeze të rrumbullakët, e pozicionuar disi më lart në platformë, mbi të pranishmit. Së bashku me ta, në të njëjtën tryezë do të qëndronte edhe  Kryeministri.

Në përpjekje për të tërhequr vëmendjen edhe mbi përmbajtjen, organizatorët ishin kujdesur ta pagëzonin konferencën me një titulli të goditur: “Agora e Transparencës në Kohën e Integrimit”. Në këtë rast, simbolika i shërben qëllimit. Sa më i ngarkuar titulli figurativisht, aq më pak do të përpiqet publiku që të depërtojë nën stilistikën letrare të tij. Studimet kanë treguar se shpesh, ajo çka përcillet përmes titujve merret si e vërtetë, pa hulumtuar përmbajtjen. Madje edhe dizajni i ftesës tregonte grafikun e një rrethi.

Por le të qëndrojmë te fjala “Agora”.

Sikurse në Antikitet, ku me Agora në Athinën helenike nënkuptohej hapësira publike, në të cilën mblidheshin dhe diskutonin mes tyre qytetarë të barabartë, sot fjala ruan të njëjtën semantikë. Pra, sipas organizatorëve, tryeza në “Plaza” nënkupton të njëjtën gjë: një hapësirë ku pikëpamje të ndryshme debatohen për të arritur zgjidhje të arsyeshme. Por çështja është se askush nuk mund ta besojë kaq lehtë këtë përrallë moderne, përveç se nën efektin marramendës të një organizimi festiv prej pushtetit.

Keqkuptimi më i madh me konferencat është se publikut nuk i bën më përshtypje mungesa e debatit, fshehja e problemit dhe fabrikimi i një konsensusi të rremë. E tërë konferenca ndërtohet mbi një narrativë të kontrolluar e të gënjeshtërt.

Që manipulimi të ketë efekt, kontrolli duhet të zgjerohet në të tjera dimensione, duke përjashtuar nga pjesëmarrja kritikët. Të tillë ka në media dhe sa më të pavarur, aq më të rrezikshëm. Pra, në sallë nuk duhet të ketë zëra kritikë. Më së paku, Komisioneri u kujdes që të mos ftohej asnjë i tillë që mund të rrezikonte prishjen e  atmosferës festive. Lista emërore iu kalua “Gardës” dhe ushtarakë me veshje civile në hyrje të sallës u kujdesën për sigurinë fizike, por edhe për moslejimin e askujt, emri i të cilit nuk ishte në listën e hartuar nga pritësi (Komisioneri).

Më tej, operacioni i manipulimit përparon drejt “gjithpërfshirjes”. Përpjekja është që gjoja të arrihet një pjesëmarrje diverse, por duke u siguruar që të ftohen gjithmonë të njëjtët njerëz; të njëjtat fytyra, të njëjtat retorika; të njëjtat falenderime, duartrokitje, veshje. E njëjta heshtje!

Rreth tryezës së rrumbullakët janë ftuar të diskutojnë si të barabartë, përfaqësues të organizatave joqeveritare (shumica mediatike). Për shumë njerëz, dallimi mes këtyre organizatave dhe organeve shtetërore po bëhet i vështirë. Është e vështirë të kuptosh ndryshimin mes një burokrati që nuk thotë asgjë dhe dikujt që në emër të korrektesës politike, nuk bën asnjë kritikë, nuk zhvillon asnjë debat, nuk jep asnjë zgjidhje. Të ftuarit rreth tryezës paguhen nga i njëjti donator: BE. Sa larg mund të shkojë kritika e tyre për qeverinë?

Imagjinoni, të ftuarit nuk bënë asnjë kritikë për Dervishin, megjithëse veprimet e këtij të fundit i kanë shkaktuar gazetarisë, veçanërisht asaj hulumtuese, dëme të mëdha. Me të drejtë dikush mund të pyesë: cili është dallimi mes tyre? Mos vallë u kompleksuan nga ftesa? Përse paska të drejtë që Komisioneri të seleksionojë media, për të zbukuruar punën e tij, ndërsa këto media nuk paskan mundësi që të ushtrojnë ndërshmërisht deontologjinë profesionale për të kritikuar veprimet dhe mosveprimet e Komisionerit, pikërisht në tryezën ku ndodhet edhe Kryeministri? A shqetësohen donatorët e shoqërisë civile se Bashkimi Evropian po pranon në gjirin e tij politik dhe kulturor, jo një aspiratë përpjekjeje të sinqertë të një kombi, por një tribunë me ngjyra të ndezura, poshtë së cilës, si dikur në Shqipërisë Socialiste, marshonin në rresht, qoftë me dëshirë, qoftë të imponuar, të gjithë, pa përjashtim? Mos ndoshta palët mendojnë njësoj? – Sekush të përfitojë për vete! Nëse është kështu, ata janë partnerë me Komisionerin…në krah të njëri-tjetrit, por kurrsesi përballë. Dhe në këtë moment tryeza shndërrohet, nga e rrumbullakët në një rreth vicioz, pak ose aspak e dobishme për publikun.

Krahas Ramës, Komisioneri për të Drejtën për Informim, Besnik Dervishi, është ndër të paktët individë që vijon të drejtojë të njëjtin institucion, prej më shumë se dhjetë vjetësh. Nën shembullin e Kryeministrit, edhe Dervishi është transformuar në një ekspert i spikatur konferencash dhe propagande, duke ngritur në heshtje dhe pa u lodhur, një mekanizëm korruptiv selektimi, duke favorizuar vetëm ato kërkesa për informacion që kontribuojnë, në radhë të parë, për imazhin e tij në funksion të begatisë personale; duke përzgjedhur për të bashkëpunuar një numër të ngushtë organizatash të shoqërisë civile, por duke përjashtuar të gjithë të tjerët. Sepse vetëm në këtë mënyrë, duke përjashtuar kritikët, duke mbyllur të gjitha çarjet e kësaj ngrehine të gënjeshtërt nga drita e së vërtetës, vetëm kështu mund të mbahet në këmbë struktura e pushtetit të korruptuar.

Dhe vjen gjithmonë ai çast i mërzitshëm, kur njerëzit fillojnë e besojnë te mashtrimi; fillojnë e besojnë se gjërat e vërteta janë ashtu si duken, ashtu si u serviren. Dhe pushojnë së menduari, sepse të menduarit shndërrohet në një kompleks psikologjik që rrezikon të diskriminojë qënien përballë shumicës së manipuluar. Në këtë çast njeriu dorëzohet dhe braktis çdo përpjekje për të depërtuar në thellësi. I tillë është efekti i propagandës.

Epidemia e konferencave po përhapet kudo në prag të integrimit, rreth kullave të reja të kryeqytetit, ky tryezat e rrumbullakëta të antikorrupsionit po shndërrohen në tribuna propagande që fshehin korrupsionin. Qëllimi nuk është transparenca, debati mbi qeverisjen, shpenzimet, abuzimet, por që të na bindin se flitet për to pa përmendur asgjë prej tyre.

Megjithatë, sado e sofistikuar makineria e “spining”, situata mbetet po aq shpresëdhënëse, sepse ne dimë dobësinë e tyre: fasadën; dimë mënyrën për ta rrëzuar, mënyrën për ta diskredituar atë; dimë si t’i shkundim njerëzit nga kënaqësia që prodhon opiumi i propagandës.

Por kjo nuk mjafton, nëse nuk reagohet publikisht; nëse nuk tregohet kurajo dhe guxim, të cilat nuk kanë çmim, ndaj dhe ata e kanë vështirë që t’i blejnë.

The post E ku ka më mirë se propaganda! appeared first on Citizens.al.

Parlamenti Evropian ka votuar në favor të heqjes së imunitetit parlamentar për eurodeputeten e Partisë Demokratike italiane (Pd), Alessandra Moretti, në kuadër të hetimeve për skandalin “Qatargate”. Me 497 vota pro, 139 kundër dhe 15 abstenime, salla plenare e Strasburgut miratoi vendimin e Komisionit Juridik të Parlamentit Evropian për heqjen e imunitetit të Moretti-t, të […]

The post Skandali “Qatargate”/ PE i heq imunitetin eurodeputetes italiane, Alessandra Moretti appeared first on BoldNews.al.

Bashkimi Europian po përpiqet të sigurojë financimin e nevojshëm për Ukrainën nëpërmjet aseteve ruse, por bisedimet duket se po bëhen gjithnjë e më të vështira.

Shefja e diplomacisë së bllokut, Kaja Kallas tha se po vazhdojnë diskutimet për një kredi dëmshpërblimesh, por ky skenar duket se nuk ka për të shkuar deri në fund.

Ministri i Jashtëm francez Jean Noel Barrot yha se udhëheqësit e bllokut do të marrin një vendim deri në fund të javës, por pengesat janë ende të shumta.

Belgjika, e cila mban më shumë se 193 miliardë euro para ruse, është pala më e shqetësuar dhe nuk pranon të japë dritën jeshile për planin nëse nuk ka garanci të forta se nuk do të ketë pasoja për të.

Të premten, vendet anëtare të unionit ranë dakord me shumicë të madhe për të ngrirë për një kohë të pacaktuar gati 210 miliardë euro asete ruse që mbahen në bankat europiane, kryesisht në Euroclear në Belgjikë.

Po ashtu siç kishte paralajmëruar Banka Qendrore e Rusisë e paditi Euroclear në një gjykatë në Moskë duke kërkuar 230 miliardë dollarë dëmshpërblim nga.

Zhvillimet e fundit nga Bashkimi Europian vijnë teksa këtë të hënë në Berlin mbahet raundi i radhës i bisedimeve mes Ukrainës dhe të dërguarve amerikanë Steve Witkoff dhe Jared Kushner.

Kancelari Merz, shefja e Komisionit Europian Ursula von der Leyen dhe shefi i NATO-s Mark Rutte janë krah Volodymyr Zelensky, i cili të dielën tha se vendi i tij është gati të bëjë kompromis dhe të heqë dorë nga NATO në këmbim të garancive të forta të sigurisë për t’i dhënë fund luftës.

Në një reagim pas kësaj deklarate, kremlini tha se kjo çështje është një nga gurët e themelit dhe subjekt i diskutimit të veçantë.

Presidenti rus Vladimir Putin ka kërkuar vazhdimisht që Ukraina të heqë dorë zyrtarisht nga përpjekja e saj për në NATO dhe të tërheqë trupat nga afërsisht 10 përqind e zonës lindore të Donbasit, të cilën Kievi ende e kontrollon.

Rusia ka thënë gjithashtu se Ukraina duhet të jetë një vend neutral dhe asnjë trupë e NATO nuk mund të vendoset në të.

TIRANË, 15 dhjetor /ATSH/ Kryeministri Edi Rama zhvilloi sot një takim me fermerë dhe sipërmarrës të sektorit bujqësor, duke theksuar rëndësinë e përgatitjes së projekteve dhe standardeve të cilësisë për t’iu përgjigjur kërkesave të Bashkimit Europian.

“Bashkimi Europian vjen si një bekim për të gjithë ata që janë të përgatitur, por vjen edhe si një mallkim për ata që nuk janë gati”, tha Rama.

“Kërkesa për standardet e sigurisë, kërkesa për cilësi, jo thjesht bëhet e pranishme në çdo hap, por shoqërohet me instrumente kontrolli shumë të rreptë që faktikisht të nxjerrin nga tregu”, shtoi Rama.

Ai shtoi se katër vitet e ardhshme janë të mjaftueshme për t’u përgatitur dhe për të hedhur hapa të tjerë përpara

“4 vjet janë të mjaftueshme për t’u përgatitur për atë ditë që ajo ditë t’ju gjejë gati. T’ju gjejë gati për të hedhur hapa të tjerë përpara. jo për t’u përballur me një furtunë që t’ju rrëzojë në tokë pasi nuk i përgjigjeni me standardet e duhura të cilësisë”, iu drejtua Rama fermerëve.

Kreu i qeverisë ftoi të gjithë fermerët që të jenë akoma më aktivë në kërkimin e më shumë mbështetjeje financiare.

Kryeministri nënvizoi gjithashtu rëndësinë e përdorimit të instrumenteve financiare ekzistuese, duke përmendur buxhetin e shtetit, Agjencinë për Zhvillim Bujqësor dhe Rural, linjën e kreditimit të Bankës së Shqipërisë, agrokreditin dhe Bankën Shqiptare të Zhvillimit.

“Mirëpo përsëri ndodhemi dhe nuk duhet të ndodhemi ende për një kohë të gjatë në atë situatën që nuk është më problemi tek paraja, është problemi tek projektet. Nuk është më problemi tek aftësia mbuluese me fonde e projekteve, por është problemi tek mungesa e projekteve. Nuk është më problemi tek vullneti dhe tek fuqia e qeverisë për të mbështetur rritjen e sipërmarrjes në bujqësi, por është problemi tek mungesa e i një sipërmarrjeje aktive në kërkim të fondeve me projektet e duhura dhe me formulat e duhura”, tha Rama.

Ai theksoi rëndësinë e bashkëpunimit me pushtetin vendor dhe universitetet.

“Bashkërisht qeveria, ministria e Bujqësisë dhe ju duhet t’i vendosim bashkitë në një presion pozitiv”, iu drejtua Rama fermerëve.

“Bashkitë duhet të jenë aty tek toka, me ata që punojnë tokën dhe që kanë nevojë për mbështetje, për të nxjerrë më shumë prej tokës për familjet e tyre dhe për ekonominë kombëtare”, tha Rama.

Në buxhetin 2026 parashikohen 16.3 miliardë lekë mbështetje të shtuar për bujqësinë, blegtorinë, peshkimin, agro-përpunimin dhe agroturizmin, për pensionin rural dhe për trajnimin e fermerëve në bashkëpunim me Universitetin Bujqësor të Tiranës.

/gj.m/j.p/

The post Rama me fermerët: Anëtarësimi në BE duhet t’ju gjejë me standardet e duhura të cilësisë appeared first on Agjencia Telegrafike Shqiptare.

Intervistë me Drejtoreshën e Qendrës për Ekselencën e Financave (CEF), Jana Repanšek

Shqipëria ndodhet në një fazë vendimtare të procesit të integrimit europian, ku cilësia e reformave, koordinimi institucional dhe planifikimi realist financiar po bëhen më të rëndësishme se kurrë.

Ndonëse vendi ka bërë përparime të dukshme në përafrimin me standardet e BE-së, institucionet europiane theksojnë se procesi i buxhetimit duhet të harmonizohet sistematikisht me koston reale dhe kohëzgjatjen e reformave në të gjitha ministritë, e jo vetëm në disa fusha pilote.

Kjo kërkon kapacitete të forta administrative, vlerësim më të saktë të politikave dhe mbi të gjitha, koordinim të qëndrueshëm ndërinstitucional.

Në këtë kontekst, një rol të rëndësishëm po luan Qendra për Ekselencën e Financave (Center of Excellence in Finance – CEF), organizatë ndërkombëtare e bazuar në Slloveni, që punon me ministri financash, banka qendrore dhe institucione të tjera publike në Europën Juglindore dhe Lindore.

Në Shqipëri, CEF bashkëpunon ngushtësisht me Ministrinë e Financave, Bankën e Shqipërisë dhe institucionet qendrore, duke përmirësuar kapacitetet e administratës publike, duke ndihmuar në standardizimin e reformave sipas kërkesave të BE-së dhe duke siguruar që angazhimet politike të përkthehen në rezultate konkrete për qytetarët.

Në një intervistë për “Monitor”, Drejtoresha e CEF, Jana Repanšek, analizon progresin e Shqipërisë, sfidat që mund të ngadalësojnë ritmin e reformave dhe hapat që vendi duhet të ndërmarrë në dy-tre vitet e ardhshme për të ruajtur momentum-in e negociatave me Bashkimin Europian.

Nga këndvështrimi juaj, si do ta vlerësonit progresin e Shqipërisë në avancimin e reformave të besueshme dhe të mirëkalkuluara, të harmonizuara me pritshmëritë e BE-së, veçanërisht në fusha si qeverisja fiskale, konkurrueshmëria dhe kapitali njerëzor?

Shqipëria ka kaluar me vendosmëri nga angazhimet e përgjithshme drejt reformave teknikisht të qëndrueshme, të mbështetura në analiza fiskale dhe të përafruara me standardet e BE-së.

Hapja e katër grupeve të negocimit tregon se vendi jo vetëm po harton reformat e duhura, por edhe po tregon një aftësi gjithnjë e më të madhe për t’i zbatuar ato në praktikë.

Investimet në forcimin e administratës publike – veçanërisht përmes programeve të trajnimit nga CEF, të fokusuara në hartimin dhe zbatimin e reformave strukturore prioritare të vendit – po japin qartësisht rezultat.

Paketa e Zgjerimit BE 2025 e njeh këtë momentum pozitiv, por njëkohësisht i kujton Shqipërisë se vijimësia në zbatim është thelbësore për të përputhur ambicien e saj për përmbylljen e negociatave deri në vitin 2027.

Shqipëria ka intensifikuar së fundmi punën për forcimin e menaxhimit të financave publike dhe përmirësimin e cilësisë së planifikimit të reformave. Cilat zhvillime do t’i veçonit si më domethënëset në këtë proces?

Përparimet më të rëndësishme janë ato që e bëjnë procesin e reformave të matshëm, të mbështetur financiarisht dhe të planifikuar në mënyrë realiste në kohë.

Mbështetja e vazhdueshme e CEF — veçanërisht përmes shkëmbimit të përvojave mes kolegëve dhe programeve të strukturuara të zhvillimit të kapaciteteve — u ka mundësuar ekipeve institucionale të integrojnë udhëzimet e përafruara me BE-në në punën e tyre të përditshme. Së bashku, këto ndryshime u përgjigjen drejtpërdrejt kërkesës së BE-së për reforma të mbështetura fort në një proces të besueshëm buxhetimi afatmesëm.

Ne e kemi mbështetur Shqipërinë në hartimin e Agjendës së Reformave, në vlerësimin e ndikimit ekonomik të reformave dhe kemi asistuar SASPAC në ngritjen e një grupi ndërinstitucional pune me qëllim monitorimin efektiv të zbatimit të tyre.

Po ashtu, kemi trajnuar me sukses një grup audituesish të sektorit publik, të cilët tashmë mbajnë certifikime të njohura ndërkombëtarisht.

Për të forcuar më tej infrastrukturën e qeverisjes, kemi punuar edhe me Bankën e Shqipërisë për çështje të rregullimit dhe mbikëqyrjes bankare, veçanërisht në fushën e digjitalizimit.

Sa e përgatitur është sot Shqipëria për të garantuar mbikëqyrje të fortë të brendshme në institucionet e saj publike?

Shqipëria është dukshëm më e përgatitur se në vitet e mëparshme. Kapacitetet në auditimin e brendshëm po përmirësohen si në cilësi, ashtu edhe në profesionalizëm.

Vitin e kaluar përfunduam një trajnim gati dyvjeçar për audituesit e sektorit publik, që përfshiu edhe detyra praktike në vendin e punës, si dhe përditësimin e metodologjive të auditimit, duke lehtësuar integrimin e standardeve ndërkombëtare. BE-ja e njeh progresin e bërë në ngritjen e institucioneve të mbikëqyrjes, veçanërisht pas reformave në drejtësi.

Megjithatë, niveli i përgatitjes nuk është ende i njëtrajtshëm në të gjitha institucionet publike. Hapi i radhës është që këto përmirësime të shndërrohen në praktika të institucionalizuara, të zbatueshme në të gjithë sistemin dhe të pavarura nga ciklet politike.

Cilat i shikoni si rreziqet më të mëdha që mund të ngadalësojnë ritmin e reformave në Shqipëri?

Rreziqet kryesore lidhen me kapacitetin e pabarabartë administrativ, koordinimin e dobët ndërmjet institucioneve dhe boshllëqet midis ambicies së reformave dhe zbatimit të tyre në praktikë.

Përparimi mund të ngadalësohet gjithashtu nga mënyrat e ndryshme të përllogaritjes së kostove të reformave, cilësia ende e kufizuar e të dhënave dhe sfida për t’i shndërruar reformat në struktura ligjore dhe administrative të qëndrueshme.

Vlerësimi i BE-së për vitin 2025 nënvizon se, në mungesë të një koordinimi më të mirë dhe një dialogu politik vërtet gjithëpërfshirës, Shqipëria mund të hasë vonesa në përmbushjen e kërkesave kryesore të grupit themelor të negociatave.

Këto sfida janë reflektuar edhe në diskutimet rajonale të ndërmjetësuara nga CEF, ku qeveritë theksojnë në mënyrë të vazhdueshme se pengesa kryesore nuk është ambicia, por kapaciteti për të çuar reformat deri në fund.

Sfidat

Vlerësimi i BE-së për vitin 2025 nënvizon se, në mungesë të një koordinimi më të mirë dhe një dialogu politik vërtet gjithëpërfshirës, Shqipëria mund të hasë vonesa në përmbushjen e kërkesave kryesore të grupit themelor të negociatave. Këto sfida janë reflektuar edhe në diskutimet rajonale të ndërmjetësuara nga CEF, ku qeveritë theksojnë në mënyrë të vazhdueshme se pengesa kryesore nuk është ambicia, por kapaciteti për të çuar reformat deri në fund.

Si e vlerësoni punën e Shqipërisë për të integruar më mirë masat e reformave në buxhetin kombëtar? Sa e suksesshme ka qenë në lidhjen e ambicieve politike me planifikimin financiar realist dhe zbatimin?

Shqipëria është në rrugën e duhur dhe po përmirësohet në mënyrë të qëndrueshme. Masat e reformave po vlerësohen gjithnjë e më mirë në aspektin financiar, po prioritarizohen më qartë dhe po përfshihen në kuadrin afatmesëm buxhetor në mënyra që pasqyrojnë pritshmëritë e BE-së.

Përmbushja e pjesshme e Agjendës së Reformave të Planit të Rritjes dhe disbursimet përkatëse nga BE-ja tregojnë se Shqipëria është në gjendje t’i lidhë angazhimet politike me financimin.

Megjithatë, për të arritur besueshmëri të plotë, procesi i buxhetimit duhet të harmonizohet sistematikisht me koston reale dhe kohëzgjatjen e reformave në të gjitha ministritë, jo vetëm në fushat pilote.

Si i vlerësoni reformat që po ndjek Shqipëria në lidhje me tranzicionin e gjelbër, transformimin digjital dhe rritjen e konkurrueshmërisë? Cila nga këto fusha, sipas jush, ofron potencialin më të madh për përshpejtim të progresit?

Nga këndvështrimi i CEF, secila prej këtyre fushave të reformës —transformimi digjital, tranzicioni i gjelbër dhe konkurrueshmëria —kërkon kapacitete të forta institucionale për të kaluar nga planet në rezultate konkrete. Ajo që shohim më qartë janë segmentet ku ndërtimi i kapaciteteve shtesë do të ketë ndikimin më të madh.

Transformimi digjital ofron mundësi të mëdha, por vetëm nëse institucionet forcojnë qeverisjen e të dhënave, ndërveprueshmërinë dhe aftësitë e koordinimit.

Tranzicioni i gjelbër kërkon ekspertizë më të thelluar në buxhetimin e gjelbër dhe vlerësimin e rreziqeve klimatike, ndërsa reformat për konkurrueshmërinë varen nga aftësi më të forta analitike dhe monitoruese.

Në vend që të gjykojmë se cila fushë mund të avancojë më shpejt, fokusi ynë është t’i ndihmojmë institucionet shqiptare të ndërtojnë aftësitë, sistemet dhe bashkëpunimin e nevojshëm për të arritur progres të qëndrueshëm dhe të përputhur me standardet e BE-së në të tria objektivat.

Institucionet e BE-së po i kushtojnë gjithnjë e më shumë rëndësi reformave që sjellin rezultate të prekshme për qytetarët. Në rastin e Shqipërisë, cilat përmirësime konkrete shihni që po shfaqen tashmë, ose që mund të ndihen së shpejti?

Qytetarët tashmë po përjetojnë shërbime publike digjitale më të mira dhe sisteme pagesash më të shpejta e më të besueshme, si rezultat i reformave në sektorin financiar.

Përmirësimi i vlerësimit të kostove të reformave dhe proceset më të besueshme të buxhetimit po ulin numrin e projekteve të bllokuara dhe po garantojnë shërbime publike më të qëndrueshme.

Ndërsa kuadri i financimeve të gjelbra konsolidohet, familjet dhe bizneset pritet të përfitojnë nga programe të reja për eficiencën e energjisë dhe produkte financiare më miqësore me mjedisin.

Këto janë shenjat e para të “Integrimit gradual në Tregun e Vetëm Europian”, të cilin BE-ja e thekson vazhdimisht si objektiv.

Duke parë përpara, ku mendoni se Shqipëria duhet t’i përqendrojë përpjekjet e saj reformuese në dy apo tre vitet e ardhshme për të avancuar në mënyrë domethënëse drejt integrimit në BE?

Forcimi i koordinimit ndërinstitucional dhe nxitja e një dialogu politik më gjithëpërfshirës do të jenë thelbësore për të ruajtur ritmin e reformave.

Në rolin tonë si qendër rajonale trajnimi për zyrtarët e financave publike, CEF mund të vazhdojë të ofrojë bashkëpunimin e strukturuar dhe shkëmbimin e përvojave që i nevojitet Shqipërisë për të avancuar me qëndrueshmëri në klasterin e themeleve dhe për të mbajtur në fokus objektivin e përmbylljes së negociatave deri në fund të vitit 2027.

The post Integrimi në BE kërkon disiplinë financiare appeared first on Revista Monitor.

Mbi një vit pas sulmit terrorist në kanalin e Ibër-Lepencit, e mbi dy vite pas sulmit terrorist në Banjskë, faktori ndërkombëtar përpos deklaratave publike, nuk e ka ndërmarrë asnjë masë ndëshkuese a sanksionuese ndaj Serbisë. Analist ndërkombëtar dhe të Rajonit vlerësojnë se rreziku që Serbia paraqet ndaj Kosovës është shumë i madh mund të kthehet në konflikt të pashmangshëm, nëse ndërkombëtarët nuk veprojnë e nëse politika kosovare përçahet e nuk arrin ta mposht propagandën serbe.

Jovan Viqentijeviq, njëri nga të akuzuarit për sulmin terrorist në kanalin e Ibër-Lepencit, ka thënë se 120 veta kanë marrë pjesë në trajnim në njërin nga poligonet më të njohura stërvitore ushtarake në Serbi.

Edhe për sulmin terrorist në Basnjskë të Zveçanit më 24 shtator 2023, edhe aktakuza por edhe faktet që janë prezantuar nga Policia e Kosovës tregojnë qartë përfshirjen shtetërore të Serbisë, në furnizim, trajnim dhe organizim të sulmit.

Përkundër se faktet janë publike e madje ndërkombëtarët kanë ndihmuar në gjetjen e tyre, deri më tani nuk ka pasur reagime, përpos deklaratave pas Banjskës që mbetën vetëm të tilla, deklarative.

TV Dukagjini ka kërkuar të ketë një qëndrim nga Ambasada amerikane, britanike, gjermane e franceze në Kosovë.

Përpos nga ambasada gjermane, të tjerat përfaqësi dipolmatike nuk e kanë komentuar këtë çështje.

“Ne po i ndjekim nga afër zhvillimet dhe presim që autoritetet serbe të bashkëpunojnë plotësisht me homologët e tyre kosovarë, në përputhje me Marrëveshjen për Ndihmë të Ndërsjellë Juridike. Megjithatë, Ambasada Gjermane nuk komenton mbi gjyqet në zhvillim”, u tha nga Ambasada e Gjermanisë në Kosovë.

Edhe nga Bashkimi Europian kanë zgjedhur të heshtin përballë fakteve që e dëshmojnë përfshirjen e Serbisë në sulmet terroriste ndaj Kosovës.

Prapa gjithë këtyre sulmeve sipas profesorëve ndërkombëtar qëndron pushteti i Vuçiqit i cili që nga viti 2012, përpos që e ka kapur shtetin e pushtetin, ka pasur edhe një qëllim tjetër, ndarjen e Bosnjës dhe shkatërrimin e pavarësisë së Kosovës.

Aidan Hehir, profesor në universitetin publik në Londër, “Westminster University”, vlerëson se armatimi në Kosovë me origjinë nga Beogradi, ka ardhur bashkë me propagandën e Vuçiqit se kinse ndaj serbëve në Kosovë po kryhet spastrim etnik.

“Qëllimi është i qartë: të shkaktojnë trazira, të krijojnë një krizë që përfshin konflikte të hapura mes serbëve të Kosovës dhe forcave të sigurisë së Kosovës, dhe pastaj të dërgojnë trupat serbe për të “rivendosur rendin”. Vuçiq po kopjon thelbësisht taktikat e përdorura nga Millosheviqi në vitet 1980 dhe gjithashtu nga udhëheqësi i tij shpirtëror, Putini, në Ukrainë”, tha Hehir.

Hehir thotë se komuniteti ndërkombëtar në vend se t’i luftojë këto veprime të Serbisë, i ka mbyllur sytë duke e ndjekur politikën e pajtimit, për të cilën historia tregon se nuk funksionon, duke i dhënë hapësirë një konflikti që mund të jetë i pashmangshëm.

“Në veçanti, populli i Kosovës duhet të zgjohet ndaj realitetit se KFOR-i ka qëndruar duarkryq ndërsa Serbia ka kontrabanduar armë në Kosovë për vite me radhë, ka mbështetur aktivisht ata që janë përfshirë në aktivitete terroriste brenda Kosovës dhe gjithashtu ka hyrë ilegalisht në territorin e Kosovës disa herë gjatë pesë viteve të fundit”.

“Supozimi se KFOR-i është efektiv dhe i përkushtuar në mbrojtjen e Kosovës duhet, pra, të vihet në pikëpyetje, dhe KFOR-i duhet të mbahet përgjegjës për dështimet e tij deri tani. Është thelbësore që politika e KFOR-it, që thjeshtë të vëzhgojë dhe raportojë për sjelljen e Serbisë, të zëvendësohet me një angazhim shumë më aktiv dhe me publikimin e vlerësimeve transparente për mënyrën se si milicitë serbe u armatosën dhe rolin e Serbisë në mbështetjen e terrorizmit brenda Kosovës”, u shpreh ai.

Ashtu sikurse Hehir edhe njëri ndër njohësit më të mirë të politikës Rajonale dhe asaj në Serbi, Ben Andoni porosit që përçarja në Kosovë të zhduket nga skena politike, në mënyrë që të luftohet propaganda serbe.

“Nuk kanë për të qenë radikal asnjëherë ndaj Serbisë, ky është iluzion i yni, për arsyen e vetme se Serbia ka konjukturat shumë më të mëdha se shqiptarët në BE, por neve i bëjmë një shërbim të madh Serbisë kur jemi kaq shumë të përqarë, i vetmi moment për ne për shkak sepse siguria kombëtare e Kosovës është e rrezikuar në çdo moment është që faktori politik kur është puna për Kosovën të ketë narracion të përbashkët, sepse ma besoni këtë autoritet e Brukselit janë gati të gjejnë çdo lloj elementi për të sformuar gjithçka që bën Serbia”, u shpreh Andoni.

Andoni thotë se autoritetet ndërkombëtare vlerësojnë se e kanë kryer punën e tyre në momentin që terroristët në Banjskë janë detyruar të tërhiqen dhe e dyta ata e kanë për synim qetësimin e Serbisë përballë problemeve të mëdha që ajo paraqet, në vend të demokratizimit të saj.

Sipas tij pritjet për presion dhe ndëshkim të ndërkombëtarëve ndaj Serbisë për përfshirje terroriste në Kosovë, janë iluzione e jo realitet./Tv Dukagjini/

TIRANË, 12 dhjetor /ATSH/ – Kryetari i Kuvendit, Niko Peleshi, priti sot në një takim delegacionin e Grupit të Miqësisë së Parlamentit të Polonisë, duke e cilësuar Varshavën një partner të qëndrueshëm dhe të rëndësishëm në procesin e integrimit europian të Shqipërisë.

“Polonia ka qenë dhe mbetet një mbështetëse e palëkundur e Shqipërisë në rrugëtimin drejt Bashkimit Europian”, u shpreh Peleshi, duke theksuar vlerën e përvojës polake në procesin e negociatave dhe gatishmërinë për të thelluar bashkëpunimin parlamentar dhe dypalësh.

Kreu i Kuvendit nënvizoi se rajoni i Ballkanit Perëndimor “ka nevojë për më shumë zhvillim, siguri dhe paqe, si dhe për integrim të plotë europian”, objektiva që, sipas tij, ndahen plotësisht edhe me Poloninë.

Në qendër të bisedës ishte edhe kontributi i përbashkët i Shqipërisë dhe Polonisë për mbrojtjen e lirisë dhe përpjekjet ndërkombëtare për vendosjen e paqes në Ukrainë.

/gj.m/a.f/r.e/

The post Peleshi: Polonia, partner i rëndësishëm në rrugën europiane të Shqipërisë appeared first on Agjencia Telegrafike Shqiptare.

TIRANË, 11 dhjetor /ATSH/ Ministrja për Europën dhe Punët e Jashtme, Elisa Spiropali zhvilloi një takim në Tiranë me Cristina Gherasimov, zëvendësekryeministre për Çështjet Europiane të Moldavisë.

Në fokus të takimit ishte procesi i zgjerimit të Bashkimit Europian dhe orientimi proeuropian i të dy vendeve.

Spiropali tha se Shqipëria dhe Moldavia bashkëndajnë të njëjtat vlera dhe të njëjtin vizion për të ardhmen europiane.

Ajo theksoi se zgjerimi i BE-së mbetet një instrument kyç për sigurinë dhe paqen në kontinent.

“Shqipëria beson se zgjerimi i BE është një nga mjetet më efikase për siguri dhe paqe në Europë. Ashtu si për Ballkanin Perëndimor, ne mbështesim anëtarësimin e plotë të Moldavisë dhe Ukrainës në BE”, u shpreh Spiropali.

Ministrja vlerësoi gjithashtu vendosmërinë dhe sakrificën e qeverisë dhe popullit të Moldavisë për t’i rezistuar influencave të jashtme, presioneve dhe fushatave të dezinformimit, duke theksuar se Moldavia ka treguar qartësisht zgjedhjen e saj për të qenë pjesë e familjes europiane.

“Duke vlerësuar sakrificën e jashtëzakonshme dhe vendosmërinë e qeverisë dhe popullit të Moldavisë për t’i rezistuar influencave malinje, presionit, fushatave të dezinformimit, për një vend të lirë, demokratik, në familjen europiane”, theksoi Spiropali.

Takimi u zhvillua në kuadër të intensifikimit të bashkëpunimit mes Shqipërisë dhe Moldavisë dhe mbështetjes së përbashkët për integrimin europian të vendeve që ndajnë të njëjtat aspirata demokratike.

/gj.m/r.e/a.f/

The post Spiropali pret zv.kryeministren e Moldavisë: Zgjerimi i BE-së, kyç për sigurinë dhe paqen appeared first on Agjencia Telegrafike Shqiptare.

TIRANË, 9 dhjetor /ATSH/ Kuvendi i Shqipërisë, Këshilli Kombëtar i Integrimit Europian, ka organizuar një vizitë studimore 3-ditore për 14 përfaqësues të stafeve të parlamenteve të Ukrainës, Moldavisë dhe Armenisë. Ky aktivitet është pjesë e projekteve rajonale “Bashkëpunimi Rajonal për Integrimin në BE” dhe “Fondi Rajonal i Partneritetit Lindor për Administratën Publike III” të GIZ, dhe ka si qëllim forcimin e bashkëpunimit ndërparlamentar në rrugëtimin e përbashkët drejt integrimit të këtyre vendeve në Bashkimin Evropian.

Takimi u hap nga Sekretari i Përgjithshëm i Kuvendit, Genci Gjonçaj, i cili pasi u uroi mirëseardhjen të pranishmëve, i njohu me rolin kyç që ka Kuvendi në procesin e integrimit europian të vendit.

Gjonçaj theksoi se Parlamenti është vendi ku ndërtohet konsensusi politik për procesin e integrimit europian dhe përmendi masat e marra për forcimin e kapaciteteve të burimeve njerëzore të Administratës dhe vuri në dukje angazhimin e Kuvendit për të garantuar një proces sa më transparentë dhe cilësorë të përafrimit të legjislacionit shqiptar me “acquis” të Bashkimit Europian. Ai e vlerësoi aktivitetin si një mundësi të shkëlqyer për shkëmbimin e përvojave dhe forcimin e bashkëpunimit ndërparlamentar në kuadër të integrimit europian. Ai theksoi se të gjitha vendet duhet ta kuptojnë integrimin europian si një proces transformues të vendit.

Një nga momentet kyçe të takimit ishte paneli “Roli i Parlamentit në procesin e integrimit europian”, ku nënkryetari i Këshillit Kombëtar të Integrimit Europian, Taulant Balla, prezantoi punën e bërë për hapjen e të gjithë grupkapitujve të negociatave me Bashkimin Europian dhe nënvizoi se anëtarësimi në familjen europiane është një objektiv strategjik dhe një angazhim kombëtar, i mbështetur nga shumica e qytetarëve shqiptarë.

Balla njohu të ftuarit me masat e marra për përmirësimin e legjislacionit dhe përgatitjen e strukturave të Kuvendit për të mbështetur procesin e integrimit, si dhe u ndal në ndryshimet ligjore të fundit që kanë përmirësuar procesin e mbikëqyrjes parlamentare të negociatave dhe përafrimin e legjislacionit me “acquis” të BE-së.

Balla u shpreh se Kuvendi i Shqipërisë ka luajtur një rol kyç në këtë proces, duke miratuar një ligj të veçantë për rregullimin e rolit të tij në integrimin evropian që nga viti 2015, si dhe theksoi angazhimin e Shqipërisë për të përfunduar procesin e negociatave brenda vitit 2027, duke mbajtur ritmin e reformave, siguruar miratimin e legjislacionit të përafruar me standardet e BE dhe garantuar angazhimin e Kuvendit për të mbikëqyrur dhe monitoruar çdo hap të këtij procesi. Ai theksoni se Shqipëria është tërësisht e linjëzuar me politikën e jashtme të Bashkimit Europian.

Gjatë ditës së parë të vizitës, stafi i Kuvendit të Shqipërisë prezantoi përvojën e tyre dhe ndryshimet që ka pësuar roli i Kuvendit në procesin e integrimit europian, përgjegjësitë e organeve si Komisioni për Europën dhe Punët e Jashtme si dhe Këshilli Kombëtar i Integrimit Europian, Komiteti Parlamentar i Stabilizim Asociimit, përafrimin e legjislacionit europian, dhënien e mendimeve për pozicionet negocuiese. Pjesëmarrësit diskutuan gjithashtu mbi procesin legjislativ në parlament dhe instrumentet e bashkëpunimit midis legjislativit dhe ekzekutivit, duke ndarë përvojat dhe praktikat më të mira të vendeve të tyre.

1 nga 19

/m.q/j.p/

The post KKIE, vizitë studimore për përfaqësuesit e parlamenteve të Ukrainës, Moldavisë dhe Armenisë appeared first on Agjencia Telegrafike Shqiptare.

Raportuesi për Kosovën në Parlamentin Evropian, Riho Terras ndodhet në Prishtinë. Lajmi është bërë i ditur nga Shefi i Zyrës së BE-së Aivo Orav.

Orav shkruan në X se angazhimi i BE-së me Kosovën mbetet i fortë, me mundësi të reja përpara, përfshirë Planin e Rritjes.

“E mirëprita këtë mëngjes në Prishtinë Riho Terrasin, raportues për Kosovën në Parlamentin Evropian, para takimeve të tij me shumë bashkëbisedues. Angazhimi i BE-së me Kosovën, si në nivel lokal ashtu edhe nga Brukseli, mbetet i fortë si gjithmonë, me mundësi të reja në horizont, përfshirë Planin e Rritjes”-shkruan Orav

Takimin e parë Terres e ka patur me presidenten Osmani ku kjo e fundit theksoj se zgjedhjet lokale u zhvilluan në të lirë, të qetë dhe demokratike dhe se transferimi i pushtetit u bë në mënyrë paqësore.

Ndër të tjera bëhet e ditur se Osmani theksoi se, pavarësisht bashkëpunimit konstruktiv, vazhdimi i masave të BE-së ndaj Kosovës mbetet i pashpjegueshëm, i padrejtë dhe i paarsyeshëm.

Në këtë kontekst, e para e shtetit kërkoi mbështetjen e Terras për heqjen sa më të shpejtë të këtyre masave, duke rikujtuar se ato dëmtojnë qytetarët dhe minojnë besimin në procesin e integrimit, teksa Kosova ka përmbushur çdo kërkesë të paraqitur nga partnerët evropianë.

Sipas presidentes, heqja e masave do të ishte një sinjal i fuqishëm për qytetarët dhe një mesazh inkurajues për vazhdimin e reformave.

Bashkimi Europian ka treguar në mënyrë konstante mbështetje për integrimin e Kosovës por pengesat kanë ardhur nga politika e brendshme e Prishtinës zyrtare.

Ata kërkojnë një partner të besueshëm dhe të qëndrueshëm që të çojnë përpara bashkëpunimin dypalësh, përfshirë këtu edhe arritjen e objektivave që për Kosovën janë urgjente: heqjen e masave sanksionuese dhe lëvrimin e fondeve nga plani i Rritjes.

Mbërritja e Terres vjen vetëm pak ditë përpara samitit të radhës BE-Ballkani Perëndimor në 17 dhjetor në Bruksel.

Takimi i nivelit të lartë që bën bashkë liderët e rajonit me homologët europiane, mbahet për të katërtin vit radhazi, në prag të mbledhjes së fundit të këshillit europian për këtë vit.

Bashkimi Europian ka miratuar sot, 8 dhjetor, rregulloren e re për procedurat e emigracionit dhe listën e vendeve “të treta të sigurta”, duke hapur rrugën për zbatimin e politikave të reja të emigracionit që Italia pret t’i përdorë për të aktivizuar qendrën e pritjes dhe verifikimit të ngritura në Shqipëri.

Sipas medias italiane “La Repubblica”, ministri italian i Brendshëm, Matteo Piantedosi, i cili ndodhej në Bruksel për Këshillin e Çështjeve të Brendshme dhe Drejtësisë, deklaroi se miratimi i listës ka qenë kusht kyç për t’i propozuar qeverisë italiane ratifikimin e marrëveshjeve që do të lejojnë funksionimin e plotë të qendrave të emigrantëve në territorin shqiptar.

Sipas vendimit të BE-së, vendet që klasifikohen si të sigurta janë Bangladesh, Kolumbia, Egjipti, India, Kosova, Maroku dhe Tunisia.

Këta shtetas do t’i nënshtrohen procedurave të përshpejtuara të azilit, të cilat zakonisht përfundojnë me refuzim të kërkesës, përveç rasteve të veçanta. Gjithashtu nëse emigrantët kanë kaluar përmes një vendi të tretë të sigurt, aplikimi i tyre mund të shqyrtohet pikërisht në atë vend.

Vendimi favorizon Italinë, pasi shumica e mbërritjeve të fundit në brigjet italiane vijnë nga Bangladeshi dhe Egjipti, si dhe nga Tunizia.

Çfarë do të thotë “vend i tretë i sigurt”?

Rregullorja i lejon vendet anëtare të BE-së të shpallin një kërkesë azili të papranueshme kur kërkuesit kanë pasur mundësi të marrin mbrojtje në një vend tjetër të sigurt para se të hynin në BE.

Një vend konsiderohet i sigurt kur përqindja e dhënies së azilit për shtetasit e tij është më pak se 20%; ekziston një lidhje mes emigrantit dhe vendit të tretë; emigranti ka kaluar përmes atij vendi; ekziston një marrëveshje midis BE-së dhe vendit të tretë për shqyrtimin e kërkesave.

Megjithatë, këto rregulla nuk zbatohen për të miturit e pashoqëruar.

Komisioneri Europian për Migracionin, Magnus Brunner, tha se tashmë ekziston baza ligjore për ide “të reja dhe inovative” në menaxhimin e flukseve emigratore.

Ai përmendi vendet që tashmë po negociojnë marrëveshje të tilla si Holanda me Ugandën dhe Italia me Shqipërinë

“Do të ishte pozitive nëse disa vende bashkojnë forcat,” tha Brunner, duke theksuar se vendimmarrja finale i takon shteteve anëtare dhe vendeve të treta./RTSH

Bashkimi Europian do të përdorë satelitë me rezolucion të lartë dhe dronë të teknologjisë së fundit për të luftuar trafikun e drogës në kufijtë e tij.

Komisioni Europian prezantoi këtë të enjte planin e tyre të ri të veprimit dhe rregullat e reja për monitorimin e Substancave narkotike që qarkullojnë brenda unionit 27 anëtarësh.

Komisioneri i Çështjeve të Brendshme, Magnus Brunner, deklaroi se BE-ja nuk do të tolerojë rrjetet kriminale që furnizojnë qytetet me drogë te llojeve te ndryshme dhe nxisin akte dhune.

Plani do ti japë pritoritet bashkëpunimit mes doganave të vendeve anëtare dhe kompanive private të shpërndarjes së pakove të ndryshme për të rritur zbulimin e qarkullimit të drogerave të ndryshme. Europol do të forcojë mbikëqyrjen e tregjeve dixhitale dhe do të koordinojë hetimet ndërkufitare për çmontimin e rrjeteve kriminale.

Agjencia e Bashkimit Europian për Trafikimin e Drogës deklaroi  do të angazhohet për të zbuluar substancat e reja që qarkullojnë brenda unionit si dhe do të lëshojë paralajmërime të shpejta mbi rreziqet e drogërave sintetike. Roli më I rëndësishëm në planin e ri do të jetë ai i Frontex qe do të rrisë kontrollin e kufijve të jashtëm me pajisje moderne vëzhgimi, përfshirë dronë dhe satelitë.

Sipas Agjencisë se Bashkimit Europian për Trafikimin e Droges, kokaina mbetet droga më e shpërndarë në Europë, me 419 tonë të kapur në vitin 2023. Përdorimi i kokainës është rritur dhe 2.7 milionë të rinj europianë raportuan konsumimin e saj vitin e kaluar. Një sfidë e madhe janë edhe drogat sintetike, me rreth 500 laboratorë të paligjshëm që zbulohen çdo vit dhe që prodhojnë sasi të mëdha mbetjesh toksike.

Këshilli i BE-së dhe Parlamenti Europian kanë arritur një marrëveshje për rregulloren që parashikon eliminimin gradual të importeve të gazit natyror nga Rusia.

Rregullorja vendos një ndalim juridikisht të detyrueshëm për importet e gazit natyror të lëngshëm (GNL) dhe të gazit përmes gazsjellësve, me një ndalim total që do të hyjë në fuqi përkatësisht në fund të vitit 2026 për GNL-në dhe nga vjeshta e vitit 2027 për gazin e tubacioneve.

Marrëveshja duhet ende të ratifikohet nga të 27 vendet anëtare dhe nga seanca plenare e Parlamentit Europian.

“Më në fund, dhe përgjithmonë, po e mbyllim rubinetin e gazit rus. Nuk do të kthehemi kurrë më te varësia jonë e rrezikshme nga Rusia”, deklaroi komisioneri europian Dan Jorgensen.

Ndalimi do të zbatohet gjashtë javë pas hyrjes në fuqi të rregullores, me një qasje graduale në shuarjen e kontratave ekzistuese.

Afatet për ndërprerjen e kontratave

Kontratat afatshkurtra të nënshkruara para 17 qershorit 2025 duhet të ndërpriten më 25 prill 2026 për GNL-në dhe më 17 qershor 2026 për gazin nga gazsjellësit.

Kontratat afatgjata të GNL-së do t’i nënshtrohen ndalimit më 1 janar 2027, në përputhje me sanksionet e paketës së 19-të kundër Rusisë.

Kontratat afatgjata të gazit të tubacioneve do të ndalohen nga 30 shtatori 2027, me kusht që vendet anëtare të përmbushin objektivat e mbushjes së rezervave të gazit. Afati më i vonshëm i mundshëm është 1 nëntor 2027.

Sipas rregullores, shtetet anëtare do të duhet të paraqesin plane kombëtare të diversifikimit, duke përcaktuar hapat për ndërprerjen e energjisë ruse. Parashikohet gjithashtu një sistem autorizimi paraprak për importet e gazit, si rus, ashtu edhe jo rus, për të siguruar zbatimin korrekt të ndalimit.

Aktualisht, Sllovakia dhe Hungaria janë të vetmet vende të BE-së që vazhdojnë të importojnë naftë ruse, e cila përbën rreth 80% të importeve të tyre gjithsej të naftës së papërpunuar.

Marrëveshja përfshin sanksione për vendet që nuk respektojnë ndalimin, si dhe një klauzolë pezullimi në rast të një “kërcënimi për sigurinë e furnizimit energjetik” të një ose më shumë shteteve anëtare. Rregullorja do të rishikohet brenda dy vitesh nga hyrja e saj në fuqi.

“Sot është një ditë historike për Bashkimin Europian: shumë mendonin se nuk do të ishte e mundur, por ja që ndodhi. E kam ditur gjithmonë se do t’ia dilnim. Tani jemi gati të hapim bashkëpunime me partnerë të rinj e të besueshëm. Ky është vetëm fillimi i një suksesi të vërtetë europian”, deklaroi presidentja e Komisionit Europian, Ursula von der Leyen.

The post Këshilli i BE-së dhe Parlamenti Europian arrijnë marrëveshje për ndalimin gradual të importeve të gazit rus deri në vitin 2027 appeared first on Albeu.com.

TIRANË, 3 dhjetor /ATSH/ Kryetari i Partisë Demokratike, Sali Berisha deklaroi sot se PD ka vendosur të mbështesë kandidaturat e saj për Avokatin e Popullit, duke theksuar se grupi parlamentar do të bëjë të ditura emrat e kandidaturave që sipas partisë “e përmbushin më mirë këtë funksion”.

Në një konferencë për shtyp në selinë e PD-së, Berisha tha se firmat mund të jenë dhënë, por PD mbështet disa kandidatura, duke iu referuar kandidatëve që kanë mbledhur firmat e duhura për kandidatë për pozicionin e Avokatit të Popullit.

Sipas Berishës, sot në grupin parlamentar do të bëhen të ditur kandidatët të cilët e kryejnë më mirë atë detyrë.

I pyetur lidhur me listat e mbyllura për deputetë, Berisha tha se, listat e mbyllura nuk ishin më të mira, por sipas tij, ky sistem u imponua nga Edi Rama.

“Absolutisht nuk ishin kurrë më të mira, pa diskutim. Po ky sistem u imponua nga Edi Rama. Sistemi është deformuar në palcë në vitin 2021 nga Edi Rama. Nuk ka diskutim”, tha Berisha.

Berisha deklaroi gjithashtu se çdo aktivitet i zhvilluar jashtë forumeve të PD-së është strikt privat dhe nuk ka asnjë lidhje me partinë, duke iu referuar foltores që pritet të nisë Ervin Salianji ditën e sotme.

Berisha shtoi se PD është një parti me statut dhe institucione të qarta, dhe se debati dhe mbledhjet e forumeve janë në vazhdim, duke u hapur për të gjithë anëtarët dhe drejtuesit.

“Çdo person tjetër që për qëllime personale organizon takime, i ka ato totalisht në interesin e vet dhe nuk kanë asnjë lidhje me partinë”, përfundoi ai, duke theksuar se ky është një rregull i zakonshëm për partitë politike në botë.

/gj.m/j.p/r.e/

The post Takimet e Salianjit, Berisha: Çdo aktivitet jashtë forumeve, pa asnjë lidhje me PD-në appeared first on Agjencia Telegrafike Shqiptare.