TIRANË, 23 janar/ATSH/ Kryetari i grupit parlamentar të Partisë Socialiste dhe njëherësh drejtues politik për Diasporën, Taulant Balla, përshëndeti thirrjen për organizimin e samitit të IV të Diasporës Shqiptare, të cilin e cilësoi si një mundësi reale për të ndarë përvoja dhe ide me bashkatdhetarët shqiptarë në botë.

Përmes një postimi në rrjetet sociale, Balla thekson se Shqipëria ndodhet sot në nivelin më të lartë të përfaqësimit dhe dinjitetit të saj në arenën ndërkombëtare në 113 vite shtet, duke u shndërruar në një model stabiliteti dhe bashkëpunimi në Ballkanin Perëndimor.

“Shqipëria sot është anëtare e Bordit të Paqes, vend pritës i Samitit të NATO-s dhe në rrugë të sigurt drejt përmbylljes së negociatave për anëtarësim në Bashkimin Evropian brenda vitit 2027. Kjo është një arritje që i përket të gjithë shqiptarëve, kudo që ndodhen”, shprehet Balla.

Ai nënvizon se diaspora shqiptare ka një rol kyç në këto momente historike për vendin, duke e cilësuar Samitin IV si një hapësirë dialogu, bashkëpunimi dhe vizioni mes shqiptarëve në mbarë botën dhe institucioneve në Shqipëri.

“Sipas Ballës, Samiti i Diasporës është një mundësi reale për të ndarë ide, përvoja dhe për të forcuar lidhjet mes diasporës dhe shtetit shqiptar, në funksion të Shqipërisë evropiane dhe të së ardhmes së përbashkët,” thuhet në reagim.

Samiti IV i Diasporës Shqiptare, nën kujdesin e veçantë të Kryeministrit Edi Rama, pritet të mbledhë përfaqësues të komuniteteve shqiptare nga vende të ndryshme të botës, si dhe aktorë institucionalë, ekonomikë dhe shoqërorë nga Shqipëria.

/e.i/j.p/

The post Balla: Samiti i Diasporës, moment historik për bashkimin e shqiptarëve kudo në botë appeared first on Agjencia Telegrafike Shqiptare.

Pedro Sanchez deklaroi këtë mëngjes se Spanja nuk do t’i bashkohet Bordit të Paqes të presidentit amerikan, Donald Trump.

“E vlerësojmë ftesën, por e refuzojmë. Kjo e bëjmë kryesisht dhe në thelb për arsye të qëndrueshmërisë”, tha kryeministri spanjoll për gazetarët pas samitit të BE-së në Bruksel.

Ai shtoi se vendimi është në përputhje “me rendin multilateral, sistemin e Kombeve të Bashkuara dhe të drejtën ndërkombëtare”.

Kryeministri spanjoll gjithashtu theksoi se Bordi “nuk përfshin Administratën Palestineze”, raporton yahoonews.

— (@)

Trump të enjten formalizoi krijimin e Bordit në Forumin Ekonomik Botëror në Davos, duke nënshkruar statutin themelues së bashku me një grup të larmishëm vendesh.

Afro 60 qeveri u ftuan të bashkohen, por pak aleatë perëndimorë të Uashingtonit e kanë pranuar publikisht, dhe Hungaria dhe Bullgaria janë të vetmet shtete anëtare të Bashkimit Evropian që kanë nënshkruar deri tani. Ndër nënshkruesit e tjerë është edhe Kosova, e cila u përfaqësua nga presidentja Vjosa Osmani.

Trump fillimisht e konceptoi Bordin si një organ që do të mbikëqyrë rindërtimin e Rripit të Gazës pas luftës midis Izraelit dhe Hamasit.

Që atëherë ai ka propozuar që ambiciet e Bordit mund të zgjerohen për të adresuar konflikte dhe kriza në mbarë botën. Trump të enjten njoftoi gjithashtu bashkëpunimin midis Bordit dhe Kombeve të Bashkuara. /Telegrafi/

TIRANË, 23 janar /ATSH/ Ministrja për Evropën dhe Punët e Jashtme, Elisa Spiropali, po merr pjesë në Takimin e Ministrave të Jashtëm të Platformës për Paqe Ballkanike, me ftesë të homologut të saj, Ministrit të Jashtëm të Republikës së Turqisë, Hakan Fidan.

Platforma do të fokusohet në avancimin e bashkëpunimit rajonal për ndërlidhjen, zhvillimin ekonomik, sigurinë energjetike, integrimin europian, paqen rajonale.

Ministrja Spiropali njoftoi se “në cilësinë edhe të Anëtarit të Bordit Ekzekutiv të Paqes, kolegu Fidan prezantoi rëndësinë e këtij mekanizmi të ri të krijuar nga Presidenti Trump për ndërtimin e paqes së qëndrueshme në një kohë sfidash”.

Spiropali shtoi se “Shqipëria është gjithashtu gati për të marrë përgjegjësitë e saj si Anëtar Themelues i Bordit të Paqes”.

Bashkëpunimi me aleatët tanë strategjikë, Shtetet e Bashkuara të Amerikës dhe partnerë të tjerë, sipas Spiropalit, do të çelë një kapitull të ri në historinë e zgjidhjes së konflikteve ndërkombëtare.

Më herët Spiropali zhvilloi një takim me ministrin Fidan, për partneritetin strategjik në rritje mes Shqipërisë dhe Turqisë, që do të marrë një tjetër peshë me takimin e tretë të Këshillit të Nivelit të Lartë për bashkëpunimin ndërsektorial mes dy vendeve tona, përgjatë këtij viti.

/gj.m/a.f/r.e/

The post Spiropali nga Stambolli: Shqipëria gati për të marrë përgjegjësitë si Anëtare Themeluese e Bordit të Paqes appeared first on Agjencia Telegrafike Shqiptare.

Kryetari i Partisë Demokratike, Sali Berisha, ka komentuar mos praninë e kryeministrit Edi Rama në themelimin e Bordit të Paqes, nismë e ndërmarrë nga Presidenti i SHBA-ve, Donald Trump.

Një ditë më parë, Rama tha se nuk mori pjesë, pasi priti Ivanka Trump dhe këtë e bëri me leje të Presidentit Amerikan.

Sipas Berishës, ky është një mashtrim dhe se “Donald Trump e di që Rama është një “Ramaduro””.

Berisha iu referua deklaratës së Donald Trump, që tha se, “2-3 lidera nuk i ka qejf”, dhe sipas kreut të PD, njëri prej tyre është Edi Rama.

“Asnjë në botë nuk mund të besojë një mashtrim të tillë. Që unë të them këtë duhet të them që Presidenti amerikan përdor vizitën e vajzës për të shpëtuar prej tij për të mos e patur në zyrë. Por kjo nuk mund të ndodhë kurrë, ai ka respektin më të madh për vajzën e tij. Për Edi Ramën e kupton që është një Ramaduro i vërtetë dhe absolutisht, një aferë biznesi nuk ka asnjë lidhje me aktin madhor të themelimit të Bordit të Paqes. Rama u ndalua në atë sallë historike, nuk mund të ishte. E tregoi ai, e tha sinqerisht, 2-3 prej tyre nuk mund të jenë, nuk i honeps dot. Nga këta 2-3 njëri është Rama tjetrin e gjejmë më vonë”, tha Berisha.

The post Rama nuk mori pjesë në themelimin e Bordit të Paqes, Berisha: Trump e kupton që ai është “Ramaduro” appeared first on Albeu.com.

Në një intervistë në emisionin e mëngjesit Europe Today të Euronews, kryeministri grek, Kyriakos Mitsotakis kritikoi iniciativën “Bordi i Paqes” të presidentit të SHBA-së, Donald Trump. Ai gjithashtu shprehu lehtësim për uljen e tensioneve me SHBA-në për shkak të Grenlandës.

Sipas Mitsotakisit, pjesa më e madhe e Evropës nuk mund t’i bashkohet “Bordit të Paqes” të Trump, sepse kjo “shkon shumë përtej” mandatit të Këshillit të Sigurimit të OKB-së.

“Konsensusi është se ajo që është njoftuar nga Donald Trump shkon shumë përtej mandatit të Këshillit të Sigurimit të OKB-së”, tha Mitsotakis, një ditë pas pjesëmarrjes në një takim urgjent të Këshillit, i përqendruar në marrëdhëniet transatlantike.

“Mendoj se duhet të pranojmë se ecja përpara e asaj që është vendosur është diçka në të cilën shumica e vendeve evropiane nuk mund të bashkohen”, shtoi ai.

Pamje nga momenti i shtrëngimit të duarve mes Trump dhe Osmanit

Komentet e tij pasuan prezantimin zyrtar në Davos të iniciativës “Bordi i Paqes” të Trump, e cila ka për qëllim zgjidhjen e konflikteve në të gjithë botën. Projekti rrjedh nga plani i tij prej 20 pikash për armëpushimin në Gaza, i miratuar nga Këshilli i Sigurimit i OKB-së, por është zgjeruar shumë përtej mandatit fillestar.

Ai është kritikuar gjerësisht për krijimin e një strukture paralele me OKB-në, duke i dhënë Trump kompetenca joproporcionale dhe për ftesën e Rusisë.

Shumë aleatë evropianë, përfshirë Norvegjinë, Suedinë dhe Francën, kanë refuzuar pjesëmarrjen, ndërsa të tjerë, si Italia, kanë deklaruar se nuk do të bashkoheshin për momentin. Mitsotakis tha se SHBA-të duhet të përfshihen në rindërtimin e Gazës, por se plani duhet të jetë “vetëm për Gazën” dhe “vetëm për një kohë të kufizuar”.

Çka thuhet në dokumentin e Bordit të Paqes që e nënshkroi edhe Osmani në emër të Kosovës?

Më pak se 20 vende iu bashkuan iniciativës në një ceremoni nënshkrimi në Davos të enjten, shumë më pak se rreth 35 vendet që pritej më parë, sipas zyrtarëve të administratës Trump. Hungaria dhe Bullgaria ishin të vetmet vende evropiane që morën pjesë.

Lidhur me tensionet aktuale me SHBA-në për shkak të Grenlandës, Mitsotakis shprehu lehtësim pasi Trump u tërhoq papritmas nga kërcënimi për të pushtuar territorin e Arktikut, duke zgjedhur në vend të kësaj një marrëveshje afatgjatë mbi sigurinë e Arktikut, të ndërmjetësuar nga Sekretari i Përgjithshëm i NATO-s, Mark Rutte.

“Marrëdhënia transatlantike po bëhet më e ndërlikuar dhe duhet të menaxhohet në një mënyrë tjetër,” tha ai dhe shtoi se “BE-ja duhet të mbrojë interesat e veta”. /Telegrafi/

Presidenti i Shteteve të Bashkuara, Donald Trump, i ka tërhequr Kanadasë ftesën për t’iu bashkuar nismës së tij, Bordi i Paqes, e cila synon zgjidhjen e konflikteve botërore. Ky vendim i Trumpit erdhi pas fjalimit të kryeministrit të Kanadasë, Mark Carney, në Forumin Ekonomik Botëror në Davos, ku ai i kritikoi hapur shtetet e fuqishme, […]

The post Kritikat në Davos/ Trump i anulon ftesën Kanadasë për t’iu bashkuar Bordit të Paqes appeared first on BoldNews.al.

Analisti Andi Bushati dhe Baton Haxhiu, kanë debatuar në lidhje me Bordin e Paqes së Trump dhe faktin që në Shqipëri u propagandua si arritje e madhe, që vendi ynë u bë pjesë, duke ia faturuar si sukses Edi Ramës dhe lidershipit të tij. Të ftuar në emisionin “Të Paekspozuarit”, Bushati u shpreh fillimisht me […]

The post “U ekzaltove që Rama na ngriti kaq lart…”/ Bushati dhe Haxhiu përplasen për Bordin e Paqes: Nuk ka logjikë… appeared first on BoldNews.al.

Ekonomia e Kinës po përjeton një ngadalësim të ndjeshëm të rritjes ekonomike: Sipas të dhënave nga Byroja e Statistikave të Pekinit, produkti i brendshëm bruto (PBB) u rrit me 4.5% në tremujorin e fundit të vitit 2025, krahasuar me të njëjtën periudhë të vitit të kaluar. Kjo shënoi rritjen më të dobët tremujore për ekonominë e dytë më të madhe në botë që nga fundi i kufizimeve të rrepta të vendosura për shkak të pandemisë rreth tre vjet më parë. Në tre tremujorët e mëparshëm, rritja ishte më e lartë: përkatësisht 5.4%, 5.2% dhe 4.8%.

Për të gjithë vitin 2025, u regjistrua një rritje prej 5%. Kështu, u arrit objektivi i parashikuar nga qeveria kineze prej “rreth 5%”. Por në të njëjtën kohë, kjo është një nga normat më të ulëta vjetore të rritjes në dekadat e fudit.

Ekonomistët e shohin arsyen kryesisht në kërkesën e dobët të brendshme: tregu i ngushtë i punës dhe çmimet në rënie të pasurive të paluajtshme kanë një efekt depresiv tek konsumatorët. Investimet janë ngadalësuar gjithashtu.

Investimet në asete fikse ranë me 3.8% në vitin 2025 krahasuar me vitin e kaluar. Rënia në sektorin e pasurive të paluajtshme është veçanërisht e qartë: investimet në pasuri të paluajtshme ranë me 17.2%.

Kosova është një shtet i ri dhe i vogël, e jo fuqi ndërkombëtare. Pikërisht për këtë arsye, ajo ka nevojë të jetë e pranishme, e dukshme dhe aktive në sa më shumë ngjarje dhe forume ndërkombëtare.

Vëmendja ndërkombëtare nuk vjen vetvetiu; ajo ndërtohet përmes pranisë së vazhdueshme e pozicionimit të duhur diplomatik dhe angazhimit në temat globale.

Ngjarje si Forumi Ekonomik Botëror në Davos, ku marrin pjesë liderët më të fuqishëm të botës, përfshirë presidentin e Shteteve të Bashkuara të Amerikës, janë hapësira ku shtetet e vogla mund të përfitojnë dhe të ndërtojnë lidhje strategjike.

Në këtë kontekst duhet parë edhe pjesëmarrja si themeluese e Kosovës në Bordin e Paqes për Gazën të nënshkruar nga presidentja Vjosa Osmani.

Ky nuk është thjesht një akt formal apo simbolik, por një mundësi konkrete për ndërkombëtarizim, avancim diplomatik dhe rritje të peshës së saj në skenën globale. Sidomos kur ky forum zhvillohet nën një ndikim të qartë të Shteteve të Bashkuara, aleatit më të rëndësishëm strategjik të Kosovës.

Në këtë bord janë të përfaqësuara edhe një sërë shtetesh që ende nuk e kanë njohur Kosovën si shtet të pavarur, përfshirë Argjentinën, Kazakistanin, Armeninë, Azerbajxhanin, Marokun, Indonezinë, Uzbekistanin, Paraguajin dhe të tjera. Kjo e bën këtë platformë veçanërisht të rëndësishme, sepse krijon hapësirë për kontakte direkte, dialog politik dhe ndërtim besimi, elemente që shpesh mungojnë në diplomacinë klasike bilaterale.

Njohjet ndërkombëtare nuk vijnë si rezultat i një vendimi të vetëm apo i një fushate të shpejtë.

Ato ndërtohen gradualisht, përmes ekspozimit, bashkëpunimit dhe krijimit të perceptimit se një shtet është faktor stabiliteti dhe partner i besueshëm. Prania e Kosovës në forume të tilla kontribuon drejtpërdrejt në këtë proces.

Kosova ka interes strategjik të jetë pjesë e çdo forumi rajonal, evropian dhe global ku diskutohen çështje të paqes, sigurisë dhe stabilitetit ndërkombëtar. Një angazhim aktiv dhe konstruktiv në këto platforma e pozicionon atë si palë kontribuuese dhe jo thjesht si përfituese të rendit ndërkombëtar.

Po aq e rëndësishme është edhe rrethana politike në të cilën po ndodh kjo prani. Angazhimi i Kosovës në një forum të mbështetur dhe të ndikuar nga Shtetet e Bashkuara, përkon me një periudhë kur administrata amerikane, nën udhëheqjen e presidentit Donald Trump, pritet të mbetet në krye të politikës ekzekutive edhe për së paku tre vjet të tjerë. Kjo krijon një kanal afrimi politik dhe diplomatik me administratën aktuale amerikane, në një moment kur rreshtimi strategjik dhe besueshmëria kanë peshë konkrete në vendimmarrjen globale.

Ky është një pozicionim i drejtë i politikës së jashtme dhe një investim afatgjatë në interesin shtetëror të Kosovës dhe kështu duhet të veprohet edhe në hapat për integrim euro-atlantik edhe vendet tjera nga Bashkimi Evropian./Telegrafi/

Pas fjalimit në Forumin Ekonomik Botëror në Davos, presidenti amerikan, Donald Trump njoftoi se ka tërhequr ftesën për kryeministrin e Kanadasë, Mark Carney, për t’u bërë pjesë e “Bordit të Paqes”.

Lajmi u bë i ditur përmes një letre zyrtare drejtuar Carneyt, në të cilën Trump thekson se Bordi i Paqes ka vendosur të tërheqë ftesën për përfshirjen e Kanadasë në këtë forum.

“I nderuar kryeministri Carney, ju lutem le të shërbejë kjo letër si njoftim se Bordi i Paqes po e tërheq ftesën e bërë për ju lidhur me anëtarësimin e Kanadasë në atë që do të jetë Bordi më prestigjioz i liderëve i mbledhur ndonjëherë, në çdo kohë”, thuhet në letrën e Trumpit, të cilën e ka publikuar në rrjetet sociale.

Trump nuk dha detaje të mëtejshme mbi arsyet e këtij vendimi, ndërsa nga zyra e kryeministrit kanadez nuk pati reagim të menjëhershëm.

Ky zhvillim vjen në një kohë tensionesh politike dhe deklaratash të forta të Trump ndaj aleatëve tradicionalë të SHBA-së, veçanërisht në çështje të politikës së jashtme dhe sigurisë globale.

Kryeministri kanadez i përgjigjet Trumpit: Kanadaja nuk jeton falë SHBA-së

“Bordi i Paqes”, i promovuar nga Trump, është prezantuar si një platformë elitare që synon të mbledhë liderë botërorë për diskutime mbi paqen dhe stabilitetin ndërkombëtar.

Ndryshe, Kosova është një ndër shtetet themeluese të këtij bordi gjersa është përfaqësuar nga presidentja Vjosa Osmani. /Telegrafi/

TIRANË, 22 janar/ATSH/ Presidentja Vjosa Osmani u shpreh mbrëmjen e sotme pas nënshkrimit të Bordit të Paqes në Davos, ku ajo firmosi krah Trump dhe vendeve të tjera, në një moment që e quajti historik për Kosovën se SHBA-ja nuk i ka kërkuar asnjë kontribut financiar Kosovës ai anëtare.

Osmani tha në një intervistë në Top Channel se dita e sotme i jep mundësi vendit të saj të forcohet në arenën ndërkombëtare.

“Ne kemi marrë ftesën më 20 janar, dhe në momentin që e morëm ftesën për anëtarësim si anëtare themeluese për Bordin e Paqes, morëm edhe ftesën për të qenë në Davos për nënshkrim. Pas ftesës nga Trump për të qenë në mesin e nënshkruesve që udhëhiqet nga SHBA, udhëtuam për në Davos, por do të kthehemi pas mesnate. Është një ditë me peshë historike, për ne si shtet anëtarësimi në çdo organizatë ndërkombëtare ka rëndësi, për ne si shtet kjo i jep një peshë më të madhe historike fuqizimit të peshës sonë ndërkombëtare. Kjo na jep një mundësi që të jemi të barabartë mes kombeve të lira, mos të bllokohet potenciali i Kosovës”, u shpreh Osmani.

Osmani shtoi gjithashtu se është shumë e lumtur që Kosova do të jetë së bashku me Shqipërinë krah SHBA-së, një moment i cili ka një rëndësi edhe për faktorizimin e kombit shqiptar brenda një organizate të tillë.

“Për ne është shumë e rëndësishme që edhe Shqipëria është e ftuar, që do të qëndrojmë bashkë krah SHBA-së, ne mund të bashkëpunojmë dhe ta faktorizojmë edhe më shumë kombin shqiptar brenda një organizate të tillë”, tha Osmani.

E pyetur në intervistë, Osmani tha se kryeministri Rama ishte një ndër të parët të ftuar personalisht nga presidenti amerikan Donald Trump, por nuk e di arsyen e saktë se pse Rama nuk ishte i pranishëm në ceremoninë në Davos.

“Unë e di që kryeministri Rama ka qenë i ftuar sepse ka qenë një ndër të ftuarit e parë si shtet themelues. Dua ta falënderoj për bashkëpunimin që kemi pasur gjatë kësaj periudhe”, tha Presidentja e Kosovës.

The post Osmani: Do jemi bashkë me Shqipërinë krah SHBA-së në Bordin e Paqes appeared first on Agjencia Telegrafike Shqiptare.

Nga Boldnews.al Deliri dhe tallja për opozitën ishin dy element të cilët kryeministri Edi Rama jo vetëm i shfrytëzoi, por e çoi deri në fund për të denigruar një subjekt politik që lindi si shpresë në vigjilje të rënies së komunizmit dhe është kthyer në kushte mbijetese, e abonuar për një kohë të gjatë dhe […]

The post Opozita vetëofrohet për tu “kastruar” nga Rama! appeared first on BoldNews.al.

Gazetari, Ervis Iljazaj përmes një postimi në Facebook ka komentuar votimin e marrëveshjes për Bordin e Paqes në Kuvend, duke e cilësuar sjelljen e opozitës si qesharake. Ai shkruan se opozita votoi një marrëveshje që ende nuk është firmosur, duke e konsideruar këtë veprim në kundërshtim me Kushtetutën. Iljazaj shton se dokumenti mban emrin personal […]

The post Votoi marrëveshjen e Bordit të Paqes, Iljazaj: Opozita qesharake deri në dhimbje appeared first on BoldNews.al.

Kryetari i Partisë Demokratike, Sali Berisha, deklaroi se opozita ka votuar në parim marrëveshjen me Shtetet e Bashkuara të Amerikës për Bordin e Paqes, por nuk ka votuar emrin e kryeministrit Edi Rama. Gjatë një interviste në emisionin Opinion, Berisha sqaroi se qëndrimi i opozitës ka qenë në përputhje me interesin e Shqipërisë dhe me […]

The post Berisha: Opozita votoi marrëveshjen me SHBA, jo përfaqësimin e Ramës appeared first on BoldNews.al.

Zëdhënësja e presidentit amerikan, Donald Trump, Karoline Leavitt, njoftoi se, mes të tjerash, Belgjika e kishte pranuar ftesën e Shtëpisë së Bardhë për t’iu bashkuar Komitetit për Paqe, por pak më vonë nga Brukseli erdhi një përgënjeshtrim.

Zëvendëskryeministri dhe ministri i Punëve të Jashtme të Belgjikës, Maxime Prevot, shkroi në X se ky informacion nuk është i vërtetë.

“Belgjika nuk ka pranuar të nënshkruajë dokumentin themelues të Komitetit për Paqe; ky informacion është i pasaktë”, shkroi Prevot.

Ai shtoi se përgjigjja e Belgjikës do të jetë në përputhje me përgjigjen e përbashkët të vendeve evropiane.

— (@)

“Ne dëshirojmë një reagim të përbashkët dhe të koordinuar të Evropës. Ashtu si shumë vende të tjera evropiane, kemi disa rezerva ndaj këtij projekti”, tha më tej Prevot.

Ndërkohë, asnjë vend i Bashkimit Evropian, përveç Hungarisë, nuk e ka pranuar ende ftesën për t’iu bashkuar Komitetit për Paqe të Trumpit.

Nga ana tjetër, dy vende të BE-së, Franca dhe Sllovenia, e kanë refuzuar shprehimisht të jenë pjesë e këtij Komiteti për Paqe, të cilin Trump e ka konceptuar si një lloj zëvendësimi për Kombet e Bashkuara.

Përveç Hungarisë, aktualisht në Komitetin për Paqe bëjnë pjesë Bjellorusia, Izraeli, Turqia, Arabia Saudite, Katari, Egjipti, Emiratet e Bashkuara Arabe, Azerbajxhani, Armenia, Kosova, Maroku, Pakistani, Indonezia, Uzbekistani, Paraguai, Kazakistani, Bahreini, Jordania dhe Vietnami. /Telegrafi/

Presidentja e Kosovës, Vjosa Osmani ka folur mbrëmjen e sotme pas nënshkrimit të ‘Bordit të Paqes’ në Davos, ku ajo firmosi krah Trump dhe vendeve të tjera, në një moment që e quajti historik për Kosovën.

Në një lidhe direkte për Top Channel, nga Davosi presidentja e Kosovës Vjosa Osmani ndau detajet nga ceremonia e Bordit të Paqes si dhe foli për bisedën e saj me presidentin amerikan, Donald Trump.

E pyetur se çfarë u tha në bisedën që ajo pati me presidentin amerikan Donald Trump, Osmani tha se kreu i Shtëpisë së Bardhë i përcolli një mesazh për Kosovën dhe shtoi se ishte një bisedë shumë pozitive që nisi në samitin e OKB në shtator.

Sakaq Osmani sqaroi se pse e përfaqësoi ajo Kosovën dhe jo kryeministri, Albin Kurti duke shprehur se kushtetuta e Kosovës parasheh që politikën e jashtme e udhëheq presidenti, megjithatë ajo theksoi se aderimi i Kosovës në Bordin e Paqes ishte fitore edhe për të edhe për kryeministrin.

Patët një bisedë me presidentin Trump gjatë ceremonisë, çfarë u tha në atë bisedë?

Ishte një bisedë shumë pozitive për Kosovën dhe për qytetarët e saj, ka qenë një bisedë që ka filluar në samitin e OKB-në Nju Jork më 28 shtator.

Pse e përfaqësuat ju Kosovën dhe jo kryeministri Albin Kurti?

Sepse kështu e parasheh Kushtetuta e Kosovës, sepse tek ne presidentja e udhëheq politikën e jashtme, edhe kryeministri është këtu në Davos, por ne i kemi detyrat e ndara. Megjithatë, sukseset i kemi të përbashkëta.

Ishit e ulur pranë presidentit, si u përcaktua kjo dhe pse zgjodhët ngjyrën e kuqe në veshje?

Ishin rregulla të përcaktuara nga SHBA edhe e uljes dhe e nënshkrimit, çdo rregull protokolli është caktuar nga Shtëpia e Bardhë. Sa i përket ngjyrës së kuqe në veshje, është ngjyra ime e preferuar, një ngjyrë që e dua shumë.

Presidenti i Serbisë, Aleksandar Vuçiç, ka deklaruar se Bordi i Paqes, i iniciuar të enjten në Davos, ka thelluar ndarjet brenda Evropës dhe se perspektiva për të ardhmen mbetet e paqartë. Në një deklaratë për gazetarët në Davos, Vuçiç tha se shumë vende të Bashkimit Evropian ose nuk po marrin pjesë në këtë nismë, ose […]

The post Vuçiç: Bordi i Paqes po krijon përçarje brenda BE-së appeared first on BoldNews.al.

Presidentja e Republikës së Kosovës, Vjosa Osmani, është bërë njëra nga 19 nënshkruesit e Bordit të Paqes, një mekanizëm ndërkombëtar i themeluar me iniciativë të presidentit amerikan, Donald Trump, me synim rindërtimin dhe stabilizimin e Gazës pas luftës dyvjeçare shkatërrimtare.

Vetë Trump ka deklaruar se ky plan pritet të ketë “sukses të madh” në rikthimin e paqes dhe zhvillimit në rajon.

Pjesëmarrja e Kosovës në këtë Bord përfaqëson një moment të rëndësishëm diplomatik dhe politik, duke shënuar një fazë të re të angazhimit të saj në iniciativa globale për paqe, siguri dhe rindërtim pas konflikteve.

Që nga shpallja e pavarësisë në vitin 2008, Kosova ka pasur si prioritet strategjik forcimin e subjektivitetit të saj ndërkombëtar dhe anëtarësimin në organizata rajonale e globale.

Megjithë pengesat e vazhdueshme diplomatike, vendi ka ndërtuar një profil të qartë si shtet pro-perëndimor, i orientuar drejt paqes, demokracisë dhe bashkëpunimit ndërkombëtar.

Në këtë kontekst, përfshirja në Bordin e Paqes shihet si vazhdimësi logjike e këtij orientimi.

Kosova, si shtet që ka përjetuar luftë, shkatërrim dhe rindërtim me ndihmën e komunitetit ndërkombëtar, veçanërisht të Shteteve të Bashkuara, sjell në këtë Bord një përvojë unike dhe të besueshme.

Presidentja Osmani ka theksuar se marrëveshja për pjesëmarrjen e Kosovës në këtë Bord do t’i dërgohet Kuvendit të Kosovës për ratifikim, duke nënvizuar rëndësinë institucionale dhe kushtetuese të këtij angazhimi.

“Anëtarësimi në organizata ndërkombëtare të paqes e që udhëhiqen nga aleati ynë strategjik, fuqizon sovranitetin tonë, pozicionin tonë ndërkombëtar dhe është në interesin më të lartë të Republikës së Kosovës”, ka shkruar Osmani pas ceremonisë së nënshkrimit.

Përfshirja në një mekanizëm të udhëhequr nga SHBA-ja përforcon më tej lidhjen strategjike Kosovë–Shtetet e Bashkuara, një aleancë që ka qenë vendimtare për lirinë, pavarësinë dhe sigurinë e vendit.

Ceremonia e nënshkrimit është mbajtur në Davos të Zvicrës, në kuadër të takimeve të nivelit të lartë ndërkombëtar, duke i dhënë kësaj nisme peshë të veçantë politike dhe simbolike.

Përveç Kosovës, pjesë e Bordit të Paqes janë bërë edhe shtete nga rajone të ndryshme të botës, përfshirë Bahrejnin, Argjentinën, Armeninë, Azerbajxhanin, Belgjikën, Bullgarinë, Egjiptin, Hungarinë, Indonezinë, Jordaninë, Kazakistanin, Mongolinë, Pakistanin, Paraguain, Katarin, Arabinë Saudite, Turqinë, Emiratet e Bashkuara Arabe dhe Uzbekistanin.

Fakti që Kosova është ulur në të njëjtën tryezë me këto shtete, si palë e barabartë, përbën një dëshmi të rritjes së rolit të saj në arenën ndërkombëtare.

Pjesëmarrja e Kosovës në Bordin e Paqes ka edhe një dimension të fortë simbolik.

Një vend që dikur ishte objekt i ndërhyrjeve ndërkombëtare për paqe, sot po shndërrohet në kontribuues aktiv në ndërtimin e paqes globale.

Ky angazhim i ri forcon narrativën e Kosovës si shtet i përgjegjshëm, partner i besueshëm i Perëndimit dhe zë i legjitimuar në diskutimet ndërkombëtare për paqe, siguri dhe rindërtim pas konflikteve./Telegrafi.

Kosova është ndër 19 shtetet që të enjten nënshkruan pjesëmarrjen në Bordin e Paqes, një iniciativë e presidentit amerikan Donald Trump, gjatë një ceremonie në Davos, Zvicër.

Bordi i Paqes është një organ ndërkombëtar i ri, i krijuar për të mbikëqyrur zbatimin e planeve të paqes në zona të konfliktit, me fokus fillestar në Rripin e Gazës, raporton timesofisrael.

Ai përshkruhet si një “organ ndërkombëtar tranzitor” që synon rindërtimin e enklavës palestineze, me presidentin Trump në krye.

Osmani: Kosova nënshkruan Kartën e Bordit të Paqes, marrëveshja do të dërgohet në Kuvend për ratifikim

Krijimi i tij është mbështetur nga Këshilli i Sigurimit i Kombeve të Bashkuara përmes një rezolute të SHBA-së, duke i dhënë legjitimitet ndërkombëtar.

Sipas dokumentit të nënshkruar edhe nga presidentja Vjosa Osmani, Bordi i Paqes:

• Synon të promovojë stabilitet, të rivendosë qeverisje të besueshme dhe të sigurojë paqe të qëndrueshme në zonat e konfliktit.
• Do të ndërmarrë funksione të ndërtimit të paqes sipas së drejtës ndërkombëtare dhe do të zhvillojë praktika të mira që mund të zbatohen nga kombet dhe komunitetet që kërkojnë paqe.

Anëtarësia:

• Është e kufizuar në shtetet e ftuara nga kryetari dhe përfaqësohet nga presidenti ose kryeministri.
• Mandati standard është tre vjet, me mundësi rinovimi, përjashtuar shtetet që kontribuojnë mbi 1 miliard dollarë brenda vitit të parë.
• Anëtarët mund të tërhiqen me njoftim me shkrim dhe mund të riftohen më vonë.

Qeverisja e Bordit:

• Përbëhet nga shtetet anëtare dhe Bordi Ekzekutiv, që përfshin liderë botërorë.
• Mbledhjet për vendime organizohen të paktën një herë në vit, ndërsa Bordet Ekzekutive takohen çdo dy javë për tre muajt e parë dhe më pas çdo muaj.
• Vendimet merren me shumicë votash, me mundësi vetoje nga kryetari.

Pamje nga momenti i shtrëngimit të duarve mes Trump dhe Osmanit

Roli i kryetarit:

• Donald J. Trump është kryetar inaugurues dhe përfaqësues i SHBA-së.
• Ka autoritet ekskluziv për të krijuar, modifikuar ose shpërndarë subjekte ndihmëse dhe për të themeluar nënkomitete.
• Mund të caktojë pasues në rast dorëheqjeje ose paaftësie dhe të miratojë rezoluta për të zbatuar misionin e Bordit.

Financimi:

• Bazohet në kontribute vullnetare.
• Bordi ka të drejtë të hapë llogari dhe të krijojë mekanizma kontrolli për buxhetin dhe shpenzimet.

Zgjidhja e mosmarrëveshjeve dhe ndryshimet në Kartë:

• Mosmarrëveshjet zgjidhen nëpërmjet bashkëpunimit miqësor, me kryetarin si autoritet përfundimtar.
• Ndryshimet mund të propozojnë Bordi Ekzekutiv ose një e treta e shteteve anëtare dhe miratohen me shumicë dy të tretash dhe konfirmim nga kryetari.

Depozitimi dhe zyrtarizimi:

• Teksti origjinal dhe ndryshimet ruhen në SHBA dhe kopje u dorëzohen të gjithë nënshkruesve.
• Gjuha zyrtare është anglisht.
• Bordi mund të krijojë seli dhe zyra terreni dhe ka vulë zyrtare të miratuar nga kryetari.

Në thelb, Bordi i Paqes është një strukturë ndërkombëtare me kryetar të caktuar, me mandat të qartë, procedura të vendosura për qeverisje, anëtarësim, financim dhe zgjidhjen e mosmarrëveshjeve, që ka për qëllim të ndihmojë vendet në situata konflikti.

Ndryshe, Osmani ka deklaruar se marrëveshja do t’i dërgohet Kuvendit të Kosovës për ratifikim, në përputhje me Kushtetutën, për të marrë miratimin përfundimtar të përfaqësuesve të popullit. /Telegrafi/

TIRANË, 22 janar /ATSH/ Kryetari i grupit parlamentar të Partisë Socialiste, Taulant Balla, deklaroi në seancën e sotme plenare të Kuvendit, ku po shqyrtohet miratimi i projektligjit “Për ratifikimin e marrëveshjes së pranimit të Republikës së Shqipërisë, e përfaqësuar nga Kryeministri Edi Rama, në Kartën e Bordit të Paqes”, se kryeministri Edi Rama do të jetë në Shtëpinë e Bardhë, si mik i presidentit Donald Trump, për të firmosur autorizimin që do t’i japë sot Parlamenti.

Duke iu drejtuar deputetëve të opozitës, ai u shpreh se, “sipas porosisë, por edhe sipas vlerës dhe rëndësisë, kokën poshtë, dorën lart dhe votoni marrëveshjen”.

Duke iu drejtuar kryetarit të Partisë Demokratike, Sali Berisha, Balla tha se “ne, pa u zbardhur përgjegjësia jote sa i përket urdhrave për vrasjen e katër shqiptarëve më 21 Janar, kjo forcë politike nuk ka për t’u tërhequr kurrë. Këtë ngulite mirë në mendje”.

Balla theksoi se, “kjo nuk ka të bëjë thjesht dhe vetëm me katër dëshmorë apo me shumë të plagosur të tjerë, por ka të bëjë me një prej ngjarjeve më të rënda në historinë e këtij vendi, e cila erdhi, në fakt, si një ripërsëritje e një përpjekjeje tjetër tënden për të qëlluar mbi popullin: në vitin 1997, kur urdhërove avionët të qëllonin mbi popullin e Jugut, dhe në vitin 2011, kur urdhërove të qëllohej mbi popullin opozitar në shesh”.

/gj.m/a.f/r.e/

The post Balla – Berishës: Nuk tërhiqemi pa u zbardhur përgjegjësia jote për “21 Janarin” appeared first on Agjencia Telegrafike Shqiptare.